<a href="https://kyzylorda-news.kz/">Kyzylorda-news.kz.</a> «Әр бала – жұлдыз!» ІX Халықаралық фестиваль-байқауында Қызылорда қаласындағы Зияткерлік мектеп оқушылары екі гран-при мен екі бірінші орын иеленді.&nbsp;200-ге жуық талантты жастың басын қосқан шығармашылық дода вокалдық, хореография, аспаптық, әртістік және шешендік өнер номинациялары бойынша өткізілді. Қызылордалық зияткерлер вокалдық музыка жанрында өнер көрсетіп, дәстүрлі, эстрадалық, джаз бен халықтық әуендерді шырқауда кәсіби шеберліктерін көрсете білді.&nbsp;Сайыстың Гран-при иегерлері атанған Сырсұңқар Базарбайұлы қоңыр үнді домбыраның сүйемелдеуімен Молдабайдың әнін жоғары деңгейде орындаса, Айя Сердалы Қасым Аманжоловтың «Сайра, сайра, Сандуғашым!» арнауын айтып, көрермендерді бұлбұл дауысымен тамсандырды.&nbsp;Ақтөбедегі концерттік зал сахнасында үздік өнер көрсеткен Айшани Даттатрея мен Уалихан Ибадулла да вокалдық қабілеттерімен ерекшеленіп, бірінші орынды жеңіп алды.&nbsp;<blockquote>«Бұл байқауда белгілі өнер қайраткерлері қазылық етті. Оқушыларымыздың таланттарына тәнті болып, ерекше өнер иелері деп бағалады. Шәкірттерім сахнада өздерін еркін сезініп, бар қабілеттерін ортаға салды. Алдағы уақытта жаңа асуларды бағындыруды тілеймін», – дейді жетекшісі Жарасбек Утебаев.</blockquote>&nbsp;

Сырбойылық зияткерлер өнер сайысында топ жарды

<a href="https://kyzylorda-news.kz/">Kyzylorda-news.kz.</a> Дүниеде адам өмірі мен оның денсаулығынан бағалы ештеңе жоқ екені баршамызға белгілі. Сол себепті адам өмірін сақтап қалуда дәрігерлермен бірге қарапайым адамдардың да мүмкіндігі бар. Соның бірі – донор болу, яғни, ерікті түрде қан тапсыру. Дүниежүзілік Денсаулық сақтау ұйымының дерегіне сүйенсек, ауруханаларды қанның құрамдас бөліктерімен толық қамтамасыз ету үшін 1000 адамға шаққанда 20-25 адамның қан тапсыруы қажет екен.Осы орайда, жылдағы үрдіспен қызылордалық полицейлер қайырымдылық донорлық акциясына қатысты. Бұл құқық қорғау органдары қызметкерлерінің қатысуымен ұйымдастырылған бірінші қайырымдылық акциясы емес.Полицияда көптеген тұрақты донорлар бар, олар мұқтаж науқастарға үнемі қан тапсыру міндеті деп санайды. Игі істі бастамас бұрын барлық донорлар медициналық тексеруден өтеді. Қарсы көрсетілімдер болмаған жағдайда ғана қан тапсыруға болады. Әр донордан 450 мл қан алады. Процедураның өзі дайындықпен бірге 20 минуттан аспайды екен.3 жыл бойы қан тапсыратын тұрақты донорлардың бірі Қызылорда қаласының Полиция басқармасы патрульдік полиция батальонында, полиция аға лейтенанты Ерболат Сайлау болып табылады.<blockquote>«Бір донор – бір өмір» деп, бекер айтылмаған және біздің іс-әрекеттеріміз біреудің анасы мен әкесінің, баласы мен ағасының өмірін сақтап қалуға көмектеседі деп үміттенеміз. Біз азаматтарды қан тапсыруға және адамдарға көмектесуге шақырамыз», - дейді полиция аға лейтенанты.&nbsp; &nbsp;</blockquote><img src="https://knadmin.beoblood.kz/uploads/317665220_5838385086204286_4492879937201559645_n_b1600a0d99.jpg" alt="317665220_5838385086204286_4492879937201559645_n.jpg">

Қызылордада құқық қорғау органдарының қызметкерлері донор болды

<a href="https://kyzylorda-news.kz/">Kyzylorda-news.kz.</a> 2022 жылы жеңілдік санатындағы бір адамға мемлекет ай сайын 3 621 теңге жарна төлейді. Сонымен, МӘМС-ке жарна төлеуден кімдер босатылған және жеңілдікке ие 15 санаттың қатарына кіру үшін қайда жүгіну керек? Осы және өзге де сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.Міндетті әлеуметтік медициналық сақтандыруға жарналар мен аударымдар Ұлттық банктің арнайы шотына түседі. Олардың едәуір бөлігі – мемлекеттің шамамен 11 млн адам үшін төлейтін ай сайынғы жарналары. Сол себепті олар «сақтандырылған» мәртебесіне ие және МӘМС тізіміне кіретін медициналық қызметтердің барлық спектрін ала алады.&nbsp;Мемлекет есебінен МӘМС жарналары келесі тұлғалар үшін төленеді: 1) 18 жасқа дейінгі балалар. Балаға туу туралы куәлігі табысталған яғни жеке сәйкестендіру нөмірі (ЖСН) берілген уақыттан бастап «сақтандырылған» болып саналады.&nbsp; 2) Жұмыссыз ретінде ресми тіркелген тұлғалар. Мұндай мәртебе алу үшін Халықты жұмыспен қамту орталығына барып, жұмыссыз ретінде тіркелу қажет. 3) Жұмыс істемейтін жүкті әйелдер. Аталған жеңілдік санатына ену үшін әйел тіркелген емханада жүктілігі бойынша уақтылы есепке тұруы тиіс. Соңғы 2 айда ол үшін зейнетақы жарналары мен әлеуметтік аударымдардың болмауы шарт. Жеке кәсіпкерлер ретінде тіркелген және өз қызметін тоқтатпаған әйелдер, сондай-ақ БЖТ төлейтін әйелдер жұмыс істейтін болып саналады және жеңілдік санатына енгізілмейді. 4) Үш жасқа толмаған бала тәрбиесімен айналысатын жұмыс істемейтін тұлға. Бұл санаттағылар автоматты түрде «сақтандырылған» мәртебесіне ие болады, бірақ ресми түрде жұмыс істемеу және де олардың атына соңғы 2 айда зейнетақы жарналары мен әлеуметтік аударымдар жасалмаған болуы керек. 5) Жүктілікке және босануға, жаңа туған баланы асырап алуға байланысты, сондай-ақ бала үш жасқа толғанға дейін оның күтіміне байланысты демалыстағы тұлға. Олар демалысқа ресми түрде шыққан кезде «сақтандырылған» мәртебесін алады. 6) Мүгедек баланы күтіп-бағуды жүзеге асыратын жұмыс істемейтін адамдар. Баланың тиісті құжаттарын дайындаған кезде күтім жасайтын тұлғаның мәліметтері базаға енгізіледі. Кейін автоматты түрде «сақтандырылған» мәртебесін иеленеді.&nbsp; 7) Бірінші топтағы мүгедекке күтімді жүзеге асыратын жұмыс істемейтін адам. Мүмкіндігі шектеулі жанның тиісті құжаттарын дайындаған кезде күтім жасайтын тұлғаның мәліметтері базаға енгізіледі. Ізінше «сақтандырылған» мәртебесі автоматты түрде беріледі.&nbsp; 8) Зейнетақы төлемдерін алушылар, оның ішінде Ұлы Отан соғысының ардагерлері. Бұл жерде мемлекеттен сақтандырылғандардың тізіміне Қазақстанның Бірыңғай жинақтаушы зейнетақы қорынан зейнетақы алатындардың ғана енгізілгенін атап өту қажет. Зейнетақыны әлі ресми түрде рәсімдемеген адамдар және басқа мемлекеттерден зейнетақы алатын адамдар жеңілдік мәртебесін ала алмайды. Зейнеткерлік жасқа жеткендерге жеңілдік мәртебесі берілмейді, бірақ зейнетақының орнына асыраушысынан айырылу бойынша жәрдемақы ала алады.&nbsp; 9) Қылмыстық-атқару (пенитенциарлық) жүйесі еңбектерінде сот үкімі бойша жазасын өтеп жүрген адамдар. Бұл жеңілдік санатына ену үшін қамаудағы мекеменің жауапты қызметкері жазасын өтеуші адамның деректерін ақпараттық жүйеге енгізуі қажет. 10) Тергеу изоляторларындағы адамдар, сондай-ақ үйқамақ түріндегі бұлтартпау шарасы қолданылған жұмыс істемейтін адамдар. Бұл санаттағы жандар туралы мәліметті уәкілетті органның қызметкерлері жүйеге енгізеді. 11) Жұмыс істемейтін қандастар. «Қандас» куәлігін алған соң, соңғы екі айда МӘМС үшін төлем жасалмаған болу керек. Сонда автоматты түрде жеңілдік санатына енгізіледі.&nbsp; 12) «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен наградталған көп балалы аналар. Автоматты түрде «сақтандырылған» мәртебесіне ие болады. 13) Мүгедектер. Ресми құжаты шыққан кезде, мәртебе автоматты түрде беріледі.&nbsp; 14) Орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар. Қазақстанда оқитын студенттер жеңілдетілген санатқа автоматты түрде қосылады.Бұл жерде шетелдік оқу орындарында оқитын қазақстандық күндізгі оқу студенттері МӘМС жүйесінде «сақтандырылған» тұлғалардың автоматты түрдегі жеңілдік мәртебесін бірден ала алмайтынын ескеру керек. Олар &nbsp;egov.kz &nbsp;электрондық үкімет порталындағы сервисті пайдалана отырып, жүйеде өз бетінше тіркелуі қажет. Ол үшін төмендегі әрекеттерді орындау керек. &nbsp;✅ Іздеу жолағына «Шетелде оқитын студенттерді тіркеу» деп теру; ✅ Ашылған терезеде өтінішті толтыру және оқуды растайтын құжаттарды қоса беру; ✅ Өтінішке ЭЦҚ көмегімен қол қою; ✅ Көп жағдайда сақтандырудың жеңілдікті мәртебесі жолдарды дұрыс толтырған уақытта 10 жұмыс күні ішінде беріледі; ✅ Егер сақтандырудың жеңілдікті мәртебесін беру көрсетілген мерзімнің &nbsp;ішінде &nbsp;жүзеге асырылмаса, ҚР Білім және ғылым министрлігінің Халықаралық департаментіне хабарласу қажет.Студент әрбір семестр аяқталғаннан кейін сақтандырылу мәртебесін тексеруі және оқудың өзектілігін растауы қажет екендігін есінде ұстағаны дұрыс. Өйткені дерекқордағы мәліметтер өзгеруі мүмкін.15) Жұмыс істемейтін мемлекеттік атаулы әлеуметтік көмек алушылар. Әлеуметтік төлем тағайындалған кезде «сақтандырылған» мәртебесі автоматты түрде беріледі.Егер сіз осы 15 санаттың біріне кірсеңіз, бірақ «сақтандырылмаған» болсаңыз, растайтын құжаттар тізімін жинап, халыққа қызмет көрсету орталығына тапсыру керек. Ақпарат мемлекеттік органдарға бағытталып, тиісті шаралардан соң мемлекет сіз үшін жарна төлей бастайды және «САҚТАНДЫРЫЛҒАН» мәртебесі беріледі.&nbsp; Сіздер үшін fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot жұмыс істейді. Дәл осы құралдар сақтандырылу мәртебесін тексеруге мүмкіндік береді. Сондай-ақ электрондық үкіметтің egov.kz сайтындағы «Денсаулық сақтау» бөліміне өтіп, «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы медициналық сақтандыру жүйесіндегі өз мәртебеңізді тексеруге мүмкіндік бар.<figure class="image"><img src="https://knadmin.beoblood.kz/uploads/Lgotnye_kategorii_kaz_8d69ab94d3.jpg" alt="Льготные категории каз.jpg"></figure><figure class="image"><img src="https://knadmin.beoblood.kz/uploads/KAZ_Lgotniki_OSMS_8eb771095e.png" alt="КАЗ Льготники ОСМС.png"></figure>&nbsp; &nbsp;

МӘМС: Жеңілдікті санаттарға кімдер және қалай кіре алады? 

<a href="https://kyzylorda-news.kz/">Kyzylorda-news.kz.</a> Мал бағу – атакәсіп. Осы орайда Жалағаш ауданына қарасты Жаңадария елді мекенінде жыл өткен сайын атакәсіпті арқау етіп, ризық-несібесін төрт түліктен көрген кәсіпкерлер саны артуда. Әрине, қазақтың жанына жақын мал шаруашылығы қай кезде де кенже қалған емес. «Естіген – өтірік, көрген – шын» демекші, біз де Жаңадария ауылының мал баққан шаруаларымен кездесіп, кәсіптерімен танысуды жөн көрдік.Солардың қатарында Зеңгібаба тұқымын бағып-қағып өсіруді кәсіп еткен ауыл тұрғыны Талғат Алтайұлы да бар. Ауыл әкімі Асхат Есқалиевтың бастауымен ауылдан 5-6 шақырым жерде орналасқан «Нұртөре» шаруа қожалығына ат басын бұрып, кәсіп тынысымен таныстық. Осыдан 5 жыл бұрын 2 млн теңге несие алып, жұмысын бастаған Талғаттың кәсібі бүгінде отбасылық бизнеске айналған. «Мал баққанға бітеді» деген тәмсілді ұстанған ол мал шаруашылығын дамытудың кешенді бағдарламасы аясында тағы да 11 млн теңге несие алып, 40 бас ірі қараны жайылымға жіберген. Әрине, кейіпкеріміз ата кәсіпке бала кезінен бейімдігін танытқан. Әкесіне қолғанат болып, ауылда өскесін болар, оған бұл шаруаның қыр-сыры мәлім. Жас болса да еңбексіз ештеңе болмайтынын Талғат ерте байыптапты. Сондықтан болар, Жаңадариядай ауылда туып-өсіп, мал бақпауды үлкен қателікке санап, болашақта мал басын көбейтіп, ірі қара тұқымын асылдандыруды мақсат етіп отыр.<blockquote>«Ағамның, жалпы отбасымның үлкен қолдауымен осы кәсіпке келдім. Қазір 70 гектар жайылымдық жерім бар. Мал азығынан ешқандай қиыншылық жоқ, күніне азанда, кешке сауын сиырды назардан бір өткізіп, жайылымы мен жемін қадағалаймын. Әрине мал қоңды болуы үшін қоражай жайлы, азығы құнарлы болуы шарт. Сонда ғана мол өнімге қол жеткізуге мүмкіндік бар. Мен үшін кәсібім өмірге деген құлшынышымды оятады. Өйткені өзгелердей жай ет өткізгім келмейді. Керісінше әрбір ірі қараның салмағын екі есе көбейтуді көздеймін. Сонда ғана нағыз еңбегімнің дәмін татып, ісіме көңілім толады. Бір әтеген-айы, ауыл тұрғындарындағы мал тұқымы азып кеткен. Асылтұқымды бұқа жоқ, болса бірлі-жарымында ғана бар. Бірақ шүкір, барға қанағат етемін», – дейді кәсіпкер.</blockquote>«Еңбегі көптің өнбегі көп» деген мақал тура Талғатқа айтылғандай, олай деген себебіміз аула маңына бау-бақша дақылдарын егіп, қыстық азығын да осы киелі жерден олжалапты. Биыл күзде өзі еккен бақшадан жеміс-жидек, көкөніс өнімдерін жинаған, аяқ су мәселе бар екенін ескерсек, өнімі жаман болмапты. «2-3 жылда ауылда Тәкеңнен асқан бай адам болмайды» деп арқасына қағып қояды ауыл әкімі. Әрине, болатын ел бірін-бірі батыр дейді, ауыл басшысының бұл сөзінде үлкен қолдау бар екенін дереу түсіндік.<blockquote>«Еңбек етемін деген адамға қашанда жұмыс табылады. Мал күтіміне баса мән берілсе, мол өнім алуға болатынын айтып келеміз. Шаруалардың өндірген өнімдерін өткізуде, мал азығын дайындауда, материалдық-техникалық жабдықталуда, мал басы өнімділігін жетілдіруде, қаржылай мемлекет тарапы әрқашан көмек беруге дайын. Оның бір дәлелі қазір қаладан ауылымызға мал бағамын, еңбек етемін деп көшіп келіп жатқан тұрғындар саны артты. Әрине, Жаңадарияда мал шаруашылығының қарқынды дамуы ауылда жаңа жұмыс орындарын ашуға, ауыл тұрғындарының әл-ауқатының артуына, қалаға көші-қон легінің тежелуіне айтарлықтай оң ықпал етер еді», – дейді елді мекен әкімі Асхат Есқалиев.</blockquote>«Еңбек еткенге бақыт басын иеді» деген қазақ. Ал Талғаттың мақсаты – айқын, межесі – биік. Оған біз осы сапарымызда толық көз жеткіздік. &nbsp;<img src="https://knadmin.beoblood.kz/uploads/dsc4777_1024x683_171de77d09.jpg" alt="dsc4777-1024x683.jpg">

Ауыл жастары кәсіпкерлікке бетбұра бастады

<a href="https://kyzylorda-news.kz/">Kyzylorda-news.kz.</a> 2022-2023 оқу жылында Қызылорда облыстық оқу орталығы және М.Мәметова атындағы Қызылорда педагогикалық жоғары колледжі «Шетел тілі» бөлім оқытушыларының ұйымдастыруымен Техникалық және кәсіптік білім беретін оқу орындарының студенттері арасында &nbsp;«Көптілді зияткер - 2022» облыстық пәндік олимпиадасы өткізілді.&nbsp;Олимпиаданың мақсаты - ағылшын тілін жетік менгерген қабілетті студенттерді анықтау және қолдау, тілдік қарым-қатыныс мәдениетін қалыптастырып, көп тілді меңгерген тұлғаны тәрбиелеу, өзге халықтардың мәдениеті мен тілін құрметтеу.&nbsp;Жастардың бойында толеранттылықты тәрбиелеу, тілдерді меңгеруге деген шығармашылық қабілеттерін дамыту, үштілде сөйлеу мәдениетін арттыру мақсатында өткізілген байқауға колледж директоры Жақсыгүл Қоханқызы лебізін білдіріп, қатысушыларға сәттілік тіледі.&nbsp;Олимпиадаға Өркениет медицина колледжі, Қазанғап атындағы музыкалық жоғары колледжі, Қызылорда Авиценна медициналық колледжі, Қызылорда жоғары көпсалалы колледжі, Шиелі индустриалды -аграрлық колледжі, «Болашақ» жоғары медициналық колледжінен барлығы 19 талапкер қатысып, 3 кезең бойынша бақ сынасты.Бірінші кезең – Writing (берілген тақырыпқа ағылшын тілінде эссе жазу), екінші кезең – Translation (3 тілде ілеспе аударма жасау), үшінші кезең – Speaking (берілген суреттер бойынша үш тілде сөйлеу)Облыстық пәндік олимпиадаға Қорқыт ата университетінде ағылшын тілі мұғалімі Kelsey Dabrowski, Қызылорда қаласы бойынша білім бөлімі &nbsp;әдіскері, педагогикалық ғылымдар магистрі Ғалия Ибрагимова, колледж оқытушысы Лиза Сүлейменова әділқазылық етті.Төрешілердің әділ бағалауымен олимпиада нәтижесінде I орын М.Мәметова атындағы педагогикалық жоғары колледжінің білім алушысы Мұратова Динара, II орын Қызылорда жоғары медицина колледжі, &nbsp;«Емдеу ісі» бөлімінің 41 топ білім алушысы Қалданова Нұрай, III орын дипломмен М.Мәметова атындағы педагогикалық жоғары колледжінің білім алушысы Бауыржанова Ақнұр марапатталды.&nbsp;Олимпиада соңында жеңімпаз студенттер I, II, III дәрежелі дипломдармен марапатталып, қатысушыларға олимпиадаға қатысқандығын растайтын сертификат табысталды.<img src="https://knadmin.beoblood.kz/uploads/316824783_1329627941179972_4656930255239034110_n_daac12335c.jpg" alt="316824783_1329627941179972_4656930255239034110_n.jpg">

Қызылордалық студенттер «Көптілді зияткер - 2022» олимпиадасына қатысты

<a href="https://kyzylorda-news.kz/ru/">Kyzylorda-news.kz</a>. Бүгін онлайн форматында Қазақстан халқы Ассамблеясы төрағасының орынбасары - Қазақстан халқы ассамблеясының Кәсіпкерлер қауымдастығы кеңесінің төрағасы М.Әзілхановтың төрағалығымен «Қазақстан халқы ассамблеясының Кәсіпкерлер қауымдастығы» заңды тұлғалар бірлестігі Кеңесінің бірлескен отырысы өтті.&nbsp;Жиынға Қызылорда облысы бойынша «Қазақстан халқы ассамблеясының Кәсіпкерлер қауымдастығы» заңды тұлғалар бірлестігінің төрағасы Б.Кудияров пен Қазақстан халқы ассамблеясының Кәсіпкерлер қауымдастығының қызметі бойынша «Қоғамдық келісім» мекемесінің жауапты қызметкері У.Жанбатыр қатысты.Кездесу барысында өңірлердегі Қазақстан халқы ассамблеясының Кәсіпкерлер қауымдастығы жұмысының ағымдағы қызметіне қатысты мәселелер қаралды.Бүгінде кәсібін дөңгелетемін деген &nbsp;азаматтар &nbsp;әртүрлі кедергілердің кесірінен бизнесін аша алмай, әбігерге түседі. &nbsp;Бірінші міндет - сондай проблемалардың алдын алу. Кәсіпкерлермен басқосуда экономикалық дамудың басты тетігі - шағын және орта бизнесті қолдау қажет екендігі айтылды. Бұл бағытта жұмысты жандандыру, мүшелік жарна мұңы, ауылшаруашылығындағы субсидиялау мәселелері қозғалды.&nbsp;Айта кету керек, Қазақстан халқы Ассамблеясының Кәсіпкерлер қауымдастығы кеңесінің кеңейтілген отырысы 12 желтоқсанда тағы өтетіндігі айтылды. Онда кәсіпкерлікті дамытудың жаңа бағыттары талқыланатын болады. &nbsp;<figure class="image"><img src="https://knadmin.beoblood.kz/uploads/Whats_App_Image_2022_11_30_at_10_14_17_73fbf70c79.jpeg" alt="WhatsApp Image 2022-11-30 at 10.14.17.jpeg"></figure>

Қазақстан халқы ассамблеясының кәсіпкерлік қауымдастығы кеңесінің кеңейтілген  отырысы өтті

<a href="https://kyzylorda-news.kz/">Kyzylorda-news.kz.</a> Қазалы ауданында пробация қызметінің есебінде тұрған азаматтарға арналған бос жұмыс орындар жәрмеңкесі өтті. Жәрмеңкені &nbsp;аудандық прокуратура мен &nbsp;халықты жұмыспен қамту орталығы ұйымдастырды. Алты жұмыс беруші мекеменің 20-дан астам бос жұмыс орны ұсынылды. &nbsp;Іс-шараға &nbsp;пробация қызметінің есебінде тұрған жұмыссыз он сотталған &nbsp;қатысып, кеңес алып, екі &nbsp;азаматқа жұмысқа орналасуға жолдама берілді.<blockquote>«Бос жұмыс орындары жәрмеңкесінде мамандардан кеңес алып, «СПК Қызылорда Балык» ЖШС-ге жұмысшы ретінде жолдама алдым. &nbsp;Қыс мезгілінде жұмыс табу да қиын. Адал еңбегіммен отбасымды асырауыма мүмкіндік алғаныма қуаныштымын. Ұйымдастырушыларға алғыс білдіремін», -деді есептегі сотталған.</blockquote>Есепте тұрған сотталғандарды жұмысқа орналастыру олардың құқық бұзушылықтармен &nbsp;қайта қылмыс жасауларының алдын алу шараларының бірі.&nbsp;<blockquote>«Жыл басынан &nbsp;пробация есебіндегі 10 азамат &nbsp;тұрақты жұмысқа орналастырылды. Сондай-ақ жеке кәсіп ашсам деген ниеттенген үш азамат «Нәтижелі жұмыспен қамту және жаппай кәсіпкерлікті дамыту» бағдарламасының «Бастау Бизнес» жобасы бойынша бір айлық «Кәсіпкерлік негіздері» курсын оқып, &nbsp;тест тапсырып, сертификатын алды. Қазіргі таңда бизнес жобасын жасап жатыр. Мал шаруашылығымен айналысуға ниетті»,-деді аудандық пробация қызметінің &nbsp;бастығы &nbsp;әділет подполковнигі Ербол Сражатов.&nbsp; &nbsp;</blockquote>

Есептегі қызылордалық жәрмеңкеден жұмыс тапты

<a href="https://kyzylorda-news.kz/">Kyzylorda-news.kz.</a>&nbsp;Қызылордалық меценат, «Техоснастка - Ремсервис» ЖШС директоры Ли Илларион Гукхенович Қайырымдылық жасаушылар мен меценаттар форумында Қазақстан халқы Ассамблеясының «Алғыс» төсбелгісімен марапатталды.Қызылорда облыстық корей этномәдени бірлестігінің белсендісі тұрақты түрде облыстық Қазақстан халқы ассамблеясының бастамасымен жүзеге асырылған қайырымдылық акцияларына өз үлесін қосып келеді. 2016 жылы өз қаражаты есебінен Достық үйінің хореография залын талапқа сай жабдықтап, материалдық-техникалық базамен қамтамасыз етті.Қайырымдылық бағытынан бөлек қаламыздың өнер және спорт саласына, қалалық, облыстық деңгейдегі спорт жарыстарына демеушілік жасап келеді.Сонымен қатар, Илларион Ли облыстық корей этномәдени бірлестігінің барлық деңгейдегі іс-шараларының өтуіне қаржылай көмек көрсетуді дәстүрге айналдырған.Пандемия кезінде және қаңтар оқиғасында қайырымдылыққа толы ізгі жұмыстарды жасырын жасап, әрдайым жарияламауды жөн көреді. Сонымен қатар, болашақ ұрпақты бірлікке, достыққа, отансүйгіштікке тәрбиелеу бағытында атқарған игі шаралары да аз емес. Өз елеулі еңбегінің нәтижесінде Қызылорда қаласының Құрметті азаматы, «Ерен еңбегі үшін» мемлекеттік медалінің иегері, Қазақстан халқы Ассамблеясына 25 жыл мерекелік медалі, қала және облыс әкімдерінің көптеген грамоталары &nbsp;мен алғыс хаттарына ие болған.<figure class="image"><img src="https://knadmin.beoblood.kz/uploads/Whats_App_Image_2022_11_30_at_10_35_37_1_155c1e7895.jpeg" alt="WhatsApp Image 2022-11-30 at 10.35.37 (1).jpeg"></figure>

Қызылордалық меценат Қазақстан халқы ассамблеясының «Алғыс» төсбелгісімен марапатталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 122 бас бостандығынан айырылғандар рақымшылыққа ұсынылды, деп хабарлайды Қызылорда облысы бойынша Қылмыстық-атқару жүйесі департаментінің баспасөз қызметі.&nbsp;Биылғы жылдың 2 қарашасында Мемлекет басшысы &nbsp;Қасым-Жомарт Тоқаев Қаңтар &nbsp;оқиғасына қатысқандарға бір реттік рақымшылық жасау туралы заңға қол қойған болатын. «Рақымшылық туралы» Заңға сәйкес, Қызылорда облысы бойынша ҚАЖ департаментінің аудандық және қалалық пробация қызметі &nbsp;122 сотталғанға &nbsp;қатысты &nbsp;рақымшылық қолдану туралы сотқа ұсыныс &nbsp;жолдаған. Бұл сотталғандар жаппай тәртіпсіздік кезінде қылмыстық құқық бұзушылық жасаған.<blockquote>«Қазіргі таңда &nbsp;9 сотталғанның &nbsp;іс –құжаттары сотпен қаралып, 7 сотталғанның негізгі жазасы төрттен үшке қысқартылып, екі сотталғанның жаза мерзімінен босату жөнінде сот шешімімен қаулы шығарылды. &nbsp;Қаулы заңды күшіне енген жоқ. &nbsp;Ал қалған 113 сотталғанның материалдары сот өндірісінде. Осыған дейін есептегі сотталғандарға түсіндірме жұмыстары жүргізілген. Онда қаңтар оқиғасына қатысқандардың барлығы бірдей рақымшылыққа ілікпейтіні жөнінде нақты айтылды», - деді пробация қызметіне басшылық жасау тобының бас маманы &nbsp;әділет майоры Ғаламат Құлманов.</blockquote><figure class="image"><img src="https://knadmin.beoblood.kz/uploads/sot_d82af620e2.jpg" alt="сот.jpg"></figure>

Қызылордада 122 бас бостандығынан айырылғандар рақымшылыққа ұсынылды

<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Аламесек ауылы – ауыл шаруашылығында тынымсыз еңбек етіп, салаға серпін берген Еңбек Ері Несіпбай Апрезов секілді еңбеккерлер туған елді мекен.Қазір әр жылдары ауылдың Сыр салысынан қанша өнім алғанын сараптасақ, аймақтың қамбасына қанша астық құйғанын бағамдар едік. Бастысы, еңбек еленіп жатыр. Елді мекенге «Қарабура Ата-1» шаруа қожалығы келгелі еңбек адамдарының миллиондап қаражатқа қол жеткізуі, төрағалардың дала дарабоздарына темір тұлпар табыстауы дәстүрге айналды.Есет батырда жергілікті шаруашылықтардың ауылда түрлі жобаларды жүзеге асыруға ынтасы артып келеді. Бастысы, әр жобаның халыққа пайдасы бар. Кеше ғана ауылда «Нағи» шаруа қожалығы Өмірбай шешен көшесінің бойын абаттандыруды жауапкершілігіне алған еді. Сыр салысын өсіруде өңірге танымал шаруашылық ұжымы бүгінде сол жолдың бойынша алғашқы жобасын жүзеге асырды. Яғни дәл осы ішкі көшенің бойынан Балалар жылы қарсаңында балалар ойын алаңын салып берді. Кешегі кездесуде аудан басшысы Асқарбек Есжанов бұл балалар алаңының бүгінде ауылдың қажетіне жарап тұрғанын тілге тиек етіп, Балалар жылында балаларға базарлық болғанын ерекше атап өтті.Аламесек те аудан орталығынан шалғай жатқан ауылдардың бірі. Екі мыңға жуық халқы бар елді мекеннің бұйыртса, келер жылы екінші тынысы ашылатындай. Биыл да Есет батырда еңселі жобалар жүзеге асты. Әсіресе жергілікті шаруашылықтардың демеушілігімен бірнеше ойын алаңының пайдалануға берілуі, Балалар жылында бүлдіршіндерге базарлық болғандай.Ел болған соң, мәселе де болады. Жылдың бірінші жарты жылдығында аламесектік ағайын ауылдық емхана ғимаратына қатысты мәселе көтерген. Көне нысан мұнда келген науқастардың ем алуына да, абзал жандардың емдік шаралар көрсетуіне де қолайсыз екен. Оны Асқарбек Есжанов та барып көрді. Көп ұзамай бұл мәселені шешуге тырысатынын жеткізіп, кез келген мәселенің шешімі қаражатқа байланысты болғандықтан толық уәде берген жоқ. Арық сөйлеп, семіз шығатын әкім бүгін ауыл халқымен кездесуге сүйінші жаңалықпен келіпті. Бұйыртса келер жылы ауылдағы абзал жандар жұмысын жаңа нысанда жалғастырады. Яғни 2023 жылы Аламесекте ауылдық емхана құрылысы басталады.Ауылдағы ішкі көшелердің бәрінің бүгінде тозығы жеткен. Бұған қатысты да келер жылы Есет батырда жол құрылысы қарқын алғалы тұр. Ал ауылға кіреберістегі көпірдің маусымында халыққа қандай мәселе болғаны айтпаса да белгілі. Кеше көпір құрылысының да тәмамдалғанын көріп, қуанып қалдық. Жол құрылысынан бөлек келер жылы ауылда ауыз су жүйесі кеңейтіліп, электр желісі жаңартылады. Тізе берсек, ауылда алдағы жылы жүзеге асатын жарқын жобалар жетерлік. Бастысы халықтың атқарылған істерге берер бағасы жоғары.Сондай-ақ, ауылдағы ағайын учаскелік полиция инспекторының қызметтік көлігі болса деген талап-тілегі келер жылы көктемде орындалатын болды.Екі мыңға жуық халқы бар Аламесек ауылында соңғы жылдары атқарылған жұмыстар ауыл әлеуетін көтеруде оң нәтижеге қол жеткізді десек, артық айтқандық болмас. Осыған дейін елді мекенге кіреберіс жолдың да сапасы сын көтермейтіні күн тәртібінде тұрған өзекті мәселе еді. Былтыр жаз мезгілі ортасынан ауа бере бұл мәселе де өз шешімін тапты. Қазір ауыл халқы құрылысы 300 млн теңгеге жуық қаржыға жүргізілген жолдың игілігін көріп отыр. Оның үстіне сол жолдың бойында орналасқан көпірдің де құрылысына ел ағаларының көңіл бөлгені аламесектік ағайынның көңілін бір көтеріп тастады.Сонымен қатар, алдағы уақытта «Қарабура-Ата-1» шаруа қожалығының төрағасы Дастан Ержанов жалпы құны 5 млн теңгеге ауылға кіреберіс жолға жарық жүргізуді қолға алмақ ниетте. Бұған дейін ауылдағы түрлі шараларға демеушілік жасаудан шет қалмаған шаруашылық төрағасының мұндай игі бастаманы қолға алғаны құптарлық іс. Әсіресе бұл шаруашылықтың ұжымы төрағаның соңғы жылдары жұмысшыларының әлеуметтік жағдайын жақсартуға басымдық беріп отырғанын айтады.«Жаңаарық» шаруа қожалығының төрағасы Ғалымжан Қайырманов алдағы уақытта жарық жүргізілген кіреберіс жолдың қос бетін абаттандыруға күш саламын деген. Бұл жұмыстарға төраға алдағы уақытта өз қаражаты есебінен 6 млн теңге бөлетінін де айтқан болатын. Сондай-ақ, көркейту-көгалдандыру жұмыстарының сапалы жүруі де өзінің бақылауында болады. Туған жердің түлеуіне тамшыдай болса да өз үлесімді қоссам деген төрағаның бұл жобасынан бұрын елге қызмет етемін деген мақсаты бізге ерекше ұнап отыр. Бар болғаны 100 гектардан астам жерге Сыр салысын еккен азаматтың ауылдың абаттануына өзін жауапты деп тануы орынды. Алдағы уақытта бұл жоба да елді мекеннің еңсесін тіктеуге үлкен сеп болары анық.«Жаңарық» шаруа қожалығы биыл да ала жаздай күріштің күтіміне басымдық берген. Нәтижесін уақытында егіс басына барып та көрдік. Биыл алқап басындағы өнімнің шығымы бітік болды. Қыркүйек айының алғашқы онкүндігінде Сыр салысына орақ салған шаруашылықтың бүгінгі төрағасы Ғалымжан Қайырманов қазанда күзгі науқанды оң нәтижемен қорытындылапты. Айтпақшы, Ғалымжан Қайырманов басшылық ететін бұл ұжым елді мекендегі мерекелік шараларға демеушілік етуді, ардагерлерге сыйақы таратуды да дәстүрге айналдырған. Былтыр Ғалымжан Қайырманов аудан әкімімен меморандумға отырып, Аламесек ауылдық округіне кіреберіс жолдың қос бетін абаттандыруға келісім алды. Бұйыртса, күзгі науқан жұмыстары бітті, енді шаруашылық ұжымы осыған кіріседі. Төраға жолдың бір бетіндегі бос жатқан жерден саябақ ашып, оны ардагер ұстаз, шаруашылықтың негізін қалаған Жарылқасын Қайырмановтың атына беруді жоспарлап отыр. &nbsp; &nbsp;“Нағи” шаруа қожалығының төрағасы Серік Дүйсенғазиев те алдағы уақытта ауылдағы Өмірбай шешен көшесін абаттандыруды қолға алатынын айтқан. Бұл жұмыстарға ол 4 млн теңге қаражат бөлемін деген болатын. Кешегі сапарда ауылда аталған шаруашылықтың қолға алған жобасын көріп, бұл жұмыстарға одан да көп қаражат жұмсалғанын бағамдадық. Ол Өмірбай шешен көшесін абаттандыруды жауапкершілігіне алып, оның бір бетіне Балалар жылына ойын алаңын ашты. Бүгінде ауылдың кішкентайларын іздесеңіз, сол жерден табуға болады.Соңғы жылдары ат спортына жастардың, әсіресе ауыл жастарының қызығушылығы басым екенін ескерсек, ұлттық спортты ұйымдастыратын арнайы орынның жоқтығы айтарлықтай мәселе боларын жақсы білеміз. Есет батыр ауылында “Көктөбе” шаруа қожалығы төрағасының жобасы осы мәселені шешуге айтарлықтай сеп боларына көз жеткіздік. Алдағы уақытта төраға 5 млн теңгеге ауылдан ипподром құрылысын бастамақ.Бірлігі бекем, тірлігі тиянақты ауылда атқарылар жұмыс жетерлік, бастысы ағайынның ауызбіршілігі болса болғаны. Сондай-ақ, елде мекенде осындай үлкен жобаларды қолға алып жатқан төрағалар басқа да жергілікті шаруашылықтарға үлгі болары анық.&nbsp;<img src="https://knadmin.beoblood.kz/uploads/dsc0688_1536x1025_6cd985212c.jpg" alt="dsc0688-1536x1025.jpg"><img src="https://knadmin.beoblood.kz/uploads/image_3_1536x1023_1dd9f01391.png" alt="image-3-1536x1023.png"> &nbsp;

Жалағаш ауданы: Жарқын жобалар ауылдың ажарын ашуда

<a href="https://kyzylorda-news.kz/">Kyzylorda-news.kz.</a>&nbsp;Қазақстан Республикасы Ішкі істер министрлігінің бірінші тоқсанға арналған нұсқауына сәйкес, жедел-профилактикалық іс-шараларды өткізу кестесі бойынша мал ұрлығының алдын алу, жолын кесу, оларды жасауға қатысты бар адамдарды анықтау, ұстау және қылмыстық жауапкершілікке тарту мақсатында, департамент бастығының бұйрығымен ағымдағы жылдың караш айының 28-30 күндері аралығында облыс көлемінде «Мал ұрысы» жедел-профилактикалық іс-шарасы өткізілді.Іс-шара бойынша департаменттің барлық қызмет салаларымен бірлесе отырып жоспар бекітілді. Жедел-профилактикалық іс-шарасына жеке құрамның күш-құралдары жұмылдырылды.Шара кезінде мал ұрлығының 14-дерегі ашылған «өткен жылдары» жасалған 2 қылмыс ашылды. Жүргізілген жедел жұмыстардың нәтижесінде мал ұрлығымен тіркеліп, кейін малы далалық жерден &nbsp;табылуына байланысты 14 қылмыстық іс өндірістен тоқтатылды.&nbsp;Ұрланған және жоғалған 20 бас мал табылып, иелеріне қолхатпен қайтарылды. Сонымен қатар, барлық аудандар мен облыс орталығында мал және ет өнімін тасымалдау фактілерін анықтауға және ет өнімін сататын базарлар мен жайыл орындарды тексеру үшін мобильдік топтар құрылып, жұмыстар атқарылды.Ұрланған және иесіз жүрген малды анықтау мақсатында, мал және ет өнімдерін тасымалдаған 410 автокөлік, мал және ет өнімдерін сататын 166 орын, 100 фермерлік шаруашылық, шалғайдағы нүктелер тексерілді.&nbsp;Мал ұрлығы қылмыстарын болдырмау, алдын алу, ашу бағытында жан-жақты жедел-іздестіру жұмыстары жалғастырылуда.<figure class="image"><img src="https://knadmin.beoblood.kz/uploads/Whats_App_Image_2022_11_30_at_10_06_19_f944d79470.jpeg" alt="WhatsApp Image 2022-11-30 at 10.06.19.jpeg"></figure>

«Мал ұрысы»: Қызылордада 14 мал ұрлығы дерегі ашылды

<a href="https://kyzylorda-news.kz/">Kyzylorda-news.kz.</a> Қоғамда Конституциялық тәртіпті қорғау, сыбайлас жемқорлықтың алдын алу және құқықтық мәдениетті арттыруға бағытталған «Сыбайлас жемқорлыққа қарсы күрес және заң үстемдігі» тақырыбында форум өтті.&nbsp;Аталмыш шараға облыс әкімінің орынбасары Нұрымбет Сақтағанов, ҚР Сыбайлас жемқорлыққа қарсы іс-қимыл агенттігінің қызметкерлері және зиялы қауым өкілдері мен тілшілер қатысты.Форумда облыс әкімінің орынбасары Нұрымбет Сақтағанов аймақта қоғамның індетіне айналған сыбайлас жемқорлықпен күресте тиісті жұмыстар атқарылып жатқанын айтып, азаматтар арасында сыбайлас жемқорлыққа қарсы үгіт-насихат жұмыстарын одан әрі белсенді жүргізуге шақырды. Сондай-ақ, облыс әкімінің орынбасары «Сыбайлас жемқорлыққа қарсы сана қалыптастыру жолдары» тақырыбында өткізілген мақала байқауының жеңімпаздарын марапаттады. &nbsp;Өз кезегінде ҚР Сыбайлас жемқорлыққа қарсы іс-қимыл агенттігі Қызылорда облысы бойынша департаментінің басшысы Серік Мырзалы арнайы сөз сөйледі. Сонымен қатар өңірде сыбайлас жемқорлыққа қарсы саясатты іске асыруда елеулі үлес қосып жүрген бірқатар азаматтар марапатталды.Жиын соңында жастардың арнайы үндеуі оқылып, мерекелік бағдарламамен жалғасты.<figure class="image"><img src="https://knadmin.beoblood.kz/uploads/317616544_1677350685993770_5843742284591557902_n_64bdd47316.jpg" alt="317616544_1677350685993770_5843742284591557902_n.jpg"></figure><figure class="image"><img src="https://knadmin.beoblood.kz/uploads/317472187_1677350712660434_8410471416115585053_n_8149f999d8.jpg" alt="317472187_1677350712660434_8410471416115585053_n.jpg"></figure>

Қазақстан және Қызылорда облысының жаңалықтары