ЗК- 169/1 тергеу изоляторында 8-наурыз Халықаралық әйелдер мерекесіне орай мекеме басшылығы қамауда отқан әйелдерге көңіл бөліп, мерекелерімен&nbsp; құттықтады.
&nbsp;Кезінде бірі – отбасының анасы, бірі – ақылшы апасы болған нәзік жандар қылмыстарына өкінеді. Аңдамай шалыс басып, қылмыскер болса да заты әйел мерекеде құрмет күтеді.
<blockquote>
 «Бүгін&nbsp; әкімшілік тарапынан жазасын өтеп жатқан әйелдерді мерекесімен құттықтап, құрмет көрсетілді. Біз олардың үнемі жанын түсініп, бостандыққа шыққанша үмітін сөндіріп алмауға тырысамыз. Жазасын өтеп шыққаннан кейін де олар қоғаммен байланысып, өмірге бейімделіп кету керек. Көктем мерекесінде барлық әйел заты мейірім мен құрмет күтеді. Қалай десек те мереке барлық әйел затына ортақ» – деді мекеме бастығының орынбасары, әділет майоры А.Битаев.
</blockquote>
Жүрегі жаралы, жаны жабырқау жандар ертерек жазасын өтеп шығып, отбасыларымен қауышқылары келеді. Ұрпақ тәрбиелеп, адал еңбек етуді армандайды.
<blockquote>
 «Үйде болғанда балаларым да мерекемен құттықтар еді. Тағдырым солай болған шығар. Бірақ осыған да шүкір. Мекеме басшылығының бізді ескеріп, елеп отырғаны үшін алғысымызды білдіреміз» – деді шаруашылық бөліміне қалдырылған жазасын өтеуші әйел.
</blockquote>
<img src="https://kyzylorda-news.kz/wp-content/uploads/2022/03/img_20220304_0900071-scaled.jpg" alt="" />

Тергеу изоляторының қызметкерлері қамаудағы әйелдерді құттықтады

<a href="https://kyzylorda-news.kz/">Kyzylorda-news.kz.</a> Қызылорда облысының әкімі, «AMANAT» партиясы Қызылорда облыстық филиалының төрағасы Гүлшара Әбдіқалықованың төрағалығымен партиялық актив отырысы өтті.
Жиынға облыс әкімінің орынбасарлары, басқарма басшылары, аумақтық партия филиалдарының төрағалары, Саяси кеңес мүшелері, партия ардагерлері, облыстық мәслихат депутаттары, бастауыш партия ұйымының төрағалары, партия филиалы жанындағы Қоғамдық кеңестің төрағалары мен «Jas Otan» жастар қанатының белсенділері қатысты.
Күн тәртібінде «Amanat» партиясының кезектен тыс XXII Съезінің шешімдерін орындаудағы Қызылорда облыстық филиалының міндеттері қаралды.
Жиында облыстық партия филиалының Атқарушы хатшысы Ләйлә Төрешова партияны жаңғыртудың бағдарламасын іске асырудағы алдағы міндеттер мен Жол картасының орындалу барысын баяндаса, облыстық мәслихат хатшысы Наурызбай Байқадамов өзгерістер кезеңінде партияны жұмысын жаңаша бағытта дамыту мәселелерін қозғады. Сондай-ақ, филиал жанындағы Партиялық бақылау комиссиясының төрағасы Абайбек Жүнісов партиялық қызметтегі жауапкершілік және партиялық бақылау жұмыстарын тізбелеп берді. Ал, облыстық мәслихат депутаты Еркебұлан Аяғанов жас депутаттар корпусының алдында тұрған жауапкершілік пен жаңа идеяларды іске асыру жолдары бойынша ой білдірді.
Актив отырысының соңында филиал төрағасы Гүлшара Әбдіқалықова барша партияластарды жүйелі жұмыстар жүргізу арқылы мемлекет мүддесіне қызмет ету, халық тұрмысын жақсартуға күш салуға, осы мақсат жолында Мемлекет басшысы, партия Төрағасы Қасым-Жомарт Тоқаевтың қоғамдық-саяси және әлеуметтік-экономикалық реформаларын толықтай жүзеге асыруда қолдау көрсетуге шақырды.
<blockquote>
 «Қазіргі кезеңде бірлікпен бірге алға қарай қадам басып, жаңғыру кезеңінде әрбір азамат өз ісіне жауапкершілікпен қарап, елддік мүдде жолына топтасуы керек. Дамуға жетелейтін өзгерістерді орындауда жас көшбасшыларды ұйым қатарына қосу, жас депутаттар корпусын жандандыру ерекше маңызды. Сондықтан баршамыз елді дамыту ісінде күш біріктіруіміз қажет», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2022/03/275299329_255556306765621_8203189726607964828_n.jpg" alt="" />

Қызылордада «Amanat» партиясының актив отырысы өтті

<a href="https://kyzylorda-news.kz/">Kyzylorda-news.kz.</a> Биыл мемлекеттік қолдау ретінде 5,8 млрд. теңгеден астам қаржы қарастырылуда. Сондай-ақ, Мемлекет басшысының тапсырмасымен «Жыл сайын әрбір 10 мың тұрғын үшін кемінде 100 жұмыс орнын құру» мақсатында арнайы жоспар әзірленіп, құжат бекітілуде. Бұл туралы Өңірлік коммуникациялар қызметінде өткен брифингте облыстық кәсіпкерлік және туризм басқармасы басшысының орынбасары Мұрат Тасқараев мәлімдеді.
<blockquote>
 «Былтыр облыста кәсіпкерлер саны 4,2 пайызға, жұмыспен қамтылғандар 8,7 пайызға, ал өндірілген өнім көлемі 15,7 пайызға артты. Мемлекеттік және өңірлік бағдарламалардың нәтижесінде оң көрсеткішге ие болдық. Сонымен қатар, 3 885 кәсіпкерлік бастамаға 2,4 млрд. теңге көлемінде мемлекеттік грант табысталды. Биыл мемлекеттік қолдау шаралары жалғасатын болады. Атап айтсақ, «Қызылорда өңірлік инвестициялық орталығына» – 950 млн. теңге, «Бизнестің жол картасы 2025» бағдарламасына – 2,5 млрд. теңге және мемлекеттік гранттар беру үшін «Еңбек» бағдарламасына – 2,4 млрд.теңге бөлінді», – деді Мұрат Тасқараев.
</blockquote>
«Қызылорда жантақ балы» ЖШС директоры Асхат Раисов былтыр «Қызылорда өңірлік инвестициялық орталығы» арқылы «Бал шығару» жобасына 50 млн. теңге көлемінде жеңілдетілген несиеге қол жеткізді. Қазіргі таңда кәсіпкердің өнімі бірнеше сауда орталығында сатылуда.
<blockquote>
 «Мемлекеттік қолдаудың арқасында жеке кәсібімді ашуға мүмкіндік туды. Біз үш түрлі балды шығарудамыз. Әзірге бес адамды жұмыспен қамтып отырмын. Алдағы уақытта жеке кәсібімді кеңейтіп, кең көлемде бал өндіруді қолға алмақпын», – деді жеке кәсіпкер Асхат Раисов.
</blockquote>

Мұрат Тасқараев: Кәсіпкерлік бастамаға 2,4 млрд. теңге грант табысталды

<a href="https://kyzylorda-news.kz/">Kyzylorda-news.kz.</a>&nbsp; 8 наурыз – Халықаралық әйелдер күніне орай Қорқыт ата атындағы Қызылорда университетінде волейбол және дартс спорт түрлерінен дәстүрлі жарыс өтті. Шараға университет бойынша 100-ге жуық қызметкер қатысты.
Сайыстың негізгі мақсаты – салауатты өмір салтын насихаттап, әріптестер арасындағы байланысты нығайту, бұқаралық спортты дамыту.
Екі күнге созылған турнир жеңімпаздарын марапаттау салтанатына Қорқыт ата атындағы Қызылорда университетінің әлеуметтік және тәрбие жұмыстары жөніндегі проректоры Жандос Базартай, оқытушы-профессорлар, білім алушылар және БАҚ өкілдері қатысты.
<blockquote>
 Университетте профессор-оқытушылар құрамы мен қызметкерлердің 70 пайызға жуығын әйелдер құрайды. Оқу орнының дамуына, кәсіби білікті маман даярлау ісіне нәзікжанды әріптестеріміздің қосқан үлесі ерекше. Бүгінде әлем бойынша әйелдер қауымы әлеуметтік-экономикалық салалардың барлық бағыты бойынша елеулі еңбек етіп жүр.
</blockquote>
Спорт – саулықтың кепілі. Сіздердің салауатты өмір салтын ұстанып, бұқаралық спорттың дамуына үлес қосуларыңыз – жастарға үлгі-өнеге, – деді Жандос Базартай.
Жарысқа қатысушылар сайыстың өте жоғары деңгейде ұйымдастырылғанын атап өтті.
<blockquote>
 Оқу орнында қызмет еткеніме биыл 27 жыл толмақ. Жұмысқа қабылданған алғашқы жылдардан бастап қазірге дейін волейбол жарыстарына тұрақты түрде қатысып келемін. Биыл да спорттық шара өте тартысты болды. Ректорат құрамасы алғашында Экономика және құқық институтынан, одан кейін Дәстүрлі өнер институтынан 2:0 есебімен басым түсті. Финалда Инженерлі технологиялық институтының құрамасымен кездесіп, нәтижесінде ІІ орын иелендік, – деді ректорат құрамасының капитаны, университеттегі оқу бөлімінің әдіскері Гүлсім Мусаева.
</blockquote>
Турнир қорытындысы бойынша волейбол жарысында І орынды Инженерлі-технологиялық институты, ІІ орынды ректорат құрамасы, ІІІ орынды Жаратылыстану институтының құрамасы иеленді.
Ал дартс жарысының қорытындысы бойынша І орынды Жаратылыстану институты, ІІ орынды ректорат құрамасы, ІІІ орынды Дәстүрлі өнер институты иеленді.&nbsp;
Жеңімпаздарға университеттің кәсіподақ комитеті тарапынан дипломдар мен сыйақы табысталды. Сондай-ақ, үздік ойыншылар 5 номинация бойынша марапатталды.
<img src="https://kyzylorda-news.kz/wp-content/uploads/2022/03/274940666_2500895523381192_5966959150207910099_n.jpg" alt="" />
<img src="https://kyzylorda-news.kz/wp-content/uploads/2022/03/275134970_2500895503381194_7320090788873627647_n.jpg" alt="" />

Әйелдер арасында спорттық жарыс өтті

<a href="https://kyzylorda-news.kz/">Kyzylorda-news.kz.</a> Сан ғасырлық шежіресі бар Сыр өңірінде талай тарихтың куәсі болған ұлт пен ұлыстар бас қосқан. Ортақ мүдде, ортақ мақсатқа жұмылған өзге ұлт өкілдері мен қазақ шаңырағы бүгінде бір-бірімен құда-жекжат болып араласады. Бірі қазақтан келін алса, енді бірі қазақ шаңырағының түтінін түтетіп отыр. Осындай асыл аналардың бірі Раиса Смаханова. Ол татар ұлтының өкілі, қызылордаға келін болып түскен.&nbsp;Бүгінде 4 бала, 13 немере, 15 шөбересі бар. &nbsp;
Раиса Смаханова татар халқымен қазақтың тілі де дәстүрі де ұқсас екенін айтады. Сондықтан оған Ресейден Қызылордаға келіп, қазақтың салт-дәстүрін үйреніп, сіңісіп кету оңай болған.
<blockquote>
 «Жас күнімде қазақ деген ұлтты білмейтінмін. Жарыма деген махаббат мені Қызылордаға алып келді. Татарлар мен қазақтардың ұқсастықтары өте көп. Сондықтан да мен қазақ тілін тез үйреніп алдым. Қайын атам елге сыйлы, көргенді азамат еді. Ағайындар арасында «орыстан келін алып жатыр» деген қаңқу сөзге тосқауыл қойып, «әлі-ақ менің келінім үлгілі келіндердің қатарынан табылады» дейтін. Мені сол сөз қанаттандырып, отбасымның атына кір келмеуі үшін қолымнан келгеннің бәрін істедім. Тынбай қазақтың салт-дәстүрін, тілін үйреніп, ағайынмен қарым-қатынысымды жақсарттым. Той-жиындарда «Раиса келді бар істі тындырады қазір» дейтін болды. Жасым 50-ге келгенде ғана келіндік қызметтен босатып, төрге шығарды. Мен қазақ халқының құрметіне, даналығына ризамын», – деді облыстық келіндер форумына қатысқан Раиса Смаханова.
</blockquote>
Айта кетейік, Қызылордада ақын, педагог Сәнімкүл Желдербаеваның 90 жас мерейтойына және 8 наурыз – Халықаралық әйелдер күніне орай «Пай-пай, шіркін, қазақтың келіндері-ай!..» атты <a href="https://kyzylorda-news.kz/kogam/syr-maqtanyshyna-ajnalghan-zhandardyng-analaryna-abzal-ana-estelik-belgisi-tabystaldy-143676/">облыстық келіндер форумы</a> өткен болатын.

Раиса Смаханова: Қазаққа келін болуды жазған тағдырыма ризамын

<a href="https://kyzylorda-news.kz/">Kyzylorda-news.kz.</a>&nbsp;Қазақстанда экономикалық белсенді тұрғындардың 48,5 пайызы – әйелдер, деп хабарлайды <a href="https://lenta.inform.kz/kz/kazakstan-ayelderi-statistika-cifrlar-problemalar_a3907336">ҚазАқпарат</a>.
Портал дерегінше, осы жылдың басындағы мәліметтерге сәйкес елімізде 9,84 млн әйел бар және ел халқының 51,4 пайызын құрайды.
Бұл бір жыл бұрынғы көрсеткіштен 1,2 пайызға көп. Еңбек нарығында да әйелдердің үлесі басым.
Экономикалық белсенді халықтың 48,5 пайызын әйелдер құрайды.
Елімізде жұмыспен қамтылғандардың 48,1 пайызы, барлық жалдамалы жұмыстардың 48,9 пайызы – әйелдер.
Жеке кәсіпкерлікте де нәзік жандылардың үлесі зор. 2021 жылдың соңында әйелдер басшылық ететін тіркелген кәсіпкерлік саны 9,1 пайызға, 625,1 мыңға дейін артты.
Бұл ретте жеке кәсіпкерлікте қыз-келіншектер өте белсенді.
Атап айтар болсақ, 29 жасқа дейінгі әйелдер басқаратын жеке кәсіпкерліктердің саны жыл ішінде 37,2 пайызға артып, 88,7 мыңға жетті.
Жалпы, Қазақстанның жалпы ішкі өніміне әйелдер қосатын үлес 40 пайызға жуықтайды.
Дегенмен, елімізде әйелдерге қарағанда ерлер жалақының 22 пайызға жоғары алады.
Өткен жылдың 4-тоқсанында Қазақстанда жұмыссыздық деңгейі 4,9 пайыз болды.
Оның ішінде ерлер арасында жұмыссыздық 4,1, ал әйелдер арасында 5,1 пайызды құрайды.
Бірақ, ерлерге қарағанда әйелдер біршама білімді әрі білікті маман болып келеді.
Мәселен, пандемияға дейін Қазақстанда әйелдердің жоғары біліммен қамтылуы 73,2 пайыз, ал ерлер 61,1 пайыз болған.

Қазақстан әйелдері: Статистика, цифрлар, проблемалар

<a href="https://kyzylorda-news.kz/">Kyzylorda-news.kz.</a> Қазақстан бойынша 2021 жылы дамудың туа біткен ақаулары бар 3 979 нәресте дүниеге келді, бұл әлемдік көрсеткіштер шегіне сәйкес келіп, 4,7% – ды құрайды. Салыстырмалы түрде Дүниежүзілік денсаулық сақтау ұйымының мәліметтері бойынша, жыл сайын туа біткен кемістігі бар балалардың 4-6%-ы дүниеге келеді.
Туа біткен ақаулардың ішінде жүрек ақауы бар балалар көп туады, екінші орында тірек-қимыл жүйесінің ауытқулары, содан кейін генитурарлы жүйенің туа біткен ақаулары. Ақаулардың басқа түрлері (тыныс алу, орталық жүйке жүйесі, көру мүшелері және т.б.) әлдеқайда аз кездеседі.
Жүкті әйелдерде ұрықтың ақауларын ерте анықтау үшін белгілі бір декреттелген мерзімде жүзеге асырылатын пренатальды скрининг жүргізу маңызды. Еліміздің кейбір өңірлерінде пренаталдық скринингтің сапасы мен қамтылуы төмен деңгейде қалып отыр, ал тұтастай алғанда республика бойынша 73%-ды құрайды. 
Мемлекет Басшысы Қасым-Жомарт Тоқаев жариялаған балалар жылы аясында пренаталдық скринингпен қамтуды 80-85%-ға дейін арттыру жоспарлануда.
Өңірлерде ұрықтың туа біткен патологиясын анықтаған кезде уақытылы тоқтату мәселесі шешіледі. Басқа жағдайда, ақау түзетілмейтін болса немесе әйел жақсы жарақтандырылуы және біліктілігі анағұрлым жоғары мамандары бар III деңгейдегі медициналық ұйымдарға (облыстық перинаталдық орталықтар немесе республикалық ұйымдар) босандыруға жіберілетін болады.
Жаңа туылған нәрестелердегі туа біткен ақаулар кейде туылғаннан кейінгі алғашқы күндерде шұғыл түзетуді қажет етеді, кезең-кезеңімен хирургиялық емдеуге жататын ақаулар да бар.
Бүгін Педиатрия және балалар хирургиясы ғылыми орталығында туа біткен жүрек ақауы, жүректің бір қарыншасымен өкпе артериясының атрезиясы диагнозымен 7 айлық балаға жасанды қанайналым аппаратын қолдану арқылы күрделі операцияның екінші кезеңі өткізілді. Ақау әлі күнге дейін пренатальды (жатырға) қойылды, жүкті әйел Шымкент қаласының Облыстық перинаталдық орталығында босанды. Содан кейін жаңа туған нәресте санитариялық авиация арқылы ПБХҒО-ның кардиохирургиялық бөлімшесіне ауыстырылды, онда 2021 жылдың шілдесінде тексеруден кейін операцияның бірінші кезеңі сәтті өтті.
Педиатрия және балалар хирургиясы ғылыми орталығында (ПБХҒО) 2012 жылдан бастап кардиохирургия және интервенциялық кардиология бөлімшесі жұмыс істейді, онда жаңа туған нәрестелер мен туа біткен жүрек ақауы және тамырлы мальформациясы бар балаларға хирургиялық көмек көрсетіледі.
Сондай-ақ, орталықта неонатология және жаңа туған нәрестелер хирургиясы бөлімі жұмыс істейді, онда асқазан-ішек жолдарының, аноректальды аймақтың, өкпенің туа біткен ақаулары бар және ретинопатиямен шала туған нәрестелерге операция жасалады.
ПБХҒО-да туа біткен даму кемістігі бар және басқа да күрделі хирургиялық патологиясы бар нәрестелерге жылына 500-ден астам операция жасалады.

Балалар жылы: Пренаталдық скринингпен қамтуды 80-85%-ға дейін артады

<a href="https://kyzylorda-news.kz/">Kyzylorda-news.kz.</a> «Қазгидромет» синоптиктері 5-7 наурыз аралығына арналған ауа райы болжамын жариялады.
Демалыс күндері циклон Жерорта теңізінен ауысып, елдің көп бөлігіне ылғалдың үлкен қорын әкеледі.
Осыған байланысты көп өңірлерде жаңбыр жауады.
5 наурызда – батыста және елдің оңтүстік жартысында, 6 наурызда – елдің солтүстік жартысы мен орталығында қар мен жаңбыр жауады.
Республика бойынша тұман түсіп, көктайғақ болады, жел күшейеді.
Елдің солтүстік бөлігінде бұрқасын соғады.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Биылғы егіс егу науқаны су тапшылығы жағдайында өтетіндіктен, су арнасын тазарту жұмыстарын іске асыру маңызды. Қызылорда қаласының іргесіндегі елді мекендерді аралаған облыс әкімі Гүлшара Әбдіқалықова тұрғындармен кездескенде вегетация кезеңіндегі қолға алынуы тиіс жұмыстарды жеткізді. Сондай-ақ, ауыл тұрғындарынан су лимитінің шектеулі болуына байланысты тиімді әдіс-тәсілдерді қолдануға шақырды.
Аймақ басшысымен пікірлескен Қызылөзек ауылының тұрғындары аяқ су мәселесіне алаңдаулы екенін жеткізді. Себебі бірнеше жылдан бері жоғарыдағы канал тазаланбағандықтан 4 ауылдық округтегі шабындық, жайылымға, көлдер жүйесіне су берілмей келген.
Мәселені саралаған облыс әкімі тиісті каналдарда тазалау жұмыстары жүргізіліп, насос қондырғыларын орнату арқылы мәселе оңтайлы шешуге ықпал ететінін атап өтті.
4 елді мекенді жалғайтын каналдың бойындағы яғни Қарауылтөбе, Қызылжарма, Талсуат, Қызылөзек ауылдық округтеріндегі шабындық, жайылымдық және көлдер жүйесіне су жеткізілетін болады. Бұл үшін облыстық бюджеттен қажетті қаражат бөлінді. Мұнан бөлек, көлдер жүйесіне де су берілуде. Нәтижесінде Қызылөзекке қарасты Қараөзек елді мекеніндегі Жаманкөл, Талдыкөл, Лепірім көлдер жүйесіне су құйылуда.
Айта кетейік, биыл өңірде 137 дана насос алуға сұраныс жасалып, 22 ұңғыма тазаланады. Оның ішінде 67 дана насос қондырғысы «Қазсушар» РМК Қызылорда филиалы арқылы іске қосылады. Сондай-ақ, Үкіметтік резерві есебінен 17 каналға механикалық тазарту жұмыстары жүргізіледі.

Қызылөзек ауылының тұрғындары аяқ су мәселесіне алаңдаулы

<a href="https://kyzylorda-news.kz/">Kyzylorda-news.kz.</a> Қазақстандықтар Грузия және Әзербайжан елдерінен жеке пайдалану үшін автокөліктерді жаппай алып келіп жатыр. Қаржы министрлігінің мемлекеттік кірістер комитеті мұндай көліктерді сатып алу кезіндегі тәуекелдер туралы ескертті.
<blockquote>
 «Соңғы кездерде Грузия және Әзербайжан елдерінен Қазақстан аумағына жеке пайдалану үшін көлік құралдарын уақытша алып келу жағдайлары жиілеп кеткен. Мұндай көлік құралдарын бір жылға уақытша алып келген жағдайда кедендік баж бен салықтарды төлеуден босатылған», – делінген хабарламада.
</blockquote>
Уақытша әкелінген көлікті сатып алуға және Қазақстан аумағында пайдалануға тек кедендік тазартудан соң және тиесілі кедендік алымдарды және салықтарды төлеген соң ғана рұқсат беріледі.
Комитет мамандары шетел азаматтары жеке пайдалануға арналған мұндай көліктерді әкелгеннен кейін біраз уақыттан соң Қазақстан аумағынан кетіп қалатынын атап өтті. Бұлар негізінен Грузия мен Әзербайжан азаматтары.
Бұл аталған көлік құралдары қандай да бір кедендік баждар мен салықтарды төлемей, Қазақстан аумағында тіркеуге қойып және Қазақстан азаматына тапсыру мақсатында ЕАЭО аумағына әкелінеді.
<blockquote>
 «Жалпы 2020 жылдан бастап қазіргі уақытқа дейін Қазақстан аумағына Грузия мен Әзербайжаннан 4157 автокөлік әкелінген, оның ішінде 2130 автокөліктің Қазақстан аумағында уақытша жүру мерзімі өтіп кеткен», – деп атап өтті мемлекеттік кірістер комитеті.
</blockquote>
Маңғыстау және Түркістан облыстары бойынша мемлекеттік кірістер департаменттері кедендік алымдар мен салықтарды төлеместен Қазақстан аумағында тіркелген автокөлік құралдарына байланысты жеке тұлғаларға 230 хабарлама табыстады.
Шетелдік жеке тұлғаларға одаққа мүше емес мемлекетте тіркелген көлік құралдарын одақтың кедендік аумағына уақытша 1 жылдан аспайтын мерзімге әкелуге рұқсат етіледі.
Бұл ретте уақытша әкелінген көлік құралын декларанттың өзі ғана жүргізуге құқылы және оны біреуге тапсыруға немесе сенімхат арқылы сатуға тыйым салынады.
Уақытша әкелу мерзімі аяқталғаннан кейін автокөлік құралдары ЕАЭО аумағынан шығып кетуі қажет, шығып кетпеген жағдайда ЕАЭО қолданыстағы заңнамасына сәйкес тиісті шаралар қолданылады.
Шетел азаматтары көлікті шығаруға өзінің мүмкіндігі болмаған жағдайда тасымалдаушының көмегімен шығаруына болады, сонымен қатар шетелдіктер көлік құралдарын шығаруға және тұратын мемлекетіне қайту үшін мемлекеттік шекарадан өтуіне болады.
<a href="https://sputnik.kz/20220303/gruziya-azerbayzhan-kolik-eskertu-23277986.html">Sputnik.kz</a>

Грузия мен Әзербайжаннан көлік сатып алғысы келетіндерге ескерту жасалды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Гүлшара Әбдіқалықова қаланың шет аумағында орналасқан елді мекендерді аралап, тұрғындардың талап-тілектерін тыңдады.
Қосшыңырау ауылдық округіндегі Абай ауылына аялдаған аймақ басшысы ардагерлермен кездесіп, мәселелеріне құлақ түрді. Ақсақалдар ауылға газ кіргізу, жастарға жұмыс көзін табу, жер үлесі мәселелерін көтерді.
Аймақ басшысы өңірде газға қосу ісі 67 пайызға жеткенін, бір жылда бірнеше ауылға көгілдір отын кіргізу жұмыстары қарқын алғанын айтып, бұл ауылға да газ тарту жұмыстары қолға алынатынын жеткізді. Сондай-ақ, азық-түлік қорын көбейту үшін ауыл жастарына бақша дақылдарын егу ісіне белсенді түрде тарту қажет деді.
<blockquote>
 «Жасыратыны жоқ, біршама көкөніс өнімдерін сырттан алуға мәжбүрміз. Егер де басты қажеттіліктерімізді яғни картоп, сәбіз, жуа өнімдерін шағын көлемде болсын өз ауылдарымызда ексек, сыртқы нарыққа деген тәуелділігіміз азаяды. Азық-түлік қорын әр ауыл өздігінен қалыптастыруға үлес қосса, тапшылықты жоямыз. Жастардың да еңбекпен қамтылуына жол ашар едік. Сондықтан іс бастаймын деген азаматтарды қолдаймыз»,-деді Гүлшара Әбдіқалықова.
</blockquote>
Мұнан соң облыс әкімі Қарауылтөбе мен Қызылжарма елді мекендерінде тұратын ауыл азаматтарымен кездесті. 
2500-ға жуық халық тұратын Қарауылтөбе ауылына мәдениет клубының қажеттілігі бар. Ауыл тұрғындарының талап-тілектері ескеріліп, биыл 150 орындық клуб салу ісі жыл аяғына дейін беріледі деп жоспарланып отыр. 
Аяқ су алу үшін қажетті ұңғыма қазу мәселесі де өзекті. Бүгіннен бастап Қызылжарма мен Талсуат ауылдық округінде аяқ су үшін ұңғыма қазу ісі басталды. Тұрғындармен тілдескен аймақ басшысы аяқ су, газ тарту, жолдың сапасын жақсарту сынды мәселелер кезең-кезеңімен шешілетінін жеткізді.
<img src="https://kyzylorda-news.kz/wp-content/uploads/2022/03/akim-1.jpg" alt="" />
<img src="https://kyzylorda-news.kz/wp-content/uploads/2022/03/akim1.jpg" alt="" />
<img src="https://kyzylorda-news.kz/wp-content/uploads/2022/03/awyl.jpg" alt="" />
<img src="https://kyzylorda-news.kz/wp-content/uploads/2022/03/sw.jpg" alt="" />

Гүлшара Әбдіқалықова: Әр үй бақша өнімдерін өсіруді дамытса, сырттан өнім алуға деген қажеттілік азаяды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1 263 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 333
Алматы қаласы – 167
Шымкентте – 0
Ақмола облысы – 0
Ақтөбе облысы – 0
Алматы облысы – – 65
Атырау облысы – 5
Шығыс Қазақстан облысы – 20
Жамбыл облысы – 14
Батыс Қазақстан облысы – 201
Қарағанды облысы – 42
Қостанай облысы – 89
Қызылорда облысы – 3
Маңғыстау облысы – 5
Павлодар облысы – 168
Солтүстік Қазақстан облысы – 88
Түркістан – 6.
Қазақстан бойынша жазылғандар саны – 1 273 733.

Қазақстан және Қызылорда облысының жаңалықтары