<a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің 2022 жылғы 3 наурыздағы №826 «Әкімдердің халықпен кездесулерін өткізу туралы» Жарлығын іске асыру аясында Қызылорда облысының әкімі Нұрлыбек Машбекұлы Нәлібаев құқық қорғау органдары басшыларымен бірге Жаңақорған ауданында 18 қазан күні сағат 9.00-12.00 аралығында М.Көкенов атындағы мәдениет үйінде тұрғындармен жеке қабылдау өткізеді.Сондай-ақ, Хорасан ата көшесіндегі демалыс паркінде сағат 12.30-да халықпен кездесу өткізеді.Жеке қабылдауға алдын-ала жазылу «E-gov», «E-otinish» бірыңғай порталы, Халыққа қызмет көрсету орталықтары арқылы «e-Нәтиже» және аудан әкімдігіне тікелей барып, жазбаша нысанда өтініш беру арқылы жүргізіледі.Кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды почта нақты көрсетілуі қажет.Қабылдау бойынша сұрақтарды 8(7242)40-11-91 (ішкі 7046), (ішкі 7051), (ішкі 7049) телефондары арқылы білуге болады.Айта кетейік, облыс әкімі Нұрлыбек Нәлібаев өңір басшысы болып келген сәттен бері 20 рет қабылдау өткізіп, 173 азаматтың мәселесін саралады.<img src="https://knadmin.beoblood.kz/uploads/311501146_404267831894467_3214081512724866630_n_a6092304f8.jpg" alt="311501146_404267831894467_3214081512724866630_n.jpg">

Нұрлыбек Нәлібаев Жаңақорған ауданының тұрғындарымен кездеседі

<a href="https://kyzylorda-news.kz/">Kyzylorda-news.kz.</a> 29 қазанда Түркістан қаласында «Olympic center» спорт сарайында алғаш рет қазақтың ұлттық күресінен «Turan Barysy» Азия Кубогы өтеді. Жарысқа Түркі мемлекеттері ұйымының келесі өкілдері қатысады: Түркия, Түрікменстан, Өзбекстан, Әзербайжан, Қырғызстан, Мажарстан және Қазақстан.
Қазақ күресі балуандары 18 жастан асқан жеті адамнан тұратын командалар атынан сынға түседі. Спортшылар жеті салмақ санатында белдеседі: 55 келіге дейін, 60 келіге дейін, 66 келіге дейін, 74 келіге дейін, 82 келіге дейін, 90 келіге дейін және 90 келіден жоғары салмақта.
Турнир еліміздегі ұлттық спорт түрін дамыту және қолдау мақсатында өткізіледі. Бұдан бөлек, «Turan Barysy» жастарды спортқа тарту және ұлттық салт-дәстүрлерді сақтау міндетін алға қояды.
«Qazaq kuresi» Қауымдастығының бас директоры Ербол Мырзабосынов қазақ күресі елдегі өскелең ұрпақты тәрбиелеу және мәдениетін арттыру негізі екеніне сенімді. Бұл турнир қазақ күресінің әлемдік аренада одан әрі дамуына серпін бермек.
«29 қазанда алғаш рет «Turan Barysy» турнирі өтетінін мәлімдейміз. Түркістан қаласы кездейсоқ таңдалмады. Ол қатысушы елдердің мүддесін біріктіретін түркі әлемінің астанасы саналады», – деді Ербол Мырзабосынов.
Айта кетерлігі, бүгінде Қазақстанда 120 мыңнан астам бала мен жас осы спорт түрімен шұғылданады. Ұлттық спортты дәріптеу мақсатында &nbsp;шетелде 30 астам қазақ күресі федерациясы жұмыс істейді.&nbsp;
«Тек Қазақстанның өзінде әртүрлі деңгейде 800 астам жарыс өткізіледі. Сонымен бірге халықаралық деңгейде Азия Кубогы, Азия және әлем Чемпионаттары секілді халықаралық турнирлер өтеді», - деп атап өтті «Qazaq kuresi» Қауымдастығының бас директоры.
«Qazaqstan Barysy» қазақ күресін қолдау және дамыту қорының атқарушы директоры Серікбол Оразалиннің айтуынша, жарысқа 7 қатысушы елдің мықты балуандары қатысады.
<blockquote>«Qazaqstan Barysy» қоры 10 жыл бойы ұлттық спорт түрін қолдау және дамытумен айналысып келеді. Біз Қазақстан барысы, Әлем барысы, Еуразия барысы секілді чемпионаттардың әрі негізін қалаушы, әрі ұйымдастырушыларымыз. Қазір «Turan Barysy» жаңа жобасы жайлы мәлімдеп отырмыз. Мұндай іс-шаралар отандастарымыз бен шетелдік аудиторияның назарын Қазақстанның мәдениеті мен салт-дәстүріне, ұлттық күреске аударады деп сеніммен айта аламыз. Жалпы жүлде қоры 20 миллион теңгені құрайды», - деді Серікбол Оразалин.&nbsp;</blockquote>
Турнир ҚР Мәдениет және спорт министрлігі мен Түркістан облысы әкімдігінің қолдауымен «Qazaqstan Barysy» қазақ күресін қолдау және дамыту қоры, «Qazaq kuresi» қауымдастығы, «Туризм мен спортты қолдау және дамыту қоры» КҚ ұйымдастырылып жатыр.
Жанкүйерлер турнирді Qazsport және TRT Avaz телеарналарынан тікелей эфирден тамашалай алады. Қосымша ақпарат алу үшін Ақсұлу Арзықұловаға +77028883138 хабарласыңыз.

Түркі мемлекеттерінің спортшылары Азия Кубогында бақ сынайды

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатов алтын құрсақты аналарды марапаттады.Аудан әкімі Нұржан Ахатов әкімдікте көпбалалы аналарды қабылдап, «Алтын алқа» және «Күміс алқа» төсбелгілерін табыс етті.Қабылдау барысында киелі Шиелі жерінде тұрып жатқан 19 көпбалалы ана аталған марапатқа ие болды. Оның үшеуі - алтын алқа, он алтысы - күміс. Осылайша &nbsp;аналарды салтанатты түрде құттықтаған аудан басшысы аналарға ізгі ілтипатын білдіріп, ақжарма тілектерін арнады.Жиын барысында алтын құрсақты аналар да сөз алып, мемлекеттің жасап жатқан қамқорлығына зор алғыстарын білдіріп, жергілікті басшылықтың жұмысына сәттілік тіледі.<blockquote>«Мемлекет тарапынан көпбалалы аналарға көрсеткен құрметі мен аудан басшылығынан айтылған ізгі тілектер бізді қанаттандырып, қуантады. Әрбір ананың жүрегінде қуаныш сезімі орнап, жанарлары нұрланды. Елдің ертеңін ойлайтын, ұлтжанды, білімді ұрпақты дүниеге әкеліп, халық санын көбейтуге күш саламыз», - деді «Алтын алқа» иегері, көпбалалы ана.</blockquote>Айта кетейік, Шиелі ауданы бойынша 2478 батыр ана бар. Оның ішінде «Алтын алқа» иегерлері – 950 болса, «Күміс алқа» таққандардың саны – 1528. &nbsp;<figure class="image"><img src="https://knadmin.beoblood.kz/uploads/shieli1_27728d885e.jpg" alt="шиели1.jpg"></figure>

Шиелі ауданының әкімі алтын құрсақты аналарды марапаттады

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжанов ауыл спортшыларының «Алтын күз - 2022» спартакиадасына қатысқан спортшылармен кездесті.
<blockquote>«Спартакиадаға ауданнан 160-қа жуық спортшыларымыз қатысып, нәтижесімен облыс бойынша 3 орынды иеленді. Осы спартакиадада жеңіске жеткен спортшылармен қоса жаттықтырушыларды шын жүректен құттықтаймын. «Алтын күз-2022» спартакиадасында алдарына жан салмай жеңіс тұғырынан көрініп, үздіктер қатарынан көрінген жерлестеріміз гір көтеру, қазақ күресі, шахматтан 1 орын алды. Ал, президенттік көпсайыс, көкпар, бес асық, теңге ілуден жүлделі 2 орынға, футбол, аударыспақ, қол добынан 3 орынға қол жеткізді. Бұл – ауданымыз үшін үлкен жетістік. Алдағы уақытта аудан спортшылары бұдан да жоғары белестерді бағындырып, биіктерге шығатынына сеніміміз мол», - деді аудан басшысы.&nbsp;</blockquote>
Кездесуде ауыл спортшыларының «Алтын күз - 2022» спартакиадасында үздіктер қатарынан көрінген командалар мен спортшыларды аудан әкімі Асқарбек Есжанов марапаттады.
Айта кету керек, 5-9 қазан аралығында Қазалы ауданында бұқаралық спортты дамыту, ауылдық жерлерде салауатты өмір салтын қалыптастырып, спорттың маңызын арттыру мақсатында 1000-нан астам ауыл спортшыларының қатысуымен «Алтын күз-2022» спартакиадасы өткен болатын.
<figure class="image"><img src="https://knadmin.beoblood.kz/uploads/Zhalagash1_d6e2acbe2f.jpg" alt="Жалагаш1.jpg"></figure>

«Алтын күз – 2022»: Жалағаштық спортшылар ІІІ орын иеленді 

<a href="https://kyzylorda-news.kz/">Kyzylorda-news.kz.</a> Қаржыңызды сауатты басқаруды үйрену жылдам процесс емес. Бірақ күн сайын ақша жинап, үш апта ішінде жаңа әдетті бекітуге болады. Fingramota.kz бұл процесті қалай тиімді және сіздің әмияныңыз үшін пайдалы ету жолдарымен бөліседі.
Бюджетті басқарудағы ең маңызды нәрсе – кейінге қалдырмай, бірден әрекет ету. Пайдалы әдет сіздің өміріңізге біртіндеп енеді және оны ұстану оңайырақ болады.
Жеті күн қағидасы&nbsp;
I күн.
Бірінші қадам – шығындарды есепке алу үшін телефонға қосымша орнату немесе күннің қорытындысы бойынша барлық шығындарды шағын дәптерге жазып отыру. Егер сізде бәрі бақылауда болса да және сіз ақшаны не үшін жұмсайтыныңызды білсеңіз де, нақты шығын нәтижелері сізді таң қалдыруы мүмкін. Сондықтан бірінші міндет – соңғы айдағы шығындарыңызды есептеу және оларды бөлімдерге бөлу, мысалы: азық-түлік, көлік, коммуналдық шығындар, демалыс, сыйлықтар, емделу және т.б.
II күн.
Ақшаны не үшін жинайтыңызға мақсат қойыңыз: мысалы, шағын бизнес ашу, балаларды оқыту, жаңа көлік сатып алу, саяхаттау және т.б. Мақсат қоймай жинақтаудан гөрі нақты тұжырымдалған мақсатқа ақша жинау жақсы ынталандырады. Өз қаржылық мақсатыңыздыәлсін-әлсін еске түсіріп, оны көз алдыңызға елестетіп, ақшаны қайта есептеп және өзектілігі мен қажеттілігіне байланысты қойылған міндетті қайта қарап отырыңыз. Қалай болғанда да, ақша жинау және қойған мақсатыңыз ұзақ мерзімді, яғни кем дегенде 2 жылға арналған стратегия болғаны жөн.
III күн.&nbsp;
Соңғы жылдың қай айларында ең көп кіріс алғаныңызды және бұл неге байланысты екенін есептеңіз. Сондай-ақ қай айда ең аз кіріс алғаныңызды және бұл жағдайдың қайталану қаупі бар-жоғын есте сақтаңыз. Жағдайды талдағаннан кейін, қандай әрекеттерден бас тартқаныңыз жөн және қайсысы қаржылық жағынан жақсы нәтиже бергені туралы ойланыңыз.
IV күн.
Ақша байқалмай жұмсалатын күнделікті шығындарды бақылаңыз. Бұл шоколадтар немесе тәтті тағамдар, сондай-ақ үйден алуға болатын су, өзіңіз жасай алатын пайдалы үй тағамдарының орнына кафеде түскі ас, таксимен жүру, дайын кофе және басқа да шығындар болуы мүмкін.
Ақшаңызды тағы да неге босқа жұмсайтыныңызды және оны қалай болдырмауға болатынын ойланыңыз. Жуынатын бөлмеде краннан су ағып тұруы, қонақ бөлмеде үнемі шамның қосылып тұруы, өзіңіз пайдаланбайтын стационарлық телефон үшін ай сайынғы абоненттік төлем алынуы ықтимал. Ұялы байланыс, үйдегі интернет және кабельдік теледидар тарифтерін қайта қарастырыңыз, үнемді нұсқалар табылуы ықтимал.
V күн.
Енді сіз нақты кірістер мен алдағы шығындар туралы нақты түсінікке ие болсаңыз, қандай нашар қаржылық әдеттерден бас тартуға болатынын қарастырыңыз. Сіз аптасына бір кішкентай әдеттен бастай аласыз, содан кейін көбірек қосыңыз және т.б. Нәтижесінде сіз, ең болмағанда, отбасылық бюджеттің негізгі «опырғыштарынан» құтыласыз.
VI күн.&nbsp;
«Артық шығыннан» арылыңыз! Мысалы, азық-түлік шығындары әдетте кезкелген отбасылық бюджеттің едәуір бөлігін алады. Сондықтан бір күніңізді бюджеттің осы маңызды бөлігін жоспарлауға арнаңыз.&nbsp;
Жеке кіріс-шығысыңызды немесе бүкіл отбасының бір апталық кіріс-шығысын жазған жөн. Себебі жұмыстан кейінгі кешкі уақытта, әдетте, келесі күнге тамақ дайындауға көп адамның шамасы келе бермейді, демалыс күндері бір аптаның тағамдарын жартылай дайындап, мұздатып қоюды ұсынамыз. &nbsp;Сонымен қатар, осы жоспарлау кезінде сіз белгілі бір өнімдердің бар-жоғын тексеру үшін барлық шкафтар мен сөрелерді қарап өтуіңіз керек, бұл өз кезегінде дүкеннен артық сатып алмауға мүмкіндік береді. Біз сізге алғашқы күндері мәзірге, ең алдымен, отбасы немесе сіз күн сайын жеуге дайын тағамдарды қосуға кеңес береміз, демек, қалдықтарды тастаудың қажеті жоқ. Бұл киім, тұрмыстық тауарлар және т.б. шығындарға қатысты. Шкафтарда, антресольдерде, қоймада тексеру жүргізу керек. Сонымен бірге сіз қоқыстардан және қажетсіз нәрселерден арыласыз.
VII күн.
Әдетті қалыптастыру – бұл ұзақ және күрделі процесс, ол дұрыс күшейтуді және қателіктермен үнемі жұмыс істеуді қажет етеді. Сондықтан аптасына кемінде бір рет ақшаңызбен «кездесу» ұйымдастырыңыз. Осы бір-екі сағат ішінде барлық әмияндарыңыз бен ақша жинайтын сандықшаларыңызды қайтадан ашыңыз, карточкаларыңыздағы және депозитіңіздегі барлық ақша мен бонустарды қайта есептеңіз, қорытынды санды блокнотқа немесе телефон жазбаларына жазыңыз. Сондай-ақ, барлық шығындарыңызды, оның ішінде кредит төлемін жазып жүріңіз, әрдайым сақталуы керек чектерді қайта қарап шығыңыз және дүкеннен шыққаннан кейін бірден тастамаңыз. Қай жерде қателескеніңізге көз жеткізіңіз: негізсіз шығындар, мысалы, асханада немесе кафеде жұмсалған ақша, көптеген ұсақ-түйектерді сатып алу және т.б.
Әрі қарай, бұрын жіберілген барлық кемшіліктерді ескере отырып, жаңа қаржылық жоспар құрыңыз. Ең жақсысы – қанша үнемдегеніңізді есептеңіз. Бұл соманы депозитке аударыңыз немесе ақша жинайтын сандықшаға салыңыз.
Ең бастысы – осы жоспарды үш апта бойы ұстану. «Атомдық әдеттер» кітабының авторы Джеймс Клир айтқандай: «Күнделікті әдеттер – бұл үлкен армандарды шындыққа айналдыратын кішкентай, қайталанатын әдеттер». Егер сіз мұны күн сайын үш апта бойы жасасаңыз, бюджетті сақтау сізге әлдеқайда жеңіл және оңай болады және сіз қаржылық мақсатыңызға бір қадам жақындайсыз. Уақыт өте келе сіз оған тек түзетулер енгізіп, жаңаларын қосуыңыз керек.
Қаржылық сауаттылықты Fingramota.kz бірге арттырыңыз!
<figure class="image"><img src="https://knadmin.beoblood.kz/uploads/Bezymyannyj_08957b08df.png" alt="Безымянный.png"></figure>
&nbsp;
&nbsp;

Қаржыңызды сауатты басқаруды үйреніңіз

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев ауыл спортшыларының «Алтын күз – 2022» ХХХV спартакиадасында жеңімпаз атанған спортшыларды қабылдап, құрмет көрсетті.
Аудан әкімдігінде өткен салтанатты шарада Мұхтар Әуесұлы спортшыларды тарихи жеңістерімен құттықтады.
<blockquote>«Баршаңызды ауыл спортшыларының «Алтын күз» спартакиадасындағы тарихи жеңістеріңізбен шын жүректен құттықтаймын! Тарихи деп айтуымыздың өзіндік себебі бар. Себебі соңғы он жылдың ішінде аудан құрамасы мұндай жетістікке қол жеткізбеген. Әрине бұл жеңіс бізге оңайлықпен келген жоқ. Осы жетістіктің артында қаншама еңбек, төгілген тер, ұйқысыз түндер жатыр. Ең бастысы Сіздер жеңіске деген жігер мен темірдей төзімділік танытып, өздеріңізге артылған үміт пен сенімді ақтай алдыңыздар. Қазалы ауданында 5 күнге созылған жарыста футбол, қол добы, баскетболдан әйелдер командасы, үстел теннисі, тоғызқұмалақтан аудан құрамасы жеңістің биік тұғырынан көрініп, ауданның абыройын асқақтатты. Одан бөлек, баскетболдан ерлер командасы мен шахматшыларымыз да намысты қолдан бермей, екінші орынға ие болды. Ал, волейболдан ерлер командасы, бес асық, асық ату, қол күресінен бақ сынаған спортшыларымыз үшінші орынды місе тұтты. Нәтижесінде 108 ұпай жинаған Қазалы ауданының құрамасы жалпыкомандалық есепте 1 орынға ие болып, спартакиада жеңімпазы атанды. Бұл әрине біздің аудан үшін үлкен жетістік», – деді аудан басшысы.</blockquote>
Мұнан соң спартакиадада аудан намысын қорғаған спортшылар мен олардың бапкерлері аудан әкімінің «Алғыс хатымен» марапатталды.
Салтанатты шарада облыстық мәслихат депутаты Ібайдулла Тілеп, ардагер спортшы Қуанған Бәкен спортшыларды жеңістерімен құттықтап, игі тілектерін білдірді.
Спортшылардың мерейін үстем еткен шарада аудандық мәдениет орталығының өнерпаздары ән-күйден шашу шашып, көпшіліктің көңілін бір серпілтіп тастады.
<figure class="image"><img src="https://knadmin.beoblood.kz/uploads/kazaly3_ac2a1bd2b9.jpg" alt="казалы3.jpg"></figure><figure class="image"><img src="https://knadmin.beoblood.kz/uploads/kazaly2_c51eeab7ac.jpg" alt="казалы2.jpg"></figure><figure class="image"><img src="https://knadmin.beoblood.kz/uploads/kazaly5_e02bad3253.jpg" alt="казалы5.jpg"></figure><figure class="image"><img src="https://knadmin.beoblood.kz/uploads/kazaly4_e8489ed919.jpg" alt="казалы4.jpg"></figure><figure class="image"><img src="https://knadmin.beoblood.kz/uploads/kazaly1_addfd17ac2.jpg" alt="казалы1.jpg"></figure>

Мұхтар Оразбаев спартакиада жеңімпаздарын қабылдады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде қоғамдық қабылдау ашылды. Енді білім алушылар мен профессор-оқытушылар жаңа идеялары мен ұсыныстарын &nbsp;жолдап, сұрақтарына жауап ала алады.
Қоғамдық қабылдау – білім алушылар және ата-аналармен, оқу орнының қызметкерлерімен тығыз қарым-қатынас орнатып, барлық мәселелерді жедел шешуге көмектеседі. Өтінішті жазбаша немесе ресми сайт арқылы онлайн түрінде жіберуге болады.
Арнайы бекітілген кестеге сәйкес университеттің Басқарма Төрағасы-Ректоры, Басқарма мүшелері-проректорлар, комплаенс-офицер және басқа да құрылым басшылары қабылдау жүргізеді. &nbsp;
<blockquote>«Сыр еліндегі білім мен ғылымның киелі қара шаңырағына айналған Қорқыт &nbsp;ата атындағы Қызылорда университеті студенттердің әр бастамасын қолдап, оның жүзеге асуына қашан да көмек көрсетіп келеді. Білім алушылар мен университет басшылығы арасында қашан да ашық байланыс орнатылған. Соның тағы бір дәлелі оқу орнында ашылған қоғамдық қабылдау орны. Бұл - білім алушыларға үлкен мүмкіндік. Себебі, толғандырып жүрген сауалдарының жауабын алып, ұсыныстарына қолдау табады деп сенемін», - деді 2-курс студенті Айдан Берікұлы. &nbsp;<img class="image_resized" style="width:100%;" src="https://knadmin.beoblood.kz/uploads/P2022652_cf5e82d60b.JPG" alt="P2022652.JPG"></blockquote>
<img class="image_resized" style="width:100%;" src="https://knadmin.beoblood.kz/uploads/P2022664_0df82d0e1c.JPG" alt="P2022664.JPG">

Қорқыт ата атындағы университетте қоғамдық қабылдау ашылды

<a href="https://kyzylorda-news.kz/">Kyzylorda-news.kz.</a> Назарбаев Зияткерлік мектептерінде тоғызқұмалақтан V желілік спартакиада басталды.
Биылғы жылы спартакиадаға Зияткерлік мектептерден жүзге жуық дарынды жас қатысуда. Қызылордалық зияткерлер командасы атынан 12-сынып оқушысы Досымжан Райымбек, 11-сыныптан Жұлдызай Мұнайтбасова, 9-сыныптың білім алушысы Жансая Досық пен 7-сыныптың оқушысы Ақберен Бақытберген мектеп намысын қорғайтын болады.&nbsp;
Айта кетейік, өткен жылы сырбойылық құрама команда спартакиада кубогын жеңіп алған болатын.
<blockquote>«Бұл ойын қажымас қайрат, терең логикалық ойлау мен ойынға деген құлшынысты қажет етеді. Алдағы сайыста барлық спартакиада қатысушыларына сәттілік тілейміз. Жеңіс лайықты командаға бұйырсын», — деді өткен жылдың чемпионы Жұлдызай Мұнайтбасова.</blockquote>
Тоғызқұмалақтан V онлайн спартакиада PlayOk платформасында 2022 жылдың 10-13 қазан аралығында қашықтан өтеді. Ойыншылар рапид әдісі бойынша 3 жас ерекшелікте кезең-кезеңімен сайысқа түседі. Байқау аясында &nbsp;#Тоғызқұмалақта тапқырлық бар челленджі де бастау алды.
Айта кету керек, 2020 жылдың соңында тоғызқұмалақ ЮНЕСКО-ның Әлемдік мұра нысандарының тізіміне енгізілді.
<figure class="image"><img src="https://knadmin.beoblood.kz/uploads/togyzkumalak1_b3a0a58df4.jpeg" alt="тогызкумалак1.jpeg"></figure><figure class="image"><img src="https://knadmin.beoblood.kz/uploads/togyzkumalak_9b3242a22e.jpeg" alt="тогызкумалак.jpeg"></figure>

НЗМ: Тоғызқұмалақ шеберлері сайысқа түсті

<a href="https://kyzylorda-news.kz/">Kyzylorda-news.kz.</a> Облыс ардегерлері бас қосып, съез делегаттары облыстық ардагерлер кеңесінің төрағасы Серік Дүйсенбаев және қалалық ардагерлер кеңесінің төрағасы Сұлтанбек Тәуіпбаевпен кездесті.
Кездесу барысында &nbsp;«AMANAT» партиясының кезектен тыс XXIV съездінің күн тәртібінде көтерілген мәселелерді ортақ талқыға салды.&nbsp; Облыстық ардегерлер кеңесінің төрағасы, съезд &nbsp;делегаты Серік Дүйсенбаев сөз алып, партияның тарихи маңызды съезінде ел ертеңі мен болашағының бағыт-бағдары айқындалғандығын, партия мүшелері Қазақстан Республикасы Президенттігіне кандидат ретінде Қасым-Жомарт Кемелұлы Тоқаевты ұсынып, ұсыныс делегаттармен бірауыздан қабылданғандығы жөнінде атап өтті. &nbsp;
<blockquote>«Бұл шешімнің еліміздің жаңа дәуірге қадам басып тұрған тұстағы маңызы өте жоғары. Алдымызда түбегейлі саяси, экономикалық реформаларды табысты іске асыру міндеті тұрғандықтан, бізге ел тізгінін берік ұстап, барлық қиындықтан алып шығатын, көшімізді бастайтын Президентіміздей тұлға керек.Бұл орайда партияның да, Халықтық коалицияның да ұстанған бағыты бір екенін көрсетті», - деді Серік Дүйсенбаев.</blockquote>
Өз кезегінде сөз алған Сұлтанбек Тәуіпбаев алқалы жиында Жаңа, Әділетті Қазақстанды құру міндетіне сай ортақ құндылықтар мен ұлттық мүдде біріккен партияның Саяси Тұғырнамасы бекітілгенін атап өтіп, бұл құжат еліміздің дамуы мен халқымыздың әл - ауқатын арттыруға ықпал ететіндігіне зор сенім білдірді.
Жалпы ардегерлер қауымы мемлекет басшысының барлық реформалары бүгінгі күні іске асып жатқандығын тілге тиек етіп, &nbsp;алдағы сайлауда Қасым-Жомарт Тоқаевты ең тиімді, әрі лайықты кандидат екендігі жөнінде ортақ пікірлерін білдірді. Және көршілес елдердегі орын алып жатқан оқиғаларды мысал етіп, мұндай жағдайда жалпы ел болып, ортақ шешім қабылдаудың маңызды екенін атап өтті.
<img src="https://knadmin.beoblood.kz/uploads/4f372112_5f5a_477b_88fa_60d6e2d3b751_9dda3443e5.jpg" alt="4f372112-5f5a-477b-88fa-60d6e2d3b751.jpg">
<img src="https://knadmin.beoblood.kz/uploads/e0de6061_7168_46ef_a0bd_26f0f65d8446_25a835d713.jpg" alt="e0de6061-7168-46ef-a0bd-26f0f65d8446.jpg">

Қызылордалық ардагерлер съезд шешімін қолдады

<a href="https://kyzylorda-news.kz/">Kyzylorda-news.kz.</a> Қызылордада кәсіпкерлер жаңадан қабылданатын салық кодексінің жобасына ұсыныстарын беріп жатыр.
Қызылордада Кәсіпкерлер палатасының Өңірлік кеңесі жанындағы Шағын және орта бизнес комитеті отырысында елдегі салық саясаты талқыланып, кәсіпкерлер Президенттің тапсырмасымен әзірленіп жатқан жаңа Салық кодексінің жобасына ұсыныстарын берді.
Шарада комитет төрағасы Бейбітәлі Тілеулиев Мемлекет басшысының биылғы Жолдауда салық кодексін жаңадан жазып шығуды тапсырғанын айта келе, бүгінде «Атамекен» Ұлттық кәсіпкерлер палатасы жанында осы мәселеге қатысты арнайы жұмыс тобы құрылғанын жеткізді. Жұмыс тобында өңірлерден келген ұсыныстар талқыланып, жаңа Салық кодексінің тұжырымдамасы дайындалмақ. &nbsp; &nbsp;
Отырыста «Табыс корпорациясы» ЖШС директоры Жанар Абдуллаева дивидентке салынатын салыққа қарсы екенін атап өтті.
<blockquote>«Біз онсыз да сол дивидентке дейін барлық міндетті төлемдерді төлейміз. Оның ішінде корпоративтік табыс салығы да бар. Ендеше неге дивидентке қосымша жеке табыс салығын төлеуіміз керек?», – деді шарада серіктестіктің басшысы.</blockquote>
Ал «CarStar» ЖШС-нің бас есепшісі Толыбек Қазиханов табысқа салынатын салықты оңтайландыру қажет деп санайды.
<blockquote>«Қазіргі қолданыстағы заң талаптары бойынша табыстан алты түрлі салық ұсталады. Шет елдерде біріктіріліп бір немесе екі түрі ғана алынады. Сол тәжірибені біздің елімізде де қолданса жақсы болар еді», – деді Толыбек Қазиханов.</blockquote>Ал «Абай-Дәулет» ЖШС-нің есепшісі Райхан Көшекеева тауарға берілетін ілеспе шот-фактураға қатысты ұсыныс берді.<blockquote>«Тауарларға арналған ілеспе шот-фактура беру міндеті тауарларды өткізетін, әкелетін және экспорттайтын барлық салық төлеушілерге жүктелген. Бұл саудамен айналысатын кәсіпкер үшін айтарлықтай салмақ. Мәселен сауда-саттықпен айналысатын жеке кәсіпкерде 7000 кейде 8000 тауар түрі болуы мүмкін. Соның барлығына виртуалды қоймада көрсетіп, құжат дайындап отыру өте қиын. Бұл талап тек экспортталатын отандық өнімдерге ғана қойылғаны жөн», – деді Райхан Көшекеева.</blockquote>Отырыста бұдан басқа электрондық шот- фактурамен жұмыс барысын жетілдіру, міндетті әлеуметтік медициналық сақтандыруға төленетін төлем мәселесі мен көлікке салынатын салық және басқа да мәселелер қаралып, талқыланды. Оны оңтайландыруға қатысты кәсіпкерлер ұсыныстарын да берді.Кәсіпкерлер палатасы директорының орынбасары Гаухар Елеусінова кездесуде айтылған, сондай-ақ өзге де кәсіпкерлерден онлайн жиналған ұсыныстардың барлығы «Атамекеннің» Орталық аппаратына жолданып, жұмыс тобында талқыланатынын жеткізді.<figure class="image"><img src="https://knadmin.beoblood.kz/uploads/kasipker1_34d94063f0.jpg" alt="касипкер1.jpg"></figure>

Қызылордалық кәсіпкерлер салық кодексінің жобасына ұсыныс берді

<a href="https://kyzylorda-news.kz/">Kyzylorda-news.kz.</a> Өздеріңізге белгілі, 2022 жылы 6 қазан күні Елордада «AMANAT» партиясының кезектен тыс XXIV съезді өтті. Съезд жұмысына еліміздің барлық &nbsp;аймағынан 1200-ға жуық делегаттар қатысты.
Күн тәртібіне сәйкес, бірінші кезекте алдағы ҚР Президент сайлауына партияның атынан Қасым-Жомарт Тоқаевтың кандидатурасы &nbsp;ұсынылды.&nbsp;
Cонымен қатар, «AMANAT» партиясының &nbsp;басты саяси іс-шарасы барысында жаңа Саяси тұғырнамасы бекітілді.&nbsp;
Осы ретте, съезд делегаты облыстық «Жастар Рухы» ЖҚ төрағасы М.Жорабек жастарға ел дамуының негізгі бағыттары мен саяси бірлестіктің принциптерін айқындаған идеологиялық құжаттың мазмұнын түсіндірді. Сонымен қатар ҚР Президенттігіне үміткер Қасым-Жомарт Кемелұлы Тоқаевты қолдау жөніндегі Халықтық коалиция форумы жөнінде мағұлмат беріп өзінің әсерімен бөлісті.&nbsp;
Форум жұмысында идеологиясы мен бағыты, мәртебесі мен мақсаты әр түрлі саяси партиялар мен &nbsp;азаматтық қоғам институттары өкілдері қатысты. Жалпы коалиция құру әлемдік тәжірибеде бар, бұрыннан қалыптасқан саяси мәдениеттің көрінісі.&nbsp;
<blockquote>Жиында сөз алған саяси партиялар мен қоғамдық бірлестіктер өкілдері әлемдік геосаяси ахуал күрделі кезеңде бір болып, Президент жанына топтасудың маңыздылығына тоқталды. Қазіргідей шешуші тарихи кезеңде қоғам болып ауызбіршілік танытып, Президент бағытына қолдау көрсетудің маңызды екенін айтты. Бұл тұрғыда Қ.К.Тоқаев ұсынған әділдік тұжырымдамасы – жалпыхалықтық мәселе. «Әділетті Қазақстан» идеясы барша халықты біріктіреді. Ол барлық әлеуметтік топтар үшін өзекті. Сондықтан мемлекеттің дамуына, көзделген реформаларды іске асыруға &nbsp;жастар атынан бірге үлес қосумыз қажет. Әділетті Қазақстанды сөз жүзінде емес, іс жүзінде құра алатынымызға сенімдімін, - деді М.Жорабек.</blockquote>
Диалог алаңында белсенді жастар мен &nbsp;оқу орнының білім алушылары қатысып, пікір алмасты.
<img src="https://knadmin.beoblood.kz/uploads/6f481394_06d8_47c5_b272_dff8fd09c432_4d10587bc7.jpg" alt="6f481394-06d8-47c5-b272-dff8fd09c432.jpg">

«BIR TOLQYNDA» диалог алаңында съезд делегаттары  жастармен кездесті

<a href="https://kyzylorda-news.kz/">Kyzylorda-news.kz.</a> 11 қазанда Қазақстанның басым бөлігінде ауа райын ауқымды антициклон анықтайды. Онымен жауын шашынсыз күн райы қалыптасады, деп хабарлайды Қазгидромет.
Еліміздің тек батыс өңірлерінде жаңбыр мен найзағай болжанады. Барлық өңірде – екпінді жел, оңтүстік пен оңтүстік-батыста – шаңды дауыл, шығыста және оңтүстік-шығыстың таулы аймақтарында тұман күтіледі.&nbsp;

Қазақстан және Қызылорда облысының жаңалықтары