<a href="https://kyzylorda-news.kz/">Kyzylorda-news.kz.</a> Қазалы ауданында 16 желтоқсан – Қазақстан Республикасы Тәуелсіздік күніне орай рухани-танымдық кеш өтті.Роза Бағланова атындағы аудандық мәдениет орталығында өткен шараға аудан әкімі Мұхтар Оразбаев, аудандық мәслихат хатшысы Бақытжан Жарылқап, облыстық әйелдер кеңесінің төрайымы Райкүл Байназарова және Желтоқсан оқиғасына қатысқан бірқатар азаматтар қатысты.&nbsp;Тәуелсіздік күні құрметіне арналған шараның шымылдығы Қызылорда қаласындағы жастар театры әртістерінің әсерлі қойылымымен ашылды.Рухани-танымдық шарада ҚР еңбегі сіңген қайраткері, «Құрмет» орденінің иегері Рамазан Тайманов Желтоқсан оқиғасында қазақ қыздары әділетсіздіктің ажал құрсауына төзбей, антына адал болғанын тілге тиек етіп, «Мен қазақ қыздарына қайран қалам» әнінің шығу тарихын айтып берді.Сонымен қатар, қазалылық желтоқсаншылар, ардагер кітапханашы Айсара Қожақова мен №92 мектептің мұғалімі Бағила Қалдыбай да шығып сөйлеп, жас буын өкілдерімен әсерлі естеліктерімен бөлісті.Шарада ҚР еңбегі сіңген қайраткері Рамазан Тайманов пен қазалылық желтоқсаншыларға құрмет көрсетіліп, «Мен қазақ қыздарына қайран қалам», «Желтоқсан желі» сияқты әндер шырқалды.<figure class="image"><img src="https://knadmin.beoblood.kz/uploads/318627971_465749319038532_5612666129320023373_n_a7beba19bb.jpg" alt="318627971_465749319038532_5612666129320023373_n.jpg"></figure>&nbsp;<figure class="image"><img src="https://knadmin.beoblood.kz/uploads/319366274_684735136382432_8780748261922894189_n_bfb2df0994.jpg" alt="319366274_684735136382432_8780748261922894189_n.jpg"></figure>&nbsp;<figure class="image"><img src="https://knadmin.beoblood.kz/uploads/319153512_834383111123240_3488750368448083260_n_b97f2c497c.jpg" alt="319153512_834383111123240_3488750368448083260_n.jpg"></figure>

Қазалыда Тәуелсіздік күніне орай рухани-танымдық кеш өтті

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Әлихан Смайыловтың төрағалығымен селекторлық режимде Үкімет отырысы өткізілді. Жиында Мемлекет басшысының сайлауалды бағдарламасын және Үкіметтің 12 желтоқсандағы кеңейтілген отырысында берілген тапсырмаларды іске асыру мәселелері қаралды.Жиынға министрлер мен онлайн режимде өңір әкімдері қатысты.Ведомство басшылары Президент тапсырмаларын орындау бойынша атқарылған жұмыстарды тізбектеп, алдағы міндеттерімен бөлісті.Премьер-Министр Мемлекет басшысының тапсырмалары уақытылы әрі сапалы орындалуы қажет екенін қаперге салып, министр мен өңір әкімдеріне бірқатар нақты тапсырмалар жүктеді.<blockquote>«2023 жылы бізді жаңа сын-қатерлер мен тәуекелдер күтіп тұр. Біз Президенттің сайлауалды бағдарламасы мен тапсырмаларын сапалы іске асыру үшін барынша күш салуымыз керек. Сондай-ақ, біз форс-мажор жағдайларға барынша тез әрекет етуіміз қажет. Әр министр өз саласы бойынша тапсырмалардың 100%-ға орындалуына кепілдік беруі тиіс. Ал әрбір әкім жергілікті жерлерде әлеуметтік-экономикалық мәселелердің сапалы шешілуін қамтамасыз етуі керек», - деді Әлихан Смайылов.</blockquote>Селектордан кейін Үкімет басшысының тапсырмаларын орындау бағытында облыс әкімі Нұрлыбек Нәлібаев жиын өткізіп, өңірдің әлеуметтік-экономикалық даму нәтижелері мен өзге де мәселелерді саралады.Президент тұрғын-үй коммуналдық шаруашылық мәселелерін ерекше бақылауда ұстауды, яғни бірінші кезекте жылу беру маусымы қалыпты режимде өтуі қажет екенін тапсырған болатын. Бұл ретте аймақта жылу проблемасын түбегейлі шешудің жолы ретінде қуаттылығы 240 мегаватты құрайтын жылу электр орталығының іргетасы қаланды.&nbsp;«Акса энерджи» түрік компаниясымен бірлескен жұмыстар 2025 жылы аяқталып, жаңа нысан ел игілігіне беріледі. Бұл қала аумағын жылу және электрмен толық қамтамасыз етеді.Облыс әкімі соңғы уақытта тұрғындар тарапынан газдың қысымына байланысты шағымдар түсіп, көпқабатты және жер үйлерде жылу деңгейі төмен екенін алға тартып, қала әкімі мен жауапты сала басшыларының жұмысын сынға алды. Бұл тұрғыда жұмысты ретке келтіру үшін орынбасары Мархабат Жайымбетовке, қала әкімі мен басқарма басшысына нақты тапсырма берді.&nbsp;<blockquote>«Соңғы апталарда күн күрт суыта түсіп еді, қала аумағында жылудың деңгейі төмендеп кетті. Тұрғындар тарапынан түрлі шағымдар түсті. Бұл мәселенің шешімін шұғыл түрде шешіп, жылу беруді қалпына келтіру керек. Қажет болса, мамандарыңызбен бірге үйлерді аралап, жағдаймен жіті танысып шығыңыздар. Қысқа дайындық кезінде де мен бұл мәселеге бірнеше рет тоқталдым. Бірақ, жұмыс нәтижесі аз.Көмір қорына да халықтың алаңдаушылығы болмауы тиіс. Қажетті мөлшерге сай қор қалыптастыру тікелей міндеттеріңіз. Жұмысты күшейтіңіздер»,-деді Н.Нәлібаев.&nbsp;</blockquote>Президент жүктеген тағы бір міндет - азық-түлік қауіпсіздігін қамтамасыз ету аясында агроөнеркәсіп кешенін, оның ішінде өңдеу саласын дамыту. Бұл бағытта облыс әкімі бірінші орынбасары Серік Қожаниязовқа ауыл шаруашылығы өндірісін әртараптандыру аясындағы шараларды одан әрі жалғастыруды тапсырды.Өңдеу саласын дамытуға бағытталған 28 инвестициялық жобаның уақытылы әрі сапалы іске асырылуын бақылауға алу қажет деді. Тұрғындар үшін алдағы апта ұйымдастырылатын ауыл шаруашылығы жәрмеңкесіне кәсіпкерлерді белсенді түрде шақырды.Жиында қала мен аудандардың әлеуметтік-экономикалық көрсеткіштеріне де талдау жүргізілді. Негізінен, аймақта 11 ай қорытындысымен бірқатар макроэкономикалық көрсеткіштер бойынша өсім қалыптасты.Тек, өнеркәсіп саласында төмендеу факторы жалғасып, өндірілген өнім көлемі 1,1 пайызға азайды. Бұл мұнай көлемінің төмендеуіне байланысты. Ал, ауыл шаруашылығының жалпы өнімінің көлемі 171,4 млрд. теңгеге жетіп, өсім 0,3 пайызды құрады. Бұл ретте Қазалы, Қармақшы, Жалағаш ауданы мен Қызылорда қаласында төмендеу орын алған. Облыс әкімі аты аталған әкімдерге жұмысты күшейтіп, нәтиже көрсету қажет екенін баса айтты.Аймақ басшысы қала, аудандар мен басқармалардың бюджетті игеру барысындағы көрсеткіштерін де саралады. 11 айдың қорытындысындағы талдау көрсеткендей, ең төменгі көрсеткіш Қармақшы ауданы мен Қызылорда қаласының бюджеттерінде қалыптасқан.&nbsp;Облыс әкімі жыл соңында бюджет қаражатын мақсатты түрде игеру жұмыстарын қарқынды түрде жүргізуді, қолға алынған жобалардың уақытылы әрі сапалы болуына басымдық берілетінін жеткізді.<blockquote>«Қала, аудан әкімдері экономикалық көрсеткіштерге тоқсан сайын емес, ай сайын мән берулеріңіз қажет.Жыл қорытындысымен орындалған міндеттер мен жұмыстарымыз Үкімет тарапынан бағаланады. Сондықтан Ұлттық жобалар, мемлекеттік және даму бағдарламаларында облысқа, оның ішінде салаға жүктелген нақты көрсеткіштер мен индикаторларға қол жеткізуіміз қажет.Басты мақсат – өңір экономикасын дамытуға бағытталған жобаларды мерзімінде, сапалы, заңды жүзеге асыруымыз қажет»,-деді Н.Нәлібаев.</blockquote>Облыс әкімі жиын барысында берілген әрбір тапсырма өзінің тікелей бақылауында болатынын жеткізді.&nbsp;<figure class="image"><img src="https://knadmin.beoblood.kz/uploads/319237733_1136548503732081_9131593009542535677_n_fa6fc33dda.jpg" alt="319237733_1136548503732081_9131593009542535677_n.jpg"></figure>&nbsp;<figure class="image"><img src="https://knadmin.beoblood.kz/uploads/319093110_463075415905262_1753363546895513188_n_c2f56b0a7a.jpg" alt="319093110_463075415905262_1753363546895513188_n.jpg"></figure>

Өңірде Президент тапсырмалары сапалы әрі уақытылы орындалады

<a href="https://kyzylorda-news.kz/">Kyzylorda-news.kz.</a> ҚР аумағының басым бөлігіне бұрынғысынша антициклон әсер ететін болады. Осыған байланысты жауын-шашынсыз ауа райы сақталады, деп хабарлайды Қазгидромет.&nbsp;Тек еліміздің оңтүстігінде, түнде батысында атмосфералық фронталды бөліктердің өтуіне байланысты қар жауады, көктайғақ күтіледі.Оңтүстік-шығыста, оңтүстікте, орталықта жел 15-20 м/с күшейеді. Қостанай облысында, Түркістан, Жамбыл облыстарының таулы аудандарында, түнде және таңертең Маңғыстау облысында тұман түседі.

15 желтоқсанға арналған ауа райы болжамы

Дұрыс инвестициялар: Сізге қалай қосымша табыс табуға болады?

<a href="https://kyzylorda-news.kz/">Kyzylorda-news.kz.</a> Қызылордалық жауынгердің сүйегі туған жеріне жеткізілді.&nbsp;Сұрапыл соғыста жат жерде қалған қазақ сарбаздарының сүйектері әлі де табылып жатыр. Бүгін 1941-1945 Ұлы Отан соғысы жылдарында Ресей Федерациясы, Ленинград облысының аумағында қызыл әскер қатарында борышын өтеп Отан қорғау жолында қаза тапқан жерлесіміз Дәдікбай Құлтасовтың сүйегі туған жеріне жеткізілді.Шараға Сырдария ауданының әкімі Мұрат Ергешбаев, облыстық қорғаныс істері жөніндегі департаменті басшысының орынбасы А.Жакипов, облыстық "Ерлік" үйлестіріу кеңесінің төрағасы Қ.Баймаханов, аудандық ардагерлер кеңесінің төрағасы М.Келдібаев, аудан ардагерлері, зиялы қауым өкілдері және Дәдікбай Құлтасовтың ұрпақтары мен туыстары қатысты.&nbsp;Жерлеу рәсімінің алдында өткізілген митингте аудан әкімі сөз сөйлеп, Ұлы Отан соғысындағы жауынгерлердің жанкешті ерлігі жас ұрпақ үшін өшпес өнеге екендігін айтып, Дәдікбай Құлтасұлының өмір жолы мен тарихи деректерге тоқталып өтті.&nbsp;Ленинград облысында Суворов атындағы ресейлік іздестіру тобы біреудің бақшалық жерінен екі жауынгердің мәйітін тапқан. Соғыс кезеңінде әрбір жауынгердің мойнында гильза болған. Онда сарбаздың аты-жөні, қай жерден соғысқа аттанғаны туралы мәлімет жазылады екен. Мұның қан майданда қаза тапқан жауынгердің кім екендігін анықтауға септігі тиген. Десе де, көбісі мұны жаман ырымға балап, лақтырып тастайтын көрінеді. Ленинград табанынан табылған қос жауынгердің бірінде мұндай гильза болмаған. Сондықтан оның кім екендігі белгісіз. Ал екінші жауынгерден гильза табылып, онда «Култасов Дажекбай. Кызылординская обл, Теренузекский район, №5 аул совет. Жена – Култасова Бачжан. Кызылординская обл, Теренузекский район, №5 аул совет» деп жазылған.&nbsp;<blockquote>«Елі, жері үшін қан төгіп, өздерін құрбан еткен жауынгерлерімізге бас иеміз. Олар біз, Отан қорғаушылар үшін батырлық пен антқа шын берілгендіктің, мықты рухтың үлгісі болары анық. Жауынгерлеріміздің ерлігі келер ұрпақтың жадында мәңгі қалады. Батыр майдангерлерімізді іздеу жұмыстарын жүргізуге етене қатысқан барлық азаматтарға алғысым шексіз», –деді Қызылорда облысының қорғаныс істері жөніндегі департаменті бастығының орынбасары подполковник Алмат Жақыпов.</blockquote>Шарадан соң қан майданда ерлікпен қаза тапқан жауынгердің сүйегі туған жері Шаған ауылындағы қорымға арулап жерленді.Айта кетейік, соңғы жылдары Ұлы Отан соғысында хабарсыз кеткен қазақстандық майдангерлердің дерегін анықтап, сүйектерін іздестіріп және туған-туыстарына жеткізіп беруде іздеуші топтар қарқынды жұмыс жасауда.<figure class="image"><img src="https://knadmin.beoblood.kz/uploads/320016009_1186952918583133_545926021017608048_n_f3b2f0f602.jpg" alt="320016009_1186952918583133_545926021017608048_n.jpg"></figure><figure class="image"><img src="https://knadmin.beoblood.kz/uploads/320200203_562481949025944_2272278751537205112_n_d61374b330.jpg" alt="320200203_562481949025944_2272278751537205112_n.jpg"></figure><figure class="image"><img src="https://knadmin.beoblood.kz/uploads/319370626_513790394043093_6737207042346041876_n_f3899f1fdf.jpg" alt="319370626_513790394043093_6737207042346041876_n.jpg"></figure><figure class="image"><img src="https://knadmin.beoblood.kz/uploads/319035266_3436829303254305_8939502026855688733_n_eaf8d6f954.jpg" alt="319035266_3436829303254305_8939502026855688733_n.jpg"></figure>

Қызылордалық жауынгердің сүйегі туған жерге жеткізілді

14.12.2022 жылы Қызылорда облысының&nbsp; Теренөзек-Қызылорда тас жолының&nbsp; 60/31 шақырымында КамАЗ бен бензовоз көліктері&nbsp; жеңіл автокөлікпен соқтығысқан. Сонын салдарынан 4 адам қайтыс болып, бір адам түрлі дене жарақаттарымен ауруханаға жатқызылды. Орын алған жол-көлік оқиғасы бойынша ҚР ҚК-нің 345-бабының 4-бөлігімен (Автомобильдi басқаратын адамның жол жүрісі қағидаларын бұзып, абайсызда екi немесе одан да көп адамның өлiмiне әкеп соғу) сотқа дейінгі тергеп-тексеру әрекеттері жүргізілуде. Тиісті сот сараптамалары тағайындалды. Оқиғаның мән-жайлары анықталуда.Polisia.kz<img src="https://knadmin.beoblood.kz/uploads/IMG_20221214_232632_678_23bcc3c756.jpg" alt="IMG_20221214_232632_678.jpg">

Қызылорда –Теренөзек тас жолында жол-көлік оқиғасы салдарынан 4 адам қайтыс болды

<a href="https://kyzylorda-news.kz/">Kyzylorda-news.kz.</a> Түзеу мекемесіне жаңадан келген сотталғандармен бірінші күннен бастап әңгіме өткізіледі,бостандықтағы өмірге деген дайындық басталады. Мұнда психологтың рөлі аса маңызды. Қоғамнан алшақтау дегенің өз жазасын өтеуші үшін өте ауыр психологиялық стресс. Сондықтан психологтардың көмегенсіз сотталғандарды тәрбиелеу мүмкін емес.&nbsp;Осы орайда Қызылорда облысы бойынша Қылмыстық-атқару жүйесі департаментінің №37, №60, №68 мекемесінің психолог мамандары бірлесе тығыз байланыста жұмыс жасайды. Осы мекеме психологтары бірлесе отырып «Балинт тобын» құрған болатын.«Балинт тобы» - бұл медицина, психология, педагогика және әлеуметтік саладағы мамандарға эмоционалды шиеленісті, кәсіби стрессті азайтуға және эмоционалды күйзелісті болдырмауға көмектесетін тиімді технология болып табылады.&nbsp;Ай сайын жоспар бойынша психологтар жиналып, өз тәжірбиелерімен бөлісіп, жұмыс барысында атқарылып жатқан шараларды ортаға салады. Бүгінгі психолог мамандарының кездесуі Ә.Тәжібаев атындағы облыстық ғылыми-әмбебап кітапханасында &nbsp;өтті. &nbsp;&nbsp;Кездесу барысында сотталғандармен жұмыс жасау қиындаған кезде орын алып жатқан қиын жағдайларды еркін түрде ортаға ұсынып, талқылап, әріптестерімен тәжірибе алмасты.<blockquote>«Біз психолог мамандары жазасын өтеушілермен тікелей мекемеге келген күннен бастап жұмыс жасаймыз. Оларға &nbsp;әр қараңғы түннен кейін жарық күн, әр қиыншылықтан кейін жеңілдік бар екендігін түсіндіріп, қиналған жазасын өтеушілердің жан дүниесін түсініп, олардың көзқарастарын өзгертіп, келешекке сенімділікпен қарауға, мақсат коя білуге отбасына тезірек оралуы үшін тәрбиелік жұмыстар жасаймыз. Ертең-ақ қоғамға, еліне пайдасы тиетін, өзгелерге үлгі болатын тұлғаға айналуларына мүмкіндіктері зор екенін ұғындырамыз», - дейді №37 мекемесінің психологы Ақгүл Аманова.&nbsp;</blockquote>

Қызылордада түзеу мекемесінің психологтары бас қосты

<a href="https://kyzylorda-news.kz/">Kyzylorda-news.kz.</a> Қазіргі әлем қарқынды өсіп, дамып келеді. Қазіргі уақытта халық арасында салауатты өмір салтын қолдау мен дамыту маңызды. Осылайша, біздің қоғамның дамуына қарай дене шынықтыру мен спорттың маңызы ұдайы өсуде. Осы орайда, Жастардың бос уақытын тиімді өткізу, салауатты өмір салтын қалыптастыру және бұқаралық спортты дамыту мақсатында Ақжарма, Қызылжарма, Талсуат, Қызылөзек ауылдық округтерінен үстел теннисі орталықтары ашылды.&nbsp;Орталық қызметі «Qosyl» жастар орталығының «Жастар бастамаларын қолдау» жобасы аясында жүзеге асырылуда. Бұған дейін жоба аясында аталған орталықтар Қарауылтөбе, Ақсуат ауылдық округінен ашылып, сәтті жүзеге асырылуда. Ал ауыл жастары орталық қызметін ақысыз негізде пайдалана алады.Үстел теннисімен айналысу кезінде студенттер адамның бойындағы маңызды қасиеттер, яғни ойлау жылдамдығы, реакция жылдамдығы, жеңіске деген ұмтылыс, зейін, шыдамдылықты қалыптастырады.Айта кету керек, үстел теннисі – әлемде кең тараған спорт түрі. Шапшаңдық пен ептілікті қажет ететін үстел теннисі 1988 жылы Сеулде өткен Олимпиада ойындары бағдарламасына енген. Ал Паралимпиадалық ойындарға 1960 жылы-ақ кіргізілген еді. Қазақстан үстел теннис федерациясы 1993 жылы құрылды. &nbsp;<img src="https://knadmin.beoblood.kz/uploads/26_600a5dca1e.jpg" alt="26.jpg">

Қалаға қарасты ауылдық округтерде үстел теннисі орталықтары ашылды

<a href="https://kyzylorda-news.kz/">Kyzylorda-news.kz.</a> ҚР ИИДМ «Жол активтерінің ұлттық сапа орталығы» РМК Тәуелсіздік күніне орай БАҚ өкілдері арасында байқау өткізді. Бұл туралы «Жол активтерінің ұлттық сапа орталығы» Қызылорда облыстық филиалының баспасөз қызметі хабарлады.Еліміздің жол саласына қатысты тақырыпта қалам тербеген қаламгерлерден конкурсқа барлығы 285 материал келіп түскен. Соның ішінде, «Ең үздік телевизиялық сюжет» номинациясы бойынша «Qyzylorda» облыстық телеарнасының редакторы Дәулетхан Ағайдаровтың «Жолшының бір күні» атты репортажы қазылар алқасымен үздік деп танылды. Байқаудың бас жүлдесін жеңіп алған әріптесімізге орталықтың бас директоры Замир Сағынов 200 мың теңгенің сертификатын табыстады. Сондай-ақ, «Сыр бойы» газетінің тілшісі, жас публицист Ержан Қожас «Әлеуметтік желідегі үздік жазба» номинациясы бойынша үздіктер қатарынан көрініп, екінші орынға берілген 150 мың теңгенің қаржылай жүлдесін иемденді. Осылайша өңір жолдарын саралап, жолшылар жұмысын насихаттаған қызылордалық журналистер қаламгерлер аламанында оза шауып, аймақ мерейін үстем етті. Жүзден жүйрік шыққан әріптестерімізді осы жетістіктерімен шын жүректен құттықтаймыз.<figure class="image"><img src="https://knadmin.beoblood.kz/uploads/Whats_App_Image_2022_12_14_at_17_50_01_babca47acf.jpeg" alt="WhatsApp Image 2022-12-14 at 17.50.01.jpeg"></figure><figure class="image"><img src="https://knadmin.beoblood.kz/uploads/Whats_App_Image_2022_12_14_at_17_49_13_d12a6f3b89.jpeg" alt="WhatsApp Image 2022-12-14 at 17.49.13.jpeg"></figure>

Қызылордалық журналистер үздік атанды

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының әкімдігі мен Қызылорда облыстық адвокаттар алқасы Қазақстан Республикасының Конституциясын, Қазақстан Республикасының «Адвокаттық қызмет және заң көмегі туралы», «Қазақстан Республикасындағы жергілікті мемлекеттік басқару және өзін-өзі басқару туралы», Қазақстан Республикасының әкімшілік рәсімдік-процестік Кодексін және заңдарды басшылыққа алып, өз құзіретттері шегінде келісімге келді және төмендегі жайлар туралы меморандум жасады.Меморандумның негізгі мақсаты – Жалағаш ауданының тұрғындарына кең спектрлі құқықтық және өзге де қызмет түрлерін көрсету және билік пен тұрғындардың тиісті деңгейдегі өзара әлеуметтік іс қимылын қамтамасыз ету, халыққа құқықтық қызмет көрсету үшін бірлескен және келісілген іс-қимылдарды жүзеге асыру. Сонымен қатар халықтың билікке деген сенімін арттырып, мәселелерді жедел шешіп, тұрғындардың негізсіз сергелдеңге түсуін және өтініштердің созбалаңға салынуын болдырмай, қағазбастылықты азайтуға оң ықпалын тигізу болып табылады.Меморандумға қол қоя отырып, тараптар өздеріне міндеттеме алды. Қатысушылар өз ара іс-қимылды дамытуға төмендегідей жолдармен қолдау жасайды. Атап айтқанда «бір терезе» қағидасы бойынша жеке және заңды тұлғаларға жеке қабылдау жүргізіп, олардың өтініштерін қарауға қабылдайды, тұрғындарға кеңес береді. Жекелеген тіршілік әрекеті салаларында жеке және заңды тұлғалардың өтініштерін қабылдауды ұйымдастыруға бағытталған қосымша шаралар жүргізеді.&nbsp;Сондай-ақ, Қазақстан Республикасының заңнамасымен қарастырылған өзге де міндеттерді орындайтын болады. Меморандумда адвокаттар алқасының және аудан әкімдігінің мақсаттары, сондай-ақ меморандумның ережелерін қолдану, меморандумның күшіне ену тәртібі және оның қолданылуын тоқтату қағидалары қарастырылды.Меморандумға Жалағаш ауданының әкімі А.Есжанов және Қызылорда облыстық адвокаттар алқасының төрағасы М.Даубалаев қол қойды.Атап айтуымыз керек, бұл жұмыстар аудандар арасында Жалағаш ауданында бірінші рет қолға алынып отыр. Жаңа 2023 жылдан бастап аудан орталығында мәдениет пен өнерді дамыту орталығында адвокаттарға арнайы орын, жұмыс кабинеті беріледі. Бұл жерде штатты негізде екі адвокат тұрақты жұмыс істеп, аудан тұрғындарына құқықтық кеңес, көмек береді.&nbsp;Ал, тоқсанына бір рет облыстық адвокаттар алқасының экономикалық, қылмыстық және әкімшілік істерді қарайтын арнайы маман адвокаттары ауданға келіп, ашық есік күнін өткізетін болады.&nbsp;Қызылорда облыстық адвокаттар алқасының төрағасы М.Даубалаев игілікті жұмыстарға қолдау көрсеткені үшін аудан әкімі А.Есжановқа алғысын айтып, ризашылығын білдірді. &nbsp;<img src="https://knadmin.beoblood.kz/uploads/24_1db2c3640b.jpg" alt="24.jpg"><img src="https://knadmin.beoblood.kz/uploads/23_f613ca21da.jpg" alt="23.jpg">

Халыққа құқықтық қызмет көрсету қызметіне қатысты меморандум жасалды

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы бойынша Қылмыстық-атқару жүйесі департаментінің №60 мекемесінде Қоғамдық даму басқармасының Дін істер бөлімі мен Мәдениет және спорт басқармасының ұйымдастыруымен сотталғандарға облыстық Нартай Бекежанов атындағы қазақ академиялық музыкалық драма театры «Бір түп алма ағашы» атты драмалық қойылымын ұсынды.&nbsp;Бұл драмада бір жанұяның басынан өткен тағдыр суреттеледі. Әлеуметтік теңсіздік, қоғамдағы қайшы пікірлер, адамдар арасындағы ала ауыздық, ағайынды жандардың берекесінің ыдырауы шығармаға арқау болады.Қойылымда үлкен бір отбасының ұйтқысы Дәметкен деген ананың басынан өткен сан қилы тағдыр. Ұл-қыздарының бір шаңырақтың астына жиналып, мәмілеге келе алмай, қоғамдағы жауыр болған проблемаға шырмалуы, ар мен ұят алдындағы абыройдың құнсыздануы көрініс береді. Спектакльдің идеясы береке мен бірлікке, адалдық пен адамдыққа үндейді. Жақсыдан үйреніп, жамандықтан жиреніп жүруді үлгі етеді. Кез-келген қоғамдық, отбасылық мәселелер оң шешімін тауып, дер кезінде ақиқат ақталатын болса трагедияға жол жоқ екенін аңғартады.&nbsp;<blockquote>«Бүгінгі өмір шындығын көрсеткен &nbsp;қойылымнан керемет әсер алдым. Бес күн жалған өмірде, сыйластықпен өткізіп, ата-ананың қадірлеп, көңілдеріне қая түсірмеу керек. Оларды жалғыз қалдырмай, бір сәт көңіл бөліп, іздегенде жанынан табылу қажет. Мұндай сахналық қойылымның біз сияқты темір торға тоғытылғандарға берері мол. Шараны ұйымдастырушыларға алғысымыз шексіз»,- деді бас бостандығынан айырылған.&nbsp;</blockquote><figure class="image"><img src="https://knadmin.beoblood.kz/uploads/Whats_App_Image_2022_12_14_at_17_23_30_50fe8c4a0f.jpeg" alt="WhatsApp Image 2022-12-14 at 17.23.30.jpeg"></figure>

Қызылордада бас бостандығынан айырылғандар театр қойылымын тамашалады

<a href="https://kyzylorda-news.kz/">Kyzylorda-news.kz.</a> «AMANAT» партиясының облыстық филиалы жанындағы Білім және денсаулық сақтау мәселелері бойынша қоғамдық кеңес пен депуттық фракция мүшелерінің бірлескен отырысы нәтижесінде партия бастамасымен Қызылорда қаласында барлық студенттер үшін «Облыстық бірыңғай студенттік емхана» бірлескен жобасын іске асыру тетіктері зерделеніп, «Бір терезе» қағидасына сәйкес толыққанды медициналық қызмет көрсетуге ағымдағы жүктемесі сәйкес келетін «Q-med» клиникасының базасында бірыңғай студенттік емхана жұмысын үйлестіру туралы ұсыныс көтерілген болатын.&nbsp;Осыған орай бүгін партия филиалында облыс орталығындағы жоғарғы және орта арнаулы білім беру ұйымдары өкілдеріне аталған студенттік емхананың жобасы таныстырылды.Кездесуде партия филиалының Атқарушы хатшысы Ләйлә Төрешова жобаның маңыздылығына тоқталып, емхананың студенттерге сапалы және уақытылы медициналық көмек көрсетіп қана қоймай, сонымен қатар жастарға денсаулықты нығайту бойынша ұсыныстар беруге, салауатты және белсенді өмір салтын насихаттауға мүмкіндік беретінін айтты.&nbsp;Сондай-ақ жиында облыстық білім және денсаулық сақтау басқармасының өкілдері Мемлекет басшысының тапсырмасына сәйкес ауылдық жердегі денсаулық сақтауды жаңғырту ұлттық жобасы келесі 2023 жылдан бастап жүзеге асырылатынын, ауыл тұрғындарына оның ішінде ауыл жастарына медициналық көмек көрсету сапасын жақсарту бойынша қандай шаралар қабылданып жатқаны жайында атап өтті.Өз кезегінде "Q-MED company group" ЖШС бас директоры Раушан Базарбай студент жастарға көрсетілетін медициналық көмектің түрлері, оларға жасалатын жағдайлар туралы толық мәлімет берді.Кездесу соңында білім беру ұйымдары өкілдерінің тарапынан ұсыныстар айтылып, жан-жақты түсіндірме жұмыстары жүргізілді. &nbsp;<figure class="image"><img src="https://knadmin.beoblood.kz/uploads/319179678_1153356551965822_5150945842182504038_n_699e1256ad.jpg" alt="319179678_1153356551965822_5150945842182504038_n.jpg"></figure>

Қазақстан және Қызылорда облысының жаңалықтары