<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Алматы облысында жантүршігерлік жол апаты болып, салдарынан бес адам қаза тапты, - деп хабарлайды <a href="https://massaget.kz/basty-zhaalytar-438/109045/">Massaget.kz</a> тілшісі.</h4>Алматы-Өскемен тас жолының 55 шақырымында адам өліміне әкелген жол апаты болды. Оқиға салдарынан бес адам қаза тапты.Nissan Primera жүргізушісі рөлді басқара алмай, жолдан шығып кетіп, ағашқа соғылды. Жүргізуші мен төрт жолаушы алған жарақаттарынан оқиға орнында қаза тапты. 12 жастағы кәмелетке толмаған бала Қонаев қаласының ауруханасына жеткізілді.Бұл дерек бойынша қажет сараптамалар тағайындалып, сотқа дейінгі тергеу амалдары басталды.Фото: &nbsp;Massaget.kz

12 жастағы бала ғана аман қалды: Алматы облысында жол апатынан бес адам қаза тапты

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Канаданың Макгилл университетінің Жоғары білім саласындағы саясат кафедрасының доценті Эмма Харден-Вульфсон студенттермен Workshop өтті.</h4>Студенттер экология, кибер шабуылдардың қауіпі, әлеуметтік әділетсіздік секілді басқа да өзекті тақырыптарда 2-3 минуттық видео-роликтер жасап, қорғады.Шетелдік ғалым мен университеттің Басқарма Төрағасы-Ректор Бейбіткүл Каримова және Академиялық мәселелер жөніндегі проректор Дана Абдрашева&nbsp;жастардың жұмыстарын бірге тамашалады.Workshop нәтижесінде Эмма Харден-Вульфсон студенттердің жұмыстарындағы жетістік пен толықтырулар туралы ойын айтып, талқылады. &nbsp;Осылайша жастар теория мен тәжірибені қатар ұштастырды.Айта кетейік, Қорқыт ата атындағы Қызылорда университетіне Канаданың Макгилл университетінің Жоғары білім саласындағы саясат кафедрасының доценті Эмма Харден-Вульфсон келді Эмма Харден-Вульфсон сапары барысында жаһандық сын-қатерлер, климаттың өзгеруі, әлеуметтік әділетсіздік, технологиялық инновациялар және басқа да өзекті тақырыптарға зерттеу жүргізудің жаңа методологиясымен бөлісетін болады. Эмма Харден-Вульфсон ЮНЕСКО-ның Халықаралық жоғары білім институтында зерттеу және жоспарлау бөлімін басқарған. Сонымен қатар, жоғары білімнің келешегі, жасанды интеллект және сандық трансформация, студенттердің виртуалды академиялық ұтқырлығы, академиялық тәуелсіздік және жоғары білімді басқару тақырыбындағы халықаралық жобаларға жетекшілік жасаған. Шетелдік ғалымды шақырту ҚР Ғылым және жоғары білім министрлігінің шетелдік сарапшыларды шақырту бағдарламасы шеңберінде жүзеге асырылып отыр. Сонымен қатар екінші жыл Фулбрайт бағдарламасының стипендиаттары ағылшын тілін оқыту үшін үкіметаралық келісімдер негізінде АҚШ-тың Қазақстандағы елшілігімен Қорқыт ата университетіне келеді деп күтілуде.&nbsp;А.Текебай Фото:Қорқыт ата атындағы ҚУ

Канадалық ғалым Workshop өткізді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қасиетті Қазалы топырағы талай дарындарды, даңқты тұлғалар мен елге еңбегі сіңген нағыз еңбек ерлерін дүниеге әкелген киелі мекен.</h4><h4 style="margin-left:0px;text-align:justify;">Кеше Қазалыда осындай туған жердің өсіп-өркендеуіне зор үлес қосқан еңбек ардагері, Социалистік Еңбек Ері, Қазақ ССР Жоғары кеңесінің депутаты, атақты күрішші Көлжан Оразалиеваның 100 жылдығына орай тағылымға толы шара өтті.</h4><h4 style="margin-left:0px;text-align:justify;">Ғани Мұратбаев ауылдық округінде өткен мерейтойлық шаралардың ашылуына аудан әкімінің орынбасары Дәурен Тлеумбетов қатысып, барша ауыл тұрғындарын, еңбек ардагерінің ұрпақтарын мерейтоймен құттықтап, аудан әкімі Мейрамбек Шермағанбеттің құттықтауын табыстады.</h4><h4 style="margin-left:0px;text-align:justify;">Мерейтойлық шараларда «Мен анамын бақыт тапқан еңбектен, бір қолыммен бесігімді тербеткен» атты жас аналар байқауы, «Еңбек fest» атты еңбек фестивалі, жүгіру марафоны және ұлттық спорт түрінен жарыстар ұйымдастырылды. Сонымен қатар Көлжан Оразалиеваның өмір жолына байланысты ұрпақтарының жазған «Асыл әжем ардақты» атты кітаптың ашылу рәсімі өтті.</h4><h4 style="margin-left:0px;text-align:justify;">Көлжан Оразалиева 1924 жылы Қазалы ауданындағы Ғани Мұратбаев ауылында дүниеге келген. Еңбек ардагері, Социалистік Еңбек Ері. Қазақ КСР-і ауыл шаруашылығының озаты. 1945 жылдан күріш өсірушілер звеносының жетекшісі. 1948 жылы оның звеносы күріш егістігінің әр гектарынан 81 центнерден астық жинаған.</h4><h4 style="margin-left:0px;text-align:justify;">Еңбектегі осы жетістігі үшін оған СССР Жоғарғы Советі Президиумының 1949 жылғы 20 мамырдағы Жарлығымен оған Социалистік Еңбек Ері атағы берілді. 1950 жылы Ленин орденімен марапатталған. 1951 жылы Қазақ КСР-і Жоғарғы кеңесінің депутаты болып сайланды. 1966 жылы Қазақ КСР-і ауыл шаруашылығының үздігі белгісімен марапатталған.</h4><h4 style="margin-left:0px;text-align:justify;">Күріш өсірудің шебері кейінгі жылдары да бар күш-жігерін, білімін, тәжірибесін мол өнім өсіруге жұмсады. Көп жылғы өнімді еңбегі үшін 1966 жылы оған «Қазақ ССР-і ауыл шаруашылығының озаты» белгісі берілді.</h4>

Қазалыда Еңбек Ері ұлықталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қызылорда облысының Департамент бастығының бірінші орынбасары полиция полковнигі Абдраманов Ермахан Әділханұлы көше мен қоғамдық орындарда құқықтық тәртіпті қамтамасыз ететін бөлініс қызметкерлері үшін &nbsp;саптық жиын өткізді. &nbsp;</h4>&nbsp;Іс-шараның мақсаты көшелер мен қоғамдық орындарда құқықтық тәртіпті және қоғамдық қауіпсіздікті қамтамасыз ету, құқық бұзушылықтар мен қылмыстарды ашу және жолын кесу, сондай-ақ жол қауіпсіздігін сақтау болып табылады.Іс-шара барысында 1538 әкімшілік құқық бұзушылық анықталып, оның қоғамдық орында спирт ішімдігін ішудің 103 дерегі, ұсақ бұзақылық – 48, масаң күйде автокөлік басқарудың – 3 дерегі анықталса, қауіпсіздік белдігін тақпағаны үшін &nbsp;әкімшілік жауапкершілікке 45 жүргізуші тартылса, мемлекеттік немесе міндетті техникалық қарап – тексеруден өтпеген 9 автокөлік анықталған. ҚР тiркеусiз не жеке басты куәландыратын құжатсыз тұру бойынша – 46 (ҚР ӘҚБтК-нің 492-бабы), шетелдіктің немесе азаматтығы жоқ адамның Қазақстан Республикасының Халықтың көші-қоны саласындағы заңнамасын бұзған – 250&nbsp; (ҚР ӘҚБтК-нің 517-бабы) аныктады.Арнайы рейдтің барысында кәмелет жасына толмағандарға қатысты 162 әкімшілік құқық бұзушылық анықталды.Сонымен қатар, 46 жасөспірім – түнгі уақытта ойын-сауық мекемесінде болған және заңды өкілінсіз тұрғын жайдан тыс жерлерде жүрген. ҚР ӘҚБтК-нің 127 бабы (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) бойынша 16 ата-анаға әкімшілік шара көрілді.&nbsp;Тәртіп сақшылары іс-шараның &nbsp;нәтижесімен есірткі затты тасымалдау және сақтау бойынша – 1 және атыс қаруын сақтағаны үшін 7 дерегі тіркелді.Сондай-ақ, 47 автокөлік айып тұрағына қойылып, 26 автокөліктің мемлекеттік белгілері алынған.Қызылордалық полицейлер қоғамдық тәртіптің бұзылуына жол бермеу үшін тиісті заң аясында бақылауды күшейтіп, заң талаптарына бағынбаған азаматтар &nbsp;жауапкершілікке тартылатындығын ескертеді.

 «Құқықтық тәртіп»: Қызылордада 1538 әкімшілік құқық бұзушылық анықталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> «AMANAT» &nbsp;партиясы облыстық филиалының Атқарушы хатшысы Ләйлә Төрешованың төрағалығымен «Қарызсыз қоғам» жобасын іске асыру бойынша аймақтық жобалық топ отырысы өтті.</h4>Онда Қызылорда қаласы бойынша жобалық топ кеңсесі жұмысының ұйымдастырылуы, &nbsp;партиялық жобаның ауқымын кеңейту, ақпараттандыру жұмыстары сонымен қатар Ұлттық жобалық кеңсесі хаттамалық тапсырмаларының орындалу барысы талқыланды.«Қарызсыз қоғам» партиялық жобасы аясында өңірде ағымдағы жылы 8000 азаматты оқыту жоспарланса, бүгінгі күнге &nbsp;4000-ға &nbsp;жуық азамат қаржылық сауаттылығын арттыру курсынан өтті. Жоба ел арасында өз тиімділігін көрсетіп отыр.«Қарызсыз қоғам» жобасын ақпараттандыру бойынша арнайы медиа-жоспар әзірленіп, жоспарға сәйкес жұмыстар жүргізілуде. Мәселен, жоба жүзеге асқан уақыттан бері &nbsp;әлеуметтік желілерден бөлек, республикалық және жергілікті интернет-ресурстарда, баспа БАҚ беттерінде 130-дан астам материалдар жарияланды.Айта кетейік, Мемлекет басшысының жолдауында азаматтардың қаржылық сауаттылығын арттыру бойынша берілген тапсырманы орындау шеңберінде “Amanat” партиясының бастамасымен “Қарызсыз қоғам” жобасы іске қосылды.&nbsp;

«Қарызсыз қоғам»: жобалық топ отырысы өтті

"Ерінбесең еңбекке, дәулет дайын,&nbsp;Жаратқан жоқ жатсын деп бір Құдайың", – деп Шәкәрім Құдайбердіұлы айтқандай жер бетіндегі бар адамзат еңбек мұратқа жеткізетінін осы өлең жолдарынан-ақ ұққан.Еңбек – өмірдің тұтқасы, тіршіліктің көзі. Еңбексіз өмір жоқ. Қоғамдағы байлықтың бәрі адам еңбегімен жасалатыны анық. Халқымыз осыны терең түйіп, ой топшылаған. «Еңбек – адамның екінші анасы», «Еңбек түбі – береке» мақалдары арқылы жайдарлы жеткіншіктерді еңбек сүйгіштікке баулып, сондай-ақ еріншектік, жалқаулық кісінің соры, жаман әдет екендігін жас буынға тәптіштеп отырған. Жастарға кәсіптің өрісін кеңейтуге жағдай елде оңтайлы жасалған. Мысалы, «Еңбегімен ер мүсінді» дегендей еңбек зор адамшылық қасиет, барлақ кісіні даңққа, мұратқа, бақытқа жеткізіп, бейімділігін арттырып, ер атандыратын да, әр адамның тұрмыс жағдайын жақсартатын да, ақыл-ойын байытып нұрландыратын да еңбек. Сондықтан «Еңбексіз күн өткізу – ерсілік» дейді дана халқымыз. «Бизнестің жол картасы – 2020» мемлекеттік бағдарламасы аясында елімізде кәсіпкерлік саласы өріс алғаны белгілі. Әсіресе, жастар жағына ден қойылуда.Осындай бағдарлама арқылы өз кәсібін ашып, сүйікті ісін дөңгелетіп жүрген Шиелідегі Талаптан ауылдық округінде іскер азаматтар жетерлік. Ауылда жүзге жуық кәсіпкер бар. Мемлекет ұсынған мүмкіндікті мүлт жібермей ұтымды пайдаланып отырған ауылдың жас кәсіпкерінің бірі – Өлке Қожабеков. Бір жеңнен қол, бір жағадан бас шығарып, бел жазбай, белсенді іске кірісуінің арқасында пластик терезе бұйымдарын шығаратын шағын цех ашып, өз тірлігін жандандырып отыр. Қажетті материалды аудан орталығынан алдырады. Жас кәсіпкер 2018 жылы нәтижелі жұмыспен қамту аясында мемлекеттен бір миллион теңге қаржы ұтып, пластикалық бұйымға қажетті құрал-жабдықтарды алып келіп, осы істі табандылықпен игеріп кәсіптің шарапатын көріп жатыр. «Кәсіптің нәсібі бар» демекші, кент пен шалғай ауылдан көптеп тапсырыс түсуде. Бүгінде Ө.Қожабеков ауылдың 4 азаматын тұрақты жұмыспен қамтып отыр. Нәтижесі жаман емес дейді. Бір күннің өзінде он терезеге дейін жасап шығаруға болатынын тілге тиек етті. Осындай түрлі салада өз орнын қалыптастырған жандар ауылдың бірлігін бекемдеп, тірлігін татулыққа үндейді.

Өлке Қожабеков: Өлкемді түлеткім келеді

<a href="https://kyzylorda-news.kz/">Kyzylorda-news.kz</a>&nbsp; Бұдан жарты ғасыр бұрын Қаратаудың етегінде мырыш пен қорғасынның кең көлемді қоры бар екеніне көз жеткізген кеңес үкіметі кен өндірісін игеруге дендеп бет бұрғаны белгілі.&nbsp;Одақтық деңгейде &nbsp;әлеуеті бай өндірісті өркендету үшін ең бірінші жұмысшының жағдайы бірінші орынға қойылды. Шалқия кен аумағында типтік үлгідегі жаңа үйлер салынып, мектеп, балабақшалар бой түзеді. Сексенінші жылдардың өзінде жаңадан бой түзеген кеншілер қалашығы сәулеттік архитектурасы және тұрмыстық жаңашылдығы жөнінен аудан орталығы Жаңақорған кентінен әлдеқайда озық үлгіде қалыптасып үлгергенін сол кез адамдары жақсы біледі. &nbsp;Шахтерлердің жалақысы &nbsp;мұғалім, дәрігерлерден екі-үш есе артық белгіленуі өндірістің &nbsp;ел экономикасында табысты сала ретінде бағалануынан болса керек.Еліміз егемендігін алуымен бірге қоғамдық қатынастардың жаңа жүйеге көшіп, бір орталықтан басқарылған кәсіпорындардың бес¬жылдық жобаларды орындауда жаңаша тетік қалыптастырып үлгеруге қабілетсіздігі кеніш тірлігін тұралатқаны рас.&nbsp;Кеншілер жұмыссыз қалып, кәсіп іздеп жан-жаққа көшті. Шалқия кентінде көп қабатты үйлер иесіз қалып, бұл өңірдің жүрегіндей болған кеніш өндірісінің шын қадірін айқындап берді.Міне, сондықтан ел үкіметінің Шалқия кен орнын толық қуатында іске қосуда шетелдік әріптестермен ынтымақтастық қарым-қатынасқа ден қоюын құптауға болады. Нақ қазіргі күндері Шалқияның екінші тынысы ашылды. Ондағы бүгінгі күні жүргізіліп жатқан жобалар, мақсатты бағдарламалар жайлы жан-жақты көзбен көрмекке Шалқия кенішін бетке алдық. Бұған дейін де кеніш жұмысын жолға қоюда шет ел компанияларымен ымыраға ке¬ліп, тәуекелді талапқа бет бұрған тараптардың &nbsp;жоғары ведомствоның жобаларын жүзеге асырып үлгермей банкрот болған жағдайларына ел куә.&nbsp;Ал бүгінгі жағдайы қалай? &nbsp;Өндіріс орны жұмысын толық қуатында іске қосу тетіктері талаптағыдай ма? Кен орны келешегіне кепілдік беруге бола ма? Бұл жөнінде Шалқия Цинк ЛТД АҚ бас директоры Бейсембаев Өр¬кен Рахметуллаұлымен кездесіп, ақпараттармен жан-жақты таныс болдық. Ұққанымыз, кеніш қоры жөнінен әлемде бесінші орында тұрмыз. Халықаралық сұранысқа ие құндылықты ынтымақтаса игеруге ынталы мүдделер тоғысы таяу уақытта өндірістің қалыпты ырғағын толық қуатында іске қосуға қол байласып отыр екен. Бұл жөнінде ғалым-менеджердің сұхбаты сенімімізді нығайтты.– Шалқия қорғасын-мырыш кен орнында тау-кен байыту комбинатын салу жобасы толық іске қосылғаннан кейін кәсіпорында жылына 4 млн тоннаға дейін кен өндірілетін болады, – дейді сұхбаттасымыз.<blockquote>Жоба Еуропалық қайта құру және даму банкісі арқылы қаржыландырылады.&nbsp;Құрылыс толық жобалық қуатында іске кіріскенде 1700 адамды жұмыспен қамтамасыз ететін боламыз. Сонымен қатар подстанция көлемі үлкейтіледі, басқа да қажетті инфраструктуралар кезегімен іске қосылады. Қазірде кен байыту фабрикасының қондырғыларын Американың үлкен компания жобасымен сәйкестендіріп, алдын ала қаржысы да аударыла бастады. Қазір осыған жан-жақты дайындық үстіндеміз. Кен өндіруге дайындық жұмыстарын мердігер атқаруда. Бұл Қытай компаниясы халықаралық деңгейде танымал, бұған дейін дүние жүзінде бірнеше өндірісті аяққа нық қойған. Қарауында 299 адам бар, басым көпшілігі жергілікті жердің өкілдері. Өйткені талап та солай. Ертең комбинат құрылысына, ол іске қосылған соң да алдымен маңайдағы Құттықожа ауылы және Шалқия мен Жаңақорған кентінен тұрақты жұмыс қолы тартылатын болады. Сол адамдарды қарамағымызға алып, тау-кен жұмыстарын өзіміз жүргіземіз. Қазір қарауымызда 270-тей қызметкер бар. Олардың ішінде Мәскеуде, Қарағандыда білім алған, Шымкент пен Қорқыт ата университетін, басқа да жоғары оқу орындарын бітірген жергілікті жастар бар екені қуантады. Үнемі жобаларды бірге талқылап, өндіріс көлемін толық меңгеруіне тәлімгерлік дәрісімізді жұмсап келеміз, – дейді ол.</blockquote>– Өңіріміздегі кен өндірістері айналасындағы әңгімеге құлақ түрсек, басшылыққа жергілікті кадрларды жаратпайды, сырттың адамын тағайындауға бейім тұрады деген өкпе-реніш алдымыздан шығады. Бұл жөнінде не дейсіз?<blockquote>– Осындай ахуалдың бары рас, оны оңдау үшін жергілікті кадрлар намысқа тырысып, өндіріс технологиясына барынша мамандануы керек. Ол өз алдына, халықаралық бәсекеге сай имиджді қалыптастыруда көп тілді меңгеру деген мәселе тағы бар. Қызметтің қабатында оқу, іздену, тіл үйрену өте қажет міндет. Қарауымдағы азаматтарға осылай кеңес беріп отырамын. Ел мен жер осы азаматтардың қолында. Біз белгілі уақытта жобаны іске асырамыз, мақсатымызды орындаймыз, әрі қарай атамекен меншігінің маңдайын жандырып, иелік ететін солар болу керек. Сондықтан бір күнді қалт жібермей үйренсе, меңгерсе, жан-жақты маман болып шықса деген тілектестіктен басқа ниет жоқ бізде.Болашағы кемел кеніш орнын мамандармен қамту мәселесін бүгіннен қолға алмасқа болмайды. Осы бағытта Жаңақорғандағы техникалық колледжбен Қорқыт ата университетімен, ХҚТУ-мен, Алматы &nbsp;және Қарағанды қаласындағы политехникалық жоғары оқу орындарымен меморандумға отырып, тау-кен саласы бойынша факультетте мамандар даяурлауға бекініп отырмыз, – деді.</blockquote>Қазірде шетелдік мердігер қарауына берілген кеніш аймағында ұңғыманы қазуда қауіпсіздік ережелері қатаң бақыланып, апта сайын аппарат жиналысында жоба барысы сараланып отыратынын айтты.Кеніш жұмысы алға басуы үшін шешімді өз уақытында қабылдайтын инвестор керек, сонда жұмыс қарқыны еселеп артады.Кен байыту комбинаты іске қосылғанда Шалқия кеніші қуаттылығы бойынша жылына 4 млн тонна мырыш пен қорғасын өндіретін болады, бұндай көрсеткішпен кен орны Қазақстан бойынша гигант мекеме қатарына кіреді.&nbsp;Ал қазбаның қоры жөнінен әлемде 5-орындамыз. Аталған кен орнын игеру мырыш нарығында ірі компаниялардың бірі болуға және үлкен көлемде қорғасын өндіруге мүмкіндік береді. Жүйе бойынша нақты рудадан алатын 104 млн тонна қор бары кеніштің кемел келешегінен хабар беріп тұрғанын айтты өндіріс басшысы.– Кен орнының келешек жобаларына тоқталсаңыз.– Өндіріс орны басшылығы бәсекеге қабілетті болуы үшін ең бірінші мамандардың жалақысын көтеруге мүдделі, әйтпесе жақсы кадрлар орталыққа кетіп қалады. Айлықты көтерумен қатар жұмыскерлердің тұрмыстық-әлеуметтік жағдайы өркениетке сай болуы керек.Елдің ең бірінші байлығы – қорғасын мен мырыш, оны өңдей отырып, түскен табыс алдымен кеніштің модернизациясына салынады, содан соң жергілікті халықтың әлеуметтік жағдайына бөлінеді.&nbsp;Атап айтқанда, мектеп, мәдениет үйлері, балабақшалар салынады. Жергілікті жердің денсаулық саласына демеушілік жасалады.– Ал өзіңіз Шалқияны қандай дәрежеде елестете аласыз?– Қаратау қойнауында қайнаған тірліктің басы-қасында болуға тәуекел етіп келген күннен бастапжергілікті халықтың өмірімен, тыныс-тіршілігі, әлеуетімен жете танысуға тырыстым.&nbsp;Менің ойымша, кісі қай жерде жүрсе де ауасын жұтып, суын ішкен ортаның адамдарын құрметтей білуі керек. Ауданның саяси және мәдени өміріне тығыз араласып, &nbsp;қажет жерінде демеушілік көмегімізді көрсетіп келеміз. Қашан да болсын жергілікті халықтың қас-қабағының жадыраңқы, жағдайының жақсы болуына біз де мүдделіміз.«Жаңақорған – жер жәннаты» деп кентке кіреберіс маңдайшасына жазып қойылған қанатты сөздің жүрегімізді ерекше жылы сезімге бөлейтінін жасыра алмаймын.&nbsp;Қажырлы күш-жігерімді халық игілігіне арнаған жастық күндерімнің көп бөлігіне куә кенді өңірдің келешегі кемел екеніне сенемін. Жаңақорған ауданының соңғы екі-үш жылда мүлдем жаңарып, жақсы жобалардың қанат жаюынан ынтымақ пен бірліктің жемісін көргендей болып отырмыз. Жаңақорғандықтар осындай елдігінен ажырамаса екен деймін.&nbsp;Баян ҮСЕЙІНОВА

Өндірісі қуатты ел өркендейді

Жуырда Шиелі ауданы әкімдігі жанындағы «Үкіметтік емес ұйымдармен өзара іс-қимыл және әріптестік жөніндегі аудандық кеңес» отырысы өтті.Үкіметтік Емес Ұйым – қоғам дамуының негізгі қозғаушы күштерінің бірі. Бүгінгі таңда үкіметтік емес сектор азаматтық қоғамның ажырамас бөлігі және оның дамуының тікелей көрсеткіші болып табылады.&nbsp;Кеңес отырысын Шиелі ауданы әкімінің орынбасары Болатбек Ысмағұлов ашып, жүргізді. Кеңес отырысына кеңес мүшелері, бөлім басшылары, БАҚ өкілдері қатысты.&nbsp;Күн тәртібінде үш мәселе қаралды. Бірінші мәселе бойынша, Шиелі ауданының қоғамдық даму бөлімінің 2024 жылға жоспарланған әлеуметтік жобалары және үкіметтік емес ұйымдармен өзара іс-қимыл жөніндегі өзекті мәселелері туралы Шиелі аудандық қоғамдық даму бөлімінің басшысы Есенбаев Кенжехан Шахизатұлы баяндама жасады.&nbsp;Екінші мәселе бойынша, Шиелі ауданының 2024 жылғы әлеуметтік-экономикалық даму қорытындылары және алдағы атқарылатын міндеттер жайлы аудандық экономика және қаржы бөлімінің маманы Алиахмет Әбдисадиков баяндама жасады.&nbsp;Үшінші мәселе бойынша, аудан тұрғындарының арасында спорт саласын дамыту бағытындағы әлеуметтік жобаның тиімділігі жөнінде алда атқарылатын жұмыстар туралы хабарлама жасау үшін сөз аудандық дене тәрбиесі спорт және туризм бөлімі басшысының міндетін атқарушы Ермағанбетов Беркінбай Садықұлы баяндама жасады.&nbsp;Баяндамашыларға кеңес мүшелері тарапынан өзекті сауалдар қойылып, ұсыныстар айтылды.Бүгінде Шиелі ауданы бойынша 27 үкіметтік емес ұйым тіркелген. Өкініштісі олардың ешбірі өңірде ұсынылып жатқан жобалардың жеңімпазы атанбай келеді. Осыны сынға алған Болатбек Ысмағұлов аудандық үкіметтік емес ұйымдармен түсіндірме жұмыстарын, қажет болса тәжірибесі қалыптасқан ҮЕҰ-мен семинар ұйымдастыруды тиісті бөлім басшыларына тапсырды.&nbsp;Сондай-ақ халыққа пайдалы, тұрғындардың тұрмысын жеңілдетіп, әлеуметтік серпін беретін жобаларды қашанда қолдауға дайын екенін жеткізді.

Шиелі: Үкіметтік емес ұйымдар мәселесі қозғалған жиын өтті

Журналист Гүлмира Әбіқай әлеуметтік желісінде “Тиран ене” атты жазба қалдырды,-деп хабарлайды politico.kz.Оқиға Түркістан облысының Арыс ауданында болды. Дананың жасы 26-да. Жігітімен сүйіп қосылды. Күйеуге тиген 6 жылда 3 бала туды. Үлкені 4-те, ортаншысы 2-ден асты, кішісі небәрі 9 айлық бөпе.Баламның басын айналдырып тидің деп келін болып түскелі отырса опақ, тұрса сопақ. Енесі тарапынан Әркез психологиялық қысым, қорлық, қол көтеруден мезі болған келін соңғы ұрыстан соң өлуге бел шешеді.1 маусым күні таңертең үйдегілер қалың ұйқыда жатқанда орнынан тұрып, балаларының бетінен сүйіп қоштасып, уксус ішіп естен танады. 3 күн ес-түссіз жатып, беті әрең бері қарады. Жанында өз анасы күткен. Палатаға ауысқан соң дәрігерлер анасын шығарып артқы есіктен күйеуін кіргізді,- дейді туыстары.Енді басталады өтірік аяққа жығылу, күйем-сүйем, енді қайталамаймын, кешір деген варианттар. Одан қалса енесі, атасы, туыс, құдалар, ауыл белсенділері , ақсақалдар алқасы, ауыл биі бір кешірім бер келін деп келетіні тағы анық. Кей ауылда кешірімге әкім мен инспектор да қызу араласады.Осындай бір ауылға сөзі өтіп, елді қаратып отырған жандар отбасылық зорлық-зомбылық болған кезде дер мезетте неге араша түспейді екен деген ой келеді?! Дана енді ол үйге оралмаймын деп отыр. Енесінің үстінен арыз жазды. Азаматша Қатираға қатысты ҚР 105 баппен қылмыстық іс қозғады (өзіне-өзі қол жұмсауға дейін жеткізу). Енді ағайыншылық, қазақылық демей заң Заң болып қалуы тиіс! Жігітіне сүйіп қосылып, күйеуінен емес енесінен таяқ жеген келінге әділ заң бар екенін айтып, тілекші болайық.Дананың балаларын көрмегелі тура 1 апта болды. Ендігі уайымы балаларымды қалай аламын деп жылап отыр.Құдай-ау, кәмелет жасқа толмаған әлі өз ой-пікірін жеткізе алмайтын балалар заңға сай анасының қамқорлығында қалады. Оның үстіне 9 айлық бала емшек сүтін сағынып жүргені анық.

Енесінің тепкісіне шыдай алмаған келін уксус ішкен

&nbsp;<a href="https://kyzylorda-news.kz/">Kyzylorda-news.kz</a> Қызылорда қаласы әкімдігі мен қалалық прокуратура ұйымдастыруымен құрылған мобильді топтың түнгі рейдтік іс-шаралары жалғасуда.Мобильді топ құрамында БАҚ өкілдері, қоғам белсенділері, қалалық прокуратура, қалалық қоғамдық даму, білім, кәсіпкерлік және өнеркәсіп бөлімдері, ювеналды полиция қызметкерлері мен жастар орталығы мамандары бар.Жедел топ аралау кезінде қала аумағындағы ойын сауық орындарын, саябақтар, ойын алаңдары және жастар көп шоғырланатын аймақтарды назарға алынды. Сондай-ақ, кәсіп иелеріне жаднымалар беріліп, жауапкершілік туралы түсіндірілген хабарламалар таратылды.Рейд барысында 61 әкімшілік құқық бұзушылық анықталды.Оның ішінде, кәмелетке толмағандардың түнгі уақытта жүргені үшін52 ата-анаға қатысты (ӘҚБтК-нің 442) әкімшілік шара көрілді және 7 жасөспірім бейімдеу орталығына жатқызылды, ата-ананың мiндеттерін орындамаған үшін 1 жасөспірімнің ата-анасына қатысты (ӘҚБтК-нің 127) әкімшілік шаралары көрілді.Сонымен қатар, 2 ойын сауық мекеме иелеріне қатысты кәмелетке толмағандардың болуына жол бергені үшін (ӘҚБтК-132) шара көрілді.Бұл бағыттағы жұмыстар күнделікті жүргізіледі. Негізгі мақсат - жастар мен жасөпірімдер арасындағы қылмыстың, топтық төбелестердің алдын алу және кәмелетке толмағандарға қарсы жасалатын оқыс оқиғаларды болдырмау.

Қызылордада рейд жұмыстары тұрақты жүргізілуде

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес, қала әкімдігі жанынан құрылған жұмысшы топпен белгіленбеген орынға қоқыс қалдығын төгу, құрылыс қалдықтарын тастау және қаланың сәулеттік келбетіне кері әсерін тигізіп, нысан аумағын қалыпты жағдайда ұстамау, арық арналарын ластау, заңсыз қоршау жүргізу, жалпы эстетикалық талаптарды бұзу деректері бойынша рейд жұмыстары жалғасуда.</h4>Қала көшелерін таза ұстауға, елдімекендерді біркелкі әрлеуге бағытталған түсіндірме жұмыстарына қоғам белсендісі, қаламыздың эко-жанашыры Болат Нұрқожаев қосылып, тұрғындарға бірнеше ескерту жасады.Қаланың сәулеттік келбетін ажарландыру мақсатында бірнеше кәсіпкерлік нысанның қасбетін әрлеу, көше жарықшамдарын ретке келтіру жұмыстары да назардан тыс қалмады. Айта кету керек, қаламыздың санитарлық тазалығын қамтамасыз етуде «Қызылорда тазалығы» мекемесі үздіксіз қызмет көрсетіп келеді.Онымен қатар кезекті аралау барысында қалалық қоғамдық даму бөлімінің басшысы Айдын Қайруллаев нысан аумағының тазалығы мен сәулеттік келбетін сақтамаған бірқатар кәсіп иелері мен тұрғындарға ескертулер жасады. Санитарлық тазалығын сақтау бойынша түсіндірме жұмыстарын жүргізді. Бұдан бөлек жұмысшы топпен бірге халық қалаулылары Мақсат Жүсіп және Маржан Бисенова да қала көшелерін таза ұстауға, қаланың сәулеттік келбетін қалыптастыруға бағытталған түсіндірме жұмыстарын жүргізді. Тазалыққа немқұрайлы қараған кәсіп иелері мен тұрғындарға бірнеше ескерту жасады.Қала тазылығын сақтаудағы шара жаппай сенбілік шарасына ұласты. Демалыс күндері Қызылорда қаласында кезекті сенбілік өтіп, қала орталығы мен шет аумақтағы көшелер, сквер, аллеялар, вокзал, базар аумақтарына тазалау жұмыстары ұйымдастырылды.Сенбілікке 241 мекемеден 1980 адам атсалысып, 16 арнайы қоқыс жинайтын техника жұмылдырылып, тазартылды. Нәтижесімен орталық полигонға 200 м3 қоқыс шығарылды.Қала тазалығы баршамызға ортақ! Сондықтан әр қала тұрғынын таза қала үшін сенбілік жұмыстарына атсалысуға, тұрғын үйлердің, аулалардың және көшелердің аумағындағы тазалық шараларына өз үлестерін қосуға шақырамыз!

Қазақстан және Қызылорда облысының жаңалықтары