<a href="https://kyzylorda-news.kz/ru">Kyzylorda-news.kz</a> &nbsp;Қалалық орталықтандырылған кітапханалар жүйесіне қарасты №13 балалар кітапханасы Қызылорда қалалық оқушылар мен жасөспірімдер үйімен бірлесіп 7 мамыр – Отан қорғаушылар күні және 9 мамыр – Ұлы Жеңістің 79 жылдығына орай «Ерлер - жердің қорғаны, елдің тұтқасы» атты ерлік сағатын М. Ықсанов атындағы политехникалық колледжінің студентерімен, оқытушылары, № 176 орта мектептің 8 сынып оқушылардың қатысуымен өткізді.Шара «Жас математик» үйірмесі оқушыларының «Әкеге алғыс» әні прологымен ашылды. Кеудесін оққа тосқан боздақтарымызды бір сәт үнсіздікпен еске алып, 10 минуттық бейнебаян лед экраннан көрсетілді. Оқушылар үйінің өнерпаздарынан құрылған «Асыл мұра» дәстүрлі әншілер ансамблі «Домбыра», «Тобылғысай» бірқатар халық әндерін орындап, Көмекбай Қаракөзов атындағы №235 орта мектептің 5 «Г» сынып оқушысы Совет Сезім қазақ ақындарының өлең - жырларын жатқа айтты. Ән терме үйірмесінің оқушылары «Жақсан» жыраудың өсиет термесін дауылпаз және домбырамен шырқап, кеш қонақтарының ықыласына бөленді. Оқушылар үйінің жас өнерпазы Айдосұлы Нөсер «Батырлар ұраны» әнін жанды дауыспен жеке айтты. Оқушылар үйінің ардагер ұстазы, талай шәкірттерді сахна мәдениетіне тәрбиелеген шығармашыл ұстаз Гүлжамал Төлегенқызының Соғыс жылдарындағы бірнеше әндерді поппури орындап, «Қазақ елі» әнін жанды дауыспен шырқады. «Ер – елінің қорғаны» атты кітап көрмесі бойынша әдебиеттер таныстырылды.&nbsp;Мерекелік ерлік сағатына Қызылорда қаласының оқушылар мен жасөспірімдер үйінің ардагер ұстазы Тұрсынбекова Гүлжамал, Қызылорда облысының кәмелетке толмағандардың істері жөнінде мамандандырылған ауданаралық сотының бас маманы Төлеубай Дәулет, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция майоры Оразалиев Қанағат Ибадуллұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция капитаны Маханбетжанов Нұржан Ғалымжанұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция капитаны Сарбалаев Жасұлан Ахметұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция аға лейтенанты Айтмағамбет Дастан Мәлікұлы, Қарауыл бастығы азаматтық қорғау аға лейтенанты Икмат Алмат, Бөлімше командирі азаматтық қорғау аға сержанты Сламбеков Асылжан, Аға өрт сөндіруші – құтқарушы азаматтық қорғау аға сержанты Жұмаев Құрманғазы, Мәдениет саласының еңбек ардагері, Тасбөгет кенті қоғамдық кеңесінің мүшесі Тобағабылов Олжабай, Мәдениет саласының еңбек ардагері, Тасбөгет кенті қоғамдық кеңесінің мүшесі-Шағыров Қабдеш Шағырұлы, ҚР Журналистер одағының мүшесі, ҚР «Құрметті автокөлікші» төсбелгісінің иегері, Шиелі ауданының құрметті азаматы Таңрақбаев Жүзбай Ибрагимұлы, Небада- Семей ядролық полигонда әскери қызметін атқарған ардагер «Құрметті автокөлікші» Ахметов Ералы, Тасбөгет полиция бөлімінің жергілікті полиция қызметі бөлімінің юбенальды бөлімшесінің учаскелік полиция инспекторы, полиция капитаны Айнұр Әбдірахманова Жаңабайқызы, Тасбөгет полиция бөлімінің жергілікті полиция қызметі бөлімінің юбенальды полиция бөлімшесінің учаскелік полиция инспекторы, полиция лейтенанты Темірбек Айгерім Темірбекқызы қатысып, жастарға мағыналы әңгімелер, тілектер айтты. Қалалық оқушылар үйінің директоры Гауһар Құдайбергенова шараға қонақтарға, ұстаздарға, жас оқырмандарға рахметін айтып, мерекелік кешті қорытындылады.&nbsp;Қорлан САРЫ

«Ерлер - жердің қорғаны, елдің тұтқасы» атты мерекелік шара өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы М.Мәметова атындағы Қызылорда педагогикалық жоғары колледжінде «Scaffolding-Тәжірибеге бағытталған тәсілдер-кәсіби құзіретті маман даярлаудың негізі» тақырыбында ағылшын тілінің оқытушыларына арналған облыстық семинар өтті.Семинарға «Шетел тілі» бөлімінің оқытушысы, Қызылорда облысы ағылшын тілі мұғалімдері қауымдастығының вице-президенті Л.Драхметова, «Шетел тілі» бөлімінің оқытушысы, білім магистрі Р.Жолаушиева, Қызылорда облысы бойынша аймақтық TOEFL (ТОЕФЛ) орталығының жетекшісі, Қорқыт Ата атындағы Қызылорда университетінің халықаралық қатынастар бөлімінің топ жетекшісі, Қызылорда облысы ағылшын тілі мұғалімдері қауымдастығының президенті Т.Кеншінбай, "Назарбаев Зияткерлік мектептері" ДББҰ, Педагогикалық шеберлік орталығының Қызылорда қаласындағы филиалының аға менеджері, тренер Е.Оспанов, Қазанғап атындағы жоғары музыкалық колледжінің ағылшын тілі пәні оқытушысы А.Баймағанбетова, №23 Ж.Қизатов атындағы мектеп-лицейінің ағылшын тілі мұғалімі Б.Беккулиева, А.Түгелбаева және М.Мәметова атындағы Қызылорда педагогикалық жоғары колледжінің «Шетел тілі» бөлімінің оқытушылары және 3, 4-курс білім алушылары қатысты.Сондай-ақ, сала маманы ретінде қатысқан орталықтың ағылшын тілі оқытушысы Б.Байділдаева аударма саласындағы жаңа мүмкіндіктер мен мәселелер туралы ақпаратпен бөлісті.Семинар барысында өз тәжірибелерімен бөліскен мамандар қатысушылардың сұрақтарына жауап беріп, семинар соңы өзара қызу пікірталасқа ұласты.

Қызылорда: Ағылшын тілі мамандарына арналған семинар өтті

<a href="https://kyzylorda-news.kz/">Kyzylorda-news.kz</a>&nbsp; 7 мамыр – ҚР Қарулы күштерінің құрылған күні. Бұл күнді қазақстандықтар Отан қорғаушылар күні деп, жыл сайын атап өтеді. Осы айтулы күнге орай, Қызылорда қалалық орталықтандырылған кітапханалар жүйесіне қарасты А.С.Пушкин атындағы орталық кітапхана Абылайхан атындағы жоғары колледж студенттерінің қатысуымен «Әскер – ел тірегі» атты патриоттық сағат өткізді.Шараға арнайы «Отан қорғау-абыройлы міндет» атты кітап көрмесі ұйымдастырылып, көрмедегі ел тарихындағы елеулі оқиғаларды, батылдық пен ерлікті, қаһармандық пен елдіктің нышанын, Отанға деген сүйіспеншілік пен адалдықты жырлайтын ерлік жайлы дастандар, ата-бабаларымыздың ерлігін дәріптейтін әдебиеттер оқырмандардың ерекше сұранысына ие болды.Мерекелік шара барысында «Төтенше жағдайда қорғау» мамандығының 1 курс студенттері Нұрханов Мейіржан, Құрбан Ерасыл, Оразбек Ердәулет өз ой-пікірлерімен бөлісіп, біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін, абыройы асқақ азаматтардың мерекесі, Отан қорғаушылар күні құтты болсын деп жылы лебіздерін жеткізді.Жас жеткіншек ұрпақ бойына Отанды сүюге, ерлік көрсеткен батырлардың бойындағы ержүректілікті, ұлтжандылықты, Отанын, елін қорғай білуге, отаншылдық рухымызды шыңдап, қастерлей білуге тәрбиелеу мақсатында ұйымдастырылған шара өз деңгейінде аталып өтті.

Қызылорда қаласында «Әскер – ел тірегі» атты патриоттық шара өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық орталықтандырылған кітапханалар жүйесіне қарасты №13 балалар кітапханасы мен Қызылорда қалалық оқушылар мен жасөспірімдер үйімен бірлесіп 7 мамыр – Отан қорғаушылар күні және 9 мамыр – Ұлы Жеңістің 79 жылдығына орай «Ерлер - жердің қорғаны, елдің тұтқасы» атты ерлік сағатын М.Ықсанов атындағы политехникалық колледжінің студентері мен оқытушылары, № 176 орта мектептің 8 сынып оқушыларының қатысуымен өткізілді.Шара «Жас математик» үйірмесі оқушыларының «Әкеге алғыс» әні прологымен ашылды. Кеудесін оққа тосқан боздақтарымызды бір сәт үнсіздікпен еске алып, 10 минуттық бейнебаян лед экраннан көрсетілді. Оқушылар үйінің өнерпаздарынан құрылған «Асыл мұра» дәстүрлі әншілер ансамблі «Домбыра», «Тобылғысай» бірқатар халық әндерін орындап, Көмекбай Қаракөзов атындағы № 235 орта мектептің 5 «Г» сынып оқушысы Совет Сезім қазақ ақындарының өлең-жырларын жатқа айтты. Ән терме үйірмесінің оқушылары «Жақсан» жыраудың өсиет термесін дауылпаз және домбырамен шырқап, кеш қонақтарының ықыласына бөленді. Оқушылар үйінің жас өнерпазы Айдосұлы Нөсер «Батырлар ұраны» әнін жанды дауыста орындады. Оқушылар үйінің ардагер ұстазы, талай шәкірттерді сахна мәдениетіне тәрбиелеген шығармашыл ұстаз Гүлжамал Төлегенқызының соғыс жылдарындағы бірнеше әндерді поппури орындап, «Қазақ елі» әнін жанды дауыспен шырқады. Сондай-ақ «Ер – елінің қорғаны» атты кітап көрмесі бойынша әдебиеттер таныстырылды.Мерекелік ерлік сағатына Қызылорда қаласының оқушылар мен жасөспірімдер үйінің ардагер ұстазы – Тұрсынбекова Гүлжамал, Қызылорда облысының кәмелетке толмағандардың істері жөнінде мамандандырылған ауданаралық сотының бас маманы – Төлеубай Дәулет, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция майоры – Оразалиев Қанағат Ибадуллұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция капитаны Маханбетжанов Нұржан Ғалымжанұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция капитаны – Сарбалаев Жасұлан Ахметұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция аға лейтенанты Айтмағамбет Дастан Мәлікұлы, қарауыл бастығы азаматтық қорғау аға лейтенанты – Икмат Алмат, бөлімше командирі азаматтық қорғау аға сержанты – Сламбеков Асылжан, аға өрт сөндіруші – құтқарушы азаматтық қорғау аға сержанты- Жұмаев Құрманғазы, мәдениет саласының еңбек ардагері, Тасбөгет кенті қоғамдық кеңесінің мүшесі – Тобағабылов Олжабай, мәдениет саласының еңбек ардагері, Тасбөгет кенті қоғамдық кеңесінің мүшесі – Шағыров Қабдеш Шағырұлы, ҚР Журналистер одағының мүшесі, ҚР «Құрметті автокөлікші» төсбелгісінің иегері, Шиелі ауданының құрметті азаматы- Таңрақбаев Жүзбай Ибрагимұлы, Небада-Семей ядролық полигонда әскери қызметін атқарған ардагер «Құрметті автокөлікші» – Ахметов Ералы, Тасбөгет полиция бөлімінің жергілікті полиция қызметі бөлімінің ювенальды бөлімшесінің учаскелік полиция инспекторы, полиция капитаны Айнұр Әбдірахманова Жаңабайқызы, Тасбөгет полиция бөлімінің жергілікті полиция қызметі бөлімінің юбенальды полиция бөлімшесінің учаскелік полиция инспекторы, полиция лейтенанты Темірбек Айгерім Темірбекқызы қатысып, жастарға мағыналы әңгімелері мен тілектерін айтты.Қалалық оқушылар үйінің директоры Гауһар Құдайбергенова шараға келген қонақтарға, ұстаздарға, жас оқырмандарға рахметін айтып, мерекелік кешті қорытындылады.

Қызылордада «Ерлер - жердің қорғаны, елдің тұтқасы» атты ерлік сағаты өтті

&nbsp;Қарт анасын ұрған алматылық тұрғын 10 тәулікке қамауға алынды. Оны&nbsp;маскүнемдіктен мәжбүрлеп емдеу мәселесі бойынша сот отырысы жоспарланған. Бұл туралы <a href="https://stan.kz/kart-anasinin-esebinen-kun-korgen-almatida-er-adam-anas-399811/">Stan.kz </a>ақпарат агенттігі хабарлайды.“НеМолчи” қорының &nbsp;негізін қалаушы Дина Таңсәрінің айтуынша, желіде еш жерде жұмыс істемейтін, өз анасын үнемі соққыға жығып, оның есебінен өмір сүретін маскүнем ұл туралы ақпарат тарады. Ер адам соңғы рет анасын 1 мамыр күні түстен кейін соққыға жыққан.<blockquote>"Көмек сұрап айқайлаған дауысты естіген көршілері пәтерді іздеген. Пәтерді тауып, ішке кірмек болған кезде ер адам есікті ішінен ашып, қашып кетпек болған. Есік сынған. Себебі ер адам үйге үнемі есікті сындырып кіреді екен", - делінген хабарламада.</blockquote>Зейнеткердің сөзінще, бұл бірінші жағдай емес. Ұлы оның есебінен өмір сүріп, еш жерде жұмыс істемейтін көрінеді. Сондай-ақ қария бұған дейін де&nbsp;бірнеше рет полицияға жүгінген. Алматы полиция департаменті жағдайға қатысты түсініктеме берді.<blockquote>"Денсаулыққа зиян келтіру фактісі бойынша сот-медициналық сараптама тағайындалып, құқық бұзушы 10 тәулікке қамауға алынды. 13 мамырда&nbsp;Медеу аудандық азаматтық сотында оны маскүнемдіктен мәжбүрлеп емдеу мәселесі бойынша сот отырысы өтеді", - делінген хабарламада.</blockquote>&nbsp;Фото: Freepik.com

"Қарт анасының есебінен күн көрген": Алматыда ер адам анасын соққыға жыққаны үшін 10 тәулікке қамауға алынды

<a href="https://kyzylorda-news.kz/ru">Kyzylorda-news.kz</a> &nbsp;7 мамыр – Отан қорғаушылар күніне орай «Жас сарбаз» үйірмесі қаламыздағы № 5547 әскери бөлімімен бірлесе отырып, «Әскердегі бір күн» атты шара ұйымдастырды.&nbsp;Әскери іс-шараның басты мақсаты, жастардың бойында Қазақстан Республикасы Қарулы күштерінің, ішкі әскер қатарында әскери борыштарын өтеуге деген қызығушылықтарын ояту, болашақ әскерге шақырылатын жастардың әскер өмірімен танысуына мүмкіндік жасау арқылы жасөспірімдер бойында патриоттық сезімін арттыру және жастар арасында әскери қызметтің беделін көтеру. Отан қорғар әскер барда қорғанымыз мықты бола бермек. Бүгінде мемлекетіміздің арқа сүйер айбынды әскері бар және олардың қатарын көбейту, жастардың қызығушылығын арттыру қолға алынуы тиіс міндеттердің бірі. Осы іс-шара асында сарбаздың таңғы уақыттан бастап, кеш қарайғанша қандай жаттығулар мен нендей дайындықтар жасайтынын болашақ ел қорғайтын азаматтар көріп, Отанды қорғау өзінің міндеті екенін мейлінше оңай ұғындыру болмақ.&nbsp;Шараға колледжден 74 студент қатысты. Студенттер әскери бөлімде болып, сарбаз өмірінің тынысымен танысты. Әскери қызметшілер заманауи атыс қаруының мүмкіндіктері, әскери машиналар мен байланыс құралдарының техникалық сипаттамалары туралы айтып берді.Бөлім командирлері патриоттық, ерлік, елдік тақырыбында дәрістер оқып, жастарды отансүйгіштікке шақырды.&nbsp;Айта кетейік, Қызылордада жүзге жуық студент «Әскердегі бір күн» атты жиынға қатысты. Олар сарбаздардың темірдей тәртіпке бағынған күнделікті тыныс-тіршілігімен етене танысып, әскери жаттығулар жасады. Жастардың бойында Отанға деген сүйіспеншілікті арттырып, әскери-патриоттық рух қалыптастыруды көздеген шара тағылымды кездесуге ұласты. Әскер сапын толықтыруға ниетті жастар кешқұрым алаулаған отты айнала отырып, аға буынның жауынгерлік әңгімесін тыңдады. Қарулы күштер ардагерлері, әкелер кеңесінің өкілдері, сала басшылары мен ұстаздар бас қосқан кеште салауатты өмір салтын ұстану, Отан алдындағы борышты өтеу тұрғысында тұшымды ой-пікірлер айтылды. Сарбаздар әскери әндер шырқап, сан қырлы өнер көрсетті.&nbsp;&nbsp;Бұл республика көлменіде өткен ең алғаш әскери оқу-жаттығу жиын.&nbsp;&nbsp;Қорлан САРЫ Фото: baq.kz

«Орда» колледжінде мерекеге орай әскери іс-шара өтті

<a href="https://kyzylorda-news.kz/">Kyzylorda-news.kz</a> Коллекторлық агенттік&nbsp;бұл жеке және заңды тұлғалардан берешектер өндіріп алуға маманданған ұйым. Банктер мен микроқаржы ұйымдары коллекторлық агенттіктерді &nbsp;берешекті сотқа дейін өндіріп алу үшін тартады немесе оларға мерзімі өткен кредит бойынша талап ету құқығын сата алады.Егер сізбен коллекторлар байланысқан болса, не істеу керектігі жөнінде &nbsp;Fingramota.kz. айтып береді.&nbsp;Коллекторлық қызметті Қаржы нарығын реттеу және дамыту агенттігінде есептік тіркеуден өткеннен кейін ғана жүзеге асыруға болады. Компания коллекторлық агенттіктердің тізіліміне енгізілуі керек, оны реттеушінің www.gov.kz веб-сайтында «Қаржы нарықтары» бөлімінде тексеруге болады.Коллекторлық агенттіктердің қызметі «Коллекторлық қызмет туралы» &nbsp;ҚР Заңымен, басқа да заңға тәуелді нормативтік құқықтық актілермен реттеледі және кредитормен жасалған берешекті өндіріп алу туралы шарт негізінде жүзеге асырылады. Агенттіктің коллекторлық агенттіктердің қызметіне қатысты барлық заңнамалық түзетулері, ең алдымен, борышкер мен коллектор арасында өркениетті қатынастар құруға және қаржылық көрсетілетін қызметтерді тұтынушылардың құқықтары мен мүдделерін қорғауға бағытталған.Қарыз алушымен жұмыс істеу кезінде коллектор өзара іс-қимыл қағидаларын сақтауға тиіс: әрбір байланыс кезінде өзін таныстыруы, коллекторлық агенттік пен кредитордың атауын, берешектің сомасы мен құрылымын, сондай-ақ міндеттемелерді орындамаудың салдарын хабарлауы керек. Бұл ретте коллектордың банктік шотты бұғаттауға, борышкердің мүлкін тізімдеу жүргізуге және тыйым салуға, атқарушылық іс жүргізу шеңберінде осы мүлікті сатуды жүзеге асыруға құқығы жоқ. Бұл жеке сот орындаушыларының құзыретіне кіреді.Коллекторларға не істеуге болмайды?Заңның шеңберінен аспау үшін коллекторлардың:- коллекторлық агенттік өзара іс-қимыл жасасатын тұлғаның ар-намысына, қадір-қасиетіне және іскерлік беделіне нұқсан келтіретін мәліметтерді таратуға не осы тұлғалардың мүдделеріне зиян келтіруі мүмкін мәліметтерді жария етуге;- коллекторлық агенттік өзара іс-қимыл жасасатын тұлғаның құқықтары мен бостандықтарына қол сұғатын, олардың өмірі мен денсаулығына қатер төндіретін, сондай-ақ осы тұлғаға мүліктік және өзге де зиян келтіруге алып келетін, құқыққа қайшы әрекеттер жасауға;- борышкерге, оның өкіліне, үшінші тұлғаларға күш қолдану не олардың мүлкін жою немесе бүлдіру қатері, қорлау, алаяқтық, жалған құжаттар жасау, бопсалау арқылы борышкерді банктік қарыз шарты немесе микрокредит беру туралы шарт бойынша міндеттемелерді орындауға мәжбүрлейтін қысым көрсетуге;- коллекторлық агенттік өзара іс-қимыл жасасатын тұлғаны берешектің мөлшеріне, сипатына және туындау негіздеріне қатысты жаңылыстыруға;- коллекторлық агенттік кредитор болып табылатын жағдайларды қоспағанда, берешекті өтеу есебінен ақшаны (қолма-қол немесе қолма-қол емес нысанда), сондай-ақ өзге де мүлікті қабылдауға;- коллекторлық агенттік кредитор болып табылатын жағдайларды қоспағанда, берешекті ақшадан басқа, өзге мүлікпен өтеуді талап етуге;- коммерциялық немесе Қазақстан Республикасының заңдарымен қорғалатын өзге де құпияны жария етуге құқығы жоқ.Борышкер коллекторлардан неліктен жасырынбағаны жөн?Егер қарыз алушы банктік қарыз шартының талаптарын бұзса, борышкер болып қалады, микрокредит беру туралы шарт бір күн болса да төлем мерзімін кейінге қалдыруға жол береді.Борышкер кредитордан берешекті сотқа дейінгі өндіріп алуды және реттеуді жүзеге асыратын коллекторлық агенттік туралы мәлімет алуға, коллекторлық агенттіктің &nbsp;талаптарын толық немесе ішінара даулауға, оның ішінде сотқа жүгінуге құқылы. Дегенмен, кредит бойынша мерзімі өткен берешегі бар қарыз алушының қарыздарды өндіріп алушылармен сөйлесуден қашпағандары, керісінше олармен диалог жүргізгендері дұрыс.Төлем мерзімін алғашқы өткізіп алғаннан кейін қарыз алушының барлығын түзетуге мүмкіндігі бар екенін есте ұстаған жөн: қарыз алушы мерзімін өткізіп алған сәттен бастап 20 күн ішінде банктер мен микроқаржы ұйымдары оған мерзімін өткізіп алуы, оны өтеу қажеттілігі және қарыз алушының қарызды қайта құрылымдауға өтініш беру құқығы туралы хабарлауы керек. Бұл Қазақстанда 2021 жылғы 1 қазаннан бастап әрекет ететін азаматтардың қарыздары мен микрокредиттері бойынша проблемалық берешекті реттеу тәртібін талап етеді. Егер қарыз алушы тарапынан мерзімін өткізіп алған төлемді өтеу бойынша тиісті шаралар қабылданбаса немесе қарызды қайта құрылымдауға өтініш берілмесе, қаржы ұйымы қарызды коллекторға өндіріп алу үшін беруі мүмкін.Сотқа дейін келіссөздер кезінде қарыз алушыға берешекті реттеуге және берешекті қайтару тәртібі мен мерзімдерін ұсынуға мүмкіндік беріледі. Ол үшін коллекторлық агенттік оны хабардар еткен күннен бастап 30 күн ішінде шарт талаптарын өзгерту туралы жазбаша өтінішпен қарызды өндіріп алушыларға жүгінген жөн.Өтініште берешектің туындау себептері туралы мәліметтерді ашып көрсету, ағымдағы қаржылық және әлеуметтік жағдайы, тұрғылықты жері және мүлкінің бар-жоғы туралы шынайы ақпарат беру қажет. Коллекторлық агенттік өтінішті алғаннан кейін күнтізбелік 10 күн ішінде оны кредиторға жіберуге міндетті, соңғысы оны 15 күн ішінде қарайды да өзінің жазбаша жауабын – ұсыныстармен келісетіндігі-келіспейтіндігі туралы жауапты береді. Коллекторлық агенттік кредитор қабылдаған шешімді алғаннан кейін күнтізбелік 10 күн ішінде ол туралы борышкерге хабарлайды.Коллекторлық агенттік тарапынан өзара іс-қимыл жасау қағидалары бұзылған немесе жосықсыз әрекеттер қолданылған жағдайда, қарыз алушы ұйымның заңнама талаптарын сақтауы бойынша тексеру жүргізетін Қаржы нарығын реттеу және дамыту агенттігіне шағыммен жүгінуге құқылы. Егер коллектордың тарапынанҚысым көрсету, қорқыту және қорлау фактілері белгіленген болса, құқық қорғау органдарына жүгіну қажет.&nbsp;Коллекторлық агенттіктермен даулы және шиеленісті мәселелер туындаған жағдайда, борышкер Қазақстан Коллекторларының Ұлттық Палатасының https://stop-collector.kz/ сайтында өтінім қалдырып, +7707 573 00 00 телефон нөмірі арқылы байланыс жасауына немесе Қазақстан Коллекторларының Қауымдастығына +7776 508 33 00 телефон нөмірі бойынша хабарласа алады.Ағымдағы жылғы 3 мамырда Fingramota.kz-тің Instagram-дағы ресми аккаунтында осы тақырып бойынша Қазақстанның Ұлттық коллекторлар палатасының Өтініштерді өңдеу блогының басқарушысы Шухрат Иминовпен тікелей эфир өтті. Эфирдің жазбасы мына <a href="https://www.instagram.com/reel/C6gZxKpikd6/?igsh=eHFiNmVwdWEzcXJy">сілтеме</a> бойынша қолжетімді.Фото: Нұрболат Нұржаубай

Борышкер мен коллектор: сындарлы диалогты қалай құруға болады?

<a href="https://kyzylorda-news.kz/">Kyzylorda-news.kz</a> Мәдениеттің негізгі мәйегі – өнермен ұштасқан ұлт руханиятының құндылығы екені даусыз. Ұлтымызда мәдениет пен өнердің толықтай құрылымы – жанрлық ерекшелік пен салт-санаға негізделген шығармашылық тұжырымнан тұратыны сөзсіз. Бұл ретте, мәдениет саласындағы көптеген тың дүниені тізбектей бастағанда «Ел іші – өнер кеніші» екені еске түсетіні жасырын емес. Өрісте малы жайылып, егістікте Сыр салысы жайқалған Шаған ауылында қым-қуыт тіршілігімен айналысқан бір қауым ел бар екенін анық. Аудандағы көлемі үлкен елді мекенге атбасын бұрғанда мәдениет саласында атқарылып жатқан біршама ауқымды жобаны көзімізбен көрген еді. Ауылдық мәдениет үйінің директоры Ербол Медетпен емен-жарқын әңгімелесіп, руханият ордасында жүзеге асырылған межелі жұмыс жөнінде сұхбаттасудың сәті түсті.– Ербол Кәртайұлы, ізгіліктің ұясы саналатын ұлт мәдениетінің ауылдағы деңгейін қаншалықты бағалайсыз? Тәжірибесі толысқан басшы ретінде өзіңіз жетекшілік ететін руханият ошағының тарихына тоқталсаңыз.– Шаған ауылы негізінен басқа елді мекендерге қарағанда халқы мен көлемі жағынан көп саналады. Салт-дәстүрді, әдет-ғұрыпты берік ұстанған жергілікті тұрғындар өнерден құр алақан еместігін айта кетейін. Өнерімен елге танылған жандар арамызда жеткілікті. Жас өнерпаздармен қатар, аға буын өкілдері мәдениет саласында өзіндік қолтаңбасын қалдыруда. Әрбір кезеңде ауыл мәдениеті өздігінен түрленіп, талантты жандар қаулап шыққанын көпшілік жақсы біледі. Әрине, берекесі тасыған ауылда өнердің тамыры тереңге жайған. Мәдениет үшін туған ел азаматтары барда ұлт мәдениетін жергілікті аумақта жандандыра береміз.Негізінен, Шаған ауылдық мәдениет үйінің ғимараты осыдан 45 жыл бұрын типтік негізде пайдалануға берілген. 400 орынға лайықтандырылған мәдениет ошағын бұған дейін ауылдың ардақты азаматтары Нағыман Әйтенов, Өмірбек Сарыбаев, Нұрлан Жанәбілов, Әлібек Жансейітов, Кенжебек Сарыбаев басқарған. Білікті басшы, іскер ұйымдастырушы бола білген ел азаматтарының ізін басып, ауыл мәдениетінің көшін алға сүйреп келеміз. Соңғы 22 жылда ел артқан сенім үдесінен шығуға тырысып келеміз.– Мәдениет ошағында өнерпаз­дарды шыңдау жолында қанша үйірме жұмыс жасап келеді?– Шындығында, сан бағыттағы үйірменің ауыл балаларына берері мол. Мәдениет үйінде тұрақты жұмыс жасайтын 7 үйірме бар. Оның ішінде, 2 халықтық ұжым жергілікті жұртшылықтың игілігі үшін қалтқысыз қызмет етуде. Атап айтқанда, ән, ардагерлер, жас қалам үйірмесі, домбыра үйірмесі, драма үйірмесі, «Сыр гүлі» халықтық би ансамблі, және «Сарыбаевтар халықтық отбасылық ансамблі өнердің сан қырынан көпшілікке танылуда. Бүгінде үйірмелердің 100-ден аса мүшесі мәдениет үйімен тығыз байланыста. Балалардың шығырмашылық негізін қалыптастыруда білікті маман Жәнібек Тасбергеновтің, Гүлзира Райымбекованың, Қымбат Мырзабпарова секілді мамандардың еңбегі ерекше.– Ауыл өнерпаздарының қол жеткізген жетістіктерін айтып бересіз бе?– Біздің өнерпаздарымыз жыл көлемінде шығармашылық байқау­ларда топ жарып жүр. Осыдан 8 жыл бұрын халықтық атағын қорғаған «Сыр гүлі» ансамбілі тәжірибелі маман Гүлзира Раймбекованың жетек­шілігімен халықаралық «Қамажай» және «Талантты Жұлдыз» бай­қауында бас жүлде, Түркістан облысында өткізілген «Жарық жұлдыз» байқауында І орынды еншіледі. Жас әнші Әлия Медет халықаралық «Туған өлке», Ғұмырдария» байқауында бас жүлде иеленді. Ал Нұрислам Айбекұлы «Талантты жұлдыздар» балалар байқауында І орынды қанжығасына байлады. Облыстық С.Майқанованың 110 жылдығына арналған «Сәбира апа ізімен» атты аудандық байқауда Фарида Әбенова І орынды, республикалық «Кең дүние, төсіңді аш, мен келемін» атты көркем сөз байқауында үйірме мүшесі Зарина Жәнібекқызы бас жүлде, облыстық «Тарихынды таны, тұлғаңды құрметте» атты облыстық ақындар мүшайрасында Ақерке Балманова ІІ орын, «Біздің ауыл» атты өнерлі ауылдар байқауында Шаған ауылдық мәдениет үйінің ұжымы І орын, аудандық «Күй құдыреті» атты күйшілер байқауында Раушан Ерболатқызы ІІ орын, облыстық «Балдәурен» тақырыбындағы балалар арасында Мұзафар Әлімбаевтың 100 жылдығына арналған көркем сөз байқауында Нұрислам Бекет, ІІІ орын, аудандық «Тау мүсінді тұлға» атты аудандық жазба ақындар мүшайрасында Шегемай Башенов І орынды жеңіп алды.– «Адал адам» мәдени орта­лығы тұжырымдамасы негі­зінде ауылдық мәдениет үйінде қандай іс-шаралар ұйымдастырылуда?– Шаған ауылында «Адал адам» мәдени орталығы тұжырымдамасының «Креативті HUB» жобасы аясында қолөнер шеберлері бұйымдарының «Сырлы өнер» атты көрмесі жүзеге асты. Ауылға қарасты мекеме ұжымдары арасында «Өнерлі мекеме» атты сайыс өткізілді. «Сыр гүлі» халықтық би ансамбілінің 20 жылдық мерейтойына арналған «Бізге жиырма жыл» атты мерекелік концерт көпшілік көңілінен шықты. «Жанұя шуағы» жобасы аясында «Толағай» атты отбасылар сайысы, Қызылорда облысы бойынша әйелдер күші альянсы, саясаткер-әйелдер клубы, «Бойтұмар-ханым» қоғамдық қорының және ауылдық мәдениет үйінің ұйымдастыруымен жүзеге асқан «Әкем – тірегім, анам – жүрегім» тақырыбында көпбалалы батыр аналар және берекесімен сыйластығы бекем үлгілі отбасыларымен кездесу кеші ерекше мән-мағынасымен көпшілік талғамынан шыға білгені рас.– Сұхбаттасқан: Балтабай Ордабеков

Шаған ауылындағы мәдениет үйі 400 орынға лайықтандырылған

<a href="https://kyzylorda-news.kz/">Kyzylorda-news.kz</a> Қазіргідей алмағайып уақытта қоғамда орын алған келеңсіздіктерге көз жұмбай, «Әр қазақ менің жалғызым» деп жаны ауыратын Тілеужан Кішкенебаевпен тілдесудің сәті түсті. Ол – зейінді заңгер, атышулы адвокат. Солай бола тұра, қарапайымдылық пен қажырлықты, туралық пен тағылымдылықты өмірлік қағидасына айналдырған.– «Тау баласы тауға қарап өседі, Қыр баласы қол созады аспанға» дегендей, аядай ауданнан шыққан қара баланың танымалдыққа ие болуында қандай сыр бар?– Әйтеке би кентінің перзентімін. Ұстаздар отбасында тәрбиелендім. Қызылордадағы Қорқыт ата атындағы университетінің Заң факультетін бітірдім. Жастайымнан жауапкершілік жүгін арқалауға дағдыландық. Сабақ үлгерімім жаман болған жоқ. Мектептің барлық қоғамдық шараларына белсене араласатынмын. Жасөспірім бала әртүрлі арманға бой ұрады. Ес жиып, есеюге бағыт алғанда, бойыңдағы басты мұрат қылаң береді. «Елім үшін не істей аламын?» деген ой мені жұртқа жақсылығы мол құқық қорғау саласына қарай жетеледі. Қиындығы мол жұмыста түрлі жағдайлармен бетпе-бет келсем де, жүрген жолыма үңілсем, таңдауымның дұрыс екенін көз жеткізіп келемін. Әділеттің алдаспанын ту етіп, қоғамдағы қарама-қайшылықтармен күресу, өзіңнен көмек күткен жандардың сенімінен табылып, көңілін қуантудан асқан сезім бар ма? «Алғыс алған арымас» деген осы шығар бәлкім деген ойға берілемін арасында.– Құқықтық сауатсыздық – қоғамның басты мәселесінің бірі. Осы орайда, Сіз қолға алған шараларды тілге тиек етсек...– Қазіргі қазақ қоғамында Заңды білмей опық жеп, алданып, зардап шегіп жүргендер көп. Оларды тізбектесең, оған мысалдар жеткілікті. Осы бағытта түрлі істер арттырудамыз. Соған орай, адвокаттық компаниямды іске қостым. Ең басты көмегіміздің бірі – көп жылдан бері халыққа тегін кеңес беріп келеміз. Одан бөлек, «ZanLive» атты арнамыз жұмысын тұрақты жүргізіп тұр. Қоғамда орын алған келеңсіздікті әшкерелеу, халық көзін ашуды мақсат тұтқан бас¬тамамыз өз нәтижесін беруде. Орынсыздыққа жол бермей, тіпті, кейбір Заң тармақтарына өзгеріс енгізуге де, мұрындық болған жағдайымыз бар.– Құқықтық сауатсыздық дегенде ойға оралатын, әлем назарын тігіп отырған экс-шенеулік Қуандық Бишімбаев соты туралы көзқарасыңызды білсек...– Атышулы Бишімбаевқа тағылған айып өте орынды. Ол осы уақытқа дейін айыптан жалтарып, өзінің менменшілдігіне салынып, істі қасақана емес, абайсызда болды дегенді алға тартып отыр. Алынған ақпараттарға сүйенер болсақ, бұған дейін де, қасақана зорлық-зомбылық көрсеткені анықталды. Сот төрелігі сын көзбен қарап, өз бағасын беріп жатыр. Бірақ, азаматтық ұстанымым, әрекетін дұрыс деп танымайды. Егер, сот бұрмалаушылық танытып, заңсыз әрекет ететін болса, апелляциялық алқа, жоғарғы сотқа шығымдануға құқықтары бар. Мұнан біз, отбасындағы ұрыс-жанжалдың шегінің қайда апаратынын көріп отырмыз. Ері жұбайын сабырлыққа шақырып, кез келген істі ақылмен шешуге болатын еді. Нәзікжандыларымыз да, құрбан болуға жол бермей, мәселе ұлғайса, еліміздегі «Неке және отбасы туралы» Заң аясында шағымдануға, оның алдын алуға болатынын білуі керек.– Уақыттың қадірін білетін азаматсыз. Қашан көрсек тың, бабында тұратыныңызды байқаймыз. Қуатты қайдан аласыз?– Менің түсінігімде, өзін ер азаматтпын деп санаған әрбір жанда мінез болу керек. Қажет жерде қызуқанды, қажет жерде ұстамды, қажет жерде батылдық көрсетуі шарт деген ұстанымдамын. Себебі, бұл ерлердің табиғаты болуы тиіс. Осы қасиеттерді заңмен астастыра отырып, кез келген іс шешімін табуда байыптауға ұмтыламын.– Тұңғышыңыз – Жібек туралы хабарымыз бар. Сіздің қайы¬рымдылық іс-шара¬ларыңыздың басы-қасында жүр. Отба¬сыңыз бен бұған қоса өзге де, қызы¬ғушылығыңызбен бөліссеңіз...– Жұбайым екеуіміз отбасында сегіз бала тәрбиелеп өсіріп отырмыз. Жібек – тұңғышым. Темірбек Жүргенов академиясынан білім алған кәсіби өнер маманы. Менің мектеп жасындағы арманымның бірі – әнші болу еді. Ата-анам бойымдағы өнерді бағаласа да, оны мамандыққа санамады. Аллаға шүкір, мен жетпеген биікке қызым ұмтылуда. Әндері бар. Киноларда бой көрсетіп жүр. Жақында алғашқы өнер кешін өткізуді жоспарлап отырмыз. Концерт туған жері Қазалыдан бастау алмақ. Бабамыздың – 250 жылдық мерейтойы қарасаңында өтетін шараны қайырымдылыққа бағыттап отырмыз. Бұған дейін де қолдан келгенше баба рухына бағышталған істерге көмек қолымызды создық. Соның ауқымын арттырсақ деген мақсатымыз бар. Осы орайда, бізді қолдап-қуаттаған Қазалы ауданының әкімі Мейрамбек Шермағанбет бастаған азаматтарға үлкен алғысымды айтқым келеді.Қосымша «ТК» продюсерлік орталығының жұмысын жүргізудеміз. Концертте осы орталықтың қарамағындағы қыз-жігіттер өнер көрсетеді. Оларды таныту, таланттарын шыңдауға мүмкіндік жасаймыз. Бала арманым – мені қанаттандырады. Бұған дейін Алматыдағы қарттар мен жетім балалар үйінде тегін концерт қойған алғашқы бастамамызды қолға алған болатынбыз. Алматы жанындағы Ащыбұлақ ауылындағы концерттен түскен ақы сол жердегі спорт кешені жұмысының жандануына септесті.– Қазалы дегенде ойыңызға не оралады?– Төл перзенті ретінде туған жерді жақсы көремін. Қолым қалт етсе, ауылымнан, тамырымнан қол үзбеуге тырысамын. Жаңалықтарын жібермей оқимын. Мұнда өскен ортам, ағайын-туыс, дос-жаран бар. Балаларымды жиі алып барамын. Үнемі мақтанышпен айтып отырамын. Қазалы халқының кеңпейілділігі қанаттандырады. Туған өлкемнің өсіп-өркендегенін, қандай қиындықтан қасқайып шығып, бүгінгідей күйге жеткенін көріп, көңілім қуанады.– Уақыт бөлгеніңізге рақмет!– Сіздерге де, шығармашылық табыс тілеймін!СұхбаттасқанАлтын ҚОСБАРМАҚОВА

Тілеужан Кішкенбаев: Мақсатым – қоғамдағы келеңсіздіктерді әшкерелеп, құқықтық сауаттылықты арттыру 

<a href="https://kyzylorda-news.kz/">Kyzylorda-news.kz</a>«AMANAT» партиясының қолдауымен «Жарық» бастауыш партия ұйымына қарасты «ТОРҒАЙ-ПЕТРОЛЕУМ» акционерлік қоғамы, «Құмкөл» кенішінде геология саласының қызметкерлері арасында волейболдан турнир өтті.Спорттық сайыста «Алға», «Сұңқар», «Банда Багдата», «Тарлан», «Бразилия» топтарынан құралған бес команда бақ сынады.Турнирге волейболдан жоғары дәрежелі жаттықтырушылар Әбдіқахар Дінислам Әбдірахымұлы және Өміртай Мейрамбек Арманұлы төрелік етті. Мұнайшылар арасында ұйымдастырылған спорттық сайыс тартысты өтті. &nbsp;Сайыс қорытындысымен І орынды «Тарлан» (80 000 теңге қаржылай сыйақысымен), ІІ орынды «Бразилия» (75 000 теңге қаржылай сыйақысымен), ІІІ орынды «Сұңқар» (70 000 теңге қаржылай сыйақысымен) командалары қанжығалады.Спорт турниріне белсенді қатысқан «Банда Багдата» және «Алға» командаларына (65 000 теңге сыйақысымен) ынталандыру сыйлықтары табысталды.Дүбірлі доданың қорытындысымен үздік ойын көрсеткен 34 ойыншыға арнайы сыйлықтар табысталды. Ал үздік өнер көрсеткен ойыншылар «Үздік ойыншы», «Үздік шабуылдаушы», «Үздік қорғаушы», «Үздік либеро», «Үздік үйлестіруші» номинациясымен марапатталды.

Мұнайшылар волейболдан бақ сынады

<a href="https://kyzylorda-news.kz/">Kyzylorda-news.kz</a> «Жарық» бастауыш партия ұйымына қарасты «ТОРҒАЙ-ПЕТРОЛЕУМ» акционерлік қоғамы, «Құмкөл» кенішінде геология қызметкерлерінің күніне орай салтанатты шара өтті.&nbsp; Алдымен мекеме ұжымы ҚР Президенті Қ.К. Тоқаевтың бастамасын қолдау мақсатында «Таза Қазақстан» акциясы, партияның «TazaLike» жобасы аясында тал отырғызу акциясына қатысты.&nbsp; Кәсіби мерекеге арналған салтанатты шараға «AMANAT» партиясы Қызылорда қалалық филиалының Атқарушы хатшысы Мұсаева Гүлшат Исақызы, «Оңтүстік қазжерқойнауы» Оңтүстік Қазақстан өңіраралық геология департаменті» Қызылорда өңірлік инспекциясының басшысы Асқар Еркін Асқарұлы, «Қазақстан Республикасы Энергетика министрлігінің Мұнай-газ кешеніндегі мемлекеттік инспекциясының Оңтүстік өңіраралық басқармасы» басшысының орынбасары Рахманбаев Қуаныш Өтепбергенұлы арнайы келіп, құттықтауларын жеткізді.&nbsp; - Құрметті геология саласының қызметкерлері, сіздерді шын жүректен кәсіби мерекелеріңізбен құттықтаймын.&nbsp; Биылғы жыл басы елімізде табиғи апат салдарынан біршама аймақтар су астында қалды. Осындай қиын сәтте бірлік танытып, Дәурен Тұрғанбайұлы бастаған «Торғай Петролеум» акционерлік қоғамының ұжымы партиямен бірлесе отырып Атырау, Ақтөбе, Қостанай, Батыс және Солтүстік Қазақстан облыстарына 50 млн. теңгенің 120 тонна қайырымдылық көмегін жіберді.&nbsp; Қиындықта қалған аймақтардың тұрғындарына жәрдемдесу ниетін танытқан баршаңызға Алғыс білдіремін,-деді партияның қалалық филиалының Атқарушы хатшысы Гүлшат Исақызы.&nbsp; Шара барысында еліміздің геология саласын дамытуға қосқас үлесі үшін мекеме қызметкерлері, ардагер мұнайшылар Қазақстан Республикасы өнеркәсіп және құрылыс министрлігінің ведомоствалық наградаларымен, атап айтқанда: Қазақстан Республикасы өнеркәсіп және құрылыс министрінің «Алғыс» хатымен, министрліктің «Құрмет» грамотасымен, Қызылорда облысы әкімінің «Алғыс» хатымен марапатталды.

Геология саласы қызметкерлерінің кәсіби мерекесі аталып өтті

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда жоғары педагогикалық колледжінде дәстүрлі түрде «Үздік топ жетекші –2024» байқауы өткізілді.&nbsp;Байқаудың басты мақсаты – топ жетекші қызметінің маңыздылығын айқындау, кәсіптік, техникалық бiлiм беру мазмұнында базалық құндылықтар: қазақстандық патриотизм және азаматтық жауапкершiлiк, құрмет, ынтымақтастық, еңбек және шығармашылдық, ашықтық, өмiр бойы бiлiм алуды қалыптастыру болып табылады.Аталған сайыстың алғашқы кезеңдері сәуір айынан басталып, қатысушылар топпен жұмыс (студент жетістігі мен сабаққа қатысуы, тәрбие сағаттар және топ студенттерімен атқарлыған жұмсытар) және ашық тәрбие сағат өткізу бойынша бәсекеге түсті.Топ жетекшілер байқауына әр бөлімнен бір топ жетекші қатысып, сәуір айынан бастап түрлі кезеңдер бойыншп бақ сынады. Атап өтсек, «Мектепке дейінгі тәрбие және оқыту» бөлімінің топ жетекшісі – Ғазиза Ділманова, «Бастауыш педагогикасы мен әдістемесі» бөлімінің топ жетекшісі – Әлібаева Мөлдір Әлібаева, «Филология» бөлімінің топ жетекшісі –Жәнібек Қонысов, «Физика, математика және ақпараттық жүйе» бөлімінің топ жетекшісі – Гүлмира Шапшанова, «Өнер» бөлімінің топ жетекшісі – Гүлжаухар Қойшагова, «Шетел тілі» бөлімінің топ жетекшісі – Сәуле Баймұрат, «Дене тәрбиесі және спорт» бөлімінің топ жетекшісі – Дулат Даутов.Топ жетекшілер байқауына директордың тәрбие ісі жөніндегі орынбасары, комиссия төрағасы Гүлдана Исаева, Ақпараттық талдау бөлімінің меңгерушісі Роза Шермаханова, кітапхана меңгерушісі, комиссия мүшесі Зульфия Пазылова және колледж әдіскері, комиссия мүшесі Гүлшара Башарова, кәсіподақ төрайымы, комиссия мүшесі Гүлсім Нұрадинова әділ қазылық етті.&nbsp;Интеллектуалды сайыс «Менің көңілді тобым» таныстыру кезеңі, «Ұшқыр ойдан белсенді әрекетке» педагогикалық жағдаяттарды шешу және лайфхак (өз өнерін үлгі етіп көрсету) кезеңдері бойынша өтті.&nbsp;Әділқазы алқаларының шешімімен байқаудың жеңімпаздары деп&nbsp; «Бастауыш педагогикасы мен әдістемесі» бөлімінің топ жетекшісі Мөлдір Әлібаева «Үздік топ жетекші» атанды. Сондай-ақ «Мектепке дейінгі тәрбие және оқыту» бөлімінің топ жетекшісі Ғазиза Ділманова "Шебер топ жетекші" номинациясы, «Физика, математика және ақпараттық жүйе» бөлімінің топ жетекшісі &nbsp;Гүлмира Шапшаңова "Өнерлі топ жетекші" номинациясы бойынша марапатталды.&nbsp;&nbsp;Қорлан САРЫ

Қазақстан және Қызылорда облысының жаңалықтары