&nbsp;<a href="https://kyzylorda-news.kz/">Kyzylorda-news.kz</a>&nbsp; Елімізде жол апатының азаяр түрі жоқ. Мысалы, әлемде жылына 1,2 миллион адам жол апатының салдарынан өмірі қыршыннан қиылса, ал елімізде 3000 тұрғын зардап шегеді екен. Ұлттық статистика бюросының мәліметі бойынша, республика аумағында 5 миллионнан аса автокөлік тіркелген екен. Оның ішінде, жеңіл автокөліктің үлес салмағы 87,9 пайызды құрайды. Елімізде жол қозғалысы ережесі бойынша бірыңғай тәртіп белгіленген. Қай уақытта да қоғам өмірінде өзектілігін жоймайтын жолда жүру ережесіне қатысты мәселені жан-жақты саралауды жөн көрдік.Уақыт сағаты кілт тоқтағанда...Зайырлы мемлекеттің әрбір тұрғыны үшін заң ортақ. Қоғам өмірінде жылдамдықты асырып, жантүршігерлік жол апатына себепкер атанатын жүргізуші біткен жауапсыздық танытады. Екі күннің бірінде жол үстінде талай жанның тағдыры үзілетіні көпке аян. Жарақат салдарынан өмір бойы оңалып кете алмай, мүгедек арбасына таңылған жарымжан жандар қаншама?! Қара жол бойындағы қасіретті жағдай көп отбасыны есеңгіретіп жібергені рас. Шын мәнінде, мамандардың зерттеуінше, жаяу жүргізушілерді қағып кету, көлік аударылуы, жолдың қарсы бетіне шығып кетіп, соғысуы жиі болады екен.&nbsp;Мәселен, осыдан 5 жыл бұрын жолдың қарсы бетіне шығып кеткен автокөліктің маши­наға соғу салдарынан 1 адам қаза тапқан болатын. Әрине, 32 жасында жолдасынан айырылған Айгерім Бегімқұлова 4 перзентін өзі өсіріп келеді.<blockquote>&nbsp;– Жолдасым Серік жұмыс барысымен Қызылорда қаласына бара жатқан болатын. Заматында жоғарғы жылдамдықпен келген автокөліктің артқы есік жанында отырған ер азаматымды майып қылады. Заң аясында кінәлі өз жазасын алғанымен, отбасымыздың тіреуін алып кетті. Тағдырдың дегеніне көндігіп, «Тірі адам тіршілігін жасайды» деген тәмсіл шындыққа жанасатынын сезгендеймін. Бүгінде жол үстінде келе жатып, қара жол бойында қасірет болмауын шын тілеп келеміз, – дейді Тереңөзек кентінің тұрғыны.</blockquote>&nbsp;Оқыс оқиғадан ес жия алмаған көпшілік төтелеп келген ажалға төтеп бере алмасы анық. Өз кезегінде Сырдария аудандық ауруханасының дәрігері Дәуірхан Тағыбергенов жол апатына түскен азаматтарға жиі ота жасайтындығын жеткізді.<blockquote>&nbsp;– Бірер күн бұрын «Хирургия» бөлімшесінде әп-сәтте қатарынан 3 ота жасауға тура келді. Қармақшы ауданынан Қызылорда қаласына бара жатып, жеңіл автокөлік аударылған. Салдарынан 1 науқасқа экстромедулярлы остеосинтез, 2 науқасқа бұғана сүйек сынығы мен оң тізе аймақты артқы бетінің киста бейкарасына ота жасалынды. Мұндай жағдайлар жұмыс барысында жиі кездеседі. Қашанда адам өмірін арашалап қалу үшін барымызды саламыз. 3 ота сәтті аяқталып, емделушілер өз алғысын жеткізді, – дейді білікті дәрігер.</blockquote>&nbsp; Есепті мерзімде аудандық полиция бөлімі 12 жол-көлік оқиғасын тіркеген. Жол апаты кезінде 3 аудан тұрғыны қайтыс болып, 15 адам сан түрлі дене жарақатын алған.Айыппұл арқалау жауапкершілік жүгі ме?&nbsp;Бүгінде автокөлік жүргізушісі сан мәрте айыппұл арқаласа да, жылдамдық асыруды тоқтатар емес. Тереңөзек кентінде жолаушы тасымалдайтын 9 такси тұрағы бар. Қызылорда қаласына тәулігіне 120-130 автокөлік қатынап, жолаушы тасымалдайды. Негізінен, кез келген жүргізуші жылдамдықты сағатына 90-99-ға арттыруға құқылы. Жылдамдықты тиісті мөлшерден асырған жағдайда құқық қорғау органдарының назарына ілігеді. Сондықтан жолаушы тасымалдайтын жүргізуші қашанда ережеге бағынғаны дұрыс.&nbsp;Күре жолдың бойында төрт түлік ұстайтын фазенда баршылық. Көбіне жүргізуші ірі қара малына және жылқыға соқтығысып, жол апатына ұшырап жатады. Жол бойында ерсілі-қарсылы жүретін малға иесі жауапты болғанымен, көпшілік өрістегі төрт түлікке иелік етпейді. Арнайы қаржы бөлініп, малға қарғы бау салын­ғанымен, жол қозғалысына мал кедергі келтіруде.<blockquote>&nbsp;– Осы жылдың 5 айында Сырдария аудандық полиция бөлімінің қызметкерлері жол қауіпсіздігі бойынша біршама жұмыс атқарды. Мәселен, аудан көлемінде ҚР ӘҚБтК-нің №230 бабының 2-бөлігі міндетті сақтандыру полисі жоқ бірнеше азамат анықталды. Сонымен қатар №590 бабтың 9-бөлігіне тиісті міндетті техникалық тексеруден өтпеген көптеген автокөлік кездесті. Аталған бабтың 7-бөлігі негізінде қайта жабдықталған автокөлік басқарған жандар жазаға тартылды. №602 бабтың 1-бөлігіне қатысты автокөліктің күндізгі уақытта ескерту жарық шамын жақпау, №602 бабынің 1 бөлігі негізінде қөлік құралын басқару құқығы жоқ, №601 бабының 1 бөлігі «Жол белгісінің талаптарын орындамау» бойынша бірнеше азаматқа айыппұл салынған. Аудан көлемінде масаң күйде автокөлік жүргізген 17 жүргізуші анықталған. Масаң күйде автокөлікке отырған­дар арасында жол-көлік оқиғасын жасаған жандар көп, – дейді аудандық полиция бөлімінің практика тобының инспекторы М.Омаров.</blockquote>&nbsp;Күре жолдың сапасы сын көтермесе оқыс оқиғаға ұрындырары ықтимал. Ойдым-ойдым шұңқырға түскен автокөлік иесі қиындыққа тап болатыны анық. Бұдан бөлек, жол ережесіне бағынбаудың өзі адам өміріне қауіпті. Жалпы, тәртіпке бағынбаған жүргізуші көбіне көлік құралдарын пайдалану қағидасын бұзу, көлік құралдарының жүруіне кедергі келтіру, көлік құралын басқарудан айыру, көлік құралын басқарудан шеттету және масаң күйін куәландыру бойынша айыппұл мен жаза арқалайды. Өз кезегінде құжаттары жоқ және басқару құқығы жоқ адамның көлік құралын басқаруы, жүргізушінің жол-көлік оқиғасына байланысты міндеттерді орындамауы, жол қозғалысы ережелерін өрескел бұзу, жол белгiлерiмен немесе жолдың жүру бөлiгiндегi таңбалармен көрсетiлген талаптарды сақтамау, бағдаршамның тыйым салатын сигналына немесе реттеушiнiң тыйым салатын қимылына қарамай өту, жол қиылыстарынан өту қағидаларын бұзу немесе жолдың жүру бөлiгiн кесiп өту бойынша бірнеше жауапкершілікке тартылады. Айта кетейік, биыл ҚР Ішкі Істер министрлігі жол ережесіне өзгеріс енгізген болатын. Ендігі жерде біртұтас сызықты кесіп өткен жүргізуші қарсы бағытқа шығумен тең саналады.&nbsp; Биыл ҚР Парламенті Мәжілісінде қаралған заңның бірі – мопед айдайтындарды көлік жүргізушісі ретінде қарастыру болатын. Аталған заң жобасына қатысты ҚР Мәжіліс депутаты Екатерина Смышляева пікір білдірді.<blockquote>&nbsp;– Заң күшіне енгеннен кейін мопед жүргізушілері бұрынғыдай жаяу жүргінші ретінде емес, көлік жүргізушісі ретінде қарастырылатын болады. Ішімдік ішкен жағдайда рөлге отыруға болмайды. Кейбір азаматтар ішімдік ішсе, мопедтің тізгініне отырады. Бұл дұрыс емес, өйткені ол да жол қозғалысына қатысып отыр. Ол да масаймаған күйде ғана жол қозғалысына қатыса алуы керек. Осылай болғаны бәрі үшін әділетті болады деп ойлаймын, – дейді мәжілісмен.</blockquote>Тәртіпке бағынбаудың жазасы ауыр&nbsp;Аудан көлемінде тәртіп сақшыларының ұйымдастыруымен жедел-профилактикалық іс-шаралар өткізіледі. Бүгінде Тереңөзек кентінің аумағы кеңейіп, шағын мөлтек аудан пайда болуда. Соған байланысты аудандық полиция бөлімінің мамандары «Абайлаңыз – балалар!», «Мотоцикл», «Аула ішінде кездесу», «Құқықтық тәртіп», «Сіздің жолаушыңыз – бала» жедел профилактикалық іс-шарасын өткізуді бөлімнің жұмыс жоспарына енгізген. Ал 10 мен 16 маусым аралығында республикалық «Автобус» жедел-профилактикалық іс-шарасы жүргізілді.<blockquote>&nbsp; – Іс-шара барысында автокөлік қозғалысының ықтимал жасырын бағыттарын анықтау, оның ішінде, заңсыз жолаушылар тасымалымен айналысатын жеңіл такси автокөліктері бойынша құқық бұзушылықтарды анықтау негізінде көліктік бақылау инспекциясы өкілдері қатарынан мобильді топтар құрады. Сонымен бірге рейс алдында жүргізушіні медициналық қарау, олардың еңбек және демалыс режимін сақтауына және сапарға шығатын автокөліктерді міндетті түрде техникалық тексеруге ерекше назар аударылатын болады. Бүгінде тәртіп сақшылары жүргізушілерге түсіндірме жұмысын жасап, жолаушы тасымалдауда қауіпсіздікті ескеру керектігін алға тартты, – дейді жергілікті полиция қызмет бөлімінің патрульдік полиция тобының қызмет аға инспекторы, полиция капитаны Бауыржан Айтбаев.</blockquote>Түйін. Адам өміріне қауіп төндіретін жол апатын болдырмау мақсатында Швеция елінде нөлдік қауіпсіздік жүйесін қалыптастыру дағдыға айналған. Сонымен қатар Дүниежүзілік денсаулық сақтау ұйымы тарапынан 2030 жылға таман жол-көлік оқиғасынан болатын өлім-жітім көрсеткішін 2 есеге төмендету қарастырылған. Швеция елімен салыстырғанда өлім көрсеткіші бойынша 13 есеге жоғары елімізде сақтық іс-шарасын пысықтау – күн тәрітібінен түспеу керек.Фото: mezgil.kzБалтабай ОРДАБЕКОВ

Жол қауіпсіздігін қалай жақсартамыз?

<a href="https://kyzylorda-news.kz/">Kyzylorda-news.kz</a> Статистикалық деректерге иек артсақ, өндірістік жаза­тайым оқиғалар салдарынан соңғы екі жарым жылда 21 адам қайтыс болып, ауыр дене жарақаттарымен 20 адам медициналық ұйымдарға жүгінген. Қалай десек те, мемлекетіміздің басты құндылығы – адам және адам өмірі.Деректерді қадағалау аймағында орналасқан кәсіп­орындардағы өндірістік жарақат алу жағдайларына талдау жүргізген аудан прокуратурасы ұсынып отыр. Талдау нәтижесінде ауданда орналасқан мұнай компа­ния­ларының өндірістік аймақтарында жазатайым оқиға­лардың артқаны белгілі болған.Оқыс оқиғалардың себебі мен салдарын анықтау және алдын алу мақсатында аудан әкімдігінің мәжіліс залында арнайы жиын өтті. Мәжіліске аудан әкімі Берік Сәрменбаев төрағалық етіп, Сырдария ауданының прокуроры Асқар Кемалов және орынбасары Ғалымжан Дүйсенбаев, аудандық полиция бөлімі бастығының орынбасары Елдос Бақторазов, Қызылорда облысының бақы­лау жөніндегі басқармасының бөлім басшысы Болат Досымов, сондай-ақ атқарушы мекемелердің және уәкілетті орган­дардың басшылары, қоғамдық ұйымның және мұнай компанияларының өкілдері арнайы қатысты. Ал ауданға қарасты ауылдық округтер әкімдері арнайы платформа арқылы онлайн түрде қатысып, ақпараттанды.<blockquote>– Өздеріңізге белгілі, Конституциямызға сәйкес елі­міздің ең қымбат қазынасы – адам және адамның өмірі, құқықтары мен бостандықтары. Әркімнің қауіпсіздік пен тазалықтарына сай еңбек ету жағдайына, еңбегі үшін кемсітусіз сыйақы алуына, сондай-ақ жұмыссыздықтан әлеуметтік қорғалуға құқығы бар. Мемлекет басшысы Қасым-Жомарт Тоқаевтың 2022 жылғы 1 қыркүйектегі «Әділетті мемлекет. Біртұтас ұлт. Берекелі қоғам» атты Жолдауында «Еліміздің басты құндылығы – адам. Бұл айқын нәрсе» деп атап өткен болатын. Осы мақсат­та жұмыс­керлердің қауіпсіздігінің және еңбек құқық­тары­ның сақталуына аса мән беруіміз қажет, – деді аудан әкімі.</blockquote>Ведомствааралық&nbsp; мәжілісте «2022-2023 жылдары және биылғы жылдың 5 айында өндірістегі жазатайым оқиға­ларының себептері мен алдағы уақытта олардың алдын алуға шаралар қолдану туралы» мәселе қаралды. Осы бағыттағы атқарылған жұмыстар туралы аудан прокуроры ақпараттандырып, аудан прокурорының орынбасары баяндама жасады. Одан кейін тиісті сала мамандары тақырып аясында негізгі деректермен бөлісті. Орын алған оқыс оқиғаларды айтып, заң тұрғысында шешілу жолына назар аударды. Жиын соңында мәжіліске қатысушылар тарапынан тиісті сала мамандарына сұрақ қойылып, ұсыныстар айтылды.

Сырдарияда ведомоствоаралық мәжіліс өтті 

Утилизация алымы: халыққа қолжетімді баға керек

<a href="https://kyzylorda-news.kz/">Kyzylorda-news.kz</a> Жас бүлдіршіндердің білім көкжиегіне қанат қағуы балабақшадан басталады. Балабақшадағы &nbsp;үздіксіз тәрбие мен сапалы білім балғындарды ерте жетілдіреді, ой-өрісін дамытады, айналасын танып, өмірге бейімделетіні анық. Балабақша – бақытты балалардың ордасы десекте болады. Оқу жылы аяқталған соң жас түлектер мектеппен қоштасып жаңа өмірге қадам басса, жас бүлдіршіндер балабақшамен қоштасып мектепке аяқ басады.&nbsp;№2&nbsp;«Балдәурен» бөбекжай балабақшасының «Қарлығаш» тобында «Арман қуып барамыз – болашаққа жол саламыз» атты ертеңгілік кеш өтті. Ертеңгілікке балабақша меңгерушісі Аханай Шоханова мен ата-аналар қатысып, балалардың өнерлерін тамашалады.Салтанатты іс-шараны Аханай Сапар­хожа­қызы сөз сөйлеп, ашып берді.<blockquote>– Құрметті тәрбиешілер, ата-аналар бүгінгі мерекелеріңіз құтты болсын. «Балдәурен» бөбек­жай балабақшасы 1973 жылдан бері жұмыс жасап келе жатыр. Тарихы терең балабақшада қаншама жан еңбек етіп келеді, қаншама тәрбиеленуші мектепке қанат қақты. Балапандар әрқашан көз қуаныштарыңыз болып жүре берсін. Балабақшаны бітіріп жатқан бүлдіршіндер тарыдай болып кіріп, таудай болып шығып жатыр. Алдағы уақытта мектепті жақсы оқып, «Алтын белгі» иегері болуына тілектеспін. Жеткіншектеріміз егемен еліміздің ертеңгі бола­шағы, – деді балабақша мең­геру­шісі.</blockquote>Тәрбиеші Мархавад Жап­пасбаева мен Әсел Төлегенова жетекшілік ететін «Қарлығаш» балақайлары мерекелік кешті «Жұлдыз» биімен бастады. Соны­мен бірге барлық қызметкерлерге арнап тақпақ айтты. Өнерлі өрендер «Біз мектепке барамыз», «Тәрбиенің бастауы», «Балабақша арайлым» әндерін қосыла шырқап, қоштасу биін биледі. Мұнан бөлек жігіттер жағы «Асық» биін, флешмоб билесе, қыздар жағы «Қазақ қыздары» биін билеп, өз өнерлерін көрсетті. Мерекелік іс-шарада ата-аналар да «Кім шапшаң» ойынын ойнап, ұйымшылдықтарын көрсете білді. Кеш соңында «Балабақшамен қоштасу» әні мен биі биленді.Өз кезегінде ата-ананың да, балғындардың да көңілінен шыға білген, байқауға дайындаған тәрбиешілер мен білікті мамандарды балабақша меңгерушісі Аханай Шоханова марапаттады. Ата-аналар да сөз алып, өз риза­шылықтарын білдіріп, перзент­терінің қуанышымен құттықтап, ізгі тілектерін жет­кізді. Балақайларға балабақша атынан арнайы «Алғыс хат» табысталып, ата-аналар сыйлық бер­ді. Ертеңгілік кештің қызық­ты өткенін ата-ана мен балалардың қуанышты жүз­дері­нен байқауға болады.<blockquote>– «Балдәурен» балабақ­ша­сының ұжымына рақмет айтамыз. Келген кезде баламызды жылы шыраймен қабылдап алады. Әрқашан жұмыс­тарыңыздың жемісін көріп, еңбектеріңіз елене берсін. Біздің балаларымызды тәрбиелеп, мектепке шыға­рып салғандарыңызға мың алғыс. Бала­қайлардың жолдары ашық болсын. Биік белестерден көрініп, балабақшаның атын жақсы жағынан көрсетсін, – дейді ата-ана Құндызай Разақова.</blockquote>Айта кетейік, «Қарлығаш» ересектер тобында 18 бала бітіріп, алтын ұя мектепке қанат қаққалы тұр.

"Арман қуып барамыз – болашаққа жол саламыз" атты кеш өтті 

<a href="https://kyzylorda-news.kz/">Kyzylorda-news.kz </a>Заманауи қаржы пирамидалары жеңіл әрі жылдам табыс алу "ғажайыбына" сенетін адамдарды тарту үшін түрлі әдістерді пайдаланады. Алаяқтарды өзіне тән белгілермен анықтауға болады, олар туралы Fingramota.kz айтып береді.Сұраныстан ұсыныс туындайды<blockquote>&nbsp;Қаржы пирамидалары өздерін жоғары кірісті инвестициялар саласындағы табысты ұйымдар ретінде көрсете бастады. Өздерінің жарнамалық науқандарында олар «инновациялық жоба», «жоғары табысты бизнес», «бірегей», «аса тиімді», «табыстылыққа кепілдік береміз» және т. б. сөздерді пайдаланады.</blockquote>Жалпы, қазіргі заманғы қаржылық пирамидалар кез-келген нәрсе ретінде жасырылған. Алаяқтар заңды микроқаржы ұйымдары, букмекерлік кеңселер, тұтыну кооперативтері және жабық инвестициялық пай қорлары ретінде жасырына алады. Қаржы пирамидалары әлеуметтік желілерде белсенді жұмыс жүргізеді, онлайн-табыстар немесе онлайн-жобаларды ұсынады. Немесе танымал мессенджерлерде чаттар жасайды және қатысушыларды түрлі ұтыс ойындарымен, сауалнамалармен және басқа да маркетингтік амалдармен тартады.Қаржы пирамидасы қалай жұмыс істейді?&nbsp;Алаяқ бірнеше қатысушыны тауып, оларға екі есе табыс табуға уәде беруі керек. Оның орнына қатысушылар кем дегенде тағы екі адамды алып келуі, сондай-ақ шағын ақшалай жарна салуы керек. Нәтижесінде жарналардың мөлшері астрономиялық болады және осы кезеңде бәрі «қирайды». Алаяқ елден үлкен олжамен кетеді, ал қиындыққа тап болған инвесторлар ақшаны қайтаруға болмайтынын түсініп, құқық қорғау органдарына өтініш жазады. Бұл әлемнің көптеген елдерінде ондаған жылдар бойы болды. Тек қаржы пирамидаға арналған тақырыптар, сондай-ақ азаматтарды алдау схемалары өзгереді. Ал принцип тұрақты.Әдетте қаржы пирамидалары қысқа уақыт қана жұмыс істейді, ерте ме, кеш пе, алаяқтық схемалар жүздеген адамдарға шығын әкеледі, «жарылады». Шынында да, мұндай құрылымдарға салынған қаражатты алу мүмкін емес. Пирамиданы ұйымдастырушылар алданған салымшылардың ақшасын сақтықпен алып, оларды түксіз қалдырады.Тәуекелдерді айналып өтудің жалғыз жолы - қаржы пирамидаларын толығымен елемеу. Егер Сізге тартымды жобаға қатысу, ақшаны бастапқы жарна ретінде салу, достарыңызды әкелу ұсынылса, сонымен қатар сіздің салымдарыңыз тұтастай сақталатынына кепілдік берсе, бұл қаржы пирамидасы емес, оның үстіне сіз бұрын-соңды болмаған табыс аласыз десе, сенбеңіз. Бұл қаржы пирамидаларының негізгі белгілеріҚаржы пирамидасын қалай әшкерелеуге болады?Сонымен, толық қауіпсіз болу үшін, Fingramota.kz сіз үшін қаржы пирамидасын анықтауға болатын белгілердің чек-парағы жасады:1. Әкелген клиенттер үшін сыйақыЕгер сізге компанияға әкелген әрбір клиент үшін қосымша ақы төлеуге уәде берілсе, бұл ақшаны салмау үшін және барлық таныстарды осындай тәуекелді іс-шарадан бас тартқызу үшін жеткілікті негіз болып табылады.2. Нарықтық деңгейден бірнеше рет асып түсетін жоғары кірістілікке кепілдік беру&nbsp;Түрлі «инвесткомпаниялар» кірістілікке кепілдік бере алмайды, бұған заңнамалық тұрғыдан тыйым салынған. Егер біреу кепілдік берсе, ол - алаяқ деген сөз. Басқаша болмайды!3. Қажетті лицензиялардың болмауы&nbsp;Компания ақшалай салымдарды халықтан тартады немесе қор нарықтарына инвестициялауды ұсынады, бірақ оның қолында лицензиясы жоқ, бұл ретте онымен байланысу керегінің бар-жоғы жөнінде мықтап ойланыңыз. Мұндай ұйымдар ҚР Қаржы нарығын реттеу және дамыту агенттігінің бақылауында емес, яғни сіздің құқықтарыңыз бен мүдделеріңізді ешкім қорғай алмайды.4. Кіру жарнасының болуы: ресімдеуге, оқытуға, акциялар және т.б. үшін&nbsp;Әдетте, бұл жарна пирамиданы ұйымдастырушылардың негізгі кірісі болып табылады, сондай-ақ қаржы пирамидасына тән айқын белгі.5. Меншікті негізгі құралдардың, басқа да қымбат активтердің болмауыКомпанияның қолда бар мүлкі мен активтерін нәтиже ойдағыдай болып шықпаған жағдайда сатуға және салынған ақшаны ішінара қайтаруға болады. Ал қаржы пирамидаларында мұндай активтер болмайды.6. Өктем жарнама науқаныҚаржы пирамидасы жарнамасы көптеген клиенттерді тез тартуға арналған және тек жариялануы пирамидалардың негізін қалаушылар үшін пайдалы болатын ақпаратты қамтиды. Әрине, мұндай компанияның клиенті кездестіруі мүмкін тәуекелдерді жарнама берушілер белгілі себептермен айтпауға тырысады.7. Ұйым қызметінің нақты анықтамасының болмауы&nbsp;Пирамидаларда салымшылардың өздігінен басқа клиенттері жоқ. Сізге өнім берушілерді, мысалы, басқа бизнес-серіктестерді ешқашан көрсетпейді.<blockquote>Жалпы компанияға ақша салмас бұрын, ол туралы мүмкіндігінше көп ақпарат алыңыз. Пікірлерді зерттеңіз, бірақ бұл мәселеге мұқият қараңыз, өйткені оларды мүдделі адамдар қалдыруы мүмкін. Барлық құжаттарды оқыңыз. Компания нақты немен айналысатынын және ақшаңыздың қайда салынатынын сұрап біліңіз. Мұны қалай растауға болатындығын сұраңыз. Бұл ақпаратты өзіңіз тексеріңіз. Осыған ұқсас қызметтерді ұсынатын басқа ұйымдармен талаптарын салыстырыңыз. Егер сіздің қаражатыңызды орналастырудың неғұрлым пайдалы шарттары болса, олардың компанияларының пайдасы осы салада жұмыс істейтін ұқсас құрылымдарға қарағанда ненің есебінен бірнеше есе жоғары екенін компания қызметкерінен сұраңыз және сұрақтарыңызға нақты жауаптар алыңыз. Егер компания кез-келген сылтаумен ақпарат беру, тіпті құжаттармен танысу мүмкіндігінен бас тартса, инвестицияланған ақшаны алу одан да қиын болатыны айдан анық.</blockquote>8. Төлемдер тек қолма-қол ақшамен қабылданадыЕгер компания осылай жасаса, онда бұл ұйымға сенбеуге барлық негіз бар, өйткені ол ақша қозғалысының бақылануынан барынша қашады.9. Тек жеке кездесу кезінде кеңес беруЖеке кездесуде клиенттің сеніміне кіріп, оны ақша салуға сендіру үшін әртүрлі психологиялық әдістер мен амалдарды қолдану оңайырақ.10. «Шартқа» ойланбай қол қоюды ұсынадыАсығыс шешім қабылдамаңыз! Шарттың үлгісін қолға беруді сұрап, онымен үйде асықпай танысып шығыңыз. Егер оның жекелеген ережелері қиындық тудырса, маманмен кеңесуге тырысыңыз. Берілген ақшаның орнына Сізде қандай құжат қалатынын қараңыз. Оның заңды күші бар ма?Кез келген қаржылық құжатты, әсіресе шартты мұқият оқуды әдетке айналдырыңыз. Түсінбестен ештеңеге қол қоймаңыз. Содан кейін сіздің ақшаны қайырымдылық немесе кіру жарнасы ретінде салғаныңыз, соның арқасында күмәнді клубқа мүшелікке ие болғаныңыз анықталуы мүмкін. Егер Сізге шарт немесе оның жекелеген ережелері ұнамаса, оған қол қоймаңыз.<img src="https://knadmin.beoblood.kz/uploads/kaz_e5e36f53f9d592108e0b465302029b44_3534586a59.png" alt="каз e5e36f53f9d592108e0b465302029b44.png">Ақшаңызбен бөліспес бұрын, оларды кімге және қандай мақсаттарға беретініңіз туралы ойланыңыз. Егер Сіз өз қаражатыңызды сеніп тапсырғыңыз келетін ұйымда жоғарыда аталған белгілердің барлығын немесе бірнешеуін тапсаңыз, Сізді кезекті қаржы пирамидасына тартуға тырысып жатқан жоқ па, соны ойлану керек.&nbsp;Бар болыңыздар, бай болыңыздар және Fingramota.kz-пен қаржылық сауаттылығыңызды арттырыңыздар!&nbsp;

Қаржы пирамидаларын қалай тануға болады: негізгі белгілері 

Фото: egemen.kz<a href="https://kyzylorda-news.kz/">Kyzylorda-news.kz</a> Осы біз уақытты босқа өткізіп жүрген жоқпыз ба? Дайынға жүгіреміз деп қаражат үнемдеуден алыстап кетпедік пе? Қайбір істің алдымен берекесін тілейтін үлкеннен кейінгі буын қандай өнеге алып жүр? Ал жастарымыз берекені қалай түсінеді? Ол жайындағы әңгімені Жосалы кентінің тұрғыны Анафия Ниязбаев пен Марияш Шахантайқызының отбасында өрбітеміз.Кейіпкеріміз Марияш Алипова қарапайым жан. Арнаулы педагогикалық білімі бар әпкеміз Диірментөбеде мектепте мұғалім, балабақшада тәрбиеші болып еңбек еткен. Бірнеше жыл бұрын отбасымен Жосалы кентіне көшіп келеді. Малдың жайы мен күтіміне қолайлы болған соң отағасы «Мөлтек» ықшам ауданынан үй көтеріп, бүгінде осында тұрып жатқан жайы бар.Әңгіме басында жанұяның берекесі туралы сөз қозғаған едік. «Ер азамат Отанның қорғаны болса, әйел – отбасының ұйытқысы әрі берекесін келтіруші» дейді бесаспап ана. Атап айтарлығы М.Шахантайқызы қоныс ауыстырғалы бері жұмыс іздеп, шарқ ұрмапты. Ауылда тұрған кезінде жұмыспен бірге күніне екі мезгіл сегіз сиыр сауып, қосымша нәпақасын тапқан. Оның тазалығы мен адал еңбегін бағалағандар «Марияштың фирмасы» деп әзіл-шыны аралас ат қойған-ды. Өнім демекші, оның қолынан шыққан құрт-ірімшік пен айран-қатық, сары майға деген сұраныс қай кезде де жоғары. Екі сиырды үлгіртіп, тұрақты тапсырыс берушінің өтінішін қанағаттандыруға барын салады. Ол үшін заттың көлемі емес, сапасы басты назарда. Қайбір өнімін де баптай білетін шебердің алдымен тазалықты сүйетінін ауылдастары жарыса айтады.<blockquote>– Бейнеттенсең, қарасаң малдың берері көп. Соның арқасында азын-аулақ нәпақа тауып отырмын. Қанағат етемін. Жақсы көретін іспен айналысу – адамға рахат сыйлайды. Күнделікті үй шаруасынан бөлек екі сиырымды айналдырамын. Ірімшік, құрт жасаймын. Айран, қатық, сары май аламын. Еңбектенбесең оны маған кім береді. Бала-шағамызбен еркін ішіп-жейміз, ауысқанын сатамын. Отағасы малдың жем-шөбімен қамтамасыз етеді, – дейді ол.</blockquote>Көпшіліктен еститініміз, ағарған да­йындауда әркімнің өз тәсілі болады. Біз де ерінбей дастарқанымызды ұлттық мәзірмен толтыруға үлесін қосып жүрген жаннан өз әдісін сұрадық.<blockquote>– Оның ешбір құпиясы жоқ. Піскен сүтті ұйытып, сағатқа қарап отырамын. Бес жарым сағатта сүт ұйып, қатыққа айналады. Одан ұзақ ұстасаң быршып, қатығың ашып кетеді. Мұндай қатықты сүйсініп ішу мүмкін емес. Әрі қарай қатықты күбіге құйып, айран етеміз. Бабына келген соң айран бетінен сары майды қалқып алып, жеті, сегіз мәрте салқын сумен жуамыз. Аздап тұз салып, тағы да бір мәрте тұзын кетіріп жуамыз. Тазарған майды сорпа кесеге салып, мұздатқышта қоямыз. Артық айтқаным емес, менің өнімдерімді бір алған адам кейін де үзбей тапсырыс беріп тұрады. Кейде оларға жеткізе алмайтын кезім болады. Сол себептен мал басын келешекте көбейтетін шығармыз, – дейді отанасы.</blockquote>Марияштың айтуынша, құрттың түсі ақ болуы тиіс. Айран іріп, майы дұрыс алынса – құрт аппақ болмақ.<blockquote>– Дүкендерді әдейі аралап көре­мін. Сонда сары құрттарды кездестіремін. Түсінің олай болатыны – айранның дұрыс ірімеуі мен майының таза алынбауынан. Сондай-ақ айранды отқа қойғанда ештеңеге алаңдамай, қазанның қасында қарап тұру қажет. Сәл ғана қателік құрттың технологиясын бұзады. Ірімшік қайнатқанда да солай. Іріген айранды қалтаға құйған соң бірден сығып, құрт жасауға кірісемін. Тұзды аз қосамын. Өйткені қазір адамдар тұзды аз қолданады. Тұз мөлшерінің көп болуы денсаулыққа зиян. Онсыз да өңірде тұздың әсерінен болатын жүрек-қан тамыры ауры өршіп тұр, – дейді М.Шахантайқызы.</blockquote>Кейде дүкен, базарда «кішкене бөбектің» көлемінен де кішкене келетін құртты 60 теңгеге сатып тұрғанын байқаймыз. «Апыр-ай, неге сонша қымбат» деген ой келеді сондайда. Екінің бірінің келілеп алуға шамасы келмейтінін білетін дүкен иесі осындай қадамға барды ма дейсіз? Бір жағынан сатып алып, сатқан бағаның шығандап тұратынына көнеміз де. Үндеместен керегімізді алып, жөнімізге кете барамыз. «Бұл ұят дүние» дейді Марияш Алипова. Мұндайда ең дұрысы – өзің мал ұстап, тірлігіңді үлгірту. Себебі әр азаматтың тапқан табысын ысырап етпей, ұқсата білу – әйелдің жұмысы. Биязы мінезі һәм берекелі қолымен айналасын алғыспен қоршаған ананың қазіргі тіршілігі осылай жайнап тұр.

Қармақшы ауданында кәсіпкер сүт өнімдерін өндіруде

<a href="https://kyzylorda-news.kz/">Kyzylorda-news.kz</a>&nbsp; Кәсіп ашқан талапты жасты көргенде «бәрекелділейтініміз» рас. Әсілінде екі қолға бір күрек алып, нәпақасын маңдай термен тапқанның наны да тәтті. Қоғамның нені көтермейтінін айта, айта жауыр болдық. Жалқаулықпен дос болып, бос сенделуді серігіне айналдырды талайы. Ондайдан арашалайтын тек сол адамның бойындағы талабы мен жігері ғана.Кейде ұйықтар алдында түрлі-түрлі идеямызды ойша армандап, қиял әлеміне әкететініміз бар. Бірақ ол сол тұста «мазасыз ойлар» болып қалып қояды. Ал неге қиялыңыздағы сол ойды жүзеге асырмасқа? Әрине, «кәсіп аш» дегенде «тежеліп» қаламыз. Өйткені бастапқыда қорқыныш болады. «Бастай аламын ба? Қалай жүзеге асырамын?» деген сан сауалдан сананы арашалай алмаймыз. Мұндайда бізге не істеу керек? Алдымен жігер қажет. Айқын мақсат пен нық сенім керек. Одан соң мемлекет берген мол мүмкіндікті тиімді пайдаланып, сол арманның жүзеге асуына қарекет етуіміз тиіс. Мысал ретінде аудандағы сондай жандардың бірін алайық.Жомарт Рахымжанов – мемлекеттен 2 млн теңге көлемінде қайтарымсыз грант жеңіп алған. Бала күнінен қолөнерге жақын өскен ол арман жолындағы тынымсыз еңбегінің нәтижесінде ұлттық нақыштағы дүниелерді шығаруда. Көкжиегін қолөнермен кеңейткен кейіпкерімізбен әңгімелесудің сәті түскен болатын.Ауылдан түлеп ұшып, арман қуған бозбала Кентау қаласындағы көпсалалы колледжге оқуға түседі. Мұнда «Жылумен қамту, жылу құрылғыларын пайдалану» мамандығы бойынша білім алады. Оқуын ойдағыдай тәмамдаған соң ауылға келіп, мамандығы бойынша жұмысын бастайды. Дегенмен бала күнінен сурет салып, мүсін жасаған оның тұла бойы қолөнерге бейім еді. Сол арманын жүзеге асыру үшін өткен жылы Кәсіпкерлер палатасына табан тірейді. Мұнда ол арнайы курстан өтіп, жобасын қорғап, кәсіп бастарға қажет қаражатты ұтып алады.<blockquote>– «Бизнестің жол картасы – 2025» бағдарламасы бойынша «Кәдесыйлар өнімін шығару» атты жобам грантқа лайықты деп танылды. Бөркімді аспанға атқаным рас. Өйткені бұл бала күнгі арманым еді. Аталарымнан дарыған бойдағы өнерімді паш еткім келді. Елге қызмет етіп, ұлттық өнерімізді дамытқым келді. «Армандар орындалады» деген рас екен. Қазір ерекше сыйлықтар, түрлі ою-өрнекпен көмкерілген бұйымдар, кәдесыйлар жасаймын. Сұраныс артып, көпшіліктің қызығушылығы одан әрі еселенуде, – дейді ол.</blockquote>Мұндай кәсіпті дөңгелете алғанның тасы өрге домалайтыны белгілі. Өйткені сәнді, ұлттық нақыштағы қолөнер бұйымына қызықпайтын адам кем де кем. Кәсібінің күннен күнге кеңейіп, жұмысының оңға басуы оның жасынан ағаш жонуға икемінің әрі тынымсыз еңбекқорлығының арқасы. «Ұлымның әке жолын қуып, ұлттық өнердің дамуына үлесін қосса деген арманым бар» дейді талапты жас сөз арасында.

Жомарт Рахымжанов: Арманым ақиқатқа айналды

<a href="https://kyzylorda-news.kz/">Kyzylorda-news.kz</a> 16 маусым, жексенбі күні шиеліліктер келешек үшін таңдау жасады. Нақтырақ айтсақ, Шиелі ауданына қарасты 3 ауылдық округі әкімдерінің өкілеттік мерзімінің аяқталуына байланысты сайлау өтті. Жергілікті тұрғындар Жаңатұрмыс, Еңбекші, Қарғалы елді мекенінің басшысы болуға үмітті кандидаттарға дауыс беріп, маңызды шешім қабылдады.Сайлаушылар жоспарлы күні таңғы уақыттан бастап №280, №297, №303 сайлау учаскелеріне асықты. Негізгі мақсат – халық сенімін ақтап, ел үдесінен шығатын азаматқа дауыс беру.&nbsp;Аталған учаскелерге барлығы 19 комиссия мүшесі тартылды. 3 округ бойынша 2 мыңнан аса сайлаушы дауыс беру құқына ие болды. Атап айтсақ, Жаңатұрмыста 628, Еңбекшіде 1 035, Қарғалыда 704 сайлаушы бар. Елді мекендерден 8 кандидат сайлау бюллетеніне енгізілген болатын. Олардың 7-і өзін-өзі ұсынған болса, 1-і саяси партия атынан бақ сынады.&nbsp;Ауыл тұрғындарының сайлауға ерекше белсенділікпен, жоғары жауапкершілікпен қатысқанын атап өту керек. Олардың қатарында еңбектеген баладан еңкейген қарияға дейін бар. Мәселен, көпбалалы отбасылар, ұжыммен бірге келген қызметкерлер, спорттық жарысқа қатысушы азаматтар мен ақсақалдар, жасөспірімдер мен ақжаулықтар саяси науқан төрінен бой көрсетті. Өздеріне жүктелген жауапкершілікті сезініп, арнайы кабиналарда қалаған кандидатқа дауыс берді. Сайлау күні алғашқы сайлаушылар мен тұңғыш рет дауыс берген жандарға арнайы сыйлықтар да табысталды.&nbsp;– Сайлауға қатысу әрі дауыс беру – бәріміздің Отан алдындағы міндетіміз. Расында, халықтың тұрмыс-тіршілігін жақсартуға жағдай жасап, елге қызмет етер әкімімізді сайлауда дұрыс таңдау жасау өте маңызды, – дейді олар.&nbsp;Дауыс берушілер қатарында арнайы учаскеге баруға мүмкіндігі жоқ азаматтар да болды. Атаулы күні 3 ауылдық округ бойынша 39 сайлаушы үйден дауыс беруге өтініш қалдырған. Олар тасымалданатын жәшік арқылы сайлау процесіне қатысты.&nbsp;Сайлау уақыты кешкі 20:00-ге дейін созылды. Дауыс беру қорытындысымен Шиелі ауданы, Еңбекші ауылдық округінің әкімі болып өзін-өзі ұсыну жолымен бақ сынаған Жүсіпов Елдос Айтөреұлы сайлаушылардың 651 дауысын жинап, әкім атанса, Шиелі ауданы Жаңатұрмыс ауылдық округінің әкімі болып 484 дауыспен Шәкіртаев Балдаурен Тұрсынбайұлы сайланды. Балдаурен Шәкіртаев сайлауға «AMANAT» партиясы атынан қатысқан болатын. Ал Шиелі ауданы Қарғалы ауылдық округіне өзін-өзі ұсынған Әбуов Дәулетияр Үмбетиярұлы сайлаушылардың 362 дауысымен жеңіске жетті.&nbsp;Арда азаматтардың алдында енді арқалаған жауапкершілікке адал болу міндеті тұр. Бұл ретте қандай да жұмыстың жүйелі әрі сапалы атқарылуы басшы білігіне тікелей байланысты. Әкімдердің ауылдардың хал-ауқатын назардан қалт жібермей, өзекті мәселелерді шешуге барынша күш саларына сенеміз. Ендеше, кезегін күтіп тұрған жаңа істер нәтижелі болғай!&nbsp;Қоса кеткен жөн, ауылдық округ әкімдерін сайлау науқаны келесі айда қос ауылда жалғасын таппақ. 7 шілде күні Шиелі іргесіндегі Ақмая және Тұран ауылдық округтері әкімінің сайлауы өткізіледі. Науқан күнтізбелік жоспар аясында ұйымдастырылмақ.

Шиелі ауданында сайлау өтті

<a href="https://kyzylorda-news.kz/">Kyzylorda-news.kz</a>&nbsp;Елдің айтуынша, ол өте ісмер. Қолынан келмейтіні жоқ. Ұстап тұрған құрақ көрпешенің тысына қарап, «неткен еңбек, қандай керемет дүние» деген ой санамда жылт етті. Ол да мені жақын танымаса да бұрыннан білетін адамша жылышырайда қарсы алып, ескі достардай сөзін сабақтады. Бұл – Жосалы кентінің тұрғыны, тігін шебері Күлпаршын Әлікеева болатын.Ісмердің сөзіне қарағанда тігіншілікке жастайынан көзі қарық болып өскен. Әжесінің қасынан айналшықтап шықпайтын себебі де осы болыпты. Саусағынан өнері тамған әжесінің ертелі-кеш басқұр, құр, ши тоқудан қолы тимесе керек-ті. Жалпы өнер адамның қанында болады дейді ғой, не нәрсені де алыстан болжайтын қазақ атамыз. Сол айтқанымыздай Күлпаршынға да тігін өнері өз қанынан, яки ата-әжелерінен берілген үлкен өнер демеске лажың жоқ.Бір қызығы, қаншама уақыт сауда саласында еңбек етіп, халыққа қызмет көрсеткен оның ешқашан да қолынан ине мен жібі түскен емес. Базардың бірсарын жұмысынан шаршап-шалдығып келгенде, демалатын жері – тігін машинасы. Ескі машинаның құлағын бұрағаннан-ақ бойы жеңілденіп, бағанағы зілбатпан ауыртпалығы сол мезеттен ұмыт болады. Сөйтіп жүріп біраз жылды да артқа салыпты.Алып-сатарлық сауда алғашында жақсы пайда әкелгенімен соңғы жылдары берекесі қаша бастаған. Қарызға кеткен заттардың қаржысы тұтынушыдан келіскен мезетінен қайтуы қиын. Осылайша біртіндеп саудадан алыстап, тігін машинасына біржолата ден қояды. Оған алдымен ой салған да отбасы мүшелері болды. Неге кәсіп ашып, халыққа қызмет етпеске. "Тәуекел түбі – жел қайық" демекші, неге бақ сынап көрмеске? Оның үстіне мемлекет кәсіп етемін дегенге қай кезде де мүмкіндік беріп келеді. Тек оңтайлы жоспар құрып, ашқан кәсіп түрін әрі қарата дамыта білсең еш кедергісі жоқ. Он ойланып, бір пішетін өнер иесіне мемлекет тарапынан көрсетіліп отырған қаржылай қолдаудың сәті енді келгендей. Зор мүмкіндікті құр жібермеуге бел буған Күлпаршын Әлікеева былтыр аудандық кәсіпкерлік палатасының ұйымдастыруымен оқытылған "Бастау Бизнес" оқу курсынын өтіп, сертификатқа ие болады. Ал ол жақында мемлекет тарапынан берілетін 555 мың 600 теңге грант иегері атанды.<blockquote>– 2008 жылдан бастап құрақ құрауға қызығушылығым арта түсті. Осы жылы "Әмбебап" сауда орталығынан бір дүңгіршекті жалдап, саудамен айналысуды бастадым. Сатып отырған мақта, мата, сәндік әшекейлермен қоса, солардың қасына өзімнің тіккен өнімдерімді де қойып жүрдім. Әуелгіде бағасы арзандау ирандық масатыдан бастағаныммен, бірақ кейін келе сапасы жоғары әдемі маталарға көштім. Осындай тігіншілік өнеріне келгенім – әжемнің арқасы. Кішкентайымнан көріп өстім ғой. Одан соңғы ұстазым – өзімнің анам. Ол кісі аудандық тұтынушылар комбинатында 36 жыл тігінші болған. Жұмыста да, үйде де тыным таппайтын. Әсіресе үйдегі 4 қыздың 2-еуі сол кісінің тіккенінен қалған құранды қалдықтарынан құрақ құрайтынбыз. Мектеп бітірген соң тұрмыс құрдым. Жанұяда екінші анам – енем де тігін тігетін. Бұл кісі де мені шеберлікке баулыды десем артық емес, – дейді кейіпкеріміз.</blockquote>Жүзіктің көзінен өткендей кімді болмасын таң-тамаша ететін қыз жасауының әрбір деталі әпкеміздің қолында «менмұндалайды». Дүние шіркінге қаншалықты қызықпаймын десең де мынадай ғажайыптар көзіңді де, көңіліңді де арбап тастайды екен. Сән әлемінде жүрген аты әйгілі небір ығай мен сығайдың қолтаңбасынан асып кетпесе, кем түспейтін ұлттық нақыштағы көрпе, жастық, көрпеше, тағысын тағылар шебердің шынайы бейнесін аша түскендей. Жарнамасы жетіспейді демесеңіз, қызылды-жасылды қазақтың ою-өрнектері сапалы матада салтанат құрып, халқымыздың ежелден келе жатқан құндылығын алдыңызға тосып тұр. Қалай десек те қайсыбір заты болсын сапасы қызықпасыңа қоймайды. Қызығу былай тұрсын, тапсырыс бергеніңізді байқамай қаласыз. Мұның бәрі К.Әлікееваның жас кезінен бастап тігінші болуды армандаған шексіз қиялынан туған сұлулық әлемі.<blockquote>– Тігін тігудің сан саласы бар. Соның ішінде құрақ құрауға қатты қызықтым. Қызылорда, Түркістан қалаларына затқа барғанымда оюларды қарап жүретінмін. Көзіммен санап, суреттеп үйге келгесін дәптерге түсіріп, сол өрнекті шығаратынмын. Алдымен параққа есептеп шығарамын, содан барып матаға қиып тігетінмін. Әртүрлі қып тігу – мен үшін бір шабыт, рақат сезімін сыйлайды. Ақша таба қояйын деген сондай бір мақсатым болған емес. Осыдан байып кете қояйын деген де дым ой болған жоқ. Бірақ шыңдала келе ақша да өзі келеді екен. Қызыққан сайын шабыттанып, неше түрлі дүниелер өзінен-өзі шыға береді. Қазіргі тігін орны үйдің бір бөлмесінде орналасқан. Қасымда шәкіртім-қызым – Ақмарал бар көмектесетін. Негізі алыпсатарлықтың ғұмыры қысқа. Одан түсетін шамалы нәпақа салығың, ішіп-жеміңнен ауыспайды. 2004-2017 жылдары кәсіппен шұғылдандым. Әйтсе де, кәсіпкерлікті тоқтатқаныммен отбасында тапсырыс қабылдап, тігінімді жалғастыра бердім. Бүгінде қыз жасауына, жекелей тұрғындардан құрақтарға тапсырыс аламын. Заттың бағасы – оның күрделілігіне қарай белгіленеді, – дейді шебер.</blockquote>Оның айтуынша, бір қыз жасауын толықтай тігіп бітіруге 1 ай уақыт кетеді. Майда ши құрақ уақытты көп алатын көрінеді. "Бір көрпешеге шамамен 350-500 ши құрақ кетеді. Жаңа ою-өрнекті шығару үшін жан-тәнімді саламын. Басты мақсатым – бұл өнер балаларыма мұра болып қалуы керек" дейді ол.Бір ескерерлігі, Күлпаршынның ісмер қолынан шыққан қай туында да тұтынушысын риза етпей қоймайды.<blockquote>– Жұмыссыз бос отырған қыз-келіншектерге айтарым – жақсы көретін ісін алға қарай жетілдіруге талпынса, ол іс ешқашан тоқтап қалмайды. Пайдаға да жақсы кенеледі. Адам өзінің ісін сүйе, ұната білуі қажет. "Мынау менің жасаған ісім" дегендей көкірегінде мақтаныш сезімі тұрса, жұмыссызбын деген сөз айтылмайды.</blockquote>Жосалылықтар Әлікеевтер отбасын бекерге шеберлер шаңырағы деп атамайды. Ол себепсіз де емес. Мәселен отағасы Гажденбек Әлікеевтің ұсталық өнері болса, жанұяның үлкен қызы Ақеркенің заңгер мамандығы болғанымен заман ағымына сай сән салонында жұмыс істейді. Ақмарал анасының жәрдемшісі. Ал ер перзенттері Бағылан мен Бағдат та әкелері секілді ұсталықтан алысқа кетпеген. Құрылыс жұмыстарын біркісідей атқара біледі.Күнделікті тіршілікте "заманауи" дегенді желеу өткенімізбен ұлттық болмысымыз бен құндылығымыздың өміршең екені айтпаса да түсінікті. Оны ғұмырлы да нұрлы ететін осындай ұлттық өнердің насихатшысы болып жүрген Әлікеевтер секілді отбасылар аман болсын!Сәрсенкүл Райымбаева

Қармақшы: Шеберлер шаңырағы

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында байланыс сапасын жақсарту мәселелері қаралды. Ведомство басшылары мен өңір әкімдері атқарылған жұмыстарды баяндады.Қазір Қызылорда облысындағы 230 ауылдық елді мекеннің 213-і мобильді байланыспен қамтамасыз етілген. Қалған 17-сіне «Қолжетімді интернет» ұлттық жобасы аясында 2027 жылға дейін интернет жеткізу жоспарлануда.ҚР Цифрлық даму, инновациялар және аэроғарыш өнеркәсібі министрлігінің мемлекеттік-жекеменшік әріптестігі аясында өңірдің 73 ауылдық елді мекенінің мемлекеттік органдарына талшықты-оптикалық байланыс желісін тарту толығымен аяқталды. Тағы 64 ауыл әкімдігі, 72 білім беру мекемесі және 69 медициналық мекеме желіге қосылды.Мобильді интернеттің сапасын арттыру мақсатында Қызылорда қаласында Kcell операторының 5G стандартындағы 16 базалық стансасы, Tele2 байланыс операторының 7 нүктесі жұмыс жасауда. Жыл соңына дейін 33 базалық станса орнатылады.Биыл «КаР-Тел» компаниясы 10 ауылдық елді мекенге базалық станция салуды жоспарлауда. Мұнан бөлек, «Қолжетімді интернет» ұлттық жобасы аясында Қызылорда облысындағы республикалық маңызы бар автомобиль жолдарының бойына 9 антенна-діңгек орнатылмақ. Қазіргі уақытта құрылыс-монтаждау жұмыстары үшін бюджеттік өтінім беріліп, аудан әкімдіктері жер телімдерін бөлді. Талшықты-оптикалық байланыс желісі мен электр энергиясына техникалық құжаттар алынды, құрылыс басқармасы жобалау жұмыстарымен айналысатын мекемені анықтады.<img src="https://knadmin.beoblood.kz/uploads/448641105_766114152376498_1410638812032356802_n_8d2510b874.jpg" alt="448641105_766114152376498_1410638812032356802_n.jpg"><img src="https://knadmin.beoblood.kz/uploads/448538151_766114182376495_3255156254150286179_n_ca929db209.jpg" alt="448538151_766114182376495_3255156254150286179_n.jpg"><img src="https://knadmin.beoblood.kz/uploads/448641000_766114189043161_1213605372638060833_n_9f1f69151d.jpg" alt="448641000_766114189043161_1213605372638060833_n.jpg">Фото: Қызылорда облысы әкімінің баспасөз қызметі

Сапалы байланыс орнату мәселелері қаралды

<a href="https://kyzylorda-news.kz/">Kyzylorda-news.kz</a> Мектеп – болашаққа бастайтын, рухани азықтандыратын білім мен өркениеттің ошағы. Мектептің басты міндеті – жас ұрпаққа сапалы білім беріп, саналы да ұлтжанды ұрпақ тәрбиелеп шығу. «Қыран түлегіне қайтпас қанат сыйлайды, ұстаз шәкіртіне талмас талап сыйлайды» демекші, мектептің жүрегіне айналып, шәкіртке білім берумен қатар, өмірлік бағыт бағдар беру жолында ұстаздың еңбегі орасан зор. Алтын ұясымен қоштасып, соңғы қоңырау соққан түлектер жуырда аттестат алып, білім нәрімен сусындатып, қанаттандырған ұстаздарын қуанышқа бөледі.Биыл Шиелі ауданы бойынша мектеп бітіруші 869 түлектің 79-ы «Үздік аттестатқа», 58-і «Алтын белгіге» үміткер болып, жазбаша форматтағы емтихан тапсырған болатын. 11 жыл бойы мектеп қабырғасында алған білім мен тәрбиенің таразыға түскен сәтінде түлектер жоғары көрсеткішке жетіп, артылған сенімді ақтады. Нәтижесінде үміткерлердің барлығы сыннан сүрінбей өтіп, 79-ы «Үздік аттестат», 58-і «Алтын белгі» иегері атанды. Ал 9 сыныпты 1803 бала аяқтап, 192 оқушы «Үздік аттестат» алған. Бұл аяулы ұстаздардың есіл еңбегі мен талапты шәкірттердің ынта жігерінің нәтижесі деп білеміз.&nbsp;Шиелі аудандық білім бөлімінің берген мәліметіне сүйенсек, өткен жылдармен салыстырғанда биыл үздіктер саны артқан. Бұл дегеніміз үйдегі ата-анамен, өмір жолын білім саласына арнап, ұрпаққа сапалы білім берумен айналысып келе жатқан ұлағатты ұстаздардың жемісі һәм жеңісі екені белгілі. Себебі, ата-ана үшін, білім берген ұстаз үшін де шәкіртінің биіктен көрініп, үмітін ақтап жақсы перзент, үлгілі шәкірт болуы үлкен бақыт емес пе? Баланың тұла бойында тұлпардай тулаған дарынын танып біліп, оны дамытуға сүбелі үлес қосатын ұстаздар қауымының еселі еңбегінің көрінісі бұл.&nbsp;Қазақтың көрнекті жазушысы Жүсіпбек Аймауытов: «Мамандықтың жаманы жоқ, бірақ мұның кез келгеніне икемділік қажет. Бұл – күнелту емес, тамақ асыраудың жолы емес, үлкен өнерді, зор шеберлікті қажет ететін нәрсе. Кімде-кім өзіне біткен ыңғайына қарай өз жолымен қызмет етсе, өз басына да, әлеуметке де үлкен пайда келтірмек. Өз орнында істеген адамның жұмысы да өнімді, берекелі болмақ, әр өнер, әр қызмет мемлекетке, әлеуметке қажет» деген болатын. Биылғы мектеп бітіруші жас түлектер бұл күрделі таңдаудан жаңылыспай, өз мамандығының шебері атанып, еліміздің ертеңгі тізгінін ұстар азамат болуына тілектеспіз.

Қазақстан және Қызылорда облысының жаңалықтары