<a href="https://kyzylorda-news.kz/">Kyzylorda-news.kz</a> Облыста 24-28 маусым аралығында репродуктивті денсаулық апталығы өтеді. Бұл шараның басты мақсаты – халықтың репродуктивті денсаулығы туралы толық мәлімет беріп, саламатты өмір салтын насихаттау болып табылады. Бүгін Өңірлік коммуникациялар қызметінің ақпарат алаңына тиісті сала мамандары келіп, апталықта атқарылатын мәліметтермен бөлісті.<blockquote>– Ерлер мен әйелдердің репродуктивті денсаулығын қорғау жағдайларын жасауға қатысты міндеттер Қазақстан Республикасында 2030 жылға дейінгі отбасылық және гендерлік саясатты дамыту тұжырымдамасында белгіленген. Бұл апталық жасөспірімдердің репродуктивті денсаулығының маңыздылығы мен жоспарланбаған жүктілікті және жыныстық жолмен берілетін инфекцияларды (ЖЖБИ) болдырмауды көздейді. Сондай-ақ, АИТВ инфекциясы мен ЖЖБИ-дің таралуының өсуі, жатыр мойны қатерлі ісігін тудыратын адам папиллома вирусының алдын алу қажеттілігі сияқты мәселелерді де шешуге бағытталған. Репродуктивті денсаулық апталығы – репродуктивті денсаулық туралы сенімді ақпарат алудың, білікті мамандарға сұрақ қоюдың және тексеруден өтіп, салауатты болашаққа қадам жасаудың бірден бір мүмкіндігі,– деді Қызылорда облысы әкімдігiнiң отбасы және әйелдер iстерi жөніндегі штаттан тыс уәкілi Гүлнар Жұмашева.</blockquote>&nbsp;Репродуктивті денсаулық – ұрпақты дүниеге әкелудегі және отбасындағы психосексуалдық қатынастағы толық физикалық, саналық және әлеуметтік табысты жағдай.&nbsp;<blockquote>– Жалпы, репродуктивті денсаулықты сақтау – сау ұрпақты көбейту функциясын қалпына келтіруге және оны сақтауға көмектесу. Біз осы ашық есік күндерінде репродуктивті денсаулыққа кері әсер ететін факторлардың алдын алуды мақсат етеміз. Айта кету керек, біз атқаратын іс-шаралар тек апталық аясында ғана емес, үнемі жүргізіліп тұрады,– деді Қызылорда облысының денсаулық сақтау басқармасы басшысының орынбасары Жаңыл Абубакирова.</blockquote>Фото:&nbsp;Қызылорда облысының Өңірлік коммуникациялар қызметі

Репродуктивті денсаулықты сақтау – сау ұрпақты көбейту функциясын қалпына келтіруге көмектеседі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте заңсыз жолаушылар тасымалынан туындаған мәселелер талқыланды.&nbsp;Аймақ басшысы бұл ең алдымен жол қозғалысы қауіпсіздігіне кері әсер ететінін қаперге салды.<blockquote>«Сәуір айында сол жағалаудағы жаңа автовокзал ел игілігіне пайдалануға берілді. Бүгінгі күнге дейін ескі автовокзал, теміржол вокзалы және ескі базар аумақтарындағы заңсыз жолаушылар тасымалы тыйылмай, жаңа автовокзалдың жұмыс жасауына кедергі келтіруде. Заңсыз жолаушы тасымалдаушылардың қауіпсіздікті сақтамауы, яғни сапар алдында жүргізушілердің дәрігерлік сараптамадан, көліктердің техникалық байқаудан уақытылы өтпеуі жол-көлік оқиғаларына әкеліп соғады»,– деді Нұрлыбек Машбекұлы.</blockquote>Осы орайда, облыстық полиция департаментіне, көліктік бақылау инспекциясына, мемлекеттік кірістер департаментіне, Қызылорда қаласы мен аудан әкімдіктеріне облыс аумағындағы заңсыз тасымалды жою үшін екі айлық профилактикалық рейдтік шараны күнделікті ұйымдастыру тапсырылды.Мұнан бөлек, Қызылорда қаласы мен аудан орталықтарындағы бейнебақылау камераларын пайдалана отырып, заңсыз тасымалдаушылардың жұмысын тоқтату керек. Қызылорда қаласы әкімдігіне автовокзал жанындағы жер учаскесін мақсатқа сай пайдалану жөнінде тапсырма берілді. Такси қызметі үшін арнайы жарақталған автотұрақтар белгіленуі тиіс.Күн тәртібіндегі мәселеден тыс облыс әкімі Мемлекет басшысының тапсырмасына сәйкес «Таза Қазақстан» республикалық экологиялық акциясын жоғары деңгейде үйлестіруді ескертті. Бүгін қала аралау барысында анықталған кемшіліктер жойылып, тез арада шаралар қабылдануы тиіс. Өйткені, «Таза Қазақстан» – бірреттік науқан емес, қоршаған ортаның тұрғындарға жайлы әрі таза болуын көздейтін ауқымды бастама.&nbsp;<img src="https://knadmin.beoblood.kz/uploads/449087333_770054298649150_7688699534200953594_n_111e5c3ace.jpg" alt="449087333_770054298649150_7688699534200953594_n.jpg"><img src="https://knadmin.beoblood.kz/uploads/449086870_770054331982480_4510990603267491208_n_2bb6b088b9.jpg" alt="449086870_770054331982480_4510990603267491208_n.jpg"> Фото: Қызылорда облысы әкімінің баспасөз қызметі

Заңсыз жолаушылар тасымалына қатысты мәселелер талқыланды

<a href="https://kyzylorda-news.kz/">Kyzylorda-news.kz</a> Салық пен мемлекетке төленетін міндетті төлемдердің саны 20%-ға қысқарады. Кәсіпке арналған салық режимдері оңтайландырылмақ. Осылайша олардың тек үшеуі қалуы мүмкін.&nbsp;Бұл туралы 31 арнаның “Информбюро” бағдарламасы хабарлайды.Біріншісі, айлық табысы 1 миллион 250 мың теңгеден аспайтын жеке тұлғалар, яғни өзін-өзі жұмыспен қамтып отырған адамдарға қатысты. Бұл санатқа жататын азаматтар кірісінің 4 пайызын салық есебінде аударуға міндетті. Бастысы, табысы 1 миллион 250 мың теңгеге жетпейтін тұрғындар үшін жеке кәсіпкер ретінде тіркелу міндетті емес.Белгілі бір себептерге байланысты салық берешегі қалыптасқан кәсіпкерлердің шоты бірден бұғатталмайды. Яғни,&nbsp;борышы 73 840 теңгеден аспаса қарызы жиналып жатқаны&nbsp;жайлы хабарлама жолданады. Егер қарызы 20 АЕК&nbsp;көп болса кәсіпкердің шотындағы шығыс операциялар тоқталады.“Қазіргі таңда арнайы салықтық режимдер бар. Олар нысаналарды енді тек қана бір-ақ рет тапсыратын болады. Жылдық нысаналар келесі жылдың 15 ақпанында ғана тапсырылатын болады. 25 ақпанда олар төлем жасай алатын болады. Сондықтан бұл кіші бизнесті өте жақсы қолдау деп санаймыз”, –&nbsp;дейді Қаржы министрі Ержан Біржанов.Жаңа кодексте&nbsp;сән-салтанат салығын төлеу механизмі де нақтыланғалы отыр.<blockquote>“Енді жылжымайтын мүлкінің жиынтық құны 450 миллион теңгеге бағаланған бақуатты азаматтар үшін салық мөлшерлемесі жоғарырақ болады. Сондай-ақ шетелден қымбат автокөлік әкелгені үшін де қосымша қаржы төлеуге міндеттелмек. Мысалы,&nbsp;кіргізген көлігінің бағасы 75 миллион теңгеден асса, салыққа 7,5 миллион теңге аударуы қажет. Сонымен қатар ұшақ, тікұшақ, теңiз кемелерi мен қымбат алкоголь және темекi өнiмдерi үшін де қосымша акциз салу көзделуде”, –&nbsp;делінді баспасөз конференциясында.</blockquote>Фото:&nbsp;pixabay.com

Енді табысы 1,2 миллион теңгеден аспайтындар жеке кәсіпкер ретінде тіркелуге міндеттелмейді

<a href="https://kyzylorda-news.kz/">Kyzylorda-news.kz</a> Бас мемлекеттік санитарлық дәрігер Айжан Есмағамбетова қауіпті инфекциядан биылдыққа екінші бала көз жұмғанын мәлімдеді.&nbsp;Бұл туралы&nbsp;Stan.kz&nbsp;ақпарат агенттігі хабарлайды.Қайғылы оқиға Ұлытау өңірінде болған.<blockquote>"Биыл көкжөтелден екі бала көз жұмды, біреуі – Қарағанды облысында, ал екіншісі – Ұлытауда. Ал олардың екеуі де екпе салатын жасқа жетпеген”, –&nbsp;деп мәлімдеді&nbsp;Айжан Есмағамбетова.</blockquote>Дәрігерлер көкжөтелдің өте қауіпті инфекция екенін айтады. Сөздерінше, ауырған 10 адамның төртеуі одан өлуі мүмкін.Қазіргі уақытта Қазақстанда ай сайын көкжөтелді 350-ден 400-ге дейін адам жұқтырып жатыр. Науқастардың 90%-ға жуығы екпе алмаған.Денсаулық сақтау министрлігі халықты екпеден бас тартпауға шақырады. Елдің бас дәрігері көкжөтелге қарсы француз вакцинасы тиімді дейді.Фото: Pixabay.com

Елімізде биыл көкжөтелден екінші бала көз жұмды

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданының әкімі Берік Сәрменбаев аудандық сот қызметкерлерін арнайы қабылдап, кәсіби мерекемен құттықтады.<blockquote>– Сот жүйесі – мемлекет пен азаматтардың конституциялық құқықтарының сақталуының кепілі. Мемлекет басшысы Қасым-Жомарт Кемелұлы Тоқаев «Барлық деңгейдегі соттар, шын мәнінде, тәуелсіз, ашық және кәсіби болмаса, заң үстемдігін қамтамасыз ету мүмкін емес. Мемлекет осыған орай ауқымды жұмыс жүргізуде» деп атап өтті. Сол себепті сот саласы еліміздің демократиялық және құқықтық мемлекет құру, қоғамдағы тұрақтылық пен азаматтық бейбітшілікті сақтау жолында маңызды рөл атқарады. Қоғамдағы даулар мен жанжалдарды шешу судьядан жоғары білімді, тәжірибені, мінсіз адами және тұлғалық қасиеттерді талап етеді. Бүгінгі сот жүйесі еліміздегі түбегейлі өзгерістермен тікелей байланысты реформаларды бастан өткеруде. Оның мақсаты – сот жүйесін халыққа жақындатып, мықты әрі тиімді, азаматтардың құқықтары мен бостандықтарын сенімді қорғауға қабілетті жүйе құру. Бұл ретте, аудандық сот қызметкерлері өз міндеттерін үлкен жауапкершілікпен атқарып келеді. Әділ сот төрелігін қалыптастыру мен жетілдіру жолындағы қажырлы еңбек етіп келе жатқан сала қызметкерлерін кәсіби мерекемен құттықтаймын, – деді Берік Әбдіғаппарұлы.</blockquote>Аудан басшысы аудандық сот қызметкерлерлеріне «Құттықтау» табыс етіп, сый-құрмет көрсетті.Өз кезегінде аудандық ардагерлер кеңесінің төрағасы Мұса Келдібаев пен облыстық мәслихат депутаты Жұмабек Ембергенов мерекелік лебіздерін жеткізсе, аудандық сот төрағасы Руслан Алдамбергенов бүгінде сот жүйесі дамудың жаңа белесіне шыққанын атап, ризашылығын білдірді.

Сырдария ауданы әкімі сот қызметкерлерін кәсіби мерекесімен құттықтады

<a href="https://kyzylorda-news.kz/">Kyzylorda-news.kz</a>&nbsp; 23 маусым – мемлекеттік қызметкерлердің кәсіби мерекесі. Кәсіби мереке елімізде 2014 жылдан бері ел көлемінде аталып келеді. Кәсіби мереке жыл сайын аталып өтіліп, аталған сала мамандарына бұл күні құрмет көрсетіледі.&nbsp;Осы орайда Қызылорда қаласында мемлекеттік қызметкерлер күніне орай облыс әкімінің жүлдесіне арналған XXIX дәстүрлі облыстық, қалалық және аудандық жергілікті атқарушы органдар мен аумақтық мемлекеттік органдар қызметкерлері арасындағы спартакиада өтуде. Аталған спорттық сайыстар үстел теннисі, тоғызқұмалақ, волейбол, кіші футбол, жүзу, гір көтеру, шахмат, қазақ күресінен өтуде.Бүгін – жарыстың бірінші күні. Жарыстың басталған бірінші күнінде-ақ сырдариялықтардың бәсі биік түсуде. Атап айтқанда үстел теннисінен Роза Бакуова, Ерсұлтан Әлтаев 2-орынды жеңіп алып, әріптестерінің мерейін арттыруда.Мемлекеттік қызметшілер үшін бұндай спорттық сайыстың ұйымдастырылуы орынды. Қызметкерлер бір сәт күйбең тіршіліктен бой жазып, саламатты өмір салты нқалыптастыруға ден қоюда.Айта кетейік, спартакиада 24 маусым мен 4 шілде аралығында өтеді. Сайысқа қатысушыларға сәттілік, ауданымыздың мемлекеттік қызметшілеріне сәттілік тілейміз!

Облыстық спартакиада басталды

<a href="https://kyzylorda-news.kz/">Kyzylorda-news.kz</a>&nbsp; Адам баласы қиялдап, армандай білу керек деген. Жалпы бұл тұрғыда хадисте де айтылған. Жаратқан иеміздің «Жақсы жағынан ойлап, армандай біліңдер, тілектеріңнің орындалуы ғажап емес» дегенді бұрын-соңды оқығаным бар. Осындайда өткен шақ тағы да ойға оралады екен.Ауылда бастауыш сыныпта оқып жүргенімде үйге «Ұлан» деген балалар газеті келетін. Үйдегі мұғалім тәтеміз бізге бола осы газетке жазылатын. Басылымның айына неше рет келетіні нақты есімде жоқ. Бірақ арасы ұзап, кешігіп келетін. Пошта жәшігін күнде қарап, таратушы апайды көшеден күтетінбіз. Жәшіктің ішінен газеттің басы көрінсе дереу алып, сол жерден бастап ішін ақтара қараймыз. Ішіндегі мақаланы асыға оқып, көз тартар суреттерге қызыққанымыз бар. Осыдан кейін «менің де шығармаларым газет бетіне шықса ғой» деген бала қиялдың алысқа қанат қаққаны әлі есімде.Кейін бастауышты бітіріп, ауданға көштік. Уақыт өте үйге келер газеттің түрі көбейді. Соның ішінде аудандық басылым «Қармақшы таңы» газеті бірінші жүретін. Ішінен таныстарымызды көргенде өзің шыққандай бір марқайып қалатынбыз. Бір күні аудандық оқушылар үйінде мектепаралық қолөнерден жарыс өтті. Алдын ала бізге берілген тапсырма – жасаған бұйымың міндетті түрде электрлі батареямен жабдықталуы керек. Мен қолдан моторлы қайық жасап апардым. Сөйтіп жарыс қорытындысында үшінші орын алдым. Көп ұзамай үйге келген газеттегі мақаладан кешегі шараны оқып, ішінен өзімнің аты-жөнімді таптым. Сонда қатты қуанғанымды-ай. Кейін командалық жайдарманда ойнап, суретім де шықты. Осылайша кезіндегі бала арманның бір бөлшегі орындала бастады. Мектеп бітірдік, оқуға түстік. Кезеңімен жұмысқа да тұрдық. Бірақ жұмыс көрші ауданнан табылды. Бір күні апта соңы болып ауылға қайтқанымда жолда сол кездегі «Қармақшы таңы» газетінің бас редакторы Дастанбек Садықты жолықтырдым. Екеуіміз бұрыннан жақсы таныспыз. Ол менің шаршаңқы түрімді көріп «Сен әлі қатынап жұмыс істеп жүрмісің, менде мамандығыңа қарай бір штат бос, маған жұмысқа кел» деп шақырды. Міне қызық. Редакцияда жұмыс істеймін деп кім ойлаған? Келісімімді беріп, шығармашылық ұжымның ортасына келдім. Мұндағы білікті тілші мамандармен етене жақын араласып, қабілетіме қарай мақала жазуды да үйрендім. Жалпы бала кезден өлең жазатыным бар болатын. Соның да септігі тиді. Айтпақшы, бұған дейін Алматы қаласында жүріп фотограф ағамнан бір-екі ай суретке түсіруден сабақ алғанмын. Соның да пайдасы менің газетке деген шабытымды ерекше оятты. Фототілші, қазір ардагер Қазбек Тайбағаров ағамыздан мол тәжірибе жинап, үлкен іс-шара, жиналыстарда түсірген суреттерім газет бетіне әлсін-әлсін шығып отырды. Бір сөзбен айтқанда аудандық «Қармақшы таңы» газетінде сонау бала арманым орындалып, жаңа бір қырымыз ашылды. Одан бөлек&nbsp;басылымның тоқсан жылдық мерейтойда жеке басымда жақсы жаңалық орын алып, ұжымдағы әріптесім Ардақ Сәкенқызымен отбасын құрдым. Бұл да бір төл басылымның арқасында үлкен арман мақсатыма жеткен жетістігімнің бір парасы.Ерсін ӘБЛӘКИЕВ

Ерсін Әбләкиев: Бала арманым орындалды

<a href="https://kyzylorda-news.kz/">Kyzylorda-news.kz</a> Экономикалық зерттеулер институты (ERI) 2023 жылдың қорытындысы бойынша Қазақстанның 26 ​​қаласынан алынған мәліметтерді зерттеді. Өмір сүру сапасы рейтингінде көш басында Қызылорда қаласы тұр.&nbsp;Зерттеу 110 көрсеткішті пайдалана отырып жүргізілді, оның ішінде 70 статистикалық және 40 сауалнамалық көрсеткіш болды. Сарапшылардың пікірінше, жетекші қалалардың ұстанымдары бірқатар статистикалық көрсеткіштердің оң динамикасы және қала тұрғындарына жүргізілген сауалнаманың қорытындысымен шешім шығарылған.Әлеуметтік сауалнама нәтижелері еліміздің барлық қалаларында әртүрлі дәрежедегі мектепке дейінгі, орта және жоғары білім беру сапасына қатысты проблемалардың бар екенін көрсеткен. Кейбір қалаларда медициналық қызмет көрсету сапасын арттыру мәселесі өзекті болып отыр. Халықтың елдегі моноқалалардан кетуіне жоғары сапалы базалық қызметтердің жоқтығы себеп болып отыр.Экономикалық зерттеулер институты қалалардың өмір сүру сапасының рейтингін жасау қалалар үшін әлеуметтік-экономикалық даму жолында кемшіліктері мен артықшылықтарын саралауға көмек болатынын алға тартты. Сонымен қатар олардың болашақ даму стратегияларын анықтауда маңызды нұсқаулық болатынын атап өтті.

Қызылорда Қазақстандағы өмір сүру сапасы жоғары аймақтардың көшін бастады

2024 жылғы 24 маусымнан 28 маусымға дейін Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен ұйымдастырылған Репродуктивті денсаулық апталығы өтеді.&nbsp;Іс-шараның мақсаты – халықтың репродуктивті денсаулығының маңыздылығы туралы хабардарлығын арттыру және салауатты өмір салтын насихаттау.Ерлер мен әйелдердің репродуктивті денсаулығын қорғау жағдайларын жасауға қатысты міндеттер Қазақстан Республикасында 2030 жылға дейінгі отбасылық және гендерлік саясатты дамыту тұжырымдамасында белгіленген.Репродуктивті денсаулық апталығы жасөспірімдердің репродуктивті денсаулығының маңыздылығы, жоспарланбаған жүктілікті және жыныстық жолмен берілетін инфекцияларды (ЖЖБИ) болдырмау әдістері туралы төмен хабардарлығы, АИТВ инфекциясы мен ЖЖБИ-дің таралуының өсуі, сондай-ақ жатыр мойны қатерлі ісігін тудыратын адам папиллома вирусының алдын алу қажеттілігі сияқты мәселелерді шешуге бағытталған.Апта аясында ақпараттық-түсіндіру іс-шаралары, денсаулық сақтау орталықтарында ашық есік күндері, жасөспірімдерге арналған тегін медициналық тексерулер мен кеңестер ұйымдастырылады.&nbsp;Акцияға мемлекеттік органдар, халықаралық ұйымдар, ҮЕҰ және медиа тұлғалар белсенді қатысады. Негізгі мақсатты аудитория – жастар мен жасөспірімдер, репродуктивті жастағы ерлер мен әйелдер, сондай-ақ медицина қызметкерлері мен білім беру қызметкерлері. Репродуктивті денсаулық апталығы – репродуктивті денсаулық туралы сенімді ақпарат алудың, білікті мамандарға сұрақтар қоюдың, тексеруден өтудің және салауатты болашаққа қадам жасаудың бірегей мүмкіндігі.

Репродуктивті денсаулық апталығы басталды

Қазақстан Халқы Ассамблеясы – татулық пен бірліктің ұйытқысы 

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылорда қаласындағы нысандарды аралау кезінде «Dalatex» ЖШС тігін фабрикасының жұмысымен танысты. Ерлер жейдесін тігетін цех 2016 жылы жұмысын бастаған. Екі жыл ішінде өнім түрі көбейіп, қуаттылығы жылына 120 мыңға, жұмыс орны 90-ға жетті.«Dalatex» ЖШС «Алтын сапа» байқауында «Қазақстанның үздік тауары – 2018» номинациясын жеңіп алды. Маусым айының басында жоба бастамашысы тігін фабрикасын кеңейтіп, аумағы 1 900 шаршы метр болатын ғимаратқа көшті. Қуаттылығы жылына 400 мыңға, жұмыс орны 150-ге дейін өсті. Бұл туралы Қызылорда облысы әкімінің баспасөз қызметі хабарлады.Әрі қарай аймақ басшысы Қан орталығына барды. Осы кезге дейін жеке ғимараты болмаған облыстық Қан орталығы жақын күндері ел игілігіне табысталады. Оның құрылысына республикалық бюджеттен 2 млрд. 900 млн. теңге қаржы бөлінген.Сондай-ақ, Нұрлыбек Нәлібаев халықтың талап-тілегі мен сұранысына сай салынған жаңа автовокзалдың жұмыс барысын көрді. Мұнда жолаушылар мен жүргізушілерге, мүмкіндігі шектеулі азаматтарға барлық жағдай қарастырылған. Жолаушылар осы жерден халықаралық және түрлі бағыттағы 38 маршрут бойынша сапарға шыға алады.Аймақ басшысы қала әкімі Серік Қожаниязовқа, жауапты басқарма басшыларына барлық нысандағы құрылыс жұмыстарының сапасын жіті қадағалауды тапсырды.<img src="https://knadmin.beoblood.kz/uploads/448985754_769932815327965_3468883978958719835_n_ced5f66a1c.jpg" alt="448985754_769932815327965_3468883978958719835_n.jpg"><img src="https://knadmin.beoblood.kz/uploads/448834182_769933468661233_8035662070060582745_n_1e98b6ab33.jpg" alt="448834182_769933468661233_8035662070060582745_n.jpg"><img src="https://knadmin.beoblood.kz/uploads/448888000_769933401994573_589066746078982738_n_bd694d0e02.jpg" alt="448888000_769933401994573_589066746078982738_n.jpg"><img src="https://knadmin.beoblood.kz/uploads/449085960_769932828661297_1906988369183992270_n_1430f74969.jpg" alt="449085960_769932828661297_1906988369183992270_n.jpg"><img src="https://knadmin.beoblood.kz/uploads/449148883_769932938661286_3397965774022884301_n_2aec22cff5.jpg" alt="449148883_769932938661286_3397965774022884301_n.jpg"><img src="https://knadmin.beoblood.kz/uploads/449189912_769933435327903_3361999660841052259_n_dadc76d682.jpg" alt="449189912_769933435327903_3361999660841052259_n.jpg"><img src="https://knadmin.beoblood.kz/uploads/448985905_769932908661289_3234610894908404490_n_d34e2d4b01.jpg" alt="448985905_769932908661289_3234610894908404490_n.jpg"><img src="https://knadmin.beoblood.kz/uploads/448978465_769932881994625_6745111032984367441_n_81d98f47ed.jpg" alt="448978465_769932881994625_6745111032984367441_n.jpg">Фото: Қызылорда облысы әкімінің баспасөз қызметі

Құрылыс жұмыстары аймақ басшысының тікелей бақылауында

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылорда қаласындағы бірқатар нысанды аралап, алдымен «Қорқыт ата әуежайына» кіреберіс автомобиль жолын қайта жаңғырту жұмысымен танысты.Мердігер «Қыран» ЖШС ұзындығы 13,5 шақырым, ені 14 метрлік жолды бір жылда салып бітіруді жоспарлаған. Төрт қабатты жол жабындысы төселген соң, жарықшамдар мен аялдамалар орнатылады. Құрылыстың сапалы жүргізіліп, мерзімінде пайдалануға берілуін тапсырған аймақ басшысы бұл жолдың халықаралық стандартқа сай жаңарған әуежайға лайықты болуын басты назарда ұстауды ескертті.Сонымен қатар, облыс әкімі Рәміздер алаңы аумағындағы жол жөндеу барысымен де танысып, барлық талаптың сақталуын тапсырды.Нұрлыбек Машбекұлы «Жан Арай» ЖШС агроиндустриялық кешенінің жұмысын көрді.Аталған кешен күріш өндірісімен, күріш жармасын халықаралық стандарттар бойынша өңдеумен, түйіршіктелген жем өндірумен айналысады. Мекеменің жем зауытының қуаттылығы – тәулігіне 80 тонна, күріш өңдеу зауытының қуаттылығы – тәулігіне 150 тонна, 1500 тонналық жеміс сақтау қоймасы, сыйымдылығы 1120 тонна тоңазытқыш бар. Ет өңдеу және жем зауытында 200 адам жұмыс істейді.Облыс әкімі «Orda Glass Ltd» ЖШС шыны зауытындағы жаңа желінің жұмысымен де танысты. Өткен жылдың шілде айында Қытай Халық Республикасына жасаған іссапары кезінде аймақ басшысы Нұрлыбек Машбекұлы қытайлық ірі компаниялармен кездесу өткізіп, нақты бастамалар қолға алынған болатын. Өңірде шыны кластерін дамыту үшін зауыт жанынан шағын және орта кәсіпкерлік белдеуін құру, жаңа өндірістер ашу маңызды. Осы ретте «Чайна Гласс» холдингі басшылығымен жылына 5 млн шаршы метр энергия үнемдейтін шыны өндірісі жобасын жүзеге асыру келісіліп, меморандумға қол қойылды.Осылайша биылғы маусым айында жалпы құны 6,7 млрд. теңгені құрайтын жаңа желі іске қосылды. Энергия үнемдейтін шынының ерекшелігі – суық кезде жылу сақтайды, жазда күн радиациясынан қорғайды және жылуды 20% үнемдейді.Өнеркәсіп саласының дамуына серпін берген шыны зауыты 2022 жылдың қазан айында шетелдік инвестордың қатысуымен іске қосылған. Қажетті шикізат шетелден, әсіресе Ресейден, Өзбекстаннан тасымалдануда. Зауыт іске қосылғалы бері 27,3 млрд. теңгенің 20,8 млн. шаршы метр шыны өндірді. Өнімнің 70%-ы ішкі нарыққа, 30%-ы Өзбекстан, Қырғызстан, Тәжікстан, Грузияға және Ресейге экспортқа жіберіледі. Қазір зауытта 400-ге жуық адам жұмыс жасауда.Әрі қарай өңір басшысы жылу-электр орталықтағының құрылыс алаңына барды.Мемлекет басшысы Қасым-Жомарт Кемелұлының оңтүстік өңірлерде электр энергиясы тапшылығын болдырмау тапсырмасына және қолданыстағы орталықтың тозығы жетуіне байланысты түрік инвесторымен бірлесіп, құны 215 млрд теңге болатын жаңа жылу орталығының құрылысы басталғаны белгілі, ол 2025 жылы іске қосылады. Шетелдік инвестиция есебінен салынатын жаңа ЖЭО 240МВт электр қуатын өндіре алады. Жаңа нысан қазіргі Қызылорда жылу-электр орталығы аумағындағы 24,5 гектар жер учаскесінде салынуда. Бүгінде инвестор «AKSA Energy» түрік компаниясы құрылысқа 70 млрд. теңгеден астам инвестиция салды. Негізгі қондырғыларды дайындау үшін шетелдік компанияларға тапсырыс берілген. Құрылғылар шілде айынан бастап Швейцария, Чехия, Италия, Түркиядан құрылыс алаңына жеткізіледі. Жоба жүзеге асырылғанда Қызылорда облысы электр энергиясымен, Қызылорда қаласы жылу энергиясы және ыстық сумен толық қамтылатын болады.Аймақ басшысы құрылыстың сапалы болуы аса маңызды екенін айтып, сала басшыларына тапсырмалар жүктеді.<img src="https://knadmin.beoblood.kz/uploads/449050548_769931181994795_7600205689275073940_n_ebca3d2e87.jpg" alt="449050548_769931181994795_7600205689275073940_n.jpg"><img src="https://knadmin.beoblood.kz/uploads/448984193_769931085328138_2982995525312254889_n_f2294af186.jpg" alt="448984193_769931085328138_2982995525312254889_n.jpg"><img src="https://knadmin.beoblood.kz/uploads/448983949_769931235328123_4098117121923628200_n_3bef415f21.jpg" alt="448983949_769931235328123_4098117121923628200_n.jpg"><img src="https://knadmin.beoblood.kz/uploads/448980970_769931278661452_4359953611098301243_n_b61175b7e8.jpg" alt="448980970_769931278661452_4359953611098301243_n.jpg"><img src="https://knadmin.beoblood.kz/uploads/448979554_769931145328132_6584495621058026054_n_a9fbe8ce17.jpg" alt="448979554_769931145328132_6584495621058026054_n.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары