<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.
Басқосуда 15 тұрғынның мәселесі тыңдалды. Қабылдауға келген қала тұрғыны әлеуметтік жағынан аз қамтамасыз етілген отбасыға берілетін азық-түліктің сапасына қатысты шағымын білдірді. Бұл ретте облыс әкімі жұмыспен қамту және әлеуметтік бағдарламалар басқарма басшысы Ғабит Жаңабаевқа тиісті сыннан қорытынды шығаруды тапсырды. Сондай-ақ, қала тұрғындары Бақытжамал Қаржауова «Бәйтерек» ықшам ауданында орналасқан жер учаскесіне инфрақұрылым және жол жүргізу туралы өтінішін білдірсе, Болат Калмаханов “Қара Бура аулие” көшесіне аяқ су жүргізу, канализация тарту мәселелерін көтерді. Тұрғындар мәселесін саралаған аймақ басшысы Нұрлыбек Нәлібаев қала әкімі Асылбек Шаменовке тиісті жұмыстарды жүргізуді тапсырды.
Қазіргі таңда мердігер мекеме тарапынан Бәйтерек 2-ші кіреберіс жолын асфальттау жұмыстары жүргізілуде. Сондай-ақ, 1-ші кіреберіс жолына дайындық жұмыстарын жүргізуде. Ал, Бәйтерек-1 тұрғын ауданы, 29 тұйық көшесі бойында ауыз су желісі құбыры, электр желісі жүргізілген. 
Мұнан бөлек, жеке қабылдауға келген азаматтардың басым бөлігі әлеуметтік көмек беруді, жұмыспен қамту, денсаулық саласына қатысты, тұрғын үй алу сынды өтініштерін жеткізді.
Қала тұрғыны Абай Шайнұров облыста созылмалы бүйрек ауруымен ауыратын азаматтардың саны жылдан-жылға артуына байланысты науқастарға қажетті аппараттың алуына ықпал етуді және салада нефролог мамандардың жетіспеушілігін алға тартты.
Аймақ басшысы денсаулық сақтау басқармасының орынбасарына мәселеге толық талдау жүргізіп, тиісті жұмысты үйлестіруді тапсырды.
Қабылдауға келген тағы бір тұрғынның мәселесі де гемодиализ ауруын емдеумен байланысты болды. Облыс әкімі әрбір науқастың еміне қарай тиісті шараларды зерделеп, мәселені оңтайлы шешудің жолын қарастыруды тапсырды.
Айта кету керек, осы уақытқа дейін аймақ басшысы 15 жеке қабылдау өткізіп, 130-ға жуық азаматтың мәселесін саралады.
<img src="https://kyzylorda-news.kz/wp-content/uploads/2022/08/297651370_357000453287872_8105486677549539438_n.jpg" alt="" />
<img src="https://kyzylorda-news.kz/wp-content/uploads/2022/08/297588801_356999646621286_2965545864260594977_n.jpg" alt="" />

Нұрлыбек Нәлібаев азаматтарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz.</a> Қазақстанда бір тәулікте 2555 адам коронавирус инфекциясынан жазылып шықты, деп хабарлайды COVID-19 таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 1043,
Алматы қаласында – 666,
Ақтөбе облысында – 35,
Алматы облысында – 62,
Жетісу облысында – 181,
Атырау облысында – 19,
Шығыс Қазақстан облысында – 49,
Абай облысында – 26,
Жамбыл облысында – 77,
Батыс Қазақстан облысында – 20,
Қарағанды облысында – 170,
Ұлытау облысында – 27,
Қостанай облысында – 42,
Қызылорда облысында – 70,
Маңғыстау облысында – 32,
Павлодар облысында – 14,
Түркістан облысында – 22.
Жалпы пандемия басталғалы елімізде 1 362 647 адам коронавирус жұқтырса, соның ішінде 1 320 732 адам сауығып шықты.

Өткен тәулікте 70 қызылордалық коронавирустан жазылды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен тәулікте коронавирус инфекциясы 2579 адамнан анықталды, деп хабарлайды COVID-19 таралуына жол бермеу жөніндегі ведомствоаралық комиссия.
Өңірлер бойынша:
Нұр-Сұлтан қаласында – 733,
Алматы қаласында – 430,
Шымкент қаласында – 29,
Ақмола облысында – 104,
Ақтөбе облысында – 52,
Алматы облысында – 50,
Жетісу облысында – 100,
Атырау облысында – 46,
Шығыс Қазақстан облысында – 21,
Абай облысында – 38,
Жамбыл облысында – 53,
Батыс Қазақстан облысында – 112,
Қарағанды облысында – 375,
Ұлытау облысында – 80,
Қостанай облысында – 93,
Қызылорда облысында – 42,
Маңғыстау облысында – 52,
Павлодар облысында – 95,
Солтүстік Қазақстан облысында – 58,
Түркістан облысында – 16.
Жалпы пандемия басталғалы елімізде инфекция 1 362 647 адамда тіркелді.

Қызылордада коронавирус жұқтырғандар бар

<a href="https://kyzylorda-news.kz/">Kyzylorda-news.kz.</a> Атмосфералық фронтальды бөліктердің өтуімен жаңбыр жауады, орталықта және оңтүстіктің таулы аймақтарында – қатты жаңбыр жауады, ол күн күркіреп, екпінді желмен жүреді, тек Қазақстанның солтүстігі мен батысында ауа райы жауын-шашынсыз болады, деп хабарлайды Қазгидромет.
Синоптиктердің болжауы бойынша республиканың солтүстігінде түнде және таңертең тұман күтіледі.
Оңтүстікте, шығыста, Қарағандының орталығында, күндіз Жамбыл облыстарының таулы аймақтарында қатты жаңбыр жауады. Күндіз Атырау, Жетісу, Маңғыстау облыстарының оңтүстігінде қатты ыстық күтіледі.
Қызылорданың басым бөлігінде, оңтүстікте, Түркістанның шығысында, Атыраудың оңтүстігінде, Абай облыстарында төтенше өрт қаупі күтіледі.

5 тамызға арналған ауа райы болжамы

Kyzylorda-news.kz. Қызылорда облысының қоғамдық даму басқармасы, «Халықаралық «Қазақ тілі» қоғамы ҚБ облыстық, қалалық филиалдарының өкілдерінен құрылған мобильді топ Қызылорда қаласының Желтоқсан көшесінің бойында орналасқан кәсіпкерлік нысандарының көрнекі ақпараттарында «Тіл туралы» Заң талаптарының сақталуына кезекті мониторинг жұмыстарын жүргізді.
Нәтижесімен «Тіл туралы» Заң талаптары бұзылған 20 кәсіпкерлік нысанға түсіндіру жұмыстарын жүргізді.
Түсіндіру барысында «Moment market», «Make up», «Ismart» дүкендері, «Азалия», «Buton» гүлдер дүкендері, «Expresso» дәмханасы, «Elita» сән салоны, т.б. кәсіпкерлік нысан иелеріне «Тіл туралы» Заңға енгізілген өзгерістерге сәйкес барлық көрнекі ақпараттар (жарнамалар), ас мәзірлері міндетті түрде мемлекеттік тілде жазылуы қажет екендігі, ал қажеттілігіне қарай, басқа тілдерде жазуға болатындығы айтылды.
Оларға Заңнан үзінділер, көрнекі ақпарат мәтіндерін жазудың және орналастырудың схема-үлгілері, анықтама алу және сұрақтар бойынша басқарманың байланыс телефондары мен әдістемелік көмектер көрсету үшін электронды поштасы және жарнама мәтіндерінің грамматикалық, стилистикалық жағынан дұрыс ресімделуін қамтамасыз ету мақсатында watsap нөмірлері жазылған таратпа материалдар берілді.
Сонымен қатар, қажет болған жағдайда қызмет көрсетушілерге мемлекеттік және орыс тілдерінен тегін оқыту курстарын (онлайн, офлайн) ұйымдастырып, жарнама мәтіндерінің дұрыс аударылуына көмек көрсетілетіндігі жеткізілді.
Сондай-ақ, Қазақстан Республикасының тiл туралы заңнамасына сәйкес деректемелер мен көрнекi ақпаратты орналастыру жөнiндегi талаптарды бұзғаны үшін «Әкімшілік құқық бұзу туралы» Қазақстан Республикасы Кодексінің 75-бабында жауаптылықтар қарастырылғандығы ескертілді.
<img src="https://kyzylorda-news.kz/wp-content/uploads/2022/08/fb_img_1659620711090.jpg" alt="" />
<img src="https://kyzylorda-news.kz/wp-content/uploads/2022/08/fb_img_1659620715680.jpg" alt="" />

Қызылордадағы кәсіпкерлік субъектілерінің арасында тіл туралы заң талаптары түсіндірілуде

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 17 ірі азық-түлік сауда дүкенінде әлеуметтік бұрыштар жұмыс жасап тұр.
Халық ең көп тұтынатын азық-түлік өнімдерінің бағасын тұрақтандыру мақсатында ірі сауда орындарында келісім бойынша ашылған 17 әлеуметтік бұрыштар жұмыс жасауда.
Атап айтқанда, Қызылорда қаласында «Аль-Асад» 5 супермаркет, «Ажар» 4 супермаркет, Қызылорда Оптомаркет, «Мирас», «Анвар», «Фуд маркет» және Арал, Қармақшы, Шиелі, Жаңақорған аудандарындағы ірі супермаркеттерде орналасқан.
Бұл сөрелерде нан 55 теңге, күріш 175 теңге, ұн 135 теңге, қарақұмық жармасы 415 теңге, рожки 200 теңге, сиыр еті 1700 теңге, тауық еті 785 теңге, сүт 280 теңге, айран 225 теңге, сүзбе 1283 теңге, жұмыртқа 29 теңге, сары май 2504 теңге, күнбағыс майы 630 теңге, қырыққабат 95 теңге, басты пияз 100 теңге, сәбіз 130 теңге, картоп 130 теңге, қант 444 теңге, тұз 40 теңгеден сатылып жатыр.
Айта кетейік, сонымен бірге сауда үйлеріндегі әлеуметтік бұрыштар жұмысы, нан мен көкөністердің бағасы және сапасы ерекше назарда ұсталады. &nbsp;Осыған орай «AMANAT» партиясы аймақтық және аумақтық филиалдары жанындағы мониторингтік топтары мүшелері тиісті мекемелерге жолданған ұсыныстарда кейбір ірі сауда орындарында әлеуметтік бұрыштардың болмағанын анықтаған. Мониторингтік топ «Байқоңыр» ӘКК бірлесіп негізгі азық-түлік өнімдерінің халыққа қолжетімділігін арттыру мақсатында аймақтағы барлық сауда үйлерімен қажетті меморандумдар жасау мен азық-түлік бағасын тұрақтандыру бағдарламасы шеңберінде қаладағы ірі сауда үйлерінде әлеуметтік сауда нүктелері мен олардағы өнімдер түрін көбейту мәселесіне басымдық берілді.
<img src="https://kyzylorda-news.kz/wp-content/uploads/2022/08/297521436_3219117638361465_9009810066265759456_n.jpg" alt="" />

Қызылордадағы 17 ірі сауда дүкенінде әлеуметтік бұрыш бар

<a href="https://kyzylorda-news.kz/">Kyzylorda-news.kz.</a>&nbsp;Қызылордада «Қауіпсіз жол» жедел-профилактикалық іс-шарасы барысында 4836 құқық бұзушылық анықталды.
Облыс көлемінде өтіп жатқан «Қауіпсіз жол» жедел-профилактикалық іс-шарасы аясында бүгінгі күнге дейін жол ережесін бұзудың 4836 дерегі, оның ішінде автокөлікті мас күйінде басқарған 49 жүргізуші анықталды.
Мәселең, іс-шара аясында полиция қызметкерлері Қызылорда облысы Шиелі ауданында жол жүрісі қағидаларын бұзған жеңіл автокөлігін тоқтатты. Жеке басын анықтау барысында жүргізуші алкогольді спирт ішімдігін ішіп, масаң күйде болғандығы анықталды.
Тәртіп бұзушы Қазақстан Республикасының Әкімшілік құқық бұзушылық туралы кодексінің 608-бабының 1-бөлігіне сәйкес 15 тәулікке әкімшілік қамаққа алынып, автокөлігі айып алаңына қойылды.
<blockquote>
 «Жол қозғалысының барлық қатысушыларынан қауіпсіздік ережелерін мүлтіксіз орындауды, заңды сақтауды сұраймын! Қарапайым ережелерді сақтау жолдардағы төтенше жағдайлардың алдын алуға көмектеседі. Әрдайым естеріңізде болсын, Сіздің және айналаңыздағы адамдардың қауіпсіздігі жолдағы тәртіпке байланысты»,- деп атап өтті Қызылорда облысы Полиция департаментінің бастығы полиция полковнигі Мұхтар Қожабаев.
</blockquote>

Қызылордада «Қауіпсіз жол» шарасы барысында 4836 құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Қазақстанда педагогтардың республикалық тамыз конференциясы басталды. Форум 19 тамызға дейін жалғасады және дәл осы күні қорытынды пленарлық отырыс өтеді, деп хабарлайды ҚР Оқу-ағарту министрлігінің баспасөз қызметі.
Екі апта бойы панельдік сессияларда педагогтар мектепке дейінгі, орта, қосымша, техникалық және кәсіптік білім берудегі өзекті мәселелерді, балалардың құқықтарын қорғау және білім беру сапасын қамтамасыз ету мәселелерін талқылайды.
<blockquote>
 «Тамыз конференциясының мақсаты – педагогикалық қауымдастықпен диалог орнатып, білім беру саласындағы проблемаларды, мектепке дейінгі, орта, техникалық және кәсіптік білім беру сапасын арттыру мәселелерін талқылау. Сондай-ақ жаңа оқу жылының басымдықтары мен негізгі міндеттері айқындалады. Шараға жаңашыл педагогтар, білім беру ұйымдарының үздік жетекшілері, сарапшылар мен ата-аналар қауымының өкілдері қатысады. Спикерлер дөңгелек үстелдер, шеберлік сабақтары мен презентациялар өткізеді», – деді Оқу-ағарту министрлігі Мектепке дейінгі және орта білім комитетінің төрағасы Гүлмира Кәрімова.
</blockquote>
Панельдік секциялар мен пленарлы отырыстың материалдары барлығына қолжетімді болуы үшін министрліктің сайтында және әлеуметтік желілерде орналастырылады. Форумның пленарлы отырысы министрліктің Facebook, Instagram және YouTube желісіндегі парақшаларында көрсетіледі.
Сондай-ақ форумның пленарлы отырысында үздік педагогтарды ҚР Оқу-ағарту министрлігінің ведомстволық наградаларымен марапаттау рәсімі өтеді.

Республикалық Тамыз конференциясы басталды

<a href="https://kyzylorda-news.kz/">Kyzylorda-news.kz.</a> Соңғы 2 аптада осындай өсім байқалды. Қазір барлық аймақта&nbsp; дерт дендеп барады. Тәулігіне инфекция жұқтырудың 3 мың жағдайы тіркеледі. Науқастардың 94 проценті амбулаториялық ем қабылдауда. Бұл туралы Денсаулық сақтау министрі мәлімдеді, деп хабарлайды <a href="https://24.kz/kz/zha-aly-tar/basty-zha-aly-tar/item/558026-elde-koronavirusty-taralu-ar-yny-sh-ese-artty">«Хабар 24»</a>.
Ажар Ғиният жыл басынан бері ковидке 6 мың бала шалдыққанын да тілге тиек етті. 423 бүлдіршін қазір ем алуда. Алайда оның үшеуі жансақтау бөлімінде.&nbsp; Балалардың 21 процентінде ауру жеңіл өтеді. Ал 77% орташа деңгейде еңсеріп жатыр. Бұл ретте министр әр 6 ай сайын коронавирусқа қарсы екпе алып тұру керектігін ескертті. Бүгінде ревакцинация қарқынды жүріп жатыр. Егілуге тиісті халықтың 68 проценті немесе 5 млн-нан аса адам екпе алған.
<blockquote>
 «Коронавирус инфекциясының қазіргі түрінде ауру жеңіл өтеді. Бірақ қауіпті топқа, яғни, аурудың қатаң түрімен ауыратындарға, жүкті әйелдер, 60 жастан асқан егде адамдар, созылмалы қосалқы аурулары бар науқастар, КВИ-ға қарсы егілмегендер жатады. Коронавирустық инфекциямен сырқаттанудың қазіргі сипаты науқастарда аурудың жеңіл түрімен өтуімен бірге, дер кезінде емделмесе аурудың асқынуы да байқалуда», – дейді ҚР денсаулық сақтау министрі Ажар Ғиният.
</blockquote>

Елде коронавирустың таралу қарқыны үш есе артты

<a href="https://kyzylorda-news.kz/">Kyzylorda-news.kz.</a> Прокурорлар мүгедектігі бар адамдардың құқықтарының сақталуын тексеру аясында 1,8 мыңнан астам заң бұзушылықты анықтады. Олардың 11 мыңнан астамының құқықтары қорғалды, деп хабарлайды Бас прокуратураның баспасөз қызметі.
Прокурорлық қадағалау шаралары бойынша жеті аудандық және қалалық әкімдіктің қаулылары осы санаттағы адамдар үшін жұмыс орындарының квотасын ұлғайту арқылы өзгертілді.
<blockquote>
 «Қостанай облысында прокуратураның араласуынан кейін психоневрологиялық интернатта тұратын мүгедектігі бар адамға тиесілі пәтерге үшінші тұлғаның меншік құқығын тану туралы сот шешімінің күші жойылды. Алматы қаласының прокуратурасы «Жанұя» мамандандырылған кешенінің 23 тәрбиеленушісіне асыраушысынан айрылу және мүгедектігі бойынша жәрдемақы осындай төлемдерге құқық алған сәттен бастап 5-10 жылдан кейін тағайындалғанын анықтады. Қадағалау актісі бойынша кінәлі тұлғалар есебінен балаларға 10,6 млн теңге өтелді. Ақтөбе облысының прокурорлары мүгедектігі бар 40 студентке мемлекеттік стипендия төлеуді қамтамасыз етті», – делінген хабарламада.
</blockquote>
Жалпы, прокуратура органдарының тексеру нәтижелері негізінде осы салада 12 сотқа дейінгі тергеу басталды.
<blockquote>
 «Мысалы, Қызылорда облысында әлеуметтік қызмет көрсету орталығының қызметкерлері өздерінің дәрменсіз қамқоршыларының дербес және биометриялық деректерін пайдалана отырып, өздеріне ақша қаражаттарын, зейнетақылар мен жәрдемақыларды аударды. Аталған факті бойынша облыс прокуратурасы ҚК 190-бабы 3-бөлігінің 3-тармағы (алаяқтық) бойынша сотқа дейінгі тергеуді бастады», – дейді ведомстводағылар.
</blockquote>
Тексеру нәтижесінде барлығы 336 қадағалау актісі енгізілді, 130 тұлға тәртіптік жауапкершілікке, 65 тұлға әкімшілік жауапкершілікке, 2 тұлға қылмыстық жауапкершілікке тартылды.
Жергілікті жерлердегі уәкілетті органдар прокурорлар анықтаған заң бұзушылықтарды жою және азаматтардың бұзылған құқықтарын қалпына келтіру үшін тиісті шаралар қабылдауға кірісті.

Қызылордада әлеуметтік қызмет көрсету орталығының қызметкерлері дәрменсіз қамқоршыларының ақшаларын аударып алған

<a href="https://kyzylorda-news.kz/">Kyzylorda-news.kz.</a> Облыста әлеуметтік маңызы бар азық-түлік тауарларының бағасын тұрақтандыру бағытында бірқатар жұмыстар атқарылуда. Мәселен, азық-түлік өнімдерінің бағасын негізсіз өсіруге жол бермеу үшін тұрақтандыру қорынан «айналым схемасы» арқылы келісім жасалуда. Қазіргі таңда тұрақтандыру қорында 671 тонна өнім бар. Бұл жөнінде Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасының басшысы Талғат Дүйсебаев хабарлады.
<img src="https://kyzylorda-news.kz/wp-content/uploads/2022/08/talgat.jpg" alt="" />
<blockquote>
 «Сонымен қатар нан бағасын арзандату мақсатында «Азық-түлік корпорациясы» арқылы 14 316,5 тонна астық бөлінді. Бұл 7 айға дейін жеткілікті болады деп жоспарлануда. Ал «Көксу қант зауыты» мен «Азық-түлік келісім шарт» корпорациясы арқылы 1360 тонна қант облысқа жеткізілді. Ал жыл соңына дейін 3 155 тонна қант әкелінеді деп күтілуде», – деді басқарма басшысы Талғат Дүйсебаев.
</blockquote>
<img src="https://kyzylorda-news.kz/wp-content/uploads/2022/08/samat.jpg" alt="" />
<blockquote>
 «Бүгінде тұрақтандыру қорында 627,8 тонна өнім қоры бар. Атап айтсақ, ұн – 57,5 тонна, қарақұмық жармасы – 104,5 тонна, күріш – 20,9 тонна, қант – 82,5 тонна, өсімдік майы – 362,2 тонна. Жалпы барлық әлеуметтік дүкендерде 19 түрлі азық-түлік тауарлары белгіленген бағада сатылуда. Күн сайын әлеуметтік дүкендер мен сауда үйлеріндегі өнімдердің бағасына бақылау жүргізілуде. Бұған қоса апта сайын жәрмеңке ұйымдастырылып, азық-түлік өнімдері тиімді бағада сатылуда», – деді «Байқоңыр» ӘКК» АҚ басқарма төрағасы Самат Ерниязов.
</blockquote>
Жыл басынан бері бағаны негізсіз көтерген 32 сауда нысанына қатысты арыз-шағым түскен. Жүргізілген тексеріс нәтижесінде 13 сауда орталығында заң бұзушылық анықталып, әкімшілік шара көрілді. Қазіргі таңда 14 сауда үйіне тексеріс жұмыстары аяқталды.
<img src="https://kyzylorda-news.kz/wp-content/uploads/2022/08/ferdowsi.jpg" alt="" />
<blockquote>
 «Азық-түлік тауарларының бағасын негізсіз өсіруге жол бермеу мақсатында жоспардан тыс тексеріс жұмыстары жүргізілуде. Егер аталған дерек анықталған жағдайда тиісті шара қолданылатын болады. Тұрғындар көп жағдайда үй жанындағы дүкендер мен шағын маркеттердің қызметіне жүгінетінін ескере отырып, бірінші кезекте осы нысандар қатаң бақылауда болатынын айтқым келеді. Жалпы әлеуметтік маңызы бар азық-түлік тауарларының бағасы басты назарымызда болады», – деді облыстық кәсіпкерлік және өнеркәсіп басқармасы басшысының орынбасары Фердоуси Қожабергенов.
</blockquote>

Қызылорда: Тұрақтандыру қорында 671 тонна өнім бар

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданының әкімі ауылдағы басты мәселелердің бірі ретінде газ кіргізу, Жаназар батыр ауылына жаңадан клуб үйін салу, ұялы байланыс желісінің жұмыс сапасын жақсарту жұмыстары бойынша атқарылып жатқан шараларды атап өтті.
Сондай-ақ, ауыл тұрғыны, ауданның Құрметті азаматы Е.Дүйсенов жалпы жасалып жатқан жұмыстардың аз еместігін, аяқ су мен ауыз судың кедергісіз келіп тұрғандығын, жолдардың асфальтталып жатқандығын айтып, ауылдағы бос тұрған бұрынғы ескі мектептің ғимаратын спорт мектебіне немесе сол сияқты қажетті нысандардың біріне айналдыру туралы ұсынысын жеткізді.
Кездесу соңында ақсақалдар жаңадан тағайындалған аудан әкімінің жұмысына сәттілік тілеп, батасын беріп, елдің ынтымағы мен бірлігін сақтауда жан аямай қызмет етуге шақырды.
Айта кетейік, қазіргі таңда Сұлутөбе ауылдық округінде 64 шаруа қожалық, 27 кәсіпкерлік нысан бар, 1 аурухана, 3 ФАП, 1 амбулатория, 3 мектеп, 1 мемлекеттік және 2 жеке меншік балабақша, 1 мәдениет үйі, 1 клуб, 3 кітапхана тұрғындарға қызмет көрсетуде.
Оған қоса, алдымыздағы жылға «Мұстафа Шоқай» АГРС, яғни автоматтандырылған газ реттеуіш станциясын салу жоспарланған және нәтижесінде Сұлутөбе, Майлытоғай, Тартоғай, Бала би мен Бәйгеқұм ауылдарына да газ тартыла бастайтын болады.
<img src="https://kyzylorda-news.kz/wp-content/uploads/2022/08/297488921_1366484327215356_4786047188191515468_n.jpg" alt="" />

Қазақстан және Қызылорда облысының жаңалықтары

Нұрлыбек Нәлібаев азаматтарды жеке мәселелері бойынша қабылдады

Өткен тәулікте 70 қызылордалық коронавирустан жазылды

Қызылордада коронавирус жұқтырғандар бар

5 тамызға арналған ауа райы болжамы

Қызылордадағы кәсіпкерлік субъектілерінің арасында тіл туралы заң талаптары түсіндірілуде

Қызылордадағы 17 ірі сауда дүкенінде әлеуметтік бұрыш бар

Қызылордада «Қауіпсіз жол» шарасы барысында 4836 құқық бұзушылық анықталды

Республикалық Тамыз конференциясы басталды

Елде коронавирустың таралу қарқыны үш есе артты

Қызылордада әлеуметтік қызмет көрсету орталығының қызметкерлері дәрменсіз қамқоршыларының ақшаларын аударып алған

Қызылорда: Тұрақтандыру қорында 671 тонна өнім бар

Сұлутөбеліктердің басты мәселесі – көгілдір отын

Қазақстан және Қызылорда облысының жаңалықтары

Нұрлыбек Нәлібаев азаматтарды жеке мәселелері бойынша қабылдады

Өткен тәулікте 70 қызылордалық коронавирустан жазылды

Қызылордада коронавирус жұқтырғандар бар

5 тамызға арналған ауа райы болжамы

Қызылордадағы кәсіпкерлік субъектілерінің арасында тіл туралы заң талаптары түсіндірілуде

Қызылордадағы 17 ірі сауда дүкенінде әлеуметтік бұрыш бар

Қызылордада «Қауіпсіз жол» шарасы барысында 4836 құқық бұзушылық анықталды

Республикалық Тамыз конференциясы басталды

Елде коронавирустың таралу қарқыны үш есе артты

Қызылордада әлеуметтік қызмет көрсету орталығының қызметкерлері дәрменсіз қамқоршыларының ақшаларын аударып алған

Қызылорда: Тұрақтандыру қорында 671 тонна өнім бар

Сұлутөбеліктердің басты мәселесі &#8211; көгілдір отын

Сұлутөбеліктердің басты мәселесі – көгілдір отын