Электр жүйесі: Жаңаруға беталыс қалай?

Бюджет: Қаржы саласындағы өзгерістер

<a href="https://kyzylorda-news.kz/">Kyzylorda-news.kz.</a> Қазақстан Республикасы Ғылым және жоғары білім министрлігі мен Жамбыл облысы әкімдігі Тілдерді дамыту басқармасының ұйымдастыруымен Тараз қаласында «Тіл – татулық тірегі» республикалық дөңгелек үстел отырысы өткізілді.Аталған шараға облыстан Қызылорда облысының қоғамдық даму басқармасының Тілдерді дамыту және ономастика бөлімінің басшысы Л. Есімова қатысты. Дөңгелек үстел отырысында тілдік негізде кемсітушіліктің кез келген түрлеріне табанды қарсы тұрып, оның алдын алу және болдырмау, сондай-ақ мемлекеттік тілдің одан әрі дамуы мен практикалық қолданылуын ынталандыру мәселелері талқыланды.&nbsp;Шарада сөз алған Ішкі істер министрлігінің өкілдері елімізде орын алған тілдік кемсітушіліктермен күрес, олардың туындауына жол бермеу мақсатында жүргізіліп жатқан жұмыстарды баяндаса, орыс, дүнген, кәріс, өзбек этностарының өкілдері мемлекеттік тілді қалай үйренгендіктерін, тілді білудің қандай мүмкіншіліктерге қол жеткізгендігін баяндап өз пікірлерімен бөлісті.Сондай-ақ, қатысушылар «Тіл бірлігі» көрмесін тамашалап, «Ұлттық құндылық – ұлт қазынасы» бейнедәріс топтамасын, «Ғажайып киіз үй», «Сөйле» клубы, Қазақстан халқы Ассамблеясы жастарының «Бірлік тілі», «Тіл мектебі» жобаларымен, «QazOnline» мобильдік қосымшасымен танысып, «Қызмет көрсетудегі мемлекеттік тілдің рөлі» форсайт-сессиясына қатысты.

Тараз қаласында «Тіл – татулық тірегі» республикалық дөңгелек үстел отырысы өтті

<a href="https://kyzylorda-news.kz/">Kyzylorda-news.kz.</a> Өмірінде таңдаған мамандығы бойынша өзгелерге үлгі көрсетіп, ел құрметіне бөленіп жүрген жандар ауданымызда жетерлік. Солардың бірі – біз өмір сүріп жатқан қоғамымызда құнын жоғалтып бара жатқан токарлық мамандықты меңгеріп, аудан тұрғындарының сұранысы бойынша қызмет көрсетіп келе жатқан азамат Жосалы кентінің тұрғыны Талғат Қаниев.Талғат Бөгенбайұлы 1986 жылы аудан орталығындағы білімнің қара шаңырағы атанған №105 орта мектепті тәмамдап, өзі қалаған токарлық мамандығын терең меңгеру үшін Жосалы механикалық зауытына жұмысқа орналасады.Зауыт әкімшілігінің ұйғарымымен ол есімі өңірге танымал сала шебері Вахид Губановқа шәкірт ретінде 3 ай тәжірибеден өткен соң бекітіліп берілген токарлық станокта өзіне жүктелген міндеттерді орындауды бастайды.Талғат зауытта қызмет істеп жүргенде көптеген марапатқа да ие болып, зауыт жабылғанша, яғни 2002 жылға дейін үздіксіз еңбек етеді. Заман ағымына қарай зауыт дағдарысқа ұшырап жабылған соң, Талғат Бөгенбайұлы Жосалы стансасында орналасқан білікті сала маманы Ерлан Есмамбетов басқаратын ВЧД-6 мекемесіне вагон қараушы-жөндеуші мамандығы бойынша жұмысқа орналасады. Бұл қызметті осы күні де абыроймен атқаруда.<blockquote>«Мектепте білім алып жүрген кезімде токарь мамандығына аса құрметпен қызыға қарайтынмын. Кейін өсе келе жаныма жақын болған мамандықты терең меңгеруде Жосалы механикалық зауытына жұмысқа орналастым. Оның ішінде есімі елге танымал болған құрметті азамат, бүгінде көзі жоқ болса да аудан тұрғындары арасында елжандылығымен, отансүйгіштігімен, адалдығымен танылған Вахид Губановтың шәкірті болғанымды мақтан тұтамын. Ол кісі маған тек ұстаз болып қана қоймай, әкелік ақылын айтып, өмірлік тәжірибесін берді, білген-түйгенін үйретті. Зауытта еңбек етіп жүргенімде Ғабит, Шайман, Леня, Әмірхан, Дәулет, Қанат және басқа да замандастарыммен бірге дәнекерлеуші, слесарь, токарь және басқа да мамандықтарды меңгеріп, еңбек еттік. Ал заман тоқырауына ілінген зауыт жұмысын тоқтатқан соң, мекемемізбен қимай қоштастық. Иә, сондай алып зауыттың жабылуы онда еңбек еткен мыңдаған жұмысшы-қызметкерге оңай тиген жоқ. Бүгінде тарих бетінен жоғалғаны көңіліме мұң шалады. Қаншама жұмысшы жұмыссыз қалды. Десе де «тірі адам тірлігін жасайды» дегендей, басқа жұмыс іздеуге мәжбүр болдық. Токарлық мамандық ешқандай мекемеге керек болмай қалды. Бірақ «іздеген жетер мұратқа» дегендей, теміржол бойында орналасқан Жосалы стансасындағы ВЧД-6 мекемесіне жұмысқа қабылданып, бүгінде сол мекеменің вагон қараушы-жөндеушісі болып еңбек етудемін. Аллаға шүкір, басшылық еңбегімді бағалап, бірнеше рет мадақтамамен марапаттады. Мекеме басшысы Ерлан Есмамбетовтей білікті сала маманының басшылығымен Сәбит Тайшықов, Сабыр Ефенов, Төребек және басқа да сала майталмандарымен бірге еліміздің өсіп-өркендеуіне, оның ішінде теміржол саласының дамуына үлес қосып келеміз», – дейді өз ісінің шебері атанған кейіпкеріміз.</blockquote>Сондай-ақ ол токарлық мамандықпен бірге дәнекерлеуші. Өзінің жеке токарлық құрылғысымен, дәнекерлеу аппаратымен отбасына қажетті жұмыстарды, сонымен қатар көрші-көлемнің де сұраныстарын орындап, ауыл-аймақ құрметтісі атанып жүрген азамат. Оның тағы бір қыры құс асырауында жатыр.<blockquote>«Мен бұл кәсіптерімнен басқа ауламда тауық асыраймын, сонымен бірге әлемдегі ең сұлу құстың бірі – кептерге де құштарлығым ерекше. Аудан және аймақ, одан қалды еліміздің әр түкпірінде кептер асыраушылармен тәжірибе алмасып тұрамын. Жарыстарға қатыспағаныммен өзімде бар қызығарлық кептерді өзгелермен айырбастап, кептер құсының дамуына үлесімді қосып келемін» дейді ол.</blockquote>Өміріне серік болып келе жатқан мамандығын мақтаныш тұтатын Талғат Бөгенбайұлы жар таңдауда да жаңылмаған. Өмірлік серігі Рая Әзизқызымен бірге бақытты да шаттыққа толы шаңырағында 4 ұл мен қыз тәрбиелеуде.

Қармақшылық қарапайым қызметкер

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Серік Сермағамбетовтің төрағалығымен өткен салалық мәжіліске қала, кент және ауылдық округ әкімдері мен дербес бөлім басшылары қатысты.Мәжілістің күн тәртібінде 3 мәселе қаралды. Ең әуелі аудан бойынша салық түсімдерінің орындалуы туралы аудандық экономика және қаржы бөлімінің басшысы Төлеген Рашев баяндама жасады.Өткен жыл қорытындысымен дербес бюджеттің кірістері 109,3 пайызға орындалған. Дербес бюджетті барынша қосымша кіріс көздерімен ұлғайтып, жергілікті мәселелерді шешу жолдарын қарастыруды ұсынды.Екінші мәселе көктемгі дала жұмыстары бойынша атқарылып жатқан жұмыстар жайында аудандық ауыл шаруашылығы мен жер қатынастары бөлімінің басшысы Жәнібек Жұбанов хабарлады.Баяндамада Жәнібек Жұбанов өңірімізде егін шаруашылығын дамыту мақсатында биылғы жылға 1500 гектар егіс егу жоспарланып, тиісті жұмыстар басталғандығын жеткізді. Сондай-ақ азаматтардың табысын арттыру және өз өзімізді азық-түлік өнімдерімен қамтамасыз ету мақсатында әрбір ауылда жеке азаматтардың бақша өнімдерін өндіруге жағдай жасау жөнінде облыс әкімінің берген тапсырмасына сәйкес, аудан көлемінде орналасқан дақылдарын орналастыру бөлінісінің іс-шара жоспары бекітіліп, тиісті тапсырмалар берілгендігін де атап өтті. 2023 жылға жоспарланған егін шаруашылығын дамытуға берілген жоспарды жеке және шаруа қожалық иелеріне қолдау көрсете отырып орындалуына ықпал жасауды ұсынды.Жиында қозғалған тағы бір мәселе «Ауылдарды дамыту» мемлекеттік бағдарламасына ұсынылатын жобалар туралы аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Шерхан Есжанов баяндады.2023 жылы аудан көлемінде «Ауылдарды дамыту» бағдарламасы аясында 33 жоба іске асырылады деп күтілуде. Атап айтсақ, елді мекен көшелерінің автомобиль жолдарын жаңғырту бойынша 19 жоба және абаттандыру жұмыстары бойынша - 14 жоба. Сондай-ақ 2023-2024 жылдары қаржыландыру үшін облыстық, аудандық бюджеттік комиссияға 70 жоба ұсынылды. Баяндамада Шерхан Есжанов мемлекеттік бағдарламалардың өзгеруіне байланысты, аталған жобаларды іске асыру барысында, қала, кент, ауылдық округ әкімдерін тығыз байланыста жұмыс жасауға шақырды.&nbsp;Мәжілісте аудан әкімі көтерілген мәселелерге жеке-жеке тоқталып, жауапты тұлғаларға тиісті тапсырмалар берді.Салық түсімдері бойынша барлық қала, кент және ауылдық округтерге аудандық кірістер басқармасымен бірлесе отырып, салық салу базасын ұлғайту мақсатында әрбір елді мекендердегі тұрғын үйлердің, ғимараттардың, мүлік, жер салықтарына түгендеу жұмыстарын жүргізуді, елді мекендегі тіркелмей кәсіп жасап отырған жеке тұлғаларды тіркетіп, жан-жақты жұмыс жүргізуді тапсырылды.Сондай-ақ аудан басшысы көктемгі дала жұмыстарын барынша жандандырып, 2023 жылға бекітілген көрсеткіштерге қол жеткізу үшін егіс көлемін, тұқыммен қамтамасыз етілуі мен жер жырту жұмыстарын қысқа мерзімде аяқтауды және 2023 жылдың егін орналастыру бойынша жеке, заңды, шаруа қожалықтарының егетін егіс көлемін нақтылап, бекітілген межеге сәйкес орындалуын қатаң бақылауға алуды міндеттеді.Мұнымен қоса, Серік Сағитжанұлы ауылдардың дамуына жағдай жасау мемлекеттік саясаттың аса маңызды стратегиялық мақсаттарының бірі екенін айтып, қала, кент және ауылдық округ әкімдеріне ауыл тұрғындарының өмір сүру сапасын жақсарту және ауылдардың инфрақұрылымын дамыту бойынша атқарылатын шараларды жандандыруды тапсырды.<figure class="image"><img src="https://knadmin.beoblood.kz/uploads/cfa97844_3894_4510_ac09_fb96171a3a08_7bf7bb9c3c.jpg" alt="cfa97844-3894-4510-ac09-fb96171a3a08.jpg"></figure>

Ауылдарды дамыту: Аралда 70 жоба ұсынылды

<a href="https://kyzylorda-news.kz/">Kyzylorda-news.kz.</a> Жаңақорған кентінде алғаш жеке «Айгерім» медицина орталығы ашылды. Бұл күнде жұмысы бірыңғай жүйеленіп үлгірген медицина орталығына арнайы бас сұғып, жұмысымен танысқан едік. Мекеме жұмысын табанынан тік қойып, үйлестіріп отырған тұлға Балжан Ильясованың мамандығы терапевт дәрігер.&nbsp;Көп жылдар аудандық денсаулық сақтау саласында абыройлы қызмет етті. Жүйеге алғаш ендіріле бастаған жаңа технологиялардың қатарында УДЗ аппаратын ауданда алғашқылардың бірі болып меңгеріп, сырқатты анықтау мен зерттеу саласында да мол тәжірибе жинақтады. Осы ізденістерін өмір жолында кәдеге асыруды мақсат еткен маманның ел денсаулығын оңалтуда функциональды қызмет көрсететін орталық ашуға да көптен ықыласы ауып келіпті. Көп жылдар медицина саласында бірге тер төгіп келе жатқан қосағымен кеңесе келе дәрігерлер жанұясы әріптестік әлеуеттерін жалпының денсаулық жағдайын оңалтуға арнаған жарқын жобаға жұмылдыруға шешім қабылдапты. Нәтижесінде бес қаруы сай, көрсе көз қызығатын екі қабатты ғимараттың құрылысы кенттің бел ортасынан бой түзеді. Нағыз соқпақты да, соқтықпалы қадам содан соң басталғанын айтады кәсіп иесі. Өйткені бізде қай салада да жеке кәсіп бастауға талап болғанымен оны аяққа тұрғызудың сабақты механизмі толық қалыптасып болмаған екен. Іс бастаған адамның қолында бұрын-соңды сыннан өткен дайын үлгінің болмауы да тәуекелді батылдыққа келіп тірелді. Өз қажыры мен қайратына арқа сүйеп, маркетинг пен менеджерлікті жете меңгеруге тереңдеп кіріскен ынта-ықыласының арқасында елдік міндетті арқаланған ақниетті жобасы өз арнасын тапқан секілді.Бүгінде басым көпшілігі өз аймағындағы тұрғындарды қамтитын «Айгерім» емханасы емделушілердің көңілінен шығып отыр. Негізінен жаңа емхананың заманауи үлгіде, жергілікті жерге әлі келіп үлгірмеген жаңашылдықтарды ендіруге мүдделілігі аңғарымпаз көңілге ә дегеннен байқалып тұрғандай. Емхана меңгерушісі Балжан Дүйсекенқызы кабинеттерді түгел аралатып көрсеткен кезде бұған толығымен көзіміз жетті. Клиниканың бірінші қабатында орналасқан флюорография тұрғындарға тегін қызмет көрсетеді екен. Сондай-ақ терапевт, эндокринолог, травмотолог, гинеколог, кардиолог дәрігерлер алдын ала белгіленген сағат бойынша тегін консультациялық қызмет көрсететінін білдік. Емхананың екінші қабатында оңалту орталығы ашылыпты.&nbsp;Онда қандай бір науқас түріне ыңғайлы жеке кабинеттер жасақталыпты. Әр бөлмеге функциональды кроваттар жеткілікті қойылыпты. Тәулік бойы емханада жатып, ем қабылдайтындарға барлық жайлы мүмкіндіктер қарастырылыпты. Арнайы душь, әжетханасы бар. Емхананың бір ерекшелігі, арнайы құрылғылармен жабдықталған физка-бинеттер жұмыс жасап тұр.Олар санамалап айтсақ, вертикализатор (тірек-қимыл қозғалысын демеуге арналған аппарат), артромат (түрлі жарақат алулар, инсульт немесе отадан кейін қимыл-әрекетке жаттықтыратын құрал) қазіргі таңда іске қосылып, жоғары эффектісіне куә болғандардың аз емесін білдік. Тұзды шахта залы да Жаңақорғанға тұңғыш қоныс тепкен жаңалық десек болады. Терең және шипалы тыныс алумен өкпені демалдыратын эксклюзивті нысанның жүйке тамырыңды бөлекше баурап алатын көрінісі де тым әсерлі екенін сезіндік.Ал күндізгі стационар шағымданушыларға қалыпты ем-дом жасаудың ережесіне сай жабдықталыпты. Логопед бөлмесінде ем-шараға қажетті жасөспірімдерге арналған құрал-жабдықтардың түр-түрі қойылыпты. Сонымен қатар емханада мамандандырылған стоматология кабинетінде тістің ақауын сол мезет бірден анықтап беретін компьютерлі рентген аппараты жұмыс істеп тұр. Ал УДЗ кабинетінің алды күнұзаққа бір босамайтынын байқадық.Біз осы ретте осы емханадан ем алып шыққан кент тұрғыны, ағарту саласы ардагері Әдемі Дәрібаева апамызды әңгімеге тарттық. Ол кісі бізге былай деп жауап берді:<blockquote>«Көктемнің әсері ме, ауырмайтын жеріміз қалмай дәрігерге келуіме тура келді. Мен өзім аймақ бойынша тіркелген осы «Айгерім» клиникасына келіп, қажетті емімді алдым. Шыны керек, мұндағылардың еңбегіне өте риза болдым. Мені келген күннен күндізгі стационарға жатқызып, жүйелі ем тағайындады. Алдымен УДЗ-ға түстім. Аяғымды баса алмай қиналып келген едім, физкабинетте істейтін Данияр және Сұлтан деген азаматтар арнайы креслода ем-дом түрлерін жасады. Табанның ұйығанын емдейтін жаңа аппарат бар екен, сонымен жаттығуды жалғастырдым. Бас-құлақ ауруына қажетті укол, система қабылдадым. Осы ем-домның барлығын толықтай тегін алып, медқызметкерлерге алғысымды айта-айта шығып барамын», – дейді ол ризалықпен.</blockquote>Міндетті әлеуметтік мемлекеттік сақтандыру қорымен келісім шарт негізінде кент қана емес, елді мекеннің тұрғындарына да тегін қызмет көрсететін емханада екпе қызметі де жолға қойылыпты. Алдағы уақытта тәулік бойы емделушілер үшін асхана залы іске қосылуға жақын.Қазірде білікті маманның орнын озық технология басып, оны жетік меңгере білетін жас буынның асығы алшысынан түсуде. Осы орайда халықтың игілігі үшін төл нысанның тіршілігін ойдағыдай өрістетуде қолдағы барды аянып қалмай оны барынша заманауи тұрғыда жан-жақты жабдықтауға ұмтылған кәсіпкер ханым кадр мәселесіне келгенде аса талапшылдықты ұстанатынын айтты. Елдің ортақ мүддесіне келгенде ақыл-кеңесін аямай, іс-тәжірибелік тұрғыда да жанашыр болып келе жатқан әріптестерінің атына жылы-жылы лебіздерін жасырмады. Ия, көптің қызметіне жарасам деген жанды тірлікке жан-жақты тілектестіктің болғаны қандай жарасымды.

Жаңақорғанда алғаш рет  жеке клиника халыққа қызмет етпек

<a href="https://kyzylorda-news.kz/">Kyzylorda-news.kz.</a> &nbsp;Жаңақорған ауданы білім бөлімі басшысының міндетін уақытша атқарушы Нұрлан Базарғалиұлы: «Биылғы тестілеуден өтуге тиіс 1095 оқушының 773-і қатысып, бақ сынады. Соңғы тестілеу кезеңінен 1 оқушы 126 балл алып, үміт артқан ұстаздарын қуантты. Ең маңызды кезеңі – үшінші кезең деуге болады. Ол 16 мамыр мен 5 шілде аралығында өтеді деп жоспарланды» деп мәлімдеп отыр. Нұрлан Дәулетәлиевпен сұхбаттасып, көпшіліктің көкейінде жүрген сұрақтарға жауап алдық.– Нақ бүгінгі күндері әсіресе мектеп бітіруші білімгерлерүшін жан-жақты дайындыққа кірісіп, он бір жыл бойға жиған–тергенін жинақтап жатқан шешуші кезең. Осы тұста өзіңіз бірнеше оқу ошақтарын аралап шықтыңыз. Алда қандай міндеттер тұр?– Жаңақорған ауданы мен үшін таныс аймақ. Бұған дейін облыстық білім басқармасында мектепке дейінгі және орта білім бөлімінде басшы қызметінде болғанмын. Сондықтан бұл ауданның білім саласынның жай-күйін жақсы білемін. Жаңақорған ауданындағы 43 мемлекеттік мектеп пен 7 жеке білім беру ошағыжұмысымен таныспын. Ауданда 19 мыңға жуық балалар орта білім алуда. Мектепке дейінгі ұйымдар 117 болса, 82-і жеке меншік, 26 мемлекеттік, 9 шағын орталық жұмыс жасауда. Жалпы, онда алты мыңға жуық бүлдіршін тәрбиеленуде. Облыста халық саны жағынан көш бастайтын аудандағы білім ошақтарының білім беру сапасы қалыптасқаны байқалады. Кенттегі мектептерде бірқатар мәселелер бар. Тарқатып айтсақ, қолайлы жайғдайда білім алу үшін әрбір баланың қауіпсіздігін назарға алу керек деп есептеймін. Біріншіден, 1-4 сынып оқушыларына арналған ас мәзірімен таныстым. Сапалы тамақтануға барлық мүмкіндіктер қарастырылған. Екіншіден,қандайда бір келеңсіздік орын алмауы үшін бала қауіпсіздігі басты назарымда болады. Ол үшін ата-аналар, ұстаздар және мектеп басшылары бірлесе жұмыстар атқаруы қажет. Үшіншіден бақылау камерасының саны мен сапасын арттыру керек. Бұл оқушының әрбір жүріс-тұрысын жіті қадағалауға мүмкіндік береді. Төртіншіден, көктем науқанына байланысты әрбір мектептің аумағында көркейту-көгалдандыру жұмысын жүйелі жүргізуге назар аударуымыз керек. Бесіншіден, әрбір жетістікке жеткен шәкірт пен ұстаздың одан әрі ынталандыру мақсатында марапаттап, жан-жақты насихаттау жұмысын жоспарыма енгіздім. Әрі осы бағытта жүйелі жұмыстар атқарылатын болады.&nbsp;– Мемлекет басшысы орта білім беру саласында сапалы білім берудің маңыздылығын айтты. Біздің ауданда оқушылар заманауи білім алуы үшін қандай мәселелерді шешу керек деп ойлайсыз?– Өркениет өлшемі – білім мен ғылым екені даусыз. Еліміздің келешегі кемел болуы үшін жастарымыз білімді болуы маңызды. Осы мүддеге жету жолында ең алдымен оқушылардың материалдық базасы кең болуы керек. Озық білім алу үшін цифрландыру саласы тұрақты дамып келеді. Сондықтан әрбір ұстаз цифрлық сауаттылығын арттыруы керек. Елімізде бірнеше облыста тәжірибе ретінде сыналған оқу процесі барлық аймақта қолданыла бастады. Бұл білім сапасын арттыруға негіз болады. Сондай-ақ, интернет сапасы артпай шалғай ауылдардағы балалар бұл игілікті игере алмайды. Заман талабына сай әрбір оқу кабинеттері жылдамдығы жоғары интернетпен қамтамасыз етілуі маңызды. Бұл мәселе қазір мемлекет басшылығынын да басты назарында.– Наурыз айында ҰБТ-ның 3 кезеңі аяқталды. Біздің ауданның жетістігі қандай?– Өздеріңіз білетіндей, ҰБТ кешені соңғы екі жылда электронды нұсқада тапсырылуда. Төрт кезеңнен тұратын тестілеу науқанының екінші сатысы 14-31 наурыз аралығында өткен еді. Осы кезеңде жоғары нәтижемен аяқтап, біздің талапкерлер облыс бойынша үшінші сатыдан көрінді. Жаңақорғандық талапкерлердің бағыты көңілқуантарлық деуге негіз бар. Тестілеуден өтуге тиіс 1095 оқушының 773-і қатысып, бақ сынады. Соңғы тестілеу кезеңінен 1 оқушы 126 балл алып, үміт артқан ұстаздарын қуантты. Ең маңызды кезеңі – үшінші кезең деуге болады. Ол 16 мамыр мен 5 шілде аралығында өтеді деп жоспарланды. Осы кезеңде біздің талапкерлер барынша жақсы дайындалып, үздік көрсеткіш көрсетсе деген мақсатымыз бар. Ол үшін әрбір талапкермен тиянақты жұмыстар атқарылады. Әсіресе, «Алтын белгіге» үміткер 68 түлектің дайындығы пысықталады. Қазіргі таңда олардың 63-і «Алтын белгеге» қойылған талапқа сай 90 баллдан жоғары нәтиже көрсетті. Ата-аналар мен мектеп ұстаздары жан-жақты ізденіп, білім деңгейін көрсетуге барлық жағдайлар жасалған. Еліміздегі беделді оқу орындарына грант жеңуге айтарлықтай нәтижелеріміз бар. &nbsp;Айта кетейін, тестілеу кезінде ереже-талапты бұзған оқушылар да, шекті балл жинай алмағандарда бар. Ереже-талапты бұзғандарға тиісті шара көрілді. Ал, мардымсыз балл жинаған оқушыларға қосымша білім беріліп, қайта тапсыруға дайындық жұмыстары басталды. Жиырма жылға жуық кешенді тестілеу тәжірибесі қалыптасқан мектептердің озық әдісін көріп, ұстаздардың тынымсыз ізденісін байқадым. Осы нәтижеден айнымау үшін тестке дайындық жұмысын дамыта беретін боламыз. Осы қарқынмен жұмыстар жасасақ, келесі кезеңдерден де үздік нәтиже көрсетіп, өткен жылға қарағанда едәуір жақсы көрсеткішпен аяқтайтын боламыз. Сондықтан, әрбір талапкер жастарға өз біліміне сеніп, ел болашағы үшін сын сағатта білімінің биігін байқатады деп сенемін.&nbsp;– Білім бөлімінің әлеуметтік желідегі парақшасының ақпараттарына зер салсақ, күнделікті жұмысыңыздан ақпараттар таратып отырғаныңызды байқаймыз. «Ашықтық пен жариялылықты» ұстанасыз ба?– Қазір ақпарат заманы екені даусыз. Халықтың көзі ашық, көкірегі ояу. Әрбір ата-ана білім саласындағы маңызды ақпараттарды оқып біліп отырса, сауалы болса жолдаса, жұмыс өзінен-өзі жүйеленіп, бір ізденеді. Сондықтан әрбір мектептің әлеуметтік желідегі парақшаларын бақылап, газет-журналдардағы маңызды мақалаларды оқып ой түйемін. «Жаңақорған тынысы» газетімен бұдан бұрын да жақсы таныспын. Білім саласында шыққан материалдарды іштей талдап отырамын. Менің ойымша, халыққа дер кезінде ақпараттар жетсе ешқандай мәселелер туындамайды. Әділетті қоғам құруда ашықтық пен жариялылықтың әрбір азаматқа берері мол. Бұл бағытта мүдделестік бәрінен маңызды дер едім.– Уақыт бөліп, сұхбат бергеніңіз үшін рахмет!

Жаңақорған ауданында білім көрсеткіші жоғары

<a href="https://kyzylorda-news.kz/">Kyzylorda-news.kz.</a> &nbsp;Жаңақорған аудан бойынша 37781 гектарға егіс егу жоспарланып отыр. Ауданда ауылшаруашылық өндірісімен айналысатын 781 шаруашылық құрылымдары болса, соның 485-і егін шаруашылығымен айналысады. Оның ішінде 175 шаруашылық күріш еккелі отыр.&nbsp;Биылғы жылы күріш 8346 гектарға, күздік бидай 3151 гектарға, жаздық бидай 194 гектарға, жаздық арпа 30 гектар, тары 260 гектарға, дәндік жүгері 700 гектарға, күнбағыс 46 гектар, жоңышқа 5000 гектар, сүрлемдік жүгері 30 гектар, қант қызылшасы 5 гектар, картоп 580 гектар, көкөніс 616 гектар, бақша 2095 гектар жерге орналастырылғалы отыр. Азық-түлік қауіпсіздігін сақтау бағытында қосымша жерлер ашылып 295 гектар жерге картоп, көкөніс, бақша орналастыру бағытында жұмыстар атқарылуда, – дейді Талғат Зейдалиев.Түсінгеніміз, биыл облыс әкімінің тікелей тапсырмасы бойынша ауыл халқының азық-түліктік дақылдармен өз - өзін қамтамасыз ету әлеуетін арттыру талабына оң басымдықтар беріліп отыр екен. Отбасылар ынтымақтасып егістікпен айналысып, нәтижесінде әлеуметтік маңызы бар азық-түлік қорын жасап алуы алдағы уақытта да нарық саясатының қауіпсіздігін қамтамасыз етуге үлкен сеп. Осы бағытта шаруашылықтарда 150 га жер шеңгелден тазартылып 90 га жер сақадай-сай тұр. Ауданда 2087 тонна күріш тұқымы дайын. Басқа дақылдар тұқымдығы да жеткілікті Минералды тыңайтқыштар мен гербицидтер де қажетті деңгейде бөлінуде. Техника, жанар-жағар май мәселесінде іркіліс болмауы үшін қажетті жұмыстар атқарылуда. Бұл бағытта 1422 тонна дизель отыны бөлініпті. Оның 200 тоннаға жуығы шаруашылықтарға таратылып берілмек. Осы мәселелер туралы айтқан бөлім басшысының хабарламасынан соң аудан әкімі Мұрат Жолкелдіұлы көктемгі дала жұмыстарына дайындық барысындағы басты олқылықтар – егістіктерге су баратын каналдардың талапқа сай тазаланбауын сынға алды. Осы бағыттағы қаперсіздіктен алдағы уақытта алдымыздан шығар кедергілерді ескертіп, жауапты тұлғаларды орнынан тұрғызды.Ауданда екі-үш жылдан бері күріштің көлемі 6 мың гектардың айналасынан аспауы көптің көңілін күпті етіп, шаруа қожалықтары мен қарапайым шаруалардың қайта-қайта қолқалауымен жоғары орындарға шығып, биылғы жылы аудан аумағында күріш егуді 8346 гектарға арттыруға қол жеткізген әкім егістікке су баратын каналдар жайы жалғыз - жарымның емес, жалпының еңбегін еш, тұзын сор етерін, сондықтан бүгіннен бастап бір кісідей ынтымақты тірлік қажет екенін ескертті. Шаруашылықтардың барлығы ұйымдаса отырып, осы аумақтағы жерге нақты су баратындай етуге ерте көктемнен әрекетке көшкені жөн. Хабарламада тазалауды қажет ететін каналдар жайы талқыланды, Түгіскен ауылында канал сағасында лайқа басқан 41 шақырым жер демеушілер күшімен қазылып басталғаны жөнінде білдік. Өйткені канал бойында 370 га егістік жерге су уақтылы баруы керек. Елдікке сын болар алдағы науқанда ауызбіршілікпен қимылдағандар ғана ұтады. Бұған дейін жұмысты дұрыс ұйымдастырмай, салбөкселікке салынған Қожакент, Өзгент, Машбек ауылы атқа мінерлеріне де осы талапты қойды әкім. Ал аудандық ауыл шаруашылығы бөлімі басшылығына осы жұмыстардың барлығын қадағалауды тапсырды.ІЗГІ НИЕТТІҢ ІЗДЕНУШІЛЕРІ КЕМӘкімдік мәжілісінде жергілікті жердегі тұрғындардың әлеуметтік жағдайын көтеру үшін оларға ауыл шаруашылық дақылдарын егіп алуға жан-жақты жанашырлықпен жасалған жұмыс жайына тоқталды. Бұл ізгі ниеттің де ізденушілері кем болып тұр. Мәселен, Сүттіқұдық ауылында 800 га жерді меншіктеп, мемлекеттен қаржы бөліп, он бір скважина қаздырып, жарық жүргізіп, су келтірген енапат еңбектің шырайын кіргізер шынайы егелері нақтыланбай тұр. Ауылда басы артық жұмыс көзі жоқ, жым-жырт қалғыған қарапайым тұрмысқа жан бітіріп, туған жер топырағын түлетуде тілек қосып, қимылдайтын-ақ кез. Бұл агроаймаққа ауыл халқы ғана емес, кент тұрғындары да егінін егіп, несібесін теріп алуына мол мүмкіндік бар. Скважина іске қосылып, жұмыс болмаған жағдайда құмға көміліп, көзі тұншығады. Осы мәселені ескерткен әкім халықтық бастаманы тиісті мәреге апаруға дәрменсіздік танытып отырған ауыл әкімдерін қатты сынға алды. Төменарық, Қожамберді, Сунақата және Екпінді, Жайылма ауылдық округінде ниеттенген отбасылардың барын Сүттіқұдық ауылында 40 гектар жердің ғана игерілгенін білдік. Әр скважина қасында 3-4 га жерге түрен салынып, қоршауын жүргізу басталыпты. Жалпы бұл жұмыстарды мамыр айына дейін бітіру тапсырылды. Агрозонасы жоқ Қыраш, Қосүйеңкі, Манап елді мекендерінде әкімдердің ұйымдастыруымен осындай қимыл-әрекеттің қажеттігі айтылды. Осы бағытта аудан бойынша 295 гектар жердің ғана игерілуі көңілді көншітпейді. Екпінді, Еңбек, Жайылма, Жаңақорғанның да ынталы азаматтары арнайы агрозонада бас біріктіріп берекелі кәсіпті қарқындатар болса ауыл халқын жұмыспен қамтудың бір көзі осы.Әкім келесі кезекте ауыл әкімдеріне шаруаларға жеңілдетілген жанар-жағар майдың, несиелердің уақытында бөлінуіне ықпал етуді тапсырды. Егістікке керекті дизель отыны 20 шаруашылыққа 240 теңгеден беріліп отыр. Енді алдағы уақытта осының тапшылығын болдырмау бағытында зерттеп-зерделеп, қажетті шараларды қабылдау жөнінде кәсіпкерлік бөліміне тапсырма берді. Дизель отыны мен бензиннің қосымша қорын қамдау жөнінде ескертті.Күн тәртібіндегі екінші мәселе – азаматтарды көктемгі мерзімді әскери қызметке шақыру науқанының орындалуы бойынша Жаңақорған ауданы қорғаныс бөлімі бастығы Нұрбол Есенәлиев баяндады. Ол қазірде 3185 азамат аудандық қорғаныс бөлімінде тіркеуде, оның ішінде 1292 азамат мерзімді әскери қызмет жасында, 1893 азамат түрлі себептермен шақырудан босатылғанын айтты. Осы шақыруда 134 азамат әскерге жөнелтілу керек. Осыған орай барлық кент, ауылдық округ әкімдеріне тапсырма берілген. Дәрігерлік сараптамадан өткізуге 1517 шақырту қағазы жібертілген. Соның ішінде 119 бала комиссиядан өтті. Бұл жұмыстарда Жаңақорған кенті мен Көктөбе, Шалқия ауылдық округтері алда келеді екен, керісінше Аққорған, Қожакент, Ақүйік, Жаңарық, Өзгент, Жайылма, Байкенже ауылдық округтері көштің соңында қалыпты.Қорғаныс бөлімі басшысы жалпы еліміз бойынша шекара қызметіне 400 баланың орны толмай тұрғаны, оның ішінде Қызылорда облысының үлесі 27-ні көрсетіп тұрғанын айтты. Алдағы уақытта мемлекеттік тапсырыстың орындалуына әкімдер бізбен бірігіп жұмыс жасаса деген тілегін жеткізді. Сонымен қатар ауданда сарбаздарды дәрігерлік тексерістен өткізуде облыс бойынша тек біздің ауданымызда нақтылық пен жүйелілік сақталып келе жатқанын, қорғаныс министрінің №727 бұйрығы бойынша шақырылушы азаматтардың ішкі құрылысын және жүректі УДЗ-дан тексеру қосылғанын, бізде бұл мәселелер де толық шешімін тапқанын айтып, сала басшысына рахметін жеткізді. Бір кілтипан, әскерге барудан жалтарған бала, жіберуге қарсы ата-ана көп. Бұл орайда аудан әкімі «Мұнымен әр ата-ана баласына жақсылық жасадым деуі қате. Қиындықта қайралмаған, Отанын қорғаудан қашатын жанның ертеңі не болады? Ер емес, ез тәрбиелеп шығарып жатырмыз. Денсаулығы жақсы баланың бетін қайтармау керек» деді. Бұл бағытта аудандық ішкі істер бөліміне қорғаныс бөлімімен бірге жоспарды орындауды тапсырды.Үшінші мәселе, кент және елді мекендердің санитарлық тазалығы туралы арнайы слайдта аудан әкімі жанынан тағайындалған арнайы комиссияның ауылдарды аралағандағы бейне түсірілімдері назарға ұсынылды. Сунақата, Екпінді, Шалқия, Ақүйік, Қаратөбе ауылдық округінің атына сындар айтылып, қатаң ескертулер жасалды. Одан әрі облыста бір жылға екі рет «Үлгілі ауыл» номинациясы белгіленгенін, қай аудан таза болса сол өңірге погрузчик, су себетін машина, мусоровоз, басқа да құралдар берілетінін айтты. Сондықтан елді мекендерді де ретке келтіру, аркаларын жаңалау, жарықтандыру мәселесінің өзектілігін қаперге салды. Осы орайда әкімнің орынбасарларына бекітілген территориялар бойынша жауапкершілік сұралатынын ескертті. Кәсіпкерлік бөліміне орталық көшелердегі дүкендердің алдына егелерінің жарық орнатуын міндеттеуді тапсырды. Бұл бағытта ауданның тұрғын үй коммуналды шаруашылығы, жолаушылар көлігі және автомобилль жолдары мекемесі басшылығына да нақты тапсырмалар жүктелді.

Жаңақорған ауданында 175 шаруашылық күріш егілмек

<a href="https://kyzylorda-news.kz/">Kyzylorda-news.kz.</a> Коммуналдық инфрақұрылымдар, газ, ауыз су, интернет, жол және жарық жүйесі қазіргі қоғамда ең өзекті мәселелердің қатарында. Жаңақорған аудан көлемінде жүргізіліп жатқан іргелі бастамаларды бір жарық жүйесі толықтай жаңғыратын болады.Жаңақорған ауданында жарық мәселесі өткен жылдың соңына дейін өте өткір тақырып болып келді. Тозығы жеткен электр сымдары мен бағаналары, ескірген трансформаторлар, ауылдарды айтпағанда кент тұрғындарының әбден жүйкесіне тигені белгілі. Мұрат Жолкелдіұлы ауданға әкім болып келгенде осы істі бірінші кезекке қойды. Былтыр аудан үшін ауқымды жоба қолға алынып, жыл соңында қажетті қаржысы қаралып, кентте біршама жұмыстар жүргізілген еді. Осы сауал төңірегінде аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің есігін қайта қақтық.Жалпы ауданда 1332,6 шақырым электр желісі жүргізілген. Оның ішінде 35 кВ әуе желісі, 10 кВ, 0,4 кВ әуе және 10 кВ кабельді желісі де бар. Сонымен қатар 245 дана қосалқы станциялар орнатылған. Жоғарыда аталған электржелілік жүйенің тозуы 75 пайыздан асқаны айтылып жүр. Биылғы қыс электр желісін жаңалау керектігін сездірді. Мұның салмағын аудан басшылары да жақсы түсініп отыр. Расында бұл мәселеге нүкте қойылатын кез келді. Бірақ бір жылда атқарыла қоюы екіталай. ХХ ғасырдың 60-70 жылдары жүргізілген электр желілері мен бағаналарды жаңалауға қомақты қаржы керек-ақ. Осы жөнінде арнайылап зерделеген едік. 50 жылдан асқан бағаналар мен желінің 70 пайызының тозығы жеткен. Мұны сала мамандары растайды. Бүгінде электр желілерінің үзілуі, бағаналардың сынуы жиі орын алады. Әсіресе, күздегі жаңбыр, қыстағы қалың қар мен боран кезінде ауылдық округтер түгілі аудан орталығында жиі жарық өшіп, сағаттап күттік…Құнды құжатта Бірлік (9,2 шақырым), Қыркеңсе (1,78 шақырым), Келінтөбе (4,2 шақырым) және Сунақата (2,1 шақырым) елді мекеніндегі 0,4 кВ әуе желісіне де күрделі жөндеу жүргізіледі. Сондай-ақ Түгіскен, Еңбек, Ақсуат елді мекені мен Жаңақорған кентіндегі бір-бір дана 10-0,4 кВ электр станцияларына күрделі жұмыс күтіп тұр. Сондай-ақ Қожакентегі 35,10 кВ станциясына да күрделі жөндеу жұмысы жүргізіледі.Айта кететіні, аудан әкімінің есебінен елді мекендердің жарықтандырылуын қамтамасыз ету бойынша бюджеттік бағдарлама аясында 34 млн 634 мың теңге қаржы қаралатынын естіген едік. Демек жұмыс жүйеленеді дегенді білдіреді. Біздің бір білетініміз, аудандық эклетр торабы мекемесінің қызметкерлерінің межелі жұмысы бар. Ол – аудан халқыны электр жарығын жеткізіп беру. Себебі, кейбір елді мекендерде электр жарығына ұялы байланысты қуаттап алудың өзі мұң болып тұр. Мұндай талапты Қандөз, Аққорған ауылдық округінің тұрғындары қойып, шағымданғаны есімізде. Енді жай жөндеуден өткізілетін округтердегі электр желілеріне кезек берсек.<blockquote>«35 кВ болатын М.Нәлібаев пен Қожакенттегі ұзындығы 21 шақырым болатын әуе желісі жай жөндеуден өтеді. 10 кВ болатын аудан орталығы мен Сунақата және Талаптағы барлығы 38,9 шақырымды құрайтын әуе желісіне жай жөндеу жүргізіледі. 0,4 кВ болатын Сүттіқұдық, Жайылма, Жаңақорған кенті мен Құттықожа ауылы, Қыраш, Түгіскен және Келінтөбе елді мекендеріне жай жөндеу жүргізілетін болады. Сонымен қатар, 10-0,4 кВ болатын кент және ауылдық округтер бойынша 8 электр станциясы жай жөндеуден өткізіледі. Аудан әкімі бастаған жоба мақұлданып, қаржысы қаралса, ең бірінші аудан орталығындағы жарық жаңартылатын болады», – деді Шалқар Әбдімәлікұлы.</blockquote>Жалпы бұл мекеменің толық межесі емес, бұдан да басқа атқарар жұмыс жетерлік. Ең бастысы, біз күткен ірі бастама ертерек басталып, аудан тұрғындарының игілігіне берілсе дейміз. Аудан басшысы осы мәселенің ертерек шешімін табуын, республикалық қаржының тезірек ауданға келуіне жұмыс жасауға талап қойып отыр. Тұрғындар да берекелі бастаманың оң болуына тілекші. Қалғаны уақыттың еншісінде.<blockquote>«Қазіргі таңда, Жаңақорған кентіндегі электржелілік жүйені жаңғырту мақсатында жалпы құны 3 млрд 421 млн 718,0 мың теңгені құрайтын бюджеттік инвестициялық жоба (бұдан әрі – БИЖ) іске асырылуда. Құрылыс-монтаж жұмыстарына 2022 жылы республикалық бюджетен 898 878,0 мың теңге қаралып, 70 шақырым электржелілік жүйе жаңғыртылды. 2023 жылға 1 175 676 мың теңге қаралып, құрылыс жұмыстары жалғасуда. Жаңақорған кентінен бөлек 25 ауылдық округте 34 елді мекен бар. 2022 жылы құны 2,3 млрд теңгені құрайтын 9 БИЖ әзірленді. 2023 жылға республикалық және жергілікті бюджеттен 503,4 млн. теңге бөлініп, мемлекеттік сатып алу жұмыстары жүргізілуде», – деді бөлім басшысы Қайрат Сапарбаев.</blockquote>9 ауылдың қатарында Манап, Қандөз, Келінтөбе, Қожакент, М.Нәлібаев, Әбдіғаппар, Құттықожа, Сунақата және Еңбек елді мекені кірді. Егер жұмыс сапалы, әрі тез жүргізілсе келер жылы бұл ауылдардың жарығы толық жаңғыртылады.<blockquote>«Сонымен қатар, 2023 жылдың басында құны 3,2 млрд. теңгені құрайтын 10 БИЖ (Екпінді, Қожамберді, Сүттіқұдық, Ақүйік, Қосүйеңкі, Жаңарық, Өзгент, Ақсуат, Аққорған, Қаратөбе) әзірленіп, жоғары тұрған ведомстволарға бюджеттік өтінімдер ұсынылды. Аталмыш жобалар уақытылы қаржыландырылып, толық іске асырылса, Жаңақорған ауданының электржелілік жүйесінің тозуы шамамен 51 пайызға, авариялық жағдайлар 42 пайызға төмендейді деп болжамдалуда», – деді бөлім басшысы.</blockquote>Біздің түсінгеніміз, алдағы 3-4 жылдың ішінде аудандағы жарық мәселесі толық шешімін табады. Ең алдымен кенттегі ірі жобаны биыл немесе келер жылы межелеп, ел игілігіне берсе болғаны. Ал, қалған ауылдардың мәселесі 2025 жылға дейін шешімін табады деген үміттеміз. Оны уақыт көрсетеді, ең бастысы, басталған істі аяғына дейін жеткізу жауапкершілігі тұр. Бұл жаңақорғандықтар үшін керемет жаңалық болар еді. Ендеше, бақылау жұмысын жауапты сала қадағалап, тұрғындармен жүздесіп тұрғаны абзалырақ болар еді...

Жаңақорғанда жарық жүйесі жаңғырмақ

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев ел дамуына елеулі еңбек сіңірген Қазалы ауданының құрметті азаматы, «Құрмет» орденінің иегері Қасқырбай Әлімбайды 75 жасқа толған мерейтойымен құттықтады.Аймақ басшысы ардагердің ерен еңбегі мен өнегелі өмір жолына тоқталып, алғыс білдірді.<blockquote>«Мәнді де мағыналы, ғибратты ғұмыр кешіп, кіндігі байланған жерге адал қызмет еткен адамның абырой-беделі қашанда биік. Елдің сый-құрметіне бөленген Қасқырбай Әлімбайұлының азаматтық тұлғасы, адами болмысы өз алдына бір бөлек. Сіздің туған жерге сіңірген еңбегіңізді ел біледі және мақтаныш етеді. Парасатқа толы ғұмырыңыздағы өнегелі істеріңіз – ұрпаққа үлгі-өнеге. Облыстың әлеуметтік-экономикалық дамуы үшін қажымай-талмай атқарған еңбегіңізге алғысымыз шексіз», – деді облыс әкімі.</blockquote>Сыр елінің дамуына қосқан ерекше үлесі үшін Қасқырбай Әлімбайұлына Қызылорда облысының «Құрмет» грамотасы табысталды.Мерейтой иесін Қазалы аудандық ардагерлер кеңесінің төрағасы Оразғали Бекпанов, ел ағалары &nbsp;Бекмырза Еламанов және Айтбай Көшербаев құттықтады. Қасқырбай Әлімбайұлы &nbsp;1948 жылы Қазалы ауданы, Бірлік елді мекенінде дүниеге келген. Еңбек жолын 1965 жылы Энгельс атындағы совхозда жұмысшы-механизатор болып бастаған. 1975-1995 жылдары осы совхозда еңбекақы жөнінде экономист, «Қызылту» совхозының бас экономисі, Абай атындағы колхоз басқармасы төрағасының орынбасары, партия ұйымының хатшысы, Ү.Түктібаев атындағы кеңшар директоры, аудандық агроөнеркәсіп &nbsp;бірлестігінің төрағасы, Қазалы аудандық партия комитетінің екінші хатшысы, «Құмжиек» кеңшарының директоры қызметтерін атқарған. 1995 жылдан осы уақытқа дейін «Жалаңтөс батыр» жауапкершілігі шектеулі серіктестігінің директоры, 2012 жылдан «Қазалы несие» басқарма төрағасы міндетін қоса атқарып келеді.&nbsp;Қазалы аудандық кеңесінің депутаты, аудандық партияның бюро мүшесі, облыстық партия комитетінің мүшелігіне сайланып, ІV, V, VІ шақырылған Қазалы аудандық &nbsp;мәслихатының депутаты болған. &nbsp;<img src="https://knadmin.beoblood.kz/uploads/339112348_6051684618246330_4003583254353517271_n_8cea77b7b0.jpg" alt="339112348_6051684618246330_4003583254353517271_n.jpg"><img src="https://knadmin.beoblood.kz/uploads/338581828_171948351981267_1320118377296234972_n_a86f052c81.jpg" alt="338581828_171948351981267_1320118377296234972_n.jpg">

Нұрлыбек Нәлібаев еңбек ардагерін құттықтады

<a href="https://kyzylorda-news.kz/">Kyzylorda-news.kz.</a> Жақында облыс әкімінің орынбасары, Қазақстан Республикасы Президентінің «байқоңыр» кешеніндегі арнаулы өкілі Қайрат Нұртайдың төрағалығымен бейінді басқарма басшыларының қатысуымен байқоңыр қаласын дамытудың ұзақ мерзімді бағдарламасын іске асыру жөніндегі іс-шаралар жоспары мен іске асырылған жобалар және басқа да жоспарларды нақтылау мақсатында жиналыс өтті.Жиында аймақ басшысы Нұрлыбек Нәлібаевтың тапсырмасына сәйкес, Байқоңыр қаласы мен кешеннің дамуын қамтамасыз етуде бүгінгі күні іргелі істермен айшықталуда. Атап айтар болсақ, қаланы газбен қамтамасыз ету бойынша қаладағы бірнеше көпқабатты тұрғын үй, шағын және орта бизнес нысандары көгілдір отынға қосылды. Бұрын қала тұрғындары газдың 1 текше метріне 800-900 теңгенің шамасында, яғни валюта бағамына байланысты төлеп келген болса, қазіргі таңда төлем облыстың орташа тарифімен теңестіріліп отыр.Осы кезге дейін Байқоңыр қаласының жылу электр стансасы қымбат мазутпен жұмыс істеп келді. Әрине, бұл қала тұрғындарының қалтасына, әсіресе қалада тұратын ресейлік және қазақстандық мекемелерде жұмыс істейтін азаматтарға қаржылық шығын келтіретін. Ал, бүгінде Байқоңыр қаласы әкімшілігінің қолдауымен Байқоңырэнерго» ӨЭБ ЖБТ жылу электр стансасын мазуттан табиғи газға ауыстыруға ауқымды жұмыстар жүргізілуде. Бұл қаладағы коммуналдық қызмет тарифінің төмендеуіне оң әсерін тигізеді.Сонымен қатар, тұрғын үй мәселелерін шешу мақсатында да мемлекет қаражаты есебінен өткен жылдары «Нұрлы жер» мемлекеттік бағдарламасымен 50 пәтерлік 5 тұрғын үй ел игілігіне пайдалануға беріліп, қалада тағы бір шағын аудан пайда болса, өткен жылдан бері осы шағын ауданнан осы бағдарлама аясында тағы да 50 пәтерлік 5 тұрғын үйдің құрылысы жүргізілуде. Ал, қаладағы инженерлік инфрақұрылымды да сумен жабдықтау және су бұру жүйелерін жаңғырту жұмыстары басталды. Бұл құрылыс жұмыстарын 2025 жылға дейін аяқтау жоспарлануда.Жиында Қайрат Ырзақұлұлы Төретам кенті және Ақай елді мекендерінде, атап айтқанда газдандыру, басқа да құрылыс жұмыстарын сапалы әрі уақытылы аяқтауды мердігер мекемелер басшылары мен оларға жауапты мамандарға қатаң бақылауға алуды тапсырды.Жиын соңында Қазақстан Республикасы Президентінің «Байқоңыр» кешеніндегі арнаулы өкілі, облыс әкімінің орынбасары Қайрат Нұртай жұлдызды қалашықтың даму мәселелері Қазақстан Республикасы Президенті Қасым-Жомарт Тоқаевтың басты назарында екенін, осындай кең көлемдегі жұмыстар одан &nbsp;әрі жалғасын таба беретінін айрықша атап өтті. Қалалық ақсақалдар алқасы құрылдыҚазақстан Республикасы «Байқоңыр» кешені өкілдігінде Байқоңыр қаласы, Төретам кенті мен Ақай ауылдық округінің ардагерлер кеңесі мүшелерінің қатысуымен Қазақстан Халқы Ассамблеясы жанынан құрылған қалалық ақсақалдар кеңесі құрылып, оның алғашқы отырысы өтті. Оған Қазақстан Республикасы Президентінің «Байқоңыр» кешеніндегі арнаулы өкілі, облыс әкімінің орынбасары Қайрат Нұртай арнайы қатысып, қала маңында орналасқан елді мекендердің дамуына орасан үлесі бар екеніне, маңыздылығына тоқталып, кеңес мүшелеріне сәттілік тіледі.Отырыста ақсақалдар алқасы төрағалығына Қармақшы ауданының құрметті азаматы, академик С.Жиенқұлов атындағы Байқоңыр жоғары колледжінің директоры Әнуар Дәуленбаев, оның хатшысы болып білім саласының ардагері Жайық Кұпияев сайланды. Сондай-ақ, кеңестің мүшелігіне де өңірдің дамуына өзіндік үлесін қосып жүрген бір топ еңбек ардагерлері сайланды. Атап айтқанда, олардың қатарында құрылыс, білім, медицина, мәдениет, әлеуметтік, экология, кәсіпкерлік, құқық қорғау салаларында еселі еңбек еткен азаматтар бар.Жиында Қазақстан Республикасы Президентінің «Байқоңыр» кешеніндегі арнаулы өкілі, облыс әкімінің орынбасары Қайрат Нұртай қалалық ақсақалдар кеңесінің құрамын құттықтап, жүрекжарды жылы лебізін білдірді.&nbsp; «Ақсақалдар алқасы қала бойынша атқарылып жатқан жұмыстарға көмек көрсетіп қана қоймайды, ол дербес құрылым ретінде ел ішіндегі әлеуметтік мәселелердің дер кезінде шешімін табуына үлес қосады. Кеңес мүшелері елге сыйлы, түрлі салада еңбек еткен алдыңғы буын ағаларымыздан құралған. Осындай жоғары деңгейде жасақталған кеңес мүшелері өскелең ұрпақты тәрбиелеуде, ел бірлігін сақтауда өз үлесін қосады деп сенемін», деді ол.&nbsp;Түсіндірме жұмыстары жүргізілдіЖақында Байқоңыр қаласында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Б.Исмаханбетов пен облыстық денсаулық сақтау басқармасы басшысының орынбасары Ж.Шаймбетовтың қатысуымен қала тұрғындарына медициналық сақтандыру мәселелері бойынша түсіндірме жұмыстары жүргізілді.Жиын барысында қалада орналасқан медициналық сақтандыру бойынша білім саласы қызметкерлері, кәсіпкерлер көптен көкейлерінде жүрген түйткілді мәселелер бойынша сұрақтарын қойып, оның кейбірі оң шешімін тапты. Сонымен қатар, жиынға қатысушылар жауапты сала мамандарына сұрақтарын қойып, оған заң аясында тұщымды жауаптар алды. Осы ретте айта кететін жайт, Байқоңыр қаласы бойынша 4000-ға жуық Ресей Федерациясының заңнамасына сәйкес, ресейлік мекеме, кәсіпорындарда қызмет ететін қала тұрғындары, яғни зейнетақы алатын Қазақстан Республикасы азаматтарының сақтандырылмауы орын алып отыр. Қазіргі таңда, осындай түйіні шешілмеген мәселені Қазақстан Республикасы Денсаулық сақтау министрлігімен шешу жолдары қарастырылып, тиісті жұмыстар атқарылуда. Аталған мәселе Мемлекет басшысының «Байқоңыр» кешеніндегі арнаулы өкілі Қайрат Нұртайдың бақылауында.

Байқоңырдың дамуы тұрақты бақылауда

<a href="https://kyzylorda-news.kz/">Kyzylorda-news.kz.</a> Байқоңыр қаласындағы Жұмагүл Тілеуғабылова басқаратын №277 мектеп-лицейі еліміздегі үздік 100 мектеп қатарына енді.&nbsp; Алаштың біртуар ұлы Мағжан Жұмабаевтың: «...Мектебімізді таза, берік һәм өз жанымызға, қазақ жанына үйлесетін негізде құра білсек, келешегіміз үшін тайынбай-ақ серттесуге болады» деген сөзі талай дарын иелерін үлкен өмірге қанаттандырған осы білім ошағына берген бағасы ма деген ойға қаласыз.Жалпы алғанда, еліміз тәуелсіздік алғаннан кейінгі уақытта Байқоңыр қаласы бойынша алғаш рет 2013 жылы іске қосылған орта білім беру ордасынан осы күнге дейін 22 шәкірт «Алтын белгі», 16 шәкірт «Үздік аттестат» иесі тәрбиеленіп шыққан екен. Сонымен қатар, көптеген шәкірттер халықаралық, республикалық білім, мәдениет, спорттан жеңімпаз атанып, мектеп мерейін тасытса, енді бірі әлемдегі алдыңғы қатарлы университеттердің грантын жеңіп алып, қазақ ғылымының дамуына сүбелі үлесін қосып жүр.Бірлігі мен берекесі тасыған ұжымның соңғы жылдардағы жетістігіне тоқталар болсақ, 2021-2022 оқу жылында осы мектеп-лицейді бітіруші 36 түлек арасынан 26 шәкірт мемлекеттік грант иегері атанып, еліміздің әр аймағындағы жоғары оқу орындарында түрлі мамандықты меңгеруде. Ал, бүгінгі күні білім ордасында 62 сыныпта 1352 оқушы білім алуда. Шәкірттерге сапалы білім, саналы тәрбие беруде түрлі санаттағы 140 ұстаз білгентүйгенін шәкірт бойына сіңіртуде аянбай еңбек етуде. Ұстаздар арасында 8 педагогика ғылымдарының магистрі, 129 жоғары білімді, 5 орта арнаулы білімді, 24 педагогзерттеуші, 38 педагог-сарапшы, 28 педагогмодератор бар. Осындай ұйымшылдықпен жұмыс істеп келе жатқан ұжым шәкірт тәрбиелеудегі елеулі жұмыстары үшін 2015 жылы облыс басқармасы мен аудандық білім бөлімі тарапынан тағайындалған «Үздік мектеп», 2016 жылы «Үздік білім ордасы», 2018 жылы облыстық білім басқармасы мен кәсіподақ комитетінің «Жыл таңдауы» ісшарасының қорытындысымен «Ынтымағы жарасқан ұжым», 2019 жылы «Жыл үздігі», 2020 жылы «Әлеуметтік әріптес», 2021 жылы «Үздік идеялар жаршысы», «Жылдың үздік ұйымы», 2022 жылы «Ең үздік қала мектебі», «Озық идеялар мен технологиялар ордасы», «Білім шыңы» номинацияларымен марапатталды. Мектептің басты марапаты ол өткен жылы Қазақстандағы ең үздік 100 мектептің қатарына қосылуы болды.Тағы бір ерекше айта кетерлік жайт, облыстық білім басқармасының 20182019 оқу жылы қорытындысы аясында ұйымдастырылған облыстық байқау нәтижесімен №277 мектеплицейі «Орта білім беретін ең үздік ұйым» атағын иеленіп, 17 миллион теңгелік сертификатпен мадақталды. Әрине, мұндай жетістікке қол жеткізу ұлағатты ұстаз, бірлігі мен ынтымағы жа-расқан білім ордасындағы жемісті жұмыстардың арқасы.«Маған жақсы мұғалім бәрінен де қымбат, өйткені мұғалім – мектептің жүрегі», – деп халық ағартушысы Ыбырай Алтынсарин айтқандай, өзінің ұлағаттылығымен шәкірттеріне білім нәрін сеуіп, құрмет төрінен көрінген бірнеше ұстаз «Ыбырай Алтынсарин» төсбелгісімен, Қазақстан Республикасының Оқу-ағарту министрлігінің мадақтамасымен, Құрмет грамотасымен марапатталуы – ұстаз деген ұлы есімге лайықты екенінің айғағы. Сонымен қатар, олардың аудандық, облыстық, республикалық түрлі пәндік олимпиада, спорттық сайыс пен өнер байқауларынан жүлдегер атануы – әрине білім беру ордасы мұғалімдерінің жетістіктері мектеп мерейін тасытуда, оның аймақта үздіктер қатарынан орын алуына үлкен септігін тигізуде. Мектеп-лицейде білім алатын талантты, дарынды шәкірттер жетерлік. Олар халықаралық, республикалық, облыстық, аудандық, қашықтықтан оқыту пәндік олимпиадалардан, спорттық жарыстардан, шығармашылық байқаулардан жеңімпаз, жүлдегер атануда. Атап айтқанда, өткен оқу жылында республикалық пәндік олимпиаданың аудандық кезеңінен 25 шәкірт жүлделі орынмен мадақталса, бірнеше оқушы республикалық кезеңге жолдама алды. Түрлі бағыттағы олимпиадалар мен байқаулардан 16 оқушы жүлделі орындарға ие болды. Шәкірттер арасында ғылым бағытында да жетістікке жетіп отырғанын айта кеткен жөн. Жалпы білім беретін пәндер бойынша республикалық ғылыми жобалар байқауынан 3 шәкірт, республикалық «Зерде» конкурсының аудандық кезеңінен 10, облыстық кезеңінен 1 оқушы жүлделі орыннан көрініп, мектеп мерейін тасытты.Оқу орнында оқушылардың терең білім алуы мақсатында өздері таңдаған пәнді терең үйретуге мүмкіндік беретін заман талабына сай жабдықталған оқу кабинеттері бар. Атап айтқанда, химия, физика, биология, лингафон, алғашқы әскери дайындық, тарих, екі география, робототехника, IT класс, екі информатика және технология, обсерватория кабинеті шәкірттерге жанжақты білім беруде жұмыс жасайды. Осы ретте, айта кететін тағы бір ерекше жайт, бүгінде қоғамымызда белең алған цифрлық құзыреттілік заманында көш ілгерілеудің бірден-бір айғағы ол робототехниканың орта білім беру ордасында басталуында. Жалпы алғанда аталмыш мектеп-лицейінде робототехникамен шұғылданушы шәкірттер биылғы оқу жылында халықаралық деңгейдегі шараларға қатысып, абырой биігінен көрінді. Нақтысын айтқанда, бірқатар оқушы «Robo Fest - ORDA», VII халықаралық робототехника, бағдарламалау және инновациялық фестивалінде, «Инженерлік жобалар байқауы» фестивалінде жүлделі І орынмен марапатталса, енді бірі республикалық деңгейдегі байқаулардың аталымдары бойынша жүлделі орындармен мадақталды.Шәкірт жетістігі – ұстаз жетістігі. Осы орайда, мектептің дарынды шәкірттері «Алтын қазына» көркем және сәндікқолданбалы өнер бойынша балалар шығармашылығының республикалық көр¬ме-байқауынан I орынды жеңіп алса, «Ұлттық нақыштағы интерьердің ерекше дизайн-жобасы бойынша өңірлік байқауда II орын иегері атанған дарынды шәкірттер республикалық деңгейде өткен жобада жүлделі орындардан көрінді.Мектепте дебат зияткерлік ойыны да баса назарға алынған. Мектеп Парламенті «Жұлдызды қала» «Дебат» фракциясы қалалық, аудандық, облыстық қазақша, орысша, ағылшынша лигаларынан жүлделі І орынды иеленіп, республикалық «Ұшқыр ой алаңы» дебаттық сайысына екі рет жолдама алды және ақтық сынға түсіп, арнайы Алғыс хаттармен марапатталды.Мектеп жанынан құрылған «Шуақ» театрының да жетістіктері жетерлік. Театр мүшелер түрлі тақырыптарда, тіпті түрлі ұлт тілдерінде сомдаған қойылымдар мамандар тарапынан жоғары баға алып, аудандық байқауларда көш басынан көрінді. Енді бір ерекше айта кетерлік жаңалық – биылғы оқу жылының басында заманауи астрономиялық құрал-жабдықтармен жабдықталған, білім алушыларды астрономияға жақындатып, оларға телескоп арқылы аспан әлемін зерттеуге жол ашу мақсатында «Обсерватория» кабинеті жұмысын бастады.«Адамды адам ететін – кітап, адамзат ететін – кітапхана» деген тәмсіл бар. Мектепте 30000 –нан астам қоры бар кітапхана жұмыс істейді. 2020 жылы кітапханада «Coworking» орталығы ашылып, «Оқуға құштар мектеп» жобасы аясында білім алушылардың кітапқа деген қызығушылығын арттыруда жұмыс атқаруда.Мектеп-лицейдегі Назарбаев Зияткерлік мектептерінің тәжірибесіндегі тұлғаны тәрбиелеу мен әлеуметтендіруді, баланы дамытып жетілдіруді көздейтін «Шаңырақ» оқушылар қауымдастығының әлеуметтік жобалары тәрбие үдерісіне енгізілді. Қауымдастықтың мақсаты – бірыңғай топтар құру арқылы оқушыларды ауызбірлікке, біртұтастыққа бейімдеу, жоғары сынып пен төменгі сынып оқушылары арасында бауырмалдық, қамқорлық қарым-қатынас қалыптастыру. Қазіргі таңда мектептегі құрылған «Шаңырақ» қауымдастығы 12 әлеуметтік жоба бойынша жұмыс жүргізуде. Осылайша, жалпыадамзаттық құндылықтарды оқушы бойына сіңіру негізінен сыныптарда өткізіліп жатқан тәрбие және «Шаңырақ» сағаттары арқылы жүзеге асырылуда.Өткен оқу жылында «Қазақстан Республикасының үздік 100 мектебі» қатарына енген №277 мектеп-лицейі үшін табысты болды. Әрине, бұл марапат бірлігі мен тірлігі бір, берекесі мен беделі артқан ұжым үшін үлкен мәртебе.

Қазақстан және Қызылорда облысының жаңалықтары