<a href="https://kyzylorda-news.kz/">Kyzylorda-news.kz.</a> Қызылорда қаласында «Kaspi.kz» қосымшасы арқылы онлайн несие рәсімдеген алаяқ ұсталды.
Әйелдің айтуынша, оқиға өткен жылдың жазында болған. Бейтаныс адам жәбірленушінің атынан онлайн несие рәсімдеген. Сол жерде банктан ақша түскеннен кейін, соманы жеке шотына аударып, із-түссіз жоғалған. Ал зардап шегуші несие жайлы қарыздың төлемі жақындағанда бірақ білген.
Полиция қызметкерлері белгісіз әйелдің жеке басын анықтады. Қазіргі уақытта ҚР ҚК 190-бабы 2-бөлігі бойынша сотқа дейінгі тергеу жүргізілуде. Алаяқтың ұқсас қылмыстарға қатысы бар-жоғы тексерілуде.

Қызылордада өзгенің атынан онлайн несие алған алаяқ ұсталды

<a href="https://kyzylorda-news.kz/">Kyzylorda-news.kz.</a> Қазақстандық астролог Ирина Әбдірайымова көктемнің бірінші айына болжам жасады, деп хабарлайды S<a href="https://sputnik.kz/20220303/maman-bolzham--qazaqstandyqtar-nauryz-ayy-23264892.html">putnik Қазақстан</a>.
Ескінің орнына жаңасы келеді
Жұлдызнамашының айтуынша, әлемде қор нарығында тұрақсыздық байқалады. Сол себепті ол тәуекелге бармауды ескертті. Эмоция саналы түрде шешім қабылдауға кедергі келтіреді.
<blockquote>
 «Ірі сыбайлас жемқорлық даулары шығады. Уран – Сатурн аспектісі олигархтар соғысын, билікке таласы мен өздерінің матералдық активі үшін күресін білдіреді. Олар демократия, бостандық пен жемқорлыққа қарсы күрес ұрандарын желеу етіп, халықтың наразылығын өз мақсатына пайдалануға тырысады. Бірақ, өздері кәнігі жемқор болып қала береді», – деді маман.
</blockquote>
2022 жылғы мамырда Нептун-Марс энергиясы қосылып, 2023 жылдың соңына дейін ықпал етеді. Бұл кезеңде теңізде әскери іс-қималдар өту ықтималдығы өте жоғары. Сонымен қатар, бұл энергия теңіздегі арандатушылықтан бөлек, мұнай-газ құбырларында апатты жағдайлар туғызуы мүмкін.
<blockquote>
 «Жылдың екінші жартысы мен 2023 жылдың басы тыныш болмайды. Қазақстанның картасы да 2022 жылғы наурыз айы күрделі болатынын көрсетіп отыр. Ел ішінде тәртіпсіздіктер болып, тау-кен өнеркәсібі мәселелері көтерілуі мүмкін. Қазақстан картасындағы Уран-Венера аспектісі ескі жүйенің күйреп, жаңасы орнайтынын білдіреді. Ашығын айтқанда, бұл аспекті 2021 жылғы мамырдан бастап күшіне ене бастады. Оны белгілі бір саясаткерлердің орнына жаңа адамдардың келуімен байланыстыруға болады. Бұл тек ел президентіне ғана қатысты емес. Бұл жаңа партиялар мен қоғамдық ұйымдардың құрылуы», – деп болжады Әбдірайымова.
</blockquote>
Астрологтың айтуынша, 2022 жылғы наурыз, тамыз және желтоқсан айларында бұрынғы элита өз позициясын сақтап қалуға соңғы рет талпынады.
Маман кейбір елдерде күтпеген өзгерістер немесе соққылар, табиғи немесе ұшақ апаты, атом электр станцияларында апат болуы мүмкін екенін ескертті.
<blockquote>
 «Біз жаһандық өзгерістер дәуірінде өмір сүріп жатырмыз. Бұрынғы заман өткенін, енді бәріміз бірге жаңа әлем құруға тырысуымыз қажет екенін бәрі түсінеді. Бұл соғыста олигархиялық кландарға емес, өз халқына арқа сүйейтін президенттер ғана жеңіске жетеді. Халықтың көзі ашылып, ел билеушілері өз мемлекетін қорғауға үнемі дайын бола бермейтінін түсіне бастайды», – деді астролог.
</blockquote>
Ай күндеріне болжам
Әбдірайымова наурыз айы пластикалық операциялар үшін сәтті кезең емес екенін атап өтті.
1 наурыз – ішкі түйсік алдамайды, бірақ эмоцияға ерік бермеген абзал. Қымбат заттар сатып алғанда абай болу керек. Ең дұрысы, қазір бағалы дүние алуға асықпаған жөн, өйткені ол кейін арзандауы мүмкін.
2 наурыз – логика жақсы жұмыс істейді, бірақ адамдармен сөйлесуге құлқыңыз болмайды. Әсіресе бос әңгімеге уақыт кетіргенді жөн көрмейсіз.
3, 4 наурыз – оптимизм, жоғарғы органдарға жүгіну үшін қолайлы кезең.
5 мен 18 наурыз аралығы – қызбалық, сезімталдық, күйгелектік. Сонымен қатар романтикалық кездесулерге қызығушылық артады, бірақ қарым-қатынас ұзаққа созылмауы мүмкін, міндеттеме алудан қашасыз. Егер қандай бір талап қойсаңыз, көп ұзамай, 20-23 күндері сүйіктіңізбен қарым-қатынас үзіледі.
Ал 28 наурыз күйзеліске түсіп, өмірден түңіліп кетуіңіз мүмкін.
Наурыздың соңы мен сәуірдің алғашқы күндері қатыгездік, агрессия энергиясымен қатар жұмысқа қабілеттілік, жауапкершілік энергиясы қосылады. Кім не таңдайтынын әр адам өзі шешеді.

Маман болжам жасады: Қазақстандықтарды наурыз айында не күтіп тұр?

<a href="https://kyzylorda-news.kz/">Kyzylorda-news.kz.</a> Биыл Қызылорда облысында үшінші рет өткізілетін «Мың бала» ұлттық зияткерлік олимпиадасына 5-6 сынып оқушыларынан 15 мыңнан астам білім алушы қатысады деп жоспарлануда. Олимпиадаға тіркелу мерзімі 20 наурызға дейін жүргізіледі. Бұл туралы Өңірлік коммуникациялар қызметінде өткен брифингте облыстық білім басқармасы басшысының орынбасары Әзизбек Ізімбетов хабарлады.
<blockquote>
 «Білімді ұлт сапалы білім беру» ұлттық жобасының басты міндеті – қала мен ауыл мектептері арасындағы оқу жүйесінің алшақтығын қысқарту болып табылады. «Мың бала» олимпиадасы осы мәселені шешуге бағытталған жобалардың бірі. Аталған білім додасына еліміздің ауылдық мектептерінде оқитын 5-6 сыныптың оқушылары ғана қатыса алады. Соңғы екі жылда олимпиадаға 230 ауыл мектебінен 27 мыңнан астам оқушы қатысты. Республикалық кезеңнен 174 бала жеңімпаз атанды. Ал 50 бала еліміздегі «Білім-Инновация» лицейлері және дарынды балаларға арналған мектептерде оқуға мүмкіндік алды», – деді Әзизбек Ізімбетов.
</blockquote>
«Мың бала» ұлттық зияткерлік олимпиадасы «Дарын» облыстық қосымша білім беру орталығында өткізіледі. Олимпиадаға қатысу үшін 1000bala.elbasyacademy.kz сайтына тіркелу керек.
<blockquote>
 «Тестілеу екі бөлімнен тұрады. Атап айтқанда, «Логикалық ойлау» және «Кеңістіктік ойлау» бойынша 40 сұрақ беріледі. Тестілеуге смартфон, планшет немесе интернет желісіне қосылған компьютер арқылы қатысады. Өңірлер бойынша ең жоғары қорытынды балл жинаған оқушылар олимпиаданың екінші кезеңіне жолдама алады. Екінші кезең 27-29 сәуір аралығында өтеді. Онда математикалық сауаттылық, қазақ тілі немесе орыс тілі, ағылшын тілі, жаратылыстану пәндері бойынша өткізіледі», – деді «Дарын» облыстық қосымша білім беру орталығының директоры Айжан Қиянбекова.
</blockquote>
Айта кетейік, олимпиада туралы толық ақпаратты «Дарын» облыстық қосымша білім беру орталығынан алуға болады.

Қызылордада «Мың бала» ұлттық зияткерлік олимпиадасына тіркелу басталды

<a href="https://kyzylorda-news.kz/">Kyzylorda-news.kz.</a> Жалпы ұлттық «Ел үміті» бастамасы аясында былтыр елімізде Нұрсұлтан Назарбаев қоры, «Елбасы Академиясы» корпоративтік қоры, ҚР Білім және ғылым министрлігінің қолдауымен «Qabilet» жобасы іске қосылды.
Аталған жоба 5-17 жас аралығындағы балалардың қабілетін диагностикалау бағытындағы жұмыс 2021-2024 жылдар аралығын қамтиды. Бұл туралы Өңірлік коммуникациялар қызметінде өткен брифингте «Дарын» облыстық қосымша білім беру орталығының директоры Айжан Қиянбекова хабарлады.
<blockquote>
 «Qabilet» жобасы – оқушылардың қабілетін дамытуға және одан әрі кәсіби даму бойынша кеңес беруді қамтамасыз етеді. Биыл бұл жобаға 10-11 жас аралығындағы оқушылар қатыса алады. Диагностикалау мен қабілеттерді анықтау «Елбасы Академиясының» qabilet.elbasyacademy.kz онлайн платформасында және «Дарын» өңірлік орталығының базасында жүзеге асырылады. Қызмет кез келген оқушыға қолжетімді әрі тегін жүргізіледі. Тест бес әдістемелік тапсырмалардан тұрады. Оқушы 70 балдан жоғары ұпай жинағанда ІІ кезеңге өтеді. Екінші кезең «Дарын» облыстық қосымша білім беру орталығында оффлайн форматында ұйымдастырылады. Қазіргі таңда облыс бойынша 1 335 оқушы тестілеудің І кезеңін тапсырып, ІІ кезеңге 3 оқушы өтті, – деді Айжан Қиянбекова.
</blockquote>

Қызылордада оқушыларға арналған «Qabilet» орталығы ашылады

<a href="https://kyzylorda-news.kz/">Kyzylorda-news.kz.</a>&nbsp; Сенатор Мұрат Бақтиярұлы азаматтық жоғары оқу орындары жанындағы әскери кафедралардың құрамы мен құрылымын оңтайландыру туралы айтты, деп хабарлайды <a href="https://lenta.inform.kz/kz/murat-baktiyaruly-askeri-kafedralarda-studentterdi-dayarlau-sapasyna-katysty-usynys-aytty_a3906823">ҚазАқпарат.</a>
Сенатордың айтуынша, қазір еліміздің ЖОО-да тегін және ақылы негізде жүргізілетін 36 әскери кафедра жұмыс істейді.
<blockquote>
 «Жүргізілген талдау әскери кафедралар бойынша мамандар даярлаудың бірқатар мәселелері бар екенін көрсетіп берді. Жасыратыны жоқ, әскери кафедрасы бар университеттер талапкерлер арасында үлкен сұранысқа ие, өйткені олар армияда қызмет етуден босатылуға заңды негіз береді. Мұны жоғары оқу орындарының басшылары жақсы біледі және қосымша пайда табу үшін әскери кафедра ашуға тырысады», – деді М. Бақтиярұлы Қорғаныс министрінің атына жолдаған депутаттық сауалында
</blockquote>
Осы орайда ол кейінгі 6 жылда 11 оқу орнында әскери кафедра ашылғанын айтты.
Сенатор осыған байланысты еліміздің Қорғаныс министрінен азаматтық жоғары оқу орындарындағы әскери кафедралардың құрамы мен құрылымын оңтайландыруда әскери доктринаны іске асыру туралы хабардар етуді, сондай-ақ халықаралық тәжірибені зерделей отырып, жоғары оқу орындарында әскери даярлық жүйесін жетілдіру мүмкіндігіне талдау жасауды сұрады.

Мұрат Бақтиярұлы әскери кафедраларда студенттерді даярлау сапасына қатысты ұсыныс айтты

<a href="https://kyzylorda-news.kz/">Kyzylorda-news.kz.</a> «Атамекен» Ұлттық кәсіпкерлер палатасы бизнес мәселелерін шешу жөніндегі жедел штабты құру бастамасын көтерді.
<blockquote>
 «Ұлттық палата Үкіметке жедел штаб құру бойынша бастама көтерді. Онда бизнес кәсіпкерлердің, ең алдымен Украинамен байланысты проблемалық мәселелерін қалай шешуге болатыны жайында тез арада өз пікірін білдіріп, көзқарасымен бөлісе алады. &nbsp;Күн сайын ситуация кері қарай өзгеріп жатыр. Валюта бағамы, логистикамен не болары белгісіз. Сонымен қатар түйткілді мәселелерді көтереміз. Қазіргі кезде фермерлер мен қауымдастықтар кеңесіп, субсидиялау мәселесін талқылап жатыр. Қаңдай өзгерістер, қауіп-қатер болады, азық-түлікке баға қаншалықты өседі және бизнеске ағымдағы жоспарын қалай өзгерту керегі бойынша мәселелер бар», – деді «Атамекен» ҰКП Төралқа төрағасы Райымбек Баталов.
</blockquote>
&nbsp;&nbsp;ҰКП басшысы отандық бизнес түрлі дағдарысқа әбден шыңдалған деп санайды. Бұл ретте тиімді шаралар қабылдау мәселесі өзекті, сонымен қатар сала сарапшыларының кәсіби ой-пікір білдіруі аса қажет. &nbsp;
<blockquote>
 «Біз бизнестен жедел түрде ақпарат алып отырмыз: мәселелерді өңдеп, нақты уақыт режимінде оларды министрліктер мен кәсіпкерлермен талқылаймыз. Өзекті мәселелер Үкімет деңгейіне шығарылады. Бұл штаб бизнестің кәдесіне жарайды деп үміттенемін. Барлық өңірлік палата жұмысқа жұмылған, жедел желілер іске қосылған. Мен бизнес өкілдеріне осы желілерді пайдаланып, бізге хабарласып, өз мәселелері, мұң-мұқтажы туралы бөлісуге шақырамын. Біз – «Атамекен» командасы нақты нәтижелерге қол жеткізу үшін Үкімет қарауына ұсыныстар мен проблемаларды шешу жолдарын тиімді жеткізуімізге көмектесетін ақпарат алғымыз келеді», – деп атап өтті Райымбек Баталов.
</blockquote>
&nbsp;Егер бизнесіңіз зардап шексе, өз деректеріңізді тәулік бойы жұмыс істейтін +7 778-870-1432 WhatsApp телефонына <a href="https://docs.google.com/forms/d/e/1FAIpQLScO8POLWqIO1LEunCM_i1rbaCfBkpliwCMOv9QYCf1GfOGcGA/viewform">жолдауды</a> сұраймыз. Қызылорда облысы кәсіпкерлер палатасының байланыс нөмірі 8 /7242/ 40-09-81.
<img src="https://kyzylorda-news.kz/wp-content/uploads/2022/03/kaz.jpg" alt="" />

Ұлттық палата Үкіметке жедел штаб құру бойынша бастама көтерді

<a href="https://kyzylorda-news.kz/">Kyzylorda-news.kz.</a> Мемлекет басшысының өкімімен Берік Асылов Қазақстан Республикасы Бас прокурорының бірінші орынбасары лауазымынан босатылды, деп хабарлайды Ақорда.
Сондай-ақ Президенттің баспасөз қызметі Берік Асыловты ҚР Бас прокуроры етіп тағайындау туралы қаулы шыққанын мәлім етті.
«Берік Ноғайұлы Асылов Қазақстан Республикасының Бас прокуроры лауазымына тағайындалсын»&nbsp;<a href="https://www.akorda.kz/kz/bn-asylovty-tagayyndau-turaly-325715">делінген</a>&nbsp;3 наурызда жарияланған құжатта.
Берік Ноғайұлы 1964 жылы 28 ақпанда дүниеге келген.
Жамбыл облысы Мойынқұм ауданы Бірлік ауылында туған.
1991-1992 жылдары Алматы қаласы Алатау ауданы прокуратурасының тағылымдамашысы, 1992 жылдың 17 наурызында Алатау аудан прокурасының аға тергеушісі қызметін атқарған. 1993 жылы Бас прокуратура тергеушісі, аға тергеушісі, 1995-1996 жылдар аралығында Алматы әуе көлік прокурорының орынбасары болды.
1996 жылдың сәуірі мен желтоқсаны аралығында Мемлекеттік тергеу комитеті, Ұлттық қауіпсіздік комитеті, Қорғаныс министрлігінің әскери барлау қызметінде, Президент күзеті қызмет органдарында жедел-іздестіру қызметінің заңдылығын қадағалау бойынша бөлім бастығы лауазымында қызмет атқарды.
1996 жылдың желтоқсан айында ҚР Бас прокуратурасының жедел- іздестіру қызметінің заңдылығын қадағалау бойынша бөлімінің аға прокуроры болып тағайындалды.
Сол жылы аталған бөлімнің бастығы лауазымына ұсынылып, онда 2001 жылға дейін қызмет етті.
2001 жылдың қаңтарынан 2003 жылдың сәуіріне дейін Шымкент қаласының прокуроры, 2003-2005 жылдары Оңтүстік Қазақстан облысы прокурорының орынбасары, 2005-2006 жылдары облыс прокурорының бірінші орынбасары қызметтерін атқарды.
2006-2008 жылдары Батыс аймақтық көлік прокуроры, 2008 жылдың наурызынан 2010 жылдың маусымына дейін Ақтөбе облысының прокуроры болды.
2010 жылдың маусым айынан 2011 жылға дейін – Қазақстан Республикасы Бас прокурорының орынбасары.
2011-2017 жылдары – Алматы қаласының Бас прокуроры.
2017-2019 жылдары – Солтүстік Қазақстан облысының прокуроры.
«Ерен еңбегі үшін» медалімен, «Астананың 10 жылдығы» мерейтойлық медалімен және «Ұлттық қауіпсіздікті қамтамасыз етудегі үлесі үшін» медалімен марапатталған.
2011 жылдың мамыр айында Қазақстан Республикасы Президентінің Жарлығымен 3 дәрежелі «Мемлекеттік әділет кеңесшісі» шеніне ие болды.

Қазақстанның Бас прокуроры тағайындалды

<a href="https://kyzylorda-news.kz/">Kyzylorda-news.kz.</a> Мемлекеттік қызметшілердің тәртіптік жауапкершілігі және қызметтік әдеп мәселелері жөніндегі заңнаманы жетілдіру мақсатында Қазақстан Республикасы Президентінің 2022 жылғы 22 ақпандағы Жарлығымен Қазақстан Республикасы Мемлекеттік қызметшілерінің Әдеп кодексінің жаңа редакциясы бекітілді.
Жаңа Әдеп кодексі қызметтік әдеп стандарттарын белгілейді және мемлекеттік қызметшілердің моральдық-адамгершілік қасиеттерін қалыптастыруға негіз болады.
Сондай-ақ, мемлекеттік қызметтің әдептік қағидаттары айқындалды – адалдық,әділдік, ашықтық, сыпайылық және клиентке бағдарлану.
Кодекстің жаңа редакциясында «клиентке бағдарланған» мемлекеттік аппаратты қалыптастыру және Мемлекеттік қызметтерді көрсетуде ашықтық қағидаттарын сақтау бойынша басым талаптар қарастырылған.
Сондай-ақ, мемлекеттік қызметшілерге тәртіптік жаза қолдану қағидалары мен Әдеп жөніндегі кеңестер туралы ережеге өзгерістер енгізілді.
Тәртіптік жаза қолдану қағидаларында қызметтік тергеп-тексеру, тәртіптік комиссия материалдарын қарау тәртібі және тәртіптік комиссияның ұсынымы бойынша уәкілетті адамның шешім қабылдау мерзімдері нақтыланды.
Сонымен бірге, Агенттіктің Әдеп жөніндегі комиссиясына облыс, республикалық маңызы бар қалалар және астана әкімдері орынбасарларының, облыстық маңызы бар қалалардың, облыс аудандары мен қала аудандары әкімдерінің, облыстардың әкімшілік орталықтары болып табылатын қала әкімдерінің, комитеттер төрағаларының, сондай-ақ облыс әкімі аппарат басшыларының қызметтік әдеп нормаларын бұзғаны және мемлекеттік қызметке кір келтіретін теріс қылықтар жасағаны үшін тәртіптік жауапкершілігін қарауға өкілеттік берілген.
Жарлық мәтінімен агенттіктің <a href="https://www.gov.kz/memleket/entities/qyzmet/documents/details/273687?lang=kk">интернет-ресурсында</a> танысуға болады

Мемлекеттік қызметшілердің Әдеп кодексінің жаңа редакциясы бекітілді

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының сарапшылары мемлекет кепілдік берген тегін медициналық көмектің көлемі және МӘМС бойынша жеткізушілер көрсететін қызметтердің сапасы мен көлеміне мониторингті жалғастыруда.
2021 жылы халыққа медициналық көмек көрсету кезінде ӘМСҚ Қызылорда облысы бойынша филиалының сарапшылары 82,4 мыңдай түрлі кемшілік анықтады, медициналық ұйымдарға салынған айыппұл сомасы 1 374 млн теңгеден асты, – деп хабарлады ӘМСҚ облыстық филиалының директоры Бақыт Исмаханбетов. 
Бұзушылықтардың басым бөлігін мамандар халыққа консультациялық-диагностикалық қызметтер көрсету кезінде анықтады. Бұдан әрі, сарапшылардың деректері бойынша, көмек/қызметтер көлемінің негізсіз артуы, емдеу-диагностикалық іс – шаралардың стандарттардан, денсаулық сақтау саласындағы ережелерден/ клиникалық хаттамалардан негізсіз ауытқу фактілері, медициналық құжаттаманы дұрыс ресімдемеу сияқты ақауларға жол берілген.
Медициналық көмекті сапасыз көрсетуші денсаулық сақтау субъектілеріне айыппұл санкциялары қолданылды. 
Медициналық ұйымдардың көрсетілетін қызметтердің қолжетімділігі мен сапасына қатысты міндеттемелері шарттық қатынастардың маңызды бөлігі болып табылады және Қор олардың орындалуын талап етуге құқылы. Айта кетейік, осы жылдан бастап Қор проактивті мониторинг жүргізу тәжірибесіне енгізілген, онда өнім берушінің шарттық міндеттемелерін орындамау фактілері анықталған кезде жоюға қорытындыға қол қойылған күннен бастап және оларды тиісінше орындауға 45 күнтізбелік күн беріледі. Егер ақау мерзімінде жойылмаса, медициналық ұйымға айыппұл салынады.
<blockquote>
 «Проактивті мониторинг медициналық қызмет көрсетуші субъектілеріне ақауларды жоюға мүмкіндік береді және олар айыппұл санкцияларын болдырмау үшін барлық кемшілікті мүмкіндігінше жоюға тырысатынын атап өткен жөн. Нәтижесінде пациент ұтады, оның мүддесінде қор қызметкері кемшілікті анықтағаннан кейін медициналық көмек көрсетушілерге қызметіне қайта бағалау жүргізеді және оларды жоюды талап етеді. Медициналық ұйымдардың қызметкерлері мен Қор қызметкерлері арасында мониторингтің бұл форматы көрсетілетін қызметтердің қолжетімділігі мен сапасын бірлесіп жақсарту үшін сенімді қарым – қатынас орнатуға мүмкіндік береді», – деп атап өтті Бақыт Исмаханбетов.
</blockquote>
Сондай-ақ, ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүзеге асатынын атап өткен жөн. Яғни, медициналық көмек көрсету стандарттары мен ережелерін, сондай-ақ клиникалық хаттамалардың ұсынымдарын сақтай отырып, құжатпен расталған, факті бойынша көрсетілген қызметтер ғана төленеді.
Егер пациент өзі алмаған қызметтің жазылу фактісін өз бетінше анықтаса, ол туралы медициналық сақтандыру қорына хабарлау қажет. Шағым немесе өтініш беру үшін 1406 телефонына немесе Qoldau 24/7 мобильді қосымшасы арқылы хабарласуға болады.

Әлеуметтік медициналық сақтандыру қоры пациенттің құқығын қорғайды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда 2 091 адам коронавирус инфекциясынан жазылып шықты, деп хабарлайды coronavirus2020.kz.
Нұр-Сұлтан қаласында – 266,
Алматы қаласында – 244,
Шымкент қаласында – 734,
Ақмола облысында – 56,
Ақтөбе облысында – 29,
Алматы облысында – 72,
Атырау облысында – 64,
Шығыс Қазақстан облысында – 26,
Жамбыл облысында – 10,
Батыс Қазақстан облысында – 226,
Қарағанды облысында – 14,
Қостанай облысында – 151,
Қызылорда облысында – 3,
Маңғыстау облысында – 15,
Павлодар облысында – 126,
Солтүстік Қазақстан облысында – 53,
Түркістан облысында – 2.
Елімізде барлығы 1 272 470 адам COVID-19-дан емделіп, сауығып шықты.

Коронавирустан тағы 3 қызылордалық жазылды

<a href="https://kyzylorda-news.kz/">Kyzylorda-news.kz.</a>&nbsp;Өткен тәулікте коронавирус инфекциясын жұқтырған 253 жағдай тіркелді, деп хабарлайды coronavirus2020.kz.
Аймақтар бойынша:
Нұр-Сұлтан қаласында – 15,
Алматы қаласында – 80,
Шымкент қаласында – 2,
Ақмола облысында – 7,
Ақтөбе облысында 2,
Алматы облысында – 10,
Атырау облысында – 3,
Шығыс Қазақстан облысында – 12,
Жамбыл облысында – 3,
Батыс Қазақстан облысында – 10,
Қарағанды облысында – 41,
Қостанай облысында -16,
Қызылорда облысында -4,
Маңғыстау облысында – 0,
Павлодар облысында – 15,
Солтүстік Қазақстан облысында – 32,
Түркістан облысында – 1.
Елімізде коронавирус инфекциясын жұқтырғандар саны 1 303 063 жетті.

Қызылордада 4 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;3 наурыз күні ел аумағының басым бөлігі антициклонның ықпалында болып, жауын-шашынсыз ауа райы күтіледі, деп хабарлайды Қазгидромет.
Тек республиканың батысында атмосфералық фронтальды бөліктердің өтуімен жаңбыр және қар түріндегі жауын-шашын, көктайғақ, шаңды дауылмен бірге желдің күшеюі күтіледі. Республиканың кей жерлерінде тұман болады. Сондай-ақ Қызылорда облысының орталығына қалың тұман түседі.

Қазақстан және Қызылорда облысының жаңалықтары