<a href="https://kyzylorda-news.kz/ru">Kyzylorda-news.kz.</a> 31 мамыр - саяси қуғын-сүргін және ашаршылық құрбандарын еске алу күні. Солақай саясаттың сызын тартқан қаншама боздақ өмірімен қоштасты. Балалар жетім, әйелдер жесір қалды. Алаштың ардақтылары жазықсыз жапа шегіп, көршілес елге жер аударылды. Міне, сол зұлмат жылдар ауыртпашылығын көтереген жандарды еске алуға арналған тағылымды шара Арал ауданында да болды.Бүгін Арал ауданының орталығында қуғын-сүргін құрбандарын еске алу күніне орай «Ашаршылықтың ащы шындығы» атты митинг өтті.&nbsp; Қаралы жылдардың құрбандарын еске алу мемориалында өткен шараға аудан әкімінің орынбасары К. Бержанов, аудан ардагерлері, қуғын-сүргін құрбандарының ұрпақтары және аудандық мекемелер мен ұйымдардың басшылары мен қызметкерлері қатысты.&nbsp;Шара қазақ басына қасірет әкелген сонау нәубетті жылдардағы азапты бейнелейтін театрландырылған көрініспен бастау алды. Мұнан соң, саяси қуғын-сүргіннің құрбаны болған, елі үшін өлімнен қорықпай білек сыбана еңбек еткен арыстарымыздың рухына арнап құран бағышталды.<blockquote>Еске алу кешінде сөз алған аудан әкімінің орынбасары К. Бержанов: «Өздеріңізге мәлім, жаппай саяси қуғын-сүргін құрбандарын ақтау, заңсыз қудаланған азаматтардың құқығын қалпына келтіру жұмыстары еліміз тәуелсіздік алғаннан кейін басталды. Біз өкінішпен еске алатын ата-бабаларымыз, халқына жанашыр болған азаматтар сол бір кезеңнің қатал тоталитарлық саяси режимінің құрбанына айналды. Кез келген ұлт өзінің тарихынан тағылым алып, өткенін ұмытпайтыны анық. Сол себепті ұлтымыздың қаралы да қасіретті тарихын ұрпақтарымызға жеткізу, мән-маңызын ұғындыру - біздің басты міндетіміздің бірі», - деп айтулы күннің маңыздылығына тоқталды.</blockquote>Сол бір зұлматты жылдарды ел жадында қайта жаңғыртқан шараға жиналғандар қуғын-сүргін және ашаршылық құрбандарына арналған ескерткіш-тақтасына гүл шоқтарын қойып тарқасты.

Аралдықтар атаулы күнге орай ұйымдастырылған шараға қатысты

<a href="https://kyzylorda-news.kz/">Kyzylorda-news.kz.</a> Жыл сайын аудан мектептері арасында «Ұлттық мектеп лигасы» ұйымдастырылады. Аталған лига барысында мектеп оқушылары бірнеше спорт түрінен бақ сынайды.&nbsp;Жалпы, лиганың негізгі мақсаты – балаларды дене шынықтырумен және спортпен жүйелі түрде айналысуға тарту, жан-жақты үйлесімді дамыған тұлғаны тәрбиелеу мен дарынды балаларды анықтау болып табылады. Сонымен қатар саламатты өмір салтын насихаттау, өскелең ұрпақтың азаматтық және патриоттық ұстанымын қалыптастыру міндетін жүктейтін лига мектеп оқушылары арасында жүзеге асады.Мәселен, Баскетбол, футбол, волейбол, тоғызқұмалақ, футзал, асық ату, бесасық, жеңіл атлетика, үстел теннисі спорт түрлерінен өзара жарысқа түсетін мектеп командалырының арасынан жеңімпаздары анықталады. Өз кезегінде Сырдария ауданында өткен «Ұлттық мектеп лигасы» аясында аудандық іріктеу кезеңі болғандығы баршаға мәлім. Жарыс нәтижесінде жүлделі бірініші орынмен Т.Айтбаев атындағы №132 орта мектеп командасы, екінші орынмен №36 Ә.Тәжібаев атындағы &nbsp;мектеп-лицей командасы, үшінші орынмен №129 Ә.Жәмішев атындағы мектеп-лицей және №37 мектеп-лицей командалары жеңіп алды.Жеңімпаз командаларға аудандық білім бөлімі басшысының «Алғыс хаты» мен сый-сияпаты тапсырылды.&nbsp; &nbsp;

«Ұлттық мектеп лигасының» жеңімпаздары марапатталды

<a href="https://kyzylorda-news.kz/">Kyzylorda-news.kz.</a> Биыл өңірде айтулы жұмыстар жүргізіліп жатр. Аймақ басшысы Н.Нәлібаев халықпен кездескен сайын облыстың 2023 жылғы бюджеті 520 млрд болып бекітілгенін атап, соның шеңберінде қарқынды құрылыс жұмыстары жүргізіліп жатқандығын жеткізуде. Одан бөлек, облыс орталығынан аймақ басшысының іскерлігінің арқасында демеушілер есебінен облыс орталығынан жаңа ғимараттар бой көтеруде. Атап айтсақ, «Аналар үйі», «Қан орталығы», «Жылу электр орталығы», «Неке сарайы» құрылыстары жүргізіліп жатыр. Сондай-ақ шыны заводы іске қосылды және Жаңақорғанда томат зауыты салынбақ.Облыс орталығында осындай жұмыстар жүргізілгеннен кейін іргелі Сырдария ауданында да атқарылып жатқан жұмыс ауқымды. Мәселен, биылғы жылы аудан бюджеті 10 млрд &nbsp;теңге болып бекітілді. Аудан көлемінде 11 млрд теңгеге жоба дайындалып, 5,7 млрд теңгенің жобасы қолдау тауып қаржысы бөлінді. Ағымдағы жылы Айдарлы, Жетікөл, Аманкелді және Қоғалыкөл ауылдық округтерінде электр желілерін ауыстыруға &nbsp;1,6 млрд теңге, &nbsp;«Шаған-Тереңөзек» трассасын күрделі жөндеуге 650 млн теңге қаржы бөлінді.&nbsp;Сонымен қатар, Калжан ахун елді мекенін газдандыру бойынша 2,9 млн теңге қаржы бөлінді және С.Сейфуллин, &nbsp;А.Тоқмағанбетов елді мекендеріне жобалық сметалық құжаттары дайындалып, министерлікке ұсынылды. 2023-2024 жылдары жүзеге асырылады. Аймақ басшысының тапсырмасына сәйкес, бірінші кезекте халық тұтынатын жол, су, электр жарығына баса назар аударылып, жұмыстар жасалуда.Осы ретте, дін қайраткерінің есімімен аталатын Қалжан ахун ауылында биыл газдандыру жұмыстары жүргізілуде. Елді мекенді газдандыру жұмыстарына республикалық бюджеттен 298,0 млн теңге, облыстық бюджеттен 32,5 млн теңге барлығы 330,5 млн теңге қаржы қаралып, мемлекеттік сатып алу процедуралары жүргізілді. Жеңімпаз мердігер мекеме анықталып, қазір ауылда газ құбырларын жүргізуге қатысты құрылыс қарқын алды. Бұл жұмыстар биылға жоспарланған. Сондықтан Қалжан ахун ауылының халқы ағымдағы жылы көгілдір отынның игілігін көретін болады.Бұдан бөлек те ауылда инфрақұрылымдық жұмыстар жүргізіліп ждатр. Осы уақытқа дейін Қалжан ахун ауылындағы спорт алаңына жасанды жабынды төсеу жұмысы бойынша "Сүндетбай" шаруа қожалығы 4,2 млн. теңгеге демеушілік көрсетіп, жасанды төсеніш төселіп, сырлау, жарықтандыру жұмыстары аяқталып, пайдалануға берілді. Бұл жер жастардың спортпен шұғылдануына мүмкіндік береді. Сондықтан демеушілікпен атқарылған жұмыс жастарға зор серпін сыйлады.Жол жөндеу жұмыстарына келер болсақ, елді мекендегі Қайқы батыр көшесін жөндеу жұмыстарына демеушілік есебінен жобалық сметалық құжаты дайындалған. 2023 жылы жөндеу жұмыстарына қаржысы бөлініп, мемлекеттік сатып алу процедуралары жүргізілуде. Халық денсаулығы әркез алдыңғы орында тұрады. Осы орайда, ауылдық фельдшерлік акушерлік бекетінің (ФАБ) ғимаратына күрделі жөндеу жұмыстарына облыстық бюджеттен 47,8 млн. теңге бөлініп, аудандық аурухана арқылы қүжаттары дайындалып, мемлекеттік сатып алу жұмыстарын жүргізуге облыстық &nbsp;денсаулық сақтау басқармасына ұсынылды. Яғни, медициналық мекеме жөндеуден өтсе, мұнда ауыл тұрғындары тұрақты ем қабылдайды.&nbsp;Аудан орталғына жақын ауылда осындай ілкімді істер атқарылуда. Осы жұмыстардың сапалы орындалуы тікелей бақылауға алынған. &nbsp;

Қалжан ахун ауылында айтулы жұмыстар атқарылуда

<a href="https://kyzylorda-news.kz/">Kyzylorda-news.kz.</a> «1 маусым – балаларды қорғау күні». Яғни, жаздың алғашқы күнінде халықаралық тұрғыда жасөспірімдер мен нәрестелердің құқығы жөнінде сөз етіліп, мейрам есебінде &nbsp;мемлекет тарапынан ауқымды шаралар жүзеге асады. Аталған мереке сонау 1950 жылдан бүгінге дейін тамырын үзбей атап өтіліп келеді.&nbsp;Балалық шақ-қоғамдық құндылықтарды бойына сіңіре отырып, тұлға болып қалыптасатын белгілі кезең. Кәмелетке толмайынша кез-келген жасөспірім, кез-келген нәресте отбасының қорғауында болғаны шарт. Дегенмен, бұл дегеніміз мемлекеттің бала тәрбиесіне араласпауына, құқықтық заңнамалық тұрғыда қарастырылмауына себеп емес. Келешекте еліне патриот, жеке индивид атану үшін ең алдымен ұлттық тәрбие, моральдық құндылықтар жөнінде мектеп тарапынан базалық ілім қарастырылуы қажет-ақ. Алайда, тек қана ұлттық тәрбиені бойына сіңірген баланың келешекте алысқа ұзауы екі талай. Себебі, заманның даму үдерісінде консервативтік көзқарасты артта қалдырып, халықаралық белестерді бағындыруы үшін креативті идея мен сананың бостандығы жетіспейді. Сондықтан, баланың тұлға болып өскенін қаласақ, жетістікке жетсін десек осы мәселені қауым болып қарастырғанымыз жөн. Соңғы жаңалықтарға куә болсаң, баланың құқығы жөнді қозғалып жатыр-ау дегенге күмәнмен қарамасқа болмайды. Ата-ананың тарапынан орын алған қатыгездік, жасөспірімдер арасында жиі орын алатын буллинг, әлеуметтік желідегі кибербуллинг, аборт жасағыштардың белең алуы секілді жаға ұстатарлық жәйттар шынымен жанды қынжылтады. Аталған мәселелерді БАҚ мен өзге де медиалардың талқыға салып жатырғаны шамалы. Кәмелеттің табалдырығын аттамас бұрын, емтиханнан сүрініп өз-өзіне қол жұмсағандарда жоқ емес. Күн өткен сайын көбеймесе, азаймақ емес.&nbsp;<blockquote>Мен көп балалы анамын. Өз балаларым үшін бәріне дайынмын. Әкесі екеуміз балаларымыздың болашағы үшін, әр өмірі үшін әрекет етеміз. Қазіргі ата-аналар өздерінің жауапкершліктерін сезінбей, бала тәрбиесінде көп қателіктер жіберіп жатады. Біз сол қателіктерді ескеріп өскелең ұрпаққа жақсы тәлім-тәрбие беруге тиіспіз, – дейді Жадыра Жалғасбекқызы.</blockquote>Бүгінгі жас буын-болашақтың кепілі, ұлттың қорғанысы. Осы бастан жасөспірімдерге агрессивті тәрбие беріп, Кеңес үкіметі кезіндегі консервативті саналарына сіңіре беретін болсақ, жастарымыздың жаппай дегредацияға ұшырамауына кім кепіл? Ұлымыз бен қызымыз ұлтқа қызмет етсін, көк туымызды аяққа таптатпай тұғырлы болғанын қаласақ алдымен тәрбиені жөнге салғанымыз абзал. Арзан дүниелердің орнына білім мен ғылымға назар аударып, өскелең ұрпаққа өнеге етсек қана ұлт болашағы жөнінде алаңдамауға болады. Сондықтан, ұят болады, бұл қазаққа сай емес дей беруді азайтып, идеямен жұмыс жасауға мүмкіндік бергеніміз абзал. &nbsp;

Елдің келешегі бүгінгі перзенттің қолында

<a href="https://kyzylorda-news.kz/">Kyzylorda-news.kz.</a> Биыл Қостанай өңірі халқының рухани – діни ордасы атанған Марал ишан мешітіне 130 жыл толды. Тобыл өңірі халқының бойтұмары атанған &nbsp;қасиетті дін үйі мерейтойын қостанайлықтар республикалық деңгейде атап өтуде дайындық үстінде.Мерейтой алдында оны ұйымдастырушылар, яғни баба ұрпақтары Орал Таңжарықов, Ибраш Естаев, Серік Омаров, Тұрсынбай Сәдуақасов, &nbsp;облыстық «Қостанай таңы» газетінің тілшісі Қыдырбек Қиысханұлы &nbsp;бастаған бір топ баба ұрпақтары ауданымызда болып, Марал ишан мәңгілік мекен тапқан қорымда баба рухына тағзым етіп, ас берді.Осы ретте, қадірменді қонақтардың &nbsp;бірі – &nbsp;Орал Таңжарықов ағамызды сөзге тартқанымызда ол: «Биыл өңірімізде аталып өтілетін ірі іс-шараның бірі – &nbsp;үш жүздің Пірі болған Марал ишан баба атындағы Қостанай қаласындағы &nbsp;мешіттің өңір мұсылмандарына діни қызмет жасай бастағанына да биыл 130 толуда. Мерейтой аясында әруақтарға арнап ас беріліп, &nbsp;басқа да іс-шаралар ұйымдастырылады. Ал, біздің киелі Қармақшы өңіріне келуіміздегі басты мақсатымыз – &nbsp;Қостанай өңіріндегі Ұзынкөл ауданынан қарасты Нұрынбет елді мекенінде орналасқан зиратта &nbsp;мәңгілік мекен тапқан Марал ишанның әкесі Құрман &nbsp;Кенжебайұлына тағзым етіп, баба зиратынан бір уыс топырақ алып, қасиетті Қармақшы топырағында &nbsp;Марал баба Құрманұлы мен оның анасы Фатима ана жерленген &nbsp;зиратқа топырақты салу және Марал баба басынан топырақ алып, оны әкесінің зиратына салу болып табылады. Бұл жұмысты да абыроймен атқарып, &nbsp;біздің көңіліміз бірленді», – деді баба ұрпағы. Ал, енді үш жүздің Пірі болған Марал бабаның әкесі Құрман әулие кім болған, елгое нендей меңбек сіңірген осы жайлы айтып өтсек. Марал ишан күллі қазаққа танымал тұлға. Яғни, үш жүздің Пірі. Ол Кенесары хан әскерінің даңқты қолбасшысы, сенімді серігі, пікірлес болған &nbsp;батыр. Орыс патшасына қарсы ғазауат соғысын жүргізген тұлға деп танимыз. Ал, оның әкесі Құрман әулие Кенжебайұлыне келсек, ол батыр, діндар, емші болған екен. Тарихқа жүгінсек, Жоңғар қонтайшысы Қалден-Сереннің үйленген әйелі, &nbsp;қазақ қызынан туған екі қызының бірін Құрман әйелдікке алған деседі. Одан Марал, Құлқожа, Арал есімді үш ұл дүниеге келген екен. Сонымен қатар, патша әскері қазақ жерінің шекарасына бекініс салып, сол маңда тұратын қазақ халқын ығыстыра бастағанда Құрмаан баба оларға қарсы шығып, орыс &nbsp;әскеріне қарсы тосқауыл құрған деген дерек бар.Бүгінде Құрман бабаның зираты Тобыл өңірінідегі Троебрат ауылы маңында орналасқан Нұрымбет &nbsp;елді мекеніндегі қорымында. Бұл өңір талай дарын иелеріне, атап айтар болсақ &nbsp;Аспантай абыз, Жолшара әулие, Тәтіқара жырау және басқа да иісі қазаққа танымал тұлғалардың атакмекені болған.<blockquote>«Біз өмірден өткен Әлжан есімді атамыздың өз ұрпақтарына көрсетіп кеткен Құрман баба жерленген қорымға барып зират етер кезде сол өңірдегі аудандық «Балықты» мешітіне &nbsp;аялдап, әруақтарға Құран бағыштадық. Содан кекйін Құрман бабамыздың басына барып, ұрпақтары атынан тағзым етіп, дұға жасадық. ТБаба ұрпақтары үшін тағы бір қуанышты жаңалық, &nbsp;жуырда &nbsp;Ұзынкөл ауданы &nbsp;ақсақалдарының, &nbsp;жамағатының шешімімен «Балықты» мешітіне «Құрман әулие» есімі берілетін болыпты. Бұл баба ұрпақтары ғкана емес, күллі қазақ жамағаты үшін үлкен қуаныш. Осы жерде айта кететін бір ерекше жайт, қасиетті Қармақшы еліне сапарымыздың басты мақсаты Марал баба басына Құран бағыштап, зиярат ету. Сонымен қатар, Құрман баба басынан алған бір уыс топырақты Марал ишан басына қойып, одан алған топырақты Құрман әулие басына апару. Иә, адамзат баласы үшін ең үлкен қасиет – &nbsp;имандылық. Имандылық бар жерде бәрі бар. Қанағат та, байлық та, мейірімділік те, патриотизм де, сыйлдастық та бар. Біз қазақ халқы осының бәрін ұстанған ұлтпыз. &nbsp;Осы ретте, бізді күтіп алған қармақшылық ағайынға ерекше &nbsp;ыстық ықыласымды жеткізіп, алғаусыз алғысымды айтқым келеді. Сонымен қатар, Құрман бабамызға арнап ескерткіш белгі қойған Қызылорда қаласының тумасы, Алла оған &nbsp;денсаулық, кәсібіне береке берсін Марат қажы Аяповқа да ерекше риашылығымды білдіргім келеді», – деді &nbsp;баба ұрпағы Ибраш Естаев ағамыз.</blockquote>Ел, енді Тобыл өңірінен арнайы сапарлап келген қонақтарды күтіп алған еңбек ардагері, Қауыс ишан &nbsp;ұрпағы Смағұл аға өз сөзінде: «Қостанайлық ағайындардың &nbsp;ауданымызға сапарынан біз біршама баба туралы маңызды деректер алдық. Жақында Тобыл төрінде өңір халқының діни &nbsp;орда атанаған Марал ишан мешітінің 130 жылдық мерейтой аталып өтіледі екен. Олар арнайы шақырту әкеліп, сол іс-шараға қатысуымызды қалап отыр. Алла разы болсын. Құдай қаласа барамыз. Ол той бізге де ортақ. Сонымен қатар, Орал ақсақал бастаған қонақтар Марал баба қорымында мәңгілік мекен тапқан баба ұрпақтарына тәу етіп, құран бағыштады. Арнайлап, өздерімен алып келген малын сойып, ас берді. Құран бағыштады. Бабаға тәу етіп, тағзым етті. Құрман әулие бабамыздың өмірі жолынан көптеген дерек алдық. Бұрын көрмеген ағайындармен танысып, арқа-жарқа болып қалдық», &nbsp;– деді ол.

Марал баба рухына тағзым етті

<a href="https://kyzylorda-news.kz/ru">Kyzylorda-news.kz.</a>&nbsp; МӘМС жүйесінде сақтандырылмаған азаматтардың қатарында Қазалы ауданының ұйымдары мен мекемелерінің қызметкерлері бар. Бұл туралы аудан тұрғындарымен кездесу барысында Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.МӘМС жүйесінде болу үшін үздіксіз төлемдер қажет. Алайда, сақтандырылмаған азаматтардың көпшілігі медициналық сақтандыруға тұрақты түрде жарна төлемейді. Тиісінше, медициналық қызметтерге толық қолжетімділік жоқ, деп атап өтті Бақыт Тұрғанбайұлы және аудан тұрғындарын МӘМС жүйесімен қамту жағдайы туралы хабарлады.Баяндамашының айтуынша, Қазалы ауданында 77 мыңнан астам адам тұрады, оның 11,5 мыңы медициналық сақтандыру жүйесінде сақтандырылмаған. Олардың жартысынан астамы 12 ай бойы МӘМС-ке тұрақты түрде төлем жүргізбеген. Сақтандырылмағандардың ішінде ауданның ұйымдары мен мекемелерінің 3 мыңнан астам қызметкері бар. Сондай-ақ МӘМС-тен тыс бірқатар жеке кәсіпкерлер, жеке практикамен айналысатын тұлғалар және АҚС шарттары бойынша табыс алатын жеке тұлғалар бар. Бұдан әрі кездесуде аудан әкімінің орынбасары Жалғас Сүйеубаевтың төрағалығымен Қордың облыстық филиалының директоры МӘМС жүйесінің қағидаттарын, аударымдар мен жарналарды қалай төлеу керектігін, БЖТ артықшылықтары туралы және т. б. түсіндірді. Кездесу барысында ауыл тұрғындары сұрақтарымен жүгінді. Әйтеке би кентінің емдеуге жатқызу бюросы порталында Алматыда көзіне ота жасату үшін кезегін күтіп, кезекті жылдамдатуды сұрап отыр.Облыстық денсаулық сақтау басқармасы басшысының орынбасары Жангелді Шаймбетовтың айтуынша, 2022 жылғы 24 наурыздағы № ҚР-ДСМ-27 «ҚР-да стационарлық жағдайларда медициналық көмек көрсету стандартын бекіту туралы» бұйрығына сәйкес (https://adilet.zan.kz/kaz/docs/V2200027218), жоспарлы емдеуге жатқызудың жоспарланған күнін порталда жауапты маманмен жіберген кезде автоматты түрде айқындалады. Егер пациент порталда автоматты түрде белгіленген емдеуге жатқызудың жоспарланған күнінен бас тартса, МСАК-тың немесе басқа денсаулық сақтау ұйымының емдеуші дәрігері оған емдеуге жатқызудың неғұрлым кеш күнін немесе неғұрлым ертерек емдеуге жатқызу мүмкіндігі көзделетін басқа денсаулық сақтау ұйымын таңдауды ұсынады. Бұл мәселе облыстық денсаулық сақтау басқармасының бақылауына алынды.Жиынды қорытындылаған ӘМСҚ-ның облыстық филиалының директоры Бақыт Исмаханбетов МӘМС жүйесі мәселелері бойынша облыс тұрғындарымен кездесулер жалғасын табатынын атап өтті. Барлық сұрақтар бойынша 1414 бірыңғай Call-орталығы, 8 /7242/ 40 00 01 Қызылорда облыстық бірыңғай медициналық Call-орталығы, 8 /7242/ 55 10 16, 55 10 17 ӘМСҚ-ның байланыс номерлер бойынша хабарласуға болады.&nbsp;<figure class="image"><img src="https://knadmin.beoblood.kz/uploads/2_97d347bb2c.jpeg" alt="2.jpeg"></figure>

Қазалы ауданының 11 мыңнан астам тұрғыны МӘМС жүйесінде сақтандырылмаған

<a href="https://kyzylorda-news.kz/">Kyzylorda-news.kz.</a>Бесарық ауылында игілікті іс жалғасын тапты. Жақында «Абай Дәулет» ЖШС-нің директоры Мұрат Сарсенбаевтың демеушілігімен қайырымдылық жасалды. Өз кезегінде ауыл тұрғыны Үміт Көлдееваға тұрғын үйінің апатты жағдайда болуына байланысты жаңа баспана салып берді.&nbsp;Негізінен, «Абай Дәулет» ЖШС-і &nbsp;қайырымдылық акцияларын жиі ұйымдастырып &nbsp;тұрады. &nbsp;Қазіргі уақытта Бесарық ауылының әлеуетін жақсартуға барлық мүмкіндік қарастырылған. Ақ жаулықты ананың тілегі қабыл болып, жаңа үйдің кілтін алды. Күнделікті уайымның жетігінде жүрген асыл жаңа үйде бақытты күндерін өткізетін болады. Елдің ынтымағын, ауызбіршілігін көрсеткен ауылдағы ағайын шаруашылық жұмысын жоғары бағалайды. Ырзық-несібесін жерден терген диқан қауымның биылғы жылдан күтетін үміті зор.&nbsp;<blockquote>– Қай кезде де, жетімін жылатпаған, жесірін қаңғытпаған ұлттың ұрпағымыз. &nbsp;Біз қашанда тұрмысы төмен отбасылардың жағдайын жасауға барымызды саламыз. Мәселен, Үміт апайдың жағдайын жіті зерделеп, жаңадан үй салуды қолға алдық. Негізінен, пейілі таза, үнемі тілеулес ананың ағадал алғысын алғанымыз қуаныштымыз. Өз кезегінде мұндай игілікті істер жалғасын табатын болады, – деді «Абай Дәулет» ЖШС-нің директоры Мұрат Сарсенбаев.&nbsp;</blockquote>Бұл ретте, Үміт Көлдеева шаруашылық басшыларына аналық аналық жеткізді.&nbsp;– Ел алығысын арқалап жүрген Мұрат Сәрсенбаев қайырымдылық көмек көрсеткеніне дән ризамын. Шаруашылық жұмысын гүлдентіп, бірнеше адамды жұмыспен қамтып отыр. Республика, облыс көлемінде үздіктер қатарынан көрінген жанның кәсібіне береке берсін демекпіз, – деді ардақты ана. &nbsp;&nbsp;&nbsp;&nbsp;&nbsp;&nbsp;

Серіктестік директоры ауыл тұрғынына үй салып берді 

<a href="https://kyzylorda-news.kz/ru">Kyzylorda-news.kz.</a> Күн сайын көз ілеспес жылдамдықпен дамып жатқан мына заманда қол-қусырып қарап отыруға болмайды. «Жұмыс істеймін», «алға қарай ұмтыламын» дегендерге қашан да екі қолға бір күрек табылатыны сөзсіз. Тек ниет пен қарекет болса жеткілікті. Бұрынғыдай емес, бүгінде үйде отырған аналардың да кәсіп бастап, өз жұмысының жемісін көруге мүмкіндігі мол. Бизнес бастаймын дегендерді мемлекет те қолдайды. Біздің бүгінгі кейіпкеріміз – Гүлнар Шамахова да мемлекеттік грантты жеңіп алып, «Бастау бизнес» жобасының арқасында кәсібін кеңейтіп, ісін дөңгелетіп отырған іскер келіншектердің қатарында. Бүгін біз аудан халқы үшін аянбай қызмет етіп жүрген, он саусағынан бал тамған, өз ісінің майталманы атанып, құрақ құрап, көрпеше көктеп, көптеген қыз-келіншектердің алғысын арқалап жүрген Гүлнарды мақаламызға арқау етпекпіз.Қаламға салмақ салмас бұрын ең әуелі Гүлнар Мейірбекқызы жайлы аз-кем тоқталып өтуді жөн көріп отырмыз. Үйде отырып-ақ көпке үлгі болған бүгінгі кейіпкеріміз жайлы біздің айтарымыз көп. Себебі ол – білгір де білікті кәсіпкер ғана емес, жан-жақтылықты жақсы көретін майталман маман. Қазіргі таңда тігін тігіп, құрақ құрап, мақта түтетуді қолға алып, жолға қойған ол бір ғана іспен шектеліп қалмай, тіршілік үшін тынымсыз тер төгуде. Үлкен әулетке келін болып түсіп, үлгілі жан, асыл жар атанған ол 3 ұлдың анасы. Асыл жары – Сейтқали екеуін тіпті ел тұрғындары да жақсы біледі. Еңбек етуден жалықпайтын ерлі-зайыптылар «Еңбектің наны тәтті» деген ұстанымда.Түркістан қаласындағы Қожа Ахмет Яссауи атындағы Халықаралық Қазақ-Түрік университетін тәмамдаған кейіпкеріміздің негізгі мамандығы &nbsp;– филолог. Бір сөзбен айтқанда – тіл маманы. Өкінішке қарай ол өз саласы бойынша жұмыс істей алған жоқ. Себебі мұғалім болса да, мүмкіндігі шектеулі ұлына қарап, ұзақ уақыт бойы үйде отырды. Дегенмен Гүлнар тағдыр сынына мойымай, керісінше оны Тәңірден келген үлкен мүмкіндік деп қабылдады. Сөйтті де үйден шықпай-ақ, балаларына бас көз болмақ ниетпен кәсіп ашудың жолын қарастырды. Ең әуелі қолындағы ұялы телефонын пайдаға асырып, әлеуметтік желі арқылы түрлі шеберлік сабақтарын алып, даму курстарын үйренді. Мәселен, психология, кулинария, тігін сынды түрлі сабақтар оқып өзіне тәжірибе жинады. Осылайша бір бойына бірнеше өнерді сіңірген соң үйде отырып, шағын кәсіп бастап көруге бекінді. Бастапқыда түрлі тағамдар, тәтті торттар, бәліштер пісіріп сатып табыс тапты. Кейіннен тапқан табысының арқасында тігін машинасын сатып алып, көрпеше тіге бастады.&nbsp;Мұнан соң оған ауыл-аймақ, көрші-қолаңнан кішігірім тапсырыстар түсіп, мақта түтетіп көруге ұсыныстар келе бастады. Халықтың сұранысы көбейгендіктен, жас кәсіпкер жұмысын жандандыру мақсатында 2022 жылы «Бастау бизнес» арқылы білім алып, өз жобасын қорғап, грант жеңіп алды.<blockquote>«Қазір қолды қалтаға салып, құр қарап отыратын заман емес. Өмір жалғасып жатқандықтан, бір орында тұрып қалмау керек. Мен де дәл осындай ұстанымдамын. Мен – үйде отырған анамын. Үш ұлым бар. Балаларымыз өсіп келе жатқандықтан, оларды қамтамасыз ету – біздің міндетіміз. Өздеріңіз білесіздер, бүгінде қымбатшылық қамыты – қалтаға салмақ. Бір адамның табысы ештеңеге жетпейді. Сондықтан мен жолдасыма қолғабыс ету үшін өз кәсібімді ашып, қолымнан келетін іспен айналысудамын. Бастапқыда табыс табуды қарапайым тігін машинасының көмегімен көрпеше тігуден бастадым. Көптеген адамдар жұмысыма оң бағасын бергендіктен, өз алғыстарын білдіріп, кәсібімді кеңейтуге, көрпешенің мақтасына жаңа өмір сыйлап, оны түтетіп беруге ұсыныс жасап, тапсырыс бере бастады. Бұл нәрсе маған жаңа идея сыйлады. Сұраныс болғандықтан мен де жұмысымды жандандыруды қолға алдым. Кейіннен «Бастау бизнес» жобасын оқып, мемлекеттің беріп отырған мүмкіндігіне ие болдым. Кәсіп бастау үшін аталған талаптарға сәйкес келіп, көп ұзамай сыннан да сүрінбей өтіп, грант жеңіп алдым. Ең әуелі мен біз секілді аналарға қолдау беріп отырған «Бизнеске арналған үкімет» КММ Шиелі ауданы бойынша маманы Асылхан Жаңабайұлына өз алғысымды айтқым келеді. Асылхан мырза маған жоба қорап шығуыма бағыт-бағдар беріп, жөн сілтеді. Соның арқасында көп нәрсені үйреніп, кәсіпкерліктің қыр-сырын меңгердім. Бүгінде барлығы үшін Аллаға шүкір деймін. Кәсібім кеңейіп, ісім алға басып жатыр. Мемлекеттің берген бір миллион екі жүз жиырма бес мың теңге қаражатына мақта түтететін арнайы станок апаратын (екеуі біреуінде) сатып алдым. Сол станокты алған соң, жолдасым тағы да заманауи құрылғы алып берді. Қазір сол арқылы көрпе де, көрпеше де, қыз жасауын да тігіп отырған жайым бар. Жалпы саны үш станок құрылғым бар. Біреуі мақта түтеді, біреуі матрас көрпеше тігеді. Ал үшіншісі заманауи қыз жасауын, құрақ көрпешелерді тігеді. Қазіргі таңда бір жұмысшым бар. Оның еңбекақысын күнделікті беріп отырамын. Алдағы уақытта тек бір адамды емес, бірнеше қыз-келіншекті жұмыспен қамтығым келеді. Бұдан бөлек, үлкен нарыққа шығып, осы кәсіптің ауқымын арттырғым келеді. Әрине, ол үшін шикізатқа қаржылай қолдау қажет. Бұл жөнінде қаражат тапшылығын көріп жатқандығым жасырын емес. Сонда да сұраныс өте көп. Әсіресе, бала бақшаға арналған матрастарға келіп түсетін тапсырыс жетерлік. Мен олардың матасына да сапасына да қатты көңіл бөлемін. Тапсырыс берушілер өз алғыстарын білдіріп үнемі рақметін айтып жатады. Бұл – мен үшін үлкен қуаныш. Оны мен жұмысыма деген адалдықтың, шынайылықтың бір белгісі деп білемін», – дейді кәсіпкер.</blockquote>Иә, кәсіптің нәсібін көру үшін аянбай тер төгу керек-ақ. «Еңбек – бәрін жеңбек» демекші, еңбек еткен адам түрлі кедергіден те, сынақтан да сүрінбей өте алатыны даусыз. Гүлнар Мейірбекқызы соның дәлелі. Аздаған сынға шыдап, сабырлық танытқан оған тағдыр да кішкентай сый тарту етті. Еткен еселі еңбегінің арқасында бүгінде ол ел алғысына бөленіп отыр. Білікті кәсіпкер өзі секілді үйде отырған аналарға қиындыққа мойымай, кәсіп бастап көруге, үнемі ізденісте болуға шақырады. Ал біз қазақтың қыз-келіншектеріне лайықты істі қолға алып, салт-дәстүрдің шеңберіндегі кәсіпті дөңгелетіп отырған жанның жұмысына табыс, ісіне береке тілейміз!

Кәсібінен нәсіп көрген шиелілік кәсіпкер

<a href="https://kyzylorda-news.kz/">Kyzylorda-news.kz.</a> Маусым айының алғашқы күнін балалар мерекемен қарсы алады. Олардың тыныштығы мен болашағын бүкіл әлем болып қорғалатын күн ретінде мерекелейді.Әрбір перзент – тәңірдің ата-анасына берілген үлкен сыйы. Олар баласының өмірі жарқын, болашағы кемел болуы үшін әсте аянып қалмайды. Әрбір бала – жарық жұлдыз. Тек талантын танып, дер кезінде жарқырауына жәрдем берсек болғаны. Мерекеге орай түрлі қырымен көзге түскен бір топ бүлдіршінді назарларыңызға ұсынамыз. Ең бастысы, бұл кішкентайлардың «ұлтым» деп ұлылыққа ұмтылған, «елім» деп өрелі өнегесін танытатын білімді, дарынды ұл-қыздарға айналатынына сенім мол.Кітапсүйер бүлдіршінБұл – Ералы Әбдірахманов. Ол А.Жанпейісов атындағы №105 мектептің 2-сынып оқушысы. Бос уақытын кітап оқуға арнайтын Ералы кітапхананы ерекше жақсы көреді.<blockquote>«Мен кітапханаға барғанды, онда түрлі кітаптар оқығанды жақсы көремін. Онда маған Сoworking бөлмесі ұнайды. Ол жерде оқырман балаларға кітап оқып, шахмат ойнауға болады. Әрі кітапханада бізге арналған қызықты кітаптар өте көп. Өзім секілді балаларды кітапханаға шақырамын», – дейді жас оқырман.</blockquote>Ералы кітап оқумен қатар, таэквандоға қатысады. Болашақта жетістігі мол чемпион, білікті жаттықтырушы болғысы келеді.<blockquote>«Үйде көбінесе өзіміз де кітап оқимыз. Өзім оқыған кітаптарды үлкен қызыммен талқылаймыз. Ералы кішкене күнінен біздің әңгімемізді тыңдап өсті. Содан болар кітапқа құмарлығы ерекше. Бірінші сыныпта менің оқығанымды тыңдап отыратын. Ал қазір өзі оқи береді. Кейде бірге оқимыз. Кітаптың қызықты, тәрбиелік мәні бар тұстарын түсіндіремін. Мәселен, Сайын Мұратбековтың «Жусан иісі» кітабындағы басты кейіпкер Аяннан үлгі ал, оның оқуға қызыққан кездерін, қиындықты жеңе білгенін, алдына мақсат қоя білуін өнеге етемін. Осы шығарманы талдағаннан кейін алдына мақсат қоюды үйреніп келеді. Аудандық балалар кітапханасындағы түрлі шараға белсенді қатысады», – дейді анасы Меруерт.</blockquote>Ата-анасы кітаптан алар тәлімнің мол екенін біліп, ұлдарының бұл салаға бет бұрғанына қуанышты. Олар талпынысы жоғары, білім іздеген бүлдіршіндеріне қолдау білдіруге қашанда дайын.Жас полиглотБұл – Нұртілек Айтбай. Ол Ш.Уәлиханов атындағы №26 мектептің 4 «А» сыныбын үздікке аяқтап, орта буынға аяқ басты. Үлгерімі жақсы, сабақта белсенді Нұртілек қазақ, орыс, ағылшын тілдерінде еркін сөйлейді. Жас полиглот деуіміздің себебі осы.<blockquote>«Мен тіл үйренгенді жақсы көремін. Алдағы уақытта француз, араб, түрік тілдерін меңгергім келеді. Бірнеше тілді игеріп, өскенде дипломат болғым келеді. Өзге тілді меңгергенде ол елдің мәдениетімен, тұрмыс-тіршілігімен танысасың. Диломат болатын адам өте білімді, жан-жақты болуы тиіс. Мен оған қазірден бастап дайындалып жүрмін», – дейді жас полиглот Нұртілек Айдынбекұлы.</blockquote>Анасының айтуынша, білімді бүлдіршін футболды да ерекше жақсы көреді. Әлемдік деңгейдегі футбол клубтарының атаулары мен ойыншыларын жақсы біледі.&nbsp;<blockquote>«Біздің тұңғышымыз атасының үйретуімен қазақ тіліндегі 42 әріпті және сандарды бір жасында таныды. Жастан асқанда әріптерді қосып оқуды үйренді. Әріптерге деген қызығушылығы ерекше баламыздың болашағынан зор үміт күтеміз», – дейді әкесі Айдынбек Айтбайұлы.</blockquote>Сондай-ақ Нұртілек Т.Салқынбайұлы атындағы балалар өнер мектебінде домбыра сыныбына қатысады. Атына заты сай Нұртілек, әжесінің қуанышы, ата-анасының мақтанышы, сегіз қырлы, бір сырлы болып өсіп келеді.Бұрымды аруБұл – Шұғыла Жандосқызы. Ол Т.Көмекбаев атындағы №250 мектеп-лицейдің 4-сыныбын тәмамдап, бесінші сыныпқа аяқ басты. Бұрымды қыз өзіне ұзын шаштың ұнайтынын айтады.<blockquote>«Анам үнемі «Қыздың көркі – шаш» деп айтып отырады. Қазір шашымды өзім күтуді үйреніп жүрмін. Сыныбымда да шашы ұзын қыздар көп. Шашымды өріп, шашбау таққан өзіме де ұнайды. Әрі ұзын шаш нәзіктікті, ибалылықты білдіреді. Болашақта бұрымды, тәрбиелі, өнерлі қазақ қызы деген атқа лайық болсам деймін. Ал мамандыққа келсем, ақ халатты дәрігер немесе стюардесса болуды армандаймын», – дейді бұрымды ару.&nbsp;</blockquote>Шұғыла мектептің үздің оқушыларының қатарында. Түрлі іс-шараға қатысуда да белсенділік танытады. Сонымен қатар Т.Салқынбайұлы атындағы өнер мектебінде домбырадан дәріс алады. Қазақтың қасиетті қара домбырасымен күмбірлете күй шертеп, құйқылжытып ән де айтады.&nbsp;<blockquote>«Қызым зерек. Қандай тапсырма берсең де, тыңғылықты орындайды. Биыл домбыраға қатысқанына екінші жыл болса да, конкурстарға қатысып, жүлделі оралып жүр. Музыка өнеріне деген қызығушылығы ерекше. Өнерге қызығушылығы нағашыларына тартқан. Шашын 3 жасынан бастап өсіріп келемін. Жиі әдемі етіп өріп қоямын. Себебі өрілген шаш жинақылықты, тазалықты білдіреді. Қазақы нақыштағы әшекейлер тағынып, ұлттық киім кигенді ұнатады», – дейді анасы Айжан.</blockquote>Шұғыламен әңгімелесе келе оны тартымды ететін бұрымы ғана емес, өзінің әдебі, әдемі өнері, нәзік қалпы екен. Ал бұрымы көркінің үстіне көрік қосып тұр. Әрбір қазақ қызы Шұғыладай бұрымды, ибалы, инабатты, өнерлі болсын.Кішкентай өнерпазБұл – Нұрәли Базарбай. Жасы жетіде. Т.Көмекбаев атындағы №250 мектеп-лицейдің 2-сыныбын аяқтаса, әуез мектебінде баяннан 1-сыныпты үздікке бітірді. Талабы таудай бүлдіршін болашақта үлкен сахналарда өнер көрсетсем дейді.&nbsp;<blockquote>«Маған музыкалық аспаптардан баян аспабы қатты ұнайды. Сондықтан да осы үйірмеге келдім. Алғашқыда қиын сияқты көрінген. Ал қазір қолым үйреніп келеді. Баянды толық меңгеріп, түрлі байқауға қатысып, жеңімпаз болғым келеді. Ал ол үшін тынымсыз еңбектенуім қажет», – дейді жас өнерпаз.</blockquote>Кішкентай баян тартушы аудандағы өнер мектебіндегі баян сыныбында оқиды. Үйірмеге қатысушылар арасында жасы да, бойы да кішісі осы. Алайда үлгерімі мен ынтасы өзгелерден көш ілгері.<blockquote>«Нұрәлидің музыкаға деген қызығушылығы жоғары. &nbsp;Тапсырманы нық, тиянақты орындайды. Баян үйірмесіне алғашында анасы алып келді. Қазір өзі әрбір сабаққа ерекше ықыласпен, қуана қатысады. Жаңа нәрсені үйренуге құмар. Одан болашақта мықты музыкант шығарына сенемін», – дейді ұстазы Зульфия Бопажаева.</blockquote>Олай болса, талғамы биік, талабы зор кішкентай өнерпаздың өнеріне тәнті болып, тек сәттілік тілейміз.Тик-ток түсірудің шеберіБұл – Расул Қайратұлы. Жасы 5-те. «Ертөстік» балабақшасының тәрбиеленушісі. Әлеуметтік желіні қолданатын қармақшылықтардың біршамасы Расулдың билейтінін беске біледі. Түрлі қимылымен, өзін камера алдында, көпшілікте еркін ұстауымен ерекшеленетін балақайға бұл қасиет анасынан дарыған. &nbsp;Балаға тәрбие құрсақтан беріледі дейді ғой. Анасы Расул құрсағында болған кезде түрлі тойда ән айтып, өнер көрсетіп жүрген. Бесікте жатқанынан-ақ музыкаға қатты ден қойыпты.<blockquote>«Расул құрсағымда жатқан кезде де, босанғаннан кейін де тойда өнер көрсетіп жүрдім. Сондықтан болар балам әнсіз ұйықтамайтын. Ал қазір ақылды, өнерлі жігіт болып ер жетуде. Бір-екі рет өзімнің парақшама баламның биін салып едім, одан кейін сұраушылар көбейіп кетті. Сосын өзіне арнайы «Тик-ток» желісінен парақша аштық. Қазір оған видеоларын жүктеп тұрамын. Ол өзінің биіне жазылған пікірлерді оқып беруімді өтінеді. Расул жалпы әдемілікті, тазалықты жақсы көреді. Үнемі ақ түсті киім кигенді, сурет салғанды ұнатады», – дейді анасы Ақмарал Уксукбаева.</blockquote>Әлеуметтік желіде белсенді Расул балабақшада да бар өнерін көрсетуде. Ұстаздары да «Болам деген баланың бетін қақпа, белін бу» деген пікірді ұстанып, биші балақайға қолдау білдіруге, өнерін шыңдауға дайын. Біз де Расулдың парақшасына көз жүгірттік. Шынымен де қимылы ширақ, әуенді жақсы сезініп, қимылдап үлгереді. Көптің көзайымына айналып жүрген ата-әжесінің ерке баласының өнері шарықтап, елдің еркесіне айналсын дейміз.Жас спортшыБұл – Шахназар Жасұланұлы. Жасы 6-да. Спортқа жаны құмар бүлдіршін Т.Көмекбаев атындағы №250 мектеп-лицейінің 0 сыныбын аяқтап, бірінші сыныпқа көшті. Сабаққа деген талабы таудай. Әсіресе есеп шығарудан алдына жан салмайды. Ұстазы да есепте жүйріктігін аңғарып, болашақта осы қырын дамытуға болатынын айтады. Ал өзі спортқа әпкелеріне еліктеп қызыға бастаған.<blockquote>«Үлкен екі қызым баскетбол үйірмесіне қатысады. Жалпы спорт кез келген адамның денінің саулығы үшін өте қажет дүние. Балаларымның спортқа қызығушылығы жоғары болғанына қуанамын. Шахназар екі әпкесіне қызығып, өзі де спортпен айналысқысы келетінін айтты. Ол кезде жасы 5-те. Баланың меселін қайтармай футбол үйірмесіне бердім. Қазіргі таңда дзюдоға да барып жүр. Футболдан Нұржан Тұрсынбаев жаттықтырса, дзюдодан Қайрат Үсеновтен тәлім алады. Ер бала болғандықтан спортты серік еткені жөн. Өзінен кіші інісі де ағасына еліктеп футбол ойнағысы келеді. «Спорт – деннің саулығы» дегендей, ең бірінші дендері сау болады. Ал екіншіден жетістікке жетіп, абыройы асқақтап жатса, онда біздің мерейіміздің тасығаны. Біз тек қуанамыз», – дейді әкесі Жасұлан Көкеев.</blockquote>Иә, бауырлардың бір-біріне жақсы жағынан үлгі болып жүргені бір ғанибет. Шахназар болашақ мамандығын таңдап та қойған. Мақсаты айқын бүлдіршін дәрігерлікті таңдап та қойыпты.

Қармақшылық өнерлі өрендер

<a href="https://kyzylorda-news.kz/">Kyzylorda-news.kz.</a> Ақжар ауылына «Шаттық» деп аталатын балабақша бар. Ауласы жасыл желекке жайқалған білім ордасында бүгінде 75 бүлдіршін тәрбиеленуде. Аты айтып тұрғандай ауыл балақайларына шаттық сыйлайтын балабақшаның ғимараты 1989 жылы салынып бастайды.&nbsp;Кейін 1991 жылы пайдалануға беріледі. Тәуелсіздікпен құрдас болған балабақша типтік жобада 90 орынға арналған. Дей тұра қазірде 75 бүлдіршін 3-топта тәрбиеленіп жатыр. Енді биыл тағы бір топ ашылғалы тұр. Бұл жағымды жаңалықты бізге ауыл әкімі Нұржамал Бектайқызы жеткізді. Ауылдағы мектеп бітіргеніне 40 жыл болатын 1966 жылғы түлектер балаларға төсек орнын алып беріпті. Енді қалған керекті жабдықтарды реттелсе, тағы бір топ бүлдіршін балабақшада білім алатын болады.&nbsp; Бөбекжайда 28 қызметкер жұмыс істейді. Оның ішінде 11 педагог, 2-еуі 1 санатты, 3-еуі педагог-сарапшы, 1-еуі педагог-модератор, 2-еуі санатты 2 педагог. Былтырғы оқу жылы балабақшамен 40 бүлдіршін қоштасса, биыл 28 түлек мектепке қанат қағады.&nbsp;Мектепке дейінгі балаларды тәрбиелеу мен оқыту үшін қолайлы жағдай жасау, қауіпсіз білім беру жағдайларын жасау, олардың жас ерекшеліктеріне сәйкес біліктері мен дағдыларын қалыптастыру бағытында бөбекжайда көптеген іс-шаралар атқарылады. Ашық тәрбие сағаты, ертеңгілік, мерекелік іс-шара мен апталықтар бойынша жоғары деңгейде, ата-аналармен байланыста отырып өткізіледі. Атап айтсақ «Таза ауа - таза су», «Менің денсаулығым – менің байлығым» денсаулық апталығы, «Келімсектер елінің қонақтары», «Ертегілер еліне саяхат», «Қызықты ұлттық ойындар», «Жайлаудағы қызықты ойындар», «Ақшақардың қызықты ойындары», «Көңілді шарлар», «Балақай, жаттығайық алақай!», «Қазақтың болашақ батырлары», «Асық ату-мергендік», «Ортаға шық балақай, ойнайық ханталапай», «Біз әлемнің бақытты ұланымыз» тағы да басқа шаралар ұйымдастырылды.&nbsp;Сондай-ақ бөбекжай-бақшада ән үйірмесі, спорт үйірмесі мен әжелер орталығы жұмыс істейді. Аудандық, облыстық байқауларға тұрақты түрде қатысып отырады. «Балаларға базарлық» республикалық байқаудың аудандық кезеңінде тәрбиеші А.Рахымжанова ІІ орынды иеленді. «Ойын арқылы балалардың танымдық қабілетін дамыту» тақырыбында аудандық семинар, балабақшаның меңгерушісі болған Көшеней Рүстембековтің жары, аяулы ұстаз Жұпар Ержанованы еске алу кеші өткізілді. Балабақшаға Зоя Абауова 2018 жылдан бері басшылық етіп келеді. Жүзі жылы, жайдарлы мінезді жан алдымен балабақша жұмысының жоғары өрлеуіне аянбай үлес қосып отырған жұмысшы-қызметкерлердің еңбегін айрықша айтып өтті. Бірлік пен ынтымақты, тәртіп пен тазалықты сүйетін ұжымдағы әрбір жанның орны ерекше.<blockquote>«Баламен жұмыс істеу – ең күрделі мәселе. Бүлдіршіннің бойындағы барлық білім мен тәрбиенің іргетасы балабақшада қаланатындықтан бұл тәрбие орнындағы әрбір қызметкер қабілетті, жауапты әрі терең білімді болуы тиіс. Балабақшада жоғары білімді тәжірибесі мол мамандар балғындарға тәлім береді. Бала жас шыбық сияқты, оны енді ғана гүлдеп келе жатқан сәтінде қалай баптап, суарсаңыз, кейін нәтижесін өзіңіз көресіз. Біз ата-аналардың үмітін ақтауда және еліміздің ертеңгі ғалымдары мен спортшыларын, ұстаздары мен дәрігерлерін, өзге де түрлі кәсіптің тұтқасын ұстар азаматтарды тәрбиелеп шығуда жігеріміз бен бойда бар білімімізді аямаймыз. Тәрбиешілеріміз де жеке тәжірибесін жетілдіріп отырады, ал педагогикалық ұжым әрқайсының кәсіби шығармашылығын қолдайды. Олар үнемі өз білімін, қабілетін дамыту және жаңаны ойлап табу жолында жұмыс істейді. Әрбір педагог өткізілетін іс-шараларға әртістік қабілеттерін шындап, ізденімпаздылықпен, қызықты өтуіне жауапкершілікті дайындықпен келеді», – дейді балабақша меңгерушісі Зоя Абауова.&nbsp;</blockquote>Мектепке дейінгі тәрбиемен және оқумен баулудың бүгінгі заман талабына сай маңызы зор. Бұл еліміздің өсіп, өркендеу, даму жолында да біршама септігін тигізері сөзсіз. Бүлдіршіндерге ата-ана тәрбиесінен бөлек, балабақша білім мен ғылымға бала күнінен баулиды. Сол себепті олардың арасынан білімді, саналы ұрпақтар өссе, ұлт болашағының жарқын болатынына сенеміз.

Ақжар ауылындағы ғажап балабақша

<a href="https://kyzylorda-news.kz/">Kyzylorda-news.kz.</a> «Тазалықты сақтау адамның мәдениеттілігін көрсететіні белгілі. Яғни, тазалыққа әркез тиянақтылық таныту қажет. Мұны әрбір адам өзінің міндеті санауы тиіс» деп бастады Берік Сәрменбаев өз сөзін. Аудан басшысының айтуынша, тазалық жоқ жерде өсу де, өркендеу де болмайды. Себебі, тазалық алға жылжу мен жоспарларды орындаудың негізі болып табылады әрі атқарылған жұмыстардың айнасы болып есептелетіні жасырын емес. Бұл ретте, ауданымызда санитарлық тазалыққа қатысты жыл сайын тазарту айлықтары жүргізіледі. Соның нәтижесінде, көше бойы күл-қоқыстан арылып, тазартылуда. Оған аудандағы мемлекеттік мекеме мен бөлім қызметкерлері белсене атсалысуда. Әрбір сенбіліктер сайын мекеме қызметкерлері бекітілген көше бойына тазарту жұмыстарын жүргізеді. Мұның тұрғылықты жердің тазалығын сақтап, таза ортада өмір сүруімізге септігін тигізуде.<blockquote>«Аудан тұрғындары тазалық тұрғысында жауапкершілікті сезінгені жөн. Өйткені, туған жер¬дің таза әрі тартымды болуы өзімізге тікелей байланысты. Оның үстіне жалпыхалықтық сенбіліктерге мекеме қызметкерлерінен бөлек тұр¬ғындардың тұрғылықты жерді тазарту шараларына белсенді атсалысатыны байқалмайды. Сондай-ақ қоғамдық ортаны таза ұстауда кәсіпкерлер де немқұрайлылық танытуда. Соның салдары өмір сүріп отырған ортамыздың ластануына әкеліп соқтыруда. Бұған жол бермей, аудан халқы санитарлық тазалыққа аса мән беруі қажет. Барлығы да тазалық іс-шараларына белсенді атсалысуы тиіс. Себебі, тазалық – баршаға ортақ», – деді аудан әкімі.</blockquote>Иә, «Тазалық – мәдениеттілік өлшемі» десек, айналаны таза ұстауды әдетке айналдыруымыз керек. Сонда ғана өркениетті қоғамға қарай бет түзейміз. Аудан орталығы мен елді мекендердегі көше тазалығына жауапкершілікпен қарап, көркейту жұмыстарын жоғары дең-гейде жүргізгенде азаматтығымызға сын болмасы анық. Әркім есік алдын, жүрген жерін, көше бойын таза ұстаса, денсаулыққа кері әсері болмайды. «Тазалық – саулық негізі, саулық – байлық негізі» екені айтпаса да түсінікті. Сондықтан сырдария¬лықтардың туған жер тазалығын сақтауға мән бергені жөн.Бұл пікірді аудан орталығы – Тереңөзек кентінің әкімі Ержан Бах-тиярұлы да қуаттай түсті. Кент басшысы тұрғындарды Тереңөзек кентін бірге көркейтіп, гүлдендіруге шақырады.<blockquote>«Баршамызға белгілі, жылы, шуақты көктем айы да аяқталуға жақын қалып, жаз айы да келіп жетті. Бұл кезең – көркейту, көгалдандыру жұмыстарын ұйымдастыратын тамаша уақыт. Сіздерді кенттің әкімі әрі кенттің тұрғыны ретінде аудан орталығының санитарлық тазалық жұмыстарына жанашырлықпен белсене қатысуға шақырамын. Тазалық жай ғана жүрдім-бардым қарайтын дүние емес. Мұнда үлкен тәрбие негізі, мәдениеттілік бар. Себебі, тазалық – адамның рухани, мәдени жетілу деңгейінің, кісілігі мен тәрбиесінің маңызды көрсеткішінің бірі. Ол жан-жақты адам өмірін, болашағын, имандылығы мен адамгершілік сияқты кісі ғұмырына тән көптеген тармақтарды қамтиды. Даналарымыз адам өмірінің зор байлығы – денсаулық десе, ал денсаулықтың кепілі – тазалық екенін ұғындырған. Сондықтан тазалық – адамның мәдениеттілігінің, адамгершілігінің таразысы, иманның жартысы саналады», – дейді Тереңөзек кентінің әкімі.</blockquote>Расында да біз көше мәдениеті туралы сөз қозғағанда ең алдымен тазалықты айтатынымыз анық. Өйткені, көшедегі мәдениеттіліктің бастауы тазалық екені айтпаса да түсінікті. Әрбір адам өзінің көшесін, ауласын таза ұстау арқылы қоғамға пайдасын тигізеді. Ал қоршаған орта күл-қоқысқа толып жатса, оның адам денсаулығына тигізер зияны көп. Сол себепті де кент әкімінің тұрғындар айналаны ластамай, біреудің айтуымен емес, өздерінің денсаулығы үшін санитарлық тазалыққа мән беріп қарағаны жөн деген пікірінің жаны бар. Жыл сайын көктемгі және күзгі уақытта екі айлық тазалық айлығы жүргізіледі. Облыс, аудан көлемінде уақыты бекітіліп, сол бойынша сенбіліктер ұйымдастырылады. Тиісінше, осы мезгілде де аудан тө-ңірегінде тазалық айлығы жалғасуда. Соның нәтижесінде, біраз көше бойы тазартылып жатыр. Десе де қазіргідей көктем-жаз мезгілінде жауапкершілікті сезінбеген кейбір тұрғындардың тұрмыстық қалдықты бей-берекет шашып тастауынан көше бойында санитарлық тазалық талаптары сақталмауда. Осы тұста, тұрғындар тазалыққа қатысты жауапкершілікті сезінуі тиіс.<blockquote>«Өзінің есік алдын, көше жақ бетін тазартып, күл-қоқысты шығармай, таза ұстаса, оның қоғамға тигізер пайдасы көп. Яғни, әрбір адам көше тазалығына жауап берсе, кенттің де келбеті айшықтала түсетіні анық. Сондықтан кент тұрғындарын көше тазалығын сақтауға, тазалық акцияларына, оның ішінде республика деңгейіндегі «Таза Қазақстан» акциясына белсене қатысып, Тереңөзек кентінің тазалығын сақтауға бір кісідей қатысуға шақырамын. Туған жеріміз Тереңөзекті бірге көркейтейік», – деп қорытты Ержан Бахтиярұлы өз сөзін.</blockquote>Халық даналығында «Көшесі тазаның – көңілі таза» деген жақсы сөз бар. Көңіліміз таза, өміріміз жайлы болсын десек, тазалыққа мән берейік. Бұл үшін әрбіріміз өз ауламызды, өз көшемізді таза ұстап, аудан тазалығын бірге қалыптастырғанымыз жөн. Сонда ғана ауданымыз абаттанып, тазарып, кентіміз көркеймек.&nbsp;&nbsp;

Аудан тазалығы назардан тыс қалмайды

<a href="https://kyzylorda-news.kz/">Kyzylorda-news.kz.</a> Сыр елінің бас қаласы Қызылорда қарқынды құрылыс алаңына айналды. Мұнда жыл сайын көптеген шағын аудандар бой көтеруде. Жаңадан әлеуметтік нысандар салынып, әлеумет игілігіне табысталуда.Сыр елінің символындай салынып жатқан «Өнер» орталығы осындай айтулы нысанның бірегейі. Орталық орналасқан жер аумағы үлкен. Құрылыс жұмыстарын жүргізу құқығы «СМП Қызылорда» ЖШС мердігер мекемесіне міндеттелген. Мәдени орталықтың сапалы салынуы – ең басты талап.Бүгін облыс әкімінің орынбасары Нұрымбет Сақтағанов, облыс әкімінің аппарат басшысы Шахмардан Байманов, қала әкімі Асылбек Шаменов пен облыстық құрылыс, сәулет және қала құрылысы басқармасының басшысы Ерлан Төралиев Өнер орталығының құрылысымен танысты.1000 келушіге арналған көпфункционалды орталықтың іргетасы былтыр тамыз айында қаланған. Нысан жыл соңында пайдалануға берілмек. Құны 3,7 млрд теңгені құрайтын екі қабатты ғимаратта симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізіледі.Айта кетейік, көрермендерге концерттерді кәсіби әрі жанды дауыста ұсыну үшін симфониялық оркестр құру жоспарлануда. Ұжымның салтанатты тұсаукесер рәсімі жаңа «Өнер орталығында» өтеді.Сыр елінің сәулетіне сән беретін үлкен сыйымдылықтағы нысан Сыр өңірі көркемөнерпаздарының көз қуанышы болмақ. Ел игілігіне арналған орталық ізгі істер бастауы болып, талай таланттардың тұғырына айналарына сенім мол.Өнер орталығы соңғы үлгідегі сәулетті үлгіде жобаланған. Орталықтың дизайны жоғары деңгейде. Екі қабатты болып салынатын нысан барлық қажетті талаптарға сай жабдықталмақ. Бұл еліміз бойынша ең үлкен бір төбелі өнер алаңы болады деп жоспарлануда.Өнер орталығы заманауи құрал жабдықтармен қамтамасыз етілмек. Мың адамға арналған мәжіліс залы, арнайы үйірмелерге арналған бөлмелер жұмыс істейді. Сонымен қатар қаладағы көрікті нысандардың біріне айналмақ. Оқушылар мен жас жеткіншектердің бос уақыттарын тиімді пайдалануға арналған өнеге ордасы болмақ. Осынау дәуірлі өнер ордасы Сыр төрінде салтанат құрмақ.Қазақ өнерінің көкжиегін кеңейтіп, Тұран топырағының қасиетін даралайтын берекелі орынның бәсі биік болады. Бұл біз көрген Өнер орталығының бүгінгі бейнесі.<figure class="image"><img src="https://knadmin.beoblood.kz/uploads/350788616_1293345531272802_2111511532905334211_n_79550ca23a.jpg" alt="350788616_1293345531272802_2111511532905334211_n.jpg"></figure>&nbsp;<figure class="image"><img src="https://knadmin.beoblood.kz/uploads/350933590_932296531318228_6744358630662208486_n_2a6fb6f9b8.jpg" alt="350933590_932296531318228_6744358630662208486_n.jpg"></figure>&nbsp;<figure class="image"><img src="https://knadmin.beoblood.kz/uploads/350955237_3669746896645010_3141495107502942850_n_0cfaa74ee7.jpg" alt="350955237_3669746896645010_3141495107502942850_n.jpg"></figure>

Архив