<a href="https://kyzylorda-news.kz/ru">Kyzylorda-news.kz.</a> &nbsp;Ауыл шаруашылығы – ел экономикасын дамытушы маңызды салалардың бірі. Соның ішінде Қызылорда облысының ауыл шаруашылығы саласына мемлекет тарапынан үлкен қолдаулар көрсетіліп келеді. Осы мемлекеттік қолдаудың арқасында есепті кезеңде 220,9 млрд теңгенің өнімі өндіріліп, өсім көрсеткіші 3,7 пайызға артса, ауыл шаруашылығының негізгі қорына салынған инвестиция көлемі 19,7 пайызды құрады. Ал тамақ өнімдерін өндірудегі негізгі капиталға салынған инвестиция 14,3 пайызға ұлғайды. Сонымен қатар, былтырдан бастап «Ауыл аманаты» жобасы арқылы 406 жоба қолдау тапты. Осы жобалар арқылы 713 жұмыс орны ашылмақ. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев хабарлады.<blockquote>Өткен жылы 193,4 мың гектарға ауыл шаруашылығы дақылдары егілді. Ал негізгі дақыл – күріштің көлемі 89,0 мың гектарды құрады. Жыл қорытындысы бойынша дәнді дақылдардан - 521,2 мың тонна, оның ішінде күріштен - 503,3 мың тонна, майлы дақылдардан - 4,8 мың тонна, малазықтық дақылдардан - 289,9 мың тонна, картоп, көкөніс, бақшадан - 493,0 мың тонна өнім алынды. Ал биыл 187,0 мың гектарға ауыл шаруашылығы дақылдарын егу межеленуде. Оның ішінде 938 тонна жаздық бидай, 736 тонна күздік бидай, 49 тонна арпа, 11 тонна тары, 65 тонна дәндік жүгері, 5 тонна күнбағыс, 105 тонна мақсары, 14 тонна соя, 21,8 тонна сүрлемдік жүгері және 298 тонна жоңышқа тұқымы құйылды. Ал негізгі дақыл күріш көлемі бойынша 21 304 тонна болып белгіленді. Күріш тұқымының 14725,5 тоннасы сапасын анықтау мақсатында зертханалық тексеруге өткізілді. Бұдан бөлек, аймақта мал шаруашылығын дамытуға жасалынған қолдаулардың нәтижесінде, төрт түлік мал басы өсіп, өнім өндіру тұрақты ұлғаюда. Атап айтқанда, облыс көлемінде 409,7 мың бас - МІҚ, 819,5 мың бас - қой мен ешкі, 213,4 мың бас - жылқы, 61,5 мың бас - түйе және 119,3 мың бас - құс өсірілуде,-деді Талғат Тұрсынұлы.</blockquote>Бүгінде ауыл шаруашылығы және жер қатынастары басқармасы облыстың стратегиялық ресурсын ұтымды пайдалану жөніндегі міндеттер кешенін іске асыруды жалғастыруда. Соның негізгісі – елді мекендер айналасындағы жайылымдық жерлердің тапшылығын азайту. Бүгінгі таңда облыс бойынша 1966,5 мың гектар жайылым қажет болса, бүгінде оның 73 пайызы қамтамасыз етілді.<blockquote>Мемлекет басшысының тапсырмасына сәйкес, пайдаланылмаған немесе заңсыз пайдаланудағы жерлерді мемлекетке қайтарып алу жөніндегі тапсырмасын орындау мақсатында бірқатар жұмыстар атқарылды. Мәселен, жыл басынан бері 225,4 мың гектар жер шаруашылықтардан қайтарып алынып, бекітілген жоспар 112 пайызға орындалды. Бұл бойынша әкімдіктер тұрғындармен кездесулер өткізіп, түсіндірмелер берілуде. Сондай-ақ, барлық шаруашылықтар басшыларына жылына 2 рет халық алдында есеп беру жиналысын өткізу бойынша тапсырма берілді. Ауылдық елді мекендердегі тұрғындардың жеке мал басын жайылыммен қамтамасыз ету үшін мыңнан астам шаруашылықпен келісім жүргізілді. Оның ішінде, 630,6 мың гектар жайылымдық алқаптары, 124,2 мың гектар егістік алқаптарын маусымында кедергісіз пайдалануға шаруашылық басшыларымен келісім жасалды, - деді басқарма басшысы.</blockquote>

Биыл Қызылорда облысында 187 мың гектарға егін егіледі

Фото: dauletten.kz<a href="https://kyzylorda-news.kz/ru">Kyzylorda-news.kz.</a> Қызылорда облысының Қоғамдық даму басқармасы «Сыр жастары» бағдарламасы аясында өткізілген конкурс қорытындысы бойынша «Отбасы» банкінде төлем қабілеттілігін тексеруден өтуге жолдама алған 100 үміткердің тізімін ұсынды. Ол өңірдегі жастарды жеңілдетілген ипотекалық несиемен қамтамасыз етуге бағытталған.Банктен жолдама алған өтініш берушінің төлем қабілетсіздігі анықталған жағдайда, жолдама автоматты түрде тізімдегі оның жанындағы осы өтініш берушінің санатындағы үміткерге беріледі.Сондай-ақ байқаудың нәтижелерін <a href="https://kezekte.kz./">kezekte.kz </a>порталының «Jastar» ақпараттық сервисінен көруге болады. Тізім осында.

"Сыр жастары": Жеңілдікпен берілетін баспанаға үміткерлердің тізімі жарияланды

<a href="https://kyzylorda-news.kz/ru">Kyzylorda-news.kz.</a> Ғарышқа алғаш рет төрт турист аттанды, деп хабарлайды <a href="https://el.kz/garyshqa-algash-ret-tort-turist-attandy_104333/">El.kz</a>&nbsp;ақпарат агенттігі.SpaceX-тің мәлімдеуінше, Axiom Mission 3 (Ax-3) миссиясы аясында Crew Dragon кемесімен халықаралық ғарыш станциясына (ХҒС) ғарыш туристері ұшырылды.Аталған операция 18 қаңтарда шығыс уақытымен 16:49-да (Астана уақытымен 19 қаңтардағы 03:49) болды.&nbsp; NASA-ның Кеннеди атындағы ғарыш орталығындағы ұшыру кешенінен Falcon 9 зымыран тасығышы арқылы Crew Dragon әуеге көтерілді.<blockquote>Орбита зертханасында экипаж адам физиологиясы мен өнеркәсіптегі технологиялық жетістіктерге арналған 30-дан астам ғылыми эксперимент жүргізеді, - делінген SpaceX сайтында.</blockquote>Ax-3 экипажының құрамында 4 адам бар:<ul><li>NASA-ның бұрынғы ғарышкері Майкл Лопес-Алегрия (кеме командирі);</li><li>Италия әскери әуе күштерінің полковнигі Вальтер Вилладей;</li><li>Швеция азаматы Маркус Вандт;</li><li>Түркия әскери әуе күштерінің ұшқышы Альпер Гезеравджы.</li></ul>

Ғарышқа алғаш рет төрт турист аттанды

Фото: primeminister.kz<a href="https://kyzylorda-news.kz/ru">Kyzylorda-news.kz.</a> &nbsp; Бүгін елордада Мемлекет басшысының тапсырмасына сәйкес, жастар кадрлық резерві үлгісіндегі «Білім берудегі өзгерістің 1000 көшбасшысы» жобасын сәтті аяқтаған педагогтерге Оқу-ағарту министрі Ғани Бейсембаев сертификат табыстады, - деп хабарлады <a href="https://kaz.inform.kz/news/elmzde-208-pedagog-mektep-direktorligina-konkurssiz-oted-a90575/">kaz.inform.kz</a>Бұл іріктеу мен біліктілік курсынан өткендерге ешбір конкурстық рәсімсіз бірден бірінші басшының бос орнына тағайындалуға мүмкіндік береді.<blockquote>— Бұл — отандық білім жүйесін дамытудың жаңа кезеңі. Сегіз айдың ішінде сіздер іріктеуден өтіп, жеке, кәсіби, басқарушылық, аналитикалық дағдылар мен құзыреттеріңізді дамыттыңыздар. Енді Сіздер нағыз көшбасшылар ретінде еліміздегі білім беру жүйесінің сапасын арттыруға өз үлестеріңізді қосуларыңыз керек. Ең бастысы — балаларымыз бен педагогтерімізге жайлы және қауіпсіз орта қалыптастыру, — деді министр.</blockquote>Айта кетейік, Оқу-ағарту министрлігінің тапсырмасын іске асыру, үміткерлерді іріктеу мен олардың біліктілігін арттыру шараларын Назарбаев зияткерлік мектептері &nbsp;дербес білім беру ұйымының педагогикалық шеберлік орталығы өткізген.Орталық көшбасшыларды бес кезең бойынша іріктеген.Алғашқы кезеңде үміткерлер өз құзыреттілігін бағалау үшін тестілеуден өтсе, екінші кезеңде оқуға жіберіледі.Мұнан соң еліміздің алдыңғы қатарлы мектептерінде тағылымдамадан өтеді, төртінші кезеңде қорытынды бағалау рәсімі жүргізіліп, бесінші кезеңде министрлік жанындағы комиссиямен әңгімелесуден өтеді.Бұл мектеп басшыларының республикалық кадрлық резервін құру үшін жасалып отыр.<blockquote>— Бағдарлама халықаралық озық тәжірибелерді ескере отырып іске асырылды, ал тестілеу шаралары жетекші тәжірибелерге негізделген. Бастапқы кезеңде жобаға қатысуға 8068 адам тіркеліп, оның 2809-ы тестілеуден өтті. Тестілеу нәтижелері бойынша оқуға ұсынылған үміткерлердің сараланған тізімі қалыптастырылды. Педагогикалық шеберлік орталығы былтырғы шілдеден бастап базалық деңгейде 500-ге тарта үміткерді оқытты. Алайда барлық кезеңнен сүрінбей өткен 208 педагог қана жоба сертификатына ие болып, резервке енді, — деді «Назарбаев зияткерлік мектептері» ДББҰ басқарма төрағасы Әнуар Жанғозин.</blockquote>Сондай-ақ топ-менеджерлер заманауи мектептегі тенденциялар, мұғалімнің үздіксіз дамуы мен кәсіби әл-ауқаты, балаға қолайлы орта құру, стратегиялық жоспарлау, табысты директор ретіндегі бедел, кәсіби экология, аналитикалық құзыреттер сынды тақырыптарды тереңірек зерттеді.«Назарбаев зияткерлік мектептері» ДББҰ курстан кейін де қатысушыларды сүйемелдеу, болашақ басшылардың кәсіби дамуының жүйелі мониторингін жасайды.Еліміздегі мектептердің білім сапасын арттырып, деңгейін көтеруге бағытталған жоба биыл да жалғасын табады.

Елімізде 208 педагог мектеп директорлығына конкурссыз өтеді

Фото: Parlam.kz<a href="https://kyzylorda-news.kz/ru">Kyzylorda-news.kz.</a> Бүгін Парламент палаталарының бірлескен отырысында БҰҰ миссияларына жіберілетін әскери қызметшілер арасындағы әйелдер санын көбейтуге қатысты түсінік берілді, деп хабарлайды Қазақпарат.<blockquote>«Гендерлік мәселелермен айналысатын БҰҰ-ның департаменті әйелдерді бітімгерлікке қатыстыруды ескеретін бірқатар аргументті әзірледі. Олардың ішінде бітімгер әйелдер жергілікті әйелдердің топтарымен жақсы қарым-қатынас орната алады және қауіпсіздікке қатысты барлау деректерін жинауды жақсартады деген дәлел келтірген. Осы орайда БҰҰ бөлімшедегі әйелдер санын 30 пайызға дейін арттыру туралы талап қойды. Қазақстан бұл талапты сақтауды өз міндетіне ала ма? БҰҰ миссияларына жіберілген әскери қызметшілер арасында неше әйел бар?», - деп сұрады сенатор Айгүл Қапбарова.</blockquote>Өз кезегінде Қорғаныс министрі Руслан Жақсылықов қазір Батыс Сахарада бір әйел офицер бар екенін айтты.<blockquote>«Жіберілетін әскери контингентте 7 әйел болады. Келесі ротацияда әйелдер санын көбейтеміз», - деді министр.</blockquote>Олардың арасында дәрігерлер, аудармашылар, техникалық қызметкерлер қамтамылады.

Қазақстан БҰҰ бітімгерлік контингентіндегі әйелдер санын көбейтеді

Фото жеке қорынан<a href="https://kyzylorda-news.kz/ru">Kyzylorda-news.kz.</a> &nbsp; Бүгін Мәжіліс Спикері Ерлан Қошановтың төрағалығымен өткен Палаталардың бірлескен отырысы өтті. Осыған байланысты қызылордалық депутат Мархабат Жайымбетов фейсбуктегі парақшасында мынадай жазба қалдырған."Бірлескен отырыста Мемлекет басшысының Қазақстан Қарулы Күштерінің бітімгершілік контингентін Біріккен Ұлттар Ұйымы миссияларына қатысу үшін жіберу туралы ұсынысы қаралып, қолдау тапты. Мемлекет басшысы Қасым-Жомарт Тоқаев Парламент палаталарының бірлескен отырысындағы ұсынысы Ата заңымыздың 53-бабының 5-тармағында көзделген. Қазіргі таңда әлемдік геосаяси ахуалдың күрделі болып отырғанын бәріміз білеміз. Біздің мемлекетеіміз әлемнен оқшау өмір сүрмейтінін түсіну қажетпіз.&nbsp; Қазақтан халықаралық интеграцияға ұмтылған сындарлы ортада өркениеттің өжет ұлындай өз орнымызды алдық.&nbsp; Осыған орай, мойнымызда бірқатар міндеттері де бар.&nbsp; Солардың бірі – Қарулы Күштердің бітімгершілік контингентін Біріккен Ұлттар Ұйымының миссияларына жіберіп отыру.&nbsp; Әскери қызметшілердің кәсіби шеберлігін дамыту, сарбаздарымызды халықаралық деңгейде тәжірибе алмастыру, жауынгерлік рухын нығайту еліміз үшін сын сағат, сәттерде әрекет етіп шыңдалу қашанда маңызды. Ойымның қорытынды сөзін қаз дауысты Қазыбек бидің &nbsp;он төрт жасында айтқан сөзімен тәмамдайын: «Елімізден құт-береке қашпасын деп, жеріміздің шетін жау баспасын деп, найзасына қылын таққан елміз. Достығымызды сақтай білген елміз, дәм-тұзын ақтай білген елміз. Ал, жалпы бейбітшілікке, келісім мен тату-тәтті өмір сүруге ұмтылу - қазақ халқының қанына сіңген асыл қасиеттерінің бірі екені сөзсіз", - деп жазды ол.

Қазақстан 430 сарбазын шетелге жібереді

Фото: Айжан Қасымова<a href="https://kyzylorda-news.kz/ru">Kyzylorda-news.kz.</a> Парламент Мәжілісінің депутаты Мұрат Әбенов шетелдіктер асырап алған қазақ балалары жөнінде пікірін білдірді, деп хабарлайды Қазақпарат.<blockquote>«Ол (мәселе) көтерілуі керек, заңдылығын қарауымыз керек. Кезінде мұндай мәселе туындады. Өкінішке қарай, заңсыз әрекеттер де болды. Біздің Қазақстан азаматтарына баланы асырап алуға қиыншылық туындатты, бірақ шетел азаматтарына оңай болды, бір бизнеске айналған уақыттары болды. Оның өз топтары болды. Менің ойымша, тек қана заң арқылы ғана емес, құқық қорғау органдары да мұны зерттеп қарауы керек», — деді М. Әбенов Президенттік орталықта өткен дөңгелек үстел кулуарында тілшілерге берген сұхбатында.</blockquote>Депутат Қазақстанға биологиялық ата-анасын іздеп келген адамға міндетті түрде көмектесу керегін айтты.<blockquote>«Бұл адамның құқығы. Ол&nbsp;басқа адамдарға жасырын болуы мүмкін, бірақ әр адамға биологиялық өз ата-анасын табуға тек көмектесуіміз керек. Бұл тақырыпты зерттеп қараймыз»,&nbsp;— деді ол.</blockquote>

Шетелдіктердің бала асырап алу мәселесін құқық қорғау органдары да тексеру керек - Мұрат Әбенов

<a href="https://kyzylorda-news.kz/ru">Kyzylorda-news.kz.</a> Ғылым және жоғары білім министрлігінің салалық көтермелеу жүйесін әзірледі, деп хабарлайды <a href="https://baq.kz/pedagogtardy-kotermeleu-zhuyesi-azirlendi-321649/?fbclid=IwAR291ANKiEs0-by_DGJead-E8av8plpiTtDUCnfpM3Uy0wyfDhx4VMgARJY">BAQ.KZ</a> тілшісі. Ғылым және жоғары білім министрлігінің салалық көтермелеу жүйесі қызметкерлердің, жұмыскерлердің және өзге де тұлғалардың қызметтік міндеттерін үлгілі орындағаны, шығармашылық белсенділігі, мінсіз қызметі, білім және ғылым саласын дамыту бойынша басқа да жетістіктері мен сіңірген еңбегі үшін көтермелеу және ынталандыру үрдісін, сондай-ақ, ведомстволық наградалардан айыру тәртібін нақтылайды.Көтермелеу жүйесі мынадай көтермелеулерден тұрады:1) «Ғылым және жоғары білім министрлігінің Алғысы»;2) «Ғылым және жоғары білім министрлігінің Құрмет грамотасы»;3) «Жоғары және жоғары оқу орнынан кейінгі білім беру iсiнiң үздiгi» құрмет дипломы;4) «Ғылым үздігі» құрмет дипломы;5) «Тіл жанашыры» құрмет дипломыКөтермелеумен марапаттаудың мынадай реттілікпен белгіленеді:«Ғылым және жоғары білім министрлігінің Алғысы»;«Ғылым және жоғары білім министрлігінің Құрмет грамотасы»;«Жоғары және жоғары оқу орнынан кейінгі білім беру iсiнiң үздiгi» құрмет дипломы немесе «Ғылым үздігі» құрмет дипломы немесе «Тіл жанашыры» құрмет дипломы.Көтермелеулермен марапаттау негіздері«Ғылым және жоғары білім министрлігінің Алғысымен»:жалпы еңбек өтілі бір не одан да көп ғылым және білім жүйесінде, тіл саласында қызметтік міндеттерін үлгілі атқарған, жұмысында үздік нәтиже көрсеткен, шығармашылық белсенділігі мен іс-шараларда жеткен жетістіктері (конкурстар, олимпиадалар, форумдар, байқаулар, көрмелер) үшін марапатталады;«Ғылым және жоғары білім министрлігінің Құрмет грамотасымен»жұмыстың табысты нәтижелері, білім, ғылым және тіл саласындағы жоғары жетістіктері мен елеулі еңбегі үшін білім, ғылым және тіл саласында үш немесе одан да көп жыл еңбек өтілі бар тұлғалар марапатталады;ғылым мен техниканың жетістіктерін өндіріске енгізу, құнды жетістіктердің, елеулі нәтижелердің болуы, ерекше маңызды және күрделі тапсырмаларды орындағаны үшін; Қазақстан Республикасының Ғылым және жоғары білім министрліктің (бұдан әрі-Министрлік) атаулы тапсырмаларын тиісінше адал орындағаны үшін жоғары және жоғары оқу орнынан кейінгі білім беру ұйымдарының, ғылыми ұйымдардың, тіл саласындағы мемлекеттік ұйымдардың еңбек ұжымдары марапатталады.«Жоғары және жоғары оқу орнынан шыққан білім беру ісінің үздігі» құрметті дипломыменжоғары және жоғары оқу орнынан кейінгі білім беру ұйымдарында бес немесе одан да көп жыл жұмыс өтілі бар, жоғары және жоғары оқу орнынан кейінгі білім беру саласына қосқан үлестері, білім алушылардың дамуындағы жетістіктері мен республикалық, халықаралық олимпиадалардағы, конкурстардағы, жарыстардағы білім алушылардың көрсеткен жоғары көрсеткіштері бар педагогтер марапатталады.«Ғылым үздігі» құрметті дипломыменғылыми ұйымдарда 5 немесе одан да көп жыл жұмыс өтілі бар, ғылым, техника, технология және инновация саласындағы елеулі еңбектері мен ғылыми қызметкерлерді дамытудағы, тәрбиелеудегі жетістіктері үшін ғылыми қызметкерлер марапатталады.«Тіл жанашыры» құрметті дипломыментіл саласын дамытуға, мемлекеттік тілдің қолдану аясын кеңейтуге елеулі үлес қосқан азаматтар марапатталады.Бір адамға көтермелеу жүйесінде көзделген негіздер бойынша көтермелеуге бір ұсыныс енгізіледі.Тәртіптік жауаптылыққа тартылған, соттылығы бар адамдар Министрліктің ведомстволық наградаларымен наградтауға ұсынылмайды.Көтермелеу үшін материалдарды енгізу және (айыру) тәртібіКөтермелеу туралы ұсыныстар «Ғылым қызметкерлері күні», «Қазақстан Республикасының Конституциясы күні», «Республика күні» мерекелерін, басқа да мемлекеттік мерекелерді, мерейтойлық күндерді және ерекше жағдайларда өзге де еңбегі үшін мерекелеуге орай қаралады.Марапаттау туралы ұсынымдар осы көтермелеу жүйесіне сәйкес награда парағын қоса бере отырып, мереке, мерейтой күндеріне дейін күнтізбелік 45 &nbsp;күннен кешіктірілмей министрлікке жіберіледі.Еңбек ұжымдарын наградтау кезінде осы көтермелеу жүйесіне сәйкес жоғары және жоғары оқу орнынан кейінгі білім беру ұйымдарының, ғылыми ұйымдардың, тіл саласындағы мемлекеттік ұйымдардың еңбек ұжымдарын министрліктің Құрмет грамотасымен наградтауға ұсыну рәсімделеді.Жоғары және жоғары оқу орнынан кейінгі білім беру ұйымдары, ғылыми ұйымдар, мемлекеттік мекемелер көтермелеуге тізімдер, награда қағаздарымен қоса ұсынымдарды министрліктің кадр қызметіне жібереді.Жұмыс беруші көтермелеуге ұсынылған үміткерлер бойынша мәліметтердің толықтығы мен дұрыстығына және олардың талаптарға сәйкестігіне жауапты болады.Ел азаматтарын, шетелдіктерді және азаматтығы жоқ адамдарды көтермелеу туралы ұсыныстарды Министрліктің жетекшілік ететін құрылымдық бөлімшелерінің басшылары бастамашылық ете алады және Ғылым және жоғары білім министрінің немесе наградалар жөніндегі комиссияның қарауына шығарылады.Министрліктің құрылымдық бөлімшелерінің басшылары көтермелеуге ұсынылған үміткерлер бойынша мәліметтердің толықтығы мен дұрыстығына және олардың талаптарға сәйкестігіне жауапты болады.Министрліктің құрылымдық бөлімшелерінің, министрліктің қарамағындағы ұйымдар мен мекемелердің басшылары тиісті мерекеге дейін күнтізбелік 20 (жиырма) күннен кешіктірмей өзінің (жетекшілік ететін) жұмыс бағыты бойынша адамға қатысты марапаттау материалдарын министрліктің кадр қызметіне жібереді:көтермелеуге ұсыну; осы көтермелеу жүйесіне сәйкес нысан бойынша белгіленген үлгідегі Награда қағазы. Марапаттау материалдары электрондық құжат айналымы арқылы, электрондық құжат айналымы болмаған кезде Министрліктің кеңсесінде тіркеу арқылы поштамен жіберіледі.Ведомстволық наградалармен марапатталған адамдар көтермелеу жүйесінде көзделген тәртіппен тиісті ведомстволық наградалардан айырылады.Ведомстволық наградалардан айыру туралы мәселені Комиссияның қарауына шығару үшін негіз болып табылады:1) Мемлекеттік қызметке кір келтіретін теріс қылық жасағаны үшін жұмыстан шығару;2) заңды күшіне енген соттың айыптау үкімінің болуы;3) Қазақстан Республикасының құқықтық актілерінде көзделген өзге де жағдайларда қолданылады.Ведомстволық наградалардан айыру туралы мәселені шешу үшін Министрліктің кадр қызметіне:наградалардан айыру туралы түсінік; мемлекеттік қызметке кір келтіретін теріс қылық жасағаны үшін жұмыстан шығару туралы бұйрықтың көшірмесі немесе соттың айыптау үкімінің көшірмесі немесе өзге де құжаттар. Министрліктің ведомстволық наградаларымен көтермелеуге (ведомстволық наградалардан айыруға) объективті көзқарасты қамтамасыз ету үшін министрлік аппараты басшысының бұйрығымен наградалар жөніндегі комиссия құрылады, оның құрамы мүшелердің тақ санынан тұрады.Комиссияның жұмысы қажеттілігіне қарай өткізілетін отырыстар өткізу арқылы жүзеге асырылады. Комиссия отырысы Комиссия мүшелерінің жалпы санының кемінде үштен екісі қатысқан кезде заңды.Министрліктің Аппарат басшысы ведомстволық наградалармен көтермелеу (ведомстволық наградалардан айыру) туралы бұйрыққа қол қояды:Комиссия шешімінің негізінде; бұл мәселе Мемлекет басшысының, Қазақстан Республикасы Премьер-Министрінің, Мәжіліс пен Қазақстан Республикасы Парламенті Сенатының, Қазақстан Республикасы Ғылым және жоғары білім министрінің актілерінен немесе тапсырмаларынан туындаған жағдайда - оны Комиссияның қарауына шығармай-ақ беріледі. Наградаларды тапсыруды министрлік басшылығы, жоғары және жоғары оқу орнынан кейінгі білім беру ұйымдарының, ғылыми ұйымдардың, Мемлекеттік мекемелердің, министрліктің құрылымдық бөлімшелерінің басшылары салтанатты жағдайда жүргізеді.Ведомстволық наградаларды тапсыруды жауапты адамдардың тапсырмасы бойынша өзге лауазымды адамдар жүргізе алады.Сол көтермелеумен қайта марапаттауға жол берілмейді.Құжат 2 ақпанға дейін қоғамдық талқылау үшін НҚА сайтында орналастырылған.Фото: Нұрболат Нұржаубай

Педагогтарды көтермелеудің жаңа жүйесі әзірленді

<a href="https://kyzylorda-news.kz/ru">Kyzylorda-news.kz.</a> Ғылым және жоғары білім министрлігі Ұлттық тестілеу орталығымен бірлесіп, Ұлттық бірыңғай тестілеуге дайындықты одан әрі жақсарту мақсатында жағдай жасап жатыр, - деп хабарлайды <a href="https://kaz.zakon.kz/kogam-tynysy/6037729-bta-alay-tegn-dayyndalua-bolady.html">zakon.kz</a> Оқу жылының басында ҰТО-ның сайтында ҰБТ-ға дайындалуға ұсынылған оқулықтар тізімі, үлгілік тест тапсырмалары, тест спецификациялары және жоспары жарияланды.Талапкерлерге жылдағы дәстүр бойынша Қазақстан тарихы және Дүниежүзі тарихы пәндерінен Тарих институтымен бірлесіп бекітілген 100 дата тізімі ұсынылды. Тестілеу барысында датаға қатысты кездесетін сұрақтар тек осы хронологиялық кестеден болады.Сондай-ақ, ҰБТ-да "Қазақ әдебиеті" мен "Орыс әдебиеті" пәндерінен кездесетін шығармалар тізімі (мектеп бағдарламасынан), сондай-ақ "Информатикадан" ҰБТ сұрақтарында кездесетін немесе сұрақтың мазмұнын түсіну үшін қажет терминдер тізімі ҰТО сайтында орналастырылды.<blockquote>"Талапкерлерге тиімді болу үшін ҰБТ-ға дайындалуға арналған байқау сынақтарын іске қостық. Байқау сынағын өту кезінде түсуші тест тапсырмаларымен танысуға және таңдаған пәндері бойынша өзінің білім деңгейін тексеруге мүмкіндік алады. Менің ойымша, бұл балаларға өз дайындықтарын одан әрі жақсартуға көмектеседі", - деп атап өтті ҚР ҒЖБМ Ұлттық тестілеу орталығының директоры Руслан Емелбаев.</blockquote> Сонымен қатар 2024 жылғы түлектер үшін білім беру орталықтарының қолдауымен тегін онлайн сабақтар жүргізіліп жатыр. Бұл сабақтар білім беру орталықтарының YouTube арналарында тікелей эфирде өтіп, сақталады. Талапкерлер кез келген уақытта оларды қайта қарай алады.Фото: Нұрболат Нұржаубай

ҰБТ-ға қалай тегін дайындалуға болады?

Фото: ulysmedia.kz<a href="https://kyzylorda-news.kz/ru">Kyzylorda-news.kz.</a> <a href="https://www.youtube.com/watch?v=dQcWZ-Y7MD0">Adal Adam</a> youtube арнасына берген сұхбатында әнші Жанар Айжанова Баян Алагөзова мен Салтанат Нүкенованың оқиғалары туралы пікірін айтты. Әйелін өлтірді деген күдікке ілінген экс-министр Қуандық Бишімбаевқа қатысты Жанар Айжанова бір нәрсені ескеру керектігін жеткізді.<blockquote>«Марқұм Салтанаттың күйеуі де көзі ашық, көкірегі ояу дейміз. Былай қарағанда менің күйеуім осындай болсын деген білімді жігіт. Шетелде оқып келген, қызметте жүрген, ол да тегін бала емес қой негізі. Оның тәрбиесі қалай ақсады? Оны алыстан іздеу керегі жоқ. Біз бесік жырынан қаштық. Сосын қазақтың сал-дәстүрінен өз қағидаларымыздан гөрі Европамен қоректендірдік. Европаныкі жақсы, мен қарсы емеспін. Бірақ оған дейін біз баланы тойдырып жіберуіміз керек еді өзіміздің салт-дәстүрімізбен, мәдениетімізбен, дінімізден хабар беріп. Ол енді Европапаланған бала келді де бәрі европаша-европаша, енді не болды?» &nbsp;‒ деді әнші.</blockquote>Журналистің «Кезінде продюсер Баян Алагөзованы бірінші күйеуі пышақтаған кезде бұрынғы президент қазіргі президент сияқты тез реакция бергенде жағдай күрделенбес еді» деген пікіріне де өз ойын ортаға салды.<blockquote>«Баянның айтатыны «әйел құл емес, әйел - адам». Екі жақты диалог болу керек, еркіндік болу керек. Неғұрлым еркін ұстап, неғұрлым еркелетсең, соғұрлым ол сені жақсы көреді. Айтады ғой еркектің еркек мысы басып тұрған кезде әйелге қорған болған кезде кез-келген өзі бетпақ болып кеткен әйел шыдамай жүрегі еріп кетеді. Еркектің ондай қасиеті болу керек негізі. Баянның сөзін жоққа шығармаймын. &nbsp;Еркектер көбіне ашуға берілген кезде екі ортада баланы ойламайды. Әйелін өлтіріп тастап жатады, инвалид қылып жатады, тепкілеп ұрып жатады. Анасы өліп жатса, қанша ит болса да анасынан артық балаға ешкім карай алмайды. Білмеймін әйелді жау көріп алған. Одан біз көгермейміз. Ол қуанатын нәрсе емес. Ол кезде елбасы болған Назарбаевтың неге кіріспеді деген сұраққа жауап бере алмаймын. Өйткені мен саясатпен өмірі кіріспеген адаммын», ‒ деді.</blockquote>Жанар Айтжанованың ойынша, адамдарды соттап, түрмеге тоғытып түзете алмаймыз. Баян мен Салтанатқа қатысты жағдайды болдырмау үшін отбасыдағы тәрбиеден бастау керек.<blockquote>«Отбасында әке әке орнында, ана ана орнында, ене ене орнында жүрсе, жанағыдай ақиқатта ақ пен қараны анығын айтып, батыратын жерінде батырып айтып, келген келінге және күйеу балаға құрмет, ізет көрсетіп отырсақ, бұның біреуі де болмас еді. Отбасында ақсамай өскен, бесік жырын тындап өскен, әке-шешесі үстел басынан бата қайтармай тұрғызбаған, аузынан Алласы түспеген болса, “балам біреудің ала жібін аттама, сен ер азаматсың, ертең отбасын болғанда өс-өн, жақсы келін әкел, көсегең көгерсін” дее естіп өспеген баладан не талап етесің?» ‒ деді әнші.</blockquote>

«Күйеуім осындай болсын деген білімді жігіт»: Жанар Айжанова Қуандық Бишімбаев туралы айтты

Фото: turkystan.kz<a href="https://kyzylorda-news.kz/ru">Kyzylorda-news.kz.</a> &nbsp;Әнші Жанар Айжанова <a href="https://www.youtube.com/watch?v=dQcWZ-Y7MD0">Adal Adam </a>youtube арнасына хиджап киген қыздардың саны көбейгеніне қатысты ойын айтты. Жанар Айжанованың айтуынша, ол қыздар хиджапты біреудің ықпал етуімен киеді. Тіпті оранған блогер мен әншілерге ақша берілетіні туралы естігенін мойындады Adal Adam youtube арнасында.<blockquote> «Секта деп айта ма, төлейді деп айтты, өйткені кейде хиджап киген қыздардың әке-шешенің кіндіктен төмен сылап, неше түрліні айтып, еркектерді боқтап жатқанды көрген кезде мынауың адам емес қой деп ойлайсың. Сосын мен естідім түнгі клубтан шығып, таңертең скамейкада мас есін жиып ұйықтап жатыр дейді (...) Осы ұйым болса, оның ішінде иманы әлсіз ақша үшін сондай адамдарды тандап алып, бір-екі мақалын, хадисін айтып улайды да, ол бірден қатты кетеді. Қатты кеткеннен кейін ана байғұс артында бұрынғы әдеті тартып тұрады, болмайын десе ана жақтан алған ақшасы бар, хиджапты киіп қойды», ‒ дейді әнші.&nbsp;</blockquote> Оның айтуынша, қазіргі заманда жастарды адастырушылар көп. Олардың қармақтарына тіпті белгілі әншілер де түсіп жатады.<blockquote> «Мен бір-екеуін білемін. Атын айтпай-ақ қояын. Менің бір көршім болған. Үйге неше түрлі кітап алып келіп, содан кейін айттым «Айналайын қойшы, сенсіз де білемін». Ол «Жоқ, мен енді тек қана Алла туралы ән айтамын, бәрінен бездім, қонаққа барғанда тамақ ішпеймін». Қазір қайтып келген. Одан кейін біреуі кетті Меккеге. Бір қарасам, Құранды алдына ақ матаға орап алған. Автобуста келе жатырмыз, Наурыз ба бір нәрсені өткізуге кеткенімізде басқа қалаға. Қазір ол да қайтты. Басында қатты кеттік қой деді адасып», ‒ деді әнші.</blockquote> Намаз – жұртқа көрсететін авторитет емес, діни жолға түстім деп жарнама жасаудың керегі жоқ, деп ойлайды Жанар Айжанова.&nbsp;<blockquote> «Намаз оқитын көп адамның бүркеніп жүруі міндет пе, міндет емес пе білмеймін. Орамал сырт киім ештеңеден құтқара қоймайды. Бір жерге барсам, «Мен намазға келгеннен кейін» дейді. Оған дейін ол не кісі өлтірді ме, ұрлық жасады ма(...)Өлгенше әжем намазын оқып кетті. Жұма күні қораға барып, бір шәйнек жылы суды алып келіп, төбесінен бастап құяды, мен киімін ұстап тұрамын. Осылай қақаған 40 градус аязда. Нағыз мұсұлмандар сол. Оразасын ұстайды, бірақ ешкімге артық әнгіме айтқан жоқ», ‒ дейді ол.</blockquote>

Хиджап киген әнші-блогерлерге ақша төлейтінін естідім - Жанар Айжанова

<a href="https://kyzylorda-news.kz/ru">Kyzylorda-news.kz.</a> Қазақстанда бірыңғай уақыт белдеуі белгіленеді, - деп хабарлайды Massaget.kz.2024 жылғы 1 наурызда сағат 00:00-ден бастап&nbsp;елдің бүкіл аумағында бірыңғай уақыт белдеуі орнатылады.Сауда және интеграция министрлігінің хабарлауынша, Астана, Алматы, Шымкент қалаларының әкімдіктері, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан облыстарында және Абай, Жетісу, Ұлытау облыстарында 29 ақпаннан 1 наурызға қараған түні (сағат 00:00-де) жергілікті уақытты 1 сағатқа артқа қою керек.&nbsp;Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">pixabay&nbsp;

Қазақстан және Қызылорда облысының жаңалықтары