<a href="https://kyzylorda-news.kz/">Kyzylorda-news.kz.</a>&nbsp; Қызылордалық полицейлердің кәсіби-қызметтік дайындығы жетілдіріліп жатыр. Қызылорда облысы полиция департаментінде полиция қызметкерлерінің жауынгерлік дайындықтарын арттыру, төтенше жағдайлардағы тактикалық іс-қимылдарын қалыптастыруға бағытталған арнайы және жұмылдыру даярлық басқармалары жұмыс жасайтыны белгілі.Мемлекет басшысы Қазақстан халқына арнаған жолдауларында құқық қорғау қызметкерлері, оның ішінде ішкі істер органдары қызметкерлері үнемі өздерінің кәсіби қабілетін, біліктілігін арттырып отыру қажеттігін көрсеткен болатын. Осыған сәйкес, ІІО қоғамдық тыныштық пен халықтың қауіпсіздігінің күзетінде тұратын, алғашқы соққыны өздеріне қабылдайтын полиция қызметкерлерінің жауынгерлік дайындық деңгейлерінің заман талабына сай болуын басты мақсаты етеді. Қазіргі таңда арнайы оқу-жаттығу полигонына облыстың әр аудандарынан полиция қызметкерлері келіп, жауынгерлік даярлықтарын жетілдіруде.&nbsp;Арнайы және жұмылдыру даярлық басқармасының білікті мамандары ату, қоян-қолтық күрес, қалқанмен, резинка таяқшасымен жұмыс істеу секілді шеберліктерді үйретумен қатар, теориялық сабақтар өткізіп, біліктіліктерін шыңдауда. Аталған сабақтарға департаменттің басқарма, бөлім қызметкерлерімен қатар, сыртқы қызмет салалары, яғни патрульдік полиция қызметкерлері, учаскелік, ювеналдық полиция инспекторлары, кезекші бөлім қызметкерлері де қатысып жатыр.&nbsp;Қызметкерлермен өткізілген сабақ барысында түрлі деңгейдегі элементтер аралас жаттығулар, сынақ тапсырмалар қолданылды. Бұл қызметкерлердің экстремалды жағдайлардағы психологиялық тұрақтылығына ықпал ететіндігі сөзсіз. Барлық жаттығулар қозғалыс дағдыларын және моральдық-еріктік қасиеттерін дамытуға, қызметтік және әскери дайындығының жоғары деңгейде болуына, қырағылық танытуға, қасындағы әріптесіне жауапкершілікпен қарауға, бір-біріне сенімді болуға бағытталады.&nbsp;Мәселен, бір жаттығу – қауіп-қатер кезіндегі полиция қызметкерлерінің біркелкілігін көздеп, бір тәртіппен, бірдей бұйрықпен ұйымдасып, іс-қимыл жасауын мақсат етсе, енді бір жаттығу кез келген сәтте атылатын оқ пен төнген қатерге дайын болуын, рефлекторлық әрекетін дамытуды көздейді.&nbsp;Бұдан бөлек, полиция қызметкерлеріне практикалық біліммен қатар, теориялық ақпараттар да беріліп отырады. Мәселен, жергілікті полиция қызметінің патрульдік полиция батальонының жеке құрамы үшін арнайы құралдарды қолдану қағидалары мен әдістерін, соның ішінде газды гранаталар мен табельдік қаруларын қолдану бойынша сабақтар өткізді. Алған білімдерін бекітіп, іс барысында көрсету үшін арнайы сабақтар өткізілетінін де айта кеткен жөн.&nbsp;Сондай-ақ әр аптаның жұма күндері аппарат жеке құрамына, ал аптаның сәрсенбі, жұма күндері патрульдік полиция батальонының қызметкерлеріне арнайы-тактикалық даярлық сабақтарында қызметкерлердің өздерінің қауіпсіздіктерін сақтай отырып, күдікті автокөлікті тексеру, бағынбаған жүргізушіні автокөліктен шығарып, тінту әдістемелік сабақ жүргізілуде. Әр аптаның сәрсенбі, бейсенбі күндері барлық қалалық және аудандық полиция бөлімдерінің кезекші бөліністері қызметкерлерінің біліктілігін арттыру мақсатында атыс, арнайы даярлық және дене шынықтыру даярлықтарынан қосымша сабақтар ұйымдастырылып жатыр. Айта кетерлік жайт, аталған оқу-жаттығу сабақтары арнайы полигонда және “Динамо” дене шынықтыру спорт қоғамымен бірлесіп өткізіліп жатыр.&nbsp;Жаттығу мен сабақ түрлерінен бөлек, полиция қызметкерлерін психикалық даярлау дәрістері де өтеді. Аталған дәрістердің қызметкерлердің әлеуметтік құзіреттілігін жоғарылатуда, тұлғааралық қатынастарды қалыптастырып, бірлесіп іс-әрекет жасауда, қақтығыстарды конструктивті түрде шешуде маңызы зор. Сондай-ақ қызметкерлердің кәсіби-психологиялық дайындықтарын жетілдіріп, эмоционалды бұзылыстарының алдын алуға, қызметкерлердің күрделі жағдайларда дұрыс әрекет етуге де болатындығын ескерген жөн. Қызметкерлермен өткізілген тренинг барысында көптеген жаттығу, ойын элементтері аралас тапсырмалар қолданылады.<figure class="image"><img src="https://knadmin.beoblood.kz/uploads/d3f6bb41_74e9_46c3_a572_a91dcac4e13c_67b3ac2e82.jpeg" alt="d3f6bb41-74e9-46c3-a572-a91dcac4e13c.jpeg"></figure>

Қызылордалық полицейлердің кәсіби-қызметтік дайындығы жетілдірілуде 

<a href="https://kyzylorda-news.kz/">Kyzylorda-news.kz.</a> Су ресурстары және ирригация министрі Нұржан Нұржігітов Швейцарияның Қазақстандағы Төтенше және Өкілетті Елшісі Салман Бал мырзамен және су ынтымақтастығы мәселелерімен айналысатын Швейцария даму және ынтымақтастық агенттігінің Blue Peace Central Asia (BPCA) бағдарламасының өкілдерімен кездесті, деп хабарлайды <a href="https://kaz.inform.kz/">Kazinform</a>.Нұржан Нұржігітов 2024 жылдың 1 қаңтарынан бастап Қазақстан Халықаралық Аралды құтқару қорына төрағалық ететінін, сондықтан еліміз Орталық Азия мемлекеттерімен, сондай-ақ басқа да халықаралық ұйымдар мен қаржы институттарымен ынтымақтастықты арттыруға дайын екенін мәлімдеді.Министр Қазақстан Мемлекет басшысының өңірде Орталық Азияның барлық елдерінің мүдделерін ескеретін Халықаралық су-энергетикалық консорциум құру жөніндегі бастамаларын іске асыруға ниетті екенін атап өтті.Елші BPCA-ның бірінші кезеңі аяқталуға жақын екенін айтты, сондықтан қазіргі уақытта бағдарлама өкілдері екінші кезеңде қандай бағыттарды қамту керектігін анықтау үшін Орталық Азия елдеріне барады.Сонымен қатар, Өзбекстанда Қазақстан, Қырғызстан, Тәжікстан, Түрікменстан және Өзбекстан қатысатын гидрогеологиялық болжау бағдарламасы іске қосылып жатыр.&nbsp;Бағдарлама Орталық Азия елдері арасындағы су ағыны мен су шығынын бақылауға мүмкіндік береді.Blue Peace Central Asia өкілдері олардың жобасы бірнеше бағытты қамтитынын атап өтті.Мысалы Халықаралық Аралды құтқару қоры және Дүниежүзілік банк іске асырып жатқан Орталық Азия үшін су-энергетикалық бағдарламасы (Cawep) шеңберінде су ресурстарын басқарудың өңірлік институттарын нығайту, сарапшыларды тарту және тәжірибе алмасу, трансшекаралық гидротехникалық құрылыстарды жаңғырту және реконструкциялау, сондай-ақ әртүрлі курстар мен тренингтер арқылы кадрлар даярлау және олардың біліктілігін арттыру.<blockquote>«Келесі жылы Дүниежүзілік банкпен бірге жүзеге асырып жатқан Кіші Аралды сақтау жобасының екінші кезеңін бастауды жоспарлап отырмыз. Сондықтан біз Blue Peace-пен бірлесіп Орталық Азия елдерінің су-энергетика саласындағы өзара іс-қимылы мәселесімен жұмыс істегіміз келеді. Сондай-ақ, жаңа кадрлар даярлауға және су саласында жұмыс істеп жүрген мамандардың біліктілігін арттыруға мүдделіміз. Біздің ынтымақтастығымыз тығыз әрі жемісті болады деп сенемін», - деді ҚР Су ресурстары және ирригация министрі Нұржан Нұржігітов.&nbsp;</blockquote><figure class="image"><img src="https://knadmin.beoblood.kz/uploads/e9fc99af_512c_4309_af12_81d36ca46d0a_ce5dd1b7a3.jpg" alt="e9fc99af-512c-4309-af12-81d36ca46d0a.jpg"></figure>Фото: Су ресурстары және ирригация министрлігі

Келесі жылы Қазақстан Халықаралық Аралды құтқару қорына төрағалық етеді

<a href="https://kyzylorda-news.kz/">Kyzylorda-news.kz.</a> Бүгін Қармақшы ауданының орталығындағы 250 мектеп-лицейінде ауыл мектептерінің 9-11 сынып оқушыларына арналған жалпы білім беретін пәндер бойынша республикалық олимпиаданың алғашқы кезеңі басталды.Шалғайдағы ауыл оқушыларға арналған республикалық олимпиаданың алғашқы кезеңінің ашылуына аудан әкімінің орынбасары Ерқосаев Жұлдызхан Байназарұлы қатысып, білім бәсекесінде бағын сынаушы қатысушыларға сәттілік тіледі.Ауылдық елдімекендердегі мектеп оқушыларының дарыны мен қабілетін анықтау және оларға қолдау білдіру, неғұрлым академиялық қабілетті оқушыларды табу, олардың зияткерлік дамуы мен кәсіби бағдарлануына жағдай жасау мақсатында ұйымдастырылған олимпиадаға аудандық білім бөліміне қарасты 24 білім беру ұйымынан 655 оқушы тіркелді. Олимпиада 2023 жылдың 22 және 29 қараша аралығында «бір парта - бір қатысушы-бір камера» қағидасын сақтай отырып, 11 пән бойынша өткізіледі.Олимпиада өтетін сыныптарда бейнебақылау жүйесі орнатылып, олимпиаданың өткізілуі барысы Youtube каналында тікелей эфирде жүргізіледі.<img src="https://knadmin.beoblood.kz/uploads/403630327_2473553932815498_3096213342466238913_n_897e1ed2fa.jpg" alt="403630327_2473553932815498_3096213342466238913_n.jpg"><img src="https://knadmin.beoblood.kz/uploads/403618378_2473554046148820_1884332411325040705_n_1024bf8b59.jpg" alt="403618378_2473554046148820_1884332411325040705_n.jpg">

Ауыл оқушыларына арналған республикалық олимпиаданың алғашқы кезеңі басталды

<a href="https://kyzylorda-news.kz/">Kyzylorda-news.kz. </a><a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">«Қазгидромет»</a> РМК-сы қарашаның 20-сы күнгі күн райы болжамын жариялады.Кәсіпорын таратқан деректерге қарағанда, Қазақстан Республикасының басым бөлігі солтүстік-батыс антициклонының ықпалында болады, күн жауын-шашынсыз болады деп күтілуде.Тек республиканың батысында, қиыр шығысында, оңтүстік-шығысы мен оңтүстігінің таулы аудандарында циклон және онымен байланысты атмосфералық ағындардың әсерінен жауын-шашын (жаңбыр, қар), республиканың оңтүстік-шығысында кей уақытта түнде қатты жауын-шашын болады.Қазақстан Республикасы бойынша тұман түсіп, жел күшейеді, батыс және солтүстік-батыста желдің екпіні 23-28 м/с-ке күшейіп, көктайғақ болады.

20 қарашаға арналған ауа райы болжамы 

&nbsp;Kyzylorda-news.kz. Еліміз бойынша құс еті бағытындағы фабрикалар саны 29-ды құраса, "Қармақшы Құс" құс фабрикасы Сыр елінде алғашқы болып өз жұмысын бастады, деп хабарлайды аудан әкімінің баспасөз қызметі.Кәсіпкер Нұрлан Іздібаев аталмыш фабриканы ауданға қарасты Ақтөбе ауылдық округінен ашуының себебін: "Фабриканы ашу ойыма келгенде менің алдымда бірнеше нұсқалар болды. Дегенмен мен үшін ең бірінші кезекте туған топырағымды түлету мен жерлестерімді жұмыспен қамту мақсат болды. Менің жұмыспен қамтуға толық мүмкіндіктерім бола тұра &nbsp;ауылдастарымның жұмыссыз жүруі маған үлкен сын болар еді. Сол себепті де өзімнің туып өскен ауылыма тоқталдым" - деп түсіндірді.«Қармақшы құс» ЖШС құс фабрикасының жобасына 3,0 млрд теңге инвестиция салынған. Сыйымдылығы 60000 құсқа арналған 6 бордақылау, инкубациялық, сою, қалдықтарды өңдеу цехтарынан және әкімшілік ғимаратынан тұратын фабрикада ағымдағы жылдың 13 қазанында инкубатордан алғашқы 57 000 балапан шығарылып, бордақылау цехына орналастырылып, алғашқы өнім алу 15 қарашадан басталды.Ақтөбе ауылдық округінің тұсындағы 25 га жерді алып жатқан құс фабрикасы іске қосылғаннан бері күніне 2000-2500 бас тауық сойылып, 3 күнде 10 &nbsp;тоннадан астам өнім дайындалған. Алдағы уақытта фабрика толық қарқын алып, жергілікті мамандар жұмыс үдерісін толық меңгергенде фабрика күніне 13 - 14 &nbsp;тонна өнім шығаратын болады деп күтілуде.Қазіргі таңда 90 адам жұмыс жасайтын фабрика жұмысшыларының басым бөлігі Ақтөбе ауылының тұрғындары болса, Ақжар мен Жосалы кентінен қосымша жұмысшы бригадаларымен қамтылған. Барлық цехтар толық жұмысқа қосылған уақытта жұмысшылар саны 115-120 адамға көбейеді деп күтілуде.Мұнымен қоса, "Қармақшы Құс" ЖШС директоры Іздібаев &nbsp;Нұрлан Тұрғанбекұлы құс шаруашылығы бойынша жемді қол жетімді бағада жеткізу үшін Ақтөбе ауылы мен Қызылорда қаласынан құрама жем зауытын салу мақсатында &nbsp;жұмыстар жүргізіліп жатқандығын жеткізді. Зауыт іске қосылса &nbsp;құс шаруашылығымен айналысатын аймақ кәсіпкерлеріне де үлкен жеңілдік болары анық.&nbsp;

"Қармақшы Құс" құс фабрикасы жұмысын бастады

Kyzylorda-news.kz. Теңізді өлкенің асыл аналары ашық есік күні аясында «Анаға тағзым» орталығымен танысып, киелі шаңырақта қонақ болды.Алдымен, аралдық қолөнер шеберлері мен кәсіпкер қыз-келіншектер «Креативті индустрия» көрме алаңында өз туындыларын көпшілікке паш етті.Сондай-ақ, "Мирас" әжелер клубында әжелер ансамблі әсем әннен шашу шашып, ұлттық тағамдарымыз құрт пен жентті дайындау барысымен бөлісті.Нәзік жандылар «Психолог-медиатор»бөлмесінде «Әйел әлемі» атты тренингке қатысып, мамандардан кеңестер алды.«Соworking» кабинетінде аралдық кітапханашылар мен білім саласының&nbsp; ардагер-ұстаздары бала тәрбиесінде ертегі айту мен кітап оқудың маңыздылығына тоқталып, бүлдіршіндермен өзара ой пікір алмасты. «Бойтұмар» қыздар клубында кәсіпкер Анар Жақан смоладан сағат жасаудан шеберлік сағатын өткізді.&nbsp; Сонымен бірге, ашық есік күні қарсаңында аралдың балықтан жасалған тағамдары ұсынылып, өлкенің түрлі ұлттық дәмі тарту етілді.Ару әйел-аналар құтты шаңырақтан мол тәжірибе алып, шадыман көңіл-күйде тарқасты.

Аралдық әйел-аналар «Анаға тағзым» орталығында қонақта болды

Kyzylorda-news.kz. Президент жанындағы Әйелдер істері және отбасылық-демографиялық саясат жөніндегі ұлттық комиссия тұрмыстық зорлық-зомбылықпен күресудің кешенді жоспарын әзірлеуге кірісті. Бұл туралы Мәдениет және ақпарат министрі Аида Балаева айтты.«Өздеріңіз білетіндей, ел Президенті: „Біздің қоғамдағы ең басты идеология — бұл заң мен тәртіптің үстемдігі деген болатын. Бұл бірінші кезекте қоғамның қарым-қатынасына ғана емес, тұрмыстық мәселелерге де қатысты айтылған қағида. Әсіресе, қазір біз үшін тұрмыстық зорлық-зомбылық мәселелері алдыңғы орында тұр. Мұндай қылмыстар үшін жауапкершілік 2023 жылдың 1 шілдесінен едәуір күшейтілген болатын. Содан бері жауапқа тартылған агрессорлар саны 2 есе көбейген. Дәлірек айтқанда, осы жылдың ІІ-тоқсанында 7 мың адам жауапқа тартылса, ІІІ-тоқсанда олардың саны 27 мың адамға жеткен. Одан басқа тағы 60 мың құқық бұзушы әкімшілік жауапкершілікке тартылды. Оларға қатысты 70 мың ескерту жасалды. Құқық бұзушылардың мінез-құлқын түзету үшін сот арқылы 12 мың талап қойылды“, — деді министр Facebook парақшасында жариялаған бейнеүндеуінде.&nbsp;Министрдің дерегінше, қабылданған шаралардың нәтижесінде 10 айда отбасылық-тұрмыстық құқық бұзушылықтар туралы хабарламаларды тіркеу 20 пайызға, оның ішінде қылмыстық құқық бұзушылықтар 4,2 пайызға, ауыр қылмыстар 12 пайызға төмендеді. «Өкінішке қарай, кейінгі жағдайлар бұл мәселенің әлі де күн тәртібінен түспегенін және өзекті екенін көрсетіп тұр. Басты себеп — азаматтардың заңды құқығын құрметтемеу. Осыдан туындайтын сананың бұзылуы, жалпы құқықтық негилизм қазіргі қоғамға тән екенін көрсетіп отыр. Біз ата-ана ретінде балаларға үйде болсын, сыртта болсын келеңсіз құбылыстармен күресу мәдениетін қалыптастыруымыз қажет. Қоғам заң бұзушылыққа, зорлық-зомбылық пен дөрекілікке төзбеуі тиіс. Оның ішінде тұрмыстық зорлық-зомбылықтан, бұзақылықтан, дөрекіліктен және вандализмнен мүлдем бас тарту атмосферасын қалыптастыруымыз маңызды. Барша адам баласына деген құрмет, ер-азаматтардың әйел мен қыздарға деген сыйластығын бала кезден бойына сіңіру қажет. Өзіміз бен айналадағы адамдардың тағдыры мен өмірі бізге байланысты екенін әрқашан есте ұстауымыз керек. Дәл қазір Президент жанындағы Әйелдер және отбасы саясаты жөніндегі ұлттық комиссия тұрмыстық зорлық-зомбылықпен күресудің кешенді жоспарын әзірлеуге кірісті. Сондықтан сарапшыларды, азаматтық сектор өкілдерін белсенді болуға, тиісті ұсыныстарды жолдауға шақырамын», — деді Аида Балаева. &nbsp;

Тұрмыстық зорлық-зомбылықпен күресудің кешенді жоспары әзірленіп жатыр

Kyzylorda-news.kz. «Қазгидромет» РМК синоптиктері елімізде 18-20 қараша аралығында ауа райы қандай болатынын жариялады.Синоптиктердің мәліметінше, алдағы күндері белсенді Солтүстік циклон жырасының және онымен байланысты атмосфералық фронтальды бөлімдердің әсерінен ҚР басым бөлігінде жауын-шашын күтіледі, 18 қарашада Солтүстік-батыста, солтүстікте, 19 қарашада еліміздің шығысында қатты жауын-шашын күтіледі (қарға ауысатын жаңбыр), 19-20 қарашада еліміздің оңтүстігінде, оңтүстік-шығысында жаңбыр мен қар түрінде қатты жауын-шашын болады.Жауын-шашынмен қатар республиканың&nbsp;солтүстік — батысында, солтүстігінде көктайғақ құбылыстары, бұрқасын күтіледі. Кезеңнің соңына қарай солтүстік-батыс антициклон жотасына байланысты суық ауа массаларының енуі күтіліп отыр, бұл Қазақстанның басым бөлігінде температураның күрт төмендеуіне әкеледі.

Жексенбіге арналған ауа райы болжамы 

Kyzylorda-news.kz. Облыс әкімінің орынбасары Мейрамбек Шермағанбет қаладағы бірқатар саяжайлардың тұрғындарымен кездесудегі көтерілген мәселелерді саралады.Облыс әкімі қала аумағындағы саяжайлардың тұрғындарымен кездесіп, нақты &nbsp;мәселелер мен ұсыныстарын тыңдап, соған сәйкес жұмыстардың атқарылуын және &nbsp;тиісті шараларды қабылдауды &nbsp;тапсырған болатын.&nbsp;Осыған байланысты, осы жылдың 31 қазаны мен 6 қараша аралығында қала әкімі, құқық қорғау органдары және жауапты сала басшыларының қатысуымен ПМК-29, 66, Еңбек, Эдельвейс, Ягодка, Пищевик және Сабалақ саяжайларының тұрғындарымен кездесу өткізді.Тұрғындардың көтерген мәселелері жарықшам бағаналарын, аялдамалар, орнату, орташа жол жөндеу жұмыстары, қосалқы электр станциялары және электр желілерін жүргізу, құқық бұзушылық фактілерін алдын алу, қоғамдық көліктің қатынауы, сондай-ақ аталған саяжайларды қаланың бас жоспарына еңгізу турасында болды.&nbsp; Жиында жауаптылар атқарылып жатқан жұмыстардың нәтижелерімен бөлісті.Облыс әкімінің орынбасары Мейрамбек Шермағанбет жұмыстардың жүйелі түрде жүргізілуін тапсырды.<blockquote>“Барлық мәселе кезең-кезеңімен шешімін табатындығы анық. Ең алдымен аталған мәселелердің ішіндегі өзекті деген және де қаражат мәселесін қажет етпейтін жұмыстарды жыл соңына дейін бітіруіміз қажет. Тұрғындардың талап-тілегі тыңдалды. Ендігі тапсырылған жұмысты алдағы уақытта тиісті мерзімінде орындауларыңызды сұраймын” - деді Мейрамбек Зинабдинұлы.</blockquote>&nbsp;

Қала тұрғындарының талап-тілегі тыңдалды

Kyzylorda-news.kz. &nbsp;ҚР Экология және табиғи ресурстар министрі Ерлан Нысанбаев Сыр өңіріне жұмыс сапарымен келді. Сапар барысында министр А.Тоқмағамбетов атындағы қалалық мәдениет үйінде облыс тұрғындарымен кездесіп, әлемдік деңгейдегі өзекті мәселенің бірі - &nbsp;Арал теңізін сақтап қалу бағытындағы негізгі шаралар туралы айтты. Одан бөлек, орман шаруашылығында атқарылып жатқан жұмыстар, балық экспортын арттыру, жануарлар дүниесін қорғау, тұрмыстық &nbsp;қалдықтарды реттеу бойынша бірнеше мәселелер көтерілді.&nbsp;Жиыннан соң министр тұрғындардың мәселелеріне байланысты жеке қабылдау өткізді.Одан әрі ҚР Экология және табиғи ресурстар министрі Ерлан Нұралыұлы БАҚ өкілдеріне арнайы брифинг өтікізіп, Қызылорда облысындағы жұмыс сапары туралы толығырақ баяндап берді.<blockquote>Бүгінгі халықпен кездесуде баршамызды толғандырып отырған экологиялық мәселелер кеңінен айтылды. Оның ішінде қатты тұрмыстық қалдықтар мен «Байқоңыр» аумағындағы жиналған құрылыс қалдықтары экологияға едәуір зиян келтіруде. Осыған байланысты екі мемлекет аралық комиссия отырысында «2021-2023 жылдарға арналған Жол картасы» әзірленіп, жоба аясындағы жұмыстар жүргізілуде. Бүгінде аталмыш жоба шеңберінде 12 мың кубтан астам қалдық жойылды. Алдағы уақытта Қызылорда облысы әкімдігімен бірлесіп, ауқымды инвестициялық жоба әзірленетін болады. Бұдан бөлек, Мемлекет басшысының тапсырмасына сәйкес, Аралдың құрғаған табанына 1 млн 100 гектар жерге көгалдандыру жұмыстарын жүргізу жоспарлануда. Өздеріңіз білетіндей, 2021 жылы балық шаруашылығын дамыту туралы мемлекеттік бағдарлама қабылданған болатын. Осы бағдарлама арқылы қолдан балық өсіруге арнайы субсидия қарастырылған. Бұл жұмыстардың нақты орындалуы министрліктің тікелей бақылауында, - деді министр Ерлан Нысанбаев.</blockquote>Өз кезегінде ҚР Экология және табиғи ресурстар министрі БАҚ өкілдерінің сауалдарына жауап беріп, сапар барысын қорытындылады.<img src="https://knadmin.beoblood.kz/uploads/FB_IMG_1700296763362_a2da8186db.jpg" alt="FB_IMG_1700296763362.jpg"><img src="https://knadmin.beoblood.kz/uploads/FB_IMG_1700296746151_f2090bd71f.jpg" alt="FB_IMG_1700296746151.jpg">

ҚР Экология және табиғи ресурстар министрі Сыр өңіріне жұмыс сапарымен келді 

Kyzylorda-news.kz. Жылу маусымында көмір отынының &nbsp;тапшылығын болдырмау мақсатында қала әкімдігі тарапынан тұрақты түрде қадағалау жұмыстары жүргізілуде. Осы орайда, қала әкімі Асылбек Шаменов көмір қоймасында болып, көмір тасымалдаушы жеке кәсіпкермен кездесті. Жылу маусымында тұрғындарды қатты отын қорымен қамтамасыз ету мақсатында тамыз айында қала әкімдігімен көмір тасымалдаушы жеке кәсіпкерлер «KHAS COM» және «Қарымсақов» арасында меморандум жасалынды. Қызылорда қаласына қажет етілетін қатты отын көлемі шамамен 85 000 тоннаны құрайды. Алайда, қала аумағындағы көмір тасымалдаушы жеке кәсіпкерлер &nbsp;бұл мөлшерді артығымен, яғни жылу беру маусымы кезеңінде барлығы 90 000 тонна көмір әкелуді жоспарлап отыр. &nbsp; Қазіргі уақытта, «KHAS COM» жеке кәсіпкерлігінде 115 вагон, яғни 7 935 тонна «Шұбаркөл» көмірінің қоры бар. Ал, «Қарымсақов» жеке кәсіпкерінде &nbsp;345 тонна көмір қоры бар. Асылбек Өмірбекұлы халықты көмірмен қамту шараларын &nbsp;уақытылы қабылдап, қысқы маусымда қажетті көмір қорын жинақтауды ойдағыдай өткізуді және бағалардың өсуіне жол берілмеуін қатаң тапсырды.<img src="https://knadmin.beoblood.kz/uploads/FB_IMG_1700287918524_0ac39f9cbf.jpg" alt="FB_IMG_1700287918524.jpg">

Қызылордада көмір қоры жеткілікті

Kyzylorda-news.kz. Робот құрастырушылар арасында дүниежүзілік байқау Орталық Америка құрлығындағы Панама елінде өткізілді. 100-ден астам мемлекеттен келген 1300-ге жуық қатысушының қатарында қызылордалық оқушылар да бар. Олар аймақтық, республикалық іріктеуден өтіп, ел намысын әлемдік аренада қорғады.Нәтижесінде цирлық индустрия үшін инфрақұрылым мен логистиканы жасайтын роботтармен жұмыс істеп, өнертабыстарын ұсынған Назарбаев Зияткерлік мектебінің оқушылары Максим Усольцев пен Дінмұхаммед Абдиев қола жүлдені қанжығалады. Әлемдік чемпионатта жүлдені қалай алғаны жөнінде Өңірлік коммуникациялар қызметінің баспасөз алаңында Назарбаев Зияткерлік мектебінің информатика пәнінің мұғалімі, жетекші Серік Ахметов айтты.<blockquote>&nbsp;Робототехникадан халықаралық олимпиадада (World Robot Olympiad) қола медаль бұйырды. Қазақстан атынан 13 команда қатысты, &nbsp;нәтижесінде отандық құрама 3 категориядан жүлделі орын алды. Мектебіміздің оқушыларымен бірге ІІІ және ІІ орынды Астана қаласының Роботек командасы иеленді. Оқушыларымыз алғаш рет бұл байқауға қатысып жатқан жоқ. Дегенмен, қиыр шығыстағы Оңтүстік Корея, Жапония, Сингапур елдері жақсы қарсылас болды. Сондай-ақ, командалық есеп бойынша Малайзия мемлекеті бәрінен базып озды. Ал, біз топтық есепте екінші орында болдық, - деді Серік Мөңкебайұлы.</blockquote>Әлемдік додада Қызылорда атынан барған Нұрдаулет Әділбек пен Ернұр Сәду де жақсы нәтиже көрсетіп, үздік бестіктер қатарынан көрінді. Олардың айтуынша, топтың атын «Қызылорда» деп қойып, өңіріміздің атын әлем төрінде екі рет айтқыздық деп қуаныштарын жеткізді.<blockquote>&nbsp;Біз бұл олимпиадаға 2022 жылдан бері қатысып келеміз. Осы жылы дайындықта қаңтар айынан бастадық. Жаз мезгілінде республикалық кезеңінде жеңімпаз атанып, Панамаға жолдама алған болатынбыз. Биыл сайыстың қиындығына қарамастан үздік бестіктер қатарында болдық. Еліміздің, аймағымыздың үмітін ақтадық деп сенеміз, - деді НЗМ оқушысы Нұрдаулет Әділбек.</blockquote>

Қазақстан және Қызылорда облысының жаңалықтары