Құрметті Қызылорда облысының кәсіпкерлері!Сіздерді Қазақстан Республикасы Президентінің «Алтын сапа» сыйлығын алуға арналған конкурсы және «Қазақстанның үздік тауары» көрме-конкурсына қатысуға шақырамыз. 1. ҚР Президентінің «Алтын сапа» сыйлығы ҚР Президентiнiң «Алтын сапа» сыйлығы өнiмнiң немесе көрсетілетін қызметтердiң сапасы саласында ұйымның елеулі нәтижелерге қол жеткiзгенi үшiн, олардың қауiпсiздiгiн қамтамасыз еткені, сондай-ақ ұйымның сапаны басқарудың тиiмдiлiгi жоғары әдiстерiн енгiзгенi үшiн берiледi. Сыйлық лауреаты атағына ие болған конкурсқа қатысушыларға конкурстың эмблемасы, диплом &nbsp;және 450 айлық есептік көрсеткіш мөлшерінде ақшалай сыйақы беріледі (2025 жылға – 1&nbsp;769 400 теңге). Конкурс жеңiмпаздарын марапаттау рәсiмi салтанатты түрде өткiзiледi. Байқау сыйлығын Қазақстан Республикасының Президенті жеке тапсырады. &nbsp;Ұйымдар конкурсқа келесі номинациялар бойынша қатысады: «Өндiрiстiк мақсаттағы үздiк кәсiпорын»; «Халық тұтынатын тауарларды шығаратын үздiк кәсiпорын»; «Қызметтер көрсететiн үздiк кәсiпорын»; «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын». Әр номинацияда мынадай санаттар бойынша үш сыйлық беріледі: шағын кәсіпкерлік субъектісі; орта кәсіпкерлік субъектісі; ірі кәсіпкерлік субъектісі. &nbsp; &nbsp;Конкурста 2 арнайы сыйлық тағайындалады: «Үздік индустриялық жоба»; «Үздік инновациялық жоба». Конкурсқа қатысушылар Комиссияға кемiнде үш жыл кезеңде шығарылатын өнiмнiң немесе көрсетiлетiн қызметтiң жоғары сапасын растауға тиiс. «Қазақстанның үздік тауары» республикалық көрме-конкурсы Конкурсқа Қазақстан Республикасының аумағында тауарлар өндірумен (қару-жарақ пен әскери техника өндіруді қоспағанда) айналысатын және өнім сапасының тұрақты жоғары деңгейін қамтамасыз ету және оны жүйелі түрде жақсарту жөнінде оң нәтижелері бар дара кәсіпкерлер мен заңды тұлғалар қатысуға үміткер бола алады. Конкурс 2 кезеңде өткізіледі: өңірлік және республикалық. Ұйымдар конкурсқа келесі номинациялар бойынша қатысады: 1. «Өндірістік мақсаттағы үздік тауарлар»; 2. «Халыққа арналған үздік тауарлар»; 3. «Үздік азық-түлік тауарлары». Өңірлік көрме-конкурстың 9 жеңімпазы (әр номинацияда үш жеңімпаздан) республикалық конкурсқа қатысады. Конкурс дипломанттары салтанатты түрде «Қазақстанның үздік тауары» республикалық көрме-конкурсының эмблемасымен және дипломдарымен марапатталады. Конкурс дипломанттарының тізімі бұқаралық ақпарат құралдарында жарияланады. Конкурс жеңімпаздары байқау эмблемасын жарнамалық мақсатта төрт жыл бойы пайдалану құқығына ие болады. Қатысуға өтінім мен құжаттар жиынтығын беру мерзімі - 2025 жылғы 1 шілдеге дейін. Конкурс туралы толық ақпаратты www.altynsapa.kz сайтынан немесе Қызылорда облысы кәсіпкерлер палатасынан &nbsp;87472825688 нөміріне хабарласып алуға болады.

«Алтын сапа» сыйлығына өтінім қабылдау басталды

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Hong Kong Sino-Science Oil and Gas Co., Ltd. (Geo-Jade Petroleum) компаниясының президенті Ван Вэньтаомен кездесу өткізді.Жиында мұнай-газ саласындағы ынтымақтастық және күрделі жолмен алынатын газды өндіру жобасын жүзеге асыру мәселелері талқыланды. Аталған жоба Қызылорда облысындағы «Созақ» кен орнында жүзеге асырылуда.Қазақстан энергетикалық қауіпсіздікті нығайту және еліміздің экономикалық өсуін қамтамасыз ету үшін өзара тиімді шарттарда ынтымақтастықты жалғастыруға және дәстүрлі емес ресурстардың әлеуетін ашуға мүдделі.Талқылау қорытындысы бойынша жұмыс топтары деңгейінде жұмыс жалғасатынын атап өтті.Geo-Jade Petroleum – Қазақстанда 10 жылдан астам жұмыс істеп келе жатқан мұнай мен газды барлау және өндіру бойынша ірі қытайлық компания. Бұған дейін кәсіпорын Қазақстанда $3 млрд-тан асатын бірқатар ірі жобаны жүзеге асырып, 1 мыңға жуық тұрақты жұмыс орнын ашқан.Фото: gov.kz

«Созақ» кен орнында газ өндіру жобасын жүзеге асыру барысы талқыланды

<a href="https://kyzylorda-news.kz/">Kyzylorda-news.kz</a> Қызылорда қаласында өнім берушілердің қатысуымен “Бірыңғай мемлекеттік тапсырыс” аясындағы жаңа пилоттық жоба бойынша ақпараттық-түсіндіру жиыны өтті.Аталған жиынға Қызылорда облысының дене шынықтыру, спорт және туризм басқармасының басшысы Артаев Бахтияр Ғарифоллаұлы, басқарма басшысының орынбасары Серік Айдарбекұлы, облыстық мәдениет, архивтер және құжаттама басқармасы, облыстық білім басқармасы, сондай-ақ облыстық жұмылдыру дайындығының, аумақтық және азаматтық қорғаныс басқармасының, Қызылорда облыстық полиция департаментінің және мемлекеттік кірістер департаментінің салалық өкілдері қатысты.Жиынның басты мақсаты – 2025 жылдың 1 маусымынан бастап іске қосылған «Қызмет алушылардың дербестендірілген қаржыландыруды ескере отырып, балаларға қосымша білім беруге арналған бірыңғай мемлекеттік тапсырысты орналастыру» жөніндегі пилоттық жобаның жалпы ережесі мен басты талаптарын халыққа кеңінен түсіндіру болып табылады.Өнім берушілерге жобаның іске асу алгоритмі, негізгі ережелері, талаптары мен шарттары жан-жақты түсіндіріліп, ұсынылған өзгерістер бойынша өзара пікір алмасты.Бұл жоба аясында балалардың қосымша білім алу мүмкіндіктерін кеңейту, қызмет көрсету сапасын арттыру және мемлекеттік тапсырысты тиімді ұйымдастыру көзделіп отыр.Алдағы уақытта бұл бағыттағы түсіндіру жұмыстары барлық аудан мен қалада жалғасын табатын болады.<img src="https://knadmin.beoblood.kz/uploads/Pilotty_zhoba_2_840571d619.jpg" alt="Пилоттық жоба 2.jpg">

Өнім берушілерге жаңа пилоттық жобаның ережесін түсіндірді

<a href="https://kyzylorda-news.kz/">Kyzylorda-news.kz</a> «AMANAT» партиясы мәдениет пен өнерге әрқашан қолдау көрсетіп келеді. Атап айтсақ, партияның тікелей қолдауымен жылда барлық деңгейдегі ақындар айтысы, «Ұлы дала» шығармашылық байқауы ұйымдастырылып, БАҚ өкілдері арасында да «AMANAT» медиа сыйлығы табысталуда. Партия Төрағасы Ерлан Қошанов 2023 жылы өткен «Ұлы дала» республикалық шығармашылық байқауында сөйлеген сөзінде бұл байқауды өңірлік деңгейде ұйымдастырып, жергілікті қаламгерлердің қатысуын қамтамасыз етуді тапсырған болатын. Партия төрағасының тапсырмасына орай байқау Сыр өңірде өткен жылы алғаш рет аймақтық деңгейде ұйымдастырылып, жеңімпаздар республикалық кезеңде бақ сынады. Жас ақындар мен жазушыларға шабыт сыйлайтын «Ұлы дала» байқауы биыл екінші рет аймақтық кезеңде ұйымдастырылғалы отыр. Бұл туралы бүгін партияның облыстық филиалының төрағасы Алмасбек Есмаханов БАҚ өкілдеріне арналған брифингте айтты.<blockquote>«Жергілікті қаламгерлердің қатысуымен өтетін «Ұлы дала» аймақтық шығармашылық байқауы «Поэзия», «Проза» және «Балаларға арналған шығарма» номинациясы бойынша өткізіледі. Құжаттар ереже бойынша 16 маусым мен 10 тамыз аралығында қабылданады. Аймақтық ұйымдастыру комитетімен әрбір номинацияға үш орыннан қарастырылып отыр. Жеңімпаздар қаржылай және бағалы сыйлықтармен марапатталатын болады»,- дейді Алмасбек Есмаханов.</blockquote>Атап өту керек байқауға 18-ден 45 жасқа дейінгі азаматтар қатыса алады. Бір автор тек бір номинацияға қатысады. Байқауға қазақ тіліндегі жұмыстар ғана қабылданады және бұрын-соңды жарияланған шығарма қабылданбайды. Ұсынылатын жұмыстардың тақырыбына шектеу қойылмайды. Байқауға келіп түскен жұмыстар байқау комиссиясымен 10-20 тамыз аралығында қаралады.Жеңімпаздарды марапаттау рәсімі 31 тамызға дейін өткізілмек және әр номинация бойынша жеңімпаздар «Ұлы дала» республикалық шығармашылық байқауына қатысуға тікелей жолдама алады.Ескерту, байқауға қатысу үшін «Проза» номинациясына 25, «Поэзия» номинациясына 15, «Балаларға арналған шығарма» номинациясына 15 беттен аспайтын жұмыстар қабылданады. Олар А4 форматында, Times New Rоman қарпімен, 14 мөлшерде,1,0 аралықта терілуі керек және материалдар бүркеншік атпен партияның аймақтық филиалының kyzylorda@amanatpartiasy.kz электрондық мекенжайына жолданады.Байқаудың толық ережесімен партияның облыстық филиалының Amanat Қызылорда облысы, amanatkyzylorda атты әлеуметтік желілердегі ресми парақшаларынан таныса аласыздар.

"Ұлы дала" шығармашылық байқауына құжат қабылдау басталды

<a href="https://kyzylorda-news.kz/">Kyzylorda-news.kz</a> Әрине, демалысқа жиналғанда, бәріміз ең алдымен тынығуды және өмір бойы жылылықпен еске алатын ұмытылмас әсер алуды армандаймыз. Алайда, тиісті дайындықсыз демалыс қуанышты оқиға емес, нағыз азапқа айналуы мүмкін екенін ұмытпаған жөн. Мұндай жағдайға тап болмау үшін Fingramota.kz сізге жайлы әрі қауіпсіз саяхаттауға көмектесетін сенімді кеңестерді ұсынады.Құжаттарыңызды ретке келтіріңізСапарға шықпас бұрын құжаттардың бәрі дұрыс екеніне көз жеткізіңіз: төлқұжат, виза, билеттер, сақтандыру полисі, бронь. Барлық маңызды құжаттардың сапалы сканерленген көшірмелерін және фотосуреттерін жасап, оларды қауіпсіз бұлтты сақтау қоймасында (Google Drive, Dropbox, iCloud) сақтаңыз және өзіңізге электрондық пошта арқылы жіберіңіз. Сонымен қатар, интернет тұрақсыз елдерге немесе таулы аймақтарға, ашық теңізге белсенді демалысқа баратын болсаңыз, құжаттардың қағаз көшірмесін де дайындап алыңыз. Бұдан бөлек, бара жатқан еліңіздегі Қазақстанның елшілігі немесе консулдығының мекенжайы мен байланыс нөмірін алдын ала жазып алыңыз.Ақшаны дұрыс сақтаңызБұл жерде біз қаржыны дұрыс бөлуді айтып отырмыз: барлық ақша мен төлем карталарын бір сөмкеге салмаңыз. Нал ақшаны бірнеше бөлікке бөліп, қосымша картаңызды чемоданға салып қойыңыз. Тағы да сенімді әдіс – виртуалды карталарды пайдалану. Шетелге шықпас бұрын банкке сапар жайлы хабарлаңыз – бұл картаны шетелде бұғаттап тастау тәуекелін азайтады. Сондай-ақ, банк комиссиялары туралы – шетелде төлем жасағанда және ақша алғанда – алдын ала біліп алыңыз. Онлайн-банкинг арқылы қолма-қол ақша алу лимиттерін орнатыңыз және SMS-хабарлама қызметі мен операциялар лимиттерінің қосылғанына көз жеткізіңіз – бұл күдікті транзакциялардың алдын алады.Wi-Fi-ға мұқият қараңыз – әсіресе тегін желілергеКафе, әуежай және қонақүй желілері – хакерлер үшін таптырмас мүмкіндік. Ашық желілер арқылы олар сіздің құпиясөздеріңізді, банк деректеріңізді немесе құрылғыңызға қолжетімділік алып кетуі мүмкін. Сол себепті, тек саяхатта ғана емес, жалпы алғанда, ешқашан шифрланбаған қоғамдық Wi-Fi желілеріне (әсіресе әуежайда, қонақүйде немесе кафеде) VPN-сіз қосылмаңыз. Егер шұғыл түрде желіге қосылу қажет болса, оны тез арада жасап, банк картасы деректері мен құпиясөздер сияқты маңызды ақпаратты енгізбеңіз. Сондай-ақ барлық маңызды аккаунттарыңызға екі факторлы аутентификация орнатып алыңыз.Сақтандыруды ұмытпаңызМедициналық сақтандыру – бұл жай ғана формалдылық емес, өзге елде (және Қазақстанда да) қауіпсіздіктің кепілі. Әсіресе белсенді спортпен айналысатын болсаңыз немесе ыстық климатты елге барсаңыз, сақтандыру полисін алдын ала рәсімдеңіз. Ол тек медициналық көмекті ғана емес, багаж жоғалған жағдайда, рейс тоқтатылса немесе кешіктірілсе де көмектеседі. Егер сізбен бірге балалар саяхаттаса – сақтандыру тіпті маңыздырақ: климат ауысуы оларға әсер етуі мүмкін, ал сақтандыру арқылы қажетті ем мен көмекті тезірек аласыз. Сақтандыру рәсімдеу кезінде қандай тәуекелдер нақты қамтылғанын нақтылап алыңыз және сақтандыру компаниясының байланыс деректерін өзіңізбен бірге ұстаңыз.Тегін ірімшік тек қақпанда боладыБұл – қарапайым, бірақ әрқашан өзектілігін жоғалтпайтын шындық. Әуежайда, қонақүйде немесе көшеде орналасқан айырбастау пункттері көбінесе тиімсіз, тіпті алаяқтық болуы мүмкін. Ал егер сіз жергілікті тілді жақсы білмесеңіз, алдану қаупі екі есе артады. Сондықтан валюта бағамдарын тек ресми көздерден алдын ала біліп алыңыз. Достарыңыз бен туыстарыңыздың арасында сізге түсінуге көмектесетін адам табылуы мүмкін екенін де ескеріңіз.Бюджетіңізді алдын ала жоспарлаңызСаяхатта түрлі қызықты ұсыныстарға қарсы тұру қиын: экскурсиялар, естелік сыйлықтар, балаларға арналған ойын-сауық. Демалыста өзіңізден бәрін аямай-ақ қойыңыз, бірақ негізгі шығындарды алдын ала есептеп, нақты бюджет құрыңыз. Транспорт, тамақ, экскурсия, кәдесыйлар және күтпеген шығындарға арналған қосымша 10–15% көлемінде қаражат қарастырыңыз. Қандай мұқият жоспар құрсаңыз да, түрлі күтпеген жағдайлар болып қалуы мүмкін. Бюджеттен аспау және ештеңені ұмытпау үшін CoinKeeper, Zen-Money, Monefy немесе TravelSpend сияқты қаржы бақылау қосымшаларын қолданыңыз.Балалардың цифрлық қауіпсіздігін қамтамасыз етіңізБалалармен саяхатқа шықсаңыз – олардың құрылғыларында ата-аналық бақылауды орнатып, белгісіз сайттар мен қосымшаларға кіруді шектеу маңызды. Балалар көбінесе тегін ойындар немесе қосымшаларды жүктеп алып, ата-аналарының банк картасы деректерін енгізіп, алаяқтардың құрбанына айналады. Мұндай жағдайдың алдын алу үшін лимиті бар виртуалды карталарды пайдаланыңыз және балаларды цифрлық қауіпсіздік негіздеріне үйретіңіз: құпиясөздерді ешкімге айтпау, күмәнді сілтемелерге өтпеу, құжаттардың суретін жібермеу.Ақпараттық гигиенаны сақтаңызСаяхат кезінде әсерлерімізбен бөліскіміз келеді: сурет салып, стористер жариялаймыз. Алайда сақ болыңыз: демалыста екеніңізді нақты уақыт режимінде көрсету арқылы үйіңіздің бос тұрғанын қаскүнемдерге жариялап жатырсыз. Орналасқан жеріңізді нақты көрсетпеңіз және билеттер мен құжаттардың суреттерін жарияламаңыз. Суреттерді кешігіп – бір-екі күннен кейін немесе локация ауыстырылған соң салған жөн.Қауіпсіз демалысты мұқият ұйымдастыру – бұл уақытты босқа шығындау емес, ең алдымен өзіңіз бен жақындарыңызға деген қамқорлық. Иә, дайындыққа уақыт кетеді, бірақ оның есесіне, көптен күткен демалыста барынша тынығып, барлық маңызды нәрселерді алдын ала ескергеніңізге көңіліңіз орнықты болады.<img src="https://knadmin.beoblood.kz/uploads/auipsiz_demalys_6a1837f9d6.png" alt="Қауіпсіз демалыс.png">Fingramota.kz-пен бірге қаржылық сауаттылығыңызды арттырыңыз!Фото: fingramota.kz

Қауіпсіз демалыс: пайдалы лайфхактар

<a href="https://kyzylorda-news.kz/">Kyzylorda-news.kz</a> Құрметті жерлестер, «AMANAT» партиясының бұқаралық ақпарат құралдары қызметкерлері күні қарсаңында өтетін «AMANAT медиа сыйлығы – 2025» республикалық байқауына өтінім қабылдау жұмыстарының аяқталуына санаулы күндер қалды.&nbsp;Ақпарат саласы өкілдерінің әлеуетін арттыруға бағытталған ашық конкурс Мемлекет басшысы Қасым-Жомарт Тоқаевтың реформалары, «Еңбек адамы», «Жұмысшы мамандықтары жылы», «Taza Qazaqstan», жастардың қоғамдағы рөлі және тағы басқа негізгі тақырыптарды қамтиды.«AMANAT медиа сыйлығы» бұқаралық ақпарат құралдарының жанрына қарамастан, тақырыптық бағыттар бойынша табысталады.Сонымен қатар «Алаш аманаты», Шерхан Мұртаза мен Камал Смайылов атындағы «Телевизия үздігі» және белсенді азаматтық ұстаным үшін арнайы жүлделер қарастырылған.Өтінімдер 23 мамыр мен 17 маусым аралығында қабылданады. Салтанатты марапаттау рәсімі маусым айының соңында, Бұқаралық ақпарат құралдары қызметкерлері күні қарсаңында өтеді. Жеңімпаздарға «AMANAT» медиа-премиясы, мүсінше және ақшалай сыйлықтар табысталады.Байқау жеңімпаздары екі бағыт бойынша он аталымда анықталады.&nbsp;Тақырыптар бойынша номинациялар:<ul><li style="text-align:justify;">«Еліміздегі реформалар туралы үздік материал»</li><li style="text-align:justify;">«Еңбек адамы туралы үздік материал»</li><li style="text-align:justify;">«Жастар туралы үздік материал»</li><li style="text-align:justify;">«Аймақ туралы үздік материал»</li><li style="text-align:justify;">«Партия жұмысы туралы үздік материал»</li><li style="text-align:justify;">«Taza Qazaqstan» – экология мен қоршаған ортаны сақтау туралы үздік материал»</li><li style="text-align:justify;">«ҚР Конституциясының 30 жылдығы туралы үздік материал»</li></ul>Арнайы сыйлықтар:&nbsp;<ul><li style="text-align:justify;">Шерхан Мұртаза және Қамал Смайылов атындағы «Телевизия үздігі» сыйлығы</li><li style="text-align:justify;">«Алаш аманаты» сыйлығы&nbsp;</li><li style="text-align:justify;">«Белсенді азаматтық ұстанымы үшін» сыйлығы</li></ul>Байланыс телефондары: 8-7172-70-76-25, 8-7172-70-76-28Электрондық пошта: <a href="mailto:media_premiya@amanatpartiasy.kz">media_premiya@amanatpartiasy.kz</a>Толық ақпаратты: amanatpartiasy.kz ресми сайтынан ала аласыздар

«AMANAT медиа сыйлығы – 2025»: Республикалық байқауға өтінім қабылдау жұмыстары аяқталуға жақын 

<a href="https://kyzylorda-news.kz/">Kyzylorda-news.kz</a> Бүгін Қызылорда облыстық мәслихат төрағасы Мұрат Тілеуімбетовтің төрағалығымен облыстық мәслихаттың XХІІІ сессиясы өтті.&nbsp;Оған облыс әкiмiнің бірінші орынбасары Данияр Жаналинов, облыстық мәслихат депутаттары мен облыстық басқарма басшылары қатысты.Күн тәртібінде бес мәселе көтерілді. Атап айтқанда, облыстық мәслихаттың «2025-2027 жылдарға арналған облыстық бюджет туралы» 2024 жылғы 9 желтоқсандағы № 130 шешіміне, «Қызылорда облыстық мәслихатының 2025 жылға арналған жұмыс жоспарын бекіту туралы» 2024 жылғы 9 желтоқсандағы №143 шешіміне өзгерістер енгізу, «Қызылорда қаласының аумағын көгалдандыру және абаттандыру», «Қызылорданың жасыл белдеуі» мемлекеттік-жекешелік әріптестік жобалары бойынша мемлекеттік міндеттемелер қабылдау, &nbsp;Қызылорда облысы бойынша тексеру комиссиясының мүшесі лауазымынан босату туралы мәселелер қаралды.Сессия алдында өткен тұрақты комиссиялардың бірлескен отырысында күн тәртібіне ұсынылған мәселелер егжей-тегжейлі талқыланған болатын. Соған сәйкес, депутаттардың ұсыныс-пікірлері ескеріліп, тиісті шешімдер қабылданды.

Облыстық мәслихаттың кезекті сессиясында күн тәртібіндегі бірқатар мәселелер қаралды

<a href="https://kyzylorda-news.kz/">Kyzylorda-news.kz</a>&nbsp; Президент жиналған қауымды Медицина қызметкері күнімен құттықтап, осы мерекеге орай дәрігерлермен Ақордада алғаш рет кездесіп отырғанын әрі бұл жиынның мән-мағынасы ерекше екенін атап өтті.<blockquote>– Халқымыз «Бірінші байлық – денсаулық» деп бекер айтпаған. Шын мәнінде, ұлт саулығы – еліміз үшін аса маңызды құндылық. Әлемнің «екінші ұстазы» – Әл-Фараби медицинаны өнер деп бағалаған. Расында, дәрігер болу – жүректің ісі. Бұл – екінің бірі аяқ баса бермейтін жүгі ауыр, күрделі жұмыс. Медицина қызметкерлері – ұлт саулығының сақшылары, ең қадірлі мамандық иелері. Әсіресе, жаһандық індет, яғни, ковид кезінде бүкіл ел дәрігерлердің адал қызметіне куә болды. Күрделі кезеңде медицина мамандары мыңдаған адамды құтқарып қалды. Біз абзал жандардың табанды еңбегін бағалаймыз. Олардың қайсарлығын мақтан тұтамыз. «Бір адамның өмірін құтқару барша адамзатты құтқарумен бірдей». Дәрігерлер ота кезінде, аурухана палатасында күн сайын ерлік жасайды десек, артық болмайды. Жедел жәрдем көлігінде адам өміріне араша түсетін сәттер болады. Сондықтан сіздер, құрметті медицина қызметкерлері, бейбіт күннің батырлары деген атқа лайықсыздар. Мен барша медицина мамандарына зор ризашылығымды білдіремін, – деді Мемлекет басшысы.</blockquote>Қасым-Жомарт Тоқаев қазақ дәрігерлері қай кезде болсын, ел мүддесін бәрінен биік қоя білгенін, ұлт қайраткерлері Халел Досмұхамедов пен Санжар Асфендияровтың белгілі дәрігер болғанын, олар халқымыздың азаттығы үшін де, саулығы үшін де аянбай күрескенін атап өтті. &nbsp;<blockquote>– Бүгінде еліміздің денсаулық сақтау саласында 380 мыңға жуық адам жұмыс істейді. Әр маманның еңбегі орасан зор. Ұлт саулығын сақтауға бүкіл өмірін арнаған тұтас әулеттер бар. Алматыдағы Джувашевтер әулетінен 13 адам медицина саласын таңдаған. Олардың жалпы еңбек өтілі – 375 жыл. Ал Атырау облысындағы Шанаевтар әулетінен 16 дәрігер шыққан. Мұндай еңбек династияларының ғибратты жолы – көпке үлгі-өнеге. Қазір ұлттық медицина саласы қарқынды дамып келе жатыр. Жетістіктеріміз аз емес. Елімізде орташа өмір сүру ұзақтығы 75,4 жасқа жетті. Ана мен бала өлімі шамамен 12 пайызға азайды. Бес жылда 800-ге жуық денсаулық сақтау нысаны, яғни, көптеген емхана мен аурухана салынды. Бұл жұмыс тоқтамайды, мемлекет алдағы уақытта да инфрақұрылымды дамыта береді. Ұлт саулығын жақсарту алғашқы медициналық көмектен басталады. Елімізде ауылдық жердегі медицина жүйесін жаңғыртуға арналған ұлттық жоба жүзеге асырылып жатыр. Бүгінде 469 ғимарат бой көтерді. Жыл соңына дейін тағы 186 нысан салынады. Аудандық ауруханалар заманға сай құралдармен жабдықталып жатыр, – деді Президент.</blockquote>Мемлекет басшысы елімізде медициналық туризм қарқынды түрде дамып келе жатқанын жеткізді. Жыл сайын 45 мемлекеттен шамамен 10 мың адам Қазақстанға емделу үшін арнайы келеді. Бұл еліміздегі дәрігерлік көмектің сапасы жоғары екенін көрсетеді.<blockquote>– Бүгінде көптеген ауруханаларымыз халықаралық аккредиттеуден өткен. Нейрохирургия мен Кардиохирургия ұлттық орталықтары әлемдік клиникалар деңгейінде жоғары технологиялы медициналық қызмет көрсетеді. Қазақстандық дәрігерлер жүрекке жыл сайын мыңдаған ашық операция жасайды. Емделушілердің қатарында тіпті, жаңа туған нәрестелер де бар. Елімізде органдарды трансплантациялау ісі жоспарлы түрде дамып келеді. Жуырда жүрек ауыстыруға арналған жүзінші ота сәтті өтті. Биыл алғаш рет бір мезетте үш адамға үш донордың бүйрегін тоғыспалы трансплантация тәсілімен салды. Өздеріне сәйкес келетін органдарды алу үшін пациенттер бір-біріне донор болды. Мұндай күрделі операциялар дүние жүзінде алты елде ғана жасалады. Онкологиялық ауруларды емдеуге сәуле терапиясының озық әдістері қолданылып жатыр. Былтырдан бері елімізде мүлде жаңа бағыт – фетальді медицина дами бастады. Яғни, бұл – ана құрсағындағы шаранаға операция жасау деген сөз. Мұндай бірегей медициналық көмек көптеген баланың дүниеге дені сау болып келуіне мүмкіндік сыйлайды. Сирек кездесетін сырқаты бар адамдарды емдеу мен денсаулығын жақсартуға ерекше мән берілуде. Мемлекеттің алдында мұндай науқастарды шетелдік қымбат дәрі-дәрмекпен қамтамасыз ету секілді күрделі міндет тұр. Осы орайда менің ұсынысым бойынша құрылған «Қазақстан халқына» қоры үлкен қолдау көрсетіп отыр, – деді Қасым-Жомарт Тоқаев.</blockquote>Мемлекет басшысы еліміздің фармацевтикалық өнеркәсіпті дамытуға айрықша назар аударатынын айтты.<blockquote>– Ірі халықаралық инвесторларды тарта отырып, стратегиялық сипат алған бұл саланы дамытуға күш салу маңызды. Алдағы уақытта медицина ғылымының әлеуетін толықтай игеру керек. Ол үшін қазірдің өзінде берік негіз бар. Ғалымдарымыз онкология, трансплантология, неонатология, генетика, биомедицина салаларында тың жаңалықтар ашты. Қан ауруларын емдеуге отандық препараттар қолданылып жатыр. Жасанды интеллект сырқаттарды анықтау мен емдеудің көкжиегін кеңейтеді. Аталған перспективті салада айтарлықтай серпіліс жасау қажет. Ядролық медицинаның мүмкіндігін де барынша пайдаланған жөн. Денсаулық сақтау жүйесін дамыту, ең алдымен, азаматтардың әл-ауқатын көтеруге бағытталған. Өйткені медицинаның деңгейі мен қолжетімділігі – елдегі өмір сапасының негізгі көрсеткіші, – деді Президент.</blockquote>Қасым-Жомарт Тоқаев медицина қызметкерлерін әлеуметтік тұрғыдан қолдау, олардың мәртебесін көтеру – мемлекеттің негізгі міндетінің бірі екеніне тоқталды.<blockquote>– Менің тапсырмаммен былтырдан бастап «Қазақстанның еңбек сіңірген дәрігері» атағы беріле бастады. Бұл – медицина қызметкерлеріне деген айрықша құрметтің белгісі. Соңғы 5 жылда денсаулық сақтау саласындағы жалақы екі есеге жуық өсті. Медицина кадрларын даярлайтын жоғары оқу орындары мен колледждердің шәкіртақысы көбейді. Жас мамандардың білікті дәрігерден тағылым алып, кәсібіне тез бейімделіп кетуіне барынша жағдай жасалуда. Жалпы, денсаулық сақтау ісіне бөлінетін қаржы жыл өткен сайын артып келе жатыр. Биыл оның көлемі 2,6 триллион теңгеге жетті. Мемлекет медицина қызметкерлеріне қолдау көрсете береді. Дәрігерді халықтың қамқоршысы деуге болады. Барша жұрт мұны терең түсініп, оларға әрдайым құрмет көрсетуге тиіс. Өкінішке қарай, қоғамда дәрігердің жұмысына кедергі жасап, тіпті, қоқан-лоқы көрсететін адамдар әлі де бар. Медицина қызметкерінің қауіпсіздігіне қатер төндіретін заңсыз әрекетке жол беруге болмайды. Қоғамдық тәртіпті бұзатын осындай адамдар міндетті түрде заң аясында жауапкершілікке тартылады. Заң мен тәртіп барлық жерде бірдей қатаң сақталуға тиіс. Біз сонда ғана Әділетті әрі Қауіпсіз Қазақстанды құра аламыз. Осы орайда медицина&nbsp;қызметкерінің рөлі айрықша, – деді Мемлекет басшысы.</blockquote>Президент дәрігерлердің еңбегі қашанда лайықты бағалануы керек екенін айтып, медицина майталмандарын мемлекеттік наградамен марапаттау туралы Жарлыққа қол қойғанын жеткізді.Жиында С.Асфендияров атындағы Қазақ ұлттық медицина университетінің кафедра меңгерушісі Құралбай Құрақбаев, еңбек ардагері Жексенбай Нысанов, «Ұлттық биотехнология орталығы» ЖШС филиалының зертхана меңгерушісі Екатерина Остапчук сөз сөйледі.

Мемлекет басшысы Қасым-Жомарт Тоқаев медицина саласы қызметкерлерін марапаттау рәсімінде сөз сөйледі

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы Қызылорда облыстық филиалының төрағасы Есмаханов Алмасбек Әбілқасымұлы партияның облыстық филиалында азаматтарды жеке мәселелері бойынша қоғамдық қабылдау өткізді.Қабылдауға келген азаматтар "Мерей" мөлтек ауданындағы жаяу жүргіншілер жолы нашар екенін, одан бөлек балалар ойын сауық алаңдарының тозығы жетіп ескіргенін, мөлтек ауданындағы №16 көпқабатты тұрғын ұй жертөлесінен шығып жатқан жағымсыз иістің барын тілге тиек етті. Сондай-ақ, қаладағы кәсіпкерлік нысандар дүкендер мен мейрамханалардағы атаулардың ағылшын және орыс тілінде жазылғанына наразы екендіктерін жеткізді.Одан бөлек, қабылдауға келген тұрғындар қылмыстық іс бойынша тергеу амалдары жайлы ұсыныстарын айтты. Жаңақорған ауданынан келген азаматтар Сунақ ата ауылындағы 20 тұрғынның жер үлестерін анықтай алмай жатқандығын айтып, мәселеге ықпал етуді сұрады. Құрылысшы азаматтар өздеріне тиеслі еңбек жалақыларының мердігер мекеменің төлемей жатқанынына наразылықтарын айтып шағымданды. Қабылдауға "Саяхат" мөлтек ауданынан келген тұрғын мөлтек ауданда кіші көлшік барын, оған қаладан үлкен жүк көліктері келіп қоқыс тастап, ауаны ластап жатқандықтарын айтты."Мерей" мөлтек ауданынның тұрғындары білдірген өтініштер сол ауданнан сайланған депутаттармен бірлесе отырып тиісті жұмыстар атқарылатыны түсіндірілді. Сунақ ата ауылындағы тұрғындар мәселесі бойынша Жаңақорған аудандық ауылшаруашылығы бөлімінің қызметкерімен ЗУМ арқылы бейне байланыс орнатылып, тұрғындар өтініші аудан әкімінің қарауына жолданатыны айтылды. Саяхат мөлтек ауданының тұрғынының және де еңбек дауына қатысты өтініштер бойынша заңға сәйкес партия филиалы атына жазбаша арыз жазу ұсынылды.Әрбір тұрғынның мәселесін мұқият тыңдаған филиал төрағасы әрбір мәселені тікелей бақылауына алып, нәтижелі жұмыс жасалатындығын жеткізді.&nbsp;

Өтініштер қараусыз қалмайды

<a href="https://kyzylorda-news.kz/">Kyzylorda-news.kz</a>&nbsp; Биыл Мемлекет басшысының Жарлығымен «Жұмысшы мамандықтарының» жылы болып жарияланды. Осыған орай, қалалық жастар орталығы «Жұмысшы мамандықтарды насихаттау» әлеуметтік жобасын іске қосты.Бұл туралы қала әкімдігінің баспасөз орталығында өткен баспасөз конференциясында қалалық жастар орталығының директоры&nbsp;Медет Жорабек толық ақпарат беріп өтті.<blockquote>– Бұл жобаның мақсаты – техникалық және кәсіптік саладағы талантты жастарды анықтау, сол саладағы жас мамандардың жеткен жетістіктеріне қарай қолдау көрсету, азаматтық белсендіктерін арттыру. Жоба аясында жетістікке жеткен жастардың еңбегін көрсетіп, еркін форматта пікір алмасу бойынша «JastarX» алаңдары құрылды. Келесі кезекте жас тігіншілер, аспаздар, дәнекерлеушілер, тас қалаушылар, электриктер секілді мамандық иелерінің арасында байқау ұйымдастыру жоспарлануда. Аталмыш байқауларға Қызылорда қаласының 16-34 жас аралығындағы азаматтары қатыса алады. Қатысушыларға орталық тарапынан барлық ресурстық көмек көрсетіледі. Қазіргі таңда қатысушыларды тіркеу жұмыстары басталды, - деді Медет Ерданаұлы.</blockquote>Әр байқау бағыты бойынша жеңімпаз атанған жасқа 150 000 теңгені құрайтын қаржылай сыйақы табысталады. Жеңімпаздар мен қатысушылар білікті кәсіби мамандардың және арнайы спикерлердің қатысуымен өтетін «Жұмысшы мамандықтар» форумында марапатталады.Қатысуға ниетті жастар 8 776 567 32 32 байланыс нөмірі арқылы немесе орталықтың әлеуметтік желідегі парақшасы (Qosyl Qyzylorda Jastar Ortalygy) арқылы қосымша ақпарат алуына болады.

Жұмысшы мамандықтар арасында байқау өтеді 

<a href="https://kyzylorda-news.kz/">Kyzylorda-news.kz</a> Кеше Қызылорда қаласындағы “Локомотив” стадионында футболдан әуесқой командалар арасында футболдан облыс чемпионатының ашылу салтанаты өткізілді. Бұл туралы Қызылорда облысының дене шынықтыру, спорт және туризм басқармасы хабарлады.Аладоп додасына өңірдің барлық аудандары атап айтқанда, Арал, Қазалы, Қармақшы, Жалағаш, Сырдария, Шиелі, Жаңақорған және Қызылорда қаласының командалары қатысып, бақ сынауда.Чемпионаттың басты мақсаты – бұқаралық спортты дамыту, өңір футболының деңгейін арттыру және жас таланттарды анықтау. Жарыс барысында әр команда жасыл алаңда өз шеберліктерін паш етіп, өзара мықтыны анықтайтын болады.Ашылу салтанатына Қызылорда облысының дене шынықтыру, спорт және туризм басқармасының бөлім басшысы Сағидат Талғатұлы мен Қызылорда облыстық футбол федерациясының президенті Болат Елеуұлы қатысып, қатысушыларға сәттілік тілеп, әділ әрі тартысты ойын болатынына сенім білдірді.Чемпионат 15 маусымға дейін жалғасып, финалдық ойындар арқылы жеңімпаз команда анықталатын болады. Жанкүйерлерге ерекше әсер сыйлайтын бұл дода – футбол сүйер қауым үшін үлкен мереке!Фото:&nbsp;Қызылорда облысының дене шынықтыру, спорт және туризм басқармасы

Футболдан әуесқой командалар арасында облыс чемпионаты басталды

<a href="https://kyzylorda-news.kz/">Kyzylorda-news.kz</a> Сыр өңірінің бас имамы Дастан Жанасұлы Қызылорда қаласы мен оған іргелес ауылдық елді мекендерде орналасқан мешіттерді аралады. Бұл туралы ҚМДБ-ның Қызылорда облысы бойынша өкілдігінің баспасөз қызметі хабарлады.Атап айтқанда, бас имам «Мүбарак», «Хазірет Әли», «Ыбрайым молда», «Ақмолда», «Қарауылтөбе», «Алдажар жәме» және «Сауранбай ата» мешіттерінде болып, жергілікті дін қызметкерлерімен кездесті.Сапар барысында Қазақстан мұсылмандары діни басқармасының жылдық жоспары аясында атқарылып жатқан жұмыстармен, мешіт кітапханаларындағы діни әдебиеттермен танысып, алдағы жұмыстарды пысықтады. &nbsp;Сонымен қатар, уағыз-насихат жұмыстарын жандандыру, жамағатпен тығыз қарым-қатынас орнату, түрлі форматтағы діни және рухани іс-шаралар ұйымдастырудың маңыздылығын атап өтті.Бұған қоса, мешіт ішіндегі тәртіпке мән беріп, ғимарат пен дәретханалардың тазалығын сақтау, абаттандыру, жөндеу жұмыстарын тұрақты жүргізу жөнінде нақты тапсырмалар жүктеді.Айта кетейік, бүгінде Қызылорда қаласы және оған қарасты ауылдарда орналасқан 24 мешіт халыққа рухани бағыт-бағдар беріп, ел игілігі үшін қызмет етіп келеді.Фото: Ақмешіт-Сырдария мешіті

Архив