<a href="https://kyzylorda-news.kz/">Kyzylorda-news.kz.</a> Міндетті әлеуметтік медициналық сақтандыру (әрі қарай – МӘМС) Қазақстанның барлық сақтандырылған азаматтарына, жынысына, жасына, әлеуметтік мәртебесіне, тұрғылықты жері мен табысына қарамастан медициналық және фармацевтикалық көмекке тең қолжетімділікті кепілдік береді. Міндетті шарт – төлем күнінің алдындағы 12 айдан аспауға тиіс («МӘМС туралы» ҚР Заңының 3-тармағының 5-бабына сәйкес).
Әлеуметтік медициналық сақтандыру қорының Қызылорда облысы бойынша филиалының бөлім басшысы Абылайхан Рахымов кімге және қандай сомаға төлеу керектігін толық ақпарат берді.
Жалдамалы жұмысшы
2022 жылы жұмыскердің еңбек ақысының 3%-ын құрайды, бірақ 18 мың теңгеден артық емес, өйткені есептеу объектісі 10 ЕТЖ – 3%-ынан аспауы тиіс. 
Жарнаны екінші деңгейдегі банктің кез келген бөлімшесі немесе Қазпошта арқылы келесі шотқа аудару қажет: 
KZ92009MEDS368609103 
БСН 160440007161 
BSK GCVPKZ2A 
Жұмыс берушілердің жарналары үшін төлем мақсаттарының коды: 121. 
Егер қызметкер 15 жеңілдікті санаттардың біріне жататын болса, онда ол үшін аударым жасаудың қажеті жоқ.
Жеке кәсіпкер, жеке нотариус, адвокат, кәсіби медиатор, шаруа қожалығының иесі
2022 жылы төлем 4200 теңгені құрайды (ең төменгі жалақының 1,4 мөлшерінен 5%-ы) 
МӘМС үшін төлемді екінші деңгейлі банктің кез келген филиалы, «Қазпочта» АҚ, Kaspi.kz мобильді қосымшалары, TengriBank, сондай-ақ Kassa 24 және Qiwi әмиянның қызмет көрсету терминалдары арқылы аударуға болады. 
ЖК төлем мақсатының коды: 122
Азаматтық-құқықтық сипаттағы келісім шарты бойынша жұмыс істейтін жеке тұлға
АҚС бойынша жұмыс істейтін жеке тұлғаның табысынан жарналарды ұстап қалады және көрсетілетін қызметті алушы (салық агенті) аударады. 
2022 жылы – шарт бойынша алған табыстың 2%-ы, 
бірақ 12 мың теңгеден артық емес, өйткені есептеу объектісі 10 ЕТЖ – 2%-ынан аспауы тиіс. 
Төлем мақсатының коды: 122
Өзін-өзі жұмыспен қамтығандар (Бірыңғай әлеуметтік төлемдер төлеушілер)
2022 жылы жарна сомасы 1 АЕК немесе 3 063 теңгені құрайды – қалаларда тұратын жеке тұлғалар үшін, басқа елді мекендерде тұратын жеке тұлғалар үшін – 0,5 АЕК немесе 1 531,5 теңге. 
БЖТ-ны әрбір ай үшін бөлек төлеу қажет. 
Төлем мақсатының коды: 183
Дербес төлеуші (тұрақты табысы жоқ және азаматтардың жеңілдікті санаттарының тізіміне енгізілмеген жеке тұлға)
2022 жылы төлем 3000 теңгені құрайды (ең төменгі жалақының 5%-ы). 
Төлем мақсатының коды: 122
Сіз жарналарды төлеу екінші деңгейдегі банктер және олардың интернет-сервистері, Kaspi.kz, Halyk Bank мобильді қосымшалары, «Қазпошта» АҚ бөлімшелері, төлем терминалдары (Qiwi, Kassa24 және т.б.), медициналық ұйымдардағы төлем терминалдары арқылы аудара аласыз. 
Алушының ЖСН мен аты-жөнін дұрыс көрсету, 2-3 жұмыс күні ішінде қаражаттың қайтарылуын тексеру маңызды.
Медициналық сақтандыру жүйесінде мәртебеңізді қалай тексеруге болады?
<ul>
<li>Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті;</li>
<li>Egov.kz электрондық үкімет порталы (жеке кабинетте және «Денсаулық сақтау» бөлімінде); 
-Telegram-дағы Saqtandyru-bot («Сақтандырылу мәртебесін тексеру» бөлімін таңдаңыз, ЖСН енгізіңіз);</li>
<li>Qoldau-24/7 мобильді қосымшасы («Сақтандырылу мәртебесін тексеру» бас мәзірінде);</li>
</ul>
<img src="https://kyzylorda-news.kz/wp-content/uploads/2022/01/qr_statws-kaz-scaled.jpg" alt="" />

МӘМС жарнасын қалай төлеуге болады?

<a href="https://kyzylorda-news.kz/">Kyzylorda-news.kz.</a> Бүгінгі күні өмірімізді ұялы телефонсыз елестету мүмкін емес. Ал олардың өндірушілері күн сайын жаңаларын жарнамалайды. Жаңа заманауи телефон алу – көптеген адамдардың арманы, тіпті кейбіреулер ол үшін банктен несие алуға дайын. Ал сол телефон сынып қалса өте өкінішті.
Ал бұл ретте тұтынушылар аталған келенсіздікті жою үшін сауда орталығына барып, сынған ұялы телефонды басқасына ауыстыруға немесе ақаулы тауарды кері қайтаруға тырысады, бірақ сатушылар тауарды қайта алудан бас тартады. Сатушылар заң талаптарын орындауға асықпайды.
Мұның бәрі тұтынушылар көбіне сауда жасаған кезде сатып алынған растайтын құжаттардың алмауынан болады. Чектерді де, кепілдік талондарын да алмайды. Егер тұтынушы қолына құжаттарды алмаса, өз – өзіне проблема тауып алады. Чекте, ең алдымен сатушының барлық деректемелері көрсетіледі, телефон сынып қалған жағдайда оны тауып алу да қиындық тудырмайды. Екіншіден чек – бұл сіз телефонда дәл сол сауда нүктесінен сатып алғандығыңыздың дәлелі.
Кепілдік талоны – ол да сатып алғандығыңызды дәлелдейтін құжат. Осы жерде сатып алушы мұқият болуы керек, талонда мөр басылғанын, бар болса қандай мөр екенін тексеріп алуы қажет.
Егер құрылғы істен шығып қалса, ол құжаттар сізге ауадай қажет болады. Әрине, «Тұтынушылардың құқықтарын қорғау туралы» қолданыстағы заңға сәйкес, егер қажетті чек пен кепілдік талоны жоғалып қалса, тауарды сатып алу фактісін дәлелдеу үшін тұтынушы куәгерлерді тартуына болады. Дегенмен чек пен кепілді талонды сақтап қою әлдеқайда оңай.
«Тұтынушылардың құқықтарын қорғау туралы» Заңға сәйкес сатып алушы сынған телефонды соның жұмыс істеп тұрған баламасына ауыстырып беруді талап ете алады. Сондай-ақ, тұтынушы басқа ұйым жүргізетін телефонды жөндеуге ақша төлеуді немесе ақаулы телефонның құнын қайтаруды талап ете алады. Бірақ осылардың біреуін тандауы қажет. Сонымен қатар, телефонның ақаулы екенін және де сіз оны құлатып не суға түсіріп алмағаныңызды да дәлелдеу керек. Сараптамаларды сервис орталықтары мен арнайы аккредиттелген ұйымдар жүргізеді. Егер телефон ақаулығында сатып алушының кінәсі жоқ екендігі анықталса, онда сатушы телефонды ауыстыру немесе ақшасын қайтару бойынша сатып алушының талаптарын орындайды. Егер сараптама қорытындылары күмән туғызса, онда өз есебіңізден басқа сервис орталығының көмегімен телефонның техникалық жағдайына тәуелсіз бағалау жүргізе аласыз. Ал тұтынушының қолында сараптама нәтижелері мен басқа да құжаттары болса, онда оның сотта жеңіп шығу мүмкіндігі айтарлықтай артады.
Қазақстан Республикасы Сауда және интеграция министрлігінің Тұтынушылардың құқықтарын қорғау комитеті Қызылорда облысының тұтынушылардың құқықтарын қорғау департаменті өз құқықтарыңызды қорғап, сауатты тұтынушы болуға шақырады.

Тұтынушы ретінде құқығыңызды білесіз бе?

<a href="https://kyzylorda-news.kz/">Kyzylorda-news.kz.</a> Қызылорда облыстық Қорғаныс істері жөніндегі департаментінде, басқармасында және бөлімдерінде 18-27 жас аралығындағы азаматтармен 2022 жылғы көктемгі шақырылым алдындағы зерделеу жұмыстары жалғасуда.
2022 жылдың алғашқы айында Қызылорда гарнизонында көктемгі әскерге шақырылушыларды зерделеу жұмыстары басталып кетті. Азаматтарды мерзімді әскери қызметке шақыру және олардың әскерге шақыру пункттеріне келуі туралы хабардар етуді тұрғылықты жері бойынша жергілікті әскери басқару органдары шақырту қағазымен немесе жұмыс (оқу) орны бойынша ұйым басшылары қолдарын қойғыза отырып жүргізеді. Әкімшілік немесе қылмыстық жауапкершілікке тартылған, тергеуде жүрген, заңсыз қоғамдық бірлестіктердің немесе дәстүрлі емес діни ағымдардың мүшелері ретінде арнайы есепте тұрған адамдар басты назарға алынады.
Азаматтарды мерзімді әскери қызметке шақыру Қазақстан Республикасы Президентінің Жарлығы және Қазақстан Республикасы Үкіметінің қаулысы негізінде жылына екі рет, көктемде және күзде өтеді.
Екі кезеңді қамтитын зерделеудің бірінші кезеңінде шақырылушылар және олардың ата-аналарымен, жасайтын немесе оқитын жұмыс орындарының өкілдерімен әңгімелесу жүргізіліп, жеке істері тексеріледі. Әңгімелесу барысында денсаулық жай-күйі, моральдық сапасы, жалпы білім беру мен арнайы дайындығы және отбасы жағдайы анықталады. Әскерге шақырылушылардың жеке ісін зерделеу ҚР Ұлттық қауіпсіздік комитеті мен ҚР Ішкі істер органдарының және денсаулық, халықты әлеуметтік қорғау органдарының өкілдерімен бірлесе сапалы жүзеге асырылуда.
<blockquote>
 Алдын ала зерделеу жұмыстары өз нәтижелерін беруде. Әскери борышын өтеуге ниет білдіруші жастар санының артқанын байқауға болады. Моральдық, денсаулық жағдайы, дене бітімі, білімі, арнайы дайындығы мен отбасылық жағдайы туралы мәліметтер нақтылануда, – дейді Қызылорда облыстық қорғаныс істері жөніндегі департаменті бастығының бірінші орынбасары полковник Ержан Қуанышбаев.
</blockquote>
Ал, екінші кезең іс-тәжірибе жүзінде жалғасады. Көктемгі шақырылым бойынша зерделеу жұмыстары ағымдағы жылдың ақпан айының соңында аяқталады. Әскерге шақырылушылар қалалық және аудандық медициналық комиссиядан өткен соң, қай әскери бөлімдерге баратындығы анықталады.

Ержан Қуанышбаев: Әскери борышын өтеуге ниетті жастардың саны артқан

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов «Сырдария өзенінің арнасын реттеу және Арал теңізінің солтүстік бөлігін сақтау» жобасының 2 кезеңін (САРАТС-2) іске асыру мәселесімен Иран Республикасы «Yelkom Consulting Engineers» компаниясының өкілдерімен кездесті.
Кездесуге Гидролог, оңалту және мониторинг бойынша сарапшы Данешвар Шахаб, Су ресурстарын біріктірілген басқармасының сарапшысы Рафиан Хамид, Әлеуметтік сарапшы Джангчикашани Сомайе, Қазақстан Республикасындағы Халықаралық Аралды құтқару қорының бас маманы Мария Заднепровская, «Арал-Сырдария» бассейннің экологиясы мен биоресурстары ғылыми зерттеу институты» ЖШС-нің Арал филиалының директоры Зауалхан Ермаханов, аудандық ардагерлер кеңесінің төрағасы Әділбек Әйімбетов, «Тұран ойпаты – Арал теңізі» коғамдық бірлестігі төрағасы, аудан ардагері Көлбай Данабай және облыстық табиғи ресурстар және табиғат пайдалануды реттеу басқармасы су реттеу бөлімінің маманы Айгүл Аяпова қатысты.
Кездесу барысында Иран Республикасының «Арал теңізінің солтүстік бөлігін өңірлік дамыту және қалпына келтіру» жобасы басшысының орынбасары Шефиейфар Мехди Сырдария өзенінің арнасын реттеу және Арал теңізінің солтүстік бөлігін сақтау» жобасының техникалық-экономикалық негіздемесін дайындап, жобаның 2 кезеңін іске асыру мақсатында әзірленген арнайы жобалармен таныстырып, жобаның маңызды тұстарын түсіндіріп өтті. Сонымен қатар кездесуде САРАТС-1 жобасының бірінші кезеңінің жүзеге асырылуы нәтижесінде ауданның әлеуметтік-экономикалық дамуы, оның ішінде балық шаруашылығының дамуына жасалған үлкен мүмкіндіктер мен өңірдегі экологиялық мәселелер сөз болды.
Аудан басшысы өз кезегінде тіршілігі теңізбен байланысқан әрбір Арал халқының көк теңіздің қайта оралуын асыға күтетін жеткізді. САРАТС 2 жобасының жүзеге асуына әлемдік деңгейде жұмыс жасап жатқан «Yelkom Consulting Engineers» компаниясының өкілдеріне ризашылығын білдірді.
<img src="https://kyzylorda-news.kz/wp-content/uploads/2022/01/fb_img_1643271376670.jpg" alt="" />

САРАТС: Арал ауданына Иран Республикасының өкілдері келді

Kyzylorda-news.kz. Тергеп-тексеру барысында ұсталған азаматтардан заттай дәлелдемелер алынды. Олар 3 қару-жарақ, оның біреуі АКСУ автоматы мен 20 арнайы щит, дубинка, каска құралдары.
Қазіргі таңда, бірнеше органдардан құрылған ведомствоаралық жедел-тергеу тобымен қылмыстық істің мән-жайын жан-жақты, толық және объективті түрде тергеп-тексеру әрекеттері жүргізілуде.
Жаппай тәртіпсіздікті пайдаланып қала орталығында орналасқан ломбардтан жалпы құны 300 млн. теңге болатын алтын бұйымдар және аңшылық дүкенінен 6 млн. 212 мың теңгенің заттары ұрланған. Аталған ұрлық қылмыстар бойынша күдікті ретінде Қызылорда қаласының 5 тұрғыны ұсталып, қамауға алынды.
Бүгінгі күнге, азаматтардан полиция органдары қызметкерлерінің әрекетіне қатысты Өзіндік қауіпсіздік басқармасына түскен 25 арыз-шағым бойынша тексеру жұмыстары жүргізілуде.
<blockquote>
 «Осы сәтті пайдалана отырып, облыс тұрғындарын сабырлыққа және Тергеу органының әрекетіне түсіністікпен қарауға шақырамын, себебі барлық тергеу әрекеттері заңның шеңберінде және толық көлемде жүргізіледі», – деді Қызылорда облысы Полиция департаменті бастығының орынбасары Байжан Байгелді.
</blockquote>

Жаппай тәртіпсіздік: Қызылордада   ломбардқа ұрлыққа түскен күдіктілер тергеліп жатыр

<a href="https://kyzylorda-news.kz/">Kyzylorda-news.kz.</a> Қазақстанда үздік педагогтарды өңірлерге арнайы бағдарлама арқылы тарту жоспарланып отыр. Бұл туралы білім және ғылым вице-министрі Шолпан Каринова айтты, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Алдағы уақытта үздік педагогтарды Маңғыстау, Атырау, Алматы мен Түркістан облыстарына тарту бойынша арнайы бағадарлама қолға алынады. Оларға айтарлықтай әлеуметтік қолдау жасалады. Соның ішінде жалақының ұлғайтылған коэффиценті, арендалық баспана мен коммуналдық қызметтердің шығындарын өтеу сияқты шаралар бар”, – деді Каринова министрліктің алқа мәжілісінде.
</blockquote>
Осылайша, аймақтардағы білім деңгейінің алшақтығын қысқарту жоспарланып отыр.&nbsp;
Бұдан бөлек, 2022 жылы кем дегенде 70 мың педагог жаңа білім беру бағдарламалары бойынша біліктілікті арттыру курстарынан өтетін болады.
Айта кетері, қаңтардың басында жаппай тәртіпсіздіктерден кейін президент Қасым-Жомарт Тоқаев үздік педагогтарды аймақтарға тарту бойынша арнайы бағдарламаны әзірлеуді тапсырды.

Ауылға баратын үздік мұғалімдерге қандай жағдай жасалады?

<a href="https://kyzylorda-news.kz/">Kyzylorda-news.kz.</a> Мемлекет басшысының төрағалығымен Қауіпсіздік Кеңесінің отырысы өтті, деп хабарлайды <a href="https://www.akorda.kz/kz/prezident-kauipsizdik-kenesinin-otyrysyn-otkizdi-2703548">Ақорда</a>.
Онда ұлттық қауіпсіздікті қамтамасыз ету жүйесін қайта құру және нығайту шаралары қарастырылды.
Қауіпсіздік Кеңесінің Төрағасы Қасым-Жомарт Тоқаев қазіргі уақытта елдегі ахуал толығымен тұрақталғанын және құқықтық тәртіп қайта қалпына келгенін атап өтті. Тұлғалардың, қоғам мен мемлекеттің қорғалу деңгейін арттыру үшін барлық шара қабылданып жатыр.
<img src="https://www.akorda.kz/public/assets/media/uploadMedia/1643276624_KZ3_6204.jpg" alt="" />
Президент барлық мемлекеттік органдар өткен оқиғадан сабақ алуға тиіс екенін айтты. Жаңғыртылған ұлттық қауіпсіздік жүйесі сын-қатердің кез келген қиындығына төтеп беруге дайын болуы қажет. &nbsp;
<blockquote>
 – Бұдан былай қылмыстық топтар мен террористер қалаларымызды басып алып, азаматтар мен олардың отбасыларының бейбіт өміріне қол сұғып, мемлекеттілігімізге қауіп төндірмеуі үшін шаралар қабылдауға міндеттіміз. Ұлттық қауіпсіздік жүйесін қайта құру ісінің мақсаты да осы, – деді Қасым-Жомарт Тоқаев.
</blockquote>
Қауіпсіздік Кеңесінің басшысы қауіпсіздікке жауап беретін барлық құрылымның өз жұмыстарын өзгертуі керек екенін атап өтті. Бұл ретте, олардың өзара іс-қимылдары барынша теңгерімді болуға тиіс.
Мемлекет басшысы ұлттық қауіпсіздіктің барлық бағытын нығайту жөніндегі нақты шараларды кешіктірмей жүзеге асыруға кірісуді тапсырды. Қауіпсіздік Кеңесі отырысының барысында ұлттық қауіпсіздік жүйесін реформалауға бағытталған нақты шешімдер қабылданды.

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

<a href="https://kyzylorda-news.kz/">Kyzylorda-news.kz.</a> Қызылорда облысында жаппай тәртіпсіздікке байланысты орын алған құқық бұзушылық кезінде ҚР Қылмыстық кодексінің бірнеше баптарымен 59 қылмыстық іс тіркелді.
Оның ішінде кісі өлтіру, террористік акті, жаппай тәртіпсіздік, қарақшылық, билік өкіліне қатысты күш қолдану және басқа да баптар бойынша тергеу амалдары жүруде, деді Қызылорда облысы Полиция департаменті бастығының орынбасары Байжан Байгелді.
Жалпы, жаппай тәртіпсіздік және қарулы шабуыл қылмысына қатысы бар деген күдікпен 99 адам ұсталып, оларға дер кезінде адвокаттар қамтамасыз етілген. Сондай-ақ полиция қызметкерлерінің тарапынан заңсыз іс-әрекеттерге жол берудің алдын алу мақсатында барлық ұсталғандар сот-медициналық сараптамасынан өткізіліп, содан кейін ғана қамауға алу шаралары қабылданды.
Байжан Исембекұлының айтуынша, қазіргі уақытта, сотпен 22 адам қамаудан босатылды. Оның ішінде әлеуметтік жағдайы мен денсаулық жағдайына байланысты, тергеу органының өтініш хатымен 2 әйел және 1 ер азаматтың бас шарасы жеңіл түріне, яғни «үй қамаққа» өзгертілді.
Бұдан бөлек, жаппай тәртіпсіздік барысында 210 адам, оның 58-і полиция қызметкері түрлі дене жарақаттарымен ауруханаларға көрініп, ем-дом қабылдаған.

Қызылордада қаңтар оқиғасы бойынша 59 қылмыстық іс тергелуде

<a href="https://kyzylorda-news.kz/">Kyzylorda-news.kz.</a> Қазіргі кездегі ең маңызды мәселелердің бірі – нашақорлық. Яғни, есірткіні қолдану. Бүгінгі күні жастардың есірткіні қолданып, оны пайдалануы үлкен дерт болып отыр. «Бірінші байлық – денсаулық» деп бағалаған ата-бабамыздың мұраты – жаны мен тәні сау ұрпағының ынтымағына негізделген қоғамда өмір сүру болатын. Бірақ ата-бабамыздың осы мұратын аяқ асты етіп жүрген жастарымыз қазір көбейіп барады. Олар салауатты өмір салтын ұстанудың орнына есірткіні өмірлерінде кездескен қиыншылықтардан қашу үшін пайдаланады.
Ең алдымен олар есірткіні ішінара «компания үшін» немесе көпшілік ішінде «ақ қарға» болмау үшін татып көреді. Өкінішке орай, бірінші рет есірткіні қабылдай отырып, ешкім де көтерген жүгінің ауырлығын немесе қайғысының жеңілдігін сезіне алмайды. Нашақорлық – бұл есірткі заттарға еріксіз тартып тұратын, ағза қызметін қайтымсыз бұзылуларға алып келумен сипатталатын ауру түрі. Есірткі сана мен миға әсер ететін заттар болып табылады. Әдетте, есірткіні пайдалану қызығушылықтан басталады. Жастар өзіне беймәлім нәрсені татып көргенде ләззат алады да, сосын оған тәуелді болып, іздеумен болады. Сөйтіп, аз ғана уақыт ішінде нашақорға айналып шыға келеді. Осы жерде кемеңгер Ұлы Абай атамыздың «Атаның баласы болма, адамның баласы бол» деген пікірі еріксіз ойға оралады.
Еліміздің жарқын болашағы біздер, жастар.Сондықтан да өзіміздің келешегіміз бен өміріміз өзінің қолымызда. Есірткі адам өмірін жалмап, тағдырын күл талқан ететін қасірет. Есірткіге елігіп, өз балалық шағына, болашағына балта шабу біздің «адам» деген атымызға мүлде жат. Мен биыл мектепті бітіріп, үлкен өмірге қадам басқалы отырмын. Өмірде өз орныңды табу үшін білім қажет, сондықтан да мен білім жолы мен салауатты өмір салтын таңдадым. «Ауырып ем іздегенше, ауырмайтын жол ізде» дегендей, аурудың алдын алған ем іздегеннен жеңіл болатынын ұмытпайық! Жас өмірімізді керексіз дүниелермен уландырмауға тырысайық, достар! Еліміздің болашағы –дені сау жас ұрпақ екенін жадыңнан шығарма! Мен өз ойымды мына өлең жолдарымен аяқтағым келеді, өйткені есірткісіз өмір ғажайып!
Салауатты өмір салтын қолдайық! 
Әдеттен жаман әманда аулақ болайық! 
Өз өмірің өз қолыңда, ей, жастар, 
Су ішпеген гүлдей болып солмайық!
Өмірбек Бекарыс, 
Жалағаш ауданы 
Жаңадария ауылы 
№203 орта мектеп

Мен саған есірткі жайлы айтып беремін&#8230;

<a href="https://kyzylorda-news.kz/">Kyzylorda-news.kz.</a> Қызылорда облысының жергілікті әскери басқару органдарында осы жылы он жеті жасқа толатын жасөспірімдерді әскерге шақыру учаскелеріне тіркеу жұмыстары өтуде.
Сыр өңірінде осы жылға жоспарланған есептерге сүйенсек, 2005 жылы туған алты мыңнан астам жасөспірімдер әскери есепке алынады.
Аймақта осы уақытқа дейін үш мыңнан астам жасөспірім әскери есепке тіркеліп те үлгерді. Әскерге шақыру учаскелеріне тіркеу кезінде лауазымды тұлғалар азаматтардың әскери қызметке жарамдылық дәрежесін белгілеу үшін олармен әңгіме жүргізіп, қажетті құжаттарын тексеруде. Сонымен қатар, белгіленген тәртіппен медициналық комиссиядан өткен азаматтар тіркеу жөніндегі комиссия шешімімен әскери есепке қабылдануда.
<blockquote>
 “Жасөспірімдердің білім деңгейін, санын, дене дайындығы мен әскери қызметке жарамдылығын анықтап, әскерге шақыру учаскелеріне тіркеу жұмыстарын қарқынды жүргізудеміз. Науқан барысында азаматтарға әскери қызметтің мүмкіншіліктері мен болашағы, Қазақстан Республикасы Қорғаныс министрлігінің және басқа да әскери оқу орындарына оқуға түсу қағидалары жан-жақты түсіндірілуде”, – дейді Қызылорда облыстық қорғаныс істері жөніндегі департаменті бастығының орынбасары подполковник Алмат Жақыпов.
</blockquote>
Жоғарыда аталған барлық тексерулерден өткен жасөспірімдерге шақыру учаскесіне тіркеу куәлігі жазылып, алғашқы әскери құжат берілетін болады.
Азаматтарды әскери тіркеу науқаны барлық санитарлық-эпидемиологиялық талаптарды сақтай отырып өткізілуде.
Айта кетсек, он жеті жасқа толатын жасөспірімдерді шақыру учаскелеріне тіркеу елімізде, өңірімізде жыл сайын, қаңтар айынан наурыз айына дейін жалғасады.

Қызылордада әскерге шақыру учаскелеріне тіркеу науқаны жалғасуда

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясының бастамасымен ҚР Әділет министрлігі Жылжымайтын мүлікке құқықтарды тіркеу ережелеріне өзгерістер енгізді.
Енді нотариуста жылжымайтын мүлікке құқықтарды тіркеу бойынша жасалған мәміледен кейін клиент қалауы бойынша қосымша ақы төлеп, қызмет нәтижесін төлем жасалған сәттен бастап екі сағат ішінде жеделдетілген тәртіппен ала алады.
Бүгінгі таңда нотариусқа жүгінген клиенттерге нәтижелер жылжымайтын мүлікке құқықтарды тіркеу үшін ақы төленгені жөніндегі мәлімет құқықтық кадастрдың ақпараттық жүйесіне келіп түскен күннен кейінгі бір жұмыс күнінен кешіктірілмей беріледі. Көбіне бұл ипотеканы, несиені, кепілді және банктердегі басқа да қажеттіліктерді ресімдейтін клиенттердің мүлкін құжаттау процесін кешіктіруі мүмкін.
<blockquote>
 «Қызмет көрсету уақытын қысқарту әкімшілік кедергілер мен сыбайлас жемқорлық тәуекелдерін жоюға мүмкіндік береді. Процесті жеделдету үшін азаматтар құқық бұзушылыққа әкелуі мүмкін түрлі айла іздейтінін жоққа шығармаймыз. Бұл өзгерістер жылжымайтын мүлікті сату нарығына да айтарлықтай әсер етеді», – дейді «Азаматтарға арналған үкімет» мемлекеттік корпорациясы» Қызылорда облысы бойынша филиалы директорының орынбасары Рахат Жайсанбаев.
</blockquote>
Бұған дейін «Азаматтарға арналған үкімет» Каѕрі компаниясымен бірлесіп, жылжымайтын мүлікті нотариустарда тіркеген клиенттер үшін Кaspi.kz қосымшасында қызмет ақысын төлеу мүмкіндігін іске асырған болатын.

Жылжымайтын мүлікті екі сағат ішінде тіркеуге болады

<a href="https://kyzylorda-news.kz/">Kyzylorda-news.kz.</a> Халыққа қызмет көрсету орталықтарында төлқұжат пен жеке куәлікті рәсімдеген клиенттер мемлекеттік бажды QR кодтың көмегімен төлей алады. Азаматтарға арналған үкімет ҚР ІІМ­-мен бірлесіп, көші­қон қызметі операторында отырып­ақ, төлем жасау мүмкіндігін іске асырды.
Клиент төлқұжат пен жеке куәлікті рәсімдеуге өтініштер қабылдайтын көші­қон қызметі операторына жүгінген сәтте, кассаға бармай­ақ бірден Homebank немесе Kaspi банк қосымшаларының QR төлем жасау жүйесі арқылы баж алымын төлей алады.
<blockquote>
 «Санаулы секунд ішінде төлеу – әрбір екінші қазақстандыққа қолжетімді цифрлық мүмкіндік. Біз күнделікті QR төлемдерді барлық сауда, мәдениет нысандары мен ойын­сауық мекемелерінде қолданып жүрміз. Мемлекеттік қызмет көрсету саласында да мемкорпорация жаңа цифрлық мүмкіндіктерді енгізуде. Бұдан бұрын QR кодпен жер учаскелеріне актілерді дайындау және беру, жылжымайтын мүлікке құқықтарды тіркеу, кондоминиум объектілері бойынша қызметтерді және жер қатынастары саласындағы басқа да мемлекеттік қызметтерді төлеуге болатын. Енді кассаға кезекке тұрмай­ақ құжаттандыру қызметінің алымдарын да төлеу мүмкіндігі бар», – деді «Азаматтарға арналған үкімет» мемлекеттік корпорациясы Қызылорда облысы бойынша филиал директоры Айнұр Тобаева.
</blockquote>
Азаматтарға арналған үкімет QR арқылы төлем жасау мүмкіндігін 2020 жылдың қараша айында енгізді. Бүгінде клиенттер 146 мемлекеттік қызмет түрін осы тәсіл арқылы төлей алады, жыл басынан сырбойылықтар QR арқылы жалпы құны 1 046 933,4 тенгені құрайтын 1 709 мемлекеттік қызметті төлеген.

Қазақстан және Қызылорда облысының жаңалықтары

МӘМС жарнасын қалай төлеуге болады?

Тұтынушы ретінде құқығыңызды білесіз бе?

Ержан Қуанышбаев: Әскери борышын өтеуге ниетті жастардың саны артқан

САРАТС: Арал ауданына Иран Республикасының өкілдері келді

Жаппай тәртіпсіздік: Қызылордада ломбардқа ұрлыққа түскен күдіктілер тергеліп жатыр

Ауылға баратын үздік мұғалімдерге қандай жағдай жасалады?

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

Қызылордада қаңтар оқиғасы бойынша 59 қылмыстық іс тергелуде

Мен саған есірткі жайлы айтып беремін…

Қызылордада әскерге шақыру учаскелеріне тіркеу науқаны жалғасуда

Жылжымайтын мүлікті екі сағат ішінде тіркеуге болады

Мемлекеттік қызметтерді QR-мен төлеңіз

Қазақстан және Қызылорда облысының жаңалықтары

МӘМС жарнасын қалай төлеуге болады?

Тұтынушы ретінде құқығыңызды білесіз бе?

Ержан Қуанышбаев: Әскери борышын өтеуге ниетті жастардың саны артқан

САРАТС: Арал ауданына Иран Республикасының өкілдері келді

Жаппай тәртіпсіздік: Қызылордада ломбардқа ұрлыққа түскен күдіктілер тергеліп жатыр

Ауылға баратын үздік мұғалімдерге қандай жағдай жасалады?

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

Қызылордада қаңтар оқиғасы бойынша 59 қылмыстық іс тергелуде

Мен саған есірткі жайлы айтып беремін&#8230;

Қызылордада әскерге шақыру учаскелеріне тіркеу науқаны жалғасуда

Жылжымайтын мүлікті екі сағат ішінде тіркеуге болады

Мемлекеттік қызметтерді QR-мен төлеңіз

Мен саған есірткі жайлы айтып беремін…