Kyzylorda-news.kz. Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова онлайн және офлайн форматта есептік кездесу өткізді.Ректор университеттің академиялық білім беру, ғылыми-зерттеу, халықаралық қатынас, әлеуметтік қызметі туралы баяндады. Сондай-ақ, 2022-2023 оқу жылында атқарылған жұмыстарды талдап, жетекші оқу орнының алдағы даму жоспарымен таныстырды. &nbsp;Білім ордасының басшысы Қорқыт ата атындағы Қызылорда университетінің негізгі мақсаты еліміздегі білім мен ғылым саласының өркендеуіне, өңірдің әлеуметтік-экономикалық тұрғыда дамуына үлес қосу екенін атап өтті.&nbsp;2023 жылы QS World University Ranking университеттердің беделді рейтингіне қазақстандық 21 жоғары оқу орны енді. Рейтингтегі үздік ЖОО-ның бірі – Қорқыт ата атындағы Қызылорда университеті.&nbsp;Аккредиттеу және рейтингтің тәуелсіз агенттігі (НААР) өткізетін «Сұранысқа ие жоғары оқу орындарының ұлттық рейтингі» қорытындысы бойынша 7-орынды иелене отырып, Қазақстан Республикасының ТОП-10 үздік жоғары оқу орнының қатарына кірді. Университеттің 20 білім беру бағдарламасы үздік үштікке енді.&nbsp; Университет бойынша 2023-2024 оқу жылындағы білім алушылар контингенті 10 мыңнан асты. 2019-2020 оқу жылымен салыстырғанда білім алушылар контингенті 2 есеге, мемлекеттік білім гранты негізінде оқитындар саны 3,7 есеге өсті. Ал, кадрларды даярлау 113 білім беру бағдарламасы бойынша жүзеге асырылуда. Алдағы уақытта оқу орны жасанды интеллект бойынша білім беретін еліміздегі ең негізгі оқу орындарының бірі болмақ. Корея Республикасы үкіметінің қаржыландыруымен Сеул Ұлттық ғылым және технологиялар университетімен бірлесіп «IT кафедраларды қайта құрылымдау және жасанды интеллекттің жаңа мектебін құру» жобасы жасалды.&nbsp; Жеті жылға есептелген жоба оқу процесіне жаңа технологияларды енгізуді, жасанды интеллект және информатика жоғары мектебін құруды, озық университетті қалыптастыру бойынша Оңтүстік Корея тәжірибесінің трансфертін көздейді.Алдағы уақытта Ұлыбританияның Саффолк университеті және Ченж мектебімен (University of Suffolk and Change School) бірлесіп, кәсіпкерлікке байланысты жаңа жоба жүзеге асырылмақ. Соның нәтижесінде келешекте Қызылордада бизнес мектебі ашылады.Мұнан бөлек университетте Каннам Университетімен (Корей Республикасы), Қытай мұнай университетімен (КХР), Томск политехникалық ұлттық зерттеу университеті, Дубна университеті (Ресей Федерациясы), &nbsp;«Ташкент ирригация және ауылшаруашылығын механикаландыру инженерлері &nbsp;институты» Ұлттық зерттеу институтымен (Өзбекстан Республикасы) бірлескен білім беру бағдарламалары жүзеге асырылуда.Білім алушылардың өз саласы бойынша озық технология, тың зерттеу нәтижелерімен танысуы – басты орында. Бұл ретте еліміздегі өзге оқу орындарында және шетелде І семестр көлемінде оқуға мүмкіндік беретін Академиялық ұтқырлық бағдарламасының маңызы зор.&nbsp; Осы бағдарлама аясында 239 студент отандық ЖОО-ларда оқып келсе, басқа ЖОО-лардан 206 студент Қорқыт ата атындағы Қызылорда университетіне оқуға келді. Сыртқы академиялық ұтқырлық бағдарламасы да жүйелі түрде іске асуда. Атап айтсақ, 2022-2023 оқу жылында 21 білім алушы Еуропаның Лодзь (Польша), Ховест қолданбалы ғылымдар университетінде (Бельгия), Томск политехникалық зерттеу университетінде білімдерін шыңдап келді. Сондай-ақ, 2023-2024 оқу жылының бірінші академиялық кезеңінде 44 білім алушы Хубей (ҚХР), Каннам (Оңтүстік Корея), Лодзь (Польша), Сельчук (Түркия), Ташкент (Өзбекстан) жоғары оқу орындарында ұтқырлық бағдарламасы бойынша білім алуда.Университет ғалымдары өңірдің әлеуметтік – экономикалық дамуына үлес қосу мақсатында гранттық және халықаралық жобаларды жүзеге асыруда. Университетте жалпы ғылымнан түскен табыс жылдан жылға ұлғайып келеді. 2022 жылы 17 жоба орындалған болса, 2023 жылы жалпы 23 ғылыми жоба орындалуда. 2020 жылмен салыстырғанда ғылымнан түскен қаржы 3,2 есеге өсті.2022 жылдан бастап Қазақстан Республикасының Президенті Қасым-Жомарт Кемелұлы Тоқаевтың тапсырмасы бойынша жыл сайын «Болашақ» бағдарламасы аясында 500 қазақстандық ғалым әлемнің жетекші ғылыми орталықтарында тағылымдамадан өтуде.&nbsp; Университет ғалымдары «500 ғалым» &nbsp;жобасы аясында АҚШ, Германия, Ұлыбритания, Швейцария, Ресей, Белорусия, Әзірбайжан мемлекеттерінде тәжірибеден өту үшін жолдама алды. 2022 жылы 6 ғалым тағылымдамадан өтсе, 2023 жылы 14 ғалым жоба жеңімпазы атанды. Бүгінде тағы 10 ғалым ғылыми тағылымдамаға құжаттарын тапсырды.&nbsp;Сонымен қатар, ҚР Ғылым және жоғары білім министрлігінің қолдауымен Қорқыт ата атындағы Қызылорда университетінде «Мамандығым – болашағым» жобасы іске қосылды. Жоба аясында мамандықтардың өңірлік картасы жасалып, аймаққа қажетті мамандықтар анықталады. Соған сәйкес, университетте жаңа білім беру бағдарламалары әзірленеді. Оқу орнында сапалы академиялық білім беру бағытындағы жұмыстар, ғылыми зерттеулер қарқын алды. Сонымен қатар, студенттердің ұлттық рухты бойына сіңірген, шығармашылық әлеуетін ел дамуына жұмсайтын рухы биік тұлға ретінде қалыптастыру мақсатында университетте 24 жастар ұйымы жұмыс жасауда. Осы бағытта 2022-2023 оқу жылында 892 іс-шара ұйымдастырылған.&nbsp;Университетте спорттың 13 түрінен: шахмат, волейбол, баскетбол, футбол, тоғызқұмалақ, бокс, пауэрлифтинг, жүзу, фитнес, күрес, теннис, киберспорт, спорттық би секциялары жұмыс жасайды.Жыл сайын өткізілетін республикалық Студенттер лигасына университет студенттерінен құралған командалар спорттың 7 түрінен (баскетбол, волейбол, футзал, үстел теннисі, тоғызқұмалақ, қазақша күрес, шахмат) тұрақты қатыстырылып, жүлделі орындар иеленуде. Университетте Әлем чемпионатының - 9, Азия чемпионатының – 23, Қазақстан чемпионатының - 125 жеңімпазы мен жүлдегерлері бар.&nbsp; 2023 жылғы ЖОО арасындағы жазғы универсиадаға &nbsp;спорттың 16 түрінен 120 білім алушы қатысты. Жалпыкомандалық есепте университет спортшылары 9 орынды иеленіп, 37 медаль (алтын-7, күміс–8, қола-22) қоржынға салды. Қатысушылар университеттің арнайы спорттық киімдерімен толықтай қамтамасыз етілді. Белсенді жастардың шығармашылық ортасын қалыптастыру және олардың бастамасына мемлекеттік қолдау көрсету мақсатында ұйымдастырылған «Тәуелсіздік ұрпақтары» байқауында Қорқыт ата атындағы Қызылорда университетінің студенттері Әділхан Досым мен Тұрсынбай Елдос 600 мың теңге грант жеңіп алды. «Ақиқат» саяси пікірсайыс клубының мүшелері Түркістан қаласында өткен республикалық турнирде жеңімпаз атанды. Республикалық Алматы Ашық лигасының жартылай финалдық сайысында &nbsp;Қорқыт ата атындағы Қызылорда университетінің «Q құрамасы» үздік өнер көрсетіп, финалдық ойынға жолдама иеленді.«CHEVRON» компаниясы ұйымдастыруымен өткен «Sustainability Living Lab» жобалар сайысында университет студенттері Темірлан Абжанов пен Саят Урикбаев 2 млн 600 мың теңге грант жеңіп алды. Университет ректоры сөзін қорытындылай келе Қорқыт ата атындағы Қызылорда университеті алдағы уақытта еліміздің адами капиталы мен ғылыми-технологиялық әлеуетін күшейтуге ықпал ететін жаңа бастамаларды жүзеге асыратынын айтты.&nbsp;Айта кету керек, жиынға зиялы қауым өкілдері, университеттің профессорлық-оқытушылар құрамы, білім алушылар, жұмыс берушілер, ата-аналар мен БАҚ өкілдері қатысты.Оқу орны басшысының баяндамасынан соң, студенттер, оқытушылар мен БАҚ өкілдері сұрақ қойып, ұсыныс-пікірлерін ортаға салды.<img src="https://knadmin.beoblood.kz/uploads/IMG_20231027_WA_0016_fb846c8e80.jpg" alt="IMG-20231027-WA0016.jpg"><img src="https://knadmin.beoblood.kz/uploads/IMG_20231027_WA_0012_fcb07e939b.jpg" alt="IMG-20231027-WA0012.jpg"><img src="https://knadmin.beoblood.kz/uploads/IMG_20231027_WA_0015_cf17bc27c0.jpg" alt="IMG-20231027-WA0015.jpg"><img src="https://knadmin.beoblood.kz/uploads/IMG_20231027_WA_0014_ee59cda4f2.jpg" alt="IMG-20231027-WA0014.jpg"><img src="https://knadmin.beoblood.kz/uploads/IMG_20231027_WA_0017_9bbf192cf8.jpg" alt="IMG-20231027-WA0017.jpg"><img src="https://knadmin.beoblood.kz/uploads/IMG_20231027_WA_0018_598bde48ed.jpg" alt="IMG-20231027-WA0018.jpg">

Университеттің 20 білім беру бағдарламасы үздік үштікке енді

<a href="https://kyzylorda-news.kz/">Kyzylorda-news.kz.</a>&nbsp; Қазақстандық 9 банк "Ұлттық қор – балаларға" бағдарламасымен жұмыс істеуге ниет білдірген, деп хабарлайды Stan.kz."Бірыңғай жинақтаушы зейнетақы қоры" АҚ Басқарма төрағасы Жанат Құрмановтың айтуынша, "Балаларға арналған ұлттық қор" бағдарламасы бойынша жұмыс істегісі келетін банктер тиісті келісімге қол қойып, БЖЗҚ қызметтерімен интеграцияланады.<blockquote>"Біз барлық банкпен жұмыс істеуге дайынбыз. Қазір "Қазпоштадан" басқа, тоғыз банк бізбен жұмыс істеуге ниет білдірді. Салымшы іс жүзінде өзіне қолайлы банкті таңдай алады. Ол қазірдің өзінде бар. Осы банктердің бірімен жұмыс болады, яғни бұл тек "Отбасы банкі" ғана емес, осы бағдарлама бойынша жұмыс істегісі келетін кез келген банк болады", – деді вице-министр.</blockquote>2023 жылғы 1 қазандағы ресми деректер бойынша елдегі 18 жасқа дейінгі балалардың жалпы саны шамамен 7 млн адамды құрап отыр. Парламент қабылдаған Заңға сәйкес Ұлттық қордың инвестициялық табысының 50%-ын 18 жасқа дейінгі барлық жастағы балалар арасында тең бөлу көзделген.

"Ұлттық қор – балаларға": Қазақстандықтар бағдарлама үшін банкті өздері таңдай алады

Kyzylorda-news.kz. Шаһар басшысы Асылбек Шаменов аймақтың 85 жылдығы және Қала күнімен қатар келген Тасбөгет кентінің 75 жылдық мерейтойына арналған "Тасбөгетім тамыр тегім, құт мекен" атты мерекелік шараға қатысты.Құрметті қонақтар мен кент тұрғындары алдымен құтты мекеннің өткенінен сыр шертетін театрландырылған қойылымға куә болды.Тарихы да, тағдыры да Сырдария өзенімен және Қызылорда қаласымен ертеден еншілес бұл мекен 1948 жылдан бері қарай стратегиялық маңызы жоғары плотина құрылысымен бүкіл Одаққа белгілі болды.Мыңдаған құрылысшының маңдай терімен салынып, аймақтың ауылшаруашылық саласына серпін берген бөгетті жағалай ел қонып, елдімекен Тасбөгет атанды.Кеңес төрағасы Тасмағамбет Батыршаев бастаған азаматтардың жанкешті еңбегі тарих бетінде қаттаулы. Жылына 2 миллионнан астам қыш дайындап, құрылыс жұмыстарын кідіртпеген Әбілда Сапарбаевтың жұмысшы тобының да өлшеусіз үлесі әлі күнге аңыз болып айтылады.Қалыптасу кезеңінен бастап қаншама тағдыршешті оқиғалардың куәсі, екі мәрте Сырдария ауданының орталығы болған құтты қоныс 1997 жылғы 17 маусымда Президент Жарлығымен Қызылорда қаласына қосылды. Тағылымды тарихты баяндайтын қойылымнан соң шараның алғы сөзін сөйлеген қала әкімі Асылбек Шаменов кент тұрғындарын мерейлі мерекемен құттықтады.<blockquote>"Тұран төріндегі Тасбөгеттің бүгінгі келбеті ерекше. 32 мыңға жуық халқы бар іргелі орталық соңғы жылдары адам танымастай өзгерді.&nbsp; Көлемі ұлғайып, құрамына «Сабалақ» бау-бақшалық серіктестігі мен «Иіркөл» елді мекені енген өрісті мекенге айналды. Әлеуметтің әл-ауқаты артып, кенттің экономикалық көрсеткіші еселенді. Биыл бюджет &nbsp;пен демеуші көздер және инвестиция есебінен 9 млрд. теңгеге кент тынысына жаңаша леп беретін жарқын жобалар жүзеге асты" деген шаһар басшысы Асылбек Шаменов кенттегі өзге де жетістіктерге кеңінен тоқталды.</blockquote>Бүгінде кент орталығынан инвесторлар 4 млрд. теңгеге 338 пәтерлі көпқабатты 4 тұрғын үйдің құрылысын жүргізуде. Бұл үйлер жақын күндері пайдалануға беріледі. Сонымен қатар, құны 542 млн. теңгені құрайтын дене шынықтыру-сауықтыру кешенінің құрылысы да аяқталуға жақын. Аймақ басшысының тікелей қолдауымен бой көтерген нысан тасбөгеттік жасөспірімдерге ерекше тарту болмақ.&nbsp; Жыл белесінде кенттегі 41 көше жөндеуден өтті. Жолдардың бойына жарық шамдар орнатылды. Тұрғындардың талап-тілегіне орай кентте атқарылып жатқан игілікті шаруадан "Еңбек" және "Өркендеу" саяжайлары да қалыс қалған емес.&nbsp; «Сабалақ» саяжайына газ желісін тартуға демеушілердің көмегімен 100 млн. теңгеге жоба-сметалық құжаттары әзірленуде. Кенттің шығыс бетінде қоныстанған тұрғындардың кәріз судан шығатын жағымсыз иістен арылуы үшін нақты шаралар қолға алынды. Яғни, кәріз су тазарту станциясын толығымен жаңғыртуға құны 37,5 млн. теңгеге жоба-сметалық құжаттары әзірленіп, сараптамаға ұсынылды.&nbsp;Ал, аймағымыз үшін аса маңызды жобалардың бірі – кент аумағында орналасқан бас тоғанды қайта жаңғыртудан өткізу еді. Бұл мақсатқа бюджеттен 2,6 млрд. теңге бөлініп отыр.&nbsp; Кенттегі ауыз толтырып айтарлықтай ілкімді істерді тілге тиек еткен қала әкімі Асылбек Шаменов аймақтың бас шаһарындағы игілікті жұмыстарды және ел Президенті Қасым-Жомарт Тоқаевтың ресми сапары жөнінде баян етті.<blockquote>"Расында да облыс орталығы Қызылорда қаласындағы құрылыс қарқыны, жаңа жобалар ағыны жыл өткен сайын үдеп келеді. Оның барлығы Президентіміз бен Үкіметтің тұрақты қолдауының, аймақ басшысының байыпты бастамаларымен, елге болсын деген атымтай-жомарт азаматтардың жанашырлығымен жүзеге асуда. Осы орайда қаламыздың даму көрсеткіштерінде тасбөгеттіктердің де зор үлесі бар екенін айтқым келеді" деген шаһар басшысы Асылбек Шаменов тасбөгеттің ауызбіршілігінің айнасы болған ақсақалдарға, ел азаматтарына шынайы ризашылығын білдірді.</blockquote>Содан соң қабат келген мерейтойлар аясында мерейлі 75 жасқа толған, өңір дамуына өлшеусіз үлес қосып жүрген бірқатар Тасбөгеттіктерді арнайы алғыс хатпен марапаттап, 75 жылдықтың символикалық белгісі ретінде 75 мың теңге қаржылай сыйақы табыс етті.Мерекелік шара кент тұрғындарына ерекше көңіл-күй сыйлаған елімізге белгілі эстрада жұлдыздары мен жергілікті таланттардың концерттік бағдарламасына ұласты.<img src="https://knadmin.beoblood.kz/uploads/IMG_20231027_WA_0008_d7c29746a0.jpg" alt="IMG-20231027-WA0008.jpg"><img src="https://knadmin.beoblood.kz/uploads/IMG_20231027_WA_0009_0a94dc7f24.jpg" alt="IMG-20231027-WA0009.jpg">

Тасбөгет кентіне - 75 жыл

<a href="https://kyzylorda-news.kz/">Kyzylorda-news.kz.</a>&nbsp; Синоптиктер 26-28 қазандағы ауа райына болжам жасады. Еліміздің басым бөлігінде ауа райының тұрақсыз сипаты сақталады, жауын-шашын, негізінен қар аралас жауын-шашын болады, көктайғақ және бұрқасын күтіледі.<blockquote>«Қазақстанның солтүстігінде, орталығында және шығысында түнде термометрлер 5-10 градус аязға дейін төмендейді, ал күндіз ауа 2 градус аяздан 3 градусқа дейін ғана жылиды, ал батыста және оңтүстік батыста 3 градус жылы болады. Республиканың оңтүстігінде күз ызғары әлі де азайып тұрған жоқ, мұнда күндіз ауа температурасы 10-18 градус Цельсийге дейін көтеріледі, республиканың оңтүстік-шығысындағы шеткі батыс облыстары мен таулы аймақтарды қоспағанда, Күндіз 2-7 градус ыстық күтіледі», - делінген хабарламада.</blockquote>

Елімізде боран соғып, аяз болады 

Kyzylorda-news.kz. Бүгін Костенко атындағы шахтада өрт болып, 11 адам көз жұмды, әртүрлі дәрежедегі жарақаттармен ауруханаға 18 адам жеткізілді, деп хабарлайды Kazinform.Қайғылы оқиға жайлы Қарағанды облысының әкімі Ермағанбет Бөлекпаев әлеуметтік желілердегі парақшасында <a href="https://www.facebook.com/100001959768726/posts/pfbid088phgdAGYNp7zCbLpJLbbqd41Nd7VWjE3NjZpmMy25P1yrz7WiBoBDJD2odH4SZPl/?d=w&amp;mibextid=qC1gEa">хабарлады</a>.Апат кезінде шахтада 252 адам болды, жер бетіне 205 шахтер шығарылды."Шахтаға келген сәттен бастап менің басшылығыммен жедел штаб құрылды, оның құрамына жауапты адамдар мен әріптестерім кірді. Оқиға орнында 40 құтқарушы, 10 бірлік техника және қаза тапқандар мен зардап шеккендердің туыстарына көмек көрсететін 3 психолог жұмыс істеуде. Сенім телефондары жұмыс істейді: (8-7172) 49-72-70, (8-7212) 51-72-23. Қаза тапқан кеншілердің туыстары мен жақындарына көңіл айтамын. Біз сіздермен бірге боламыз және осы қиын күндерде сіздерді қолдаймыз", - деп жазды аймақ басшысы.

Қарағанды облысында шахтадағы өрттен 11 адам мерт болды

Kyzylorda-news.kz. Нашақорлыққа және есірткі бизнесіне қарсы күрестің 2023-2025 жылдарға арналған Кешенді жоспарын іске асыру мақсатында Қызылорда облысы ПД ЕҚҚІҚБ, Қызылорда облысының білім басқармасымен бірлесіп, "Есірткісіз әлем ғажайып...» тақырыбында &nbsp;граффити &nbsp;байқауын ұйымдастырды.Байқауға жалпы білім беретін оқу орындарының оқушылары қатысты. Байқаудың негізгі міндеті - қандай да бір арнайы қаражатсыз жастар мен жасөспірімдерді позитив іздеуге бағыттау және кәмелетке толмағандар арасындағы нашақорлық проблемаларын түсіндіру, осындай тәрізді іс-шараларға белсенді тарту мен қатысушылардың ақпаратты қолжетімді ұсыну жолымен жеке пікірлерін баяндау мүмкіндігін анықтау болды.Байқаудың бірінші кезеңі аймақтарда өтті, екінші облыстық кезеңге 12-18 жас аралығындағы 48 жұп сайыскер қатысты, олар өздерінің граффитиінде нашақорлық проблемасына көзқарасын білдірді.Қатысушылар граффити суреттерін қабырғаға емес, импровизацияланған материалдарға: қағазға, матаға, кенепке, баннерлерге және тіпті картонға салды. Қатысушыларды орындау техникасы, жұмыстың сапасы мен тазалығы, сурет салу идеясы, суретті жалпы қабылдау бойынша бағалады. Сайыстық комиссияның шешіміне сәйкес 24 сайыскер жұп ынталық үшін алғыс хат иеленсе, 24 жұп жеңімпаз деп танылып, олар сыйлық пен дипломдар алады. "Үздік граффити" номинациясына және 1 орын иегеріболып бірнеше жұп аталды, олар: Сансызбаева Самал мен Абдилхамит Сафиянұр - Шиелі ауданы №49 орта мектеп, Бейбутова Дана мен Бесемби Адэля - Қызылорда қаласы N211 орта мектеп, Серік Асылжан, Бектасқызы Жансая мен &nbsp;Нұрлыбек Дамир, Нұрлыбек Аяулым - Жалағаш ауданы №№201 мектеп-лицей мен N246 орта мектеп, Көбеген Нұрай, Жиенеев Дәулет - Арал ауданы N73 орта мектеп, Мұхан Ақгүл мен Орақов Абай - Қармақшы ауданы №279 мектеп-лицей өқушылары.

"Есірткісіз әлем ғажайып...» тақырыбында  граффити  байқауы өтті

<a href="https://aikyn.kz/public/index.php/195083/gylym-kugannan-atak-kugandar-ozyp-tur">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінің ғалымдары өңірдің әлеуметтік – экономикалық дамуына үлес қосу мақсатында гранттық және халықаралық жобаларды жүзеге асыруда. 2022 жылы 17 жоба орындалған болса, 2023 жылы жалпы 23 ғылыми жоба орындалуда. 2020 жылмен салыстырғанда ғылымнан түскен қаржы 3,2 есеге өсті. Оның ішінде, ҚР ҒЖБМ гранттық қаржыландыру бойынша 17 жоба, жергілікті атқарушы органдардың тапсырысымен облыстық бюджеттен қаржыландырылған 2 жоба, кәсіпорындардың тапсырысымен 4 жоба жүзеге асырылуда.Сонымен қатар, Ново Лиссабон университеті (Португалия) және Неміс гуманитарлық зерттеулер қорымен (Германия) орындалған 2 халықаралық жобада Қазақстан тарапынан университет ғалымдары профессор-зерттеуші, химия ғылымдарының кандидаты Нұрбол Аппазов пен философия докторы Әзілхан Тажекеев жетекшілік етуде.Мичиган университеті (АҚШ), Ховест қолданбалы ғылымдар университеті (Бельгия), Любляна университеті (Словения) және АсеSYRI Erasmus+ EU орталықтарымен біріккен 4 халықаралық білім беру жобалар жүргізілді.Айта кету керек, 2021 жылдан бастап 40 жасқа дейінгі жас ғалымдарды қолдау мақсатында 10 млн тенге көлемінде ректор гранты конкурсы еңгізілген болатын. Нәтижесінде 2021 жылы 4 жоба ұтқан болса, 2022 жылы 6 жоба жеңімпаз атанды.Бүгінгі таңда, өңірдің бірқатар мәселелерін шешу мақсатында университет ғалымдары «Қызылорда облысында су тапшылығы жағдайында Жемшөп дақылдары мен ағаш екпелерін суару үшін сарқынды суларды қауіпсіз кәдеге жарату технологиясын әзірлеу» тақырыбында бағдарламалық-нысаналы гранттық қаржыландыру конкурсына жоба ұсынды. Бағдарламалық нысаналы қаржыландыру жобасы Ұлттық ғылыми кеңесте қаралып, нәтижесі күтілуде.

Қызылордада биыл 23 ғылыми жоба жүзеге асырылып жатыр 

<a href="https://kyzylorda-news.kz/">Kyzylorda-news.kz.</a>&nbsp; ҚР Қаржы нарығын реттеу және дамыту агенттігінің қаржылық сауаттылық жөніндегі арнайы қосымшасы шеңберінде «Асан мен Үсеннің басынан кешкендері немесе ақша туралы хикая» атты балаларға арналған қаржылық қосымшаның екінші шығарылымы шықты.Бұл шығарылымда біздің басты кейіпкерлеріміз Асан мен Үсен бюджетті жоспарлау негіздерін үйренеді, «кірістер» мен «шығындар» дегеннің не екенін біледі, қалтадағы ақшаны дұрыс бөлуді және қаржыға дұрыс көзқарасты қалыптастыруды үйренеді.Шығарылымда «Отбасылық бюджетті қалай үнемдеуге болады?» оқыту комиксі, «Ақша сөмкесі» ойыны, қаржылық сөздік және «Сұрақ-жауап» тесті бар, бұл жас оқырмандарға өткен материалды бекітуге мүмкіндік береді.Басты кейіпкерлер – қарапайым қалада тұратын сегіз жасар егіздер Асан мен Үсен екендігін еске саламыз. Бет-әлпеті ұқсас болғанмен, мінездері әр түрлі. &nbsp;Үсен – әрбір іс-әрекеті салмақты мұқият бала, ал Асан – алдымен жасап, одан кейін ойланатын бала, соның салдарынан ол әр түрлі қиын жағдайларға тап болады. Олардың үлкен әпкесі Анель мен ата-анасы да қиын жағдайға ұшырайтыны содан.Балаларға арналған қаржылық қосымшалар ҚР Қаржы нарығын реттеу және дамыту агенттігінің «Дружные ребята» және «Ұлан» республикалық газеттерінде қаржылық сауаттылық жөніндегі арнайы қосымшасы шеңберінде шығатынын еске саламыз. Ол бастауыш және орта мектеп жасындағы балаларға арналған.Толығырақ «<a href="https://www.fingramota.kz/kk/kids-app/publication/asan-men-senni-bastan-keshkenderi-nemese-sha-turaly-hikaya-2-tarau">Балаларға арналған қосымшалар</a>» бөлімінде оқыңыздар&nbsp;

Ақша туралы хикая: Fingramota.kz қаржылық қосымшаның екінші шығарылымын ұсынады

<a href="https://kyzylorda-news.kz/">Kyzylorda-news.kz.</a> Бүгін Астана қаласында «ЕХРО» Халықаралық көрме павилионында «Қазақстанның үздік тауары-2023» көрме-байқауы басталды. Оған 20 өңірден барған 180 кәсіпорын қатысуда. Бұл туралы облыс әкімдігінің баспасөз қызметі хабарлады.&nbsp;Көрмеге Сыр елінен «Орда СтройМарт» ЖШС (Жаңақорған ауданы, әк өндірісі), «NOMAD» ЖК (Қызылорда қаласы, керамикалық раковиналар), «Қызылорда дизайн» ЖШС (Қызылорда қаласы, дайын металл бұйымдары) өндірістік мақсаттағы тауарларымен барды.Ал «Үздік азық-түлік тауарлары» көрмесіне «Жаңажол» (Қармақшы ауданы, күріш өндірісі), «Алтын Орда» Қызылорда қаласы, тұз өндірісі), «Асыл дән LTD» (Қызылорда қаласы, күріш өндірісі) серіктестіктерінің өнімдері қойылған.«Халыққа арналған үздік тауарлар» көрмесіне түйе жүнінен тоқыма бұйымдарын өндіретін аралдық «Жумашева Индира Жаилгановна» ЖК «Ай-Аружан» брендімен қатысуда. Сонымен бірге «Казбергенов Н» ЖК-ның «Қазалы» кәмпиті, «Тәтті әлем» ЖК-ның кондитерлік өнімдері ұсынылған.<figure class="image"><img src="https://knadmin.beoblood.kz/uploads/395306629_633142425673672_1677077543169039017_n_54ac426cab.jpg" alt="395306629_633142425673672_1677077543169039017_n.jpg"></figure>&nbsp;<figure class="image"><img src="https://knadmin.beoblood.kz/uploads/395327199_633142455673669_4270727693710804741_n_f6d45fc770.jpg" alt="395327199_633142455673669_4270727693710804741_n.jpg"></figure>&nbsp;<figure class="image"><img src="https://knadmin.beoblood.kz/uploads/395321835_633142445673670_5742111720278871505_n_4ce69860ed.jpg" alt="395321835_633142445673670_5742111720278871505_n.jpg"></figure>

«Қазақстанның үздік тауары-2023» көрме-байқауына 9 қызылордалық кәсіпкер қатысуда

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a>&nbsp; 2024 жылдың 1 қаңтарынан Ұлттық қордағы инвестициялық табыстың 50 пайызы барлық 18-ге толған балаларға теңдей бөлінеді, деп хабарлайды BAQ.KZ.</h4>&nbsp;<blockquote>2024 жылдың 1 қаңтарында елдегі кәмелетке толмаған барлық балаға бірдей қаражат аударылады. Ал аударымды 18 жасқа толған бала ғана шеше алады. Яғни қазір 17 жастағы балалар келесі жылы бір реттік төлемді ғана алады. Жыл сайын ақпан айында төлем жасалып отырады. Қазір 16 жастағылар екі реттік төлемді ала алады, - деді Қаржы вице-министрі Дәурен Темірбеков Орталық коммуникациялар алаңында.</blockquote>2023 жылғы 1 қазандағы ресми деректер бойынша елдегі 18 жасқа дейінгі балалардың жалпы саны шамамен 7 миллион адамды құрады. Бірақ бұл көрсеткіш келесі жылдың 1 қаңтарына дейін өзгеретіні белгілі. Сондықтан сома көлемі тек 2024 жылы 18 жасқа дейінгі барлық баланың саны анықталғанда белгілі болады.<blockquote>Ата-аналар ақша аударымын БЖЗҚ-ның сайтынан баланың ЖСН-ін теру арқылы біле алады. Ол жерде жылына қанша ақша аударылғаны көрсетіліп тұрады. Ал бірнеше жылда жиналған жиынтық соманың қанша болғанын білу үшін egov.kz-тегі жеке кабинетке кіру қажет болады, - дейді Дәурен Темірбеков.</blockquote>

18-ге толғандар ақпаннан бастап Ұлттық қор аударымын шеше алады

<a href="https://baq.kz/">ФОТО</a><a href="https://kyzylorda-news.kz/">Kyzylorda-news.kz.</a> Қызылорда қаласының әкімдігі «Парасатты отбасы» байқауын &nbsp;өткізеді. Байқаудың мақсаты парасатты отбасы құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, замануи жетістіктерге лайықты парасатты тұлғаны дамыту, озат-ойлы, қайырымды отбасыны анықтау.&nbsp;Байқауға Қызылорда қаласының әртүрлі қызмет саласында жұмыс істейтін азаматтар отбасымен қатыса алады. Азаматтардың сыбайлас жемқорлыққа қарсы мәдениеті мен азаматтық ұстанымдарына назар аударылады. Байқауға қатысу үшін отбасы мүшелері әкімшілік немесе қылмыстық жауапкершлікке тартылмаған болуы керек.&nbsp;Байқауға абыройлы, парасатты, өнегелі және қоғамдық жұмыстарда белсенді, креативті, жаңашыл, қайырымды әрекетімен көзге түскен үлгілі отбасылар қатыса алады.Отағасы қоғамдық іс-шараларға белсене қатысатын, отбасы құндылықтарын қадірлейтін, спорт немесе өнермен шұғылданатын, ата-ана тәрбиесін қоғамдық өмірде көрсете алатын, көптеген әдеби-публицистикалық әдебиеттер оқыған болуы керек.«Парасатты отбасы» байқауына қатысушылар «Менің отбасым» тақырыбында бейнеролик әзірлейді.&nbsp;Бейнесюжеттер арқылы сайыскер отбасылардың еңбектегі, оқудағы жетістіктері мен отбасылардың әдет-ғұрып, жөн-жоралғыларға қаншалықты мән беріп, бос уақыттарын қалай өткізетіндігі жайында пайдалы да өнегелі мәліметтерді ұсынады. Бейнероликтің ұзақтығы 3 минуттан аспау керек.&nbsp;Бейнероликтің бағыттары: 1) отбасы шығармашылығы;&nbsp; 2) &nbsp;отбасылық туризм;&nbsp; 3) ұрпақтар естелігі;&nbsp; 4) отбасылық бастама;&nbsp; 5) «Отбасы туралы сөз».&nbsp;Байқауға қатысушылардан өтінімдер 2023 жылғы «15» қарашаға дейін келесі мекен-жай бойынша қабылданады: Қызылорда қаласының әкімдігі, Қалалық қоғамдық даму бөлімі, 306 кабинет, тел.ном 27-20-81, (видеороликті флеш-жадыға түсіріп әкелу керек).&nbsp;Өтінімге мыналар қоса тіркеледі:&nbsp;Қатысушылар туралы мәлімет (Т.А.Ж., туған жылы, тұрғылықты мекен-жайы, телефоны); Қатысушының және отбасы мүшелерінің жеке басын куәландыратын құжаттардың көшірмелері.<figure class="image"><img src="https://knadmin.beoblood.kz/uploads/Bezymyannyj_1_6a1359059e.png" alt="Безымянный-1.png"></figure> &nbsp;

Қызылордада «Парасатты отбасы» байқауы  жарияланды 

<a href="https://kyzylorda-news.kz/">Kyzylorda-news.kz.</a> Бүгін ауыл шаруашылығы өндірісінің озаттарына арналған «Алтын Дән-2023» салтанатты іс-шарасы өтті. Дала батырларын құрметтеуге арналған маңызды шараға аудан әкім Ардақ Ибраимов қатысып, еңбек озаттарын құттықтады.«Биыл еңбекші қауым ала жаздай күтіп-баптаған егіндерін жинап, ауыл шаруашылығы дақылдарының барлық түрлерінен жоғары өнім алды. Осынау ел байлығын молайтудағы ерекше табыстарыңыз құтты болсын! Жер – Ананы идіріп, төрт түлікті түлетіп отырған ағайынның несібесі ортаймасын! Бүгінгі мереке төріндегі біздің диқан қауымына айтар алғысымыз мол. Астық жинаудың алғы шебінде болған қырман майталмандарын «Алтын дән-2023» мерекесімен тағы да құттықтаймын! Дала еңбеккерлерінің ел байлығын молайтудағы табыстарына ерекше ризашылығымызды білдіре отырып, шаңырақтарыңызға шаттық, құт-береке тілеймін! Қамбамыз дәнге, қорамыз малға толып, халқымыздың ырыс- құты арта берсін, несібеміз мол болсын! Баршаңызға амандық, елімізге тыныштық, береке мен бірлік тілеймін», - деді аудан әкімі Ардақ Ибраимов.Сонымен қатар, аудандағы ақжолтай жаңалықтың бірі – Мемлекет басшысы еліміздегі ең жоғары мемлекеттік награда – «Қазақстанның Еңбек Ері» атағы мен айрықша ерекшелік белгісі - «Алтын жұлдыз» бен «Отан» орденімен «Таң ЛТД» жауапкершілігі шектеулі серіктестігінің төрағасы Шағыртаев Имамзада Қуанышбайұлын елорда төрінде өткен салтанатты жиында марапаттады. Бұл марапат бір азаматқа ғана емес, аудандағы барша еңбек адамдарына, жасампаз істерге берілген жоғары баға екендігін жеткізді.Салтанатты шарада аудан әкімі Ардақ Ибраимов еңбек адамдары мен шаруа қожалықтарға Қазақстан Республикасының Премьер – Министрінің «Алғыс» хатын, ауыл шаруашылығы қызметкерлері салалық кәсіподағының «Еңбек даңқы I дәрежелі» және «Елеулі еңбегі үшін» медалдарымен, Қызылорда облысы әкімінің, Аудан әкімінің «Алғыс» хаттарымен, «Озат шаруашылық» , «Озат агроном», «Озат бригадир» номинацияларын құрметпен табыстады.Халықтың ықыласына бөленген «Қазақстанның Еңбек Ері» атағы мен айрықша ерекшелік белгісі - «Алтын жұлдыз» бен «Отан» орденінің иегері «Таң ЛТД» жауапкершілігі шектеулі серіктестігінің төрағасы Шағыртаев Имамзада Қуанышбайұлы аудандағы азаматтарды салтанатты мерекесімен құттықтап, ел Президентінің еңбек адамдарына құрметі ерекше екені айтып, шынайы жолдағын ыстық сәлемін жеткізді.Айта кетейік, Биыл аудандағы шаруашылық құрылымдары 37 мың гектар жерге ауылшаруашылығы дақылдарын орналастырды.Оның – 19800 гектары Сырдың бағалы дақылы-күріш. Биыл күріштің әр гектарынан 58,0 центнерден немесе 114 мың 840 тонна өнім жиналды. Осылайша биыл өткен жылмен салыстырғанда 130 мың центнерге артық өнім алынды.<figure class="image"><img src="https://knadmin.beoblood.kz/uploads/395329468_1798812897237447_8068009847201584074_n_29247309dc.jpg" alt="395329468_1798812897237447_8068009847201584074_n.jpg"></figure>&nbsp;<figure class="image"><img src="https://knadmin.beoblood.kz/uploads/395329481_1798813000570770_5687245190056923043_n_68327f709f.jpg" alt="395329481_1798813000570770_5687245190056923043_n.jpg"></figure>&nbsp;<figure class="image"><img src="https://knadmin.beoblood.kz/uploads/395389547_1798813023904101_5502382621819197411_n_cc4dceb1ab.jpg" alt="395389547_1798813023904101_5502382621819197411_n.jpg"></figure>

Қазақстан және Қызылорда облысының жаңалықтары