<a href="https://kyzylorda-news.kz/">Kyzylorda-news.kz.</a>&nbsp; Денсаулық сақтау министрінің бұйрығымен Нұрқан Олжабайұлы Сәдуақасов санитарлық-эпидемиологиялық бақылау комитетінің төрағасы қызметіне тағайындалды. Бұл туралы ҚР Премьер-Министрінің&nbsp;<a href="https://primeminister.kz/kz/hrpolitic/appointments/nurkan-saduakasov-kr-dsm-sanitarlyk-epidemiologiyalyk-bakylau-komitetinin-toragasy-kyzmetine-tagayyndaldy-735018">баспасөз қызметі</a> хабарлады.
Нұрқан Сәдуақасов 1971 жылы Ақмола облысында дүниеге келген.
Қарағанды мемлекеттік медицина академиясын, Қазақ инновациялық гуманитарлық-заң университетін тәмамдаған.
Еңбек жолын 1997 жылы Атбасар қаласында Атбасар аудандық СЭС санитарлық бөлімінің меңгерушісі болып бастады.
1999-2000 жылдары — Атбасар аудандық СЭС бас дәрігері. 2000 жылы Ақмола облысының СЭС бас дәрігерінің санитарлық мәселелер жөніндегі орынбасары қызметіне кірісті.
2001-2009 жылдары Көліктегі Ақмола аумақтық мемлекеттік санитарлық-эпидемиологиялық қадағалау орталығының бас мемлекеттік санитарлық дәрігерінің орынбасары қызметін атқарды.
2009-2014 жылдары — ҚР ДСМ Мемлекеттік санитарлық-эпидемиологиялық қадағалау комитеті басқармасының басшысы, төрағасының орынбасары, бас мемлекеттік санитарлық дәрігер.
2014-2017 жылдары — ҚР ҰЭМ Тұтынушылардың құқықтарын қорғау комитетінің техникалық регламенттер талаптары мен санитариялық шаралардың сақталуын бақылау басқармасының басшысы.
2017-2019 жылдары ҚР ДСМ Қоғамдық денсаулық сақтау департаментінің басшысы, Қоғамдық денсаулық сақтау комитеті төрағасының орынбасары болып жұмыс істеді.
2019-2020 жылдары — ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитеті төрағасының орынбасары.
2020 жылдан бастап қазірге дейін — ҚР ДСМ Санитарлық-эпидемиологиялық бақылау комитеті төрағасының орынбасары. тиіс.

Санитарлық-эпидемиологиялық бақылау комитетіне жаңа төраға тағайындалды

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасына қала тұрғыны хабарласып, алаяқтың құрбаны болғанын айтты.
Анықталғандай, өткен жылдың 30 желтоқсан күні танысы несие алуға көмек беремін деп, 2 млн. 300 мың теңге несиені өзіне алдыртып, алдап алған.
Сол күні полицияға облыс тұрғынынан алаяқтық дерегі туралы тағы бір осындай мазмұнда арыз келіп, түсті. Белгісіз азаматша 2019 жылдың наурыз айы мен желтоқсан айларында қала тұрғындарын құр уәдемен «үй алуға көмек беремін» деп, алдау-арбау жолымен 8 миллион 350 мың теңге ақшасын жымқырған.
Жедел іздестіру шараларының нәтижесінде полиция қызметкерлері бұрын сотталған 50 жастағы қала тұрғынын ұстады.
Аталған деректер бойынша Қазақстан Республикасының Қылмыстық Кодексінің 190-бабының 3-бөлігімен (бірнеше рет жасалған алаяқтық) сотқа дейінгі тергеп-тексеру әрекеттері жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.

Қызылордада қала тұрғындарына 10 млн. теңге шығын келтірген алаяқ ұсталды

<a href="https://kyzylorda-news.kz/">Kyzylorda-news.kz.</a>&nbsp;Халықтың табысын арттыру бағдарламасына республикалық бюджеттен 197 миллиард теңге бөлінеді. Бұл туралы қаржы вице-министрі Татьяна Савельева мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
2022-2024 жылдарға арналған республикалық бюджетті нақтылау кезінде Халықтың табысын арттыру бағдарламасына 197 миллиард теңге қарастырылды.
Вице-министр бұл қаржы қандай бағыттарға жұмсалатынын түсіндірді.
<blockquote>
 «Біріншісі – 10 мың азаматқа өз бизнесін ашуға микрокредит беру. Бұған 40 миллиард теңге бөлінеді. Бағдарлама мақсаты – ауыл халқын тұрақты қосымша табыспен қамтамасыз ету. Кредит 6 процентпен, 7 жыл мерзімге қайтарымды негізде беріледі», – деді Савельева мәжілісте заң жобасын таныстырып жатып.
</blockquote>
<a href="https://sputnik.kz/20220407/qazaqstandyqtar-biznes-mikrokredit-24057863.html#"></a>Екіншісі – «Алғашқы жұмыс орны», түлектерге арналған «Жастар практикасы» жобалары аясында жастарды қолдау. Шығын – 18 миллиард теңге.
Қоғамдық жұмыс жобаларын жүзеге асыруға және жаңа “Күміс жас” жобасын енгізуге 38 миллиард теңге жұмсалады.
Сондай-ақ жекеменшік тұрғын үй қорынан жалға алынған баспананың ақысын субсидиялауға 40 миллиард теңге бағытталады.

Қазақстандықтарға бизнес ашуға 6%-тік микрокредит беріледі

<a href="https://kyzylorda-news.kz/">Kyzylorda-news.kz.</a>&nbsp; Енді қазақстандықтар жеке немесе жүргізуші куәлігінің қолданылу мерзімінің аяқталуы туралы ұялы телефон нөміріне жолданатын SMS арқылы алдын ала хабардар болады, деп хабарлайды ҚР Ішкі істер&nbsp;<a href="https://www.gov.kz/memleket/entities/qriim/press/news/details/352429?lang=kk">министрлігі.</a>
Мақсат – азаматтардың жеке басын куәландыратын құжаттардың қолданылу мерзімінің аяқталуына байланысты әкімшілік құқық бұзушылықтардың алдын алу, яғни айыппұл түріндегі қосымша қаржылық жүктемені азайту.
ҚР Әкімшілік құқық бұзушылық туралы кодексінің 492-бабымен жеке куәлік мерзімі 10 күннен 1 айға дейін өтіп кетсе – ескерту, 1 айдан астам уақытқа – 7 АЕК немесе 21 441 теңге айыппұл қарастырылған.
Енді мобильдік азаматтар базасында тіркелген қазақстандықтар құжаттың қолданылу мерзімі аяқталғанға дейін 30 күн бұрын өздерінің ұялы телефонына SMS-хабарлама алады. Ол үшін электрондық үкімет порталындағы (eGov.kz) жеке кабинетте ұялы телефон нөмірі көрсетілуі керек.

Құжаттар мерзімінің аяқталатыны туралы SMS-хабарлама жолданады

<a href="https://kyzylorda-news.kz/">Kyzylorda-news.kz.</a> Қасіретті қаңтар оқиғасы кезінде ерлікпен қаза тапқан жауынгер, ІІІ дәрежелі Айбын орденінің иегері Қайсаров Мадиярдың атына «Атамекен» отбасы үлгісіндегі балалар ауылындағы үйлердің біріне есімі берілді.
Ашылу салтанатына облыстық білім басқармасының басшысы Ақзира Қасымова, Қызылорда гарнизонының әскери прокуроры әділет полковнигі Маханбетов Ғалымжан, 5547 әскери бөлімінің командирі подполковник Чубаев Төлеби, ардагерлер кеңесі төрағасының орынбасары Абдикаримов Ерлан және батыр жауынгердің ата-аналары мен әскери қызметшілер, балалар ауылын тәрбиеленушілері қатысты.
Шара ең алдымен бейбіт күннің батыр жауынгері Мадияр Оразалыұлын еске алу үшін бір минут үнсіздікпен басталды. Мұнан соң, басқарма басшысы сөз сөйлеп, батырға арнап үйдің есімі берілуі оған деген құрметтің белгісі екенін, жастарымыздың патриоттық сезімін оятып, оларды елге деген алаңдаушылық, сүйіспеншілік сезіміне тәрбиелеу екенін жеткізді.
Шарада жауынгер қызмет еткен 5547 әскери бөлімнің командирі подполковнигі Чубаев Төлеби мен ардагерлер кеңесі төрағасының орынбасары Абдикаримов Ерлан, Қызылорда гарнизонының әскери прокуроры әділет полковнигі Маханбетов Ғалымжан сөз сөйлеп, Мадиярдың өз жұмысына адал болғандығын айтып еске алды. Сондай-ақ, батыр жауынгердің ата-аналары ұлдарына арнап үйдің есімін берген облыстық білім басқармасы мен балалар ауылына ризашылықтарын жеткізді.
Естеріңізге сала кетейік, Қайсаров Мадияр қасіретті қаңтар оқиғасы кезінде қоғамдық тәртіпті қалпына келтіру бойынша қызметтік-жауынгерлік міндеттерін атқару кезінде қаза тапты. Бүлікшілер әскери жүк көлігін қолды етіп, оны сарбаздарға бағыттаған. Сол сәтте Мадияр батыр жанындағы серіктерін итеріп үлгеріп, өзі камаз көлігінің астында қалған болатын.
<img src="https://kyzylorda-news.kz/wp-content/uploads/2022/04/278061596_1330626817440520_3941968133058567359_n.jpg" alt="" />
<img src="https://kyzylorda-news.kz/wp-content/uploads/2022/04/277806370_1330626720773863_2769931064215704737_n.jpg" alt="" />
<img src="https://kyzylorda-news.kz/wp-content/uploads/2022/04/277817645_1330626764107192_1129050954708681145_n.jpg" alt="" />
<img src="https://kyzylorda-news.kz/wp-content/uploads/2022/04/278065450_1330626647440537_2140822500895966113_n.jpg" alt="" />

«Атамекен» балалар ауылындағы үйлердің біріне қаңтар оқиғасы кезінде ерлікпен қаза тапқан жауынгердің есімі берілді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің профессор-оқытушылары мен студенттері БАҚ өкілдерімен кездесті. «Заманауи сұранысқа ие журналиске қажетті қасиеттер» атты жиында ақпарат саласының бүгіні мен болашағы туралы кеңінен айтылып, қазіргі өзгерістер талқыланды. Сондай-ақ, жиында «Сыр журналистикасының тарихы» 5 томдығын даярлауға үлес қосқан университет оқытушылары марапатталды.
Оқу ордасы облыстағы бірнеше басылымды бір шаңырақ астына топтастырған «Сыр медиа» серіктестігімен тығыз байланыста. Мәселен, 2019 жылдан бері ынтымақтастық аясы кеңейіп, аталмыш шеберханада журналист мамандарын даярлайтын «Қазақ тілі мен әдебиеті және журналистика» кафедрасының филиалы жұмыс істейді.
<blockquote>
 – Қорқыт ата атындағы Қызылорда университетінде журналистика мамандығының ашылғанына 25 жылдан асты. Біз қашан да өңірлік бұқаралық ақпарат құралдарымен тығыз байланыстамыз. Қазір өңірде жұмыс істеп жүрген журналистердің 70 пайызы – біздің түлектер. Олардың қол жеткізген жетістіктерімен мақтанамыз.
 Біздің түлектердің өндірістік тәжірибеден өтуіне және университет жұмысын ақпараттық тұрғыдан насихаттауға жергілікті ақпарат құралдары әрдайым қолдау білдіріп келеді, – деді университет ректоры Бейбіткүл Кәрімова.
</blockquote>
Жиында университет түлегі, «Сыр медиа» ЖШС директоры Аманжол Оңғарбаев еліміздегі өңірлер арасында алғаш рет ақпарат саласының өкілдері өз тарихын зерттеп, зерделеп, бос томдық кітап даярлағанын атап өтті. Сондай-ақ, «Сыр журналистикасының тарихы» еңбегін жазуға &nbsp;Қорқыт ата атындағы Қызылорда университетінің оқытушылары үлкен үлес қосқанын жеткізді. &nbsp;
Кездесу барысында алдағы уақытта да екі жақты әріптестік байланысты нығайту шаралары талқыланды.
&nbsp;«Сыр жур­налистикасының тарихы» 5 томдығының шығуына үлес қосқан Бағдат Кәрібозұлы, Ғабит Тұяқбаев, Сағат Тайман, Зухра Ермағанбетова, Асыл Оразова, Аягөз Абдразахова, Гүлзира Оралова сынды зерттеушілер облыс әкімінің, облыстық мәслихат хатшысының, «AMANAT»&nbsp;партиясы Қызылорда облыстық&nbsp; филиалы төрағасы бірінші орынбасарының Алғыс хаттарымен марапатталып, көптомдық&nbsp;&nbsp; табысталды.&nbsp;
Айта кету керек, кездесуге «Сыр медиа» ЖШС директорының орынбасарлары Айжан Абдуллаева, Дәурен Омаров, қалалық «Ақмешіт апталығы» газеті редакторының орынбасары Гүлмира Ділдәбекова қатысты.
<img src="https://kyzylorda-news.kz/wp-content/uploads/2022/04/p1766741.jpg" alt="" />
<img src="https://kyzylorda-news.kz/wp-content/uploads/2022/04/p1766798.jpg" alt="" />
<img src="https://kyzylorda-news.kz/wp-content/uploads/2022/04/p1766732.jpg" alt="" />
<img src="https://kyzylorda-news.kz/wp-content/uploads/2022/04/p1766791.jpg" alt="" />
<img src="https://kyzylorda-news.kz/wp-content/uploads/2022/04/p1766809.jpg" alt="" />

Сыр журналистикасының тарихын зерттеуге университет ғалымдары үлес қосты

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың тапсырмасы бойынша Қызылорда облысына жұмыс сапарымен ҚР Премьер-Министрі Әлихан Смайылов пен ҚР Президенті Әкімшілігінің басшысы Мұрат Нұртілеу келді. Олар облыстық мәслихаттың кезектен тыс сессиясына қатысты.
Әлихан Смайылов мәслихат депутаттарына ҚР Президентінің Қызылорда облысының әкімі лауазымына Нұрлыбек Нәлібаевты тағайындау жөніндегі ұсынысын жеткізді. Депутаттар ұсынылған кандидатураны қолдады.
Актив отырысы барысында ҚР Премьер-Министрі Гүлшара Әбдіқалықоваға облысты дамыту, маңызды инфрақұрылымдық жобаларды іске асыру және әлеуметтік саланы нығайту бойынша атқарған белсенді жұмысы үшін алғыс айтты.
<blockquote>
 «Гүлшара Наушақызы екі жылға жуық туған өңірінде қажырлы еңбек етті. Бірқатар маңызды жобалар іске асырылып, Қызылорда облысы әлеуметтік-экономикалық даму көрсеткіштері бойынша жақсы нәтижелерге қол жеткізді. Мемлекет басшысының және өзімнің атымнан Сізге облысты дамытуға қосқан үлесіңіз үшін алғыс білдіремін», – деді Әлихан Смайылов.
</blockquote>
Жаңа әкімді таныстыра отырып, ҚР Премьер-Министрі Нұрлыбек Нәлібаевтың жауапты мемлекеттік лауазымдардағы, соның ішінде Шиелі ауданы мен Қызылорда қаласының әкімі қызметіндегі жоғары кәсібилігі мен үлкен жұмыс тәжірибесін атап өтті.
Әлихан Смайылов облыс басшылығына Мемлекет басшысының халыққа арнаған Жолдауында айтылған жаңа міндеттерді іске асыру, оның ішінде тұрғындардың әл-ауқатын арттыру мақсатында белсенді түрде жұмыс істеу керектігін атап өтті. Осы орайда, Премьер-Министр ағымдағы проблемалық мәселелерді жедел шешіп, шағын және орта бизнесті дамыту, жаңа жұмыс орындарын құру, инвестициялар тарту жөніндегі жұмыстарды жалғастыру қажет екенін атап өтті.
<blockquote>
 «Тарихы тереңнен басталатын Қызылорда өңірінің дамуына Мемлекет басшысы әрдайым ерекше мән береді. Облыстың ауыл шаруашылығы, өнеркәсіп және тағы да басқа салаларда потенциалы өте зор. Біз, бірінші кезекте, халықтың әлеуметтік жағдайын, тұрмыс сапасын жақсартуға бағытталған нақты шараларды жүзеге асыруымыз керек. ҚР Президентінің биылғы Жолдауында осы мәселеге айрықша назар аударылған. Сондай-ақ облыста біраз жиналған мәселе барын жақсы білеміз. Әсіресе, су мәселесі өзекті болып отыр. Мұны шешу үшін Үкімет көршілес елдермен келіссөздер жүргізіп, тиісті шараларды бірлесе атқаруда. Жағдайды ерекше бақылауда ұстаймыз. Жаңа облыс әкімі Үкіметке барлық проблемалық мәселелерді реттеу бойынша тиісті ұсыныстар енгізуі керек», – деп түйіндеді ҚР Премьер-Министрі.
</blockquote>

Әлихан Смайылов Қызылорда облысының активіне жаңа әкімді таныстырды

<a href="https://kyzylorda-news.kz/">Kyzylorda-news.kz.</a> Бүгін Тағзым алаңында Тәжік-Ауған шекарасында ерлікпен қаза тапқан жауынгерлерді құрметпен еске алу шарасы өтті.
1995 жылы 7 сәуір күні ел үшін кеудені оққа керген қазақстандық сарбаздар Тәжік-Ауған шекарасында айбынды ерліктің, қайтпас қайсарлық пен беріспес батылдықтың ерен үлгісін көрсеткен болатын.
Шарада қала әкімінің орынбасары Бектас Нұридинов ардагерлерге ізгі лебізін білдіріп, амандық, дендеріне саулық тіледі.
<blockquote>
 «Тәжік-Ауған соғысы ардагерлерін қадірлеп-құрметтеуді өзіміздің борышымыз деп білеміз. Кеудесін оққа тосып, өздерін жасындай өмірін тәуекелге тіккен жауынгерлердің ерен ерліктері қанша уақыт өткеніне қарамастан ел есінде, ұрпақ жадында сақталады», – деді Бектас Нұридинов.
</blockquote>
Сондай-ақ, Тәжік-ауған шекарасында жауынгерлік қимылдарына және әскери қақтығыстарына қатысушылардың ардагерлер одағының Республикалық қоғамдық бірлестігі облыстық филиалының төрағасы Марат Орынбайұлы алғысын білдірді.
Шара барысында Тәжік-Ауған шекарасында қаза болған жауынгерлерді бір минут үнсіздікпен еске алып, гүл шоқтары қойылды. Ерлікпен қаза тапқан жерлестеріміздің рухына құран бағышталды.

Бектас Нұридинов: Жауынгерлердің ерен ерліктері ел есінде, ұрпақ жадында сақталады

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаевтың Жарлығымен Қызылорда облысының әкімі болып Нұрлыбек Нәлібаев тағайындалды.
Нәлібаев Нұрлыбек Машбекұлы 1976 жылы Жаңақорған ауданында дүниеге келген.
Қазақ мемлекеттік аграрлық университетін экономист-менеджер мамандығы бойынша бітірген ол өзінің еңбек жолын «Казахойл-коммерция» серіктестігінде мұнай және мұнай өндірісі сарапшысы болып бастаған.
Кейін «Бұлақ» ЖШС директорының орынбасары, «Стандарт ОйлБейс» және «Стандарт ОйлТрейдинг» ЖШС-лерінің директоры, «СтандартГаз» ЖШС директорының орынбасары, «ХаррикейнОйлПродактс» ШАҚ Қызылорда бөлімшесінің директоры, «ҚызылордаМұнайСервис» ЖШС бас директоры қызметтерін атқарған.
2005-2007 жылдары Қызылорда қаласы әкімінің орынбасары, 2007-2008 жылдары Қызылорда облысы әкімі аппаратының басшысы болды. Ал 2008-2013 жылдары Шиелі ауданын басқарған.
2013-2021 жылдары Қызылорда қаласының әкімі болды.
2021 жылдан осы кезге дейін Қазақстан Республикасы Премьер-Министрі Кеңсесінің Өңірлік даму бөлімінің меңгерушісі қызметін атқарды.

Қызылорда облысының әкімі тағайындалды

<a href="https://kyzylorda-news.kz/">Kyzylorda-news.kz.</a> 1995 жылдың 7 сәуірі ел тарихында қаралы күндердің бірі болып қалды. Осыдан 27 жыл бұрын Тәжікстан Республикасының Пшихавр таулы шатқалында &nbsp;әскерилер мен моджахедтер &nbsp;арасында 4 сағаттан аса уақытқа созылған ауыр&nbsp; ұрыс болды. Сол &nbsp;шайқаста әскери борышын өтеп жүрген &nbsp;қазақстандық 17 жауынгер қаза тапты. Тағы 40-қа жуық сарбаз &nbsp;түрлі ауыр жарақат алды.
Осы қанды қырғынның соңғы шайқасын көзімен көріп, 1998 жылы қолына қару алып, өзге елдің шекарасында күзетте болып келген Мұңайтпас Арысбеков &nbsp;бүгінде ЗК-169/1 тергеу изоляторының аға корпусшысы, әділет прапорщигі.
&nbsp; Жиырма жыл осы&nbsp; мекемеде жұмыс жасап келе жатқан ҚАЖ қызметкері ұжымға беделді, құрмет тұтар азамат. Тергеу изоляторының тегеурінді &nbsp;ісіне төтеп беріп еңбек етіп келе жатқан еңбегі еленіп, ішкі істер саласындағы 10 жыл, 15жыл еңбек еткені үшін медалімен &nbsp;&nbsp;және үздік төс белгісімен марапатталған.
&nbsp;&nbsp; 2021 жылы &nbsp;«Қазбат жауынгерлік іс-қыймылдар және бітімгершілік&nbsp; операциялар ардагерлерінің одағы» Республикалық қоғамдық бірлестігінің&nbsp; Әскери –патриоттық&nbsp; рухта тәрбиелеуге&nbsp; белсене қатысқаны үшін&nbsp; «Қазақстан&nbsp; патриоты» медальімен наградтталды.
&nbsp;&nbsp;&nbsp; &nbsp;Бауырлас мемлекеттің тыныштығы үшін шекара күзетінде болып, от пен судан аман келіп, қазіргі таңда да ел қауіпсіздігі жолында еселі үлес қосып жүрген бұл азамат шынындада ел патриоты.
&nbsp;&nbsp; Өйткені ол, &nbsp;мекемеде ұйымдастырылған патриоттық тақырыптардағы іс-шарада, жеке құрамға өз көзімен көрген сол бір сұрапыл жылдардағы&nbsp; өзге елдің&nbsp; тыныштығы үшін жанын пида еткен ұландардың ерлігін дәріптеп, әңгімелеп беріп отырады.
<blockquote>
 &nbsp;Көрші тәжік-ауған шекарасында соғыс оты ушығып тұрған сәтте, біздің елдің мыңдаған жастары да ТМД мемлекеттері арасында жасалған халықаралық келісімшарт аясында өздерінің әскери борышын өтеді.Сол қантөгісте ерлікпен антқа адалдықтарын дәлелдеген алдаспан намысты қазақстандық 7-ші ротаның жаужүрек жігіттерінің қай-қайсының болсын батырға лайық орны бар.
 Мен 1998 жылы шеккараға барған&nbsp; күннің ертесіне-ақ, тәжіктер шабуыл жасады. Әлі ол жердің қыр-сырын танып&nbsp; білмеген өзімдей&nbsp; соғыс көрмеген жас жігіттерге&nbsp; алғашқыда қиындау болды.&nbsp; Бірақ ата-бабымдан дарыған қайсар рух бізге күш-қуат беріп, әскери борышымызды адал орындауға жетеледі. Қазіргі&nbsp; кезде кейбір жастар&nbsp; әскер қатарына барудан бас тартып жатады. Бұл дұрыс емес. Ер жігіт ел қорғауды азаматтық борышы деп санау керек- дейді Мұңайтпас Арысбеков.
</blockquote>

Мұңайтпас Арысбеков: Елін қорғау – ерге серт

<a href="https://kyzylorda-news.kz/">Kyzylorda-news.kz.</a> 2022 жыл – балалар жылы. Ел тұрғындарының шамамен 34%-ы 17 жасқа толмаған балалар. Қызылорда облысында 316 мыңнан астам балалар тұрады. Әлеуметтік медициналық сақтандыру қорының филиалына балаларға медициналық көмек көрсету тәртібі бойынша көптеген сұрақтар келіп түсуде. Жиі қойылатын сұрақтарға ӘМСҚ Қызылорда облысы бойынша филиалының директоры Бақыт Исмаханбетов жауап берді.
– Балаларға міндетті әлеуметтік медициналық сақтандыру жарналарын төлеуім керек пе?
– Жоқ, 18 жасқа дейінгі балалар жеңілдікті санатқа жатады, олар үшін мемлекет МӘМС үшін аударымдар жасайды. Сондықтан медициналық сақтандыру пакетіндегі медициналық көмек балаларға толық көлемде қолжетімді.
– Балаларға арналған стоматологиялық қызметтер МӘМС пакетіне кіреді ме және қандай қызметтерді тегін алуға болатындығын көрсете аласыз ба?
– 18 жасқа дейінгі балаларға стоматологиялық көмек шұғыл және жоспарлы түрде тегін көрсетіледі. Медициналық сақтандырудың стоматологиялық қызметтер пакетіне мыналар кіреді:
– тісті жансыздандыру және жұлу;
– пломба салу;
– абсцесстерді ашу;
– пульпит, периодонтитті емдеу;
– гипоплазия, флюороз кезінде тістің анатомиялық пішінін толық функционалдық қалпына келтіру;
– еріндер мен тілдердің пластикасы;
– рентгенография;
– ортодонтиялық қызметтер: жақ-бет аймағының туа біткен патологиялары және таңдайдың бөлінуі (қасқырдың аузы) болған кезде.
Стоматологиялық көмек алу үшін&nbsp; емханаға да, стоматологиялық клиникаға да жүгіне аласыз. Бұл ретте, стоматологиялық қызмет көрсететін клиника Қордың әлеуетті жеткізушісі болуы тиіс және әлеуетті жеткізушісі тізімінде болуы маңызды.
Стоматологиялық қызметтерді жеткізушілердің тізімін қордың сайтынан көруге болады <a href="https://fms.kz/kz/zakupki/postavshchiki-kdu-uslug/">https://fms.kz/kz/zakupki/postavshchiki-kdu-uslug/</a>.
– Қандай жағдайларда балалар құрғақ сүт қоспаларымен тегін қамтамасыз етіледі?
Бір жасқа дейінгі балалар үшін бейімделгіш құрғақ қоспалар тіркелген жеріндегі емханаларда мынадай жағдайларда беріледі:
– емшектегі нәрестені асырап алу;
-анасында АИТВ инфекциясының немесе туберкулездің белсенді түрінің, жіті психикалық аурулардың, туа біткен және пайда болған жүрек ақауларының, жүрек-қантамыр жүйесінің декомпенсациясымен ілесе жүретін аурулардың, эндокриндік және аллергиялық аурулардың ауыр түрлерінің болуы;
– балада туа біткен лактаза жеткіліксіздігінің, галактоземияның, фенилкетонурияның, “үйеңкі шәрбаты” ауруының болуы;
– ананың цитостатикалық, радиоактивті, тиреоидты, психотроптық және есірткі дәрілік препараттарды қабылдауы;
– бірнеше баланың дүниеге келуі және емшек сүтінің жетіспеушілігі;
– әйелдің күндізгі оқу нысанында оқуы;
– әйелдің стационарда емделуде болуы.
Ананың жағдайына байланысты оған тек жасанды және аралас тамақтандыру тағайындалуы мүмкін. Дәрі-дәрмекпен қамтамасыз ету тізбесімен толығырақ мына сілтеме бойынша танысуға болады: Денсаулық сақтау министрінің 2020 жылғы 09 қаңтардағы № ҚР ДСМ-1/2020 бұйрығы.
– &nbsp;Созылмалы аурулары бар балаларға қандай оңалту шаралары қарастырылған?
– Созылмалы аурулары бар балалар мен жасөспірімдер жылына екі-үш рет тұрақты медициналық оңалтудан өте алады. Бұл асқынулардың алдын алу үшін емханаларда динамикалық бақылау кезінде жасалады.
Үшінші кезеңді оңалтуды пациенттің ауруына байланысты емхананың медицина қызметкерлерінің жолдамасы бойынша емханаларда, күндізгі және тәулік бойы жұмыс істейтін стационарларда, оңалту орталықтарында және үйдегі стационарларда жүргізеді.
– Спорттық секцияларға жазылмас бұрын ЭКГ, жүрек ультрадыбысын тегін алуға және балаға кардиологтың қорытындысын алуға бола ма?
– Әрине. Ол үшін тіркелген жері бойынша учаскелік дәрігердің/педиатрдың қабылдауына жазылу, консультация кезінде жүгіну себебін көрсету қажет. Дәрігер кардиологқа жолдама береді және ол спортқа қарсы көрсеткіштерді болдырмау үшін қажетті шараларды тағайындайды.
– Қандай жағдайларда балалар дәрігерін үйге шақыруға болады?
– 5 жасқа дейінгі балаларға денсаулық жағдайының кез келген нашарлауы кезінде учаскелік дәрігер үйде қызмет көрсетеді.
5 жастан асқан балаларға үйге шақырған кезде оның шақыру себебіне және баланың жағдайына байланысты алғашқы медициналық – санитариялық көмек маманы-дәрігер, орта медицина қызметкері көмек көрсетеді.
– Жеке клиникаларда жоспарлы егуді тегін алуға бола ма, ол үшін не істеу керек?
– ҚР Үкіметінің 2020 жылғы 24 қыркүйектегі № 612 қаулысына сәйкес, инфекциялық ауруларға (туберкулез, гепатит, полиомиелит, көкжөтел, дифтерия және сіреспе, B типті гемофильді инфекция, пневмококкты инфекция, қызылша, қызамық және паротит (свинка) қарсы жоспарлы профилактикалық екпелер – балаларға меншік нысанына қарамастан, тіркелген жеріндегі медициналық ұйымда тегін жүргізіледі.
Естеріңізге сала кетейік, Қазақстанда вакцинация жүргізу мерзімі жасына сәйкес Ұлттық егу күнтізбесімен белгіленген.
– Балаға туа біткен жүрек аномалиясы диагнозы қойылды, оған қандай көмек қажет?
– Туа біткен жүрек кемістігі бар балаларға медициналық көмек диагностикалау мен емдеудің барлық кезеңдерінде тегін көрсетіледі
&nbsp;– Балабақшаға немесе мектепке ресімдеу кезінде медициналық анықтама сатып алу керек пе
– Жоқ, сатып алудың қажеті жоқ. Балабақшаға немесе мектепке қабылдау үшін медициналық анықтаманы тіркелген жері бойынша емханадан сұратуға болады. Анықтамаға баланың физиологиялық параметрлері, бар аллергиялық реакциялар, созылмалы және бұрын болған инфекциялық аурулар, алынған екпелер, профилактикалық тексерулердің және зертханалық талдаулардың нәтижелері және т. б. енгізіледі.
Бала балабақшаға түскеннен кейін картаны балабақшаның медицина қызметкері толтыруды жалғастырады.
–&nbsp; Балаларға профилактикалық тексерулерді қаншалықты жиі өткізуі керек?
– Балаларды профилактикалық тексеру жыл сайын – туғаннан бастап кәмелетке толғанға дейін жүргізіледі. Мектепке дейінгі мекемелердің тәрбиеленушілерін, мектеп оқушыларын, орта арнаулы оқу орындарының оқушыларын және 18 жасқа дейінгі студенттерді білім беру ұйымдарындағы көшпелі бригада тексереді. Мектепке дейінгі мекемелерге бармайтын балаларды тексеру емханада немесе отбасылық денсаулық орталығында жүргізіледі.
Профилактикалық қарап-тексерулердің жиілігі мен кезеңділігі Қазақстан Республикасы Министрінің 2020 жылғы 15 желтоқсандағы № ҚР ДМС-264/2020 “Мектепке дейінгі, мектеп жасындағы балаларды, сондай-ақ техникалық және кәсіптік, орта білімнен кейінгі және жоғары білім беру ұйымдарының оқушыларын қоса алғанда, халықтың нысаналы топтарына профилактикалық медициналық қарап-тексерулерді жүргізу қағидаларын, көлемі мен кезеңділігін бекіту туралы” бұйрығымен белгіленген.

МӘМС пакетіндегі балаларға көрсетілетін медициналық көмек

<a href="https://kyzylorda-news.kz/">Kyzylorda-news.kz.</a> Әділет министрі Қанат Мусин жаңа облыстарды бөлу жұмысы бір жарым айда аяқталатынын мәлімдеді, деп хабарлайды Sputnik Қазақстан.
<blockquote>
 «Жаңылмасам, жақында ғана бұқаралық ақпарат құралдарында Шығыс Қазақстан облысының қалай бөлінетіні туралы ақпарат тараған. Бұдан басқа ештеңе жоқ, жұмыс әлі атқарылып жатыр. Жаңа облыстар мәселесімен үкіметтің экономикалық блогы айналысады. Жақын бір-бір жарым айдың ішінде шешім қабылданады», – деді Мусин журналистерге берген сұхбатында.
</blockquote>
Айта кетері, президент Қасым-Жомарт Тоқаев халыққа арналған жолдауында Абай, Ұлытау мен Жетісу облыстарын құруды. Абай облысының орталығы Семейде болса, Ұлытаудың орталығы Жезқазғанда орналасады. Ал Жетісу облысының орталығы Талдықорғанда болады.
Жақында Абай облысына кіретін аудандар анықталды. Оған облыстық маңызы бар екі қала – Семей мен Курчатов, сондай-ақ, 8 аудан – Абай, Аягөз, Бесқарағай, Бородулиха, Жарма, Үржар, Көкпекті мен Аксуат кіреді. Ал Шығыс Қазақстан облысында Өскмен мен Ридер, сондай-ақ, 9 аудан – Алтай, Глубоковской, Зайсаң, Қатонқарай, Күршім, Ұлан, Шемонаиха, Самар мен Тарбағатай қалады.

Қазақстан және Қызылорда облысының жаңалықтары