<a href="https://kyzylorda-news.kz/">Kyzylorda-news.kz.</a> Бүгін ҚР бойынша көктайғақ болып, тұман түседі. Жел күшейіп, жаяу бұрқасын болады, деп хабарлайды Қазгидромет.&nbsp;Атлантикалық циклон және онымен байланысты атмосфералық фронттардың әсерінен ҚР басым бөлігінде тұрақсыз ауа райы сақталады – қар мен жаңбыр түрінде жауын-шашын жауады, тек оңтүстік-шығысында ғана жауын-шышынсыз ауа-райы сақталады.

Бейсенбі күнгі ауа райы болжамы

<a href="https://kyzylorda-news.kz/">Kyzylorda-news.kz.</a> 3 мыңнан астам қызылордалық МӘМС жүйесінде алдын ала бір жылға сақтандыру мәртебесін алды.Өткен жылы 5 қыркүйекте МӘМС-ға бір жыл бұрын жарналарды төлеудің жаңа тетігі басталды («МӘМС туралы» Заңның 5 баптың 3 тармағының 3-2 тармақшасына сәйкес). Өңірдің 3 мыңнан астам дербес төлеушісі алдағы 12 айға сақтандыру мәртебесін алды, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.Қор филиалының басшысы еліміздің әрбір тұрғынына өзінің сақтандыру мәртебесін, МӘМС жарналары мен аударымдарын қанша ай бойы төлемегенін білу маңызды екенін атап өтті.<blockquote>«Мысалы, егер 2022 жылы 2-3 ай төленбесе, онда барлық 12 ай үшін төлемдер болуы үшін оларды дербес төлеуші ретінде төлеген дұрыс («МӘМС туралы» Заңның 3-тармақтың 5-бабына сәйкес). Бірақ жарналарды бір жыл бұрын төлеген жөн. Мысалы, егер сіз ақпан айында төлесеңіз, онда төлемдер 2023 жылдың ақпанынан 2024 жылдың қаңтарына дейін болуы керек. 3 500 теңге х 12 = 42 000 теңге», - деді Бақыт Исмаханбетов.</blockquote>2022 жылы дербес төлеушілер үшін жарналар сомасы 3 000 теңгені құрады (1 ЕТЖ-дан 5%), 2023 жылы - 3 500 теңге.

МӘМС: 3 мыңнан астам қызылордалық бір жылға сақтандыру мәртебесін алды

<a href="https://kyzylorda-news.kz/">Kyzylorda-news.kz.</a>&nbsp; Қ.Қазантаев атындағы мәдениет үйінде Жалағаш ауданы әкімдігінің қолдауымен мемлекет және қоғам қайраткері Т.Жүргеновтің 125 жылдық мерейтойына арналған «Түркі әлемінің Темірбегі» атты облыстық жас ақындар айтысы өткізілді.Дүбірлі додаға аймағымыздан 12 айтыскер ақын қатысып, бақтарын сынады.Айтысты аудан әкімі Есжанов Асқарбек Темірбекұлы ашып, барлық қатысушыларға сәттілік тіледі.Айтысты ақын, «Құрмет» орденінің иегері, Сырдария ауданының «Құрметті азаматы» Байдаулетов Мамыр Байментайұлын жүргізді.Аузымен құс тістеген кіл жүйріктер тау тұлға Темірбек Жүргеновтің білім мен әдебиет, мәдениет пен өнер саласындағы ұйымдастырушылық қабілетін, қаламгерлік қажырын, сондай-ақ ел Тәуелсіздігінің тарих таразысындағы жеткен жетістіктерін айтып, бірінен бірі озды.Айтыстың қазылары ақын, Қазақстан Журналистер Одағының мүшесі, Жалағаш ауданының «Құрметті азаматы», «Құрмет белгісі» орденінің иегері Қазына Өзденбаева, айтыскер ақын, үш дүркін «Алтын домбыра» иегері, Қызылорда қаласының және Жалағаш ауданының «Құрметті азаматы» Мұхтар Ниязов, айтыскер ақын, Сырдария ауданының «Құрметті азаматы» Нұрмат Мансұров ақындардың өнерін сарапқа салды.Қазылар алқасының шешімімен:Жүлделі ІІІ орынды Сырдария ауданынан Мұхамеджан Мансұров, Қызылорда қаласынан Ерасыл Байментаев, Шиелі ауданы Бекжан Ержігіт иеленсе, жүлделі ІІ орынды Арал ауданынан Бексұлтан Орынбасаров қанжығасына байлады. Ақындардан оза шапқан Қармақшылық Тұрар Бекмұрзаевқа жүлделі І орын бұйырып, айтыстың бас жүлдесін Қармақшы ауданынан Сырым Әділбеков иеленді.Сондай-ақ, айтыстың барлық қатысушылары мен жүлдегерлеріне дипломдар мен алғыс хаттар және қаржылай сыйлықтар табысталды.Сөз соңында Темірбек Жүргенов атындағы қоғамдық қордың төрағасы С. Аңсат Алаштың арда азаматы Темірбек Жүргеновтің 125 жылдығы аясында өткізілетін іс-шаралардың ұрпақ үшін маңызды екенін жеткізіп, айтысты ұйымдастыруға атсалысқан Жалағаш ауданының әкімдігіне өз алғысын білдірді.<figure class="image"><img src="https://knadmin.beoblood.kz/uploads/332786255_619288540025423_5372780451762614091_n_dfd73a9f89.jpg" alt="332786255_619288540025423_5372780451762614091_n.jpg"></figure>&nbsp;<figure class="image"><img src="https://knadmin.beoblood.kz/uploads/332879910_489969099820583_9132559799659255072_n_897642fb58.jpg" alt="332879910_489969099820583_9132559799659255072_n.jpg"></figure>&nbsp;<figure class="image"><img src="https://knadmin.beoblood.kz/uploads/332759314_2362904343885271_6221330166628688832_n_c2c46b15ba.jpg" alt="332759314_2362904343885271_6221330166628688832_n.jpg"></figure>&nbsp;<figure class="image"><img src="https://knadmin.beoblood.kz/uploads/332745400_3537157529943315_3656897495580530395_n_6748ada88f.jpg" alt="332745400_3537157529943315_3656897495580530395_n.jpg"></figure>

Т.Жүргеновтің 125 жылдық мерейтойына арналған облыстық ақындар айтысы өтті 

<a href="https://kyzylorda-news.kz/">Kyzylorda-news.kz.</a>&nbsp; Бауырлас Түрік еліндегі жойқын жер сілкінісі салдарынан оңтүстік-шығысындағы бірнеше қалалар үйіндіге айналып, ондағы адамдар ауыр жағдайға тап болды. Бұл қайғылы оқиғаға Сыр жұртшылығы да бей-жай қарамай қолдан келгенше көмек беруге тырысуда. Қазіргі таңда қажетті деп танылған жеке гигиеналық заттар мен дәрі-дәрмектер және азық-түлік қоры жиналуда. Бұл туралы Өңірлік коммуникациялар қызметінде өткен брифингте облыстық «Жастар ресурстық орталығы» КММ директорының орынбасары Ерлан Сисенбиев хабарлады.<blockquote>Осы айдың басында Түркия мемлекетінің оңтүстік-шығысында магнитудасы 7,7 балды құрайтын жойқын жер сілкінісі орын алды. Зілзала кесірінен 46 мыңнан астам адам қаза тапты. Бауырлас түрік ағайынның қайғысына баршамыз ортақпыз. Бұл ауыр жағдайға Сыр өңірінің жұртшылығы да қолдан келген көмектерін беруде. Осыдан екі апта бұрын Сыр волонтерлерінің ұсынысымен сол жағалауда орналасқан Жастар ресурстық орталығының ғимаратында гуманитарлық көмек жинау пункті ашылды. Мұнда аса қажетті деп танылған заттар тізімі бойынша тұрғындардан жылу жиналды. Бүгінгі таңда 5 тонна төсек-орын, 2 тонна тұрмыстық-шаруашылық заттары, 1 тонна жеке гигиеналық заттар, 10 тонна азық-түлік қоры мен киім-кешектер топтастырылып, арнайы жүк көлігіне тиелді. Бұл шара осы аптаның соңына дейін жалғасады. Егер жәрдем беруге ниетті жандар болса сіздерді аталған мекенжайда күтеміз, -деді Ерлан Мырзалыұлы.&nbsp;</blockquote>

Сыр өңірінен Түркия еліне гуманитарлық көмек жөнелтіледі

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісі мен мәслихаты депуттарының сайлау науқаны жоспарға сәйкес ұйымдастырылуда. Осы орайда Қызылорда облысы бойынша барлығы 590 кандидат ұсынылып, бүгінгі таңда 520 азамат тіркелді. Оның ішінде, Парламент Мәжілісіне ұсынылған 15 кандидаттың 10-ы тіркеуден өтті. Ал &nbsp;екі азамат өз өтініші негізінде құжаттарын тіркеуден бас тартса, 3 адам талапқа сәйкес құжаттарын толық ұсынбады. Бұл жөнінде Өңірлік коммуникациялар қызметінің ақпарат алаңында өткен брифингте Қызылорда облыстық сайлау комиссиясының төрағасы Әділбек Ерсұлтанов хабарлады.<blockquote>«Қазіргі таңда облыс бойынша барлығы 516 сайлау комиссиясы жұмыс істеуде. Оның 9-ы аумақтық, 134-і округтік, 373-і, учаскелік сайлау комиссиясы. Онда 3382 комиссия мүшесі қызмет етеді. Өздеріңізге белгілі, 18 ақпан күні кандидаттарды тіркеу аяқталған болатын. Осыған сәйкес, облыстық мәслихатқа 115 азамат тіркелді. Соның ішінде, бірмандаттық негізде 49 азаматқа және партиялық тізіммен 66 кандидатқа тіркеу куәлігі берілді. Сонымен қатар қалалық мәслихатқа 81 азамат, ал аудандық мәслихатқа барлығы 314 азамат тіркелді. Осының нәтижесінде, орташа алғанда бір мандатқа 3,3 адамнан келеді. Сайлауға тіркелген кандидаттардың 378-і ер, 68-і әйел азамат. Ал ең жас кандидат 2001 жылғы болса, ең үлкені 1957 жылғы. Тағы бір айта кететін жайт, өз өтініші негізінде 58 үміткер құжатын кері қайтарып алды. Оның ішінде, Мәжіліс – 2, облыстық мәслихат – 9, қалалық және аудандық мәслихат – 47 азамат», - деді облыстық сайлау комиссиясының төрағасы Әділбек Ерсұлтанов.</blockquote>18 ақпан кешкі 18.00-ден кейін үміткерлер үшін үгіт кезеңі жүргізілуде. Кандидаттар негізгі 4 жүйе арқылы халыққа үгіт жұмыстарын жүргізе алады. Атап айтқанда, халықпен кездесулер өткізу, ақпараттық материалдарды тарату, ресми БАҚ, онлайн платформа қолданушылары арқылы үгіт жұмыстарын жүргізуге рұқсат етілген.<blockquote>«Қазіргі таңда облыста 115 ресми БАҚ және онлайн платформа қолданушысы үгіт жүргізуге өтініш қалдырып, баға ұсыныстарын жариялады. Оның 18-і мерзімді басылым, 18-і электронды БАҚ, 60-ы интернет БАҚ, 19-ы онлайн платформа қолданушылары. Барлық тізім облыс әкімдігінің ресми интернет-ресурсында жарияланды. ҚР Сайлау туралы заңның 27,28 бабына сәйкес БАҚ және онлайн платформа қолданушылары 14 ақпанға дейін Орталық сайлау комисиясына, аймақтық сайлау комиссияларына өтінім қалдырып, ақпараттық хабарлама прайсын жариялауы қажет. Өтінім қалдырмаған БАҚ және онлайн платформа қолданушылары үгіт-насихат жүргізе алмайды. Ескеру керек, кандидаттың сенімді өкілдері өз парақшасында үгітті жүргізе алады. Бірақ тек бір кандидатты ғана жүргізуге құқылы. Сайлау науқанында азаматтар дауыс беру учаскесін нақтылау үшін &nbsp;20 қаңтардан бастап «Өзіңді сайлаушылар тізімінен тексер» сервисі іске қосылып 109 call-орталығы өз жұмысын бастады. Мұнан бөлек, telegram-бот және «Smart Qyzylorda» мобильді қосымшасы арқылы тексеру мүмкіндіктері қолжетімді», - деді Әділбек Бөрібайұлы.</blockquote>

Сайлау 2023: Сыр өңірінде 520 азамат кандидат ретінде тіркелді

<a href="https://kyzylorda-news.kz/">Kyzylorda-news.kz.</a> Апта басында Қызылорда облысына Алматы қаласындағы Ресей Федерациясының Бас консулы Бобров Евгений Петрович және Консул Сорокина Наталья Геннадьевна жұмыс сапарымен келді.&nbsp;Сапардың мақсаты – өңірмен танысу, марапаттау құжаттарын тапсыру А.С.Пушкин атындағы қалалық кітапханаға кітап сыйлау.&nbsp;Меймандар жұмыс сапары барысында Достық үйінде этномәдени бірлестіктердің өкілдерімен кездесіп, Достық үйінің жұмысымен танысты. Масленицаның бірінші күнінде «Славяне» қоғамдық-мәдени орталығына барды.Ардагерлер – жауынгер-интернационалистермен және Ұлы Отан соғысына қатысушы Қалмағанбет Оспановтың отбасымен кездесті. Салтанатты түрде оның ұлына III дәрежелі Даңқ ордені және «Ерлігі үшін» медалінің орден кітапшалары табысталды. Сондай-ақ, А.С.Пушкин атындағы қалалық кітапхананың «Славяне» орталығымен бірлескен жұмысы туралы мағлұмат алып, Ресей Федерациясының Бас консулдығы атынан балаларға арналған әдеби кітаптарды сыйға тартты.<figure class="image"><img src="https://knadmin.beoblood.kz/uploads/329188014_580712737267382_8597191083005168277_n_382d4c94df.jpg" alt="329188014_580712737267382_8597191083005168277_n.jpg"></figure><figure class="image"><img src="https://knadmin.beoblood.kz/uploads/331509924_729021372151727_484736794900838523_n_bd50b1e6ca.jpg" alt="331509924_729021372151727_484736794900838523_n.jpg"></figure>

Бас консул Евгений Бобров «Славяне» қоғамдық-мәдени орталығына барды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев кезектілік тәртібімен жазылған азаматтарды жеке қабылдады. Бүгінгі қабылдауға 11 адам жазылған, оның екеуі онлайн режимде мәселесін жеткізді.Қабылдауға келген тұрғындардың басым бөлігі қаржылай көмек көрсету, денсаулық сақтау саласының, тұрғын үй, коммуналдық шаруашылық, инфрақұрылым жүргізу, кәсіпкерлікті қолдау мәселелерін көтерді. Аймақтағы елді мекендерге, көше, мектептерге өңір дамуына өз үлесін қосқан азаматтардың есімін беру жөнінде ұсыныс айтты.Облыс әкімі қабылдауға келген азаматтардың ұсыныс-пікірлері алдағы уақытта зерттеліп, шешімі заң талаптарына сәйкес қарастырылатынын жеткізді. Атап айтқанда, 73 жастағы жалғызбасты қала тұрғыны өткен ғасырдың 60-шы жылдары салынған үйіне ауыз су жүргізуге көмек сұрады. Аймақ басшысы қала әкімі Асылбек Шаменовке зейнеткердің үйіне барып, тұрмыстық жағдайымен танысуды, сосын нақты ұсыныс беруді тапсырды.Қабылдауға келген тағы бір азамат «Еңбек» саяжайына ауыз су, табиғи газ және электр жарығын жүргізу мәселесін көтерді. Нұрлыбек Машбекұлы қала әкімі және облыстық энергетика және тұрғын үй коммуналдық шаруашылығы басқармасының басшысына саяжай аумағындағы инфрақұрылым түйткілдерін мұқият зерттеп, электр жарығын жүргізу жұмыстарын 10 наурызға дейін жүзеге асыруды міндеттеді.Осы уақытқа дейін облыс әкімі 27 жеке қабылдау өткізіп, 600-ге жуық тұрғынның өзекті мәселесіне ден қойды. Айта кетейік, тұрғындар облыс әкімінің қабылдауына egov порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<figure class="image"><img src="https://knadmin.beoblood.kz/uploads/331477875_3403442133264659_3663258807369529525_n_300e3815da.jpg" alt="331477875_3403442133264659_3663258807369529525_n.jpg"></figure><figure class="image"><img src="https://knadmin.beoblood.kz/uploads/331424846_500898925592005_2354586898660368871_n_840d7558b8.jpg" alt="331424846_500898925592005_2354586898660368871_n.jpg"></figure>

Қызылорда облысының әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a> Қарауылтөбе ауылдық округінің әкімі Еркін Ахетов өткен жылы атқарылған жұмыстарға тоқталып өтті.Өткен жылы ауыл тұрғындарының сұранысына сәйкес 150 орындық ауылдық клубтың құрылысы бастау алды. Сонымен қатар, жалпы көлемі 6800 шаршы метр болатын Әбдіхалықов бейітіне қоршау жұмыстары жүргізіліп, ауыз су жинау қоймасы қолданысқа берілді. Жол қауіпсіздігін қамтамасыз ету мақсатында «Өңірлерді дамыту» бағдарламасы аясында Байсейітов көшесінің соңына 400 метрге түнгі жарық бағаналары орнатылып, 21 дана жол белгілері қойылды. Ал, «Балалар жылы» аясында «Строй модуль - Астана» ЖШС-нің демеушілігімен жалпы құны 17,5 млн. тенгені құрайтын ойын алаңы &nbsp;салынып, тағы бір кәсіпкердің қолдауымен округтегі кіре беріс жолдың бойына 1 дана аялдама орнатылды.<blockquote>«Биылғы жоспарымызда округтегі жаңадан қоныстанушы аумақтағы жалпы ұзындығы 9 шақырымды құрайтын 12 көшеге қиыршық тас төсеу жұмыстарын жүргізу қарастырылған. Қазіргі таңда 8 дана КТПН, электр бағаналарын орнату жұмыстары, сондай-ақ, округтегі жаңадан қоныстанушы аумаққа техникалық су тарту ұңғымасын және А.Иманов көшесінің бойындағы №6-ТС техникалық су тарту ұңғымасын орнату жұмыстары жүргізілуде. Бұдан бөлек, округке кіре-беріс жолдың бойындағы R-1 каналына жаяу жүргіншілерге арналған көпір құрылысы үшін жоба-сметалық құжаттары дайындалуда. Ал, С.Байсейітов, Ж.Әбдіхалықов, А.Құнанбаев, Желтоқсан көшелерінің бойына, жаңадан қоныстанушы аумаққа жаяу жүргіншілер жолын салу мақсатында қажетті құжаттары әзірленіп, бюджеттік өтінім берілді», - деді ауылдық округ әкімі.</blockquote>Жалпы, ауылдық округте өткен жылы жаңадан 17 шағын кәсіпкерлік субъектілері тіркеліп, &nbsp;кәсіпкерлік нысандар саны 112-ге артты. Мемлекеттік бағдарламалардың қолдауымен 43 млн. теңгені құрайтын кәсіпкерлердің 8 жобасы қаржыландырылса, «Еңбек» бағдарламасы аясында жалпы көлемі 17,2 млн. теңгені құрайтын 14 жоба қайтарымсыз мемлекеттік грантқа ие болды.&nbsp;

Қарауылтөбеде былтыр 150 орындық клубтың құрылысы басталды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет отырысында көктемгі дала жұмыстарына дайындық және елді мекендерді газдандыру барысы талқыланды.Үкімет басшысы фитосанитариялық іс-шараларды, тыңайтқыш себуді ұйымдастыруды, оңтүстік өңірлерді суармалы сумен қамтамасыз ету шараларын қабылдауды тапсырды. Егіс алқаптарына әлеуметтік маңызы бар және жемшөп дақылдарының қажетті көлемін егу назардан тыс қалмауы керек. Күн тәртібіндегі екінші мәселе бойынша Премьер-Министр еліміздің солтүстік және шығыс өңірлерін газдандыру мәселесі тез арада шешім табуы қажет екенін ескертті.Селекторлық мәжілістен кейін облыс әкімі Нұрлыбек Нәлібаев Үкімет басшысының тапсырмаларын орындау мақсатында жиын өткізді. Биылға межеленген егіс көлемін агротехникалық талаптарды сақтай отырып, мерзімінде егу керектігін баса айтты. Осыған орай, жауапты мекеме басшылары егін егуге қажетті жанар-жағар май, тыңайтқыш, тұқым материалдары, қаржы көздерінің қолжетімділігі және су шаруашылығы нысандарының дайындығы жөнінде баяндама жасады.Аймақ басшысы биыл да су тапшылығы орын алуы мүмкін екенін атап өтіп, жоғарыдан келетін су көлемін тұрақты бақылауда ұстауды тапсырды. Мұнан бөлек, өткен жылы оң нәтиже берген тәжірибені қайталап, жергілікті тұрғындарға әлеуметтік маңызы бар азық-түлік, бақша өнімдерімен өз-өздерін қамтамасыз етуі және қосымша егін өнімін нарықта сату үшін қосымша егістік жер дайындап беру қажеттігін ескертті.Күн тәртібіндегі екінші мәселе бойынша тиісті мекеме басшылары облыс аумағындағы коммуналдық меншіктегі 39 газбен жабдықтау нысанын теңгерімге алу, газбен қамту қызметтері үшін тұрғындар қарызын өндіру және жеке тұрғын үйлерді көгілдір отынға қосу барысын баяндады.Жиын қорытындысында аймақ басшысы қала, аудан әкімдеріне «ҚазТрансГазАймақ» Қызылорда өндірістік филиалымен бірлесіп, тұрғындардың табиғи газға қарызын азайту бойынша 2023 жылғы 1 сәуірге дейін нақты шара қабылдауды тапсырды. Ал, бәсекелестікті қорғау және дамыту агенттігінің Қызылорда облысы бойынша департаментіне кәсіпкерлік және өнеркәсіп басқармасы және аудан, қала әкімдерімен бірлесіп, тұтынушыларды газға қосу жөніндегі қызметтерге ашық және әділ баға белгілеуді қамтамасыз ету міндеті жүктелді.<img src="https://knadmin.beoblood.kz/uploads/331718071_1281710342701206_5433167632330294575_n_ff90ecf0d6.jpg" alt="331718071_1281710342701206_5433167632330294575_n.jpg"><img src="https://knadmin.beoblood.kz/uploads/331432602_924034689029850_2847314846817638526_n_71df204a82.jpg" alt="331432602_924034689029850_2847314846817638526_n.jpg">

Үкімет отырысында көктемгі дала жұмыстарына дайындық мәселесі пысықталды

<a href="https://kyzylorda-news.kz/">Kyzylorda-news.kz.</a>&nbsp; Ақшасын криптовалютаға салып жатқан адамдардың саны күннен күнге өсуде. Оларды цифрлық активтерге инвестициялармен байланысты тәуекелдер де тоқтатпайды. Алаяқтардың назарынан криптовалюта нарығы да тыс қалған жоқ, олар азаматтарды алдау үшін бар ресурстарды пайдаланады. Криптовалютамен байланысты алаяқтықтықтың кең таралған түрлері жөнінде Fingramota.kz. айтып береді.Криптоалаяқтық деген не?Криптовалютамен байланысты алаяқтықтық кез келген басқа қаржылық алаяқтыққа ұқсайды, алайда олардың мақсаты – «фиат ақша» деп аталатын жай ақша емес, цифрлық валюта.Қаскүнемдер адамның криптоәмиянын бұзумен схемалар ойлап табады немесе төлем ретінде алдау арқылы &nbsp;«криптаны» шығаруға тырысады. Мұндай схемалардың айырықша белгісі – криптовалютаны фиат ақшаға тез айырбастау және транзакция жүргізу үшін өзге қосымшаларды пайдалану.Осындай айла-шарғылардың кейбір түрлерін толығырақ қарастырайық.Фишингтік айла-шарғыАлаяқтар криптовалютамен сауда-саттық жүргізу үшін жалған платформалар жасайды, олардың мақсаты – криптокілттермен бірге есептік жазбаның деректеріне қол жеткізу.Криптофишинг – бұл интернет-алаяқтық түрі, онда алаяқтар сіздің криптоәмияныңыздан активтерді есептен шығару басталды деген хабарламалар жібереді. Егер оны сіз жасамаған болсаңыз, онда дереу транзакцияны тоқтату үшін сілтеме бойынша өтіңіз дейді. Сілтеме жалған сайтқа апарады, мұндай сайт инвестордың есептік жазбасының деректерін жинайды. Қажетті дербес және төлем деректері қаскүнемдердің қолына түсе салысымен олар сіздің шоттарыңыздан барлық цифрлық активтерді жымқырады.Жалған қосымшалармен алаяқтықКриптовалюталық платформалар – бұл бағдарламалық қамтылымның бір түрі ғана, ал бағдарламалық қамтылым үнемі жаңартуларды қажет ететіні белгілі. Мұны алаяқтар пайдаланады, олар ресми дүкендерде, мысалы, Play Market-те орналастыратын жалған қосымшалар жасайды.Оларды жүктеп алып, криптовалюта ұстаушылар өздерінің крипто кілттерін аша алады. Мұндай жалған қосымшаларды ресми дүкеннің әкімшілері тез анықтайды және жояды, алайда олар инвесторларға зиян келтіріп үлгереді.Толығырақ "<a href="https://fingramota.kz/kk/post/cifrly-aktivter-kriptoalayatardy-ryyna-tsip-almayz">Абайлаңыз, алаяқтар</a>" бөлімінен оқыңыздар&nbsp;

Цифрлық активтер: криптоалаяқтардың құрығына түсіп қалмаңыз  

<a href="https://kyzylorda-news.kz/">Kyzylorda-news.kz.</a>Мемлекет басшысы Қасым-Жомарт Тоқаевтың «Әкімдердің халықпен кездесулерін өткізу туралы» Жарлығына сәйкес аудан әкімі Серік Сермағамбетовтың қала, кент ауылдық округтерде 2022 жылдың қорытындысы бойынша халықпен кездесулері өтуде. Осыған орай бүгін аудан әкімі Қарақұм ауылдық округінде болды.&nbsp;Тұрғындар алдында есеп берген аудан басшысы өткен жылы бағындырған жетістіктер мен жемісті жұмыстарды баяндап, алдағы жоспарларға тоқталды.2022 жылы ауданымыз бойынша тіркелген шағын және орта кәсіпкерлік субъектілері 6038 бірлікті құрап, есепті кезеңмен салыстырғанда 35 пайызға өсті. Ал, жұмыс жасап тұрған шағын және орта кәсіпкерлік субъектілері 5751 бірлікті құрап, 43,6 пайызға көбейді.&nbsp;<blockquote>«Өткен &nbsp;жылы аудандар арасында орталықтандырылған «Кәсіпкерлік үйі» алғаш болып Арал қаласында ашылды. Қазіргі таңда, нысан кәсіпкерлерге және кәсібін бастаймын деген азаматтарға бизнес кеңес беру секілді қызмет түрлерін бір орталықтан көрсетуге мүмкіндік берді. Сондай-ақ жаңа нысан бірнеше мемлекеттік мекемелер мен «Кәсіпкерлік Палатасы» өкілдерінің басын қосты. &nbsp; Нәтижесінде жыл көлемінде ауданымызда мемлекеттік бағдарламалар мен жалпы қаржы институттары арқылы 1,9 млрд. теңгенің &nbsp;142 жобасы несиелендірілді. Одан бөлек 74,0 млн. теңгенің 7 жобасы оң шешімін алып отыр. Жыл ішінде «Кәсіпкерлікті дамытудың 2021-2025 жылдарға арналған «Ұлттық жобасының» аясында жалпы құны 490 млн. теңге болатын 400 жоба қайтарымсыз грант қаражатын алды»- деді Серік Сағитжанұлы.&nbsp;</blockquote>Қарақұм елді мекенінің халқы қазіргі уақытта ауылдық клуб пен спорт кешенінің қажеттігін көтерді. &nbsp;Мұнымен қоса ауыл маңына мал суаруға арналған су ұңғымасы керектігін де тілге тиек етті. &nbsp;Өз кезегінде аудан әкімі С. Сермағамбетов су ұңғымасын салу мәселесі бірінші кезекте тұрғандығын, ал спорт кешенінің жобалық-сметалық құжаттамасын әзірлеуге жауапты бөлімге тапсырма берді. Сондай-ақ барлық ұсыныстар сараланып, &nbsp;тиісті шешімдер қабылданатындығын жеткізді.&nbsp;Кездесуден соң аудан әкімі ауыл тұрғындарын жекелеген мәселелер бойынша қабылдады.

Арал ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағановтың төрағалығымен аймақтағы білім беру ұйымдарының қауіпсіздігі бойынша селекторлық мәжіліс отырысы өткізілді.Жиынға аудан әкімінің орынбасарлары, құқық қорғау органдарының өкілдері, білім, денсаулық сақтау саласының басшылары, мектеп және колледж директорлары, балабақша меңгерушілері қатысты.Күн тәртібінде білім беру ұйымдарындағы қауіпсіздік шараларын алдын алу, бейнебақылау мен дабыл түймелерімен толық қамтамасыз ету мәселелері қаралды.Мәжілісте облыстық білім басқармасының басшысы М.Шермағанбет және полиция департаменті жергілікті полиция қызметі басқармасының бастығы Б.Ибраев білім беру ұйымдарындағы қауіпсіздігі бойынша баяндама жасаса, денсаулық сақтау басқармасы басшысының орынбасары М.Мирзанова мүмкіндігі шектеулі балаларды білім беру ұйымдарына жолдау мәселесіне тоқталды.Облыс әкімі орынбасары Нұрымбет Аманұлы Президент тапсырмасына сәйкес, барлық білім беру ұйымдарының қауіпсіздігін 100% келтіру қажеттігін, білім нысанын инженерлік-техникалық жабдықталуын министрліктің №117 бұйрық талаптарына сәйкестендіру қажеттігін ерекше атап өтті.<blockquote>«Білім беру ұйымдарының қауіпсіздігінің алдын алу және оған жол бермеу мақсатында барлық білім беру ұйымдарында тоқсан сайын түсіндірмелік сабақтар ұйымдастыру, жасөспірімдердің білім нысандары аумақтарына әкелуге тыйым салынған заттарын алып өтуін қатаң бақылау, білім беру ұйымдарының қауіпсіздік жағдайына бірлесіп зерделеу жүргізу қажет. Сонымен қатар, денсаулық сақтау саласы бойынша &nbsp;мүдделі мекемелермен бірлесіп білім ұйымдарында білім алатын ерекше күтім қажет ететін, есепте тұратын балалармен тиісті шаралар қабылдау қажет», - деді облыс әкімінің орынбасары.</blockquote>

Қазақстан және Қызылорда облысының жаңалықтары