<a href="https://kyzylorda-news.kz/">Kyzylorda-news.kz.</a> Қазалы ауданы, Әйтеке би кентінде Ауыл спортшыларының «Алтын күз - 2022» ХХXV облыстық спартакиадасы бастау алды.&nbsp;
Салтанатты шараны Қазалы ауданы әкімі Мұхтар Оразбаев ашып, ауыл спортын дамыту мемлекеттің жіті назарында екендігін, бүгінгі жас спортшы ертең ел намысын қорғайтын нағыз патриот болуы жолында осы сынды спартакиадалар өткізудің маңыздылығын атап өтті.&nbsp;
<blockquote>«Спорт – елдің мерейін асырып, абыройын тасытатын сала. Тәуелсіздік жылдары Сыр спортшылары халықаралық ірі жарыстарда топ жарып, көк байрағымыз асқақтай түсуде. Әлемдік аренада көк туымызды желбіреткен даңқты спортшылардың арасында қазалылықтар да бар. Атап айтар болсақ, Марина Вольнова 2012 жылы өткен Олимпиада ойындарында бокстан қола медальді жеңіп алды. Бүгінгі таңда Қазалының қайсар қызы тек біздің ғана емес, бүкіл Қазақ елінің мақтанышы десек артық айтқандық емес. Бүгінде қасиетті өлкеде Маринаның лайықты ізбасарлары өсіп келе жатыр. Олар жыл сайын өткізілетін ауыл спортшыларының спартакиадасында лайықты өнер көрсетеді деп ойлаймын. Спартакиадада жеңіске жеткендер еліміздің даңқын асқақтатар, әлемдік аренада көк туымызды желбіретер спортшы болуына тілектеспін», – деді Мұхтар Оразбаев.</blockquote>
Сонымен бірге, мәдениет және спорт басқармасы бұқаралық спорт бөлімінің басшысы Ғалым Сихымов Сырдария ауданында 1986 жылы бастау алған осы дәстүрлі жарыс биыл 35-рет өткізіліп отырғанын айтып, спартакиада тарихына қысқаша тоқталып өтті.&nbsp;
Мұнан соң спартакиаданың алау салтанатты түрде жағылды.
Ел намысын қорғап, абыройын асқақтатып жүрген әйгілі спортшыларымыздың көбі ауылдан шыққаны белгілі. Қораның аяқ жағында доп теуіп немесе пішен үстінде күресіп жүрген қара домалақ балалар әлемнің дамыған елдер қатарындағы мемлекеттерде өтетін Олимпиада төрінен топ етіп, бір-ақ шықпасы анық. Ендеше, бүгінгідей спартакиадалар кеудесінде төзімділік пен қайсарлық, жеңіске деген ұмтылысы бар, чемпион болуды армандап жүрген талай жеткіншектің «трамплині» десек болады.&nbsp;
Ең алдымен, әр спорт метептері және ұйымдары арасында іріктеліп алған спортшылар аудан ішінде бәсекелестікке түсіп, мықты деп танылғандары ғана «Алтын күз - 2022» спартакиадасына жолдама алады. Ал, спартакиада жеңімпаздарының өз кезегінде әрі қарай облыстық, республикалық және одан жоғары ареналарда мықтылығын дәлелдеуге мүмкіндігі мол.&nbsp;
Айта кетейік, спартакиадаға өңірдегі барлық ауданнан спортшылар қатысуда. Мұнда 15 спорт түрі қамтылған. Атап айтқанда, футбол, баскетбол, волейбол, қол күрес, шахмат, асық ату/бес асық, гір спорты, қазақ күресі, тоғызқұмалақ, үстел теннисі, президенттік көпсайыс, көкпар, теңге ілу, аударыспақ және гандбол.&nbsp;
Жарыс 9 қазанға дейін алдын-ала бекітілген кесте бойынша өтеді.&nbsp;
<img src="https://knadmin.beoblood.kz/uploads/sport2_b7e11086b4.jpg" alt="спорт2.jpg"><img src="https://knadmin.beoblood.kz/uploads/sport1_12e1c49070.jpg" alt="спорт1.jpg">

Қазалыда «Алтын күз - 2022» спартакиадасы басталды

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Әлеуметтік медициналық сақтандыру қорына 39,4 млрд теңге аударды. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалдың халықты ақпараттандыру және өтініштерді қарау жөніндегі бөлімі хабарлады.
<blockquote>«Жүйе іске қосылған 2017 жылдың 1 шілдесінен бастап биылғы жылдың 1 қазанына дейінгі аралықта Қызылорда облысында әлеуметтік медициналық сақтандыру қорына 39,4 млрд. теңге аударылған. Бұл қаражаттың 24,9 млрд. теңгесі, яғни, 63,2 пайызы жұмыс берушілердің аударымдары болса, қалған 14,5 млрд. теңгесі, яғни, 36,8 пайызы жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», - деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.</blockquote>
Айта кетейік, жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады. Сондай-ақ қаржы МӘМС пакеті шеңберіндегі қызметтер ақысын төлеуге жұмсалуда.
<img src="https://knadmin.beoblood.kz/uploads/Mams_4ed93d263d.jpg" alt="Мамс.jpg">

Бақыт Исмаханбетов: Медициналық сақтандыру қорына 39,4 млрд. теңге аударылған

<a href="https://kyzylorda-news.kz/">Kyzylorda-news.kz.</a> «Батыс Европа-Батыс Қытай» автодәлізінде түнгі мезгілде жүргізушілердің жолда ұйықтап кетуі, мал қағу, жылдамдықты асыру кесірінен апатқа ұшырау жағдайлары көптеп орын алып отырғаны жасырын емес. Бұл тұрғысынан аймақ басшысы Нұрлыбек Нәлібаев облыс көлемінде иесіз жүрген малдарға қатысты пада ұйымдастыру, патрульдік нарядтардың жұмысын қайта жолға қою, жүргізушілермен түсіндірме жұмыстарын ұдайы жүргізу, екінші санаттағы жолдарда туындайтын келеңсіздіктерге жете мән беріп, рейдтік шараларға жиірек шығуды тапсырған болатын.
Осыған орай, Сырдария ауданы әкімдігінің ұйымдастыруымен аталған күре жолдың бойында жол-көлік оқиғаларының алдын алу мақсатында «Жолда сақ болыңыз» акциясы ұйымдастырылды.&nbsp;
Акцияға аудан әкімдігі мен аудандық полиция бөлімінің қызметкерлері, жас еріктілер өз үлестерін қосты. Еріктілер ұзақ жолдан шаршап, қалғып келе жатқан жүргізуші мен жолаушыларға ұйқыашар ретінде ыстық кофе мен тәтті тоқаштар үлестіріп, сапарларына сәттілік тіледі.
Жүргізушілер мен жолаушылар акцияны ұйымдастырушыларға өз алғыстарын жеткізді.
Айта кету керек, биылғы жылдың 8 айында Қызылорда өңірінде 247 жол-көлік оқиғасы тіркелген. Оның салдарынан 91 адам қаза болып, 304 адам түрлі дене жарақатын алған. Сондай-ақ, &nbsp; 8 айдың қорытындысымен республикалық маңызы бар М-32 «Самара-Шымкент» автожолының бойында барлығы 68 жол көлік оқиғасы тіркелсе, оның басым бөлігі Қызылорда қаласынан Ақтөбе облысына қарай бағыттағы ІІ техникалық санаттағы жолда орын алған.
<img src="https://knadmin.beoblood.kz/uploads/zhol2_b4e4ae0dfd.jpg" alt="жол2.jpg">

Сырдария ауданында «Жолда сақ болыңыз» акциясы ұйымдастырылды

<a href="https://kyzylorda-news.kz/">Kyzylorda-news.kz.</a> Қызылорда облысында өңдеу өнеркәсібін дамыту мақсатында құрылысы басталған шыны зауыты қазан айының ішінде алғашқы өнімін шығарады деп жоспарлануда. Бұл ретте облыс әкімі Нұрлыбек Нәлібаевтың тапсырмасы негізінде осыған дейін арнайы штаб құрылды.&nbsp;
Туындаған мәселелер шұғыл шешіліп, инвесторларға көмек көрсетілді. Нәтижесінде өндіріске қажетті газ, су, электр желілері тартылды. Балқыту пеші қосылып, қазірдің өзінде 1450 градус температураға жетті.
Алдағы уақытта шыны зауытының айналасында жаңа өнім түрлерін шығаратын 8 ілеспе кәсіпорын ашу көзделді. Мұнда шыны-талшықты, композиттік материалдар, айна, смартфондармен планшеттерге арналған ультражұқа шыны жобалары да шығарыла бастайды. Өндірісте жергілікті шикізат Аралдың кварц құмы қолданылады.
Облыс әкімі жұмыс процесін бақылап, бірінші орынбасары Серік Қожаниязовқа және шетелдік компания өкілдеріне өндіріс орнының алғашқы өнімін шығару жұмыстары іркіліссіз және уақытылы басталуы қажет екенін тапсырды.&nbsp;
Айта кетейік, тамыз айында өткен селекторлық жиында аймақ басшысы Нұрлыбек Нәлібаев шыны зауытында өнім шығаруды жеделдету және жаңа өндіріс көздерін ашу бағытында өңірге инвестиция тарту жұмыстарын жандандыру қажет екенін айтқан болатын.
<img src="https://knadmin.beoblood.kz/uploads/shyny1_b229993ac3.jpg" alt="шыны1.jpg">

Қызылорда: Шыны зауытындағы балқыту пеші 1450 градус температураға жетті

<a href="https://kyzylorda-news.kz/">Kyzylorda-news.kz.</a> Еліміздің солтүстік, батыс өңірлерінің ауа райына солтүстік-батыстан келетін циклон әсер етеді, деп хабарлайды Қазгидромет.
Осыған байланысты жаңбыр жауады. Еліміздің солтүстік-батысында, оңтүстік-батысында найзағай жарқылдап, жауын-шашын болады.
Еліміздің шығыс жартысы әлі де антициклонның ықпалында. Сондықтан жауын-шашын жаумайды, күн ашық болады.
Республика бойынша кей жерлерде жел күшейеді. Түнде шығыста, солтүстік-батыста тұман түседі.

7 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Корея Республикасы Ғылым және Білім Министрлігі жанындағы Корея тарихы және мәдениет орталығының бас хатшысы Чонг Кёнгвон бастаған делегация &nbsp;Ә.Мүслімов атындағы №101 мектеп-лицейінің жұмысымен танысты.&nbsp;
Делегацияны &nbsp;Қызылорда қаласы әкімінің орынбасары Ақзира Бақтыбайқызы қарсы алып, «жасыл мектеп» жылыжай жобасы аясында жүзеге асып жатқан ұстаздар мен оқушылардың бірігіп жасаған жылыжай жұмысымен және жылыжайда өсірілген өнімдерімен таныстырды.&nbsp;
Айта кетейік, Оңтүстік Кореядан келген делегация Кванджу облыстық білім басқармасының үшжақты меморандумын жасау үшін Қызылорда облысы Қоғамдық даму басқармасының «Қоғамдық келісім» коммуналдық мемлекеттік мекемесімен, «Қазақстан корейлер қауымдастығы» Қызылорда облыстық қоғамдық бірлестігі және Қорқыт Ата атындағы Қызылорда университетімен ынтымақтастық мәселелері талқыланып, бірлескен жобаларды жүзеге асыру туралы келісімге қол қойған еді.&nbsp; Меморандум жасасу нәтижесінде аталған мекемелер ынтымақтастық білім, тарих, мәдениет, жалпы білім алмасу саласындағы жобаларды бірлесіп атқаруға мүдделі.&nbsp; Делегация мектепті аралап «жасыл мектеп» жобасын жандандырып, оқушыларды қоршаған ортаны таза ұстап, көгалдандыруға, табиғатты сүюге баулып отырған, жылыжай жұмысына, жас экологтар шоғыры қалыптасқан мектептің жарқын жұмыстарымен танысып, жоғары баға берді.
Ұлт сапасын арттыру үшін білім беруді дамытудың маңызы зор. Мемлекет басшысы Қасым-Жомарт Кемелұлы Тоқаев биылғы Жолдауында білім сапасын арттырып, ел игілігіне бағыттаудың маңыздылығына тоқталып, бірқатар міндеттерді атап өтті. Адамның өркениеттегі орны тәрбие-біліммен өлшенеді. Білім - жалпыадамзат қоғамы үшін маңызды құндылық. Білім беруді дамыту үшін өзгерістің қажет екені сөзсіз. Өзге мектептермен, өзге елдермен тәжірибе алмасу - кәсіби қажеттілік.&nbsp;
<figure class="image"><img src="https://knadmin.beoblood.kz/uploads/korej2_b9865a0475.jpg" alt="корей2.jpg"></figure>
<figure class="image"><img src="https://knadmin.beoblood.kz/uploads/korej1_a80841437a.jpg" alt="корей1.jpg"></figure>

Оңтүстік Кореядан келген делегация №101 мектеп жұмысымен танысты

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігі көшеде түкіргендерді жазалауды ұсынды. Сіздің көзқарасыңыз қандай?
<figure class="media"><div data-oembed-url="https://www.youtube.com/watch?v=xCu-ncjexxY&amp;ab_channel=QyzylordaNEWS"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/xCu-ncjexxY" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Көшеде түкіргендерді жазалауға сіздің көзқарасыңыз қандай?

Айына азық-түлікке қанша қаржы жұмсалады?

<a href="https://kyzylorda-news.kz/">Kyzylorda-news.kz.</a>&nbsp; Қызылордадағы кәсіпкерлер палатасының заңгерлері 12 айдан бері кінәсіздігін дәлелдей алмай жүрген кәсіпкердің құқығын Жоғарғы сотта қорғап шықты.
Қызылордалық «МИР-2001» ЖШС ұсақ бөлшектелген бетон бұйымдарын әзірлеумен, жанар-жағармай жеткізумен және өзге де қызмет түрлерін көрсетумен айналысады. 70-ке жуық азаматты тұрақты жұмыспен қамтып отыр. Компанияның нарықта 20 жылдан астам тәжірибесі бар.&nbsp;
Серіктестік өткен жылдың тамыз айында Қызылорда облысы ветеринария басқармасының Қармақшы аудандық ветеринариялық станциясы жариялаған мемлекеттік сатып алуға қатысып, жанар-жағармай жеткізіп беру қызметін ұтып алады.&nbsp; Заңда көрсетілген талап бойынша серіктестік тарапынан 3 күннің ішінде тапсырыс беруші жіберген келісімшартқа қол қойылуы керек. Алайда компанияның мемлекеттік сатып алумен айналысатын маманы ауырып қалып, құжатқа дер кезінде қол қойылмай қалады.&nbsp; Кәсіпкердің 12 айға созылған проблемасы осы жерден басталады. 2021 жылдың 27 тамызында «МИР-2001» ЖШС уәкілетті орган – Қаржы министрлігінің Қазынашылық комитеті жүргізетін «жосықсыз қатысушылар» тізіліміне енгізіліп, 24 айға мемлекеттік сатып алуға қатысудан шеттетіледі.
Компания басшысы, кәсіпкер Сейфолла Әжмолдаев күтпеген жағдайдың құрбаны болғанын дәлелдеу үшін Қызылорда облысының мамандандырылған ауданаралық әкімшілік сотына талап арызбен жүгінеді. Сот кәсіпкерді кінәсіз деп танып, Қаржы министрлігінің Қазынашылық комитетіне «жосықсыз деп тану» туралы бұйрықтың күшін жою туралы шешім шығарады.
Шешіммен келіспеген Қазынашылық комитеті апелляциялық шағым түсіреді. Қызылорда облысы сотының әкімшілік істер жөніндегі сот алқасы да кәсіпкерді қолдайды. Ол шешіммен де келіспеген уәкілетті орган Жоғарғы сотқа жүгінеді.&nbsp;
<blockquote>«Менің компаниямда қазір 70-ке жуық азамат еңбек етіп жатыр. Кейбірі тіпті отбасында жалғыз асыраушы. Екі жыл мемлекеттік сатып алу конкурстарынан шеттету кәсібіме, қаржылық жағдайымызға айтарлықтай салмағын түсіреді. Жұмысшыларым мен мемлекет алдындағы міндеттерімді орындауда айтарлықтай қиындықтарға тап болдым. Адал еңбек етіп жүрген кәсіпкер екенімді сотта екі рет дәлелдесем де Қазынашылық комитеті Жоғарғы сотқа шағым түсірген. Амалым болмаған соң Кәсіпкерлер палатасынан көмек сұрадым», – дейді кәсіпкер Сейфолла Әжмолдаев.&nbsp;</blockquote>
Кәсіпкерлер палатасының заңгерлері Жоғарғы сотта кәсіпкердің соңғы 6 жылда мемлекеттік сатып алу арқылы 311 келісімшартты уақытылы және сапалы орындағанын, мемлекет мен жұмысшылары алдындағы салық және өзге де міндеттемелерін уақытылы орындап келе жатқанын айтып, «жосықсыздық» туралы бұйрықтың салдарынан серіктестік қызметкерлерінің жұмыссыз қалу қауіпі туындап тұрғанын атап көрсетті.&nbsp;
Қос тараптың да дәлелдерімен танысқан Жоғарғы соттың судьясы алдыңғы әріптестері қабылдаған шешімді өзгеріссіз қалдырып, Қазынашылық комитетіне кәсіпкерді «жосықсыздар» тізілімінен шығару туралы қорытынды, нақты шешім қабылдайды. Осылайша кәсіпкер ұзақ уақытқа созылған тартыста жеңіске жетіп, осы жылдың қыркүйек айында кәсібін еркін жүргізу мүмкіндігіне ие болды.
<blockquote>«МИР-2001» ЖШС кездескен проблема өзге де кәсіпкерлерде болуы мүмкін. Кәсіпкермен бірге оң нәтижеге қол жеткіздік. Сондықтан осындай мәселесі бар кәсіпкерлерді Палатаға жүгінуге шақырамын», – деді Кәсіпкерлер палатасы директорының орынбасары Салават Құлмахан.</blockquote>Айта кету керек, биыл Қызылорда облысының кәсіпкерлер палатасына бизнес өкілдерінен құқығын қорғауды сұраған 420 өтініш түскен. Оның әзірге 119-ы оң шешіліп, кәсіпкерлердің 167,2 млн теңге нақты қаржысы сақталған.<img src="https://knadmin.beoblood.kz/uploads/06_10_2022_Azhmoldaev_0e27373959.jpg" alt="06.10.2022 - Ажмолдаев.jpg"> &nbsp;

Кәсіпкерлер палатасының заңгерлері Жоғарғы сотта қызылордалық кәсіпкердің құқығын қорғап шықты 

<a href="https://kyzylorda-news.kz/">Kyzylorda-news.kz.</a>&nbsp; Аптаның екінші жартысында республиканың басым бөлігі ауқымды антициклонның ықпалында болады, солтүстік, орталық өңірлерде жауын-шашынсыз жылы ауа райы сақталады.
Аптаның соңына қарай елдің солтүстік және орталық аймақтарында жаңбыр жауып, найзағай ойнайды, түнде солтүстікте жаңбыр соңы қарға ұласуы ықтимал.
Республиканың оңтүстігінде күн күркіреп, таулы аймақтарда жаңбыр жауып, қарға ұласуы мүмкін.
Ауа температурасы күндіз республиканың батысында 15-23 градус жылы, орталықта 15-25 градус жылы, солтүстік жартысында 15-22 градустан 10-18 градусқа дейін жылы болады. Елдің шығысында термометр бағаны 8-17 градустан 14-23 градусқа дейін, оңтүстікте 20-28 градусқа дейін көтеріледі.
&nbsp;

Қазгидромет алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев кезектілік тәртібімен жазылған азаматтарды жеке мәселелері бойынша қабылдады.
Қабылдауға 10 азамат келіп, өз мәселесін жеткізді. Басым бөлігі әлеуметтік бағытта жұмыспен қамту, шағын кәсіп ашуға қолдау сұрау, денсаулық және тұрғын үй-коммуналдық шаруашылық салаларға қатысты қозғалды. Жазылғандардың көпшілігі зейнет жасындағы, көпбалалы және мүгедектігі бар азаматтарды қарап отырған тұрғындар.
Мәселен, 4 азамат жұмысқа орналасуға көмек қажет екенін айтса, 2 қала тұрғыны шағын кәсібін ашуға қолдау көрсетуді сұрады. Жеке қабылдауға келген 2 азамат денсаулығының болмауына байланысты мүгедекке шығару және өзге де көмек көрсетуді сұрады.
Аймақ басшысы облыстық жұмыспен қамтуды үйлестіру және әлеуметтік бағдарламалар басқармасының басшысына жұмыссыз тұрғындарға арналған жәрмеңкелерді тұрақты түрде ұйымдастыру, жұмыс берушілердің ұсыныстары негізінде қажетті мамандықтарға талдау жасауды тапсырды Сондай-ақ, заңдылыққа сәйкес мүгедегі бар азаматтарға қажетті құжаттарды жинау жолдарын түсіндіруді тапсырды.
Ал, облыстық кәсіпкерлік және өнеркәсіп басқармасының басшысына шағын кәсібін ашуға ниетті азаматтарға грант алу жолдарын кеңінен түсіндіріп, заңдылыққа сәйкес тәртібін түсіндіріп, қолдау қажет екенін еске салды.
Аймақ басшысының жеке қабылдауына келген тағы бір азамат Арал теңізін қалпына келтіруге қатысты экологиялық мәселені қозғады. Облыс әкімі cала мамандарымен бірге бірлесіп қарап, заңдылыққа сәйкес шешім қабылдау қажет екенін алға тартты.
Осы уақытқа дейін облыс әкімі Н.Нәлібаев 20 жеке қабылдау өткізіп, 173 азаматтың мәселесін саралады. Көтерілген әрбір мәселе әртүрлі шешімді қажет етеді. Әкімнің қабылдау барысында айтылған тапсырмалар белгіленген мерзімде орындалады. Мәселелер әкімнің тұрақты бақылауында.
Айта кетейік, облыс әкіміне жазылу үшін азаматтар egov.kz порталы арқылы, е-otinish бірыңғай базасы мен жазбаша нысанда әкімдікке келіп өтініш бере алады.
<img src="https://knadmin.beoblood.kz/uploads/311218128_400559388931978_3667521080633782898_n_23198c3038.jpg" alt="311218128_400559388931978_3667521080633782898_n.jpg">
<img src="https://knadmin.beoblood.kz/uploads/310558556_400559348931982_5309299527274416314_n_ea1bfadf55.jpg" alt="310558556_400559348931982_5309299527274416314_n.jpg">
<img src="https://knadmin.beoblood.kz/uploads/311113813_400559332265317_5240727213360229575_n_051cf7da95.jpg" alt="311113813_400559332265317_5240727213360229575_n.jpg">

Облыс әкімі кезек тәртібімен жазылған азаматтарды қабылдады

<a href="https://kyzylorda-news.kz/">Kyzylorda-news.kz.</a> Бүгін Арал аудандық мәдениет үйінде «Менің қолымнан бәрі келеді» тақырыбында ерекше балалардың өнер фестивалі өтті.&nbsp;
Аудандағы ерекше балаларды өнерге тарту, олардың өнерлерін насихаттау мақсатында ұйымдастырылған шара «Балалар жылы» мен Арал қаласының 95 жылдық мерекесіне орай өткізілді.
Мерекелік шараға келген қонақтар ең алдымен мәдениет үйінің фойесінде ерекше балалардың әзірлеген бұйымдары қойылған көрмені тамашалады. Көрмеге балалардың қолынан шыққан түрлі тұрмысқа қажетті құралдар мен көрнекілік бұйымдар қойылды.
Аталған шарада Арал аудандық мүгедектер ұйымы қоғамдық бірлестігінің күндізгі жартылай стационар бөлімінің және үйден әлеуметтік қызмет алатын бүлдіршіндер өнер көрсетті. Әсем ән шырқап, би билеп, қазақ ертегілерінен үзінді қойылым қойған қатысушылар көрермендерге айрықша көңіл күй сыйлады. Кеш соңында өнер көрсеткен балаларға аудан кәсіпкерлері мен демеушілер тарапынан түрлі сыйлықтар үлестірілді.
Еске сала кетейік, бұған дейін қайсар жандардың мерекесіне орай Қазалы ауданында «Пейілі кең, жүрегі қайсар жандар» атты шарасы өткенін хабарлаған болатынбыз.&nbsp;
Айта кетейік, елімізде қазан айының екінші жексенбісі мүмкіндігі шектеулі жандар күні.
<img src="https://knadmin.beoblood.kz/uploads/korme_2c51570737.jpg" alt="корме.jpg"><img src="https://knadmin.beoblood.kz/uploads/bala_704fca9a15.jpg" alt="бала.jpg"><img src="https://knadmin.beoblood.kz/uploads/bala1_1d8684dfa1.jpg" alt="бала1.jpg"><img src="https://knadmin.beoblood.kz/uploads/bala2_e72deb90c3.jpg" alt="бала2.jpg">

Қазақстан және Қызылорда облысының жаңалықтары