<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев Республика күні қарсаңында Ақордада бір топ азаматқа мемлекеттік наградалар мен сыйлықтар тапсырды.Президент, ең алдымен, салтанатты жиынға қатысушыларды еліміздің ең басты мейрамы – Республика күнімен құттықтады.<blockquote>– Бұл – қазақтың мемлекеттілік дәстүрі қайта жаңғырған тарихи күн. Көк түріктер дәуірінен, Алтын Орда, Қазақ хандығы заманынан келе жатқан елдігіміз тамырын тапқан күн. Бұл – Алаш арыстарының азаттық жолындағы арпалысы ақталған күн. Халқымызда «Егемен болмай, ел болмас» деген сөз бар. Осыдан 33 жыл бұрын тарихи әділдік орнады. Қазақстанның Мемлекеттік егемендігі туралы декларация қабылданды. Осы маңызды құжат жұртымыздың азаттық алуына жол ашты. Ақжолтай құжат жұртымыздың талап-тілегіне сай жазылды, отаншыл азаматтардың ақыл-парасатының арқасында қабылданды. Олардың сын сағаттағы батылдығын нағыз ерлік деп бағалауға болады. Біз қазір Әділетті Қазақстанды құрып жатырмыз. Сондықтан өткен заманның қайраткерлеріне, олардың еңбегіне лайықты, әділетті баға беріп отыруымыз керек, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135888_KZ2_0191_2.jpg">Қасым-Жомарт Тоқаев еліміздің жетістіктері туралы айта келе, адам капиталын жақсартуға бағытталған оң өзгерістерге назар аударды.<blockquote>– Көп ұзамай халқымыздың саны 20 миллионға жетеді. Бұл еліміздің тұрақты дамуының айқын көрінісі деуге болады. Бір сөзбен айтқанда, азаматтарымыз өз ұрпағының жарқын болашағына және еліміздің ертеңіне сеніммен қарайды. «Ұлттық қор – балаларға» бастамасын жүзеге асыру үшін тиісті заң қабылданды. Небәрі екі айдан кейін балаларымыздың есеп-шотына қаржы түсе бастайды, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135906_KZ2_0342_2.jpg">Президент аймақтарды жан-жақты дамыту мәселесін мемлекеттік саясаттағы маңызды бағыттың бірі ретінде атап өтті.<blockquote>– «Қуатты аймақтар – қуатты мемлекет» дегеніміз – жалаң ұран емес. Бұл – Әділетті Қазақстанды құруға қажетті ең басты қағидат. Біз былтыр еліміздің әкімшілік-аумақтық құрылымына бірқатар өзгеріс енгіздік. Сол арқылы кейбір облыстың дамуына тың серпін бердік. Менің тапсырмаммен ауыл-аймақты дамыту тұжырымдамасы қабылданды. Бұл құжаттың мән-маңызы зор. Аймақтарда әлеуметтік, инженерлік және көлік инфрақұрылымын құру – басты міндет. «Ауылда денсаулық сақтауды жаңғырту» ұлттық жобасы басталды. Осы жобаның аясында 655 амбулатория және фельдшерлік-акушерлік нысан салынады, құрал-жабдықпен толық қамтамасыз етіледі. Бұған қоса 20 ауданаралық көпбейінді емхана ашылады, ал 12 емхана заман талабына сай жаңарады. Яғни, төрт миллионнан астам ауыл азаматына сапалы дәрігерлік қызмет көрсетіледі. Елімізде «Жайлы мектеп» жобасы қолға алынды. 2026 жылға дейін барлық аймақта жүздеген жаңа мектеп бой көтереді. Ауылдарда 100 спорт орталығы ашылады. Сондай-ақ 650 мәдениет ошағы салынады және жөнделеді, – деді Қасым-Жомарт Тоқаев.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135919_KZ2_0279_2.jpg">Президент Қазақстанның «елдің ішінде де, айналасында да бейбітшілік», «әралуандық арқылы – бірлікке» деген қағидаттарды әрдайым берік ұстанатынын мәлімдеді. Оның айтуынша, Қазақстанның алдында бұрын-соңды болмаған жаңа сын-қатерлер тұр. Осы күрделі кезеңде мемлекетіміздің орнықты дамуы өте маңызды. Біз болашаққа сеніммен қараған біртұтас Қазақ елін күллі әлемге танытуымыз керек.<blockquote>– Егемендікке қол жеткізу оңай емес, ал оны сақтап тұру тіпті қиын. Шын мәнінде, Тәуелсіздік – бәрінен қымбат. Тәуелсіздікті сақтау, бұл – ең алдымен, тұтас ұлттың жауапкершілігі. Біз егемендікті тынымсыз еңбекпен, мызғымас бірлікпен күн сайын қорғауымыз керек. Ең бастысы, еліміздегі тұрақтылықты сақтауымыз қажет. Себебі тыныштық болмаса, басқаның бәрі бекер. Әлемдегі ахуалдың қандай күрделі екенін көріп отырсыздар. Беделді халықаралық сарапшылар Қазақстанды бейбітшіліктің бесігі деп атайды. Қазір біз аймақтың мәдени-рухани орталығына айналдық. Биыл шетелдің өнер ұжымдары елімізде 200-ден астам мәдени іс-шара өткізді. Бұл – тұрақтылықтың, тыныштықтың айқын көрінісі. Мұны басқаларға үлгі-өнеге деуге болады. Ал тұрақсыздық жайлаған елге ешкім ұмтыла қоймасы анық. Бейбітшілік – біздің басты байлығымыз. Оның қадіріне жетіп, бағалай білу – бәрімізге ортақ парыз. Мұны еліміздің әрбір азаматы, әсіресе, өскелең ұрпақ терең түсінуі қажет, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135943_KZ4_2766_2.jpg">Президент «Адал азамат» ұғымына айрықша тоқталып, жастарға арнайы үндеу жолдады.<blockquote>– Елімізде жүзеге асырылып жатқан әрбір бастама, ең алдымен, сіздерге арналады. Қазіргі реформалардың игілігін көретін де, елдік істерді жалғастыратын да – сіздер. Бүгінгі жастарды Қазақстанның келбеті деуге болады. Шын мәнінде, кез келген мемлекетті тұрғындарына қарап бағалайды. Яғни, біздің қандай ел боларымыз өскелең ұрпаққа байланысты. Сондықтан жастарымыз отаншыл, білімпаз, еңбекқор, үнемшіл, әділ әрі жанашыр болуы қажет. Жастар спортпен, дене шынықтырумен айналысуы керек. Мен мұны үнемі айтып жүрмін. Осы құндылықтарды барынша насихаттап, тарату қажет. Сонда жеке адамның қасиеті тұтас ұлттың қасиетіне айналады. Жастар кез келген өзгеріске бейім болады. Әр нәрсені бойына тез сіңіреді. Мен сіздерді жақсыдан үйренуге, жаманнан жиренуге шақырамын. Ұлы Абай айтқан бес нәрседен қашық, бес нәрсеге асық болыңыздар. Сіздер дәріптеген құндылықтар қоғамда тез орнығады. Сіздер қолдаған өзгерістер жылдам жүзеге асады. Бәріміздің тілегіміз – бір, бұл – қоғамымызда жаппай әділеттік орнату. Ендеше, мақсатымызға бірге жетейік, – деді Қасым-Жомарт Тоқаев.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135976_KZ2_0446_2.jpg">Президент мемлекеттілік тұғырын нығайта түсу үшін заң үстемдігін орнықтыру өте маңызды деп санайды. Мемлекет басшысының айтуынша, Әділетті Қазақстанды құру үшін құқықтық мәдениетті дамыту қажет.<blockquote>– Заңсыздық, тәртіпсіздік, мәдениетсіздік елді жарға жығады. Мұндай жағымсыз үрдістерге бүкіл қоғам болып қарсы тұруымыз керек. Ал тәртіпке бағынған қоғам өркениетті болады. Бұл – заңдылық. Әр азамат еліміздің заңын құрметтесе, береке-бірлік те, бақуатты тұрмыс та болады. Яғни, Заң толығымен орындалса, төрт құбыламыз түгел болмақ, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1698135995_KZ4_2815_2.jpg">Президент сөзін қорытындылай келе, еліміздің дамуына елеулі үлес қосқан бір топ азаматқа жоғары мемлекеттік наградалар, сыйлықтар мен атақтар табыс етті.Мемлекет басшысы Қасым-Жомарт Тоқаевтың сөйлеген сөзінің толық мәтінімен <a href="https://akorda.kz/kz/prezident-kasym-zhomart-tokaevtyn-respublika-kunine-oray-memlekettik-nagradalar-men-syylyktardy-saltanatty-turde-tapsyru-rasiminde-soylegen-sozi-2492927">мына сілтеме </a>арқылы танысуға болады.&nbsp;<img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0483_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0505_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0591_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0600_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0641_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0665_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0726_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0851_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698134864_KZ2_0900_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135585_KZ2_0954_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135585_KZ2_1002_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135585_KZ2_1143_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1172_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1396_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1631_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1744_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135010_KZ2_1798_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ2_2311_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ2_2785_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ2_3142_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135712_KZ1_1968_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ3_1938_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135123_KZ3_1997_12.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2060_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2095_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2433_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2463_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2482_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2529_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ3_2600_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2570_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2599_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2613_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2629_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1698135210_KZ4_2634_2.jpg">

Президент Республика күніне орай мемлекеттік наградалар мен сыйлықтар табыстады

<a href="https://kyzylorda-news.kz/">Kyzylorda-news.kz.</a>&nbsp; Елімізде 24 қазан – Кітапханашылар күні кәсіби мереке ретінде атап өтілуде. Қазіргі таңда облыста 209 мемлекеттік кітапхана бар болса, онда 4,5 млн-нан астам кітап қоры жасақталған. Жалпы өңірдегі кітапханалар жылына 250 мыңға жуық оқырманға қызмет көрсетеді. Бұл аймақтағы оқуға қабілетті тұрғындардың 30 пайызын құрайды. Бұл туралы Өңірлік коммуникациялар қызметінде өткен брифингте Ә.Тәжібаев атындағы Қызылорда облыстық әмбебап-ғылыми кітапханасының директоры Нұрлыбек Мыңжас хабарлады.<blockquote>- Әбділда Тәжібаев атындағы Қызылорда облыстық әмбебап ғылыми кітапханасы – өңірдегі ең ірі ақпараттық мәдени орталық болып саналады. Облыстағы кітапханаларды заманауи бағыттағы 78 коворкинг орталығы жұмыс істеуде. Аймағымыздағы 209 кітапхананың 170-і интернет жүйесіне қосылған. Облыс кітапханаларында кітап оқуды насихаттау және азаматтардың қызығушылығын арттыру мақсатында «Kitap Fest» фестивалі, «Kitap Timе», республикалық «Бір ел - бір кітап» акциясы, «Үздік оқырман» бенефисі, «Оқитын өлке» акциясы, «Кітаппен бірге өсеміз» сынды жобалар ұйымдастырылады. Сыр өңірінің 85 жылдық мерейтойы аясында облыс кітапханаларында көптеген шаралар өткізілмек. Негізгі шараларға тоқталып өтсем, жыр кештері, кітап көрмелері, фестивальдар, мүшәйралар бірқатар мемлекет және қоғам қайраткерлері мен жазушылардың өмірі мен қызметіне арналған танымдық конференциялар ұйымдастырылады. Кітапханада 7 бөлім мен 8 сектор оқырмандарға қызмет көрсетеді. Кітапхананың кітап қоры 4255606 дананы құрайды. Қордың құрамына кітаптар, мерзімді басылымдар, аудиокітаптар, электронды басылымдар, ноталық басылымдар кіреді. Сонымен қатар кітапханада жұмыссыз жастарды, мүмкіндігі шектеулі азаматтар мен әлеуметтік жағынан аз қамтамасыз етілген азаматтарды компьютерлік сауаттылыққа үйрету мақсатында «Шаңырақ» интеллект-орталығы да жасақталған, - деді Нұрлыбек Кәрібозұлы.</blockquote>Брифинг барысында Қорқыт ата атындағы Қызылорда университетінің Ғылыми кітапхана жетекшісі Гүлмира Сәтбаева білім алушыларға көрсетіліп жатқан қызметтерге тоқталып, жаңа бағыттағы жұмыстарды баяндады.<blockquote>-Ғылыми кітапхана – университеттің оқу және ғылыми процестеріне, ақпараттық-кітапханалық қызмет көрсетудің сапасы мен оның нәтижелілігін арттыруға бағытталған. Кітапхана қызметін пайдаланушылардың басым бөлігі - университтің білім алушылары, профессорлық-оқытушылық құрам және университет қызметкерлері құрайды. Жыл сайын білім беру бағдарламаларын заманауи талаптарға сай жасақталуы үшін оқу құралдарымен, мерзімді басылымдармен және электрондық ресурстармен толықтырып келеміз. Бүгінде кітапхананың жалпы қоры – 1 956 324 дананы құрайды, - деді Гүлмира Әлібайқызы.</blockquote><figure class="image"><img src="https://knadmin.beoblood.kz/uploads/395221723_1882487965480040_2107177938329999586_n_95f6b5054e.jpg" alt="395221723_1882487965480040_2107177938329999586_n.jpg"></figure>

24 қазан – Кітапханашылар күні

<a href="https://kyzylorda-news.kz/">Kyzylorda-news.kz.</a>&nbsp; Ұлттық мереке – Республика күні қарсаңында Президент Қасым-Жомарт Тоқаевтың Жарлығымен еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталды. Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдарының қызметкерлері, спортшылар, еңбек ардагерлері, мәдениет және ғылым қайраткерлері бар, деп хабарлайды Ақорданың ресми сайты.&nbsp;«Қазақстанның Еңбек Ері» атағы Қазақстан Республикасының мұнай-газ саласын дамытудағы айрықша жетістіктері, сондай-ақ қоғамдық-саяси қызметтегі аса үздік еңбегі үшін мемлекет және қоғам қайраткері, Парламент Мәжілісінің депутаты Б.Ізмұхамбетовке, еліміздің әлеуметтік-гуманитарлық дамуындағы аса үздік жетістіктері үшін Семей қаласы «№ 7 жалпы білім беретін орта мектеп-лицейінің мұғалімі А.Шүкежановаға және өндірістік қызметтегі ерекше еңбегі үшін Қызылорда облысы «Таң ЛТД» жауапкершілігі шектеулі серіктестігінің директоры И.Шағыртаевқа берілді.«Отан» орденімен суретші А.Ақанаев, белгілі ақын, айтыс өнерінің дамуына ерекше еңбек сіңген қайраткер Ж.Ерманов марапатталды. І&nbsp;дәрежелі «Барыс» ордені еңбек ардагерлері М.Айымбетова мен С.Тиесовке, Қонаев қаласы А.Жұбанов атындағы №5 орта мектеп мұғалімі Н.Лиге, телевизия ардагері Л.Сейітовке, ІІ&nbsp;дәрежелі «Барыс» ордені қоғам және мемлекет қайраткері Ә.Бектаевқа, «KAZGOR» жобалау академиясының бірінші вице-президенті Т.Ералиевке, еңбек ардагері О.Рахманбердиевке, ІІІ дәрежелі «Барыс» ордені Абай облысы қоғамдық кеңесінің төрағасы М.Айнабековке, Ш.Уәлиханов атындағы Көкшетау университетінің кафедра меңгерушісі С.Аяғановқа, еркін күрестен еңбек сіңірген спорт шебері И.Байрамуковке, «Қазақстан халқына» қоғамдық әлеуметтік қорының төрағасы Б.Жәмішевке, қоғам қайраткері Ә.Жолшыбековке және еңбек ардагері С.Қырымқұловқа табысталды.Сонымен қатар белгілі ғалымдарға, мәдениет және білім қайраткерлеріне, өндірістік сала өкілдеріне «Парасат» ордені берілді. Олардың қатарында Талдықорған қаласы «Қайнар-АКБ» ЖШС директорлар кеңесінің төрағасы Қ.Әжмағанбетов, «Қазақ тілі» халықаралық қоғамының вице-президенті Ғ.Әнес, М.Оспанов атындағы Батыс Қазақстан медицина университетінің профессоры Б.Жолдин, Нысана көздеуден ұлттық құраманың бас жаттықтырушысы О.Довгун, Теміртау қаласының Көпбейінді ана мен бала орталығының директоры С.Лохвицкий, Атырау облыстық ардагерлер кеңесінің төралқа мүшесі М.Ғабдісәлімова және Ғ.&nbsp;Мүсірепов атындағы балалар мен жасөспірімдерге арналған мемлекеттік академиялық қазақ театрының актері Ұ.Нүсіпәлі секілді азаматтар бар.Мемлекет басшысының тапсырмасымен биылдан бастап ұлт бірлігін нығайту және қоғамдық татулықты қамтамасыз ету жолындағы жемісті еңбегі үшін «Ел бірлігі» ордені тағайындалды. «Ел бірлігі» ордені алғаш рет Қазақстан Республикасының Президенті жанындағы Мемлекеттік басқару академиясының профессоры А.Башмаковқа, Республикалық дүнген этномәдени орталығы бақылау кеңесінің төрағасы Л.Буларовқа, Республикалық тәжік этномәдени орталығының төрағасы А.Исмаиловқа, Қазақстан корейлері қауымдастығы қамқоршылық кеңесінің мүшесі Р.Кимге, «Deutsche Allgemeine Zeitung» республикалық неміс газетінің бас редакторы О.Клименкоға, «Қазақстан шешендері мен ингуштарының «Вайнах» қауымдастығы» заңды тұлғалар бірлестігінің тең төрағасы А.Мұрадовқа, «Дустлик» Қазақстан Республикасы өзбек этномәдени қоғамдық бірлестіктерінің қауымдастығы» заңды тұлғалар бірлестігі төрағасының орынбасары Т.Нишанбаевқа табысталды.Сонымен қатар биылдан бастап құрметті марапаттар қатарына «Қазақстанның халық жазушысы» және «Қазақстанның халық әртісі» атақтары қосылды. Т.Әбдікұлы, С.Елубаев, Б.Нұржекеев, С.Сматаев, А.Аширов және Л.Шашкова «Қазақстанның халық жазушысы» атағын иеленді. «Қазақстанның халық әртісі» құрметті атағы еліміздің көрнекті мәдениет қайраткерлері, театр және кино актерлері Д.Ахимовқа, М.Токарев пен Д.Ақмолдаға, опера әншілері Ш.Әбілов пен Т.Күзенбаевқа, атақты әншілер Р.Стамғазиевке, Д.Құдайбергенге және күйші А.Үлкенбаеваға берілді.Сондай-ақ «Ұлттық ғылыми кардиохирургия орталығы» КеАҚ дәрігері С.Андосова, «М.Қозыбаев атындағы Солтүстік Қазақстан университеті» КеАҚ профессоры А.Плешаков, «Шыңға өрлеу» ҚҚ директоры Р.Сыпабекова, «Маңғыстау облыстық мүгедектік спорт клубы» КММ аға бапкері Н.Құлышов және басқа да азаматтар «Құрмет» орденімен марапатталды. Өнеркәсіп, транспорт, құрылыс, ауыл шаруашылығы және басқа да материалдық өндіріс салаларының 94 жұмысшысы мен еңбеккері ІІІ&nbsp;дәрежелі «Еңбек Даңқы» орденін иеленді.ІІ дәрежелі «Достық» ордені «Алға, Петербург» интернет жобасының авторы Иван Червинскийге берілді.Ал футболдан Қазақстан ұлттық құрамасының ойыншылары Асхат Тағыберген, Бахтиёр Зайнутдинов және Максим Самородов «Ерен еңбегі үшін» медаліне лайық деп танылды.«Ерлігі үшін» медалімен Мұрат Есенқабылов пен Талғатбек Төлеубаев наградталды. Мұрат Есенқабылов өртеніп жатқан көлік ішінен 3 әйел мен 5 баланы аман алып қалса, Талғатбек Төлеубаев тілсіз жауды ауыздықтауда үлкен ерлік көрсеткен.Пара жеңіл атлетика спортшысы, бірнеше республикалық сайыстардың жеңімпазы Айсұлу Сүлейменоваға «Шапағат» медалі табысталды. &nbsp;«Қазақстанның еңбек сіңірген қайраткері» құрметті атағы ғылым және мәдениет салаларының 31 көрнекті өкіліне және «Қазақстанның еңбек сіңірген ұстазы» құрметті атағы Ақмола облысы «№4 «Болашақ» облыстық мамандандырылған мектеп-лицей-интернатының мұғалімі Ү.Еңсебаеваға берілді. Қазақстан Республикасының Құрмет грамотасымен 143 адам наградталды.Әскери және қызметтік борышын үлгілі атқарғаны, заңдылық пен құқықтық тәртіпті қамтамасыз етуде, елдің ұлттық қауіпсіздігі мен қорғаныс қабілетін нығайту кезінде көрсеткен ерлігі мен қажыр-қайраты үшін әскери қызметшілер мен құқық қорғау органдарының өкілдері І және ІІ&nbsp;дәрежелі «Даңқ» ордендерімен, ІІ және ІІІ дәрежелі «Айбын» ордендерімен, «Ерлігі үшін» және «Жауынгерлік ерлігі үшін» медальдарымен марапатталды.Жалпы биылғы мемлекеттік наградаларды тағайындауда қарапайым азаматтарға басымдық берілді. Атап айтқанда, марапатталғандар арасында 298 ұстаз бен денсаулық сақтау саласының қызметкерлері, 259 ауыл шаруашылығы маманы, 119 еңбек ардагері, өндіріс саласының 88 жұмысшысы бар. Бұл – қарапайым еңбеккерлердің мәртебесін асыруға, қоғамдағы қадірін арттыруға бағытталған нақты қадам.Наградталғандардың тізімі баспасөзде жарияланады.

Республика күні қарсаңында Президент Жарлығымен бір топ азамат мемлекеттік наградалармен марапатталды

<a href="https://kyzylorda-news.kz/">Kyzylorda-news.kz.</a>&nbsp; Республика күніне орай жастарға әскери-патриоттық тәрбие беру аясында М.Сужиков атындағы №6 мектеп базасында Әскери – патриоттық даңқ кабинеті ашылды.Салтанатты жиынға Қызылорда қаласы бойынша білім бөлімінің басшысы Ерлан Теңізбайұлы, «Жас Сарбаз» жасөспірімдердің әскери – патриоттық қозғалысы төрағасы Мейірбек Оразұлы, ҚР еңбек сіңірген қайреткері, ерең еңбегі үшін медалінің иегері Қорғанбек Қайруллаев қатысты.Шара қатысушылар елінің болашағы үшін еңбек етіп, ерліктің ерен үлгісін көрсетіп, халқының құрметіне бөленген Мемлекет және қоғам қайраткерлері Мұхамедғали Сужиков, Кеңес Одағының батыры Георгий Ковтунов, полковник Қазбек Төремановтардың рухына бас иіс 1 минут үнсіздікпен еске алып, Мұхамедғали Әленұлы Сужиков бюьстіне тағзым етіп, гүл шоқтарын қойды.Мұнан соң мектеп ғимаратындағы әскери – патриоттық даңқ кабинетін ашып, лентасын қиды. «Жас Сарбаз» жасөспірімдердің әскери – патриоттық қозғалысы төрағасы Мейірбек Оразұлы генарал-лейтенант Мұхамеджан Қадіржанұлы Таласовтың арнайы құттықтауын жеткізіп, мектеп ұжымы компьютер табыстады.<blockquote>Бүгін шежіреге толы, берекелі бай өлке, көне мәдениеттің ордасы сырлы да жырлы қасиетті мекен - Сыр өңірінде сіздермен кездескеніме өте қуаныштымын және де Қорғаныс министрлігінің ыстық ықыласы мен сәлемін жеткіземін. Еліміздің дамуы мен өркендеуі, келешегі жастарға тікелей байланысты екенін Ел Президенті Қасым-Жомарт Тоқаевтың «Жастар дамудың символы және жарқын болашаққа деген үміттің көрінісі» деген сөздері дәлелдейді және жастарға тәрбие беру ісінде әскери-патриоттық жұмыстың мәні өте зор екенін айқын көрсетеді. «Жас Сарбаз» қозғалысы бастамасын алғаннан бастап, алғашқы қозғалыс филиалы осы Сыр өңірінде ашылған болатын, ең бірінші жастарды әскери-патриоттық тәрбиелеу бағытындағы екіжақты өзара ынтымақтастық меморандумы да Қызылорда облысынан бастама алды. Сондай-ақ бүгін Сыр еліне жол тартқанымыздың бірден бір себебі осы мектептің түлегі өздеріңіздің жерлестеріңіз, Отан қорғау ісінде өскелең ұрпаққа үлгі болар азаматтардың бірі, Қазақстан Республикасы Қорғаныс Министрінің орынбасары және «Жас Сарбаз» қозғалысының іргетасын қалаушысы генерал-лейтенант Таласов Мұхамеджан Қадыржанұлының аманаты еді.Осы өлкенің жалыны мол жастары арасында әскери-патриоттық тәрбиелеу жұмысын қарқынды атқарғандарыңыз үшін баршаңызға Мұхамеджан Қадыржанұлының ризашылығын жеткіземін, – деді Мейірбек Оразұлы.</blockquote>Шараға қатысушы қонақтар әскери даңқ кабинетіндегі құнды дүниелермен танысты. &nbsp;ҚР еңбек сіңірген қайреткері Қорғанбек Қайруллаев құрмет кітабына өз лебізін жазып, жас бүлдіршіндерді құттықтады.Мектептің акт залында мектеп мұғалімдерінің Мемлекет және қоғам қайраткерлері Мұхамедғали Сужиков, Кеңес Одағының батыры Георгий Ковтунов, полковник Қазбек Төремановтардың өмірінен алынған көріністер көпшілік назарына ұсынылды.&nbsp;<img src="https://knadmin.beoblood.kz/uploads/395154143_1446706366057467_814417757613742296_n_34c30aa31d.jpg" alt="395154143_1446706366057467_814417757613742296_n.jpg"><img src="https://knadmin.beoblood.kz/uploads/395089350_1446706252724145_2754158871378049093_n_75c87d08c3.jpg" alt="395089350_1446706252724145_2754158871378049093_n.jpg"><img src="https://knadmin.beoblood.kz/uploads/395132900_1446706422724128_7138749334769631872_n_ee117e76c3.jpg" alt="395132900_1446706422724128_7138749334769631872_n.jpg"><img src="https://knadmin.beoblood.kz/uploads/395167888_1446706636057440_6442510513121451679_n_efa5609a2f.jpg" alt="395167888_1446706636057440_6442510513121451679_n.jpg"><img src="https://knadmin.beoblood.kz/uploads/395044551_1446706922724078_6434961279324080832_n_3c6598d56c.jpg" alt="395044551_1446706922724078_6434961279324080832_n.jpg"><img src="https://knadmin.beoblood.kz/uploads/394496925_1446705342724236_6257697365308408193_n_a374268ee3.jpg" alt="394496925_1446705342724236_6257697365308408193_n.jpg"><img src="https://knadmin.beoblood.kz/uploads/395130371_1446706126057491_4919831318141240838_n_a61b004211.jpg" alt="395130371_1446706126057491_4919831318141240838_n.jpg"><img src="https://knadmin.beoblood.kz/uploads/395113229_1446707536057350_24869903304512895_n_3c0aed3223.jpg" alt="395113229_1446707536057350_24869903304512895_n.jpg">

Республика күні: Әскери – патриоттық даңқ кабинеті ашылды

<a href="https://kyzylorda-news.kz/">Kyzylorda-news.kz.</a>&nbsp; «AMANAT» партиясы облыстық филиалы жанындағы Өңірлік даму жөніндегі аймақтық кеңес және партиялық бақылау комиссиясы өкілдері бүгін облыс орталығындағы тұрақтандыру қоры қоймасының жұмысымен танысты.Тұрақтандыру қорында тауарларды сақтауға арналған жалпы сиымдылығы 5250 тонналық 2 қойма бар. Сиымдылығы 3250 тоннаны құрайтын қойма 2011 жылы ал көкөніс сақтау қоймасы 2020 жылы пайдалануға берілген.Қазіргі таңда өңірде азық-түлік қорында тапшылық жоқ. 37 әлеуметтік дүкен қалыпты жұмыс істеуде. Тұрақтандыру қорын 2023 жылғы күзгі көкөніс тауарларымен қамтамасыз үшін форвардтық шарттар шеңберінде 1545 тонна картопқа, 800 тонна басты пиязға, 446 тонна сәбізге келісім шарттар жасалған. Қазіргі уақытта 800 тонна басты пияз және 33 тонна картоп қоймада сақтаулы. Қалған тауарлар сұранысқа сәйкес жеткізілмек. Бұған қоса, «КазСевер Агро» ЖШС-мен 1400 тонна картоп, 231 тонна сәбіз, 200 тонна қырыққабат, «Ынтымақ-10» шаруа қожалығымен 200 тонна қырыққабат сатып алуға келісім шарт жасалған.<blockquote>«Қазіргі таңда тұрақтандыру қорында әлеумттік маңызы бар азық-түлік өнімдерінің 10 түрінің қоры жеткілікті түрде қоймада сақтаулы. Ең бастысы, бағасы килограмына 128 теңгені құрайтын ұнның 75 тоннасы резервте тұр. Қосымша «Қазақ ұны» ЖШС-нен 4760 тонна 1 сортты ұн сатып алуға келісім шарт жасалып, оның 1610 тоннасы жеткізілген», – деді «Байқоңыр» әлеуметтік кәсіпкерлік корпорациясы басқармасының бас маманы Қанат Тәжкенбаев.</blockquote>Әлеуметтік маңызды тауарлармен қамтамасыз етудің жай-күйін електен өткізген мониторингтік топ өкілдері тұрақтандыру қорының өнімдері тұрғындарға тиімді бағада ұсынылуы қажеттігін айтып, нарықтағы азық-түлік өнімдерінің бағасын тұрақтандыру бағытындағы шаралар үнемі «AMANAT» партияcының бақылауда болатындығын жеткізді.<figure class="image"><img src="https://knadmin.beoblood.kz/uploads/395404712_727237269441912_2229828589563267848_n_e47dfad838.jpg" alt="395404712_727237269441912_2229828589563267848_n.jpg"></figure>&nbsp;<figure class="image"><img src="https://knadmin.beoblood.kz/uploads/395411858_727237199441919_6288076591801245664_n_7c1fdddc30.jpg" alt="395411858_727237199441919_6288076591801245664_n.jpg"></figure>

Тұрақтандыру қорының қоймасына мониторинг жасалды

Сербияда қаза тапқан қызылордалықтардың   есімі белгілі болды

<a href="https://kyzylorda-news.kz/">Kyzylorda-news.kz.</a> 5 қараша күні аудан, облыстық маңызы бар қалалар әкімінің сайлауы Қызылорда облысының Сырдария және Шиелі аудандарында өтеді.Бүгінгі күні Сырдария ауданында 22101, Шиеліде 50402 сайлаушы тіркелген. Әрбір азамат сайлау күніне дейін өзінің қай учаскеге тіркелгенін анықтай алады. Ол үшін saylau.orda.gov.kz сайтына кіріп, ЖСН нөмірін енгізсе жеткілікті.&nbsp;Ал, сайлау күні Сырдария және Шиеліде азаматтарды деректер базасынан анықтауға мүмкіндік беретін 16 сайлау учаскесінде онлайн сервис қызметтері қолжетімді болады.Сырдария ауданы бойынша&nbsp;1. №155 сайлау учаскесі - Д.Қонаев №9 2. №156 сайлау учаскесі - Д.Қонаев №23Шиелі ауданы бойынша1. №284 сайлау учаскесі - М.Шоқай №1 2. №285 сайлау учаскесі - Бұдабай &nbsp;№58 3. №286 сайлау учаскесі - С.Сейфуллин №4 А 4. №287 сайлау учаскесі - М.Қаратаев№11 5. №288 сайлау учаскесі - Ш.Есенов №8 6. №289 сайлау учаскесі – Қ.Шәкәрім №172 7. №290 сайлау учаскесі - Аманкелді №109 8. №291 сайлау учаскесі - "Ақ Орда" м/а 3, №25 9. №292 сайлау учаскесі - М.Мырзахметов №2 10. №293 сайлау учаскесі - Д.Смаилов №8 А 11. №294 сайлау учаскесі - Құрылыс &nbsp;№3 А 12. №363 сайлау учаскесі - Т.Рысқұлов &nbsp;№64 13. №364 сайлау учаскесі - Байсын №1 14. №365 сайлау учаскесі - Н.Бекежанов &nbsp;№1

Сырдария мен Шиелідегі 16 сайлау учаскесінде онлайн сервис жұмыс істейді

<a href="https://kyzylorda-news.kz/">Kyzylorda-news.kz.</a> Кәмелеттік жасқа толмаған балаларға қатысты кез келген зорлық зомбылыққа берілетін жазаны күшейту мәселесі «AMANAT» партиясы облыстық филиалы жанындағы «Білім мен денсаулық сақтау» және «Отбасы және халықты әлеуметтік қорғау» мәселелері жөніндегі аймақтық кеңестердің бірлескен отырысында қаралып, талқыланды.Бірлескен отырысты «Білім мен денсаулық сақтау» жөніндегі кеңестің төрағасы Нұридин Амитов жүргізді. Басқосуға аймақтық кеңестердің мүшелері, жергілікті атқарушы органдардың жауапты қызметкерлері қатысты.Күн тәртібіндегі мәселеге орай облыстық Полиция департаменті жергілікті полиция қызметін басқармасы ювеналды полицияның аға инспекторы, полиция майоры Раушан Абдразақова және облыстық білім басқармасы басшысының орынбасары Бектұр Қали баяндама жасады.Ағымдағы жылдың 9 ай қорытындысы бойынша өңірде кәмелетке толмағандарға қарсы жасалған қылмыстар саны өткен жылдың осы кезеңмен салыстырғанда өсіп отыр.Олардың 17-сі мектеп, гимназия және лицей оқушыларына, колледж студенттеріне қарсы орын алған.Мұнан соң қос кеңестің мүшелері зорлық-зомбылық жайын, оған берілетін жазаны күшейту сияқты мәселелерді өзара талқылап, ұсыныс-пікірлерін білдірді.Атап айтсақ, балалар мен жасөспірімдер арасындағы қауіп-қатер тобын уақытылы анықтау үшін мектеп психологтары мен әлеуметтік педагогтардың жұмысын арттыру, баланың бос уақытын тиімді ұйымдастыру, ата-аналар комитеті жұмысының мәртебесін көтеру, балалардың әлеуметтік желілердегі контенттерін шектеу, ата-аналардың балалар тәрбиесінде жауапкершілігін қылмыстық кодекспен қарау, ата-аналар жиналысына толықтай ата-аналардың қатысуын қадағалау және мектептердегі психолог санын көбейту секілді ұсыныстар.Басқосуда айтылған ұсыныстар хаттамаға енгізіліп, республикалық кеңеске, партияның фракциясына және жергілікті атқарушы органдардың назарына ұсынылатын болды. Көтерілген мәселелер партия филиалының тұрақты бақылауында болады.<figure class="image"><img src="https://knadmin.beoblood.kz/uploads/395404217_727239206108385_3081795502486154168_n_15ed892cf9.jpg" alt="395404217_727239206108385_3081795502486154168_n.jpg"></figure>&nbsp;<figure class="image"><img src="https://knadmin.beoblood.kz/uploads/395404862_727239292775043_999671129856311562_n_38848fc91b.jpg" alt="395404862_727239292775043_999671129856311562_n.jpg"></figure>

«AMANAT»: Зорлық зомбылыққа берілетін жазаны күшейту мәселесі тақыланды

<a href="https://kyzylorda-news.kz/">Kyzylorda-news.kz.</a> Бүгін Республика күніне орай Абай мұрасын насихаттау, Абай шығармаларын тереңдетіп оқыту мақсатында Б.Ермекбаев атындағы №271 орта мектепте «Абайтану» кабинеті мен «Алаштану» кабинеті ашылды.&nbsp;Шараға Қызылорда қаласы бойынша білім бөлімінің басшысы Ерлан Теңізбайұлы, «Ұрпақтан ұрпаққа» қоғамдық қорының мүшесі Сайлаубай Әбішов пен төрайымы Алмагүл Божанова қатысты.&nbsp;<blockquote>«Абай – қазақтың бас ақыны, әлемдік тұлға, кемеңгер ойшыл. Ұлы ақынның өмiрi, артында қалған мұрасы – ақындықтың, ойшылдықтың, данышпандықтың мектебi ғана емес, ұлтын сүюдiң, халқына жанашыр болудың өмiрлiк өнегесi. Осы орайда Абай Құнанбаевтың өмірін, шығармашылығын зерттеу, оның мол мұрасын келешек ұрпаққа жеткізу &nbsp;бүгінгі күннің басты миссиясы. Болашағы зор кабинеттің алдағы уақытта абайтанушы ғалымдар тәрбиеленіп, қалыптасады деп сенеміз. Бұл кабинетті ашудағы мақсатымыз – Абай заманынан кейінгі қазақ қоғамындағы үлкен құбылыс – Алаш қайраткерлерін және олардың ағартушылық саладағы сіңірген орасан зор еңбектерін кейінгі ұрпаққа, оқушыларға кеңінен таныстыру, насихаттау», – деді бөлім басшысы.&nbsp;</blockquote>Абай - ғасырда бір туатын ғұлама, ақын, ағартушы. Бүкіл түркі тектес халықтан шыққан әлемдік тұлға. Ұлы ақынның шығармашылығында халықтың болмысы-бітімі, тұрмыс – тіршілігі, дүниетанымы, мінезі, жаны, діні мен ділі, тілі, рухы кеңінен көрініс тапқан. Мұның барлығы Абай әлеміне деген бірегей ұғым қалыптастырды. Абай әлеміне оқушылардың тереңірек үңілуіне, оқып білуіне ашылған клуб зор мүмкіндік тудырып отыр.Шара барасында «Абайтану» кабинетінің &nbsp;лентасы қиылып, мектеп жанынан кұрылған «Асыл әжелер» ансамблі «Көзімнің қарасы» әнің орындады.&nbsp;Көркі көз тартарлық етіп безендірілген, әрқилы заманауи қондырғылармен жабдықталған кабинетке ұлы ойшылдың шығармалары қойылыпты. Қазір мектеп оқушылары осы жерде рухани нәр алуда.<img src="https://knadmin.beoblood.kz/uploads/394413348_1446622579399179_4423110043358899072_n_5207902f4d.jpg" alt="394413348_1446622579399179_4423110043358899072_n.jpg"><img src="https://knadmin.beoblood.kz/uploads/394434407_1446622472732523_1358765878055137368_n_be8f5284d2.jpg" alt="394434407_1446622472732523_1358765878055137368_n.jpg"><img src="https://knadmin.beoblood.kz/uploads/394457956_1446622646065839_3686755875480029712_n_780050b48c.jpg" alt="394457956_1446622646065839_3686755875480029712_n.jpg">

Мектепте Абайтану кабинеті ашылды

<a href="https://kyzylorda-news.kz/">Kyzylorda-news.kz.</a> Мемлекеттік корпорация 25 қазан - Республика күнін мерекелеуге байланысты халыққа қызмет көрсету орталықтары, оның ішінде мамандандырылған орталықтар сәрсенбі күні азаматтарды қабылдамайтынын хабарлады.«ХҚКО мен арнайы ХҚКО 26 қазанда жұмысын қайта бастайды", - делінген «Азаматтарға арналған үкімет» мемлекеттік корпорациясы» КЕАҚ хабарламасында.

25 қазанда Халыққа қызмет көрсету орталықтары жұмыс істемейді

<a href="https://kyzylorda-news.kz/">Kyzylorda-news.kz.</a> Ұлттық мереке – Республика күні қарсаңында Президент Қасым-Жомарт Тоқаевтың Жарлығымен еліміздің әлеуметтік-экономикалық, мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталды. Бұл туралы Ақорданың баспасөз қызметі хабарлады.&nbsp;Олардың қатарында өндіріс, бизнес, білім беру, денсаулық сақтау салаларының көрнекті өкілдері, әскери қызметшілер, құқық қорғау органдарының қызметкерлері, спортшылар, еңбек ардагерлері, мәдениет және ғылым қайраткерлері бар.«Қазақстанның Еңбек Ері» атағы өндірістік қызметтегі ерекше еңбегі үшін Қызылорда облысы «Таң ЛТД»ЖШС директоры Имамзада Шағыртаевқа тапысырылды.&nbsp;Айта кетейік, «Қазақстанның Еңбек Ері» атағы Қазақстан Республикасының мұнай-газ саласын дамытудағы айрықша жетістіктері, сондай-ақ қоғамдық-саяси қызметтегі аса үздік еңбегі үшін мемлекет және қоғам қайраткері, Парламент Мәжілісінің депутаты Б.Ізмұхамбетовке, еліміздің әлеуметтік-гуманитарлық дамуындағы аса үздік жетістіктері үшін Семей қаласы «№7 жалпы білім беретін орта мектеп-лицейінің мұғалімі А.Шүкежановаға берілді.Еске салсақ, 2013 жылы белгілі қызылордалық кәсіпкер, «Абзал и К» толық серіктестігінің директоры Абзал Ералиев «Қазақстанның Еңбек Ері» атағына ие болған еді.&nbsp;

Имамзада Шағыртаевқа «Қазақстанның Еңбек Ері» атағы берілді

<a href="https://kyzylorda-news.kz/">Kyzylorda-news.kz.</a> Өңірлік коммуникациялар қызметінің алаңында 25 қазан – Республика күні Ұлттық мерекесін атап өтуге қатысты облыс әкімі аппаратының басшысы Шахмардан Байманов БАҚ өкілдеріне арналған баспасөз конференциясын өткізді.Республика күнін кеңінен атап өту үшін арнайы жоспар әзірленіп, оған 50-ге жуық түрлі форматты, кешенді қоғамдық-бұқаралық, мәдени-көпшілік, ғылыми-танымдық және спорттық бағыттағы шаралар енгізілген.Қала және аудан орталықтарында көрнекі безендіруге ерекше мән беріліп, мерекелік концерттер, Мемлекеттік ту көтеру салтанатты шаралары, жыр кештері, ақындар айтысы, &nbsp;шешендер байқауы, әскери-спорттық сайыстар, кездесу кештері және кітап көрмелері ұйымдастырылады.&nbsp;Зиялы қауым өкілдері, ғалымдардың қатысуымен дөңгелек үстелдер, сарапшылар кеңестері өтеді.Брифинг барысында аппарат басшысы облыс әкімі Н.Нәлібаевтың бастамасымен ұйымдастырылған игі шараларды атап өтті.<blockquote>«Мәселен, «Алтын дән» мерекелік салтанатты шарасы, облыстың 85 жылдығы мен Қызылорда қаласының 205 жылдығына орай «Тұмары Сырдың – Қызылорда» гала-концерті, қала және аудандарда «Алтын дән-2023» ауыл шаруашылығы өнімдерінің жәрмеңкелері және Ұлттық ат спорты бәйгесі өтті. Орталық «Ақмешіт-Сырдария» мешітінде «Жанашыр жүрек» жалпыхалықтық акциясы аясында қайырымды азаматтар демеушілігімен әлеуметтік осал топтағы 1000 отбасына азық-түлік себеттері таратылды.&nbsp; Жаңадан салынған әлеуметтік нысандар ашылып, Жаңақорған ауданында үй кезегінде тұрғандарға 50 тұрғын үйдің кілті табысталды. Бірнеше күн бұрын Жаңақорған ауданында облыс әкімінің қатысуымен «Жайлы мектеп» ұлттық жобасы аясында бір мектептің құрылысы басталса, жақын күндері Қызылорда қаласында тағы бір мектептің іргетасы қаланады. Жалпы облысымызда Президент бастамасымен жүзеге асырылатын «Жайлы мектеп» ұлттық жобасы аясында 21 мектеп салынады. Биыл 10 мектептің құрылысы басталады. Мемлекет басшысының еліміздегі жылу-электр орталықтарының жұмысын жандандыру тапсырмасын орындау мақсатында аймақта ірі жоба жүзеге асуда. Жақын күндері облыс әкімінің қатысуымен Қызылорда қаласында «Акса энерджи» түрік компаниясымен бірлесіп, 240 мегаваттық жылу электр орталығының іргетасы қаланады. Құны 215 млрд. теңгеден асатын бұл жоба 2025 жылы іске қосылады. Биыл облысымыздың 85 жылдық мерейтойы аясында көптеген мазмұнды шаралар жоспарланған. Негізгі басымдық ғылыми-танымдық, мәдени-көпшілік шараларға беріледі. «Сыр елі» энциклопедиясы мен облыс тарихына арналған кітап шығарылады. Өңірдің тарихы мен бүгініне арналған республикалық ғылыми-практикалық конференция өтеді. Бұл шаралар аймақ тұрғындарына, оның ішінде, жастарға аға буынның қайраткерлігін, бүгінгі жетістіктерімізді және алдағы міндеттерді бағамдауға септігін тигізеді. Жыл аяғына дейін қала және аудандарда түрлі әлеуметтік нысандар, жолдар, көпірлер, көпқабатты тұрғын үйлер, дене шынықтыру-сауықтыру кешендері, балабақша мен дәрігерлік амбулатория секілді 60-қа жуық әлеуметтік нысан ашылып, ел игілігіне табысталады», – деді Ш. Байманов.</blockquote>Алдағы уақытта Сыр өңірінде серпінді жобалар мен жүйелі жұмыстар жалғасын табады.

Қазақстан және Қызылорда облысының жаңалықтары