<a href="https://kyzylorda-news.kz/">Kyzylorda-news.kz</a> Бүгін Қазақстан Республикасының оқу-ағарту, жасанды интелект және цифрлық даму, денсаулық сақтау, еңбек және халықты әлеуметтік қорғау министрліктерінің қатысуымен,«Саяси менеджмент академиясы» ЖММ директоры Тамара Дүйсенованың төрағалығымен кеңес отырысы өтті.Аталған жиынға ZOOМ-платформасы арқылы өңірден «AMANAT» партиясы облыстық филиалының төрағасы Жандос Базартай, атқарушы хатшы Ләйлә Төрешова және тиісті басқарма басшыларының орынбасарлары қатысты.«Әлеуметтік әмиян» жобасы Мемлекет басшысының тапсырмасымен жүзеге асырылып, халыққа әлеуметтік қолдауды цифрландыруға және оның тиімділігін арттыруға бағытталған. Жобаның мақсаты – көмек көрсетуді нақты, жедел және проактивті ету, сондай-ақ қаражаттың мақсатсыз пайдаланылуын болдырмау үшін олардың бөлінуінің ашықтығын қамтамасыз ету. Жоба сондай-ақ әлеуметтік көмектің мақсатсыз пайдаланылуын азайтуға, қаражаттың бақылауға алынуын қамтамасыз етуге цифрлық технологияларды енгізу және қолма-қол ақшаны қолдануды шектеу арқылы ықпал етеді.Мектептерде қауіпсіздікті және сабаққа қатысуды дәл есепке алуды қамтамасыз ететін валидация жүйелері (карталар, биометрия) орнатылған. Ата-аналар балалары түстенгенін біле алады, ал мемлекет қызметтердің уақытылы және сапалы көрсетілуін бақылайды. Ашықтық есепке алу қателіктері мен мақсатсыз қаржы жұмсауды болдырмауға жағдай жасайды. 700-ден астам оқушысы бар ірі мектептерде транзакциялар орнатылған терминалдар арқылы аппараттық-бағдарламалық кешен (бұдан әрі — АБК) арқылы жүзеге асырылады. Аз қамтылған мектептерде «Бизнес әмиян» тегін мобильдік қосымшасы қолданылады. Осы мақсатта әкімдіктер АБК орнату және оны «Әлеуметтік әмиян» ақпараттық жүйесі мен «Бизнес әмиян» мобильдік қосымшасымен интеграциялау жұмыстарын белсенді жүргізуде.2024 жылы тиісті АБК-мен жабдықтау бойынша пилоттық жоба төрт өңірде жүзеге асырылды: Астана, Ақмола, Маңғыстау және Батыс Қазақстан облыстары, 370 мектеп қамтылды. 2025 жылғы қаңтардан бастап жоба барлық өңірлерде іске қосылды. 2025 жылы Астана қаласы мен Қостанай облысында «Әлеуметтік әмиян» платформасы арқылы сәуір және мамыр айларындағы мектеп табельдерін төлеу бойынша пилоттық жоба жүргізілді. Пилоттық жобаны енгізу нәтижесінде Астана қаласының мектептерінде бюджет қаражаттарын үнемдеу 12,4 млн теңгеге жеткені, ал Қостанай облысында шығыстардың 30%-ына дейін үнемделгені тіркелді.Қазіргі уақытта жобада 6749 мектеп қатысуда. Жобаны жүзеге асыруға қажетті инфрақұрылым қажет болған ұйымдардың басым бөлігінде орнатылған. 17 өңірде енгізу жоспары толық орындалды: Жетісу, Абай, Ұлытау, Ақтөбе, Ақмола, Қызылорда, Алматы, Атырау, Батыс Қазақстан, Қарағанды, Маңғыстау, Павлодар, Солтүстік Қазақстан, Түркістан облыстары, сондай-ақ Астана, Шымкент және Алматы қалаларында.Ұлттық білім беру деректер қорында «Ыстық тамақпен қамту» атты жаңа бөлім енгізілді, онда әлеуметтік педагогтар тегін ыстық тамақ алатын балалардың тізімін қалыптастырады. Қазіргі уақытта екінші санат бойынша жан басына шаққандағы орташа табыс деректері цифрлық ваучерлер жасалғанға дейін Еңбек министрлігінің интеграцияланған скоринг жүйесі арқылы тексеріледі.

«Цифрлық қоғам» партиялық жобасы аясында кеңес отырысы өтті

<a href="https://kyzylorda-news.kz/">Kyzylorda-news.kz</a> &nbsp;Дәрі-дәрмекпен қамтамасыз ету реформасы шеңберінде Денсаулық сақтау министрлігі баға белгілеудің жаңа жүйесін енгізді.Өндірушінің бағасын тіркеудің бірыңғай тәсілі, маркетингтік және көлік үстемелерін алып тастау, генериктерге бағаны 30%-ға төмендету, сондай-ақ халықаралық рефераттау объективті шекті бағаларды қалыптастыруға және негізсіз қымбаттауды болдырмауға мүмкіндік береді.Нәтижесінде 2026 жылғы сатып алуларда 2025 жылмен салыстырғанда көптеген препараттардың бағасы 50%-дан 300%-ға дейін төмендеді, ал жалпы үнемдеу 36 млрд теңгеден асты.Мысалы, дәрі-дәрмектің келесі атауларына бағаның төмендеуі байқалды: Иматиниб – 9 450 теңгеден 2 348 теңгеге дейін;Бевацизумаб-360 000 теңгеден 77 000 теңгеге дейін;Дәрі-дәрмектерді сатып алу шеңберінде барлығы қымбат онкологиялық препараттарды қоса алғанда, 66 позиция бойынша бағаның төмендеуіне қол жеткізілді.Отандық жетекші фармацевтикалық өндірушілер жаңа қағидаларды қолдады. «Нобель АФФ», «Абди Ибрагим Глобал Фарм», «Химфарм», «Kelun-Kazpharm» компаниялары және басқалары жеткізілетін препараттардың бағасын бейімдеп, желісін кеңейтті.Үнемделген қаражат қымбат емдеуді қажет ететін пациенттерді қамтамасыз етуге жұмсалады.

Денсаулық сақтау министрлігі: 2026 жылға арналған сатып алу шеңберінде дәрі-дәрмектің бағасы 50%-дан 300%-ға дейін төмендеді

<a href="https://kyzylorda-news.kz/">Kyzylorda-news.kz</a> &nbsp; Брюссельде Сыртқы істер министрі Ермек Көшербаев пен ЕО-ның Жоғарғы өкілі Кайя Калласдың төрағалығымен отырыс өтті.Кездесу қорытындысы бойынша тараптар 2 желтоқсанда ҚР азаматтары үшін визалық режимді жеңілдету жөніндегі келіссөздер, сондай-ақ реадмиссия туралы келісім бойынша жұмыс басталатынын жариялады.ЕО Қазақстанның ең ірі экономикалық серіктесі болып қала береді: тауар айналымы $50 млрд-қа жетті, инвестициялар көлемі – $200 млрд. Елде 4 мыңнан астам еуропалық компания жұмыс істейді.Жеке түрде Транскаспий «Орта дәлізін» дамыту, сондай-ақ «жасыл» экономика мен цифрландыру саласындағы жобалар талқыланды (©Kursiv).<img src="https://knadmin.beoblood.kz/uploads/Kazahstan_i_Evrosoyuz_nachnut_peregovory_ob_uproshhenii_vizovogo_rezhima_1_2786b82f73.jpg" alt="Казахстан и Евросоюз начнут переговоры об упрощении визового режима 1.jpg">

Бүгін Қазақстан мен Еуропалық одақ визалық режимді жеңілдету жөніндегі келіссөздерді бастайды

<a href="https://kyzylorda-news.kz/">Kyzylorda-news.kz</a> Астана қаласында ағымдағы жылдың 28 қараша күні Мемлекет басшысы Қасым-Жомарт Кемелұлының Қазақстан бойынша ауыл әкімдерімен өткізілген маңызы зор республикалық диалог-платформасы форумына қатыстым.Аталған шара барысында Мемлекет басшысы ауылдың әкімі ауылдың болмысын, ауылдағы ағайынның өмірін жете түсінетін нағыз іскер маман болу керектігін көрсете отырып, ауылдық елді мекендердің жағдайы еліміз үшін маңызы бар екенін және болашақта елдің тұрақты дамуындағы стратегиялық үлесі барын ерекше атап өтті.Сонымен қатар, жиын барысында жекелеген ауыл әкімдерінің ұсыныс-пікірлерін қабыл алған Мемлекет басшысы, барлық айтылған пікірлердің міндетті түрде мұқият зерделеніп, алдағы уақыттағы жұмыс барысында ескерілетінін баса жеткізді.Бұған қоса, Мемлекет басшысы жалпы үкімет ауыл экономикасын жандандыру үшін нақты ұсыныстар әзірлеу қажеттігін атап көрсетті.Кездесу барысында әр өңірден келген әріптестерімізбен яғни, ауыл әкімдерімен кездесіп, тәжірибе бөлістік.Ауылдың дамуы – елдің дамуы. Әрбір шешім, әрбір нәтиже – мемлекетіміздің болашағына қосылған үлес.&nbsp;Еркін Ахетов,&nbsp;Қызылорда қаласы,&nbsp;Қарауылтөбе ауылдық округінің әкімі&nbsp;

Еркін Ахетов: Әрбір шешім – мемлекетіміздің болашағына қосылған үлес

<a href="https://kyzylorda-news.kz/">Kyzylorda-news.kz</a> Бүгінде ауылдарды дамыту – мемлекетіміздің стратегиялық басымдықтарының бірі. Халқымыздың түп-тамыры, ұлттық болмысымыздың өзегі – ауылдарда. Сондықтан ауылдардың &nbsp;әлеуетін арттыру, инфрақұрылымын жетілдіру, халықтың тұрмыс сапасын жақсарту – ел тұрақтылығының негізгі шарты. Ауыл мен кент &nbsp;әкімдері атқаратын әрбір іс осы мақсатқа тікелей қызмет етеді. Бұл жауапкершіліктің салмағын мен, кент әкімі ретінде, терең сезінемін.Кент әкімі – халықпен күнделікті араласып, олардың мәселесін дер кезінде шешетін мемлекеттік қызметші. Бұл қызмет – үлкен сенім мен табанды еңбекті қажет етеді. Кенттің тыныс-тіршілігін, әлеуметтік ахуалын жан-жақты ұғынып, нақты шешімдер қабылдау – шынайы басшылықтың басты шарты.Жуырда ғана мемлекет басшысының қатысуымен өткен жиында өзекті мәселелер талқыланып қана қоймай, кент пен ауыл әкімдерінің кәсіби деңгейін көтеруге бағытталған пікір алмасулар да болды. Форум барысында әр өңірдің әкімдері тәжірибе бөлісіп, ортақ мәселелерді нақты шешу жолдарын талқылады. Мен үшін бұл жиын үлкен әсер қалдырды: жаңа идеялар, тың бастамалар, басқарудағы тиімді тәсілдер туралы құнды ақпарат алдық. Осындай алаңдар бізге жігер беріп, жергілікті басқару жүйесін жаңа деңгейге көтеруге мүмкіндік туғызатыны анық.Қазіргі таңда &nbsp;ауыл&nbsp;әкімдерінің 60 пайызы алғаш рет сайланғанын ескерсек, басқару жүйесінің айтарлықтай жаңарғаны байқалады. Дегенмен, сайлану – жұмыстың бастамасы ғана. Халық сенімін ақтау үшін тоқтаусыз ізденіс пен кәсіби даму қажет.Мемлекет басшысы ауыл &nbsp;әкімдеріне қойылатын нақты міндеттерді атап өтті. «Amanat» партиясының «Әкімдер мектебі» жобасы осы бағытта маңызды рөл атқарып жүр. Бірақ бұл бастаманың жоғары білімнің орнын баспайтыны анық. Сол себепті «Мемлекеттік және жергілікті басқару» бағдарламаларын жаңғырту, басқару мен көшбасшылық дағдыларын арттыру – уақыт талабы. Бұл бағыттағы жұмысты Мемлекеттік қызмет істері агенттігі жүйелі түрде үйлестіруі тиіс.Сонымен қатар, Президент жергілікті бюджеттің қаржылық тұрақтылығы жөнінде орынды мәселе көтерді. Біз салық түсімдерінің негізгі бөлігін жергілікті өңірлерге бағыттадық, бұл – дұрыс шешім. Алайда кенттердің өзін-өзі басқару бюджеті әлі де қолдауды қажет етеді. Көбіне кәсіпорындар кенттен табыс табады, жергілікті еңбек ресурсын пайдаланады, бірақ салықты тіркелген қала немесе аудан бюджетіне төлейді. Бұл жағдай ауылдардың&nbsp;экономикалық мүмкіндігін шектейді. Сондықтан «салықты табыс алынған жерде төлеу» қағидатын енгізу – өте орынды әрі әділ шешім. Кем дегенде түсімнің бір бөлігі ауылда &nbsp;қалуы тиіс. Бұл ауылдардың өз дамуын қамтамасыз ету үшін маңызды тетік болады.Цифрлық Қазақстанды кенттерсіз және ауылдық округтерсіз елестету мүмкін емес. Жасанды интеллект пен жаппай цифрландыру дәуірінде ауыл әкімдері де бұл істің белсенді қатысушысы болуы қажет. Елді мекендерді цифрландыру – кент пен қала арасындағы әлеуметтік айырмашылықты азайтып, тұрмыс сапасын айтарлықтай теңестіреді. Үкімет бұл бағытты басымдық ретінде қарастыруы тиіс. Жергілікті деңгейден алынған жедел әрі нақты ақпарат орталықта дұрыс шешімдер қабылдауға жол ашады. Сонымен бірге экономикалық дерекқор қалыптасып, ресурстарды әділ бөлу тетігі күшейеді. Алдағы үш жылда Қазақстанды толықтай цифрлық мемлекетке айналдыру – жаңа даму кезеңіндегі басты міндеттердің бірі.Президентіміздің «Сын түзелмей, мін түзелмейді» деген ұстанымы – біздің жұмысымыздың да темірқазығы. Әрбір орынды ұсынысқа құлақ асып, халықтың талабын құрметтеу – әкімнің парызы. Форумдағы ашық диалогтар да осы мәдениеттің маңызды екенін көрсетті: сын да, ұсыныс та – даму үшін қажет.Мен, Тыныштықбай Айдын Маратұлы, 2023 жылдан бері Қызылорда қаласы, Тасбөгет кентінің әкімі ретінде осы міндеттерді абыроймен орындауға бар күшімді салып келемін. Кенттің әлеуметтік-экономикалық дамуын арттыру, инфрақұрылымды жаңарту, цифрландыру жобаларын іске асыру, халықтың тұрмыс сапасын жақсарту – менің негізгі басымдықтарым. Президент жүктеген тапсырмалардың барлығы Тасбөгет кентінде кезең-кезеңімен, сапалы әрі нақты жүзеге асатынына толық сенімдімін.&nbsp;Айдын Тыныштықбай,&nbsp;Қызылорда қаласы,&nbsp;Тасбөгет кентінің әкімі

 Айдын Тыныштықбай: Ауыл әкімдерінің жауапкершілігі және ел дамуы жолындағы міндеттері 

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде өңдеу өнеркәсібін дамыту және цифрландыру, Үкімет қаулыларының жобалары қаралды. Оған облыс әкімінің бірінші орынбасары Данияр Жаналинов селекторлық режим арқылы қатысты.Үкімет отырысынан кейін облыс әкімінің бірінші орынбасарының төрағалығымен өткен мәжілісте осы және өзге де мәселелер жан-жақты талқыланып, жауапты басшыларға тапсырма берілді.<blockquote>«Өңдеу өнеркәсібінің көлемін барынша арттырып, жыл қорытындысымен оң динамикаға жету үшін нақты әрі жедел шаралар қабылдауды тапсырамын. Өңірдегі ірі өнеркәсіптік кәсіпорындардың өндірістік жоспарын нақтылау керек. Туындаған мәселелерін жедел шешіп, қосымша өсім көздерін анықтаңыздар.Теміржол вокзалдарының сыртқы келбеті ғана емес, жолаушыларға қызмет көрсету деңгейі де жоғары болуы тиіс. «Қазақстан Темір Жолы» компаниясының облыстық филиалы, көрсетілетін қызмет сапасын қадағалаңыздар. Вокзалдар аумағының абаттандырылуын, көгалдандырылуын, санитарлық тазалығын тұрақты бақылау қажет.Қала, аудан әкімдері, тек теміржол вокзалдарының аумағы ғана емес, автовокзалдардың, жолдар мен көпірлердің, жол бойындағы май құю бекеттері мен сервистік кешендердің күтіп ұсталуы назарда болуы керек», – деді Данияр Еренғалиұлы.</blockquote>Биылғы 10 айда аймақта 328 млрд теңгенің өнімі өндіріліп, өңдеу өнеркәсібінде 10,7% өсім тіркелді. Экономиканы әртараптандыру аясында жоспарланған 20 жобаның 13-і іске қосылды, қалған 7-уі жыл соңына дейін пайдалануға беріледі. Соңғы бес жылда өңдеу өнеркәсібінің жалпы өнеркәсіптегі үлесі 12,9% өсіп, өнім көлемі 2,6 есе артты.Өңір кәсіпорындары цифрлық және автоматтандырылған технологияларды кеңінен қолдануда. Шыны зауыты өнім жинау мен тасымалдауда жапон роботтарын, ал шыны кесуде италиялық автоматты пайдаланады.Тампонажды цемент зауытының өндірісіне Siemens басқару жүйесі мен интеллектуалды логистика енгізілген. «Мағжан и К» күріш зауыты кореялық толық автоматтандырылған жүйемен жұмыс істейді.Фото: Қызылорда облысы әкімінің баспасөз қызметі

Өңдеу өнеркәсібін дамыту және цифрландыру мәселелері қаралды

<a href="https://kyzylorda-news.kz/">Kyzylorda-news.kz</a> Қазақстанда цифрлық орта белсенді дамуда: онлайн-сервистер, мемлекеттік көрсетілетін қызметтер және мобильді қосымшалар саны күннен күнге артуда. Алайда, солармен қатар доксинг – &nbsp;адамның келісімінсіз жеке деректерді мақсатты түрде жинау, жариялау немесе тарату. жағдайларының саны да өсуде.Өзіңізді және жақындарыңызды доксинг-шабуылдарынан қалай қорғауға болатынын Fingramоta.kz-пен бірге қарастырайық.Қаскүнемдер жеке деректерге қалай қол жеткізе алады &nbsp;Өкінішке орай, заман ағысына қарай біз әлеуметтік желілерде, маркетплейстерде, қосымшаларда тіркелуге мәжбүрміз, оны біздің деректерімізді қолға түсіру үшін осы салада азды-көпті білімі бар алаяқтарға оңайға соғуда. Олардың мұны қалай жүзеге асыратыны жөнінде әрі қарай айтып береміз.1.&nbsp;Іздеу жүйелері&nbsp;– олардың көмегімен ескі жазбаларды, түсініктемелерді, форумдардағы еске алуларды табуға болады, ал жетілдірілген мүмкіндіктер нақты сайттар немесе файлдардың түрлері бойынша іздеуге мүмкіндік береді. Адамдардың әртүрлі платформаларда бірдей лақап атты пайдалану әдеті қосымша осалдық тудырады: бұл пайдаланушы туралы деректерді бірден бірнеше қоғамдық ресурстардан жинауды жеңілдетеді.2.&nbsp;Әлеуметтік желілер&nbsp;– ашық профиль іс жүзінде аты-жөні, жұмыс орны, қаласы, фотосуреттері және қарым-қатынас ортасымен дайын файлға айналады. Тіпті парақша жабық болса да, доксер ақпаратты басқа адамдардың жазбаларының астындағы түсініктемелер, қауымдастықтарға қатысу, достарының жарияланымдары арқылы жинай алады. Көп жағдайда олар қосымша деректерге қол жеткізу үшін рекрутердің немесе компания қызметкерінің атын жамылып достарға қосылады.3.&nbsp;Әлеуметтік инженерия&nbsp;– қаскүнемдер жеке деректерді адамның өзінен тікелей алуға қарманып, банкирдің, дәрігердің немесе ұйым қызметкерінің атынан жазуы мүмкін. Көптеген пайдаланушылар өздерін алдап тұрғанын түсінбей және ақпаратты өздері береді.4.&nbsp;Жұмыстағы қарым-қатынастар&nbsp;– егер басшы сайтта немесе әлеуметтік желілерде қызметкерлердің тізімін фотосуреттерімен бірге орналастырса, оны доксерлер қуана пайдаланады. Тіпті, тек кәсіптік мәлімет &nbsp;болып көрінетін болмашы мәліметтер бойынша адамның тұрғылықты жерін анықтауға, содан кейін әлеуметтік желілерде адамның профилін табуға болады. &nbsp;Коммерциялық қызмет те өз ізін қалдырады – көптеген елдерде компания құрылтайшыларының деректері ашық түрде қол жетімді.5. Қара нарық – даркнетте мемлекеттік органдар мен компаниялардың жария болап кеткен деректері сатылады, онда сіз төлқұжат сканерлерінен бастап банктік қосымшаларға дейін бәрін таба аласыз. Мұндай ақпарат салыстырмалы түрде қымбат болмайды, олардың болуы доксингті жеңілдетеді.Деректер брокерлері қылмыскерлердің құрығына түсіп қалғандарын &nbsp;өздері де түсінбеулері мүмкін, себебі мұндай компаниялар жеке ақпаратты көптеген дереккөздерден заңды түрде жинайды және бір жүйеге келтіріп, бизнеске сатады. Бұл деректер бөгде адамдарға арналмағанымен, олар көп жағдайда &nbsp;алаяқтардың қолына түсіп жатады және адам туралы мәліметтер жинауды айтарлықтай жеңілдетеді.Егер сіздің деректеріңіз жария етілген болса не істеу керек?Доксинг фактілерін жинақтап тіркеп жүріңіз: электрондық хаттарды, дауыстық хабарламаларды, SMS-ті жинаңыз, әлеуметтік желілерде жазбалардың немесе түсініктемелердің скриншоттарын жасаңыз. Бұл полицияға, сотқа дейінгі шағымға және т.б. жүгіну үшін қажет болуы мүмкін.Контентті жоюды талап етіңіз: егер адам немесе ұйым сіздің жеке деректеріңізді таратқан болса, олар көбінесе жалған немесе жаңылыстыратын ақпаратпен бірге жүреді. Сіз материалды жоюды немесе түзетуді талап ететін деректер жарияланған платформаларға немесе сайттарға тікелей жүгіне аласыз.Доксинг туралы міндетті түрде құқық қорғау органдарына хабарлаңыз, әсіресе егер ол бопсалаумен немесе қоқан-лоққы жасаумен бірге жүрсе.Заңгермен кеңесіңіз: ол перспективалар мен ықтимал тәуекелдерді бағалауға көмектеседі, сондай-ақ Қазақстан заңнамасы тұрғысынан өзіңізді қалай қорғауға болатынын айтады.Жеке өміріңізді қорғаңыз: Барлық жерде – әлеуметтік желілерде, жұмыс аккаунттары мен сайттарда, маркетплейстерде және т.б. жеке ақпаратты барынша азайтыңыз.Қазақстанның доксинг туралы заңнамасында не жазылған?Әрине, егер сіз доксингке тап болсаңыз, дереу полицияға және заңгерлерге хабарласқаныңыз жөн, дегенмен біз Қазақстанның заңдары бұл қылмыс туралы не айтатынын және қаскүнемдерді не күтетінін қысқаша айтып береміз.ҚР Конституциясының 18-бабы әрбір қазақстандықтың жеке өміріне қол сұғылмауына, өзінің және отбасының құпиясы болуына, ар-намысы мен абыройлы атының қорғалуына, жеке салымдары мен жинаған қаражатының, жазысқан хаттарының, телефон арқылы сөйлескен сөздерінің, почта, телеграф арқылы және басқа жолдармен алысқан хабарларының құпиялылығы сақталуына кепілдік береді. Осылайша, доксинг Конституцияны тікелей бұзу болып табылады.Әрі қарай, егер доксер бопсалаумен айналысса,&nbsp;онда бұл Қылмыстық кодекстің 194-бабы, ол қылмыскерге төрт жылға дейін шектеу немесе бас бостандығынан айыруға қауіп төндіреді. Ауырлататын жағдайларда мерзім&nbsp;15 жылға дейін ұзартылуы мүмкін.Қылмыстық кодекстің 147-бабы – «Жеке өмірге қол сұғылмаушылықты және Қазақстан Республикасының дербес деректер және оларды қорғау туралы заңнамасын бұзу» туралы да ұмытпау керек. Адамның жеке немесе отбасы құпиясын құрайтын, жеке өмірі туралы мәліметтерді оның келісімінсіз заңсыз жинау үш жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.Егер қылмыскер адамның жеке өмірі туралы мәліметтерді оның келісімінсіз таратса немесе өз әрекеттерімен жәбірленушінің құқықтары мен заңды мүдделеріне елеулі зиян келтірсе, онда ол үш жылдан алты жылға дейін бас бостандығынан айырылуы мүмкін. Егер ол интернетті қолдана отырып таратылса, онда жаза жеті жылға дейін артуы мүмкін.1.Өзіңіздің цифрлық ізіңізді барынша жасырын ұстаңыз: әлеуметтік желілеріңізді тексеріңіз, ескі жазбаларды жойыңыз, телефонды, мекенжайды, оқу орнын, жұмыс орнын, балаларыңыздың деректерін ашық қолжетімділіктен алып тастаңыз.2.&nbsp;Әртүрлі құпиясөздер қолданыңыз:&nbsp;бір құпия сөзбен сіз барлық аккаунттардағы деректерді жоғалту немесе салдарынан зардап шегу қаупі бар. Сізге Bitwarden, 1Password, Google Password Manager сияқты құпиясөз менеджерлері көмектесе алады.3.&nbsp;Екіфакторлық бірдейлендіруді қосыңыз: мүмкін болған жердің барлығында – &nbsp;WhatsApp, Instagram, Telegram, Google, eGov, Kaspi жасаңыз.4.&nbsp;Профильдің басқаларға көрінуін шектеңіз: достарыңыздың тізімін, фотоға, геолокацияға, туған күнге, белсенділікке белгілерді жауып қойыңыз. Әлеуметтік желілеріңізді мүмкіндігінше жеке етіңіз.5.&nbsp;Барлық жерде бірдей лақап ат қолданбаңыз:&nbsp;бірдей лақап ат сізге ондаған сайттардан досье жинауға мүмкіндік береді. Әр түрлі платформалар үшін әр түрлі нұсқалар болған дұрыс.6.&nbsp;Мессенджерлерде бейтаныс адамдарға ешқашан құжаттарыңызды жібермеңіз:&nbsp;жеке&nbsp;куәлікті, ЖСН, ЭЦҚ, банк деректемелерін, билеттерді, анықтамаларды жібермеңіз – бұл доксингке және кредиттерді ресімдеуге тікелей жол.7.&nbsp;Өз&nbsp;құрылғыларыңызды қолжетімділікке тексеріңіз:&nbsp;ескі қолданбаларды, камераға/микрофонға рұқсаттарды, байланыс деректеріне, галереяға, құжаттарға қолжетімділікті жойыңыз.8.&nbsp;Ашық дереккөздерін тазалаңыз: хабарландыру қызметтерінен, ескі форумдардан, профильдік сайттардан деректеріңізді жойыңыз. Қосымша қауіпсіздік үшін іздеу жүйелерінде аты, телефон нөмірі және фотосуреті бойынша өзіңізді тексеріңіз.9.&nbsp;Файлдар мен сілтемелерге сақ болыңыз: APK файлдарын жүктемеңіз, «жұмыс бойынша», «мектептен», «банктен» деген бейтаныс сілтемелерді ашпаңыз. Әлеуметтік инженерия – доксерлердің негізгі құралы.10. Байланыс деректерін бөліп қойыңыз, «қорғаныс» телефон нөмірін пайдаланыңыз: әлеуметтік желілер, сайттарға тіркелу, сатып алу және жеткізу қызметтері үшін жеке нөмір өте қолайлы болады. Негізгі нөмір тек жақын адамдарға белгілі болуы – бұл доксинг, спам, қоқан-лоққы және хакерлік қаупін азайтады.<img src="https://knadmin.beoblood.kz/uploads/2605_infografika_kaz_52_99ea748741.png" alt="2605-infografika-kaz-52.png">Өзіңізді, жеке деректеріңізді қорғаңыз және Fingramota.kz-пен бірге қаржылық сауаттылықты арттырыңыз!Фото: fingramota.kz

Доксинг шабуылдауда: өзіңді және өзіңнің дербес деректеріңді қалай қорғау керек? 

<a href="https://kyzylorda-news.kz/">Kyzylorda-news.kz</a>&nbsp; &nbsp;Астанада блогер мүгедектігі бар балалар туралы даулы видеосы үшін ұсталды. Әлеуметтік желілерде ата-аналардың қатты наразылығын туғызған бұл видеода блогер мүмкіндігі шектеулі балалардың дүниеге келуі "ата-анасының әрекеті үшін берілген жаза" деген мазмұндағы пікір білдірген.Осы жағдайға байланысты бала құқықтары жөніндегі уәкіл Динара Зәкиева блогердің айтқан сөздеріне құқықтық баға беру үшін Ішкі істер министрлігіне ресми түрде жүгінген.Астана Полиция департаменті блогерге қатысты әкімшілік іс қозғалғанын мәлімдеді.Фото: Нұрболат Нұржаубай

"Ата-анасы үшін берілген жаза": Мүмкіндігі шектеулі балаларға қатысты пікір білдірген блогер ұсталды

<a href="https://kyzylorda-news.kz/">Kyzylorda-news.kz</a> «Гежуба Цемент компаниясы» Қызылорда облысы, Шиелі ауданында орналасқан ірі цемент өндіруші кәсіпорын. Зауыт 2018 жылы іске қосылған. Жылына 1 миллион тонна цемент өндіру қуатына ие. &nbsp;Компания шығаратын тампонажды цемент құрылыс, мұнай-газ және уран өндірісінде кеңінен қолданылады. Қажетті шикізаттың дені Шиелі ауданынан алынып, қалғаны басқа облыстардан жеткізіліп тұр.<blockquote>- Кәсіпорын тәулігіне 4 мың тоннаға дейін өнім шығарады. Бұл өндірістің тұрақтылығы мен технологиялық әлеуетінің жоғары екенін білдіреді. Өнімнің 80 пайызға жуық шикізаты &nbsp;жергілікті Шиелі ауданынан алынады. Ал қалған 20 пайызы басқа облыстардан жеткізіледі. Бұл өндірістің отандық шикізатқа негізделгендігін көрсетеді. Зауытта 600-ден астам адам тұрақты жұмыспен қамтылған. Зауыт қызметкерлері заманауи технологиямен жұмыс істейді. Қауіпсіздік және сапа стандарттары толық сақталған. Компания өндірген өнім Қазақстанның оңтүстік өңірлеріне тасымалданып, құрылыс индустриясына кеңінен пайдаланылуда,- деді зауыт қызметкері Табиғат Әбеков.</blockquote>Зауыт жұмысын бастаған жылы жергілікті 100 жас Қытай еліндегі зауытта оқып келіпті. &nbsp;Артынша инвесторлар Шиелі индустриялық-аграрлық колледжі базасында тағы 100 маман даярлауды қолға алған. Қазір маман даярлау бағытында М.Әуезов атындағы Оңтүстік Қазақстан университетімен байланысты нығайтқан.

Жас мамандарды қолдап, өңір экономикасын дамытқан кәсіпорын

<a href="https://kyzylorda-news.kz/">Kyzylorda-news.kz</a>&nbsp; Белгілі әнші Қайрат Нұртастың анасы Zhuldyz News бағдарламасына берген сұхбатында әлеуметтік желіде өзіне бағытталған қызғанышқа толы жағымсыз пікірлерден қажып, біршама уақыт желіден алыстауға мәжбүр болғанын ашық айтты.Ал Қайрат Нұртас өзінің барлық жетістіктеріне анасын себепкер санайтынын көпшілікке жариялағаннан кейін, жұртшылық тарапынан оның анасына деген түсіністік пен қолдау едәуір артқанын жеткізді.<blockquote>«Кім не десе де, мейлі баласы қылмыс жасасын, мүгедек болсын – қандай жағдайда да баласын тастамайтын тек анасы. Мен тек анасы ретінде ғана емес, продюсері болғандықтан да оның барлық жұмысын бірге алып жүремін. Біраз уақыт тойларына, концерттеріне бармай жүрдім. Бір күні Қайрат концерт кезінде сахнаға шығып, халық алдында пікірін айтты. Сол сәттен кейін бұл менің тек аналық емес, продюсерлік міндетім екенін толық түсіндім», – деді ол.</blockquote>Фото: @gulziraaidarbekova

"Мамасының баласы": Гүлзира Айдарбекова өзіңе көп қойылатын сұрақтарға жауап берді 

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы алаңында Астана қаласында «AMANAT» партиясының ұйымдастыруымен өткен ауыл әкімдерінің диалог-платформасының нәтижелеріне арналған баспасөз конференциясы өтті.Оған «AMANAT» партиясы Қызылорда облыстық филиалының төрағасы Жандос Базартай, Қызылорда қаласына қарасты Қызылжарма ауылдық округінің әкімі Шәріп Әбдірахманов, сондай-ақ Сырдария ауданы Нағи Ілиясов ауылдық округінің әкімі Сағдат Нұрмағанбетов қатысты.Партияның облыстық филиалының төрағасы Жандос Базартай диалог-платформаның мазмұны мен негізгі бағыттары, талқыланған мәселелер мен қабылданған шешімдер туралы ақпарат берді.&nbsp;<blockquote>«Әкімдер мектебі» жобасы Президент жанындағы Мемлекеттік басқару академиясының базасында, оның облыстардағы және республикалық маңызы бар қалалардағы филиалдары арқылы іске асырылды. Бұл оқу курстарына өңірдегі 146 барлық ауылдық округтері &nbsp;қатысып білімін жетілдірді. Оқыту экономика, мемлекеттік басқару, бюджеттік жоспарлау, коммуналдық меншікті басқару, цифрландыру, тәуекел-менеджмент, кәсіпкерлікті дамыту және инвестициялар тарту саласында 17 модуль мен 240 академиялық сағатты қамтыды. Бүгінде ауыл әкімдері ауыл халқының табысын арттыру бағытында алған білімін қолдануда деп толық есептейміз»,-деді Жандос Нұртайұлы.</blockquote>Төраға Президент айтқан әкімдердің өкілеттігімен қатар жауапкершілігін күшейту мәселесі бағытында партия тарапынан атқарылып жатқан жұмыстарды атап өтті.&nbsp;<blockquote>«Мемлекет басшысы Үкімет әкімдердің сайлау алдындағы бағдарламасының экономикалық бөлігіне қойылатын талаптарды айқындауыды тапсырды. Яғни, әкімдердің сайлауалды бағдарламалары аймақтың даму жоспарымен үйлесім табу керегін &nbsp;айтты. Бұл өз кезегінде әкімдердің есептілігін күшейтеді және &nbsp;әкімдік қызметке өз үміткерлерін ұсынған партиялардың жауапкершілігін арттырады деді. Осы жерде атап өту керек, өңірімізде 146 ауылдық округ және 3 аудан әкімі «AMANAT» партиясынан сайланған. Олардың сайлауалды бағдарламалары партияның өңірлік сайлауалды бағдарламасымен үйлесімін тауып отырса, партияның облыстық сайлауалды бағдарламасы &nbsp;аймақтың даму жоспарына сай, (қала аудандарда дәл солай) және сайлау алдында халықтың талап - тілегі негізінде дайындалып жүзеге асырылып келеді. Сонымен қатар &nbsp;«AMANAT» партиясы атынан ұсынылып, сайланған әкімдердің сайлауалды бағдарламасының орындалуына партиялық бақылау жасалып, олардың есебі тыңдалып тұрады», - деді Жандос Базартай. &nbsp;</blockquote>Ел Президенті ауылда ауыл шаруашылығы кооперативтерін дамытудың ерекшелігіне тоқталып, бұл жұмысты белсенді түрде қолға алу қажет екенін жеткізді. Ауылды дамыту үшін әлеуметтік-кәсіпкерлік корпорацияларының әлеуетін кеңінен пайдалану керегін айтты. &nbsp;Осы тұста ауылдағы ағайынның табысын арттыруға бағытталған «AMANAT» &nbsp;партиясының «Ауыл аманаты» жобасы өз кәсібін дамытқысы келетін ауыл тұрғындарына мол мүмкіндік. 2029 жылға дейін осы бағдарламаға 600 миллиард теңгеге жуық қаражат бөлінбек. «Ауыл аманаты» жобасы кәсіп бастаймын деген азаматтарға үлкен қолдау. Жоба аясында елімізде екі жылдың ішінде 20 мыңға жуық жұмыс орны ашылса, оның 2 мыңға жуығы біздің өңірде. Алда &nbsp;қаржының қажетті жобаға бөлінуі мен мақсатты игерілуін қамтамасыз ету міндеті тұр. Бұған жоба авторы ретінде «AMANAT» партиясы да бақылау жүргізетін болады.Баспасөз конференциясы барысында спикерлер Мемлекет басшысының төртінші деңгейлі бюджеттің дербестігін арттыру бағытында айтқан ұсынысын қолдап, өз округтерінде жүзеге асырылып жатқан жұмыстар мен алдағы міндеттер жөнінде баяндады.Мәселен, Қызылжарма ауылдық округінің әкімі Шәріп Әбдірахманов, ауыл шаруашылығы кооперативтерін дамыту, инфрақұрылымдық жобаларды іске асыру, цифрлық қызметтерді енгізу бағытындағы жоспарлармен бөліссе, Н.Ілиясов ауылдық округінің әкімі Сағдат Нұрмағанбетов Президенттің «Салықты жұмыс істейтін және табыс табатын жерде төле» қағидаты барлық ауыл әкімдері үшін ауылдың инфрақұрылымын жақсартуға немесе өзгеде мәселелерін шешуіне үлкен қолдау екенін жеткізді.&nbsp;Спикерлер БАҚ өкілдерінің сауалдарына жауап беріп, Астанада өткен диалог-платформада ұсынылған тәсілдер мен шешімдерді жергілікті жерде жүзеге асыруға дайын екенін айтты. Партия филиалы партия атынан сайланған әкімдерге консультативтік-әдістемелік қолдау көрсетіп, бастамалардың орындалуына ықпал етпек.<img src="https://knadmin.beoblood.kz/uploads/Whats_App_Image_2025_12_02_at_10_11_14_bae7e0f23e.jpeg" alt="Аманат.jpeg">

Ауылдың әл-ауқатын көтеру – "Ауыл аманатының" басты миссиясы

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес Қызылорда облысындағы қалалар мен елді мекендердің аумақтарын абаттандыру, жер және құрылыс саласындағы кейбір мәселелерді реттеу үшін арнайы жұмысшы топ құрылды.Аталған тапсырмаға сәйкес, облыс аумағында жалпы 555 құрылысы жүріп жатқан(Қызылорда Қызылорда қаласы – 158, Арал ауданы – 72, Қазалы ауданы – 65, Қармақшы ауданы – 35, Жалағаш ауданы – 29, Сырдария ауданы – 36, Шиелі ауданы – 72, Жаңақорған ауданы - 88) кәсіпкерлік нысандар бойынша зерделеу жұмыстар жүргізілуде.Бүгінгі күнімен 264 нысан заңдастырылды (Қызылорда қаласы – 101, Арал – 44, Қазалы–7, Қармақшы -13, Жалағаш – 15, Сырдария – 5, Шиелі – 4, Жаңақорған – 75), &nbsp;ал 115нысан заңсыз салынғаны анықталып, олардың меншік иелеріне жалпы 300 хаттама толтырылып (Қызылорда қаласы – 39/96, Арал ауданы – 23/50, Қазалы ауданы – 10/30, Қармақшы ауданы – 1/3, Жалағаш ауданы – 14/40, Сырдария ауданы – 11/33, Шиелі ауданы – 7/21, Жаңақорған ауданы – 10/28), 121 377 860 теңге айыппұл салынды.Әліп Мәди Раманқұлұлы,Қызылорда облысының құрылыс,&nbsp;сәулет және қала құрылысы&nbsp;басқарма басшысының орынбасары<img src="https://knadmin.beoblood.kz/uploads/Whats_App_Image_2025_12_02_at_09_57_38_367c8fae92.jpeg" alt="Құрылыс.jpeg">

Архив