<a href="https://kyzylorda-news.kz/">Kyzylorda-news.kz.</a> Дүйсенбіден бастап Жаңақорған ауданының әкімі Мұрат Тілеуімбетов ауылдық округтерді аралап, ауылдағы ағайынның талап-тілектерін тыңдап, ұсыныс-пікірлерін пайымдап, есеп беру кездесуін бастады.
Мемлекет басшысының тапсырмасына сай, әрбір 3 ай сайын аудан әкімдері елді мекен тұрғындарымен жүздесіп, атқарылған жұмыстарды жүйелеп, меже мен жоспардың жай-жапсарын түсіндіруге міндеттелген. Осы бағытта Көктөбеден басталған сапар сейсенбі күні Өзгент, М.Нәлібаев, Қыркеңсе, Жаңарық, Байкенже және Кейден ауылдық округтармен жалғасты.
Аудан әкімі бастаған делегат құрамында аудандық маслихат хатшысы Ғалымжан Сопбеков, аудан прокуроры Дабыл Аянұлы, жауапты бөлім басшылары жүрді.
Осыдан 3 ай бұрын кездесудегі елдің қойған сауалдарына Мұрат Тілеуімбетов жауап беріп, алдағы жоспарға ұсыныстарды қағазға түсірді.
Алдымен ауыз су, газ, жарықтандыру және жол мәселесінде жасалып жатқан жұмыстарды саралаған аудан әкімі ауыл халқымен еркін форматта тілдесіп, елдің мұң-мұқтажын тыңдады. Мәселен, Жаңарық пен Байкенже халқы жаңа мектептің құрылысын асыға күтіп жүргенін білеміз. Бұл жөнінде аудан басшысы Байкенжедегі білім ордасының іргетасы келер жылы қаланатынын сүйіншілесе, жаңарықтық ағайынға да жұмыс жасалып жатқанын жеткізді.
Сол секілді кейдендіктер де жол жөнделіп, канал қазылуын асыға күтіп жүр. Аққұмдағы ағайын жарық мәселесіне мән беріліп, ертерек шешімін тапса екен деп тілеп отыр. Бұл қысқаша. 3 ауылда бұдан да басқа мәселелер көтеріліп, нақты жауап айтылды. Бұл туралы аудандық газеттен толық оқи аласыздар. Сондай-ақ, жеке қабылдаулар жүріп, жеке бастың мәселелері көтерілді. 
Қамба дәнге толсын…
Биылғы жылдың алғашқы орымы басталды. Күрішке орақты қыркеңселіктер түсірді. Көшті бастаған Қыркеңсе ауылдық округіндегі «Бекарыс-С» шаруа қожалығының төрағасы Серік Мырзабаевтың қырманына барып, салтанатты түрде лента қиылып, ақсақалдар батасын берді.
Бүгін Жайылма, Сунақата, Екпінді, Қожамберді, Төменарық, Сүттіқұдық ауылдық окркгтің тұрғындарымен кездесу өтеді.
<img src="https://kyzylorda-news.kz/wp-content/uploads/2022/08/whatsapp-image-2022-08-24-at-10.23.46-2.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-24-at-10.23.46-1.jpeg" alt="" />

Жаңақорған ауданының әкімі ауылдарды аралады

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжанов өткен аптада ауылдық округтердегі білім беру мекемелеріне барып, жаңа оқу жылына дайындық жұмыстарымен танысты.
Асқарбек Есжанов жаңа оқу жылында балалардың оқуына барлық жағдайдың жасалуын және ешқандай кедергі болмау қажеттігін тапсырды.
Сондай-ақ, мектеп оқушыларына тиісті берілетін кітаптарды үлестіру жұмыстарын ерте ұйымдастыруды тапсырды.
Ауданда білім беру ұйымдардың жаңа оқу жылына дайындық жұмыстары жоспарға сәйкес жүргізілді.
Жаңа оқу жылында 20 мектепте 7128 оқушы білім алмақ. Оның ішінде 1 сыныпқа барлығы 682 оқушы қабылданды.
Жаңа оқу жылындағы ерекшеліктер:
– Қазақ тілінде жүргізілетін мектептерде Орыс тілі 2 сыныптан бастап оқытылады.
– 3 сыныптан бастап Шет тілі пәні оқытылады.
– «Көркем еңбек» пәні (1-9 сыныптар) екі пәнге бөлінген «Еңбекке баулу» (1-4 сыныптар), «Бейнелеу өнері» (1-6 сыныптар) және «Технология» (5-9 сыныптар).
-Өзін-өзі тану пәні үлгілік оқу жоспарының инвариантты компонентінен алынып тасталады.
<ul>
<li>Білім алушылардың білімдеріндегі олқылықтардың орнын толықтыру жұмыстары жалғасады.</li>
<li>5-11 сыныптар аралығында «Патриотизм және жаһандық құзыреттіліктер» таңдау курстары жалғасады.</li>
<li>«Тірек мектебі-магнитті мектептер» пилоттық жобасы енгізіледі. 
Білім алушыларды оқулықпен қамтамасыз ету де басты назарда. Оқулықтар мен оқу-әдістемелік кешендерін сатып алуға барлығы облыстық бюджеттен 23241 дана оқулықтарды сатып алуға 59 млн 56 мың қаржы бөлінді. Аталған қаржыға 3-11 сыныптарға ағылшын пәні оқулығы, 3-4 сыныптарға жаратылыстану пәні, 5-11 сыныптарға көркем еңбек пәні оқулықтармен және оқу-әдістемелік кешендер алуға, «Оқуға құштар мектеп» жобасы аясында қажетті көркем әдебиеттермен және 2-11 сыныптардың оқулық қорларын толықтыруға бағытталған.</li>
</ul>
<img src="https://kyzylorda-news.kz/wp-content/uploads/2022/08/300735547_1520583055060434_923326117219593664_n.jpg" alt="" />
<img src="https://kyzylorda-news.kz/wp-content/uploads/2022/08/301065520_1520466551738751_5383559113220672086_n.jpg" alt="" />

Жалағашта биыл 7000-нан астам оқушы білім алады

<a href="https://kyzylorda-news.kz/">Kyzylorda-news.kz.</a> Партия алыңында Қазақстан Республикасы Парламент Мәжілісінің депутаты, «AMANAT»партиясы фракциясының мүшесі Ғалым Әміреевтің қатысуымен «Әлеуметтік маңызы бар азық-түлік тауарлары бағаларын тұрақтандыру» тақырыбында жауапты сала өкілдерімен жиын өтті.
Жалпы өңірде әлеуметтік маңызы бар азық-түлік тауарларының бағасын тұрақтандыру бойынша тиісті шаралар қабылданып келеді.
Бағаның негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу, сондай-ақ «айналым» схема бойынша бағаны тұрақтандыру механизмі аясында заем беру арқылы шаралар қабылдануда.
Тұрақтандыру қорының өнімдері және «айналым схемасы» шеңберінде қарыз алған кәсіпкерлік субъектілерінің өнімдері 38 әлеуметтік дүкен арқылы және облыс орталығының 17 ірі сауда үйінің әлеуметтік бұрыштары арқылы сатылуда.
Қазіргі таңда, облыс тұрғындарын көкөніс өнімдерімен қамтамасыз ету мақсатында бірнеше келісім шарттар жасалды.
Форвардтық негізде келісім шарттар негізінде өңірлік тұрақтандыру қорына 1000 тонна картоп, 100 тонна сәбіз, 100 тонна қырыққабат, 400 тонна пияз сатып алу жұмыстары жүргізілуде.
Жиын барысында жыл бойына бағаны тұрақты ұстап тұру бағытында түрлі ұсыныстар ортаға саланып, мәселені шешудің жолдары пысықталды.
<img src="https://kyzylorda-news.kz/wp-content/uploads/2022/08/ad6cc546-62de-4ed2-ba76-a553b769144f.jpg" alt="" />

Қызылордада баға тұрақтылығын сақтау мәселесі пысықталды

<a href="https://kyzylorda-news.kz/">Kyzylorda-news.kz.</a> Сырдария ауданы Нағи Ілиясов ауылында 11 көше қайта жаңғыртудан өтеді.
Биылғы жылы Сырдария ауданы бойынша автомобиль жолдарын жөндеуге 1,3 млрд. теңге қаржы бөлінді. Бұл қаражатқа 23 жоба іске асырылуда.
Аудандық маңызы бар автомобиль жолдары бойынша 146,5 млн. теңге қаржы бөлініп, 9 шақырым автомобиль жолдарына орташа жөндеу жұмыстары аяқталуда.
Ауданда атқарылып жатқан жұмыстар жетерлік. Сол игі істерді Сырдария ауданының әкімі Мұрат Ергешбаев қадағалап, тиісті сала басшыларымен бірге «Ауыл – Ел бесігі» бағдарламасы аясында Нағи Ілиясов ауылындағы атқарылып жатқан жұмыстарды пысықтады.
Аталған елді мекенінің биыл 11 көшесі қайта жаңғыртудан өтеді. Құны 584,3 млн. теңгені құрайтын жобада ұзындығы 3 679 метр көшеге асфальт қабаты, ұзындығы 2 645 метр көшеге 92 дана түнгі жарық бағанасы, сондай-ақ ұзындығы 2 242 метр аяқ су арығына лоток, оған қоса, ұзындығы 10 787 метр және ені 2 метр болатын жаяу жүргінші жолының құрылысы жүргізілетін болады.
Аудан басшысы Мұрат Нәлқожаұлы «Дәнекер» ЖШС мердігер мекеме басшысына жүргізіліп жатқан жұмыстардың сапалы әрі мерзімінен бұрын аяқтауды жеткізді. Сонымен қатар ауыл әкіміне Нағи Ілиясов ауылындағы санитарлық тазалық жұмыстардың жүргізілуі бойынша жұмыс жасауды тапсырды.
<img src="https://kyzylorda-news.kz/wp-content/uploads/2022/08/300880037_1187728045123419_2402495735198705264_n.jpg" alt="" />
<img src="https://kyzylorda-news.kz/wp-content/uploads/2022/08/301228627_1187728095123414_7701050663933269589_n.jpg" alt="" />

Нағи Ілиясов ауылында 11 көше қайта жаңғыртудан өтеді

<a href="https://kyzylorda-news.kz/">Kyzylorda-news.kz.</a> Қазалы ауданында жаңа оқу жылына дайындық жұмыстары пысықталды.
Аз ғана уақыттан соң кезекті жаңа оқу жылы басталады. Сондықтан да оқушылардың сапалы білім алуына қолайлы жағдай жасау үшін білім беру ұйымдарының жоғары дайындықта болуы өте маңызды.
Бұл маңызды мәселе бүгін аудан әкімі Мұхтар Оразбаевтың төрағалығымен өткен әкімдік мәжілісінде қаралып, дайындық жұмыстары пысықталды.
Мұхтар Әуесұлы күн тәртібіндегі мәселенің маңызды екенін атап өтіп, бұл мәселе Қазақстан Республикасы Үкіметі мен аймақ басшысының ұдайы назарында екенін жеткізді.
Күн тәртібіндегі мәселеге байланысты аудандық білім бөлімінің басшысы Әділхан Жөлекешов баяндама жасап, атқарылып жатқан жұмыстарды тілге тиек етті.
Аудан әкімі Мұхтар Әуесұлы қазіргі таңда бірнеше мектеп пен балабақшалардың басшысыз отырғандығын сынға алды.
<blockquote>
 «Жаңа оқу жылында ауданда 3 мектеп директорының орны бос. Бұл мәселе – өте өзекті. Басшысыз мекемеде жұмыстың сапасы мен қызметкерлердің жауапкершілігінің төмендейді. Сондықтан бос тұрған орындарға тезірек басшыларды тағайындау қажет», – деді аудан басшысы.
</blockquote>
Сондай-ақ, білім ошақтарының қысқы жылу беру маусымына дайындықты күшейтуді тапсырды. 
Басқосу мұнан соң аппарат мәжілісіне ұласып, мұнда да маңызды мәселелер талқыланды.
Бірінші мәселе бойынша аудандық жұмыспен қамту, әлеуметтік бағдарламалар және азаматтардың хал актілерін тіркеу бөлімінің басшысы Совет Бабанаев баяндама жасап, ауданда «2021-2025 жылдарға арналған кәсіпкерлікті дамыту жөніндегі» ұлттық жобаның жүзеге асырылу барысы туралы егжей-тегжейлі айтып берді.
Екінші мәселе – 2022-2023 жылдар аралығындағы жылу беру маусымы кезеңіне әлеуметтік-мәдени нысандардың дайындығы жайлы аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов хабарлама жасады.
Үшінші мәселе 2022 жылдың 8 айындағы және жылдық қаржы игеру болжамы туралы аудандық қаржы бөлімінің басшысы Әліби Әбиев, төртінші мәселе аудандағы міндетті әлеуметтік медициналық сақтандыру мәселесі жайлы Қазалы ауданаралық ауруханасының бас дәрігері Бақытгүл Әлішева баяндады.
Күн тәртібіндегі мәселелер жан-жақты талқыланғаннан кейін аудан әкімі Мұхтар Оразбаев аудан әкімінің орынбасарлары мен тиісті сала басшыларына нақты тапсырмалар берді.
<img src="https://kyzylorda-news.kz/wp-content/uploads/2022/08/00-1.jpg" alt="" />
<img src="https://kyzylorda-news.kz/wp-content/uploads/2022/08/04.jpg" alt="" />

Қазалыда жаңа оқу жылына дайындық жұмыстары пысықталды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда 1259 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ВАК.
Оның ішінде:
Нұр-Сұлтан қаласында – 300,
Алматы қаласында – 78,
Шымкент қаласында – 0,
Ақмола облысында – 0,
Ақтөбе облысында – 69,
Алматы облысында – 170,
Жетісу облысында – 75,
Атырау облысында – 5,
Шығыс Қазақстан облысында – 27,
Абай облысында – 58,
Жамбыл облысында – 113,
Батыс Қазақстан облысында – 42,
Қарағанды облысында – 186,
Ұлытау облысында – 18,
Қостанай облысында – 39,
Қызылорда облысында – 19,
Маңғыстау облысында – 12,
Павлодар облысында – 48,
Солтүстік Қазақстан облысында – 0,
Түркістан облысында – 0.
Елімізде барлығы 1 351 255 адам COVID-19-дан емделіп, сауығып шықты.

COVID-19: Тағы 19 қызылордалық жазылды

<a href="https://kyzylorda-news.kz/">Kyzylorda-news.kz.</a>&nbsp;Өткен тәулікте коронавирус инфекциясын жұқтырған 668 жағдай тіркелді. Бұл кешегі көрсеткішпен салыстырғанда екі есеге көп, деп хабарлайды COVID-19 таралуына жол бермеу жөніндегі ВАК.
Оның ішінде:
Нұр-Сұлтан қаласында – 146,
Алматы қаласында – 39,
Шымкент қаласында – 2,
Ақмола облысында – 76,
Ақтөбе облысында – 17,
Алматы облысында – 7,
Жетісу облысында – 17,
Атырау облысында – 19,
Шығыс Қазақстан облысында – 21,
Абай облысында – 5,
Жамбыл облысында – 1,
Батыс Қазақстан облысында – 68,
Қарағанды облысында – 69,
Ұлытау облысында – 13,
Қостанай облысында – 54,
Қызылорда облысында – 8,
Маңғыстау облысында – 27,
Павлодар облысында – 35,
Солтүстік Қазақстан облысында – 41,
Түркістан облысында – 3.
Елімізде коронавирус инфекциясын жұқтырғандар саны 1 385 023 жетті.

Қызылордада өткен тәулікте коронавирус жұқтырғандар тіркелді

<a href="https://kyzylorda-news.kz/">Kyzylorda-news.kz.</a>&nbsp;Синоптиктер 24 тамыз, сәрсенбіге арналған ауа райы болжамын жариялады, деп хабарлайды Қазгидромет.
Солтүстік батыс антициклон әсерінен Қазақстанның басым бөлігінде жауын-шашынсыз ауа райы сақталады.
Тек еліміздің оңтүстік-шығысында ғана атмосфералық фронттардың әсерінен күндіз жаңбыр жауып, найзағай жарқылдайды.
Республика бойынша кей жерлерде жел күшейіп, түнгі және таңғы уақытта солтүстікте, шығыста орталықта тұман түседі.
Түнде еліміздің солтүстігінде, орталығында, шығысында топырақ бетінде 2 градусқа дейін үсік сақталады.
Қызылорда облысында, Түркістан облысының оңтүстігінде, шығысында, Батыс Қазақстан облысының оңтүстік-батысында, Атырау облысының шығысында, Абай облысының оңтүстігінде төтенше өрт қаупі сақталады.
Күндіз Атырау облысының басым бөлігінде, Батыс Қазақстан облысының оңтүстік-батысында аптап ыстық болады.

Сәрсенбі күнгі ауа райы қандай болады?

<a href="https://kyzylorda-news.kz/ru/">Kyzylorda-news.kz</a>. Арал ауданында агроөнеркәсіптік кешенін дамыту мақсатында 2022-2024 жылдарға арналған ауыл шаруашылығы саласын дамытудың Жол картасы бекітілді. Аталған жоба аясында 3 бағыт бойынша 30 жоба іске асырылып, ауданға 792 млн.теңге инвестиция тартылған. Жоба толық жүзеге асса 200-ге жуық адам жаңа жұмыс орнымен қамтамасыз етіледі. Бұл туралы Арал ауданының әкімі Серік Сермағамбетов мәлімдеді.
Аудан әкімінің айтуынша жол картасы бойынша бүгінге күнге 30 жобаның 14 жобасы іске асырылған. Оның 11 жобасы егістік және 3 жобасы мал шаруашылығы мен өндірілетін өнімдер.
<blockquote>
 «Жыл басынан бері 3,8 млрд.теңгені құрайтын ауыл шаруашылығы өнімдері өндіріліп, көрсеткіш 102,1 пайызға орындалды.
 Қазіргі таңда, аудандағы барлық ауыл шаруашылығы құрылымдарында 246&nbsp;191 бас мал өсірілуде. Өткен жылдың осы кезеңімен салыстырғанда мүйізді ірі қара малы 107,7 пайызға, жылқы&nbsp; 111,3 пайызға, түйе 107,6 пайызға және құс 113,2 пайызға артса, қой мен ешкі&nbsp; 95,1 пайыз болып отыр.
 Өңірімізде мал шаруашылығынан алынатын өнім саны да жыл санап көбеюде. Өткен жылмен салыстырғанда ет өндіру (тірілей салмақта сиыр еті) 103,3 пайызға, сүт өндіру 102,1 пайызға, жұмыртқа өндіру 102,2 пайызға орындалды», – деді аудан басшысы.
</blockquote>
Айта кетейік, 2021 жылы ауданнан 1 шаруа қожалығы «Сыбаға» бағдарламасымен Ресей мемлекетінен 58 бас «Қалмық» асыл тұқымды ірі қара малын әкелсе, биылғы жылдың қаңтар айында тағы 1 шаруашылық 44 бас асыл тұқымды қазақтың ақбас сиырын алып, асыл тұқымды шаруашылықтар қатарын толықтыруда.
Қазіргі кезде Арал ауданында барлығы 14 шаруашылық (мүйізді ірі қара – 7, жылқы – 4, қой – 2, түйе – 1) асыл тұқымды мал өсіру бойынша жұмыс атқарып келеді.
<img src="https://kyzylorda-news.kz/wp-content/uploads/2022/08/serik.jpg" alt="" />

Арал ауданына 792 млн. теңге инвестиция тартылды

<a href="https://kyzylorda-news.kz/">Kyzylorda-news.kz.</a>&nbsp;Биыл Балалар жылы аясында «Мектепке жол – шекарасыз жақсылық» ұранымен акция өтіп жатыр.
Науқан биылғы жылдың 31 тамызына дейін, яғни жаңа оқу жылы басталғанға дейін жалғасады.
Акция аз қамтылған, көп балалы отбасылардан шыққан мектеп оқушыларына, жетім және ата-анасының қамқорлығынсыз қалған балаларға қажетті көмек көрсету мақсатында өткізіліп отыр. Балаларды жаңа оқу жылына дайындауға кез-келген адам көмектесе алады.
Ағымдағы жылғы 13 тамызда Балалар жылына орай Республикалық «Мектепке жол» акциясы аясында және 30 тамыз – Қазақстан Республикасының Конституциясы күні қарсаңында азаматтық қорғау органдарының қызметкерлері арасында қайырымдылық веломарафоны ұйымдастырылды.
Бүгін қайырымдылық веломарафонынан түскен қаржыға Қызылорда қаласындағы «Самұрық инновациялық идеяларды дамыту орталығы» Қоғамдық қоры жанындағы «Тұрмыстық зорлық-зомбылық құрбандарына арнаулы әлеуметтік көмек көрсететін «Қамқорлық» дағдарыс орталығындағы» бес ананың мектеп жасындағы 14 баласына киім-кешек сатып алынды. 
Қызылорда облысы төтенше жағдайлар департаментінің қызметкерлері балаларға қажетті мектеп формаларын-киімдерді балалардың аналарына тапсырды.
Айта кетейік, Қызылорда облысы төтенше жағдайлар департаментінің ұжымы осындай қайырымдылық іс-шараларына әрдайым белсене атсалысады.
<img src="https://kyzylorda-news.kz/wp-content/uploads/2022/08/tzhd.jpg" alt="" />

Қызылорда облыстық төтенше жағдайлар департаментінің қызметкерлері «Мектепке жол» акциясына атсалысты

<a href="https://kyzylorda-news.kz/">Kyzylorda-news.kz.</a>&nbsp;Б.Өсербаев көшесіндегі құқық бұзушылықтың алдын алу жөніндегі Қызылорда қаласының әкімі Асылбек Шаменовтың тұрғындармен кездесу барысында берілген тапсырмаларына сәйкес іс-шаралар жоспары бекітілген болатын.
Аталған іс-шаралар жоспарына сәйкес, Қызылорда қаласы бойынша Мемлекеттік кірістер басқармасы қызметкерлерінің ұйымдастыруымен Қызылорда қалалық полиция басқармасы қызметкерлерінің қатысуымен Б.Өсербаев көшесінің аумағында орналасқан дүкендер мен жалға беруші пәтер иелеріне Салық кодексінің талаптары түсіндіріліп, тиісті жадынамалар таратылды.
Сондай-ақ, кемшіліктер орын алған жағдайда заңға сәйкес шара көрілетіндігі ескертілді. Атап айтқанда, жеке кәсіпкер ретінде тіркелуі, жалдамалы жұмысшы ретінде келісім шарттарының болуы, алкоголь өнімдерін сатуға лицензиясының болуы, бақылау-касса машинасының болуы, тұтынушыға чек беруі, салық декларациясын уақытылы, әрі айналым сомасын шынайы көрсетуі қажет.
Бұдан бөлек, қазіргі таңда Б.Өсербаев көшесіндегі тұрғындардың тыныштығын қамтамасыз ету мақсатында көше бойына «Стационарлық полиция бекеті» орнатылды. Бекет тәулік бойы қала тұрғындарының тыныштығын күзетуде. Стационарлық бекетте үш ауысыммен екі қызметкерден кезекшілікке түсіп, тәртіпті қадағалайды. Стационарлық бекет заманауи техникамен жабдықталған, полиция қызметкерлері радиостанциялармен және планшеттермен қамтамасыз етілген. Бұл квадратта бүгінгі таңда 4 камера жұмыс атқаруда, алдағы уақытта қосымша 74 камера іске қосылмақ.
<img src="https://kyzylorda-news.kz/wp-content/uploads/2022/08/1661257453_301025615_615846750211341_510814844211362743_n.jpg" alt="" />
<img src="https://kyzylorda-news.kz/wp-content/uploads/2022/08/1661257387_299480797_816289659750983_2636891564209535553_n.jpg" alt="" />

Қызылордада құқық бұзушылықтың алдын алу шаралары туралы түсіндірме жұмыстары жүргізілді

<img src="https://kyzylorda-news.kz/wp-content/uploads/2022/08/maxim.jpeg" alt="" />
Пресс-қызметі
press@taximaxim.com, taximaxim.com
<a href="https://kyzylorda-news.kz/">Kyzylorda-news.kz.</a> Сервис пайдаланушылары автокөлікте сапарға, «Сатып алып әкеліп береміз» тарифі бойынша тауарларды сатып алу мен жеткізуге, курьер, жеке жүргізуші қызметіне, сондай ақ қозғалтқышты сүйрету және іске қосу қызметтеріне тапсырыс бере алады.
«Максиммен» пайдаланушылар тек қана ыңғайлы емес, сонымен бірге ұтымды сапарлар жасайды. Бағасы 250 теңгеден басталады. Бағасы бағдарды көрсеткеннен кейін бірден белгілі, ол жол жағдайына тәуелді емес және жолдың соңында өзгермейді. Осының арқасында жолаушылар өз шығыстарын оңай жоспарлай алады.
Бірнеше мекен-жайдан күрделі бағытты жасауға, қозғалыс барысында бағдарды өзгертуге, көлікті ағымдағы уақытқа шақыруға, сондай ақ алдын ала шақыруға, егер қай жерде келе жатқаныңызды басқа адамға айтқыңыз келсе, бағдар бойынша қозғалысқа сілтемені жіберуге болады.
Тапсырысқа ұсыныста қосымша шарт туралы хабарлау мүмкіндігі бар: жолаушымен бір немесе бірнеше бал, жануар болатындығын көрсету, жүкті қосу, жүргізушінің көмегі, қайтарым ақша керек болатын купюра номиналы.
Курьерлік жеткізу және тауарларды сатып алу
Пайдаланушылар үйден шықпай курьерлік жеткізуге, сондай ақ азық-түлік және басқа қажетті заттарды сатып алуға және жеткізуге тапсырыс бере алады. Комментариде пайдаланушылар қосымша ақпаратты көрсетеді, мысалы, нақты нені жеткізу керектігін немесе сатып алатын тауарлар тізімін.
Сервис тапсырыстарды «Максим» <a href="https://taximaxim.onelink.me/KKXl?pid=Ads&c=kyzylordanews&af_dp=maximzakaz%3A%2F%2F&af_web_dp=https%3A%2F%2Ftaximaxim.com/kz%2Fapp%2F">қосымшасында</a> және сайтында және +7(707) 307-77-77 телефоны бойынша қабылдайды.
«Максиммен» ақша табу.
Жүргізушілер мен курьерлерге сервис осындай тапсырыстарды өздері үшін тиімді шарттармен орындауды ұсынады. Сервиспен серіктестік негізгі жұмыс, сондай ақ бос уақытта қосымша ақша табу түрінде болуы мүмкін. Ақпараттық қызметтер үшін комиссия 0 % басталады. Серіктестікті бастау үшін Taxsee Driver қосымшасын жүктеп алып, тіркелу керек немесе <a href="https://taxsee.pro/kz/ru-RU/?app=maxim&utm_source=kyzylordanews&utm_medium=news&utm_campaign=kyzylordanews&utm_content=[kyzylordanews]">сайтында</a> тіркелу керек.
Анықтама
«Максим» Қазақстанда 2014 жылдан бастап жұмыс істей бастады. Қазір сервис қызметтерін елдің 20 қаласының тұрғындары мен қонақтары пайдалана алады.
«Максим» 2003 жылдан бастап көлік және басқа қызметтерге тапсырыс берудің заманауи, қолжетімді және қауіпсіз қылатын инновациялық технологияларын жасайды. «Максим» тапсырыс берушілер мен орындаушылардың шексіз санын қосуға және миллиондаған тапсырыстарды өңдеуге мүмкіндік беретін бағдарламалық-аппараттық кешен құрастырды. Қызметтерге тапсырыс беретін «Максим» қосымшасы және тапсырыстармен жұмыс істейтін қосымша Taxsee Driver миилиондаған пайдаланушылары бар қосымшалардың әлемдік үздігінде орналасқан. Сервис бүкіл әлем бойынша 18 елде белгілі.

Қазақстан және Қызылорда облысының жаңалықтары