<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаментімен шығарылу заңдылығын растайтын құжаттарсыз мұнай өнімдерін тасымалдау, иемдену және өткізуге қатысты қылмыстық істің тергеуі аяқталды.Тергеу барысында анықталғандай, кәсіпкер М.Дүзелбаева 2017 жылдан бастап өз кәсібін жүргізе отырып, мемлекеттік сатып алу порталы арқылы ондаған мекемелермен дизель сұйық отынын жеткізіп беруге келісім шартқа отырған. Алайда, заңды қызметі аясында, &nbsp;2019 жылдан бастап 2022 жылдың мамыр айына дейінгі аралықта 28 мемлекеттік мекемеге, 1 заңды тұлға мен 2 жеке тұлғаға &nbsp;заңсыз жолмен, яғни заңдылығын растайтын құжаттарсыз жалпы сомасы 274 млн. 036 мың теңгенің &nbsp;дизель сұйық отынын тасымалдап, заңсыз жолмен табылған мүлікті заңдастырған.Бұл заңсыз &nbsp;іс-әрекет &nbsp;ҚР ҚК-нің 197 бабы 4 бөлігінің 2) тармағымен (мұнайдың және мұнай өнiмдерiнің шығарылу заңдылығын растайтын құжаттарсыз аса ірі мөлшерде және бірнеше рет тасымалдау, иемдену, өткiзу, сақтау, сондай-ақ мұнайды қайта өңдеу) және 218 бабы 3 бөлігінің 3) тармағымен (қылмыстық жолмен алынған ірі мөлшердегі ақшаны және (немесе) өзге мүлікті заңдастыру) сараланды.&nbsp;Сотқа қылмыстық іс түскеннен кейін сотталушы М.Дүзелбаева кінәсін толық мойындау туралы мәміле түріндегі процессуалдық келісім жасауға өтініш білдірген. Сонымен қатар, өз кінәсін толықтай мойындап, шын жүректен өкінетінін білдірген және тағайындалған жазамен келіскен.Жалағаш аудандық сотының үкімімен М.Дүзелбаеваға 5 жыл мерзімге шартты түрде бас бостандығынан айыру жазасы тағайындалды және осы уақытқа пробациялық бақылау белгіленді.Фото <a href="https://baribar.kz/24281/qazaqstannynh-munay-oenimderi-finlyandiyagha-eksporttalady/">baribar.kz</a>

Мұнай өнімін заңсыз өткізген қызылордалық кәсіпкерге сот үкімі шықты

<a href="https://kyzylorda-news.kz/">Kyzylorda-news.kz.</a> Жол-көлік оқиғаларының алдын алу мақсатында «Қызылорда» автобус паркі» ЖШС Қызылорда облысы Полиция департаментімен бірлесіп, қоғамдық көлік жүргізушілерінің қатысуымен жиын өткізді.Жиында «Қызылорда» автобус паркі» ЖШС басшысының орынбасары, Қызылорда облысы Полиция департаментінің Консультативтік - кеңесші органның мүшесі Әмірбек Шаймағамбетов сөз алып, жол қауіпсіздігі бойынша мәселелерге тоқталды.Сонымен қатар, қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев қосымша аялдамалар қою, автобус белгілері, қоғамдық көліктің жаңа бағыттардың қосылғандығы, ауа-райының күрт өзгеруіне байланысты қардан тазаланған аймақтарға көктайғаққа қарсы құм-тұз себу жұмыстарының жүргізілу барысы туралы айтып өтті.&nbsp;Өз кезегінде Қызылорда облысы Полиция департаментінің Жергілікті полиция қызметі басқармасының бастығы полиция полковнигі Бауыржан Ибраев қала көлемінде жол қауіпсіздігін қамтамасыз етумен жол-көлік оқиғаларын төмендету бағытында жыл басынан полиция органдарымен атқарылған жұмыстар туралы тоқталды. Сонымен қатар, қоғамдық көлік жүргізушілеріне қойылатын талаптар да кеңінен түсіндірілді.&nbsp;Полиция қызметкерлерімен тұрақты түрде «Қауіпсіз жол», «Жаяу жүргінші», «Заңсыз жолаушы тасымалдаушы», «Заңсыз жолаушы тасымалдаушы» және т.б. көптеген жедел профилактикалық шаралар ұйымдастырылуда.Жалпы, жыл басынан жолда жүру ережелерінің қағидаларын бұзудың 61 мыңға жуық дерегі анықталып, тиісті шаралар қолданылған. Одан бөлек, мемлекеттік, жеке және шағын балабақшалардың балалар тасымалдайтын автокөліктерін тексеру жұмыстары жүргізілуде.&nbsp;Сонымен қатар, жол қауіпсіздігін қамтамасыз ету мақсатында Қызылорда қалалық Полиция басқармасының ұсынысына сәйкес қаладағы 11 көше қиылыстарына қосымша бағдаршамдар, көшелерге 450 жаңадан жол белгілері, 15 көшенің бойына жасанды тегіс еместік қондырғысы орнатылды.Осы және өзге де атқарылған жұмыстар нәтижесінде жол – көлік оқиғалары - 5,5 пайызға, онда қайтыс болғандар – 30,5 пайызға, жарақат алғандар – 11,3 пайызға төмендеді.&nbsp;Жиын соңында бірқатар мәселелер қаралып, қатысушылардың ұсыныстары тыңдалды. &nbsp;<img src="https://knadmin.beoblood.kz/uploads/68_bf0dae83f5.jpg" alt="68.jpg">

Қызылорда: Жол-көлік оқиғалары 5,5 пайызға төмендеген

<a href="https://kyzylorda-news.kz/">Kyzylorda-news.kz.</a>&nbsp; Арал аудандық мәдениет үйінде жазушы, ақын, журналист, көрнекті қаламгер Толыбай Абылаевтың 70 жылдық мерейтойы өтті. «Арлы сертке адал ақын» атты мерекелік шараға аудан әкімі Серік Сермағамбетов қатысып, ақынды жаңа жасымен құттықтады.<blockquote>«Толыбай Абылаев көптеген поэзиялық жинақтардың авторы. Өлеңін өмірмен ұштастырып, шығармаларын сын таразысына салып, оқырман үшін орамды ойлар мен жырлар арнаған қаламгер. Туған жерге деген толғаулардың жыршысына айналып, халық ықыласына бөлене білді. Отты өлеңдері мен тың туындылары ақынды абырой биігіне шығарды.Ұрпаққа өнеге болған мол мұраларыңыз көбейіп, жазарыңыз таусылмасын. Деніңізге саулық, шығармашылық табыстар тілеймін!»,- деді Серік Сағитжанұлы.</blockquote>Шара барысында Толыбай Абылаевтың сиясы кеппеген қос кітабының тұсауы кесілді. «Алақанда - Аралым» атты жинақ пен «Кішкентай балықтың ертегісі» атты шығарма оқырманға жол тартты.Мерекелік кешке арнайы келген ел ағалары мен ақындар мерейтой иесін құттықтап, арнауларын оқыды.Айта кетейік, Толыбай Абылаев алғашқы еңбек жолын – ата кәсіп балықшы болып бастап, кейіннен мәдениет пен журналистика саласына бет бұрған. Облыстық және аудандық бірнеше басылымдарда ұзақ жылдар жауапты қызметтер атқарған.Көрнекті қаламгер қаламынан шыққан «Шағала», «Арал көшіп келеді», «Аралдан соққан жел», «Арал Атлантидасы», «Махаббат дәптері», «Қыран шайыр», «Нұртуған шайыр» атты жыр жинақтарының кітап сүйер қауымның көзайымына айналды.<figure class="image"><img src="https://knadmin.beoblood.kz/uploads/320887563_717287276274253_1477379036324575098_n_62b8029ca5.jpg" alt="320887563_717287276274253_1477379036324575098_n.jpg"></figure><figure class="image"><img src="https://knadmin.beoblood.kz/uploads/320426135_464749539069512_3399179723088235371_n_1151f5e24d.jpg" alt="320426135_464749539069512_3399179723088235371_n.jpg"></figure><figure class="image"><img src="https://knadmin.beoblood.kz/uploads/320071082_716254183225525_4347246484135275493_n_5af61494b8.jpg" alt="320071082_716254183225525_4347246484135275493_n.jpg"></figure><figure class="image"><img src="https://knadmin.beoblood.kz/uploads/321123399_683768423397935_1824421037998374688_n_bbf7ab84d9.jpg" alt="321123399_683768423397935_1824421037998374688_n.jpg"></figure><figure class="image image_resized" style="width:72.54%;"><img src="https://knadmin.beoblood.kz/uploads/320721200_1246998176171693_7474048232189082124_n_dc0f2ad531.jpg" alt="320721200_1246998176171693_7474048232189082124_n.jpg"></figure>

Көрнекті қаламгер Толыбай Абылаевтың 70 жылдық мерейтойы өтті

<a href="https://kyzylorda-news.kz/">Kyzylorda-news.kz.</a> М.Мәметова атындағы Қызылорда педагогикалық жоғары колледжінде Қызылорда облыстық білім басқармасы «Суицидтің алдын-алу және болдырмау бойынша іс-шаралар жоспарына сәйкес» кәмелетке толмаған колледж студенттеріне «Өмір қымбатсың маған...» тақырыбында сала мамандарының қатысуымен түсіндірме жұмыстары жүргізілді.&nbsp;Іс-шараға Қызылорда облысының білім басқармасы басшысының орынбасары Ә.Ізімбетов, Қызылорда облысының білім басқармасының «Тәрбие және өзін-өзі тану жұмыстары» бөлімінің бас маманы Ш.Р.Байғазиева, Қызылорда облысының денсаулық сақтау басқармасының маманы М.Мырзаханова, Облыстық жастар денсаулығы орталығының валеолог маманы А.Кулмуратова, Облыстық жастар денсаулығы орталығының психологы А.Құлмырзаева, Али-Нұр клиникасының ВОП дәрігері А.Қосбергенова, Полиция басқармасы, Жергілікті полиция қызметі бөлімі Ювеналды полиция бөлімшесінің инспекторы, полиция аға лейтенанты, колледж инспекторы Р.Жұмадилдаев және колледж әкімшілігі мен 200-ден астам студенттер қатысты.&nbsp;Іс-шараның мақсаты – суицидтік мінез-құлықтың алдын алу, әдет-ғұрыпты, ұлттың тыныс-тіршілігі барысындағы үлкен жауапкершіліктің тұрғандығын сезіндіре отырып, өз-өзіне сақ болудың медициналық алғышарттарын түсіндіру.Қызылорда облысының білім басқармасы басшысының орынбасары Ә.Ізімбетов студенттерге тақырыпқа байланысты әлемде және елімізде орын алған жайттардан, оқиғалардан мысал келтіре отырып, толық ақпарат беріп өтті. Сонымен қатар, жас ұрпақтың өмірге деген оң көзқарасын қалыптастырып, өмірді, еңбекті сүюге шақырды.Кездесу барысында өмірде ең қымбат дүние адамның өзі екенін түсіндіріліп,, кез-келген мәселенің шешімін сабыр мен ақылдан іздеуге насихаттайтын арнайы бейнероликтер көрсетілді. Кездесу соңында қатысушыларды психологиялық қолдау мақсатында колледж психологтары семинар-тренинг жүргізіп, студенттер тарапынан өздерін толғандырған сұрақтарға жауап берілді. &nbsp;<img src="https://knadmin.beoblood.kz/uploads/65_746a65ea44.jpg" alt="65.jpg"><img src="https://knadmin.beoblood.kz/uploads/67_c1e4400917.jpg" alt="67.jpg">

Студенттерге «Өмір қымбатсың маған...» тақырыбында түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> Қазақстан Республикасы Қорғаныс министрлігі Әскери-техникалық мектебінің Қызылорда қаласындағы филиалының 26 түлегі Отан алдында әскери ант берді.Әскери-техникалық мектептің түлектері қырық күндей жоспарға сай кәсіби даярлықтардан өтті. Бұл биылғы жылы осы мектепті тәмамдап отырған түлектердің соңғы жетінші легі. Әскери ант беру рәсімі оқу процесі аяқталғаннан кейін өтетіні белгілі. Олар осы уақыт аралығында теориялық, тактикалық дайындықтарды меңгерумен қатар, «Тереңөзек» оқу-жаттығу полигонында екі мәрте қарудан оқ атып үлгерді. Білікті мамандардың арқасында нағыз әскери тәртіпті бойларына сіңіре білді.<blockquote>«Оқу барысында тактикалық, жауынгерлік және атысқа дайындықтың ерекшеліктері мен әскери өмірдің қыр-сырын меңгердік. Әскери-техникалық мектебінің ұстаздар қауымына алғысымыз шексіз. Темірдей тәртіпке баулып, нағыз жауынгер қандай болу керектігін үйретті. Әрбір азаматқа Отан алдындағы борышын өтеу міндеті екенін ескере келе алдағы уақытта әскери қызметке бет бұрсам деген ойым бар», - дейді әскери-техникалық мектебінің түлегі Айсұлтан Насрадинов.</blockquote>Әскери-техникалық мектептерге іріктеу жергілікті әскери басқару органдары өкілдерімен жылына 7 рет өткізіледі. Осы жылы Қызылорда қаласы әскери-техникалық мектебіне шамамен 180-ге жуық азматтар оқуға қабылданып, бітіріп шықты. &nbsp;<figure class="image"><img src="https://knadmin.beoblood.kz/uploads/93cbc750_c720_4008_a4f4_8d770309677e_2966909e88.jpg" alt="93cbc750-c720-4008-a4f4-8d770309677e.jpg"></figure>&nbsp;<figure class="image"><img src="https://knadmin.beoblood.kz/uploads/27e01dfe_9199_42cb_b88f_eca7e2959df2_c48c8687f9.jpg" alt="27e01dfe-9199-42cb-b88f-eca7e2959df2.jpg"></figure>

Әскери мектепте курсанттардың ант беру рәсімі өтті

<a href="https://kyzylorda-news.kz/">Kyzylorda-news.kz.</a> Қызылордалық кәсіпкерлер шетелдіктерге арналған жарна туристер санының азаюына алып келіп, сыбайлас жемқорлыққа жол ашады деген пікірде. Бұл туралы өңірдегі туризм қауымдастығының төрайымы Сәуле Бөлегенов Қызылорда облысы кәсіпкерлер палатасы жанындағы Сауда, қызмет көрсету және туризм комитетінің отырысында айтты.Кәсіпкерлер мен салаға жауапты мемлекеттік орган өкілдері қатысқан шарада салық жүйесіне енгізілетін өзгерістер, аймақта туризм саласын дамытуға арналған жоспар және өзге де мәселелер қаралды.Қазақстан Республикасының Үкіметі биыл 1 қаңтарда «Шетелдіктер үшін туристік жарнаны төлеу қағидаларын» бекітті.Шетелдіктер үшін туристік жарна – жатын орын үшін туристерден алынатын төлем.Үкімет қағида талаптарын келесі жылдың 1 қаңтарынан бастап орындатпақ. Алайда туризм саласында қызмет көрсететін кәсіпкерлер саланың оған әлі дайын емес екенін жеткізді.<blockquote>«Шетелдік туристер сапарының әр тиынына дейін жоспарлап жүреді. Bed Tax, яғни, туристік жарна енгізу онсыз да аз туристердің қатарын кемітері сөзсіз. Оның үстіне Қызылорда туристер ағылып келіп жатқан аймақтар қатарынан емес. Қағидаға сәйкес шетелдік туристерге жарнапұл енгізілсе, бұл сала көлеңкелі экономикаға кетіп, сыбайлас жемқорлыққа алып келуі мүмкін», – деді отырыста Сәуле Бөлегенова.</blockquote>Бұдан өзге, түскен жарнапұлдың жұмсалу мақсатының да айқындалмауы көп сұрақ тудырып отыр. Бұл қадам «қосымша есеп тапсыруға алып келуі мүмкін» деген сала кәсіпкерлері Bed Tax жүйесін енгізу мерзімін шегеруді ұсынды.Кәсіпкерлер палатасы директорының орынбасары Гауһар Елеусінова Палата жанынан 5 салалық комитет құрылғанын, осы комитеттерде жүйелі мәселелерді сала мамандары, уәкілетті орган өкілдерімен бірге қарап, шешуге жұмыс істейтінін атап өтті.<blockquote>«Қазір Кәсіпкерлер палатасы жанынан өнеркәсіп, агроөнеркәсіп кешені, адами капиталды дамыту және бизнестің әлеуметтік саясаты, сауда-қызмет көрсету және туризм, сондай-ақ құрылыс комитеті құрылды. Әр комитеттің отырысы ең кемі айына бір рет ұйымдастырылады. Ендігі жерде кәсіпкерлердің мәселесін жалпы жиналыста емес, осы алаңдарда қараймыз», – деді Гауһар Елеусінова.</blockquote>Сонымен бірге комитетте облыста туризм саласын дамытудың 2023 жылға арналған жоспарының жобасы талқыланды. 23 желтоқсанға дейін кәсіпкерлердің ұсыныстары қабылданады.Қосымша сұрақтар туындаған жағдайда Қызылорда облысы кәсіпкерлер палатасының салаға жауапты сарапшысы Назым Мұрсалға хабарласуды сұраймыз. Байланыс нөмірі 8 /7242/ 40-09-81.

Қызылордалық кәсіпкерлер туристік жарнаны енгізу мерзімін шегеруді ұсынды

<a href="https://kyzylorda-news.kz/">Kyzylorda-news.kz.</a> Қызылорда қарқынды – құрылыс аймағына айналған өңір. Ел Президенті Қасым-Жомарт Кемелұлы Тоқаевтың Сыр еліне қолдауы негізінде соңғы 8 айда заманауи нысандар салу ісін қарқын алып, жаңа жобалар жүзеге асқан. Бұл туралы облыс әкімі Нұрлыбек Нәлібаев «Хабар 24» телеарнасындағы «Бетпе-бет» бағдарламасына берген сұқбатында айтты.<blockquote>«Өңірдің дамуына ынта білдіріп, түрлі әлеуметтік нысан салуды мақсат қойған кәсіпкерлеріміз 9 млрд.теңгеден асатын жобаға демеушілік жасап, қолдау көрсетті. Келер жылдың соңына қарай құны 3,7 млрд.теңгеге 1000 орындық Өнер орталығы ел игілігіне беріледі. Шаңырақ көтеруге ниеттенген жастар үшін құны 1,6 млрд. теңгені құрайтын заманауи үлгідегі Неке сарайының іргетасы қаланды»,- деді Н.Нәлібаев.</blockquote>Өңірде белгілі кәсіпкер, меценат Марат Дүйсенбаевтың демеушілігімен құны 1,5 млрд. теңгені құрайтын «Аналар үйі» орталығының құрылысы жүруде. Келер жылдың мамыр айында ел игілігіне берілмек. Аймақтың Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасын бастап, жыл аяғында тарту етіледі.<blockquote>«Аудандар мен шағын ауылдарда жаңа нысандар салу бастамасы сәтті жүруде. Республика күніне тарту ретінде жерлестеріміздің игілігіне бірнеше нысан табыстадық. 200 орындық Оқушылар үйі мен 50 орындық Өнер мектебі, "Балықшылар монументі" мен Аллея ашылды. Тағы бір ауданда заманауи демалыс паркі ел игілігіне берілді. Мұнан бөлек, "Еңбекшілер аллеясы" бой көтерді»,-деді Н.Нәлібаев.</blockquote>Әкімнің айтуынша, қаланың негізгі қақпасы әуежай да қайта жаңарады. Құны 12 млрд. теңгені құрайтын «Қорқыт ата» әуежайының жаңа терминалын салуға Болат Өтемұратов қоры бастамашы болды. Қазіргі таңда жобалау жұмыстары аяқталды, келер жылдың ақпан айында құрылысы басталады.Нұрлыбек Нәлібаев сұхбат барысында қоғамдық көлік мәселесін түбегейлі шешуге мүмкіндік бар екенін де жеткізді.<blockquote>«Облыс орталығындағы негізгі мәселе – қоғамдық көлік жетіспеушілігін оңтайлы шешудеміз. Биыл Қызылорда автобус паркіне «Өнеркәсіпті дамыту қоры» арқылы жаңадан лизингке 150 дана автобус алуға 1 млрд.430 млн. теңге қаржы бөлінді. Соның аясында 100 жаңа автобус маршруттық бағытқа қосылды. Қалғаны келер жылдың басында жеткізіледі. Келер жылы тағы 150 автобус алуға қаржы бағыттадық. Осылайша 300 жаңа автобус бағытқа қосылады»,-деді Н.Нәлібаев.</blockquote>Сырбойылық спортсүйер қауым үшін 7 мың адамға арналған жабық стадион да салынады. Құны 5,5 млрд.теңгеге жететін нысан «Саутс Ойл» компаниясының демеушілігімен іске асады. Қазір жобалау жұмыстары атқарылуда.<figure class="image"><img src="https://knadmin.beoblood.kz/uploads/321275983_1239734833560202_6671409094889984772_n_afc6ffe86a.jpg" alt="321275983_1239734833560202_6671409094889984772_n.jpg"></figure>

Қызылордада соңғы 9 айда 9 млрд. теңгеден асатын жаңа жобалар бастау алды

<a href="https://kyzylorda-news.kz/">Kyzylorda-news.kz.</a> Сізге өмірдің «жарық» жаңа кезеңіне өту керек. Мұны істеу үшін біз, ең алдымен, энергетикалық шыңырауға айналуы мүмкін нәрселерден құтыламыз.Үйді мәнсіз-мағынасыз толтырып тұрған нәрседен дер кезінде құтылу – шеберлік. Жаңа және маңыздырақ нәрсеге орын босату керек. Ал Жаңа жыл қарсаңы – өзгерістер туралы шешім қабылдауға тамаша уақыт. Сізге лақтыратын ештеңе жоқ сияқты көрінсе де, жақсылап іздесеңіз, табылады. Олардан құтылыңыз, сонда сіз өміріңіздің жақсы жаққа өзгеретінін көресіз. Байлыққа жол ашылады. Әлеуметтік сатыда жоғарылайсыз.Ыңғайсыз киімҚазір жарамаса да, кейін сәл салмақ жоғалтқан соң киемін, киіп шығуға батылыңыз жетпейтін жылтыр көйлек, досыңыз сыйға тартқан жейде... Өзіңізді ыңғайсыз сезінетін барлық нәрселерден арылыңыз. Эзотериктердің пікірінше, ыңғайсыз киім кию денені ғана емес, өміріңізді де тұсайды.Ерекше жағдайға арналған дүниеКөзіңізді жұмып, қажетсіз нәрселерден мәңгілікке құтылыңыз, ол қаншалықты әдемі және "ерекше" болса да. Егер сіз оны бір жылдан астам уақыт бойы кимеген болсаңыз, енді сізге ол қажет емес.Бар екенін ұмытып кеткен киімГардеробтан "ұмытылған" киімдер іздеңіз. Сөрелердің түкпір-түкпірін тінтіңіз қарап шығыңыз және соңғы бір жыл бойы кимеген немесе бар екенін ұмытып кеткен барлық нәрселерді алыңыз. Мұның бәрін басқаларға беруге немесе қоқыс жәшігіне апаруға болады.Жөндеуге қолыңыз тимей жүрген киімСіздің сүйікті жемпіріңіз немесе джинс шалбарыңыздың ілгегі түсіп, тізесі жыртылып қалған күйі әлі жатыр ма? Яғни олар жай ғана «жарамсыз» киімдер. Тастай салыңыз.Кеңістік ұйымдастырушысы Алина Уәлиева: «Дұрыс ұйымдастырылған кеңістік өмірге жақсы өзгерістер алып келеді, қиындықтарды жеңуге көмектеседі және үйде тыныс алу оңайырақ болады, отбасымен сөйлесуге бос уақыт артылады. Заттарды бір жерден екінші жерге ауыстырып, тәртіп орнады екен деудің қажеті жоқ.Қазір көптеген адамдар экологиялық таза өмір сүруге тырысады және саналы тұтынуға ұмтылады. Шынында да, егер әркім өзі үшін де, жақындары үшін де бірдеңе сатып аларда талғампаздық танытатын болса, қажетсіз дүниелерге ұрыну ықтималдығы төмендейді.Көпшілігіміз туыстарымыз бен достарымызға ескі және қажетсіз заттарды сыйға тартқанда, олар үшін бұл заттардың қажеттілігі туралы ойланбаймыз және олардың кеңістігін де қоқыстайтынымызды ескермейміз», - дейді.Басқадан алған дүниелерЖаңа жылды қарызсыз қарсы алу, сондай-ақ достарыңыздың сізге берген киімдерін гардеробыңыздан алып тастау ұсынылады. Біріншіден, олар бұрынғы иелердің энергиясын алып жүреді және ол сізге жараспайтын болғасын сөреде жатқан болуы мүмкін. Екіншіден, жалға алынған заттар (соның ішінде киім) сіздің өміріңізге қаржылық әл-ауқатты арттыруға кедергі жасайды.&nbsp;Жаман ассоциация беретін заттарЕгер белгілі бір нәрсе сіздің жадыңызда жағымсыз естеліктер тудырса, одан құтылыңыз. Өткеннің ащы ізі бар заттар сіздің кеңістігіңіздің энергиясын улап, жаңа жылда бақытты болуыңызға кедергі жасайды.Ескі шұлықтарБіз оларды шалбардың астына киюге қалдырамыз. Дегенмен, психологтар мұндай әдеттер өзімізді бағалауымызға әсер ететінін атап өтеді. Ал егер сіз өзіңізді шын сүюді үйренгіңіз келсе, жаңа колготки мен шұлық жинағын алуға ерінбеңіз, ескілерін лақтырып тастаңыз. Сырттай ештеңе өзгермейді, бірақ өзін-өзі бағалау жоғары деңгейге көтеріледі.<a href="https://massaget.kz/jigitterge/psihologiya/75850/">massaget.kz</a>

Жаңа жылға дейін лақтырып тастау керек 7 нәрсе: Маман өмірді байлыққа бастайтын әдетті атады

<a href="https://kyzylorda-news.kz/">Kyzylorda-news.kz.</a> Жерорта теңізі циклонының терең ойпатымен және атмосфералық фронтальды бөлімдердің өтуімен ҚР басым бөлігінде жауын-шашын, көбінесе қар, көктайғақ, жаяу бұрқасын сақталады. ҚР аумағы бойынша жел күшейіп, тұман күтіледі, деп хабарлайды Қазгидромет.Астана қаласында көшпелі бұлтты, кей уақытта қар жауып, жаяу бұрқасын болады. Оңтүстік-батыстан солтүстік батысқа жел ауысады, күші 9-14 м/с. Ауаның температурасы түнде -10-12°С, күндіз -7-9°С болады.Алматы қаласында көшпелі бұлтты, күннің соңында жауын-шашын (қар, жаңбыр) болады. Жел солтүстік-батыстан соғады, күші 2-7 м/с. Ауаның температурасы түнде -4-6°С, күндіз +2+4°С болады.Шымкент қаласында көшпелі бұлтты, таңертең және күндіз жауын-шашын (қар, жаңбыр), көктайғақ, бұрқасын болады. Батыстан, солтүстік-батыстан жел соғады, күші 8-13, теңертең және күндіз 15-20 м/с. Ауаның температурасы түнде және күндіз -1+1°С болады.

21 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігінде жастар саясаты жөніндегі кеңес отырысы өтті.&nbsp;Кеңес отырысының күн тәртібіндегі бірінші мәселе бойынша қалалық жұмыспен қамту орталығының директоры Жақсылық Төлегенов «Жастар арасында жұмыссыздық мәселесін шешуге арналған 2023 жылға жұмыс жоспары», жаңа бағдарламалар мен жобалар туралы баяндады.Белкөл кентінің әкімі Жасұлан Сәду мемлекеттік жастар саясатының жүзеге асырылуы мен NEET санатындағы жастардың дерекқоры және оның үлесін төмендету бағытында атқарылған жұмыстар туралы айтып өтті.Жастар орталығының стратегиялық жоспарын талдау және «Жастар саясаты туралы» заң жобасына енгізілген өзгерістер туралы Qosyl қалалық жастар ресурстық орталығының директоры Алиби Басаров тоқталып өтті.<blockquote>«Qosyl» қалалық жастар ресурстық орталығының қызметін 2022 жылдың 11 айында 10 952 жас пайдаланды. Жыл басынан бері орталықпен 94 шара ұйымдастырылып, оған 9945 жас қамтылды. &nbsp;Жастардың сұранысына орай орталықта WI-FI, коворкинг орталығы, спорттық секциялар, креатив фото-видео студиясы, би залы және жастар ұйымдары кабинеті тегін қызмет көрсетуде, - деп, орталық директоры жыл бойына атқарылған шараларға қорытынды есеп жасады.</blockquote>Кеңес төрағасы жастар саясатын дамытудың маңыздылығына назар аударып, кент және ауылдық округтердің жастарын шараларға кеңінен тартуды, олардың бастамаларына әрдайым қолдау көрсетіп отыру қажеттігін айтты. Сондай-ақ, әлеуметтік жобаларға жастардың психикасы мен суицидтің алдын алуға бағытталған шаралардың қосылатындығын мәлімдеді.

Қызылорда жастар саясаты жөніндегі кеңес отырысы өтті 

<a href="https://kyzylorda-news.kz/">Kyzylorda-news.kz.</a> Қызылорда облыстық денсаулық сақтау басқармасының ұйымдастыруымен қызылордалық бірнеше дәрігер тәжірибе алмасты. Олардың қатарында облыстық перинаталдық орталықтың неонатолог дәрігері Бакирова Айгерім Асанбекқызы да бар.Дәрігерлеріміз Стамбул қаласында Istanbul Medipol University базасында ҚР босандыру және балалар қызметі мамандары біліктілігін арттырды.Олар бұл мемлекетте соңғы үлгідегі медициналық озық технологияларды меңгере отырып, бағыт-бағдары мен жолдарын үйреніп, емдеудегі жаңа әдіс-тәсілдерді зерттеуге қатысты. Әр маман өз саласында тәжірибесі мол, білікті де білімді профессор-дәрігерлердің қасында жүріп, теориялық және профилактикалық әдістемелерді білектеді, олардың жасаған шеберлік сабақтарына қатысып, өз тәжірибелік білімдерін шыңдады. &nbsp;<img src="https://knadmin.beoblood.kz/uploads/70_eb7749fc22.jpeg" alt="70.jpeg">

Қызылордалық дәрігерлер Түркия мемлекетінде тәжірибе алмасты 

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде «Қызылорда облыстық мүгедектер қоғамы» ҚБ мен Жастар ресурстық орталығының бірлесе ұйымдастыруымен мүгедектігі бар балалар мен мүгедектігі бар тұлғалардың арнайы қатысуымен «Қолөнер – еңбектің қайнар көзі» атты ерекше жандардың қолөнер жәрмеңкесі өтті.&nbsp;«Қызылорда облыстық мүгедектер қоғамы» қоғамдық бірлестігінің төрағасы Сағатбек Сиюов аталмыш көрменің ай сайын тұрақты түрде өткізілететін, алдағы уақытта халық көп шоғырланған аймақтарда жәмкеңке өз жалғасын табатындығына тоқталып өтті.Көрмеге 100-ге жуық қаладағы арнаулы әлеуметтік орталықтар мен балаларға арналған орталықтардан, Шиелі ауданынан мүгедектігі бар балалар мен мүгедектігі бар тұлғалар қатысып, өз бұйымдарын халыққа ұсынды.Шара барысында көрмеге қатысушы ерекше жандарға арнайы шеберлік сыныптары мен арт-терапия ұйымдастырылды. Шеберлік сыныбында қолдан сабын жасау процесін үйренсе, арт-терапияда орталық қызметкері Ә.Ізбанова қылқаламмен ерекше жандарға сурет салдырып, керемет көңіл-күй сыйлады. &nbsp;<img src="https://knadmin.beoblood.kz/uploads/58_0801f7f24a.jpg" alt="58.jpg"><img src="https://knadmin.beoblood.kz/uploads/57_704c886551.jpg" alt="57.jpg"><img src="https://knadmin.beoblood.kz/uploads/61_d0c3c9be00.jpg" alt="61.jpg">

Қазақстан және Қызылорда облысының жаңалықтары