<a href="https://kyzylorda-news.kz/">Kyzylorda-news.kz</a> Қарағанды облысы мәслихатының депутаты, айтыскер ақын Айтбай Жұмағұл LiFe 09 YouTube арнасына берген сұхбатында биліктегі әріптестерін сынға алды, деп хабарлайды <a href="https://dalanews.kz/">Dalanews.kz.</a>Ол Қарағандыда Иван Костенко атындағы шахтада 46 адам қаза тапқанда бірде-бір депутаттың төбе көрсетпегеніне қапаланды.<blockquote>“Кеше айтысқа бардым. "Аманат" партиясы ұйымдастырған "Алтын домбыраға" барлық депутат барды. Сол кезде оларға "46 шахтер өлді, неге келмедіңдер?" дедім. Сөйтсем: "Бізде бәрі хаттамамен ғой, бізден екі депутат барды, бізді жібермейді" деп сылтау айтады. Бұл барлық депутатқа қатысты сын: айтыскеріне де, заңгеріне де, басқасына да. Біреуі келген жоқ. Келсе халық өздері сайлағандар келді, егер олар келмегенде, бұдан былай Қарағандыға аттап басуға қақы болмаушы еді. Бір емес, 46 адам қайтыс болғанда бір депутаттың келмеуі сұмдық қой”, - деді ақын.</blockquote>Оның айтуынша, жерлеу рәсіміне де ешкім келмеген. Бұл оқиғаны еске түсіре отырып, депутат көз жасына ерік берді.<blockquote>“Қызылорда, Маңғыстау болса, түсінуші едім. Ал Қарағанды тиіп тұр. Он күн жерледік. Біздің ауылдан екі адам қайтыс болды. Қайтыс болған адамның баласымен жаназада қатар тұрдық, оңай емес... Қарағандыдан бір ақын келген жоқ. Осыдан соң мен ақынмын, депутатпен қалай айтады? Мен де кереметпін демеймін, бірақ шамам келгенше бірнеше адамның жаназасына бардық, қайғыдан қан жұтқан отбасыларға көңіл айттық”, - деді ол.</blockquote>Осылайша мәслихат депутаты ауызбен орақ оратындарды да сынға алып, бәрін іспен көрсету керектігін айтады.Фото: pexels.webp

Айтыскер ақын: 46 адам қайтыс болғанда бірде-бір депутат төбе көрсеткен жоқ 

<a href="https://kyzylorda-news.kz/">Kyzylorda-news.kz.</a> &nbsp; Еліміздің оңтүстігі мен шығысында су тасқыны болуы мүмкін, - деп хабарлайды Massaget.kz.Ақпан айында қар емес, жаңбырдың мол жаууына байланысты еліміздің оңтүстігі мен шығысында су тасқыны болуы мүмкін.<blockquote>"Қазгидромет" өкілдері ақпан айында жылымық орнаса болды, таулы аймақтарда жағдай қиындайды деп отыр. Толассыз жауған жаңбыр тау басында жиналған қарды ерітіп, көршілес елдімекендерге қауіп төндіруі мүмкін.</blockquote>Синоптиктер алапат судың астында қалмауымыз үшін бассейндерге су қорын жинап жатқанын айтады. Дегенмен ауа температурасы көтеріліп, онымен қоса жаңбыр тоқтамаған күндері таулы аймаққа барудан сақ болу керек.Фото: Нұрболат Нұржаубай

Елімізде су тасқыны болуы мүмкін

Фото: halyq-uni.kz<a href="https://kyzylorda-news.kz/">Kyzylorda-news.kz.</a> Бұған дейін Қызылордадағы QAZBilim ұлттық лицейінің ұстаздары жалақы уақытылы түспегеніне наразылығын білдірген болатын. Бұған қатысты директоры Аятжан Ахметжан бізге мынадай пікір білдірді.<blockquote> - QAZBilim ұлттық мектебі лицензиясын қараша айында алды. Бұл – мемлекеттен бір тиын алынбайтын кезең. Мектеп ғимараты, ұстаздар жалақысы, күнделікті шығынның бәрі менің мойнымда. Иә, мұндай проблема болды. Дегенмен, түйін &nbsp;шешілді. Бірақ зейнетақы қорының соңғы аударымдары түскен жоқ. Алайда біз бұл мәселені жан-жақты қарап жатырмыз. Жауапкершіліктен қашпаймыз! Жалақы кешігу, кешікпеуі ішкі кухняның мәселесі. Бұған қоса алғашқы үш-төрт айда жалақы кешігуі мүмкін деп ескертілген еді. Дұшпан көп қой. Әңгіме айтыла береді, - деді А.Ахметжан.</blockquote>

Аятжан Ахметжан: Ұстаздарға үш-төрт ай жалақы кешігеді деп ескертілді

<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгін облыс әкімі Нұрлыбек Нәлібаевтың төрағалығымен Шиелі ауданының даму жоспары қаралған кеңесте аудан әкімі Нұржан Ахатов Жансейіт елді мекеніне 100 орындық мектеп, кенттегі №252 мектепке 375 орындық бастауыш сынып оқитын қосымша құрылыс салудың бюджеттік өтінімдері салалық министрлікке ұсынылғанын айтты. Бұған қоса 200 орындық Оқушылар үйі мен 50 орындық Өнер мектебін салу жоспарлануда. Жоба құны – 1 млрд. 113 млн. теңге. Қазір салалық министрліктермен жұмыс жүргізілуде.Жаңа 200 орындық лагерьдің орны белгіленді, ол Бәйгеқұм ауылындағы көл жағалауынан 6 гектар жерге салынбақ. Жоба-сметалық құжат әзірлеуге және сараптамадан өткізуге 32 млн. теңге қажет.Мұнан бөлек, күрделі жөнделуі тиіс 6 мектептің құжаты демеушілер есебінен әзірленген, сараптамадан өткізу үшін 13 млн. теңге облыстық бюджеттен сұралды.Газ жүргізілген елді мекендердегі 9 мектеп пен 6 балабақшаның бу қазандықтарын табиғи газға ауыстыруға демеушілікпен құжат дайындалуда. Нысандар газға қосылса, жылына 54 млн. теңгеге дейін бюджет қаржысы үнемделеді.Биыл Тартоғай, Ә.Тәжібаев, Бестам, Алмалы, Ортақшыл ауылдарында амбулатория құрылысын бастау жоспарлануда. Ауданаралық аурухананы МРТ құрылғысын орнататын қосымша блокпен толықтырып, қайта жаңғыртудың жобасы мемлекеттік сараптамадан өтуде. Болжамды құны 332 млн. теңгені құрайды.Сонымен қатар, 1974 жылы салынған жұқпалы аурулар бөлімшесінің ғимаратын көшіру мәселесі туындауда. Былтыр «Ауылдық денсаулық сақтауды жаңғырту» ұлттық жобасына сәйкес 30 төсектік жұқпалы аурулар бөлімі ғимаратының жоба-сметалық құжаттамасы жасалып, сараптаманың оң қорытындысы алынды. Эскиздік жобаны құрылыс, сәулет және қала құрылысы басқармасы бекіткен.

Бәйгеқұмда жаңа 200 орындық лагерь салынады

<a href="https://kyzylorda-news.kz/">Kyzylorda-news.kz.</a> Әр адамның өмірінде қаржылық жоспарлау маңызды рөл атқарады. Ол бізге қаржылық мақсаттарымызды айқындауға, кірістеріміз бен шығыстарымызды жоспарлауға, сондай-ақ қаржылық мақсаттарға қол жеткізу үшін белгілі бір стратегияны әзірлеуге ықпал етеді.Бұл мақалада біз&nbsp;Fingramota.kz-пен бірлесіп, неліктен жеке басыңа инвестициялаудың маңызды екендігін қарастырамыз, күнделікті қажеттіліктерді қанағаттандыру, қажетті заттарды сатып алуға қаржы жинау және болашақта қаржыдан тапшылық көрмес үшін жеке бюджетті қаржылық жоспарлаудың 5 кезеңін талдап көреміз.&nbsp;Бірінші кезең: қажеттіліктерге байланысты өзіңнің қаржылық мақсаттарыңды айқындау&nbsp;Қаржылық мақсат — бұл қол жеткізу үшін ақшаны қажет ететін мақсат. Мақсаттар әртүрлі болуы мүмкін: белгілі бір зат сатып алудан бастап зейнеткерлікке шығуға дейін. &nbsp;Егер мақсатсыз және ештеңе жоспарламай &nbsp;өмір сүретін болсаңыз, өміріңізде де жай ғана өте береді.Қысқа мерзімді жоспарлау (бір жыл бойында): әдетте, мақсаттарды жылдың басында қою қажет. Сіз өзіңіз үшін бір жыл ішінде не істеу қажет екендігін жазып қоясыз, яғни бүкіл отбасы үшін демалысқа жолдама сатып алудан бастап тұрмыс техникасын сатып алуға дейін. Нәтижесінде сізде жұмсауға жоспарланған ақшаның тізімі шығады, онда сомалары мен оларды іске асыру мерзімін міндетті түрде көрсету қажет. &nbsp;Орта мерзімді жоспарлау (1 жылдан 3-5 жылға дейін):&nbsp;бұл тармақта сіз жаңа көлік сатып алуды, тұрғын үйді кеңейтуді, инвестиция, қаржылық қауіпсіздік жастығы немесе баланы оқытуға арналған ақша болсын нақты мақсаттар үшін белгілі бір капиталды жинауды жоспарлай аласыз.Ұзақ мерзімді жоспарлау (5 жылдан 10-15 жылға дейін және одан жоғары):&nbsp;бұған неғұрлым ауқымды мақсаттар жатады, ол мақсаттарға қол жеткізу үшін бір жыл емес, бірнеше онжылдық қажет. Мұндайда, бірден ойға зейнетақы жинақтары келеді. Жақсы зейнетақыға өз бетінше жинауға болады, бірақ бұл бір күннің ісі емес.Инфляцияның өзгеруін және осы уақыт ішінде жинақталған капиталдан түсетін кірісті ескере отырып, қажетті соманы анықтаймыз. Әрі қарай зейнеткерлік демалысқа жоспарланған сомаға қол жеткізу үшін қанша көлемде ақша жинау керек екенін есептейміз.Екінші кезең: ағымдағы қаржылық жағдайды талдау&nbsp;Ағымдағы ақпарат негізінде жеке қаржылық жоспар жасау. Бұл кезең адамның ағымдағы қаржылық жай-күйін диагностикалаудың өзіндік нысаны болып табылады. Оның барысында ағымдағы кірістер мен шығыстар, олардың өзгеру қарқыны, сондай-ақ қаржылық мақсаттар туралы ақпарат жиналады. Одан әрі жылдар бойынша болашақ шығыстарды, кірістерді, олардың арасындағы айырмашылықты, сондай-ақ қаржылық мақсаттарға бағаның өзгеруін және оларға қол жеткізуге арналған шығыстарды болжаймыз.Бастапқы ақпарат негізіндегі қаржылық жоспар – яғни сіз өзіңіз қалаған көлемде және мерзімде ағымдағы өмір салтын сақтай отырып, қалаған қаржылық мақсаттарға қол жеткізе аласыз ба, жоқ па екені осы кезеңнің нәтижесі болып табылады.Үшінші кезең: қолда бар деректер негізінде жеке қаржылық жоспар жасауҚаржылық мақсаттарға қол жеткізе алуға немесе алмауға қарамастан, ағымдағы қаржылық жағдайды көп жағдайда жақсартуға болады.Активтер мен пассивтерді талдап, активтердің кірістілігін арттыру және пассивтерді азайту жолдарын анықтау қажет. Осыдан кейін жеке қаржылық жоспарды қайта есептеу қажет болады. Егер бұл операциялар қаржылық жағдайды түзетпесе және мақсаттарға қол жеткізу мүмкін болмаса, мынадай әрекетке көшу керек. Шығыстарды азайту және кірісті арттыру жолдарын анықтап, содан кейін қаржылық жоспарды қайта есептеңіз. Мысалы, қосымша табыс табу көзін қарастырыңыз.Төртінші кезең: шығыстарды жоспарлауЕгер сіз шығыстарды бірнеше топқа бөлсеңіз, қаражаттың не үшін кететінін, неден бас тартуға болатындығын түсіну оңайырақ болады, мәселен:Тұрақты шығыстар: ай сайын ақша азық-түлік сатып алуға, коммуналдық қызметтерді, көлік қызметтерін төлеуге, тұрғын үйді жалға алуға немесе кредиттік міндеттемелерді төлеуге жұмсалады. Бұл шығыстарды алдын ала жоспарлау керек және ақшаны сол мақсаттарға алдын ала бөліп қою қажет.Мерзімді шығыстар: мысалы, киім, тұрмыстық техника немесе демалысқа жолдама сатып алу. Бұл шығыстар ай сайын бола бермейді, сондықтан шығыстардың осы бабы үшін ақшаны жеке депозитке немесе шотқа жинаған жөн.Жоспардан тыс шығыстар: бұған жоспарлау мүмкін емес шығыстар жатады. Мәселен, бұған жұмысқа қажетті көліктің бұзылуы немесе пәтердегі құбырдың жарылуына байланысты шұғыл жөндеуді қажет ететін шығыстар жатады. Шығыстардың бұл түрін болдырмау үшін сақтандыру полисін ресімдеуге кеңес береміз, бұл күтпеген жағдайларда қаржылық шығыстарды өтеуге мүмкіндік береді, болмаса форс-мажор орын алған кезде тұрақты және мерзімді шығыстарды азайтып, қарыз алуға тура келеді, әрине мұндай әрекетке жол бермегеніміз жөн.Бесінші кезең: жеке қаржылық жоспардың орындалуын &nbsp;мониторингтеуЖоғарыда сипатталған әрекеттер нәтижесінде қаржылық мақсаттарға қол жететіндей болған кезде, адамның келесі әрекеті - қалыптасқан жоспарды орындауды мониторингтеу болуға тиіс. &nbsp;Бұл үшін жоспарды нақты деректермен кезең-кезеңімен, мысалы, шығыстардың, кірістердің және т.б нақты өсуімен салыстырып отыру, ауытқуларды анықтау, олардың себептерін талдау және жаңа деректерді негізге ала отырып, қаржылық жоспарды қайта есептеу қажет. &nbsp;Осы кезеңнің қорытындысы жаңартылған қаржылық жоспар болады, ол сіздің қаржылық мақсаттарыңызды қолжетімді етуге мүмкіндік береді.Әрбір адамның жеке тұлға ретінде дамуы, бірінші кезекте, қаржылық тұрақтылыққа байланысты, ол адамның мықты тұстарын ашуға, белгілі бір өмірлік қиындықтарды жеңуге көмектеседі. Өзін-өзі дамыту және қаржылық жоспарлау тікелей өзара байланысты, себебі адамның белгілі бір қажеттіліктері қаржыға тікелей байланысты. Жеке тұлға ретінде дамуды қаламайтын адам қаржылық тұрақтылыққа және тәуелсіздікке қол жеткізе алмайды. Олардың өзара байланысты екендігін өзіңізді жеке тұлға ретінде дамытуды бастаған кезде байқауға болады. Қаржылай табысты адамдар алдымен қаржылық сауаттылығын дамытудан &nbsp;бастаған. &nbsp;&nbsp;Қаржыны қысқа мерзімді және ұзақ мерзімді перспективаға жоспарлаңыз. &nbsp;Қысқа мерзімде қолжеткізуге болатын мақсаттар бар, алайда басқалары, мысалы ұзақ мерзімді мақсат зейнетақы жоспары сияқтылар болып табылады. Мұны міндетті түрде есте ұстаңыз. Бюджетті өте шектеулі етпеңіз, себебі ұзақ мерзімді перспективада қатаң режимді ұстану өте қиын болады. Шынайы және төзімді бола білген дұрыс.Fingramota.kz-пен қаржылық сауаттылығыңызды арттырыңыз!Фото: fingramota.kz

Қаржылық жоспарлау: жеке тұлға ретінде дамуға инвестициялар  

<a href="https://kyzylorda-news.kz/">Kyzylorda-news.kz.</a> &nbsp;Мемлекеттік қызмет істері агенттігі төрағасының орынбасары Салауат Мүксімов министрліктерде артық басшы көп екенін айтты, деп хабарлады <a href="https://halyq-uni.kz/news/31135-ministrlikterde-artyk-basshy-kop-muksimov/">Halyq Uni</a> тілшісі.Оның айтуынша, былтыр агенттік 4 салаға ауқымды талдау жүргізген. Олар – Сауда және интеграция, Қаржы, Ауыл шаруашылығы, Экология және табиғи ресурстар министрліктері.Осылайша, біз 70-тен аса функцияны бөлу керектігін анықтадық. Мысалы, әкімдіктер мен әкімдерді төмен тұрған деңгейге қатысты. 50-ден аса ақпараттық жүйені интеграциялау және тағы басқа. Олар мемлекеттік қызмет бойынша ақпарат алмасу үшін керек, - деді агенттік төрағасының орынбасары ОКҚ-да өткен баспасөз мәслихатында.Осы орайда Салауат Мүксімов министрліктерде артық басшы көп екенін атап өтті.Бюрократияның бірінші белгісі – басқару құрылымы мен штат санының жеткіліксіздігі және артық болуы. Бұл – көбіне мемлекеттік органдарда басшы лауазымдар санының артық болу дерегі. Ол басшы құрамға жүктемені азайтуға, басқарудың тиімділігі мен жеделдігін төмендетуге, жауапкершіліктен жалтаруға, қаржылық мүмкіндікті азайтып, қызметкерлерді ынталандыруға мүмкіндік бермейді, - деді ол.Сондай-ақ агенттік төрағасының орынбасары бұл сөзіне нақты дәлел келтірді.Мысалы, Экология және табиғи ресурстар министрлігінде орталық аппаратының штат саны – 122. Оның ішінде 61 лауазымды басшы және сонша орындаушы бар, яғни басқарушы және орындаушы буынның арақатынасы: бірге – бір. Сонымен қатар осы министрліктің құрылымында жеке департамент бар. Онда басқарушы және орындаушы буынның арақатынасы – 4/1-ге тең. Демек, 4 басшы және 1 орындаушы бар деген сөз. Нақты айтсақ, біз директор, директордың орынбасары, 2 бөлім басшысы және 1 бас сарапшы туралы айтып отырмыз, - деді Салауат Мүксімов.Фото: pexels.webp

Министрліктерде артық басшы көп – Мүксімов

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қызылордада аса ірі көлемде алаяқтық жасады деген күдікпен ер адам ұсталды, деп хабарлады Бас прокуратура.<blockquote>"Істі тергеу барысында оның 2021-2022 жылдары адамдар тобымен азаматтарға жалған автокөлік кредитін рәсімдегені анықталған. Барлығы 235 адам зардап шекті, оларға 2,9 млрд теңге залал келтірілген", - деп жазылған ведомство хабарламасында.</blockquote>Тергеу барысында күдікті Қаржауов тергеуден жалтарып, іздеуге жарияланған. Қазіргі уақытта ол Қызылорда қаласындағы тергеу изоляторына қамалды.Фото: Нұрболат Нұржаубай

Қызылордада тұрғындарды 2,9 млрд теңгеге алдаған ер адам ұсталды

<a href="https://kyzylorda-news.kz/">Kyzylorda-news.kz.</a> Жаңақорған аудандық сотының үкімімен адвокаттар алқасының адвокаты 5 жылға бас бостандығынан айырылды. Ол мектеп пен білім бөлімінің бас есепшілерін қорқытып, ақша талап еткен. Бұл туралы<a href="https://stan.kz/kizilordada-bilim-bolimi-men-mektep-esepshilerinen-aksh-394792/"> Stan.kz</a> ақпарат агенттігі хабарлайды.&nbsp;Қызылорда облыстық прокуратурасының баспасөз қызметі О.Курбановқа қылмыстық кодекстің 194-бабы 3-бөлігі 2-тармағы (ірi мөлшерде мүлiк алу мақсатында қорқытып алушылық) бойынша айып тағылғанын хабарлады.Ол адам бірнеше рет бөтеннің мүлкін мәжбүрлі түрде талап еткен, талабы орындалмаған жағдайда жәбiрленушiге немесе олардың жақындарына елеулі зиян келтiруi мүмкiн мәлiметтердi тарататынын айтқан.Адвокат О.Курбанов 13 мектептің және аудандық білім бөлімінің бас есепшілерінен 6 млн 900 мың теңге талап етіп, бермеген жағдайда облыстық ішкі мемлекеттік аудит департаментіне арызданатынын, одан әрі қылмыстық іс қозғалып, салдарынан ауданның абыройы түсетінін алға тартқан.Фото: Нұрболат Нұржаубай

Қызылордада білім бөлімі мен мектеп есепшілерінен ақша талап еткен адвокат сотталды

<a href="https://kyzylorda-news.kz/">Kyzylorda-news.kz.</a>&nbsp; Ішкі істер министрінің бұйрығымен Қызылорда облысы &nbsp;Полиция департаменті бастығының орынбасары лауазымына полиция подполковнигі Омаров Оралбек Тәубақабылұлы тағайындалды.Бүгін Қызылорда облысы Полиция департаментінің бастығы полиция генерал-майоры Аблазимов Махсудхан Нұғманұлы &nbsp;облыстық ПД-ның жеке құрамына жаңа департамент бастығының орынбасарын таныстырды. &nbsp; &nbsp; &nbsp; &nbsp; &nbsp; &nbsp;&nbsp;Оралбек Тәубақабылұлы ішкі істер органдарында 19 жылдан &nbsp;аса қызмет етіп келеді. Еңбек жолының басым бөлігі кадр саласымен байланысты. Ішкі істер органдарында түрлі басшылық лауазымдар атқарған. Соңғы лауазымы - Көліктегі ПД бастығының орынбасары.Махсудхан Нұғманұлы жаңа орынбасарды тағайындалуымен құттықтап, оның алдағы қызметіне табыс тіледі.<figure class="image"><img src="https://knadmin.beoblood.kz/uploads/image_02_02_24_11_46_1_4baf6feead.jpeg" alt="image-02-02-24-11-46-1.jpeg"></figure>

Қызылорда облысы полиция департаменті бастығының жаңа орынбасары тағайындалды

Фото: Скрин фото<a href="https://kyzylorda-news.kz/">Kyzylorda-news.kz.</a> Танымал әнші Мақпал Исабекова күйеуімен ренжісіп қалғанын айтты. Бұл туралы Kznews.kz&nbsp;ақпарат агенттігі хабарлайды.Өнер иесінің тұрмысқа шыққанына 3 жыл болды. Теодор есімді ұлы бар.“Бүгін психолог қабылдауында болдым. Одан шығып көп жыладым. Жан дүнием жылап тұр. Себебі, күйеуім екеуіміз бір-бірімізді түсінбейміз. Отбасылық өмір дегеніміз – өзара байланысты жоғалтпау, сөйлесе білу және келісімге келу. Бірақ біздің отбасында бұл орындалмайды. Өкінішті. Жанжал кезінде мен айқайлап, сабырға келе алмай қаламын. Меніңше, ол мені естімейді. Күйеуімен шаңырақ көтеріп, жар&nbsp;және ана атанғаныммен, мен әйел екенімді ұмытпадым. Алайда мұны ер азаматтар ұмытып кететін секілді. Қалауымды құнсыздандыруы мен елемеуі және уайым мен қорқыныш менің өкпелеуіммен, ашылып әңгімелескім келмеуімен аяқталады. Бәрінің мағынасы қалмаған сияқты», –&nbsp;деп жазды әнші.Сондай-ақ, қиын сәтте қолдаған оқырмандарына алғыс айтты.

Мақпал Исабекова: Күйеуім екеуіміз бір-бірімізді түсінбейміз

<a href="https://kyzylorda-news.kz/">Kyzylorda-news.kz.</a>&nbsp;АИТВ жұқтырған 9 жасар бала ата-анасы емделуден бас тартқаннан кейін қайтыс болды, деп хабарлайды&nbsp;<a href="https://qaz.ulysmedia.kz/">Ulysmedia.kz.</a>Алматы облысының ЖИТС-тың алдын алу және оған қарсы күрес орталығы ата-анасының емделуден бас тартуы салдарынан АИТВ жұқтырған 9 жасар баланың қайтыс болғанын хабарлады. Бала мен оның ата-анасы 2016 жылы ЖИТС орталығында тіркелді, бірақ, диагнозға қарамастан, отбасы қажетті медициналық шараларды қабылдамаған.Ата-аналар АИТВ-инфекциясын мойындаудан бас тартты, дәрігерлердің нұсқауын сақтамады және баланы динамикалық бақылауға кедергі келтірді. Тиісті органдар мен дәрігерлердің 2023 жылдың қарашасында баланы отбасынан уақытша алып кету үшін комиссия құру әрекеті ата-аналардың үзілді-кесілді бас тартуына байланысты қабылданбады.Баланың жағдайы 2024 жылдың 9 қаңтарында күрт нашарлап, реанимацияға жатқызылды. Ата-анасы баланың АИТВ дертіне шалдыққанын жасырған және оның ауруханаға жатқаны туралы ЖИТС орталығының дәрігерлеріне хабарланбады. Бала 27 қаңтарда ауыр иммун тапшылығы жағдайында сепсис пен пневмониядан қайтыс болды.Қазақстан заңнамасы АИТВ-инфекциясын мәжбүрлеп емдеуді көздемейді.Бұдан бұрын Алматының Орталық қалалық клиникалық ауруханасының пациенттері АИТВ-инфекциясын жұқтырып алғаны бойынша тергеу нәтижелері шықты.Тергеу нәтижелері бойынша инфекцияны таратқан АИТВ асқынып, ауруханаға түскен басқа науқас&nbsp;<a href="https://qaz.ulysmedia.kz/news/7636-almatydagy-vich-zhuk-tyru-okigasy-naukastar-ministr-giniiatpen-kezdeskisi-kelmegen/">болып шықты.</a>Осыған байланысты эпидемиология бойынша бас дәрігердің орынбасары, реанимация бөлімшесінің меңгерушісі, стационардың бас медбикесі және реанимация бөлімшесінің аға медбикесі жұмыстан шығарылды.Сондай-ақ, денсаулық сақтау министрлігі АИТВ жұқтырған науқастардың барлығы сәуір айында ОҚКБ-ның бірнеше бөлімшелерінде медициналық көмек алғанын хабарлады.Фото: Нұрболат Нұржаубай

ВИЧ жұқтырған бала қайтыс болды

<a href="https://kyzylorda-news.kz/">Kyzylorda-news.kz.</a> Су өзеннің негізгі арнасымен ағуда. Дегенмен, су тасқынының алдын алу бойынша тиісті шаралар қолға алынып, су басып кету қаупі бар 29 елді мекен бақылануда. Қазіргі таңда онда 21 мыңнан астам тұрғын үй мен 130 367 азамат қоныстанған. Бүгін Өңірлік коммуникациялар қызметінің баспасөз алаңында салаға жауапты мамандар Сырдария өзеніндегі су арнасын реттеу және төтенше жағдайдың алдын алу бойынша негізгі мәліметтерді баяндады.<blockquote>Арал ауданынан бастап Қызылорда қаласына дейін мұз толықтай ұстасқан. Жаңақорған ауданының аумағында өзен беті мұздан таза. Шиелі ауданы бойынша Қызылқайың елді мекенінде су ұстасып жатса, Қарғалы учаскесінде 30 пайыз сең жүруде. «Казгидромет» РМК облыстық филиалының жүргізген көп жылдық есебіне сәйкес, өзен арнасындағы мұздың қозғалысы шамамен наурыз айының бірінші онкүндігі деп күтілуде. Осыған сәйкес, қала мен аудан әкімдіктері және жауапты сала қызметкерлері күнделікті өзен деңгейін бақылауда ұстауда. Бүгінгі күні өзен арнасының жағдайы бірқалыпты, аса қауіп жоқ, – деді облыстық жұмылдыру дайындығы басқармасының басшысы Марат Құрманбаев.</blockquote>1 ақпандағы жағдай бойынша Шардара су қоймасынан Сырдария өзенінің төменгі ағысына секундына 200 текше метр су жіберілуде. Сондай-ақ, Қызылорда су торабынан секундына 100 текше метр су өтуде.&nbsp;<blockquote>Сырдария өзеніндегі су арнасы тасыған жағдайда қауіптің алдын алу және оны жою мақсатында 116 мекеме, 364 бірлік техника мен мыңнан астам қызметкер жұмылдырылған. Бұған қоса, 25 бірлік арнайы техника, 4 жүзу құралы, 33 мотопомпа әзірленіп, сақадай сай дайын тұр. Су тасқынына қарсы материалдық-техникалық қорлар бойынша 117,9 тонна жанар-жағармай, 139 902 дана қап, 17 710 бау қамыс, 5 865 дана пашын мен 239 тонна қойтас және 2 381 дана қарабура инертті материал қоры жасақталды. Сонымен қатар, тасқын кезінде халықты шұғыл эвакуациялау мақсатында барлығы 59 жинау-эвакуациялау пункті және 68 қабылдау пункті дайын, – деді облыстық ТЖД бастығының орынбасары Нұрсұлтан Ибрагимов.</blockquote>Шардарадан жоғары орналасқан су қоймаларында жинақталған су көлемі 14,335 млрд м кубты құрайды. Бұл өткен жылмен салыстырғанда 0,027 млрд м кубқа артық.<blockquote>Қазіргі таңда су тасқыны бойынша қауіп жоқ. Сондай-ақ, қорғаныс бөгетіне дейін су жайылған жоқ. Бөгеттердің биіктігі 2,5-3 метр. Ал, Шардара су қоймасы мен Көксарай су реттегішінің жұмыс кестесі бақылауға алынған. Жергілікті атқарушы органдар және су шаруашылығы ұйымдарымен Сырдария өзеніндегі су шаруашылық жағдайына күнделікті мониторинг жұмыстары жүргізілуде, – деді «Арал-Сырдария» бассейндік инспекциясы басшысының орынбасары Зейнулла Қозтоғанов.</blockquote>

Қазақстан және Қызылорда облысының жаңалықтары