&nbsp;<a href="https://kyzylorda-news.kz/">Kyzylorda-news.kz</a>. «Қазгидромет» РМК Қызылорда облысы бойынша филиалының хабарлауынша 17 ақпанда Қызылорда облысында жел солтүстік-шығыстан, солтүстіктен соғады, күші 15-20, облыстың орталығында екпіні 23-28 м/с күтіледі.Қызылорда қаласында 17 ақпанда жел солтүстік-шығыстан соғады, күші 15-20, екпіні 23 м/с күтіледі.Фото: freepik.com

Сенбіге арналған ауа райы болжамы 

&nbsp;<a href="https://kyzylorda-news.kz/">Kyzylorda-news.kz</a> Астана қаласындағы Еуразия ұлттық университетінде «Бердібек Сапарбаев тұлғасы: дағдарыс-менеджер феномені» атты республикалық ғылыми-практикалық конференция өтті.Конференция аясында алдымен мемлекет және қоғам қайраткері Бердібек Сапарбаевқа арналған «Өнегелі өмір» &nbsp;сериясымен жарық көрген "Бердібек Сапарбаев" және «Ерен де берен Бердібек» кітаптарының тұсаукесері өтті. Онда Қазақстан Республикасы Президентінің кеңесшісі Бауыржан Омаров сөз сөйледі. Жинақтарда қайраткердің өмірі мен қызметінің негізгі кезеңдері, шынайы адами болмысы, тарихи суреттер мен қанаттас, замандас тұлғалардың естеліктері топтастырылған.&nbsp; Конференцияны ҚР Премьер-министрінің орынбасары Тамара Дүйсенова жүргізді. Іс-шараға Бердібек Машбекұлымен бірге қызмет жасаған Президент Әкімшілігінің, Парламенттің, Үкіметтің мүшелері, Еңбек және халықты әлеуметтік қорғау министрлігінің қызметкерлері және осы саланың ардагерлері, Кеден комитеті өкілдері, Қызылорда, Түркістан, Абай, Шығыс Қазақстан, Ақтөбе және Жамбыл облыстарынан, Шымкент қаласынан қонақтар келді. Сонымен қатар ғалымдар, мәдениет өкілдері, мемлекет қайраткерлері және жастар қатысты.Конференцияның алғы сөзінде ҚР Парламенті Мәжілісінің Төрағасы Ерлан Қошанов Мемлекет басшысы Қасым-Жомарт Тоқаевтың құттықтауын оқып берді.<blockquote>«Бердібек Машбекұлы – Тәуелсіз Қазақстанның қалыптасуына және дамуына өлшеусіз үлес қосқан көрнекті мемлекет және қоғам қайраткері. Ол әр жылдары жоғары лауазымды қызметтерді абыроймен атқарып, еліміздің өсіп-өркендеуіне зор еңбек сіңірді. Бірқатар өңірлерге және мемлекеттік органдарға жетекшілік етіп, парасатты, іскер әрі білікті басшы ретінде танылды. Халықтың ерекше сый-құрметіне бөленді. Ел игілігі үшін аянбай еңбек еткен азаматтардың есімін ұлықтау арқылы өскелең ұрпақты отаншылдық рухта тәрбиелейміз. Қайраткер тұлғаның адами қасиеттері, кәсіби біліктілігі мен адал қызметі жас мемлекеттік қызметшілерге әрдайым үлгі-өнеге», – делінген құттықтауда.</blockquote>Мәжіліс Төрағасы Бердібек Сапарбаевтың қайраткерлік, тұлғалық және адами болмысы туралы естеліктер айтты.<blockquote>«Ол кісінің мәнді де мағыналы ғұмыры бейнелеп айтқанда «аттың жалында, түйенің қомында» өтті деуге болады. Еліміздегі ең қиын салаларға жетекшілік жасады. Бес бірдей облысқа әкім болған Қазақстандағы жалғыз тұлға. Бердібек Машбекұлы сол өңірлерге барлық мәселе күйіп тұрған кезде басшылық етті. Қазір осы 5 облыс дербес 7 облысқа айналды. Ол нағыз кризис-менеджер болды деп айта аламыз. Бердібек Машбекұлы барғаннан кейін сол аймақтардың әлеуметтік-экономикалық жағдайы айтарлықтай оңала бастайтынын бәріңіз білесіздер», – деді Е.Қошанов.</blockquote>Конференцияда ҚР Парламенті Сенаты Төрағасының орынбасары Жақып Асанов, мемлекет және қоғам қайраткері, саяси ғылымдар докторы Қырымбек Көшербаев, Қазақстанның Еңбек Ері Құралай Бәйменова, Қазақстанның Халық әртісі Досхан Жолжақсынов, ҚР Президентінің ғылым және инновациялар жөніндегі кеңесшісі Күнсұлу Закарья және бірқатар белгілі тұлғалар сөз сөйледі.<img src="https://knadmin.beoblood.kz/uploads/FB_IMG_1708188440350_7faacfb525.jpg" alt="FB_IMG_1708188440350.jpg"><img src="https://knadmin.beoblood.kz/uploads/FB_IMG_1708188453840_a9e02c86d8.jpg" alt="FB_IMG_1708188453840.jpg"><img src="https://knadmin.beoblood.kz/uploads/FB_IMG_1708188446601_b2015cb5a5.jpg" alt="FB_IMG_1708188446601.jpg"><img src="https://knadmin.beoblood.kz/uploads/FB_IMG_1708188469739_6536a5ee44.jpg" alt="FB_IMG_1708188469739.jpg">

Астанада «Бердібек Сапарбаев тұлғасы: дағдарыс-менеджер феномені» атты республикалық ғылыми-практикалық конференция өтті

<a href="https://kyzylorda-news.kz/">Kyzylorda-news.kz</a>. Директордың қызметі бала тағдырынан артық емес деп Қызылорда облысының білім басшысы Асқарбек Есжанов мәлімдеді.<blockquote>ҚР Білім туралы заңында білім беру ұйым басшыларының жауапкершігі нақты бекітілген. Мектеп басшысы мекемеге жауапты бірінші тұлға ретінде орынбасарлардың жұмысын үйлестіруге, сапалы біліммен қамтамасыз етуге, қолайлы әрі қауіпсіз орта қалыптастыруға, оқушы қауіпсіздігіне, олардың бас амандығына түрлі кедергілерге ұшырамауы үшін қажетті шараларды дер кезінде қабылдауға, ата-анамен байланыс орнату, педагогтардың кәсіби дамуына жағдай жасауға, педагогикалық әдеп нормаларын қатаң сақтауға міндетті. Заң бойынша жұмыс істемеген басшыларға қатысты шешімдер шығарамыз. Қазір де бастадық. Бізге 100 немесе 500 оқушының тағдырынан бір директордың қызметі артық емес, - деді Асқарбек Есжанов.</blockquote>

Асқарбек Есжанов: Директордың қызметі 500 оқушының тағдырынан артық емес

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a>.&nbsp; Елордада "Бердібек Сапарбаев тұлғасы: дағдарыс-менеджер феномені" республикалық ғылыми-практикалық конференциясы өтіп жатыр, деп хабарлайды <a href="https://baq.kz/toqaev-berdibek-saparbaev-qazaqstannyn-damuyna-olsheusiz-ules-qosqan-memleket-qayratkeri-323931/">BAQ.KZ</a>.</h4><h4 style="margin-left:0px;text-align:justify;">Мемлекет басшысы Қасым-Жомарт Тоқаев конференцияға қатысушыларға үндеу хат жолдады. Оны Мәжіліс төрағасы Ерлан Қошанов оқып берді.</h4><blockquote>Қазірді қауым! Сіздерді Бердібек Сапарбаевты еске алуға арналған республикалық ғылыми-практикалық конференциясының ашылуымен құттықтаймын. Бердібек Мәшбекұлы Тәуелсіз Қазақстанның қалыптасуына және дамуына өлшеусіз үлес қосқан көрнекті мемлекет және қоғам қайраткері. Ол әр жылдары жоғары лауазымды қызметтерді абыроймен атқарып, еліміздің өсіп-өркендеуіне зор еңбек сіңірді, - делінген Президенттің хатында.</blockquote>Тоқаев атап өткендей, Сапарбаев бірқатар өңірге және мемлеттік органдарға жетекшілік етіп, парасатты, іскер әрі білікті басшы ретінде танылып, халықтың ерекше сый-құрметіне бөленді.<blockquote>Ел игілігі үшін аянбай еңбек еткен азаматтардың есімін ұлықтау арқылы өскелең ұрпақты отаншылдық рухта тәрбиелейміз. Қайраткер тұлғаның адами қасиеттері, кәсіби біліктілігі мен адал қызметі жас мемлекеттік қызметшілерге әрдайым үлгі-өнеге, - деп Мемлекет басшысының хатын Қошанов оқып берді.</blockquote>Президент конференция жұмысына сәттілік тіледі.

Бердібек Сапарбаев - Қазақстанның дамуына өлшеусіз үлес қосқан мемлекет қайраткері

<a href="https://kyzylorda-news.kz/">Kyzylorda-news.kz</a>. Елімізге Қызылорда облысының педагог-шеберлерінің үлесі өте төмен деп хабарлайды Kyzylorda news ақпарат агенттігі Қызылорда облысы білім басқармасының басшысы Асқарбек Есжановтың ақпаратына сілтеме жасап.<blockquote>Мәселен, Жамбыл облысында 430 педагог-шебер болса, Шымкент қаласында 208 педагог-шебер бар. Ал, Қызылорда облысында бар болғаны 30 педагог-шебер ғана бар. Оның ішінде, Сырдария ауданында бірде-бір шебер болмаса, Қазалы, Қармақшы, Жалағаш, Шиелі аудандарында 1 ғана шебер бар. Ұстаздарымыздың белгілі бір деңгейге дейін ізденіп, оны қанағат тұтып, әрі қарай кәсіби дамуды мақсат етіп қоймауы ақтап алуға жатпайды деп есептеймін. 1-8 сағат аралық жүктемемен 1314 педагог қызмет етіп жүр. Алдағы уақытта педагогтардың жүктемесін толықтыру бағытында жұмыстар жүргізіледі. Шиелі ауданынан бастап, педагогтарға қатысты толық мониторинг жұмыстарын бастадық. Басқа да өңірлерге барып ұстаздардың сағаты бойынша талдау жасалады. Яғни квалификация бойынша кім қанша, қалай мұғалім болып жүргенін анықтаймыз, - деді облыстың бас мұғалімі Асқарбек Есжанов.</blockquote>Естеріңізге сала кетейік, Асқарбек Темірбекұлы <a href="https://kyzylorda-news.kz/bilim/mektep-rejtingi-khyzylordada-81-mektep-zhyl-bojy-ong-naetizhe-koersetpegen-16-02-2024">Қызылордада 81 мектеп жыл бойы оң нәтиже көрсетпегенін хабарлады.</a>Фото: Нұрболат Нұржаубай &nbsp;

Қызылорда облысында педагог-шеберлердің үлесі өте төмен

<a href="https://kyzylorda-news.kz/">Kyzylorda-news.kz</a>.&nbsp; Қызылорда қаласындағы NIS-те Қамқоршылық кеңес отырысы өтті. Білім ордасының алқалы басқару органы мүшелері мектеп ішін аралап, ғылыми жобалар көрмесінде оқушылардың бірегей IT өнертабыстарын, мобильді қосымша мен тілді меңгеруге арналған үстел ойының және туризмді дамытуға арналған жаңа шешімдерін тамашалады. Сарапшылар жас өрендердің жұмыстарын жоғары бағалап, одан әрі табысты ету үшін бизнес жоспар құру қажеттілігін атап өтті.Дөңгелек үстел басында кеңес мүшелері мектеп директоры Жаңбыржан Бекболатовтың есебін тыңдады. Ол өткен жылда атқарылған жұмыстардың қорытындысына тоқталып, түлектердің жоғары оқу орындарына түсу көрсеткіштерін баяндады. Сондай-ақ, сәуір айына жоспарланған халықаралық мектептер Кеңесінің мектепті аккредиттеу науқаны бойынша ақпарат беріп, оқыту жүйесі мен ғылыми қызметті жетілдіруге арналған жаңа жобаларымен бөлісті. Қатысушылар мектептің даму перспективалары туралы сөз қозғап, Қамқоршылық кеңестің алдағы жұмыс жоспарын бекітті.<img src="https://knadmin.beoblood.kz/uploads/424735611_3558930787770163_349822950121008141_n_c266286542.jpg" alt="424735611_3558930787770163_349822950121008141_n.jpg"><img src="https://knadmin.beoblood.kz/uploads/424933011_3558931174436791_9108546710386269994_n_9417235bbe.jpg" alt="424933011_3558931174436791_9108546710386269994_n.jpg">

Қамқоршылық кеңес оқушылардың ғылыми жобаларына қолдау көрсетуге дайын

<h4 style="margin-left:0px;"><a href="https://kyzylorda-news.kz/">Kyzylorda-news.kz</a>.&nbsp; "Қазгидромет" РМК синоптиктері Қазақстан аумағы бойынша 2024 жылғы наурыз-мамыр айларына көктемге арналған маусымдық ауа райы болжамын жариялады, деп хабарлайды <a href="https://baq.kz/sinoptikter-aldagy-koktem-qanday-bolatynyn-bolzhady-323967/">BAQ.KZ</a>.</h4>Наурыз - көктемнің бірінші айы. Елдің солтүстік өңірінде Наурызда бірден күн жылынып кетпейді, кей күндері күн райы суытып, қар жауып, бұрқасын болсын, көктайғақ болып, тұман басады. Бұл күндері температура фоны төмен, түнде 15-25 градус аяз болады деп болжанып отыр.Елдің солтүстік, орталық және шығысында бірінші онкүндікте ауа температурасының күндіз 2-7°С жылыға дейін жоғарылауы болжанады, ал көктемдегідей жылы ауа райы айдың үшінші онкүндігінде қуантады, күндіз &nbsp;5-15°С жылы болады.Ал Қазақстанның оңтүстік, оңтүстік-батыс оңірлерінде наурыз айы – нағыз көктем айы, бірақ жауын-шашын (жаңбыр, жылбысқы қар) жиі жауады. Ауа температурасының түнде 0,-10°С-тан +3+8°С-қа дейін, күндіз 0,+10°С-тан +10+18°С-қа дейін ауытқуы күтіледі.Наурызда бір айдағы орташа ауа температурасы Қазақстан аумағының басым бөлігінде нормаға жуық, елдің оңтүстік-шығыс бөлігінде нормадан 1° жоғары болады деп күтілуде. Наурыз айында жауын-шашын мөлшері республиканың басым бөлігінде - нормадан көп, Қазақстанның оңтүстік-батыс, солтүстік-батыс бөлігінде норма шамасында болжанады.Сәуір және мамыр айларында республиканың басым бөлігінде ауа температурасы нормадан 1° жоғары болады деп күтілуде, тек мамырда елдің солтүстік-батыс жартысында температуралық фон нормаға жуық болады деп болжануда.Сәуір айында республиканың басым бөлігінде жауын-шашын климаттық нормаға жуық күтіледі, елдің солтүстік-батысында нормадан аз, елдің оңтүстік, оңтүстік – шығыс, шығысының таулы аймақтарда нормадан көп болады. Мамыр айында республиканың басым бөлігінде жауын-шашын мөлшері норма шамасында болады деп болжануда.Маусымдық ауа райы болжамы жылына алты рет шығарылады: 1 болжам жылы жартыжылдыққа, 1 болжам суық жартыжылдыққа, олар Қазақстан Республикасының 17 облысы бойынша қыс, көктем, жаз және күз мезгілдеріне арналған 4 тоқсандық болжаммен нақтыланады:<ul><li>15 ақпанда көктемге арналған (наурыз-мамыр);</li><li>15 наурызда (сәуір-қазан) жылы кезеңге арналған;</li><li>15 мамырда (маусым-тамыз) жазға арналған;</li><li>15 тамызда күзге арналған (қыркүйек-қараша);</li><li>15 қазанда (қараша-наурыз ) суық кезеңге арналған;</li><li>15 қарашада (желтоқсан-ақпан) қысқа арналған.</li></ul>Маусымдық ауа райы болжамы ауа температурасы мен жауын-шашын бойынша орташа алынған метеорологиялық көрсеткіштердің, қарастырылып отырған маусымдағы климаттық нормадан ауытқу (аномалия) ретінде көрсетілген сипаттамасы; оны консультативті ретінде пайдаланылуы тиіс, ол қысқа мерзімдерге (тоқсандық маусымдық болжам, ай, онкүндік, апта және күн) болжамдармен нақтыланады.Фото: Нұрболат Нұржаубай

Синоптиктер алдағы көктем қандай болатынын болжады

<a href="https://kyzylorda-news.kz/">Kyzylorda-news.kz</a>. Өткен жылдың қорытындысымен облыстық білім басқармасы тарапынан жалпы білім беретін орта мектептердің рейтингі шығарылған. Бұл туралы облыстық білім басқармасының басшысы Асқарбек Есжанов мәлімдеді.<blockquote>«Білім ұйымдарының рейтингін шығару барысында білім беру сапасы, ҰБТ-ның қорытындысы, оқушылардың олимпиада мен ғылыми жоба, спорттық сайыстарда жеткен жетістіктері, балалардың жасөспірімдер арасындағы құқық бұзушылықтардың, қылмыстың тіркелуі, педагогтардың кәсіби білімін байқайтын байқаулардағы жетістіктері назарға алынды. Қорытындысымен облыс көлемінде санаулы мектептердің жұмысы жолға қойылған. Басым бөлігінде жүйелі жұмыс жоқ екенін көрсетті. Рейтинг нәтижесінде 81 мектепте соңғы үш жыл көлемінде оқушыларының да мұғалімдерінің де облыс деңгейінде бірде-бір нәтиже көрсетпегені анықталды. Оның ішінде 7 мектепте оң нәтиже көрсетпегенімен қоймай теріс бағыттағы жағдайлар орын алған», - деді Асқарбек Темірбекұлы.&nbsp;</blockquote>Басқарма басшысының айтуынша жалпы орта білім беретін мектептердің 58-і лицей, гимназиялар. Оның ішінде рейтингтегі орта деңгейлі 29, төмен дейгейде 4 лицей-гимназия бар. Мемлекет тарапынан барлық білім беру ұйымдарына теңдей мүмкіндіктің жасалып жатқанын ескерсек нәтиже көрсетпеген мектеп басшыларының қызметіне бағалау жұмыстары жүргізілуде.&nbsp;Фото: Нұрболат Нұржаубай &nbsp;

Мектеп рейтингі: Қызылордада 81 мектеп жыл бойы оң нәтиже көрсетпеген 

<a href="https://kyzylorda-news.kz/">Kyzylorda-news.kz</a>.&nbsp; Бүгіннен бастап облыс бойынша күн күрт салқындады. Ауа температурасы түнде -20-25, облыстың оңтүстігінде -15, күндіз -5-10, облыстың оңтүстігінде -2 аяз шамасында.&nbsp;15-20 ақпан күндері солтүстіктен соққан желдің екпіні 23-28 м/с күтіледі. Мамандар айтуы бойынша үшінші онкүндіктің ортасы мен аяғында ауа температурасы түнде -8-13, облыстың оңтүстігінде -5 аязға дейін, күндіз -5+5 аралығына дейін жоғарылайды. Ақпан айының екінші жартысында жауын-шашынның түсуі өте аз мөлшерде болады.Фото: pexels

Аязды ауа райы ай соңына дейін сақталады

<a href="https://kyzylorda-news.kz/">Kyzylorda-news.kz</a>. Қызылорда көлік прокуратурасы «Инфракос» шаруашылық жүргізу құқығындағы республикалық мемлекеттік кәсіпорнының мемлекеттік сатып алу кезінде бөлінген мемлекеттік қаражатқа немқұрайлы қарағанын анықтады деп хабарлайды &nbsp;KAZINFORM&nbsp;«KazakhinTrade» ЖШС РМК-дан монтаждалған жерүсті кабель желісін бөлшектеу кезінде пайда болатын кабель өнімінің қалдығы&nbsp;— қорғасын қабығын сатып алған.Алайда сатып алушы сатушының шотына шарт бойынша белгіленген мерзімде толық төлем жасамаған.&nbsp;Ал&nbsp;РМК өз тарапынан заңмен көзделген тәртіппен төленбеген қаражатты өндіруге бағытталған шараларды қабылдамаған. Осымен шектелмей жосықсыз сатып алушымен қосымша шартқа отырып, оған құқыққа қайшы артықшылық білдірген.Аталған келісімшарт прокуратурамен уәкілетті мемлекеттік органға қадағалау актісі енгізілгеннен кейін біржақты бұзылды.Сот шешімімен «KazakhinTrade» ЖШС-нен 80&nbsp;млн теңгеге жуық өсімпұл сомасы толығымен өндірілді.РМК басшысы жеке және заңды тұлғаларға шешім дайындау және қабылдау кезінде заңда көзделмеген артықшылық көрсеткені үшін «қызметіне толық сәйкес еместігі туралы ескерту» түріндегі тәртіптік жауапқа тартылды (мемлекеттік қызметке кір келтiретін тәртіптік теріс қылық үшін), 7 қызметкерке «сөгіс» жарияланды.Фото: Нұрболат Нұржаубай

Қызылордада кәсіпорынның немқұрайлығынан мердігер 80 млн теңгені иемденіп кеткен

<a href="https://kyzylorda-news.kz/">Kyzylorda-news.kz</a>. &nbsp;Қызылорда облысының көгілдір отын бармаған ауыл-аумақтарында әлі от жағып, күл шығарады. Тұрғындар бірақ оған емес, көмір орнына құм жағып отырғанына қынжылады, - деп хабарлайды <a href="https://massaget.kz/basty-zhaalytar-438/101122/?fbclid=IwAR2JcI-9aS7qd3v2c_bcYM11hfPkWyh3d_kHjAC8j87KgmwP7lYSn2Xu-cw">Massaget.kz.</a>Дәулет Тұрсынханұлы Сырдария ауданының Қоғалыкөл ауылында тұрады. Көпбалалы жас отбасының қожайыны қып-қызыл ақшаға келген көмірдің қызуы төмен, үйді дұрыс жылытпайтынын жеткізді. Бір қыстан тоңбай шығу үшін кемінде 250 мың теңге жұмсайды. Алайда соның жартысы құр шығын.<blockquote>"Бұрын бір жылға 6-7 тонна жететін. Енді 10 тонна аламыз. Таразыдан бір жейді. Жанбайтын көмірді араластырып, тағы салады. 10 тоннаның 4 тоннасы құм, топырақ араласқан, күнге әбден күйіп, жылуы кеткен жанбайтын көмір болып шығады", - деді кейіпкеріміз.</blockquote>Бұл пікірді оның ауылдасы Насреддин Рзаев қуаттай түсті.<blockquote>"12 қыркүйекте түсірген 7,5 тонна көмірдің 2,5-3 тоннасы қалды. Сол күйі құм. Өткен жылы да осылай болды. Топырақ, құммен араластырып береді. Былтыр елеп, құмынан бөліп алып пайдаландық. Тағы сол жағдай қайталанып отыр. Ескертуіміздің кемі жоқ, бірақ оны ешкім пысқырмайды. Бұған бір шара қолданбаса болмайды", - деді Насреддин Рзаев.</blockquote>Ал "қара алтынның" астында қалған құмды тұрғындар үйінің алдына төсеуге мәжбүр. Жалағаш ауданы Мырзабай ахун ауылының тұрғыны Нұрбек Қарлыханов та көмірдің сапасы бағасына сай емес екеніне қынжылыс білдірді.<blockquote>"Көмірдің өзіне, оны жеткізіп берген көлік иесіне беретінің бар, қалтаға кәдімгідей ауыр. 2 тонна көмірдің жартысы қиыршық құм, сөзіме сенбесе, көрсете аламын. Таразыдан жеген өз алдына, ақысына сай көмір жағуымыз керек. Бірақ чек бермегесін дәлелдей алмайсың. "Басынан солай келіп жатыр" деп құтылады", - деді жалағаштық азамат.</blockquote>Дәулет Тұрсынханұлы көмір қоймалары бір-бірімен байланысты, одан халыққа нашары кетеді, тәуір жерін алыпсатарлар алады деп есептейді.Ауыл тұрмақ, Қызылорда қаласының іргесіндегі "Сабалақ" саяжайына да табиғи газ әлі жеткен жоқ. Саяжай тұрғыны Әйгерім Бақытқызы жылу маусымы басталғаннан от жағу үлкен мəселеге айналатынын айтты.<blockquote>"Жалақыға немесе несиеге қоймадан тонналап көмір аламыз. Бірақ сапасы жылдан-жылға нашарлап барады. Ірі көмір аз, құм болып кеткенін сатады. Не жылуы жоқ, пешке салғанда астынан түсіп, рəсуə болады. Бірнеше рет əлеуметтік желіге шығардым. Бірақ билік өкілдерінің де, жеке кəсіпкердің де мұрты қисаймады", - деді кейіпкеріміз.</blockquote>Қызылордадағы көмір таратушы "Khass com" ЖШС-нің қойма меңгерушісі Рустам Хасанов көпті толғандырған мәселеге байланысты әлеуметтік желіде былай жауап берді:<blockquote>"Жаңадан келген Шұбаркөл көмірін өткен жазда әкелінгенімен араластырып сатамыз. Онда тұрған ештеңе жоқ. Екеуінің сапасы бірдей. "Таразыдан жейді" деген бос әңгіме. Өйткені электронды таразыдан олай істеу мүмкін емес".</blockquote>Көмір құны өткен жылы 18 мың теңге болған. Оның 19 500 теңгеге көтерілуіне жол тарифінің, тауардың өзіндік құнының өсуі әсер еткен.Фото: freepik.соm

Таразыдан жейді: Қызылордалықтар көмірдің сапасын сынады  

<h4 style="margin-left:0px;"><a href="https://kyzylorda-news.kz/">Kyzylorda-news.kz</a>. Елордада «Бердібек Сапарбаев тұлғасы: дағдарыс-менеджер феномені» республикалық ғылыми-практикалық конференциясы өтіп жатыр. Жиында Мәжіліс төрағасы Ерлан Қошанов қоғам қайраткерінің қандай азамат болғанын еске алды, деп хабарлайды <a href="https://baq.kz/krizis-menedzher-boldy-qoshanov-berdibek-saparbaev-zhayly-erekshe-estelik-aytty-323934/">BAQ.KZ</a>.</h4>&nbsp;<blockquote>Бердібек Мәшбекұлын бүкіл халық болып соңғы сапарға қимастықпен шығарып салғанымыз күні кеше ғана сияқты еді. Бүгін біртуар тұлғаның “екінші өмірі” басталғанына куә болып отырмыз, - деді спикер.</blockquote>Туған халқына, ұлтына риясыз қызмет ету, қызмет ете жүріп, тұтас елдің шынайы алғысын алып, құрметіне бөлену екінің бірінің тағдыр-талайына бұйыра бермейтін бақыт. Ондай тұлғалардың есімі мемлекеттің, ұлттың тарихында ұмытылмастай алтын әріптермен жазылып қалады. Халық жадында өшпейтін із қалдырған сондай тұлғалардың бірі - Бердібек Мәшбекұлы Сапарбаев.<blockquote>Ол кісінің мәнді де, мағыналы ғұмыры бейнелеп айтқанда “аттың жалында, түйенің қомында” өтті деп айтуға болады. Еліміздегі ең қиын салаларға жетекшілік жасады. Бес бірдей облысқа әкім болған Қазақстандағы жалғыз тұлға және өңірдің барлығы да мәселесі күйіп тұрған кезде Бердібек Мәшбекұлы сол өңірлерге басшылық жасады. Қазір осы 5 облыс дербес 7 облысқа айналды. Ол нағыз кризис-менеджер болды деп айта аламыз. Бердібек Мәшбекұлы барғаннан кейін сол аймақтардың әлеуметтік-экономикалық жағдайы айтарлықтай оңала бастайтынын бәріңіз білесіздер, - деді Қошанов.</blockquote>Мәжіліс төрағасы Сапарбаеатың 1990 жылдардың басында ең күрделі кезеңде Қызылорда облысын басқарған кезін еске түсірді. Сөзінше, еңсесі түскен, экономикасы құлдыраған өңірді аз уақытта аяққа тұрғызды.<blockquote>Оңтүстік Қазақстан облысында да іргелі істерімен ел есінде қалды. Ол жақта тұтас өңір жарықсыз, сусыз отыратын. Елдің бәрі далада ошақ құрып, қазан асып кеткен қиын кезеңдер болды. Осы күрделі мәселені шешу үшін Бердібек Мәшбекұлы орталықтағы құзырлы органдармен тартысуға дейін барды. Және сол проблемалардың бәрін шешті де. Ақсақалдардың басын біріктіріп, кәсіпкерлерді жұмылдырып, асарлатып, бірнеше мектеп салдырды, - деп еске алды Қошанов.</blockquote>Ол Бердібек Сапарбаевтың іскерлігі, ұйымдастырушылығы Әлеуметтік министр болғанында айрықша көрінгенін атап өтті. Сапарбаев көмекке мұқтаж жандарға қамқорлық танытқан нағыз атына заты сай әлеуметтік министр болды.Ерлан Қошанов өзі куә болған жайтты есіне алды.<blockquote>Қателеспесем осыдан 10-15 жыл бұрын Бердібек Мәшбекұлымен бір делегация құрамында Алматыға іссапармен бардық. Сол кезде екеуіміз бір көлікте келе жаттық. Бір уақытта Бекең “мына жерге бұрыла кетейік” деп көлікті бұрғызып, бір кішкентай дүңгіршектің қасына барып тоқтадық. Барсақ, дүңгіршектің жанында бір қария мен кемпірі тұр екен. Бердібек Мәшбекұлы олармен біраз әңгімелескеннен кейін әрі қарай кеттік. Сосын мен туысымен амандасқан болар деп, “бұл туысыңыз ба?” деп сұрадым. Сөйтсек, жаңағы ақсақал Астанаға келу үшін жеке шаруасымен Бердібек Мәшбекұлына сұранып жүр екен. “Мен ол кісі Астанаға әуре болып келмей, ақыры келгеннен кейін жолдан бұрылып, жарты сағат уақытымды бөлдім” деп ақсақалды салбыртпайын деп әдейі кездескен екен. Сол кезде шыны керек таңғалдым. Сол кездегі жас азамат үшін бұл өмірлік тағылым болды, - деп Қошанов мақтанышпен еске алды.</blockquote>

Қазақстан және Қызылорда облысының жаңалықтары