<a href="https://kyzylorda-news.kz/">Kyzylorda-news.kz.</a> Қызылорда қаласында 2023 жылдың 1 мамырындағы жағдай бойынша статистикалық мәліметке сәйкес 351 246 адам тіркелген. Соның ішінде 32004-іы зейнеткер, 11060-ы мүгедектігі бар адамдар мен 5331-і атаулы әлеуметтік көмек алушылар. Бұл туралы Қызылорда қалалық жұмыспен қамту, әлеуметтік бағдарламалар және АХАТ бөлімі басшысы Кенжегүл Құрақбаева қалалық қоғамдық кеңесте айтты. Одан бөлек бөлім басшысы шаһар тұрғындарына көрсетіліп жатқан қызметтер туралы баяндама жасады.Жалпы Қызылорда қалалық жұмыспен қамту, әлеуметтік бағдарламалар және АХАТ бөлімі өзінің қызметін Қазақстан Республикасының Конституциясына, Заңдарына, Қазақстан Республикасының Президенті мен Үкіметінің актілеріне, облыс, қала әкімдігінің қаулыларына, ҚР Еңбек және халықты әлеуметтік қорғау министрлігінің бұйрықтары мен нұсқауларына және өзге де нормативтік құқықтық актілерге сәйкес жүзеге асырады. Соның ішінде бөлім тарапынан көрсетілетін мемлекеттік қызметтер негізінен халықты жұмыспен қамту және әлеуметтік қолдауға бағытталған. &nbsp;<blockquote>«Бүгінде бөлімде 28 мемлекеттік қызмет түрлері көрсетілуде, оның 13-і әлеуметтік төлемдер, 8-і азаматтық хал актілерін тіркеу, 6-ы жұмыспен қамту және 1-і көші-қон бағытында. Жыл басынан бері барлығы 53 104 мемлекеттік қызмет,оның ішінде 46 174-і «Электронды үкімет порталы» арқылы, 5026-ы «Азаматтарға арналған үкімет» мемлекеттік корпорациясы арқылы, 1904-і бөлім арқылы жүзеге асырылды. Яғни, көрсетілген қызметтердің 92,5 пайызы «Электронды үкімет порталы» арқылы көрсетілуде. Бөлімде мемлекеттік қызмет көрсетудің сапасын, қолжетімділігін арттыру және Электронды Үкімет Порталының (egov.kz) арқылы тиімділігін насихаттау мақсатында «Электронды қызмет көрсету бұрышы» жұмыс істеуде. Барлық көрсетілетін мемлекеттік қызметтердің стандарттары мен қағидалары қағаз түрінде осы аталған бұрышта ілінген және халыққа қолайлы жағдай жасалынып, әсіресе мүгедектігі бар адамдарға ХҚКО-ның келісімі бойынша жауапты маманы қызмет көрсетуде», − дейді бөлім басшысы Кенжегүл Құрақбайқызы.</blockquote>Көрсетілетін мемлекеттік қызметтер бойынша қаладағы 32004 зейнеткердің ішінде 1828 Ұлы Отан Соғысы және оларға теңестірілген ардагерлерге бір жолғы әлеуметтік көмекке қалалық және облыстық бюджеттен әлеуметтік көмек тағайындалып төленеді екен. Жалпы мемлекеттік атаулы әлеуметтік көмекке 2 397 074,0 мың теңге қаржы бөлініп, 5 331 отбасына, яғни 26775 адамға 1 169 356,2 мың теңге атаулы әлеуметтік көмек тағайындалып, 4941 отбасы немесе 24847 адамға 951 115,2 мың теңге төленген.Осы мемлекеттік атаулы әлеуметтік көмек алушы отбасыларының бір жастан алты жасты қоса алғанға дейінгі 5499 баласына қосымша төлемге 1,5 айлық есептік көрсеткіш мөлшерінде 341 599,0 мың теңге бөлініп, 7517 балаға 113115,2 мың теңге игерілген. Сондай-ақ, орта білім беру ұйымдарында оқитын алтыдан он сегіз жасқа дейінгі балалары бар мемлекеттік атаулы әлеуметтік көмек алушылар қатарындағы табысы аз отбасылардың 6800 баласына жолда жүру ақысына 187 680,0 мың теңге бөлініп, 6970 балаға 63107,8 мың теңге төленген.Ал тұрғын үй көмегін көрсетуге 2023 жылға жергілікті бюджет есебінен 65 146,0 мың теңге бөлініп, 01.05.2023 жылға 1412 отбасына 20 294,2 мың теңге тағайындалып, 1005 отбасына 15856,8 мың теңге төленді.<blockquote>«Құрмет» атағы бар 5 азаматқа 393,0 мың теңге қаралып, 98,4 мың теңге игерілді. Үйі өртенген азаматтарға материалдық көмекке 20 отбасына 10 350,0 мың теңге қаралып, 6 отбасына 3105,0 мың теңгесі игерілді. Ал туберкулезден емделудің сүйемелдеу сатысындағы азаматтарға қосымша тамақтануға берілген әлеуметтік көмекке 320 адамға 132 480,0 мың теңге қаралып, 399 адамға &nbsp;41745,0 мың теңге төленді. Лейкоз ауруымен ауыратын балаларға әлеуметтік көмек ретінде 23 адамға 7 552,0 мың теңге қаралып, 23 адамға 2412,1 мың теңге төленді. АИТВ-инфекция диагнозы бар диспансерлік есепте тұрған балалардың ата-аналарына берілетін әлеуметтік төлем 1 балаға 974,0 мың теңге деп қаралып, 324,9 мың теңгесі төленді», − дейді бөлім басшысы.</blockquote>Қызылорда қаласы бойынша жалпы мүгедектігі бар адамдар саны 11 060 адам болса, соның ішінде 1 топ - 1 255, 2 топ – 3 301, 3 топ - 3300 және 3204-і мүгедектігі бар балалар екен. Мүгедектігі бар адамдардың құқықтарын қамтамасыз ету және өмір сүру сапасын жақсартуға, қоғамдық-экономикалық өміріне толыққанды интеграциялу үшін 2025 жылға дейінгі бекітілген Ұлттық жоспар негізінде «Әлеуметтік қызметтер» порталы арқылы өтінім берген 8781 адамның жеке оңалту бағдарламасына сәйкес жыл басынан бері гигиеналық және арнаулы жүріп-тұру құралдармен қала және қалаға қарасты ауылдық округтерде тұратын мүгедектігі бар адамдардың 6470-і қамтылып, орындалуы 73,7 пайызды құраған.Нақты айтқанда, жүріп-тұруы қиын бірінші топ мүгедектерін 930 жеке көмекшілердің қызметімен қамтуға 1 305 657,0 мың теңге бөлініп, 1005 жеке көмекшіге 265 896,3 мың теңге игерілген. Ал 160 есту кемістігі бар мүгедектігі бар азаматтарға 17 ымдау тілі маманының қызметімен қамтуға 69 485,0 мың теңге бөлініп, 182 есту кемістігі бар мүгедектігі бар адамдарға 17 ымдау тілі маманының қызметіне 16 928,0 мың теңге төленген.Облыстық статистика департаментінің мәліметі бойынша 2022 жылдың қорытындысымен Қызылорда қаласында экономикалық белсенді халық саны 147886 адамды құрап, жұмыссыздық деңгейі &nbsp;қалада 4,7 пайыз, облыста 4,9 пайыз болып тіркелген. 2023 жылы қала бойынша 11624 жаңа жұмыс орындарын құру жоспарланып, 01 мамырдың өзінде 5577 жаңа жұмыс орны құрылған. Оның 1456-ы тұрақты жұмыс орны.&nbsp;2023 жылдың 1 мамырына қалалық жұмыспен қамту орталығына жұмыс іздеуші ретінде хабарласқан азаматтардың саны 10916, оның ішінде жұмысқа орналасқан азаматтар – 8820, тұрақты жұмысқа орналасқаны – 1282, яғни жұмысқа орналасқандар қатарынан тұрақты жұмысқа орналасқандар үлесі 14,5 пайызды құраған екен. Есепті кезеңнің соңына тіркелген жұмыссыздар саны – 7416, уәкілетті органға тіркелген жұмыссыздық деңгейі 5,0 пайыз болып тіркелген.Биыл Қызылорда қаласында қысқа мерзімді кәсіптік оқыту үшін 541 адамға 150 203,0 мың теңге қаражат бөлінген. Ал кәсіби біліктіліктерін тануға 16 адамға 828,0 мың теңге қаражат бөлінсе, жаңа бизнес идеяларды іске асыруға мемлекеттік гранттар беруге 380 адамға &nbsp;524 400,0 мың теңге қаражат бөлінген.Сонымен қатар жастарға жеңілдетілген 2,5 пайыздық микрокредит беру бойынша комиссия отырысында сенімді өкілдің іріктеуінен өткен, Қызылорда қаласынан кепілдік мүлікпен қамтамасыз етілген құны 110,1 млн. теңгені құрайтын 23 өтінім мақұлданған. 2023 жылғы 1-лек бойынша 94 адамның мемлекеттік грант алуға бизнес жобасы комиссиямен құпталып, оның ішінде 1 адам өз еркімен бас тартып, 129720,0 мың теңге игерілген.Қаладағы қоғамдық жұмыстарға 2185 адамға 1 808 837,0 мың теңге бөлініп, мекемемен (344-і жеке сектор) келісім шарт жасалынып, қызметке 2687 адам жолданған. Оның ішінде 113 адам жұмысын аяқтаса, 32-і тұрақты жұмысқа орналасқан. Ал әлеуметтік жұмыс орындарына 289 адамға 239 292,0 мың теңге қаржы бөлініп, 75 мекемемен келісім шарт жасалынып, 165 адам жолданып, 9 адам жұмысын аяқтап, 5-і тұрақты жұмысқа орналасқан.&nbsp;«Жастар тәжірибесіне» 1543 адамға 1 916 406,0 мың теңге бөлініп, 232 мекемеменкелісім шарт жасалынып, 358 жас маман жолданып, мерзімінен бұрын 14 адам жұмысын аяқтап, екі адам тұрақты жұмыспен қамтылған. Ал «Алғашқы жұмыс орны» жобасына 234 жас маманға 290819,0 мың теңге бөлініп, 25 мекемемен келісім шарт жасалынып, 29 адам жолданған.Сонымен қатар «Ұрпақтар келісімшарты» жобасына жергілікті бюджеттен 4 адамға 2 484,0 мың теңге бөлінсе, «Күміс жас» жобасына облыстық бюджеттен 281 адамға 244 052,0 мың теңге бөлінген. Оған 656 мекемемен &nbsp;келісім шарт жасалынып, 699 адам жолданған. Қазіргі таңда 17 адам жұмысын аяқтап, 74183,0 мың теңге игерілген.<blockquote>«Жұмысқа тартудың белсенді түрлерінің бірі – бос орындар жәрмеңкесі. Қалада ай сайын бос жұмыс орындары жәрмеңкесін өткізу жұмыссыздарға жұмыс берушілермен кездесуге мүмкіндік береді. Ағымдағы жылы 6 рет «Бос жұмыс орындары» жәрмеңкесі ұйымдастырылып, 162 мекемеден жұмыс берушілері мен қадр қызметкерлері қатысып, 2454 бос жұмыс орындарына сұраныстар ұсынды. Өткізілген «Бос жұмыс орындары» жәрмеңке нәтижесімен 78 адам тұрақты жұмысқа тұрып, 491-і кеңес алды», - дейді Кенжегүл Құрақбаева.</blockquote>Бөлімде азаматтық хал актілерін тіркеудің 8 түрі бойынша мемлекеттік қызмет көрсетіледі. Нәтижесінде &nbsp;2023 жылдың 1 мамырына 6026 акт тіркелген. Сонымен қатар, есепті мерзім аралығында «Азаматтарға арналған үкімет» мемлекеттік корпорациясы Қызылорда қаласы бойынша ХҚКО департаменті арқылы &nbsp;– 1051, «Электронды үкімет» веб-порталы арқылы – 4692, АХАТ секторы арқылы – 283 азаматтық хал актілерін тіркеуге байланысты өтініштер түсіп, олар өз мерзімдерінде орындалған.Мемлекет басшысының нұсқауына сәйкес цифрлық мемлекетке көшу бойынша бір қатар жұмыстар жүргізуде, оның ішінде мемлекеттік қызметтерді электрондық нұсқада көрсету сапасын жақсарту бағытындағы іс-шаралар жоспары бекітілген. Жоспарды орындау мақсатында «Азаматтарға арналған үкімет» Мемлекеттік корпорациясы» (ХҚКО) коммерциялық емес акционерлік қоғамы мен бөлім қызметкерлері арасында көрсетілетін мемлекеттік қызметтер бойынша дөңгелек үстелдер мен ашық есік күндері ай сайын өткізілуде. Өткізілген шарада жүгінген халықтың цифрлық &nbsp;сауаттылығын арттыру мақсатында тұрақты түрде мемлекеттік қызметтерді электрондық цифрлік қолтаңбамен алу тәсілдері түсіндірілуде.&nbsp;<blockquote>«Бөлімдегі өзін-өзіне қызмет көрсету бұрышы да техникалық құралдармен толық қамтамасыз етіліп, баннерлер орналастырылып, барлық қызметтер бойынша брошюралар қойылған. Сонымен қатар бекітілген жоспар бойынша &nbsp;көрсетілетін мемлекеттік қызметтер бағытында облыстық телеарнада тікелей эфирде – 2 рет, әлеуметтік желілер арқылы тікелей эфирде, мемлекеттік қызмет істері агентігімен бірлесіп «Aray City Mall» сауда ойын-сауық орталығында, сыбайлас жемқорлық қарсы іс-қимыл агентігімен ХҚКО-да, «AMANAT» партиясының облыстық және қалалық филиалында, Кәсіпкерлерге қызмет көрсету орталығында, Жастар ресурстық орталығында және бөлімнің күту залдарында ашық есік күндерін өткізіп, тұрғындар сұрағына жауаптар беріліп, кері байланыс орнатылуда. Бөлім тарапынан халыққа мемлекеттік қызмет көрсету бағытында атқарылатын жұмыстар өз жалғасын табатын болады», − дейді бөлім басшысы. &nbsp;</blockquote>

Қызылорда қаласында қандай мемлекеттік қызметтер көрсетілуде?

<a href="https://kyzylorda-news.kz/">Kyzylorda-news.kz.</a> Соңғы қоңырау салтанаты қашан да толқынысты сәтке толы. Әсіресе бұл – мектеп түлектерінің мәңгі жадында сақталатын сәт. «Тарыдай болып кіріп, таудай болып шыққан» мектеппен қоштасу қашанда тебіреніске толы. Бейсенбі күні ауданға қарасты барлық мектепте соңғы қоңырау соғылып, 959 түлек қияға қанат қақты. Еңбекшідегі №159 орта мектебінің соңғы қоңырау салтанатына біз де қатысып, тамаша шараның куәсі болдық.Тағы бір оқу жылын аяқтадық. Ақ бантик таққан арулар мен ақ жейделі ұлдар салтанатты шараның шырайын ашты. Мектеп ауласында мерекелік көңіл-күй сезілгенімен, түлектер мен ұстаздардың, ата-аналардың жүзінен әлдебір қимастықтың лебі ескені байқалады. Бұл жолғы қоңыраудың қоңыр үні олардың есінде мәңгі сақталары сөзсіз.№159 орта мектебін тәмамдағалы отырған түлектердің соңғы қоңырау салтанатында мектеп директоры Ерсаид Жүсіп құттықтау сөз сөйледі.<blockquote>«Құрметті мектеп бітіруші түлектер, ата-аналар, ұлағатты ұстаздар! Бүгін барлығымыз үшін ең бір аяулы күн, ерекше мереке. Қазір ауданымыздың 37 мектебінде соңғы қоңырау соғылып, түлектер оқуын аяқтап, баянды болашаққа қадам басқалы тұр. Бұл – әрбір түлек және оның ата-анасы мен 11 жыл бойы көз майын тауысып тәрбиелеген ұстаздар үшін ерекше толқулы сәт. Осындай керемет сәтте біз сол ұстаздар қауымына мың да бір алғыс айтсақ артық емес. Нағыз ұстаз қиындыққа мойымай, әр баланы оқытып, тоқытып, «сол білсін, өссін, өнсін» деп тыным таппайды. Сондықтан да бүгінгі мектеп бітіріп отырған аяулы жас түлек, сендер сол ұстаздардың еңбегін ақтауға тиіссіздер. Жақсы мамандық иесі атанып, өңіріміздің, республикамыздың дамуына үлестерін қосса екен дейміз. Ұстаздар мен ата-аналардың үмітін, мемлекеттің жас ұрпаққа құйған инвестициясын ақтау – парыз. Сондықтан қымбатты жас түлек, Қазақстанның болашағы – өздеріңіздің қолдарыңызда. Жаңа Қазақстанға жаңа буын, жаңа көшбасшылар керек. Сол жаңа буын – сіздерсіздер», – деді мектеп директоры.</blockquote>2022-2023 жылғы оқу жылын барлығы 327 оқушы аяқтап отыр. 43 оқушы 9-сыныпты, 14 оқушы 11-сыныпты бітірген. 9-сыныпта 9 оқушы үздік аттестатқа үміткер. Жалпы облыс бойынша биылғы оқу жылында 8210 түлек мектеп бітірген. Ал 15 546 оқушы 9-сыныпты тәмамдаған. Білім ұясымен қоштасқан түлектердің 537-сі «Алтын белгіге» үміткер болса, үздіс аттестатқа 915-і үміткер.<blockquote>«Шынымды айтсам, ерекше толқып тұрмын. Бүгін сүт кенжем мектеп бітіріп жатыр. Кеше ғана тұлымшағы желбіреп, жүгіріп жүрген кішкентайым еді. Уақыт деген қандай жүйрік! Көзді ашып-жұмғанша 11 жыл өте шықты. Алдағы сынақтан сүрінбей өтіп, қайда жүрсе де, жолы болса екен», – дейді ата-ана Гүлбану Айдарова.</blockquote>Әрине, біз де іштей ана тілегі қабыл болсын дедік. Соңғы қоңырау салтанаты мектеп оқушыларының концерттік бағдарламасына ұласып, қоңырау соғу рәсімімен және мектеп түлектерінің вальсімен аяқталды.Мектеп бітірушілер бұдан кейін қоңырау олар үшін соғылмайтынын, мектеп партасына қайтып отырмайтынын білсе де, соның бәрін көкірегінің бір түкпіріне түйілген сырлы сағынышқа айналдырып кете бармақ. Ұстаздар он бір жыл бойы тәрбиесін шыңдаған, білімін жетілдіріп, қанаттандырған өрендерінің өздерін ешқашан ұмытпайтынына бек сенімді. Өйткені бұл қайта айналып қайырыла бергің келетін, жыл сайын соңғы қоңырау соғылар күні жүрегің шымырлап, мектеп партасына жаңа отырған бала шәкірттей тебіренетін күн болып қала бермек. Сәт сапар, жас түлек!

Шиеліде 959 түлек мектеп бітірді

<a href="https://kyzylorda-news.kz/">Kyzylorda-news.kz.</a> Жыр – қазақтың төл өнері. Бұл – ғасырлар асуынан асып, күні бүгінге дейін өз жалғасын тауып келеді. «Сыр елі – жыр елі» демекші, сыр жұртшылығы да жыршылық өнерден кен де емес. Оған талай додада бәйге алған жыршылармен әр жыл сайын өткізіліп отыратын байқаулар дәлел. Соны бір парасы жуырда Жақаев ауылдық мәдениет үйінде көрініс тапты.Жақаев ауылдық мәдениет үйінде аты аңызға айналған ақын-жырау, дәулескер күйші Жәнібек ханның кеңесшісі болған Асан қайғының есімін ұлықтау, өнегелі өмір жолын кейінгі ұрпаққа кеңінен насихаттау және де «Дала данышпаны» атанған тарихи тұлғаның рухани мұраларын Сыр сүлейлерінің мақам-саздары арқылы кейінгі ұрпаққа паш ету, жас жыршылардың жыр қорын байыту, сондай-ақ талантты жастардың танылуына жол ашу мақсатында «Тарихта жыры қалған Асан қайғы» атты облыстық жыршылар байқауы өтті.Аталған байқауға сөз маржанын жырмен жеткізе білетін әр өңірден келген он өнерпаз қатысты. Жыр додасына облыстық халық шығармашылығын дамыту және мәдени-продюсерлік орталығының «Дәстүрлі өнер» бөлімінің меңгерушісі, жыршы-жырау Майра Сәрсенбаева, «Мәдениет саласының үздігі» төсбелгісінің иегері Ақмарал Ноғайбаева және әнші-жыршы Нұртілек Ақтаев қазылық етті. Дүбірлі дода екі кезеңнен тұрды. Бірінші кезеңде жыршылар Асан қайғының кез келген шығармасы немесе арнау жырын орындаса, екінші кезеңде тарихи, батырлық дастандардан үзінді орындады.&nbsp;Байқауды бірінші болып Шиелі ауданының өнерпазы Мұхамедәлі Бекпейісов бастады. Сайысты одан әрі Қызылордалық жыршы Бексұлтан Орынбасар жалғастырды. Осылайша, байқауға қатысушы барлық өнерпаз төл өнердің туын көтеріп, өзара додаға түсті. Тартысқа толы байқауда жүзден жүйрік, мыңнан тұлпар атқанғандар сайыс алаңын қыздарды. Нәтижесінде, қазылар алқасының шешімімен бас жүлдені қызылорда қаласынан келген Бексұлтан Орынбасар жеңіп алса, І орынды қызылордалық Болатбек Әлижан мен жаңақорғандық Әсем Мәжит иемденді. Ал ІІ орынға Шиелі ауданының атынан қатысқан Мұхамедәлі Бекпейіс пен қызылордалық Аяулым Абдумажит жайғасты. ІІІ орын Аңсаған Ділдәбекқызы мен Қарақат Әпдікәрімге бұйырды.&nbsp;Байқауға қатысқан барлық өнерпаздарға арнайы сый-сияпат пен дипломдар табыс етілді.

Шиеліде дала данышпаны ұлықталды

<a href="https://kyzylorda-news.kz/ru">Kyzylorda-news.kz.</a>&nbsp; Мемлекет басшысы Қасым Жомарт Кемелұлы Тоқаевтың 2022 жылғы «Әділетті мемлекет. Біртұтас ұлт. Берекелі қоғам» атты жолдауында балалардың заманауи оқу ордаларында білім алуы үшін «Жайлы мектеп» ұлттық жобасы қолға алынғанын айтып, өңірлерде 2025 жылға дейін жаңа мектептер салу туралы тапсырған болатын.&nbsp;Осы орайда, бүгін Ұлттық жобаны іске асыру және өңірлік даму жөніндегі Басқарма төрағасының орынбасары А. Саттаров, департаменттің Құрылыс бөлімінің өңірлік жоба жетекшісі Е. Қонақбаев және департаменттің Жобалау бөлімінің топ жетекшісі Ә. Хами Арал ауданында іссапармен болып, аталған жоба аясында салынатын мектептертің құрылысы жоспарланған аймақпен танысты.Аудан әкімі Серік Сермағамбетов басқарма өкілдеріне биылғы жылы құрылысы жүргізілетін мектептердің жер учаскелерін көрсетіп, белгіленген аумаққа инфрақұрылым тарту бойынша жасалып жатқан жұмыстарды баяндады.&nbsp;Айта кетейік, ауданымызда 2023-2024 жылдары аралығында «Жайлы мектеп» бағдарламасы шеңберінде Арал қаласында – 2 мектеп, Сексеуіл кентінде – 1, Жақсықылыш кентінде – 1 мектеп салынатын болады. Бұдан өзге, 2025 жылға дейін өңірімізде 10 жаңа оқу ордасы пайдаланылуға беріледі деп жоспарлануда.Жайлы мектептің басқа мектептерден ерекшелігі – бірыңғай құрылыс стандартын сақтай отырып балалардың қауіпсіздігін қамтамасыз ете алатын, пәндік бөлмелер мен зертханалары толық жабдықталған, 1-4 және 5-11 сынып оқушылары үшін бөлек оқу аумағы мен спорт залы бар, ерекше білім беру қажеттілігі бар балалар үшін тиісті жағдай жасалған оқу орны болмақ.

«Жайлы мектептің» жайы таныстырылды

<a href="https://kyzylorda-news.kz/">Kyzylorda-news.kz.</a> Елімізде көлеңкелі экономиканы қысқарту, әлеуметтік саясатты жетілдіру, Мемлекеттік кірістер органдарының қызметін ақпараттандыру мақсатында 2023 жылдың І жартыжылдығына арналған Жол картасы аясында Салық саласындағы өзгерістер мен жаңашылдықтарға байланысты Басқарманың бөлім басшылары А.Кайрбаев, Ж.Табынбай Кәукей ауылының тұрғындарымен кездесті.Басқарма басшысымен 2023 жылдың 23 мамырында бекітілген ауданның елді мекендерін аралау кестесі аясында өткізілген кездесу барысында ауыл тұрғындарына жалпы салық түсінігі, салық саясаты, салық мәдениеті тақырыптарында, оның ішінде Жалпыға бірдей декларациялау, Жеке тұлғаның банкроттығы, Мемлекеттік кірістер саласындағы жобалар мен акциялар, қолданысқа енгізіліп жатқан мобильді қосымшалар және сыбайлас жемқорлыққа қарсы күрес тақырыбында ақпараттандыру жүргізілді.Сонымен қатар, белсенділік танытқан ауыл тұрғындарының толғандырған сұрақтарына, толыққанды жауаптар берілді.Аталған жұмыстар жалғасын тауып, ауданда орналасқан барлық елді мекендер қамтылатындығын және мәжіліс аудан орталығында қорытындыланатындығын назарлыңызға жеткізеді.

Жол картасы аясындағы кездесу шалғайдағы Қызылқұмда басталды

<a href="https://kyzylorda-news.kz/">Kyzylorda-news.kz.</a> 2019 жылдан бастап жыл сайын 7 маусымда Дүниежүзілік азық-түлік қауіпсіздігі күні атап өтіледі.&nbsp;Мақсаты – әлемдегі кейбір жерлердегі аштық мәселесі ғана емес сонымен қатар салауатты өмір салты қағидаттарына қол жеткізу, оның ішінде тамақ өнімдерінің қауіпсіздігін қамтамасыз ету.Тамақтан тарайтын аурулар ғаламдық сипатқа ие, олардан барлық жастағы адамдар, әсіресе 5 жасқа дейінгі балалар және табысы төмен елдерде тұратын адамдар зардап шегеді.<blockquote>«Қызылорда облысының санитариялық-эпидемиологиялық бақылау департаменті және оның аумақтық бөлімшелері өз кезегінде Қазақстан Республикасының қолданыстағы заңнамасы шеңберінде облыс аумағында өткізілетін тамақ өнімдерінің қауіпсіздігін бақылауды және қадағалауды жүзеге асырады. 1-10 маусым аралығында республика көлемінде дүниежүзілік азық-түлік қауіпсіздігі күніне орай онкүндік өткізіледі. Біздің облыста алғашқы іс-шара қаладағы «Сыбаға» базарында ұйымдастырылды. Тамақтан уланудың алдын алу, қауіпсіз тағам таңдау бойынша түсіндірме жұмыстары жүргізіліп, үнпарақтар таратылды.Бұдан бөлек, кез-келген тұрғын акция аясында өзі сатып алған көкөніс пен жеміс-жидектерді нитратқа тегін түрде тексерте алады. Дәл осындай іс-шара алдағы 01-08 маусым аралығында қаладағы бірқатар сауда орындарында жүргізілетін болады», − дейді Қызылорда облыстық санитарлық-эпидемиологиялық бақылау департаментінің басшысы Динара Жанабергенова.</blockquote>Халықтың тамақтану жағдайы, азық-түлік шикізаты мен тамақ өнімдерінің сапасы мен қауіпсіздігі халық денсаулығын сақтау және нығайту үшін аса маңызды факторлар болып табылады.Қазіргі қоғам дұрыс тамақтануға ерекше назар аудара бастады, оның құрамдас бөлігі азық-түлік қауіпсіздігі – биологиялық, химиялық және радиациялық. Тамақ өнімдерінің қауіпсіздігі – бұл адамға және болашақ ұрпаққа зиянды әсер етумен байланысты жол берілмейтін қатердің жоқ екендігін куәландыратын тамақ өнімдерінің жай-күйі.Тамақ өнімдерінде ластаушы заттардың болу факторларына байланысты адамға зиянды әсер етеді, олар: радионуклидтер, токсиндер, адам өмірі мен денсаулығына қауіп төндіретін патогендік микроорганизмдер болуы мүмкін.Департамент басшысының айтуынша, қазіргі уақытта тамақ контаминанттарына химиялық (уытты элементтер, пестицидтер, нитрозоаминдер, полихлорланған бифенилдер және т. б.), биологиялық (зеңді микроскопиялық саңырауқұлақтар мен микотоксиндер, бактериялар мен бактериялық уыттар, ашытқы, теңіз өнімдерінің уыттары және т. б.) және физикалық сипаттағы заттардың жеткілікті үлкен спектрі жатады, бұл ретте микробиологиялық тәуекелдер бірінші орындардың біріне шығады екен.Сонымен қатар тамақ өнеркәсібінде жаңа технологияларды әзірлеу және енгізу тамақтанумен байланысты жаңа қауіптерді тудыруы мүмкін екенін есте ұстаған жөн.Осылайша, тамақ өнімдерінің қауіпсіздігі оның өмірлік циклінің бүкіл тізбегі бойынша қамтамасыз етілуі керек. Яғни азық-түлік шикізатын өсіру, өндіру, тасымалдау, сақтау және сату.<blockquote>«Қазіргі уақытта тамақ өнімдерінің сапасы мен қауіпсіздігіне түпкілікті өнімнің ластануының ықтимал қатерлерін айқындай отырып, тамақ өнімдерін өндіруші жүзеге асыратын қатаң өндірістік бақылау да, сондай-ақ оның қауіпсіздігін мемлекеттік қадағалау да жүзеге асырылуы тиіс. Алайда халықтан да тамақ өнімдерін таңдау, өңдеу, сақтау және пайдалану кезінде жауапты болуды сұраймыз», − дейді аймақтың бас санитары.</blockquote>

Қызылордалық эпидемиологтар тұрғындарға қауіпсіз тағам таңдауда түсіндірме жүргізді

<a href="https://kyzylorda-news.kz/ru">Kyzylorda-news.kz.</a> «Достық үйі» ғимаратында Қызылорда облыстық ардагерлер Кеңесінің кезекті Алқа мәжілісі өтті.&nbsp;Алқаға облыс әкімінің орынбасары Нұрымбет Сақтағанов, облыстық қоғамдық даму, денсаулық сақтау, білім, жұмыспен қамтуды үйлестіру және әлеуметтік бағдарламалар, мәдениет және спорт, экономика және қаржыбасқармаларының басшылары, Қызылорда қаласы мен аудан әкімдерінің орынбасарлары, облыстық ардагерлер Кеңесінің Алқа мүшелері, тұрақты комиссиялардың, салалық ардагерлер кеңестерінің төрағалары және бұқаралық ақпарат құралдарының өкілдері қатысты.Алқа мәжілісін облыстық ардагерлер кеңесінің төрағасы Серік Дүсенбаев жүргізіп, облыс әкімінің орынбасары Н.А. Сақтағанов сөз сөйледі.&nbsp;Нұрымбет Аманұлы өз сөзінде өңірде жүзеге асырылып жатқан инвестициялық жобаларға тоқталып, ардагерлерді әлеуметтік тұрғыдан қолдау шаралары әрі одан әрі жалғасын табатынын атап өтті.&nbsp;Одан бөлек, Қызылорда облыстық ардагерлер Кеңесінің жұмыс жоспарына сәйкес тоқсанына бір рет өтетін кезекті Алқа мәжілісінде Арал аудандық ардагерлер ұйымының төраға орынбасары Әділхан Танымбетов, облыстық денсаулық сақтау саласы ардагерлер кеңесінің төрайымы Раиса Көзденова, Шиелі ауданы Бәйгеқұм ауылы бастауыш ардагерлер ұйымының төрайымы Зағира Мұхамедова бірқатар атқарылған жұмыстар бойынша баяндамаларын жасады.Сонымен қатар, өңірімізде болып жатқан оқушылар мен жасөспірімдер арасындағы келеңсіз оқиғаларға сәйкес, «Мектеп оқушылары арасындағы құқық бұзушылықты болдырмаудағы білім беру мекемелері, құқық қорғау органдары мен ата-аналардың міндеттері»туралы облыстық білім басқармасының бөлім басшысы Бектұр Қали, облыстық полиция департаментінің Жергілікті полиция қызметі басқармасы басшысының орынбасары Д. Маирихов хабарлама жасады.Алқа мәжілісінің соңында облыстық ардагерлер кеңесінің мүшелері өз ойларын ортаға салып, бірқатар ұсыныстар айтылды.Облыстық ардагерлер Кеңесінің кезекті Алқа мәжілісінде қаралған мәселелер бойынша тиісті қаулылар қабылданып, хаттамаланды.

Қызылордада ардагерлер кеңесінің кезекті алқа мәжілісі өтті 

<a href="https://kyzylorda-news.kz/">Kyzylorda-news.kz.</a> 31 мамыр – саяси қуғын-сүргін және ашаршылық құрбандарын еске алу күні. Бұл – күллі қазақ жұртының көкірегін қарс айырып, бір сәт күрсінетін күн. ХХ ғасырдағы саяси қуғын-сүргін – мыңдаған жазықсыз жандардың қаны мен көз жасына жуылған тарихтың шерлі беттерінің бірі. Осы жылдары жазықсыз құрбан болған азаматтардың есімін ұмытпау және оларды мәңгі есте сақтау – бүгінгі ұрпақтың борышы. Осындай мақсатта сәрсенбі күні аудандық қоғамдық даму бөлімінің тапсырысы аясында және облыстық «Жастар Одақтары» қоғамдық бірлестігінің ұйымдастыруымен 31 мамыр – Саяси қуғын-сүргін және ашаршылық құрбандарын еске алуға арналған арнайы іс-шара өтті.Шараға аудан әкімі Нұржан Ахатов, аудандық ардагерлер кеңесінің төрағасы Өркен Исмаил, сондай-ақ бірқатар сала мамандары қатысты. Ең әуелі өңір басшысы аудан халқының атынан бірқатар зиялы қауым өкілдерімен бірге зұлмат құрбандарын еске алып, олардың рухына тағзым етіп, гүл шоқтарын қойды. Мұнан соң Шиелі жұрты саяси қуғын-сүргін құрбандарын бір минут үнсіздікпен еске алды. Артынша аудан әкімі Нұржан Ахатов, аудандық ардагерлер кеңесінің төрағасы Өркен Исмаил, сондай-ақ нәубетті жылдарда қазақ жеріне қоныс аударылған шешен ұлтының өкілі Мума Закаев сөз алды.<blockquote>«Кеңестік қызыл империя қазақтың қасіретіне айналды. Жазықсыз атылғандардың басым көпшілігі қазақтың бетке ұстар, көш бастаушы ағартушы, ұлт көсемі болуға лайықты Алаштың арда азаматтары еді. Қаншама нәубет жылдарды бастан кешірген мықтылардың айтқан зары мен кешкен мұңы, жүріп өткен жолдары – бүгінгі ұрпақтың мәңгі есінде сақталмақ. Қазақ халқы сол жылдарда орасан шығынға ұшырағанына қарамастан, өзінің бірегей ұлттық болмысы мен асыл қасиеттерін сақтап қалды. Қатыгездікке бой алдырмай, қанша ғасырлық даналығын да, пайымы мен парасатын жоғалтпады. Ал мұндай ұлттың тәуелісіздіктің шынайы бағасын білмеуі, жүрекпен сезінбеуі мүмкін емес. Сондықтан кейінгі жастар мына бейбіт күннің қандай шығынмен, қанмен келгенін ұмытпауы тиіс», – деді аудан әкімі.</blockquote>Аудан әкімінің сөзінен кейін қуғын-сүргін және ашаршылық құрбандарының рухына арналып құран бағышталды. Айта кетейік, саяси қуғын-сүргін кезінде Шиелі ауданында мыңнан аса адамның басым бөлігі жазықсыз атылып кетті. Ал 1944 жылы 95 адам жер аударылса, 1945 жылы олардың саны 681 азаматқа жеткен. Иә, қанша жасырып, бүркегеніңмен, ақиқаттың аты өшпейді. Оған осы жолы да көзіміз тағы бір мәрте жетті.

Қуғын-сүргін құрбандары мәңгі есте

<a href="https://kyzylorda-news.kz/">Kyzylorda-news.kz.</a> Қазалыда саяси қуғын-сүргін құрбандарын еске алу күніне арналған «Тарих. Тағдыр. Тағылым» атты тарихи-танымдық конференция өтті.&nbsp;Қазалы көлік-техникалық жоғары колледжінде өткен шараны аудан әкімінің орынбасары Дәурен Тілеумбетов ашып, егемен еліміздің тағдырындағы ең бір қасіретті кезеңді еске алатын ерекше күн жайында айтып өтті.<blockquote>«Бұл күн – егемен еліміздің тағдырындағы ең бір қасіретті кезеңді еске алатын күн. ХХ ғасырда отаршыл жүйенің озбырлығын көрген халқымыз екі бірдей алапат ашаршылықты басынан кешті. Саяси қуғын-сүргіннің азабын тартып, 30-ыншы жылдары орасан зор нәубетке ұшырады. Қатыгез жүйе еңбектеген сәбиді де, еңкейген кәріні де аяған жоқ. Қазақ халқы бірер жылдың ішінде тең жарытысынан айырылды. Көпшілігі аяулы атамекенін тастап, шекара асып, шетелге бас сауғалады. Сол зұлмат біздің аймағымызды да айналып өткен жоқ. Қазалылықтар арасында кезінде білім бөлімін басқарған Нұржан Баубеков, Қазақстан Республикасы Жоғарғы Сотының Төрағасы болған Қазмұхамед Күлетов сияқты 400-ге жуық жерлестеріміз қуғын-сүргін құрбаны болды. Кейін олардың барлығы да ақталды», – деді Дәурен Оңғарбайұлы.</blockquote>Мұнан соң шараға қатысушы көпшілік елдің болашағы, келер ұрпақтың бақыты үшін күрескен асыл азаматтар мен есіл ерлерімізді 1 минут үнсіздікпен еске алды.&nbsp;Бұдан әрі Қазалы ауданының мәдениет және спорт бөлімінің басшысы Болат Жолтаев «Зобалаң зардаптары», №204 мектептің тарих пәнінің мұғалімі Алмас Қаналиев «Соңғы көш», №165 орта мектептің тарих пәнінің мұғалімі Майра Өмірзақова «Асыра сілтеу болмасын, аша тұяқ қалмасын» тақырыптарында баяндама жасады.Сондай-ақ саяси қуғын-сүргін құрбандарының артында қалған ұрпағы Мафруза Текеева мен саяси қуғын-сүргін құрбандарын ақтау жөніндегі аудандық жұмысшы топ мүшелері, ардагер-ұстаз Бақытжан Түменбай мен Қадірбек Бекетов ел басынан өткен қасіретті күндер жайында сөз қозғады.Жиын соңында Дәурен Оңғарбайұлы тарихи өтпелі кезеңде ел-халықтың азаттығы жолында жазықсыз жапа шеккен, ашаршылық пен саяси қуғын-сүргіннің құрбаны болған ата-бабаларымызды жадымыздан шығармау перзенттік парызымыз, азаматтық борышымыз екенін айтып, тағылымды шараны қорытындылады.

Қазалыда саяси қуғын-сүргін құрбандарын еске алуға арналған тарихи-танымдық шара өтті

<a href="https://kyzylorda-news.kz/ru">Kyzylorda-news.kz.</a> Бар жақсылық балаға. Бүгін облыс әкімі Нұрлыбек Нәлібаев 1 маусым – Халықаралық балаларды қорғау күніне орай облыстық мамандандырылған Сәби үйіне барды.&nbsp;Ең алдымен, мекеменің жұмысымен танысқан облыс әкімі ондағы тәрбиеленушілерді мерекемен құттықтап, бүлдіршіндердің дайындаған «Бар мейіріміміз – балаларға» атты ертеңгілігінее қатысып, балалардың өнерін тамашалады. Оларға мерекелік сыйлық табыстап, естелік суретке түсті. Іс-шара барысында Нұрлыбек Машбекұлы мекеме тәрбиеленушісі Әділбек Санжардың тұсауын кесіп, алғашқы қадамына ақ жол тіледі.Әрі қарай облыс әкімі Сәби үйінде 2022 жылы демеушілік арқылы салынған тұзды шахта бөлмесін және 2020 жылы іске қосылған сенсорлық бөлмені, егу, емдік-денешынықтыру, физиотерапия кабинеттерін аралады. Үш жыл бұрын мекемеге қондырылған цифрлы бейнебақылау жүйесін, ән-күй, Монтессори кабинеттерін, ата-ана мен баланың кездесу бөлмесін көрген аймақ басшысы ұжым сәттілік тілеп, мерекелік сыйлық тарту етті.Айта кетейік, облыстық Сәби үйі 2012 жылы «Сәби» қайырымдылық қорының гуманитарлық көмегімен ашылды. Нысан 60 орынға арналған, қазіргі таңда мұнда 45 бала тәрбиеленуде.<img src="https://knadmin.beoblood.kz/uploads/347258923_1017204202990496_267254173869310347_n_0f16f7178d.jpg" alt="347258923_1017204202990496_267254173869310347_n.jpg"><img src="https://knadmin.beoblood.kz/uploads/347585740_1987449571604657_6393803084588826235_n_48af8251f6.jpg" alt="347585740_1987449571604657_6393803084588826235_n.jpg"><img src="https://knadmin.beoblood.kz/uploads/347395055_1193265341345039_3670746988365950582_n_146749b8ef.jpg" alt="347395055_1193265341345039_3670746988365950582_n.jpg">

Қызылорда облысының әкімі сәбилер үйіндегі балаларға сыйлық жасады

<a href="https://kyzylorda-news.kz/ru">Kyzylorda-news.kz.</a> Антициклон жырасы әсерінен бүгін еліміздің басым бөлігінде жауын-шашынсыз ауа райы күтіледі, деп хабарлайды ҚазгидрометТек Қазақстанның батысында, солтүстік-батысында атмосфералық фронтальды бөлімдердің өтуімен найзағай ойнап, жаңбыр жауады. Республика бойынша желдің күшеюі сақталуда, батыста, оңтүстікте – шаңды дауыл күтіледі.Қызылорда облысының басым бөлігінде төтенше өрт қаупі сақталады.

Архив