<a href="https://kyzylorda-news.kz/">Kyzylorda-news.kz.</a> Парламент мәжілісі медицина қызметкерлерінің кәсіптік жауапкершілігін сақтандыруды және кәсіби міндеттерін тиісінше орындамағаны үшін жазаларды ізгілендіруді көздейтін заң жобасын бірінші оқылымда мақұлдады, деп хабарлайды <a href="https://sputnik.kz/20221221/darigerdin-qateliginen-zardap-shekken-patsientterge-otemaqy-30501722.html">Sputnik Қазақстан</a>.Пациенттерге өтемақыДенсаулық сақтау министрі Ажар Ғинияттың айтуынша, заң жобасында медицина қызметкерлерінің кәсіптік жауапкершілігін сақтандыру жүйесін кезең-кезеңімен енгізу тетігі мен жолдары қаралған. Министрлік заң жобасын әзірлеу барысында әлем елдерінің тәжірибесін зерделеген.Халықаралық тәжірибеде медицина қызметкерлерін қорғау үшін қорлар мен қауымдастықтар құру арқылы, сондай-ақ жеке нарықтар арқылы кәсіптік жауапкершілікті міндетті сақтандыру жүйесі қолданылады. Кәсіптік жауапкершілікті сақтандыру міндеті медицина қызметкерлеріне немесе денсаулық сақтау ұйымдарына жүктелген.<blockquote>"Осы айтылған халықаралық тәжірибе негізінде медицина қызметкерлерінің кәсіптік жауапкершілігін сақтандырудың оңтайлы тетігі ретінде АҚШ, Германия, Жапония және Түркия модельдері бойынша сақтандырудың бейімделген нарықтық моделі (қолданыстағы сақтандыру компаниялары арқылы, дауларды сотқа дейінгі реттеу арқылы) ұсынылып отыр. Қазір барлық медициналық ұйымда пациенттерді қолдау қызметін ашып жатырмыз", - деді Ғиният мәжіліс отырысында.</blockquote>Осы модельге сәйкес пациенттерді қолдау қызметі, арнайы комиссия сарапшылар мен мүдделі тараптарды тартып және медиация элементтерін қолданып, шағымды қарайды. Бұл кезеңде мәселе медициналық ұйымның өзінде реттелуі мүмкін.<blockquote>"Пациент қызметтің немесе комиссияның шешімімен келіспеген жағдайда шағым сараптамалық қорытынды беру үшін денсаулық сақтау министірлігі медициналық және фармацевтикалық бақылау комитетінде қаралады. Дәлелденген жағдайда шағым бойынша материалдар, оның ішінде сот-медициналық сараптаманың қорытындысы медициналық ұйым сақтандырылған сақтандыру компаниясына беріледі", - деді Ғиният.</blockquote>Пациентке келтірілген зиян үшін өтемақы төлеуді сақтандыру компаниясы жүргізеді. Төлемнен бас тартқан және қанағаттанбаған жағдайда пациент сотқа жүгінуге құқылы. Сақтандыру жарнасының мөлшері қауіп дәрежесіне қарай бекітілген актуарлық есептеулердің негізінде медицина қызметкерінің жауапкершілік дәрежесі ескеріле отырып айқындалады. Денсаулық сақтау министрлігі 2023 жылдан бастап сақтандыруды жұмыс берушінің есебінен жүзеге асыруды ұсынып отыр. Ал 2025 жылдан бастап сақтандыру сыйлықақысы медициналық ұйым мен медицина қызметкерлері арасында бөлінеді, бұл ынтымақты кәсіптік жауапкершілікке әкеледі.<blockquote>"Осы айтылғандар негізінде министрлік жұмыс істеп тұрған сақтандыру компаниялары арқылы ұжымдық шарт жасай отырып, жұмыс беруші, яғни медициналық ұйымның қаржылық жауапкершілігінің шекті көлемінде медицина қызметкерлерінің кәсіптік жауапкершілігін сақтандыруды ұсынады", - деді министр.</blockquote>Медицина қызметкерлерін қорғауСондай-ақ заң жобасы аясында медицина немесе фармацевтика қызметкерлерінің кәсіби міндеттерін тиісінше орындамағаны үшін қылмыстық құқықбұзушылықтарды ізгілендіру және Қылмыстық кодекстің 317-бабының санкциялық шараларын төмендету бойынша нормалар ұсынылған.Ғинияттың мәліметінше, 2018-2020 жылдары жеке және заңды тұлғалардан 14 123 өтініш келіп түсті, оның ішінде Қылмыстық кодекстің 317-бабы бойынша медицина қызметкерлеріне қатысты кәсіби міндеттерін тиісінше орындамағаны үшін жыл сайын 300-ге жуық іс, көбіне өліммен аяқталу қаупі бар хирургиялық бейіндегі мамандардың үстінен іс қозғалады (акушер-гинекологтар-14 адам, хирургтар-14, травматологтар – 8, анестезиологтар-6).<blockquote>"Заң жобасында айыппұл мөлшерін және денсаулығына орташа және ауыр абайсызда зиян келтіргені үшін қамауға алу мерзімін төмендету, пациенттің денсаулығына ауыр зиян келтіргенде немесе қайтыс болғанда "бас бостандығынан айыруды" жаза мерзімдерін қайта қарай отырып "бас бостандығын шектеуге" ауыстыру ұсынылады", - деді Ғиният.</blockquote>Ақхалаттыларға арналған марапатСондай-ақ, заң жобасы медицина қызметкерлерінің мәртебесін көтеруге және оларды әлеуметтік қолдауға, оларға құрметті атақ беруге бағытталған.1000 АЕК мөлшерінде біржолғы төлемақы бере отырып, медицина қызметкерінің аса үздік жетістіктері мен айрықша еңбегі үшін "Қазақстанның еңбек сіңірген дәрігері" құрметті атағын;Жеңімпаздарға 500 АЕК мөлшерінде біржолғы ынталандыру төлемақысын бере отырып, "Мамандық үздігі" республикалық конкурсын тағайындау көзделген.Мәжіліс депутаттары кейбір заңнамалық актілерге денсаулық сақтау мәселелері бойынша өзгерістер мен толықтырулар енгізу туралы заң жобасын бірінші оқылымда мақұлдады.

Дәрігердің қателігінен зардап шеккен пациенттерге өтемақы төленеді

<a href="https://kyzylorda-news.kz/">Kyzylorda-news.kz.</a> Қызылордалық тұрғындар өз өтініштері мен ұсыныстарын жаңа форматта өткізілген жеке қабылдаулар барысында айтуға мүмкіндік алған.Президенттің «Халық үніне құлақ асатын мемлекет» тұжырымдамасы өңірде ашық диалогқа негізделген кездесулерде көрініс тапқан. Ауыл-ауылдарды аралған облыс әкімі Нұрлыбек Нәлібаев құқық қорғау органдарының бірінші басшыларымен бірге тұрғындармен кездесіп, көкейіндегі мәселелерін тізбектеді және ұсыныс-тілектерін тыңдады.<blockquote>«Біз қай кезде де ашықтық қағидатын ұстанамыз. Мемлекеттік басшысының Жарлығы және «Халық үніне құлақ асатын мемлекет» тұжырымдамасын жүзеге асыру аясында құқық қорғау органдарымен бірге барлық аудандарды аралап, өзекті мәселелерді бірге анықтадық. Қоғамдық қабылдау кезінде өзім 500-ден аса тұрғынның мәселесін саралап, құқық қорғау органдары басшылары 300-ге жуық халықтың ұсынысына құлақ асты», - деді аймақ басшысы «Бетпе-бет» бағдарламасына берген сұқбатында.</blockquote>Айта кетейік, жеке қабылдау барысында көмекке аса мұқтаж отбасыларға уақытша баспана беру, денсаулығы қиын балаларға ем алу үшін қайырымдылық қорлары арқылы қаражат үлестіру, көпбалалы отбасыларға азық-түлік себеттерін алып беру, қоғамдық жұмысқа орналастыру сынды өтініштер сол сәтте шешімін тапқан.Негізінен, ауылда тұратын халықтың негізгі мәселелері инфрақұрылыммен байланысты. Жол сапасын жақсарту, ауыз су жеткізу, газ тарту, интернет орнату, мектеп пен амбулатория салу. Бұл өзекті мәселелерді кезең-кезеңімен шешілуде. &nbsp;Еске салсақ, қазіргі таңда аймақта жақсы деңгейдегі жолдардың үлесін 75 пайыздан 82 пайызға дейін артты. 2023 жылға 36 жобаны қаржыландыру бойынша ұсыныс енгізілді, бұл жолдардың жағдайын 87 пайызға жақсартуға мүмкіндік береді. &nbsp;Қазірдің өзінде аймақта тұрғындардың газ тұтыну деңгейі 68%-ға жетті. Көгілдір отынмен қамту ісінде алдағы жылдары 45 елді мекенге газ тартылмақ.&nbsp;Ауыз су сапасын жақсарту жұмыстарына 100 пайызға жуықтады. Қазіргі таңда 97 пайыз халық орталықтандырылған ауыз су жүйесіне қосылған.Ауылдарды интернетпен қамтуда 230 ауылдық елді мекеннің 210-ы интернетпен толық қамтамасыз етілді. Халық саны 250-ден кем емес 20 шалғай ауылдық елді мекенге кезең-кезеңімен интернет жүргізу жұмыстары қолға алынады.

Нұрлыбек Нәлібаев: Халық көтерген мәселелер кезең-кезеңмен шешімін табады

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорымен шарт жасасқан барлық медициналық ұйымның тізімін <a href="https://fms.kz/kz/">fms.kz</a> ресми сайтынан таба аласыз. Бұл туралы Қызылорда облысы бойынша ӘМСҚ филиалының бас сарапшысы Айгүл Аханова хабарлады.Медициналық қызметтің жекелеген түрлері бойынша тізім «Медициналық қызметтерді сатып алу» - «КДҚ жеткізушілері» бөлімінде орналастырылған.&nbsp;- КТ және МРТ, сандық рентгенография жеткізушілері&nbsp; - ПТР-тестілеуді жеткізушілер (биоматериал емхана арқылы жіберіледі) - Стоматологиялық клиникалар (азаматтардың жекелеген санаттары үшін)Жалпы тізім «Пациент үшін» – «Клиниканы таңдау» бөлімінде орналасқан. Осы жерде тұрғылықты аймақты және қызметті таңдайсыз.Бұл: - Консультациялық-диагностикалық көмек&nbsp; - Тәуліктік немесе күндізгі стационардағы мамандандырылған медициналық көмек - Жоғары технологиялық медициналық көмек - Медициналық оңалту&nbsp; - Бағдарламалық диализ болуы мүмкін.МӘМС мүмкіндіктерін пайдаланыңыз!<figure class="image"><img src="https://knadmin.beoblood.kz/uploads/2_00000_8_4ad521d35c.jpg" alt="2_00000 (8).jpg"></figure><figure class="image"><img src="https://knadmin.beoblood.kz/uploads/3_00000_8_bd592f626f.jpg" alt="3_00000 (8).jpg"></figure><figure class="image"><img src="https://knadmin.beoblood.kz/uploads/4_00000_7_235ac50bfe.jpg" alt="4_00000 (7).jpg"></figure><figure class="image"><img src="https://knadmin.beoblood.kz/uploads/5_00000_7_4ebc48b326.jpg" alt="5_00000 (7).jpg"></figure>

МӘМС бойынша медициналық қызмет көрсететін мекемелердің тізімін қайдан көруге болады?

<a href="https://kyzylorda-news.kz/">Kyzylorda-news.kz.</a> Бүгін, 21 желтоқсанда, табиғатқа қысқы тоқырау күні келеді немесе нағыз астрономиялық қыс басталады, деп хабарлайды ҚазАқпарат.Астрономдардың есебінше, күндізгі жарық молая бастайтын сәт 21 желтоқсанда Астана уақыты бойынша сағат 21:58-де келеді.Бұл - жылдың ең қысқа күні, ал алдағы түн – ең ұзақ түні болады.Бүгін Күн өзінің эклиптикасының ең төменгі (оңтүстік) (Солтүстік жарты шар үшін) нүктесінде, ал күндізгі жарық уақытының ұзақтығы жылдың ең қысқасы болады.Күн бұл биіктікте бірнеше күн бойы сақталады.Мысалы, Астанада бүгін, 21 желтоқсанда күн сағат 9.15-те шықты, 17.08-де батады.Күннің ұзақтығы 7 сағат 53 минут болады.Ертең, 22 желтоқсанда күннің ұзақтығы бұрынғы деңгейде сақталады, ал 23 желтоқсанда күндізгі сағат 1 минутқа артады.Жылдың соңғы күні, 31 желтоқсанда күндізгі уақыт 7 сағат 58 минутқа созылады.Адамдар қыстың күн тоқырауын әрдайым жақсы болашақ, жаңару, жарықпен байланыстырады, өйткені күннің қараңғы уақыты азаяды.Фото <a href="https://www.inform.kz/kz/zher-betine-astronomiyalyk-koktem-ornaydy_a3192417">ҚазАқпарат</a>

Бүгін - биылғы жылдың ең ұзақ түні

<a href="https://kyzylorda-news.kz/">Kyzylorda-news.kz.</a> Қызылорда қаласы ПБ Ақсай полиция бөлімінің патрульдік полиция батальонының қызметкерлері «Қару» іс-шарасы барысында түнгі уақытта қала аумағында «Volkswagen» автокөлігін тоқтатқан.Полиция қызметкерлері 47 жастағы жүргізушінің тексеру барысында одан 9 газет қиындысына оралған жасыл түсті затын анықтады. Сараптама қорытындысымен алынған зат «кептірілген марихуана» есірткі екені белгілі болды.Аталған дерек сотқа дейінгі тергеп-тексерудің бірыңғай тізіліміне тіркеліп, Қазақстан Республикасы Қылмыстық кодексінің 296-бабының 2-бөлігімен (Есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) тергеу басталды.<figure class="media"><div data-oembed-url="https://youtu.be/BrTnFWD8BOc"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/BrTnFWD8BOc" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure> &nbsp;

Қызылордада заңсыз есірткі затын сақтаған азамат ұсталды

<a href="https://kyzylorda-news.kz/">Kyzylorda-news.kz.</a> Ел көптен күткен Қызылордадағы шыны зауытына қатысты облыс әкімі Нұрлыбек Нәлібаев "Бетпе-бет" хабарында эклюзивті сұхбат берген. 197 мың тонна өнім шығаруға қабілетті зауыт қазан айынан бастап алғашқы өнім шығарған.Президенттің қолдауы негізінде өнеркәсіп саласының дамуына серпін беретін ірі жобалардың бірі шыны зауыты аясында 42 млрд. теңге инвестиция тартылған.<blockquote>«Бүгінде 17 мың тонна шыны Астана, Алматы, Шымкент қалаларына жөнелтілді, алдағы уақытта өнімді Өзбекстанға экспорттау жоспарлануда. Биылғы жылы шамамен 30 мың тоннаға жуық шыны шығару жоспарлануда.Зауыт жанынан инвестиция көлемі 100 млрд. теңгеге жуық8 ілеспе кәсіпорын құру жоспарлануда. Оның үшеуі - шыны талшықтар мен композитті материалдар, айна және жұқа шыны шығару жобалары бойынша жобалау жұмыстары басталды», - деді аймақ басшысы.</blockquote>Айта кетейік, шыны зауытының екінші кезеңі ретінде «Чайна Гласс» қытай компаниясы ультражұқа шыны шығару зауытына инвестор болуға ниет білдіруде. Бұл жоба өңір үшін ерекше маңызды жобаның бірі болмақ. Жоба құны – 64 млрд. теңге.Шыны талшықтары мен композитті материалдар жобасы «Қызылорда композиттік материалдар зауыты» серіктестігінің бастамасымен жүзеге асырылады. Жоба құны – 1,5 млрд. теңге. Ал, құны 4,5 млрд. теңгені құрайтын «Айна шығару» жобасының бастамашысы «Арал Кварц» серіктестігі.Атап өту қажет, бұл екі жобаға мемлекеттік қолдау шарасы ретінде зауытты орналастыру үшін жер телімдері берілген.Зауыт маңынан автомобиль айналары, шыны кәдесыйлар, шыны мақтасы, шыны ыдыстар өндірілмек.<figure class="image"><img src="https://knadmin.beoblood.kz/uploads/steklozavod_03659d6d54.jpeg" alt="стеклозавод.jpeg"></figure><figure class="image"><img src="https://knadmin.beoblood.kz/uploads/steklozavod_f2256bdd22.jpeg" alt="стеклозавод.jpeg"></figure>Бағдарламаның толық нұсқасын төмендегі сілтеме арқылы көре аласыз:<figure class="media"><div data-oembed-url="https://www.youtube.com/watch?v=j0P6KSHljY8"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/j0P6KSHljY8" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылорда облысының әкімі шыны зауытына қатысты эксклюзивті сұхбат берді

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаментімен шығарылу заңдылығын растайтын құжаттарсыз мұнай өнімдерін тасымалдау, иемдену және өткізуге қатысты қылмыстық істің тергеуі аяқталды.Тергеу барысында анықталғандай, кәсіпкер М.Дүзелбаева 2017 жылдан бастап өз кәсібін жүргізе отырып, мемлекеттік сатып алу порталы арқылы ондаған мекемелермен дизель сұйық отынын жеткізіп беруге келісім шартқа отырған. Алайда, заңды қызметі аясында, &nbsp;2019 жылдан бастап 2022 жылдың мамыр айына дейінгі аралықта 28 мемлекеттік мекемеге, 1 заңды тұлға мен 2 жеке тұлғаға &nbsp;заңсыз жолмен, яғни заңдылығын растайтын құжаттарсыз жалпы сомасы 274 млн. 036 мың теңгенің &nbsp;дизель сұйық отынын тасымалдап, заңсыз жолмен табылған мүлікті заңдастырған.Бұл заңсыз &nbsp;іс-әрекет &nbsp;ҚР ҚК-нің 197 бабы 4 бөлігінің 2) тармағымен (мұнайдың және мұнай өнiмдерiнің шығарылу заңдылығын растайтын құжаттарсыз аса ірі мөлшерде және бірнеше рет тасымалдау, иемдену, өткiзу, сақтау, сондай-ақ мұнайды қайта өңдеу) және 218 бабы 3 бөлігінің 3) тармағымен (қылмыстық жолмен алынған ірі мөлшердегі ақшаны және (немесе) өзге мүлікті заңдастыру) сараланды.&nbsp;Сотқа қылмыстық іс түскеннен кейін сотталушы М.Дүзелбаева кінәсін толық мойындау туралы мәміле түріндегі процессуалдық келісім жасауға өтініш білдірген. Сонымен қатар, өз кінәсін толықтай мойындап, шын жүректен өкінетінін білдірген және тағайындалған жазамен келіскен.Жалағаш аудандық сотының үкімімен М.Дүзелбаеваға 5 жыл мерзімге шартты түрде бас бостандығынан айыру жазасы тағайындалды және осы уақытқа пробациялық бақылау белгіленді.Фото <a href="https://baribar.kz/24281/qazaqstannynh-munay-oenimderi-finlyandiyagha-eksporttalady/">baribar.kz</a>

Мұнай өнімін заңсыз өткізген қызылордалық кәсіпкерге сот үкімі шықты

<a href="https://kyzylorda-news.kz/">Kyzylorda-news.kz.</a> Жол-көлік оқиғаларының алдын алу мақсатында «Қызылорда» автобус паркі» ЖШС Қызылорда облысы Полиция департаментімен бірлесіп, қоғамдық көлік жүргізушілерінің қатысуымен жиын өткізді.Жиында «Қызылорда» автобус паркі» ЖШС басшысының орынбасары, Қызылорда облысы Полиция департаментінің Консультативтік - кеңесші органның мүшесі Әмірбек Шаймағамбетов сөз алып, жол қауіпсіздігі бойынша мәселелерге тоқталды.Сонымен қатар, қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев қосымша аялдамалар қою, автобус белгілері, қоғамдық көліктің жаңа бағыттардың қосылғандығы, ауа-райының күрт өзгеруіне байланысты қардан тазаланған аймақтарға көктайғаққа қарсы құм-тұз себу жұмыстарының жүргізілу барысы туралы айтып өтті.&nbsp;Өз кезегінде Қызылорда облысы Полиция департаментінің Жергілікті полиция қызметі басқармасының бастығы полиция полковнигі Бауыржан Ибраев қала көлемінде жол қауіпсіздігін қамтамасыз етумен жол-көлік оқиғаларын төмендету бағытында жыл басынан полиция органдарымен атқарылған жұмыстар туралы тоқталды. Сонымен қатар, қоғамдық көлік жүргізушілеріне қойылатын талаптар да кеңінен түсіндірілді.&nbsp;Полиция қызметкерлерімен тұрақты түрде «Қауіпсіз жол», «Жаяу жүргінші», «Заңсыз жолаушы тасымалдаушы», «Заңсыз жолаушы тасымалдаушы» және т.б. көптеген жедел профилактикалық шаралар ұйымдастырылуда.Жалпы, жыл басынан жолда жүру ережелерінің қағидаларын бұзудың 61 мыңға жуық дерегі анықталып, тиісті шаралар қолданылған. Одан бөлек, мемлекеттік, жеке және шағын балабақшалардың балалар тасымалдайтын автокөліктерін тексеру жұмыстары жүргізілуде.&nbsp;Сонымен қатар, жол қауіпсіздігін қамтамасыз ету мақсатында Қызылорда қалалық Полиция басқармасының ұсынысына сәйкес қаладағы 11 көше қиылыстарына қосымша бағдаршамдар, көшелерге 450 жаңадан жол белгілері, 15 көшенің бойына жасанды тегіс еместік қондырғысы орнатылды.Осы және өзге де атқарылған жұмыстар нәтижесінде жол – көлік оқиғалары - 5,5 пайызға, онда қайтыс болғандар – 30,5 пайызға, жарақат алғандар – 11,3 пайызға төмендеді.&nbsp;Жиын соңында бірқатар мәселелер қаралып, қатысушылардың ұсыныстары тыңдалды. &nbsp;<img src="https://knadmin.beoblood.kz/uploads/68_bf0dae83f5.jpg" alt="68.jpg">

Қызылорда: Жол-көлік оқиғалары 5,5 пайызға төмендеген

<a href="https://kyzylorda-news.kz/">Kyzylorda-news.kz.</a>&nbsp; Арал аудандық мәдениет үйінде жазушы, ақын, журналист, көрнекті қаламгер Толыбай Абылаевтың 70 жылдық мерейтойы өтті. «Арлы сертке адал ақын» атты мерекелік шараға аудан әкімі Серік Сермағамбетов қатысып, ақынды жаңа жасымен құттықтады.<blockquote>«Толыбай Абылаев көптеген поэзиялық жинақтардың авторы. Өлеңін өмірмен ұштастырып, шығармаларын сын таразысына салып, оқырман үшін орамды ойлар мен жырлар арнаған қаламгер. Туған жерге деген толғаулардың жыршысына айналып, халық ықыласына бөлене білді. Отты өлеңдері мен тың туындылары ақынды абырой биігіне шығарды.Ұрпаққа өнеге болған мол мұраларыңыз көбейіп, жазарыңыз таусылмасын. Деніңізге саулық, шығармашылық табыстар тілеймін!»,- деді Серік Сағитжанұлы.</blockquote>Шара барысында Толыбай Абылаевтың сиясы кеппеген қос кітабының тұсауы кесілді. «Алақанда - Аралым» атты жинақ пен «Кішкентай балықтың ертегісі» атты шығарма оқырманға жол тартты.Мерекелік кешке арнайы келген ел ағалары мен ақындар мерейтой иесін құттықтап, арнауларын оқыды.Айта кетейік, Толыбай Абылаев алғашқы еңбек жолын – ата кәсіп балықшы болып бастап, кейіннен мәдениет пен журналистика саласына бет бұрған. Облыстық және аудандық бірнеше басылымдарда ұзақ жылдар жауапты қызметтер атқарған.Көрнекті қаламгер қаламынан шыққан «Шағала», «Арал көшіп келеді», «Аралдан соққан жел», «Арал Атлантидасы», «Махаббат дәптері», «Қыран шайыр», «Нұртуған шайыр» атты жыр жинақтарының кітап сүйер қауымның көзайымына айналды.<figure class="image"><img src="https://knadmin.beoblood.kz/uploads/320887563_717287276274253_1477379036324575098_n_62b8029ca5.jpg" alt="320887563_717287276274253_1477379036324575098_n.jpg"></figure><figure class="image"><img src="https://knadmin.beoblood.kz/uploads/320426135_464749539069512_3399179723088235371_n_1151f5e24d.jpg" alt="320426135_464749539069512_3399179723088235371_n.jpg"></figure><figure class="image"><img src="https://knadmin.beoblood.kz/uploads/320071082_716254183225525_4347246484135275493_n_5af61494b8.jpg" alt="320071082_716254183225525_4347246484135275493_n.jpg"></figure><figure class="image"><img src="https://knadmin.beoblood.kz/uploads/321123399_683768423397935_1824421037998374688_n_bbf7ab84d9.jpg" alt="321123399_683768423397935_1824421037998374688_n.jpg"></figure><figure class="image image_resized" style="width:72.54%;"><img src="https://knadmin.beoblood.kz/uploads/320721200_1246998176171693_7474048232189082124_n_dc0f2ad531.jpg" alt="320721200_1246998176171693_7474048232189082124_n.jpg"></figure>

Көрнекті қаламгер Толыбай Абылаевтың 70 жылдық мерейтойы өтті

<a href="https://kyzylorda-news.kz/">Kyzylorda-news.kz.</a> М.Мәметова атындағы Қызылорда педагогикалық жоғары колледжінде Қызылорда облыстық білім басқармасы «Суицидтің алдын-алу және болдырмау бойынша іс-шаралар жоспарына сәйкес» кәмелетке толмаған колледж студенттеріне «Өмір қымбатсың маған...» тақырыбында сала мамандарының қатысуымен түсіндірме жұмыстары жүргізілді.&nbsp;Іс-шараға Қызылорда облысының білім басқармасы басшысының орынбасары Ә.Ізімбетов, Қызылорда облысының білім басқармасының «Тәрбие және өзін-өзі тану жұмыстары» бөлімінің бас маманы Ш.Р.Байғазиева, Қызылорда облысының денсаулық сақтау басқармасының маманы М.Мырзаханова, Облыстық жастар денсаулығы орталығының валеолог маманы А.Кулмуратова, Облыстық жастар денсаулығы орталығының психологы А.Құлмырзаева, Али-Нұр клиникасының ВОП дәрігері А.Қосбергенова, Полиция басқармасы, Жергілікті полиция қызметі бөлімі Ювеналды полиция бөлімшесінің инспекторы, полиция аға лейтенанты, колледж инспекторы Р.Жұмадилдаев және колледж әкімшілігі мен 200-ден астам студенттер қатысты.&nbsp;Іс-шараның мақсаты – суицидтік мінез-құлықтың алдын алу, әдет-ғұрыпты, ұлттың тыныс-тіршілігі барысындағы үлкен жауапкершіліктің тұрғандығын сезіндіре отырып, өз-өзіне сақ болудың медициналық алғышарттарын түсіндіру.Қызылорда облысының білім басқармасы басшысының орынбасары Ә.Ізімбетов студенттерге тақырыпқа байланысты әлемде және елімізде орын алған жайттардан, оқиғалардан мысал келтіре отырып, толық ақпарат беріп өтті. Сонымен қатар, жас ұрпақтың өмірге деген оң көзқарасын қалыптастырып, өмірді, еңбекті сүюге шақырды.Кездесу барысында өмірде ең қымбат дүние адамның өзі екенін түсіндіріліп,, кез-келген мәселенің шешімін сабыр мен ақылдан іздеуге насихаттайтын арнайы бейнероликтер көрсетілді. Кездесу соңында қатысушыларды психологиялық қолдау мақсатында колледж психологтары семинар-тренинг жүргізіп, студенттер тарапынан өздерін толғандырған сұрақтарға жауап берілді. &nbsp;<img src="https://knadmin.beoblood.kz/uploads/65_746a65ea44.jpg" alt="65.jpg"><img src="https://knadmin.beoblood.kz/uploads/67_c1e4400917.jpg" alt="67.jpg">

Студенттерге «Өмір қымбатсың маған...» тақырыбында түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> Қазақстан Республикасы Қорғаныс министрлігі Әскери-техникалық мектебінің Қызылорда қаласындағы филиалының 26 түлегі Отан алдында әскери ант берді.Әскери-техникалық мектептің түлектері қырық күндей жоспарға сай кәсіби даярлықтардан өтті. Бұл биылғы жылы осы мектепті тәмамдап отырған түлектердің соңғы жетінші легі. Әскери ант беру рәсімі оқу процесі аяқталғаннан кейін өтетіні белгілі. Олар осы уақыт аралығында теориялық, тактикалық дайындықтарды меңгерумен қатар, «Тереңөзек» оқу-жаттығу полигонында екі мәрте қарудан оқ атып үлгерді. Білікті мамандардың арқасында нағыз әскери тәртіпті бойларына сіңіре білді.<blockquote>«Оқу барысында тактикалық, жауынгерлік және атысқа дайындықтың ерекшеліктері мен әскери өмірдің қыр-сырын меңгердік. Әскери-техникалық мектебінің ұстаздар қауымына алғысымыз шексіз. Темірдей тәртіпке баулып, нағыз жауынгер қандай болу керектігін үйретті. Әрбір азаматқа Отан алдындағы борышын өтеу міндеті екенін ескере келе алдағы уақытта әскери қызметке бет бұрсам деген ойым бар», - дейді әскери-техникалық мектебінің түлегі Айсұлтан Насрадинов.</blockquote>Әскери-техникалық мектептерге іріктеу жергілікті әскери басқару органдары өкілдерімен жылына 7 рет өткізіледі. Осы жылы Қызылорда қаласы әскери-техникалық мектебіне шамамен 180-ге жуық азматтар оқуға қабылданып, бітіріп шықты. &nbsp;<figure class="image"><img src="https://knadmin.beoblood.kz/uploads/93cbc750_c720_4008_a4f4_8d770309677e_2966909e88.jpg" alt="93cbc750-c720-4008-a4f4-8d770309677e.jpg"></figure>&nbsp;<figure class="image"><img src="https://knadmin.beoblood.kz/uploads/27e01dfe_9199_42cb_b88f_eca7e2959df2_c48c8687f9.jpg" alt="27e01dfe-9199-42cb-b88f-eca7e2959df2.jpg"></figure>

Әскери мектепте курсанттардың ант беру рәсімі өтті

<a href="https://kyzylorda-news.kz/">Kyzylorda-news.kz.</a> Қызылордалық кәсіпкерлер шетелдіктерге арналған жарна туристер санының азаюына алып келіп, сыбайлас жемқорлыққа жол ашады деген пікірде. Бұл туралы өңірдегі туризм қауымдастығының төрайымы Сәуле Бөлегенов Қызылорда облысы кәсіпкерлер палатасы жанындағы Сауда, қызмет көрсету және туризм комитетінің отырысында айтты.Кәсіпкерлер мен салаға жауапты мемлекеттік орган өкілдері қатысқан шарада салық жүйесіне енгізілетін өзгерістер, аймақта туризм саласын дамытуға арналған жоспар және өзге де мәселелер қаралды.Қазақстан Республикасының Үкіметі биыл 1 қаңтарда «Шетелдіктер үшін туристік жарнаны төлеу қағидаларын» бекітті.Шетелдіктер үшін туристік жарна – жатын орын үшін туристерден алынатын төлем.Үкімет қағида талаптарын келесі жылдың 1 қаңтарынан бастап орындатпақ. Алайда туризм саласында қызмет көрсететін кәсіпкерлер саланың оған әлі дайын емес екенін жеткізді.<blockquote>«Шетелдік туристер сапарының әр тиынына дейін жоспарлап жүреді. Bed Tax, яғни, туристік жарна енгізу онсыз да аз туристердің қатарын кемітері сөзсіз. Оның үстіне Қызылорда туристер ағылып келіп жатқан аймақтар қатарынан емес. Қағидаға сәйкес шетелдік туристерге жарнапұл енгізілсе, бұл сала көлеңкелі экономикаға кетіп, сыбайлас жемқорлыққа алып келуі мүмкін», – деді отырыста Сәуле Бөлегенова.</blockquote>Бұдан өзге, түскен жарнапұлдың жұмсалу мақсатының да айқындалмауы көп сұрақ тудырып отыр. Бұл қадам «қосымша есеп тапсыруға алып келуі мүмкін» деген сала кәсіпкерлері Bed Tax жүйесін енгізу мерзімін шегеруді ұсынды.Кәсіпкерлер палатасы директорының орынбасары Гауһар Елеусінова Палата жанынан 5 салалық комитет құрылғанын, осы комитеттерде жүйелі мәселелерді сала мамандары, уәкілетті орган өкілдерімен бірге қарап, шешуге жұмыс істейтінін атап өтті.<blockquote>«Қазір Кәсіпкерлер палатасы жанынан өнеркәсіп, агроөнеркәсіп кешені, адами капиталды дамыту және бизнестің әлеуметтік саясаты, сауда-қызмет көрсету және туризм, сондай-ақ құрылыс комитеті құрылды. Әр комитеттің отырысы ең кемі айына бір рет ұйымдастырылады. Ендігі жерде кәсіпкерлердің мәселесін жалпы жиналыста емес, осы алаңдарда қараймыз», – деді Гауһар Елеусінова.</blockquote>Сонымен бірге комитетте облыста туризм саласын дамытудың 2023 жылға арналған жоспарының жобасы талқыланды. 23 желтоқсанға дейін кәсіпкерлердің ұсыныстары қабылданады.Қосымша сұрақтар туындаған жағдайда Қызылорда облысы кәсіпкерлер палатасының салаға жауапты сарапшысы Назым Мұрсалға хабарласуды сұраймыз. Байланыс нөмірі 8 /7242/ 40-09-81.

Қазақстан және Қызылорда облысының жаңалықтары