<a href="https://kyzylorda-news.kz/">Kyzylorda-news.kz</a> Кеше Қызылорда облыстық Қазақстан халқы Ассамблеясы жанындағы Этномедиация орталығының ұйымдастыруымен облыстық көпбейінді аурухана ұжымымен кездесу өтті. Шараның негізгі мақсаты – қоғамдағы медиация мәдениетін қалыптастыру, этносаралық келісімді нығайту және дауларды бейбіт жолмен шешу тетіктерін насихаттау.Кездесудің алғы сөзін “Қоғамдық келісім” КММ бөлім басшысы Шахизат Абдраманова алып, ҚХА 30 жылдығы аясында этномедиация бағыты бойынша атқарылған жұмыстарға тоқталып өтті. Этномедиация орталығының төрағасы, кәсіби медиатор-психолог Жанна Мирамбекқызы қатысып, медиацияның құқықтық және психологиялық қырларына жан-жақты тоқталды. Ол отбасылық даулар, несие (займ) даулары, сондай-ақ бүгінгі күні өзекті мәселеге айналып отырған лудомания – құмар ойындарға тәуелділік тақырыптарында алдын алу шаралары мен тиімді шешу жолдарын ұсынды.Сонымен қатар, этномедиация орталығының медиаторы Зина Жаңбыршаева соттағы медиация тәртібі мен оның қоғамдағы маңызы туралы түсіндіріп өтті. Ал теолог, медиатор Бақтияр Оспанов Қызылорда өңіріндегі этносаралық татулық пен бірлік жайлы өз тәжірибесімен бөлісіп, нақты мысалдар келтірді.Кездесу барысында аурухана қызметкерлері көкейлеріндегі сұрақтарын қойып, медиация саласының практикалық маңыздылығын тереңірек ұғынды. Тараптар мұндай кездесулердің маңызын атап өтіп, алдағы уақытта да өзара ынтымақтастықты жалғастыруға ниет білдірді.

Қызылордада этномедиация мәселелері талқыланды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің студенттері XIII Жазғы Универсиадада жоғары нәтижелер көрсетіп, университет абыройын тағы бір мәрте асқақтатты.Әйелдер күресі бойынша бақ сынаған Зарина Мұрадасыл алтын медальға, ал Нұрбибі Улугбекова қола медальға ие болды. Бұл жетістік – спортшылардың қажырлы еңбегі мен жаттықтырушылардың жүйелі дайындығының нақты нәтижесі.Ауқымды спорттық додаға еліміздің 76 жоғары оқу орнынан 4000-нан астам студент қатысып, бірнеше спорт түрінен жарыстар өткізілуде.&nbsp;Жазғы Универсиада – жастар арасында салауатты өмір салтын насихаттауға, бұқаралық спортты дамытуға және спорттық мәдениетті қалыптастыруға бағытталған маңызды алаң.Қорқыт ата атындағы Қызылорда университеті студенттердің біліммен қатар спорт саласында да биік белестерді бағындыруына жан-жақты қолдау көрсетіп келеді.&nbsp;<img src="https://knadmin.beoblood.kz/uploads/Universitet_studentteri_zhe_is_t_yrynda_405ba28c47.jpg" alt="Университет студенттері – жеңіс тұғырында.jpg">

Университет студенттері – жеңіс тұғырында

<a href="https://kyzylorda-news.kz/">Kyzylorda-news.kz</a> &nbsp;Үндістанда ұшақ апатынан бір адам аман қалған, деп хабарлайды <a href="https://baq.kz/ushaq-apaty-bir-adam-tiri-tabyldy-200015330/">BAQ.KZ</a> тілшісі ANI агенттігінің X әлеуметтік желісіндегі мәліметіне сілтеме жасап.Хабарламада қазіргі уақытта бір адамның тірі табылғаны айтылған. Жолаушы Boeing 787-8 Dreamliner ұшағының сынықтары арасынан іздестіру жұмыстары кезінде табылған. Қазір ол ауруханаға жеткізілді. Оның денсаулығына қатысты қосымша ақпарат әзірге жарияланған жоқ.ANI агенттігінің хабарлауынша, Ахмедабад қаласының полиция комиссары Г.С. Малик аман қалған жолаушының ауруханаға жеткізілгенін растаған.Еске салайық, &nbsp;Үндістанның Ахмедабад қаласында 232 адамы бар жолаушылар ұшағы апатқа ұшырады.Алдын ала мәлімет бойынша, Air India әуе компаниясының Ахмедабадтан Лондонға бет алған Boeing 787 Dreamliner ұшағы әуеге көтерілгеннен кейін көп ұзамай апатқа ұшыраған.Фото: News18

Ұшақ апаты: Бір адам тірі табылды

<a href="https://kyzylorda-news.kz/">Kyzylorda-news.kz</a> Кеше облыстық дене шынықтыру, спорт және туризм басқармасының басшысы Бахтияр Ғарифоллаұлы еліміздің абыройын әлемдік аренада асқақтатып жүрген жерлесіміз, каратэден ересектер арасында Әлем және Азия чемпионы, ІІ дүркін «Grand Winner» жүлдесінің иегері Мөлдір Жаңбырбайды және оның жаттықтырушысы Нұржан Ақпанбетті арнайы қабылдады.Кездесу барысында басқарма басшысы жерлесіміздің қайталанбас жетістігімен шын жүректен құттықтап, алдағы спорттық жолына сәттілік тіледі. Сонымен қатар, тамыз айында өтетін каратэден Әлем ойындары мен қараша айында ұйымдастырылатын Әлем чемпионатын бағындырып, ел намысын абыроймен қорғап, жеңіске жетуіне сенім білдірді. Сондай-ақ, басқарма басшысы Мөлдір Жаңбырбай мен оның жаттықтырушысына қаржылай сыйақы табыстады.Өз кезегінде мақтанышымыз Мөлдір Жаңбырбай өз алғысын айтып, алдағы жарыстарда чемпион атану үшін бар күш-жігерін жұмсайтынын жеткізді.Айта кетейік, осы жылдың төрт жарысында 50 кг салмақ дәрежесінде ең көп ұпай жинаған жерлесіміз Мөлдір Жаңбырбай үздік спортшы атанып, әлемдік рейтингтің алдыңғы қатарына шыққан болатын.Фото: Қызылорда облысының дене шынықтыру, спорт және туризм басқармасы

Архив

Қызылордада этномедиация мәселелері талқыланды

Университет студенттері – жеңіс тұғырында

Ұшақ апаты: Бір адам тірі табылды

Басқарма басшысы каратэден Әлем чемпионы Мөлдір Жаңбырбайды қабылдады