<a href="https://kyzylorda-news.kz/">Kyzylorda-news.kz</a> «Байланыс қызметтерін көрсету қағидаларын бекіту туралы» Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 171 бұйрығына өзгерістер мен толықтыру енгізілді, деп хабарлайды <a href="https://kaz.inform.kz/news/kazakstandiktar-end-sim-kartani-tek-baylanis-operatorlarinan-gana-satip-ala-aladi-c93faa/">Қазақпарат.</a>«Ашық НҚА»&nbsp;порталында жарияланған жоба сәйкестендірусіз тіркелген қазақстандық операторлардың SIM-карталарын пайдалана отырып жасалатын интернет-алаяқтықтармен күресуге бағытталған.<blockquote>- Абоненттік нөмірлердің тіркелуін бақылауды күшейту және жеке басын сәйкестендіру нөмірінсіз SIM-карталарды сатуға шектеулер енгізу ұсынылады. Түзетулер күшіне енгеннен кейін SIM-карталарды сатып алуды байланыс операторлары жүзеге асырады. Бұл алаяқтық әрекеттердің санын азайтуға мүмкіндік береді. Абоненттердің қауіпсіздігін арттыру және алаяқтықпен күресу үшін байланыс операторлары арнайы байланыс орталығын құрады, онда пайдаланушылар алдау әрекеттері туралы жедел хабарлай алады. Мұндай шара алаяқтық әрекеттерді тез анықтауға, күдікті нөмірлерді бұғаттауға, құқық қорғау органдары үшін деректерді жинауға, сондай-ақ халықтың цифрлық сауаттылығын және операторлардың қызметтеріне деген сенім деңгейін арттыруға мүмкіндік береді, - делінген құжатта.</blockquote>Одан бөлек, жобада жазылғандай, қазақстандық SIM-карталарды, оның ішінде соңғы пайдаланушыны сәйкестендірмей дистрибьюторлар мен дилерлерге тіркелген интернет-алаяқтықтар санының тұрақты өсуіне байланысты заңнамаға өзгерістер енгізу қажеттілігі туындайды.Алаяқтар ауыстыруға болатын және халықаралық нөмірлерді белсенді қолданады, бұл тергеуді қиындатады және кінәлілердің жазаланбай қалу ықтималдылығын арттырады. Ұсынылған өзгеріс азаматтарды қорғауға және ұялы байланыс арқылы жасалатын қылмыстарды тежеуге бағытталған.Абонент ұялы байланыс желілеріндегі күдікті қоңыраулар фактісі бойынша ұялы байланыс операторының ақпараттық-анықтамалық қызмет көрсету жүйесіне шағым түсіреді. Абоненттік нөмірді тексергеннен кейін ұялы байланыс операторы қажет болған жағдайда қосымша мәліметтер сұратады. Абоненттің шағымында көрсетілген фактілер расталған кезде ұялы байланыс операторы абоненттік нөмірді бұғаттайды.Бұйрық жобасы 2025 жылғы 23 мамырға дейін қоғамдық талқылауға ұсынылып отыр.Фото:&nbsp;

Қазақстандықтар енді SIM картаны тек байланыс операторларынан ғана сатып ала алады  

<a href="https://kyzylorda-news.kz/">Kyzylorda-news.kz</a> Қазақстан Ұлттық банкі 2025 жылғы 9 мамырда Ұлы Жеңістің 80 жылдығына арналған мерейтойлық банкнотты айналымға шығарады. Бұл туралы <a href="https://stan.kz/ylttik-bank-zhenistin-80-zhildigina-arnalgan-mereytoyli-417612/">Stan.kz</a> ақпарат агенттігі орталық банкке сілтеме жасап хабарлайды.Банк өкілдерінің дерегінше, банкноттың таралымы 5 миллион данамен шектелген.<blockquote>“Қаһарман отандастарымыздың ерлігіне құрмет таныту үшін Ұлттық банк ұлттық валютада мерейтойлық банкнотаны айналымға шығарғалы отыр”, – делінген банк хабарламасында.</blockquote>Дизайнына келсек, банкноттардың түсі – қоңыр-сарғылт. Алдыңғы бетінде Даңқ мемориалы бейнеленген. Сондай-ақ микро-оптикалық қорғаныс жолағы бар. Банкнота бұрышын өзгерткен кезде жолақта тереңдіктің, көлемнің және жылтырдың үш өлшемді әсері мен мәңгілік алау мен ұшып бара жатқан тырналар көрінеді. Тырналар силуэті – жақсылық пен үміттің бейнесі – өмірді суреттейді.Екінші бетінде тарихи мұрағаттық фотосуреттердің үзінділерімен Қазақстан картасы және ерлік, табандылық пен батырлықтың символы ретінде Отан соғысы ордені бейнеленген.<blockquote>“Номиналы 1 000 теңгелік мерейтойлық банкнот өз құнына сай Қазақстан Республикасының бүкіл аумағында төлемнің барлық түрі бойынша қабылдануға жатады. Сондай-ақ банктік шотқа салуға, Қазақстан Республикасының барлық банкінде аударуға және ұсақталуға міндетті”, – дейді Ұлттық банк өкілдері.</blockquote><img src="https://knadmin.beoblood.kz/uploads/My_te_ge_e38059d58a.webp" alt="Мың теңге.webp">Фото: nationalbank.kz

Қазақстанда Жеңістің 80 жылдығына арналған 1000 теңгелік банкнот айналымға шығады

<a href="https://kyzylorda-news.kz/">Kyzylorda-news.kz</a> Қызылорда облыстық қоғамдық даму басқармасының “Қоғамдық келісім” КММ ұйымдастыруымен мекеме директоры Бақытжан Камалов бастаған топ облыстық ҚХА ардагерлеріне Ұлы Жеңістің 80 жылдығына орай құрмет көрсетті. &nbsp;Үй-үйлерді аралап, құттықтау хат табыстады. Тәттіге толы себеттер таратты.&nbsp;<img src="https://knadmin.beoblood.kz/uploads/Ardagerlerge_rmet_498dc706ec.jpg" alt="Ардагерлерге құрмет.jpg">Ұрпағының болашағын ойлап, елінің бейбіт тіршілігі үшін ерен еңбек еткен ардагерлер көрсетілген сый-құрмет үшін алғыстарын жаудырып, ақ баталарын берді.Бүгінгі қоғамды отаншылдық рухта тәрбиелеуге, рухани құндылықтарды насихаттауға, ардагерлердің ерліктеріне сыйластық көзқарасты қалыптастыруға бағытталған бастаманың әлі де өз жалғасын табатыны сөзсіз.<img src="https://knadmin.beoblood.kz/uploads/Ardagerlerge_rmet_3_2f1ab486b8.jpg" alt="Ардагерлерге құрмет 3.jpg">

Ардагерлерді ұлықтады

<a href="https://kyzylorda-news.kz/">Kyzylorda-news.kz</a> Облыс орталығындағы “Достық үйінде” облыстық ардагерлер кеңесінің кезекті алқа мәжілісі өтті.&nbsp;Облыстық ардагерлер кеңесінің төрағасы С.Дүйсенбаевтың төрағылығымен өткен алқа мәжілісіне Қармақшы, Шиелі аудандық ардагерлер кеңесінің төрағалары, ардагерлер қозғалысының белсенділері, БАҚ өкілдері және ZOOM форматында аудандық ардагерлер кеңесінің алқа мүшелері қатысты.&nbsp;Алқада “Қармақшы аудандық ардагерлер кеңесінің ардагерлер белсенділігін арттыру мен ардагерлер қозғалысына тарту бағыттарындағы атқарылған жұмыстары" мәселесі қаралып, қызу талқыланды. Ардагерлерге көрсетілетін медициналық көмек, әсіресе денсаулығы бойынша дәрігерлік есепте тұрған ардагерлерді тегін дәрілермен қамтамасыз ету жайында ұсыныс-пікірлер айтылды. Қаралған мәселе бойынша айтылған ұсыныс-пікірлерді ескере отырып тиісті қаулы қабылданды.&nbsp;Мәжіліс соңында бір топ ардагерлер қозғалысының белсенділері “Қызылорда облысының құрметті ардагері” төсбелгісімен марапатталды.<img src="https://knadmin.beoblood.kz/uploads/Whats_App_Image_2025_05_09_at_11_36_27_42551c6ea6.jpeg" alt="Алқа отырысы 2.jpeg">

Облыстық ардагерлер кеңесінің кезекті алқа мәжілісі өтті

<a href="https://kyzylorda-news.kz/">Kyzylorda-news.kz</a> Қызылорда облыстық ардагерлер кеңесінің өкілдері қазалылық Тілеуберген Тобабергенов пен сырдариялық Яхия Тасыровты Жеңіс күніне орай облыстық ардагерлер кеңесінің құттықтауын тапсырып, құрмет көрсетті.<blockquote>– Жеңіс күні бұл – өткенге тағзым, бүгінге тағылым, болашаққа аманат. Ол батыр бабаларымыздың қанымен жазылған ерліктің символы, қайсарлық пен ерліктің мәңгілік ұраны. Халқымыздың батырлығы мен ержүректігін, елге деген адалдығы мен отансүйгіштігін әлемге танытқан тарихи мереке. Біз сол ұлы ерліктің алдында тағзым етіп, бейбіт өмірдің қадірін терең сезінеміз. Ардагерлерге деген құрмет бұл тек алғыс емес, ол – ұлттың ұрпағына артылған аманат. Біз олардың ерлігін ешқашан ұмытпаймыз, – деді облыстық ардагерлер кеңесі төрағасының орынбасары Өмірбек Шәменов.</blockquote>

Ұлы Отан соғысы ардагеріне алғыс айтты

<a href="https://kyzylorda-news.kz/">Kyzylorda-news.kz</a> Ұлы Жеңістің 80 жылдығы мерекесі қарсаңында аймақ басшысы Нұрлыбек Нәлібаевтың қатысуымен Сырдария ауданы Нағи Ілиясов ауылына газ қосу рәсімі өтті. Оған &nbsp;Оқу-ағарту министрі Ғани Бейсембаев, &nbsp;Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев және зиялы қауым өкілдері мен ел ағалары қатысты.Облыс әкімі тұрғындарды Ұлы Жеңістің 80 жылдығымен және ауылдағы ағайын көптен күткен игіліктің іске асуымен құттықтады.<blockquote>«Жеңіс күні – елдік пен ерліктің, батылдық пен қаһармандықтың мерекесі! Мемлекет басшысы Қасым-Жомарт Кемелұлы Сыр өңіріне жасаған жұмыс сапарында осы ауылдың әлеуметтік-экономикалық дамуымен танысып, «Нағи Ілиясов басқа ауылдарға да үлгі болуы қажет. Сондықтан өзге облыстар да ауылдарды осылай дамытады деп ойлаймын», - деп жоғары бағасын берген болатын. Ауылды гүлдендіріп, өнімді еңбектің арқасында туған өлкенің дамуына тұрақты қолдау көрсеткен Қазақстанның Еңбек Ері, Қызылорда облысының құрметті азаматы Абзал Ералиевтің еңбегін ерекше атап өткен жөн. Бұған дейін тұрғындардың өмір сүру сапасын арттыру мақсатында жаңа дәрігерлік амбулатория, "Еңбек аллеясы" ашылған еді. Қазір халыққа қалтқысыз қызмет етуде. Бүгін міне, мерейлі мереке қарсаңында Нағи Ілиясов ауылын газға қосу рәсіміне жиналдық. "Көгілдір отын" баршаңызға құтты, берекелі болғай!"- деді Н.Нәлібаев.</blockquote>Салтанатты шарада ауданның әлеуметтік-экономикалық дамуына үлес қосқан азаматтар облыс әкімінің Алғыс хатымен марапатталды. Оқу-ағарту министрі Ғани Бейсембаев пен Мәжіліс депутаты Мұрат Ергешбаев құттықтауын жеткізіп, ел ағасы, Қызылорда облысының құрметті азаматы Ибрагим Әбибуллаев батасын берді.Рәсімнен соң оған қатысушылар ауылды аралап көрді. &nbsp;Оқу-ағарту министрі мектепке барып, білім ошағының жұмысымен танысты.Аймақта газдандыру жобаларына қаржы бөлініп, 330 шақырым газ желілері тартылды. Бүгінде өңірді газбен қамту деңгейі 78 пайызға жетті. Жыл соңына дейін бұл көрсеткішті 83 пайызға дейін арттыру жоспарланған.Бұған дейін де еліміздегі ең сәулетті, берекелі ауылдардың қатарында аталатын Нағи Ілиясов елді мекені "Үздік туристік ауыл – 2025» ұлттық байқауының қорытындысымен де республикадағы туристік ауылдардың үздік бестігіне енді.<img src="https://knadmin.beoblood.kz/uploads/Na_i_Iliyasov_gaz_d52f9e8dec.jpg" alt="Нағи Ілиясов газ.jpg">Фото: Қызылорда облысы әкімінің баспасөз қызметі

Нағи Ілиясов ауылы газға қосылды

<a href="https://kyzylorda-news.kz/">Kyzylorda-news.kz</a> Облыс орталығындағы «Тағзым» алаңында Ұлы Жеңістің 80 жылдығына арналған «Ұлы Жеңіс – ұрпаққа аманат» атты салтанатты шара өтті. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов,Мұрат Ергешбаев және облыстың зиялы қауым өкілдері мен ел ағалары, қала тұрғындары қатысты.<img src="https://knadmin.beoblood.kz/uploads/Ta_zym_ala_y_2_225587a348.jpg" alt="Тағзым алаңы 2.jpg">Облыс әкімі Нұрлыбек Нәлібаев аймақ тұрғындарын Жеңістің 80 жылдығымен құттықтады.<blockquote>«Ұлы Жеңістің 80 жылдығына орай өткен әскери шеруде Президентіміз Қасым-Жомарт Кемелұлы: «Біз елдік үшін күрескен батыр бабаларды ұлықтаймыз. Отан қорғау жолында опат болған боздақтарға тағзым етеміз», – деп, 500-ге жуық көшеге Қазақстан қаһармандарының есімі берілетінін атап өтті. Осы орайда, ерекше атап өту қажет, оның 146-сы – облысымыздың ардагерлері. Жыл аяғына дейін қаһармандардың есімдері көшелерге беріледі. Сұрапыл соғыс жеңімпаздарының ерен ерлігін, шексіз батырлығын жадымызда жаңғырту, оларды мәңгі есте сақтау – қасиетті борышымыз. Жеңіс күні арыстарымызды еске алып, арамыздағы ардақты ардагерлерімізге құрмет көрсету – елдік парызымыз. Арын – байрақ, намысын – найза еткен ерлеріміздің қаһармандығы аңызға айналуда. Бүгінгідей Тәуелсіз ел атанып, еңсеміздің биік болуы, өркендеп-өрістеуіміз де – осы Ұлы Жеңістің жемісі. Аға буынның қайсарлығы мен төзімділігі, табандылығы мен патриоттығының арқасында бейбіт заманда еңбек етіп, ұрпақ өсіріп, жарқын болашаққа қадам басып келеміз. Батыр бабаларымыз қол жеткізген қасиетті де ұлы ерлік ел жадында мәңгі сақталады! Тәуелсіздігіміз тұғырлы, егемендігіміз еңселі болғай!» – деді аймақ басшысы.</blockquote><img src="https://knadmin.beoblood.kz/uploads/Ta_zym_ala_y_4_4257061762.jpg" alt="Тағзым алаңы 4.jpg">Салтанатты шарада сұрапыл соғыс жылдары ерлік көрсеткен қаhармандар құрметіне бір минут үнсіздік жарияланып, ескерткішке гүл шоқтары қойылды. Жеңіс туы желбірегелі 80 жыл өтсе де, қасық қаны қалғанша күресіп, кейінгіге бейбіт өмір сыйлаған боздақтардың, хабар-ошарсыз кеткендердің, елге оралған соң еңбек майданында шыңдалған ардагерлердің ерлігі ұмытылмайды.<img src="https://knadmin.beoblood.kz/uploads/Ta_zym_ala_y_5_abf54b7410.jpg" alt="Тағзым алаңы 5.jpg">Рәсімде Парламент Сенатының депутаты Руслан Рүстемұлы құттықтау сөз сөйледі. Қоғам қайраткерлері Нажмадин Түркпенұлы, Айтбай Көшербайұлы игі тілегін айтып, батасын берді.Сонымен қатар, Жеңісті жақындатуға өлшеусіз үлес қосқан тыл ардагерлері «Ұлы Отан соғысындағы Жеңіске 80 жыл» мерекелік медалімен марапатталды.<img src="https://knadmin.beoblood.kz/uploads/Ta_zym_ala_y_3_a07a3863c9.jpg" alt="Тағзым алаңы 3.jpg">Фото: Қызылорда облысы әкімінің баспасөз қызметі

Ұлы Жеңіс – ұрпаққа аманат

<a href="https://kyzylorda-news.kz/">Kyzylorda-news.kz</a> Жеңіс күнін жақындатқан жауынгердің бірі – еңбек және соғыс ардагері Жолдыбай Балтабаев. Майдангер 1918 жылғы 8 наурызда Шиелі ауданына қарасты Тартоғай ауылында дүниеге келген. Ұлы Отан соғысы басталғанда майдан шебіне аттанған. Алдымен неміс басқыншыларына, сонан соң жапон самурайларына қарсы соғысқа қатысқан. Ол 1941-1944 жылдар аралығында №81 атқыштар полкінде болып, талай неміс жауынгерін жер жастандырған. 1944-1945 жылдары №625-ші атқыштар, 1945-1946 жылдары Гаубарт полктерінде жүрді.&nbsp;Жолдыбай Балтабаев Разия Кентжановамен бас қосып, шаңырақ көтереді. Елге оралған соң құрылыс саласында жұмыс істеген. Ағаш ұстасы болған Жолдыбай ата қазіргі Шиелі ауданының Алмалы ауылының гүлденуіне көп септігін тигізген. Ауылдағы соғылған құрылыс жұмыстарының басы-қасында жүріп, іргетасты құюдан бастап, қабырғасын өру, шатырын жабу сынды барлық деңгейдегі жұмыстарына қатысады. Ел ішінде адамгершілігімен, шыншылдығымен, адалдығымен танылады. Құрылыс жұмыстарын бір кісідей білгеннен кейін көмек сұрап келгендерге мүмкіндігінше қолұшын беріп, үйін соғуға жәрдемдесетін. Ондайда қолым бос емес демей уақыт тауып, үйін едендеу, шатырын жабу секілді жұмыстарына көмек беретін.&nbsp;Соғыс және еңбек ардагері Ж.Балтабаев 1994 жылғы 18 наурызда өмірден өткен. Оның жасаған еңбегі мен көрсеткен ерлігіне сай алған марапаттары да жетіп артылады. Ол «Отан соғысы» орденімен, «Германияны жеңгені үшін», «Кенингсбергті алғаны үшін», «Жапонияны жеңгені үшін» медальдарымен наградталған. Майдангердің марапаттарының қатарын «Еңбек ардагері» мен жеңістің мерекелік медальдары толықтырады. Жолдыбай ата үнемі елге тыныштық тілеумен жүріпті. Бейбітшілік болған жерде тұрақтылық болатынын ондай елде бақ пен береке, ырыс пен ынтымақ орнығатынын өзінен кейінгілерге үнемі айтып отыратын.&nbsp;Өмірін өнегемен өрнектеген майдангер ұл-қыздарына да үлгілі тәрбие мен жақсы тәлім бере білді. Ақиқатты өмірінің негізі еткен соғыс ардагері барынша &nbsp;қарапайым болатын. Соғыс ардагерінің &nbsp;ұрпақтары әке абыройына дақ түсірмей, қайда жүрсе де тәрбиелігі мен өнегесін көрсетіп келеді. Тұлғалық тұрпаттың қарапайым ғана үлгісін көрсете білген Жолдыбай Балтабаев ағайынның арасында беделді, ауыл ішінде сыйлы, жора-жолдастарының алдында абыройлы жан болған. Бүгінде артынан ерген, ізін жалғаған ұл-қыздары мен немере-шөберелері майдангердің ұрпақтары екенін мақтанышпен айтып жүреді.Әзиз ЖҰМАДІЛДӘҰЛЫ

Атқыштар полкінің жауынгері

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданының Тереңөзек кентінде тұратын Ұлы Отан соғысының ардагері Яхия Тасыровты &nbsp;Жеңістің 80 жылдығымен құттықтап, құрмет көрсетті.Ардагерге Президент Қасым-Жомарт Кемелұлы Тоқаевтың құттықтау хаты мен &nbsp;«Ұлы Отан соғысындағы Жеңіске 80 жыл» мерекелік медалін табыстады. &nbsp;Дәстүрге сай иығына шапан жауып, сый-сияпат көрсетті.Ұлы Отан соғысының ардагері, Сырдария ауданының құрметі азаматы, 103 жастағы Яхия Тасыров 1942 жылы майданға аттанған. Сталинградты, Курскіні, Польшаны азат етуге қатысқан. Бейбіт өмірде де белсенді еңбек етіп, ауыл шаруашылығы өндірісінің өркендеуіне үлес қосқан. &nbsp;"Қызыл жұлдыз", І, ІІ дәрежелі "Ұлы Отан соғысы" ордендері мен бірнеше медальдың иегері, елдің батагөй ақсақалы.Мемлекет басшысының тапсырмасымен Жеңістің 80 жылдығын атап өтуге, қатары сиреген қарт майдангерлерге құрмет көрсетуге ерекше мән берілуде.Аймағымызда Жеңіс күнін атап өтудің іс-шаралар жоспары бекітілді. Ұлы Отан соғысына қатысушыларға, оларға теңестірілген ардагерлер мен соғыс жылдары кемінде алты ай еңбек еткен тыл ардагерлеріне төленетін әлеуметтік төлемнің мөлшері жыл сайын артып келеді.&nbsp;Бүгінде Қазалы және Сырдария аудандарында 2 ҰОС ардагері тұрады. Оларға 5 миллион теңгеден берілсе, тыл еңбеккерлері, ҰОС ардагерлеріне теңестірілгендер мен мүгедектерінің төлемі 40 АЕК-тен 50 АЕК-ке ұлғайтылды. Бұл бағыттағы жұмыстар әрі қарай жалғасын табады.<img class="image_resized" style="width:100%;" src="https://knadmin.beoblood.kz/uploads/Yahiya_Tasyrov_e1ef0be740.jpg" alt="Яхия Тасыров.jpg">Фото: Қызылорда облысы әкімінің баспасөз қызметі

Ұлы Отан соғысының ардагеріне құрмет көрсетті

<a href="https://kyzylorda-news.kz/">Kyzylorda-news.kz</a> Осыдан он бір жыл бұрын Ресейдің Қорғаныс министрлігінің орталық архивінен Шиеліге арнайы хат келіпті. Ол хатта екінші дүниежүзілік соғыста әскери дәрігер болған медицина майоры Әділбек Тоқтыбаевтың 1947 жылы «Ерлігі үшін» медалі мен «ІІ дәрежелі Отан соғысы» орденіне ұсынылғаны жазылған. Бірақ бізге белгісіз себептермен бұл наградалар жауынгердің өз қолына табысталмапты. Сол марапат 69 жылдан кейін ұрпақтарына берілді. Бұл да болса майдангер есімінің ұлықталғаны деп білеміз.ХХ ғасырда ең үлкен қанды қырғын саналатын екінші дүниежүзілік соғыста қазақтардың үлкен ерлікпен көзге түскені күллі әлемге белгілі. Бұл соғыс – қанды соғыс, әлем жұртшылығын зар еңіреткен соғыс. Осы аты өшкір соғыста 600 мың қазақстандық жанын қиды. Қаншама боздақ оралмай, қанша ана қара жамылды, жесір қалды. Баласын жоқтаған ана, азаматын жоқтаған жар етегі жасқа толып жылағанда, қойнауы тыныштыққа толы даланың өзі қоса аңырағандай болатын. Бірақ қандай қиындық көрсе де келешек ұрпақтың болашағы үшін жеңісті жақындатқан жауынгерлердің бірі – Әділбек Тоқтыбаев. Ол кісі Шиелінің тұңғыш қазақ дәрігері, медицина саласының майор шенді офицері.1914 жылы Жаңақорған ауданындағы Төменарық елді мекенінде дүниеге келген Әділбек Тоқтыбаев1940 жылы 26 жасында сол кездегі астанамыз Алматы қаласындағы Қазақ медициналық институтын бітіріп, еңбек жолын сол қаладағы емдеу мекемелерінде жалғастырады.&nbsp;Ел басына күн туғанда елім деген ерлердің сыналатын шағы да болатыны белгілі. 1941 жылы Ұлы Отан соғысы басталғанда Алматы қаласының Сталин аудандық әскери комиссариаты арқылы Қызыл Армия қатарына шақырылып, майдан шебіндегі 422-ші атқыштар дивизиясының 106-шы артиллериялық бөліміне кіші дәрігер болып бекітіледі. 1942 жылы Сталинград үшін шайқаста көрсеткен ерлігі мен батылдығы, жаралы жауынгерді сауықтырудағы ерен еңбегі үшін әскери хирург Әділбек Тоқтыбаев «Сталинградты қорғағаны үшін», «Қызыл жұлдыз» орден-медальдарымен марапатталды. Әскери хирургтың жанқиярлық ісі бірнеше газетте жарияланды. Оны бүкіл полк құрмет тұтты. Офицерлерден бастап қатардағы жауынгерлерге дейін одан үлгі алуға, оның жылы сөзін естуге құштарлық танытты.&nbsp;Мақалаға арқау болған кейіпкеріміз Әділбек Жетібайұлы 1943 жылғы 20 шілдеде әскери қызметке жарамсыз деп танылып, туған өлкесі Шиеліге оралды. Бұл жерде облыстық денсаулық сақтау бөлімінің бұйрығымен аудандық денсаулық сақтау бөлімінің бастығы және аудандық аурухананың бас дәрігері болып тағайындалды. Осы алапат соғыста бір аяғын берген Әділбек Тоқтыбаев Қызылорда облыстық эксперттік комиссиясының 1944 жылы 3наурыздағы шешімімен ІІ дәрежелі Ұлы Отан соғысының мүгедегі деп танылады. Сол жылы облыстық денсаулық сақтау бөлімінің бастығы Баймахановтың бұйрығымен Қызылорда қаласында рентгенолог мамандығын алып шығады. Сөйтіп Шиелі аудандық ауруханасында басшылық қызметімен бірге хирург, рентгенолог-фтизиатр мамандықтары бойынша жұмыс та істеген. Алайда 1945 жылдың 10қаңтарында Қызыл Армия қатарына қайта шақырылып, Ақмоладағы облыстық әскери комиссариатқа және әскери гарнизонына дәрігер болып тағайындалған. Онда атақты дәрігер Розенбергтің қарамағында қызмет етеді. Ақмола тубдиспансерінде фтизиатр-рентгенолог болады.1946 жылдың шілде айында әскери қызметінен босағасын қайтадан Шиелі аудандық денсаулық сақтау саласының басшылық жұмысына кіріседі.Соғыстан кейінгі қиын-қыстау кезеңде білікті мамандардың жетіспеушілігіне байланысты әрі хирург, әрі рентгенолог қызметтерін қоса атқарды. Ойланып қарасақ өзі ІІ топтағы ҰОС мүгедегі, бір аяғы протез, жалғыз аяқпен жүрсе де қан майданда қаншама адамды ажал аузынан арашалап қалған. Өмір мен өлім арасында жатқан қанша жанға көмек берген. туған өлкесіне оралған соң да дәрігерлік қызметте жемісті еңбек атқарған. «Болат қайнауда, ержігіт майданда шынығады» дегендей соғыс кезінде де, соғыстан кейін де бар өмірін өзгелерді емдеуге арнаған. Отты жылдарда жау оғының кесірінен бірі қолынан, бірі аяғынан айырылған, енді бірі оққа ұшып жараланған қаншама жарымжан мүгедек жанды ажалдан арашалап қалған атпал азаматтың өмірі қысқа болды. Аудан тұрғындары аһ ұрып, күрсініп 1948 жылдың 27 қыркүйегінде үрмелі оркестрлі аспаппен сүйікті ұлдарын соңғы сапарға аттандырды.&nbsp;Небәрі 35-ақ жыл ғұмыр кешкен Әділбек Тоқтыбаев аққан жұлдыздай жарқ етіп, өмірімен ерте қоштасқан. Майор шенді дәрігердің ерлікке толы ғұмыр жолы талайға үлгі болып қала бермек.Әзиз БАТЫРБЕКОВ

Майор шенді дәрігер

<a href="https://kyzylorda-news.kz/">Kyzylorda-news.kz</a> Қызылорда облысының әкімі Нұрлыбек Нәлібаев қызылордалықтарды Жеңіс күнімен құттықтады.<blockquote>Қадірлі жерлестер! Құрметті ардагерлер мен тыл еңбеккерлері! Баршаңызды бейбітшілік пен бостандық үшін күрескен аға буынның жанқиярлығының, қажымас қайраты мен ерік-жігерін әйгілейтін мереке – Ұлы Жеңістің 80 жылдығымен құттықтаймын! Мемлекет басшысы Қасым-Жомарт Кемелұлы «Біз ержүрек аға буынның алдында мәңгі қарыздармыз. Олардың қайсарлығы мен төзімділігінің, табандылығы мен патриоттығының арқасында бейбіт заманда өмір сүріп, жарқын болашағымызға жол аштық», – деп атап өтті.</blockquote><blockquote>Майдан даласынан оралмаған боздақтарды еске алып, ардагерлерімізді ардақтау – перзенттік парызымыз. Бүгінде Сыр өңірінде Ұлы Отан соғысының ардагерлері Яхия Тасыров пен Тілеуберген Тобабергенов ғасырлық ғұмыр ғибратымен Жеңістің 80 жылдығын қарсы алуда. Мереке қарсаңында қарт майдангерлерге лайықты құрмет көрсетілді. Соғыс жылдары тылда еңбек еткен, ҰОС ардагерлеріне теңестірілген азаматтарға біржолғы әлеуметтік төлем берілді. Отанымызды қорғаған батырлардың арқасында бүгiнгi бейбiт күн туды, елімізге ашық аспан, тұрақтылық пен береке, ырыс пен несiбе келді. Біз қаһармандық пен қайсарлықтың теңдессіз үлгісін көрсеткен майдангерлердің рухына әрдайым бас иіп, тағзым етеміз. Боздақтарымыздың ерлігі ұрпақ жадында мәңгі сақталады. Отбасыларыңызға бақ-береке, амандық, шаңырақтарыңызға шаттық тілеймін, – деді.</blockquote>

Облыс әкімі қызылордалықтарды Жеңіс күнімен құттықтады

<a href="https://kyzylorda-news.kz/">Kyzylorda-news.kz</a> Қазақстанда жұмыртқа, сүт, ет арзандады. Ұн, нан, рожки және күріш бағасы тұрақты, деп хабарлпайды <a href="https://kyzylorda-news.kz/kogam/khyzylordada-balalar-men-zhasoespirimderge-arnalghan-shygharmashylykh-innovaciyalykh-akademiyasy-ashyldy-08-05-2025">BAQ.KZ.</a>ҚР Сауда және интеграция министрлігінде мүдделі мемлекеттік органдар және әкімдіктермен бірлесіп әлеуметтік маңызы бар азық-түлік тауарларының бағасы және бағаның өсімін тежеу бойынша қабылданып жатқан шаралар талқыланды.Ұлттық статистика бюросының ақпараты бойынша, 2025 жылдың 22-29 сәуір аралығында ӘМАТ бағасының индексі 0,3% - ға өсті, ал бір апта бұрын өсім 0,4% -. құрады. Есепті аптада өнімнің жекелеген түрлеріне бағаның төмендеуі тіркелді: жұмыртқа 0,5%, сүзбе 0,2%, сары май, сиыр еті, тауық еті, сүт 0,1% арзандады. Ұн, нан, рожки және күріш бағасы тұрақты.Сауда және интеграция министрлігінің баспасөз қызметі мәлімдегендей, жиында сиыр етінің бағасы жеке талқыланды. Бағаның өсу қарқынын бір аптада 0,3% - дан 0,1% - ға дейін төмендету шаралары айтылды. Атап айтар болсақ ірі қара малды елден шығаруға енгізілген үш айлық тыйым мен делдалсыз ауыл шаруашылығы жәрмеңкелерін күнделікті өткізу жұмыстары пысықталды.Азық-түлік нарығындағы жағдайды одан әрі тұрақтандыру мақсатында шекарадағы бақылауды күшейту, ауыл шаруашылығы өнімдерін рұқсатсыз әкетуге жол бермеу, сондай-ақ өңірлердегі жәрмеңкелер желісін кеңейту мәселелері де талқыланды. Сауда алаңдарының санын ұлғайту, оларды жылжымалы ветеринариялық зертханаларды қоса алғанда, қажетті инфрақұрылыммен қамтамасыз ету және делдалдардың қатысуынсыз жергілікті тауар өндірушілерді белсенді тарту бойынша ұсыныстар қаралды. Кеңесте осындай жәрмеңкелер шеңберінде халық үшін өнімнің бағалық қолжетімділігін қамтамасыз ету мәселелеріне ерекше назар аударылды.Әкімдіктердің өтінімдері шеңберінде ішкі нарықты толықтыру үшін импорттық көкөністерді жеткізу мүмкіндіктері қосымша талқыланды. Осы мақсаттар үшін жеделдетіп ресімдеу және осындай жүктердің өтуі үшін "жасыл дәліздің" жұмыс істеуі қамтамасыз етілетін болады.Фото: Нұрболат Нұржаубай

Архив