<a href="https://kyzylorda-news.kz/">Kyzylorda-news.kz.</a>&nbsp;Фильм паралимпиадашылардың және 2018 жылы Пхенчхан қаласында 1,5 шақырым спринтте жеңіске жеткен Қазақстан тарихындағы бірінші қысқы Паралимпиада ойындарының чемпионы Александр Колядиннің басынан кешкен нақты оқиғаларының негізінде түсірілген.
Шаңғышы спортшы бала кезінен Олимпиада алтынын жеңуді армандайды, алайда сұмдық апатта аяғынан айрылады. Ұзақ жылдар бойы ол Паралимпиада ойындарында өз күшін сынап көруді ұсынғанға дейін терең күйзелісте болады.
Фильмнің идеясы режиссер Алдияр Байракимовқа тиесілі. Қысқы Паралимпиаданың алғашқы чемпионы Александр Колядинді негізге алу туралы шешім ұзақ және әсерлі әңгімеден кейін келді. Түсірілім тобы екі жылдан астам уақыт паралимпиадалық құраманың жұмысымен танысып, бас кейіпкердің ұжымдық бейнесін жасады.
<blockquote>
 «Фильмнің мақсаты – азаматтардың, халықтың осы спортқа деген қызығушылығын арттыру болды. Бұл мүмкіндігі шектеулі жандарға деген құрмет. Шындығында, бізде фильмде қолданылған дәйексөз бар, ол «Олимпиададан кейін спортшылар елге батыр болып оралады, ал паралимпиадашылар батыр болып аттанады. «Паралимпиадашы» фильмі үш жерде түсірілді: Алматы, Алматы облысы және Щучинск қаласында. Соңғы қалада әсіресе қиын болды, өйткені түсірілім кезеңі Қазақстанның солтүстік аймақтарында ауа температурасы -40 градус болып тұрған кезімен тұспа-тұс келді», – дейді «Паралимпиадашы» фильмінің продюсері Әділет Ибрагим.
</blockquote>
<img src="https://kyzylorda-news.kz/wp-content/uploads/2022/04/kino1.jpg" alt="" />

«Паралимпиадашылар» фильмі кинотеатрларда көрсетілуде

<a href="https://kyzylorda-news.kz/">Kyzylorda-news.kz.</a> Қызылорда облысындағы мектептерде сабақ кестесі дұрыс ұйымдастырылмаған 34 дерек анықталды. Бұл туралы Қызылорда облысының санитариялық-эпидемиологиялық бақылау департаментінің баспасөз қызметі хабарлады.
Соңғы жылдары мектептегі күрделі оқу жүктемесінің бала денсаулығына тигізетін әсері жиі айтылып жүр. Әрине, егер оқу процесі дұрыс ұйымдастырылмаған болса, бала денсаулығының нашарлауына мектеп факторы да тікелей әсер етеді. Сондықтан басты мақсат – білім беру барысын бала денсаулығына зиян келмейтіндей етіп жүзеге асыру.
Оқыту барысын гигиеналық оңтайлы жағдаймен қамтамасыз ету ҚР Денсаулық сақтау министрлігінің бұйрығымен «Білім беру объектілеріне қойылатын санитариялық-эпидемиологиялық талаптар» қағидаларында толықтай қарастырылған және оның сандық көрсеткіштері қатаң бекітілген. Яғни сынып бөлмесіндегі қалыпты температура мен ылғалдылық, жарықтандыру деңгейі, жиһаздардың бала денесіне сай келуі, полиграфиялық қағидалар сақталған сапалы оқулықтар, монитор алдындағы шектеулі уақыттың сақталуы сияқты бірқатар талаптар белгіленген.
Білім беру ұйымдарында оқу процесінің дұрыс ұйымдастырылуы оқу жүктемесі мен сабақ кестесінің дұрыс құрылуынан басталады.
Сабақ кестесін жасаған кезде бір күн және бір аптаның ішіндегі оқушының ақыл-ой және қабілеттілік серпіні мен қиындығы бойынша пәндерді саралау ескерілуі тиіс. Себебі әр деңгейдегі сынып оқушыларының белсенділігінің төмендеуі түрлі сағаттарда болады. Ең күрделі пәндерді сабақ кестесінде 2-3-ші сабаққа қою ұсынылады. Сондай-ақ екі-үш қиын сабақты қатарынан қоюға болмайды (физика, математика, шет тілі), оларды жеңіл (география, ән) пәндермен араластырып отыру керек.
Жалпы білім беру нысандарын тексеру барысында облыс мектептерінде сабақ кестесі дұрыс ұйымдастырылмаған 34 дерек анықталды. Барлығына санитариялық нұсқама беріліп, айыппұлдар салынды. Бүгінгі күні бұл бұзушылықтар қалыпқа келтірілді.
Оқыту нысандарында салауатты білім берудегі тағы бір өзекті проблеманың бірі –мектептердің тығыздық мәселесі. Облыстағы 12 мектепте немесе 4%-да тығыздық көрсеткіші нормадан жоғары. Санитариялық қағидалар талаптары бойынша әр сыныпта 25 баладан аспауы қажет болса, аталмыш мектептерде 30-35 оқушыдан. Қызылорда қаласындағы 6 мектепте оқу процесі үш ауысымда жүргізіледі. Бұл санэпид қызметінің мамандарын алаңдатып отыр. Себебі үш ауысымда оқу қарапайым санитариялық-эпидемиологиялық талаптардың, ылғалды жуып-шаю, ауа алмасу, карантин режимдердің бұзылуына әкеліп соқтырады. Нәтижесінде білім ошақтарында жұқпалы және паразитарлық аурулардың топтасқан немесе «бұрқ» еткен жағдайларының таралу қаупі артады. Бұған 2021-2022 оқу жылы басынан балалар арасында коронавирус инфекциясының көптеп тіркелгені, әсіресе үш ауысымдағы Абай атындағы мектеп-лицейде 9 жағдай, №3 мектеп-лицейде 14 жағдай, №101 мектепте 8 жағдай және № 264 мектепте 7 жағдайдың анықталуы дәлел бола алады.
Сабақтың гигиеналық тұрғыдан рационалды, оңтайлы құрылымы
Оқушылар жүкемесінің азаюына, сәйкесінше жүрек-қантамыр жүйесінің функционалды қалпының бұзылмауына, көру моторикалық реакцияларының оңды динамикасына, көңіл күйді орнықтыратын оңды психоэмоционалды фон қалыптастыруға, аурушаңдықты азайтуға, оқу жылының соңында жоғары адаптациялық мүмкіндіктерді сақтауға, сабақ үлгерімінің артуына оң әсерін тигізеді. Санитариялық-эпидемиологиялық бақылау саласының қызметкерлері мектептердегі оқу процесін салауаттандыру жағдайын тұрақты бақылауда ұстайды.

Қызылорда мектептерінде сабақ кестесі дұрыс ұйымдастырылмаған 34 дерек анықталды

<a href="https://kyzylorda-news.kz/">Kyzylorda-news.kz.</a> Аймақ тұрғындарының құқықтық сауаттылығын арттыру және мемлекеттік көрсетілетін қызметтерді кедергісіз алуды қамтамасыз ету мақсатында №1 Халыққа қызмет көрсету орталығында акция өтті.
«Азаматтарға арналған үкімет мемлекеттік корпорациясы» КЕ АҚ» Қызылорда облысы бойынша филиалы мен облыстық Әділет департаментінің ұйымдастыруымен өткен іс-шараға филиал директорының орынбасары Рахат Жайсаңбаев, департамент басшысы Ирина Бакишева, нотариустар, адвокаттар, жеке сот орындаушылары мен заңгерлер қатысып, тұрғындардың сауалдарына жауап берді.
Сондай-ақ, сала мамандары соңғы уақытта өзгертілген заңналамалар туралы да тұрғындарға түсіндірме жұмыстарын жүргізді.
Акция барысында Халыққа қызмет көрсету орталығына келген ондаған адам өздерін толғандырған сұрақтары бойынша қажетті мамандар кеңес алды.
Шарада алимент өндіру, борышкерлер тізімінен шығару, жылжымайтын мүліктер құжатының түпнұсқасын қалыпқа келтіру, авдокаттық, нотариаттық қызметпен және сот орындаушысы болу үшін лицензия алу сынды сұрақтар ең көп талқылауға түсті.
<img src="https://kyzylorda-news.kz/wp-content/uploads/2022/04/whatsapp-image-2022-04-25-at-16.23.04.jpeg" alt="" />
<img src="https://kyzylorda-news.kz/wp-content/uploads/2022/04/whatsapp-image-2022-04-25-at-16.23.05.jpeg" alt="" />

Қызылорда: Халыққа қызмет көрсету орталығында тегін құқықтық кеңес берілді

<a href="https://kyzylorda-news.kz/">Kyzylorda-news.kz.</a> Елімізде мамыр айындағы құрғақшылық бойынша болжам жарияланды, деп хабарлайды «<a href="https://24.kz/kz/zha-aly-tar/o-am/item/540712-r-a-shyly-t-rt-oblysta-baj-alady">Хабар 24</a>».
Қазақстанның едәуір аумағында ылғалдану жағдайлары нормаға жақын болады, дейді мамандар.
Орташа құрғақшылық төрт облыста ерекше байқалуы мүмкін. Олар Ақтөбе облысының Әйтеке би және Хромтау аудандарында, Қостанай облысының Жангелдин ауданында сондай-ақ Қызылорда облысы Қазалы ауданы мен Маңғыстау облысының Маңғыстау ауданында.

Қазалы ауданында құрғақшылық байқалады

<a href="https://kyzylorda-news.kz/">Kyzylorda-news.kz.</a> Мәжіліс депутаты Ғалым Әміреев «Ауыл – ел бесігі» бағдарламасын сынға алып, бағдарламаға көзқарасты өзгерту керегін айтты.
<blockquote>
 «Бүгін ел үшін маңызды мәселе қаралып отыр. «Ауыл – ел бесігі» – атауы керемет бағдарлама. Бастапқыда жоспар жақсы болған. Бүгін депутаттар маңызды, күрделі сұрақтар қойды. Бірақ Үкімет мүшелері жауапқа дайын болмаған сияқты. Жауаптарға қанағаттанған жоқпыз», – деді депутат Мәжілісте.
</blockquote>
Ол өз тарапынан 2-3 мәселе қозғағысы келетінін айтты.
<blockquote>
 «Ұлттық экономика министрлігі соңғы жылдары тек бюджеттің толтырылуымен, бюджеттен жіберіліп жатқан бюджетті бақылаумен айналысып кеткендей. Ұлттық экономика министрлігі тек жалпы экономикамен емес, сонымен қатар ауылдың экономикасымен де айналысуы керек. БАҚ-тан көріп отырғанымыздай, ауылдарға тек министр Қарашөкеев (АШМ басшысы – ред.) барады. Басқа министрлерді көріп отырғанымыз жоқ. Яғни ауылға барып, проблеманы ауылдықтармен бірге ақылдасып, шешу үшін жұмыс істеп отырған министрлерді көріп отырғанымыз жоқ», – деді ол.
</blockquote>
Әміреев бұл тек әкімдердің ғана жұмысы емес екенін түсіндірді. Әкімдер инвестиция тартып, ұсыныс береді. Алайда «Ауыл – ел бесігі» бағдарламасы не үшін қажет? Әрине, халықтың жағдайын көтеру үшін керек.
<blockquote>
 «Біріншіден, бұл бағдарламаға көзқарасты өзгерту керек. Бөлек бағдарлама болғаны дұрыс. Екіншіден, барлық министр, қажет болса, жиналыстарын ауылға барып өзкізсін. Ол жақта да жағдай бар, мәдениет үйлері бар. Бүгінгі күні ауылдарда тек 3 ғана нысан бар: мектеп, мәдениет үйі және медициналық пункт. Болды басқа ештеңе жоқ. Осылардың кез келгеніне барып, министрлерге жиналыс өткізуге болады. Үшінші мәселе – балабақша мәселесі. Ауылдардағы балабақшаларды қаржыландыруды тоқтатпау керек. Одан бөлек, балабақшалардағы жан басына шаққандағы қаржыландыру дұрыс орындалып отырған жоқ. Оны бақылап отырған ешкім жоқ. Бұл жұмыс Білім және ғылым министрлігіне жүктелген, бірақ мәселе шешіліп жатқан жоқ», – деп айтты Ғалым Әміреев.
</blockquote>
Депутат ауыл тұрғындары соңғы кезде балабақша мәселесін жиі көтеріп жүргендерін айтты.
<blockquote>
 «Инвестиция тарту тек Үкіметтің, әкімдердің жұмысы емес. Бізде қаншама жүйе құраушы, жер қойнауын пайдаланушы деген компаниялар бар. Ауылдық жерлерде орналасқан «Самұрық-Қазынаның» да еншілес компаниялары бар. Бірақ ауылмен ешқандай жұмысы жоқ. Олар ол жақта не істеп жатыр? Жылда миллиардтаған пайда тауып жатыр. Осыдан 30-50 жыл бұрынғы жүйеге жете алмай отырмыз. Нені дамытып жатырмыз? Түсініксіз», – деп айтты Мәжіліс депутаты.
</blockquote>
<a href="https://baq.kz/neni-damytyp-zhatqanymyz-tusiniksiz-deputat-auyldy-damytu-bagdarlamasyn-synga-aldy_276669/">Baq.kz</a>

Ғалым Әміреев: Нені дамытып жатқанымыз түсініксіз

<a href="https://kyzylorda-news.kz/">Kyzylorda-news.kz.</a> Күні кеше Жаңақорған ауданында қатты желдің әсерінен бес ғимарат пен екі қабатты көп пәтерлі тұрғын үйдің шатыры ұшқан болатын. Табиғи оқиғаның салдарынан электр сымдары зақымдалған. Бұл туралы Өңірлік коммуникациялар қызметінде өткен брифингте облыстық төтенше жағдайлар департаменті бастығының орынбасары Саид Молдақараев хабарлады.
<blockquote>
 «Жаңақорған ауданында сағат 15:00 мен 17:00 аралығында жылдамдығы 18 метр секунд болатын қатты желдің кесірінен ғимараттарға зақым келді. Ауданға қарасты Кейден және Жайылма ауылдық округінде қайта қалпына келтіру жұмыстары жүргізілді. Оқиға салдарынан зардап шеккендер жоқ. Қазіргі таңда тиісті мекемелерден комиссия құрылып, шығындар есептелуде», – деді Саид Молдақараев.
</blockquote>

Жаңақорғанда қатты желдің салдарынан ғимараттарға зақым келді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің ғалымдары облыстық ауыл шаруашылығы басқармасы ұйымдастырған агроөнеркәсіптік кешен саласындағы инновациялық жобалар конкурсына қатысты. Байқау нәтижесінде университеттің екі жобасы 30 миллион теңгеден аса қаржылай қолдау тапты.
<blockquote>
 «Аймақтың негізгі дақылы – күріш екені бәрімізге белгілі. Су тапшылығына байланысты күріш көлемін қысқарту туралы мәселе жиі көтеріліп жүр. Осыған байланысты біздің жас ғалымдар ғылыми зерттеу жүргізуде. Күріш қалдықтарын өңдеу барысында алынған биотыңайтқыш топырақ құнарлығын арттырады. Сол арқылы ауылшаруашылық дақылдарының өнімділігін ұлғайту жобасы өндіріске енгізіледі. Сондықтан ғылыми зерттеу жұмыстары арқылы тың әдістерді іске асыруымыз керек», – деді техника ғылымдарының докторы, агробиологиялық орталықтың бас ғылыми қызметкері Серікбай Өмірзақов.
</blockquote>
Зерттеу жұмысын университеттің инженерлік бейіндегі зертхана жетекшісі, химия ғылымдарының кандидаты Нұрлыбек Ахатаев бастаған ғалымдар тобы жүргізді. Ғалым өсімдіктерді қорғау құралдарын, биотыңайтқыштар әзірлеу, топырақтың құнарлылығы мен сипаттамаларын жақсарту салаларын зерттеп келеді. Қазіргі таңда оның 70-тен аса ғылыми жұмысы бар.
<blockquote>
 «Инновациялық жоба топырақ құнарлығын арттыруда күріш қалдықтарын қайта өңдеу кезінде алынған биотыңайтқышты пайдалану есебінен көкөніс және бақша дақылдарының өнімділігін арттыруға бағытталған. Жобаны Қармақшы ауданы, Тұрмағанбет ауылындағы «Тұрмағанбет» ЖШС-де іске асыру жоспарлануда. Болашақта өңірдің көп тонналы ауыл шаруашылығы қалдықтары биотыңайтқышқа қайта өңделетін болады», – деді Қорқыт ата атындағы Қызылорда университетінің химия ғылымдарының кандидаты Нұрлыбек Ахатаев.
</blockquote>

Қызылордада ғалымдардың жобасы мемлекеттен қолдау тапты

<a href="https://kyzylorda-news.kz/">Kyzylorda-news.kz.</a>&nbsp;Қазақстанда үйді жалдап тұратын адамдардың шығынын мемлекет есебінен өтеу жүйесі іске қосылды. Ай сайынғы төлемнің жартысы бюджет есебінен жауып отырады. Бүгінде Отбасы банкі өтінімдерді онлайн қабылдайтын арнайы платформаны тестік режимде іске қосты.
Жалдамалы пәтердің ақысын төлеуге арналған ақша кімге беріледі?
Жалдау төлемдері бойынша мемлекеттік қолдау шаралары тек төрт санатқа кіретін және баспана кезегінде тұрған қазақстандықтарға ұсынылады. Олар: I және II топтағы мүгедектер, мүмкіндігі шектеулі балалары бар немесе оларды тәрбиелеп отырған отбасылар, жетім және ата-анасының қамқорлығынан айырылған балалар, сондай-ақ, көпбалалы отбасылар.
Жалға алынған пәтердің барлық ақысы төлене ме?
Жоқ, мемлекет тарапынан жалдамалы пәтерге төленетін ақының 50 проценті, яғни, жартысы өтеледі.
Өтінім беретін адамдардың төлем қабілеттілігі тексеріле ме?
Иә, отбасының соңғы 6 айдағы орташа табысы әрбір мүшесіне шаққанда 1 ең төменгі күнкөріс деңгейінен, яғни, 36 018 теңгеден аспауға тиіс. Мысалы, үйде төрт адам болса, барлық отбасының табысы 144 072 теңгеден (4×36 018) артық болмауы шарт.
Өтінім қабылдау басталды ма?
Жалдамалы тұрғын үйді субсидиялауға өтінім қабылдайтын платформа сынақтан өтіп жатыр. Отбасы банкі 17 000 мың адамға тестілеуге қатысу туралы SMS-шақырту жіберді. Олар сәуір айының ішінде онлайн режимде өтінім беріп, банк мақұлдауын алуы қажет. Ал мамыр айында бағдарлама шарттарына сәйкес келетін барлық қазақстандық өтінім жібере алады.
Өтінім қалай жіберіледі?
Otbasybank.kz порталында (“Баспана маркет” маркетплейсі) “Жалға алу ақысын субсидиялау” бөлімі бар. Сол жерде өтінім онлайн режимде жіберіледі. Оны электронды цифрлық қолтаңба (ЭЦҚ) көмегімен рәсімдейді. Сондықтан ЭЦҚ-ны алдын ала дайындап қою қажет. Сондай-ақ, мамандар қолданыстағы ЭЦҚ-ның мерзімін тексеріп алуға кеңес беріп отыр. Субсидия алуға үміткер адамның Отбасы банкінде депозиті болуы шарт. Оны бейнебанкинг қызметі немесе “Otbasy bank” мобильді қосымшасы арқылы ашуға болады.
Жаңа бағдарламаға қанша адам қатыса алады?
Үкіметтің жоспарына сәйкес, жаңа бағдарламамен, шамамен, 70 000 адам қамтылады. Ол үшін барлығы 50 миллиард теңге қарастырылған. Соның ішінде 40 миллиард республикалық бюджеттен бөлінсе, жергілікті әкімдіктер 10 миллиард береді. Бюджет қаржысы мамыр айында бөлінеді. Сол кезде платформада жаппай өтінім қабылдау басталады.
Отбасының ай сайынғы табысы қалай тексеріледі?
Өтінім берген адам электронды цифрлық қолтаңбасын қойғаннан кейін жеке деректерді жинауға және өңдеуге келісім береді. Ақпараттық жүйе деректерді өңдеп, отбасының құрамын анықтайды. Содан кейін кәмелеттік жасқа толған әрбір отбасы мүшесі otbasybank.kz сайтында “қонақ” ретінде тіркеліп, ЭЦҚ арқылы жеке деректерді жинау және өңдеу келісіміне қол қоюы керек. Содан жүйе деректерді қайтадан тексеріп, өтініш берушіге субсидия алуға келісім береді немесе себебін түсіндіріп, өтінішін кері қайтарады.
Өтінім мақұлданған соң не істеу керек?
Өтініш мақұлданған жағдайда хабарламада жіберіледі. Онда жалға алу аймағы, пәтер ауданы, жалдау ақысының максималды мөлшері мен қатысушыға тиесілі ең жоғары субсидия көлемі көрсетіледі. Сосын “Пәтер иесі туралы деректер” бөлімінде жалға берушінің ЖСН-ін немесе БСН-ін көрсету керек. Содан кейін үйді жалға беретін өз құжаттарын жүктеуі керек.
Үйді жалға беруші қандай құжаттарды жібереді?
Жалға беруші де бәрін онлайн режимде жасайды. Алдымен otbasybank.kz сайтында ЭЦҚ арқылы тіркеліп, “Жалға алу ақысын субсидиялау” бөлімінде жеке деректерін растайды. Ол да жеке деректерін жинау және өңдеу туралы өтінішке қол қояды. Одан кейін жалға берілетін пәтердің кадастрлық нөмірін және қаражат аударылатын 20 сандық шотты көрсету керек. Ақпараттық жүйе жалдау шартын және төлем кестесін жасап шығарды. Оған жалға беруші және жалға алушы ЭЦҚ-мен қол қояды. Отбасы банкі жалдамалы тұрғын үйдің субсидиясын жалға алу шартының мерзімі аяқталғанша ай сайын аударып отырады. Құжаттың күшін мерзімінен бұрын жоюға, сондай-ақ, жаңа үй иесімен келісімшарт құруға рұқсат бар. Бірақ otbasybank.kz порталында қайтадан өтініш беру процесінен өту керек болады.
Жақын туыстардың үйін жалдауға бола ма?
Субсидиямен төленетін баспананы жақын туыстардан және жұбайлардан, соның ішінде бұрынғы жұбайларынан және ерлі-зайыптының туыстарынан жалға алуға тыйым салынған. Жергiлiктi әкiмдiктер жалдамалы үйлер мен онда тұрып жатқан азаматтарды тоқсанына бiр рет тексеріп отырады. Ал Отбасы банкі жыл сайын субсидия алушылардың шарттарға сай келуіне мониторинг жүргізіп, төлем тәртібін ай сайын қадағалайды.
<a href="https://sputnik.kz/20220424/zhalga-alatyn-uy-manyzdy-10-suraq-24422748.html">Sputnik.kz</a>

«Жалға алатын үй төлемінің жартысын мемлекет өтейді»: Маңызды 10 сұрақтың жауабы

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен селекторлық жиында әлеуметтік азық-түлік тауарлары мәселесі қаралды.
Жиынға ведомство басшылары, өңір әкімдері қатысты. Бірқатар министрлер мен облыс әкімдері баяндама жасады. Бүгінгі күні бірқатар азық-түлік өнімдерінде баға өсімі байқалады.
Үкімет басшысы әлеуметтік маңызы бар азық-түлік қорында тапшылықты болдырмау, баға тұрақтылығын сақтау және өнімдерді сатып алу мәселесіне қатысты нақты тапсырмалар жүктеді.
Жиыннан кейін облыс әкімі Нұрлыбек Нәлібаев өңірде азық-түлік тапшылығын туындатпас үшін қажетті қор көлемін ұдайы анықтап, әлеуметтік дүкендерде өнімнің жеткілікті болуын тапсырды. Сондай-ақ, базар мен сауда нүктелеріндегі халық жиі тұтынатын өнім бағасының шекті бағадан аспауын қадағалап, тұрақтандыру қорының жұмысын күшейтуді, халыққа қызмет көрсететін нысандардың тазалығына жете мән беруді жүктеді. Ал, аудан әкімдеріне аймаққа қажетті өнім қорын қамтамасыз ету үшін әрбір ауылда бақша дақылдарын егу жұмыстарын күшейтуді тапсырды.
Қазіргі күні&nbsp;тұрақтандыру қорында 82 тонна картоп, 4,5 тонна пияз,&nbsp;136 тоннасы қант қоры бар. Сондай-ақ,&nbsp;форвардтық келісім арқылыТүркістан облысынан 100 тонна ерте пісетін қырыққабат бір апта ішінде жеткізіле бастайды.

Нұрлыбек Нәлібаев: Бақша өнімдерін егуге басымдық беруіміз керек

<a href="https://kyzylorda-news.kz/">Kyzylorda-news.kz.</a>&nbsp;Футболдан бірінші лиганың 2-турында қызылордалық «Қайсар» «Яссыға» қонаққа барып, кезекті жеңісіне қол жеткізді.
Қасқырлар ойынның алғашқы бөлігін ширақ бастап, кездесудің 15-минутында есеп ашты. Алаң иелерінің қорғаушысы Аян Құлмағанбетовке қарсы тәртіп бұзып, төреші 11-метрлік айып добын белгіледі. Нүктеге келген Мамаду Диалло мүлт кетпей, «Қайсарды» алға шығарды.
Матчтың екінші жартысында алаң иелері есепті теңестіруге мүмкіндік алды. Алайда ойынға тыңнан қосылған Елжас Алтынбеков 80-минутта гол соғып, «Қайсарға» жеңіс сыйлады.

«Қайсар» кезекті жеңісіне қол жеткізді

<a href="https://kyzylorda-news.kz/">Kyzylorda-news.kz.</a> Жаңақорған ауданы аумағындағы «Шалқия» кен орнын­да бірнеше жылдан бері жер асты қазбалары өндіріліп жат­қаны белгілі. Аталмыш кен орнының жұмысын әлемдегі алпауыт елдермен жұмыс жасайтын Қытай компаниясы 4 жыл мердігерлік арқылы үйлестіруде.
Маңыздысы сол, Қытайдың ТОО «Kingka Mining Construction» компаниясының басшылығы бизнестің әлеуметтік жауапкершілігі аясында аудандағы колледж шәкірттерінің біліктілігін арттырумен қатар, жұмыспен қамту мәселелеріне белсене араласып, өз үлестерін қо­суға ниетті. Осы мақсатта 2021 жылдың желтоқсан айында Жаңақорған аграрлық-техникалық колледж директоры Жомарт Шауенов пен аспан асты елі компаниясының директоры Дзянг Хайвен және «Шалқия Цинк LTD» АҚ-ның әлеуметтік мәселелер жөніндегі кеңесшісі Ғабит Ғазизқанұлымен кездесіп, екіжақты меморандумға отырды.
Екіжақты меморандум аясында колледждегі «Пайдалы қазбалардың кен орындарын жер астында өңдеу» мамандығының студенттері «Шалқия» кен орнында өндірістік практикадан өтіп, толықтай жұмыспен қамтылатын болады. Сондай-ақ, түлектер оқуды аяқтаған соң өз қалауы арқылы Қытай мемлекетіне барып жоғары білім алу үшін оқуын әрі қарай жалғастыруларына мүмкіндік беріледі.
<blockquote>
 «Бұл меморандум колледжіміздің түлектерін жұмыспен қамтуға және Қытай мемлекетінде біліктіліктерін арттыруға зор мүмкіндік тудырып отыр. Сондай-ақ, бүгінде біз аталмыш Қытай компаниясының тапсырысымен тігін шеберханасында ақылы түрде жұмыс киімі мен қажетті жабдықтарын да тігуде, – деді колледж директоры Жомарт Абибуллаұлы.
</blockquote>
<img src="https://kyzylorda-news.kz/wp-content/uploads/2022/04/279168075_1518135731915267_7696113269890067682_n.jpg" alt="" />
<img src="https://kyzylorda-news.kz/wp-content/uploads/2022/04/279205760_1518135755248598_6999147619165190165_n.jpg" alt="" />
<img src="https://kyzylorda-news.kz/wp-content/uploads/2022/04/279220831_1518135711915269_4659439043074630933_n.jpg" alt="" />

Жаңақорғандағы кен орны колледж түлектерін жұмыспен қамтиды

<a href="https://kyzylorda-news.kz/">Kyzylorda-news.kz.</a>&nbsp;Білім және ғылым министрлігі еліміздегі колледждерде сырттай оқуға арналған біліктілік тізімін айтарлықтай қысқартты. Енді студенттер 53 біліктілік бойынша білім ала алады, деп хабарлайды&nbsp;<a href="https://stan.kz/">Stan.kz</a>.&nbsp;
Салыстырмалы түрде айтар болсақ, екі жылдан астам уақыт бұрын 595 біліктілік бойынша сырттай білім алуға болатын. Бірақ оқытудың бұл түрі студенттерге сапалы дағдыларды бермейтіндіктен, министрлік оларды қысқарту бойынша кезең-кезеңімен жұмыс жүргізді. Бұл жолы сырттай оқу «Құқық», «Білім беру», «Сервис, экономика және басқару» және басқа да кадрларды даярлау бейіндері бойынша алынып тасталды.
<blockquote>
 «Бүгінгі таңда техникалық және кәсіптік білім беру саласындағы кадрларды даярлауға қойылатын талаптарды еңбек нарығы мен жұмыс берушілер белгілейді. Ол үшін біз сырттай оқу түрінен бас тартып жатырмыз. Сондай-ақ мұндай шешімді қабылдауға түлектердің оқуды бітіргеннен кейін алатын білім мен дағдыларының жеткіліксіз сапасы себеп болды. Колледждер студенттерге жұмыс орнында білім алуға мүмкіндік беретін ірі кәсіпорындармен және бизнеспен тығыз байланыста жұмыс істейді. Яғни бұл оқытудың дуалды формасы. Бұл бүгіннің өзінде білім сапасына оң әсерін тигізіп келеді. Сырттай оқыту тізімінен талап етілмеген біліктіліктер, оның ішінде дайындық сәйкестігін ескере отырып, біреуіне біріктірілгендер алынып тасталды. Жалпы біз қысқарту жұмыстарын әрі қарай жалғастырамыз», – деп атап өтті ҚР БҒМ Техникалық және кәсіптік білім департаментінің директоры Насымжан Оспанова.
</blockquote>

Қазақстан және Қызылорда облысының жаңалықтары