<a href="https://kyzylorda-news.kz/">Kyzylorda-news.kz.</a> Жаңақорған аудандық төтенше жағдайлар бөлімі тарапынан аудан көлеміндегі ауыл шаруашылығы ұйымдарымен астық және мал азығын жинау маусымындағы өрт қауіпсіздігінің алдын алу мақсатында кешенді іс-шаралар ұйымдастырылды. Шаруа қожалықтардың жұмысшыларымен «Егін алқаптарындағы, астық және мал азығын жинау кезіндегі және оны тасымалдау кезіндегі өрт қауіпсіздік талаптарын сақтайық» тақырыбында егістік алқаптарымен астық жинау орындарында жұмыс жасап жүрген жұмысшыларға түсіндіру жұмыстары жүргізілді.
Осы борайда бөлім мамандары астық жинау және жем-шөп дайындау кезінде өрт қауіпсіздігі қағидасын сақтауға шақырады.
Бүгінгі күні жем-шөп жинау мен егін оружәне күрделі жемшөп дайындау бойынша жұмыстар ауыл шаруашылығында қызу жүріп жатыр. Егін жинау, малға күрделі жем-шөп дайындау үшін, тек ауыл тұрғындары емес, сонымен бірге көптеген адамдар жаз бен күз мезгілдерінде қол үзбей жұмыс жасайды. Ұзақ уақыт атқарған жұмыстың нәтижесі санаулы минуттарда өрт қауіпсізігі ереже талаптарын сақтамау салдарынан өртеніп, жойылып кетуі мүмкін.
Егін мен шөпті ору, тасмалдау кезіндегі орын алатын өрттердің себептері шөп оратын, шөп жинайтын арнайы техникалар, тракторлар мен автокөліктерге жанармай құю ережелерінің бұзылуынан, оталдыру жүйесінде, агрегаттарының пайдаланылған кернейіндегі жарамды ұшқын сөндіргіштің болмауы, агрегаттарда жиналып қалған астық сабақтарының үйкелуінен, азаматтарды белгіленбеген орындарда темекі шегуі, шөпті автокөлікке шамадан тыс артудың салдарынан болады. 
Сонымен қатар, егіс алқаптарындағы сабан, құрғақ шөптерді өртеу кезіндегі қауіпсіздік талаптарын сақтамау салдарынан ірі көлемді өрт оқиғалары орын алуда.
Бөлім мамандары тұрғындар мен шаруа қожалық иелерінен шөп ору және шөптерді жинау кезінде төмендегі өрт қауіпсіздігі ержелерді мұқият сақтауды сұрайды.
Тұрғын үй учаскелерінде шөптерді жинау ғимаратқа және аула алдындағы құрылыстарға дейін кемінде 15 метр қашықтықта орналасуы қажет.
Тыйым салынады:
1) шөпті қоралардың шатырларына және басқа шаруашылық құрылыстарына жинауға;
2) электр жеткізу желілерінің астына жинауға;
3) учаскенің сыртқы қоршауынан кемінде 3 метр қашықтықта жинауға;
4) ірі жем-шөптерді тасымалдау түтін шығатын құбырлары радиатордың астынан шығарылған, ұшқын өшіргіштермен және қосымша екі ұнтақты өрт сөндіргішпен жабдықталған арнайы көлік құралдарында жүзеге асырылады.
5) ірі жем-шөптерді жинау биіктігі жер деңгейінен 4 метрден аспайтындай етіп жиналады.
<blockquote>
 «Құрметті тұрғындар! Отты пайдалануда ойланбай істейтін әрекеттерге жол бермеңіздер! Егер Сіз, өрт немесе жану оқиғасын байқасаңыз, немқұрайлық танытпай, тез арада өрт сөндіру бөліміне «101», «112» телефон нөмірі арқылы хабарлаңыз», – деп мәлімдеді Жаңақорған аудандық төтенше жағдайлар бөлімі.
</blockquote>
<img src="https://kyzylorda-news.kz/wp-content/uploads/2022/09/305486144_1267481900745356_5598992746840638095_n.jpg" alt="" />
<img src="https://kyzylorda-news.kz/wp-content/uploads/2022/09/305706034_1267481337412079_6293434197407487566_n.jpg" alt="" />

Астық жинау және жем-шөп дайындау кезінде өрт қауіпсіздігін сақтаңыздар

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы бойынша ҚАЖ департаментіне қарасты №60 мекемесінде жазасын өтеп жүрген 120 сотталған кәсіптік колледжге оқуға&nbsp;қабылданды. Олар 2022-2023 оқу жылына төрт мамандық бойынша өтініш білдірген. Өтініштері мекеменің комиссия отырысында іріктеліп қабылданды. &nbsp;
Қызылорда облысы бойынша ҚАЖ департаментінің сотталғандардың еңбегін ұйымдастыру тобының бас маманы Бақыт Абилованың айтуынша,&nbsp;олардың жеке істері қаралып, бұрын кәсіби білім алмағандарға басымдық беріледі.&nbsp;
Жазасын өтеушілер жыл сайын үш мамандық, яғни, «Ағаш ұстасы және паркет жұмыстарының шебері», «Электрмен және газбен дәнекерлеуші», «Тігінші»&nbsp;бойынша білім алса,&nbsp;биылғы оқу жылынан бастап «аспаз» мамандығы қосылды. 2021-2022 оқу жылында 61 сотталған кәсіптік білім алып, диплом алды. Жаңа оқу жылында 120 сотталған оқуға қабылданды. Бұл азаматтарға №6, 7, 9 кәсіптік-техникалық колледжінің мұғалімдері мекемеге келіп, сабақ кестесіне сай пәндік сабақтарын өткізеді. Барлық мамандықтардың&nbsp; оқу ұзақтығы 10 ай,&nbsp;&nbsp; жақсы оқығаны үшін ай сайын шәкіртақы да алып тұрады.&nbsp;Сондай-ақ мамандықтары бойынша диплом алған азаматтар жаза мерзімі аяқталғанша осы мекемеде ақылы жұмысқа орналасып, жалақы алып, қылмыспен келтірген шығындарды өтеуге мүмкіндіктері бар.&nbsp;Жазасын өтеушілер осында мерзімдері біткенше белгілі бір мамандықты иеленіп, мекемеден&nbsp; шыққанда жаңа өмірге қадам басуға мүмкіндік алады», – дейді әділет майоры Бақыт Әбілова.
«Аспаз» мамандығына оқуға қабылданғанның бірі Асқар мекемеге жазасын өтеп жатыр. Оған ас мәзірімен жұмыс жасау, әр түрлі тағамдар пісіру ұнайды. Асқар өзі сияқты сотталғандардың білім алуына, мамандық иесі атануына мүмкіндік жасап отырған мекеме әкімшілігіне алғысын білдірді.
<img src="https://kyzylorda-news.kz/wp-content/uploads/2022/09/00000_00000020220901095929_0001-1-scaled.jpg" alt="" />
TEST.JPG00000

Қызылордада 120 сотталған кәсіптік колледжге оқуға қабылданды

<a href="https://kyzylorda-news.kz/">Kyzylorda-news.kz.</a> **«AMANAT» партиясы Қызылорда қалалық филиалының активі Президент Жолдауын талқылады. Алқалы жиынды қалалық мәслихат хатшысы *Ибадулла* Құттықожаев ашып, жүргізіп отырды.**
<blockquote>
 «Мемлекет басшысы Қасым-Жомарт Кемелұлы Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауын арнап, ол бүгінде барша қазақстандықтардың ықыласымен талқылануда. Жолдауда Президент халқымыздың биылғы өткен жалпыұлттық референдумда саяси жаңғыру бағдарын қолдағанын атап өтіп, Жаңа Әділетті Қазақстанды құру жолындағы аса маңызды қадамдарға тоқталды. Елімізді онан әрі дамыту үшін негізгі 5 бағдарды атап өтіп, осы бағдарларға қатысты атқарылатын жұмыстарды жүйелеп, экономикалық-әлеуметтік дамудың тетіктері мен жасалатын нақты істерге тоқталды. Өз кезегінде Жаңа Қазақстанды құру мен жаңғыру жолына бағыттайтын жаңа Жолдау партияға да айрықша жауапкершілік пен үлкен міндет жүктейді. Бұл тұрғыда жаңару үстіндегі «AMANAT» партиясы да Мемлекет басшысының барлық бастамаларын толық қолдайды және ұсыныстарына ұйытқы бола отырып, оларды іске асыруға белсенді қатысатын болады»,-деді Құттықожаев Ибадулла Дүйсенбайұлы.
</blockquote>
Актив отырысында Жолдаудың негізгі бағыттары бойынша облыстың аграрлық әлеуеті және Жолдаудан туындайтын міндеттер туралы қалалық мәслихаттағы «AMANAT» партиясы депутаттық фракциясының жетекшісі, қалалық филиалы жанындағы Партиялық бақылау комиссияның төрағасы Нұрымбетов Жорабек Ибрагимұлы сөз алып, партияның қазіргі қоғамдағы саяси бәсекелестікте алда болатынына сенім білдірді.
Сондай-ақ жиында облыстық мәслихаттағы «AMANAT» партиясы депутаттық фракциясының мүшесі, «Шипагер» бастауыш партия ұйымының төрағасы Амитов Нуридин Егенбердіұлы, қалалық мәслихат депутаты, партия филиалы жанындағы Сыбайлас жемқорлыққа қарсы іс-қимыл жөніндегі комиссияның төрайымы Мұсабаева Айгүл Нажмадинқызы, «Жастар Рухы» жастар қанаты Қызылорда қалалық филиалының төрағасы Серікбай Нұрбол Нұрланұлы пікірлерін білдірді.
Актив отырысының соңында, қалалық мәслихат хатшысы Ибадулла Құттықожаев Мемлекет басшысының Қазақстан халқына Жолдауында алдағы уақытта жүзеге асуы тиіс маңызды міндеттердің көрініс тапқанын айтып, Жолдауда берілген басым-бағыттарды орындауға жұмыла кірісіп, сапалы жұмыс жасауға шақырды.
<img src="https://kyzylorda-news.kz/wp-content/uploads/2022/09/305626228_186337887191671_4418050266625335748_n.jpg" alt="" />
<img src="https://kyzylorda-news.kz/wp-content/uploads/2022/09/305602380_186337947191665_7056990521872316221_n.jpg" alt="" />
<img src="https://kyzylorda-news.kz/wp-content/uploads/2022/09/305522428_186337957191664_625560535664195441_n.jpg" alt="" />

Жолдау партияға да айрықша жауапкершілік пен міндет жүктейді

**<a href="https://kyzylorda-news.kz/">Kyzylorda-news.kz.</a> *Мемлекет басшысы Қасым-Жомарт Тоқаев биылғы «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында Заң саласы тұрғысында судьялардың мәртебесін арттыру, олардың функционалдық мүмкіндігін нығайтып, азаматтардың сот жүйесіне сенімділігін орнату мақсатында шешімдер қабылдауды тапсырды.*** *Осы орайда «Әділдік жолы» республикалық қоғамдық бірлестігінің Қызылорда облысы бойынша филиал директоры, облыстық Қоғамдық кеңес мүшесі, медиатор Ләззат Бақтыбаева* маңызды құжат жүктеген міндеттерге тоқталып, пікірін білдірді.
Жолдауда айтылған әрбір тапсырманың жүгі жеңіл емес. Мемлекеттің дамуы мен жаңашылдықтың жаңа қадамдары туралы айтылып, маңызды мәселелерге мән берілді. 
Халыққа арналған Жолдаудың бесінші бағдары «Заң және тәртіп» деп аталады. Онда Президент: «Қоғамда заң үстемдігі берік орнығып, сот төрелігі әділ атқарылуы қажет. Осыған орай қазылар қауымын шұғыл түрде қайта іріктеп, жаңартып жасақтау керек. Қазылар жоғары білікті, адал, сондай-ақ, жемқорлықтан таза болуы қажет. Ең алдымен, барлық судьялардың мәртебесін теңестірген жөн. Олар өзінен жоғары тұрған әріптестеріне тәуелді болмауы керек» деген тұжырым жасады. 
Бүгінде елімізде әр сала бойынша бірқатар заңнамалар бар. Соның ішінде құқық қорғау саласында реформа жүргізу – халықтың көкейінде жүрген мәселе. Президент айтқандай, «Халық үніне құлақ асатын мемлекет» қағидасын ұстану қоғам үшін аса маңызды. Сондай-ақ, Жолдауда айтылған экономика, білім, денсаулық, құқық және өзге де саладағы реформалардың барлығы халыққа қолжетімділік, ашықтық форматын ұсынуы жаңашылдыққа бастайды. «Жаңа Қазақстан» идеясының түпкі мәні – осы.
<img src="https://kyzylorda-news.kz/wp-content/uploads/2022/09/305518470_1612387802490059_7607534536106333231_n.jpg" alt="" />

Ләззат Бақтыбаева: Жолдау жаңашылдыққа бастайды

<a href="https://kyzylorda-news.kz/">Kyzylorda-news.kz.</a>&nbsp;Қорқыт ата атындағы Қызылорда университетінің «Экономика және құқық» институтының директоры, экономика ғылымдарының кандидаты Нұрлан Құлмырзаев Мемлекет басшысының биылғы Жолдауына қатысты пікір білдіріп, еліміздің болашақ дамуы мен ертеңгі күнге бетбұрысы айқындалғанын атап өтті.
<blockquote>
 «Мемлекет басшысы жыл сайынғы дәстүр бойынша Қазақстан халқына Жолдауын жариялады. Құнды құжатта еліміздің болашақ дамуы мен ертеңгі күнге бетбұрысы айқындалғандай. Әсіресе, ақпараттық қоғамның дамып тұрған тұсындағы мәселелер айтылды. Шыны керек, қазір ақпараттық технология әрбір мәселенің шешімі ретінде қарастырылады. Бұл цифрлық экономика – ең негізгі салалардың бірі. Жолдауда айтылғандай салық жүйесін цифрландыру, агрожүйелерді аэрофлотты түсірілім арқылы анықтау секілді сандық технологиялар дамуда. Яғни, жасанды интеллект елдің басқаруына жасап жатқан тың қадамдары деуге болады», – деді Нұрлан Құлмырзаев.
</blockquote>
Институт директоры білім мен ғылымға назар аударып, жастардың ізденісіне жол ашылып жатқанын да айтып өтті.
<blockquote>
 «Қазіргі таңда біздің елімізде отбасылардың әлеуметтік картасы жоқ. Егер Жолдауда айтылғандай, атаулы әлеуметтік көмектің бірыңғай жүйесі құрылса, азаматтардың әл-ауқатын жақсарту ісіндегі маңызды қадамның бірі орындалар еді. 2023 жылдан бастап «Отбасының цифрлық картасы» және «Әлеуметтік әмиян» сияқты тәсілдерді енгізу жоспарланып отыр. Осы бастамалар аясында мемлекеттік қолдаудың түрлі шаралары біріктіріледі деп күтілуде. Жолдауда Президент: «Интернет және телефон арқылы жасалатын алаяқтық әрекеттерге айрықша назар аудару керек. Құқық қорғау органдары мұндай қатерлерді анықтап, қылмыскерлерді құрықтау үшін ақпараттық-сараптама жұмысын күшейтуі қажет. Сондай-ақ, азаматтардың құқықтық және қаржылық сауатын жүйелі түрде арттырған жөн» деп нық тапсырма берді. Бұл ретте қарапайым халықтың құқықтық және қаржылық сауатын арттыру арқылы олардың цифрлық технологиямен қабаттаса дамыған алаяқтық әрекеттерге ұшырамауының алдын алу екені түсінікті», – деді Нұрлан Құлмырзаев.
</blockquote>
<img src="https://kyzylorda-news.kz/wp-content/uploads/2022/09/305409507_1612385015823671_6670280074557240985_n.jpg" alt="" />

Цифрлық экономика &#8211; ең негізгі салалардың бірі

<a href="https://kyzylorda-news.kz/">Kyzylorda-news.kz.</a> Мәскеудегі ұлттық зерттеу университетінің профессоры Иван Иванов ECER-2022 халықаралық конференцияда қазақстандық білім беру сапасын арттыруда Назарбаев Зияткерлік мектептерінің үлесі зор екенін атап өтті.
Назарбаев Зияткерлік мектептерінің бірқатар педагогтері әлемнің түкпір-түкпірінен білім беру саласындағы жүздеген зерттеушілерді жинаған жыл сайынғы European Conference on Educational Research-2022 халықаралық конференциясына қатысты. Биылғы ECER конференциясы Арменияда өтті.
Қызылордадағы Зияткерлік мектеп педагогы Айнұр Бекеева бұл конференцияда екінші рет сөз алып, биыл «Ағылшын тілі пәні бойынша берілетін үй тапсырмасы 10-сынып оқушыларының өз бетінше оқу дағдыларын дамытуға қалай әсер ете алады?» тақырыбында ой бөлісіп, тәжірибе алмасты.
<blockquote>
 «Бұл зерттеуде оқушыларды әртүрлі үй тапсырмаларды орындауға бағыттау және баланы өз бетінше білім алуға дағдыландыруға арналған тиімді ресурстар берілген. Халықаралық деңгейдегі тәжірибе алмасу алаңдары мұғалімдердің білім берудегі мәселелердің ортақ шешімін табуға септігін тигізеді», – деді Қызылордадағы Зияткерлік мектеп педагогы Айнұр Бекеева.
</blockquote>
Әлемдік сарапшы Мәскеудегі ұлттық зерттеу университетінің профессоры Иван Иванов сырбойылық ұстаздың жұмысын жоғары бағалап, оқушылардың қажетті дағдыларын қалыптастыруда мұғалімдердің зерттеу жұмыстарын жүргізе білуі қажет екенін тілге тиек етті. Сондай-ақ, қазақстандық білім беру сапасын арттыруда Назарбаев Зияткерлік мектептерінің үлесі зор екенін атап өтті.
ECER-2022 (European Conference on Educational Research) конференциясына 50 елден 800-ден астам ғалым жиналды , конференция барысында 40-тан астам тақырыптық семинралар, пленарлық отырыстар мен кездесулер ұйымдастырылып, қатысуышлар инклюзивті, кәсіптік білім беру, мұғалім-зерттеуші жұмыстарының маңызы, ғылым мен қоршаған ортаның білім алуға әсері, білім беруді цифрландыру, көптілді оқыту, білім берудегі көшбасшылық төңірегінде мазмұнды талдаулар жасалып, ұсыныстар берілді.
<img src="https://kyzylorda-news.kz/wp-content/uploads/2022/09/046f00e8-977c-438c-ad65-5b2f41981425.jpg" alt="" />
<img src="https://kyzylorda-news.kz/wp-content/uploads/2022/09/562f7ca8-67fc-40de-b54f-131ac29f8c8a.jpg" alt="" />

ECER-2022-де NIS-тің қазақстандық білім беру сапасын арттыруға қосқан үлесі атап өтілді

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы әкімдігінің басшылық құрамы Қостанай облысындағы өрттен зардап шеккен азаматтарға бір күндік жалақысын аударды. Қаржы Төтенше Жағдай салдарын жоюға және тіршілікті қамтамасыз ету жүйелерін қалпына келтіруге жұмсалады.
“AMANAT” партиясының облыстық филиалы Қызылорда қаласында, 7 аудан мен Төретам кентінде 9 гуманитарлық көмек қабылдау пунктін ашып, күнделікті азаматтардан көмек қабылдауда.
Бүгінгі күнге 30 тоннадан астам заттар жинақталды. Қабылданып жатқан заттар: бұзылмайтын азық-түліктер, жылы киім- кешектер мен көрпе-төсектер, тұрмыстық техникалар мен жабдықтар, гигиеналық заттар, балалардың оқу құралдары мен канцеляриялық заттар, құрылыс материалдары. 
Сыр елінің белсенді кәсіпкерлері де қаржылай көмек көрсететін болады.
Облыс атынан гуманитарлық көмектің арнайы жүк көліктері Қостанай облысына бүгін, яғни 6 қыркүйек күні жолданады деп жоспарлануда.
Айта кетейік, «AMANAT» партиясы Қызылорда облыстық филиалы бойынша гуманитарлық көмек қабылдау пунктерінің Қызылорда қаласындағы мекенжайы партияның қалалық филиалының ғимараты Ы.Жақаев көшесі 15А. Байланыс нөмірі: 8-747-530-85-79, 8-778-460-23-00.
<img src="https://kyzylorda-news.kz/wp-content/uploads/2022/09/305621019_378528071135110_4477772417611082050_n.jpg" alt="" />

Қызылорда облысы әкімдігінің басшылық құрамы қостанайлықтарға бір күндік жалақысын аударды

<a href="https://kyzylorda-news.kz/">Kyzylorda-news.kz.</a> Бұған дейін Қызылорда облысы бойынша Мемлекеттік кірістер департаменті басшысы лауазымында отырған Орынов Ғалымжан Қалдыкөзұлы Қазақстан Республикасы Премьер-Министрінің орынбасары – Қазақстан Республикасы Қаржы министрінің бұйрығымен Ұлытау облысы бойынша Мемлекеттік кірістер департаментінің басшысы болып тағайындалды.
<blockquote>
 «Ғалымжан Қалдыкөзұлы Қызылорда облысы бойынша Мемлекеттік кірістер департаменті басшысы лауазымында қызмет атқарған 3 жылдан астам уақыт ішінде, салық және бюджетке төленетін басқа да міндетті төлемдер көлемінің артуына еңбек етіп, облыстың әлеуметтік-экономикалық дамуына айтарлықтай үлес қосты. Қызмет атқарған жылдары аймақтағы мемлекеттік кірістер органдары қызметінің ашықтығын қамтамасыз етіп, салық төлеушілердің құқықтары мен мүдделерінің сақталуына айрықша назар аударды», делінген Қызылорда қаласы бойынша Мемлекеттік кірістер басқармасының таратқан хабарламасында.
</blockquote>

Қызылорда: Мемлекеттік кірістер департаментінің басшысы қызметінен босатылды

<a href="https://kyzylorda-news.kz/">Kyzylorda-news.kz.</a>&nbsp;Ерлік жасау мамандық пен сала таңдамайды. Десе де, халықтың қауіпсіздігін қамтамасыз ететін ол – тәртіп сақшылары. Адам өміріне тікелей араша түсетін тәртіп сақшыларының әр күні қауіпке толы. Олар алдыңғы шепте, халық алдында қызмет ететіндіктен, ерлігі де, заңға қайшы әрекеті де бірден көзге түседі.
Қазбеков Мұрат Мейрамбекұлы Қызылорда қаласы Полиция басқармасының патрульдік полиция батальонында қызмет атқарады. Қоғамдық тәртіпті сақтауда «алдыңғы қатарда» қызмет атқарып жүрген қызметкер. Қала тұрғындарының тыныштығы-патрульдік полиция қызметкерлерінің басты міндеті. Патрульдік полиция халыққа ең жақын деп саналады, өйткені тәулігіне 24 сағат күндіз-түні алдыңғы сапта қызмет етуде.
Басқарманың кезекші бөліміне 22 сәуір күні қала орталығында орналасқан көпқабатты Шұғыла мөлтек ауданы №17 үйдің 2 қабатындағы 58 пәтерде өрт шықты деген хабарлама келіп түскен. 
Қою түтін арасынан жол тапқан сақшы Қазбеков Мұрат пен әріптесі екеуі лаулаған от көрші пәтерлерге таралып кетпес үшін тез сөндіруге кіріседі. Өрт сөндіру бөлімінің қызметкерлері келгенге дейін полицейлер тұрғындарды эвакуациялап, адамдарды құтқару жұмыстарын шебер ұйымдастырған.
Атқарған қызметі мен ерлігінің арқасында Қазақстан Республикасының Президенті Қасым – Жомарт Кемелұлы Тоқаевтың бұйрығына сәйкес «Ерлігі үшін» төс белгімен марапатталды.
<blockquote>
 «Адамдарды апаттан құтқарып қалу – біздің қызметтік те, азаматтық та парызымыз. Біз сол сәтте ерлік жасайық, көзге түсейік деп ойлаған жоқпыз. Бар мақсатымыз – адамдарға көмектесу», – дейді патрульдік полиция батальонының инспекторы Мұрат Мейрамбекұлы.
</blockquote>
<img src="https://kyzylorda-news.kz/wp-content/uploads/2022/09/whatsapp-image-2022-09-06-at-09.18.13.jpeg" alt="" />

Мұрат Қазбеков: Бар мақсатымыз – адамдарға көмектесу

<a href="https://kyzylorda-news.kz/">Kyzylorda-news.kz.</a> Энергетика министрі Болат Ақшолақовтың хабарлауынша, электр станцияларында 4 энергоблокта, 25 қазандықта, 23 турбинада жөндеу аяқталды. Ал 4 энергоблокта, 27 қазандық пен 16 турбинада жөндеу жұмыстары әртүрлі сатыларда. Жылу беру кезеңіне қазандықты дайындау үшін 1073 қазанды немесе жоспардың 90%-ына жөндеу жүргізілді. Электр желілерін жөндеу бекітілген кестеге сәйкес аяқталуда.
Электр станцияларында отын жинақтау жалғасуда: энергия көздері қоймаларындағы көмір қоры 3,9 млн тоннаны және 83 мың тонна мазутты құрайды, бұл жалпы бекітілген нормаларға сәйкес келеді.
Сонымен қатар Қарағанды, Шығыс Қазақстан облыстарындағы электр станцияларының негізгі жабдықтарын жөндеу мерзімдерінің сақталмағаны атап өтіледі.
Бұдан басқа, Шымкент қаласында және&nbsp; Қарағанды, Маңғыстау облыстарында күрделі жөндеулер 2023 жылға ауыстырылды.
Түрлі себептерге байланысты Солтүстік Қазақстан, Түркістан, Маңғыстау, Ақмола, Павлодар, Абай облыстары және Нұр-Сұлтан қаласы жылыту маусымында ерекше назар аударуды талап ететін өңірлер болып табылады.
Өз кезегінде индустрия және инфрақұрылымдық даму министрі Қайырбек Өскенбаев бүгінде 11 075 білім беру объектісі (жоспардың 99%-ы) ) және 5 566 денсаулық сақтау нысаны (98%) жылу беру маусымына дайын екенін айтты.&nbsp;
42 383 тұрғын үйде (88%) жөндеу жұмыстары аяқталды, сондай-ақ 11 мыңнан астам дербес қазандық (97%), 1 176 км жылу желілері (94%) және 2 031 км сумен жабдықтау және су бұру желілері (86%) жөнделді.
Көмір өндіруші компаниялар 2022 жылғы қаңтар-шілде айларында 66,4 млн тонна көмір өндірді. Бұл өткен жылдың тиісті кезеңімен салыстырғанда 106%-ды құрайды. Барлық өңірлерде көмірдің қоры қажетті мөлшерде жинақталған.
Сондай-ақ Солтүстік Қазақстан облысының әкімі Құмар Ақсақалов, Абай облысының әкімі Нұрлан Ұранхаев, Нұр-Сұлтан қаласының әкімі Алтай Көлгінов баяндама жасады.
Премьер-Министр жалпы өңір әкімдіктері жылыту маусымына дайындық жұмыстарын кестеге сай жүргізіп жатқанын атап өтті. Қостанай, Алматы, Қызылорда, Батыс Қазақстан облыстарының әкімдіктері әлеуметтік сала объектілері мен тұрғын үйлерді жылыту маусымына дайындау жоспарын 100% орындады. Дегенмен, тұрғын үйлердің дайындығын кестеден кешіктіру фактілері де бар. Мысалы, Павлодар облысы.
<blockquote>
 «Халыққа жылу уақытымен беріліп, көмір жеткізуге байланысты проблема болмауы тиіс. Көмір тапшылығы жыл сайын қайталанатын үйреншікті жағдайға айналып барады. Көмір бағасының күрт өсуі, уақытында жеткізілмеуі, өңірлерде көмір қорын дер кезінде жинап алмау – осының барлығы халықтың наразылығына алып келеді. Бұған жол беруге болмайды», — деді Әлихан Смайылов.
</blockquote>
Премьер-Министр жылыту маусымына дейін аз ғана уақыт қалғанын атап өтті.&nbsp;
<blockquote>
 «Солтүстік өңірлерге суық ерте түседі. Сондықтан жылыту маусымын қыркүйектің соңында бастау жоспарланған. Демек, дайындық жұмыстарын барынша тездету қажет», — деді Әлихан Смайылов.
</blockquote>
Бұл&nbsp; ретте барлық жөндеу жұмыстарын белгіленген мерзімде аяқтап, 1 қазанға дейін барлық жылу электр орталықтары мен дербес жылу көздерін нормативтік отын қорымен қамтамасыз ету керек.&nbsp;
Премьер-Министр көмір жеткізушілермен белсенді байланыс жасап, тұрақты мониторинг жүргізіп отыруды тапсырды.&nbsp;
<blockquote>
 «Барлық объектілердің жылыту маусымына дайындығы бойынша жұмыстың аяқталуын бақылауды қамтамасыз ету керек. Бұл мәселе Үкіметтің тұрақты бақылауында болады», — деп түйіндеді Әлихан Смайылов.
</blockquote>

Қызылорда жылу маусымына дайындық жоспарын 100 пайыз орындады

<a href="https://kyzylorda-news.kz/">Kyzylorda-news.kz.</a> Мектепке дейінгі білім беруде балаларды тәрбиелеу мен оқытудың жаңартылған тәсілдеріне, баланы тәрбиелеу процесіне отбасын белсенді тартуға негізделген жаңа модельді іске асыру бойынша Қызылорда облысында жұмыс жалғасып жатыр. Осы ретте, мектепке дейінгі ұйымдар басшыларынан, тәрбиешілердің біліктілігін арттыруды, жаңа бағдарламалар енгізуді және балабақшалар жұмысының сапасын бағалауды талап етеді.
<blockquote>
 «Алдағы уақытта лицензиялау талаптарының кезең-кезеңімен енгізілетінін ескере отырып, ашылатын орындар мен балабақшалардың талапқа сай келуін қамтамасыз ететін болады. Сонымен қатар, бүгінгі күні облыста 61 қосымша білім беру ұйымы жұмыс жасайды, онда 53959 бала қамтылған. Қосымша білім берудің аясын кеңейту мақсатында өңірдегі 295 мектеп жанынан 2170 спорттық секция және 1942 шығармашылық үйірме ұйымдастырылған. Жаңа оқу жылында мектептерде білім алушыларды домбыра, шахмат үйірмелеріне көптеп тарту, олардың мәдени және интеллектуалдық дамуына жоғары әсер етеді. Биыл осы бағыттағы үйірмелерді дамытуға басымдық беріледі», – деді облыстық білім басқармасының басшысы Мейрамбек Шермағанбет.
</blockquote>
Айта кетейік, облыстағы 677 мектепке дейінгі ұйымда 59902 бала тәрбиеленуде. 3 жастан 6 жасқа дейін балалар 100 %, 2-6 жас аралығында – 90 % мектепке дейінгі ұйыммен қамтылған. Бүгінде жеке балабақшалар үлесі 73 пайызды құрап отыр.

Қызылордада 3 жастан 6 жасқа дейін балалар толық балабақшамен қамтылған

<a href="https://kyzylorda-news.kz/">Kyzylorda-news.kz.</a> Сырдария ауданы әкімінің төрағалығымен Мемлекет басшысының жолдауынан туындайтын міндеттер бойынша мәжіліс болып өтті.
Мәжіліске құқық қорғау органдары басшылары, кент және ауылдық округ әкімдері, бөлім басшылары, аудан ардагерлері, жастар және БАҚ өкілдері қатысты.
<blockquote>
 «Мемлекет басшысы өз Жолдауында саяси реформалардың жаңа бағдарламасын, әлеуметтік-экономикалық бағытта атқарылатын іс-шараларды, ішкі, сыртқы саясат, қауіпсіздік мәселелерін айқындап, 7 бағытты нақтылап берді. Президент Үкіметке, салалық министрліктерге, әкімдерге ел экономикасын серпінді дамыту бойынша нақты міндеттер жүктеп, оң нәтижеге қол жеткізуді тапсырды. Ендігі кезекте біз Жолдауда айтылған барлық бағдар бойынша нақты шаралар қабылдап, сапалы іске асыруға тиіспіз. Бірінші бағдар аясында жаңа экономикалық саясат макроэкономикалық тұрақтылықты қамтамасыз ету, экономиканы әртараптандыру және цифрландырудың тың тәсілдері қажеттілігін атап өтті. Мемлекет басшысы Жолдауда «Жастарды жан-жақты қолдау – біздің басты басымдықтарымыздың бірі» екендігін де атап өтті. Келер жылдан бастап жастар кәсіпкерлігін қолдауға жылдық 2,5%-бен жеңілдетілген шағын несие берудің тетігі іске қосылмақ. Бұл аудан жастары үшін кәсіппен айналысуға өте қолайлы мүмкіндік. Біз мұны тиімді пайдалануымыз қажет», – деді аудан әкімі.
</blockquote>
Мәжіліс барысында аудандық ардагерлер кеңесінің төрағасы Келдібаев Мұса Алпысбайұлы, аудандық әйелдер кеңесінің төрайымы Жаналиева Ұлмекен Шанайқызы, аудандық мәслихаттың хатшысы Әжікенов Ержан Ертарғынұлы Мемлекет басшысының Жолдауында көтерілген мәселелер бойынша пікір білдірді.
Кездесу соңында тиісті сала басшыларына нақты тапсырмалар берілді.
<img src="https://kyzylorda-news.kz/wp-content/uploads/2022/09/305482106_1196547017574855_4410132553590738161_n.jpg" alt="" />

Қазақстан және Қызылорда облысының жаңалықтары

Астық жинау және жем-шөп дайындау кезінде өрт қауіпсіздігін сақтаңыздар

Қызылордада 120 сотталған кәсіптік колледжге оқуға қабылданды

Жолдау партияға да айрықша жауапкершілік пен міндет жүктейді

Ләззат Бақтыбаева: Жолдау жаңашылдыққа бастайды

Цифрлық экономика – ең негізгі салалардың бірі

ECER-2022-де NIS-тің қазақстандық білім беру сапасын арттыруға қосқан үлесі атап өтілді

Қызылорда облысы әкімдігінің басшылық құрамы қостанайлықтарға бір күндік жалақысын аударды

Қызылорда: Мемлекеттік кірістер департаментінің басшысы қызметінен босатылды

Мұрат Қазбеков: Бар мақсатымыз – адамдарға көмектесу

Қызылорда жылу маусымына дайындық жоспарын 100 пайыз орындады

Қызылордада 3 жастан 6 жасқа дейін балалар толық балабақшамен қамтылған

Сырдарияда Жолдаудан туындайтын міндеттер бойынша мәжіліс өтті

Қазақстан және Қызылорда облысының жаңалықтары

Астық жинау және жем-шөп дайындау кезінде өрт қауіпсіздігін сақтаңыздар

Қызылордада 120 сотталған кәсіптік колледжге оқуға қабылданды

Жолдау партияға да айрықша жауапкершілік пен міндет жүктейді

Ләззат Бақтыбаева: Жолдау жаңашылдыққа бастайды

Цифрлық экономика &#8211; ең негізгі салалардың бірі

ECER-2022-де NIS-тің қазақстандық білім беру сапасын арттыруға қосқан үлесі атап өтілді

Қызылорда облысы әкімдігінің басшылық құрамы қостанайлықтарға бір күндік жалақысын аударды

Қызылорда: Мемлекеттік кірістер департаментінің басшысы қызметінен босатылды

Мұрат Қазбеков: Бар мақсатымыз – адамдарға көмектесу

Қызылорда жылу маусымына дайындық жоспарын 100 пайыз орындады

Қызылордада 3 жастан 6 жасқа дейін балалар толық балабақшамен қамтылған

Сырдарияда Жолдаудан туындайтын міндеттер бойынша мәжіліс өтті

Цифрлық экономика – ең негізгі салалардың бірі