<a href="https://kyzylorda-news.kz/">Kyzylorda-news.kz.</a>&nbsp;Шиелі ауданының әкімі ауылдағы басты мәселелердің бірі ретінде газ кіргізу, Жаназар батыр ауылына жаңадан клуб үйін салу, ұялы байланыс желісінің жұмыс сапасын жақсарту жұмыстары бойынша атқарылып жатқан шараларды атап өтті.
Сондай-ақ, ауыл тұрғыны, ауданның Құрметті азаматы Е.Дүйсенов жалпы жасалып жатқан жұмыстардың аз еместігін, аяқ су мен ауыз судың кедергісіз келіп тұрғандығын, жолдардың асфальтталып жатқандығын айтып, ауылдағы бос тұрған бұрынғы ескі мектептің ғимаратын спорт мектебіне немесе сол сияқты қажетті нысандардың біріне айналдыру туралы ұсынысын жеткізді.
Кездесу соңында ақсақалдар жаңадан тағайындалған аудан әкімінің жұмысына сәттілік тілеп, батасын беріп, елдің ынтымағы мен бірлігін сақтауда жан аямай қызмет етуге шақырды.
Айта кетейік, қазіргі таңда Сұлутөбе ауылдық округінде 64 шаруа қожалық, 27 кәсіпкерлік нысан бар, 1 аурухана, 3 ФАП, 1 амбулатория, 3 мектеп, 1 мемлекеттік және 2 жеке меншік балабақша, 1 мәдениет үйі, 1 клуб, 3 кітапхана тұрғындарға қызмет көрсетуде.
Оған қоса, алдымыздағы жылға «Мұстафа Шоқай» АГРС, яғни автоматтандырылған газ реттеуіш станциясын салу жоспарланған және нәтижесінде Сұлутөбе, Майлытоғай, Тартоғай, Бала би мен Бәйгеқұм ауылдарына да газ тартыла бастайтын болады.
<img src="https://kyzylorda-news.kz/wp-content/uploads/2022/08/297488921_1366484327215356_4786047188191515468_n.jpg" alt="" />

Сұлутөбеліктердің басты мәселесі &#8211; көгілдір отын

<a href="https://kyzylorda-news.kz/">Kyzylorda-news.kz.</a> Кеше «Қызылорда-2022» – Қазақстан Республикасының өрт сөндіру құтқару спортынан ерлер арасындағы ХХVІІІ және әйелдер арасындағы VІІІ жазғы чемпионатының ашылу салтанаты өтті.
Ғани Мұратбаев атындағы орталық стадионда Өрт сөндіру-құтқару спортынан өтетін «Қызылорда-2022» жазғы чемпионаттың ашылу салтанаты болып өтті. Салтанатты шараға Қызылорда облысы әкімінің орынбасары Мархабат Жайымбетов қатысып, жарыс қатысушыларына сәттілік тіледі.
Онан соң «Өрт сөндірушілер мен құтқарушылардың спорт федерациясы» қоғамдық бірлестігінің атқарушы директоры Дәурен Данаев, Қызылорда облысы Төтенше жағдайлар департаментінің бастығы полковник Руслан Қайрақбаев сөз алды.
​Жалпы чемпионатқа 18 ерлер командасы, 14 әйелдер командасы қатысуда. Сайысқа 289 спортшы қатысып жатыр. Оның ішінде 184 ер адам, 105 әйел адам бақ сынауда. Ең жас чемпионаттың қатысушысы Батыс Қазақстан облысының спортшысы Елена Юлаева 2010 жылы туған. Ал, ең ересек қатысушысы Павлодар облысынан Александр Долголевец 1973 жылы туған.
​Осы күні чемпионаттың алғашқы кезеңі өтті. ​Әйелдер арасындағы 100 метрлік кедергіге жүгіруден жарыстың қорытындысы шықты. Жалпы командалық есеп бойынша Нұр-Сұлтан қаласы 1 орын, Ақмола облысы 2 орын, Түркістан облысы 3 орынды иемденді. Жеке есеп бойынша 1 орынды Қостанай облысынан Айнұр Бажева, 2 орынды Түркістан облысынан Айдана Тұрсын, 3 орынды Алматы қаласынан Оксана Дзолба иеленіп, ол мәреге 16,60 секундта келіп республика бойынша рекордты жаңартты.
​Ерлер арасындағы 100 метрлік кедергіге жүгіруден Нұр-Сұлтан қаласынан келген Петр Подгородецкий 1 орынды, Қарағанды облысының атынан қатысқан Бауыржан Текенов 2 орынды, Шығыс Қазақстан облысының намысын қорғаушы Ержан Шәріпханов 3 орынның иегері атанды. Ерлер арасында үздік нәтиже көрсеткен Ержан Шәріпханов мәреге 15:50-де жетті.
​Аталған жазғы чемпионаттың этаптары 6-тамызға дейін өтеді.
<img src="https://kyzylorda-news.kz/wp-content/uploads/2022/08/whatsapp-image-2022-08-04-at-15.40.25.jpeg" alt="" />
<img src="https://kyzylorda-news.kz/wp-content/uploads/2022/08/whatsapp-image-2022-08-04-at-15.13.01.jpeg" alt="" />
<img src="https://kyzylorda-news.kz/wp-content/uploads/2022/08/99a30dcf-842e-458f-a6e7-a908cf032b73.jpg" alt="" />
<img src="https://kyzylorda-news.kz/wp-content/uploads/2022/08/45c0c398-0872-4044-9fb6-a5f0cc5b1331.jpg" alt="" />

Қызылордада құтқарушылар арасында республикалық жарыс өтіп жатыр

<a href="https://kyzylorda-news.kz/">Kyzylorda-news.kz.</a> «AMANAT» партиясының бастамасымен аймақтық және аумақтық филиалдардағы мониторингтік топтар арнайы жұмыс алгоритмі бойынша апта сайын әлеуметтік маңызы бар азық-түлік тауарларының бағаларына қоғамдық негізде зерделеу жұмыстарын жүргізуде.
Бүгін де топ мүшелері облыс орталығындағы «Қызылорда» гипермаркеті, «Small», «Magnum Express», «Аль-Асад», «Алатау» және «Сәлем» сауда орындарында болып, тауарлардың бағасына бақылау мен талдау жұмыстарын жүргізді.
Жұмыс нәтижесі бойынша анықталған кемшіліктерді жою бойынша ұсыныстар жасалып, ұсынымдардың орындалуын партиялық бақылау ұйымдары жіті қадағалайтын болады. Бағаның шектен тыс өсуі анықталған жағдайда мәселені шешу үшін нақты мерзімдер көрсетіле отырып тиісті жауапты тұлғалар бекітіледі. Сондай-ақ ұсыныстар орындалмаған жағдайда тиісті жауапты тұлғаларға партиялық жауапкершілік шараларын көру мәселесі қаралады.
<blockquote>
 «Партия жанынан құрылған арнайы мониторингтік топтың мүшесі ретінде бұл жұмыстың нәтижесі бар екенін байқадым. Алдыңғы аптада аралағанда айтылған ұсыныстар мен ескертулер назарға алынып, кемшіліктер түзелген. Дүкен сөрелерінде қажетті әлеуметтік тауарлар жеткілікті. Баға шектен тыс көтеріліп тұрған жоқ. Алайда өзгерістер болған жағдайда партия алаңында талқылап, шешімін табуға жұмыс жасаймыз», – деді топ мүшесі Қожахмет Ильясов.
 «Бүгін үйіме қажетті азық-түлік алуға келдім. Баға бұрынғыдай қымбат емес бірақ мұнан да арзандау болса қуанышты болар едік. Мысалы күнделікті қажет қант, макарон мен көкөністер алуға халық ағылып келіп жатады. Біреудің қалтасы көтерсе, кейбіріне бұл бағада қымбат болып тұр. Осындай бақылаулар тұрақты өтіп тұрса жағдай дұрысталады деп сенемін», – деді қала тұрғыны Ажар Бәйтенова.
</blockquote>
Өз кезегінде мұндай мониторинг топтарының жұмысы облыс орталығынан бөлек барлық аудандарда да жүргізілуде.
Алдағы уақытта аталған бағыттағы мониторингтік топтары жүйелі түрде супермаркет, базар, дүкендерді аралап, нарықтағы тауар бағасын бақылап, бағаның себепсіз өсуінің алдын алады.
Мониторинг тобы құрамында партия филиалдары жанындағы қоғамдық кеңестер мен партиялық бақылау комиссиясының мүшелері, БПҰ төрағалары, мәслихат депутаттары мен ҮЕҰ және БАҚ өкілдері бар.
Сондай-ақ өткен аптада аймақ бойынша қала, аудандарды қосқанда 44 сауда нысанына мониторинг жүргізілді.
<img src="https://kyzylorda-news.kz/wp-content/uploads/2022/08/30647703-e526-4b19-9876-36021691d260.jpg" alt="" />

Қызылордада азық-түлік бағасын бақылау жалғасуда

<a href="https://kyzylorda-news.kz/">Kyzylorda-news.kz.</a> Мемлекеттік-жекеменшік әріптестік – экономиканы да­мы­ту­дың бірден-бір жолы. Бұл механизм мемлекет пен бизнестің өзара пайдалы ынтымақтастығын арттырып, ұсынылатын қызметтер сапасын жақсартуға және қажетті инфрақұрылымдарды жаңғыртуға мүмкіндік береді.
Биылғы жаңа оқу жылында Қызылорда қаласында 1500 орындық мектеп балаларға есігін айқара ашады.
Заман талабына сай жабдықталған еңселі білім ордасы жеке кәсіпкердің қаражаты есебінен салынуда.
«Байтерек Скул KZ» ЖШС-нің жауапкершілігіндегі жеке білім ұясы барлық заманауи құрылғылармен жарақталып, бір мезгілде 1500 оқушыны қабылдай алады. Ең бастысы жеке мектеп болса да, білім беру ақысыз негізде жүргізіледі.
Басты мақсат – оқу­шылардың сапалы бі­лім алуын қамтамасыз ету және өңірдегі үш ауысымдық оқуды болдырмау.
Айта кетейік, бүгінгі таңда аймақта білім саласы бойынша мемлекеттік-жекеменшік әріптестік тетігі жақ­сы жұмыс жасап, 6 жоба жүзеге асырылуда.
Атап айтқанда бюджеттен қаржы бөлінетін 2 жоба Қызылорда қаласының сол жақ жағалауында орналасқан 320 орынға арналған балабақша мен қаламыздағы СПМК-70 мөлтек ауданындағы 320 орындық балабақша тиімді қолданылуда. Ал бюджеттен қаржыландырылмайтын 4 жоба Жалағаш ауданы, Таң ауылдық округінде 90 орынға арналған балабақша мен Қазалы ауданы, Әйтеке би кентіндегі 90 орындық «Рауан» инклюзивті балабақшасы және «Студенттерді жатақханадағы орындармен қамтамасыз ету» жобалары жұмыс істеуде.
<img src="https://kyzylorda-news.kz/wp-content/uploads/2022/08/296077302_1843153509409747_3886529454198046964_n.jpg" alt="" />

Қызылордада жаңа 1500 орындық мектеп ашылды

<a href="https://kyzylorda-news.kz/">Kyzylorda-news.kz.</a> 12 тамыз – Халықаралық жастар күні. Осыған орай, Қызылорда қаласында бір апта бойы жастарды арасында түрлі шаралар ұйымдастырылады.
Жеті күнге созылатын ауқымды шаралар туралы бүгін баспасөз орталығында өткен брифингте «Qosyl» қалалық жастар ресурстық орталығының директоры Әліби Басаров мәлімдеді.
Жастар апталығының алғашқы күні – «Эко мәдениетті дамыту күні» деп аталды. Соған сәйкес, 6 тамыз күні сағат 10.00-де Қорқыт ата ескерткеші аумағында «ECO Marathon» сенбілік акциясы және қала көлемінде қызмет жасап жүрген тазалықшыларға құрмет көрсету шарасы өтеді. 7 тамыз «Таланттар» күнінде сағат 19.00-де «Аrai City Mall» Сауда үйінде шығармашыл жастардың «Qosyl Dance» заманауи би сайысы, 8 тамыз «Еңбек» күнінде жастар арасында «Тас қалаушылар» мен «Дәнекерлеушілер» байқауы ұйымдастырылады. Ал, 9 тамыз «Балаларға қуаныш сыйлау» күнінде жастар акциясы, сондай-ақ, қала аумағындағы жөндеуді қажет ететін, балаларға арналған ойын алаңдарын қалыпқа келтіру және көпшілік қайырымдылық шарасы өтпек. 10 тамыз «Ауыл жастары» күнінде қалаға қарасты кент және ауылдық округтердегі жастар арасында мәдени-спорттық шаралар өтсе, 11 тамыз «Спорт» күнінде қала көлемінде жастар арасында «АULA SPORT» спорттық шарасы болады.
Бұдан бөлек, 11 тамыз күні жастарды қолдауға бағытталған мемлекеттік бағдарламалар жөнінде мейлінше мол ақпарат беру үшін қалалық мәдени және демалыс паркінде «Мүмкіндіктер керуені» өтеді.
<blockquote>
 «Жастардың қызығушылығына сәйкес жастар апталығын 12 тамыз күні кешкілік орталық алаңда заманауи DJ-лердің қатысуымен би кешімен қорытындыламақпыз. Қала жастарын айтулы мерекемен құттықтай отырып, жастар күніне орай өтетін шаралар легіне белсене қатысуға шақырамын», – деді орталық директоры Әліби Төлепбергенұлы.
</blockquote>
Айта кетерлігі, «Qosyl» жастар орталығының ұйымдастыруымен «Арбат» бойында әр аптаның бейсенбі күні – «PING-PONG», жұма күні – «Караоке Battle», сенбі күні – «Кино TIME» жобалары тұрақты түрде өткізілуде. Осы және өзге де қала жастарына қатысты күнделікті ақпараттар мен жаңалықтар «qosylbot» телеграм-бот және «qosyl.mrc» инстаграм парақшасында жариялануда.
<img src="https://kyzylorda-news.kz/wp-content/uploads/2022/08/whatsapp-image-2022-08-04-at-13.53.05.jpeg" alt="" />

Қызылорда қаласында жастар апталығы басталды

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Әділбек Ерсұлтанов пен аудандық мәслихат хатшысы Әділ Қошалақов ауданға қарасты Иіркөл ауылының тұрғындарымен кездесті.
Елді мекен халқының негізгі жұмыс көзі – егін және мал шаруашылығы. Бүгінде мұнда 46 гектар жерге егін егілген. Оның ішіндегі 10 гектарына картоп, 6 гектарына көкөніс және қалған 30 гектарына бақша өнімдері егілген. Бұдан бөлек, елді мекеннен 4 шаруа қожалығы құрылып, табанды еңбек етіп келеді.
Ауылдық мәдениет үйінде халықпен кездескен аудан әкімі халықтың осылай тірлік етіп, екі қолға бір күрек тауып жатқанына риза болды. Одан бөлек, ауылдағы тарқауын таппаған түйткілдер сөз болып, олардың шешілуіне ықпал ететінін жеткізді және ауылда атқарылар ауқымды істермен бөлісті.
<blockquote>
 «Елді мекендегі Доспанов көшесінің бойынан балалар және спорттық алаңының құрылғыларын орналастыру жобасына жоба-сметалық құжаттама әзірленіп, жалпы құны 15,4 млн теңгені облыстық бюджеттен қаржыландыруға бюджеттік өтінім тапсырылды. Басқа мәселелер де кезең-кезеңмен шешіледі. Сандық деректерге жүгінсек, Иіркөл ауылдық округі бойынша, бүгінгі күнге тіркелген кәсіпкерлік субъектілер саны 25 бірлік болса, оның ішінде 24-і тұрақты жұмыс істеп келеді. Бұл – жақсы нәтиже. Әйтсе де, мұндағы әлеуметтік нысандар арқылы барлық тұрғынға бірдей жұмыс табыла бермейді. Сондықтан, мемлекеттік бағдарламаларға қатысу арқылы жеке кәсіп ашуға шақырамын. Бұл ретте ауыл әкімі және аудандық кәсіпкерлік, өнеркәсіп және туризм бөлімі, кәсіпкерлер палатасы жан-жақты қолдау көрсетуге дайын», – деді аудан әкімі.
</blockquote>
Кездесуден соң Әділбек Бөрібайұлы халыққа жеке қабылдау өткізді.
<img src="https://kyzylorda-news.kz/wp-content/uploads/2022/08/295880039_2131254830378745_7916922255858763619_n.jpg" alt="" />
<img src="https://kyzylorda-news.kz/wp-content/uploads/2022/08/295880859_2131254867045408_4300982372342030538_n.jpg" alt="" />

Қармақшы ауданының әкімі Иіркөл ауылының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы қазір «Атамекен» ҰКП-ның кәсіпкерлікті қорғаудың экожүйесін құру жобасы бойынша белсенді жұмыс жүргізіп жатыр.
Бизнесті қорғаудың экожүйесі аясында кәсіпкерлік субъектілерінің құқығын бұзу фактілерін және мемлекеттік реттеуді жүзеге асыру кезінде қажетсіз әкімшілік кедергілерді азайтуға бағытталған ұсыныстар әзірлеу көзделіп отыр.
Ол үшін Кәсіпкерлер палатасы прокуратурамен, сыбайлас жемқорлыққа қарсы департаментпен, сондай-ақ қылмыстық, әкімшілік және азаматтық істер бойынша кәсіпкерлік субъектілерінің мүдделерін білдіруге маманданған заңгерлер мен заңгерлік қызметтер көрсететін компаниялармен бірге жұмыс істеп жатыр.
<blockquote>
 «Кәсіпкерлердің құқығын қорғау барысында мемлекеттік органдар тарапынан жиі кездесетін құқық бұзушылық фактілеріне талдау жүргізіледі. Осы мақсатта облыстық прокуратурамен бірлескен бұйрық шығарып, жұмыс тобын құрдық», – деді Кәсіпкерлер палатасының директоры Пірмұхаммед Сыздықов.
</blockquote>
Сонымен қатар, жұмыс тобымен бизнес субъектісінің қызметіне араласудың себеп-салдарын зерттеумен қатар, тексеруден кейін бизнеске келтірген салдарын зерделеу жоспарланып отыр. Бұл мәселе кәсіпкерлерді негізсіз немесе мерзімінен бұрын қылмыстық қудалауға тарту арқылы қылмыстық қудалау органдарының бизнеске келтірген залалын жалпылау үшін қажет.
Осы орайда, Кәсіпкерлер палатасы қызметінде негізсіз қылмыстық қудалау орын алған бизнес өкілдерін төмендегі телефондар бойынша палатаға немесе прокуратураға хабарласуды сұрайды.
Қызылорда облысының кәсіпкерлер палатасы 
Тел.: 8/7242/400981, 8 777 454 98 12
Қызылорда облысы прокуратурасы 
Тел.: 8/7242/277747 (ішкі 307), 8 778 702 31 33

Палата кәсіпкерлерді бизнесті қорғаудың экожүйесі аясында бірге жұмыс істеуге шақырады

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Серік Қожаниязов Арал ауданында жұмыс сапарымен болып, Сырдария өзенінің бойындағы су тоспалары мен каналдарды және өңірдегі егістік алқаптарын аралады. Аудан әкімі Серік Сермағамбетов облыс әкімінің орынбасарына дария суын тиімді пайдалану бағытында аудан аумағында атқарылып жатқан жұмыстарды түсіндірді.
Алдымен «Бұрмақұлақ» учаскесіндегі «Аспай» су ағытқасының қазіргі жағдайымен таныс болды. Аталған су ағытқысы жөндеуден өткізіліп, іске қосылуының нәтижесінде қазіргі таңда Қамыстыбас, Ақшатау көлдер жүйесі толықтай суландырылды.
Одан соң, «Мырзас» су тоспасының құрылысын жүргізу үшін жоспарланған аймаққа барып, белгіленген орынды көрді.
Сондай-ақ, жөндеу жүргізіліп жатқан «Қулы» каналындағы жұмыс барысын бағамдады. Жақын күндері каналды тазалау жұмыстары бастау алған болатын. Алдағы уақытта су көлемін реттейтін шлюз орнатылады. Облыс әкімінің орынбасары аталған каналдың шабындық алқаптарды суландыу үшін зор маңызға ие екендігін айтып, мердігер мекеме өкілдеріне құрылыс жұмыстарын сапалы орындау қажеттігін тапсырды.
«Ақлақ» су тоспасы мен «Көкарал» бөгетінің де бүгінгі жағдайы мен су деңгейін бақылады. Нысан маңына жақын орналасқан Қаратерең және Бөген ауылдық округінің ардагердерімен кездесіп, жергілікті жердегі өзекті мәселелер жөнінде пікірлесті. Қаратереңдіктер мал жайылымы мен шабындық алқаптарға мол су баруы үшін «Құйылыс» қорғаныс бөгетін көтеріп, шлюз салу қажет екендігі жөнінде ұсыныстарын жеткізді. Ал, бөгендік тұрғындар жол мәселесі шешімін тапса, ауыл халқының қатынасы үшін тиімді болатындығын білдірді.
Сапар барысында Серік Қожаниязов Аманөткел ауылдық округі аймағындағы «Аралтұз» акционерлік қоғамының және «Camel Pro» шаруа қожалығының егістік алқаптарында болып, дала еңбеккерлерінің қызу жұмыстарына куә болды.
«Аралтұз» АҚ көктем мезгілінен бастап мал азығына арналған жоңышқа шөбін еккен болатын. Қазіргі таңда егін ору науқанына дайындық үстінде. Ал, «Camel Pro» шаруа қожалығы Түркия елінен жоңышқаның өзге түрін алдырып, суды үнемдеу мақсатында жаңа технологиямен жаңбырлатып суару әдісін пайдалануда. Қазіргі таңда 85 гектар аумаққа күздік жоңышқа орналастыруда.
<img src="https://kyzylorda-news.kz/wp-content/uploads/2022/08/297490805_3218886198384609_7551467539133618747_n.jpg" alt="" />
<img src="https://kyzylorda-news.kz/wp-content/uploads/2022/08/297489270_3218886251717937_466917543968693557_n.jpg" alt="" />
<img src="https://kyzylorda-news.kz/wp-content/uploads/2022/08/297514929_3218886611717901_6977173684991414208_n.jpg" alt="" />

Қызылорда облысы әкімінің орынбасары жұмыс барысымен Арал ауданына барды

<a href="https://kyzylorda-news.kz/">Kyzylorda-news.kz.</a> Отандық диірменшілер ұнды өзімізге қымбат, өзгеге арзан сатып отыр. Қазақстан астық одағы осындай мәлімдеме жасады. Мұның себебі не? Астық одағының мәліметіне қарағанда маусым айында ішкі нарыққа бір тонна ұн 484 доллардан саудаланса, Өзбекстанға 338 доллардан экспортталған, деп хабарлайды «<a href="https://24.kz/kz/zha-aly-tar/ekonomika/item/557952-bir-zhylda-n-36-ymbattady">Хабар 24</a>».
Бір жылда ұн 36%-ке қымбаттады
Бір жылда елде азық-түлік тауарлары 19,2 процентке қымбаттады. Азық-түлік емес тауарлардың құны – 14,2 қызмет ақысы – 9,2 процентке көтерілді. Осылайша жылдық инфляция 15 процент болды. Бағасы шарықтаған азық-түлік тауарының тізімін қант бастап тұр. Бір жылда құны 87 процентке өскен. Пияз – 71, ұн – 36 , макарон – 33 кондитерлік өнімдер – 22, нан – 18 процентке қымбаттады. Бұл елдің ұлттық статистика бюросы жүргізген есептің нәтіжесі. Шын мәнінде инфляция бұдан да жоғары болуы мүмкін.
Ұн өзгеге арзан, өзімізге қымбат сатылады
Отандық диірменшілер ұнды қазақстанға қымбат, шетелге арзан сатып отыр. Яғни экспорттың шығынын қазақстандықтардың есебінен жабуы мүмкін. Елдегі астық одағының төрағасы Нұрлан Оспанов осылай деді. Қазақстан ұнды Орталық Азия елдеріне, Оның ішінде Өзбекстан, Тәжікстан, Түркіменстан және Ауғанстанға экспорттайды. Одақ мамандары ас атасы қай елге қанша теңгеден кеткенін есептепті. Мәліметке қарағанда маусым айында елде бір тонна ұнның көтерме құны 484 доллар болған. Ал Ауғанстанға 460, Тәжікстанға 384, ала тақиялы ағайындарға 338 теңгеден экспортталған. Тек Түркіменстанға ғана бізден қымбат. 513 доллардан. Астық одағы төрағасының айтуынша, дәл осы елдерге Ресей өз ұнын айтырлықтай жоғары бағада сатып отыр. Қазақстанмен айырмасы 70 долларға дейін барады. Біздің ұн өндірушілер сырт елге неғұрлым қымбат сатса, бұл өздері үшін де бидай өсірушілер үшін де табысты болар еді дейді. Экспорттық бағаның төмен болукына не себеп дегенге келсек.
<blockquote>
 «Екі себебі бар. Біріншісі олар шынында ұнды өткізу үшін арзан сатып, шығынды қазақстандық тұтынушылардың есебінен жабады. Немесе, салықты аз төлеу үшін экспорттық бағаны әдейі арзан көрсетеді. Үстіндегі айрманы қолма-қол алып, қалтаға басады. Яғни табысын жасырып, қылмысқа барады. Жауапты органдар бұл мәселеге мән беріп, тексеру тиіс. Содан кейін ғана неге арзан екені анықталады», – дейді Қазақстан астық одағының төрағасы Нұрлан Оспанов.
</blockquote>
Расында ішкі нарыққа ұн экспортқа қарағанда қымбат сатылады. Оның өзіндік себебі бар. Диірменшілер қауымдастығының өкілі Дос-Мұқасан Тәукебаевтың айтуынша, ең бірінші себеп, қосымша құн салығында. Екіншіден, өзге елге кетіп жатқанның ұнның сапасы ішкі нарықпен салыстырғанда төмен. Сәйкесінше бағасы да арзанырақ дейді. Бүгінде елде 170-тен астам диірмен бар. Оның 120-сы тек экспортқа арналған ұн шығарады. Қалған 50-і ғана екі нарыққа да жұмыс істейді.
<blockquote>
 «Қазір бірінші сқрып ұнның бағасы Қазақстанда 230 теңгеден сататын болса шет елге 12 пайыз арзан береміз. Себебі шет елге ұн сатқан кезде ҚҚС оны төлемейміз. Өйткені шетелге біздің НДС-міз керек емес. Ал ішкі нарыққа сатқан кезде 12 пайыз салық төлейміз. Сол себепті бізде ішкі нарыққа 12 пайыз қымбат. Ал егер үкімет ұн өңдеушілерге ҚҚС төмендететін болса соғұрлым ұнның бағасы да арзандайды». – дейді Қазақстан диірменшілер одағының өкілі Дос-Мұқасан Тәукебаев.
</blockquote>
Қазақ бидайы $40-ға қымбат
Астық одағының Қазақстан ұны Ресей ұнынан арзан сатылады деген ақпаратын Дірменшілер одағы жоққа шығарып отыр. Айтуынша, жағдай керісінше. Көрші ел өз өнімін өткізу үшін бағаны біздікінен 40 долларға төмен ұсынады екен. Өйткені оларда бидай да арзан. Оның үстіне сапасы да қазақстандық ұнмен салыстырғанда төмен дейді. Сондықтан Орталық Азия елдерінде оған сұраныс төмендеу көрінеді.
<blockquote>
 «Біздің қазақстанның бидайы да қымбат, ұны да қымбат. Қазір ауған нарығына ресей де ұн сатып отыр. Бізде сатып отырмыз. Ресейдің ұнымен біздің ұнның арасында аймен көктей айырмашылық бар. Ресейдің ұны 40 долларға арзан біздің ұн 40 долларға қымбат. Ауғанстандағы халықтың жағдлайы қиын болып тұр ғой сапаға мән беретін жағдайда емес. Ал өзбекстан, қырғызстан тәжікстан олар сапаға мән береді. Сол себептен Ресейдің ұны ол жақта аса көп сатыла қоймайды. Сатылған күнде өте арзан бағамен кіреді». – дейді Қазақстан диірменшілер одағының өкілі Дос-Мұқасан Тәукебаев.
</blockquote>
Илегені бір терінің пұшпағы бола тұра екі тарап екі ұдай пікірде. Десе де болжам айтқанда ойлары бір арнаға тоғысты. Екеуі де күзде астық арзандайды, артынан нан, жем, жұмыртқа сынды бірқатар азық-түліктің бағасы төмендеуі мүмкін дегенді айтты.

Бір жылда ұн 36% қымбаттады

<a href="https://kyzylorda-news.kz/">Kyzylorda-news.kz.</a> Қазіргі таңда аудан орталығы – Әйтеке би кенті мен Қазалы қаласының екі аралығындағы жолды жөндеу жұмыстары жүргізілуде. Мердігер мекеменің техникалары автомобиль жолдарын кеңейту мақсатында тиісті жұмыстарды қолға алған.
Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап екі аралықтағы жолды жөндеу жұмыстарын көру үшін арнайы сала басшыларымен бірге мердігер мекеменің жауапты қызметкерлерімен кездесті.
Кездесу барысында Мұхтар Әуесұлы жолды кеңейту жұмыстары баяу жүргізіліп жатқанын тілге тиек етіп, жұмыс қарқынын күшейту қажеттігін айтты.
Өз кезегінде мердігер мекеменің жауапты қызметкерлері жөндеуге қажетті келісім-шартқа отырған екі бірдей асфальт зауытынан ақау шығып, қара шебін төсеу тоқтап тұрғанын жеткізді.
Аудан әкімі Мұхтар Оразбаев дәл қазіргі уақытта жолды асфальттауға қолайлы уақыт екенін айтып, күн райының жақсы кезін тиімді пайдалану қажет екендігін жеткізді. Себебі, күн салқында төселген жолдың сапасы да сын көтермейтінін ескертті.
Сондай-ақ, тиісті сала басшыларына екі аралықтағы жолды кеңейту жұмыстарын қатаң бақылауда ұстау қажеттігін тапсырды.
Мұнан соң аудан әкімі Мұхтар Оразбаев аудан орталығының 5 квартал аймағында жүргізіліп жатқан абаттандыру жұмыстарын көрді. Мұхтар Әуесұлы абаттандыру жұмыстары бекітілген кестеден кешігіп келе жатқанын тиісті сала басшыларына ескертіп, мердігер мекеменің құрылыс жұмыстарын күшейтуін қадағалауды тапсырды.
Биыл Әйтеке би кенті әкімі аппаратының ұйымдастыруымен аудан орталығында көшелерді жөндеу және ескерткіштерді әрлеп-сырлау жұмыстары да қарқынды жүргізілуде. Сондай нысандардың қатарында Т.Бөріқұлақов көшесінің бойындағы «Таға» ескерткіші де бар. Аудан басшысы Әйтеке би кентін аралау барысында ескерткішке арнайы барып, атқарылған жұмыстарды көрді. Сол жерде Әйтеке би кентінің әкімі Қайрақбай Орынбасаровқа алдағы уақытта да дәл осылай халықтың тарапынан айтылған ұсыныстарды орындауды тапсырды.
<img src="https://kyzylorda-news.kz/wp-content/uploads/2022/08/295922038_3421870674700522_2426473147995212962_n.jpg" alt="" />
<img src="https://kyzylorda-news.kz/wp-content/uploads/2022/08/297507284_3421869258033997_3280288043531190160_n.jpg" alt="" />

Қазалыда жолды кеңейту жұмыстары қатаң бақылауда

<a href="https://kyzylorda-news.kz/">Kyzylorda-news.kz.</a> Өңірдегі барлық аудандардың әлеуметтік-экономикалық даму барысын арнайы жиында талдаған облыс әкімі Нұрлыбек Нәлібаев Қызылорда қаласының өзекті мәселелерін қарады.
Жиынға мәслихат депутаттары, ардагерлер мен қоғамдық кеңес төрағалары және салалық басқарма басшылары қатысты.
Қала аумағы кеңейіп, жаңа мөлтек аудандардың салына бастауы тұрғын үйлерді салу, инфрақұрылым мәселелерін шешу, демалыс аймақтарының санын көбейтуді қажет етеді. Қала әкімі Асылбек Шәменов шаһарды дамытудың перспективалық жоспарларын тізбектеп, маңызды міндеттерге тоқталды.
Жиында аймақ басшысы қаланың макроэкономикалық көрсеткіштері бойынша 8 орынды алып, төмен даму динамикасын көрсеткенін атап өтті. Бұл ретте мұнай өнімдерін өңдеу көлемі 8,2 пайызға, химия өнеркәсібі 18,2 пайызға, құрылыс материалдарын өндіру 17 пайызға, машина мен жабдықтарды жөндеу және орнату 29,8 пайызға азайған.
Облыс әкімі республикадан тартылатын трансферттердің төмендеуі салдарынан қаржы көзі кеміп кеткенін, сондықтан да құрылыс нысандарын салу жұмыстарын күшейту қажеттігін баса айтты. Әсіресе, құрылыс материалдарын өзімізде шығару ісіне жеткілікті деңгейде мән беруді тапсырды. 
Жиында қала халқын жұмыспен қамту мәселесі де арнайы қаралды. Халық табысын арттырудың бірден бір жолы тұрғындарды жұмыспен қамту. Бұл ретте қалада жоспарланған 10673 жаңа жұмыс орынның бар болғаны 4445 немесе 41,6% ғана орындалған.
Асылбек Шәменов кәсіпкерлікті дамыту жөніндегі Ұлттық жоба аясында 4,3 млрд. теңгені құрайтын 153 жоба қолдау тапқанын жеткізді.
Облыс әкімі қалада өндірістердің тым аздығы салдарынан кәсіпкерлікті дамыту аса қажет деді. Бұл ретте кәсіп ашуға ниетті азаматтарды қолдап, жұмыс орындарын құру керек. Сондай-ақ, шаһарға жаңа инвестиция көзін тауып, жаңа жобалар негізінде тұрақты жұмыс орындарын көбейтуді жүктеді. 
Аймақ басшысы азық-түлік қорын көбейту және баға тұрақтылығын бақылау жұмыстарын ішінара емес, ұдайы жүргізуді тапсырды. Байқоңыр әлеуметтік корпорациясымен бірге жұмысты оңтайлы үйлестіріп, қажетті талдау жүргізуді міндеттеді. Себебі әлеуметтік маңызы бар 19 түрлі азық-түлік бағасының 17-ісінде өсім байқалған. Облыс әкімі қала аумағында бос жатқан жерлерді икемдеп, егін егу ісіне бейімі бар отбасыларға бөліп беру жұмыстары барлық аудан мен қалада белсенді жүргізілуі қажет екенін тағы бір еске салды.
Мұнан бөлек, аймақ басшысы тұрғын үй-коммуналдық шаруашылық саласында да проблемалар барын ашып айтты. Игерілмей бос жатқан жерлерді кезекте тұрған азаматтарға үлестіру жұмысын жандандыруды тапсырды.
<blockquote>
 «Қаланың дамуы – менің тікелей бақылауымда. Мамыр айындағы сессиядан автомобиль жолдарын жөндеу жұмыстарына, көшелерін жарықтандыруға, абаттандыруға, көркейту-көгалдандыру жұмыстарын жүргізуге және қала қонақтары мен тұрғындарының демалысын жайлы етуге бағытталған өзге де шараларға 4,8 млрд. теңге қаржы бағыттадық. Бүгінгі күнге 1,4 млрд. теңгенің 7 жобасы әлі басталмаған. Асылбек Өмірбекұлы, биыл аяқталуы қажет жобалардың барлығын мерзімінде әрі сапалы пайдалануға беріліп, түпкілікті нәтиже көрсетуді тапсырамын» – деді облыс әкімі.
</blockquote>
Жиында әлеумет үшін аса өзекті мәселелер жан-жақты талданды. Әсіресе, жыл сайын көмірге қатысты алаңдаушылық пен кезектіліктен дүрбелең туындайды. Облыс әкімі көмір қоймаларында ұзын-соңар кезектің болмауын қатаң қолға алып, әлеуметтік нысандар мен жеке тұрғындарға отын қорының тапшылығын болдырмауды тапсырды. Яғни, 1 қазаннан бастап қоймалардағы тасымалдаушы көліктердің қозғалысын ретке келтіріп, қажет болса, патрульдік полиция бақылауын қоюды міндеттеді.
Облыс әкімі қаланың тазалық мәселесіне де арнайы тоқталды. Шаһардың мұнтаздай таза болуына тек жергілікті билік ғана емес, кәсіпкерлер, қоғам болып бірге атсалысу қажеттігін баса айтты. Бұл ретте мәслихат депутаттары да қала аумағын қоқыстан тазарту және көшелерді абаттандыру ісіне жеткілікті деңгейде мән беру керектігін жеткізді.
Қызылорда қаласының кадрлық саясаты да кеңінен талқыланды. Облыс әкімі бір орында 10-15 жылдан бері қызметте отырған білім беру ұйымдарының басшыларын жұмысына талдау жүргізуді және қаланың қоғамдық-саяси ахуалға да ерекше назар аудару керектігін жеткізді. Сондай-ақ, қаладағы қылмыстылықты алдын алу үшін қала әкімдігі полиция басқармасымен кешенді шараларды қабылдау керектігі ескертілді. Мұнан бөлек, қоғамдық тәртіпті орнатуда қалаға қарасты ауылдық округтің әкімдері, полиция инспекторларының өзі сол ауылда тұруы тиіс екенін айтты. Бұл қағида барлық аудандар да талап етілмек.
Жиын соңында өңір басшысы 9 айдың қорытындысымен қаланың әлеуметтік-экономикалық даму көрсеткіштері қайта қаралатынын қаперге салды.
<img src="https://kyzylorda-news.kz/wp-content/uploads/2022/08/297540600_356241843363733_6358157275109380218_n.jpg" alt="" />
<img src="https://kyzylorda-news.kz/wp-content/uploads/2022/08/shamenov.jpg" alt="" />

Нұрлыбек Нәлібаев: Қызылорда экономикалық тұрғыдан әлеуеті зор әрі таза қала болуы керек

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2067 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 876,
Алматы қаласында – 640,
Ақтөбе облысында – 21,
Алматы облысында – 92,
Жетісу облысында – 127,
Атырау облысында – 8,
Шығыс Қазақстан облысында – 20,
Абай облысында – 37,
Жамбыл облысында – 17,
Батыс Қазақстан облысында – 4,
Қарағанды облысында – 130,
Қызылорда облысында – 39,
Маңғыстау облысында – 29,
Павлодар облысында – 11,
Түркістан облысында – 16.
Жалпы пандемия басталғалы елімізде коронавирус 1 360 068 адамнан анықталса, соның ішінде 1 318 177 науқас сауығып шықты.

Қазақстан және Қызылорда облысының жаңалықтары

Сұлутөбеліктердің басты мәселесі – көгілдір отын

Қызылордада құтқарушылар арасында республикалық жарыс өтіп жатыр

Қызылордада азық-түлік бағасын бақылау жалғасуда

Қызылордада жаңа 1500 орындық мектеп ашылды

Қызылорда қаласында жастар апталығы басталды

Қармақшы ауданының әкімі Иіркөл ауылының тұрғындарымен кездесті

Палата кәсіпкерлерді бизнесті қорғаудың экожүйесі аясында бірге жұмыс істеуге шақырады

Қызылорда облысы әкімінің орынбасары жұмыс барысымен Арал ауданына барды

Бір жылда ұн 36% қымбаттады

Қазалыда жолды кеңейту жұмыстары қатаң бақылауда

Нұрлыбек Нәлібаев: Қызылорда экономикалық тұрғыдан әлеуеті зор әрі таза қала болуы керек

Қызылордада коронавирустан жазылғандар бар

Қазақстан және Қызылорда облысының жаңалықтары

Сұлутөбеліктердің басты мәселесі &#8211; көгілдір отын

Қызылордада құтқарушылар арасында республикалық жарыс өтіп жатыр

Қызылордада азық-түлік бағасын бақылау жалғасуда

Қызылордада жаңа 1500 орындық мектеп ашылды

Қызылорда қаласында жастар апталығы басталды

Қармақшы ауданының әкімі Иіркөл ауылының тұрғындарымен кездесті

Палата кәсіпкерлерді бизнесті қорғаудың экожүйесі аясында бірге жұмыс істеуге шақырады

Қызылорда облысы әкімінің орынбасары жұмыс барысымен Арал ауданына барды

Бір жылда ұн 36% қымбаттады

Қазалыда жолды кеңейту жұмыстары қатаң бақылауда

Нұрлыбек Нәлібаев: Қызылорда экономикалық тұрғыдан әлеуеті зор әрі таза қала болуы керек

Қызылордада коронавирустан жазылғандар бар

Сұлутөбеліктердің басты мәселесі – көгілдір отын