<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.&nbsp;

Есептен шығару куәлігін қай уақыт аралығында алуға болады?

Сайлаушылар тізіміндегі өзіңіз туралы деректі қалай тексеруге болады?

<a href="https://kyzylorda-news.kz/">Kyzylorda-news.kz.</a> 2022 жылдың 20 қарашасында Қазақстан Республикасы Президентінің сайлауы өтеді.&nbsp;

Сайлаушылар тізіміне енгізу жолы

<a href="https://kyzylorda-news.kz/">Kyzylorda-news.kz.</a> Қызылорда қаласында Qosyl жастар орталығының ұйымдастыруымен «Жас аспаздар» байқауы өтті.Сайыстың мақсаты жас таланттарды анықтап, олардың кәсіби ортасын қалыптастыру арқылы үздіктерін алдағы уақытта тұрақты жұмысқа орналастыру.Жас аспаздар сайысы бүгін қаламыздағы сәні мен салтанаты келіскен «Қыз Жібек» мейрамханасында қорытындыланды. Байқауға 20-дан астам өтінім түсіп, қорытынды кезеңде 8 қатысушы бақ сынады.Аталған шараға қала әкімінің орынбасары Ақзира Қасымова арнайы қатысып, жас аспаздарға сәттілік тіледі.<blockquote>«Ең алдымен баршаңызды 20 қазан аспаздардың кәсіби мерекесімен шын жүректен құттықтаймын. Жыл сайын бұл мерекені бүкіл әлемнің аспаздары мен аспаздық мамандары дәстүрге сәйкес атап өтеді. Осы ретте, Бүгін біз &nbsp;жастардың тың идеясы мен ұшқыр қиялын талап етіп, әлеуетін дамыту мақсатында ұйымдастырылып отырған мәні мен мазмұны ерекше шараның бірінде басқосудамыз. Байқауда бақ сынағалы отырған қатысушыларға сәттілік тілеймін», - деді Ақзира Бақтыбайқызы.</blockquote>Қазылар шешімімен Мұрат Арман Ақылбекұлы жеңімпаз атанып, қала әкімінің «Самғау» жастар сыйлығының «Үздік аспаз» номинациясын жеңіп алды. Сонымен қатар, жеңімпаз 100 000 теңге қаржылай сыйлықпен марапатталатын болады.<figure class="image"><img src="https://knadmin.beoblood.kz/uploads/311567870_3211447255788677_8028091315666257800_n_6610ceadea.jpg" alt="311567870_3211447255788677_8028091315666257800_n.jpg"></figure>

Қызылордада жас аспаздар арасында сайыс өтті

<a href="https://kyzylorda-news.kz/">Kyzylorda-news.kz.</a>&nbsp; &nbsp;"Қазгидромет" синоптиктері алдағы үш күнге арналған ауа райы болжамын жариялады. Синоптиктердің мәліметінше, солтүстік циклон 22 қазанда Қазақстан аумағына ауысады.<blockquote>“Оның ықпалымен бірінші кезекте елдің солтүстік жартысында жаңбыр мен қар жауады, тұман түсіп, көктайғақ болады. Тек елдің оңтүстігі мен шығысында жылы ауа райы сақталады. Бірақ 23 қазанда циклон шығысқа қарай жылжуына байланысты ауа райы тұрақсыз сипат алады. 23 қазаннан бастап батыста, 24 қазаннан бастап солтүстікте Батыс антициклон әсерінен жауын-шашын тоқтайды және ауа температурасы төмендейді”, – делінген хабарламада.</blockquote>Ауа температурасы:батыста түнде 5 аяз-5 жылы, күндіз 2-12 жылы;солтүстік, солтүстік-батыс, солтүстік-шығыста түнде 0-8 жылыдан 0-8 аязға дейін, күндіз 2-10 жылыдан 2 аяз - 5 жылыға дейін төмендейді;республиканың орталығында түнде 2-10 жылыдан 0-8 жылыға дейін, күндіз 8-18 жылыдан 3 аяз – 5 жылыға дейін төмендейді;еліміздің шығысында түнде 3 аяз - 5 жылыдан 0-8 аязға дейін, күндіз 12-20 жылыдан 3 аяз - 5 жылыға дейін төмендейді;оңтүстік, оңтүстік-шығыста түнде 5-12 жылы, таулы аудандарда 0-5 аяздан 0-5 жылы, таулы аудандарда 5-10 аязға дейін, күндіз 20-25 жылы, таулы аудандарда 12-17 жылыдан 5-13 жылы, таулы аудандарда 2 аяз-5 жылыға дейін күрт төмендейді.

Демалыс күндері 10 градусқа дейін аяз болады

<a href="https://kyzylorda-news.kz/">Kyzylorda-news.kz.</a> Ұлттық мереке - Республика күніне тарту ретінде бүгін Жалағаш ауданының Таң ауылында жаңа дәрігерлік амбулатория ел игілігіне табысталды.&nbsp;Игі шараға Қызылорда облысының әкімі Нұрлыбек Нәлібаев қатысып, аудан жұртшылығын ұлық мерекемен құттықтады.&nbsp;<blockquote>«Жалағаш ауданындағы іргелі елді мекен - Таң ауылы тұрғындарының көптен күткен көкейтесті мәселелерінің бірі шешімін тауып, жаңа медициналық нысан пайдалануға берілуде. Жаңа емдеу орнында әрбір дәрігер елге адал қызмет етіп, науқастың дертіне дауа, көңілге рауан беріп, денсаулығын жақсартуға атсалысады деп сенемін. Егемен еліміздің еңсесі биік, тәуелсіздігі нық болсын! Мереке құтты болсын», - деді Нұрлыбек Нәлібаев.</blockquote>Ауыл халқының игілігіне қызмет ететін медициналық нысан «Ауыл - ел бесігі» бағдарламасы арқылы салынған. Жаңа ғимараттың құрылысына 140 млн. теңге қаржыға бөлінді.Айта кетейік, ауданда құрылыс жұмыстары қарқынды жүруде. Айтулы мереке қарсаңында ауданында 200 орындық Оқушылар үйі мен 50 орындық Өнер мектебі пайдалануға берілді. Аумағы 29 мың шаршы метрді құрайтын ғимаратқа «Ауыл - ел бесігі» бағдарламасы арқылы республикалық бюджеттен 431,5 млн. теңге қаржы жұмсалды.<figure class="image"><img src="https://knadmin.beoblood.kz/uploads/311855485_412427261078524_389247456659718520_n_cde2a5ea83.jpg" alt="311855485_412427261078524_389247456659718520_n.jpg"></figure>

Жалағаш ауданында жаңа дәрігерлік амбулатория ел игілігіне табысталды

<a href="https://kyzylorda-news.kz/">Kyzylorda-news.kz.</a> Қызылорда облысы полиция департаменті Қазалы ауданы Полиция бөлімінің ұйымдастыруымен Қазалы аудандық орталық кітапханасында 25 қазан - Қазақстан Республикасы күніне арналған «Алтын діңгек – өзім туған босағам» атты мерекелік дөңгелек үстел өткізілді.Шараның мақсаты - Республика күнінде елдің мемлекет құру жолындағы тарихи қадамын, Тәуелсіздік күнінің бастапқы мәнін сақтай отырып, бұл күн мемлекеттік мереке болып қалып, жас ұрпақты тәуелсіздік алуға зор үлес қосқан батырларымызға тағзым етуге, оларды ұлықтап ата-бабамыздың тәуелсіздік жолындағы ерлік үлгісін насихаттай отырып, патриоттық тәрбие беруге арналды.&nbsp;Шараға полиция қызметкерлері мен кітапхана мамандары қатысып Республика күні ұлттық мереке санатына енгенін, бұл мерекенің тарихи маңызы бар және мемлекеттің дамуына елеулі әсер еткен оқиғалар қатарына жататынын сөз қылып, бөлім қызметкері полиция лейтенанты Төлеген Қалдыбек елімізде 25 қазан – Республика күні ұлттық мерекеге айналғанына қуанышты екенін және мерекеге арнайы ақ тілегін білдірді.&nbsp;Мерекелік кеште кітапхана директоры Индира Әбілқасымқызы жүрек жарды тілегін арнап, шараға қатысқан полиция қызметкерлеріне алғысын білдірді.&nbsp;Шара соңында тәртіп сақшыларына «Қыран елім - Қазақстаным!» атты кітап көрмесі таныстырылды.<figure class="image"><img src="https://knadmin.beoblood.kz/uploads/308728390_529601282312117_564897956464145820_n_14e442a779.jpg" alt="308728390_529601282312117_564897956464145820_n.jpg"></figure>

Қызылордалық полицейлер мерекелік дөңгелек үстел өткізді

<a href="https://kyzylorda-news.kz/">Kyzylorda-news.kz.</a> Аудандық мәдениет үйінде мемлекет және қоғам қайраткері Құдайберген Саржановтың 85 жылдық мерейтойына арналған мерекелік кеш өтті. &nbsp;Салтанатты шарада алдымен еңбек ардагерінің өмірі мен қызмет жолы жөніндегі бейнеролик көрермендер назарына ұсынылды.<blockquote>«Еңбек жолын «Арал балық шаруашылығы» өндірістік бірлестігінің инженері болып бастаған ағамыз Қазақ Кеңестік Социалистік Республикасының Балық шаруашылығы министріне дейінгі қызметтердің бәрін де абыроймен атқарды.Қай істе де өзін білімді маман, ел мүддесін басты міндет санайтын азамат ретінде таныта білді.Қазір зейнет жасында болса да еңбекқорлығы арқылы жұртшылықтың шынайы алғысы мен құрметіне бөленіп келеді. Осындай ақсақал ағаларымызды ардақтап, құрметтеу біздің парызымыз деп білемін. Бүгінгі жастарымыз әрдайым өзіңіздей абзал аталарының жолын ұстанып, өнегесін үлгі тұтып өседі. Әрқашан ортамызда деніңіз сау болып, аман-есен жүріңіз! Сізге зор денсаулық, мәнді де мағыналы ұзақ ғұмыр, бақыт тілеймін!»-деп ізгі лебізін білдірді аудан әкімінің орынбасары К. Бержанов.</blockquote>Одан соң Құдайберен Саржанұлының өмірлік достары техника ғылымының докторы, профессор, Қазақстанның еңбегі сіңген қайраткері, Қазақстан Республикасы Ұлттық ғылым академиясының акдемигі, Қазақстан ұлттық құрылтайының мүшесі Бисенов Қылышбай, ҚР еңбек сіңірген қайраткері, ғылым мен техника саласындағы ҚР-ның Әл - фараби атындағы мемлекеттік сыйлықтың лауреаты «Металлургия және кен байыту институты» Ақ босаға директоры Кенжалиев Бақбаулет, Қазалы, Жаңақорған, Арал ауданының «Құрметті азаматы» еңбегі сіңген құрылысшы, еңбегі сіңген балық шаруашылығының қызметкері, Жалаңтөс Баһадүр қорының төрағасы Нажмадин Түрікпенұлы Мұсабаев сахна төріне шығып, мерейтой иесіне тілектерін арнады. Екі ғасырдың куәсі болған ардагердің балық шаруашылығының өркендеуі мен Арал өңірі үшін еткен еңбектеріне тоқталып, ізгілікті бастамалары ел жадында сақталатындығын жекізді. Қазақы дәстүрмен замандастарының иығына шапан жауып, сый-құрмет көрсетті.Қазақстан Республикасының мәдениет қайраткері Қанзада Әбілғазиева Құдайберген Саржанұлымен бірге жұмыс жасаған кездегі естеліктерімен бөлісті.Мұнан кейін сөз алған көршілес Қазалы ауданының мәслихат хатшысы Бақытжан Жарылқап аудан әкімінің құттықтауын табыс етті.Салтанатты кеште ҚР-ның Мәдениет қайраткері, Қазақстан компазиторлар одағының мүшесі, «Аралдың құрметті азаматы» күйші, композитор, ақын-жырау Мұрат Сыдықов өзінің жырын арнап, «Мұраттың төкпесі» күйін нақышына келтіре орындады.Шара барысында жергілікті ақындардың арнау өлеңдері айтылып, мерейтой иесі зор құрметке бөленді.<figure class="image"><img src="https://knadmin.beoblood.kz/uploads/311014822_3394147937580235_2804610371030100577_n_a4d5be55a1.jpg" alt="311014822_3394147937580235_2804610371030100577_n.jpg"></figure><img src="https://knadmin.beoblood.kz/uploads/311023586_3394147854246910_7830144045103355079_n_bf3ccc358f.jpg" alt="311023586_3394147854246910_7830144045103355079_n.jpg">

Мемлекет және қоғам қайраткері Құдайберген Саржановтың 85 жылдық мерейтойы аталып өтті 

<a href="https://kyzylorda-news.kz/">Kyzylorda-news.kz.</a> Ұлттық мереке - Республика күнінде сырбойылықтарға айрықша тарту жасалды. Бүгін Жалағаш ауданында 200 орындық Оқушылар үйі мен 50 орындық Өнер мектебі пайдалануға берілді.Жаңа нысанның ашылу рәсіміне қатысқан облыс әкімі Нұрлыбек Нәлібаев тұрғындардың қуанышына ортақтасты.<blockquote>“Бүгін есігін айқара ашқан Оқушылар үйі мен Өнер мектебі ел дамуына елеулі үлес қосар азаматтарды тәрбиелеп шығаратын киелі өнер ордасына айналады деп үміттенемін. Балаларымыз жаңалыққа қуансын, ата-аналарымыз жақсылыққа жұбансын! Әр отбасына бақыт, жақсылық, амандық тілеймін”-деді Н.Нәлібаев.</blockquote>Аумағы 29 мың шаршы метрді құрайтын ғимаратқа «Ауыл - ел бесігі» бағдарламасы арқылы республикалық бюджеттен 431,5 млн.теңге қаржы жұмсалды.<figure class="media"><div data-oembed-url="https://www.youtube.com/watch?v=tabuOAeJzkU"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/tabuOAeJzkU" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Республика күніне тарту: Жалағаш ауданында 200 орындық оқушылар үйі мен өнер мектебі ашылды (ВИДЕО)

&nbsp;<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрлігі инфекцияның профилактикасы бағдарламасын енгізу үшін еліміздің 20 өңірінде перзентханалардың 25 госпиталдық эпидемиологтарын оқытуды өткізді. Қатысушылар қатарында Қызылорда облыстық перинаталдық орталығының эпидемиолог дәрігері Макашева Гүлзия Найзабайқызы да бар.&nbsp;Денсаулық сақтаудың стратегиялық міндеті медициналық көмектің сапасын қамтамасыз ету және қауіпсіз аурухана ортасын құру болып саналады.Барлық клиникалар сияқты медициналық босандыру ұйымдарында медициналық көмек көрсетуге байланысты инфекциялардың (МКБИ) профилактикасындағы басым бағыт инфекциялық қауіпсіздікті қамтамасыз ету болып табылады.Дәл осы фактор босанғаннан кейінгі нәтижелерге, әйелдердің өмірі мен денсаулығына әсер етеді.Бүгінгі таңда еліміздің денсаулық сақтау саласының алдында МКБИ профилактикасы және микроорганизмдердің микробқа қарсы препараттарға төзімділігін сақтау бойынша тиімді бағдарламаларды енгізу міндеті тұр.Клиникалардың бас дәрігерлерінің, акушер гинекологтардың, неонатологтардың, реаниматолог анестезиологтардың, бактериологтардың, клиникалық фармакологтардың, госпиталдық эпидемиологтардың және басқа да мамандардың жетекшілігінде мультимодалды тәсілге негізделген МКБИ профилактикасы бойынша бірыңғай стандартталған бағдарлама құрылады.2022 жылғы 14-15 қазан аралығында ДСМ бастамасымен «University Medical Center» корпоративтік қорының базасында перинаталдық орталықтардың үшінші деңгейдегі госпиталдық эпидемиологтарына арналған «Босандыру кезіндегі инфекциялық қауіпсіздік» тақырыбы бойынша семинар өткізілді.Семинардың шеңберінде эпидемиологтарды жекелеген тақырыптар бойынша оқыту жүргізілді: антибиотиктерді ұтымды пайдалану, перинаталдық технологиялар, босандыру мекемелерінде МКБИ профилактикасы, неонатологиядағы мейіргерлік күтімнің ерекшеліктері.«UMC» ҚҚ бөлімшелері қызметкерлерінің белсенді қатысуымен перзентхана блогында, орталық-стерилдеу бөлімшесінде, клиникалық-фармакологиялық бөлімшеде, қарқынды терапия және реанимация бөлімшесінде (ересектер, неонаталдық), акушерлік-гинекологиялық операциялық блокта, неонатология және акушерлік бөлімшелерде, микробиологиялық зертханада аралау жүргізілді.<figure class="image"><img src="https://knadmin.beoblood.kz/uploads/09501ed3_cdcd_4eec_b691_0668d0dc0fdd_79978a0eed.jpg" alt="09501ed3-cdcd-4eec-b691-0668d0dc0fdd.jpg"></figure>

Госпиталдық эпидемиологтар біліктілігін арттырды 

<a href="https://kyzylorda-news.kz/">Kyzylorda-news.kz.</a> Қызылорда қаласына арнайы келген Халықаралық су ресурстарын басқару институтының өкілдері Кахрамон Джумабаев, Зафар Гафуров және Илхом Бабаев Ы.Жақаев атындағы Қазақ күріш шаруашылығы ғылыми-зерттеу институтының ғалымдарымен кездесіп, халықаралық «Эко-Арал» жобасы аясында атқарылған жұмыстардың нәтижелерімен және алдағы уақытта Арал өңірінде су қорларын тиімді пайдалану бағытында атқарылатын жоспарлармен танысты.Кездесу барысында «Қызылорда» білім тарату орталығына «Эко-Арал» жобасы аясында Қызылорда облысының су-мелиоративтік және басқа цифрлы мәліметтерді қамтитын компьютерлік бағдарламалар енгізілген 2 ноутбук және 3 бағытта жұмыс жасайтын принтер сыйға берілді.Өз кезегінде күріш институтының басқарма төрағасының ғылыми жұмыстар жөніндегі орынбасары Әсет Тоқтамысов және «Қызылорда» білім тарату орталығының жетекшісі Жанұзақ Байманов Халықаралық су ресурстарын басқару институтының басшылығына алғыс айта отырып, алдағы уақыттада су қорларын тиімді пайдалану технологияларын зерттеп, оны өндіріске енгізу бағағытындағы жобаларды бірлесіп атқаруға ынталы екендіктерін білдірді.Айта кету керек, күріш институтының ғалымдары өңірімізде қалыптасқан су тапшылығы жағдайында су қорларын тиімді пайдалану технологияларын ендіру бағытында біршама жұмыстар атқаруда.Осы бағытта институттың білім тарату орталығының жетекшісі Жанұзақ Байманов ағымдағы жылдың ақпан айында Ташкент қаласындағы Халықаралық су ресурстарын басқару институтында Сыр өңіріндегі егін шарушылығын суғарудың өзекті мәселелерімен және оны шешу бағытында жасалып жатқан шаралармен таныстырып қайтқан болатын. Осы кездесудің нәтижесінде шілде айында, күріш институтының білім тарату орталығында, Германияның GIZ компаниясының қолдауымен, Халықаралық су ресурстарын басқару институтының эксперт-тренерлері өңіріміздегі Қазсушар, Арал-Сырдария бассейндік инспекциясының және Қорқыт Ата атындағы Қызылорда университетінің су шаруашылығы бағытындағы мамандары үшін семинар ұйымдастырған болатын.

Ғалымдар «Эко-Арал» жобасымен танысты

<a href="https://kyzylorda-news.kz/">Kyzylorda-news.kz.</a> ҚР Парламенті Сенаты Төрағасының орынбасары Асқар Шәкіров пен Әлеуметтік-мәдени даму және ғылым комитетінің хатшысы Ақмарал Әлназарова «Арал өңіріндегі қоршаған орта және халықтың денсаулығы» халықаралық ғылыми-практикалық конференцияға қатысты.Төраға орынбасары өз сөзінде Арал апаты аймақтық та, жаһандық деңгейде де шешуді талап ететін қазіргі замандағы өзекті мәселелердің бірі ретінде БҰҰ-да танылғанын атап өтті.<blockquote>«Қазақстан мен Өзбекстан Арал теңізі бассейніндегі экологиялық және әлеуметтік-экономикалық дағдарысты еңсеруде бірлескен күш-жігер жұмсап келеді. Екі елдің президенттері Арал өңіріндегі өзекті мәселелерді жедел шешуді, трансшекаралық су ресурстарын ұтымды пайдалануды және қоршаған ортаны қорғауды жүйелі түрде айтып отыр. Өтіп жатқан форумды біз екі ел, оның ішінде парламенттік байланыстар аясында жүргізіліп жатқан жұмыстардың заңды жалғасы ретінде қарастырамыз», - деді Төраға орынбасары.</blockquote>Депутат Ақмарал Әлназарова да Арал өңіріндегі климаттың әсерін және табиғи ортаның азып-тозуын азайту мақсатында Сырдария өзені мен Солтүстік Арал теңізін сақтау мәселелерін шешуде жалпыға бірдей қабылданған халықаралық конвенциялар мен стандарттарға сәйкес түбегейлі қадамдар қажеттігін атап өтті.<blockquote>«Экономиканың барлық салаларында климаттың өзгеруіне бейімделу шараларын қабылдау қажет, әсіресе ауыл шаруашылығында су үнемдеу технологиясы мен ылғалды аз қажет ететін дақылдарға көшу керек. Таяу жылдарда құрғап қалған теңіз түбінің жалаңаш жерлеріне орман өсіру, мал шаруашылығын дамыту үшін суы өздігінен шығатын ұңғымалардың айналасында оазис жүйесі жасалуы қажет. БҰҰ қамқорлығы аясында терең зерттеулер жүргізіп, тиісті ұсынымдар әзірленуі керек», - деп атап өтті сенатор Әлназарова.</blockquote>Конференцияға Өзбекстан Республикасы Олий Мәжілісі Сенаты Төрағасының орынбасары Содик Сафоев, ДДҰ Еуропалық бюросының басшысы Ханс Клюге, USAID жобасының жетекшісі Екатерина Стрикелева қатысып, сөз сөйледі.<figure class="image"><img src="https://knadmin.beoblood.kz/uploads/0c70eb6c451a4ee9b2b6b2548b0f5337_d959294b9a.jpg" alt="0c70eb6c451a4ee9b2b6b2548b0f5337.jpg"></figure>

Қазақстан және Қызылорда облысының жаңалықтары