<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1925 адамнан коронавирус инфекциясы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 196,
Алматы қаласы – 426,
Шымкент қаласы – 125,
Ақмола облысы – 49,
Ақтөбе облысы – 90,
Алматы облысы – 181,
Атырау облысы – 55,
Шығыс Қазақстан облысы – 93,
Жамбыл облысы – 58,
Батыс Қазақстан облысы – 54,
Қарағанды облысы – 174,
Қостанай облысы – 104,
Қызылорда облысы – 47,
Маңғыстау облысы – 15,
Павлодар облысы – 144,
Солтүстік Қазақстан облысы – 77,
Түркістан облысы – 37.
Жалпы ел бойынша ауырғандар саны 882634.

Қызылордада 47 адам вирус жұқтырды

*<a href="https://kyzylorda-news.kz/ru/obshestvo/">Kyzylorda-news.kz</a>. 29 қыркүйекте республиканың басым бөлігінде фронталды бөліктердің әсерінен жауын-шашын болады. Еліміздің орталығында және оңтүстік-батысында жаңбыр жауып, найзағай күтіледі. Республиканың тек батысына ғана солтүстік антициклон әсерін тигізеді, осыған байланысты жауын-шашынсыз ауа райы болжанады.*
Барлық өңірде жел күшейеді, оңтүстікте шаңды дауыл тұрады, солтүстікте және шығыста тұман, солтүстікте көктайғақ, оңтүстікте найзағай болады, деп хабарлайды «Қазгидромет» РМК.
Қызылорда облысының солтүстік-батысында найзағай күтіледі, орталығында 15-20 м/с екпінде жел соғады.

Сәрсенбіге арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>. Биыл Тәуелсіздікпен қатар Семей полигонының жабылғанына да 30 жыл. Мерейлі мерекелердің құрметіне тарту ретінде Арал аудандық «Невада-Семей» қоғамдық ұйымының мүшесі, ардагер Өтебалиев Серік Сәдуақасұлының бастамасымен, «Арал-Қызылорда» бағытында веложорық ұйымдастырып, бүгін салтанатты мәресіне жетті.
Аралдықтардың зор құрметімен өткен аптада бастау алған веложорық облыс орталығы Қызылорда қаласына дейінгі аралықты велосипедпен сәтті бағындырып өтті.
Еліміздің 30 жылдық мерейтойына барша аралдықтардың атынан тарту жасауды мақсат еткен Серік Сәдуақасұлы веложорық барысында көршілес Қазалы, Қармақшы, Жалағаш және Сырдария аудандарына арнайы ат басын бұрып, аудан орталықтарындағы тағзым алаңдарына гүл шоқтарын қойып, тағзым етті. Сапарын облыс орталығында сәтті аяқтаған шабандоз ақсақалға облыс әкімінің, «Nur Otan» партиясының алғыс хаттары мен облыстық дене шынықтыру және спорт басқармасының арнайы сыйлығы мен Семей полигонының жабылуына 30 жыл мерекелік медалі табысталды.
Атап өту қажет, 70 жастан асқан ақсақал бұған дейін еліміздің Тәуелсіздігі мен Семей ядролық сынақ полигонының жабылғанына 25 жыл толуына орай Арал-Қызылорда бағытында жаяу жүріспен 500 шақырым қашықтықты бағындырса, алғашқы ядролық жарылысқа 70 жыл толуына орай «Қазақ жерінде енді қайтіп ядролық сынақ болмасын!» деген ұранмен 21 шақырым қашықтықты жүгіріп өткен болатын.
Жарты ғасырға жуық сынақ алаңына айналған аймақта Отан алдындағы борышын абыроймен атқарған Қызылорда облысы бойынша мыңға жуық ардагерлер бар. Олардың қазіргі таңда, түрлі салаларда қызмет атқарып, өңіріміздің өркендеуіне сүбелі үлес қосып, жастарымызға патриоттық тәрбие беруде оң ықпалдарын тигізіп жүргеніне бүгінгі мағынасы зор, берері мол шара куә.
<img src="https://kyzylorda-news.kz/wp-content/uploads/2021/09/1-14-scaled.jpg" alt="" />
<img src="https://kyzylorda-news.kz/wp-content/uploads/2021/09/5-13-scaled.jpg" alt="" />
<img src="https://kyzylorda-news.kz/wp-content/uploads/2021/09/2-19.jpg" alt="" />

Тәуелсіздікке тарту: Марафоншы веложорықты сәтті аяқтады

*<a href="https://kyzylorda-news.kz/ru/obshestvo/">Kyzylorda-news.kz</a>. Еңбек және халықты әлеуметтік қорғау вице-министрі Ерлан Әукенов жаңа жәрдемақылардың көлемін жариялады. Ол келесі айдан бастап төленеді.*
<blockquote>
 “Біріншіден, I топтағы мүгедектерге қарап жүрген адамдарға да жәрдемақы төленеді. Оның мөлшері 48 мың теңге болады. Осылайша, мүгедектігі бар азаматтар алып жүрген жәрдемақыға қоса, тағы 48 мың теңге алады”, – деді Әукенов орталық коммуникациялар қызметінде өткен онлайн брифингте.
</blockquote>
Бұдан бөлек, I-II топтағы мүгедек балалардың ауруына қарай жәрдемақының көлемі 16-37 процентке көтеріледі.
<blockquote>
 “Осының арқасында I топтар үшін 65 мың теңгеге, ал II топтағы мүгедек балалардың жәрдемақысы 54 мың теңгеге дейін өседі”, – деп атап өтті вице-министр.
</blockquote>
Бұрын мүгедектігі бар балалар ата-анасынан айырылған жағдайда өз жәрдемақысын немесе асыраушысынан айырылу бойынша жәрдемақының біреуін ғана алып отыратын. Ал жаңа заңның аясында екі жәрдемақы да төленеді.
<blockquote>
 “Сонда мүгедек бала 48 мың теңге + 29 мың теңгені алатын болады”, – деді Әукенов.
</blockquote>
Осы өзгерістерді іске асыру үшін бюджеттен 2023 жылдың аяғына дейін 55 миллиард теңге бөлініп отыр.
<blockquote>
 “Келесі айдан бастап мүгедектігі бар адамдар және мүгедек баланы тәрбиелеп отырған отбасылар жаңа жәрдемақыны ала бастайды”, – деді Әукенов.
</blockquote>
Айта кетейік, өткен аптада сенаторлар “Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы” заң жобасын екінші оқылымда мақұлдап, президенттің қол қоюына жіберді.
Sputnik Қазақстан

Жаңа жәрдемақылардың көлемі жарияланды

<a href="https://kyzylorda-news.kz/ru/obshestvo/">Kyzylorda-news.kz</a>. “Абзал және Компания” ТС демеушілігімен Н. Ілиясов ауылында жергілікті күріш мұражайының ресми ашылу салтанаты өтті.
Мұражай қоры Н.Ілиясов ауылынан шыққан еңбек ерлері, күріш атасы – Ыбырай Жақаев , Кеңес Одағының Батыры – Нағи Ілиясов, “Абзал және Компания” ТС өндірісі туралы ақпараттармен және көне экспонаттармен толықты.
Сонымен қатар жоғары дәрежеде өткен ашылу салтанатынан кейін кішкентай бүлдіршіндерге қуыршақ театрының “Күріш ботқасының пайдасы” туралы қойылымы көрсетілді.
Ауыл мұражайының есігі келушілер үшін күнделікті 9:00-17:00 аралығында ашық.
<img src="https://kyzylorda-news.kz/wp-content/uploads/2021/09/242629052_2721100764860030_6253266014645097258_n.jpg" alt="" />
<img src="https://kyzylorda-news.kz/wp-content/uploads/2021/09/242634384_2721100364860070_1167454025951075596_n.jpg" alt="" />
<img src="https://kyzylorda-news.kz/wp-content/uploads/2021/09/242687253_2721100344860072_8819291239071247836_n.jpg" alt="" />
<img src="https://kyzylorda-news.kz/wp-content/uploads/2021/09/242703225_2721100268193413_5553068729511038138_n.jpg" alt="" />

Н. Ілиясов ауылында күріш мұражайы ашылды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Бес жыл бұрын шағын және орта бизнестің ішкі жалпы өнімдегі үлесі 24 пайыз болды. Қазір бұл көрсеткіш 32 пайызға жетті және салада 3,5 миллион отандасымыз жұмыспен қамтылған, деп хабарлайды ҚазАқпарат.
Бұл жайында «Атамекен» ұлттық кәсіпкерлер палатасының бүгін астанада өткен&nbsp;<a href="https://www.inform.kz/kz/memleket-basshysy-atameken-ulttyk-kasipkerler-palatasynyn-viii-s-ezine-katysty_a3842105">VIII съезінде</a>&nbsp;Мемлекет басшысы Қасым-Жомарт Тоқаев айтты.
<blockquote>
 «Бүкіл әлемге тараған эпидемия былтырдан бері еліміздегі кәсіпкерліктің дамуына кедергі келтірді. Қиын сәтте мемлекет бизнес саласына жан-жақты қолдау көрсетті. Әртүрлі мемлекеттік бағдарламалар аясында жалпы құны 6,3 триллион теңге болатын дағдарысқа қарсы шаралардың 3 топтамасы жүзеге асырылды. Бұл ахуалды түзеуге және экономикалық белсенділік пен кәсіпкерлік бастамаларды қайта қалыпқа келтіруге мүмкіндік берді. Жұмыссыздықтың бірден белең алуына және кәсіпорындардың жаппай банкротқа ұшырауына жол бермедік. Биылғы 8 айдың қорытындысы бойынша ел экономикасы 3 пайызға өсті. Мемлекет бизнеске көмек көрсету ісін жалғастыра береді», – деді Президент.
</blockquote>
Мемлекет басшысы 2022 жылы «Қарапайым заттар экономикасы» және Бизнестің жол картасы бағдарламаларының аясында 1 триллионнан кем емес қаржы бөлінгенін жеткізді.

Пандемия кезінде жұмыссыздықтың бірден белең алуына жол бермедік &#8211; Тоқаев

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; «Атамекен» ҰКП Төралқа Төрағасы Тимур Құлыбаевпен онлайн-кездесуде Қызылорда облысы кәсіпкерлер палатасы Өңірлік кеңесінің мүшелері саладағы бірқатар мәселелерді жеткізді.Өңірлік кеңестің төрайымы Гүлзағира Абдраимова кәсіпкерлердің атынан мемлекеттік бағдарламалар аясында берілетін несиелердің пайыздық мөлшерлемесін субсидиялауға қатысты проблеманы көтерді.
Оның айтуынша, «Кредиттер және лизинг бойынша сыйақы мөлшерлемелерін субсидиялау» бағдарламасын толық қаржыландырмау салдарынан кәсіпкерлер мемлекеттік қолдауды өз дәрежесінде ала алмай отыр.Мәселе мынада, бағдарламаға сәйкес кәсіпкер сыйақының бір бөлігін 4-9 пайыз аралығында төлеу көзделген. Алайда мемлекет тарапынан аталмыш бағдарламаға қаржы қажетті көлемде бөлінбей отыр. Салдарынан кәсіпкерлер бастапқы келісім-шартта көрсетілген сыйақы мөлшерлемесін толықтай, яғни 14-19 пайызбен өтеуге мәжбүр.
<blockquote>
 «Қызылорда облысында пайыздық мөлшерлемені субсидиялауға бюджеттен осы жылға 1,2 млрд теңге бөлінді. Қаржы институттары мен кәсіпкерлердің арасында жүргізген сауалнамамыз бойынша, қажеттілігіміз шамамен 3 млрд теңге көлемінде. Өткен жылдың желтоқсанынан бастап бүгінге дейін «Қарапайым заттар экономикасы» бағдарламасы бойынша да субсидиялар төленген жоқ. Бұл жағдай кәсіпкерлер арасында мемлекеттік бағдарламаларға деген сенімсіздік тудырып отыр», – дейді Гүлзағира Абдраимова.
</blockquote>
Қазір несиелеудің толық процесіне бірнеше тарап қатысады екен. Олар қаржы институты, субсидиялаудың ақпараттық жүйесі, жергілікті атқарушы орган және кәсіпкер. Бұл бюрократиялық схемадан зардап шегетін тек кәсіпкер.Кеңес төрайымы бұл мәселені шешу үшін жалпы несиелендіру процесін оңтайландыруды ұсынды. Ол үшін несие беру бағдарламаларын қайта қарап, қаржы институтынан кәсіпкерге жылдық 6 пайызбен тікелей несие беруді ұйымдастыру керек.Нәтижесінде қолданыстағы несиелендіру тетігінен жергілікті атқарушы орган мен субсидиялаудың ақпараттық жүйесінің жұмыстары жойылады. Бұл қадам арқылы мемлекеттік бағдарламалар қолжетімді бола түспек.Сонымен бңрге кездесуде кеңес мүшесі Жанарбек Нұрымбетов тұрмыстық баллондарды әлеуметтік бағадағы сұйытылған мұнай газымен қамтамасыз етуге көмек сұрады.Кәсіпкердің бұл мәселені көтеруіне келесі жылдан бастап сұйытылған мұнай газын өткізу толықтай электрондық сауда алаңына өтетініні себеп болып отыр. Қазір сұйытылған газ кезең-кезеңімен электрондық биржаға шығарылуда. Қыркүйекте оның 60 пайызы электрондық сауда алаңында сатылып жатыр.
<blockquote>
 «Осы өтпелі кезеңде сұйытылған газ бағасының өсуі байқалып отыр. Сұйытылған газдың әлеуметтік бағасы бір тоннаға 43,3 мың теңгені құраса, электрондық биржа арқылы бұл көрсеткіш 138 мың теңгеге дейін жетті. Оның өзінде жергілікті газ желісі ұйымдары Қызылорда облысында орналасқан «Казгермұнайдан» сұйытылған газ ала алмай жатыр. Аймақ тұрғындарының 35 пайызы немесе 288 мың адам табиғи газға қосылмаған ауылдық жерлерде тұрады. Сұйытылған газдың барлық көлемі электрондық биржада көшкенде тұрмыстық баллондардың тапшылығы орын алуы мүмкін. Ал тұрмыстық баллондарды сатуға арналған инфрақұрылмы бар газ желісі ұйымдары бұл қызметтен айналыспай қою қауіпі туындап тұр. Бүгінгі күні мүмкіндігі бар төрт мекеменің екеуі ғана тұрмыстық баллондарды сатып жатыр. Бұл мәселе табиғи газға қосылмаған ауылдық жерлердегі тұрғындарға айтарлықтай қиындық тудырады», – деген кеңес мүшесі Жанарбек Нұрымбетов сұйытылған газды тұрмыстық баллонмен сатуды электрондық биржадан алып тастап, оны әлеуметтік бағамен қамтамасыз етуге көмек көрсетуді сұрады.
</blockquote>
Қызылордалық кәсіпкерлердің мәселелеріне қатысты «Атамекен» ҰКП-ның басқарма мүшелері мүдделі мемлекеттік органдармен бірге шешу жолдарын қарастыратын болды.

Қызылордалық кәсіпкерлерді субсидия мен сұйытылған газ бағасы алаңдатып отыр

*<a href="https://kyzylorda-news.kz/ru/obshestvo/">Kyzylorda-news.kz</a>. Биылғы жылы құтыру ауруына қарсы 26 800 мүйізді ірі қараға және мың бас жылқы мен алты мыңға жуық түйеге екпе салынған. Бүгінде бұл ауру бойынша тіркелген жануарлар жоқ.*
<blockquote>
 “Өткен жылы құтыру ауруының 4 ошағы тіркелген болатын. Ауру ошақтарында тиісті ветеринариялық іс-шаралар жүргізіліп, шектеу алынды. Құтырумен барлық жануарлар мен жабайы жануарлар ауырады. Қазақстанның жағдайында құтырудың ең басты таратушысы-түлкі, ал үй жануарларының ішінде ең жиі шалдығатыны-сиыр. Құтыру ауруы – орталық жүйке жүйесін зақымдап, шашырынды полиэнцефаломиелит арқылы ерекшеленетін, жіті өтетін жұқпалы ауру. Құтырған жануарды емдемейді, тез арада өлтіріп жояды, өйткені оның адамға ауру жұқтыру қаупі зор. Сонымен қатар ауыл шаруашылығы жануарлары құтыру ауруына күдік болса, иелері міндетті түрде жергілікті жердегі ветеринариялық пункт мамандарына хабарлауы керек. Осы жылдың тоғыз айында бұл ауруға қарсы 21 550 бас ит пен 4550 бас мысық алдын ала егілді. Жануарлардың барлық түрі бойынша 43 диагностикалық жұмыстар жүргізілді. Барлығында ауру белгілері анықталған жоқ”, – деді өңірлік коммуникациялар қызметінде өткен брифингте облыстық ветеринария басқармасының басшысы Шахмардан Қойшыбаев.
</blockquote>

Қызылордада құтыру ауруына қарсы сақтық шаралары қалай жүргізіліп жатыр?

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова «Атом саласы қызметкерлерінің күні» кәсіби мерекесіне орай сала мамандарымен кездесіп, үздіктерді марапаттады.
<blockquote>
 «Қазақстанның атом саласы экономиканың негізгі, стратегиялық маңызды және табысты салаларының бірі болып саналады және әлемде алдыңғы қатарда. Бұл, ең алдымен, жоғары білікті жұмысшылардың еңбегі. Өңірімізде 4 уран өндіретін компания және 1 күкірт-қышқыл шығаратын зауыт жұмыс жасауда. Оларда 2 500 аса адам қызмет атқарады. Қарапайым халықтың игілігіне несібе болған уранды игерген атомшылар күнімен құттықтаймын», – деді облыс әкімі Гүлшара Әбдіқалықова.
</blockquote>
Кездесуде «Байкен-U» серіктестіктің Көліктік және шаруашылық қамтамасыз ету қызметінің бастығы Болат Нетбаев, «Қызылқұм» серіктестіктің 5 дәрежелі қазандық операторы Ибрагим Маликов, «РУ-6» серіктестіктің Бас директордың экономика және қаржы жөніндегі орынбасары Олжас Жұмабай, «Семизбай-U» серіктестігінің «Ирколь» филиалы Әкімгершілік шаруашылық қызметі басшысы Мейрамхан Охапов және «СКЗ-U» серіктестіктің Күкірт қышқыл зауыты сынақ зертханасының бастығы Олжас Орынбасаров «Құрмет» грамотасымен марапатталды.
Кездесу соңында сала ардагері Мұхит Искаков аймақ басшысына көрсетілген құрметке алғысын жеткізіп, әріптестерін кәсіби мерекемен құттықтады.
Еске салайық, 2008 жылы 28 қыркүйекте Елбасы Нұрсұлтан Әбішұлы Назарбаевтың Жарлығымен «Атом өнеркәсібі қызметкерлерінің күні» кәсіби мерекесі болып бекітілді. 
Қазақстан уран өндіру көлемі бойынша әлемдік көшбасшы болса, өндірілген уранның барлық көлемінің 20%-дан астамы біздің өңірдің үлесінде.
Табиғи уранды өңдейтін жалғыз кәсіпорын – «Байкен-Ю» серіктестігі. Ал, «СКЗ-Ю» компаниясының зауыты жыл сайын 500 мың тонна күкірт қышқылын өндіруде.
<img src="https://kyzylorda-news.kz/wp-content/uploads/2021/09/243066016_3750566231713085_3286617673913320776_n.jpg" alt="" />

Гүлшара Әбдіқалықова атом саласы қызметкерлерімен кездесті

<a href="https://kyzylorda-news.kz/ru/obshestvo/">Kyzylorda-news.kz</a>. Мүгедек балаларды тәрбиелеп отырған ата-ананың біреуіне шипайжаға тегін жолдама беріледі. Бұл туралы еңбек және халықты әлеуметтік қорғау вице-министрі Ерлан Әукенов мәлімдеді, деп хабарлайды.
<blockquote>
 “Қазіргі кезде үкіметтің қарауында мүгедектігі бар адамдарға қатысты тағы бір маңызды заң жобасы жатыр. Құжат сенаттың бастамасымен әзірленді. Негізгі мақсат – мүгедек жандардың өмір сүру сапасын жақсарту. Заң жобасы аясында заңнамалық актіге 38 өзгеріс енгізу жоспарланып отыр”, – деді Әукенов орталық коммуникациялар қызметінде өткен онлайн брифингте.
</blockquote>
Оның айтуынша, заңнан “мүгедек” деген термин алынып тасталады. Себебі бұл сөздің кемсітушілік сипаты басым. Ал ондай отбасыларға “мүгедектігі бар баланы тәрбиелейтін отбасы” деген мәртебе ресми түрде беріледі.
<blockquote>
 “Сосын мүгедек балаларды тәрбиелеп отырған ата-ананың біреуіне немесе асыраушысына шипажайға тегін жолдама беруге қатысты ұсыныс бар. Бүгінде ондай шара заңмен реттелмеген”, – деп атап өтті вице-министр.
</blockquote>
Бұдан бөлек, мүгедектігі бар азаматтарды жұмысқа алу квотасын орындамайтын кәсіпорындар өтемақы төлейді.
Айта кетері, мүгедектігі бар азаматтарға қатысты заң президенттің қол қоюына жіберілді. Оған сәйкес, жаңа жәрдемақы енгізіледі. Атап айтқанда, мүгедектігі бар адамдарға қарайтын азаматтар да жәрдемақы алады. Сондай-ақ I-II топтағы мүгедек балалардың ауруына қарай жәрдемақының көлемі 16-37 процентке көтеріледі.
Сосын бұрын мүгедектігі бар балалар ана-анасынан айырылған жағдайда өз жәрдемақысын немесе асыраушысынан айырылу бойынша жәрдемақыны, яғни екеуінің біреуін ғана алып отыратын. Ал жаңа заң бойынша екі жәрдемақы да беріледі.
<a href="https://sputnik.kz/">Sputnik Қазақстан</a>

Мүгедек балаларды тәрбиелеп отырған ата-аналарға шипайжаға тегін жолдама беріледі

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін қала әкімінің орынбасары Елмұрат Рахматуллаевтың басшылығымен бірқатар сала басшыларының қатысуымен жиналыс өтті. Басқосуда шаһардың жылу беру маусымына дайындық жұмыстары пысықталды.
Жиында жылу беру жұмыстарының жүргізілуі және көп қабатты тұрғын үйлер мен инженерлік жүйелердің дайындығы туралы мәлімдеген қалалық тұрғын үй инспекциясы бөлімінің басшысы Абзал Рысбекұлы қазіргі таңда көпқабатты тұрғын үйлердегі ақауларды ретке келтіріп, өжіре ішіндегі жылу құбырлары мен қондырғыларға ревизия жасау жұмыстары жүргізіліп жатқандығын жеткізді. Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Бауыржан Оспанов 2021-2022 жылдарға арналған жылу беру маусымы кезеңінде Қызылорда қаласына қажет етілетін қатты отын көлемі шамамен 37000 тоннаны құрайтынын және көмір қорының тұрғындарды қамтуға толық жеткілікті екенін атап өтті.
Өз кезегінде Қызылорда жылу электрорталығының директоры Науырыз Сатханов жылу орталықтарының дайындығы туралы хабарлама жасап, жылу беру маусымына дайындық жұмыстары бекітіліген кестеге сәйкес жүргізіліп, уақытылы аяқталатынын баяндады.
Сонымен қоса, ағымдағы жылы жылу құбырларының тозығын азайту мақсатында инвестициялық бағдарлама аясында 2021 жылға «ҚЖЭО» МКК-і өз қаражаты есебінен 4,3 шақырым жылу құбырларын жаңғырту жоспарланған болатын. Қазіргі таңда, жөндеу жұмыстарының бекітілген кестесіне сәйкес жылу құбырлары толығымен ауыстырылды. Биылғы жылдың 10 қыркүйектен бастап магистралдық және кварталаралық жылу құбырларына қорытынды гидравликалық сынақ жұмыстары жүргізілуде. Сынақ жұмыстары 5 қазанға дейін жүргізіліп, ары қарай жылу желілеріндегі желілік су салқын айналымға қойылатын болады.
Жиын соңында Елмұрат Нұрмаханбетұлы жалпы биылғы жылу беру маусымына дайындық жұмыстары бекітілген жоспарға сәйкес жүргізілуде. Дей тұрғанмен жылу энергия көздерінің әлеуметтік нысандардың және көппәтерлі тұрғын үйлердің сапалы, әрі мерзімінде қажетті жылумен қамтамасыз етілуі қалалық штабтың қатаң бақылауында екенін жеткізе отырып, сала басшыларына тапсырмалардың мерзімінде және нәтижелі орындалуын тікелей өз бақылауында болатынын жетікізді. Сондай-ақ, пәтерішілік ескі жылу құбырларын ауыстырып, тазалау жұмыстарын жүргізу керектігін ескертіп, сала мамандарына пәтер иелеріне түсіндірме жұмыстарын жүргізуді тапсырды.
Айта кетейік, биыл жылу беру маусымы жылдағы кестеге сай 15 қазаннан басталады деп межеленген. Алайда күн райы күрт өзгеріп, бірнеше күн қатарынан сынап бағанасы төмендесе, қаланы жылумен қамту ертерек басталуы мүмкін.
Ескере кету керек, көп қабатты тұрғын үйлердің пәтер иелері тарапынан 5-ші қабаттан қысым айналымы үшін құбырлардан ауа шығару, жұмыстарын жүргізуі қажет. Үйішілік және пәтерішілік жылу желілеріне техникалық қызмет көрсетуді (ақауды қалпына келтіру, ысырмаларды ашу, құбырлардан ауа шығару) сол үйдің пәтер иелері кооперативі (ПИК) немесе кондоминиум объектісін басқару органымен бірлесіп атқару қажет.
<img src="https://kyzylorda-news.kz/wp-content/uploads/2021/09/01-2-scaled.jpg" alt="" />

Қызылордада көмір қоры жеткілікті

<a href="https://kyzylorda-news.kz/ru/obshestvo/">Kyzylorda-news.kz</a>. Бүгінде аймағымызда коронавирус инфекциясы бойынша эпидемиологиялық ахуал тұрақталды. Дегенмен жаңа оқу жылының басынан оқуды дәстүрлі форматта бастаған 126 оқушы коронавирус инфекциясын жұқтырды. Басым бөлігі қала мектептерінде анықталған. Салдарынан 126 оқу сыныбы 14 күнге карантинге жіберілді.
Сондай-ақ дәстүрлі форматта оқу процесін бастаған мектеп мұғалімдері арасында КВИ-дің 17 дерегі есепке алынып, эпидемияға қарсы барлық шаралар орындалған. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық санитарлық-эпидемиологиялық бақылау департаментінің басшысы Динара Жаңабергенова мәлімдеді.
<blockquote>
 «Облыста карантин талаптарының сақталуына мониторинг жүргізу жалғасуда. Ағымдағы жылдың басынан бері бүгінге дейін мониторингтік топтың рейдтік тексерістерімен 14 386 нысан қамтылды. Нәтижесінде 788 карантин талаптарын бұзушылық анықталып, ҚР ӘҚБтК-нің 425 бабының 1-бөлігімен жалпы сомасы 51 млн теңгеден астам әкімшілік айыппұл салынды. Дегенмен карантин талаптарын бұзушылықтар әлі де жалғасуда. Жыл басынан бері 500-ден астам той өткізу анықталды. Сонымен қатар облыс көлемінде «Ashyq» жүйесі үй карантинінде оқшаулану тәртібін бұзған 1111 азаматты анықтады. Оның ішінде 727 адам «қызыл» статусты, 220 тұлға «сары» статуста. Оқшаулау режимін бұзушы «қызыл» статустағы азаматтарға қатысты 154 жеке тұлғаға қатысты әкімшілік хаттамалар толтырылып, 7 млн-ға жуық айыппұл салынды», – деді Динара Олжабайқызы.
</blockquote>

Қазақстан және Қызылорда облысының жаңалықтары

Қызылордада 47 адам вирус жұқтырды

Сәрсенбіге арналған ауа райы болжамы

Тәуелсіздікке тарту: Марафоншы веложорықты сәтті аяқтады

Жаңа жәрдемақылардың көлемі жарияланды

Н. Ілиясов ауылында күріш мұражайы ашылды

Пандемия кезінде жұмыссыздықтың бірден белең алуына жол бермедік – Тоқаев

Қызылордалық кәсіпкерлерді субсидия мен сұйытылған газ бағасы алаңдатып отыр

Қызылордада құтыру ауруына қарсы сақтық шаралары қалай жүргізіліп жатыр?

Гүлшара Әбдіқалықова атом саласы қызметкерлерімен кездесті

Мүгедек балаларды тәрбиелеп отырған ата-аналарға шипайжаға тегін жолдама беріледі

Қызылордада көмір қоры жеткілікті

Қызылордада 126 сынып 14 күнге карантинге жіберілді

Қазақстан және Қызылорда облысының жаңалықтары

Қызылордада 47 адам вирус жұқтырды

Сәрсенбіге арналған ауа райы болжамы

Тәуелсіздікке тарту: Марафоншы веложорықты сәтті аяқтады

Жаңа жәрдемақылардың көлемі жарияланды

Н. Ілиясов ауылында күріш мұражайы ашылды

Пандемия кезінде жұмыссыздықтың бірден белең алуына жол бермедік &#8211; Тоқаев

Қызылордалық кәсіпкерлерді субсидия мен сұйытылған газ бағасы алаңдатып отыр

Қызылордада құтыру ауруына қарсы сақтық шаралары қалай жүргізіліп жатыр?

Гүлшара Әбдіқалықова атом саласы қызметкерлерімен кездесті

Мүгедек балаларды тәрбиелеп отырған ата-аналарға шипайжаға тегін жолдама беріледі

Қызылордада көмір қоры жеткілікті

Қызылордада 126 сынып 14 күнге карантинге жіберілді

Пандемия кезінде жұмыссыздықтың бірден белең алуына жол бермедік – Тоқаев