<a href="https://kyzylorda-news.kz/">Kyzylorda-news.kz.</a> Қазақстанда 3 тамыздағы тәулік ішінде коронавирус инфекциясы 2792 адамнан анықталды, деп хабарлайды COVID-19 таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 847,
Алматы қаласында – 435,
Шымкент қаласында – 41,
Ақмола облысында – 123,
Ақтөбе облысында – 70,
Алматы облысында – 57,
Жетісу облысында – 122,
Атырау облысында – 63,
Шығыс Қазақстан облысында – 36,
Абай облысында – 43,
Жамбыл облысында – 59,
Батыс Қазақстан облысында – 134,
Қарағанды облысында – 361,
Ұлытау облысында – 62,
Қостанай облысында – 87,
Қызылорда облысында – 42,
Маңғыстау облысында – 41,
Павлодар облысында – 99,
Солтүстік Қазақстан облысында – 53,
Түркістан облысында – 17.
Жалпы пандемия басталғалы елімізде коронавирус 1 360 068 адамда тіркелді.

Өткен тәулікте 42 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> Қазақстанның 11 өңірінде ауа райына байланысты ескерту жарияланды, деп хабарлайды Қазгидромет.
Қызылорда облысының солтүстігінде, шығысында найзағай ойнап, дауыл соғады. Жел солтүстіктен, екпіні 15-20 м/с күтіледі. Облыстың басым бөлігінде төтенше өрт қаупі сақталады.

4 тамызға арналған ауа райы болжамы

**<a href="https://kyzylorda-news.kz/">Kyzylorda-news.kz.</a> Белгілі бір жастағы еліміздің барлық азаматтарын мемлекеттің зейнетақымен қамтамасыз етуі туралы мәселелер қызықтырады: зейнетке қалай шығуға, тиесілі зейнетақы төлемдерінің мөлшерін қалай санауға болады және тұтастай алғанда зейнеткерлікке шыққан азаматтар үшін қандай мемлекеттік қолдау жүзеге асырылуда? *Зейнетке шығу мәселесі – «Азаматтарға арналған үкімет» мемлекеттік корпорациясының әлеуметтік-еңбек саласы мәселелері жөніндегі байланыс орталығына келіп түсетін ең өзекті және жиі қойылатын сұрақтардың бірі.***
2022 жылдың басынан бастап байланыс орталығының операторлары зейнетақы және әлеуметтік қамсыздандыру мәселелері бойынша 414 мың 923 сұраққа жауап берді,. Бұл барлық өтініштердің 80 пайызын құрайды.
Байланыс орталығы мына бағыттар бойынша кеңес береді: зейнетақы, әлеуметтік қамсыздандыру және әлеуметтік сақтандыру, еңбек қатынастары және халықты жұмыспен қамту, көпбалалы отбасыларға ай сайынғы жәрдемақы, атаулы әлеуметтік көмек, БЖЗҚ-дан зейнетақы жинақтарын мерзімінен бұрын алу және басқа да мәселелер.
Күн сайын байланыс орталығының 60 операторы клиенттердің 3-5 мыңға дейінгі өтінішін қабылдайды. Клиенттер үшін ақпараттың қолжетімділігін қамтамасыз ету үшін ресми Тelegram-арнада, сондай-ақ Instagram, Faceboоk желісінде, Мемлекеттік корпорацияның ресми сайтында зейнетақы мен әлеуметтік қамсыздандыруға қатысты жиі қойылатын сұрақтардың жауабын жариялайтын боламыз.
<img src="https://kyzylorda-news.kz/wp-content/uploads/2022/08/1c96c3de-30a2-4987-9be4-16f0f104593f.jpg" alt="" />
<img src="https://kyzylorda-news.kz/wp-content/uploads/2022/08/2ddcddcb-a2bf-4454-af68-2ba177456cb8.jpg" alt="" />
<img src="https://kyzylorda-news.kz/wp-content/uploads/2022/08/e6f6e045-afd6-4e41-a304-cbdca6e58ed9.jpg" alt="" />
<img src="https://kyzylorda-news.kz/wp-content/uploads/2022/08/3313f525-bc61-4e26-b608-279cfa2862bb.jpg" alt="" />
<img src="https://kyzylorda-news.kz/wp-content/uploads/2022/08/1c370577-aa5a-4d80-ab63-a501a377c78a.jpg" alt="" />
<img src="https://kyzylorda-news.kz/wp-content/uploads/2022/08/d61c3121-8fd2-43ad-bde3-b4c221d21a3b.jpg" alt="" />
<img src="https://kyzylorda-news.kz/wp-content/uploads/2022/08/c7aee98e-0ca8-43b0-a56d-2feb7482cac6.jpg" alt="" />
<img src="https://kyzylorda-news.kz/wp-content/uploads/2022/08/54add067-ed8b-4851-88f5-c2a7d1def2b4.jpg" alt="" />
<img src="https://kyzylorda-news.kz/wp-content/uploads/2022/08/6485ec3f-79fe-4bd6-a661-13fb0eaa24e9.jpg" alt="" />
<img src="https://kyzylorda-news.kz/wp-content/uploads/2022/08/cccbbfb1-6aad-46fa-a871-9d48022fe07c.jpg" alt="" />

Қазақстандықтар зейнетке қалай шығады?

<a href="https://kyzylorda-news.kz/">Kyzylorda-news.kz.</a> Қызылорда қалалық пробация үйінде Ә.Тәжібаев атындағы Қызылорда облыстық әмбебап ғылыми &nbsp;кітапханасының қызметкерлері&nbsp;пробация есебіндегі азаматтарға «Жаңа кітаптар әлемі»&nbsp;атты кітап көрмесін&nbsp;ұйымдастырды.
Көрменің мақсаты сотталған азаматтарды кітап оқуға деген қызығушылығын арттыру және кітапхана қорындағы жаңадан келіп түскен әдебиеттер туралы ақпараттар беру.
Көрмеде белгілі ресторатор, Rumi Group-тың негізін қалаушы, бүгінде Shonbay.Online деген онлайн білім беретін университет ашып, дәріс өткізіп, көп жасты қанаттандырып жүрген Қуаныш Шонбайдың «Екінші болма» кітабы, Ник Вуйчичтың «Өмірде шектеу жоқ», Дейл Карнеги «Алаңсыз өмір сүру құпиялары», &nbsp;Кәмшат Бекжігітованың&nbsp; «Ойыңды өзгертіп, өміріңді өзгерт» тағы басқа да жаңа &nbsp;кітаптар қойылды.&nbsp;Кітапхана қызметкері Гулназия Кенжебаева кітаптар жайлы кең көлемде ақпараттар берді.
<blockquote>
 «Өзім кітап оқығанды жақсы көремін. Кітап оқу&nbsp;зейініңді ашып, өзіңді тануына жол ашады. Бүгінгі шарадан жаңа кітаптар туралы ақпарат білдім. Қазақтың ақын-жазушыларынан А.Құнанбаевтың, М.Әуезовтің, С. Мұқановтың,&nbsp;Д.Досжанның туындыларын сүйіп оқимын. Қазіргі уақытта Ілияс Есенберлиннің «Көшпенділер»&nbsp;трилогиясын оқып бастадым.&nbsp;Көрмеге әкелінген кітаптарды да көріп шықтым, психолог Кәмшат Бекжігітованың&nbsp;«Ойыңды өзгертіп, өміріңді өзгерт» атты туындысында өзіңді бағалау, ойыңды өзгерту, кешіру, мақсатты айқындау, қарым-қатынасты жақсарту, сабырлы болу, денсаулықты сақтау сияқты тақырыптарға қатысты түрлі кеңестер айтылады. Осы жаңа кітаптарды кітапханадан алып оқитын боламын», – деді есептегі азамат.
</blockquote>
<img src="https://kyzylorda-news.kz/wp-content/uploads/2022/08/whatsapp-image-2022-08-01-at-15.09.32.jpeg" alt="" />

Қызылордада есептегі азаматтарға арналған кітап көрмесі ұйымдастырылды

<a href="https://kyzylorda-news.kz/">Kyzylorda-news.kz.</a> Биыл Қызылорда облысында 108 нысанның құрылысы салынуда. Ал жыл аяғына дейін 97 нысан пайдалануға берілмек. Бүгінде 6 нысанның құрылыс жұмыстары толық аяқталып, халық игіліне табысталды. Бұл жөнінде Өңірлік коммуникациялар қызметінде өткен брифингте облыстық құрылыс, сәулет және қала құрылысы басқармасының басшысы Ерлан Төрәлиев хабарлады.
<blockquote>
 «Аймақта жүргізіліп жатқан құрылыс жұмыстары жоспар бойынша орындалуда. Биыл өңірде 108 нысанның құрылысы жүргізіліп жатыр. Атап айтқанда, білім саласы бойынша – 12 нысан, денсаулық сақтау саласы бойынша – 6 нысан, мәдениет саласында – 8 нысан, спорт саласында – 17 нысан, «Бизнестің жол картасы -2020» бағдарламасы аясында – 3 нысан және неке сарайының құрылыс жұмыстары қарқын алды. Сондай-ақ, «Нұрлы жер» мемлекеттік бағдарламасы аясында жалпы ауданы – 95,0 мың шаршы метрді құрайтын 31 тұрғын үйдің құрылысы жүргізіліп, жыл аяғына дейін тұрғындарға берілмек. Жалпы алты айдың қорытындысымен облыста салынып жатқан құрылыс жұмыстарының көлемі 127,4 пайызды құрап отыр. Одан бөлек, әлеуметтік тұрғыдағы 16 нысанның жоба-сметалық құжаттары әзірленіп, оның 6-ы сараптама қарауында», – деді басқарма басшысы Ерлан Төрәлиев.
</blockquote>
Айта кетейік, жыл соңына дейін 227,7 шақырымды құрайтын инженерлік инфрақұрылым желілерін жүргізу жоспарлануда. Нақтырақ айтсақ, электр желісі – 114,6 шақырым, ауыз су желісі – 86,1 шақырым, газ желісі – 17,4 шақырым, жылу желісі – 9,6 шақырым.
<img src="https://kyzylorda-news.kz/wp-content/uploads/2022/08/erlan.jpg" alt="" />

Қызылордада жыл соңына дейін 97 нысан пайдалануға беріледі

<a href="https://kyzylorda-news.kz/">Kyzylorda-news.kz.</a> Аймақта шешімі табылған күрмеулі мәселенің бірі – қоқыс полигондары. Бүгінгі күнге дейін облыс аумағында бірқатар заңсыз полигондар анықталып, оларды жою бойынша тиісті жұмыстар атқарылып келеді. Дәлірек айтқанда, өңірде қоршаған ортаны қорғау бойынша 40 нысанға бақылау жұмыстары жүргізілді. Нәтижесінде, экологиялық заңнама талаптарын бұзған 58 дерек анықталды.
Сондай-ақ, «Қазақстан Ғарыш Сапары» АҚ-ның ғарыштық түсірілім қызметін пайдалану арқылы анықталған қалдық үйінділері жойылуда. Қазіргі таңда аймақтағы анықталған барлығы 101 заңсыз қалыптасқан қоқыс орындары толығымен тазартылды. Ал «геопортал» жүйесінің ғарыштық мониторингі арқылы 98 рұқсатсыз тасталған қоқыс қалдығы анықталып, оның 98 пайызы жойылды.
Бұдан бөлек жергілікті әкімдіктер тарапынан тұрақты түрде бірқатар рейдтік шаралар өткізіліп, тұрғындарға түсіндірме жұмыстары жүргізілуде. Бүгінде облыс бойынша экологиялық заңнаманы бұзу деректері жиі кездеседі. Бұл бойынша департамент қызметкерлері тиісті шараларды қабылдауда. Атап айтсақ, облыс аумағындағы бей-берекет тасталған қалдық орындарын жою жұмыстары қолға алынды.
Облыста заңсыз пайда болған қоқыс полигондарын жоюға қатысты жұмыстар ұдайы жүргізілуде. Экология департаментінің мамандары рұқсат етілмеген қоқыс орындары қоршаған ортаға орасан зиян екенін айтады.
Бүгінде Қызылорда қаласында тұрмыстық қатты қалдықтарға арналған қоқыстарды сұрыптау әрі өңдеу полигоны қаладан 7 шақырымда орналасқан. Бұдан бөлек, қала орталығында қоқысқа арналған жәшіктер жеткілікті деңгейде орналастырылған. Дәл осы секілді, облысқа қарасты аудандарда арнайы қоқыс тастайтын орындар белгіленген. Оларға тұрақты түрде мониторинг жұмыстары жүргізіліп тұрады. Сондай-ақ, аудандардағы қоқыс полигондары барлық санитарлық-талаптарды сақтап, нормаға сәйкес қарастырылған. Ал, аудан орталықтарында қоқысқа арналған жәшіктер көшелерде орналастырылып, тұрғындарға тиімді жағдай жасалған.
Жаңақорған ауданындағы 25 кент, ауылдық округте тұрмыстық қатты қалдықтарды жою нысандарын салуға жер учаскелері табысталып, сәйкестендіру құжаттары әзірленіп, мемлекеттік актілері алынды.
Ал, Арал ауданындағы ескі полигонның белгіленген мерзімінің өтуіне байланысты, Арал қаласы әкімдігінің теңгеріміндегі жаңа қоқыс полигоны өткен жылы пайдалануға берілді.
Облыстың экологиялық мәселелерін кешенді шешу жөнінде арнайы Жол карта жасақталды. Қазіргі таңда аталған шара аясында нақты жұмыстар жүргізілуде.
<img src="https://kyzylorda-news.kz/wp-content/uploads/2022/08/f6c4d5c2-14fc-42d1-b2af-9ea8259d7850.jpg" alt="" />

Қызылордада заңсыз қалыптасқан 101 қоқыс орындары жойылды

<a href="https://kyzylorda-news.kz/">Kyzylorda-news.kz.</a>&nbsp;Қызылордада бөлшек саудадағы мұнай өнімдерінің бағаларына күнделікті мониторинг жүргізілуде.
Бүгін жүргізілген мониторинг мәліметтеріне сәйкес, облыста АИ-92 маркалы бензинінің орташа бағасы – 178,4 теңге, дизель отынының орташа бағасы – 228,1 теңгені құрайды. Сонымен қатар, АИ-92 маркалы бензинінің 5 143,5 тонна, 2 530,1 тонна дизель отынының қоры бар.
Айта кетейік, аймақта мұнай өнімдерін бөлшек саудада сататын жалпы 125 жанар-жағармай құю бекеті жұмыс істейді.

Қызылордада бензин бағасы қанша?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында Өрт сөндіру және құтқару спорты бойынша Қазақстан Республикасы чемпионатының мандат комиссиясы мен спорттық жабдықтарды сыннан өткізу отырысы өтті.
Мандат комиссиясы отырысына чемпионатқа қатысушы барлық командалардың өкілдері мен жаттықтырушылары қатысты.
Чемпионатқа республикадағы барлық өңірлер мен Нұр-Сұлтан, Алматы, Шымкент қалаларының Төтенше жағдайлар департаменттері және Мәлік Ғабдуллин атындағы Азаматтық Қорғау академиясынан 18 үздік ерлер командасы, 13 әйелдер командасы қатысуда. Жалпы турнирге 400-ден астам адам қатысады.
Сайысқа дейін командалардың өрттен құтқару спорттық жабдықтары тексерілді. Сонымен бірге бас төрешілер мен команда өкілдерінің кеңесі және жеребе тарту рәсімі болды.
Отырыс барысында Қызылорда облысы ТЖД бастығы полковник Руслан Қайрақбаев және бас судьяның орынбасары, «Өрт сөндірушілер мен құтқарушылардың спорт федерациясы» қоғамдық бірлестігінің атқарушы директоры Дәурен Данаев қатысушы командалардың өкілдеріне жарыс туралы ережені түсіндірді.
Өз кезегінде, аға төрешілер жабдықтар мен жарақтардың дайындығы туралы, сонымен қатар командалардың өрт-техникалық жабдықтарын қарау-тексеру нәтижесі жөнінде түсіндірді. Сондай-ақ қатысушыларға жарыс жүрісі түсіндірілді. Жиын соңында жеребе тарту рәсімі өтті.
Еске сала кетейік, 3-6-тамыз аралығында Қызылорда қаласында Өрттен құтқару спорты бойынша Қазақстан Республикасының чемпионаты өтеді. Басталу уақыты сағат 09:00-ден 18:00-ге дейін. Чемпионаттың ресми ашылуы 3 тамызда жергілікті сағат 18:00-де Ғ.Мұратбаев атындағы стадионда болады.
<img src="https://kyzylorda-news.kz/wp-content/uploads/2022/08/7b919bc6-bbcd-490f-8213-9e056942efb9.jpeg" alt="" />

Қызылордада өрттен құтқару спорты бойынша республикалық чемпионат өтеді

<a href="https://kyzylorda-news.kz/">Kyzylorda-news.kz.</a>&nbsp;Алдағы тәуліктерде солтүстік аймақтарда негізінен құрғақ және шуақты ауа райын күтіледі, ал түнде салқын болады.
Атмосфералық фронтальді бөлімдер біртіндеп оңтүстікке қарай жылжып, орталықта, шығыста және елдің оңтүстік жартысында жауын-шашынның сақталуына ықпал етеді, таулы аймақтарға жақындаған кезде фронттар одан да күшейе бастайды, бұл осы аудандарда қатты жаңбырдың жауына әкеледі. Күн күркірейді, бұршақ жаууы мүмкін, қатты жел болжанады.
Ауа температурасының негізгі аясы: күндіз батыста +28 +34°С, оңтүстік-батыста +30 +38°С, солтүстік-батыста +25 +33°С, солтүстікте, шығыста +22 +28°С, орталықта +20 +25°С, оңтүстікте, оңтүстік-шығыста елдер +28 +35°С шегінде, тауларға жақын +22°С.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Әлеуметтік медициналық сақтандыру қорына 36,3 млрд. теңге аударды.
<blockquote>
 «Жүйе іске қосылған 2017 жылдың 1 шілдесінен 2022 жылдың 1 тамызына дейінгі аралықта Қызылорда облысында әлеуметтік медициналық сақтандыру қорына 36,3 млрд. теңге аударды, оның 23,2 млрд. теңгесі (63,9%) жұмыс берушілердің аударымдары болса, қалған 13,1 млрд. теңге (36,1%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр. 
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.
Айта кетейік, Қызылорда облысы бойынша 136 407 мың тұрғыны медициналық көмекті толыққанды алу мүмкіндігінен айырылып отыр. Бүгінде МӘМС жүйесінде өңірдің 664 мыңнан астам немесе халықтың 83 пайызы сақтандырылған (өңір халқы – 800 820 мың адам).&nbsp;Сақтандырылмаған азаматтар үлесінің 91 мыңнан астам адам (66,8%) соңғы 12 айда төлем жасамағандар және жеке практикамен айналысатын 21,5 мыңға жуық адам аудармаған. Сақтандырылмаған қалған тұрғындар – бұл әртүрлі мекемелерде жұмыс істейтін жалдамалы жұмысшылар, азаматтық-құқықтық шарттар бойынша жұмыс істейтін қызметкерлер, жеке кәсіпкерлер, бірыңғай жиынтық төлем төлеушілер және басқа да санаттағы адамдар.

МӘМС: Қызылордалықтар қорға 36,3 млрд. теңге аударды

<a href="https://kyzylorda-news.kz/">Kyzylorda-news.kz.</a> Биыл еліміздің үш өңірінде жауын-шашын аз түседі. Сондай-ақ, екі облыста құрғақшылық болуы мүмкін. Бұл туралы ҚР Президенті Телерадиокешінінің «Үш сұрақ» бағдарламасында сұхбат берген «Қазгидромет» РМК Бас директоры Данара Әлімбаева мәлім етті.
<blockquote>
 «Бұған дейін Қызылорда облысының Қармақшы ауданында және Мағыстау облысының Қарақия ауданында биыл құрғақшылық болатынын мәлімдеген едік. Бұдан бөлек, биыл жауын-шашын жетіспеушілігі болуы мүмкін өңірлерді анықтадық. Біздің болжам бойынша, Ақтөбенің Әйтеке би және Хромтау аудандарында жауын аз жауады. Ал, Қызылорда облысының басым бөлігінде жаңбыр жауу көрсеткіштері өте төмен. Қарағанды облысының Қарқаралы мен Нұра аудандарында да жауын-шашын дефициті болуы мүмкін», – деп болжам нәтижелерін баяндады Данара Әлімбаева.
</blockquote>
Бұған қоса, «Қазгидромет» басшысы егін шаруашылығымен айналысатын өңірлерде биыл ауа-райы қолайлы болатынын айтты.
<blockquote>
 «Алдын ала деректер бойынша, Солтүстік Қазақстан, Қостанай және Павлодар облыстарында егін шығымы жылдық нормаға сәйкес болады деп күтіліп отыр. Ал, Түркістан мен Жамбыл облыстарындағы күздік дақылдар шығымы белгіленген көлемнен көп болуы мүмкін. Өйткені, бұл өңірлерде жауын көп жауады», – деді «Қазгидромет» РМК Бас директоры.
</blockquote>
Еске сала кетейік, бұған дейін «Қазгидромет» жаһандық жылыну деңгейі әлем бойынша Қазақстанда өте жоғары екенін мәлімдеп еді.
<a href="https://www.inform.kz/kz/biyl-elimizdin-kay-onirlerinde-zhauyn-shashyn-az-bolady_a3962544">ҚазАқпарат</a>

Данара Әлімбаева: Қызылорданың басым бөлігінде жаңбыр жауу көрсеткіші өте төмен

<a href="https://kyzylorda-news.kz/">Kyzylorda-news.kz.</a> «Әйелдер кәсіпкерлігін дамыту орталығы» – «Атамекен» ҰКП Азия даму банкінің қаржылық қолдауымен БҰҰДБ-мен бірлесіп жүзеге асырылып жаткан жоба.
Жобаның мақсаты – кәсіпкер әйелдер мен кәсіпкерлік бастамасы бар әйелдердің экономикалық мүмкіндіктерін арттыру. Жоба аясында орталық Еуропалық сапа менеджменті қорының тәжірибесіне негізделген және халықаралық аудит әдістемелеріне толық сәйкес келетін бизнесіңіздің жай-күйіне тегін бағалау қызметін ұсынып отыр.
Бағалау қызметі бизнес жүргізу барысындағы осал тұстарыңызды анықтауда және дамыту жолында нақты қадамдарды ойластыру арқылы жүзеге асады. Бұл тәсіл компанияңызға әлемдік стандарттармен салыстыруға мүмкіндік береді. Нәтижесінде әлемдік деңгейдегі өнімділік және үздіксіз жақсартуға қол жеткізу, стратегиялық деңгейде бәсекеге қабілеттілікті арттыруға қол жеткізесіз.
Бизнесті бағалау қызметін алу үшін кәсіпкерлер келесі критерийлерге сай болуы керек:
<ul>
<li>18 бен 63 жас аралығындағы әйел басқарады немесе серіктестік иесі әйел болып табылады;</li>
<li>Компания өнім шығарады немесе қызмет көрсетеді;</li>
<li>Қазақстан Республикасы Кәсіпкерлік кодексінің 24-бабына сәйкес компания микро, шағын немесе орта кәсіпкерлік субъектісі (ШОБ) болып табылады;</li>
<li>Компания тұрақты негізде және/немесе қызмет көрсету шарты бойынша 5-тен 250 адамға дейін жұмыс істейді;</li>
<li>Компанияның Қазақстан Республикасына төленбеген салықтары жоқ;</li>
<li>Компания тіркелген және екі жылдан кем емес жұмыс істейді;</li>
<li>Компания мемлекеттік сатып алулар, «Самұрық-Қазына» қорының сатып алулары және т.б. бойынша сенімсіз жеткізушілер тізіміне енбеген;</li>
<li>Компания банкроттық немесе таратылу процесінде емес.</li>
</ul>
Қызығушылық танытқан кісілер Қызылорда облысы кәсіпкерлер палатасындағы Әйелдер кәсіпкерлігін дамыту орталығынан кеңес ала алады. Мекенжайы: Қызылорда қ., Қорқытата көш.,123, 1-қабат («Бизнеске арналған Үкімет» ғимараты), 8/7242/400202. Кеңесші: Нұрханова Жадыра Мейрамбекқызы, 8 705 116 19 10 (Whatsapp).
<img src="https://kyzylorda-news.kz/wp-content/uploads/2022/08/img_4421-scaled.jpg" alt="" />

Қазақстан және Қызылорда облысының жаңалықтары