<a href="https://kyzylorda-news.kz/ru/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен Қазалы ауданының даму жоспарын қарау жөніндегі кеңес өтті. Оған аудан әкімі Мұхтар Оразбаев, орынбасарлары және облыстық басқарма басшылары қатысты.Аймақ басшысы Қазалы ауданының әлеуметтік-экономикалық дамуындағы өткен жылы байқалған оң динамиканы атап өтті.<blockquote>«Негізгі макроэкономикалық көрсеткіштер бойынша Қазалы ауданының өсу динамикасы тұрақты. Негізгі капиталға салынған инвестициялар 22,5 млрд. теңгені құрап, 107,5% болды, бюджет қаражатына тәуелділік төмендеген. Бюджет қаржысы 99,9% игерілген. Қазалы аудандар бөлінісінде 2-орынға тұрақтады. Өз кірісі 2022 жылы 2,1 млрд. теңге болса, 2023 жылы 2,6 млрд. теңгеге өскен. Жүйелі жұмыстардың қарқыны биыл да төмендемеуі тиіс», – деді Нұрлыбек Машбекұлы.</blockquote>М.Оразбаев алдағы уақытта жүзеге асырылатын жобалар туралы баяндады. Ауданның 2024 жылғы бюджеті 11,1 млрд. теңге, оның 2,6 млрд. теңгесі – өз кірістері, қалған 8,5 млрд. теңгесі – субвенция және трансферттер. Қазалылықтардың өмір сүру сапасын арттырып, қолайлы орта қалыптастыру үшін биыл 17 нысанның құрылысы жаңадан басталады. Бұл жобаларға 2,3 млрд. теңге қаржы бөлінді.Кеңесте облыстық басқарма басшылары ауданның даму жоспарына қатысты ұсыныс-пікірлерін айтты. Мемлекеттік бағдарламаларды іске асыру, негізгі экономикалық индикаторларға қол жеткізу, нысандар құрылысын салу, инфрақұрылымды дамыту мәселелері талқыға түсті.Жиын қорытындысымен аудан әкіміне биылға межеленген көрсеткіштерді орындау тапсырылды. Тұрғындардың өтініш-пікірлеріне назар аударып, кері байланыс орнату қажеттігі ескертілді. Жобалардың тиімділігі мен маңыздылығы терең зерделенуі тиіс.Сондай-ақ, облыстық басқарма басшыларына «Ауыл – ел бесігі» жобасын іске асыру, аудандық маңызы бар жолдарды жөндеу және салу, инфрақұрылым желілерін әрі қарай дамыту бойынша міндеттер қойылды.

Мұхтар Оразбаев жүзеге асырылатын жобаларды баяндады

Фото: Наурызбай Байқадамовтың желідегі парақшасынан &nbsp;<a href="https://kyzylorda-news.kz/ru/">Kyzylorda-news.kz</a>&nbsp; Облыс әкімі Нұрлыбек Нәлібаев өзінің жинақтаған жеке қолданысындағы кітаптарының ішінен 170-ке жуық кітапты кітапханаға өткізіпті. Бұл туралы облыстық мәслихат төрағасы Наурызбай Байқадамов әлеуметтік желідегі парақшасында бөлісті.&nbsp;<blockquote>«Бүгін Ә.Тәжібаев атындағы әмбебап кітапханасында болдық. Облыс әкімі Нұрлыбек Машбекұлы Нәлібаев өзінің жинақтаған жеке қолданысындағы кітаптарының ішінен 170-ке жуық кітапты кітапханаға өткізіпті. Тағылымды іс.Кітап сарқылмас қазына. Одан асқан қазына, байлық жоқ шығар деп ойлаймын. Осы орайда, жас жазушы Мәлік Отарбаевтың «Мәдениеттің мәйегі» атты мақаласынан үзіндіні оқырмандарға ұсынып отырмын.&nbsp; «Адамзаттың ең ұлы тұлғалары – пайғамбарларға кітаптан басқа киелі дүние түскен емес. Жәбірәйіл періштенің Мұхаммед пайғамбарға жеткізген ең алғашқы сөзі де: «Оқы!»Кейде кітап мәңгілік өмірдің символындай болып көрінеді. Ұрпақтан ұрпаққа жалғасып, қолдан-қолға ауысып, мәңгі-бақи елдің есі, жұрттың жадысы болып қала береді. Түрік жазушысы Орхан Памук: «Кітаптың мәңгі қалатындығына және кітапханада мәңгі сақталатындығына сенгенім үшін ғана жазамын» депті. Мән бергенге ойлы сөз. Келешекке деген үміт. Ұлтымыздың аты аңызға айналған алыбы Шерхан Мұртаза: «Мәдениеттің мәйегі – кітап» деген. Иә, кітап оқымайтын адамнан бәрін күтуге болады. Қатыгездікті де, мәдениетсіздікті де. Шынында, кітап оқымайтын адамнан қорқу керек. Бүгінде біреуден залал көрсек, сондайлардан көріп жүрміз.Ал кітап қорын сақтайтын кітапхана – ардақты жазушымыз Әбіш Кекілбаевтың сөзімен айтқанда, «Адамды адамзат екен» киелі қарашаңырақ. Оны бұрынғы оқымыстылар храмға, мешітке балаған. Өйткені кітап оқудың өзі құлшылық жасағанмен бірдей үлкен сауап.&nbsp; Ендеше, «Театр киім ілгіштен басталады» емес пе. Қазіргі «ғибадатханаларға» кіре қалсаңыз, кіреберісінде түрлі тексерістен өтіп, қару асынған күзетке тап боласыз. Кітап әлеміне біртүрлі сеніміңізден айырылып, көңіліңізге күдік ұялатып кіресіз. Неткен ерсі көрініс десеңізші. Кім біледі, бұл да бүгінгі күннің «цензурасы» шығар...», делінген Наурызбай Байқадамовтың жазбасында.</blockquote>

Нұрлыбек Нәлібаев 170-ке жуық кітабын кітапханаға өткізді

<a href="https://kyzylorda-news.kz/ru/">Kyzylorda-news.kz</a> Қоғамдық тәртіпті қамтамасыз ету, жол қауіпсіздігін алдын – алу және жол-көлік оқиғаларын болдырмау мақсатында Қызылорда қалалық Полиция басқармасының патрульдік полиция қызметкерлері күнделікті күшейтілген тәртіпте қызмет атқаруда.Қала аумағында азаматтардың арнайы жаяу жүргіншілер жолағынан емес, жолдың кез келген бөлігінен кесіп өтіп, апат тудыруға себепкер болуы мүмкін жайттар аз емес.Жедел басқару орталығының бейнекамералары арқылы және патрульдік полиция қызметкерлері жыл басынан, жаяу жүргіншілердің жол қозғалыс ережелерін бұзған 306 (үш жүз қырық сегіз) азаматты анықтап, тиісінше заңға сәйкес әкімшілік хаттама толтырды.Аталған жаяу жүргіншілер Қазақстан Республикасы Әкімшілік құқықбұзушылық туралы кодексінің 615-бабымен (Жаяу жүргіншілердің және жол жүрісіне өзге де қатысушылардың жол жүрісі қағидаларын бұзуы) жауапкершілікке тартылды.Осы ретте, тәртіп сақшылары жаяу жүргіншілер мен көлік тізгіндеген жүргізушілерге жол үстінде өз өмірін қатерге тікпеуге және тиісті ережелер мен сақтық шараларын қатаң ұстануға кеңес береді.Фото: Нұрболат Нұржаубай

Қызылордада жол қозғалысы ережесін бұзған 306 жаяу жүргінші жауапкершілікке тартылды

<a href="https://kyzylorda-news.kz/ru/">Kyzylorda-news.kz</a> Маңызды қызметтің жүгін абыроймен арқалап жүрген полицейлер өзінің қызметінде қырағылық танытып және кәсіби деңгейлерінің жоғары екендігін сан мәрте дәлелдеген.​Бірнеше күн бұрын Қызылорда ҚПБ бастығы &nbsp;полиция полковнигі Айдар Қасановтың атына қала тұрғыны Ардақ Тоқбергенова өзінің ризашылығын білдірді.&nbsp;Хатта Ж.Махамбетова атындағы №43 орта мектебінде оқитын қызы сабақтан шыққан соң кешкілік уақытта ұялы телефонын белгісіз жағдайда жоғалтып алған. Дереу басқарманың «102» арнасына хабарласып &nbsp;мән-жайды айтқан. №7 әкімшілік аймаққа қарасты жасөспірімдер учаскелік полиция инспекторлары полиция майоры &nbsp;Келесов Жандос полиция аға &nbsp;лейтенанттары Мәлік &nbsp;Жандос &nbsp;пен Жұмаділдаев Рахымжан тексеру жұмыстарын жүргізіп, жоғалған ұялы телефонды тауып, жасөспірімге тапсырды.<blockquote>«Өз кезегінде қала тұрғыны полицейлердің атқарған қызметтеріне рахметін айтып, қызметтік міндеттерін адал атқарып, қоғамда болып жатқан келеңсіз оқиғаларға жеделдетіп көмек көрсетіп жүрген сіздерге алғыс білдіремін»,- дейді Ардақ Әлібекқызы.</blockquote>Фото: Нұрболат Нұржаубай

Қызылордалық полицей оқушының ұялы телефонын тауып берді

&nbsp;Фото: taulik.kz«Өрлеу» орталығының жұмысына көңілім толмайды деп айтты Аятжан Ахметжан <a href="https://kyzylorda-news.kz/ru">Kyzylorda-news.kz.</a> берген сұхбатында.<blockquote> Біліктілік арттыру бойынша Назарбаев зияткерлік мектебінің жанындағы екі курсқа да көңілім толмайды. Ең өкініштісі, «Өрлеуде» сан қуалау бар, яғни «Өрлеу» орталығына келген мұғалімдердің бәрі сертификат арқалап шығады.Он бес күннің он күніне қатысып, қалған бес күн үйінде жүріп, сертификат алғысы келетіндер бар. Бұл – &nbsp;сапаны қашыру. Ұстаз мықты, білікті болмаса, онда қоғам ешқашан өрге баспайды, - деп санайды А.Ахметжан.</blockquote>

Аятжан Ахметжан: "Өрлеу" орталығында сабаққа қатыспай, сертификат алғысы келетіндер бар

<a href="https://kyzylorda-news.kz/ru">Kyzylorda-news.kz</a> Мәжіліс депутаты Жұлдыз Сүлейменова Премьер-министрдің орынбасары Тамара Дүйсеноваға жолдаған депутаттық сауалында мектепте ауыр жұмыстарды істейтін қызметкерлердің жалақасы көтеруді ұсынды, деп хабарлайды <a href="https://baq.kz/deputat-eden-zhuushylar-men-elektrikterdin-zhalaqysyn-koteru-usyndy-322547/">BAQ.KZ тілшісі.</a> Депутат атап өткендей, жыл сайын Үкімет азаматтық қызметшілердің жалақысында біліктілік санаттарына қолданылатын коэффициенттерді арттыру қарастырып, жалақыларын өсіріп келеді.Бірақ мекемелердің қызметін еден жуушы, аула тазалаушы, сантехник, плотник, электрик секілді қарапайым еңбек адамдарының күнделікті ауыр жұмыстарынсыз жүзеге асыру мүмкін емес болса да бүгінде осы аталған жұмысшылар азаматтық қызметшілер реестірінде жоқ. Сондықтан Үкімет тарапынан азаматтық қызметшінің айлығын арттырғанда, осы еңбегі ауыр жұмысшылардың мүддесі ескерілмей келеді.Әсіресе, денсаулық сақтау, оқу-ағарту саласындағы ең ауыр жұмыстарды атқаратын жұмысшылардың айлық жалақысы төмен. Мысалы, мектептердегі еден жуушы – 82 856 теңге, электрик 81 575 теңге, аула сыпырушы – 79 317 теңге. Бүгінгі таңда, тек орта білім саласында 216 мыңнан астам осы санаттағы жұмысшылар бар, олардың 254 мыңы қолына тиетін айлық жалақысы 74 мың теңгеден 85 мың теңге аралығында, - деді Жұлдыз Сүлейменова.Депутаттар білім беру, денсаулық сақтау мекемелеріндегі орта және кіші буын мамандары мен қызметшілердің еңбекақысын кемінде екі есеге көтеру қажет деп санайды.<blockquote>Атқаратын жұмысының күрделілігіне және ауырлығына әрі ерекшелігіне қарай лайықты жалақы тағайындалуы тиіс деп есептейміз. Себебі, жалақы әлеуметтік жағдайды, күнкөріс деңгейін, денсаулығына және балаларын өсіп-жетілдіруге жеткілікті болуы шарт. Әлеуметтік әділдік заманында жұмысы ауыр, еңбегі адал жұмысшылардың жалақысы артуы қажет, - деп айтты мәжілісмен.</blockquote>Депутат мынадай ұсыныстарды енгізді:Оқу-ағарту министрлігі 2016 ж. 29 қаңтардағы № 123 Қазақстан Республикасы Білім және ғылым министрі бұйрығымен бекітілген Білім және ғылым саласындағы азаматтық қызметшілер лауазымдарының тізілімін қайта қарап, еден жуушы, плотник, сантехник, аула тазалаушы, электрик санатындағы жұмысшылардың осы тізілімге енгізілуін қарастырсын. Оқу-ағарту министрлігі Ұлттық экономика министрлігімен бірлесе отырып, республикалық бюджетті нақтылау кезеңінде аталған жұмысшылардың базалық лауазымдық жалақысын инфляцияға және жұмыстардың күрделілігіне сәйкес ұлғайтуды қарастырсын. Оқу-ағарту министрлігі Қаржы министрлігімен бірлесе отырып, еден жуушы, плотник, сантехник, аула тазалаушы, электрик санатындағы жұмысшылардың еңбек демалысына төленетін төлем мөлшеріне сауықтыру жәрдемақысы қосу мүмкіндігін қарастырып, республикалық бюджеттен шығындарын есептесін.Фото: Нұрболат Нұржаубай

Депутаттар жалақыны көтеруді сұрайды

<a href="https://kyzylorda-news.kz/ru/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен Арал ауданының даму жоспарын қарау жөніндегі кеңесте теңізді өлкенің бірінші кезектегі мәселесі – экологиялық жағдайды жақсарту және Кіші Аралды құтқару туралы айтылды.Биылдан бастап Қазақстан Халықаралық Аралды құтқару қорына төрағалық етеді. Президент Қасым-Жомарт Тоқаев Климат жөніндегі дүниежүзілік саммитте Халықаралық Аралды құтқару қорын қолдауға көбірек қаржы бөлуге шақырды.«Өздеріңізге мәлім, бір кездері Арал теңізі әлемдегі төртінші ірі ішкі су айдыны болған. Қазақстан келесі жылы қорға төрағалық етеді және осы мәселені шешу үшін барлық серіктесті жұмылдыруға үміттенеді» деді Мемлекет басшысы.Аймақ басшысы бұл экологияны сауықтыратын қосымша шараларды атқаруға және бастамашылық жасауға мүмкіндік беретінін ескертті. Осы орайда, қордың атқарушы комитетінің отырысын біздің өңірде өткізудің мүмкіндігін қарастыру қажет.Айта кетейік, Арал теңізінің ахуалы Мемлекет басшысының ұдайы бақылауында. Осы мақсатта 2021-2025 жылдары теңіздің құрғаған ұлтанына 1,1 млн гектар сексеуіл екпелерін егуді ұлғайту жөнінде тапсырма берген болатын.Аудан әкімі Аманжол Оңғарбаевтың айтуынша, Арал қаласында жалпы көлемі 76,5 гектар 5 ірі тұзды сор көл бар. «Жаңа ауыл» шағын ауданындағы сор көлдің тереңдігі 1,75 метр, ең кішісі «Суворов» сор көлінің орта шеніндегі тереңдігі 1 метр. Оларды көму – жергілікті тұрғындардың ұзақ уақыттан бері шешімі табылмаған мәселесі.Аудан әкімі Арал қаласының экологиялық жағдайын жақсартудың жоба-сметалық құжаттамасын жасауға қаржы бөлуді сұрады. Сор көлдер көмілсе, экологиялық жағдай жақсарып, олардан бөлінетін жағымсыз иіс жойылады. Құрғаған жерге жаңа құрылыстар, ойын алаңдары, гүлзарлар салынады.Жиын қорытындысымен облыс әкімі көтерілген мәселелер алдағы уақытта қарастырылатынын айтып, Аманжол Оңғарбаевқа нақты тапсырмалар берді.

Арал ауданының экологиялық жобалары қаралды

<a href="https://kyzylorda-news.kz/ru/">Kyzylorda-news.kz</a>&nbsp; 2024 жылы Қазақстанның жоғары оқу орындарына түсу үшін шекті балл өзгеріссіз, кемінде 50 балл және ұлттық жоғары оқу орындарына түсу үшін кемінде 65 балл болып қалды, - делінген министрлік ақпаратында.Алайда, оқуға түсу үшін 50-ден астам балл жинау қажет дайындық бағыттары бар. Ең жоғары шекті балл – кемінде 75 балл «Құқық» және «Педагогикалық ғылымдар» білім беру бағдарламаларына түсу үшін бекітілген.«Денсаулық сақтау және әлеуметтік қамтамасыз ету (медицина)» бағыты бойынша оқуға шешім қабылдаған талапкерлер ҰБТ-да кемінде 70 балл жинауы тиіс. Ал ұлттық жоғары оқу орындарына «Ауыл шаруашылығы және биоресурстар» және «Ветеринария» мамандығына түскісі келетіндерге кемінде 60 балл жинау қажет.Фото: Нұрболат Нұржаубай &nbsp;

Биыл ҰБТ-да шекті балл өзгерді ме - министрлік жауабы

Фото: Диана Рысбекованың жеке қорынан<a href="https://kyzylorda-news.kz/ru/">Kyzylorda-news.kz</a>. Қызылордалық Диана Рысбекова №10 дарынды балаларға арналған «Білім-инновация» лицей-интернатын тамамдаған. Ұстаз болуды армандаған жас бүгінде Қорқыт Ата атындағы Қызылорда универститетінің «физика мұғалімдерін даярлау» мамандығы бойынша 3 курс студенті. Жан-жақты студент академиялық ұтқырлық бағдарламасы бойынша қазір Польшаның Лодзь университетінде ізденуде. Жақында осы бағдарламаның тиімді тұсын сұхбатқа арқау етті. - Диана, жастарды қанаттандыратын мүмкіндік жайлы айтып беріңізші... - Академиялық ұтқырлық бойынша шетелде оқып жүрген қазақ студенттері көп. Осы тұста жергілікті билік те шет қалмай, жастардың өзге елде білім алуына, ел-жер көріп, көкжиегін кеңеюіне қолайлы жағдай жасап отыр дей аламыз. Мысалы, біздің Польшадан бөлек Қытай, Корея, Бельгия елдерінде білім алуға мүмкіндігіміз бар. Алайда бағдарламаның темірдей тәртіп, талабы бар. IELTS сертификатыңыз немесе TOEFL ITP сертификатыңыз болуы қажет. Егер болмаған жағдайда университет қабырғасында тапсыра аласыз. Қалған құжаттар тізбегін жинау өте оңай. Бұған кураторлар, эдвайзерлер бағыт-бағдар береді. - Сізге талап үдесінен шығып, кезеңдерден сүрінбеуіңізге не нәрсе көмектесті? - Менің ойымша, ағылшын тілінде еркін сөйлей алуым пайдасын тигізді. Осы орайда «Ыбырай» қоғамдық қорына алғыс білдіргім келеді. Университетте сабақтар қазақ тілінде өткен соң, ағылшын тілі екінші орында тұрды. 1 курстың соңында осы қордың бар екенін біліп, онда ағылшын тілін тегін үйрететіне қуандым. Оның арқасында тегін тіл үйреніп қана қоймай, дамушы орта таптым. Осы ортаға араласуым да академиялық ұтқырлық бағдарламасы бойынша білім алуыма сеп болды. - Демек, тіл білген тілегіне жетеді дейсіз ғой. Польша мемлекетінің білімі несімен ерекшеленеді? - Польшада дәрістер еркін форматта. Салыстырмалы түрде біздің елде дәстүрлі формада. Әр сабақ лекция немесе практика негізінде өтеді. Аптасына 1 күн және 1 сағат 30 минут. Бұл біз үшін таңқаларлық жайт болды. Әр оқытушының баға қою тәсілі де әртүрлі. Көбіне тақырып алып, жоба қорғаймыз. Бұл механизм арқылы студент білімнің тек өзіне ғана керектігін түсінеді деп ойлаймын. - Мұғалімдерге Польшада жағдай жасалған ба? - Оқытушыларымыздың айтуынша, қазір мұнда ғылымға қызығатын студент қат. Мұғалім боламын дейтіндер де азайып келеді. Польшаның қалаларында біздегідей мұғалім мәртебесіне мән берілмеген. Қарапайым қалаларда жалақы да мәз емес. Тек Варшавада мұғалімдерге &nbsp;жалақы жақсы төленеді екен. - Алдағы уақытқа жоспарыңыз қандай? - Елге келгеннен кейін университет пен «Ыбырай» қоғамдық қорындағы оқуымды әрі қарай жалғастырамын. Достарыма, жалпы студенттерге шетелдегі тәжірибені тарқатамын. Себебі, болашақ ұстаз ретінде білгеніммен бөлісуім маңызды. - Сұхбатыңызға рақмет!Сұхбаттасқан Азамат Абимолда

Қызылордалық студент Польшада мұғалімдерді қолдау қандай деңгейде екенін айтты

<a href="https://kyzylorda-news.kz/ru/">Kyzylorda-news.kz</a> Денсаулық сақтау министрлігі «Ашық НҚА» порталында МӘМС жүйесіне жарналар мен аударымдарды төлеу қажет болатын табыстың ең жоғары мөлшерін бес есе ұлғайтуды ұсынған заң жобасын дайындап, жариялады. Жоба талқылау үшін еркін қол жетімді.Әлеуметтік медициналық сақтандыру қорында мүмкін болатын өзгерістер бойынша толық түсініктемелер берілді.Бұл нені білдіреді?МӘМС енгізудің бастапқы кезеңінде міндетті әлеуметтік медициналық сақтандыру жүйесіне жарналар мен аударымдар жүргізілуі мүмкін қызметкердің табысы бойынша жоғарғы шек көзделген. Оның мөлшері бүгінгі күні 10 ең төменгі жалақыдан (ЕТЖ) аспайды. Яғни, жарналар тек 850 мың теңгеге дейінгі табыстан алынуы мүмкін. Жоғарыдағы кірістен жарналар жасалмайды.Не өзгереді?Әділдік қағидатын қамтамасыз ету үшін денсаулық сақтау министрлігі 2025 жылдан бастап жоғарғы шекті ЕТЖ мөлшерінен 10-нан 50 есеге дейін арттыруды ұсынды. Зейнетақы жүйесі де осы қағида бойынша жұмыс істейді, онда жоғарғы шегі ең төменгі жалақының 50 еселенген мөлшерін құрайды.Кіріс бойынша жоғарғы шекті не үшін көтеру қажет?Бүгінгі таңда МӘМС-тің қазақстандық моделінде қаражатты регрессивті бөлу қолданылады. Яғни, табыс неғұрлым аз болса, кірістің пайыздық үлесі соғұрлым жоғары. Әділ жүйеде табысы төмен адамдар табысы жоғары адамдардан артық төлемеуі керек. Сондықтан ұсынылып отырған норма – жоғарғы шекті 50 ЕТЖ дейін ұлғайту - денсаулық шығыстары үшін жауапкершілікті неғұрлым әділ бөлуді көздейді.Егер сандармен сөйлесекҚазір: Орташа жалақысы 300 мың теңгені құрайтын қызметкерлер МӘМС-ке 6 мың теңге жарна төлейді.1,5 млн теңге кіріс жағдайында, ал бұл орташа еңбекақыдан 5 есе жоғары, 10 ЕТЖ (850 мың теңге) көлемінде жоғарғы шек іске қосылады, сондықтан жарна 17 мың теңге, немесе кірістің 1,1%-ынан аспайды.3 млн теңге кірістен, ал бұл орташа еңбекақыдан 10 есе жоғары, МӘМС-ке жарна сол секілді – 17 мың теңге, немесе кірістің 0,6% мөлшерінде қалады.Өзгерістен кейін: 2024 жылға арналған ЕТЖ көлемі есепке алынып жоғарғы шек 4,2 млн теңгені құрайды. Кіріс жоғары болған сайын, жауапкершілік те жоғарылайды.Бұл шара қанша қазақстандыққа әсер етеді?Табысы 4 млн 250 мың теңгеден асатын тек 2,3 мың қызметкер үшін ғана МӘМС-ке жарналар бес есе артады. Бұл елдегі барлық жалдамалы жұмысшылардың 0,04% құрайды.Жалпы, бұл норма 850 мың теңгеден астам табысы бар жалдамалы қызметкерлердің 9%-ына әсер етеді. Жұмысшылардың 91%-ы үшін ештеңе өзгермейді.Қарапайым қазақстандықтарға мұның қандай пайдасы бар?Аударымдарды ұлғайту денсаулық сақтау шығыстарын қаржыландыру көлемін ұлғайтуға мүмкіндік береді. Бұған алдын алу, диагностика және емдеу кіреді. Медициналық қызметтер қол жетімді болады, технологияларды енгізу аурудың ерте кезеңдерінде алдын алуға немесе өмірді сақтауға мүмкіндік береді.Бүгінгі күні денсаулық сақтау жүйесі әлі де жеткілікті қаржыландырылмау мәселесіне тап болып отыр, бұл жалпы медициналық көмекті ұйымдастыруға, медициналық көмектің сапасы мен қолжетімділігіне, сондай-ақ жалпы денсаулық сақтау жүйесі мен МӘМС-тің қаржылық тұрақтылығына теріс әсер етеді.&nbsp;&nbsp;

МӘМС аударымдарының жоғарғы шегінің өзгеруіне мамандар түсініктеме берді

Фото: Айқын.кз<a href="https://kyzylorda-news.kz/ru">Kyzylorda-news.kz.</a>&nbsp; "Әділдік жолы" қоғамдық бірлестігінің жетекшісі Дидар Смағұлов лауазымды тұлғаларға қатысты қандай да бір заңсыздықтар анықталғанда олар пара ұсынып, келісім жасауға әуес екенін айтты. Бұл туралы<a href="https://stan.kz/turkistan-turali-eshtene-aytpasan-ush-bolmeli-pater-men-394603/"> Stan.kz</a> ақпарат агенттігі Нартай Аралбайұлының сұхбатына сілтеме жасап хабарлайды.Дидар Смағұловтың айтуынша, бүгінде қорқытып, үркітетіндерге қарағанда, келісімге келіп, ақшамен шешуге тырысатындар көп.<blockquote>“Қазір көбі келіскенді жөн көреді. Бұрын қорқытатын. Олардың айтатын ең бірінші сылтауы – &nbsp;"бұл тапсырыс”. Біз оларға ешқандай тапсырыстың жоқтығын, біздің тек заң шеңберінде жұмыс істейтінімізді түсіндіреміз. Заң бұзбаса біздің оларға баруға құқымыз да жоқ. "Дидар, сен мемлекеттік қызметкер емессің, шенеунік емессің, ақша алсаң да, ол пара болып есептелмейді. Ала салшы, көз жұма салшы" дейді”, – деп ағынан жарылды Дидар Смағұлов.</blockquote>Мұндай ұсыныстар көбіне еліміздің оңтүстік өңірінен түсетін көренеді.<blockquote>“Адамдар арқылы "Түркістанға келмеші, Түркістан туралы ештеңе айтпасаң, үш бөлмелі пәтер мен Camry 70 көлігін береміз" деді. Бірақ маған Camry ұнамайды. Яғни, мен Түркістанға қатысты мәселелерді көтермесем және осыған дейін жазған жазбаларымды өшірсем маған осындай дүниелерді беруге уәде етті. Сөйтіп барынша мені көндіруге тырысты. Бірақ біз тоқтамаймыз. Өйткені бізге халық сеніп отыр. Мен айтып отырған ақпараттың 70%-ы – халықтан келген арыздар”, – дейді "Әділдік жолы" қоғамдық бірлестігінің жетекшісі Дидар Смағұлов.&nbsp;</blockquote>

"Ештеңе айтпасаң, үш бөлмелі пәтер мен көлік береміз" деді – Дидар Смағұлов

Фото: Polisia.kz<a href="https://kyzylorda-news.kz/ru/">Kyzylorda-news.kz</a>. Қазақстандық өзінің бүйрегін 18 мың АҚШ долларына сатпақ болған деп хабарлайды Kyzylorda news ақпарат агенттігі &nbsp;Polisia.kz &nbsp;сайтына сілтеме жасап.Қазақстандық өз ағзасын 18 мың АҚШ долларына бағалап, кездейсоқ сатып алушыға интернет арқылы сатуға тырысқан. Автордың жазбасына Ақмола облысының ПД ұйымдасқан қылмысқа қарсы күрес басқармасының қызметкерлері назар аударып, донормен байланысқа шықты. Бірнеше апта бойы полицейлер арнайы жедел-іздестіру іс-шараларын жүргізді. Нәтижесінде трансплантация жасау және ақша беру кезінде күдікті ұсталды.&nbsp;Алғашқы тергеу әрекеттері аясында полицейлер ер адамның Ақтөбе қаласының тумасы, бірақ Елордада тұратынын анықтады. Күдікті мұндай қадамға баруының себебін ойынға тәуелділіктен жиналған көлемді қаражатты табу үшін барғанын айтқан. Бұл факті бойынша тергеу жүргізіліп жатыр.

Қазақстан және Қызылорда облысының жаңалықтары