<a href="https://kyzylorda-news.kz/">Kyzylorda-news.kz.</a>&nbsp; Түгіскен – беріректе пайда болған ауыл. Әдетте, біз көп елді мекеннің тарихын Кеңес үкіметі жасақталғалы, ұжым, колхоз болып құрыла бастағанынан білетінбіз. Ал Түгіскен кешегі 70-жылдарға таяу құрылған совхоз еді. Дұрысы, 1967 жылы тың жерлерді игеру мақсатымен қазіргі іргелі елдің іргетасы қаланды. Міне, бір кездері сол ауылдың өркендеу жолында еңбек етіп, тер төккен азаматтардың бейнеті ақталып, Түгіскен ауылы Жаңақорғандағы көркейген елді мекендердің қатарына кіргелі де аз уақыт болмады.Бұл ауылда бір емес, екі мектеп бар. 700-ден аса отбасы тұрады. Дәрігерлік амбулатория, дәріхана, 2 мемлекеттік, 4 жеке балабақша, пошта, қоғамдық монша мен көптеген дүкен жұмыс істеп тұр. Өнер мектебі, мәдениет үйі халыққа қызмет көрсетіп, №8 спорт мектебінде түгіскендік оқушылар 8 спорт үйірмесі арқылы жаттығып келеді. Жанар-жағармай құю бекеті, ауызсу тарату мұнарасы бар, аяқсу екі канал арқылы келіп тұр.Түгіскенде түрлі кәсіпті игеріп, табыс тауып отырғандар жеткілікті. Бұрын аймақтағы ең ірі тұқым шаруашылығы да осында болған. Қазір егін мен атакәсіп – мал шаруашылығы бойынша 112 шаруа қожалығы жұмыс істейді. Ал ауыл бойынша тіркелген кәсіпкерлер саны – 135.Бір ғана мысал, ауыл тұрғыны Қасымхан Әбуталипов отбасылық кәсіпті бастағалы көп бола қоймапты. Түгіскендегі ірі тұқым шаруашылығы 2014 жылы тараған соң қаңырап қалған көп ғимараттың бірнешеуін аукцион арқылы сатып алған. Кейбірін бұзып, қайта салыпты. Соның бірінде бордақылау алаңын ашса, енді біріне құрылыс заттарын өндіретін цех орналастырған.<blockquote>– Мемлекет ұсынған кәсіпкерлік бағытындағы тиімді бағдарламалар барын білемін. Бірақ құжат дайындап, оған қатыса қойғаным жоқ. Алдағы жоспарымда бар. Әзірге ағам Оспан және інім Батырханмен бірлесіп, «Тұран-Агро» қожалығын құрып, ауылдық жерге тиімді кәсіппен айналысып келеміз. Өзіңіз көргендей, бордақылау алаңында ірі қара мен жылқы бағамыз. Сатып алған ғимарат ішін 50-60 бас ірі қараға ыңғайлап, құнарлы азықпен бағып отырмын. Қоң жинаған соң аудан мен ауыл халқына жіліктей отырып та, тікелей де сатылымға шығарамыз. Жұмыс жыл бойы тоқтамайды, семіз мал сойылған соң орнына басқа ірі қара бағылатыны белгілі. Ауылдың үш тұрғынын тұрақты жұмысқа алып, жалақысын уақытылы төлеп келемін, – дейді кәсіпкер.</blockquote>Қасымханның айтуынша, биылдың өзінде 150 бас ірі қара мен жылқы бордақыланған. Әсіресе, қыс айында етке сұраныс көп. Сондай-ақ, алдағы уақытта жем сақтайтын қойма, мал сою алаңын салып, оның көңін пайдаланатын, тыңайтқышқа қажетті калифорниялық шұбалшаң өсіруді қолға алмақ. Бұдан бөлек, қой түлігін көбейтуді жоспарлап отыр. Шаруа қожалығының иелігінде 160 гектарға жуық жер бар. Оның 90 гектарына жоңышқа, бидай, күріш егіп отыр. Қалғаны мал жайылымына арналған.<blockquote>– Екінші кәсіп түрі – құрылыс заттары. Бос жатқан ғимаратты сатып алысымен, оған өз қаражатыммен жарық, су тартып, шлакоблок пен газоблок өндірісін қолға алдық. Шағын цехтан бір күнде газоблоктан 300-400, ал шлакоблоктан 600-800 данасын шығаруға болады. Сәуір айынан бастап, күзгі суық басталамын дегенше жұмыс тоқтамайды. Шикізаты жергілікті Шиелінің цементі, осы маңның топырағы. Тек кейбір қоспалары ғана басқа облыстан келеді. Біздің ауыл Жаңақорғандағы үлкен елді мекен болғандықтан, бұл өнім өзімізден ауыспай тұр. Жұмыс уақыты маусымдық кезеңге сәйкес келетіндіктен, мұнда құю жұмыстарында 4 адам жүрсе, көлікке арту, түсіру жұмыстарын 7-8 адам атқарады. Бұлардың барлығы да – ауыл тұрғындары. Осылайша оларға қосымша қаржы табуға да мүмкіндік бар, – дейді Қасымхан.</blockquote>Ал Гүлхан Бекзатханова ауылдан тігін цехын ашып, өзімен бірге бір адамды жұмыспен қамтып отыр. Ел арасындағы қыз ұзату мен келін түсіру тойының шымылдығы мен көрпе-жастығын тігіп, кәсіп еткен келіншек мемлекеттік бағдарлама арқылы бизнесін бастаған.<blockquote>– 2017 жылдан бастап өз бетімше тігін тігуді үйрендім. Қосымша Қызылорда қаласында тұратын Күләш Тілеуова есімді тігінші апайдан біраз дәріс алдым. Кестелерді құрап, ою ойып, көрпе мен жастықтың сыртқы тысын көркемдеп, қолымды жаттықтырдым. Шағын тігін машинам арқылы киім қысқартып та жүрдім. Ал былтыр желтоқсан айында «Өнер» тігін орталығы деп аталатын жеке кәсіпкерлігімді ашып, «2021-2025 жылдарға арналған кәсіпкерлікті дамытудың ұлттық жобасы» аясында конкурсқа қатысқанмын. Сөйтіп 1 млн 225 мың теңге көлемінде қайтарымсыз грант ұттым. Ол қаржыға заманауи үш тігін машинасын және мата кесетін аппарат, үтік, тағы басқа керекті өзге құралдарымды түгелдедім, – дейді кәсіпкер келіншек.</blockquote>Гүлхан «Instagram» парақшасы арқылы да жұмысын жарнамалап отырады. Аудан көлемінен ғана емес, Алматы секілді үлкен қалалардан да тапсырыс түседі. Біз барғанда ол көрші Қожакент ауылындағы ұзатылатын қызға жасау тігіп жатыр екен.<blockquote>– Мен бағаны халыққа қолайлы етіп қоямын. Қыз жасауын 150 мың теңгенің көлемінде дайындап беремін. Адам қанағат ету керек. Мысалы, көрпеге мақта салу керек болса, оның жұмысы 3-4 мың теңгені құрайды. Ал мен оны 2 мың теңгеге көктеп беремін. Кәсіп істеп, ақша табамын дегенмен де ел жағдайын да бір ойлап қойған абзал. Қазір көрші келіншек пен қайын сіңліме осы тігін өнерін үйретіп жүрмін. Негізгі өнім – қыз жасауы, шымылдық, түрлі көрпе мен жастық. Келешекте кәсібімді үлкейту жоспарымда тұр, – дейді ол бір сөзінде.</blockquote>Тігіншілік өнерге асқан сабыр қажет. Ол өнімнің бағасы матаның сапасына қарай болатынын да айтып қалды. Ал қажетті шикізатты Шымкент, Түркістан қаласынан алдырады екен. Сондай-ақ Гүлхан тігін жұмысында көбіне-көп ұлттық нақыштағы ою-өрнекті пайдаланатынын байқадық.Иә, құжат жүзінде Аққорған ауылдық округі болып аталатын Түгіскенде бұдан да өзге жағымды жаңалық көп. Ауыл халқы былтыр 7 мың гектардан астам жерге егін егіп, мол өнім жинады. Сондай-ақ елді мекенде 11 мың төрт түлік тіркелген. Әсіресе, ірі қара мен қой көп. Жылқы да аз емес. Асыл тұқымды мал басын арттырып отырғандар да бар.Түгіскенде егіннен бөлек, отбасылық кәсіпті түлеткендер де көп. Сондай-ақ жыл сайын әртараптандыру бағытында жұмыстары жанданып, қажеттілікке қарай, күріштен өзге суды аз қажет ететін дәнді дақылдар егіліп келеді.Тағы бір жаңалық, бала туу көрсеткіші ұлғайып, ауыл халқының саны жыл сайын артуда. Осылайша береке-бірлігі бекем түгіскендіктер мал мен егін өсіріп, елге қажетті өнімді өздерінен-ақ шығарып отыр.&nbsp;

Түгіскен ауылында 135 кәсіпкер бар 

<a href="https://kyzylorda-news.kz/">Kyzylorda-news.kz.</a> &nbsp;Жаңақорған ауданы жастарын қандай мәселелер толғандырады? Әр саланың жүгін арқалап жүрген жас маманның қоғам дамуына, әлеуеті мен экономикасының өрлеуіне қосар үлесі, айтар ұсынысы бар ма? Осы және өзге мәселелерді талқылау, талдау үшін аудан әкімі Мұрат Тілеуімбетов жастарды бір арнаға жинап, ортақ мүдде жолында еркін форматта кездесті.Сала мамандарын, билік өкілдері мен бұқараны, аналар мен ардагерлерді қабылдап, әлеуметтік-экономикалық мәселелерді тізбектеген аудан басшысы жастармен жүздесуді жаңа жүйеде өткізуге бел буыпты. Жылы кабинетте емес, дала төсінде бас қосқан жалынды жастар «Тау самалы» тынығу лагеріне жиналды. Тұмса табиғаты, саф ауасы, самал желі ескен тынығу аймағындағы «Алау басындағы кездесу» шарасы қасиетті айдың соңғы күніне сәйкес келгендіктен, ауызашар беріліп, көптің сауабына кенелді. Ойда жүрген мәсе¬лелер ортаға салынып, өнер өрімі өрнегін тапты.– Жастар – болашақтың бастауы, келешектің көкжиегін қалыптастырушы, қоғамның қозғаушы күші. Ақыл – жастан дейді, олардың тың идеялары, бастамалары мен жобалары ел үшін, мемлекеттің ертеңі үшін үлкен инвестиция. Жастар қашанда жігерлі, ашық, еркін өсуі тиіс. Айтарын ашық, бүкпесіз жеткізуі керек. Ауданның кемелденуі, болашағының баянды болуы осы жастардың қолында. Сондықтан жастармен кездесуді осылай еркін түрде өткізуді ұсынған болатынмын, – деген аудан басшысы жастардың қойған сауалдарына жауап беріп, өмірлік өнегесі, қызметтік тәжірибесімен бөлісті.Кездесу кешінің тізгінін Манап Көкенов атындағы мәдениет үйінің қызметкері, жас талант Айжарқын Найманбай ұстады. Мұрат Жолкелдіұлы өзінің жүріп өткен жолы, ауданға келгендегі негізгі миссиясы, алдағы атқа¬рылар жұмысына қысқаша тоқталды. Алғашқы сауалды білім бөлімінің әдіскері Ақниет Ераханқызы қойды.– Ауданға келген қадамыңыз құтты болсын, аудан жастарымен осындай кездесуге келгеніңізге рахмет. Сара жолдан дара жолға демекші, жалпы өзіңіздің отбасыңыз туралы айта кетсеңіз. Балаларыңызға қандай салаға баруға бағыт-бағдар бердіңіз?– Бала – бауыр етің, қандай ата-ана болсын өз перзентінің биік шыңнан көрінгенін қалайды. Олардың биігі әке-шешенің тәрбиесі мен тәлімі, білімі деп қарауымыз керек. Менің 2 қыз 1 ұлым бар. Шынын айтқанда, мен балаларыма мамандық таңдауда тек бағдар беріп отырдым. Үлкен қызым Елордада кәсіппен айналысуда. Бала кезден компьютерге құмартып, кейіннен осы техниканың тілін терең түсініп, кәсібін жолға қойды. Ұлым заңгерлікті таңдап, бүгінде құқық қорғау саласында қызметте. Кенжеміз әкімдікте жұмыс жасайды. Қазір Алла берген 10 немерем бар, – деді ол.Аудан әкімі сөз басында бұл кез¬десуді 1 мамыр күні ұйымдастыруды жоспарлағанда бірлік пен ынтымақ мерекесінің жастарға жарқын тәлімін таңдаса керек. Бауырмал болуға, бір шаңырақ астында тату-тәтті күн кешіп, елдің дамуына өз үлестерін қосуға үндеген әкім сөзі кездесуге жиналған өзге ұлт өкілі жастарына да әсер етті.– Мұрат Жолкелдіұлы, жалпы Жаңақорғанда қанша ұлт тұрса да ана тілге, салт-дәстүрге деген құрметі жоғары. Осы бірлік пен ауызбіршілікті қайткенде нығайта аламыз? – деді Д.Романов атындағы №53 орта мектептің мұғалімі Каюмжан Отабеков.– Қазақта «Бөлінгенді бөрі жейді» деген тәмсіл бар. Иә, қазақ кеңпейіл, дархан көңілді халық. Осы бір асыл қасиетімізден айырылмау үшін ұлтқа қызмет ету жолында жұмыла жұмыс жасауымыз керек. Қазір біздің ауданда 600-ден аса түрлі ұлт өкілдері ғұмыр кешуде, олардың тыныс-тіршілігімен танысып келемін. Ең бастысы, бәріміз бір Отан, бір мүдде, бір болашақ жолында еңбегімізді еселей беруіміз тиіс. Сонда ғана еліміз одан әрі гүлдене бермек, – деді әкім.Бүгінгі жастардың дені спортқа бет бұрды. Әсіресе, елді мекен¬дер¬де кешқұрым жастар бір сәт денешынықтырумен, әсіресе, футбол, волейболмен шұғылдануға әуес. Алайда, кей¬бір ауылдарда жағдай жасалынбаған. Мәселен, Қыраш ауылынан келген Бауыржан Әбдуәлі шағын алаңдардың тым ескіргенін алға тартса, Қазақбай Нұрғазы Сунақатадағы спорт кешеніне кіре алмаймыз деп ренішін білдірді.– Менің ауданға келгенде алдыға қойған ең басты мақсатым – әлеуметтік мәселелерді шешу. Ардагерлер мен аналардың мәселесіне, жастарға қолдау білдіру еді. Қыраш елді мекеніндегі жасыл алаңдар екі ай көлемінде жөнделетін болады. Мүмкіндік болса, спорт кешенін салуға жұмыс жасаймыз. Ал, Сунақатадағы спорт ғимараты кешкі сағат 7-ден бастап жастардың игілігіне берілуі тиіс. Бұл мәселе өзге де ауылдарда бар, оны да кезең-кезеңімен шешетін боламыз, – деді аудан басшысы.Праймериз кезінде кандидатурасын ұсынған ең жас үміткер Айсана есімді ару балалар жылына жоспар-межені сұрады. Аудан әкімі жоспар көп екенін алға тартты. Ең бірінші, кенттегі болашақ балалар паркін күзде бітіруге жұмыс жасайтынын айтты. Заманға сай, барлық спортпен шұғылдана алатын, балалардың аттракционы бо¬латынын сызбадан көрдік. 2,6 гектар аумаққа салынатын инвестицияның әлеуеті расында көз тартады. Жастар орталығын салуға жұмыс жасайтынын, биыл уақытша болса да басқа ғимаратты әрлеп, сәнін келтіріп жастарға беру ойында бар екенін айтты. Жастар бұдан да басқа ойларын ортаға салып, идеяларымен бөлісті.Аудандық жастар ресурстық орталығының ұйымдастыруымен өткен кездесу соңы әнмен өріліп, түнгі дала төрін түрлі аспаптардың әуені тербеді. Мұрат Жолкелдіұлы жастарға естелік ретінде орталық директоры Наурызбай Орынбасаровқа ноутбук табыс етті.– Бүгінгі шараның мақсаты – жастардың аудан әкімімен емін-еркін дидарласу арқылы ойда жүрген сауалдарын, түйінді мәселелерін қозғасын едік. Мүмкіндік болса әлі аудан әкімі өзі жастармен жиі кездесіп, бірге жұмыс жасауды көздеп отыр. Ол уақыттың еншісінде, дегенмен, жастар мәселесіне байланысты қыруар шаруа бар, Мұрат Жолкелдіұлы жастарға қай кезде болмасын есік ашық екенін жеткізді. Бұл да біздерге күш беріп, демеу болады, – деді Наурызбай Ерікұлы.Бүгінгі тағылымды кездесуде ойын ашық айта алатын, креативті, жігерлі, отансүйгіш, патриот, қоғамшыл, өнерлі, ең бастысы, қазақы қасиетті бойына сіңірген, өр-рухты жастардың сан саланың жүгін көтеріп, елдік жолда қызмет етіп жүргенін көрдік. Сондықтан осындай жігерлі жастарға қолдау білдіріп, олардың биік мұрат-мақсатына жол салуда аға буын ақылман болып, жөн көрсетсе нұр үстіне нұр.

Жаңақорған ауданының әкімі жастармен еркін форматта кездесті

<a href="https://kyzylorda-news.kz/">Kyzylorda-news.kz.</a> Қазіргі таңда аудан тұрғындары үшін басты мәселе – жұмыс көзін табу, оның ішінде мемлекеттен қолдау көрсетіліп жатқан қайтарымсыз грант арқылы кәсіпкерлікпен айналысу. Осы ретте, аудан бойынша 2021-2025 жылдарға арналған кәсіпкерлікті дамыту жөніндегі Ұлттық жобаның өңірімізде қалай іске асырылып жатқаны туралы аудандық жұмыспен қамту орталығының басшысы Орынбек Мұнарбаевпен жолығып, тілдескен болатынбыз.Мемлекет басшысының Жолдауларында берілген нақты тапсырмаларға сәйкес көптеген іргелі істер атқаруда. Тіпті мемлекеттік бағдарламалар арқылы азаматтарды, оның ішінде жастардың пайдалы іспен айналысуына қолдау көрсетілуде. Бүгінде жұмыс іздейтін жандар көп. Оларға мемлекет тарапынан арнайы жобалар әзірленіп, тұрақты қолдау көрсетіліп келеді. Аталған жобалардың басты мақсаты – қаржылық қиындыққа тап болған адамдарға қолдау көрсетіп, жұмыс ұсыну, жұмысқа орналас-тыру. Осы орайда аудандық жұмыспен қамту орталығының жай-күйімен танысып, біраз ақпаратқа көз жеткізіп қайтқан едік.Мекеменің жұмысына тоқталар болсақ, 2023 жылдың &nbsp;3 ай қорытындысы бойынша аудан бойынша жұмыс іздеуші ретінде хабарласқандар саны 1938, оның – 676 жас жұмыссыз азаматтар. Оның ішінде жұмыс іздеуші ретінде тіркелгені – 1678 болса, жастардың саны – 549. Наурыз айының 31-ші жұлдызында тіркелген жұмыссыздар – 1990, үлесі &nbsp;8,4 пайыз. 84 азамат жұмысқа орналастырылып, оның ішінде жастары – 41 адам. &nbsp;Ал 2022 жылдың &nbsp;аудан бойынша жұмыс іздеуші ретінде хабарласқандар саны 3468-ды құраса, оның ішінде &nbsp;– 1305 жас жұмыссыз азаматтар. Оның ішінде жұмыс іздеуші ретінде тіркелгені – 2466 болса, жастардың саны – 739. &nbsp;Өткен жылда аудан бойынша есепте тұрған жұмыссыз азаматтардың саны – 502 адам, жастар саны 245. Тіркелген жұмыссыздар үлесі &nbsp;2,1 пайыз. 1018 азамат жұмысқа орналастырылып, оның ішінде жастары – 222 адам.<blockquote>«Қысқа мерзімді кәсіптік оқыту – техникалық және кәсіптік білім беру жүйесінің жұмысшы кадрларды кәсіптік даярлау және қайта даярлау бойынша оқыту мерзімі қысқартылған білім беру бағдарламаларын іске асыруды көздейтін бөлігі. Былтыр осы орайда ауданның жұмыссыз тұрғындары мен жастары арасында жұмыссыздықты азайту мақсатында қысқа мерзімді кәсіптік оқулар ұйымдастырылып, оған мерзімді кәсіптік оқуға 30 адамды оқытуға облыстық бюджеттен 6 988 000 мың теңге қаралды. 4 жұмыс берушіден 30-адамға өтінім берген. Атап айтқанда, ЖК «Омарова» аспазшы мамандығы бойынша – 10 адам, ЖШС «Әмбебап» тігінші мамандығы бойынша – 5 адам, ЖК «Оспанова Р» тігінші мамандығы бойынша – 5 адам, ЖК «Усенов Қ» тас қалаушы мамандығы бойынша – 10 адам. Өтінімге сәйкес үш мамандық бойынша Қармақшы аграрлы – техникалық колледжіне жұмыссыз 30 адам жолданып, 30 адам оқуын аяқтады. Оның ішінде жастардың саны – 5. 21 адам тұрақты жұмысқа орналасты», – дейді бөлім басшысы.&nbsp;</blockquote>«Бастау – Бизнес» кәсіпкерлік негіздері курсына 2022 жылы онлайн негізінде 727 – адам оқуға тіркеліп, оның 687 адам оқуды аяқтаған. Жаңа бизнес -идеяларды іске асыруға республикалық бюджеттен 400 АЕК бойынша 180 адамға 220 536 000 теңге, Ұлттық қордан 190 адамға, &nbsp;232 763 000 теңге қайтарымсыз грант қаралған. Оның ішінде жастарға республикалық бюджеттен – 59 адамға 72 287 000 теңге, Ұлттық қордан 99 адамға, &nbsp;121 295 000 теңге қаралған. &nbsp;Барлығы 370 адамға 453 299 000 теңге қаралды. Жыл бойы барлығы 370 – адам қайтарымсыз грант алды.&nbsp;І лекке &nbsp;қайтарымсыз грант алуға онлайн түрде 9 – адам өтініш берді. 29-жасқа дейін 2 адам, әлеуметтік осал санаттағы азаматтар – 7 адам. Комиссия отырысы қорытындысы бойынша барлығы 7 – адам (8 576 400 теңге) бизнес жобаларын қорғап, оң шешімін тапты, оның ішінде жастары 1– адам. &nbsp; &nbsp; &nbsp;ІІ лекке қайтарымсыз грант алуға онлайн түрде 177 – адам өтініш берді. Комиссия отырысы қорытындысы бойынша барлығы 120 – адам (147 024 000 теңге) бизнес жобаларын қорғап, оң шешімін тапты, оның ішінде жастары 52 – адам, Атаулы әлеуметтік көмек 4 – адам, Мүмкіндігі шектеулі тұлғалар 18 – адам, Көп балалы отбасы мүшелері 38 – адам, Мүмкіндігі шектеулі балаға қараушылар 6 – адам, Асыраушысынан айырылуына байланысты жәрдемақы алушылар 2 – адам.&nbsp;ІІІ лекке қайтарымсыз грант алуға онлайн түрде 160 – адам өтініш берді. Комиссия отырысы қорытындысы бойынша барлығы 103 – адам (126 195 600 теңге) бизнес жобаларын қорғап, оң шешімін тапты, оның ішінде жастары 52 – адам, Атаулы әлеуметтік көмек алушылар &nbsp; 1 – адам, Мүмкіндігі шектеулі тұлғалар 8 – адам, Көп балалы отбасы мүшелері 32 – адам, Мүмкіндігі шектеулі балаға қараушылар 7 – адам, Асыраушысынан айырылуына байланысты жәрдемақы алушылар 1 – адам. ІV лекке қайтарымсыз грант алуға онлайн түрде 281 – адам өтініш берді. Комиссия отырысы қорытындысы бойынша барлығы 140 – адам (171 528 000теңге) бизнес жобаларын қорғап, оң шешімін тапты, оның ішінде жастары 53 – адам, Атаулы әлеуметтік көмек алушылар 6 – адам, Мүмкіндігі шектеулі тұлғалар 17 – адам, Көп балалы отбасы мүшелері 48 – адам, Мүмкіндігі шектеулі балаға қараушылар 13 – адам, Асыраушысынан айырылуына байланысты жәрдемақы алушылар 3 &nbsp;– адам. Жастар тәжірибесіне республикалық бюджеттен 34 адамға 10 558 000 теңге, жергілікті бюджеттен 3 249 000 теңге, облыстық &nbsp;бюджеттен &nbsp;2021 жылдан &nbsp;2022 жылға &nbsp;2392000 теңге жалғастырушыларға төленді. Ұлттық қордан 44 – адамға, 47 952 000 теңге (Барлығы 78 адам 64 151 000 теңге). Республикалық бюджеттен және Ұлттық қордан &nbsp;барлығы – 125 адам (барлығы жастар), 56 мекемеге жолданып, 21 адам аяқтап, 8 адам тұрақты жұмыспен қамтылды, 2023 жылға 104 адам жалғастырады.«Алғашқы жұмыс орны» жобасына – облыстық бюджеттен 2 адамға 326 000 теңге, Ұлттық қордан 3 – адамға 2 297 000 теңге, барлығы 2 623 000 теңге қаралған. Жоспарға сәйкес жолданған адам саны – 6 адам (барлығы жастар). (ЖК «Скакова», Иіркөл шаруа қожалығы, Рабиға шаруа қожалығы, №9 Достық балабақшасы, Аудандық жыраулар үйі). 1 адам аяқтап, тұрақты жұмыспен қамтылды. &nbsp;2023 жылға 5 адам жалғастырады.Қоғамдық жұмысқа республикалық бюджеттен 10 206 000 теңге, жергілікті бюджеттен 130 адамға 43 528 000 теңге , Ұлттық қордан 337 адамға &nbsp;273 816 000 теңге (Барлығы 467 адамға 328 350 000 теңге). Қоғамдық жұмысқа барлығы 745 адам жолданды, оның ішінде жастары 135 – адам, тұрақты жұмыспен қамтылғаны 427 адам. Республикалық бюджеттен – 216 адам 62 мекемеге жолданып, 216 адам аяқтап оның ішінде 107 адам тұрақты жұмыспен қамтылды, жергілікті бюджеттен – 319 адам, 30 мекемеге жолданып, 319 адам аяқтап, оның ішінде 227 адам тұрақты жұмыспен қамтылды, Ұлттық қордан – 210 адам, 67 – мекемеге жолданып, 210 адам аяқтап, 93 адам тұрақты жұмыспен қамтылды.&nbsp;Әлеуметтік жұмыс орындарына &nbsp;республикалық бюджеттен 20 адамға 4 894 000 теңге қаралды.11 кәсіпкерлік субьектіге барлығы – 20 адам жолданып, толық аяқтап,тұрақты жұмыспен қамтылғаны 9 адам.«Күміс жас» жобасына – Ұлттық қордан 1 адамға 110 000 теңге қаралған. Жоспарға сәйкес жолданған адам саны – 1 адам. (Дәуіт шаруа қожалығы )«Онлайн – оқу курстары» (skills.enbek.kz платформасы) жоспар 62 адам, 14 – кәсіп түрі бойынша барлығы &nbsp;98 адам оқытылды, жастары – 20 адам орындалуы 158,1 пайыз. Кәсіп атауларына келсек, бройлер тауығын өсіру, жылыжайларда қызанақ пен бұрыш өсіру, микрожасылдарды өсіру технологиясы, мал бордақылау, сүтті мал шаруашылығы, А-дан Я-ға дейін құлпынай өсіру, жылыжайларда лимон өсіру, қояндарды өсіру, жабық сумен жабдықтау жүйесі арқылы балық өсіру, ірі қара малды бордақылау, сабын жасау, қатпарлы қамыр дайындау технологиясы, үйректер мен қаздарды өсіру.&nbsp;Биыл қысқа мерзімді кәсіптік оқуға 22 адамды оқытуға жергілікті бюджеттен 9 789 000 мың теңге қаралды. Ал «Бастау – Бизнес» кәсіпкерлік негіздері курсына 2023 жылдың 3 ай қорытындысы бойынша &nbsp;онлайн негізінде &nbsp;244 – адам оқуға тіркеліп, оның 241 адам оқуды аяқтап, 3 адам оқуды жалғастыруда. Жаңа бизнес - идеяларды іске асыруға республикалық бюджеттен 400 АЕК бойынша 144 адамға 198 720 000 теңге қаралды. 198 адам өтініш білдірген. Грант алған – 36 адам. &nbsp;Қаржысы 49 680 000 теңге.Жастар тәжірибесіне жергілікті бюджеттен 191 адамға 237 222 000 теңге қаралды. 2023 жылдың 31 – ші наурызда &nbsp;барлығы &nbsp;– 20 адам (барлығы жастар), 14 мекемеге жолданып, 2022 жылдан 2023 жылға 104 адам жалғастыруда, 21 адам аяқтап, 6 адам тұрақты жұмысқа орналасты.«Алғашқы жұмыс орны» жобасына – жергілікті бюджеттен 64 адамға 72 657 000 теңге қаралған. Қаралған қаржыға 1 мекемеге 1 адам жолданды. 2022 жылдан 2023 жылға 5 адам жалғастыруда.Қоғамдық жұмысқа жергілікті бюджеттен 857 адамға 694 604 000 теңге қаралды. Қоғамдық жұмысқа барлығы 717 &nbsp;адам &nbsp;жолданды, оның ішінде жастары 108 – адам. Жергілікті бюджеттен – 717 адам 131 мекемеге, оның ішінде &nbsp;49 &nbsp;жеке ұйымға жолданды. 4 адам жұмысты аяқтап, 1 адам тұрақты жұмысқа орналасты.Әлеуметтік жұмыс орындарына &nbsp;жергілікті бюджеттен 46 адамға 38 088 000 теңге қаралды. Жоспарға сәйкес 15 адам 9 мекемеге жолданды.«Күміс жас» жобасына – жергілікті бюджеттен 26 адамға 22 604 000 теңге қаралған. Жоспарға сәйкес 22 адам 9 мекемеге жолданды«Ұрпақтар келісімшарты» жобасына – жергілікті бюджеттен 3 адамға 1 863 000 теңге қаралды.«Мүмкіндігі шектеулі тұлғаларға әлеуметтік жұмыс орны» жобасына – жергілікті бюджеттен 1 адамға 652 000 теңге қаралды.«Мүмкіндігі шектеулі тұлғаларға жұмыс орны» жобасына – жергілікті бюджеттен 1 адамға 1 035 000 теңге қаралды.«Кәсіби біліктілік ваучерлері» жобасына – жергілікті бюджеттен 4 адамға 207 000 теңге қаралды «Онлайн – оқу курстары» (skills.enbek.kz платформасы) жоспар 108 адам, 6 – кәсіп түрі бойынша барлығы 123 адам оқытылды. Пайыз үлесі 114.

Қармақшыда 370 адам қайтарымсыз несие алған

<a href="https://kyzylorda-news.kz/">Kyzylorda-news.kz.</a> Қармақшы ауданында учаскелік инспекторлары халық алдында есеп берді.Алдында ала белгіленген кестеге сай, Қармақшы аудандық полиция бөлімінің Жергілікті полиция қызметінің учаскелік полиция инспекторларының биылғы жылдың бірінші тоқсанында атқарған жұмыстары бойынша халық алдында есеп беру кездесулері ұйымдастырылуда.&nbsp;Апта басында Көмекбаев, Қуаңдария, Алдашбай ахун, Тұрмағанбет ауылдық округтерінде басталған кездесуге жиналған тұрғындар алдында сөз сөйлеген Жергілікті полиция қызметі бастығы полиция майоры Е.Палжанов қоғам қауіпсіздігі қашанда бірінші орында тұратынын, сондықтан тәртіп сақшыларына үлкен жауапкершілік артылантындығын айтты.&nbsp;Мұнан кейін учаскелік полиция қызметкерлері тұрғындар алдында атқарылған жұмыстары туралы баяндамаларын жасады. Сонымен қатар, баяндамада анықталған әкімшілік құқық бұзушылықтардың статистикасы, мас күйінде қылмыстың алдын алу бойынша қабылданған алдын алу шаралары және «мүлдем төзбеушілік» қағидаты қалай жұмыс істейтіні айтылды. Бұл полиция жұмысының сервистік моделіне көшу және халықпен тиімді серіктестік орнату, «полицияның қадамдық қолжетімділік» және «халық үніне құлақ асатын мемлекет» қағидаттарын іске асыру, құқық бұзушылықтардың, әсіресе, отбасы-тұрмыстық қатынастар саласындағы құқық бұзушылықтардың алдын алу.&nbsp;Кездесу соңында қатысушылар көкейінде жұрген сұрақтарға өз деңгейінде жауаптарын алды.<figure class="image"><img src="https://knadmin.beoblood.kz/uploads/339296591_179942154974189_5623542441326807189_n_7190948c68.jpg" alt="339296591_179942154974189_5623542441326807189_n.jpg"></figure>

Қармақшыда учаскелік инспекторлар халыққа есеп берді

<a href="https://kyzylorda-news.kz/">Kyzylorda-news.kz.</a>&nbsp;Бүгін қылмыстық атқару саласына қарасты №68 мемлекеттік мекемесінде мекеме бастығының орынбасары, әділет полковнигі Ж.Зиябековтің қатысуымен саптық тексеріс өткізілді. Шара барысында қызметкерлердің сыртқы &nbsp;көрінісі және оның белгіленген талаптарға сәйкестігі тексерілді.Айта кету керек, күні &nbsp;бұрын &nbsp;кадр саясаты тобының кәсіби қызметтік &nbsp;және дене шынықтыру жөніндегі аға инспекторы, әділет капитаны М.Тұрымбетов жеке құрамға саптық тексеріс болатындығы жөнінде хабарлады. Жеке құрам саптық тексеріске жауапкершілікпен қатысты.Саптық бой түзеу барысында қызметкерлердің жазғы киім үлгісін киюге көшу дайындығы, жеке құрамның қызметтік куәліктерінің, төсбелгілерінің және нысанды киім элементтерінің болуы тексерілді.&nbsp;Жалпы, қызметкерлердің киім үлгісінің сипаттамасы, айыру белгілері, кию тәртібі мен нысанды киіммен &nbsp;қамтамасыз ету нормасы Қазақстан Республикасының заңнамасымен белгіленген. Нақтырақ айтсақ, &nbsp;ҚР ІІО ішкі қызмет Жарғысының бекіту туралы 2013 жылғы 01 сәуіріндегі №213 бұйрығын &nbsp;және ҚР ІІМ-нің ҚАЖ комитетінің нұсқаулығына сай, бүгін мекеменің &nbsp;жеке құрамы жазғы уақыт киім үлгісіне көшті.<blockquote>«Шара барысында &nbsp;әрбір қызметкерге өзінің тікелей міндетін кәсіби түрде атқарып қана қоймай, азаматтардың алдында мінсіз болып көріну &nbsp;және &nbsp;азаматтардың барлық құқық қорғау органдарына артқан сенім деңгейі оның сыртқы келбетіне тікелей байланысты екендігі айтылды. Сондай-ақ жеке құрамға нысанды киім кию ережелерін сақтауды, қызметтік куәліктерін уақытылы ауыстыруды талап етілді. Саптық тексеріс қорытындысы бойынша тергеу изоляторының жеке құрамы жазғы киім үлгісіне &nbsp;толықтай дайындығы анықталды» – дейді әділет капитаны М.Тұрымбетов.</blockquote>

Қызылордадағы ҚАЖД жеке құрамы жаздық киім үлгісіне көшті

<a href="https://kyzylorda-news.kz/">Kyzylorda-news.kz.</a> Қазіргі таңда ата-ана мен мектеп арасында байланыс орнатуда бірлестіктер пен ұйымдар бірлесе жұмыс істеуде. Мәселен, «Сенімен Болашақ» республикалық ата-аналар бірлестігінің Қызылорда облыстық филиалына 7 мыңға жуық ата-ана мүшелік етеді. Бұл туралы Өңірлік коммуникациялар қызметінің ақпарат алаңында өткен брифингте «Сенімен Болашақ» республикалық ата-аналар бірлестігінің Қызылорда облыстық филиалының басшысы Шерхан Арапбай мәлімдеді.Бірлестіктің басты мақсаты - еліміздегі ата-аналар қоғамдастығы арқылы саналы отбасы мәдениетін қалыптастыру.<blockquote>«Бүгінде еліміздің барлық өңірлерінде бірлестіктің филиалдары жұмыс істейді. Қызылорда облыстық филиалы 2022 жылдың қазан айынан өз жұмысын бастады. Қазіргі таңда облыс бойынша 7000 астам бірлестік мүшесі бар. Бүгінге дейін 100-ге жуық ата-аналармен кездесу, семинар, ақпараттық жұмыс жүргізілді. Әр филиалда арнайы психологтар жұмыс жасайды. Сондай-ақ, ата-аналармен байланыс орнату үшін колл-орталық құрылды. Оған кез келген ата-ана өз сұрақтарымен хабарласып, жауаптарын алуына мүмкіндігі бар. Бірлестігіміз ата-аналар, балалар, психологтар, мемлекеттік органдармен тығыз қарым-қатынас орнатып, отбасындағы бала тәрбиесі мақсатында үдере жұмыс жасайды. Бүгінгі таңда бірлестіктің қолдауымен Алаш зиялыларының еңбектерін жарыққа шығарып, оқырман қауымға таратуда. «Сенімен Болашақ» Республикалық ата-аналар қоғамдық бірлестігі елімізде саналы отбасы мәдениетін қалыптастыруда жұмыс жасауын жалғастыра береді», - деді Шерхан Жұмабекұлы.</blockquote><figure class="image"><img src="https://knadmin.beoblood.kz/uploads/339633545_774931574224541_2584473918857936268_n_8a7feb68e0.jpg" alt="339633545_774931574224541_2584473918857936268_n.jpg"></figure>

Бала тәрбиесі баршаға ортақ мәселе

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті мен Халықаралық Түркі Академиясы ынтымақтастық меморандумына қол қойды.Қол қою рәсіміне Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова, Халықаралық Түркі Академиясының вице-президенті Асхат Кесікбаев және академия сарапшысы Айсұлу Искандерова, проректорлар, профессор-оқытушылар қатысты.Жиында Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова меморандум әріптестік байланысты нығайтып, ғылыми жұмыстарды бірлесіп атқаруға үлкен мүмкіндік беретінін атап өтті.Тараптар Қызылорда облысы Қазалы ауданындағы көне Жанкент қаласында бірлескен археологиялық қазба жұмыстарын жүргізуге келісті.Жанкент (Янгикент, Жаңақала, Шахаркент) көне елді мекенін зерттеу жұмыстарын осы кезге дейін философия докторы (PhD) Әзілхан Тәжекеевтің жетекшілігімен Қорқыт ата атындағы Қызылорда университетінің Археология және этнография ғылыми-зерттеу орталығының қызметкерлері жүргізгенін атап өту керек.Жанкент қалашығына қазба жұмыстары неміс (Тюбинген университеті) және ресейлік (РҒА Н.Н.Миклухо-Маклай атындағы Этнология және антропология институты) археологтарымен бірге бірнеше жыл қатарынан жүргізілді.Археологиялық қазба жұмыстары енді Халықаралық Түркі Академиясының қызметкерлерімен бірлесіп өткізіледі.<figure class="image"><img src="https://knadmin.beoblood.kz/uploads/IMGL_5143_8cd2ca5d06.jpg" alt="IMGL5143.jpg"></figure>

Халықаралық Түркі Академиясымен меморандумға қол қойылды

<a href="https://kyzylorda-news.kz/">Kyzylorda-news.kz.</a> Сыр өңірінде күріш егу маусымы сәуір айының үшінші онкүндігінде басталады. Бұл туралы Өңірлік коммуникациялар қызметінің ақпарат алаңында өткен брифингте ауыл шаруашылығы және жер қатынастары басқармасы басшысының орынбасары Сәрсенбаев Қайратбек мәлімдеді.<blockquote>«Биылғы жыл облысымызда 195,6 мың гектарға ауыл шаруашылығы дақылдарын егу жоспарланып отыр. Оның ішінде, дәндi дақылдар – 96,4 мың га, майлы дақылдар – 5,7 мың га, мал азықтық дақылдар – 73,7 мың га, қант қызылшасы 7 га, картоп, көкөнiс, бақша өнімдері - 19,8 мың гектарды құрап отыр. Сыр елінің басты дақылы күрiштің көлемі 83,9 мың гектарды құрайды. Өткен жылмен салыстырғанда күріштің көлемін 5,3 мың гектарға ұлғайту межеленуде. Облыстың шаруашылық құрылымдары қажетті тұқымдық материалдарымен толық қамтамасыз етілді. Құйылған 21,6 мың тонна күріш тұқымының бүгінгі таңда 20,4 мың тоннасы күріш тұқымы тазаланды. Минералды тыңайтқыштың 54,1 мың тоннасы сатып алынды. Егіс егу науқанына қатысатын 3979 ауыл шаруашылық техникасы толық жөндеуден өтіп, науқанға толықтай дайын. Биылғы көктемгі дала және егіс жұмыстарын жүргізуге барлығы 12,1 мың тонна арзандатылған дизель отыны бөлінді. 1 литрі шаруашылықтарға 212 теңгеден берілуде. Көктемгі дала және егін егу жұмыстарының атқарылу барысы тұрақты бақылауда. Биылғы науқаннан алатын өніміміз мол деп сенеміз», - деді Қайратбек Әубәкірұлы.</blockquote>Ыбырай Жақаев атындағы Қазақ күріш шаруашылығы ғылыми-зерттеу институты ЖШС басқарма төрағасы Самалбек Қосанов биылдан бастап «Айсара» атты жаңа сорт айналымға енетінін айтты.<blockquote>«Отандық өнімнің пайыздық мөлшері төмен болғандықтан келешекте «Айсара» түрінің үлес салмағын көбейту бағытында жұмыс жасалады. Біздің ғалымдардың шығарған жаңа «Айсара» сорты биыл 3500 гектарға егілетін болады. Сұранысқа ие, «Лидер» түрінің де тұқымын жаңалау мақсатында жұмыс жасалып жатыр. Келешекте толық отандық өнімдерді қолдануды жоспарлап отырмыз. «Айсара» және «Сыр сұлуы» түрлерінен көп үміт күтіп отырмыз», - деді Самалбек Қосанов.</blockquote>

Қызылорда облысында 83,9 мың гектарға күріш егіледі

<a href="https://kyzylorda-news.kz/">Kyzylorda-news.kz.</a> 2023 жылғы 3 сәуірден 12 сәуір аралығында Fingramota.kz жобасының шеңберінде ҚР Қаржы нарығын реттеу және дамыту агенттігінің өкілдері қаржы ұйымдарымен бірлесіп Тұран университетінде қаржылық сауаттылық жөнінде мемлекеттік және орыс тілдерінде оқыту дәрістерінің циклін бастады.Fingramota.kz жобасының шеңберінде ҚР Қаржы нарығын реттеу және дамыту агенттігінің өкілдері қаржы ұйымдарымен бірлесіп, ЕТУ-де, әл-Фараби атындағы ҚазҰУ-де, Тұран университетінде және «Тұран» университетінің колледжінде қаржылық сауаттылық бойынша оқыту дәрістерінің циклін өткізгенін атап өтеміз.&nbsp;&nbsp;Тұран университетінде «Freedom Life» ӨСК» АҚ-тың жоба-менеджері Үміт Досниязованың жетекшілігімен «Қаржылық және цифрлық сауаттылық» тақырыбына дәрістер циклі өтетін болады.Дәрістер барысында студенттерге оларды қызықтыратын мынадай тақырыптар &nbsp;жария етіледі:- «Біздің өміріміздегі қаржының рөлі»;- «Қаржы институттары»;- «Цифрлық сауаттылық дағдылары»;- «Мемлекеттік көрсетілетін қызметтер».Оқыту дәрістерінің өткізілу орны Тұран университетінің бас ғимараты.Өткізу кезеңі: 2023 жылғы 3 сәуірден 12 сәуір аралығы (2023 жылғы 3 сәуір – сағ. 15.10 –17.00., 516 аудитория. 2023 жылғы 5 сәуір сағат 14.10- 16.00., 603 аудитория).Бұл ретте, Агенттіктің Fingramota.kz жобасының шеңберінде өткізетін барлық оқыту іс-шаралары тегін екенін атап өтеміз, және қаржылық сауаттылық жөнінде дәрістер мен вебинарлар өткізуге қызығушылық танытқан жағдайда бізге fingramota@finreg.kz электрондық мекенжайға жазуларыңызға немесе Call-орталықтың + 7 727 237 1000 немесе 1459 нөмірі бойынша телефон соғуларыңызға болады.&nbsp;

Ірі жоғары оқу орындарының студенттері үшін қаржылық сауаттылық жөнінде көшпелі лекциялар басталды 

<a href="https://kyzylorda-news.kz/">Kyzylorda-news.kz.</a> «Ақниет ақпараттық-насихаттау және оңалту орталығы» қоғамдық қорының филиалы Қызылорда облысында өз жұмысын бастағалы да үш жылға жуық уақыт болды. Осы уақыт ішінде аталған қордың теологтары мен Қызылорда облысы бойынша Қылмыстық атқару жүйесі департаменті №60 мекемесінің ТОЖ ұйымдастыру тобының инспекторлары бірігіп жұмыстар атқарып келеді. Білікті мамандарды жұмыспен қамтып отырған аталмыш қордың жұмысы қазіргі таңда өз жемісін беруде.Осы орайда қор жетекшісі сотталған азаматтарға «Ақида мәселесі» және Мәтуриди ақидасы қазақ халқының хақ сенімі екендігін түсіндіріп, дәлел ретінде қазақ хандығы дәуірінде өмір сүрген ақын-жыраулардың поэзиясына да зер салып, қазақ халқының Хақ дінді берік ұстанғанынан хабардар етті.«Оған мысал ретінде Асанқайғы, Шалкиіз, Қазтуған, Ақтамберді, Бұқар, Шөже Махамбет және тағы басқа еңбектерінде Ханафи-Мәтуриди сенім мектебінің сарыны айқын аңғарылады. Тіпті олардың ізін басқан Ыбырай Алтынсарин, Хакім Абай, Мәшһүр Жүсіп, Шәкәрімдер де Мәтуриди ақидасына берік болған», − деді Ислам Каюпов.Бүгінгі тақырыпқа орай жазасын өтеуші азаматтар өз ойларымен бөлісіп отырды.«Қазіргі таңда біраз ақын-жыраулардың шығармаларымен таныстық. Мен бұрын қазақ халқының өлең-жырларында Ислам тақырыбы жырланатынын білмеген едім», – деді өз сөзінде «Н» есімді азамат.

Сотталғандар дін өкілдерімен кездесті

<a href="https://kyzylorda-news.kz/">Kyzylorda-news.kz.</a> Қармақшы ауданының дамуына сүбелі үлесін қосқан аптал азаматтар жетерлік. Солардың бірі – Қармақшы ауданының Құрметті азаматы Нажмадин Ысқақовтың атына көше атауы берілді. Есімі елімізге белгілі жас айтыскер ақын Сырым Әділбековтің арнау өлеңімен басталған көшенің ашылу салтанатында аудан әкімі Жандос Еркінбек жас ұрпаққа патриоттық тәрбие беруде еселі еңбегімен танылған Нажмадин Ысқақовтай тұғырлы тұлғаның өмірі аудан тұрғындарына үлгі-өнеге екенін айтты.«Қазақ халқы қашанда үлкенге құрмет, кішіге ізет көрсеткен ел. Өткенін бағалай, қазіргісін саралай білетін халық. Саналы ғұмырын халықтың әл-ауқатын жақсартуға арнап, туған жерінің өркендеуіне қайталанбас қолтаңба қалдырған Нажмадин Ысқақовтай нар тұлғаның есімі мен оның өнегеге толы өткен өмірі уақыт өткен сайын ел есінде сақталып, биіктей береді. Еңбектің ерен үлгісін көрсетіп, артына үлгі қалдырған ардақты азаматтың есімі қай кезде де ұмытылмақ емес, ағамыздың есімі халық құрметімен мәңгі жаңғыра береді», деді аудан басшысы.Содан соң сөз алған мемлекет және қоғам қайраткері Бекмырза Еламанов пен еңбек ардагері Исағали Жұмағұлов осындай тағылымы мол, тәрбиелік мәні зор өнегелі іске бастамашы болған азаматтарға ағалық алғаусыз алғысын айтып, асыл азаматтың өнегеге толы өмірі мен еңбек жолынан естелік, жүрекжарды жылы лебізін жеткізді.Шара барысында көшенің лентасын қию рәсімі тамашаланды. Еңбек ардагері, Қармақшы ауданының Құрметті азаматы Жақсылық Жалғасбаев ағалық батасын беріп, ұйымдастырушыларға ризашылығын білдірді.Осы жерде айта кететін жайт, бар саналы өмірін аудан экономикасын нығайтуға, өңір тұрғындарының әлеуетін арттыруға арнаған ардагердің өмірі мен еңбек жолына тоқталсақ.Ол 1934 жылы Ақжар ауылында өмірге келіп, ауылдағы орта мектепті тәмамдаған соң еңбек жолын қарапайым жұмысшы болып бастаған. Жылдар өте Жалағаш, Қармақшы аудандарында бас зоотехник, аудандық ауыл шаруашылығы басқармасының басшысы, аудандық кеңесі атқару комитетінің төрағасы қызметтерін атқарған. Сондай-ақ, облыстық ауыл шаруашылығы өнімдері сапасын тексеру инспекциясының басшысы, аудандық тұрмыс қажетін өтеу комбинатының директоры қызметтерін абыроймен атқарып, құрметке бөленген. 1994 жылы республикалық дәрежедегі зейнеткерлік демалысқа шыққан соң аудандық ардагерлер кеңесінің төрағасы қызметін атқарған.Ел алдындағы елеулі еңбектері үшін «Еңбек Қызыл Ту» орденімен, ҚазКСР Құрмет грамотасымен, «Халық шаруашылығын дамытудағы үздік жетістіктері үшін», «КСРО азаматтық қорғанысының үздігі» медальдарымен, «Еңбек ардагері» төсбелгісімен марапатталған.

Қармақшыда көшеге жаңа атау берілді

<a href="https://kyzylorda-news.kz/">Kyzylorda-news.kz.</a> 2023 жылғы 4 сәуірде Алматы қаласындағы №81 және №83 мектеп-гимназияларының оқушылары үшін балалар киберқауіпсіздігі тақырыбы бойынша тақырыптық сағаттар өтеді. Сабақтар мемлекеттік және орыс тілдерінде өтеді.ҚР Қаржы нарығын реттеу және дамыту агенттігінің (Агенттік) көмегімен оқыту сабақтарының лекторы Алматы қаласындағы «Қазпошта» АҚ директоры Алтын Садықова болады.Тақырыптық сабақтарда оқушыларға қаржылық алаяқтық және қаржы пирамидалары тақырыбы ашылады. Келешекте мектеп оқушыларының алған білімі оларды алаяқтар мен қаржы пирамидаларынан сақтандыруға, әртүрлі қаржылық қызметтер мен өнімдерге ұрынбауға, сараланған және дұрыс қаржылық шешімдер қабылдауға үйретуге, сондай-ақ олардың қаржылық сауаттылық деңгейін арттыруға көмектеседі.2022 жылдың көктемінде Агенттіктің республикалық маңызы бар үш қалада: Астана, Алматы және Шымкентте балалар киберқауіпсіздігі тақырыбы бойынша 5-11 сынып оқушыларына арналған арнайы оқыту жобасын іске қосқанын атап өткен жөн. 2022 жылдың күзінен бастап «Киберқауіпсіздік бойынша тақырыптық сағаттар» Қазақстанның барлық өңірлерінде, оның ішінде облыс, аудан орталықтары мен шалғайдағы ауылдық елді мекендерде өткізіледі.Қазақстан Республикасының Оқу-ағарту министрлігінің қолдауымен ұйымдастырылған оқыту іс-шараларына ҚНРДА-ның өңірлік өкілдер басқармаларының, ҚР Қаржылық мониторинг агенттігінің, «Қазақстан қаржыгерлерінің қауымдастығы» ЗТБ-ның, «КМФ-Демеу» корпоративтік қорының және қаржы ұйымдарының өкілдері қатысуда.Агенттік Fingramota.kz жобасының шеңберінде өткізетін барлық оқыту &nbsp;іс-шаралары тегін екенін атап өтеміз және қаржылық сауаттылық жөнінде &nbsp;дәрістер мен вебинарлар өткізуге қызығушылық танытқан жағдайда, бізге fingramota@finreg.kz электрондық поштасына жазуларыңызға немесе Сall-орталықтың + 7 727 237 1000 немесе 1459 нөмірі бойынша телефон соғуларыңызға болады.&nbsp;

Қазақстан және Қызылорда облысының жаңалықтары