<a href="https://kyzylorda-news.kz/">Kyzylorda-news.kz.</a> Биыл Сыр елінің қабырғалы қаламгері, өнерде Иран-Ғайып атымен кеңінен танылған ақын және драматург Иранбек Оразбаев 75 жасқа толды.Мерейлі мерейтойы қарсаңында жерлестеріне «Мәңгілік елдің алтын адамы» драмалық дастанының премьерасын тарту еткен жазушының шығармашылық кешінде облыс әкімі Нұрлыбек Нәлібаев құттықтады.<blockquote>«Сыр өңірі – Түркі әлемінің аңызы, ортақ абызы - Қорқыт бабаның, туған халқына жерұйық іздеген - Асан Қайғының, найзалы батырлар мен найзағай ақындардың – Отаны. Бұл сапты қазақтың қабырғалы қаламгері, Қазақстан Республикасының Мемлекеттік сыйлығының лауреаты, арқалы ақын, дарынды драматург, Сырдың саңлақ перзенті – Иранбек Әбітайұлы жалғайды.Исі қазақтың сүйіктісіне айналған заманының заңғары Мұқағали Мақатаев туралы жазған қаламгерлер көп-ақ. Бірақ, ақынмен үзеңгілес жүріп, тіні үзілмес жыр жазғанИран-Ғайыптан басқаны атау қиын. Өлең сөздің шын бағасын беретін халық Иран-Ғайып ақынды Мұқағалимен мұңдас болғаны үшін де көкке көтеретіні рас.Тәуелсіз елімізде тұңғыш өткен жазба ақындар жыр-мүшәйрасының Бас жүлдегері болуы да Иран-Ғайыптың ақындық дарыны мен арынын айғақтайды. Кітапханалар сөресінен оқырман қолына ұдайы көшетін ақын өлеңдері ең оқылымды шығармалар саналады. Сіз бір дәуір ақындарының ұстазына айналдыңыз. Сіздің қазақ өлеңіне салған дара олжаңызбен бірге ұлттық драматургияға қосқан үлесіңіз де ерекше зор», - деді аймақ басшысы.</blockquote>Кеште облыс әкімі Иранбек Әбітайұлына ҚР Парламенті Сенатының төрағасы Мәулен Әшімбаевтың құттықтауы мен облыстың ең жоғарғы наградасы Қызылорда облысының «Құрмет» грамотасын табыстап, қазақы дәстүр бойынша иығына шапан жапты.Салтанатты іс-шара тәрбиелік мәні орасан, бірлікке, ынтымаққа баулитын «Мәңгілік елдің алтын адамы» драмалық дастанының Сыр сахнасындағы тұсаукесер көрсетілімімен аяқталды.Айта кетейік, ертең ақынның мерейтойына орай Н.Бекежанов театрында "Топырағыңды басқаным - тау асқаным" атты шығармашылық кеші өтеді.Иранбек Әбітайұлы (Иран Ғайып) Оразбаев – ҚР Мемлекеттік сыйлығының және "Парасат" орденінің иегері, "Платиналы" Тарлан тәуелсіз сыйлығының лауреаты.2002 жылы "Қорқыттың көрі" атты жыр кітабы үшін ҚР Мемлекеттік сыйлығының лауреаты атанды. Елімізде тұңғыш өткен жазба ақындар жыр-мүшайрасының бас жүлдегері. Ақынның "Жүрек жырлайды", "Түннің көзі", "Өмір-өлең" сынды өлеңдер мен поэмалар жинақтары жарық көрді.Абай өмірінің соңғы көзеңіне арналған "Мен ішпеген у бар ма?" атты драмалық дастаны, "Қорқыттың көрі" трагедиялық драмасы республикалық театрларды және Н.Бекежанов атындағы қазақ академиялық музыкалық драма театрында қойылды.<figure class="image"><img src="https://knadmin.beoblood.kz/uploads/316670756_436272092027374_1192667053247283939_n_61674e0f99.jpg" alt="316670756_436272092027374_1192667053247283939_n.jpg"></figure>&nbsp;<figure class="image"><img src="https://knadmin.beoblood.kz/uploads/316306376_436272135360703_5287985803951002630_n_24084a6853.jpg" alt="316306376_436272135360703_5287985803951002630_n.jpg"></figure>&nbsp;<figure class="image"><img src="https://knadmin.beoblood.kz/uploads/316546922_436272215360695_46870159463615400_n_0554cd87cf.jpg" alt="316546922_436272215360695_46870159463615400_n.jpg"></figure>&nbsp;<figure class="image"><img src="https://knadmin.beoblood.kz/uploads/316282287_436272068694043_6475105310928269661_n_1534b4aac6.jpg" alt="316282287_436272068694043_6475105310928269661_n.jpg"></figure>&nbsp;<figure class="image"><img src="https://knadmin.beoblood.kz/uploads/316546922_436272215360695_46870159463615400_n_6010d91882.jpg" alt="316546922_436272215360695_46870159463615400_n.jpg"></figure>&nbsp;<figure class="image"><img src="https://knadmin.beoblood.kz/uploads/316282287_436272068694043_6475105310928269661_n_f8a1902837.jpg" alt="316282287_436272068694043_6475105310928269661_n.jpg"></figure>

Сыр елінде ақын, драматург Иранбек Оразбаевтың драмалық дастаны сахналанды

<a href="https://kyzylorda-news.kz/">Kyzylorda-news.kz.</a> Биыл күз науқаны Сыр елінің, оның ішінде Қармақшы өңірінің диқандарына сарқылмас ырыздық-несібесін ала келді. Жаз бойы атыз жағалап тер төккен егінжай ерлері еңбегінің өтеуі қайтып, ақ күріштен тау тұрғызылды.Осы орайда, Қармақшы ауданына қарасты Тұрмағамбет ауылында ауыл шаруашылығы еңбеккерлерінің «Алтын күз-2022» мерекесі атап өтілді.Бұл күні «Тұрмағамбет» ЖШС-нің Сыр маржанын төкпей-шашпай жинауда күні-түні тер төккен дала диқандарының еңбегі айшықталып, құрмет төрінен көрінді.Салтанатты шараға аудан әкімінің орынбасары Жұлдызхан Ерқосаев пен аудандық мәслихаттың хатшысы Әділ Қошалақов, аудан ардагерлері және ауыл тұрғындары қатысты.Ауыл шаруашылығы еңбеккерлерінің мерейлі сәтімен құттықтаған аудан әкімінің орынбасары ел диханшыларының өз ісіне деген адалдығы мен кәсіби шеберліктерінің арқасында бүгінгі күні ел алдында ең жоғарғы құрмет пен қошеметке ие болып, марапаттқа лайық екендігін атап өтті.Сондай-ақ, Тұрмағамбет ауылының бірқатар азаматтары ауданның әлеуметтік-экономикалық дамуына өзіндік қосқан үлестері ескеріліп,аудан әкімі және аудандық мәслихат хатшысының Құрмет грамотасымен марапатталды.Шара барысында «Тұрмағамбет» ЖШС-нің тарапынан ауыл шаруашылығы саласында жоғары көрсеткiшке қол жеткiзген ауыл еңбеккерлері, диханшылары марапатталып, қаржылай сыйақы мен арнайы сыйлықтарға ие болды.Іс-шара соңы ауыл өнерпаздарының концерттік бағдарламасына ұласты. Сондай-ақ, аудан жастары қазақша күрес, арқан тартыс және қол күрес сынды спорт түрлерінен күш сынасты. &nbsp;<img src="https://knadmin.beoblood.kz/uploads/316126021_2224095774427983_5017420739711842220_n_555a8bd345.jpg" alt="316126021_2224095774427983_5017420739711842220_n.jpg"><img src="https://knadmin.beoblood.kz/uploads/315893353_2224095624427998_4245174916049474318_n_8ba3386ad0.jpg" alt="315893353_2224095624427998_4245174916049474318_n.jpg"><img src="https://knadmin.beoblood.kz/uploads/315944230_2224095534428007_2490493603055001306_n_b8cb54aae8.jpg" alt="315944230_2224095534428007_2490493603055001306_n.jpg"><img src="https://knadmin.beoblood.kz/uploads/316038685_2224096594427901_91585492078483721_n_846b39dd34.jpg" alt="316038685_2224096594427901_91585492078483721_n.jpg"><img src="https://knadmin.beoblood.kz/uploads/315781004_2224096124427948_3014747297502821113_n_c333c69b17.jpg" alt="315781004_2224096124427948_3014747297502821113_n.jpg">

Қармақшы: Ауыл шаруашылығы еңбеккерлерінің «Алтын күз – 2022» мерекесі өтті

<a href="https://kyzylorda-news.kz/">Kyzylorda-news.kz.</a> Бүгінгі таңда қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу болып табылады. Бұл мәселе қазіргі таңда қоғам үшін көкейтесті, маңызды мәселелердің біріне айналып отыр. Ал бүгінде өрімдей жастардың қылмыс жасауы көз үйренген көрініске айналып, елді елең қылып отырғаны тағы бар.Тәртібі қиын баламен түсіндерме жұмыстары жасалма, оның есейген сайын қылмыстың ауыр түрлерін жасауға бейімі арта беретінін ескерсек, бұл аса өткір мәселе екенін мойындауға мәжбүрміз.Осы мәселерді ескеріп, «ORDA» жоғары колледжі, Абылайхан атындағы №140 қазақ орта мектебi және Ж.Нұрсейiтов атындағы №233 орта мектептің жоғары сынып оқушылары арасында «Жасөспірімдер арасында кездесетін құқық бұзушылықтың алдын алу» тақырыбында семинар өткізілді.&nbsp;Семинардың мақсаты жалпы, кәмелетке толмаған жастар арасындағы зорлық-зомбылық туралы мағлұмат беру, адамның ең басты құндылығы оның бостандығы екенін және жастарға адамзаттық құқықтарымен бас бостандықтарын қорғауы туралы үйрету болып табылады. Жастардың жаман әдеттерден бойларын аулақ ұстап, адамгершілігі мол саналы азаматша болып өсуіне ықпал жасау. Сонымен қатар, жастар арасындағы құқық бұзушылықтың алдын-алу.<img src="https://knadmin.beoblood.kz/uploads/316278256_1834584973567600_7348304537439372686_n_6aca736090.jpg" alt="316278256_1834584973567600_7348304537439372686_n.jpg">

Қызылорда: «Жасөспірімдер арасында кездесетін құқық бұзушылықтың алдын алу» тақырыбында семинар өтті

<a href="https://kyzylorda-news.kz/">Kyzylorda-news.kz.</a> 2023 жылы Шиелі ауданында 10 каналға тазалау жұмыстарын жүргізу жоспарланып отыр.Дариядағы су деңгейі төмендеп бастағалы нәпақасын қара жерден тауып отырған шаруаның мазасы қашқаны жасырын емес. Дегенмен, сол сәтте қол қусырып қарап отырмай, мәселені шешудің өзге де жолдарын қарастыру күн тәртібінде тұрды. Нәтижесінде, су тапшылығын жоюдың бірден-бір жолы ретінде каналдарды тазалау мәселесі көтерілді.&nbsp;Осыған орай, биылғы жылы «Қазсушар» РМК Қызылорда филиалы, «Шиелісушар» өндірістік учаскесі 7 шаруашылық аралық каналдарға механикалық тазалау жұмыстарын жүргізді. Атап айтқанда, «0-1» каналының – 10 шақырымы, «02» каналының – 3,8 шақырымы, «R-8» каналының – 10 шақырымы тазаланды. Сонымен қатар, «R-10» каналының – 8 шақырымы, «R-7» каналының – 18 шақырымы қазылса, республикалық бюджет есебінен «Жаңа Сұлутөбе» каналының 27 шақырымы, «Жаңа Бестам» каналының 10,30 шақырымы тазаланды. Жалпы алғанда биыл жалпы ұзындығы 87,1 шақырымды құрайтын 7 канал тазаланды.Келер жылы «Шиелісушар» мекемесі тарапынан ұзындығы – 31 шақырымнан асатын каналдарды тазалау жоспарланған.&nbsp; Алдағы жылы да Шиелі ауданы бойыншы «Шиелісушар» өндірістік учаскесі теңгеріміндегі 5 шаруашылық аралық каналдарға тазалау жұмыстарын жүргізуді жоспарлап отыр. Атап айтқанда, «R-12» каналы ұзындығы – 11,50 шақырымы, «R-10» каналы ұзындығы – 6.60 шақырымы, «0-2» каналы ұзындығы – 3,8 шақырымы, «Ескі Сол жаға» каналы ұзындығы – 4,20 шақырымы, «Жаңа Сұлутөбе» каналы ұзындығы – 5,50 шақырым аумағы тазаланбақ. Мұнан бөлек, Қызылорда облысының табиғи ресурстар және табиғат пайдалануды реттеу басқармасының, шаруашылық жүргізу құрылымындағы «Табиғат» мекемесі тарапынан – 35 шақырымнан астам канал тазалау жоспары бар. Дәлірек айтқанда «Күзембай» каналының – 3 шақырымы, «Байсары» каналының – 2 шақырымы, «Базар арық» каналының – 2.6 шақырымы, Балтабай каналының – 12 шақырымы, «Жаңа арық» каналының – 16 шақырымын тазалау алдағы 2023 жылдың еншісінде.&nbsp;Бүгінгі күні Еңбекші ауылдық округі, Қосүйеңкі елді-мекенін аяқ сумен қамту үшін «Табиғат» мекемесі тарапынан «2×2×2» каналының 37 шақырымы қазылуда. Тағы бір айта кетерлігі, канал қазу жұмыстарынын бөлек аладағы жылы аяқ су жеткізуде қиындық тудыратын аумақтарға 12 дана электорлы насос қондырғылары орнатылмақ. Ендеше, аталған жұмыстар өз жемесін беріп, келер жылы ауданымыз аяқ судан тапшылық көрмей, диқандар қамбаны дәнге толтырады деген сенім бар.<figure class="image"><img src="https://knadmin.beoblood.kz/uploads/316313361_1448006609063127_1607417613404838965_n_86065ebc43.jpg" alt="316313361_1448006609063127_1607417613404838965_n.jpg"></figure>

Шиеліде 10 каналға тазалау жұмыстары жүргізіледі

<a href="https://kyzylorda-news.kz/">Kyzylorda-news.kz.</a> Жаңақорған, Шиелі аудандарында МӘМС мәселелері бойынша тұрғындармен кездесу өтті.Жұмыс берушілердің өз қызметкерлеріне аударымдар мен жарналардың тұрақты емес төлемдері МӘМС жүйесінде «сақтандырылған» мәртебесінің болмауының себептерінің бірі болып табылады. Бұл туралы Қызылорда облысы бойынша Әлеуметтік медициналық сақтандыру қоры Қызылорда облысы бойынша филиалының бөлім басшысы Абылайхан Рахимов Жаңақорған, Шиелі аудандарының тұрғындарымен есеп беру кездесулерінде хабарлады.Жаңақорған ауданында 12 мыңнан астам сақтандырылмаған азамат болса, оның 3,5 мыңға жуығы жалдамалы қызметкерлер. Шиелі ауданында 11,5 мың ауыл тұрғыны МӘМС жүйесінен тыс қалды. Мұнда да 3,5 мыңға жуық қызметкер медициналық қызметтердің толық көлемін ала алмайды.<blockquote>«Жергілікті атқарушы органдар мен салық департаменттеріне ай сайын сақтандырылмаған жалдамалы жұмыскерлердің, жеке кәсіпкерлердің, құқықтық келісім шарт негізде жеке тәжірибемен айналасатындардың тізімін жолдаймыз. Өкінішке орай, жалақыны салықсыз және басқа да міндетті төлемдерсіз беретін жұмыс берушілер бар. Осының салдарынан МӘМС жүйесіндегі медициналық қызметтерді бүкіл ұжымға қол жетімді болмайды. Бұл қымбат консультациялық-диагностикалық медициналық қызметтер, жоспарлы емдеуге жатқызу, оңалту және т.б.» - деді Абылайхан Рахимов.</blockquote>ӘМСҚ филиалының бөлім басшысы МӘМС төлемдер 12 ай ішінде болуы тиіс екенін еске салды. Бірыңғай жиынтық төлемді төлеушілерді қоспағанда. БЖТ-да «сақтандырылған» мәртебесі 3 ай тұрақты төлемдерден кейін тағайындалады. Сонымен қатар, бар болғаны 1,531,5 теңге төлеген ауыл тұрғындары (қала тұрғындары үшін – 3063 теңге) МӘМС-ға ғана емес, міндетті зейнетақы жарналарына, табыс салығына, әлеуметтік аударымдарға да жарналарды қамтамасыз етеді. Дербес төлеушілердің жарналарын бір жыл бұрын төлеуге мүмкіндігі бар. Мысалы, 2022 жылдың желтоқсаннан 2023 жылдың желтоқсанына дейін (3 000 теңге х 12 = 36 000 теңге).Есеп беру кездесулерінің соңында МӘМС мәселелері бойынша азаматтарды қабылдау өтті.<figure class="image"><img src="https://knadmin.beoblood.kz/uploads/Zhanakorgan_9582e92808.jpg" alt="Жанакорган .jpg"></figure><figure class="image"><img src="https://knadmin.beoblood.kz/uploads/Zhanakorgan_ef026fa54a.jpg" alt="Жанакорган .jpg"></figure>

Жаңақорғанда МӘМС мәселелері бойынша тұрғындармен кездесу өтті

<a href="https://kyzylorda-news.kz/">Kyzylorda-news.kz.</a> Сырдария ауданында теолог маман халыққа түсіндірме жұмыстарын жүргізді.Сырдария аудандық ішкі саясат бөлімінің теолог маманы Сейілханов Мұхамед аудан орталығындағы такси тұрақтарында және жастарға «Тәртіпті елдің, татулығы тұрақты» тақырыбында ақпараттық түсіндерме жұмыстарын жүргізді.Тәртіпті – адамдардың белгілі бір қауымдастығында, тіршілік қарекеті саласындағы реттіліктің, жөн-жосықтылық пен ұйымшылдықтың сапалық сипаты, адам мінез-құлқының қоғамда қалыптасқан құқық, мораль нормаларына не әлде бір ұйымның жарғылық талаптарына сәйкестігі.Осы тұрғыда діни экстремизмді насихаттаушы материалдарды таратуда, діни араздық тудыруға және заңсыз миссионерлікпен шұғылдануға, дін саласындағы заңдылықтарды бұзған төменде көрсетілген ҚР Заңдарына сәйкес жауапкершілік қаралған. Мәселен, Қазақстан Республикасы Қылмыстық кодекстің 161-бабы бойынша агрессиялық соғысқа шақыру немесе оны насихаттаумен айналысқан адам 3-тен 7 жылға дейін бас бостандығынан айыру жазасы кесіледі. Сондай-ақ 180-бапта (Қазақстан Республикасы тұтастығын бұзуға шақыру) бұқаралық ақпарат құралдары және әлеуметтік желілер арқылы істеген адам да 5-тен 10 жылға дейін бас бостандығынан айырылады.<img src="https://knadmin.beoblood.kz/uploads/316312280_1551867308586208_3783941327058470653_n_2aa0457bae.jpg" alt="316312280_1551867308586208_3783941327058470653_n.jpg">

Сырдарияда теолог маман түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz.</a> 24 қарашада Қазақстанның басым бөлігінде күн райын Атлантика циклоны анықтайды – жаңбыр мен қар түрінде жауын-шашын жауып, шығыста қар күтіледі, деп хабарлайды Қазгидромет.&nbsp;Республика бойынша тұман, көктайғақ, батыста, солтүстік-батыста, солтүстікте, оңтүстікте және оңтүстік-шығыста жел күшейеді. Елдің солтүстігі мен солтүстік-батысында бұрқасын болады.

24 қарашаға арналған ауа райы болжамы

&nbsp;<a href="https://kyzylorda-news.kz/">Kyzylorda-news.kz.</a> Бүгін Қызылорда облысы прокурорының орынбасары Мырзабаев Бахытжан Абдужаппарұлының төрағалығымен «Қазақстан Республикасының Прокуратурасы туралы» Конституциялық Заңын талқылау және қылмыстық процесте адамдардың құқықтары мен бостандықтарын қорғау бағытында жедел мәжіліс өткізілді.&nbsp;Жедел мәжіліске облыстық адвокаттар алқасының төрағасы Даубалаев Мейрбек Тилләбекұлы мен алқа мүшелері қатыстырылды.&nbsp;Мәжіліс барысында қылмыстық қудалау органдарымен сотқа дейінгі тергеп-тексеруді ұйымдастыру барысында туындаған мәселелер талқыланып, азаматтардың құқықтарын қорғау бағытында іс-шаралар белгіленді. Атап айтқанда, адамдардың қылмыстық қудалау органдарына негізсіз жеткізілуін болдырмау, жеткізу мен ұстап алу кезінде Қылмыстық процестік кодекстің талаптарының сақталуын қамтамасыз ету және азаматтарды білікті заң көмегімен қамтамасыз бағытында бірлесіп әрекет жасау мәселесі көтерілді.&nbsp;Сонымен қатар «Прокуратура туралы» Конституциялық Заңының ерекшеліктері талқыланды. Нақтылағанда, қазіргі заманғы сын-қатерлер прокуратураның құқық қорғау әлеуетін күшейтуді және жоғары қадағалау органын жаңғыртуды, прокурорлар қызметінің нығайтуды талап етеді. Осыған сәйкес «Прокуратура туралы» Конституциялық заңда заңдылықты сақтауды неғұрлым тиімді қамтамасыз етуде, азаматтардың құқықтары мен бостандықтарын, бизнестің, қоғам мен мемлекеттің мүдделерін қорғауға және қалпына келтіруге мүмкіндік беретін құралдар мен тетіктер бекітілді.&nbsp;Конституциялық заңға сәйкес Бас Прокурордың Конституцияға ресми түсіндіру бойынша Қазақстан Республикасының Конституциялық Сотына өтініш жасау өкілеттігі берілген. Бұдан бөлек, прокурор актілерінің жүйесі қылмыстық қудалау саласындағы актілермен толықтырылып, прокурорлық қадағалау актілерінің жүйесі кеңейтілді. Бұл актілер азаматтардың құқықтарын, қоғам мен мемлекеттің мүдделерін жылдам қорғау мақсатында қолданылатын болады.&nbsp;Конституциялық заң жобасы тұтастай алғанда елдегі заңдылықты қамтамасыз ету жөніндегі міндетті шешуге бағытталған.<figure class="image"><img src="https://knadmin.beoblood.kz/uploads/Whats_App_Image_2022_11_23_at_18_55_39_1_a667e8df6e.jpeg" alt="WhatsApp Image 2022-11-23 at 18.55.39 (1).jpeg"></figure>

Қызылорда облыстық адвокаттар алқасының қатысуымен жедел мәжіліс өтті

<a href="https://kyzylorda-news.kz/">Kyzylorda-news.kz.</a> Қазақстан Республикасының Президенті Қасым-Жомарт Тоқаевтың 2022 жылғы 3 наурыздағы «Әкімдердің халықпен кездесулерін өткізу туралы» Жарлығына сәйкес, Жалағаш ауданы әкімі Асқарбек Есжановтың елді мекендер халқымен кездесуі Мәдениет, Мырзабай ахун ауылдарында жалғасты.Алдымен атқарылған жұмыстарды саралап, алдағы мақсат-міндеттерге кезек берген Асқарбек Есжанов бір сәт елдің талап-тілегіне де құлақ түрді. Жалпы, жиынға келген ауыл тұрғындарының қарасы көп көрінді. Кездесу бұрынғыдай күмәнді статистикаларды баяндаудан емес, жаңа форматта, яғни сұрақ-жауап ретінде өтті. Бұл жолы сөзді ауыл тұрғындары алып, көкейінде жүрген сұрақтарын қойып, татымды жауаптарын да алды. Әрине, аймақ басшысы бірінші атқарылған жұмыстар бойынша тоқталып өтіп, алдағы жасалатын жұмыстардың барысымен ауыл тұрғындарын таныстырып, жоба жоспарларымен де бөлісті.Кездесуде мәдениеттік ардагерлер жарық, аяқ су секілді біршама мәселені сөзіне арқау етті. Асқарбек Темірбекұлы көтерілген мәселелерге алдағы уақытта жұмыс жасалатынын жеткізді, тиісті сала басшыларына нақты тапсырмалар берді.Мәдениет ауылында алдағы жылы біршама жоба жүзеге асады. Жиында халық көтерген аяқ су мәселесіне жұмыс жасалады, бұл бір. Мұнан бөлек ауылдағы ауыз жүйесі кеңейтіледі. Ал халық айтқан көшелердің жарық мәселесі де 2023 жылы шешімін табады. Алдағы жылы ауылдағы 3 көшенің сапасына қатысты сметалық құжаттың әзірленетіні де мұндағы елдің еңсесін бір көтерді. Ал жарық, аяқ су, жол, жалпы тоқсан сайын халық көтерген мәселелер бүгінге дейін шешімін тауып келеді.Кездесу соңында ауыл ардагерлері аудан әкіміне батасын беріп, жұмысына жоғары баға берді.Мырзабай ахун ауылында халықпен кездесу ауылдағы білім ошағында өтті. Ауылдағы мәдениет үйінің жоқтығы, емхана мәселесі осыған дейін де тұрғындардың талап-тілегіне арқау болған. Бүгін аудан әкімі Асқарбек Есжанов қос мәселеге нүкте қойды. Яғни келер жылы Мырзабай ахунда ауылдық емхананың іргетасы қаланады. Ал 2024 жылы ахун атындағы ауылда мәдениет үйі бой көтереді.Мұнан бөлек Мырзабай ахун атындағы ауылда келер жылы толықтай электр желісі жаңартылады. Бұл жобаға ел қазынасынан 127,1 млн теңге, облыстық бюджеттен 14,1 млн теңге қаралып тұр.Биыл да Мырзабай ахун ауылында елдің талап-тілегіне біршама жұмыс жасалды. Бірнеше көшенің сапасына мән берілді, ауылдағы спорт алаңы жаңартылды. Ал жарық, аяқ суға қатысты да мәселелер кезең-кезеңімен жүзеге асты.Бұл ауылда жергілікті халық тарапынан көп мәселе де айтылмады. Себебі аудан басшысы тізбектеген келер жылдың еншісіндегі жобалар тұрғындардың көкейінде жүрген түйткілді мәселе екен. Бұйыртса Мырзабай ахун атындағы ауыл алдағы жылы жарқын жобалардың алаңына айналғалы тұр. &nbsp;<img src="https://knadmin.beoblood.kz/uploads/316427550_1590125518106187_949704425702677264_n_eaf8f3b9b5.jpg" alt="316427550_1590125518106187_949704425702677264_n.jpg">

Асқарбек Есжанов: 2024 жылы Мырзабай ахун атындағы ауылда мәдениет үйі бой көтереді

<a href="https://kyzylorda-news.kz/">Kyzylorda-news.kz.</a> Шиелі ауданы әкімдігінің мәжіліс залында міндетті әлеуметтік медициналық сақтандыру жүйесінің артықшылықтары тақырыбында жиын өтті.&nbsp;Жиынды Шиелі ауданы әкімінің орынбасары Болат Ысмағұлов ашып, жүргізді. Сондай-ақ, жиынға арнайы Қызылорда облыстық денсаулық сақтау басқармасы басшысының орынбасары Жангелді Шайымбетов, Әлеуметтік медициналық сақтандыру қорының Қызылорда облысы бойынша филиалының бөлім басшысы Абылайхан Рахымов қатысты.&nbsp;Алғаш болып сөз алған облыстық денсаулық сақтау басқармасы басшысының орынбасары Жангелді Шайымбетов облыста денсаулық саласында ауқымды істер атқарылып жатқанын айтып, алдағы жоспарларымен бөлісті. Атап айтар болсақ, Шиелі ауданындағы ауданаралық аурухананы көп бейінде ауруханаға айналдырып, барлық қажетті құрал-жабдықтар орнату жоспарланғанын айтты.<blockquote>&nbsp;«Сондай-ақ, жылдың соңына дейін Шиелі ауданаралық аруханасына компютерлік томограф аппаратын орнатамыз», – деді Жангелді Шайымбетов.&nbsp;</blockquote>Ал, әлеуметтік медициналық сақтандыру қорының Қызылорда облысы бойынша филиалының бөлім басшысы Абылайхан Рахымов Шиелі ауданының халқын міндетті медициналық сақтандыру жүйесіне тарту қарқынды жүргізіліп жатқандығын, 2022 жылғы қаңтардағы сақтандырылмағандар саны - 11 мың 978 болса, ал қараша айындағы сақтандырылмағандар саны – 11 мың 562-ге дейін кемігенін айтты. Осы бағытта ауылдық округ әкімдеріне түсіндірме жұмыстарын көбейту тапсырылды.<figure class="image"><img src="https://knadmin.beoblood.kz/uploads/316689057_1447855639078224_133409226216190200_n_515b02ffb6.jpg" alt="316689057_1447855639078224_133409226216190200_n.jpg"></figure>

Шиелі ауданында МӘМС жүйесінің артықшылықтары түсіндірілді

<a href="https://kyzylorda-news.kz/">Kyzylorda-news.kz.</a> Қаржылық қолжетімділік пен инклюзия деңгейін арттыру шеңберінде Агенттік мүгедектігі бар адамдардың (бұдан әрі - МБА) және халықтың қауқары аз топтары (ХҚАТ) өкілдерінің қаржылық қызметтер мен өнімдерді тұтынуы үшін кедергісіз және ыңғайлы орта құру мәселелеріне көп көңіл бөледі.Осыған байланысты Агенттіктің негізгі жұмысы 3 негізгі бағытты іске асыруға шоғырланған:1) МБА мен ХҚАТ үшін іс жүзіндегі және ақпараттық қолжетімділік бойынша қаржы ұйымдарына арналған әдіснамалық база қалыптастыру;2) МБА мен ХҚАТ құқықтарын, оның ішінде қаржы өнімдері мен қызметтерін пайдалану кезіндегі алаяқтық әрекеттерден қорғау жөніндегі шараларды әзірлеу;3) МБА мен ХҚАТ-қа қаржылық қолжетімділік және инклюзия бойынша Агенттіктің қабылдайтын шаралары туралы ақпарат беру.2020 жылы әдіснамалық база әзірлеу үшін Агенттікте Қазақстан Республикасында қаржылық инклюзияны дамыту жөніндегі мамандандырылған орган – Мүгедектігі бар адамдар үшін қаржылық қызметтердің қолжетімділігі деңгейін және сапасын арттыру мәселелері жөніндегі жұмыс тобы құрылды. Жұмыс тобының құрамына Парламент Мәжілісінің депутаттары, адам құқықтары жөніндегі сарапшылар, МБА мүдделерін білдіретін қоғамдық бірлестіктердің, «Қазақстан қаржыгерлерінің қауымдастығы» ЗТБ (бұдан әрі – ҚҚҚ) мүшелері мен қаржы ұйымдары кірді.Жұмыс тобы Еңбекминімен бірлесіп, барынша көп сұранысқа ие қаржылық қызметтерді айқындау үшін МБА өкілдеріне сауалнама жүргізеді. Өткен жылғы сауалнама нәтижелері бойынша МБА-ның қаржылық қызметтерді алуларына кедергі келтіретін факторлар анықталды. Қаржы ұйымдары үшін әдіснамалық базаны қалыптастыру үшін және сауалнаманы талдау, сондай-ақ қаржылық инклюзия саласындағы халықаралық тәжірибені зерделеу негізінде Агенттік Әдістемелік ұсынымдардың екі түрін әзірледі:қаржылық қызметтерді ұсыну және мүмкіндігі шектеулі адамдарға қызмет көрсету бойынша қаржы нарығының ұйымдары үшін – банктер мен МҚҰ бөлімшелерінің іс жүзінде қолжетімді болуы;МША адамдарға ақпараттың қолжетімді болуын қамтамасыз ету бойынша – қаржы ұйымдарының сайттары мен мобильдік қосымшаларын бейімдеу.Әдістемелік ұсынымдардың қолданылуын және оларды қаржы ұйымдарының іс жүзінде қолдануын күшейту үшін Агенттік «Қазақстан Республикасының аумағында мүгедек адамдарға және халықтың қауқары аз топтарына қаржылық қызмет көрсету және оларға қызмет көрсету жөніндегі қағидалар жиынтығын» әзірледі.Орта мерзімді перспективада Қағидалар жиынтығы негізінде мемлекеттік, сондай-ақ жекеменшік барлық объектілер үшін Әлеуметтік стандартты әзірлеу жоспарлануда.Реттеуші мен қаржы ұйымдары арасындағы тиімді өзара іс-қимылды қамтамасыз ету үшін Агенттік, Қайрат Иманәлиев атындағы мүмкіндігі шектеулі адамдардың құқықтары жөніндегі комиссия, ҚҚҚ және қаржы ұйымдары арасында Ынтымақтастық туралы меморандумға қол қойылды. Құжат мүгедектігі бар адамдардың қаржы ұйымдарының объектілеріне, қызметтері мен өнімдеріне теңдей қолжетімділігін қамтамасыз етуге, сондай-ақ МБА мен ХҚАТ құқықтарын, оның ішінде қаржы өнімдері мен қызметтерін пайдалану кезіндегі алаяқтық әрекеттерден қорғау жөніндегі шараларды әзірлеуге бағытталған.МБА мен ХҚАТ құқықтарын қаржылық өнімдер мен қызметтерді пайдалану кезінде алаяқтық әрекеттерден қорғау мақсатында Агенттік мүгедектігі бар адамдар мен қарттарды алаяқтардың әрекеттерінен қосымша қорғауды қамтамасыз ететін «Екінші қол» сервисін енгізу бойынша әдістемелік ұсынымдар әзірледі.«Екінші қол» сервисін әзірлеудің алғышарттары алаяқтықтың әртүрлі түрлерінің өсуі және азаматтардың қашықтықтан қаржылық қызметтерді алуы кезінде әлеуметтік инженерия элементтерін қолдану болды. Әсіресе халықтың әлеуметтік осал топтарына жататын азаматтар – мүгедектігі бар адамдар, қарт адамдар және халықтың қауқары аз топтарының басқа да өкілдері қорғауды талап етеді.Анықтама үшін: Қайрат Иманәлиев атындағы мүмкіндігі шектеулі адамдардың құқықтары жөніндегі комиссия» ҚБ деректері бойынша&nbsp; мүгедектігі бар адамдардың әрбір екінші өкілі интернет мен ұялы байланысты пайдаланумен байланысты алаяқтық шабуылдарға ұшырайды. Яғни, мүгедектігі бар адамдардың шамамен жартысы соңғы уақытта қашықтан қаржылық қызметтер көрсетудің дамуы аясында жиі қолданылатын онлайн-алаяқтыққа тап болған.Көмекші цифрлық арналарды қолдану арқылы жоспарланған операциялар туралы хабарлама алып, оларды растау және бас тарту мүмкіндігіне ие болады деген болжам бар. Егер ол қандай да бір ерекше белсенділікті байқаса, онда ол еріп баратын адамнан не болып жатқанын анықтай алады, және алаяқтық анықталған кезде оны операция жасаудан бас тартуға көндіре алады. «Екінші қол» білетін операциялардың қатарына үшінші тұлғалар мен компанияларға жасалатын аударымдар ғана емес, сонымен қатар кредиттер мен карталарды ресімдеу, салымдар не шоттарды жабу, валюта айырбастау және инвестициялық қызметтер кіреді. Банктер мен МҚҰ-ға еріп баратын адамдардың шоттарындағы қаражаттың көлемі мен ақшаның түсуі туралы ақпаратты көмекшілерге жария етуге кеңес берілмейді. Сервисті қосуға клиенттің өзі ғана бастамашы бола алады, ал мұндай қызметті өшіруге сұрату алған кезде банктер мен МҚҰ-ға өтінішті ықтимал алаяқтық тұрғысынан тексеру ұсынылады.2023 жылғы шілдеден кешіктірмей Әдістемелік ұсынымдарды кредиттік ұйымдарда апробациядан өткізгеннен соң жарты жыл өткеннен кейін Агенттік нормативтік-құқықтық актілерге қажетті өзгерістер әзірлейді.МБА мен ХҚАТ-қа қаржылық қолжетімділік пен инклюзия бойынша Агенттік қабылдап жатқан шаралар туралы хабарлау, қаржы ұйымдары бөлімшелерінің МБА мен ХҚАТ-қа бейімделген инфрақұрылымы туралы өзекті ақпаратты орналастыру мақсатында «Мүмкіндігі шектеулі адамдарға арналған банк бөлімшелерінің қолжетімділік картасы» қолданылады. Онда Астана, Алматы мен Шымкент сияқты республикалық маңызы бар үш қаладағы мүгедекті бар адамдарға бейімделген 204 банк бөлімшелері ұсынылған. Бұл бөлімшелерде халықаралық стандарттарға сәйкес келетін жабдықталған пандустар, ерекше қажеттіліктері бар клиенттермен жұмыс істеу үшін арнайы оқудан өткен менеджерлерді шақыру батырмалары бар.3 банк (Bereke Bank, Kaspi.kz, ЦентрКредит Банкі) Алматы қаласында толығымен инклюзивті бөлімшелер құрды. Алдағы екі жыл ішінде Әлеуметтік стандарт пен қаржы ұйымдарын тиісті техникалық жабдықтау қабылданған жағдайда қаржы ұйымдарының барлық бөлімшелері толығымен инклюзивті болады.<figure class="image image_resized" style="width:75%;"><img src="https://knadmin.beoblood.kz/uploads/full_shot_colleagues_working_together_23_2148476478_b732fb02a0.jpg" alt="full-shot-colleagues-working-together_23-2148476478.jpg"></figure><img src="https://knadmin.beoblood.kz/uploads/full_shot_colleagues_working_together_23_2148476478_b732fb02a0.jpg" alt="full-shot-colleagues-working-together_23-2148476478.jpg">

Агенттік қаржылық қолжетімділік пен инклюзияны кеңейту жұмысын жалғастыруда

<a href="https://kyzylorda-news.kz/">Kyzylorda-news.kz.</a> Сырдария ауданында 34 мәдениет мекемесі бар.&nbsp;Биылғы жылдың үшінші тоқсанындағы есеп бойынша Сырдария ауданында 16 мәдениет үйі мен клуб, бір жылжымалы мәдени-демалыс кешені, 17 кітапхана мен 14 халықтық ұжым жұмыс жасауда. Сонымен қатар екі театр, «Құрақтың Досжаны» атындағы ұлт-аспаптар оркестрі, «Садуақасовтар», «Сарыбаевтар» отбасылық ансамблдері, Ритм ВАА, «Балауса», «Шаттық», «Сыр гүлі» би ансамблдері, «Жадыра», «Жан шуақты», «Ақ дариға» әжелер ансамблдері, «Дала дидары» мәдени-үгіт бригадасы және «Көңіл ашар» ойын-сауық отауы бар.&nbsp;Биылғы жылы үйірмелердің жұмысын жандандыру және толықтыру мақсатында аудандық мәдениет үйі жанынан сурет салу, гитара үйрету үйірмелерін және балалар фольклорлық ансамблін құру жоспарлануда.Сонымен қатар, аудан бойынша «Сұлу-ай» және «Жадыра» шығармашылық өнер орталықтарының қолдауымен ауданға қарасты 10 елді мекенде, яғни Айдарлы, Жетікөл, Аманкелді, Бесарық, Қоғалыкөл, Шіркейлі, Н.Ілиясов, Ақжарма, Іңкәрдария, А.Тоқмағамбетов ауылдарында 4-17 жас аралығындағы балалар мен жасөспірімдерге арналған 41 шығармашылықпен айналысатын үйірмелер ашылып, 770-ге жуық бала түрлі бағыттағы үйірмелермен қамтылып отыр.&nbsp; Аудандық бюджеттен мәдениет саласы мекемелерінің материалдық-техникалық базасын нығайтуға биылғы жылдың қаңтар айында 9383,6 млн. теңге қаржы бөлініп, қажетті құрал-жабдықтар алынды. Атап айтқанда, аудандық мәдениет үйіне 2678,6 мың теңге қаржыға музыкалық дыбыс жазу студиясы толық жабдықталды. Алдағы уақытта аудандық мәдениет үйі, Іңкәрдария, А.Тоқмағамбетов, Бесарық ауылдық мәдениет үйлері мен клуб кәсіпорындарының дыбыс күшейткіш аппаратураларын жаңалауды қажет етеді.Мәдениет үйлері мен клубтар бойынша биылғы жылдың есепті кезеңіне 595 мәдени-көпшілік шаралар ұйымдастырылып, онда 77532 көрерменмен қамтылды. Сонымен бірге ҚР Президенті Қасым-Жомарт Тоқаевтың 2022 жылды – Балалар жылы деп жариялауына орай, сала бойынша есепті кезеңге 90 шара өткізілді. Оған 10256 бала қамтылды.&nbsp;Биылғы жылы облыстық «Қазақстан-Қызылорда» телеарнасымен бірлескен «Жұлдыз LIKE» телевизиялық жобасы, Сырдария ауданының Құрметті азаматы, мәдениет саласының ардагері Жантемір Айсиннің 70 жылдығына арналған «Жайық пен Сырдың сырбазы» атты кездесу кеші, аудандық мәдениет үйі жанынан құрылған «Ритм» халықтық вокалды аспапты ансамблінің құрылғанына 50 жыл толуына орай «Сыр әуендері» атты облыстық вокалды аспапты ансамблдердің байқауы өтті. Сондай-ақ композитор, ҚР еңбек сіңірген қайраткері, «Құрмет» орденінің иегері Рамазан Таймановтың әндерін орындаушылардың «Қазақ қызы» атты республикалық ән байқауы, Сыр сүлейі, ақын Тұрмағанбет Ізтілеуұлының шығармашылығына арналған «Назым сөздің шебері» атты облыстық термешілер байқауы өтті. Сонымен қатар ұстаз, ағартушы, қоғам қайраткері Ахмет Байтұрсыновтың 150 жылдығына арналған «Ғасыр саңлағы» атты аудандық мүшәйра ұйымдастырылды. Оған қоса, жастар арасында «Жайдарман» сайыстары мен басқа да түрлі форматтағы мәдени шаралар ұйымдастырылып келеді.Есепті мерзімге сала мамандарының бір-бірімен тәжірибе алмасу мақсатында Айдарлы және Тереңөзек кенті мәдениет үйінде екі рет «Үйірме – өнерге бастар жол» атты аудандық семинар ұйымдастырылды.Аудандық орталықтандырылған кітапханалар жүйесінде 17 кітапхана жұмыс жасайды. Жүйеге қарасты кітапханалардың сандық көрсеткіштеріне келетін болсақ, оқырмандар саны биылғы жылдың есепті кезеңіне 15873, кітап берілімі – 271357, келушілер саны – 171963-ті құрап отыр. Қазіргі таңда 17 кітапханада 432481 кітап қоры бар, оның барлығы да электронды катологқа енгізілген. Есепті кезеңге кітапханаға 513 дана кітап алынып, оған 896 514 мың теңге қаржы жұмсалды. «Рабис» бағдарламасы бойынша электронды каталогқа 425166 дана кітап түсірілді. Бұл кітап қорының 98,9 пайызын құрап отыр. Кітапхана бойынша 3447 дана кітап, 751086 бет сандық форматқа енгізілді.Аталған саланың бір парасы тарихи-мәдени ескерткіштер. Бүгінде аудан бойынша 58 тарихи-мәдени ескерткіш мемлекет қорғауына алынған. Оның ішінде 4-і республикалық маңызы бар. Атап айтар болсақ, Мүлкалан кесенесі, ХҮІ ғасыр, Сырлытам кесенесі, ХІІІ ғасыр, Асанас кесенесі, ХҮІІ ғасыр, Қожан қожа кесенесі, ХҮІІІ ғасыр. Сондай-ақ 14 жергілікті маңызы бар және 40 ескерткіш алдын-ала тізімге алынған. Аудандағы 58 ескерткіштің 15-і археологиялық, 43-і қала құрылысы және сәулет ескерткіші болып бөлінеді.<figure class="image"><img src="https://knadmin.beoblood.kz/uploads/b9ba434243f3352d2360f9b6074af26c_original_162301_b3d02486e6.jpeg" alt="b9ba434243f3352d2360f9b6074af26c_original.162301.jpeg"></figure>

Қазақстан және Қызылорда облысының жаңалықтары