Сырдарияда құрылыс жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz.</a> Жетісу облысындағы алғашқы әскери дайындық пәнінің мұғалімі мектеп басшылығын ақша бопсалады және қысым жасады деп айыптады. Бұл туралы Stan.kz ақпарат агенттігі хабарлайды.Мұғалім әлеуметтік желіде оқу-ағарту министріне видео үндеу жолдап, мектеп басшылығының өзінен ақша бопсаланғанын мәлімдеді. Оның айтуынша, Алакөл ауданы Қабанбай ауылында орналасқан мектепте директордың басқа оқу орнына ауысуына байланысты ақша жиналған.<blockquote>"Біздің 70-тен астам қызметкерден тұратын ұжымымыздан директордың басқа жұмысқа ауысуына байланысты сый ретінде 3000 теңгеден жинауымызды талап етіп жатыр. Ақша бермегенім үшін мені және қосылмаған басқа да мұғалімдерді жұмыстан шығарамыз деп қорқытты", – деді бастапқы әскери дайындық пәнінің мұғалімі.</blockquote>Облыстық білім басқармасы ауыл мектебіндегі жағдайға қатысты түсініктеме берді. Басқарма мұғалімді ешкім жұмыстан шығармағанын және ол мектепте жұмысын жалғастырып жатқанын айтты.<blockquote>​​​​​​"Жұмабаев атындағы орта мектеп ұжымымен алғашқы кездесуден кейін 3000 теңге көлеміндегі қаражаттың өндірілу фактісі расталмады. Қазір Жетісу облыстық білім басқармасының бұйрығымен аталған мектептегі жағдайды зерделеу бойынша мобильді топ құрылып, мұғалімдердің арыз-шағымдары мұқият қаралып, тиісті шаралар қабылданады", – деп хабарлады Жетісу облыстық білім басқармасынан.</blockquote>Басқармадағылар мектептегі жағдай басшылықтың ерекше бақылауына алынды деп сендірді.Фото: Нұрболат Нұржаубай

“Жұмыстан шығарамыз”: Мұғалім директорға 3000 теңге жинамағаны үшін қысым көргенін айтты

<a href="https://kyzylorda-news.kz/">Kyzylorda-news.kz.</a> Енді елімізде банкте бірнеше несиесі барларға да автонесие берілуі мүмкін. Қарыз ұсынғалы отырған қаржы ұйымдары жаңа көлік мінуге ниетті адамның борыш жүктемесіне қарамайды. Тек кейінгі алты айдағы төлем тарихы ескеріледі. Бұл туралы 31-арнаның Информбюро жаңалықтар бағдарламасы хабарлайды.Берешегін уақытылы өтеп жүрген борышкер банкке өтініш беріп, автонесие рәсімдей алады. &nbsp;Бірақ көлік кепілге қойылады. Бұл бастаманы қаржы нарығын реттеу және дамыту агенттігі көтеріп отыр. Қаулыға сәйкес қарыз алушының борыш жүктемесі коэффициентін есептеуге қатысты бірқатар өзгерістер енгізілмек.Қаржы нарығын реттеу және дамыту агенттігінің бастамасы отандық автомобиль өнеркәсібін дамытуға бағытталған. Жеңілдетілген автонесие жобасы шеңберінде сатылуға тиіс көліктерді сатады. Бастысы жаңа көлік мінуге ниетті адам алты ай банк алдындағы берешегін кешіктірмей, уақытылы төлеп тұруы шарт.<blockquote>“Жобада қарыздар бойынша борыштық жүктеме коэффициентін есептеуге қойылатын талаптарды алып тастау көзделеді. Бірақ несиеге алынған көлік кепілге қойылады. Яғни борышкер қарызын өтемесе, банк көлікті сатылымға шығарып, ақшаны қайтарады”, – деп мәлімдеді Қаржы нарығын реттеу және дамыту агенттігі.</blockquote>Сарапшылар банктер борыш жүктемесіне қарамайды екен деп қарызға батуға, автонесие рәсімдеуге болмайтынын айтады. Демек, берешекке асқан жауапкершілікпен қарап, бизнесті дамыту, не жолаушы тасымалдау деген секілді белгілі мақсаттар үшін алу қажет. Пікірлерінше, саланы дамыту үшін де алдымен өндіріс көлемін ұлғайту маңызды.“Дөңгелегін, я болмаса басқа дискісін бе, я басқа бөлшегін шығару үшін оған үлкен көлем керек. Ол көлем 200 мыңнан асқаннан кейін ғана болады. Сондықтан бүгінгі күнде мақсатымыз – 150-ден 200 мыңға жеткізіп, одан әрі қарай кейін жаңағы автомобиль шығару деген мемлекеттік қатарына қосылу мәселесі”, – деді экономист Сапарбай Жұбаев.Сарапшының сөзінше, жаңа көліктің қолжетімділігі отандық автопаркті де жаңалауға мүмкіндік береді.Фото: freepik.com

Қазақстанда енді бірнеше несиесі барларға да автонесие берілмек

<a href="https://kyzylorda-news.kz/">Kyzylorda-news.kz.</a> Бүгінде қоғамда мектеп оқушылары және жасөспірімдер мен жастар арасындағы құқық бұзушылық, кәмелетке толмағандарға қатысты зорлық-зомбылық, оларға қатысты кибербуллинг әрекеттері өте өзекті мәселеге айналып отыр.Бүгін осыған орай аудан әкімі Мейрамбек Шермағанбеттің тапсырмасына сәйкес аудан әкімінің орынбасары Дәурен Тлеумбетов бастаған арнайы топ мүшелері Әйтеке би кентіндегі білім ошақтарында оқушылармен және олардың ата-аналарымен кездесу өткізді. Кездесуде аудандық білім бөлімінің басшысы Әділхан Жөлекешов пен аудандық полиция бөлімі бастығының орынбасары Ғани Құрманалиев бірге жүрді.М.Матаев атындағы №170, Б.Мергенбаев атындағы №226, Е.Бозғұлов атындағы №249 және Ж.Жабаев атындағы №234 мектептерде өткен кездесулерде Дәурен Оңғарбайұлы ауданда топтық төбелес, жасөспірімдер арасындағы тәртіпсіздіктің алдын алу мақсатында атқарылып жатқан жұмыстарды атап өтті.— Бүгінгі бала – ертеңгі елдің жарқын болашағы. Содан кейін де олардың амандығы, денінің саулығы мен лайықты білім алуына үкімет қолдан келген жағдайды жасап жатыр. Қазіргі таңда ауданымызда арнайы құрылған топтар күн сайын кешкі сағат 22:00-ден бастап осы жасөспірімдер арасындағы түрлі тәртіпсіздіктердің алдын алу мақсатында рейд жұмыстарын тұрақты жүргізіп келеді. Рейд барысында түнгі уақытта мезгілсіз жүрген жасөспірімдерді полиция бөліміне тапсырып, ата-аналарына тиісінше түсіндірме жұмыстарын жүргізіп келеміз. Салынған айыппұл да аз емес. Соған қарамастан балалардың түнгі мезгілде ретсіз жүруі тоқтамай отыр. Бұл дегеніміз, яғни кәмелет жасына толмаған жасөспірімнің түнгі мезгілде мезгілсіз жүруі құқықбұзушылыққа алып келері анық. Осы тұста ата-аналар балаларының болашағына көбірек көңіл бөлсе, қауіпсіздігін ойлап, заң талаптарын ұдайы назарда ұстаса екен, — деді аудан әкімінің орынбасары.Жиын барасында ата-аналар тарапынан да күн тәртібіндегі өзекті мәселеге қатысты ұсыныс-пікірлер айтылып, тиісті жауап берілді. Кездесуді қорытындылаған Дәурен Оңғарбайұлы бала – біздің болашағымыз екеніндігін айтып, ұрпаққа тәлімді тәрбие беру жолында «Мектеп, ата-ана жане оқушы» үштік одақ болып бірлесе жұмыс жасауға шақырды.Айта кетейік, алдағы уақытта басқа да білім ошақтарында мұндай кездесулер жалғасатын болады.

Жасөспірімдер арасындағы кибербуллингтың алдын алу бойынша жиын өткізілді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев «AMANAT» партиясы облыстық филиалының қоғамдық қабылдау кестесіне сәйкес кезектілік тәртібімен жазылған азаматтарды қабылдады.Тұрғындар денсаулық сақтау, тұрғын үй және жұмысқа орналасу мәселелерін қозғады.Қабылдауға келіп ұсыныс-пікірін, өтінішін жеткізушілердің сауалдары назардан тыс қалмайды. Әрқайсысы толық зерттеліп, заң аясында шешілу жолдары қарастырылады. Кейбір сұрақтар бойынша түсіндірмені мамандар сол жерде берді. Бірқатарының шешілу жолдары көрсетілді.Бүгінгі қабылдауда облыс әкімі жауапты басшыларға І топ мүгедектігі бар азаматты тұрақты жұмысқа орналастыру жолдарын қарастыруды тапсырды. Сонымен бірге ІІ топ мүгедектігі бар, асыраушысы жоқ қала тұрғынының баласын облыс әкімінің грантымен медицина академиясына түсіру үшін қажетті шаралар қабылдау міндетін жүктеді.Сондай-ақ, көп балалы ана мұғалім болып жұмысқа орналасу мәселесін көтерді. Бұл сұрақ заң аясында, конкурс арқылы шешілетіні айтылды.Еске салайық, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/443716717_749269827394264_7968070584770711355_n_37f8ab6f4b.jpg" alt="443716717_749269827394264_7968070584770711355_n.jpg"><img src="https://knadmin.beoblood.kz/uploads/441189922_749270010727579_8624490955339693111_n_78829a779d.jpg" alt="441189922_749270010727579_8624490955339693111_n.jpg"><img src="https://knadmin.beoblood.kz/uploads/443916586_749270144060899_2151897995018182721_n_2f4b0c709a.jpg" alt="443916586_749270144060899_2151897995018182721_n.jpg">

Облыс әкімі тұрғындардың жеке мәселелерін тыңдады

<a href="https://kyzylorda-news.kz/">Kyzylorda-news.kz.</a>&nbsp; Арқырап, жарқырап, аудандық мәдениет үйін той-думанға бөлеп, қоңыр үнді табиғи дауысымен үлкенді де, кішіні де тәнті еткен Жұбаныш Разақовтың есімі аудан халқына жақсы таныс екені мәлім. Бұрын бұл кісінің қатысуынсыз ауданда бірде-бір мәдени іс-шара өтпейтін еді. Ата-бабасының атақонысы болған Тереңөзек топырағына 16 жасында келіп, содан 30 жыл аудан мәдениетін төрге де, өрге де сүйреу жолында табанды еңбек еткен азамат қазір зейнет демалысында жүріп, жастарға ақыл-кеңесін айтуда.Жұбаныш ағамызды іздеп, арнайы сұхбаттаспақ ниетте үйіне барғаны­мызда жұбайы Құндызай апа екеуі ескі альбомды ақтарып, өт­кен-кеткенді ой елегінен өткізіп отырғанын көрдік. Бәрі де күні кешегідей көз алдын­да. Жас еді. Жалынды еді. Той-думан­ның төрінен табылатын. Бәрі ыстық, барлығы көңілде сайрап тұр. Арнайы келгенімізге балаша қуанып, кең құшағын айқара ашқан ардагер аға­мыз аузын ашса, көмейі көрінетін ақжар­қын болмысымен бізді бірден төрге оздырды.– Төл мерекеңіз қарсаңында сіз туралы мақала жазуға келдік, – деп бастадық әңгімені.– Айналайын, рақмет! Ризамын, – деген Жұбаныш аға бір қуанып, бір күрсінді. Қуанатыны – еңбегін елейтін, бағалайтын ел-жұрттың бар екеніне шүкір еткені. Ал күрсінетіні – өмір жолына, еңбек жолына көз тас­таса, қаншама қимас жандардың, бірге қызмет еткен достарының бақиға бет түзегені... Содан да болар кейіпкеріміз әңгімені әріден бастады.– Әкем Манап 1925 жылдың тумасы болса, анамыз Ақбалдақ 1932 жылғы еді. Ата-анадан сегіз ағайындымыз. Қасиетті қарашаңырақта 5 ұл, 3 қыз өсіп-өндік. Отбасының төртінші пер­зентімін. Өзімді туғанымнан мәдениет, өнер саласының төл өкілімін деп есептеймін. Өйткені туған күнім халықаралық театр күнімен тұспа-тұс, наурыздың 27-сінде дүние дидарына келгенмін, – деді Жұбаныш аға.Биыл 67 жасты толтырған ардагер соңғы жылдары сәл науқастанып қалды демесеңіз, тілі терең ойларға, көңілі көркем әңгімелерге сайрап тұр. Қызылордада кіндік қаны тамған ол сонау 1963 жылы №112 орта мектеп табалдырығын аттапты. Кейін Гагариндегі мектеп-интернатын біті­ріп, қазіргі жаңа базар маңындағы жөндеу-механикалық зауытында жалданып жұмыс істеген. Зауытта жұмыс істеді деген аты ғана. Уақытының көп бөлігін мәдени-көпшілік іс-шараларға арнап, ән айтуға әуес болған. Сондай бір кезекті іс-шараның бірінде Рамазан Таймановпен жолығады. Бұл 1973 жыл еді.– Әй, бала, есімің кім? Қай жақ­тың тумасысың?, – дейді он тоғыз жастағы студент Рамазан қалалық байқау­ға қатысуға талап қылған жас жеткіншекке.– Есімім Жұбаныш болады. Негізі Тереңөзектегі «Узтопта» туғанмын.– Енді мұнда жұмысшы болып не бітіріп жүрсің?– Ауылда мен сияқты әншіге да­йын тұрған жұмыс жоқ. Ән айтып, азын-аулақ ақша табамын. Соны дос­тарым­мен бірге керек-жарағыма жаратамын…– Е-е, солай де. Сенің дауысың жақсы екен. Мен Рамазан деген ағаңмын. Саған қалада өмір сүру қиын, одан ауылға қайт, – дейді өзінің үш жас үлкендігін алға тартып, болашақ­та елге танымал сазгер болатынын сезгендей талантты азамат.Бұл таныстық Жұбаныш Разақов­тың өнердегі жолының бастауы еді. Көп өтпей ол Рамазан ағасының бағыт-бағдарымен, жанашырлық қол­дауы­­мен ауылға қайтады. Бірақ ауылда әншіге дайын тұрған жұмыс жоқ еді. Ол кезде жұмыссыз жүру­ге тағы болмайды. Сөйтіп Еріш Тұрсынбаев басқа­ратын коммуналдық шаруашы­лық мекемесіне жұмысшы болып қабыл­данады. Мұнда да жұмысшы деген аты ғана. Уақытының көп бөлі­гін мәдени-көпшілік іс-шараларға арнай­ды. Жас жігіттің ән айтуға әуестігін аңғарған аудандық мәдениет үйін­дегі­лер оны түрлі концерттерге шақы­­рып, ән айтқызады. Мұндай шақы­­ру құлағына тиген бойда жас Жұбаныш «Қайдасың, дом культура?» деп жүйтки жөнеледі. Сөйтіп жүр­генде бір күні Көбейсін Исаевтың көзіне түседі. Талапты жігіттің талантын жазбай таныған аудандық партия комитетінің үшінші хатшысы жас әншінің әнін тыңдап, қоңыр сазды дауысына сүйсінеді.– Бұл кім? – дейді Көбейсін Исаев.– Ауылдың жас жігіті. Комму­налдық шаруашылық мекемесінде жұмыс­шы, – дейді сол кездегі аудан­дық мәдениет бөлімінің басшысы Сейтмұрат Ембергенов.– Дереу қызметін ауыстыру керек. Мәдениет саласынан жұмыс берің­дер, – деген аудандық партия комитетінің үшінші хатшысы жас әнші­нің өнер жолындағы Рамазан Таймановтан кейінгі екінші тынысын ашуына ұйытқы болады.Бұйырған деген осы. Ертеңіне-ақ Жұбаныш Разақов аудандық мәде­ниет бөліміне қарасты автоклуб мең­геру­шісі болып жаңа қызметке орналасады. Ол кезде әр автоклубқа белгілі бір аумақ бекітіліп, олар халық­қа мәдени қызмет көрсететін. Ж.Разақов жетекшілік еткен автоклуб мүшелері Қараөзек, Қаракөл ауылдарын аралап, малшыларға, егіншілерге концерт қоюды бастап кетеді. Кейін мәдени демалыс кешенінің директоры, аудандық мәдениет үйінің көркем­дік жетекшісі қызметтерін атқарады.<blockquote>– Әр күніміз ерекше той, ерекше думан еді. Бірақ екі оқиға есімнен кетпейді. Нақты уақытын ұмытып қал­дым. Біріншісі, Дінмұхамед Қонаев­­тың алдында ән айтқан кезім. Сон­да бірінші рет тізем дірілдеген еді. Қанша дегенмен дара тұлға ғой. Әнімді ерек­ше ықыласпен тыңдап отырғаны көз алдымда. Екінші, Ә.Тәжібаев, А.Тоқмағамбетов, Қ.Мұхамеджанов, С.Мәуленовтер ауданға келіп, ақ үй тігіп, құрмет көрсеттік. Сонда талант­ты тұлғалардың туындыларын өздеріне шырқап бердім. Риза болған дара дарын иелері арқамнан қағып, алғыс айтқан еді. Мұндай ғажап естеліктер көп, бірақ ұмытыңқырап та қалдым, – дейді Жұбаныш аға</blockquote>Ардагер ауданның мәдениет саласын дамытуда зор еңбек сіңірген Қайрақбай Нұрбаев, Алмагүл Бақтиярова, Жантемір Айсин, Сансызбай Сәдуақасовтардың есімін, еңбегін ерекше құрмет тұтады. Бақыт Жүсіпов, Ораз Ерғалиев, Сейтхан Қосылбаев, Жұматай Әбдіраманов, Бекболат Әлмаханов, Әлтай Әбдіреев, Байзақ Дәрменов, Жақсылық Ілиясов секілді азаматтармен бірге қызмет еткен жылдарын сағына еске алады. Әсіресе терең­өзектіктер «Беташар Бақыт» деп атайтын Бақыт Несіпбайұлы Жүсіповпен жақын дос еді. Екеуінің жұбы жазылмайтын. Бақыттың анасы Ажаркүл апа «Жұбаныш та менің балам, туғанымнан кем емес» деп ерекше еміреніп, тебіреніп отыратын. Мұның бәрі бүгін өткен күннің естен кетпес естелігіне айналды…Мәдениет саласында өзіндік орны бар азамат Жұбаныш Манапұлы жары Құндызай Тұраровамен 1979 жылы шаңырақ көтеріп, екі ұл, бір қыз­ды өсіріп, жеткізді. Қазір немере-шө­бере сүйіп отыр. Үйдің үлкені Ардақ құрылыс саласында еңбек етіп жүрсе, Малика тұрмыста. Ауданда «Сыр­дария» квартетін білмейтін жан жоқ шығар. Квартеттің белді мүшесі Дархан Разақов – Жұбаныш аға мен Құндызай апаның сүткенжесі. Әке жолын қуып, өнер саласын таңдаған аза­­мат талай республикалық, облыс­тық байқаулардың жүлдегері атанды. Қазір Қалжан ахун ауылдық клубы­ның директоры қызметін атқарып келеді. «Атадан ұл туса игі, ата жолын қуса игі» демекші, Жұбаныш ағаның өнер­дегі даңғыл жолын ұрпақтары кеңейтіп, жалғап жатыр. Сондықтан ақжарқын болмысымен дараланып, жалынды жастық шағында арқыра­ған, жарқыраған Жұбаныш ағамызды арда­герлік кезеңге абыроймен жетті деп нық сеніммен айтамыз.<img src="https://knadmin.beoblood.kz/uploads/7bed2c4a_f0cb_4f89_b645_f9dd61aa0fc3_bc2dd6e359.jpg" alt="7bed2c4a-f0cb-4f89-b645-f9dd61aa0fc3.jpg">Фото: news.arsu.kz

Сырдарияның таланты өнер майталманы

<a href="https://kyzylorda-news.kz/">Kyzylorda-news.kz.</a> Байланыс саласының адам өмірі үшін мәні ерекше. Ыбырай Алтынсаринше айтсақ, «Айшылық алыс жерлерден, көзіңді ашып-жұмғанша, жылдам хабар алғызды» дейтін заман қазір келді. Бұрын айлап-апталап, екі көздері төрт болып, зарыға хат-хабар күтіп отыратын халық қазір тіпті шетелде жүрген баласының жайын мобильді телефон, тағы да басқа заманауи құрылғылар арқылы табан астында біле алады. Тіпті, саусақпен түртсең сан түрлі жұмыс шешіле кететін ІТ-технологияның дәуірі еніп келеді. Демек, дамушы ел ретінде байланыс саласының маңызын біз жақсы түсінеміз. Осы орайда Шиелі ауданының байланыс саласын дамыту, интернет сапасын арттыру бағытында тынымсыз тіршілік етіп, жарты ғасырға жуық ғұмырын арнаған Бекахмет Сақтағанов жайында сөз өрбітпекпіз.Ғұмырын бір ғана салада еңбек етуге арнаған адамдар бүгінде саусақпен санарлықтай. Байланыс саласында 44 жыл еңбек етіп, бұл күнде құрметті демалысқа шығып, ұрпақтарының көз қуанышы болып отырған Бекахмет Ақпанбетұлы осындай жандардың қатарынан. Ташкент энергетикалық байланыс институтында «автоматикалық электро байланыс» мамандығы бойынша білім алған кейіпкеріміз ең алғаш еңбек жолын 1976 жылы Шиелі аудандық байланыс торабында хат тасушы болып бастайды. Араға бір жыл салған жігіт ағасы 1977-1979 жылдары Отан алдындағы борышын өтеуге аттанады. Әскерден келген соң, Шиелі аудандық байланыс торабында электромонтер, бас инженер қызметін атқарады. Ісіне деген адалдық, жауапкершілік, білім-білігінің биіктігі жұмыс сатысының баспалдағына айналды десек те болады. Еңбектегі ептілік пен ыждаһаттылықтың арқасында 1994 жылы Б.Сақтағанов Шиелі аудандық телекоммуникация торабының директоры қызметіне көтеріледі.Шежірелі өлкеге сыйлы азамат 2013-2015 жылдар аралығында Шиелі аудандық өндірістік телекоммуникациялар торабының басшысы, 2016 жылы Қармақшы – Жалағаш Біріккен өндірістік телекоммуникациялар торабының басшысы, одан әрі Қармақшы желілік техникалық цехтың басшысы қызметтерінде абыройлы қызмет етеді. Өз саласының білікті маманы Бекахмет аға 2018 жылы Қызылорда облысы ЖЖ ТҚЖО басшысы қызметіне орналасып, 2020 жылы зейнетке шығады. 2021 жылдан бастап осы күнге дейін Шиелі аудандық ардагерлер кеңесінің мүшесі болып, қоғамдық жұмыспен айналасып келеді. Осынау еңбек жолында ҚР «Құрметті байланысшысы» атанып, «Транспорт и Связь Казахстана» атты алтын кітапқа есімі енеді. Елбасының «Алғыс хаты», «Қазақтелеком» АҚ корпоративінің наградасымен марапатталады.Ең алғашқы еңбек сатысынан бастап басшылық қызметке жеткен тәжірибелі маман Шиелі аудандық желілерді сандық жүйеге көшіру, ауылдық елді мекендерді телефондандыру бағытында ауыз толтырып айтарлық жұмыстар істеді.Байланыс саласының білгірі Бекахмет ағаның шаңырағы тікелей осы саламен байланысып жатыр. Олай деуімізге зайыбы Зауре Смағұлова мен ұлы Ғафур Сақтағанов себепкер. Жары З.Смағұловада Шиелі аудандық байланыс торабында бас электро механик қызметінде үзіліссіз 37 жыл жұмыс істеп, зейнет жасына жетеді. Байланыс саласының білгірі атанып, құрмет төрінен көрінген ардагерден әріптестері әлі күнге ақыл-кеңес сұрап тұрады. Бұл әрине мол тәжірибе мен жемісті жұмыстың жемісі десек те болады.

Шиеліде үздік байланысшылар әулет бар

Kyzylorda-news.kz. Қызылорда қаласында қоғамдық көлікте тегін жүруге құқылы азаматтардың санаты кеңейтілді.&nbsp;Нақтыласақ, 20 мамырдан бастап&nbsp; &nbsp;"Алтын алқа", &nbsp;"Күміс алқа" алқаларымен наградталған;&nbsp; &nbsp;"Батыр ана" атағын алған;&nbsp; &nbsp;I және II дәрежелі "Ана даңқы" ордендерімен наградталған көпбалалы аналар; &nbsp;І топтағы мүгедектігі бар азаматтар қоғамдық көліктерде тегін жүреді.Бұдан бөлек, 15 жастан 18 жасқа дейінгі азаматтарға да жеңілдік қарастырылған, яғни жол жүру билетінің толық құнының елу пайызын төлейді.&nbsp; Ал, оқушылар үшін жол жүру құны (өзгеріссіз) 40 теңге болып белгіленді.<img src="https://knadmin.beoblood.kz/uploads/FB_IMG_1716216885468_e6b28f1165.jpg" alt="FB_IMG_1716216885468.jpg">

Қызылордада көпбалалы аналар қоғамдық көлікте тегін жүреді

<a href="https://kyzylorda-news.kz/">Kyzylorda-news.kz.</a> Күн ысып, аптап кіргеннен кәрі - жас дария жағалап, өзен-көлге суға түсуге құштар. Су – мәңгілік қуаттың қайнары, жанның рахаты. Десек те, сақтық шараларын қолданбаған жағдайда қайғылы оқиғалар болып жатады. Суға түсу кезінде қауіпсіздік ережелері туралы аудандық төтенше жағдайлар бөлімінің басшысы Берікбай Омаровпен сұхбаттасқан едік.– Берік Әбдімәжитұлы, су айдындарында қауіпсіздікті қамтамасыз ету бағытында ау­дандық төтенше жағдайлар бөлімі тарапынан қандай шаралар атқарылуда?– Әрине, суда қауіпсіздік ережелерін орындамаудың соңы орны толмас өкінішке әкеліп соғады.&nbsp;Осындай келеңсіз оқиғаларды болдырмау үшін суға шомылу ережесін қатаң сақтаған жөн. Жаңақор­ған ауданы бойынша барлық су айдындарында азаматтардың әртүрлі себептермен қайғылы жағ­дайларға ұшырауы, оның ішінде суға шомылу мау­сымында судағы адам қазасының орын алу жағдайлары азаймай отыр. 2023 жылы аудан аумағындағы су айдындарында 2 жағдай тіркеліп, 2 адам қаза болды. Оның бірі Сырдария өзеніне суға түсу кезінде қаза болса, бірі Р-23 каналына суға түскен. Сонымен қатар, Сырдария өзенінде балық аулау кезінде жардан суға құлап 1 адам қаза тапты. Соңғы 5 жылда аудан көлемінде 21 адам суға шомылу салдарынан қаза болған. Суда қаза болудың негізгі себеп – судағы қауіпсіздік ережелерін өрескел бұзу болып табылады. Атап айтсам, өзен немесе каналдардың әрі зерттелмеген ағысы жылдам, терең, жағалары тік жар жерлеріне суға шомылуға болмайды. Көп жағдайда қарапайым қағидаларды ескермей жатамыз.Балалардың ата-аналарының бақылауынсыз су жағалауларына барып суға шомылуы және олардың суда жүзе білмейтіндігі қайғылы оқиғаларға әкеліп соқтыруда. Сонымен қатар жастардың жаз айларында демалыстарын өзен мен көлдердің жағасында ұйымдастыруы жиі кездесуде. Осындай демалыстар бақытсыз жағдайлармен аяқталып жатады.Қайғылы жағдайлардың алдын алу барысында жергілікті атқарушы органдардан, ау­дандық полиция бөлімінен, жастар ресурстық ор­талығынан және еріктілерден қызметкерлер тарта отырып Жаңақорған ауданынан өтетін Сырдария өзенінің жағасы мен кент ішінде орналасқан көлдердің жағалауындағы суға шомылуға тыйым салынған орындар жөнінде күн сайын түсіндірме жұмыстары жүргізілуде. Суға шомылуға тиым салынған орындарда құқық бұзушылық анықталған жағдайда кінәлі азаматтар­ға Қазақстан Республикасының әкімішілік құқық бұзушылық туралы кодексінің 364, 440, 412 баптары бойынша әкімшілік шара көрілетінің ескертеміз.– Суға түсу ережесін түсіндіру жұмыстары туралы не айтасыз?&nbsp;Алдын алу шаралары қалай жүзеге асуда?– Кент және ауылдық округтердің орталық көшелері бойынша судағы төтенше жағдайлар мен өрт қауіпсіздігін қамтамасыз ету мақсатында билбордтар орнатылды.&nbsp;Су айдындарының жағасына суға түсуге тыйым салынғандағы жөнінде ескерту жазылған тақтайшалар орнатылды. Сондай-ақ, азаматтық қорғау Гарнизоны және АІІБ қызметкерлерімен төтен­ше жағдайлардың алдын алу мақсатында күнделікті аудан көлемінде су айдындарында арнайы рейдт­тер ұйымдастырылуда. Рейд жұмыстары барысында тыйым салынған жерлерге суға түскені үшін ҚР Әкімшілік құқық бұзушылық туралы кодексінің 364 бабының 1 бөлігімен 7 адам әкімшілік жауапкершілікке тартылды, 4 жасөспірім ата-анасы балалардың бос уақытында бақылау жасамағандығы үшін әкімшілік жауапкершілікке тартылды. Осындай шаралар атқа­рылып жатқанына қарамастан суға түсушілер саны азаяр емес.Сондай-ақ үгіт-насихат жұмыстары барысында азаматтарға арнайы дайындалған «Балаларға ар­налған судағы қауіпсіздік ережелері» мен «Тұрғын үйдегі өрт қауіпсіздік ережелері» тақырыбында үн парақтар таратылуда.Су – адам үшін қауіпті апат. Тіпті ағып жатқан тынық судың өзі қауіпсіз сияқты көрінгенімен, оның да өзіндік қауіптілігі бар. Әдетте, жүзе алмайтын балалар белден жоғары келетін, судың терең жеріне бара бермейді, сондықтан суда жүзе алмайтын емес, өзін жақсы жүзе аламын деп санайтын балалар судағы қайғылы жағдайларға ұшырап жатады. Қазіргі таңда Жаңақорған ауданында 40 дана «Суға түсуге болмайды» деген талап тақтайшалары мен 27 дана «Рұқсат етілмеген жерде шомылмаңыздар» тақырыбында билбордттар ілінген.Ауданның елді-мекендеріне арнайы әзірленген «Суға түсу маусымындағы қауіпсіздік» тақырыбында билборд орнатылды.&nbsp;«Суға түсуге болмайды», «Су – тілсіз жау» ескертпесі жазылған 29 дана тақтайша дайындалып, ауылдық округтерге таратылды. Аудан­дық басылым арқылы тұрғындар арасында наси­хат жұмыстары жүргізілді. «Байқаңыз, су – тілсіз жау», «Су айдынындағы қуіпсіздік» атты мақалалар жарияланды. Әлеуметтік желілер «facebook», «Instagram» парақшаларына да мақала, бейнероликтер жарияланды.– Судағы қауіпсіздік ережесін елемеу адам өміріне қауіп әкеледі. Дегенмен азаматтар қандай ереже мен қағиданы білгендері жөн?– Ең алдымен адамдар белгіленбеген орындарда шомылуға болмайтынын есте сақтаулары тиіс. Суға тек рұқсат етілген орындарда, жағажайларда шомылу керек. Суға түсетін жердің, су тазалығы, тереңдігі де өте маңызды. Мұны тексерген жөн. Жаз мезгілінде өзен, көлдердің жағасында уақыт өткізген жақсы. Жағажайда демалып қана қоймай, денсаулықты да нығайтуға болады. Суға шомылу, күннің көзіне қыздырыну адамды сергек етеді және жұмысқа қабілетіңді арттырады. Алайда суға шомылу кезін­де қарапайым ережелерді сақтамасақ бақытсыз жағдайларға тап болуымыз мүмкін. Суға түсу кезінде көбінесе балалар, ішімдік ішкен адамдар ғана емес, денсаулығы мықты жүзу білетін адамдар да қайғылы жағдайға тап болады. Ал мұндай жағдайда дер кезінде, тез және дұрыс шешім қабылдай білу керек.Тамаққа тойып алып шомылу денсаулыққа зиян және ұзақ шомылуға болмайды.&nbsp;Әркім өзін шаршауға және тоңып қалтырауға дейін жеткізбеуі қажет. Суға түскенде бір-бірін және балаларды көзден таса қылмау керек. Сондай-ақ қоршау белгілерінен асып кетпеген абзал. Техникалық ескерту белгілерінің және басқа құралдардың үстіне шығуға қатаң тыйым салынады.Судағы төтенше жағдайдан қорғанудың ең сенімді жолы – суда шомылу ережесі мен қауіпсіздік шарасын қатаң сақтау. Әрине, ауа температурасы 35-37 градустан жоғары болғанда адам өзен жағасында шомылмауы мүмкін емес, бірақ аз ғана шомылып салқындап аламын деп ойлап, жағажайдағы қарапайым қауіпсіздік ережелерін ұмытып кетіп жатады.&nbsp;Суда болған төтенше жағдайда адамның әрбір минуты қымбат. Егер сіз жақсы дайындықта болып, құтқарушының тәсілдерін, өз-өзіңізді құтқаруды, барлық қауіпсіздік ережелерін білсеңіз, онда өзіңіз тез әрі нақты шешім қабылдай аласыз.– Үгіт-насихат жұмыстарына тоқталсаңыз...– Жылдың әр маусымында бөлім қызметкерлері тұрғындармен тікелей байланыс орнатып, түсіндірме жұмыстарын жүргіземіз. Суға түсу маусымы басталғалы бері күнделікті тұрғын үйлерді аралау басталды. Осы күнге дейін кент&nbsp;бойынша қөп қабатты 21 үйдің және 3 қабатты 2 үйдің ауласында 3 мәрте, еріктілердің қатысуымен 1 мәрте түсіндіру жүргізілді. Іс-шара барысында 45 адамға үнпарақшалар таратылып, 51 үнпарақ үйдің подъездеріне жапсырылды. Мұның барлығы әлеуметтік желі парақшаларында жарияланды.– Денсаулығында кінәраты бар адамдар суға түсуге бола ма?– Жүрек ауруымен ауыратын адамдарға суға түсуге болмайды.&nbsp;Өйткені суға түсу кезінде қосымша қорқыныштар пайда болады. Қатты толқын кезінде үлкендердің қарауынсыз балаларды суға шомылуға жібермеу керек. Салқын суда ұзақ болу денені салқындатады. Қауіпті жағдай туралы хабар естігенде сақ болу керек. Дәрігердің шешімінсіз су астына сүңгуге болмайды.– Сұхбатыңызға рақмет.&nbsp;Әсел РЗАЕВА

Суға түсуге сақтық керек

Жаңақорғандық оқушылардың жазғы демалысы қалай ұйымдастырылып жатыр?

<a href="https://kyzylorda-news.kz/">Kyzylorda-news.kz.</a> ХХІ ғасыр – ел дамуының негізі білім мен ғылым заманы. Бәсе­кеге қабілетті ел болудың негізгі түп тамыры сапалы білім беру­ден басталатыны белгілі. Білім айдынындағы үлкен кеме мектептің білім беру жүйесіндегі алар орны мен рөлі ерекше. Осы ретте, Сырдария ауданының орталығынан шалғайда орналасқан Коғалыкөл ауылының №44 орта мектебінің тыныс-тіршілігі, тарихы, жетістіктері, атқарылып жатқан жүйелі жұмыстар жөнінде мектеп директоры Ғалымбек Жаппаровпен сұхбаттасқан болатынбыз.– Ғалымбек Махмұтұлы, «Елді ояту үшін тарихты ояту керек» демекші, тарихсыз болашақ жоқ екенін жақсы білеміз. Осы тұста ауыл мектебінің тарихы туралы айтып берсеңіз.– Әр нәрсенің де түп тамыры, бастау алған негізі болатыны сияқты, 87 жыл бойы ұрпақ тәрбиелеп, оларға білім мен тәлім-тәрбие беріп келе жатқан іргелі білім ордасының негізі тым әріде жатыр. 1937 жылы құрылған мектепті ең алғаш 10 оқушы бітірген. 1938 жылы құрылған ауданда сауатсыздықты жою мақсатында 26 мектеп ұйымдастырылып, оларда барлығы 2734 бала білім алған. Ол кезде кітап оқуға жарайтын азаматтар ұстаз атанып, мектептерде сабақ берген. Сұрапыл соғыс жылдарында 11 мек­теп жетіжылдық деңгейінде жұмыс жүргізген, тек 1954 жылы ғана орта мектеп болып қайта құрылды. Мектептің алғашқы бітірушілері – 21 бала. Одан бері де №44 орта мектепті 4000-дай оқушы бітіріп шықты. Олардың елуге жуығы алтын және күміс медальдардың, үздік аттестаттардың иегерлері. 87 жыл тарихы бар мектептің шәкірттері осал емес. Мектеп түлектерінің ішінде 3 профессор – Шәркүл Күдебаева, Жеңіс Өтемісов, Қазыбай Құдайбергенов, 2 ғылым докторы Әпжаппар Әбілақов, Жорабек Сарбалақов, 25 ғылым кандидаттары бар. Жалпы айта берсек, бүгінде еліміздің дамуы мен өркендеуіне сүбелі үлес қосып, халыққа адал қызмет етіп жүрген түлектеріміз жетерлік және ол кісілермен мақтанамыз.– Мектептің бүгінгі жағдайы мен педагог маман­дардың құрамы жөнінде айтсаңыз?– Мектептің типтік жобадағы 624 орындық 2 қабатты жаңа ғимараты 1987 жылы пайдалануға берілген. Бүгінгі таңда мектеп қабырғасында барлығы 499 оқушы білім алуда. Оның ішінде І ауысымда оқитыны – 259, ал ІІ ауы­сымда – 240 оқушы бар. Ыстық тамақпен қамтылған бала саны – 230, сынып комплектісі – 25. Мектепте жалпы 90 мұғалім жұмыс істейді. Осы 90 мұғалімнің 22-сі педагог-зерттеуші, 26-сы педагог-сарапшы, 21-і педагог-модератор. Мұғалімдеріміздің 87-сі жоғары білімді, 3-еуі аяқталмаған жоғары білімді. Оқу кабинеттерінің саны – 20. Оның ішінде, арнайы жаңа үлгідегі жабдықталған мультимедия кабинеті, физика кабинеті, робототехника, химия және биология кабинеттері бар. Мектепте оқушылардың білім алуы мен шығармашылығын шыңдауға барлық жағдай жасалған деуге болады. Былтырғы оқу жылында ардагер ұстазымыз Шарбан Әсемова апайымыздың ұрпақтарының демеушілігімен биология кабинетін апайдың атына беріп, ішін толық жабдықтап берді. Мектеп ұжымы тәжірибелі педагогтармен қатар жас мамандармен толығып, бүгінде аға буын жастарға білмегенін үйретіп, бағыт-бағдар беруде. Әр маманның өзіндік орны мен ерекшелігі, қарым-қабілеті мен біліктілігі бар және оны бағалаймын. Алтын ұямыздың жақсы жағынан аты шығуына, дамуы мен жетістіктерге жетуіне біркісідей атсалысып, тынымсыз еңбек етіп жүрген ұстаздарымыздың еңбегі ерен.– Мектеп басшысы ретінде өзіңіз туралы қысқа­ша айтып берсеңіз…– 1979 жылы осы Қоғалыкөл ауылында дүниеге келгенмін. 1996 жылы 11 сыныпты аяқтап, сол жылы Қорқыт ата атындағы Қызылорда мемлекеттік университетіне «физика қосымша математика пәнінің мұғалімі» мамандығына оқуға түсіп, 2000 жылы ойдағыдай бітірдім. Алғашқы еңбек жолымды өзім туып өскен Қоғалыкөл ауылының №44 орта мектебінің физика-математика пәнінің мұғалімі болып бастадым. 2002-2005 жылдары №44 орта мектепте директордың тәрбие ісі жөніндегі орынбасары, 2005-2007 жылдары №44 орта мектепте физика пәнінің мұғалімі, 2007-2008 жылдары Қызылорда қалалық №6 кәсіптік мектепте математика пәнінің оқытушысы болып еңбек еттім. 2009 жылы 5 қарашадан Жетікөл ауылындағы №174 орта мектепте физика пәнінің лаборанты, 2010 жылы №174 орта мектепте физика пәнінің мұғалімі, 2010-2011 жылдары №174 орта мектепте директордың тәрбие ісі жөніндегі орынбасары, 2011-2013 жылдары №174 орта мектепте директордың бейінді оқыту ісі жөніндегі орынбасары, 2013-2018 жылдары №174 орта мектепте директордың оқу ісі жөніндегі орынбасары қызметтерін атқардым. 2018-2024 жылдары Іңкәрдария ауылындағы №191 орта мектебінің директоры болсам, биылдан бастап №44 орта мектебінің директоры қызметін атқарып келемін. 2018 жылы облыс әкімінің орынбасары Р.Рүстемовтың Алғыс хатымен, 2019 жылы облыстық білім басқармасының Құрмет грамота­сымен марапатталдым. Одан бөлек 2019 жылы Сырдария аудан­дық білім бөлімінің Алғыс хаты, 2021 жылы «AMANAT» партиясының «Алғыс хатымен», 2022 жылы Қазақстандық салалық білім және ғылым қызметкерлерінің кәсіподағының «Құрмет грамотасымен» марапатталған болатынмын. Бүгінде аяулы жарыммен екі ұл, бір қыз тәрбиелеп отырған әкемін.– Түлектердің мектеп бітіруіне де аз уақыт қалыпты. Осы орайда биыл қанша түлек мектеп бітіреді және ҰБТ-ға дайындық қалай?– 2023-2024 оқу жылында 35 бала мектеп бітіргелі отыр. Олардың 23-і ҰБТ тапсыруға өтініш білдірген. Оқушыларға кәсіптік бағдар беру мақсатында түсінік жұмыстары жүргізіліп отырады. Қазіргі уақытта мектеп көрсеткіші Ұлттық Бірыңғай тестілеумен саралануда. Оқу жылының басынан ҰБТ-ға дайындық жұмыстары бір жүйеге қойылған. Әр ай сайын сынама тест қорытындысы бойынша ата-аналар мен пән мұғалімдерінің қатысуымен жиналыс өткізіліп келеді. Мектепте ҰБТ-ға дайындық кестесі жасалған. Дайындықты білікті, тәжірибелі мұғалімдер жүргізу жағы қатаң қадағаланады. Мектептегі дайындықпен қоса оқушыларымыз «140» оқу орталығымен де тығыз байланыста. Қазіргі уақытта «Алтын белгіге» үміткер 3 оқушы және «Үздік аттестатқа» үміткер 2 оқушымыз бар. «Алтын белгіге» үміткер Дариға Зиябілова 126 балл, Айым Исламбек 117 балл алып отыр. ҰБТ-ның 3-кезеңіне де оқушыларымыз толық тіркеліп болды.– Оқушылардың пән олимпиадаларына қатысу деңгейінің көрсеткіші және жеткен жетістіктеріне тоқталсаңыз.– Оқушыларымыз әр жыл сайын өтетін аудандық, облыстық, республикалық пәндік олимпиадаларға белсене қатысып, жоғары нәтижемен жүлделі орындардан көрініп келеді. Одан бөлек түрлі спорттық сайыстар мен білім бәсекелеріне қатысып, аудан намысын қорғап, атын шығарып жүр. Атап айтқанда, ауыл олимпиадасының облыстық кезеңінен жүлдегер атанған оқушылар қатарында Қазақстан тарихынан Сая Жамбыл ІІ орын, құқық негіздерінен Әділет Жұмабек ІІ орын, ағылшын тілінен Мөлдір Жалғас ІІ орын, биологиядан Жансая Оспанова ІІІ, географиядан Айғаным Қараман ІІІ орын, құқық негіздерінен Ұлжан Бауыржанқызы ІІІ орын, математикадан Гүлім Аймағанбетова ІІІ орын, химиядан Жанель Биболь «Алғыс хатпен», математикадан Ләйлә Бақытқызы «Алғыс хатпен» марапатталды. Одан бөлек Айғаным Баймағанбет пен Әсет Қуаныш «Есірткісіз өмір ғажап» граффити сайысының облыстық кезеңінен «Алғыс хатпен» марапатталды. Расул Азаматұлы мен Ахмадин Дауылбай «Алтын сақа» олимпиадасының аудандық кезеңінен І орын, облыстық кезеңінен ІІ орын иеленді. «Алтын белгіге» үміткер Айым Исламбек «Алтын түлек» олимпиадасының облыстық кезеңінен І орын, республикалық кезеңінен ІІІ орын иеленді. Айғаным Баймұғамбет «Шексіз өмір» ерекше білім беру қажеттілігі бар балаларға арналған республикалық фестивальдің облыстық кезеңінен І орын, ал республикалық кезеңінен бас жүлде иемденіп, мектебіміздің атын шығарған болатын. Осы ретте, оқушылардың жетістіктерге жетуіне бірден бір себепші болған жетекшілері Б.Көшекбаева, Н.Күдербаева, Г.Меңліхожаева, Ф.Дос­мағанбетова, Ғ.Ку­ли­ко­ва, У.Қожаназарова, Г.Әмзеева, Л.Медетова, Б.Аяпова, Ғ.Қырданов есімдерін атап өту орынды деп ойлаймын.– Сұхба­ты­ңызға рақмет!<figure class="image"><img src="https://knadmin.beoblood.kz/uploads/c162900d_3e86_46a0_aa45_f178b0025bb3_7b3548c331.jpg" alt="c162900d-3e86-46a0-aa45-f178b0025bb3.jpg"><figcaption>Ғалымбек Жаппаров</figcaption></figure>Фото: pixabay.com

Ауыл мектебі – өркениеттің ошағы 

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстан халқына арнаған «Жаңа жағдайдағы Қазақстан: іс- қимыл кезеңі» атты Жолдауында аудандық маңызы бар қалалар, ауылдар, кенттер, ауылдық округтер әкімдерін жергілікті тұрғындардың өздері тікелей сайлайтынын айтып: «Қоғамдық пікір сауалнамалары ауыл әкімдерінің сайлау арқылы қызметке келуіне қатысты сұраныстың артқанын көрсетіп отыр. Бұл маңызды қадамды жан-жақты ойластырып, дәйекті түрде жүзеге асырған жөн. Мұндай жүйенің қалай жұмыс істейтінін нақты білуіміз керек. Алайда, бұл мәселенің шешімін кейінге қалдыруға болмайды. Келесі жылы бірқатар ауылдық округ әкімдерінің өкілеттік мерзімі аяқталады. Ауыл әкімдерінің тікелей сайлауын өткізуге болады деп ойлаймын» деген болатын.Иә, кент пен ауыл әкімдерін тікелей сайлау – Президент реформаларының бірі. Жексенбі күні ауданымыздағы Жосалы кенті, ІІІ Интернационал және Ақжар ауылдық округі әкімінің сайлауы өтті. Таңғы 7.00-де сайлау учаскелері ашылып, тұрғындар дауыс беруге жиналды. Сайлау учаскелері барлық талаптарға сай жабдықталып, бюллетеньдермен қамтылды. Сондай-ақ, мүгедектігі бар азаматтарға қолайлы жағдайлар жасалып, үйден дауыс беруге өтініш қалдырған азаматтар үшін тасымалданатын жәшіктер апарылды.Ауданда өтіп жатқан үш бірдей сайлауға жергілікті тұрғындар жауапкершілікпен қарады. Ерте келген сайлаушыларға да арнайы сыйлықтар берілді. Ел үшін маңызды болған науқанға адамдардың жанашырлығы байқалады.Сайлау науқанына әрдайым қатысып, азаматтық борышымды атқарамын. Сайлау бұл – халықтың пікірін ескеру. Сол үшін бүгін зайыбым Зылиха екеуміз дауысымызды бағдарламасы бізге ұнаған үміткерге бердік. Ел сенімін арқалаған азамат кентіміздің көркеюіне өз үлесін үлес қосады деген сенімдеміз, – дейді кент тұрғындарының бірі Берік Ахметов.&nbsp;

Қазақстан және Қызылорда облысының жаңалықтары