Kyzylorda-news.kz. Бүгін облыс әкімі Нұрлыбек Нәлібаев Н.Бекежанов атындағы облыстық музыкалық-академиялық драма театрында өткен салтанатты жиында әр саланың озаттарын марапаттады. Жыл бойы еңбегімен көзге түсіп, шәкірттері білім бәсекесінде топ жарған ұстаздарға 1 млн 035 мың теңгенің біржолғы қаржылай сыйақы сертификатын табыстады.Аймақ басшысы Сыр жұртшылығын Жаңа жыл мерекесімен құттықтап, өткен жыл толағай табыстар мен ілкімді істерге толы болғанын айтты.«Санаулы күннен кейін 2023 жылды түйіндеп, жаңа жылға қадам басамыз. 2023 Сыр елі үшін берекелі, ырысы мол жыл болды. Президентіміз Қасым-Жомарт Кемелұлы арнайы жұмыс сапарымен келіп, өңірдің дамуына оң бағасын берді. Облыстағы маңызды мәселелерге қатысты тарихи шешімдер қабылдады. Экономиканың барлық негізгі көрсеткіштерінде өсім бар. Тамыз айынан бері үздіктер қатарында, яғни алғашқы үштіктеміз. Осыдан бір жарым жыл бұрын облыс бюджеті 387 млрд теңгені құраса, 13 желтоқсандағы облыстық мәслихат сессиясында 2024 жылдың бюджеті 650 млрд теңге болып бекітілді. Келер жылдың соңына дейін салық түсімдерін арттырып, жаңа өндіріс орындарын ашу арқылы бюджет көлемін &nbsp;700 млрд теңгеден асырамыз. Бұған резервтеріміз бар. Әлеуметтік салаға 435 млрд теңге (67%), жолдарды жөндеуге &nbsp;31,5 млрд теңге (4,8%), энергетика нысандарына &nbsp;32,7 млрд теңге (5%), құрылыс саласына &nbsp;19,7 млрд теңге (3%) қаржы бағытталуда. Жыл ішінде бұл қаржы көлемі едәуір ұлғаятын болады», – &nbsp;деді Н.Нәлібаев.Аймақ басшысы биыл ашылған әлеуметтік нысандар, пайдалануға берілген тұрғын үйлер, жүзеге асырылған инвестициялық жобалар мен алдағы уақытқа қойылған межелі міндеттерді атап шықты. Олардың ішінде түрік инвесторларымен бірге &nbsp;жаңа ЖЭО-ның іргетасын қалау, қалалық автобус паркін жаңа қоғамдық көліктермен толықтыру, 12 елді мекенді газдандыру секілді жетістіктер, келер жылға жоспарланған ауқымды жұмыстар бар.&nbsp; Жыл қорытындысына арналған салтанатты жиында сала озаттары мен түрлі номинация иегерлері марапатталды. Жетістіктерімен көзге түскен өз ісінің нағыз шеберлері, меценаттар, қоғам белсенділері &nbsp;құрмет төрінен көрінді.<img src="https://knadmin.beoblood.kz/uploads/FB_IMG_1703854880742_d71c8c10f5.jpg" alt="FB_IMG_1703854880742.jpg"><img src="https://knadmin.beoblood.kz/uploads/FB_IMG_1703854899930_ec3f2a5970.jpg" alt="FB_IMG_1703854899930.jpg"><img src="https://knadmin.beoblood.kz/uploads/FB_IMG_1703854936862_a97489aa7b.jpg" alt="FB_IMG_1703854936862.jpg"><img src="https://knadmin.beoblood.kz/uploads/FB_IMG_1703854874950_0575b1ea62.jpg" alt="FB_IMG_1703854874950.jpg"><img src="https://knadmin.beoblood.kz/uploads/FB_IMG_1703854870338_64b0758723.jpg" alt="FB_IMG_1703854870338.jpg">

Облыс әкімі сала үздіктерін марапаттады

<a href="https://kyzylorda-news.kz/">Kyzylorda-news.kz.</a> Жаңа жыл әрбір бүлдіршіннің асыға күтетін мерекесі. Осы мерекеде Мемлекет басшысы Қасым-Жомарт Тоқаев қызылордалық балаларға мерекелік сыйлық жіберді. Мереке қарсаңында Президентке хат жазған балаларға Ел басшысының арнайы құттықтауы мен сыйлығын шаһар басшысы Асылбек Шәменов пен облыстық білім басқармасының басшысы Асқарбек Есжанов табыстады. Ал ерекше білім беруді қажет ететін 14 жасар Салабат Нұрдәулетке &nbsp;ұялы телефон берілді.<blockquote>- &nbsp;Жаңа жыл қарсаңында Ел Президентінің арнайы сыйлығы мен мерекелік құттықтауын табыстауға арнайы келдік. Бұл мейрам балалар үшін өте ерекше екені белгілі. Барлық арманын қағазға түртіп, жаңа жылдық сыйлықтар күтеді. Ал осындай мезетте Мемлекет басшысының өзі бүлдіршіндерді қуантып, арнайы сыйлығын жіберіп жатыр. Мерекелік тартуды қабыл алыңыздар. Жаңа 2024 жыл баршаларыңызға құтты болсын!, - деді қала әкімі Асылбек Шәменов.</blockquote>«Атамекен» балалар үйіндегі бүлдіршіндер де мерекелік сыйлықтан құр қалмады. Ондағы барша бүлдіршіндерге &nbsp;тәттілер беріліп, Президентке хат жазған Роман Дмитриевке арнайы сыйлық табысталды.<blockquote>- &nbsp;Мен 6 жасымнан бастап, «Атамекен» балалар ауылында тұрамын. Мектепте жақсы оқып, белсенді болуға тырысамын. Кішкентай кезімнен өнерге, оның ішінде би билеуге қызығып өстім. Осы қызығушылығымның арқасында Мәскеу қаласында өткен «Ты супер танцы» тележобасына қатыстым. Жаңа жыл қарсаңында Президентімізге хат жазып, өз арманымды жеткіздім. Бүгін мінекей, Мемлекет басшысының сыйлығын алып қуанып жатырмын. Ендігі арманым Ел Президентімен кездесіп, қолын алғым келеді, - депті Роман Сергейұлы Президентке жазған хатынан.</blockquote>Мемлекет басшысы өзі келіп, жүздесе алмаса да, сәлемдемесін қала әкімі арқылы жеткізді. Роман Сергейұлына Президент атынан құттықтау тілек пен түрлі сыйлықтар және планшет табысталды. Сонымен-қатар, «Атамекен» балалар үйінің бүлдіршіндері домбыраны шертіп, мерекелік көңіл күй сыйлады. Бұған қоса, Сырдария ауданының әкімі Берік Сәрменбаев Президент сыйлығын өз ауданындағы Ернар Ыбырайға да табыстады. Бұл Жаңа жыл қарсаңында балаларға базарлық, мерекелік көңіл-күй сыйлаудағы ізгі іс деп білеміз.<img src="https://knadmin.beoblood.kz/uploads/akimat_2_b6b7a10dfd.jpg" alt="акимат 2.jpg">

Қызылордалық балаларға Президенттің жаңа жылдық сыйлығы жеткізілді

Жыл қорытындысы: Әлеуметтік сала күшейтілді

Фото: ашық дереккөз<a href="https://kyzylorda-news.kz/">Kyzylorda-news.kz.</a> Қаңтар айында өтетін ҰБТ-ға қатысу үшін өтініш қабылдау 29 желтоқсанда басталып, 6 қаңтарға дейін жалғасады. ҰБТ-ға тіркелу Ұлттық тестілеу орталығының&nbsp;<a href="https://app.testcenter.kz/">app.testcenter.kz</a>. сайтында немесе UTO қосымшасы арқылы жүргізіледі, деп хабарлайды ҚазАқпарат.&nbsp;Тестілеудің өзі 18 қаңтар мен 10 ақпан аралығында өтеді. Естеріңізге сала кетсек, қаңтардағы ҰБТ-ға шартты түрде ақылы негізде күндізгі оқу нысаны бойынша жоғары оқу орындарына қабылданған, жазғы ҰБТ нәтижелері бойынша шекті балл жинамағандар, шығармашылық ББТ-дан басқа дайындық бағыттарына, педагогикалық бағытқа ақылы негізде ауысқысы келетіндер, сондай-ақ мектеп бітіретін түлектер жоғары оқу орындарына ақылы негізде түсу үшін қатысады. Қатысушылар тестілеу өткізілетін орынды, күнді және уақытты өздері таңдайды.

Қаңтар айында өтетін ҰБТ-ға қатысу үшін өтініш қабылдау басталды

<a href="https://kyzylorda-news.kz/">Kyzylorda-news.kz.</a> Санаулы күндерден соң жаңа жылға аяқ басып, тағы бір жыл тарих қойнауына енгелі отыр. Өткен жылға өкпе жоқ десек, 2023 жыл - Қазалы ауданы үшін берекелі де табысты жыл болды. Қай салада болмасын ілгері жылжып, жоғары жетістіктерге қол жеткізді.Соған сәйкес бүгін аудан орталығы - Әйтеке би кентіндегі Р.Бағланова атындағы мәдениет орталығында жылдың қорытынды шарасы өтіп, жыл үздіктері марапат төрінен көрінді.Салтанатты шара ескі жыл мен жаңа жыл кейіпкерлерінің қойылымымен басталды.Кеште сахна төріне көтерілген аудан әкімі Мұхтар Оразбаев жыл басынан бері ауданда атқарылған жұмыстарға қысқаша тоқталып өтті. Сондай-ақ, алдағы жоспарларымен де бөлісіп, көпшілікті келе жатқан Жаңа жыл мерекесімен құттықтады.Мұнан соң “Қазалы-Жолшы” ЖШС директоры Бекқали Бекбауылов ҚР көлік министрлігінің “Құрметті жолшы” төсбелгісімен және “Рухани қазына - 2023” республикалық фестивалінің қорытындысы негізінде “Үздік ауылдық клуб” номинациясы бойынша арнайы дипломмен Басықара ауылдық клубы марапатталды.Сол секілді бірқатар жандар облыс әкімінің және облыстық мәслихат төрағасының және аудан әкімінің “Алғыс хатымен” марапатталды.Мерейлі кеште Қазалы ауданының 95 жылдық мерейтойына арнайы дайындалған мерейтойлық төсбелгілер табысталса, қоян жылында табысты еңбек еткен жыл үздіктері марапат мінберінен көрінді.Қорытынды шарада Қызылорда облысының және Қазалы ауданының құрметті азаматы Самұрат Имандосов сөз алып, Қазалы жұртына деген ізгі лебізін жеткізді.Аудан өнерпаздары Жарасхан Төлебайдың “Қазалы” әнін және қазалылық ақын Жетіскен Мәкеналының сөзіне жазылған, Қазалы ауданының ұранына айналған “Қазалы вальсін” орындап, жиналған көпшілікке көтеріңкі көңіл күй сыйлады.<figure class="image"><img src="https://knadmin.beoblood.kz/uploads/414797156_3814877978733121_6601091939429443588_n_98d06211ee.jpg" alt="414797156_3814877978733121_6601091939429443588_n.jpg"></figure>&nbsp;<figure class="image"><img src="https://knadmin.beoblood.kz/uploads/414737354_3814878065399779_7607638232025060509_n_282228f9bc.jpg" alt="414737354_3814878065399779_7607638232025060509_n.jpg"></figure>

Қазалы ауданы қоян жылын қорытындылады

<a href="https://kyzylorda-news.kz/">Kyzylorda-news.kz.</a> Қазақ халқында «Қайырымдылық жасасаң, қайырымын өзің көресің» деген жақсы сөз бар. Жанашырлыққа мұқтаж жандарға жүрек жылуын ұсыну, аялы алақанын тосып, қамқоршысы болу – сауапты істердің бірі, әр адамның азаматтық парызы.​Бұл мақсатта Қызылорда облысы полиция департаментінің басшылығы көру қабілеті бұзылған балалардың жаңа жылдық кешіне қатысты.Мерекелік кеш Қызылорда облысы білім басқармасының көру қабілеті бұзылған балалардың арнайы (түзету) мектеп – интернаты коммуналдық мемлекеттік мекемесінде өтті.Жаңа жылдың басты сәні - жасыл шыршаны айналған балалар шаттық пен қуанышқа бөленіп, арнайы мерекелік бағдарламаны тамашалады. Ортаға Аяз ата мен Ақшақар еніп, түрлі кейіпкерлерімен театрландырылған қойылымдар көрсетіліп, балалар арнайы әзірленген концертті тамашалады.Қызылорда облысы полиция департаменті тәрбие және кадр жұмысы басқармасы &nbsp;бастығының орынбасары полиция майоры Асқар Балқожаев балаларды келе жатқан Жаңа жыл мерекесімен құттықтап, оларға зор денсаулық, жаңа жетістіктер мен барлық армандарының орындалуын, мақсаттарына жете берулерін тіледі. Сонан соң жаңа жылдық шырша мерекесіне жиналған балаларға арнайы дайындалған сыйлықтарын тарту етті.Өз кезегінде «№ 5 көру қабілеті бұзылған балалардың арнайы (түзету) мектеп – интернаты» коммуналдық мемлекеттік мекемесінің басшылығы «Балалар жылы» аясында интернат тәрбиеленушілеріне жасаған қамқорлықтары үшін Қызылорда облысы Полиция департаментінің бастығы полиция генерал-майоры Аблазимов Махсудхан Нұғманұлына шынайы алғысын білдірді.​Мейірімділікке бастайтын мұндай игі шаралар алдағы уақытта да жалғасын таппақ.

Жаңа жыл мерекесі қарсаңында қызылордалық полицейлер балаларды қуантты

<a href="https://kyzylorda-news.kz/">Kyzylorda-news.kz.</a>&nbsp; Мәдениет - ұлттың мәйегі. Осы сала ұлттың ұлылығын, елдің елдігін айшықтап тұрғандай. Биыл облыс мәдениетіндегі жемісті жетістіктер, толағай табыстар жетерлік. Жыл басынан бері аймақта бірнеше мәдени нысанның ел игілігіне берілуі салаға ерекше серпін берді.Отбасылық құндылықтарды нығайту, жас ұрпаққа рухани-адамгершілік тәрбие беру және заманауи қазақ анасының бейнесін қалыптастыруға бағытталған «Анаға тағзым» және «Отбасы орталығы» мәдени құнды нысандары пайдалануға берілді. Одан бөлек, Қызылорда қаласы әкімдігі жанында үйірме ретінде жұмыс жасап келген «Жастар театры» өз алдына кәсіби ұжым ретінде қайта құрылды,мүмкіндігі шектеулі өнерпаздардың шығармашылығын шыңдауға арналған «Арман» инклюзивті театры іске қосылды. Биыл мәдениет саласындағы тағы бір үлкен жетістік - классикалық өнерді дамыту, көрермендерге концерттерді кәсіби әрі жанды дауыста ұсыну мақсатында облыстық филармонияда кәсіби музыканттардан симфония оркестрі жұмысын бастады. Облыстық жыраулар үйін ашу қолдау тапты.Сондай-ақ, 21 мамыр – Мәдениет және өнер қызметкерлері күніне орай облыс әкімінің мәдениет және әдебиет өкілдеріне арналған арнайы «Тұран» сыйлығы алғаш рет табысталып, облыс мәдениет ұйымдарындағы 8 өнер ұжымына 40 домбыра сыйға берілді. Облыс орталығында 1000 орындық «Өнер» орталығының құрылысы қарқынды жүргізілуде.&nbsp;Бұдан бөлек, Қызылорда қаласында демеушілер есебінен жоба құны 4,8 млрд теңге тұратын 650 орындық музыкалық колледж бой көтереді.&nbsp;Биыл аймақ басшысының қолдауымен облыстың мәдениет саласындағы 13 маманшет елдерде біліктілігін арттырды. Облыстық филармонияның солистері қазан айында Италия мемлекетінің Анкона қаласындағы Озимо опера академиясында біліктілігін арттырса, қараша айында театр, филармония және халық шағармашылығы орталығының шығармашылық және техникалық мамандары шеберлік дәріске қатысу үшін Беларусь Республикасының Витебск қаласына іссапармен барды.Араға 17 жыл салып, Н.Бекежанов атындағы қазақ академиялық музыкалық драма театрының Алматы қаласында гастрольдік сапары ұйымдастырылып, шығармашылық сапар аясында театр репертуарындағы 4 үздік қойылым алматылық көрермендерге ұсынылды.Астана қаласының 25 жылдығына арналған Қызылорда облысының Астана қаласында өнер күндері жоғары деңгейде өтті.&nbsp;<img src="https://knadmin.beoblood.kz/uploads/85bedac6_dea4_414c_b5f1_6e2106103f73_7426d3a9c8.jpg" alt="85bedac6-dea4-414c-b5f1-6e2106103f73.jpg"> &nbsp;

 Сыр елі – түркі мәдениетінің алтын қазығы

<a href="https://kyzylorda-news.kz/">Kyzylorda-news.kz.</a>&nbsp;Арал ауданы Көктем елді мекенінің тұрғындарына таза ауыз су жеткізілді. Былтыр басталған құрылыс толықтай аяқталып, «Арал-Сарбұлақ» топтық су құбырына қосылды.Аудан әкімі Серік Сермағамбетов елді мекендегі ауыз суды пайдалануға беру рәсіміне қатысты. Ауыл халқының қуанышына ортақтасқан аудан басшысы әрбір үйге кіргізілген таза әрі сапалы ауыз суды тұрғындардың игіліктеріне пайдалануына тілектестігін жеткізді.<blockquote>«Мемлекет басшысы 2021 жылғы Жолдауында Үкіметке алдағы бес жылда халықты 100 пайыз таза ауыз сумен қамтамасыз етуді тапсырғаны белгілі. Осыған орай тиісті шаралар атқарылып, Ақбасты, Абай, Тоқабай елді мекендерін ауыз су жүйесіне қосу жұмыстары жасалынуда. Өткен айда Құланды ауылына су тұщыту аппараты бар кешенді блок-модул орнатылды. Ал Мойнақ елді мекенінің тұрғындары үшін демеушілік есебінен шахталық құдық қазылды. Ендігі кезекте өздеріңізде ұзақ уақыттан бері күткен таза ауыз судың игілігін көретін боласыздар.Біз ауданымызды дамыту мен өркендету бағытындағы жұмыстарымызды алдағы уақытта да жүйелі түрде жалғастыра беретін боламыз.»-деді аудан басшысы.</blockquote>Одан соң сөз алған ауыл ақсақалы Құдайберген Көлов шалғайдағы шағын елдімекенге көңіл бөліп, халықтың ұзақ жылдан бері аңсап күткен таза ауыз су мәселесінің шешілгеніне тұрғындар атынан алғысын білдірді. Сонымен қатар ауыл халқына әлеуметтік қолдау шараларының кезең-кезеңімен жүргізіліп, денсаулық сақтау нысанының салынып, жақын аралықта құрылысы аяқталатындығына ризашылығын білдірді.Шара барысында ауданның экономикалық және әлеуметтік дамуына үлесін қосып, қоғамдық өмірге белсенді түрде атсалысып жүрген ауыл азаматтары аудан әкімі алғысымен марапатталды.<img src="https://knadmin.beoblood.kz/uploads/414745788_3702515580076801_8354898956076150810_n_e18077e439.jpg" alt="414745788_3702515580076801_8354898956076150810_n.jpg">&nbsp;<figure class="image"><img src="https://knadmin.beoblood.kz/uploads/414734198_3702515386743487_8102057987046154903_n_6cf78033ee.jpg" alt="414734198_3702515386743487_8102057987046154903_n.jpg"></figure>

Көктем елді мекеніне таза ауыз су жеткізілді

<a href="https://kyzylorda-news.kz/">Kyzylorda-news.kz.</a>&nbsp; Партияның облыстық филиалы жанындағы партиялық бақылау комиссиясының төрағасы Нұркен Бақытбекұлы, партиялық бақылау инспекторы Базара Танбаев және партиялық бақылау комиссиясының мүшесі, Ержан Искендір «AMANAT» партиясы жанындағы Партиялық Бақылау Комитетінің 01.12.2023 жылғы №005-9 қаулысы тармақтарын орындау мақсатында партияның облыстық және қалалық филиалдарында азаматтардың өтініштерін қарау жұмысының ұйымдастырылуы бойынша қабылдау бөлмелері жұмысына тексеру жүргізді.Мониторинг барысында қабылдау бөлмелерінде 2023 жылға бекітілген кестелерге сәйкес барлық қабылдаулар толығымен өткізілгені анықталды.Жалпы атап өтейік жыл ішінде әкімдер және олардың орынбасарларының қатысуымен өткізілген 614 қабылдауларда 323 өтініш түсіп, олардың 219 оң шешімін тапса, 104-не түсіндірме берілген. Жергілікті және аумақтық атқарушы органдар басшыларымен өткізілген 235 қабылдауда 702 өтініш түсіп, олардың 485 оң шешілді.Облыстық, қалалық және аудандық деңгейдегі мәслихат депутаттарының-фракция мүшелерінің қатысуымен жыл басынан бері 483 қоғамдық қабылдау өткізіліп, 1523 тұрғынның 1154 өтініші мен ұсынысы бойынша оң шешімге қол жеткізілді, 364 мәселе бойынша қолданыстағы заң нормалары бойынша түсіндірме жұмыстары жүргізілді.Сонымен қатар партия филиалдарының ұйымдастыруымен өткізілген 16 мобильді қабылдауға түрлі деңгейдегі депутаттар қатысып, қаралған 184 мәселенің 78-і бойынша оң шешімге қол жеткізілді. Жалпы, пайыздық көрсеткіш бойынша оң шешілген өтініштер саны 70,8 пайызды құрап отыр.«АМАNАТ» партиясының қоғамдық қабылдау Регламенті талаптарының сақталуы филиалдар басшылығы мен қоғамдық қабылдау бөлмелерінің жіті бақылауында.

Азаматтардың өтініштерін қарау жұмыстарына тексеру жүргізілді

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев «Қармақшы құс» ЖШС құс фабрикасының ашылу салтанатына қатысты.Аймақ басшысы қармақшылықтарды жаңа өндіріс орнының ашылуымен құттықтады.<blockquote>«Президентіміз Қасым-Жомарт Кемелұлы халыққа арнаған Жолдауында «Елімізде сапалы ет, сүт, астық өнімдерін терең өңдеуді дамытуға бағытталған жобаларға басымдық берген абзал. Құс фабрикаларын, көкөніс қоймаларын, ет өнімдерін шығаратын кәсіпорындар ашу арқылы азық-түлік қауіпсіздігін қамтамасыз ету қажет», - деген болатын. Облыста құс етіне қажеттілік жылына 14,1 мың тонна. Оның барлығы сырттан келетін. Енді өзімізде өндіріледі. Аймақ тұрғындарын жергілікті өніммен қамтимыз. Жалпы 3 млрд теңгеге іске асқан жобаның бастапқы 456 млн теңгесі «Байқоңыр» әлеуметтік- кәсіпкерлік корпорациясынан бөлінді. Кәсіпкер былтыр «Аграрлық несие корпорациясынан» 880 млн теңге жеңілдетілген несие алып, құс фабрикасын жабдықтады. Жергілікті атқарушы орган инфрақұрылым жүйелерін тартуға қолдау көрсетті. Индустрияландыру бағдарламасы аясында республикалық және облыстық бюджеттен 443,2 млн теңге бөлініп, инженерлік инфрақұрылымы толық жеткізілді. Азық-түлік қауіпсіздігін қамтамасыз етудегі маңызды жоба – құс фабрикасын салған кәсіпкер Нұрлан Тұрғанбекұлына Сыр жұртшылығы атынан шынайы ризашылығымызды білдіріп, алғыс айтамыз!», - деді Нұрлыбек Машбекұлы.</blockquote>Іс-шарада қоғам қайраткері Бекмырза Еламанов жерлестерін құттықтап, ауыл ардагері Исабек Көміршиев жиналған көпшілікке бата берді. Сондай-ақ, ауқымды жобаны іске қосуға атсалысқан азаматтар марапатқа ие болды.Құс фабрикасының жылына 1500 тонна құс етін өндіруге мүмкіндігі бар. Кәсіпорын толық қуаттылыққа шыққанда 160 адамды жұмыспен қамтиды.Айта кетейік, биыл Қызылорда облысында жұмыс жасап тұрған шағын және орта бизнес субъектілерінің саны 10,3 пайызға артып, 70 977 бірлікке жетті. Кәсіпкерлікті қаржылай қолдауға әртүрлі көздерден 42 млрд теңге қаржы тартылып, 3,5 мыңнан астам жоба қаржыландырылды. Мемлекеттік қолдау тетігіне қаралған қаржы өткен жылмен салыстырғанда 20 пайызға артық. Оның ішінде Қармақшы ауданында 2,5 млрд теңгеге 355 жоба қаржыландырылды. Облыста алдағы 6 жылда құны 1,1 трлн теңгені құрайтын 65 жоба жүзеге асып, 9 мыңға жуық жаңа жұмыс орны ашылады. Негізінен өндірістік жобаларға басымдық берілген. Биыл 14,1 млрд теңгенің 15 жобасы іске қосылды.<img src="https://knadmin.beoblood.kz/uploads/414453957_666276105693637_610285665809191307_n_2781947f4d.jpg" alt="414453957_666276105693637_610285665809191307_n.jpg"><img src="https://knadmin.beoblood.kz/uploads/414482383_666275929026988_3580868954068912610_n_kopiya_274311d406.jpg" alt="414482383_666275929026988_3580868954068912610_n - копия.jpg">

Қармақшы ауданында құс фабрикасы жұмысын бастады

Фото: fingramota.kz<a href="https://kyzylorda-news.kz/">Kyzylorda-news.kz.</a>&nbsp; Биылғы жылдың соңғы күндері жаңа жылдық қарбалас шарықтау шегінде. Баршамыз жақындарымызға сыйлық дайындап, сыйлықтарымызды бөліп төлеуге ресімдейміз. Бөліп төлеу тауар немесе көрсетілетін қызметті бірден алып, ақысын кейінірек төлеуімен ыңғайлы.Бұл ретте кез келген қарыз сияқты бөліп төлеудің де өз артықшылықтары мен кемшіліктері бар. Оларды Fingramota.kz.-пен бірге қарастырайық.Кәсіпкерлер үшін кез келген мереке күндері, әсіресе Жаңа жыл қарсаңы сатудан жақсы кіріс алу үшін тиімді маусым болып табылады. Адамдар өздеріне және жақындарына сыйлық сатып алып, алдағы демалыстарға дайындалады. Тұтынушылар қарыз алмай немесе депозиттегі ақшаны пайдаланбай, бірден үлкен соманы бермейтінін түсінсе, сатып алу туралы бірден шешім қабылдайды. Сондықтан бөліп төлеудің негізгі артықшылығы қымбат тауарды өзіңнің қаржылық жүктемеңді тепе-тең бөле отырып сатып алу мүмкіндігі болып табылады. Сонымен бірге қағазда көптеген құжаттарды ресімдеп, банк кеңсесіне барудың қажеті жоқ – барлығы банк қосымшалары арқылы ресімделіп, бірнеше минут уақытты ғана алады.Сонымен бірге егер сіз кезекті төлемді уақтылы енгізбесеңіз, бөліп төлеу автоматты түрде тұтынушылық кредитке айналатынын ұмытпаған жөн.Бөліп төлеудің басты артықшылықтары:пайыздар бойынша артық төлемнің болмауы; қажетті сомасы болмай, көлемді және қымбат сатып алуды ресімдеу мүмкіндігі; сатып алынатын тауарды бөліп төлеу ресімделген сәттен бастап пайдалануға болады; қолайлылық – сізге құжат жинап, банкке жүгінудің қажеті жоқ, бәрі бірден қосымшада немесе онлайн-дүкенде жасалады; бөліп төлеуді ресімдеген кезде кепілгерлер мен кепілдің қажеті жоқ; кредит тарихы не есепке алынбайды, не ол бойынша талаптар тұтынушылық немесе ипотека бойынша талаптарға қарағанда едәуір төмен.Бөліп төлеудің басты кемшіліктері:&nbsp;сатушы тауар бағасын алдын ала көтеріп алып, содан кейін бөліп төлеп алуға ұсынатын жағдайлар болуы мүмкін; бөліп төлеу үшін ай сайынғы жарна айтарлықтай болуы мүмкін – ол сатып алған затыңызға және сатушының талаптарына байланысты; пайыз бойынша артық төлемнің болмауы жалған сезім туындатады, бөліп төлеу сатып алудың ыңғайлы тәсілі болып көрінеді. Бұл ақшаны оңды-солды жұмсауға әкеп соғуы мүмкін. бөліп төлеу – бұл да кредит және оның мерзімін өткізсеңіз, айыппұл мен өсімпұл төлейсіз.Толығырақ "<a href="https://fingramota.kz/kk/post/zhaa-zhyl-arsaynda-blip-tleudi-resimdeu-artyshylytary-men-kemshilikteri">Кредиттер</a>" бөлімінен оқыңыздар&nbsp;

Жаңа жыл қарсаңында бөліп төлеуді ресімдеу: артықшылықтары мен кемшіліктері 

<a href="https://kyzylorda-news.kz/">Kyzylorda-news.kz.</a>&nbsp; Атлантикалық циклонның және атмосфералық фронтальды бөліктердің әсерінен 29 желтоқсанда еліміздің барлық аумағында ауа райы құбылмалы болады.Қазгидромет синоптиктерінің болжамы бойынша, солтүстікте, оңтүстік пен оңтүстік-шығыстың таулы аймақтарында қатты жауын-шашын (жаңбыр, қар) болады. Еліміз бойынша тұман түсіп, көктайғақ, екпінді жел, бұрқасын болады деп болжанып отыр.Сонымен қатар оңтүстік-батыста, Жамбыл облысының таулы аймақтарында, Солтүстік Қазақстанның солтүстігінде, шығысында, оңтүстігінде, Түркістан облысының таулы аймақтарында, күндіз Ақмола облысының солтүстігінде, Шығыс Қазақстан облысының оңтүстік-шығысында, Қостанай облысының оңтүстігінде, шығысында, батысында, Абай облысының орталығында, Жетісу облысының Алакөл көлі аймағында желдің күші 30 м/с және одан да жоғары болады.

Қазақстан және Қызылорда облысының жаңалықтары