<a href="https://kyzylorda-news.kz/ru">Kyzylorda-news.kz.</a> Юта штатында тұратын Алисаның шын есімі – Ләззат. Қарағандыда дүниеге келген қазақ қызды америкалық отбасы асырап алған, – деп хабарлайды <a href="https://aikyn.kz/261148/balamdy-bask-alarg-a-berdim--amerikalyk-tar-asyrap-alg-an-k-azak--k-yzy-2-zhasar-u-ly-bar-ekenin-aytty">Aikyn.kz </a>El.kz-ке сілтеме жасап.4 жасқа дейін балалар үйінде тәрбиеленіп, қазақы ортада танымы қалыптасқан бүлдіршінді Америкаға алып кетеді. Ләззат отанымнан айырылған соң басынан көп қиындық өткенін жасырмады. &nbsp;<blockquote>"Өзімнің кім екенімді түсінбей өстім, мен кіммін деген сұрақты көп қойдым. Тұманның ішінде жүргендей көріндім. Мені асырап алғандар бір нәрсені қайталай беретін. Жетімдер үйінде қалғаныңда ішкенің ірің, жегенің желін болатын еді дегенді қайталай беретін. Қазақстанда тұрсаң өмірің нашар болатын дейтін. Өз елімнен, мәдениетімнен жұлынып қалғандағы күйімді сезіндірмеді. Сөзбен аямай сабады", – дейді Ләззат «Шетелдегі қазақ балалары» бағдарламасына берген сұхбатында.</blockquote>Ауыр сынақты кешіп, жақын деген жандарынан қолдау таппаған Ләззат қамқорлықты басқалай сезінуге тырысқан. Қазір Ләззаттың 2 жасар ұлы бар.<blockquote>"Бір жігітпен кездесіп жүргем, арамызда қатты сезім де болмады. Бірде бар, бірде жоқ болып кететін. Сөйтіп жүргенде қалай бала көтеріп қалғанымды білмедім", – дейді ол.</blockquote>Ләззаттың бойына біткен бала да араларындағы сезімді оятпапты. Америкалық жігіт өз жөнімен кеткен екен. Ләззат өз өмірін реттей алмай жүргенде баланың өмірін құртып аламын деп ойлап, баласын ашық түрде асырап алатын отбасыға беріпті. 2 жастағы ұлының ата-анасы қазір оны биологиялық анасымен жиі кездестіріп тұратын көрінеді.Ләззат өзін кішкентайынан өсірген адамдардан психологиялық қысым көрген.<blockquote>"Мені бағып алған кісілер миыма бір нәрсені құя беретін. "Біз асырап алғандықтан ғана сен жақсы өмір сүріп жатырсың, жетімдер үйінде қалсаң ішкенің ірің, жегенің желім болатын", деп қайталап айта беретін. "Қазақстанда тұрсаң өмірің өте нашар болатын еді", дейтін. Ана тілімнен, төл мәдениетімнен, туған жерімнен жұлынып кеткендегі күйінішті сезінуге мүмкіндік бермейтін. Басып тастайтын. Ойымды өзгертуге тырысатын. Ұрып-соққан жоқ, қол көтерген жоқ, бірақ сөзбен аямай сабады. Ауыр сөзбен-ақ жанымды тілгілеп жаралағандарын өздері де түсінбеген шығар. Олар маған эмоциялық тұрғыдан зорлық-зомбылық жасады. Сезімдерімнің құнын түсірді, қорлады. Олардың түсінігінде "осыған да қайғыра ма екен" деген кекесін болды. Менің басымнан өтіп жатқан дүниені маңызды деп есептемей, түкке тұрғысыз қылды", – деді Ләззат сұхбатында.</blockquote>Фото: Нұрболат Нұржаубай

АҚШ-тағы тастанды қазақ қызы өз баласын басқа отбасыға асырауға беріпті

Фото: dknews.kz<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрлігі бұған дейін ведомствоның Telegram-арнасында министр Ажар Ғинияттың отставкаға кетуі туралы өтініші бар материалға сілтеме не себепті берілгенін түсіндірді. Бұдан бөлек, министрлік петиция туралы да айтты, деп хабарлайды <a href="https://sn.kz/sn-akparat-agyny/109021-densaulyk-saktau-ministrligi-kazakstandyktardyn-undeuine-zhauap-berdi">Skifnews.kz</a> ақпарат порталы.Министрліктің түсіндіруінше, бұл жарияланым осы петицияны теріске шығаратын материалды орналастыру кезіндегі қателіктің нәтижесінде пайда болған.Петиция мазмұны шындыққа сәйкес келмейтіндіктен, оның үстіне сенімсіз ақпаратпен азаматтарды адастыратындықтан, департаменттің баспасөз қызметі теріске шығару мәтінін дайындаған, – деді Денсаулық сақтау министрлігі.Сондай-ақ ведомство пайдаланушылардан алдымен әлеуметтік желідегі парақшаларында репост жасауды сұраған бұл петицияға қол қою механизмі азаматтар үшін ашық дауыс беру жүйесін қамтамасыз етпейтінін айтты.<blockquote>Денсаулық сақтау министрлігі жалған ақпарат себептері, тексерілмеген дереккөздер пайдаланылып, тікелей арандатушылықтар қолданылған ақпараттық шабуылдардың нысанасына бірнеше рет айналды. Бұқаралық ақпарат құралдарындағы жалған ақпарат арқылы беделге нұқсан келтіру әрекеттеріне қарамастан, министрлік мемлекеттік орган ретінде әрқашан ашықтық пен жариялылық саясатын ұстанатынын және сындарлы диалог пен пайдалы пікірталасқа әрқашан дайын екенін атап өткіміз келеді, – деді &nbsp;ведомство өкілдері.</blockquote>Айта кетейік, бұған дейін желіде Денсаулық сақтау министрі Ажар Ғинияттың отставкаға кетуін сұрап онлайн түрде петиция жарияланғаны белгілі болған. Оған әзірге 584 адам қол қойған.

Денсаулық сақтау министрі Ажар Ғиният отставкаға кете ме?

Фото: pixabay.com<a href="https://kyzylorda-news.kz/">Kyzylorda-news.kz.</a> Халқымыздың ежелден бері келе жатқан рухани байлықтарының бірі ол – отбасылық құндылықтар. «Бала айтқанды емес, көргенді істейді», «ұядан не көрсең, ұшқанда соны ілерсің» және «Отан – отбасыдан басталады» атты нақыл сөздердің болуынан қазақтың отбасылық құндылыққа аса мән бергенін аңғаруға болады. Елдің келешегі мен оның болашақта тұтқасын ұстайтын азаматтар тәрбие көріп өскен жанұялардан шығатынын сөзсіз. Бірақ, бүгін балаға отбасыда дұрыс тәлім беріп жүрміз бе? Отбасылық құндылықтарымызды қалай сақтаймыз? Бақытты жанұя болуы үшін не істеу керек? Осы секілді сұрақтарға отандық психологтар пікірлерін білдірді, деп хабарлайды <a href="https://el.kz/baqytty-otbasy-bolu-ushin-ayel-men-erkek-ten-boluy-kerek-psiholog-maman_103379/">Еl.kz</a>.Отбасы құндылықтарының алғышарты боп саналатын дүние бұл – жанұя мүшелерінің адамдардың бір-біріне деген сүйіспеншілігі мен қамқорлығы, махаббаты. Шынында отбасы негізін махаббат сезімі құрайды. Оған қоса, өзара түсіністік керек. Отбасы психологі Ерлан Мұстафиннің айтуынша, отбасында үйлесім болуы үшін олардың ортақ қызығушылықтары болғаны жөн.<blockquote>Отбасында бірлескен істерді атқаруға дағдылануы керек. Ол кітап оқу, серуендеу, саяхат болуы әбден мүмкін. Бұл отбасыны берік ете түседі. Ортақ құндылық қалыптастыру да өте маңызды. Ерлі-зайыптылардың құндылықтары бөлек болмауы керек, олар ұқсас болуы керек. Егер олар әртүрлі құндылықтардың негізінде өмір сүрсе, өзара түсінісу де қиын болады. Бір-біріне деген сүйіспеншілік пен махаббат ер мен әйелдің арасындағы романтикалық сезімнің негізінде ғана емес, адами сүйіспеншілік ретінде қалыптасуы абзал, - дейді психолог маман.</blockquote>Бақытты отбасы құрудың өзі – құндылық. Өйткені, қоғам ол жеке адамдардан құралады. Қоғам бақытты адамдардан құралуы үшін соған сай жекелеген әр отбасы мүшесі өзін бақытты сезінуі тиіс. Ал, бұл отбасы құрған ерлі-зайыптылардың қарым-қатынасына байланысты. Білікті психолог, жас жұбайларға кеңес берумен айналысатын маман Тәуекел Ақнұрдың мәлімдеуінше, отау құрған жандардың жанұясының бірлігі берік болуы үшін олар жауапкершілік алудан қашпауы қажет.<blockquote>Ең бастысы шаңырақ көтеру, неке қию, отбасын құру дегеніміз жаңа мемлекет құру екенін ескерген жөн. Өйткені отбасы ол кіші мемлекет. Ері мен жұбайы өз ролін жауапкершілікпен атқарса онда ол отбасының болашағы бар. Жаңа отау құрғандар жауапкершілік алудан қорықпаса екен деймін,- деп атап өтті Тәуекел.А.</blockquote>Отбасылық құндылықтар тақырыбы қозғалғаннан кейін, қоғамның проблемаларының біріне айналған ажырасу мәселесі туралы да айтып өту керек. Өйткені, қазіргі таңда жаңадан шаңырақ әрбір бесінші жұптың бірлігі ойран болуда. ҚР Ұлттық статистика бюросының мәліметінше, Қазақстанда 2022 жылдың қаңтар мен желтоқсан айлары аралығында 128,5 мың жұп шаңырақ көтерген, ал 17,7 мың отбасы ажырасқан екен. Халқымызда: «ауруын жасырған өледі» деген аталы сөз бар. &nbsp;Яғни, бұл да біздің дертке айналып бара жатқан мәселе. Отбасылық психолог Ержан Мырзабаевтың айтуынша, ажырасудың көп болуы отбасылық құндылықтардың құлдырауынан болады.<blockquote>Отбасы құндылықтары дегеніміз бір отбасының экологиялық өмір сүруі, дамып өсуі үшін қажетті құндылықтары. Мысалы, адалдық, сүйіспеншілік, сыйластық, кешірімділік, сабырлылық, бір біріне қолдау білдіруі. Осындай ұғымдар отбасы құндылықтары түсінігіне жатады. Бұл құндылықтар бар болса, бір отбасы өседі, дамиды, отбасы мүщелерінің барлығы бақытты болады. Ал егер отбасылық құндылықтар болмаса, адамда жиі ұрыс-керіс жанжал болады, отбасы&nbsp; мүшелері бақытсыз болады және мұндай отбасы ұзаққа бармайды. Қазіргі таңда отбасында проблемалар жиі туындап жатса, демек осы құндылықтардың құлдырауынан, құндылықтардың толық ұсталмауынан туындап жатады”, - деді психолог Ержан.</blockquote>Жанұя болғаннан кейін, ыдыс-аяқ сылдырламай тұрмайды. Түсініспеушілік пен реніш отбасылық өмірдің ажырамас бөлігі екенін де ұмытпаған жөн. Бұл да адам тағдырында болатын ақ пен қараның қатар жүретіндігі секілді заңдылық. Алайда, мамандардың мәлімдеуінше, отбасыны сақтап қалу үшін проблема туындаған сәтте шешуге тырысу керек. Осы ретте отбасылық психолог Ержан Мырзабаев&nbsp; отбасын сақтап қалу үшін ең маңызды үш нәрсе бар екендігін айтты.<blockquote>Көбінесе ерлі-зайыптылар бір-біріне көңіл бөліп, арнайы отбасылық күнді белгілеп қойғандары дұрыс. Сол күнде отбасы мүшелері бас қосады, бір-біріне көңіл бөліп, бірін-бірі тыңдайды, қуанышқа толы уақыт өткізеді. Бұл неге керек? Сондай сәттерде отбасы мүшелері арасында психоэмоционалды байланыс пайда болады.Ол байланыс күшейген сайын, отбасы берік болады.Екіншісі, отбасы психологиясы төңірегінде білім алу. Кейде отбасын сақтап қалу керегін біледі де, бірақ нақты не істеу керегін білмейді. Отбасының өзінің даму динамикасы бар. Даму динамикасына сай белгілі бір кезеңдерде кездесетін проблемалар, олардың алдын-алу жолдары және шешу жолдары бар. Осыны алдын-ала арнайы курстар оқып, білімін жетілдіретін болса, онда кез келген сәтке дайын болып отырады.Үшіншісі, еркек пен әйел адам арасындағы қарым-қатынаста теңдікті қалыптастыру. Яғни, еркек әйелін өзінің теңі қылу керек, әйел еркекті өзінің теңі ету қажет. Серіктестік тұрғысынан қарым-қатынас құрылатын болса, сонда ондай отбасылар берік болады. Бұл отбасыларда бір-бірін тыңдау, сыйлау, пікірлерімен санасу жақсырақ болады, – дейді отбасылық психолог.</blockquote>Отбасылық құндылық пен жанұядағы жағдайдың жақсарғаны жақсы. Бірақ, қазіргі қоғамның дертіне айналған тұрмыстық зорлық-зомбылықты да естен шығармау керек. БылтырМемлекет басшысы Қ.Тоқаев барлық мүдделі тұлғаларды, оның ішінде азаматтық қоғам өкілдерін, белсенділер мен тәуелсіз сарапшыларды тарта отырып, әйелдер мен балалардың құқығын қорғауға, отбасындағы зорлық-зомбылыққа жол бермеуге қатысты өзекті мәселелерді көтерген болатын. Педагогика және психология ғылымдарының магистрі, практик психолог Жайнагүл Маденова зорлық-зомбылықтың түбегейлі шешудің жолы бұл - оған қарсы қоғам қалыптастыру дейді.<blockquote>Қатыгездіктің емі – оған төзбейтін қоғам қалыптастыру. Біздің қоғамда табу болған бірнеше тақырып бар. Соның бірі – осы физикалық және жыныстық зорлық-зомбылық. Иә, айту өте ұят, тіпті, өзіңнен жасырған дүниелерді сыртқа шығаруыңа тура келеді. Мұнсыз болмайды, "Ауруын жасырған адам өледі" деп бекер айтылмаған. Мысалы, Оңтүстік Кореяны алайық. Жуырда бір танымал актер шылымды жерге тастағаны үшін айыппұл арқалады, әлеуметтік желіде миллиондаған жағымсыз пікір жазылды. Журналистер телехикаяның тұсаукесерінде үш рет бетіне басып, кешірім сұратты. Ақырында өте мықты тақырыпты қозғаған телехикаяның рейтингі төмендеді. Осыдан кейін актерді түсірілімге шақыратындар да азаятыны сөзсіз. Яғни, қоғам әп-сәтте барлығын орнына келтірді. Біз "Ең бастысы маған тиісіп жатқан жоқ" деп теріс айналмауымыз керек. Тікелей бір оқиғаны бөліспесек те, барлығымыз жанама түрде атсалыса аламыз. Әлеуметтік желідегі флешмобқа қосылыңыз, заңгер ретінде көмек беріңіз, мақала жазыңыз және т.б. Қол ұшын созамын деген адамға жол көп. Ал егер жақыныңыз зорлық-зомбылық құрбаны болса, жеке алып шығып жағдайы туралы сұраңыз. Көмектесуге әзір екеніңізді жеткізіңіз, - дейді маман.</blockquote>Отбасылық құндылықты сақтайтын, тұрмыстық зорлық-зомбылыққа жол бермейтін қоғам қалыптастыруда әр адамның мойнында. Өйткені, қоғамды құрайтын «біз» екенімізді ұмытпайық!

Отбасын сақтап қалу үшін ең маңызды үш нәрсені білесіз бе?

Фото: Fingramota.kz<a href="https://kyzylorda-news.kz/">Kyzylorda-news.kz.</a>&nbsp; 2024 жылдың басынан бастап қаржы және салық салу саласында қазақстандықтарды өзгерістер күтіп тұр. Жалпыға бірдей декларациялаудан басқа, бұдан былай мобильді төлемдер мен аударымдар мемлекет тарапынан бақылауға алынатын болады. Салық заңнамасына сәйкес мобильді аударымдарды тек жеке мақсаттарға ғана пайдалануға болады, ал дара кәсіпкерлерге тауарлар мен көрсетілген қызметтер үшін төлемдерді мұндай түрде қабылдауға тыйым салынған.Бұл жаңалықтың қыр-сырын Fingramota.kz-е-пен қарастырып көрелік.&nbsp;«Салық және бюджетке төленетін басқа да міндетті төлемдер туралы» ҚР Кодексіне сәйкес, 2024 жылдан бастап банктер ҚР Қаржы министрлігінің Мемлекеттік кірістер комитетіне (МКК) кәсіпкерлік қызметпен байланысты емес шотқа қатарынан үш ай ішінде әр түрлі жөнелтушілерден айына 100-ден астам аударым алатын жеке тұлғалар туралы деректерді беруге міндетті. Яғни, егер сізге бір айда 100 мобильді аударым келетін болса, онда сіздің деректеріңіз бұдан әрі тексеру үшін салық органына кетеді. Бұл мобильді аударымға тыйым салу дегенді білдірмейді, мәселе банк шотына тұрақты түсімдер жөнінде. Енгізіліп отырған жаңашылдықтың негізгі мақсаты – кәсіпкерлік қызметтен түсетін кірістерді көлеңкеден шығару.Қазақстанда мобильді аударымдар тарихы қалай басталды?2019 жылы Қазақстанда мобильді қосымша немесе QR-код арқылы жеке тұлғадан басқа жеке/заңды тұлғаға ақша қаражатын жедел аудару жүйесі іске қосылды. Қазақстандықтар ыңғайлы және озық банктік сервисті белсенді пайдаланып, қолма-қол ақшасыз есеп айырысуға көше бастады. Осы уақыттан бастап дара кәсіпкерлер: мысалы, түрлі азық-түлік дүкендерінің, сұлулық салондарының, наубайханалардың иелері төлемді мобильді аударым немесе QR-код арқылы қабылдады. Алайда, 2021 жылдың соңында салық заңнамасында «мобильді төлем» ұғымы пайда болды. Заңға сәйкес, «мобильді төлем» термині QR-кодты қолдана отырып, банктің мобильді қосымшасы немесе POS-терминалы арқылы қабылданатын қолма-қол ақшасыз төлем дегенді білдіреді.&nbsp;Мемлекет салық заңнамасының тармақтарын сақтау мақсатында мемлекеттік кіріс органдарына екінші деңгейдегі банктерде жасалған мобильді аударымдар туралы ақпаратты алуға және өңдеуге мүмкіндік берді.Ақпарат беру кезеңдеріМКК мобильді аударымдар туралы ақпарат ұсыну кезеңдерін белгіледі:2023 жылғы 1 қаңтардан бастап: мемлекеттік қызметшілер, оларға теңестірілген адамдар және олардың жұбайлары бойынша (2022 жылдың қорытындысы бойынша); 2024 жылғы 1 қаңтардан бастап: мемлекеттік мекемелердің, квазимемлекеттік сектор субъектілерінің қызметкерлері және олардың жұбайлары бойынша (2023 жылдың қорытындысы бойынша); 2025 жылғы 1 қаңтардан бастап: жеке кәсіпкерлер, заңды тұлғалардың басшылары және олардың жұбайлары бойынша (2024 жылдың қорытындысы бойынша); 2026 жылғы 1 қаңтардан бастап: халықтың қалған бөлігі бойынша (2025 жылдың қорытындысы бойынша). &nbsp;Осы кезеңділік бойынша мемлекеттік қызметшілер мен олардың жұбайларының шоттарына мобильді аударымдар туралы ақпарат МКК-ға келіп түсті және талдаудан өтті. Мемлекеттік мекемелер мен квазимемлекеттік сектор субъектілері қызметкерлерінің шоттарынан деректерді салық комитеті 2024 жылы алады, ал жеке кәсіпкерлікпен айналысатын азаматтардың және заңды тұлғалардың басшыларының деректері мемлекеттік органдарға 2025 жылы түседі.Жеке тұлғалар өздерінің жеке мақсаттарында мобильді аударымдар мысалы, туыстарына, достарына, ата-аналарына және балаларына, іс-шараларға және т.б. алымдар жасай алатынын және қабылдай алатынын атап өтеміз. Бұл аударымдар кәсіпкерлік қызмет деп танылмайды және оларға салық салынбайды.Тіркелмей бизнес жүргізетін немесе ДК картасына емес, жеке картасына &nbsp;аударым қабылдайтын тұлғалар ақы төлеуді заңдастырғаны: ДК тіркегені немесе (егер ДК болған болса) корпоративтік карта ашып, аударымдарды соған қабылдағаны дұрыс. &nbsp;Олай болмаған жағдайда, кәсіпкер ескерту түрінде әкімшілік жауапкершілікке тартылуы мүмкін немесе қайта бұзушылық болған жағдайда, оған айыппұл салынады. Айыппұл салық төлеушінің субъектілігіне қарай 15 АЕК-тен 50 АЕК-ке дейінгі соманы құрайды.Сақ болыңыз, заң нормаларын сақтаңыз және Fingramota.kz-пен бірге қаржылық сауаттылығыңызды арттырыңыз!&nbsp;

2024 жылдан бастап мобильді аударымдарда енгізілетін жаңалықтар

<a href="https://kyzylorda-news.kz/">Kyzylorda-news.kz.</a>&nbsp; Ғылым және жоғары білім министрі Саясат Нұрбек шығармашылық бағытты таңдаған талапкерлер 2024 жылы ұлттық бірыңғай тестілеуді қалай тапсыратынын айтты, деп хабарлайды<a href="https://sputnik.kz/20240111/shygarmashylyq-mamandyqty-tandagandar-ubt-ny-qalay-tapsyrady-41491034.html"> Sputnik Қазақстан</a>.Министр биыл шығармашылық мамандықты таңдаған түлектер үшін ҰБТ өзгеріссіз қалатынын мәлімдеді.<blockquote>"Сіздер үшін ҰБТ-2024 өзгеріссіз қалатынын қуана хабарлаймын. Тестілеуде сіздер тек екі пән тапсырасыздар: Қазақстан тарихы (20 тапсырма, шекті балл – 5) және Оқу сауаттылығы (10 тапсырма, шекті балл – 3). Тапсырмаларды орындау уақыты – 70 минут. Ал шығармашылық емтихандар жоғары оқу орындарында өтеді", - деп жазды Саясат Нұрбек телеграм-арнасында.</blockquote>Оның айтуынша, бұл шешім талапкерлердің қалауы мен бейінді ведомстволардың сараптамалық пікірі негізінде қабылданған.Ведомство басшысы қазір негізгі ҰБТ-ны екі рет тапсырып, үздік нәтижемен грант тағайындау конкурсына қатысуға болатынын еске салды.Ал ақылы негізде түсу үшін ҰБТ тапсырудың тағы үш мүмкіндігі (қаңтар, наурыз, тамыз) қарастырылған. Осылайша 2024 жылғы талапкерлер тестілеуден бес рет өте алады. &nbsp;Фото: Нұрболат Нұржаубай

Шығармашылық мамандықты таңдағандар ҰБТ-ны қалай тапсырады?

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев Ұлы Отан соғысының ардагері Тілеуберген Тобабергеновтің үйіне барып, ақсақалдың хал-жағдайын білді.Аймақ басшысы ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаевпен бірге абыз ақсақалды 100 жасқа толған мерейтойымен құттықтап, Сыр жұртшылығы атынан 3 бөлмелі пәтер сертификатын табыстады. Жаңа баспана Қазалы ауданында салынған екі пәтерлі үйлерден берілді.Майдангер өзіне көрсетілген құрметке ризашылығын білдіріп, береке-бірлік бар жерде ғана істің алға басатынын айтты. Ел азаматтарына ақ батасын берді.Ғасыр жасаған қарт Тілеуберген Тобабергенұлы Қазалы ауданының №2 ауылдық кеңесіне қарасты Жамбыл колхозында 1924 жылы дүниеге келген. 1942 жылы майданға алынып, 291-атқыштар полкі құрамына жіберілген. Беларусьті, Польшаны, Чехословакияны, Калининград қаласын жаудан азат етуге қатысқан. Бас қолбасшының «Алғыс хатын» алып, «Кенигсберг қаласын азат еткені үшін», «Германияны жеңгені үшін» медальдарымен марапатталды.<img src="https://knadmin.beoblood.kz/uploads/418451470_673903978264183_5597475241066829426_n_335cb3d508.jpg" alt="418451470_673903978264183_5597475241066829426_n.jpg">

Сыр өңірінде соғыс ардагеріне пәтер табысталды

Фото: egemen.kz<a href="https://kyzylorda-news.kz/">Kyzylorda-news.kz.</a>&nbsp; Сенатор Нұртөре Жүсіп үкімет басшысына депутаттық сауал жолдап, халықтың мәдениетін көтеру қажеттігін мәлімдеді, деп хабарлайды <a href="https://ru.sputnik.kz/">Sputnik Қазақстан</a>.Сенатор қазақтың "қазаннан қақпақ кетсе, иттен ұят кетеді" деген сөзін еске алып, Астанада өткен тәжік жәрмеңкесін мысалға келтірді. Жаңа жылдың алдында болған жағдай да желіде кеңінен тарап кетті.<blockquote>"Былтыр Тәжікстанның жеміс-жидегіне таласқан жұртты көріп, жағамызды ұстаған едік. Дәл жаңа жылдың алдында шоколад шыршасын бір минутта тайпап кеткендерді де көрдік. Осы видеолар қазір халықаралық пабликтерде мыңдаған қаралым жинап жатыр. Сонда біздің мәдени деңгейіміз, жеткен жеріміз осы ма? Халықты аш дейін десеңіз, аш емес, тоқ дейін десеңіз, тобырлық деңгейі мынау. Бүгінгідей тоқшылық заманда осыншама тоғышарлыққа бой алдыратындай күйге неге түстік? Ең алдымен тәрбие", - деді Жүсіп сенаттың жалпы отырысында.</blockquote>Депутаттың ойынша, бүгінде "отбасындағы тәрбие далада қалды". "Біреудің затын алма", "тегін болса да, тиіспе" деген ежелгі тыйымдар жоқ.<blockquote>"Ақ көйлектің жағасы кірлесе, жуып кетіруге болады, ал ұлттың атына кір келсе, қалай кетіреміз? Тәрбиемен қатар мәдениет дұрыс болуы керек. Абайша айтсақ, "мәдениетсіз дүние бос", - деп атап көрсетті сенатор.</blockquote>Осы орайда Нұртөре Жүсіп тәуелсіздік алғалы бері қолға алынған бірнеше бағдарламаны еске алды. Олар - "Мәдени мұра" мен "Рухани жаңғыру". Бірақ онымен тоқтап қалмау керек. "Әділетті Қазақстанның" құндылықтар жүйесін жасау маңызды.<blockquote>"Жас ұрпақ тәрбиесі мен мәдени деңгейімізді көтеру мәселесіне мұқият көңіл бөлмесек болмайды. Жабайылық анайылыққа жол ашады. Сондықтан жалпы халықтың, әсіресе, жастардың құндылық бағдарларын тереңдетіп, жұртты еңбекқорлыққа, ізденіске, ілім-білімге бет бұруға, әсіресе, отбасы тәрбиесі мен мәдени тәрбиеге барынша күш салу керек", - дейді Нұртөре Жүсіп.</blockquote>Депутат үкіметтен осы мәселеге қатысты тұжырымдамалық ұсыныстарды әзірлеуді сұрады.

"Тегін болса да, тиіспе": Депутат қоғамның мәдениетін сынға алды

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгін облыс әкімі Нұрлыбек Нәлібаев Қазалы ауданына жұмыс сапарымен барып, аудан орталығы Әйтеке би кентіндегі 250 орындық мектептің ашылу рәсімінде тұрғындарды құттықтады. Іс-шараға ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев қатысты.Аймақ басшысы өскелең ұрпақтың жайлы мектептерде білім алуы, қосымша білім беру ұйымдарында қабілетін шыңдауы үшін алда атқарылатын жұмыстарды атап өтті. Мемлекет басшысының тапсырмасымен жас ұрпақтың игілігі жолындағы шаруаларға баса мән берілетініне тоқталды.<blockquote>«Президент бастамасымен «Жайлы мектеп» ұлттық жобасы аясында облыста 21 мектеп салынады. Былтыр 10 мектептің құрылысы басталды. Биыл тағы 11 мектептің іргетасы қаланады. Оның бірі Қазалы ауданының Жанқожа батыр ауылында бой көтерсе, жақын күндері Әйтеке би кентінде тағы бір мектептің құрылысы басталады. Қызылорда қаласында құны 7 млрд. 900 млн. теңгені құрайтын физика-математика бағытындағы 300 орындық жатақханасы бар 400 орындық мектеп-интернат құрылысы қарқынды жүргізілуде. Осы аптада Жаңақорған кентінде 300 орындық жаңа мектеп пайдалануға беріледі. Жаңақорған және Шиелі аудандарында Оқушылар үйі мен Өнер мектептері бой көтереді. Балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы» салынады.Топырағына ұлы тұлғалардың кіндік қаны тамған Қазалы ауданының өңір тарихындағы орны ерекше. Есімдері алты Алашқа белгілі Жанқожа батыр, күллі Шығыс жастарына жетекшілік еткен Ғани Мұратбаев, жезтаңдай әншілер Роза Бағланова және Мәдина Ералиевадай даңқты дарындардан кенде емес. Алдағы уақытта осы білім ошағынан жерлес аға-әпкелеріндей білімді, талантты шәкірттер шығатынына сеніміміз мол», – деді аймақ басшысы.</blockquote>Салтанатты іс-шарада ҚР Парламенті Мәжілісінің депутаты Мұрат Әбенов қазалылықтарды жаңа білім ошағының ашылуымен құттықтап, сала ардагері Серік Қуанышбай бата берді.Ашылу рәсімінде өңірдің әлеуметтік-экономикалық дамуына үлес қосқан кент тұрғындары марапатталды.Іс-шара соңында қонақтар мектеп ғимаратындағы асхана, спорт залы, акт залы, кітапхана жұмысымен танысып, математика, тарих кабинеттерін аралап көрді.<img src="https://knadmin.beoblood.kz/uploads/418485073_673899451597969_7407141939629611143_n_5bcfa22444.jpg" alt="418485073_673899451597969_7407141939629611143_n.jpg"><img src="https://knadmin.beoblood.kz/uploads/418544626_673899584931289_3317588502604171426_n_b843f23676.jpg" alt="418544626_673899584931289_3317588502604171426_n.jpg">

Әйтеке би кентінде 250 орындық мектеп ашылды 

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Қазалы ауданына сапары кезінде Әйтеке би кентіндегі 600 орындық мәдениет үйінің ашылу рәсімінде тұрғындарды құттықтады. Іс-шараға ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев қатысты.<blockquote>«Қазалы ауданы – қазақ өнері мен мәдениетінің көрнекті тұлғалары дүниеге келген, сабақтастықтың алтын тіні үзілмеген, ел-халықтың ықыласына бөленген таланттарға бай өлке. Осы жылы ауданда ауқымды жұмыстар атқарылады. Бүгін Қазалыда 250 орындық жаңа мектепті пайдалануға бердік. Кәукей ауылында 100 орындық ауылдық клуб салынуда. Майдакөл ауылында да жақын күндері клуб құрылысы басталады. Бекарыстан би, Қожабақы ауылдары мен Әйтеке би кентінде спорт кешені бой көтереді. Әлеуметтік қолдауды қажет ететін отбасыларға арналған 22 тұрғын үй табысталады. Өзге де ауқымды жоспарларымыз бар», – деді аймақ басшысы.</blockquote>Іс-шарада ҚР Парламенті Мәжілісінің депутаты Мұрат Ергешбаев қазалылықтарды жаңа мәдениет ошағының ашылуымен құттықтап, «РЗА» АҚ президенті Самұрат Имандосов бата берді.Ашылу рәсімінде өңірдегі қоғамдық бастамаларға үн қосып, ауданның әлеуметтік-экономикалық дамуына үлес қосқан тұрғындарға, өнерпаздар мен спортшыларға құрмет көрсетілді.Әрі қарай іс-шараға қатысушылар жаңа ғимаратты аралап, аудан өнерпаздарының концерттік бағдарламасын тамашалады.Айта кетейік, өткен жылы облыста 150 орындық төрт клуб жаңадан салынып пайдалануға берілді. Қызылорда қаласында отбасылық құндылықтар мен салт-дәстүрді дәріптейтін «Анаға тағзым», «Отбасы» орталықтары қызметін бастады.Биылға да өңірдің мәдениет пен спорт саласында ауқымды жобалар жоспарланған. Облыс орталығында халықаралық стандарттарға сәйкес келетін Орталық стадион және жабық бассейні бар көпсалалы дене шынықтыру-сауықтыру кешенінің құрылысы басталды. Келесі жылы нысандар ел игілігіне табысталады. Жақын арада «Самұрық қазына траст» қорымен бірге құны 2,7 млрд теңге болатын үстел теннисі орталығының құрылысы басталмақ. Биыл облыс бойынша 4,8 млрд теңгеге 6 спорт кешені мен 4 ауылдық клуб құрылысы қолға алынады. Құны 3 млрд 700 млн теңгені құрайтын 1000 орындық Өнер орталығы жақын күндері ашылады.Сондай-ақ, жуырда барлық аудандарда музей, кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтарының құрылысы басталмақ. Балалар мен жасөспірімдердің шығармашылығын шыңдау мақсатында Қызылорда қаласында «Шығармашылық академиясы» салынады.<figure class="image"><img src="https://knadmin.beoblood.kz/uploads/418736584_673901894931058_7514830987944960678_n_c559b1da0a.jpg" alt="418736584_673901894931058_7514830987944960678_n.jpg"></figure>&nbsp;<figure class="image"><img src="https://knadmin.beoblood.kz/uploads/418732856_673901844931063_6550165856111041552_n_8c7ec28396.jpg" alt="418732856_673901844931063_6550165856111041552_n.jpg"></figure>&nbsp;<figure class="image"><img src="https://knadmin.beoblood.kz/uploads/418505738_673901818264399_3151647501423293847_n_2af5083a90.jpg" alt="418505738_673901818264399_3151647501423293847_n.jpg"></figure>&nbsp;<figure class="image"><img src="https://knadmin.beoblood.kz/uploads/418478401_673902008264380_7448734113711459401_n_f04f200986.jpg" alt="418478401_673902008264380_7448734113711459401_n.jpg"></figure>&nbsp;<figure class="image"><img src="https://knadmin.beoblood.kz/uploads/418500129_673901864931061_7841222141677593603_n_2a47e9356e.jpg" alt="418500129_673901864931061_7841222141677593603_n.jpg"></figure>&nbsp;<figure class="image"><img src="https://knadmin.beoblood.kz/uploads/418439681_673901921597722_1075864580305674925_n_f53b374a5f.jpg" alt="418439681_673901921597722_1075864580305674925_n.jpg"></figure>

Қазалы ауданында мәдениет үйі ашылды

<a href="https://kyzylorda-news.kz/">Kyzylorda-news.kz.</a>&nbsp; ҚР Парламент Мәжілісіндегі «AMANAT» партиясы депутаттық фракция мүшесі Мұрат Әбенов «Қызылорда облысының кәдіподақтар орталығы» аумақтық кәсіподақтар бірлестігінде болып сала өкілдерімен кездесті.Басқосуда еңбек ұжымдары және мемлекет үшін кәсіподақ бірлестіктерінің атқаратын рөлінің маңыздылығы талқыланды.Түрлі саладағы кәсіподақ бірлестігінің өкілдері мәжілісменге өзекті сауалдарын жолдады. Мәселен, медицина қызметкерлерінің оның ішінде мейірбикелердің жалақы мөлшерінің төмендігі, несие алудағы заңдылықтар мен банк пайыздарының көптігі, нарықтық экономикадағы бағаның күн сайын шарықтап өсуі талқыланды.<blockquote>Медицина саласын қолдауда салалық министрлік тарапынан біршама мәселелер көтерілді. Заңға енгізілетін бір мәселе бар. Кез-келген ұжымда ең көп және аз айлықтың ортасын шектеп белгілеп алу қажет. Сондықтан депутаттар тарапы басшы мен жұмыскердің жалақысының ортасында алгоритм қалыптастыруға ұсыныс беру қажет,-деді Мәжіліс депутаты.</blockquote>Сонымен қатар, фракция мүшесі сайлау заңдылығының өзгеріп, қазіргі кезде қалаларда бірмандаттық жүйе, облыс бойынша жартылай партиялық тізім бойынша мәслихат депутаттарының сайланып жатқанын тілге тиек етті.Отырыс барысында кәсіподақ мүшелері кәсіппен айналысатын, қол астында қызметкерлері бар азаматтар арасында кәсіподақ жұмысын насихаттап, оның аясын кеңейту турасында да ұсыныстар жолдады.Пікір алмасудан кейін фракция мүшесі Мұрат Әбенов «ASTANA TV» телеарнасына сұхбат берді.<blockquote>Қызылорда облысы бойынша қарқынды даму жұмыстары байқалады. Бұған партияның «Ауыл аманаты», «Жер аманаты» жобаларының септігі тиюде. Бұдан бөлек, ауылдық елді мекенде әлеуметтік нысандар бой көтеруде. Оның ішінде мектептер, медициналық нысандар бар. Сондай-ақ, спорт кешендері мен жол инфрақұрылымы да қарқынды дамуда. Ауылдар мен аудандарда жасалған жағдайлардың арқасында жастар ауылға көшуге қызығушылық танытуда.Қазіргі кезде бір жерде жылу орталығы ескірген, өзге де мәселелері болса, Қызылорда облысында партияның Сайлауалды бағдарламасы аясында онан бөлек, инвеситиция тартып, кәсіпкерлер көмегімен көптеген жобалар жүзеге асуда. Оның ішінде құны 215 миллиард теңге болатын ЖЭО-да бар,-деді мәжілісмен.</blockquote>

Мәжіліс депутаты кәсіподақ саласының өкілдерімен кездесті

Фото: baq.kz&nbsp;<a href="https://kyzylorda-news.kz/">Kyzylorda-news.kz.</a> Сенатор Дархан Қыдырәлі депутаттық сауал жолдап, мемлекеттілік тарихын Алтын Ордадан тарататын елдердің ғалымдарымен ортақ мұраны бірлесе зерттеу мәселесін қозғады.<blockquote>Ұлық ұлыс – бұл жай ғана мемлекеттік құрылым емес, біз Еуразия деп атайтын ұланғайыр кеңістіктегі халықтардың тарихына арқау болған өркениеттік матрица. Оны өркениет-мемлекет деп те атайтындар бар. Құрамындағы жұрттардың тілі мен дініне, дәстүріне қысым жасамаған Ұлық ұлыс олардың мәдениетінің өсіп-өркендеуіне үлкен үлес қосты. Сондықтан ол «мәдениеттер мозаикасын» түзген тиімді мемлекет тетігі арқылы қалыптасқан тұтас жүйе. Еліміздегі толеранттылық тамыры осы дәстүрмен үндес жатыр. Қазір қайта жаңғырған Жібек жолына иелік еткен, шығыс пен батысты жалғаған Ұлық ұлыстың экономикалық аспектілерін зерделеу де маңызды. Бұл ретте, мемлекеттілік тарихын Алтын Ордадан тарататын елдердің ғалымдарымен ортақ мұраны бірлесе зерттеген жөн. Әсіресе «Жошы ұлысын зерттеу» институтына үлкен жауапкершілік жүктелері анық, - деді Д.Қыдырәлі.</blockquote> Бұған дейін Түркі академиясы Жошы ұлысына қатысты зерттеулер жүргізді, экспедициялар ұйымдастырды, ЮНЕСКО-да жиын өткізген еді.<blockquote> Әрине, ұлт тарихын білмеу – қасірет! Алайда одан өткен қасірет бар, ол – тарихты жаңылыс білу. Ұлттық санаға тарихи сана негіз болады десек, бұрмаланған түсініктен қате таным қалыптасады. Сондықтан тарихты дұрыс жазу және оқыту – тарихты жасаумен бірдей өзекті. Биыл аяқталатын Қазақстан тарихының көп томдығы Жошы ұлысына қатысты тың деректерді ұсынады деп үміттенеміз. Мектеп оқулықтары осы көптомдық негізінде қайта жазылғаны абзал. Онда Жошының қазақ хандарының атасы екені баса айтылуы тиіс. Сонымен қатар оқулықтарға қазақ мемлекеттілігінің бастаулары туралы да соны деректер енгізу керек. Мәселен тарихи Талас құрылтайы өткен, Жетісу мен Сыр арасында құрылған Моғолстан мемлекетіне 6-7 сыныпқа арналған оқулықта 1 параграф, ал 10-сыныпқа арналған оқулықта 4-5 жол ғана арналған. Ал осы Моғолстан жерінде, Шу бойында Қазақ хандығының негізі қаланғаны белгілі, - деді ол.</blockquote>Бір айта кетерлігі, ЖОО-дағы мамандықтарға қазақ тарихы пәнінің енгізілгені құптарлық. Осы пәнді методологиялық бірізділікке келтіріп, мемлекеттілігіміздің бастауларына басымдық берілгені дұрыс деп санайды депутат.<blockquote> Биыл ұлттық Құрылтайдың Ұлық ұлыстың астанасы болған Сарайшық маңында, Атырауда өтетіні кездейсоқтық емес. Жошы ұлысына арналған іргелі зерттеулер жүргізу, арнайы музей жасақтау, нысандарға Жошының атын беру, әдеби жәдігерлерді жаңғырту мақсатында Едіге байқауын өткізу, Ұлытаудағы ескерткіш кешендерді ЮНЕСКО материалдық мұралар тізіміне енгізу де өзекті. Елімізде өтетін Дүниежүзілік көшпенділер ойыны Жошыны насихаттау үшін үлкен мүмкіндік. Оларға ақпараттық қолдау көрсету, танымдық деректі және көркем фильмдер мен балаларға арналған мультфильмдер ұсыну да маңызды. Той – тойлау үшін емес, ой ойлау үшін қажет десек, Жошы ұлысының 800 жылдығы ұлы дала өркениеті мен мемлекеттілігіміздің түп-тамырын жаңаша пайымдау және насихаттау арқылы тарихи сананың орнығуына оң ықпал етері анық, - деген ойымен бөлісті сенатор фейсбук парақшасында.</blockquote>

Сенатор:  Тарихты дұрыс жазып, оқыту керек

Фото: baq.kz<a href="https://kyzylorda-news.kz/">Kyzylorda-news.kz.</a>&nbsp; &nbsp;Қызылорданың "Қайсар" футбол клубы 23 қаңтардан бастап сатылымға шығарылады, &nbsp;- деп хабарлайды Massaget.kz.<blockquote>"Бастапқы баға – 1,6 млрд теңгені құрайды. Бастапқы жарна 252 млн теңгені қамтиды. Сатып алам деушілер барлық талаптармен электронды сатылымдар сайтында танысып шыға алады", - деп жазған Ермұхаммед Мәулен.</blockquote>"Қайсар" ұжымы осы уақытқа дейін "Қызылорда облысының экономика және қаржы басқармасының" балансында болған.Айта кетейік, қызылордалық команда өткен маусымды 6-орынмен аяқтаған болатын.&nbsp;

Қазақстан және Қызылорда облысының жаңалықтары