<a href="https://kyzylorda-news.kz/">Kyzylorda-news.kz.</a> Жалағаш ауданының кәсіпке бейімделуі де, тыныс-тіршілігі де соңғы жылдары ілгерілеп келе жатқанын айтып келеміз. Олай дейтін себебіміз, өзін-өзі жұмыспен қамтуға ниетті аудан тұрғындарының қатары өскен. Бұрын өңір азаматтары үшін тек мал шаруашылығы кәсіп болса, қазіргі таңда кәсіптің саналуан түрі жұмысын жасауда. Солардың бірі – құрылысқа қажетті пластик есік-терезелер шығаратын «Нұр-Нұр Plast» кәсіпорны.Кәсіпорын басшысы Нұржан Узбаевтың өзі де бұрын пластик есік-терезелер шығаратын цехта жұмыс жасаған. Жұмыста жиған тәжірибесі оның кәсіп бастауына айтарлықтай сеп болғанын жасырмайды. Қазір өзінің де бұл салада іс бастағанына 10 жылдан асыпты. Содан бері аудан орталығындағы «Нұр-Нұр Plast» кәсіпорны үздіксіз халыққа қызмет етіп келеді.Мұнда негізінен шикізат облыс орталығынан жеткізіледі екен. Қазіргі таңда 4 адамды жұмыспен қамтып отырған өндіріс ошағының өніміне сұраныс жоғары.Иә, қазір құрылыс маусымы сәл бәсеңдегенін білеміз. Жалпы, жаз басталғаннан қазан айының ортасына дейін құрылыс тоқтамайды. Пластик есік-терезелер әзірлейтін кәсіпорындар тауарының өтімдірек болатын тұсы да осы. Алайда, Нұржан өткен қыста да шағын цех жұмысы тоқтамағанын айтады. Демек, тапсырыс мол, ал оның бәрінің сұранысын қамтамасыз ету үшін, әлбетте кәсіпорын көкжиегі кеңею керек.Кезінде қолда бар азын-аулақ қаражатпен жұмысын бастап кеткен шағын цехтың бүгінде шаруасы ширақ. Нұржан Узбаев бастапқыда мұнда құрал-саймандардың тапшылығы еңбек өнімділігіне айтарлықтай қолбайлау болғанын айтады. Алайда, бұл мәселені шешуде кәсіпкерлікті қолдауға бағытталған мемлекеттік бағдарламалардың үлкен көмегі болыпты.<blockquote>«Қолда бар қаражатпен цех ашып, жұмысты бастап кеттік. Алайда мұнда өнім шығаруда арнайы аппараттардың жоқтығынан біз тапсырыс көлемін қысқартуға мәжбүр болдық. Кейін мемлекеттік бағдарламамен 2 млн теңге шағын несие алып, цехты арнайы құрал-жабдықтармен жарақтадық. Қазір барлық тапсырысты қамтамасыз етуге цех қауһарлы. Біздің өнімге сұраныс та жоғары. Шикізат негізінен Қызылорда қаласынан келеді. Мұндағы мамандардың барлығы осы салада шираған кәнігі қызметкерлер. Бұйыртса, кәсіпорын көкжиегін кеңейту жоспарда бар. Себебі тапсырыс уақыт өткен сайын еселенуде. Ал оның барлығын қамтамасыз ету үшін біз өндіріс ошағының өрісін кеңейтуіміз керек», – дейді кәсіпорын басшысы.</blockquote>Расында, тапсырыс мол, көліктің бірі келіп, бірі кетеді. Бірі жаңа баспанасына жаңа есік-терезелерге тапсырыс берсе, енді бірі көне қоныстағы есік-терезелерін жаңарту қамымен келген. Өндіріс ошағының ғимараты тым шағын. Бір ғана аядай бөлмеде шикізат сақталады, өнім де сол жерде әзірленеді. Нұржан Узбаев бұйыртса, өзі тұратын үйінің жанынан үлкен ғимарат салып, цехты сонда көшіруге талап қылып отыр. Бірақ оған әдеттегідей қаржы тапшылығы қолбайлау болған көрінеді. Мемлекеттік бағдарлама көмегіне де жүгінудің кемі жоқ. Алайда, әдеттегідей шағын несиеге қол жеткізу қазір мұң болып тұр.<blockquote>«Мемлекеттік бағдарламамен пайыздық үстемақысы субсидияланған несиеге құжаттар тапсырдық. Бірақ несиенің әзір болатын түрі жоқ. Тапсырыс өздеріңіз көріп тұрғандай, біздегі өнімге сұраныс жоғары. Өзіміз тұратын үй ауласынан үлкен ғимарат салу жоспарда бар. Егер несие шығып жатса, бұл жоспарды жүзеге асырамыз. Иә, сіздер қыста құрылыс тоқтайды деп, біздің жұмысқа маусымдық деп баға беретін шығарсыздар. Алайда олай емес, шағын цех жұмысы 4 мезгіл тоқтамайды», – дейді кәсіпкер.</blockquote>Кәсіпорын басшысының алдағы жоспары көп, егер шағын несие шығып жатса, мұндағы аппараттарды да жаңалауға ниеттеніп отыр. Мәселен, шағын цехтағы кескіш құралының өзі 2 қызмет атқарса, оны 5-6 функцияны бір өзі жүзеге асыратын алып аппаратқа алмастырмақ. Мұндағы пластик есік-терезеге арналған үтік те дәл осындай. Мәселен, мұндағы үтікпен әр терезенің бұрышын әлгі аппаратқа салып тегістігін қамтамасыз етсең, қабырғаға орнатылған үтікпен есік-терезенің 4 бұрышын бір-ақ шығарасың. Бұл аппараттың бір өзі 2,5 млн теңге тұрады екен.Қазір кәсіп бастауға дем беретін мемлекеттік бағдарламалар жетерлік, алайда жұмыс жасап тұрған осындай кәсіпорындар жұмысының ширауына һәм өрісінің кеңеюіне де көңіл бөлген жөн секілді. Бастысы, шағын цехтың бас-шысында талап бар, өнімге де сұраныс мол. Ал оның бәрін қамтамасыз ету үшін және кәсіпорын көкжиегін кейтуге тағы да қаржылай қолдау қажет. &nbsp;<img src="https://knadmin.beoblood.kz/uploads/dsc0263_2048x1367_10a56f7f73.jpg" alt="dsc0263-2048x1367.jpg">

Жалағаш ауданы: Кәсіпкерліктің көкжиегі кеңейіп келеді

<a href="https://kyzylorda-news.kz/">Kyzylorda-news.kz.</a> 2022 жылғы 9 қарашада «ҚазМұнайГаз» ҰК АҚ-тың IPO-на қатысу үшін өтінімдерді қабылдау басталады. Институционалдық инвесторлар 2022 жылғы 30 қарашаға дейін, ал бөлшек инвесторлар 2022 жылғы 2 желтоқсанға дейін өтінім бере алады.«ҚазМұнайГаздың» шығарылған және орналастырылған акцияларының 90,42%-ы тиесілі «Самұрық-Қазына» ҰӘҚ сатуға қағаздардың жалпы көлемінің 5%-на дейін немесе шамамен 30 505 974 жай акцияны ұсынуға ниетті. Қордың ақпараты бойынша, IPO өткізу кезінде мұнай және газ өндіру операторының жай акциясының бағасы 8 406 теңгені құрайды.«ҚазМұнайГаз» ҰК АҚ компаниясының тең иесі бола алатын және одан ақша таба алатын жеке тұлғалар – бөлшек инвесторларға басымдық берілетін болады. Дивидендтік кіріс алу үшін инвестор акцияларды сатып алып, оларды өз портфелінде ұстауға тиіс.Бағалы қағаздарды қалай сатып алуға болады?Азаматтар акцияларды шығарған компаниядан оларды тікелей сатып ала алмайды. Ол үшін ҚР Қаржы нарығын реттеу және дамыту агенттігінің лицензиясы бар инвестициялық делдалдарға,мысалы, брокерлер мен дилерлерге жүгіну қажет.Брокерлердің тізімімен қаржы реттеушісінің www.gov.kz сайтында танысуға болады. Агенттіктің интернет-ресурсында көрсетілген инвестициялық делдалдың деректемелері брокердің лицензиясындағы деректемелермен сәйкес келуге тиіс екеніне назар аударыңыз. Егер сіз бағалы қағаздарды тұрақты түрде сатып алу/сату бойынша одан әрі операцияларды жүзеге асырғыңыз келсе, қор нарығы бойынша талдамалық материалдарды да алғыңыз келсе, онда брокерлерге хабарласыңыз. Көптеген брокерлер қызметтерінөз клиенттеріне веб-сайттар және/немесе мобильді қосымшалар арқылы ұсынады. Бірақ брокермен шартқа қол қоймас бұрын, кейбір жағдайларды зерттеп алыңыз – ол туралы мына жерден оқыңыз. Брокер туралы басқа клиенттердің пікірлерін, БАҚ пен интернеттегі өзге де жарияланымдарды да зерделеу қажет.Азаматтарға ыңғайлы болу үшін кейбір қаржы ұйымдары биржадағы компаниялардың акцияларын өздерінің мобильді қосымшалары арқылы, шот ашып, оны толтыру, қағаздарды сатып алу-сату, соманы өз шоттарының арасында конвертациялау және басқа да мүмкіндіктермен сатып алуды ұсынады.Акцияларды сатып алудың тағы бір тәсілі «Астана» халықаралық қаржы орталығының (АХҚО) Tabys мобильді қосымшасының «Тікелей жазылу» бөлімі болып табылады, ол акцияларды бірден сатуды жоспарламағандарға немесе брокерлік шотты кейін ашқысы келетіндерге арналған. Акцияларды кейіннен сату үшін брокерде шот ашу қажет болады. Тікелей жазылу шеңберінде клиенттің шоты АХҚО-ныңОрталық депозитарийінде (AIX CSD) ашылады.Интернеті үнемі бола бермейтін,еліміздің шалғай өңірлерде тұратын инвесторлар «Қазпошта» АҚ-қа жүгіне алады. Пошта операторы қаржы реттеушісінің тиісті лицензиясы негізінде мынадай:-брокердің («Қазпошта»-да шоттыофлайн ашуға болады, бірақ алдымен осы қызметке тапсырыс беруге болатын бөлімшені нақтылау қажет және post.kz веб-сайты арқылы онлайн ашуға болады);- шарт жасасу және брокерлік компаниямен одан әрі өзара іс-қимыл жасау үшін трансфер-агенттің қызметін ұсынады. Трансфер-агент – бұл өз клиенттері арасында құжаттарды қабылдау және беру қызметтерін көрсететін бағалы қағаздар нарығының кәсіби қатысушысы;- арнайы терминалдар арқылы тікелей жазылуқызметін ұсынады. Тікелей жазылымды таңдағанда (брокерлік шот ашпай) «ҚазМұнайГаз» акцияларын «Қазпоштаның» арнайы терминалдары арқылы сатып алуға болады. Өзіңізбен бірге жеке басыңызды куәландыратын құжатыңыз болу қажет.Брокерге жүгінген кезде нені білу керек?Мысалы, Қазақстанның қор биржасында (KASE) сауда-саттық жасау үшін сіз шот ашуыңыз керек. Биржаның мүшесі – брокероны бағалы қағаздарды есептеуді, есепке алуды және сақтауды жүзеге асыратын мамандандырылған ұйым–депозитарийдешарт жасалғаннан кейін ашады.&nbsp;Шот ашу үшін: - жеке басты куәландыратын құжатты ұсыну; - банк деректемелері туралы ақпаратты ұсыну; - жеке деректері бар сауалнаманы толтыруқажет.Өз брокеріңізден брокерлік шот ашу үшін қажетті құжаттар тізімін нақтылау қажет.&nbsp; Цифрлық арналар арқылы брокерлік шотты ашу үшін қашықтан идентификаттаудың заманауи тәсілдері: ЭЦҚ, SMS, серпінді немесе биометриялық идентификаттаупайдаланылады.Брокерлік шотқа ақшанысіздің ағымдағы банктік шотыңыздан да, басқа тұлғаның шотынан да аударуға болады. Сіз инвестициялардың мөлшерін акция бағасына және бағалы қағаздар санына байланысты өзіңіз анықтайсыз. Ақшаны аудару кезінде брокердің, биржаның және депозитарийдің комиссияларына жұмсалатын шығыстарды ескеріңіз, оның мөлшерін брокеріңізден алдын ала біліп алыңыз.Инвесторлардың барлық өтінімдерінен«Өтінімдер кітабы» – бұл сатып алушының деректерін және сатып алу жоспарланған акциялар саныкөрсетілген, акцияларды сатып алуға арналған өтінімдердің бірыңғай тізілімі қалыптастырылады. «Өтінімдер кітабы» ашылған және жабылған күндер туралы ақпаратты компанияның веб-сайтынан, өз брокеріңізден немесе биржалардың сайтынан алуға болады. «Өтінімдер кітабына» акцияларды сатып алуға өтінім беру жазылу кезеңінде брокер арқылы жүзеге асырылады.Қанша акция сатып алғаныңыз туралы ақпаратты сізге брокеріңіз хабарлауы керек. Әдетте брокерлер бұл деректерді есеп және көшірме-үзінді түрінде жібереді, бірақ ақпарат беру тәсілдері әр компанияда әр түрлі болуы мүмкін, сондықтан мұны да алдынала нақтылап алыңыз. Мысалы, егер сіздің шотыңызда берілген өтінімді төлеуге қаражат жеткіліксіз болса, онда өтінім «Өтінімдер кітабынан» алып тасталатынын білгеніңіз жөн. Ал ақшаны уайымдамаңыз – ол сіздің тапсырмаңыз бойынша ағымдағы банктік шотыңызға қайтарылады.Ең бастысы, бағалы қағаздарға инвестиция салмас бұрын, инвестициялық құралдың орнықты кірістілігі неғұрлым жоғары болса, тәуекелдер соғұрлым жоғары болатынын ұмытпаңыз. IPO-ға салынған инвестициялардың кірістілігі жоғары болып саналады, сәйкесінше олардағы тәуекел де жоғары болады.Алаяқтық тәуекелдерін де есте сақтаңыз: жалған брокерлер IPO-ның жүргізілуін өздерінің теріс пиғылдарына пайдаланады және әртүрлі алдау схемаларынойлап табады.Сақ болыңыз және қаржылық сауаттылығыңызды Fingramota.kz-пен бірге арттырыңыз!&nbsp;&nbsp;&nbsp;&nbsp;

«ҚазМұнайГаз»-дың IPO-на қалай қатысуға болады?

<a href="https://kyzylorda-news.kz/">Kyzylorda-news.kz.</a> Төтенше жағдай қызметі – еліміз үшін маңызды саланың бірі. Құтқарушылар кез-келген жағдайда адам өмірін қауіптен қорғап, түрлі жағдайдың алдын алады. Жауапкершілігі зор саланың қызметкерлеріне жүктелетін міндетті абыроймен атқарып келе жатқан азаматтардың бірі – Нұрлан Каримов.Құтқарушы №12 Өрт сөндіру бөлімінде 2018 жылдан бері қызмет атқарады. Қызметіне адалдық танытып, өзгелерге үлгі болып жүрген 32 жастағы өрт сөндіруші саламатты өмір салтын ұстанып, спортты жанына серік еткен.Нұрлан Салманұлы Отан алдындағы борышын Өскемен қаласында өтеп келіп, 2009 жылы «Маханшы – 2086» әскери бөлімшеде аға кинолог қызметін меңгеріп, 2010 жылы кіші сержант шенімен туған елге оралады.&nbsp;Спортқа деген әуестігі оқушы кезінде қалыптасқандықтан алғашқы жаттықтырушысы Пазылхан Абдулпаттаев Нұрланды футболдың қыр-сырына үйретеді. Жас спортшының жігерін жанып, түрлі жарыстарға апарады. Кейін жоғарғы сыныпта оқып жүргенде спорт шеберлігіне үміткер болып, футболға деген әуестігі кәсіби дағдыға айналады.<blockquote>«Бала кезімізде футболды жақсы көрмейтін жігіт болмайтын. Кешкісін спорт алаңына барып, команда құрып, футбол ойнаймыз. Ойын ережесін үйреніп, командада ойнауға машықтанамыз. Жаттығудан қалмаймыз, ойында ұтылсақ, одан сайын жігерленіп, келесі жолы басым болуға барымызды саламыз. Бала кезімнен келе жатқан хоббиім футбол десем болады. Ауданның мықты жаттықтырушылары Пазылхан Абдулпаттаев пен Бақытжан Ахметов өзіне шәкірт етті. Қазір де қызметте жүрсек те, апта сайын спорт алаңынан табылуға тырысамыз», – дейді әріптесіміз Нұрлан Каримов.</blockquote>Спорт шебері атағын 2018 жылы алған Нұрлан Салманұлы соңғы 11 жылдан бері «Тереңөзек» құрама командасында ойнайды. Сонымен қатар өрт сөндіру бөлімінде футбол командасының капитаны. Команданың жетекшісі ретінде спортшылардың жаттығуын, дайындығын қадағалайды. Футбол ойнайтын өрт сөндірушілер бірнеше жыл қатарынан Сырдария ауданы әкімінің кубогі үшін жарыста жүлдегер атанды. Команда осы уақытқа дейін 7 кубокті еншілеген.Нұрлан Каримов – әке жолын жалғаған ұл. Әкесі – Салман Каримов өрт сөндіру бөлімінде 28 жыл жұмыс істеп, командир қызметін атқарған сала ардагері. Нұрланның інісі Ғазиз де әкесі мен ағасының жолын қуған.&nbsp;Өызылордалық құтқарушының салауатты өмір салтын насихаттау жолында сүйікті ісі футболды жанына серік еткеніне жиырма жылдан асты. Осы уақыт аралығында жеңіс тұғырынан бірнеше рет көрінген спортшымыз әлі талай намысты қолдан бермесіне сенім мол.<figure class="image"><img src="https://knadmin.beoblood.kz/uploads/317618345_2182420385300134_6740376360084857320_n_ddd8082ba6.jpg" alt="317618345_2182420385300134_6740376360084857320_n.jpg"></figure>

Жауапкершілігі зор саланың қызметкері - Нұрлан Каримов

&nbsp;<a href="https://kyzylorda-news.kz/">Kyzylorda-news.kz.</a> Міндетті медициналық көмек (МӘМС) және тегін медициналық кепілдендірілген көлемі (ТМККК) аясында тегін дәрі-дәрмекке кімдер ие бола алады? Амбулаториялық деңгейде дәрі дәрмекпен қаматамасыз етуді кім және қалай алады? Бұл сұрақтарға Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.<blockquote>«Дәрілік көмек пациентке медициналық көмек алған сәттен бастап көрсетілуі тиіс. Медициналық көмек алатын пациенттер жедел-жәрдем бригадасы шыққан кезде, амбултариялық және стационар жағдайында қамтамыз етіледі.&nbsp;Ал, амбулаториялық дәрі-дәрмекпен диспансерлік есепте тұрғандар, жекелеген аурулары бар пациенттер қамтамыз етіледі. Мысалы темір тапшылығы бар фертильді жастағы әйелдер темір препараттарын ала алады. Атероклероз ауруы бар және диспансерлік есепте тұрған пациенттер өз аурулары бойынша қанды сұйылтатын дәрілер (антикоагулянттар) мен басқа да парепараттарды ала алады», - дейді Бақыт Исмаханбетов.&nbsp;</blockquote>Сондай-ақ психикалық және мінез-құлық бұзылулары бар пациенттер диспанерлік есепте тұрған пациенттер. Емделушіге рецепт бойынша дәріханада жеке басын куәларндыратын құжатты көрсеткен кезде беріледі.&nbsp;Тегін алуға болатын дәрі-дәрмектер ҚР ДСМ №75 бұйрығымен бекітілген. Аталған бұйрықпен диспансерлік есепте тұрған пациенттер және белгіленген аурулары барлар ала алады.&nbsp;<figure class="image"><img src="https://knadmin.beoblood.kz/uploads/261101979_437233131355560_2632422174624586117_n_c7465e52c6.jpg" alt="261101979_437233131355560_2632422174624586117_n.jpg"></figure><figure class="image"><img src="https://knadmin.beoblood.kz/uploads/ALO_dostupno_kaz_53ac380d82.jpg" alt="АЛО доступно каз.jpg"></figure>

МӘМС: Тегін дәрі-дәрмекті кімдер алады?

<a href="https://kyzylorda-news.kz/">Kyzylorda-news.kz.</a> Қызылорда облысы төтенше жағдайлар департаментінде елгезек, елжанды, өз ісіне жауапты жастар мен мамандар жеткілікті. Солардың бірі азаматтық қорғау капитаны Тұрсынбаев Олжас Тұрсынбайұлы. Ол Қызылорда қаласы төтенше жағдайлар басқармасында 2019 жылдан бастап қызмет атқаруда.&nbsp;Басқарманың бас маманы ретінде қызметпен қатар қоғамдық жұмыстарға да белсене атсалысушы. Сондай қоғамшылдығы үшін бірнеше рет облыстық, республикалық деңгейдегі алғыс хатпен, медальмен марапатталған.<blockquote>«Мен үшін ең биік марапат өткен жылы Төтенше жағдайлар министрінің бұйрығымен берілген «Төтенше жағдайлардың алдын алуда және жоюда үздік шыққаны үшін» медалі. Ал, анашымның шексіз қуанышын «Офицердің анасы» кеуде белгісін алғанда көрдім. Осы марапаттар маған халықтың қауіпсіздігін қамтамасыз ету жолында ел игілігі үшін аянбай тер төгуіме үлкен жауапкершілік пен зор сенім жүктеді. Бұдан бөлек өзімнің сүйікті ісім еріктілермен бірге қайырымдылықпен айналысу», - деді Олжас Тұрсынбаев.&nbsp;</blockquote>Құтқарушы «Қызылорда еріктілері» және «Ізденіс жолы» қоғамдық қоры жанынан құрылған «Глобус» еріктілер тобымен, Қызылорда «Фронт-Офиспен» бірге көмекке мұқтаж жандарға жәрдемдескен. Пандемия кезінде және одан кейінгі уақытта да ерікті қызмет атқарып келеді.&nbsp;<blockquote>«Еріктілердің қатарына қосылуымның себебі - көпбалалы отбасында дүниеге келгендіктен болар. Көпшілмін, еңбек еткенді жақсы көремін. Ата-анамыз жастайымыздан еңбекке және мейірімділікке баулып өсіргендіктен адам жанының нұры болып табылатын қайырымдылықтан ләззат аламын. Жалпы хобби кез-келген адамның психикалық денсаулығын күтуі үшін де қажет. &nbsp;Өйткені бұл сізді күнделікті қарбалас, қым-қуыт, бірқалыпты қарадүрсін қайталанып отыратын тіршілік-өмірден ажыратып, жан қалауы ұнататын нәрсені жасауға мүмкіндік береді. Оған қоса әлдекімге көмек бергенде немесе құтқару іс-шараларына атсалысқанда сол адамның жүзіндегі қуанышын көру жанымды жадыратады, мен үшін үлкен мәртебе», - дейді ол.</blockquote><figure class="image"><img src="https://knadmin.beoblood.kz/uploads/317068376_2182408121968027_6276011311007312943_n_aaf0203e43.jpg" alt="317068376_2182408121968027_6276011311007312943_n.jpg"></figure>

Қызылордалық құтқарушы еріктілер қатарында

<a href="https://kyzylorda-news.kz/">Kyzylorda-news.kz.</a> Заманауи жетістіктерге лайықты әдіс-тәсілдермен кітапхана ісін дамытуға қабілетті кітапханашыларды таныту, кітапханашылардың ауыл тұрғындарына бүгінгі күн талабына сай кітапханалық қызмет көрсетудегі біліктілігі мен кәсіби деңгейін анықтау, кітапхана ісін дамытуда кітапханашылардың жаңашылдық бастамасына қолдау көрсету, кәсіби дамуын ынталандыру, мамандық беделі мен әлеуметтік мәнін көтеру, кітапхана қызметіне әлеуметтік маңызы бар, соның ішінде оқуды насихаттауға бағытталған жобаларды ілгерлету мақсатында 30 қараша күні Адырбек Сопыбеков атындағы Жаңақорған аудандық кітапхананың, әдістемелік-библиографиялық бөлімінің ұйымдастыруымен «Үздік кітапханашы – 2022» атты кәсіби шеберлік байқауына 16 үміткер қатысты.Байқау шартына сәйкес кітапханашының шеберлігін айқындайтын «Жаңа ой, жаңа қадам, жаңа талап», «Мен кітапханашымын», «Ұшқыр ой, ұтымды жауап», «Білікті маман – креативті жоба», «Мен өлкемді жырлаймын» атты бағыттар бойынша өзара бақ сынасып, нәтижесінде бас жүлде және үздік кітапханашы статусын №1 кенттік кітапхананың кітапханашысы Ұ.Иманбаева, 1 орынды аудандық орталық кітапхананың кітапханашысы М.Кадирбергенова, 2 орынды №2 кенттік кітапхана, Қосүйеңкі, М.Нәлібаев ауылдық кітапханаларының кітапханашылары Қ.Айдосова, Ж.Дүкенбаева, П.Әлжановалар алса, 3 ші орынды аудандық балалар кітапханасы, Ақсуат, Бесарық бекеті, Еңбек, Құттықожа, Талап бекеті ауылдық кітапханаларының кітапханашылары М.Бибасарова, Г.Қасымбекова, С.Акимов, Д.Айдарова, Н.Ахметовалар алса, «Көрермен көзайымы» номинациясымен Келінтөбе ауылдық кітапханасының кітапханашысы Р.Уалишерова, " Шешен тілді кітапханашы" номинациясымен Түгіскен ауылдық кітапханасының кітапханашысы А.Көшербаев, «Жігерлі кітапханашы» номинациясымен Жаңарық ауылдық кітапханасының кітапханашысы Р.Мырзабаева, «Ең көңілді кітапханашы» номинациясымен С.Сәруаров, «Шығармашыл кітапханашы» номинациясымен Шалхия ауылдық кітапханасының кітапханашысы Е.Мәді марапатталды.Байқау қатысушыларының барлығына диплом, алғыс хаттармен қатар бағалы сыйлықтар табысталды.Сондай-ақ, аудандық мәслихат депутаты Төлегенов Бақытжан, Жаманбай батыр ауылының әйелдер кеңесінің төрайымы Рысжан Төлепбергенова және Жаңақорған кентінде орналасқан, «Ардақ, Беркут» сұлулық салондарының иелері байқау қонағы болды. &nbsp;<img src="https://knadmin.beoblood.kz/uploads/316834949_1527874614348196_5188574737537123713_n_2c24073bd5.jpg" alt="316834949_1527874614348196_5188574737537123713_n.jpg"><img src="https://knadmin.beoblood.kz/uploads/316950842_1527876057681385_7935910099764934098_n_091e4b12c7.jpg" alt="316950842_1527876057681385_7935910099764934098_n.jpg"><img src="https://knadmin.beoblood.kz/uploads/315721747_1527875677681423_2052938744299435199_n_b2dd597734.jpg" alt="315721747_1527875677681423_2052938744299435199_n.jpg"><img src="https://knadmin.beoblood.kz/uploads/316685357_1527875031014821_6195259193013412875_n_321ceb29fb.jpg" alt="316685357_1527875031014821_6195259193013412875_n.jpg">

Жаңақорған: «Үздік кітапханашы – 2022» атты аудандық байқау өтті

<a href="https://kyzylorda-news.kz/">Kyzylorda-news.kz.</a> Қорқыт Ата атындағы Қызылорда университетінің «Шоқайтану» ғылыми орталығында «Сыр өңіріндегі саяси қуғын-сүргін: зерттелуі және мәселелері» атты республикалық ғылыми-практикалық конференция өтті.&nbsp;Конференцияға Қожа Ахмет Ясауи атындағы Халықаралық қазақ-түрік университетінің профессоры, тарих ғылымдарының докторы, саяси қуағын-сүргін құрбандарын ақтау жөніндегі Түркістан облыстық комиссиясының мүшесі Хазіретәлі Тұрсын, онлайн байланыс арқылы А.Байтұрсынов атындағы Қостанай өңірлік университетінің «Қазақстан тарихы» кафедрасының меңгерушісі, философия докторы Рауан Байдалы, облыстық комиссия мен жұмысшы топтың мүшелері, жоғары оқу орындарының ғалымдары, тарихшы мұғалімдер, магистранттар мен студенттер, бұқаралық ақпарат құралдарының өкілдері және онлайн байланыс арқылы аудандық жұмысшы топ мүшелері мен зиялы қауым өкілдері қатысты.&nbsp;Аталған жиында облыстық қоғамдық даму басқармасының басшысы Мира Қазбекова «кез келген ел үшін басты құндылық – ұлттық бірлік, ынтымақ және тұтастық. ХХ ғасыр басында осы құндылықтарды ту еткен ұлт зиялыларының үлкен шоғыры қалыптасты. Олардың есімін ұлықтау, кейінгі ұрпақтың парызы», - деп атап өтті.&nbsp;Ғалымдар саяси қуғын-сүргіннің жазықсыз құрбаны болған, сотсыз немесе тергеусіз атылған, аштық кезінде елден кетуге мәжбүр болған босқындар және тарихымыздың басқада ашылмаған ақтаңдақ беттеріне жүргізілген зерттеу жұмыстарының нәтижесінде анықталған деректер негізінде баяндамалар жасады.&nbsp;Конференция барысында облыстық жұмысшы тобының атқарған жұмыстары қорытындыланып, алдағы міндеттері пысықталды. Алдағы уақытта жүйелі зерттеу жұмыстары өз жалғасын табады.<figure class="image"><img src="https://knadmin.beoblood.kz/uploads/317642600_1677592345969604_3967747513345339637_n_122d20c161.jpg" alt="317642600_1677592345969604_3967747513345339637_n.jpg"></figure>

Мира Қазбекова: Басты құндылық – ұлттық бірлік, ынтымақ және тұтастық

<a href="https://kyzylorda-news.kz/">Kyzylorda-news.kz.</a> Қызылорда облыстық қоғамдық даму басқармасының ұйымдастыруымен мемлекеттік тілдің қолданыс аясын кеңейту және іс қағаздар мен көрнекі ақпараттарды мемлекеттік тілде қолдану қағидаттарын сақтауға бағытталған «Мемлекеттік тіл және аударма мәселелері» атты семинар өтті.&nbsp;Жиынға облыстық қоғамдық даму басқармасы басшысының орынбасары Артур Қамбаров, облыстық басқармалар мен аумақтық департаменттердің тілге жауапты мамандары, «Халықаралық «Қазақ тілі» қоғамы» қоғамдық бірлестігі Қызылорда облыстық филиалының өкілдері, жарнама агенттіктері, тіл жанашырлары мен БАҚ өкілдері қатысты.Аталмыш семинарда облыстық қоғамдық даму басқармасы басшысының орынбасары Артур Қамбаров қазақ тілі ұлттық сана қалыптастыруда басты құрал екенін айтып, мемлекеттік тілдің маңыздылығына барша азаматтардың жауапты екенін тілге тиек етті. Сонымен қатар облыстық қоғамдық даму басқармасының тілдерді дамыту және ономастика бөлімінің басшысы Ляззат Есімова «Мемлекеттік тілдің қолданылуы» тақырыбында, Қорқыт ата атындағы Қызылорда университетінің оқытушы-ғалымдары Аман Абасилов «Тағам атауларының мемлекеттік тілдегі базасын қалыптастыру» мәселелері, Алдажар Әбілов «Аударма және балама мәселелері» тақырыбында баяндама жасады.Баяндамашылар қоғамда мемлекеттік тілдің қолданылу жағдайы мен қоғамдық тамақтану орындарындағы ас мәзірінің қазақ тілдегі нұсқасының болуы және қазіргі мәтіндердегі аударма мәселелері туралы сөз қозғады. Күн тәртібіндегі мәселелер толық қамтылғаннан кейін жиынға қатысушылар өздерінің ұсыныс-пікірлерін ортаға салды.<figure class="image"><img src="https://knadmin.beoblood.kz/uploads/317710617_1678046839257488_6452538412622213555_n_36af838148.jpg" alt="317710617_1678046839257488_6452538412622213555_n.jpg"></figure>

Қызылордада «Мемлекеттік тіл және аударма мәселелері» атты арнайы жиын өтті

<a href="https://kyzylorda-news.kz/">Kyzylorda-news.kz.</a> Бүгінде республиканың басым бөлігінде ауа райы оңтүстік циклонымен анықталады, деп хабарлайды Қазгидромет.Циклонның ықпалымен қар жауады, республиканың оңтүстік-шығысында жауын-шашын (жаңбыр, қар), еліміздің оңтүстігіндегі және оңтүстік-шығысындағы таулы аудандарда кей уақытта қалың қар жауады, тек батысында және шеткі солтүстігінде жауын-шашынсыз ашық ауа райы сақталады.Елдің солтүстік, шығыс, оңтүстік және оңтүстік-шығыс аймақтарында желдің күшеюі, солтүстік-батысында, солтүстігінде, шығысында, орталығында жаяу бұрқасын, еліміздің оңтүстігіндегі және оңтүстік-шығысындағы таулы аудандарда тұман, көктайғақ күтіледі.

1 желтоқсанға арналған ауа райы болжамы

Kyzylorda-news.kz. Бүгін де &nbsp;облыстық онкология орталығының ғимаратында аймағымызда алғаш рет «Пациенттерге психологиялық қолдау көрсету бөлмесі» ашылды.&nbsp;Пациенттерге психологиялық қолдау көрсету бөлмесінің салтанатты ашылуында орталық жұмысының маңыздылығына сәйкес, бастаманың жүзеге асырылуына мұрындық болған облыстық денсаулық сақтау басқармасының басшысы Пазилов Сабит Бексеитұлы мен «Мансап» мектебінің директоры Абдуразакова София Ринатқызы жиылған қауымды орталықтың ашылуымен құттықтап, жылы лебізін білдірді. &nbsp;Одан соң онкология орталығының бас дәрігері Мырзағалиева Нұржамал Жұмағалиқызы жиылған қауымға ерекше бөлмедегі көрсетілетін қызмет түрлерімен &nbsp;таныстырумен бірге емделушілерге сыйлықтар үлестіріп, дәмнен ауыз тигізді.&nbsp;Пациенттерге психологиялық қолдау көрсету бөлмесінде ендігі жерде қатерлі ісікке шалдыққан пациенттерге психологиялық көмек көрсетумен қатар, түрлі ойындар, сурет салу, бояу беттері бұрышы, арттерапия, музыкатерапия сынды демалыс орындары қызмет көрсетіп, &nbsp;емделушілерге түрлі табиғи шай ішуге де жағдай жасалатын болады. Қысқаша айтқанда, бұл бөлменің науқастардың күйзеліске түспей, ем алуына көп көмегін тигізетін болады.Орталық оңалту бөлімшесін ашудың алғашқы қадамы боп саналады. Алдағы уақытта орталықтан оңалту бөлімін ашу жоспарлануда.Жалпы өңірімізде онкологиялық ауруларды емдеу, алдын-алу, ерте сатысында анықтау сияқты жұмыстар қарқынды жүргізілуде. Атап айтар болсақ, ағымдағы жылдың ішінде орталықтан 3368 науқас ем алса, оның ішінде тәулік бойғы стационарда 2724, күндізгі стационарда 644 науқас емделіп шыққан.<img src="https://knadmin.beoblood.kz/uploads/IMG_20221130_WA_0085_275e5f1d0c.jpg" alt="IMG-20221130-WA0085.jpg"><img src="https://knadmin.beoblood.kz/uploads/IMG_20221130_WA_0086_8072347440.jpg" alt="IMG-20221130-WA0086.jpg"><img src="https://knadmin.beoblood.kz/uploads/IMG_20221130_WA_0088_564c67a264.jpg" alt="IMG-20221130-WA0088.jpg">

Пациенттерге психологиялық қолдау көрсету  орталығы ашылды 

&nbsp;<a href="https://kyzylorda-news.kz/">Kyzylorda-news.kz.</a> Түркияның Анталья қаласында педагогикалық және әлеуметтік ғылымдар бойынша түркі әлемінің ІV халықаралық конгресі өтті.&nbsp;Ауқымды шараға Қорқыт ата атындағы Қызылорда университетіндегі «Педагогикалық-психологиялық білім беру және оқыту әдістемесі» кафедрасының профессоры, педагогика ғылымдарының кандидаты Рабиға Игенбаева қатысты.&nbsp; &nbsp;Конгрестің негізгі мақсаты – түркітілдес мемлекеттердің ынтымақтастығын нығайту, педагогика және әлеуметтік ғылымдар саласы бойынша озық тәжірибе жинақтау.&nbsp; &nbsp;Ғылыми конгресс жұмысына Әзірбайжан, Ресей, Ауғанстан, Қазақстан, Кырғызстан, Өзбекстан, Германия, Венгрия, Македония, Косово, Түркия Республикасынан Солтүстік Кипр, Франция және Түркия сынды барлығы 33 мемлекеттен 721 адам офлайн, 600 адам онлайн форматта қатысты.&nbsp; Аталмыш форумда Рабиға Игенбаева &nbsp;«Ислами құндылықтар мен қазақ салт-дәстүрлерінің сабақтастығы»&nbsp; тақырыбында баяндама жасады.<blockquote>«Қазақтың ұлттық құндылықтары, салт-дәстүрлері исламның асыл құндылықтарымен біте қайнасып дамығандығы баршамызға белгілі.&nbsp; Мұхаммед пайғамбар&nbsp; айтқан хадистер қазақтың санасына сіңіп, нақылына айналып, халқымыздың ұлттық санасымен, таным-түсінігімен қабысып, тұрмыс-тіршілігімен ұштасып кеткені ешкімге жаңалық емес. Жалпы исламның қалыптасу тарихына көз жүгіртсек, оның өкілдері ислам дінінің байрағы болып табылатын «көркем мінез» деген ұғым арқылы исламды дүние жүзіне таратқан. Баяндамада мұсылманның басқа адамдардың алдындағы ахлақи тәрбиесінің белгісі шыншылдығы, аманатшылдығы және әділдігі айтылып, ұят, кішіпейілділік, инабаттылық, ата-анаға құрмет көрсету, кешірімді болу, туған-туысқандармен жақсы&nbsp; қатынаста болу, тақуалық, үлкенге құрмет пен кішіге ізет көрсету, кедей, мұқтаждар мен жетім-жесірлерге қамқорлық көрсету, тірі жанның хақына нұқсан келтірмеу сынды адамның ізгі, жақсы қасиеттердің қазақтың салт-дәстүрлеріндегі көрінісі мен сабақтастығын баяндадым», – деді Рабиға Тасбергенқызы.</blockquote>&nbsp;Сондай-ақ, шарада студент-жастардың ислами құндылықтар, оның ішінде ахлақ жайлы, мұсылмандық қағидалар мен қазақтың салт-дәстүрлерінің интеграциясы жайлы білім деңгейлері анықталып, эксперимент нәтижелері көрсетілген.Конгресс нәтижесі бойынша барлық спикерлерге сертификат пен кәдесый табысталды.<figure class="image"><img src="https://knadmin.beoblood.kz/uploads/b5d5541c091607e94c23e506194469de_f3bb917c3c.jpg" alt="b5d5541c091607e94c23e506194469de.jpg"></figure>

Анадолыда түркі әлемінің ІV халықаралық конгресі өтті

<a href="https://kyzylorda-news.kz/">Kyzylorda-news.kz.</a> Жаңақорған ауданына қарасты Ақүйік ауылындағы спорт кешенінде «Балалар жылына» орай еркін күрестен 2012-2013 жылы туылған жасөспірімдер арасында аудандық ашық біріншілік өткізілді. Жарысқа қала, кент және ауылдық округтерден 8 команда 115 спортшы қатысып, жүлде жолында бақталасты.Жалпы, Сыр өңірі еркін күрес мектебінің іргетасы Жаңақорған ауданында қаланған. Жарты ғасырға жуық тарихы бар бұл спорттан қаншама әлем чемпионатының жүлдегерлері мен құрлықтық бәсекелердің чемпиондары шықты. Соңғы 15 жылда 4 рет қатарынан аудан балуандары Олимпиада да өнер көрсетіп, аудан мерейін үстем етті. Сондай-ақ, осы спорт түрінен басқа да әлемдік сындарда жүлделі орындар иеленіп жүрген жастар аз емес. Міне, солардың ізбасарлары алғашқы баспалдағын бастады.Бұл турнирге келген бала балуандардың дені аудандық жарыстардың жүгінде жүр. Өйткені, жастары әлі кіші, бірақ болашағы зор деп білеміз. Ең бастысы, үлкен спорттағы манбасын жалғастырып, жарыс жолында жүрсе әлі талай тұғырдан көрінетіні сөзсіз. Бүгінгі жарыстың жеңімпаз жүлдегерлері аудандық дене шынықтыру және спорт бөлімінің грамоталарымен және медальдарымен марапатталды. &nbsp;

Қазақстан және Қызылорда облысының жаңалықтары