<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының прокуроры Нұрлан Бижанов қызылордалықтарға үндеу жариялады.
Құрметті азаматтар! Соңғы уақытта облыс кәсіпорындарындағы еңбек даулары жиілеп кетті. Көбінесе олар стихиялық ереуілдерге көшеді.
Әлеуметтік-экономикалық және кәсіптік талаптарды қанағаттандыру мақсатында қызметкерлер ереуіл жариялауға құқылы. Алайда бұл үшін татуластыру рәсімдерінің кезеңдерінен өту керек, әйтпесе ереуіл заңсыз деп танылады. Осыған байланысты ұжымдық еңбек дауларын қарау тәртібі 2015 жылғы 23 қарашада қабылданған Еңбек кодексімен (бұдан әрі – Кодекс) реттелетінін түсіндіреміз.
Жұмыс беруші үш жұмыс күні ішінде жұмыскерлердің қойған талаптарын қарауға және оларды шешу үшін шаралар қабылдауға, ал оларды шешу мүмкін болмаған кезде,өз шешімдері мен ұсыныстарын жазбаша түрде жұмыскерлерге жеткізуге міндетті (кодекстің 163-бабының 2-бөлігі).
Бұдан әрі дау татуластыру комиссиясында (жеті жұмыс күніне дейінгі мерзімде) шешілуге тиіс. Бұл тепе-теңдік негізде тараптардың бірлескен шешімімен құрылған орган.
Татуластыру комиссиясы дауды шешу процесінде қызметкерлермен, жұмыс берушімен және басқа да адамдармен консультация жүргізеді.
Комиссияның шешімі тараптардың келісімі негізінде қабылданады, хаттамамен ресімделеді және тараптар үшін міндетті күші болады.
Татуластыру комиссиясының мүшелері келіссөздерге қатысқан уақытта жалақысы сақтала отырып, жұмыстан босатылады. Бұл ретте тараптардың ешқайсысы татуластыру рәсімдеріне қатысудан жалтаруға құқылы емес екенін атап өтеміз.
Татуластыру комиссиясында келісімге қол жеткізілмеген кезде оның жұмысы тоқтатылады, ал тараптар дауды шешу үшін әкімдік өкілдерін (мемлекеттік еңбек инспекторын)тарта отырып, еңбек төрелігін құрады (Кодекстің 165-бабының 6-бөлігі).
Еңбек төрелігі мүшелерінің саны, оның құрамы және еңбек дауын қарау тәртібі тепе-теңдік негізде тараптардың келісімімен айқындалады (бұл ретте еңбек төрелігі кемінде бес адам болуға тиіс).
Татуластыру комиссиясының мүшелері жұмыскерлердің қаралып отырған талаптары бойынша еңбек төрелігінің құрамына кіре алмайды.
Еңбек төрелігінің шешімі жеті жұмыс күніненкешіктірілмей төрелік мүшелерінің қарапайым көпшілік даусымен қабылданады және орындау үшін міндетті болып табылады. Төрелік реттемеген мәселелер бойынша соттарға жүгіну қажет.
Бұл ретте жұмыс берушінің немесе прокурордың өтініші бойынша тиісті рәсімді сақтамай ереуіл өткізу тек сотпензаңсыз деп танылуы мүмкін. Бұл жағдайда сот заңсыз деп таныған ереуілге қатысуды жалғастыруға мәжбүрлегені және шақырғаны үшін 3 жылға дейінгі мерзімге бас бостандығынан айырумен қылмыстық жауапкершілік көзделген (Қылмыстық кодекстің 157 және 402-баптары).
Азаматтарды қолданыстағы заңнама нормаларын мүлтіксіз сақтауға, арандатушылыққа бой алдырмауға және заңсыз ереуілдерге қатыспауға шақырамыз.
Құқық қорғау органдары белгіленген тәртіпке, қоғамдық қауіпсіздікке қол сұғатын кез келген құқық бұзушылықтың жолын кеседі, сондай-ақ оларға жол бермеу жөнінде заңда көзделген шараларды қолданады.
Нұрлан БИЖАНОВ,
Қызылорда облысының прокуроры

Нұрлан Бижанов қызылордалықтарға үндеу жариялады

<a href="https://kyzylorda-news.kz/">Kyzylorda-news.kz.</a> Қазақстан Республикасы Ішкі істер министрлігі мен «Динамо» орталық кеңесінің Петропавл қаласында ерлер арасында қазақ күресінен чемпионаты өтті.
Аталған чемпионатта Қызылорда облысы Полиция департаментінің қызметкері Ержан Абдуллаев 90 келі салмақ дәрежесіндегі балуандармен сайысқа түсіп, жүлделі I орынды қанжығасына байлады.
Жеңімпаздар тұғырының екінші сатысында – Алмат Тайбағаров 82 келі салмақ дәрежесінде күрескен, бұл палуан күміс жүлдегері атанды.
Екі қызметкер де чемпионатқа алдын-ала дайындалып, үлкен жауапкершілікпен қарады. Нәтижесінде, Қызылордалық полицейлер қарсыластарын ойсырата жеңіп, бәсекелестерінің арасында ерекшеленді.
Жеңімпаз-чемпиондар, спорт саласында қол жеткізген барлық жетістік пен жүлдері, сәтті өнер көрсетулері – тәлімгерлері Дәулет Сейітов мырзаның арқасы екенін айтып, алғыстарын білдірді. Өз кезегінде, тәлімгерлері жаттығушыларының бойына спортқа деген ерекше қызығушылықтарын оятып, үлгі болып келе жатыр.
<img src="https://kyzylorda-news.kz/wp-content/uploads/2022/04/img_20220426_104125_104.webp" alt="" />
<img src="https://kyzylorda-news.kz/wp-content/uploads/2022/04/img_20220426_104125_024.webp" alt="" />

Қызылордалық полицейлер абыроймен оралды

<a href="https://kyzylorda-news.kz/">Kyzylorda-news.kz.</a> Осыдан бірнеше жыл бұрын мемлекеттік субсидия алған қызылордалық кәсіпкерлерден уәкілетті орган қаржыны қайта қайтаруды сұраған. Істің мән-жайын Қызылорда облысы кәсіпкерлер палатасының заңгерлері зерделеп, нәтижесінде олардың құқығын қорғап, шаруалардың 8,5 млн теңгесін сақтап қалды.
Шиелілік кәсіпкер Махсұт Көзайдаров мал шаруашылығымен айналысады. Ол төрағалық ететін «Алишах» шаруа қожалығы 2020 жылдың ақпанында күн панеліне кеткен шығынына мемлекеттік субсидия алу үшін өтінім береді. Кәсіпкердің өтініші қанағаттандырылып, сол жылдың мамырында 4 млн теңге субсидия беріледі.
Ауыл шаруашылығы министрлігінің 2018 жылы бекіткен «Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау» қағидаларына сәйкес сатып алынған тауарларды электронды шот-фактуралармен растау электронды шот-фактуралардың ақпараттық жүйесі арқылы жүзеге асырылады.
Махсұт Көзайдаров күн панелдерін сатып алу барысында кәсіпкермен келісімшарт жасап, тауарды сатқан кәсіпкер шот-фактураны веб-порталға салады. Ал субсидия беруге жауапты облыстық ауыл шаруашылығы басқармасының мамандары «Алишах» шаруа қожалығында тауарлардың тұрғанына қатысты уақытында қарап-тексеру актісін жасайды.
Алайда кәсіпкер 2021 жылдың қарашасында облыстық ауыл шаруашылығы басқармасынан мемлекеттен алған субсидияны қайтару туралы ескертпе хат алады.Ол жағдайдың бұлай өрбігеніне алаңдап, Кәсіпкерлер палатасына өтініш білдіріп, құқығын қорғауды сұрады.
<blockquote>
 «Бұл жерде кәсіпкердің кінәсі жоқ. Күн панелдерін сатқан кәсіпкер уақытында веб-порталға электронды шот-фактураны салған. Дегенмен кейін құжатты қателесіп қайтарып алады. Ол туралы өздері де хатпен түсініктеме беріп отыр. Азаматтық кодексте міндеттеме тиісті дәрежеде орындалған жағдайда тоқтатылатыны айтылған және адал иеленуші туралы арнайы баптар бар. Біз сол баптарды негізге алып, сотта кәсіпкердің құқығын қорғап шықтық», – дейді Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан.
</blockquote>
Кәсіпкерлер палатасы директоры орынбасарының айтуынша, күн панелдері үшін субсидия алған тағы екі кәсіпкер – «Айболат» және «Қарасай» шаруа қожалықтары осындай мәселемен палатадан көмек сұраған. Палата заңгерлері сотта бұл кәсіпкерлердің де мүддесін қорғады.
Нәтижесінде Кәсіпкерлер палатасы шаруалардың 8,5 млн. теңгесін сақтап қалды.

Қызылордада кәсіпкерлер палатасы шаруалардың 8,5 млн теңгесін сақтап қалды

<a href="https://kyzylorda-news.kz/">Kyzylorda-news.kz.</a>&nbsp;Жері бөліске салынып жатқан шаруа қожалығында 118 ауыл тұрғынының пай үлесі бар екен. Соның 93-і бөлініп шығуға ниетті. Оған себеп – жыл сайын 500 гектардай жерге күріш егілгенмен, үлескерлерге еш пайда болмауы, деп хабарлайды «<a href="https://24.kz/kz/zha-aly-tar/o-am/item/540803-yzylorda-oblysynda-zher-dauy-sheshiler-emes">Хабар 24</a>».
<blockquote>
 «Жұрт үлескерлерге пайын беріп жатыр. Күрішін береді шамасы келсе, шөбін береді. Бұнда ондай жағдай жоқ. Тек бір-екі рет 10 келіден берді, былтыр осындай қысым болғаннан кейін 25 келіден ғана таратты. Ал енді бізде бәрімізде де мал бар. Жер біздікі. Мал баққаннан кейін шөп керек, жем керек. Ал енді сол шөпті-жемді біз кәдімгі сырттан қымбат бағамен сатып аламыз», – дейді жер үлескері Өтеген Нәлібаев.
 «Кезінде бұл жерлер ешкімге керексіз болып жатқан еді. Соры шығып, әбден тозған. Оны қалпына келтіру үшін біраз шығындандық. Осы жерді 8 жыл дегенде зорға ашып болдым жидесін, тоғайын бәрін. Техникаларын лизингке алған едім. Барлық каналдарын қазып жатырмыз. Енді былтыр болған кезде 2021 жылы осы кісілер біз үлескерміз деп шықты. Мен оған дейін үлескер екенін білмедім», -дейді шаруа қожалығының төрағасы Аятжан Есжанов.
</blockquote>
Егіндік жер төңірегіндегі тартыс өткен жылдан бері жалғасып келе жатыр. Бірер күн бұрын айтулы мәселе аудандық сотта қаралып, 93 үлескердің жері бөлінетін болған.
<blockquote>
 «Аудандық сот шешім шығарды. Аудандық сот аудан әкімінің қаулысының қабылдануына негіз болған хаттаманы күшінде қалдырып отыр. Шаруа қожалығының бөлінгені заңды деп танылып отыр», – дейді Шиелі аудандық жер қатынастары бөлімінің басшысы Ерлан Меңлібеков.
</blockquote>
Егін науқаны басталып кетті. Ал тараптар жерді бөліске салып жатыр. Дегенмен жаңатұрмыстықтар биыл егінсіз қалмайды,-дейді ауыл әкімі.
<blockquote>
 «Байсын» шаруа қожалығының инвестордың алдындағы біраз қарыздары бар. Бөлініп шыққан «Жаңатұрмыс» шаруа қожалығы осы қарыздарды өтеу мақсатында екі жақ келісім шартпен беріп отыр. Бұл жерде тұрғындардың ең бірінші талабы – дивидент мәселесі. Шаруа қожалығы тарапынан үлескерлердің талаптарын орындаған жағдайда екі жылдан әрі қарай да созуға мүмкіншілігі бар. Қазір екі тарап та бір-бірімен қол алысып, әрі қарай егін науқаны қазір басталып кетті», – дейді Жаңатұрмыс ауылдық округінің әкімі Балдәурен Шәкіртаев.
</blockquote>
Шаруа қожалығындағы егіндік жер көлемі 1071 гектарды құрайды екен. Оның 70 %-і бөлініп шыққан үлескерлердің еншісінде қалатын болған.

Қызылордада жер дауы шешілер емес

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасына 52 жастағы қала тұрғыны хабарласып, алаяқтық әрекеттің құрбаны болғанын айтқан.
Анықталғандай, өткен жылдың маусым айында танысы «қомақты көлемде несие алып беремін» деп 5 млн. 600 мың теңге несиені өзіне алдыртып, алдап алған.
​Қылмысты ашу бойынша жедел-тергеу тобы құрылды. Жедел-іздестіру іс-шараларының нәтижесінде 49 жастағы қала тұрғыны ұсталды.
​Аталған дерек бойынша Қазақстан Республикасының Қылмыстық кодексінің 190-бабының 3-бөлігі (Алаяқтық, бірнеше рет жасалған алаяқтық) бойынша сотқа дейінгі тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.

Қызылордада 5 млн. 600 мың теңге алған алаяқ ұсталды

*<a href="https://kyzylorda-news.kz/">Kyzylorda-news.kz.</a> Бүгін атмосфералық фронттардың салдарынан шығыста, оңтүстікте, оңтүстік-шығыста жаңбыр жауады, деп хабарлайды Қазгидромет.*
Еліміздің көп бөлігі антициклонның ықпалында болады. Бұл жауын-шашынсыз ауа райы мен ауа температурасының көтерілуіне ықпал етеді. Республика бойынша тұман, желдің күшеюі, оңтүстік өңірлерде найзағай жарқылдап, дауыл күтіледі.
Қызылордада ауа температурасы +22 +24 градусты көрсетеді. Желдің жылдамдығы 9-14 м/с.

26 сәуірге арналған ауа райы болжамы

*<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұртай Қайрат Ырзақұлұлы Қазақстан экологиялық ұйымдар ассоциациясының және «GIZ» жобасының өкілдерімен кездесу өткізіп, Германия Федеративтік Республикасының қолдауымен жүзеге асып жатқан «Экологиялық бағдарланған Арал өңірінің аймақтық дамуы» жобасын іске асырудың мүмкіндіктері мен басымды бағыттарын талқылады.*
Кездесу барысында «GIZ» жобасының ұлттық сарапшысы Қайрат Егежанов аталған жобаның мүмкіндіктері мен жоспарлары туралы және елімізде стратегиялық экологиялық бағалау жүргізудің тәртібі мен негіздері бойынша кеңінен таныстырып өтсе, «GIZ» жобасының Халықаралық сарапшысы Шуман Йоханнес елімізде стратегиялық экологиялық бағалау жүргізу бойынша жоспарланған пилоттық жобаның алдағы жоспарларымен бөлісті.
Сондай-ақ, кездесу барысында Қазақстан экологиялық ұйымдар ассоциациясының Басқарма Төрайымы Айгүл Соловьева стретегиялық экологиялық бағалау жұмысына Қазақстан экологиялық ұйымдары ассоциациясының қатысуы туралы кеңінен баяндады.
Кездесу қорытындысымен облыс әкімінің орынбасары Нұртай Қайрат Ырзақұлұлы пилоттық жоба аясында жүргізілетін экологиялық сауықтыру шараларының және стратегиялық бағалау жүргізудің маңыздылығына кеңінен тоқталып, тараптармен пилоттық негізде облыстың стратегиялық даму жоспарлары мен бағдарламаларына стратегиялық экологиялық бағалау жүргізу туралы келісілді.
<img src="https://kyzylorda-news.kz/wp-content/uploads/2022/04/fb_img_1650905027895.jpg" alt="" />

Қызылордада «GIZ» жобасы аясында стратегиялық экологиялық бағалау жүргізу мәселесі қаралды

<a href="https://kyzylorda-news.kz/">Kyzylorda-news.kz.</a> Нұр-Сұлтанда достарымен әзілдеспек болған 19 жастағы қыз 91 мың теңге айыппұл арқалады.
Қалалық полиция департаменті баспасөз қызметінің ақпаратынша, түнгі бір жарымда «102» арнасына Е-565 көшесінде «Индрайвер» арқылы жолаушы таситын «Toyota Camry» автокөлігінің жүргізушісі қызды белгісіз бағытта алып кеткені туралы ақпарат түсті.
<blockquote>
 «Жас қыз WhatsApp мессенджеріндегі топқа өзін ұрлап әкетіп бара жатқанын айтып, достарынан көмек сұраған. Алайда тексеріс барысында мұндай факті расталған жоқ», – делінген хабарламада.
</blockquote>
Анықталғандай, 19 жастағы бойжеткен чаттағы достарымен осылай әзілдеспек болған.
Бұл факті бойынша елорда тұрғыны Әкімшілік құқықбұзушылық туралы кодекстің 438-бабы «Арнайы қызметтерді көрінеу жалған шақыру» бойынша әкімшілік жауапқа тартылды. Оған 30 АЕК немесе 91 890 теңге айыппұл салынды.
Сонымен қатар, полицейлер қызбен профилактикалық әңгіме жүргізді.
<a href="https://sputnik.kz/20220425/whatsapp-dostar-qyz-ayyppul-24449017.html">Sputnik.kz</a>

WhatsApp арқылы достарын алдаған қызға 91 мың теңге айыппұл салынды

<a href="https://kyzylorda-news.kz/">Kyzylorda-news.kz.</a> «Қоғамға қызмет» әлеуметтік жобасы аясында Қызылорда қаласындағы Назарбаев Зияткерлік мектебінің оқушылары «Атамекен» балалар ауылының тәрбиеленушілерін қонаққа шақырды.
NIS ұжымы достарына мектепті таныстырып, бірлескен спорттық ойындар өткізді. Оқушылар баскетбол, волейбол және эстафеталық достық ойындарын ойнап, көңілдерін көтерді. Алған әсерлерімен дастарқан басында бөлісіп, сыйлықтарын үлестірді.
Сонымен қатар «Атамекен» балалар ауылының тәрбиешілері зияткерлік мектеп педагогтерінің семинар-практикумына қатысты. Психолог Талғат Айтбай мен кураторлар Әсел Закирова мен Тимур Кудияров қатысушы-мұғалімдерге «Баламен жағымды қарым-қатынас орнатудың тиімді жолдары» туралы ақпарат бере отырып, Skillfolio методикасындағы озық техникаларын таныстырды.
<img src="https://kyzylorda-news.kz/wp-content/uploads/2022/04/278576123_3074732889523291_7278823733383079237_n.jpg" alt="" />
<img src="https://kyzylorda-news.kz/wp-content/uploads/2022/04/278577649_3074732989523281_8970244017439618515_n.jpg" alt="" />

Қызылордалық зияткер оқушылар «Атамекендегі» достарымен кездесті

<a href="https://kyzylorda-news.kz/">Kyzylorda-news.kz.</a> Бүгін Қазалы ауданына қарасты Бозкөл ауылында Жәлен Ерімбетұлының 120 жылдығына орай музей ашылды.
Музейдің ашылу салтанатына аудан әкімі Мұхтар Оразбаев арнайы қатысып, құттықтау сөз сөйледі.
<blockquote>
 «Интернеттің заманында музейге тек көненің қоймасы деп қарауға болмайды. Музей меніңше өскелең ұрпақтың тарихи санасын қалыптастырады. Музей дипломатиялық кешен деуге де болады. Сырттан келген меймандар алдымен бұл ел қандай ел, халқы қандай, болашағы қандай дегенде сұраққа осы жерден жауап алады. Оған қоса музей өскелең ұрпақты тәрбиелеудің маңызды құралы. Сондықтан біз бүгін Бозкөл ауылында қара дүкен ұстаған ұсынықты ұста, белгілі қолөнер шебері Жәлен Ерімбетұлының 120 жылдығына орай ашылып отырған осы музейді тиімді әрі рухани қажеттілігімізге дұрыс пайдалана білуі керек. Болашақта бұл орын жас ұрпаққа тәлімі мен тәрбиесін беретін мәдени ошаққа айналады деп сенемін. Сондықтан бүгінгі қуанышымыз құтты болсын, тарихымыз мәңгілік болсын», – деді аудан басшысы.
</blockquote>
Сондай-ақ, аудандық ардагерлер кеңесінің төрағасы Оразғали Бекбанов, аудандық қоғамдық кеңестің төрағасы Талайлы Бөріқұлақов, ауылдық ардагерлер кеңесінің төрағасы Жанұзақ Келімбетов және Жәлен Ерімбетұлының туыстарының атынан Тәңірберген Дәрменов те құттықтау сөз сөйлеп, қолөнер шеберінің ерекше қасиеттері туралы сыр шертті.
Мұнан соң ұсынықты ұста ұрпақтарының ұйымдастыруымен салынған мұражайдың лентасы салтанатты жағдайда қиылып, ішіндегі құнды жәдігерлер қонақтарға таныстырылды.
Тағылымды шара қолөнер шеберлерінің «Ұлттық қолөнер – ұрпаққа аманат» атты байқауына ұласты. Ауылдық мәдениет үйінде өткен шараға ауданымызбен қатар, облыстың әр түкпірінен келген қолөнер шеберлері қатысты.
Облыстық байқауды аудан әкімі Мұхтар Оразбаев құттықтау сөз сөйлеп ашып, қатысушыларға сәттілік тіледі.
Байқауда көрермен назарына қойылған жұмыстардың барлығы көздің жауын алады. Олардың әрқайсысына мұқият қарайтын болсаң, ерекше фантазия, зор талғаммен жасалғандығын ұғынасың.
<img src="https://kyzylorda-news.kz/wp-content/uploads/2022/04/279218019_3336404146580509_4649839090127242443_n.jpg" alt="" />
<img src="https://kyzylorda-news.kz/wp-content/uploads/2022/04/279132300_3336404229913834_8266475919896313442_n.jpg" alt="" />
<img src="https://kyzylorda-news.kz/wp-content/uploads/2022/04/279089424_3336404346580489_2562426666022564161_n.jpg" alt="" />
<img src="https://kyzylorda-news.kz/wp-content/uploads/2022/04/278970854_3336404233247167_3589978904667213369_n.jpg" alt="" />

Бозкөлде «Қара дүкен» ұстаған Жәлен Ерімбетұлының мұражайы ашылды

<a href="https://kyzylorda-news.kz/">Kyzylorda-news.kz.</a>&nbsp;Энергетика министрі Болат Ақшолақов сенатта өткен үкімет сағатында алдағы уақытта Қазақстанда газ тапшылығы болуы мүмкін екенін болжады, деп хабарлайды <a href="https://stan.kz/2025-zhilga-karay-kazakstanda-gaz-tapshiligi-sezilui-mu-363566/">Stan.kz</a>.
<blockquote>
 «Газдың маңыздылығы әлемде де, отандық экономикада да едәуір артып келеді. Тұрмыстық газ тұтыну 2017 жылдан 2021 жылға дейін 4,8 миллиардтан 18 миллиард л3-ке дейін өскен. Тұтынудың орташа жылдық өсімі шамамен 7% құрайды. Ішкі нарықтағы тұтынудың қарқынды өсуінен кейін 2025 жылға қарай біз газ тапшылығы айтарлықтай болады деп болжап отырмыз. Елдегі тау-кен металлургия кәсіпорындары көмірден газға белсенді түрде ауысса, тапшылық болады», – деді министр.
</blockquote>
Ақшолақовтың айтуынша, мәселені шешу үшін газ саласына преференциялар қажет. Сонымен қоса министр жер қойнауын пайдаланушыларды ынталандыру мәселесін де пысықтап жатқанын жеткізді.
Айта кетейік, газ қоры бойынша Қазақстан әлемде 22-орында, ТМД елдерінде Ресей мен Түркіменстаннан кейін үшінші орында.

2025 жылға қарай Қазақстанда газ тапшылығы сезілуі мүмкін

<a href="https://kyzylorda-news.kz/">Kyzylorda-news.kz.</a>&nbsp;Сырдария ауданының әкімі Мұрат Ергешбаев бастамасымен және бірқатар бастамашыл азаматтардың демеушілігімен «Кітап оқы да, тұлға бол!» жобасы қолға алынған болатын.
Ақын, «Сырдария ауданының Құрметті азаматы» Нұрмат Мансұров пен Сырдария аудандық «Тіршілік тынысы» газетінің бас редакторы Ақтөре Ибрагимұлы ауданға қарасты 10 ауылдағы және аудан орталығындағы мектептерді аралап, оқушыларға жобаның мақсат-міндеттерін түсіндірген болатын. 23 сәуірде жобаның бірінші кезеңі басталып, жоба үйлестірушілері ауыл-ауылды аралап, жоба қатысушыларымен жүздесті.
Өткен сенбі күні ақын, руханият жанашыры Серік Ыдырысов, ақын Нұрмат Мансұров, «Тіршілік тынысы» газетінің редакторы Ақтөре Ибрагимұлы, облыстық «Рухани жаңғыру» орталығы директорының орынбасары Сәулет Сахиев Сырдария ауданына қарасты Аманкелді және Бесарық ауылдық округтеріндегі білім ордаларының оқушыларымен кездесіп, «Ұшқан ұя» және «Жабайы алма» кітаптары туралы олардың түсініктерін тыңдап, эссе жаздырып, сұрақ-жауап ұйымдастырды. 
Нәтижесінде оқуға берілген екі кітапты толық оқып, барлық сұрақтарға дұрыс жауап беріп, жеті атасын жатқа айтып, эссе жазған екі ауылдағы жоба жеңімпаздары анықталды. Қос жеңімпазға демеушілер есебінен велосипед берілді.

Қазақстан және Қызылорда облысының жаңалықтары