<a href="https://kyzylorda-news.kz/">Kyzylorda-news.kz.</a>&nbsp; Қазақстандық танымал актриса әрі кинопродюсер Дариға Бадықова өзіне аса қымбат сыйлық жасады. Өнер иесі салоннан жаңа көлік сатып алды, деп жазады&nbsp;&nbsp;<a href="http://altyn-orda.kz/"> &nbsp;Altyn-orda.kz&nbsp; &nbsp;</a> &nbsp;Дариға Бадықова қуанышты жаңалығын Instagram-дағы парақшасында жария етті. Ол көлігін алып кетуге барған сәтінен видео жариялап, оқырмандарына көрсеткен. Актриса салоннан Cadillac Escalade маркалы көлік сатып алған. Ресми сайттағы бағасы — 89 млн теңге. «Мен тым қарапайым адаммын. Көп нәрсені ешкімге көрсетпеймін, айтпаймын. «Адал еңбектің ақысы» деген ниетпен шығардым. Шығарудың бір себебі – бүгін бір шешімге келдім. Тозғанша, бұйырғанша жүргіземін деген ниетім бар», — деп жазды Бадықова.&nbsp;<img src="https://knadmin.beoblood.kz/uploads/6c1b4b9e7941e24b_142a527ccd.webp" alt="6c1b4b9e7941e24b.webp">Сонымен қатар, Дариға Бадықова «көлікті біреу алып берді» деп жазып жатқандарға жауап берді. «Машинамды салып едім. Өзіңіз алмаған шығарсыз, біреу сыйлаған болар деп жазып жатқандар да бар. Бұл сыйлай салатын шоколадтағы құлпынай емес қой. Байдың әйелі емеспін. Ешкімнің тоқалы емеспін. Одан кейін мен біреуден қымбат сыйлық алып көрмеппін. Біреудің ақшасын пайдалана алмаймын. Тіпті көп жағдайда шотты өзім жабамын. Жалпы ешкімге масыл қыз емеспін, шүкір. Намысты қолдан бермей отырмыз», – деп жазды актриса.Фото: altyn-orda.kz

«Құны – 89 млн теңге»: Дариға Бадықова өзіне салоннан жаңа көлік алды

<a href="https://kyzylorda-news.kz/">Kyzylorda-news.kz.</a> Бүгін облыс әкімдігі жанындағы төтенше жағдайлардың алдын алу комиссиясы отырысында су айдындарында қауіпсіздікті қамтамасыз ету мәселелері қаралды.&nbsp;Судағы жазатайым оқиғаларды болдырмау үшін облыс аумағында 750 адамға арналған 4 коммуналдық жағажай ресми түрде бекітілді. Маусым айының соңына дейін 900 адамға арналған қосымша 3 жағажай ашылады. Сонымен қатар, демалыс орындарында 12 стационарлық және 6 модульдік бассейн жұмыс жасайды. Жазғы демалыс лагерьлерінде балаларға жүзуді үйрететін 7 стационарлық бассейн бар. Жергілікті атқарушы органдар, төтенше жағдайлар, полиция департаменттері мен волонтерлер бірлесіп, рейдттік шаралар кезінде 42 мыңнан астам тұрғынға (оның ішінде 16 мыңнан астам жасөспірімге) судағы қауіпсіздік ережелерін түсіндірді, үнпарақтар таратты. Профилактикалық шараларға 510 ерікті жұмылдырылды. Адам көп шоғырланған орындарда дауыс зорайтқыш және LED экран арқылы, сондай-ақ, әлеуметтік желілерде үгіт-насихат жұмыстары қарқын алды.«Kundelik.kz» сайтына ТЖ кезіндегі қауіпсіздік ережелері жазылған жадынамалар орналастырылған, онда 295 оқу орны мен 100 714 оқушы қамтылған. Тағы 38 509 оқушыға интерактивті және ашық сабақтар өткізілді. «WhatsApp» мессенджері арқылы ата-аналарға бейнероликтер мен жадынамалар жіберілді. Білім басқармасымен бірлесіп, қауіпсіздік тақырыбында семинарлар, брифингтер ұйымдастырылды, республикалық, облыстық телеарналарда, басылымдарда ақпараттық-насихаттық материалдар жарияланды. Су айдындарындағы қауіпсіздік шаралары қатаң бақылауда.&nbsp;Жиында қатты жел салдарынан шатыры зақымдалған әлеуметтік нысандардың жағдайы туралы да айтылды. Жыл сайын жергілікті бюджеттен қаржы бөліп, шатырды қалпына келтіргеннен гөрі алдын алу қажеттігі ескертілді.&nbsp; Күн тәртібіндегі мәселелер бойынша облыстық бақылау жөніндегі басқарма басшысының міндетін атқарушы Талант Ерманов баяндама жасады.&nbsp; Қызылорда қаласы және аудан әкімдеріне тиісті қызметтермен бірлесіп, 5 шілдеге дейін өз аумақтарындағы әлеуметтік сала нысандары шатырларының беріктігін тексеру тапсырылды. Бюджеттік бағдарлама әкімшілері күрделі жөндеу бойынша жоба-сметалық құжаттаманың сапалы әзірленуін, нысандардың шатыр конструкциясының сапалы орнатылуын міндетті түрде тексеруі тиіс.<img src="https://knadmin.beoblood.kz/uploads/417508959_766240072363906_8869490752075627961_n_f205a36388.jpg" alt="417508959_766240072363906_8869490752075627961_n.jpg"><img src="https://knadmin.beoblood.kz/uploads/417410418_766240085697238_1577048241004287863_n_197ba212c4.jpg" alt="417410418_766240085697238_1577048241004287863_n.jpg"><img src="https://knadmin.beoblood.kz/uploads/417444918_766240079030572_1930673202383747356_n_37a70bef87.jpg" alt="417444918_766240079030572_1930673202383747356_n.jpg"><img src="https://knadmin.beoblood.kz/uploads/417453584_766240012363912_135703164646390565_n_e4ccbd3653.jpg" alt="417453584_766240012363912_135703164646390565_n.jpg"><img src="https://knadmin.beoblood.kz/uploads/448509528_766240209030559_754025270391199501_n_95cbc8c358.jpg" alt="448509528_766240209030559_754025270391199501_n.jpg">Фото: Қызылорда облысы әкімінің баспасөз қызметі

Комиссия отырысында қауіпсіздік мәселелері қаралды

<a href="https://kyzylorda-news.kz/">Kyzylorda-news.kz</a> &nbsp;Тереңөзектік Алтынай Сүлейменова үнемі кез келген ата-анаға көмекке келеді. Себебі, баласында тіл мүкістігі бар ата-ана аудандық емхананың логопед-дефектолог маманының көмегіне жүгінеді. Сөйлеу қабілеті төмен балалармен тығыз қарым-қатынас орнатып, емдеуге барын салатын маман өз ісін жетік меңгерген.Ұдайы жайдарлы мінезінен таймайтын Алтынай Сүлейменова ересек адамдарға да ем-шара жүргізеді. Бүгінде «Амбулаториялык медициналык оңалту жане калпына келтіру емі» бөлімшесінде логопед-дефектолог маманы ретінде жұмыс жасайтын Алтынай Сүлейменова №210 Оспан Әбілпаттаев атындағы орта мектепте білім алған. 2013-2020 жыл аралығында Сырдария аудандык емханасының кардиолог кабинетінің медбикесі болса, кейінгі жылдары аутизмі балалар мен инсульт алған жандарға қолғабыс етуде.Отбасында жолдасының асыл жары болса, қызметте мақтаулы маман.<blockquote>– Күнделікті 18-20 науқасқа ем-шара жүргіземіз. Әрдайым балалар мен үлкен кісілерге қолдан келген көмегімді аямаймыз. Тілге жасалатын жаттығуларды жасаудың пайдасы зор. Біз емдеу барысында жақсы нәтижеге қол жеткізген жағдай ерекше қуанамыз. Әрине, сенім артып келген науқастардың үмітін ақтаймыз, – сала маманы.</blockquote>

Алтынай Сүлейменова: Тілге жасалатын жаттығуларды жасаудың пайдасы зор

<a href="https://kyzylorda-news.kz/">Kyzylorda-news.kz</a> Қалыптасқан дәстүрі мен өзара құрметі бар мықты отбасының басты көрсеткіші әулет болып табылады. Ішкі істер органдарында екі, үш және одан да көп ұрпақ қызмет ететін отбасыларда патриотизм, құрмет, қызметтік борыш сияқты ұғымдар жай ғана сөз емес.Дәл осы династияда қызметке деген құрмет, борышқа деген адалдық, мамандықтың беделі бала кезінен басталады. Полиция туралы тек сериалдар мен кітаптар арқылы ғана емес, полицей мамандығының қаншалықты қиын және қауіпті екенін жақсы түсінеді.Мұндайда мысал Әзірбековтар отбасы бола алады.&nbsp;Әкесі Жорабек Әзірбеков ұзақ жылдар бойы ішкі істер органдарында әр түрлі қызмет атқарған және өз мамандығына адал болған, бүгінгі күні отставкадағы майор бола отырып, өз балаларына лайықты үлгі болып келеді.&nbsp;Бүгінгі күні ол еңбек сіңірген қызметкер, ІІО ардагері, сондай-ақ көптеген наградалар мен медальдардың иегері болып табылады.Қызы Шолпан әкенің ізін жалғап, полицей атанды. Қазіргі уақытта ол Қызылорда облысы ПД анықтау басқармасында қызмет атқарады.Шолпан қаладағы №136 орта мектепті үздік бітірген бойжеткен әке ізін жалғастыру мақсатында Қорқыт Ата атындағы Қызылорда мемлекеттік университетінің заңгер мамандығына оқуға түседі.Өзінің еңбекқор, ізденімпаз, тыңғылықты қасиетімен көптің көңілінен шыққан Шолпан мұнда да білімділігі мен біліктілігін көрсетеді. Оқуды ойдағыдай тәмамдаған ол 2003-2008 жылдар аралығында Қызылорда қалалық ішкі істер басқарамасының кәмелеттік жасқа толмаған бөлімінде инспектор, аға инспектор қызметтерін атқарады.Ал 2008 жылдан бүгінгі күнге дейін анықтау басқармасында абыроймен орындап келе жатқан оның осындай қиын да қатерлі жұмысты ер адамдарша алып жүруіне отбасындағы салмақты да салиқалы тәрбиесінің ықпалы зор десек, артық айтқандық болмас. Олай деуге себеп те жоқ емес. Марқұм анасы Айгүл мен әкесі Жорабектің балаларына үнемі ешкімнің ала жібін аттамауды, өтірік пен өсекке үйір болмауды, адам баласының көз жасына қалмауды үйретіп отыруы Шолпан қыздың өмірлік кредосына айналады.Қызмет пен отбасының берекесін қатар ұстап, шаңырағының ұйытқысы, адал жар, аяулы ана Шолпан қазіргі таңда екі қыз, бір ұл тәрбиелеп отыр. Жұмысында салмақты, ер адамдарша қайыспас нардай іс тындыратын біздің кейіпкеріміз, ошақ басында – мейірімді ана, аяулы әйел, құрбы-құрдасқа – барынша ашық та шынайы.«Жақсының жақсылығын айт, нұры тасысын» дегендей, Шолпанның қоғам үшін еткен еңбегі еленуде. Оған өзінің қызметіне деген адалдығы үшін ҚР ІІМ-нің "Құқық тәртібін қамтамасыз етуге қосқан үлесі үшін"&nbsp;үздік медалі және 2 дәрежелі «ІІО –ның үздігі» медалі табысталған. Ал оның алған алғыс хаттары да жетерлік. Әрине, оның барлығы да – Шолпан атқарған қызметке берілген баға.

Полиция қызметкерлері Әзірбековтер әулеті - борыш пен антқа адалдықтың үлгісі

<a href="https://kyzylorda-news.kz/">Kyzylorda-news.kz</a> Сырдария аудандық сотында төраға Р.Т.Алдамбергенов, судья Д.Е.Ералиев, әкімші басшысы Н.Е.Әбдікәрім, Сырдария ауданы прокуроры Н.Нұрғалиев, аудандық полиция бөлімінің тергеу ісі жөніндегі орынбасары Н.Беркінбаев, жергілікті полиция бөлімі басшысы Қ.Көшекбаев, адвокаттар Қ.Жаппасбаева және Ғ.Сақтағановтың қатысуларымен «Мемлекеттік тіл-ұлт тірегі» атты тақырыпта дөңгелек үстел өткізілді.Дөңгелек үстел барысында аудандық сот төрағасы Р.Т.Алдамбергенов судьялар, сот мәжілісінің хатшылары және сот қызметкерлері қылмыстық, азаматтық және әкімшілік құқық бұзушылық туралы істерді сотқа келіп түскен уақыттан бастап Қазақстан Республикасының Конституциясының 7-бабының және Қазақстан Республикасындағы тіл туралы Заңының 13-бабының талаптарын қатаң сақтауы тиістігін атап өтті.<blockquote>«Мемлекеттік қызмет мемлекеттік саясатты жүзеге асыратын биліктің бірден-бір құрылымы болса, мемлекеттік тілді дамыту мемлекет саясатының негізгі бағыттарының бірі. Сондықтан, әрбір мемлекеттік қызметкердің ұлтымыздың қазынасы мемлекеттік тілді білуі міндет. Мемлекеттік тіл – мемлекеттің бүкіл аумағында қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі болғандықтан, мәртебесі жоғары болуы тиіс», - деді сот төрағасы.</blockquote>Қазақтың айтулы ақындарының бірі Қадір Мырзалиев: «Өзге тілдің бәрін біл, Өз тіліңді құрметте» демекші, әр халық өзінің ана тілін жоғары құрметтеп, оны шамасы келгенше дамытып, қолдану аясын кеңейтіп отыруы тиіс. Елімізде барлық тілдер мен мәдениеттердің дамуына қолайлы жағдай жасалып, қолдау көрсету жақсы жолға қойылған. Дөңгелек үстелге қатысушылар өткізілген іс-шара бойынша ой-пікірлерін білдірді.Фото: qazdauiri.kz

Қызылордада «Мемлекеттік тіл – ұлт тірегі» атты тақырыпта дөңгелек үстел өтті

<a href="https://kyzylorda-news.kz/">Kyzylorda-news.kz</a> Жұмбақтар — ежелден келе жатқан әрі қазіргі қоғамда тәрбиелік мәнін жоғалтпаған, халық мұрасының арнаулы бір саласы.&nbsp;Ол халық ауыз әдебиеті ішінде ұсақ жанрлар қатарына жатқанымен, ол халық ауыз әдебиетінің күрделі бір саласы. Жұмбақ – адамның ой-өрісін, алғырлығын, білімін сынау мақсатында нақты бір зат немесе құбылысты тұспалдап сипатталатын шағын әдеби жанр. Қай кезді алсақ та, жұмбақ өткір, ұшқыр сөз есебінде халық арасында бағалы болған. Жұмбақты халықтың өзге тапқырлық сөздері қатарында саяси құрал есебінде тап жауына қарсы қолданған орындар да аз емес.Көрнекті ағартушы А.Байтұрсынов: «Жұмбақ деген аты жұмудан шыққан, яғни қолдың ішінде бір нәрсені жасырып, жұмып тұрып таптырмайды. Ойды бүгіп, айтпай қойып, сол нәрселерге ұқсас нәрселерді сипаттай айтып, ұқсастығы бойынша таптырады. Жұмбақ зейінде ұстартуға пайдасы бар нәрсе» деген. Расымен де, адамның&nbsp;ойлау қабілетін дамытатын, танымын кеңейтетін тамаша үлгінің бірі&nbsp;– жұмбақ.&nbsp;Жұмбақтар жас ұрпақты тәрбиелеуде маңызды құрал болып табылады. Ол балалардың бойына өз халқының игілігін дарытып, ана тілінде ойлау және мәдениетті сөйлеуіне, ұлттық құндылықтарды тануға, сауатты жазуға барынша мол әсерін тигізеді.&nbsp;Жұмбақтар баланың тіл байлығын да дамытады. Өз қызығушылықтарына жол ашады, дүниені жаңа қырынан тани түседі. Халық ауыз шығармашылығына жататын жұмбақтар эпитетке, метафора мен афоризмға бай. Сондықтан да осындай жұмбақтарды қолдану балалардың сөздік қорын молайтады және&nbsp;логикалық ойын жетілдіреді.&nbsp;Өйткені балалар тек жұмбақты шешіп қана қоймай, оларды жасыруды да ұнатады. Бұл тек жұмбақтың жауабын ғана емес, сонымен қатар мәтіннің есте сақталуына әсер етеді.Жұмбақ - жас ұрпақтың ақыл-ойын дамытуға бағытталған асыл мұра. Жұмбақтардағы терең ой, терең мағынамен қатар ондағы көркемдік шеберлікті қиыннан қиыстырып келтіреді. Бір затты екінші бір заттың түр-түсіне балап, салыстыра айту, соған қиыстыра білу ұқсастығын тауып көрсете алу ойдың ұшқырлығы мен зеректігін танытады. Баланы да қызықтыратын осы жағы. «Ақ сандығым ашылды, ішінен жібек шашылды.» деп бұлт шыққан күннің көзін-ақ жібекке, бұлтты ақ сандыққа балап, соның толық мазмұнын аңғартатыны ғажап-ақ. Адам сүйсінерлік эстетикалық әсерлі сөздерді іздеп табатыны да шеберліктен туған.Балалар қызуғушылықпен оқитын және олардың тапқырлығын арттыруда жұмбақ ертегілердің үлесі өте зор.&nbsp;Бұл жерде ертегі кейіпкері қиын сәтте жұмбақтай сөйлеп, тұспалмен тілдеседі. Осылайша қиындықтан жол табады. Мұндай ертегілерге «Шал мен келін», Каракөз сұлу», «Аяз би» және Ж.Аймауытовтың «Көк өгіз» атты жұмбақ ертегілерін жатқыза аламыз.&nbsp;&nbsp;Мысалы,&nbsp;«Шал мен келін» ертегісінде Қайыр дейтін қарт жолға шығып, ұрыға тап болады. «Сендерге мал керек пе?» - дегенде, олар «мал керек» деген соң, екі ұрыны ауылына жұмсап: 60 ақ бас, 70 қара бас атаным бар, соны берсін, бірі кілтті, бірі кілтсіз сандығым бар, соның кілттісін берсін, есіктің алдына екі бәйтерек бар, біреуін жықсын, біреуін бүксін» дейді. Мұны келіні табады. 60 ақ бас атаны – 60 жастағы қария, 70 қара бас атаны – 70 жігіт, кілтті сандығы – ақылды келіні, кілтсіз сандығы – баласы, екі терегі – екі ұры, соның біреуін өлтіріп, бірін алып кел деген екен.Ал енді, «Аяз би» ертегісіне үңілейік. Бұл ертегіде Аяз бидің тапқырлығы, данышпандылығы айқын бейнеленген. Оқиға сюжеті бойынша&nbsp;бай қызы Меңдінің: «Өзімнен ақылы артық кісіге тиемін», - деген сөзін естіп келген жігіттердің бәріне пышақ, қайрақ, шыны, гауһар тас жібереді екен. Айттыра келген бай балалары: «Менің үйімде пышағым жоқ па, болмаса қазынамда гауһар тасым жоқ па, я тіпті, қайрақ таба алмай жүрмін бе?» - деп ашуланып қайтып кете береді. Меңді қыз Аязға да осы нәрселерді жеңгесінен беріп жібереді. Аяз: «Мұның құралын әкел!» - дейді. Қыз жеңгесінен балға мен төс береді. Аяз балға мен төсті алған соң, қайрақты төске қойып балғамен ортасынан бөледі, шыны табықты уатады, пышақты жетесінен сындырады, гауһар тасты қақ жарады да: «Мә, бикешке алып бар!» деп жеңгесінің қолына береді. Осымен жұмбақ шешіледі. Бірақ оның не екенін жұрт түсінбейді. Қыз жұмбағының шешімін ханға Аяз би былай баян етеді: -Қайрақтай болып езілгенше, шыны табақтай болып уатылғанша, пышақтай болып басы кесілгенше сыр айтпайтын кісі мына гауһар тастай жарып мені алады.Бұл ертегідегі тек бір ғана жұмбақ.&nbsp;«Аяз би» ертегісіндегі кейіпкерлер жұмбақты сөздермен түсінеседі. Мысалы,&nbsp;қырық уәзір шал мен ханның жұмбақтап сөйлескенін түсінбегеннен соң Аяз биге барып оны түсіндіруін сұрайды. Аяз бидің тапқырлығы соншалықты ол хан мен шалдың жұмбақтаған сөзін іс-әрекет арқылы түсіндіріп береді. Осының арқасында Аяз би өз халқы алдында қадірлі, әділ, данышпан, сыйлы болады. &nbsp;Осындай жұмбаққа толы ертегі-әңгімелер арқылы жас ұрпақты тапқырлыққа, ой-өрісінің жүйрік болуына тәрбиелей аламыз.&nbsp;Қазіргі кезде сабақ барысында жұмбақты шешу оқушылардың ой-өрісін,&nbsp;қиялын,&nbsp;логикалық ойлау қабілетін дамытатын, олардың&nbsp;бойындағы қасиеттерді ашатын&nbsp;ұтымды әдіс. Қазақ тілін үйретуде жұмбақтарды қолданудың маңызы зор. Жұмбақтарды шешу арқылы балалардың ойлау қабілеттері дамиды, сөздік қорлары молаяды, тілдері жаттығады. Бұдан басқа пәндерде де жұмбақтар, жұмбақты тапсырмалар қолданылса, оқушылардың ой-өрісі дамып,&nbsp;дүниені жаңа қырынан тани түсетіні&nbsp;анық. Бұл олардың&nbsp;осындай ұсақ жанрлармен жүргізілетін жұмыстардың барлығы да оқушыларды өз беттерімен ізденуге үйретіп, ақыл - ойы мен дүниетанымын кеңейтуге, тілін дамытуға, сондай-ақ,&nbsp;білімге деген ынтасын, қызығушылығын арттыруға және шығармашылықпен айналысуларына септігін тигізеді.Қорытындылай &nbsp;айтар &nbsp;болсақ, &nbsp;жұмбақ &nbsp;ұлттық &nbsp;фольклорымыздың &nbsp;қанаттанып &nbsp;дамыған, &nbsp;үлкен &nbsp;орны &nbsp;бар &nbsp;саласы. Ә.Табылдиевтың: «Жұмбақтардың дүниетанымдық ой дамытарлық мәнімен қатар, тәрбиелік мәні де ерекше. Өйткені жұмбақ айтысу, жұмбақ жаттау кезінде тәрбиеленуші өзінің білімін, дәрежесін байқап, көп білуге талпынады, ынта-жігері артады, жауапкершілікке бейімделіп, өнерге талпынушылығы артады» -деген пікірін негізге ала отырып, болашақ ұрпақ ой-өрісі кең, жылдам шешім қабылдай білетін, өз ойы мен сөзіне берік, мәдени санасы жоғары азаматтар болуы үшін жұмбақтың атқарар рөлі зор деп есептеймін.&nbsp;Батан Нұрай АсылханқызыМ.Мәметова атындағы Қызылорда&nbsp;педагогикалық жоғары колледжінің&nbsp;3-курс студентіФото: egemen.kz

Жұмбақтың ұрпақ тәрбиесіндегі рөлі

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық сотында «Сот каникулы» пилоттық жобасын талқылауға арналған жиын өткізілді. Оған азаматтық істер жөніндегі алқа төрағасының міндетін атқарушы С.Жуынтаева, облыстық соттың судьялары, департамент басшысы С.Сүлеймен, департамент басшысының орынбасары Е.Бөрібаев, бөлім басшылары, пилоттық жобаға қатысатын соттардың судьялары мен жауапты мамандары қатысты.Жиынды алқа төрағасының міндетін атқарушы С.Жуынтаева ашып, санаулы күндерден кейін Қызылорда соттарында пилоттық жоба жүзеге асырылатынын атап өтіп, жобаның маңыздылығына тоқталды. Пилоттық жоба бойынша судьялар мен сот қызметкерлері белгілі бір мерзімде бір уақытта демалысқа шығады. Олар болмаған кезде талап қоюларды қабылдау және бөлу, шұғыл іс жүргізу әрекеттерін қабылдаумен кезекші судьялар айналысатын болады.Жиында пилоттық жобаны жүзеге асыру кезінде істердің қаралу мерзімін қатаң сақтау керектігі айтылды. Департамент басшысы С.Сүлеймен пилоттық жоба туралы өз пікірін білдірсе, басшы орынбасары Е.Бөрібаев пилоттық жобаны жүзеге асыру кезінде істер мен талап қоюларды бөлу тәртібі туралы баяндама жасады. Пилоттық жоба арқылы азаматтар сот демалысының мерзімін алдын ала біле отырып, жазғы уақытта сотқа жүгіну мерзімін жоспарлай алады.Жиынға қатысушылар пилоттық жобаны жүзеге асыру бойынша өз пікірлерін ортаға салды.Фото: облыстық сот

Қызылордада «Сот каникулы» жобасын жүзеге асыру мәселелері талқыланды

<a href="https://kyzylorda-news.kz/">Kyzylorda-news.kz</a> Судья және сот қызметкерінің кәсіби мерекесі қарсаңында, Қызылода облысының судьялары мен сот қызметкерлерінің арасында спартакиада ұйымдастырылды. Дәстүрлі спартакиада футбол мен волейболдан және судьялар мен сот қызметкерлері балаларының арасында шахмат ойынынан өткізілді.Спорттық шараның ашылуына облыстық соттың төрағасы Ә.Шығамбаев, сот әкімшілігінің Қызылорда облысы бойынша Департаментінің басшысы С.Сүлеймен, оставкадағы ардагер судья А.Әнуарбеков, Судьялар Одағының Қызылорда облысы бойынша филиалының төрағасы Б.Елшібеков қатысты.Шараның ашылу барысында облыстық сот төрағасы Ә.Шығамбаев бұқаралық спортты дамыту баршамыздың ортақ міндетіміз екенін, осы мақсатта жыл сайын облыс соттарының арасында дәстүрлі спартакиада өткізіліп келе жатқанын атап өтсе, департамент басшысы С.Сүлеймен сот қызметкерлері түрлі спорттық бәсекелерде жеңімпаз атанып жүргеніне тоқталды. Оставкадағы судья А.Әнуарбеков ұжымды облыстық соттың спорттық сайыста жеткен жетістіктеріне тоқталып, естеліктерімен бөлісті. Судьялар Одағының Қызылорда облысы бойынша филиалының төрағасы Б.Елшібеков сайыс қатысушыларына сәттілік тілеп, судьялар мен сот қызметкерлерін осындай спорттық сайыстарға белсене қатысуға шақырды.Шахмат турнирі 6-10 жас және 11-15 жастағы балалардың арасында өткізілді.Ал, футбол және волейбол ойындарына облыстық соттың «Айбын» командасы, Арал, Қазалы, Байқоңыр, Қармақшы аудандық соттарынан құрылған «Барыс» командасы, Жаңақорған, Шиелі, Жалағаш, Сырдария аудандық соттарынан құрылған «Сұңқар» командасы, Қызылорда қалалық соты және №2 сотынан құрылған «Қанағат» командасы қатысты. Сайыс қатысушылары сайыстың барлық кезеңде шеберліктері мен тыңғылықты дайындықтарын көрсете білді.Шахмат сайысының қорытындысы бойынша 6-10 жас аралығында ІІІ орынды Б.Есенгелдиева, ІІ орынды Ә.Бекмырза, І орынды Ә.Қайрат иеленсе, 11-15 жас аралығында С.Сақтағанов ІІІ орынды, Ш.Абуз ІІ орынды, М.Абуқасымов І орынды жеңіп алды. Сонымен қатар, сайысқа белсене қатысқан жас шахматшылар дипломдармен марапатталды.Тартысты өткен сайыстардың қорытындысы бойынша волейболдан ІІІ орынды «Айбын» командасы, ІІ орынды «Найзағай» командасы, І орынды «Сұңқар» командасы иеленді. Сонымен қатар, «Үздік шабуылшы» номинациясымен облыстық соттың судьясы Н.Қосанов, «Үздік қорғаушы» номинациясымен облыстық соттың судьясы А.Наримов, «Үздік ойыншы» номинациясымен Жаңақорған аудандық сотының маманы А.Алмасов марапатталды.Футболдан ІІІ орынды «Барыс» командасы, ІІ орынды «Қанағат» командасы, І орынды «Айбын» командасы жеңіп алды. Одан бөлек, қалалық соттың маманы Н.Ержанов «Үздік қақпашы» номинациясы, Қармақшы аудандық сотының маманы С.Қожабаев «Үздік қорғаушы» номинациясы, облыстық соттың маманы Д.Ерәлі «Үздік ойыншы» номинациясы табысталды.Спорттық сайыстардың жеңімпаздары мен жүлдегерлері арнайы дипломдармен, кубоктармен, ақшалай сыйлықтармен марапатталды.

 Қызылордада спорттық жарыстан спартакиада өткізілді

<a href="https://kyzylorda-news.kz/">Kyzylorda-news.kz</a> Қызылода қаласындағы&nbsp;С.Толыбеков атындағы №3 ІТ мектеп-лицейдің оқушысы Сейілхан Оралхан ҰБТ-дан 134 балл жинады. Ол осылайша ұстаздардың еңбегін ақтады.&nbsp; Ұстаздарының айтуынша, Сейілхан Оралхан ұлттық бірыңғай тестілеуге ерекше дайындалған. Көп уақытын дайындыққа, ізденіске жұмсаған оқушының үздік нәтижеге жететініне тағы да көз жеткіздік.&nbsp; Мектеп ұжымы ұстаздардың, ата-анасының еңбегі мен сенімін ақтап, ҰБТ қорытындысы бойынша жоғары көрсеткіш 134 БАЛЛ жинаған 11 "Г" сынып оқушысы Сейілхан Оралханды құттықтады.<blockquote>– "Жарайсың, Оралхан! Мектебіңнің абыройын асқақтатып, ұстаздарыңның мерейін үстем еткеніңе зор алғысымызды білдіреміз. Таңдау пәні информатика-математика болған шәкіртіміздің жоғары балл иегері болуы-мектеп мерейі, ата-ана сенімінің ақталуы және түлегіміздің толағай еңбегі деп білеміз. Үлкен өмірге қаққан қанатың талмасын, Оралхан! Жолың ақ, болашағың жарқын болсын! Білімің әрқашан жеңіске жолықтырсын!", – деп мектеп ұжымы жылы лебізін білдірді.</blockquote>Қызылорда қаласы бойынша ең жоғары балл алған оқушы достарыңа сәттілік тіледі. "ҰБТ тапсырушыларға айтарым, ең бастысы, &nbsp;қорықпау керек, ҰБТ өмірдің соңы емес! Бұл жай ғана сенің өміріңдегі кішкене ғана баспалдақтың бірі", – дейді Сейілхан Оралхан.

Қызылордалық түлек ҰБТ-дан 134 балл жинады

фото: baq.kz<a href="https://kyzylorda-news.kz/">Kyzylorda-news.kz.</a> Танымал журналист, сенатор Дана Нұржігіт екінші некесінің сәтсіз болғанын баяндап берді. Бұл туралы <a href="https://stan.kz/ekinshi-nekem-bayansiz-boldi-dana-nyrzhigit-tyrmistagi-401931/">Stan.kz</a> ақпарат агенттігі хабарлайды.&nbsp;Тележурналисттің айтуынша, психикалық қысымға ұшырап, жұмыстан кеткен кезі де болған.<blockquote>“Әйелдерге қарсы зорлық-зомбылық тақырыбы мені де айналып өтпеді. Жәбірленушінің орнында болып, сот залында тұрамын дегенді кім білген?! Қиындық кімде жоқ. Мен де мойымай, бастысы денсаулығым мен жұмысымнан айырмасын” деген едім. Алайда моральдық-психологиялық қысым алдымен денсаулығыма кері әсерін тигізді. Содан кейін ТВ-да жұмыс істей алмайтын жағдайға жеттім. Басшыға өзім барып, жұмыстан кететінімді айттым. Өйткені түске дейін тергеушінің алдында, түстен кейін тікелей эфирде жұмыс істеуге жарамай қалдым”, – деп жазды тележурналист.&nbsp;</blockquote>Айтуынша, екінші некедегі азаматтың үстінен арзы жазып, қылмыстық іс қозғалған.&nbsp;<blockquote>“Екінші некем баянсыз болып, тоғыспайтын жерден М.Ә. есімді азаматпен мәмілеге келіп, адамша екі жаққа кетудің орнына іс насырға шауып, жабық есік жағдайындағы сот процесіне жетті. Іс 10 айға созылып, тергеу процесінен өттім. Соңғы нүктесі 28 мамырда қойылды. Үкім 13 маусым күні күшіне енді. Істің мән-жайын ашпауға қолхат беріп, уәделестік. Сол үшін артық нәрсе жазбаймын. Иә, заңды түрде қорғануға мәжбүр болдым. Бір шешімге келерміз деп жүргенде істің арты осынша уақытты алады деп ойламаппын. Жұмыс пен үйдің, баламның берекесі қашты. Қаржылық шығын, жүйкенің тозуын айтпай-ақ қояйын. Бұл оқиға мен үшін үлкен сабақ болды. Әлімнің әкесіне дейін қолдап, “Сақ бол!” деп маған қорған болуға тырысты, жарықтық”, – дейді &nbsp;Дана Нұржігіт.&nbsp;</blockquote>

"Екінші некем баянсыз болды": Дана Нұржігіт тұрмыстағы зорлық-зомбылыққа ұшырағанын айтты

<a href="https://kyzylorda-news.kz/">Kyzylorda-news.kz</a> Қазіргі таңда адам өмірін гаджеттерсіз елестету мүмкін емес. Бір қарағанда, цифрлық технологияның мүмкіндіктері жақсы болып көрінуі мүмкін. Бірақ, оның керағар тұсы да, жетіп артылады. Неге десеңіз, бүгінде ақпараттық немесе цифрлық технологиялар әсерінен, әлеуметтік дағдыларын жоғалтып, түсініксіз дертке ұшыраған сәбилер саны жиілеген. Мұндай ауруға шалдыққандарға дүниежүзілік денсаулық сақтау ұйымы «цифрлық аутизм» деп атау беріпті. Цифрлық цивилизацияға қадам бастық деп қуанғанымызбен, қуанышымыз ұзаққа бармайтын секілді. Өйткені, қоғамды қамықтырған мына жайт адамдардың мазасын қашырды. Олай болса, адамзатты алаңдатқан заманауи мәселе төңірегіндегі туындаған сауалдарға жауапты Қазалының педагог психологтары берді.«Әуелі аутизм деген не? Соған тоқталайықшы. Жалпы аутизм – мидың даму ерекшелігіне қатысты ұғым. Бір сөзбен айтқанда, әлеуметтік дағдылар бұзылған жүйке жүйесінің бұзылуы. Ғылыми термин қайдан пайда болды деп, заңды сұрақ туындайтыны шарт. Айталық, виртуалды аутизм ұғымын Мариус Замфир есімді ғалым енгізген. Ол балалардың екі бақылау тобын, яғни, 62 балаға зерттеу жүргізіп, көңіл көншітпейтін қорытындыға келеді. Ол нысаналы топпен жұмыс істеу барысында компьютер, теледидар, немесе планшет экранына төрт сағаттан астам қараған балалардың дамуында артта қалушылық болатындығын аңғарған. Мұндай дертке шалдыққандардың белгілерін ғалым кәдуілгі классикалық аутизмге ұқсатады. Өйткені, әлгі балалар нашар сөйлеп, бірдей қимылдар мен сөздерді ғана қайталап, көзге қарамаған. Сондай-ақ, олардың бойындағы барлық белгілер аутисттерге ұқсаған. Жүргізілген осы зерттеуден соң, ғаламда цифрлық аутизм – ақпараттық технологиялардың әсерінен тірі қарым-қатынас дағдыларын жоғалту деген түсінікті қалыптастырды» дейді мектеп педагог психологы Л.Арзахметова.Мамандар бұл аурудан айығу, тек, гаджеттерден бас тартқанда ғана, мүмкін екендігін айтады. Сондай-ақ, балалармен тікелей қарым-қатынас орнатып, олармен ойнағанда, алдын алуға болады-мыс.Бүгінгідей, қарбалас заманда ата-ананың балаға 24/7 көңіл бөліп, онымен байланыс орнатуы мүмкін еместей көрінеді. Әрине, балалардың арасында осындай аурудың белең алып жатқанына ата-ананы, не қоғамды кінәлау оңай. Алайда, бұл құбылыс үлкендердің арасында көрініс тауып жатқандығын да айту керек. Бұрын адамдар ақпарат алмасуды бір-бірімен тікелей қарым-қатынас орнату арқылы құратын болса, ал, қазір виртуалды өмірге еніп кеткен. Содан да болар, қазір адамдар керегін интернеттен алып, бір-біріне жат болып бара жатқан керағар заманға тап болды. Бір-бірімен араласпау өз алдына бөлек әңгіме. Ең сорақысы, адамдар мылқаудың күйін кешіп жүр. Қалай дейсіз ғой, олар өзара әңгімелесуден қалып барады. Бұған біздің күнделікті өміріміздегі көріністер айқын дәлел. Қай жерде, қай ортада болмасын, ол автобус, дүкен не жұмыс орны болсын бәрі телефонға телмірген. Өзара байланыс жоқ. Дегенмен, бұл аурудан айығуға болады. Егер, гаджеттен бас тартса. Француз ғалымдары осындай тұжырым жасапты. Олар өздері жүргізген сынамада кейбір балаларды гаджеттен бір айға алыстатып, кейін олардың аутизм белгілерінен айыққандығын анықтаған.Шыны керек, бұл мәселе тек, шетелдіктерге ғана емес, еліміз үшін де, ең өзекті. Бүгінде отандық психиатрлар «Баланың жанын ауыртпай, телефоннан қалай ажыратуға болады?» деген әдістемелік құрал әзірлеуге кірісіп кеткен. Оған бірден бір себеп – компьютерлік ойындарға үйір балалардың көбеюі болып отыр. Мұндай балалардың көпшілігінің ортадан шектеліп, ойлау қабілеттерінің дамуы тежеле бастағаны байқалған. Егер, әдістемелік құрал қолданысқа енсе, соның көмегімен аурудың алдын алу әбден мүмкін. Мамандар солай сендіреді. Бұған түбегейлі сену қиын. Өйткені, цифрлық технология өміріміздің бір бөлігіне айналды. Кейбір ата-аналар да, бұл дерттен толық айығу мүмкін емес дегенді алға тартады.<blockquote>– Қазір технология күн санап, көз ілестірместен дамып жатыр. Күнде цифрлық технологияның бір жемісімен танысып жатырмыз. Әйтсе де, оның барлығын жақсы деп айта алмаймын. Өйткені, осы шығып жатқан гаджеттер, түрлі цифрлық құрылғылар – балалар арасындағы аутизмнің артуына негіз болып отыр. Бұл қоғамның, қала берді ата-ананың қателігі. Әрине, бәрін ата-анаға жаба салу оңай шығар. Заман сондай болып тұрса, оған ештеңе істей алмайсың. Қым-қуыт тірлік баламен үнемі байланыста болуға мүмкіндік бере бермейді. Бұл ақталу емес, әрине. Өзімнің де, басымнан өткен жайт. Балам жылағанда жұбансын деп қолына телефон бере салатын сәттерім аз болмады. Барлық ата-ана да солай жасайды. Адам қай кезде де, жағдайдың салдарын ойлап жатпайды ғой. Бәрі болған соң барып, «аһ» ұратын қанда бар әдет емес пе?! Бүгін мұндай әдеттерден арылмасақ болмайды. Өйткені, смартфон балалардың санасына кәдімгідей соққы беруде. Қазірден олармен қарым-қатынасты қолға алып, оларға барынша көңіл бөлмесек, өкініш өзегімізді өртемесіне кепілдік жоқ, – дейді Әйтеке би кентінің тұрғыны Асыл Бақытқызы.</blockquote>Біз аутизм бала гаджетпен оңаша қалғанда ғана, дамиды деген түсінікке алданып жүрміз. Шындығында, бұл ауру анасы баласының дамуының алғашқы кезеңдерінде «байланыста болмаған» кезеңінде де, дамитын көрінеді. Психолог мамандар солай дейді.<blockquote>– Көп ата-аналар цифрлық аутизм тек, баланың телефонға тәуелділігінен туындайды деп түсінеді. Бірақ, бұл олай емес. Смартфонның үлесі көп болғанымен, белгілі бір дәрежеде ата-ананың көңіл бөлмеуінің әсері де, болатынын білуіміз керек. Білесіз бе, бала қай кезде оқшауланады. Өзі өмір сүретін ортада өзіне көңіл бөлінбегенде, назар аударылмағанда. Олар соны сезгенде ғана, жалғыздыққа ұмтылады. Соның салдарынан, оның бойында ашушаңдық, мазасыздық, шектен тыс, белсенділік байқала бастайды. Ал, бұл белгілер арнасынан асқанда, ата-аналар түсініксіз жағдайға тап болдық деп, не істерін білмей дал болады. Мұндай жағдайда, әуелі, баланы мейірімге бөлеу маңызды екенін ұмытпау керек. Сондай-ақ, оған мамандардың арнайы ем-шараларын жүргізуіне мүмкіндік беру қажет. Көбіне, ата-аналар «Бала өзімен өзі ойнап жүр, қайтер дейсің? Бұл уақытша құбылыс, немесе мұныкі еркелік қой» деп, көп нәрсеге көз жұма қарайды. Бұл үлкен қателік. Мұндай немқұрайлылық баланың телефонға тәуелділігін арттырып, аутизмнен айықпауына жол ашуы мүмкін. Сондықтан, балаға смартфон берерде абай болғанымыз жөн, – дейді психолог маман З.Сағындықова.</blockquote>Цифрлық аутизм – бұл ерте жастағы цифрлық шамадан тыс, жүктемемен байланысты балалардың дамуындағы мүлдем жаңа мәселе. Бірақ, бүгінде Қазақстанда бұл жағдай ауру ретінде тіркелмейді. Солай екен деп, бұл мәселеге ат үсті қарауға болмайды. Өйткені, балалардың денсаулығы бәрінен маңызды. Сондықтан, сәбилерімізді смартфонға тәуелді етпей, назарын барынша жақсы жаққа бұруға бағыт алған абзал.Фото: https://dzen.ru/a/YmhK9Ug6rX5m0blm

Балаларға мейірім мен сүйіспеншілік сыйлау қажет

<a href="https://kyzylorda-news.kz/">Kyzylorda-news.kz.</a> Сыбайлас жемқорлықпен қарсы күрес – бүгінгі коғамның басты әрі көкейтесті мәселесі екені белгілі. Бұл тек елімізде ғана емес, сонымен қоса бүкіл әлемде белең алып отырған күрделі мәселе, тіпті қоғам дерті десек те болады. Аталған мәселенің алдын алу мен күресу мақсатында түрлі іс-шаралар мен бірқатар акциялар ұйымдастырылуда. Осыған орай, Сырдария ауданы, Тереңөзек кентінің халыққа қызмет көрсету орталығы ғимаратының алдында «Сырдария Нұрдария» қоғамдық қорының жұмыс жоспарына сәйкес, аудандық қоғамдық келісім бөлімінің жобасы аясында Сыбайлас жемқорлыққа, құқық бұзушылыққа «мүлдем төзбеушілік» қағидатын қалыптастыру бойынша акция өткізілді. Аталған акцияға аудан тұрғындары, қоғам белсенділері мен жастар белсене қатысып, атсалысты.&nbsp; Акцияға облыстық мәслихат депутаты Жұмабек Ембергенов, аудандық жергілікті полиция бөлімшесінің бастығы полиция подполковнигі Сейілхан &nbsp;Кеукенов, заңгер Қалдыгүл Назарова, адвокат Ғабит Сақтағанов және қор төрағасы Марат Омаров қатысып, аудан тұрғындарына кәсіби кеңес берді. Акцияға қатысушыларға ақпараттық үлестірме, әдістемелік нұсқаулық таратылды.&nbsp;Еліміздің әлеуметтік-экономикалық дамуы, дамыған озық елдер қатарына кіруі үшін бүгінгі қоғамды, айналамызды парақорлардан, сыбайлас жемқорлықтан тазарту – біздің азаматтық парызымыз болып саналады. Сол себепті бұл мәселеге бір кісідей атсалысып, кемел келешегіміз бен болашағымыздың жарқын болуына жұмыла кірісейік, – &nbsp;деді облыстық мәслихат депутаты Жұмабек Ембергенов.

Қазақстан және Қызылорда облысының жаңалықтары