<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің биылғы түлегі Алима Баймұхамбетова АҚШ пен Германияның беделді жоғары оқу орындарына шақырту алды. &nbsp;Атап айтқанда, Drexel university, Аrizona state university және Jacobs university дарынды оқушының жоғары білімі мен жан-жақтылығы ерекше қызықтырып, әртүрлі &nbsp;көлемде жеңілдіктер ұсынып отыр. Ал американдық Vanderbilt university Алиманың оқуына толықтай грант бөлуге дайын екендіктерін жеткізді. &nbsp;Вандербильт университеті – АҚШ-тың инженерия, технология мен медицина-биологиялық ғылымдар саласындағы үздік жоғары оқу орындарының бірі және әлемдегі ең үлкен зерттеушілік базасы бар университеттердің қатарында 14 орында тұр.Алима Баймұхамбетова&nbsp;бұл университетте инженер мамандығы бойынша білімін жалғастыруға шешім қабылдап отыр.

Қызылордадағы NIS-тің оқушысы әлемнің төрт университетіне шақырту алды

&nbsp;<a href="https://kyzylorda-news.kz/">Kyzylorda-news.kz.</a> &nbsp;Азаматтар микрокредиттерге байланысты барлық проблемалық мәселелер жөнінде тегін консультациялар ала алады. &nbsp;Аталған қызметті Микроқаржылық қызметтерді тұтынушылардың құқықтарын қорғау жөніндегі орталық және Қазақстан микроқаржы ұйымдары қауымдастығының (ҚМҚҰҚ) жанында қызмет ететін микроқаржы омбудсманы көрсетеді.Fingramota.kz қарыз алушы-жеке тұлғаларға МҚҰ-мен даулы мәселелерді сотқа дейінгі тәртіпте қалайша реттеуге болатыны жөнінде толығырақ айтып береді.&nbsp;Микроқаржы ұйымдарымен өзара іс-әрекеттесу кезінде &nbsp;құқықтары аяқ асты болған қарыз алушылардың құқықтарын қорғау үшін 2022 жылғы қыркүйекте Қазақстанда ҚМҚҰҚ жанында арнайы орган – Микроқаржылық қызметтерді тұтынушылардың құқықтарын қорғау жөніндегі орталық (Орталық) және қарыз алушылар мен МҚҰ арасындағы дауларды және келіспеушіліктерді &nbsp;шешу үшін микроқаржы омбудсманы құрылды.Қазіргі уақытта микроқаржы омбудсманы Башанов Серікбай &nbsp;болып табылады, ол қаржылық бақылау және қадағалау жөніндегі уәкілетті органда және банктерде басшы лауазымдарында көп жылдар бойы &nbsp;қызмет атқарған. &nbsp;МҚҰ қарыз алушылары қандай сұрақтармен өтініш бере алады?Қаржылық қиындықтарға тап болған қарыз алушылар Орталыққа мынадай мәселелер бойынша өтініш жасай алады:- МҚҰ алдындағы берешекті қайта құрылымдау кезінде тегін және жедел жәрдем алу (төлемді кейінге қалдыру мүмкіндігін, өтеудің жаңа кестесін алу және т.б.);- егер МҚҰ клиентпен кездесуге барудан бас тартса немесе оның өтінішіне мүлдем жауап бермесе, шағымдар мен өтініштер беру;- МҚҰ қызметкерлері тарапынан заңнаманы бұзу немесе қорлау т.б. сияқты әдепсіз әрекеттер бойынша шағымдар мен өтініштер беру.Өз кезегінде омбудсман егер МҚҰ қарыз алушының проблемасын шешуден бас тартса, микроқаржы ұйымы мен қарыз алушы арасындағы микрокредит беру туралы шарттан туындайтын дауларды реттеуге көмектеседі.Омбудсманға жүгінер алдында не істеген дұрыс ?Микроқаржы омбудсманына жүгінбес бұрын, алдымен кредитормен даулы мәселені өз бетінше реттеу жөнінде шаралар қабылдау қажет. Ол үшін жазбаша немесе электронды түрде жазылған өтінішпен микроқаржы ұйымына хабарласуды ұмытпаңыз. МҚҰ күнтізбелік 15 күн ішінде өтінішіңізді қарап, оған жауап беруге міндетті.Егер ортақ мәмілеге келу мүмкін емес болса, онда сіз Орталықтың көмегіне жүгіне аласыз. Алайда, егер Орталыққа жүгінгеннен кейін МҚҰ қабылдаған шешім сізді қанағаттандырмаса, онда омбудсманға жүгінуге құқығыңыз бар.Омбудсманға өтінішті қалай беруге болады?1-қадам. &nbsp;Мынадай құжаттар тізбесін жинаңыз:Жеке куәлік; Микрокредит беру туралы шарт; Өтеу кестесі; Микрокредит беру туралы шартқа қосымша келісім (бар болса); Микроқаржы ұйымына өтініштер/жолданымдар; Жылжымайтын мүлік кепілі туралы шарт (бар болса); Жылжымайтын мүлік кепілі туралы шартқа қосымша келісім (бар болса); Омбудсманға жүгінгенге дейін МҚҰ-мен даулы мәселелерді реттеу әрекеттерін растайтын құжаттар (өтініштер/жолданымдар/МҚҰ жауаптары (бар болса).Ағымдағы күнге несие берешегінің қалдығы туралы анықтама, оған: негізгі борыштың, оның ішінде мерзімі өткен борыштың қалдығы; есептелген сыйақы, оның ішінде мерзімі өткен сыйақы; есептелген және төленген айыппұлдар; төленген негізгі борыш/сыйақы сомалары кіреді. 2- қадам. Өтінішті толтырыңыз, оның нысанын омбудсманның https://mfohelp.kz/ сайтынан жүктеуге болады және өтінішті жоғарыда аталған барлық құжаттарды қоса бере отырып, manager@mfohelp.kz электрондық пошта мекенжайына жіберіңіз.3- қадам. Екі нысанды толтыра отырып, дербес деректерді жариялауға келісім беру қажет:Микрокредит беру құпиясын жариялауға келісім; Дербес деректерді жинауға және өңдеуге келісім. Келісім нысандары микроқаржы омбудсманының сайтында көрсетілген. Орталыққа қалай жүгінуге болады?Микроқаржылық қызметтерді тұтынушылардың құқықтарын қорғау, оның ішінде микрокредит бойынша төлемді кейінге қалдыруды ұсынудың барлық мәселелері бойынша Сіз Орталыққа мынадай: +7 771 933 34 44 нөмірі арқылы хабарласа аласыз.Толығырақ "<a href="https://fingramota.kz/kk/post/aryz-alushylardy-nazaryna-mikroarzhy-jymdarymen-dauly-isti-sot-dejin-zhetkizbej-alajsha-sheshuge-bolady">Кредиттер" бөлімінен</a> оқыңыздар&nbsp;

Қарыз алушылардың назарына: микроқаржы ұйымдарымен даулы істі сотқа дейін жеткізбей қалайша шешуге болады  

<a href="https://kyzylorda-news.kz/">Kyzylorda-news.kz.</a> Ақжарма ауылдық округінің әкімі Саттар Әбдіреев өткен жылы атқарылған жұмыстарды баяндады.<blockquote>«Өткен жылы Баймұрат батыр ауылы мен Талдыарал елдімекенінде маусымдық аяқ су ұңғымасы қазылып, су насостары орнатылды. Тоғай көшесі жарықтандырылып, Баймұрат батыр ауылына электр желісі тартылуда. Сонымен қатар, елдімекенде 5 аялдама салынды. Ал, жаңадан берілген жерлерді инфрақұрылыммен қамтамасыз ету жұмыстарының жалғасы ретінде &nbsp;электр желілерін тарту жұмыстары басталған болатын. Осы жұмыс толығымен аяқталса, Талдыарал елді мекені бойынша жаңадан берілген жерлер инфрақұрылыммен толық қамтамасыз етіледі», - деді ауылдық округ әкімі.</blockquote>Ауылдық округті көгілдір отынмен қамту мақсатында биыл жоба-сметалық құжаттарын дайындауға қаржы бөлінді. Сонымен қатар, Талдыарал елдімекеніне тренажер жабдықтары мен футбол алаңын салуға, &nbsp;ауыл көшелеріне жаяу жүргіншілер жолын салуға, 4 көшені жарықтандыруға, 21 көшеге тас жол және арықтарға лоток салу жұмыстарына жоба-сметалық құжаты дайындалып, құрылыс жұмыстарын бастауға бюджеттік өтінімдер ұсынылды. Сонымен қатар, Баймұрат батыр ауылына дәрігерлік амбулатория салуға жоба-сметалық құжаты дайындалып, мемлекеттік сараптамадан оң қорытынды алды. Ендігі ретте, облыстық экономикалық бюджетті жоспарлау бөліміне қаржының бөлінуіне бюджеттік өтінім жолданып, қазіргі таңда республикалық бюджетте қаралуда.Айта кетерлігі, өткен жылы ауылдық округте 12 адам өз кәсібін ашып, кәсіпкерлік нысандар саны 134-ке артты. &nbsp;Жаппай кәсіпкерлікті дамыту бағытындағы түрлі мемлекеттік бағдарламалар аясында &nbsp; ауыл тұрғындарының 103,2 млн. теңгені құрайтын 8 жобасы қаржыландырылып, 12,250 млн. теңгені құрайтын 10 жоба қайтарымсыз грантқа ие болған.

Ақжарма ауылында аяқ су ұңғымасы қазылып, су насостары орнатылды

<a href="https://kyzylorda-news.kz/">Kyzylorda-news.kz.</a> Т. Жүргенов атындағы №136 мектеп–лицейінде мемлекет және қоғам қайраткері, білім мен өнердің нағыз жанашыры Темірбек Жүргеновтің туғанына 125 жыл толуына арналған облыстық ғылыми-практикалық конференция болып өтті.Жиын «Халқына қызмет еткен тұлға» атты тақырыпта ұйымдастырылды. Қазақ өнері мен білімін дамытуға үлкен үлес қосқан Темірбек Жүргеновтің тағылымы мол өнегелі ғұмырын кейінгі өскелең ұрпаққа кеңінен насихаттауды мақсат тұтқан шарада облыстық ардагерлер кеңесінің төрағасы Серік Дүйсенбаев кіріспе сөзбен ашып, конференция жұмысына сәттілік тіледі.Аталған конференцияға облыстық білім басқармасының басшысы М.Шермағанбет, «Темірбек Жүргенов атындағы қоғамдық қор» төрағасы С.Аңсатов, білім саласының қызметкерлері мен ғалымдар, ардагерлер және Темірбек Қараұлының туысқандары қатысты. Іс-шара барысында арнайы көрме ұйымдастырылып, Алаштың аяулы ұлының өмір тарихынан оқушылар қойылым көрсетті.Т.Жүргеновтің қайраткерлік, қаламгерлік, азаматтық болмысы жайында ардагерлер мен ғалымдар ой-толғамдарын тарқатып айтып берді. Сондай-ақ, «Темірбек Жүргенов атындағы қоғамдық қор» төрағасы С.Аңсатов арда азамат туралы арнайы баяндама жасап, қайраткердің республика тарихында алар қоғамдық-саяси орны, қаламгерлік мұрасы, жас ұрпаққа берер өнегесі туралы кең ауқымда әңгімелеп, тың ұсыныстарын ортаға салды.Конференцияда облыстық білім басқармасының басшысы ұлы тұлғаның оқу-ағарту саласындағы еңбегіне тоқталып, мерейтой аясында аймағымыздағы білім беру ұйымдарында көптеген іс-шаралар өтетіндігін жеткізді.Темірбек Қараұлы мектеп салу ісіне ерекше мән берді. Сол уақытта мемлекет есебінен 3 мыңдай, колхоздар қаржысымен мыңға жуық мектеп салдырды. Бір Алматының өзінде 18 мектепті іске қосып, күн-түн демей, құрылыстың басы-қасында өзі жүрді. Осы жерде Жүргенов еліміздегі жоғары мектеп жүйесін кеңейтуге де үлкен көңіл бөлгенін атап өтуіміз қажет, - деді Мейрамбек Зинабдинұлы. Айта кетейік, конференция өткізілген №136 мектеп-лицейіне ұлы тұлғаның есімі 100 жылдық мерейтойы қарсаңында 1998 жылы берілді. Бүгінде білім ордасында 2 мыңға жуық оқушы білім алуда.<figure class="image"><img src="https://knadmin.beoblood.kz/uploads/331271810_1402659987210740_3381013816832247140_n_c077f81cac.jpg" alt="331271810_1402659987210740_3381013816832247140_n.jpg"></figure><figure class="image"><img src="https://knadmin.beoblood.kz/uploads/331748819_941587026833480_6358804998603971395_n_82a06c9535.jpg" alt="331748819_941587026833480_6358804998603971395_n.jpg"></figure><img src="https://knadmin.beoblood.kz/uploads/331486333_1353161322145042_4505496961701239292_n_51e7aacd04.jpg" alt="331486333_1353161322145042_4505496961701239292_n.jpg"><figure class="image"><img src="https://knadmin.beoblood.kz/uploads/331662740_1344529843036531_4052142620249147010_n_8ed813a4c2.jpg" alt="331662740_1344529843036531_4052142620249147010_n.jpg"></figure>

Т.Жүргеновтің туғанына 125 жыл толуына орай облыстық конференция өтті

<a href="https://kyzylorda-news.kz/">Kyzylorda-news.kz.</a> Бүгін Жол активтерінің ұлттық сапа орталығында жол құрылысын дамыту бағытында республикалық семинар өтіп жатыр.&nbsp;Келелі жиынға жол саласына жауапты мемлекеттік құрылымдар, жол салушы мердігерлер, асфальт-бетон жабындысын шығаратын компания өкілдері қатысты.&nbsp;Семинар екі блокқа бөлінген. Орталық сарапшысы Серік Жолдасбек жаңадан «КазРоадЛаб» бағдарламасын таныстырып, зертхана жұмысындағы жаңашылдықтармен бөлісті. Сондай-ақ, «ИнДорТех» компаниясының өкілі Г. Измаилова жолдың алғашқы қабаты топырақты нық қалыптастаруға пайдаланатын тыңнан шыққан «Acrosoil» қоспасы туралы баяндап, кеңінен түсіндірді.&nbsp;Жалпы семинар аясында салаға қатысты жан-жақты ұсыныс-пікірлер тыңдалып, жол саулшылар мен жол сапасын кадағалаушылар арасында тығыз байланыс орнап, алдағы уақытта семинарда таныстырылған жаңашылдықтарды өндіріске енгізу бойынша жүйелі жұмыстар атқарылатын болады.

Жолшылар семинарда бас қосты

<a href="https://kyzylorda-news.kz/">Kyzylorda-news.kz.</a>&nbsp; Биыл халық жазушысы, мемлекет және қоғам қайраткері Шыңғыс Айтматовтың 95 жылдығы. Осыған орай, бүгін Н.Бекежанов атындағы облыстық қазақ академиялық музыкалық драма театрында махаббат пен достықтың айқын көрінісі бейнеленген жылдың алғашқы премьерасы «Жәмилә» туындысы сахналанады.Брифинг барысында қойылым режиссері Дина Жұмабаева «Жәмиләнің» басты жаңалығымен бөлісті.<blockquote>«Бұл шығарма Шыңғыс Айтматовтың ең алғашқы туындысы және әлемнің 150 тіліне аударылған. «Жәмилә» шығармасы Данияр мен Жәмилә арасындағы тәтті махаббат арқылы оқырман қауымды өзіне баурап алды. Осы әсерлі туындыны театр саханасында шынайы көрсету үшін барымызды салып жатырмыз. Бүгінгі премьераның басты ерекшелігі – қойылымға Ш.Айтматовтың көркемдік стилін қостым. Сондай-ақ, спектакльде ерекше суреттерде көрініс табатын болады. Әртістер өздерінің рөлдерін жетілдіріп, көрермендерге эмоция сыйлайды деген ойдамыз», - деді Ғ.Мүсірепов атындағы академиялық балалар мен жасөспірімдер театрының режиссері Дина Жұмабаева.</blockquote>

Бүгін Сыр сахнасында алғаш рет «Жәмилә» премьерасы көрсетіледі

<a href="https://kyzylorda-news.kz/">Kyzylorda-news.kz.</a> Қазақстандық Қамшыбек Қоңқабаев Болгария астанасы София қаласында өтіп жатқан бокстан халықаралық «Странджа-2023» турниріндегі алғашқы жекпе-жегінде қарсыласын нокаутпен жеңді.Ол 92 келіден жоғары салмақта 1/8 финалда нидерландиялық Стэн Бертенспен қолғап түйістірді. Нәтижесінде екінші раундта қарсыласын нокаутқа жіберді.Осылайша Қамшыбек Қоңқабаев 1/4 финалға жолдама алды.Қазақстандық спортшы бұған дейін 2020 жылғы жазғы Олимпиадада қола жүлде алса, екі мәрте әлем чемпионатында күміс медаль иегері атанған. Ал Азия чемпионатында төрт мәрте екінші орын алған болатын.Айта кетсек, бүгін күндізгі сессияда ел құрамасынан Ертуған Зейнуллинов (63,5 келі) өзбекстандық Мужибилло Турсуновқа есе жіберді.Бүгін Ерасыл Таңқай (60 келі) филиппиндік Пол Джулайфер Баскон, Нұрқанат Райыс (75 келі) австралиялық Доминик Молинаромен шаршы алаңға шығады.<a href="https://www.inform.kz/kz/bokstan-strandzha-turniri-kamshybek-konkabaev-karsylasyn-nokautka-zhiberdi_a4038933">ҚазАқпарат</a>

Қамшыбек Қоңқабаев қарсыласын нокаутқа жіберді

<a href="https://kyzylorda-news.kz/">Kyzylorda-news.kz.</a> Қызылорда қаласында хабарсыз кеткен 41 жастағы әйел табылды.21 ақпанда Қызылорда қаласы полиция басқармасының жедел 102 арнасына жергілікті тұрғын хабарласып, қарындасының белгісіз бағытқа шығып кетіп, қайта оралмағаны жөнінде арызданған еді.<blockquote>​«Қызылорда қаласы полиция басқармасының криминалды полиция бөлімінің қызметкерлері аталған хабарлама негізінде іздестіру жүргізді. Барлық көшелер, аулалар мұқият зерделеніп, жергілікті тұрғындардан сұрау жүргізілді. Жедел- іздестіру жұмысының нәтижесінде жоғалған 41 жастағы азаматша қала көшелерінің бірінен аман-есен табылды», - деп мәлім етті Қызылорда облыстық полиция департаментінен.</blockquote>

Қызылордада жоғалып кеткен 41 жастағы әйел табылды

<a href="https://kyzylorda-news.kz/">Kyzylorda-news.kz.</a> Құрылыс саласын одан әрі дамыту, сондай-ақ қазіргі заманғы жағдайда құрылыс өнімінің қауіпсіздігі мен сапасын арттыру мемлекеттің өзекті экономикалық және саяси міндеттері болып табылады.&nbsp;«АIaqeum eIeсtriс» компаниясының еншілес серіктестігі «КСМ КZ-2022» ЖШС – өңірдегі іргелі кәсіпорынның бірі. Толыққанды заманауи құрылғылармен қамтамасыз етілген, өндіріс қуаты артып, құрылыс саласына қажетті өнімдер өндіруде.Қазір электp бағандары мен электр тасымалдаy құрылымдарына қажет темiр-бетон бұйымдарын шығарып жатыр. Көпқабатты тұрғын үйлерге арналған 9 метрлік плиталарды шығаруды да алғаш болып қолға алды.Серіктестiк материалдарына сұраныс жоғары. Зауыттың өндiрiстік-техникалық бөлiм басшысы Аманбай Жұмабековтың айтуынша, өндірiсте 200-ге жуық адам жұмыс iстейді. Мұнда ерлермен қатар әйелдер де еңбек етедi. Кран айдайтындар да, технологтар да – солар. Ісiне жауапкершілікпен қарайды.<blockquote>«Бізде біраз адам зейнет жасына жетсе де, жұмыс істеп жатыр. Өйткені, кадр тапшылығы бар. Электр дәнекерлеушi, электрик, краншылар керек», – дейді бөлім басшысы.</blockquote>Өндірілетін өнімдер қатарында көп бөлімді жабын және таспалық фундамент тақталары, қабырға блоктары, темір-бетонды маңдайшалар, дөңгелек темір-бетон шеңберлері, су жүретін трубалар, жол тақталар, жылу жүретін трассалардың лотоктары, резервуар қабырғасының тақталары, жол жиегіндегі тас тақталар секілді өнімдер бар.<blockquote>«Жылдан жылға өнім түрі көбейіп, нарықтың сұранысына сай жұмыс жасалуда. Осыдан бірнеше жыл бұрын электр бағаналары мен электр тасымалдау құрылымдарына қажетті темір-бетон бұйымдарын шығаруды облыста алғашқы болып қолға алғанбыз. Енді, міне көпқабатты тұрғын үйлерге арналған 9 метрлік плиталарды шығаруды да біздің зауыт бірінші болып өндіріске енгізді. Айта кету керек, зауыттың материалдық-техникалық базасы да жыл өткен сайын жаңарып, бәсекеге қабілеті артып келеді. Құрылғылардың дені Ресейден әкелінген. Бұл жерде жұмысшылардың 30 проценті – қыз-келіншектер. Технолог, инженерлік-техникалық құрам, кранның барлығын игеріп отыр. Жұмыстары өте тиянақты. Ерлермен тең дәрежеде иық тірестіріп, еңбек етуде. Ішкі нарықты толық қамтып отырған зауыт аймақтағы ірі, қуатты «Интегрострой», «Промстройсервис-Е», «Аман-құрылыс», «Асар», &nbsp;«Келешек» серіктестіктері, «ЕрАру» ЖК секілді 34 тапсырыс беруші мекемемен тығыз байланыста. Кәсіпорын алдағы уақытта да өнімділікті арттыруда белсенді еңбек ете береді», – дейді зауыт директоры Азамат Мұханов.</blockquote>

Қызылордада темір-бетон бұйымдарына сұраныс жоғары

<a href="https://kyzylorda-news.kz/">Kyzylorda-news.kz.</a> «QazIndustry» акционерлік қоғамы кәсіпкерлік қызметті мемлекеттік қолдаудың шаралары мен негізгі тетіктерін түсіндіру бойынша жүйелі жұмыс жүргізеді.&nbsp;«QazІndustry» өкілдері Қызылорда облысына жұмыс сапары аясында семинар өткізді. Семинарға облыстың 25 кәсіпкері қатысты.&nbsp;Аталған семинардың мақсаты-еңбек өнімділігін арттыруға және аумақтық кластерлерді дамытуға бағытталған индустриялық-инновациялық қызмет субъектілеріне мемлекеттік қолдау көрсету қағидалары шеңберінде ұсынылатын мемлекеттік қолдау шараларын түсіндіру.«QazIndustry» АҚ бизнесті ынталандыру дирекциясының басшысы Арстанбек Сағиев қатысушыларға өнеркәсіптік-инновациялық қызмет субъектілерінің еңбек өнімділігін арттыруға бағытталған өнеркәсіпті мемлекеттік ынталандыру шараларын ұсыну шарттары мен тәртібін түсіндірді.Семинар барысында «QazIndustry» АҚ дирекциясының орынбасары Айнұр Байқадамова қатысушыларды өнеркәсіпті ынталандыру шаралары туралы хабардар етті, шығындарды өтеуге өтінімдерді қалыптастыру кезінде жиі жіберілетін қателіктер туралы айтты. Айта кету керек, «Qazindustry» акционерлік қоғамы индустриялық-инновациялық қызмет субъектілеріне көрсетілетін мемлекеттік қолдау шараларын ілгерілетуге бағытталған іс-шаралар кешенін іске асыруды жалғастыруда.QazIndustry өкілдері «Смарт Раббер» ЖШС, «НефтьПромСнаб» ЖШС, «Компания Гежуба Шиелі Цемент» ЖШС және т.б. облысымызда шығарылатын өнімдерді өндіру технологиясымен танысты.

«QazIndustry» қызылордалық бизнес-қауымдастығы өкілдерімен кездесті

<a href="https://kyzylorda-news.kz/">Kyzylorda-news.kz.</a> Бүгін ҚР бойынша көктайғақ болып, тұман түседі. Жел күшейіп, жаяу бұрқасын болады, деп хабарлайды Қазгидромет.&nbsp;Атлантикалық циклон және онымен байланысты атмосфералық фронттардың әсерінен ҚР басым бөлігінде тұрақсыз ауа райы сақталады – қар мен жаңбыр түрінде жауын-шашын жауады, тек оңтүстік-шығысында ғана жауын-шышынсыз ауа-райы сақталады.

Бейсенбі күнгі ауа райы болжамы

<a href="https://kyzylorda-news.kz/">Kyzylorda-news.kz.</a> 3 мыңнан астам қызылордалық МӘМС жүйесінде алдын ала бір жылға сақтандыру мәртебесін алды.Өткен жылы 5 қыркүйекте МӘМС-ға бір жыл бұрын жарналарды төлеудің жаңа тетігі басталды («МӘМС туралы» Заңның 5 баптың 3 тармағының 3-2 тармақшасына сәйкес). Өңірдің 3 мыңнан астам дербес төлеушісі алдағы 12 айға сақтандыру мәртебесін алды, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.Қор филиалының басшысы еліміздің әрбір тұрғынына өзінің сақтандыру мәртебесін, МӘМС жарналары мен аударымдарын қанша ай бойы төлемегенін білу маңызды екенін атап өтті.<blockquote>«Мысалы, егер 2022 жылы 2-3 ай төленбесе, онда барлық 12 ай үшін төлемдер болуы үшін оларды дербес төлеуші ретінде төлеген дұрыс («МӘМС туралы» Заңның 3-тармақтың 5-бабына сәйкес). Бірақ жарналарды бір жыл бұрын төлеген жөн. Мысалы, егер сіз ақпан айында төлесеңіз, онда төлемдер 2023 жылдың ақпанынан 2024 жылдың қаңтарына дейін болуы керек. 3 500 теңге х 12 = 42 000 теңге», - деді Бақыт Исмаханбетов.</blockquote>2022 жылы дербес төлеушілер үшін жарналар сомасы 3 000 теңгені құрады (1 ЕТЖ-дан 5%), 2023 жылы - 3 500 теңге.

Қазақстан және Қызылорда облысының жаңалықтары