<a href="https://kyzylorda-news.kz/">Kyzylorda-news.kz</a> Оның шаштараздағы күнделікті жұмысы таңғы сағат 8-де басталып кетеді. Былайғы жұрт бұл кезде үйінен жұмысқа жиналып жатады. Ал біздің кейіпкер – Сахнам Тұрматқызы ертемен шашын сәндеуге келетін клиенттеріне қызмет көрсетуге кіріседі. Демалыс күндері мен мерекеде оның жұмысы тіпті қызады. Мұндай сәтте ол уақытпен санаспай, алдына келген сұлу бикештердің көңілінен шығуға барын салады.Шаштараз деген бір қарағанда оңай мамандық сияқты. Әсілінде, бұл да шығармашлықты, жауапкершілікті талап ететін кәсіптің түрі. Әр жылы неше түрлі шаш үлгісі жаңа трендке еніп отырады. Талай адамның сұранысының үдесінен шығу әсте оңай емес.&nbsp;Аудандағы орталық маңында орналасқан «НұрДана» әсемдік салонына тұрақты түрде баратын қыз-келіншектер Сахнамды жақсы таниды. Адамдарды жылы жүзбен күлімсіреп қарсы алады. Ең алғаш шаштараздық өнерді әпкесі Дана Сәрсенбекқызынан үйренеді. Жеті жылдық тәжірибесі бар.&nbsp;Шаш сәндеуге бала кезімнен қызықтым. Әр шаштараздың өз орны мен құралдары болады. Әуелі, сол құрылғыларды тазартып аламыз. Келген кісі жұмысыма ризашылығын айтып жатқанын естігенімде, мамандығыма деген құлшынысым одан сайын артады. Күніне орта есеппен онға жуық адам келеді. Әрбір тұтынушының көңіл-күйіне қарау, оның жасына, бет-әлпетіне сайы шаш үлгісін жасау, бет әрлеу, бояулар таңдау тәжірибені қажет етеді. Кіріс көзі күніне 20-50 мың теңгеге дейін болады, – деді С.Талғатқызы.&nbsp;Бүгінгі таңда бұрымдылардың басым көпшілігі шашын өсіргенді қалайды. Кәсіби шаштаразға «Қазір көп адамдардың шашы неге төгіліп түсе береді, қалай күтім жасау керек?» – деген сауал қойдық.&nbsp;<blockquote>– Шаш түсуінің негізгі себебі – адам ағзасына кальцийдің жетіспеушілігінен және дұрыс күтінбеуден. Қазір қыздар шетелдің қаптаған қымбат иіссуларын, жақпамай, маскаларын қолдануға құмар. Ал бірақ, табиғи өнімге ешнәрсе де теңеспейді. Қыздар шашын ара-тұра қымызбен, айран және жұмыртқамен жуып, күтім жасап тұрса, оның пайдасы мен тиімділігі зор. Одан кейін ақжелкек (хрен) өсімдігінің тамырын үккіштен өткізіп, шаштың түбіне жақса, мүлде түспейтін болады. Бұл процесті бір жыл көлемінде ай сайын бір реттен істеп отыру қажет . Сонымен қатар, біздің салонда арнайым табиғи өнімнен жасалған сусабындар бар. Соларды қолдансаңыздар шаш өте әдемі әрі жұмсақ болады, – деді.&nbsp;</blockquote>Өз кәсібін шексіз сүйетін Сахнамға кезек күткендер көп екен. Оның жұмыс барысын біраз бақылап тұрған біз шаштараздың ізденісті қызметіне сәнқой аруларға риза пейілмен алғыс айтып кетіп жатқандарына куә болдық.

Сахнам Тұрматқызы шаш түсудің себебін айтты

<a href="https://kyzylorda-news.kz/">Kyzylorda-news.kz</a>&nbsp; Бүгінде Қармақшы ауданындағы құрылыс жұмыстары қарқынды. Жүргізіліп жатқан жұмыс пен қарқын алған құрылыс нысандарының басында қызу тірлік жүруде. Соған сай сәрсенбі күні Қызылорда облысы әкімінің орынбасары Бахыт Жаханов Қармақшы ауданына жұмыс сапарымен келіп, аудан әкімі Жандос Еркінбекпен бірге бір қатар құрылыс нысандарын аралады. Ең бірінші кезекте облыс әкімінің орынбасары Бахыт Дүйсенұлы Төретам кентіндегі табиғи газға қосу жұмыстарының барысымен танысты.Жауапты сала басшыларына қысқа мерзім ішінде құрылыс жұмыстарын аяқтап, көгілдір отынды ел игілігіне беруді тапсырды. Одан соң, Ақай ауылдық округіндегі құрылысы жүріп жатқан дене шынықтыру-сауықтыру кешеніне барып, жауапты мердігермен кездесті. Мердігерге құрылыс жұмыстарын сапалы етіп жасап, қысқа мерзімде аяқтау қажет екендігін ескертті.&nbsp;Сонымен қатар, Байқоңыр қаласындағы 50 пәтерлі 5 тұрғын үйдің құрылыс жұмыстарын қадағалады. «Нұрлы жер» бағдарламасы шеңберінде қолға алынған тұрғын үйлердің жалпы ауданы 15 372,6 шаршы метрді құрайды. Құрылыс барысын саралаған облыс әкімінің орынбасары тиісті сала басшыларына пәтерлерді уақытында аяқтап, халық игілігіне беру үшін жұмысты сапалы орындау керектігін қаперге салды. &nbsp;

Облыс әкімінің орынбасары Қармақшы ауданына жұмыс сапарымен барды

<a href="https://kyzylorda-news.kz/">Kyzylorda-news.kz</a>&nbsp; Әйелін өлтірді деп айыпталып отырған экс-министр Қуандық Бишімбаевқа қатысты сот отырысында екінші айыпталушы Бақытжан Байжанов қылмысты жасырып қалды дегенмен келіспейтінін мәлімдеді, - деп хабарлайды <a href="https://dalanews.kz/kz">Dalanews.kz.</a>Сот отырысы басталғаннан кейін Қуандық Бишімбаевтың адвокаты Ғазымжанов залдан "#ЗаСалтанат. Пожизненное" деп жазылған киім киген адамдарды шығарып жіберуді сұрады. Алайда судья қорғаушы тараптың бұл өтінішін қанағаттандырмады.Сонымен қатар, Байжанов жасырып қалды деген айыппен келіспейтінін мәлімдеді.&nbsp;<blockquote>"Қорғаушымды қолдаймын. Жасырып қалды дегенмен келіспеймін. Қылмысты жасырып қалған жоқпын", - деді ол.</blockquote>Бұған дейін айыптаушы тарап екінші сотталушы Бақытжан Байжановқа қатысты сот тергеуін қайта бастауға өтініш жасады.Бақытжан Байжанов Қылмыстық кодекстің екі бабы бойынша қылмыс жасады деп айыпталып отыр: 432-бап "ауа ауыр қылмысты жасырып қалу" және 434-бап "аса ауыр қылмысты хабарламау".Өткен сот отырысында сот жарыссөзі басталар алдында мемлекеттік айыптаушы сотталушы Бақытжан Байжановқа тағылған айыпты нақтылау үшін сот тергеуін қайта бастау туралы өтінішхатты мәлімдеді. Сот өтінішхатты қанағаттандырды.<blockquote>Прокурор Бақытжан Байжановқа қатысты Қылмыстық кодекстің 434-бабының (қылмыс туралы хабарламау) бөлігінде айыптаудан бас тартты және оған қатысты қылмыстық істі Қылмыстық кодекстің 432-бабы бойынша қарауды жалғастыруды сұрады (аса ауыр қылмысты күні бұрын уәделеспей жасырып қалу).</blockquote>Сот тараптарға Бақытжан Байжановқа қатысты айыптаудың жаңа тұжырымымен танысуға уақыт берді. Сот отырысы осылайша 2 мамырға шегерілген еді.Айта кетейік, Астана қаласының мамандандырылған ауданаралық сотында Қуандық Бишімбаевқа қатысты қылмыстық іс бойынша бірнеше сот отырысы өтті. Оны дүйім жұрт Жоғарғы соттың YouTube каналынан онлайн тамашалады.Азаматтық некедегі әйелі Салтанат Нүкенованы өлтірді деген айыппен сотталып жатқан экс-министр Қуандық Бишімбаевты адвокат Лейла Рамазанова, Назкен Құсайынова, Ерлан Ғазымжановтар қорғап жатыр.Ал марқұм Салтанат Нүкенованың ағасы Айтбек Амангелді мен оның отбасының адвокаттары – Жанна Оразбахова мен Әлия Омарова.27 наурызда экс-министр Қуандық Бишімбаевтың ісі бойынша алқабилер таңдалған еді. Алқабилер алқасына 12 адам іріктелді: 10 – негізгі құрам, 2 – қосалқы. Содан кейін ашық сот отырыстары басталды.Сонымен қатар, Қуандық Бишімбаев сотта Салтанат Нүкенованы аса қатыгездікпен өлтіргенін мойындамады. Бұл оқиға 2023 жылы 9 қарашада Астана қаласындағы BAU мейрамханасында болды.Бишімбаевқа екі бап бойынша айып тағылды:<ul><li>аса қатыгездікпен кісі өлтіру (15 жылдан 20 жылға дейін немесе өмір бойына бас бостандығынан айыру);</li><li>қинау (4 жылдан 7 жылға дейін бас бостандығын шектеу немесе осы мерзімге бас бостандығынан айыру).</li></ul>Қуандық Бишімбаевқа қатысты 24 сәуірде өткен сот отырысында сот тергеуі аяқталғаны белгілі болды. Ендігі кезек сот жарыссөзінде.&nbsp;Фото: Жоғарғы соттың баспасөз қызметі&nbsp;

Байжанов "қылмысты жасырып қалды" дегенмен келіспейтінін мәлімдеді

<a href="https://kyzylorda-news.kz/">Kyzylorda-news.kz</a>&nbsp; Ресей үшін Байқоңыр ғарыш айлағының стратегиялық, коммерциялық маңызы өте жоғары. Осы орайда Ресей тарапы Қазақстаннан 2025 жылдан кейін де Байқоңыр ғарыш айлағынан "Протон" зымырандарын ұшыруға рұқсат сұрап отыр. Ал бұл экология үшін қауіпті саналатын улы отын құйылатын зымырандарды ұшыру дегенді білдіреді, - деп хабарлайды <a href="https://dalanews.kz/kz/article/resey-protondardi-ushiru-merzimin-uzartuga-muddeli.html">Dalanews.kz</a>.Ресми деректерге сүйенсек, "Роскосмос" пен ресейлік Хруничев орталығы Қазақстанға 2025 жылдан кейін Байқоңыр ғарыш айлағынан "Протон" зымырандарын ұшыру мерзімін ұзарту туралы өтінішпен жүгінген. Зымырандардың бұл түрін пайдалана беру Астананың арнайы келісімін талап етеді, өйткені "Протондарға" арналған отынның құрамында уыттылығы жоғары компоненттер бар.<blockquote>"Хруничев орталығы мен "Роскосмос" мемлекеттік корпорациясы тарапынан ұсыныстар пысықталып, қазақстандық әріптестерімізге жолданды. "Байқоңыр" кешені бойынша бұл мәселені іске асыру жолдары Үкіметаралық комиссия шеңберінде іздестіріліп жатыр", - деді Алексей Варочко.</blockquote>Деректерге сүйенсек, қазір әртүрлі дайындықтағы он "Протон-М" зымыран тасығышы бар. Бұл зымырандар Ресей Федерациясының ғарыштық бағдарламасының міндеттерін орындау үшін де, коммерциялық мақсатта да қолданылған. Алайда Ресейдің Украинаға қарсы соғыс қимылдары басталғаннан кейін кейбір тапсырыс берушілер Роскосмоспен ынтымақтастықты тоқтатқан, ал бұл зымырандардың бір бөлігі сұраныссыз қалуына әкеп соқты.Осыған байланысты Роскосмос "Протондарды" қолданудың жаңа мүмкіндіктерін қарастырып отыр деген ақпарат бар. Байқоңыр ғарыш айлағынан бұл зымырандарды ұшыруды тоқтату туралы Қазақстанмен арада жасалған келісімге қарамастан, 2025 жылдан кейін де оларды ұшыруға деген қызығушылық қалған зымырандарды пайдалану жолдарын табу қажет екенін көрсетіп отыр.<blockquote>"Байқоңыр ғарыш айлағынан "Протон" зымырандарын ұшыру Ресей мен Қазақстан арасында қызу пікірталас тақырыбына айналып отыр. Оған қоса зымырандарда отынның аса улы құрамдас бөлігі - гептил пайдаланылуы мәселені тіпті ушықтырып отыр. Бұл зат қоршаған ортаға да, адам денсаулығына да аса үлкен қауіп төндіреді", - деп жазылған мәліметте.</blockquote>2023 жылы "Роскосмос" пен "Бәйтерек" Қазақстан-Ресей кәсіпорны арасында түсініспеушілік туындаған. Мәселе "Протондарды" ауыстырады деп болжанған "Союз-5" зымыранының экологиялық әсерін бағалауға байланысты берешектен шыққан.Ал "Протондарды" өндіретін Хруничев орталығы 2025 жылдан кейін де бұл зымырандарды ұшыруда Қазақстанмен ынтымақтастықты жалғастыруға ниетті екен.

 Ресей Қазақстаннан 2025 жылдан кейін де "Протон" зымырандарын ұшыруға рұқсат сұрап отыр

<a href="https://kyzylorda-news.kz/">Kyzylorda-news.kz</a> &nbsp;«Шетел тілі» бөлімінің «Teaching is a process of development and learning» (Оқыту-даму және оқу процесі) тақырыбындағы пән апталығы бөлімнің бітіруші курс студенттері Қорқыт Ата атындағы Қызылорда университетінің «Гуманитарлық-педагогикалық институтына» қарасты «Шетел тілдері және аударма» кафедрасына оқу-танымдық экскурсияға барды.Мақсаты - 4 курс студенттерін аймақтық университет тынысымен таныстыру және “шетел тілі” мамандығының маңыздылығын көрсету.Шетел тілін оқыту барысында инновациялық технологияларды қолдану студенттердің басқа тілде қарым-қатынас жасаудың барлық қырларын жан-жақты көруді қалыптастырудың бірегей мүмкіндігін білдіреді. Шетел тілін үйрету арқылы сол тілді үйреніп отырған елдің мәдени мұраларымен, тарихымен, ғылым саласындағы жетістіктерімен, әдебиетімен, өнерімен танысады және пән аралық байланыстарды жүзеге асыруға да мүмкіндік жасайды. Жалпы білім беретін жоғары оқу орындарында және орта мектепте шетел тілін практикалық тұрғыда меңгеруге үйреткенде оқушыларды, студенттерді өз бетімен жұмыс істеуге баулу, алған білімін, икемділік дағдыларын жаңа жағдайларға тап болған кезде шығармашылықпен қолдана білуге машықтандыру көзделеді. Шетел тілін оқыту мақсаттары қоғамның мұқтаждығына байланысты өзгеріп отрады. Қазіргі кезде шетел тілін оқыту мынадай төрт мақсатты көздейді: коммуникативтік мақсат, білімділік, тәрбиелік және жетілдіру мақсаты. Осы аталған мақсаттардың ішінде коммуникативті мақсат жетекші рөл атқарады, қалған мақсаттар сол коммуникативтік мақсатты орындау арқылы жүзеге асырылады. Ағылшын&nbsp;тілін&nbsp;оқытуда&nbsp;алты&nbsp;деңгей&nbsp;бойынша&nbsp;студенттер&nbsp;білім&nbsp;алады.&nbsp;Олар: «beginner», «elementary», «pre-intermediate», «intermediate», «upper-intermediate», «advanced».«Шетел&nbsp;тілдері&nbsp;және&nbsp;аударма&nbsp;кафедрасының»&nbsp;меңгерушісі,&nbsp;білім&nbsp;беру&nbsp;бағдарламасының&nbsp;жетекшісі,&nbsp;педагогика&nbsp;ғылымдарының&nbsp;магистрі,&nbsp;аға&nbsp;оқытушысы&nbsp;Бекназарова&nbsp;Ұлжан&nbsp;Өмірзаққызы&nbsp;колледж&nbsp;студенттерін&nbsp;білім&nbsp;беру&nbsp;бағдарламасының&nbsp;тарихымен,&nbsp;материалдық&nbsp;техникалық&nbsp;базамен,&nbsp;мультимедиялық-лингафондық&nbsp;кабинеттермен&nbsp;және&nbsp;кафедраның&nbsp;профессор-оқытушылар&nbsp;құрамымен&nbsp;таныстырды.&nbsp;Сонымен&nbsp;қатар,&nbsp;әр&nbsp;жыл&nbsp;сайын&nbsp;шетелден&nbsp;волонтер-оқытушылар&nbsp;келіп,&nbsp;білім&nbsp;алушыларға&nbsp;сабақ&nbsp;беретінін&nbsp;атап&nbsp;айтты.&nbsp;Осы&nbsp;жылы “Fulbright”бағдарламасының&nbsp;стипендианты,&nbsp;АҚШ&nbsp;елінен,&nbsp;Эльбертон (Джорджия)&nbsp;қаласынан&nbsp;келген&nbsp;оқытушы&nbsp;Анна&nbsp;Кубас&nbsp;және&nbsp;корей&nbsp;тілі&nbsp;бойынша&nbsp;ЮХе&nbsp;Джин-&nbsp;корей&nbsp;тілін&nbsp;екінші&nbsp;тілретінде&nbsp;оқыту&nbsp;магистрі,&nbsp;Ким&nbsp;Джинкён -&nbsp;корей&nbsp;тілінің&nbsp;оқытушысы,&nbsp;магистр,&nbsp;Ким&nbsp;Ёнбом -&nbsp;корей&nbsp;тілінің&nbsp;оқытушысы,&nbsp;магистр&nbsp;арнайы&nbsp;келіп,&nbsp;білім&nbsp;алушыларға&nbsp;дәріс&nbsp;бергенін&nbsp;деатап&nbsp;көрсетті.&nbsp;Айта&nbsp;кетейік,&nbsp;аталған&nbsp;танымдық&nbsp;экскурсия "Teaching English while exploring the world "&nbsp;тақырыбы&nbsp;бойынша&nbsp;кәсіби&nbsp;бағдар&nbsp;жұмысы&nbsp;аясында&nbsp;өткізілді.&nbsp;Қорлан САРЫ

Қызылордалық студенттер арасында оқу-танымдық экскурсия өтті

<a href="https://kyzylorda-news.kz/">Kyzylorda-news.kz</a> 1 мамыр мерекесі тәуелсіз Қазақстанда 1996 жылдан бастап «Қазақстан халқы бірлігі күні» ретінде аталып өтіліп келеді. Мерекенің кешегі өткен тарихына көз жүгіртсек, үш мың жыл бұрын ежелгі Италия тұрғындары жердің қамқоршысы әйел құдай Майяға табынған. Соның құрметіне көктемнің соңғы айын «май» деп атап, осы айдың бірінші күнінде серуендер өткізіп, тойлар жасады. 1 мамыр мерекесінің тарихы еңбекшілердің ынтымақтастығы күні ретінде 1889 жылдың шілдесінен бастап атап өтіле басталды. Кеңес Одағында еңбекшілердің ынтымақтастық күні мемлекеттік мереке болып табылып, сән-салтанатпен атап өтілді. 1 мамыр мерекесі 1990 жылы еңбекшілердің ынтымақтастық күні ретінде тойланды. Сөйтіп мамыр мейрамы бүгінде Қазақстан халқының бірлігі күні деген мазмұнда жалғасын тауып, көпэтносты елдің тыныштығы мен татулығының нышанына айналды.Сол ынтымақ-бірліктің бір көрінісі – Қазақстан халқы Ассамблеясының құрылуы. Бұл – ешбір елде болмаған ерекше, саяси маңызы зор құрылым. Қазақстан халқы Ассамблеясы бүгінгі таңда еліміздің саяси жүйесінде маңызды тұтқа болып табылады.Ел ішіндегі түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды насихаттап келе жатқан мереке қазақ халқын көпшілікке үлгі етіп отыр. Қай кезден де қиын-қыстау заманның өзінде жақын мен жаттың балаларын өгейсінбей, өз бауырына тартқан ұлт үшін бұл қанға сіңген қасиет, ертеден келе жатқан тектіліктің анық үлгісіндей еді. Бір ғана ұлт болып емес, көп ұлтты мемлекетке айналып, солардың бірлігінің, жұмылған күшінің нәтижесінде біз бүгінгі күнге жеттік.Шындығында өзгені өгейсінбей, бір туған бауырындай қарамау – қазаққа жат қылық. Еліміздің қай аймағында болса да өзге ұлт өкілдері қазақ жерін өз үйіндей көріп, қазірде сіңісіп, тіпті тумалы болып кеткен. Мұндай жандар ауданда да жетерлік.Бір кездегі Аралдың ахуалы баршаға мәлім. Қауқары зор зауыттар мен теңіздің толқыны тайдай тулаған уақытында қызметпен, түрлі жағдаймен қоныс аударып келіп, кейіннен осында тұрақтап, теңізден сән, тұрмыстан мән кеткен қысылтаяң шақта шаңырақтарын жықпаған жандардың ұрпақтары әлі күнге дейін теңізді өлкені төл мекеніне балайды. Тіпті жергілікті халық үдере көшкен кезеңде табан аудармай тұрақ тепкен оларды мұндағы жұрт та жақын тартады.Бүгінгі таңда мұнда 23 орыс, 4 өзбек, 3 қырғыз, 3 молдован, 6 татар, 1 украин, 6 кәріс, 2 қарақалпақ және 1 алтайлық ұлт өкілдері тұрмыс кешіп жатыр. Барлығының ойы бір. Ол – қазақтың бауырмалдығы мен көңілінің кеңдігіне деген алғаусыз алғыс. Солардың бірі Виктор Чумаш:<blockquote>– Ата-анам Аралға ертеректе қоныс аударған. Мен осында тудым, осында өстім, білім алдым. Менің тіршілігім Аралмен, өмірім қазақпен тікелей байланысты. Осы жасқа келгенше өзім өскен ортадан, достардан, ұжымнан бірде-бір рет шеттетіп, жат санауды байқамадым. Осындай пейілі кең, көңілі дархан халықтың арасында ғұмыр кешіп жатқаныма қуаныштымын. Туыстықты, достықты, қонақжайлылықты әрбір ел қазақтан үйренсе деймін. Осынау бірліктің арқасында еліміз еңсе тіктеп, әлем халықтарымен иық теңестірді. Егемендік алған жылдардың ішінде талай қиындықты бағындырдық, қаншама жетістікке жеттік. Сындарлы сәттерде сүрінбей, тек алға дамып келеді. Осының барлығы тілеуі бір халықтың арқасы деп ойлаймын. Мен де, менің ұрпақтарым да қазақпен бірге жасасады. Себебі балаларыма әрқашан осыны өсиет етіп, үлгі қылып айтып отырудан шаршамаймын. Жақында ғана Мемлекет басшысының ҚХА-ның сессиясында &nbsp;сөйлеген сөзінің өзі бізге қаншалықты сенім артылып тұрғанының айғағы, – дейді.</blockquote>Иә, «Бірлігі бар ел озады, бірлігі жоқ ел тозады» деген аталы сөз бекер айтылмағаны айғақ. Жұдырықтай жұмылған қазақ елі бүтіндіктің арқасында талай белесті бағындырары сөзсіз.

Ынтымақ – бұзылмайтын қорған

<a href="https://kyzylorda-news.kz/">Kyzylorda-news.kz</a> Жүрек-қантамыр аурулары Қазақстандағы өлім-жітім себептерінің көшін бастап тұр. Міндетті әлеуметтік медициналық сақтандыру жүйесінде осы аурулардың алдын алу мен емдеуге ерекше көңіл бөлінеді. Қымбат оталарды Қазалы көпсалалы орталық аудандық ауруханасының мамандары сәтті жүргізуде.Әйтеке би кентінің тұрғыны Байқазақ Омаров инфарктпен аудандық ауруханаға түсті. Мұнда тәжірибелі мамандар жұмыс істейді, ангиограф, қажетті медициналық жабдықтар бар. 59 жастағы науқасқа коронарография жасалып, содан кейін стент орнатылды. Қазір денсаулық жағдайы тұрақтанды.<blockquote>«2011 жылдан бастап жүрек ауруы, сондай-ақ миелолейкоз бойынша диспансерлік есепте тұрамын. Мүгедектік болғандықтан, МӘМС жүйесінде мәртебем «сақтандырылған». Бізге қымбат медициналық қызметтер қол жетімді. Дәрігерлерге мың алғыс!»,- деді Байқазақ Омаров.</blockquote>Аудандық аурухананың рентген-эндоваскулярлық бөлімшесінің мамандары ай сайын 50-60 ота жасайды. Дәрігерлер жамбастың варикозды кеңеюіне, аденома және жатыр миомасына оталарды енгізуді жоспарлап отыр. Ауылдық дәрігерлер атап өткендей, МӘМС жүйесі аясында одан әрі қаржыландырумен медицина мүмкіндіктері де артады.<blockquote>«МӘМС жүйесі неге қажет? Коронарографияға шамамен 500 мың теңге жұмсалады, стенттеу құны 2 млн. теңгеден асады. Бұл қымбат оталар ауыл тұрғындарына да қол жетімді болды. Бұдан басқа, біз пациенттерді Астана, облыс орталығының ауруханаларға жібереміз. Емдеуге жатқызу бюросы порталы арқылы пациенттер жоспарлы медициналық көмек алады»,-дейді рентген-эндоваскулярлық бөлімшенің меңгерушісі Кенесары Баспаев.</blockquote>Жыл басынан бері бөлімше мамандары 400-ге жуық ота жасады. Бұл мақсаттарға Әдеуметтік медициналық сақтандыру қорынан 171,8 млн.теңге бөлінді.<figure class="image"><img src="https://knadmin.beoblood.kz/uploads/photo_2024_04_29_09_57_49_dde05134d9.jpg" alt="photo_2024-04-29_09-57-49.jpg"></figure><figure class="image"><img src="https://knadmin.beoblood.kz/uploads/Whats_App_Image_2024_04_16_at_16_48_26_7997e1fb58.jpeg" alt="WhatsApp Image 2024-04-16 at 16.48.26.jpeg"></figure>

Қазалы: МӘМС арқылы медициналық қымбат қызметтер тегін көрсетіледі 

<a href="https://kyzylorda-news.kz/">Kyzylorda-news.kz</a> Аудан әкімі Берік Сәрменбаев Тереңөзек кентінде жұмысын бастаған «Отбасын қолдау» орталығының жұмысымен танысты. Аудан басшысы орталық жұмысының маңызын айқындап өтті.<blockquote>– Мемлекет басшысы Қасым-Жомарт Кемелұлы Тоқаев отбасыларды, оның ішінде ана мен баланы әлеуметтік қолдау шарасына ерекше басымдық беріп, нақты тапсырмалар жүктеді. Осы ретте, Президент жуарда ғана ана мен бала құқығын қорғау жүйесін жетілдіру үшін тұрмыстық зорлық-зомбылыққа қатысты күшейтілген заңға қол қойды. Бүгінде біздің алдымызда отбасы институтын дамыту міндеті тұр. Ол үшін еңбекқорлық, білімпаздық, тілектестік сынды адал азаматқа тән қасиеттерді қоғамда жан-жақты дәріптеудің жаңа сапасын қалыптастыру керекпіз. Жанұяда отбасылық құндылықтар сақталуы тиіс. Осы бағытта Сыр өңірінде ауқымды жұмыстар атқарылып жатыр. Атап айтқанда, ел Президенті Қасым-Жомарт Кемелұлы Тоқаевтың тапсырмасымен, аймақ басшысы Нұрлыбек Машбекұлы Нәлібаевтың қолдауымен облыс орталығында «Отбасы», «Анаға тағзым» орталықтары ашылды. Жақында ғана аудан орталығында ұлттық құндылықтар дәріптелетін «Руханият» орталығының кірпіші қаланды. Міне, осындай игі істердің жалғасы ретінде бүгін «Отбасын қолдау» орталығы жұмысын бастады. Орталық жұмысының негізгі мақсаты – әлеуметтік жағынан осал отбасылардың өмір сүру сапасын жақсарту, олардың экономикалық дербестігіне және азаматтардың өмірлік қиын жағдайдан шығуына қолдау көрсету, – деді Берік Әбдіғаппарұлы.</blockquote>Орталық жұмысымен танысқан аудан ардагерлері қазіргі таңда осындай орталықтардың қоғамда қажеттілігі барын атап, аналар мен балаларға қолдау көрсетіліп жатқанына ризашылықтарын білдірді.Айта кетейік, «Отбасын қолдау» орталығында барлығы 7 қызметкер жұмыс істейді. Орталық қызмет алушыларына қолайлы жағдай жасау мақсатында арнайы құрал-жабдықтармен қамтамасыз етілген. Мұнда балалар ойын бөлмесі, психологиялық, медициналық көмек көрсететін мамандар кабинеттері бар. Сондай-ақ, жатын бөлмесіне өмірлік қиын жағдайға тап болған және зорлық-зомбылыққа ұшыраған адамдар уақытша орналастырылады. Орталықта медициналық, құқықтық, әлеуметтік, психологиялық кеңестер беріледі.

Аудан орталығында «Отбасын қолдау» орталығы жұмысын бастады

<a href="https://kyzylorda-news.kz/">Kyzylorda-news.kz</a> Жаңа технологиялар қарқынды дамыған заманда әлемдік бизнес те алға қарай қадам басуда. Бірі әлемдік трендке айналса, енді бірі қарапайым тұрмыста қолдануға тиімді. Кәсіпкерліктің сан алуан түрі бар десек, біз тұрып жатқан өлкеде қандай кәсіптің түрі жоқ? Не ашуға болады? Бір сарынды кәсіппен айналысқанша, өңірімізге тағы қандай бизнесті бастауға болады?Мәселен, макарон өндірісін алып қарайықшы. Деректерге сүйенсек, макарон өнімдері ең алғаш Азия елдерінде ертеден белгілі болған. Орта ғасырларда неополитон саудагерлері макарон өнімдерін АҚШ-тан Италияға әкелген. Содан бастап Италия макарондардың Отаны атанған.&nbsp;Өнімнің сипаттамасына назар аударсақ. Біріншіден, бұл өнім өз қасиеттерін жоғалтпай отырып сақтау мерзімі 1 жылға дейін созылады. Дайындалудағы жылдамдығы мен жайлылығы ұтымды. Жоғары азық бағалығына ие. Яғни, оның 100 г құрғақ өнімнен дайындалған ас адам ағзасының тәулік ішінде қажет ететін ақуыз бен көмірсутектің 10 пайызын қанағаттандырады. Екіншіден, макарон өнімдеріндегі ақуыз мен көмірсутектің қоректендіргіш заттарының жоғары меңгерілуі өте жақсы.&nbsp;«TNS Gallup Media Asia» компаниясымен жүргізілген «Media Market Indexl» зерттеулерге қарасақ, Қазақстанда макарон өнімдерін тұрғындар 97 пайызын тұтынады екен. Демек, бұл өнімге сұраныс жоғары.&nbsp;Өнім қалай сатылады? Өнімнің сатылуы компанияның коммерциялық қызметі төлем қабілеті бар тұтынушыларға бағытталуы және олармен ұзақ мерзімді келісім-шарттық қатынастарға негізделуі тиіс.&nbsp;Ұлттық статистика бюросының мәліметі бойынша, 2021 жылы макарон өнімдерін (вермишель, спагетти, макарон және рожки) тұтынуды жан басына шаққанда 18 келіні құрады. Бұл Тунис елімен салыстырғанда бір есе, ал АҚШ-тан екі есе көп.&nbsp;Ал Қазақстан макаронды көп жейтін елдердің қатарында. Бұл дегеніміз – кеспе және макарон өнімдері қазақстандықтардың рационындағы маңызды элементтердің бірі. Әсіресе аталған өнім ұлттық тағамдармен тығыз байланысты. Жалпы өнім негізінен Қостанай облысы СҚО, БҚО және Астана, Шымкент қаласында шығарылады.&nbsp;Шиелі ауданында ше? Өкінішке қарай, мұндай өндіріс кәсіпорындары жоқ. Ендеше, тауар және азық-түлік өнімдеріне неге мән бермеске?

Шиеліге макарон өндірісі керек пе?

<a href="https://kyzylorda-news.kz/">Kyzylorda-news.kz</a> &nbsp;«Шетел тілі» бөлімінің «Teaching is a process of development and learning» (Оқыту – даму және оқу процесі) тақырыбындағы пән апталығы аясында бөлімаралық оқытушылардың «Who knows English the best» интеллектуалды сайысы өтті.Мақсаты - оқытушылардың жалпы тілдік қабілеттерін шыңдау, логикалық ойлауға, шапшаң шешім қабылдай білуге баулу, жан-жақты білімдерін толықтырып, кәсіби біліктіліктері мен құзіреттіліктерін арттыру.&nbsp;Шет тілін білу сән емес, заман талабы екені белгілі. Туған тілді жетік меңгеруді, қастерлей білуді мақсат етіп қою керек. Бірақ бір тілмен ғана шектеліп қоймай, жан-жақты болуға, тіл үйренуге талпыну керек. Бұл жастардың болашағыңның ғана емес, тұтастай ұлтыңның болашағының жарқын болуының кепілі. Ағылшын тілі – байланыс тілі. Ағылшын тілі қазіргі заман талабына сай, кең ауқымда қолданылатын тіл. Жаһандық экономикадағы тіл десек, кем түспес едік. Ағылшын тілі заманымызда өте маңызды рөл алып отыр. Халықаралық сипаттағы ағылшын тілінің рөлі, қазіргі&nbsp;&nbsp;XXI ғасырда тереңдетілген, маңызды рөл болып саналуда.&nbsp;Мектеп табалдырығынан бастап жоғарғы оқу орындарында ағылшын тілін үйрету айрықша мәртебеге ие. Ағылшын тілінің Қазақстандағы рөлінің арта түсуі қазақ тілінің мемлекеттік мәртебесін іске асыру мәселесін маңызды ете түсуде. Тіл үйренудің ешқандай зияны жоқ, керісінше пайдасы ұшан-теңіз.Байқауда «Бастауыш білім беру педагогикасы мен әдістемесі» бөлімінің оқытушылары; «Физика-математика және ақпараттық жүйе» бөлімінің оқытушылары; «Дене тәрбиесі және спорт» бөлімінің оқытушылары; «Мектепке дейінгі тәрбие және оқыту» бөлімінің оқытушылары; «Филология» бөлімінің оқытушылары&nbsp; «Өнер» бөлімінің оқытушылары бас сынады.&nbsp;Қатысушыларды әділ бағалап, қазылық жасаған: Башарова Г.Е - колледж әдіскері; Пазылова З.Ж - кітапхана меңгерушісі;&nbsp;&nbsp;&nbsp;&nbsp; Ибрагимова С.Е - ағылшын тілі пәнінің оқытушысы;«Who knows English the best»&nbsp;интеллектуалды&nbsp;сайысының&nbsp;шарты:&nbsp;-&nbsp;Таныстыру 2&nbsp;мин. (әр&nbsp;топ&nbsp;ерекше&nbsp;ағылшын&nbsp;тілінде&nbsp;таныстыру&nbsp;дайындап&nbsp;келуі&nbsp;керек)- “Quizzlet”&nbsp;платформасы&nbsp;арқылы&nbsp;суреттерге&nbsp;қарап&nbsp;ағылшын&nbsp;тілінде&nbsp;сөздерді&nbsp;табу-&nbsp;Танымал&nbsp;тұлғаны&nbsp;тап (атақты&nbsp;тұлғаның&nbsp;суреті&nbsp;беріледі&nbsp;және&nbsp;сол&nbsp;тұлғаның&nbsp;кімекенін&nbsp;анықтап,&nbsp;ағылшын&nbsp;тілінде&nbsp;ақпарат&nbsp;береді)&nbsp;- Викторина (әр түрлі категориялар бойынша сұрақтар қойылады)- Капитандар сайысы (блиц сұрақтар қазақ, орыс, ағылшын тілдерінде)Сайыс қорытындысы бойынша: I орын «Дене тәрбиесі және спорт» бөлімінің оқытушылары; II орын «Өнер» бөлімінің оқытушылары; III орын «Филология» бөлімінің оқытушылары иеленді. Сонымен қатар «Мектепке дейінгі тәрбие және оқыту», «Физика-математика және ақпараттық жүй», «Бастауыш білім беру педагогикасы мен әдістемесі»&nbsp;&nbsp;&nbsp;&nbsp; &nbsp;бөлімдері Алғыс хаттармен марапатталды.&nbsp;Қорлан САРЫ

«Who knows English the best» интеллектуалды сайысы өтті

&nbsp; Маңғыстау облысында әйелін сөзбен қорлап, күш көрсеткен ер адамға қатысты сот қаулысы шықты. Бұл туралы <a href="https://stan.kz/aktauda-ayelimen-zhanzhaldaskan-tyrgin-10-taulikke-kama-399528/">Stan.kz </a>ақпарат агенттігі хабарлайды.Түпқараған аудандық сотында әкімшілік құқықбұзушылық туралы кодекстің 73-2-бабы 1-1-бөлігі бойынша Е есімді азаматқа қатысты әкімшілік құқық бұзушылық (Физикалық ауырлық келтіре отырып ұрып-соғу немесе күш көрсету, бірақ денсаулығына жеңіл зиян келмеген) туралы іс қаралды."Сотта Саин Шапағатов ауылының тұрғыны әйелімен жанжал кезінде оны қорлап, бір қолымен мойнынан ұстап тұрғаны, яғни күш көрсеткені, бірақ денсаулығына жеңіл зиян келтірмегені анықталды", – деп атап өтті Маңғыстау облыстық сотының баспасөз қызметі.Сот ер адамды әкімшілік жауапқа тартып, 10 тәулікке қамауға алу жазасын тағайындады.Қаулы заңды күшіне енді.Айта кетейік, Шымкентте сот мас күйде 9 жастағы қызын зорламақ болған адамға үкім шығарды. Ол 15 жылға бас бостандығынан айырылды.&nbsp;Фото: Нұрболат Нұржаубай

Ақтауда әйелімен жанжалдасқан тұрғын 10 тәулікке қамауға алынды

<a href="https://kyzylorda-news.kz/">Kyzylorda-news.kz</a> Синоптиктер мамыр айында ауа райы қандай болатынын айтты, - деп хабарлайды Tengrinews.kz.Консультативтік болжамға сәйкес, мамырдың бірінші онкүндігінде еліміздің басым бөлігінде ауа райының тұрақсыз сипаты күтіледі, жиі жаңбыр жауады, кейде нөсер жаңбыр, кей күндері найзағай, қатты жел және бұршақ жауады. Онкүндіктің басында және ортасында республиканың солтүстігінде, орталығында,шығысында,оңтүстік-шығыс аудандарының таулы және тау бөктерінде түнде қарға ұласатын жаңбыр болуы мүмкін.Мамырдың бірінші онкүндігінде ауа температурасының ауытқуы күтіледі:<ul><li style="text-align:justify;">елдің солтүстік-батысында, солтүстігінде, орталығында, шығысында түнде -5+3°С-тан +2+10°С-қа дейін, күндіз +5+13°С-тан +20+28°С-қа дейін;</li><li style="text-align:justify;">елдің оңтүстік жартысында - түнде -3+5°С-тан +8+15°С-қа дейін, күндіз +13+23°С-тан +25+30°С-қа дейін.</li><li style="text-align:justify;">елдің батысында түнде +8+18°С-тан -3+7°С-қа дейін, күндіз +18+25°С-тан +8+15°С-қа дейін.</li></ul>Айдың екінші және үшінші онкүндігінде жылы ауа массаларының Иран аудандарынан қарқынды шығарылуымен ауа температурасының біртіндеп жоғарылауы болжанып отыр:<ul><li style="text-align:justify;">республиканың солтүстігінде, орталығында, шығысында түнде +10+18°С дейін, күндіз +25+35°С дейін;</li><li style="text-align:justify;">оңтүстік жартысында түнде +15+23°С дейін, күндіз +30+40°C ыстыққа дейін.</li></ul>Мамыр айының екінші және үшінші онкүндігінің кей күндерінде атмосфералық фронттардың өтуімен найзағайлы жаңбыр жауады, ыстықтың аздап төмендеуі - солтүстікте, орталық және шығыс аймақтарда күндіз +15+25°С дейін, оңтүстікте +20+28°С дейін күтіледі.Мамыр айында орташа айлық ауа температурасы республиканың басым бөлігінде нормадан 1-2° жоғары, еліміздің батыс аймақтарында норма шамасында болады деп күтіліп отыр.Мамыр айында жауын шашын мөлшері республиканың басым бөлігінде норма шамасында, елдің қиыр батысында нормадан көп, Қазақстанның оңтүстік, орталық өңірлерінде нормадан аз болады деп болжанған.Фото: freepik.com

Қазақстан және Қызылорда облысының жаңалықтары