<a href="https://kyzylorda-news.kz/">Kyzylorda-news.kz.</a> Халқымыз ертеден өнер саласын қадірлеп, оның абыройын асқақтата білген. Ел арасынан түрлі талантты тұлғалар шығып, өз өнерлерімен көпшілікті тамсандыра білген. Айдынды өлкемізден де өнерпаз аға-апаларымыз елге танылып, бүгінгі жас ұрпаққа үлгі қалдырған. Ендігі кезекте бүгінгі дамыған заманда әр қала, аудан, сондай-ақ ауылдық округтердің өзінде мәдениет үйлері мен мәдени клубтар бой көтерген. Мұндай мәдени орталықтар жастар арасынан талантты өнерпаздардың өнерін халыққа таныту мақсатында көптеген мүмкіндіктер қарастырылған.Айдынды Арал өлкесі қай кезде болмасын өнерден артта қалған емес. Осы уақытқа дейін мерекелік түрлі шаралар қойылып, аудан өнерпаздары халық ризашылығына бөленіп келеді. Мемлекеттік және атаулы шаралар, түрлі-түрлі байқаулар, кездесу кештері, облыстық және республикалық &nbsp;дәрежедегі шаралардың өз мәнінде өтілуіне мұрындық болып келеді. Өткен 2022 жылы Арал ауданы бойынша клуб кәсіпорындарының материалдық базасын нығайтуға арнайы қаражатқа дыбыс күшейткіш аппаратура, принтер, монитор, процессор, &nbsp;микрофон, колонка, видеопроектор, компьютер, ноутбук, домбыра сынды дүниелер сатып алынған. Сонымен бірге 2022 жылы аудан көлемінде мәдениет үйлері мен клуб кәсіпорындары 990 мәдени-көпшілік шаралар атқарып, оған 201673 &nbsp;көрермен қамтылған болатын. Оның 274 онлайн жүйесінде жүргізіліп, 65765 қаралым болған.Ел іші – өнер кенішіЕндігі кезекте бүгінге дейін атқарылған шараларға тоқталып өтелік. Өткен жылы ҚР Халық әртісі, әнші Роза Бағланованың туғанына 100 жылдығына орай «Сырдың сұлу еркесі» атты аудандық әншілер байқауы, қазақтың көрнекті жазушысы, Қазақстан Жазушылар одағының мүшесі Молдахмет Қаназовтың 80 жасқа толуына арналған «Ұшқыр қиялды қаламгер» атты әдеби кеш, 26 наурыз – Арал теңізі күніне орай «Аралды сүю керек қайтқанда да» атты Арал туралы әндерден фестиваль, «Ақ босағаның алтын діңгегі – әжелер» атты әжелер ансамбльдерінің &nbsp;аудандық байқауы, ауылдық мәдениет үйі мен клуб кәсіпорын қызметкерлерінің арасында «Жеті қазына» атты ашық аспан астындағы аудандық байқауы, жерлесіміз, Қазақстанның халық әртісі Құдайберген Сұлтанбаевтың 75 жылдығына орай "Шын күлкі ардан биік, шың бір өнер"атты әзіл-сықақ отауларының республикалық байқауы болып өткен.Сонымен бірге ауданға қарасты кент, ауылдық округтерде де түрлі іс-шаралар кең көлемде өткізіліп келеді. Аудандық мәдениет үйінің жылжымалы мәдени демалыс кешен ұжымдары Шижаға, Қосжар, Қамбаш, Аманөткел, Қарақұм елді мекен тұрғындарына «Өнерлі өлке – Аралым» атты қойылым концерт, Қазақстан Журналистер одағының мүшесі, Жарасқан Әбдірашев атындағы әдеби сыйлықтың лауреаты, жергілікті ақын Толыбай Абылаев ағамыздың 70 жас мерейтойына арналған «Ақын боп туған азамат» атты кездесу кеші Бөген ауылындағы мектеп сахнасында өткізілсе, Абай ауылдық клубының ұйымдастыруымен де «Жүректегі жыр шыңы» атты аудандық жазба ақындар мүшәйрасы, «Келіні жақсының – керегесі алтын!» атты аудандық байқау, &nbsp;жергілікті сазгер ақын Дархан Оразымбетовты еске алуға арналған «Дарабоз – дарын Дархан ең...» атты аудандық жазба ақындар мүшәйрасы өткізілді.&nbsp;Қазақстан Журналистер одағының мүшесі, ҚР Мәдениет қайраткері, Халықаралық «Алаш» әдеби сыйлығының лауреаты, жерлесіміз, Арал ауданының құрметті азаматы, жазушы Қуаныш Жиенбайдың 70 жылдық мерейтойына орай шығармашылық кеші болды. Шығармашылық кеште жазушының «Ұры» атты туындысы желісінде қойылған «Тулақ» атты қойылымнан үзіндіні Аманөткел ауылдық мәдениет үйі жанындағы Халық театры көрерменнің назарына ұсынған болатын.Сатирик, режиссер-сценарист, ҚР Мәдениет саласының төсбелгісінің иегері, «Еңбек даңқы» медалінің иегері Бақтыгүл Бахрамованың «Өмірім – өнеріммен өрнектелген» атты шығармашылық кеші, &nbsp;Шөмішкөл елді мекенінің мәдениеті мен өнерінің дамуына сүбелі үлес қосқан ардақты азамат, ақын Қуаныш Қондыбаевқа арналған «Перзент пейіл – Қуанышы ең Аралдың» атты еске алу кеші ұйымдастырылды.&nbsp;Өткен шаралардың жастарға да берер үлгісі мол екендігі байқалып-ақ тұр емес пе?! Өткен өнер тарихы арқылы еліміздің мәдениетін сақтап қала береріміз анық. Сол үшін ертеңгі болашақ жастар қолында екендігін басты назарға қойып, аудан жастарына өнер жолындағы асыл қазыналарымыз өнеге болып келеді.Арал қаласының – 95 жылдық мерейтойында атқарылған іс-шаралар лебі де баршылықАрал қаласының 95 жылдығы аясында Сыр сүлейі Нұртуған Кенжеғұлұлының 135 жылдығына арналған «Қанекей, тілім, сөйлеші» атты аймақтық термешілер байқауы, ақын З.Шүкіровтің 95 жылдығына орай «Кіндігім бірге Аралмен...» атты жазба ақындар мүшәйрасы, ақын Әбілхан Махановтың 100 жылдығына орай «Аралым – айдын шалқарым» атты республикалық ақындар айтысы, мемлекет және қоғам қайраткері Құдайберген Саржановтың 85 жылдық мерейтойына арналған «Елдің ерен перзенті» атты шаралар ұйымдастырылды. 25 қазан – Республика күні мен Арал қаласының 95 жылдығына арналған «Бірліктің көзі, елдіктің өзі – Аралым!» және балықшылар аллеясының ашылуына орай «Теңіз төскейіндегі балықшылар» атты театрландырылған қойылым концерт ұйымдастырылды. «Балалар жылы» мен Арал қаласының 95 жылдық мерекесіне орай «Балаларға базарлық» атты өнерпаз балалардың қатысуымен үлкен көлемде ұстаз бен шәкірт қосылып концерт берілген.Өнерге талпынған жанға әрдайым жол ашықӨнерлі аудан жастарына арнайы даярлайтын үйірмелер жетерлік. Олардың бірі ұлттық аспабымыз домбыраға баулыса, енді бірі мың бұралған биші қыздарымызды дайындайды. Осы секілді өнердің көптеген түрінен арнайы үйірмелер ашылып, балаларға мүмкіндіктер қарастырылған. Жалпы аудан бойынша 122 үйірме бар. Оған 1554 адам қатысады екен. 2022 жылы З.Шүкіров атындағы қалалық мәдениет үйіндегі домбыра үйірмесі сазгер, күйші Мұрат Сыдықов атындағы балалар үйірмесі болып аталса, Арал аудандық мәдениет үйі жанынан балалар вокаль үйірмесі ашылып, жұмыс жасап келеді.Жетісігімізбен мақтанамызАудан &nbsp;өнерпаздары өткен 2022 жылы 3 халықаралық, 6 республикалық &nbsp;байқауға, сондай-ақ 2 аймақтық және 40 облыстық байқауға қатысты.&nbsp;Халықаралық байқаудан Халық қаһарманы, КСРО және Қазақстан Республикасының &nbsp;Халық әртісі Р.Бағланованың 100 жылдық мерейтойына арналған «Ақмаңдайлым» ашық ән байқайқауынан әнші Көлбаев Сабыржан I орынмен, онлайн форматта өткен Халықаралық «Топ жарған» конкурс-фестивалінен Аралқұм ауылдық клуб үйінің әдіскері Ақмарал Серікбайқызы &nbsp;Бас жүлдемен, Қызылорда облысында Балалар жылына орай өткізілген «Менде жұлдыз боламын» атты балалар байқауынан өнерпаздар Уляеев Санжар II орынмен марапатталып, Түркия-Мәскеуге &nbsp;жолдама алды.&nbsp;Ал республикалық байқаудан Халық әртісі Р.Бағланованың 100 жылдығына арналған «Ақмаңдайлым» атты әншілер конкурсынан әнші Назерке Сәрсенбаева дипломант, Ырғыз ауданының 100 жылдығына арналған «Аймақты әнмен тербетіп...» атты республикалық өнер фестивалінен Нұрәлем Лайық Алғыс, Бектасов Абылай &nbsp;арнайы номинациямен, Арал қаласының 95 жылдығы және ақын Әбілхан Махановтың 100 жылдығына арналған «Аралым – айдын шалқарым» атты республикалық ақындар айтысынан Бексұлтан Орынбасаров II орынмен, Әлшекей Бектібайұлының 175 жылдығына арналған «Дәуірлер бейнесі домбыра үнінде» атты республикалық күйшілер байқауынан Ақнұр Төлегенова Алғыспен, ақын-сазгер Ш.Сүлейменовтің «Шайыр Шынберген» атты республикалық ән байқауынан Қаратерең ауылдық клуб сүйемелдеушісі Дәулет Тастыбаев Алғыспен марапатталды.&nbsp;Облыстық байқаудан «Маржан сөз, қоңыр үн» атты концерт жүргізушілерінің байқауынан Аманөткел ауылдық мәдениет үйі өнерпазы Ердос Есқали I орынмен, халық әртісі Р.Бағланова атындағы «Қазақтың әнші бұлбұлы» атты әншілер байқауынан Дәулеткерей Қуантқанов III орынмен, Назерке Сәрсенбаева I орынмен, әнші-сазгер Батырхан Шүкеновтің 60 жылдық мерейтойына арналған «Аманат» облыстық жас әншілер байқауынан Қарақұм ауылдық клубының өнерпазы Ақбілек Жақсылықова Бас жүлдемен, «Ақ көгершін» балалар байқауынан Амелья Пак I орынмен, З.Шүкіровтің 95 жылдығына арналған «Кіндігім бірге Аралмен» атты облыстық жазба ақындар мүшәйрасынан ақын Алтынбек Қыстаубаев I орын, Райым ауылдық клубының өнерпазы Алмат Қойбағаров II орынмен, дәстүрлі әнші Мейірімхан &nbsp;Киікбайұлы Шамшиевті еске алуға арналған «Ән ғұмыр» атты облыстық дәстүрлі әншілер байқауынан Қызылжар ауылдық мәдениет үйі көркемдік жетекшісі Айтуған Сембаев I орынмен, тағы басқа да аудан өнерпаздары жүлделі орындарға ие болды.

Теңізді өлкедегі мәдениет саласында мәуелі істер көп

<a href="https://kyzylorda-news.kz/">Kyzylorda-news.kz.</a>&nbsp;Ағымдағы жылы Байқоңыр қалалық пробация қызметімен пробациялық бақылауға алынған бес сотталғанның жаза өтеу тәртібін қаскөйлікпен орындамағаны үшін жазалары бас бостандығынан айыру жазасымен ауыстырылды.Мәселен, Қызылорда облысы Байқоңыр қалалық сотында Қызылорда облысы Қармақшы аудандық сотының 2023 жылғы 20-шы наурыздағы қаулысымен Қазақстан Республикасы Қылмыстық Кодексінің 188-бабы 3-бөлігінің 3-тармағы бойынша бас бостандығынан айыру жазасының бір ай жиырма төр күн өтелмеген мерзімі нақ сол мерзімге бас бостандығын шектеу жазасына ауыстырылып, бас бостандығын шектеудің барлық тағайындалған мерзіміне пробациялық бақылау белгіленген «Ш» есімді сотталғанның жаза өтеу тәртібін қаскөйлікпен бұзған дерегі қаралды.Негізінен, жаза өтеу тәртібін қаскөйлікпен бұзушылық бұл – сотталушының пробация қызметіне хабарламай әкімшілік аумақтан шығуы, өзімен тәрбие жұмысын жүргізу үшін және тіркелуге бірнеше рет келмеуі, қылмыстық құқық бұзушылық жасауы, қоғамдық тәртіп пен имандылыққа қол сұғатын әкімшілік құқық бұзушылық жасауы танылады.«2023 жылғы 20-шы наурыздағы істің негізі бойынша қарау барысында прокурормен сотталғанның жазасын өзгерту туралы қорытынды берілді. Осыған орай, «Ш» есімді сотталғанның бас бостандығын шектеу жазасының өтелмеген бөлігі нақ сол мерзімге бас бостандығынан айыру жазасына ауыстырылды.Жалпы, Сотпен жүктелген міндеттерді орындау және жаза өтеу шарттарын сақтау әр сотталушының міндеті болып табылады. Егер, бұл талаптар орындалмаған жағдайда, заң талаптарына сәйкес қатаң шаралар қолданылатындығы ескерілген жөн», - дейді Байқоңыр қалалық пробация қызметінің бастығы міндетін атқарушы, әділет капитаны Е.Жақсылықов.

Жаза өтеу тәртібін қаскөйлікпен бұзған сотталған адам түзеу мекемесіне жолданды

<a href="https://kyzylorda-news.kz/">Kyzylorda-news.kz.</a>&nbsp; Арал ауданында кәмелетке толмағандар арасындағы құқық бұзушылық профилактикасы жөніндегі жуырда аудандық комиссияның кезектен тыс отырысы өтті. Оған аудан әкімі Серік Сермағамбетов, Қызылорда облысының полиция департаменті бастығының бірінші орынбасары, полиция полковнигі Шамшидин Амитов, аудандық құқық қорғау органдарының басшылары, дербес бөлім басшылары мен мектеп директорлары, тәрбие ісі жөніндегі орынбасарлары және мектеп психологтары қатысты.Отырыста 2023 жылы аудан көлемінде кәмелетке толмағандардың арасында құқық бұзушылық профилактикасы, олардың жыныстық қол сұғылмаушылығына және жасөспірімдер арасында топтық төбелестердің алдын алу бойынша атқарылған жұмыстардың тиімділігі және алдағы жоспарлар сараланды.&nbsp;Алдымен, күн тәртібіндегі мәселелер бойынша аудандық полиция бөлімінің бастығы Нұрбек Шегебаев мен аудандық білім бөлімінің басшысы Санира Жанназарова баяндама жасады.Облыстық полиция департаменті бастығының бірінші орынбасары, полиция полковнигі Шамшидин Егенбердіұлы баланың теріс іс-әрекетіне тек полиция немесе білім ұйымдары ғана емес, ата-ана, бүкіл қоғам жауапты екендігін баса айтты.&nbsp;Сонымен қатар, тұрмыстық зорлық-зомбылықтан зардап шеккен жанұялардың жағдайына тұрақты түрде мониторинг жүргізіп, күн тәртібіндегі мәселе бойынша атқарылатын іс шараларды жыл көлемінде жүйелі түрде жалғастыруды, білім беру ұйымдарындағы қауіпсіздікті қамтамасыз ету, бейнекамералар орнату, жасөспірімдердің әлеуметтік желіге кіруіне шектеу қою мәселелерін қадағалауға алу жөнінде ескертті.Аудан әкімі кәмелетке толмағандардың арасындағы құқық бұзушылықтар проблемасы қазіргі уақытта қоғамдағы өзекті мәселелердің бірі екендігін айтты.&nbsp;<blockquote>Қазіргі оқушылардың темекіге, оның ішінде электронды темекіге әуестігі жиі байқалады. Сондай-ақ бүгінгі балалардың суық қару ұстауды мақтан ететінін БАҚ беттерінен де көріп жатамыз. Мұндай іс жасағанын батырлық санайды. Топтық төбелеске де қатысқанын да құрмет көретін жеткіншектерімізде жетерлік. Біз балаларды бұндай ойдан арылтуымыз қажет. Ол үшін ата-ана мен мектеп баланы түрлі секциялар мен үйірмелерге, спортқа баулу керек. Бүгінде мүмкіндік жеткілікті. Осындай бар жағдайды пайдаланатын болсақ, жас ұрпақты жақсы істерге тартатын болсақ құқық бұзушылық орын алмас еді, – деді Серік Сағитжанұлы.&nbsp;</blockquote>Жиында аудан басшысы «Бүгінгі жас – ертеңгі елдің тірегі, қорғаушысы, болашағы. Сондықтан бала тәрбиесінде «Бала-ұстаз-ата-ана» үштігі әрдайым біркелкі, ұдайы байланыста жұмыс жасауы қажет. Әркім өз жауапкершілігін жоғары сезініп, бала тәрбиесіндегі өз міндеттерін бұлжытпай орындағанда ғана ұлт үшін ұтымды іс атқарған болмақ» деп кездесуді қорытындылады.

Аралда жасөспірімдер тәртібі назарға алынды

<a href="https://kyzylorda-news.kz/">Kyzylorda-news.kz.</a> Қытымыр қыстан қара көмірін жағып, тозығы жеткен пәтерін әрең дегенде жылытып, қатал мезгілді еңсеріп шыққан олардың қуанышында шек жоқ. Енді алажаздай еңбек еткен құмырсқадай қысқа қайта қамдану қажет. Бұл Қазалы ауданында орналасқан 106 көппәтерлі үй болса, оның ішінде тозығы жеткен үйдің 47,2 процентін құрайтын баспанада өмір сүріп жатқан тұрғындардың жыл сайын күресетін күрмеулі мәселесі.Мұндай күрделі жөндеуден өтпеген, газ не жылу кірмеген қос қабатты үйлер аудан орталығы Әйтеке би кентінде жетіп артылады. Дәлірек айтсақ, тозығы жеткен тұрғын үйлер В.Счастнов, Желтоқсан, Жанқожа батыр және Әбілқайыр хан көшелерінде орналасқан.Соның ішінде ерекше акцент қоя тоқталатыны Желтоқсан көшесі бойын жағалаған пәтерлер. Себебі ондағы үйлердің азып-тозып тұрғанына бірнеше жылдан асқан. Тіптен сол үй маңынан өту сондағы ағайынның қорқынышына айналған. Өйткені ескі үй төбесін жабуға арналған шиферлар қиылып, тастөбеден түсер жағдайлар аз болмапты. Одан бөлек сондағы үй түтіні шығар мүржалардың құмша үгітілген қамкірпіштері жауын не жел тұрса тарсылды-дүрсілді салып, терезе түбіне түсіп жататын көрінеді. Осы орайда тиісті орынға базынасын айтып, мәселенің шешімін таппай келе жатқан Желтоқсан №8 үйдің тұрғыны пікір білдірген еді.<blockquote>«Шыны керек, көрші-көлем осы көпқабатты үйдер тұрмақ жанынан өтуге үрейленеді. Өзім осында жалдамалы түрде бала-шағам, отағасымен тұрып жатырмыз. Жауын жауса подьездтің жаңбыр суына толатыны мен есік алдының ми батпақ болып иленетіні, төбедегі қаптама шиферлардың түсіп жатқаны, тағысын тағы айта берсек мәселе көп бұл үйдің. Одан қалды тереземнің тас түбінен төніп тұрған көршімнің қылтимасының астыңғы бөлігі түсіп, жалғыз сымға ілініп тұрғаны тағы бар. «Қашан құлайдыны» ойлап балаларымды терезе алдына жолатпаймын. Қателеспесем, 2020 немесе 21 жылдары осында бірқатар мамандар келіп, тұрғын үйлердің жай-күйімен танысты. Сөйтіп бір шешімге келе сол жылы әрбір көпқабатты үйге бір жарым миллион теңге бөлініп, төбесін қайта қаптап, қалыпқа келтіретінін айтқан. Алайда ол азаматтар ізім-ғайып жоқ болды. Осы маңның тазалығы мен тұрғын үйлердің күйін қалыпты ұстауға ай сайын ақысын төлеп отырмыз. Бірақ ешқандай жұмыстар жасалмайды. Жергілікті әкімдікке, тиісті орынға айтарым, осы пәтерлердің мәселесін шешіп, біржақты ету амалын қолданбасаңыздар төбеден түскен кірпіш бөлігі жанынан өткен адамды жазым қылары анық», – дейді Айдана Жақыпқызы.</blockquote>Негізі сол В.Счастнов пен Желтоқсан көшесі бойындағы тұрғын үйлер КСРО Министрлер Кеңесі төрағасы Н.Хрущевтың тұсында салынған. Сол уақытта аядай-аядай бөлмелері бар үйлерге ауданда қызмет еткен теміржолшылар қоныстанған. Кейін халық еншісіне қалып, тиісті жөндеу жұмыстары тіптен жасалмай қалған. Бүгінгі таңда жұпыны жүрген баладай болған тұрғын үйлерді апаттық жағдайдағы үй қатарына жатқызу қажет-ақ.Аталған мәселемен Қазалы аудандық тұрғын күй коммуналдық шаруашылғы, жолаушылар көлігі және автомобиль жолдары бөлімінің басшысына жолыққан едік.<blockquote>«Қазалы ауданы бойынша көппәтерлі тұрғын үйлердің саны 106 құрайды. Оның 96 проценті аудан орталығы Әйтеке би кентінде орналасқан. Бүгінгі күнге аудандағы көппәтерлі тұрғын үйлердің ішінде апаттық тұрғын үйлер тіркелмеген. Аудан көлемінде 40 көпқабатты тұрғын үйлерге кондоминиум нысандарының басқару органы болып табылатын 1 ғана «Жаңақала» пәтер иелері кооперативі қызмет көрсетеді. Оған бес қабатты тұрғын үйден – 3, мөлтек ауданында – 23 үй және 70 мектеп жанында В.Счастнов, Желтоқсан көшелерінде орналасқан 14 көппәтерлі тұрғын үйлер кірігеді. Сонымен қатар бөлім теңгеріміндегі 6 көпқабатты тұрғын үйлерге «Нұр-Саят2020» МИБ қызмет көрсетіп келеді. Ал аудан аумағындағы қалған тұрғын үйлер кооператив қызметін пайдаланбайды», – дейді Қазалы аудандық тұрғын үй коммуналдық шаруашылғы, жолаушылар көлігі және автомобиль жолдары бөлімінің басшысы Мұрат Әбсұлтанов.</blockquote>Бөлім басшысы бұдан бөлек аудандағы тұрғын үй жайымен таныс екенін және бұл мәселені шешуге тиісті жұмыстардың қолға алынып жатқанын айтты.<blockquote>«Тозығы жеткен көппәтерлі тұрғын үйлерді жарамсыз деп тану үшін арнайы мамандырылған мекемеден авариялық деп танылған эксперттік қорытындысы керек. Оны барлық пәтер иелері келісімі бойынша өз қаражаты есебінен эксперттік қорытынды алады. Жергілікті жер бойынша 106 көппәтерлі тұрғын үйдің ішіндегі 50 үй, яғни 47,2 проценті күрделі жөндеу жұмыстарын қажет етеді. Ондай тұрғын үйлерге қайтарымды қаражат есебінен күрделі жөндеу жұмыстарына Республикалық бюджеттен қаржыландырылады. Осы уақытқа дейін «Тұрғын үй-коммуналдық шаруашылығын жаңғыртудың 2011-2020 жылдарға арналған бағдарламасы» бойынша барлығы 6 көппәтерлі тұрғын үйлерге күрделі жөндеу жұмыстары жүргізілген. Биыл осы жұмыстарды жалғастыру мақсатында Әйтеке би кенті, В.Счастнов көшесі №7 және Желтоқсан көшесі №4, №8, №10 көппәтерлі тұрғын үйлерге қайтарымды қаражат есебінен күрделі жөндеу жұмыстарын жүргізу үшін барлығы 31,3 миллион теңге қаржы бөлініп, аталған жұмыстар ағымдағы жылдың сәуір айында басталады. Осындай жұмыстардан басқа бүгінгі күнде дейін жергілікті атқарушы орган тарапының ұйымдастыруымен кәсіпкерлердің демеушілік есебінен біршама жұмыстар атқарылып келеді», – дейді бөлім басшысы.</blockquote>Тиісті орын басшысы берген баяндамаға сенсек үстіміздегі жылда тозығы жеткен тұрғын үйлер ретке келмек. Ендеше «Әрі-беріден соң үйінді астында қаламыз ба?» деген тұрғындардың сары уайымы сейілтетін күннің ауылы алыс емес деп сенеміз.

Қазалылықтардың наразылығы ескеріле ме?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы бойынша Қылмыстық атқару жүйесі департаментінің түзеу мекемелерінде сотталған азаматтармен тұрақты түрде психологиялық тренингтер өткізіп отырады.Бүгін №37 мекемесінің психологы Ақгүл Аманованың ұйымдастыруымен осы мекемедегі сотталғандар арасында арнайы тренинг өтті. Тренингке Қылмыстық атқару жүйесі департаментіне қарасты №60 мекемесінің аға психологы А.Мырзалы мен №68 мекемесінің психологы Ш.Кульбаева қатысып, жазасын өтеуші азаматтарға психологиялық жаттығулар жүргізіп, сауалдарына жауап берді.Аталған шараның мақсаты – сотталғандарға психологиялық көмек көрсету, серпіліс беру, жеке ойын, арман-мақсатын, қоғамға көзқарасын анықтап, дұрыс бақыт-бағдар беру болып табылады.Алдымен мекеме психологы А.Аманова қатысушы сотталғандармен сергіту жаттығуын жасатып, тренингті одан әрі жалғастырды. Сотталған азаматтарды екі топқа бөліп, «Жаңбыр», «Сандар», «Тану» психологиялық жаттығуларын жүргізді.Тренинг барысында жазасын өтеушілер белсенділік танытып, өз ойларын ашық айтып, пікір алмасты. Ойынға қатысушылар бір-бірінен ой, қиял жүйріктігі, ойлап тапқыштығы, есте сақтау қабілеттері жағынан ерекшеленіп көзге түсті. Қатысушылар тренинг соңында, бүгінгі шарадан алған әсерлерімен бөлісіп, бір-бірлеріне деген жылы лебіздерін білдірді.

Сотталған азаматтар психологиялық тренингке қатысты

<a href="https://kyzylorda-news.kz/">Kyzylorda-news.kz.</a> Жылдар жігінде атқарылған іске есеп беріп, жеткен жетістіктерге тоқталып, жіберген қателіктерді сараптау, сол бағытта тиісті жұмыстар атқару алдағы уақытта табысқа жетудің нақты жолы. Расында өткен уақытқа есеп беру арқылы келешегімізді кемелдей түсеріміз даусыз. Аудан көлемінде де былтыр көптеген жұмыс істелді. Нәтижесіне қанықтық. Қай салада, қаншалықты өсімге қол жеткізгенімізді ашық айта өтсек. Аудандық статистика бөлімінің мәліметі бойынша ауданның әлеуметтік-экономикалық &nbsp;дамуының 2022 жылғы негізгі көрсеткіштерін төмендегідей атап, көрсетіп отыр.Ауданның қазынасын толтырудағы басты құрал бірінші кезекте өнеркәсіп саласы деуге болады. Өнім өндіріп, оны экспортқа шығарып келе жатқан кәсіпорындар 2022 жылы ағымдағы бағамен 24 553 637,0 мың теңгенің өнімін өндірді. Бұл көрсеткіш 2021 жылғы өндірілген өнім көлеміне қарағанда нақты көлем индексімен 123,9 пайызға орындалғанын байқауға болады. Бұл ретте ауданның сыртқы нарыққа шығатын басты өнімдері ретінде йодталған ас тұзы, балық пен кварц құмы және тепловоздар мен жабдықтарды жөндеу жұмыстарының қайсысы болса да өсімге ие болды.Ал асыраушы саланың да тындырымды ісі айтарлықтай мол көлемді қамтып отыр. Осы бағытта еңбек етіп келе жатқан 1 акционерлік қоғам, 11 өндірістік кооперативтер, 10 жауапкершілігі шектеулі серіктестік, 1 мемлекеттік мекеме мен 1253 шаруа немесе фермер қожалықтары ет, сүт, өзге де ауыл шаруашылығы өнімдерінің жалпы шығарылымы бойынша 2021 жылдан 104,2 пайызға артығымен орындады. Мал басын арттыру жұмысы да жүйелі іске қойылған. Әсіресе мүйізді ірі қара, жылқы мен түйе саны биылғы жыл басындағы есеп бойынша көбейгені байқалса, керісінше, қой мен ешкі басы 3,6 пайызға кеміп отыр.Тағы бір басты қозғаушы саланың бірі – инвестиция, құрылыс саласы екені жасырын емес. Бұл жайында Мемлекет басшысы Қасым-Жомарт Тоқаев та халықтың әл-ауқатын арттыру үшін экономикалық аймақтар инвестиция көлемін арттыру қажеттігін жиі айтып жүр.Міне, осы тапсырманы тыңғылықты орындаған Қызылорда облысы инвестиция тарту бойынша көш бастап тұрғаны Үкімет жиынында айтылды. Бұл туралы Ұлттық экономика министрі Әлібек Қуантыров &nbsp;атап айтса, ауданымыз да инвестиция, құрылыс жұмысын жоспарлы түрде жоғарғы деңгейде іске асырып келеді. Негізгі капиталға салынған инвестициялар көлемі толықтай игеріліп, 2021 жылдың тиісті кезеңімен салыстырғанда 2,1 пайызға артық орындалған. Қаржыландыру көздері бойынша бөлінген барлық қаражат тиісті бағытта мақсатты жұмсалды. Ал құрылыс жұмыстарының көлемі де 122,7 пайызға артығымен орындалды.Өткен жылдың қаңтар-желтоқсан айларында аудан бойынша 28378 шаршы метр тұрғын ғимараттар пайдалануға беріліп, 3,1 пайызға артық орындалды. Осылайша баспана жағдайы да кезең-кезеңімен шешімін тауып келеді.&nbsp;Тағы бір өсім көрсеткен сала – сауда бағытындағы жұмыстар. Тауар айналымы жалпы көлемінің негізгі пайызын саудамен айналысатын кәсіпорындар мен қызметін негізінен тұрақты сауда орындарында жүзеге асыратын кәсіпкерлер барыс жылында да барынша аудан қазынасын толықтырды.Ал демография дүмпуі ше? Жалпы елдің өсіп-өнгендігіне тікелей әсер етуші негізгі фактор – адам. Бұл тұста статистика бөлімінің басшысы Е.Қапанов:<blockquote>&nbsp;Өз кезегінде ауданымыздағы демографиялық жағдайды да айтып өткен жөн болар. Мемлекетіміздің басты капиталы – ел азаматтары. Сондықтан олардың әрқайсысы мемлекетіміз үшін қымбат. Нақты айтар болсақ, статистикалық жедел мәліметтер бойынша, аудан халқы 2022 жылдың 1 желтоқсанына 78601 адамды құрады. Бұл көрсеткіш облыс аудандары арасында халық саны жөнінен Жаңақорған, Шиелі аудандарынан кейінгі үшінші нәтиже болып саналады. Ал аймақ тұрғындарының жалпы саны 832488 адамды құрап отыр. Ашып айтар болсақ, аудандағы 78601 тұрғынның 36871-і қала тұрғыны. Қалғаны ауылдық жерлерде тұрады. Халықтың 40216-сын ерлер, 38385-ін әйелдерді құрайды. Ауданда табиғи өсім туғандар мен өлгендер санының арасындағы айырмашылыққа сәйкес &nbsp;есептелетін болса, туғандар саны &nbsp;өлгендер санынан &nbsp;әлдеқайда жоғары. &nbsp;2022 жылдың он бір айында 1821 сәби дүниеге келді. Ал көші-қон мәселесі бойынша да халықтың өсіміне ерекше әсер ететіндей ілгерілеушілік бар. 2022 жылдың он бір айында 2021 жылдың осы кезеңімен салыстырғанда келушілердің саны 11,6 пайызға артып, 1213 адамға жеткен. Бұл бірінші кезекте ауданның әлеуметтік-экономикалық &nbsp;көрсеткіштерінің жақсаруымен тікелей байланысты, – дейді.</blockquote>Алдағы уақытта да осы көрсеткіштер оң өзгерістерге ие болып, нәтижелі өсімдерге қол жеткіземіз деп анық сеніммен айта аламыз.

Арал ауданының әлеуметтік-экономикалық даму көрсеткіші жоғары

<a href="https://kyzylorda-news.kz/">Kyzylorda-news.kz.</a> Қызылорда қаласындағы Зияткерлік мектебінде өткен «Ата-ана және ұрпақ тәрбиесі» атты алғашқы тәжірибе алмасу конференциясында ата-аналар ұрпақ тәрбиесіндегі тың идеялармен қаруланды.&nbsp;<blockquote>«Зерттеулерге сүйенсек, әлемде жоғары оқу орындарына түскен 10 студенттің тек 6-ы ғана университетті бітіреді, тек үшеуі мамандық бойынша жұмыс істейді екен. Бұл статистика көп үміткерлердің мамандық таңдауда &nbsp;қателескендігін көрсетеді. Ата-аналар балаларға мамандық таңдауға көмектесу, &nbsp;оған бағыт-бағдар беріп, &nbsp;арманына қанат бітіруі міндетті. Баланың өзі қызығатын салаға баруға мүмкіндік беруі қажет», – деп санайды спикер Мұрат Айтимов.&nbsp;</blockquote>Бұдан бөлек конференцияда ата-аналар «Отбасы – адамгершілік құндылықтар ұғымының құрылымы», «Балам ақылды болсын десеңіз...», «Біздің отбасымыздың құндылықтары», «Адамның бақыты – балада» тақырыбында өз таныстырылымдарын жасады. &nbsp;Зияткерлік мектепте үш баласы бірдей білім алып жатқан Ембергеновтар әулеті өз отбасының лайфхактарымен бөлісіп, баланы тәрбиелеудегі қиындықтар мен оны шешу жолдарын ұсынды. Ал мектептің педагог-психологі Талғат Айтбай тәрбие берудің стилі мен оның әсер ету тұстары бойынша зерттеу нәтижелерін ұсынып, эмоционалды интеллектіні дамытудың маңыздылығына тоқталса, &nbsp;дәрігер Жанат Наренова отбасында салауатты &nbsp;әдеттер қалыптастыру бағытында кеңестер берді.<blockquote>«Мектеп-оқушы және ата-ана арасындағы байланысты нығайтуда ауқымды жоспарымыз бар. Соның бірі ата-аналар ассоциациясының онлайн платформасын құру. Бұл алаңда ата-аналар тәрбие берудің үздік тәжірибелерімен бөлісіп, құзыреттіліктерін арттыра алады. Конференция жұмысының нәтижесі де сол платформаға орналастырылып, көпшілік үшін пайдалануға мүмкіндік болады», – дейді мектеп директоры Жаңбыржан Бекболатов.</blockquote><figure class="image"><img src="https://knadmin.beoblood.kz/uploads/339609164_3407080012894235_560834886099591410_n_b8a309bc0c.jpg" alt="339609164_3407080012894235_560834886099591410_n.jpg"></figure>

Ата-аналар конференциясы: Ұрпақ тәрбиесінің үздік моделі таратылды

Жаңақорғанда семинар өтті

<a href="https://kyzylorda-news.kz/">Kyzylorda-news.kz.</a>&nbsp; Спорт десе бізге алып, күшті адамдар керек сияқты болып елестейді. Алайда сұлулықты, әдемілікті паш ететін спорт түрі де бар. Ол – көркем гимнастика. Расында да спорттағы сұлулық дегенде есімізге алдымен &nbsp;көркем гимнастика түседі. &nbsp;Әдемі қимыл, ерекше киім үлгісі, ырғақты қозғалыс осының бәрі спорттың осы бір түрінен табылады. Мұндай спорттың нәзік түрін серік еткен аралдық өрендер де бар.&nbsp;Гимнастика &nbsp;гректің «жаттығу», «жалаңаш» деген сөзінен шыққан. Ежелгі Грекияда гимнастикамен айналысатын адам мейлінше жеңіл киінетін болған. Бастапқыда жаттығудың негізі әскерлерді атты тақымдауға үйретуден басталған. Сонымен бірге соғысқа қажетті өзге де әдіс-тәсілдерді үйретуден тұрған. Уақыт өте келе гимнастика Грекияның бі-лім беру жүйесіне енген. Бірте-бірте ережелер нақтыланып, спорттың сұлу түріне деген сұраныс артты. Ал Қазақстанда 1947 жылы Алматы дене тәрбиесі интернатында көркем гимнастика секциясы ашылған. 1949 жылы гимнастшы-қыздар арасында тұңғыш рес¬публикалық жарыс өткен.&nbsp;Арал көркем гимнастика мектебі 2021 жылдан бастап &nbsp;жұмыс істей бастады. Жаттықтырушысы Жансая Бисембаеваның айтуынша, алғашқыда аралдықтардың бұл спорт түріне деген көзқарастары онша болмапты.&nbsp;<blockquote>Біздің өңір қазақылықтың жері ғой. Бірақ спортта ережемен жұмыс істеу керек. 3 жылға жуық уақыт ішінде өзімнің жұмысымды жемісті етуге тырыстым. Қазірде &nbsp;әсем өнерді түсініп, аудан тұрғындары қыз балаларын беруге асық. Көркем гимнастика мектебіне 6 мен 10 жас аралығындағы қыз балалар қабылданады, – деген Жансая өз жұмысын қалай бастағанын айтты.&nbsp;</blockquote>Көркем гимнастика – музыка сазымен арнаулы затпен, атап айтқанда, лента, доп, шеңбер, тағы басқа немесе затсыз гимнастикалық жаттығулар комбинацияла¬ры орындалатын қыздар арасындағы жарыс. Ол шұғылданушылардың дене сұлулығын қалыптастырып, эстетикалық тәрбие береді. Онда толқынды, серіппелі қозғалыс, би өнеріне тән жүріс, жүгіріс, секіру басым келеді. Көркем гимнастиканы серік еткен аралдық өрендер осы 3 жылдың ішінде республикалық ашық турнирлерде өнер көрсетіп, жүлделі орындарға ие болған.<blockquote>&nbsp;2022 жылдың тамыз айында көркем гимнастикадан Олимпиада чемпионы Қазақстан Республикасын көркем гимнастика федерациясының президенті А.Юсупованың Шымкент қаласында өткізген оқу жаттығуына шәкірттерімді апарып, тәжірибе жинап келдік. Жуырда &nbsp;Ақтау қаласында өткен республикалық көркем гимнастика турниріне қатысып, біршама шәкірттерім жүлделі орынға ие болды. Атап айтсам, Амина Теміржанқызы, Айару Жансерікқызы, Томирис Жолдасбай, Сара Матығұл, Саида Нұртай, Даяна Әділ, Раяна Ибадатова, Кәусар Серікбай өз жылдарының арасында топ жарып, бірінші орынды жеңіп алды. Балабақша жасында қатысушыларымыз да барған. Олардың арасында Азина Милят, Жания Ержан, Раяна Ербол, Кәусар Бақытжанқызы бірінші орынды иеленді. Зерделі Талғатова мен Айбибі Айтуған &nbsp;екінші орынмен, ал Айзере Жақаева мен Ұлжан Зәуірхан үшінші орынды жеңіп алды, – деген жаттықтырушы.</blockquote>Жаттықтырушы Жансаяның негізгі мамандығы – хореограф. Мамандығы бойынша аудандық өнер мектебінде жұмыс істейді.&nbsp;<blockquote>Көркем гимнастика спорты би өнерімен туыс спорт түрі, маған осы спорт бала күнімнен ұнайтын. Арманымды мақсатқа айналдырып, Өзбекстан, Ресей елдерінің тренерлерінің оқу жаттығуына мол қаражат, көп уақытымды арнап қыр-сырын меңгеру үшін арнайы оқыдым. Барлық нәрсе тәжірибемен келеді. Жылдан жылға шәкірттерім көбеймесе, азайып жатқан жоқ. Бастапқыда бала саны аз болған соң &nbsp;зал тарлығы білінбейтін. Ал қазір 50 қыз баланы көркем гимнастикадан жаттықтырудамын. Осы тұста жаттығу залының тарлығы байқалып тұр, – дейді Жансая.</blockquote>Бұл спорттың ең жас спорт түрі екендігін айтқан жаттықтырушы дамуға, жетістікке жетуге мүмкіндік зор деді.&nbsp;Көркем гимнастикада жаттығумен қатар қыздар әдемілігін де сақтауы шарт. Бұл орайда &nbsp;талап пен ережені қатаң ұстану тіпті қиын. Бірақ спортты сүйген адам үшін ол кедергі емес. Ендеше, жас гимнастшыларымыздың алар асуы мен бағындырар биігі көп болсын.

Аралдық көркем гимнастшылар жеңіс тұғырында

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев кадрлық өзгерістерге байланысты актив отырысында жаңа орынбасарын таныстырды.Қазақстан Республикасы Президенті Әкімшілігінің келісімі бойынша облыс әкімінің өкімімен Сансызбайұлы Балмейір облыс әкімінің орынбасары лауазымына тағайындалды.<blockquote>«Балмейір Сансызбайұлы – мемлекеттік қызметте жемісті еңбек етіп, сатылап өскен білікті де тәжірибелі маман. Маңызды салаларда басшылық қызмет атқарған, тапсырманы тиянақты орындайтын жауапкершілігі жоғары азамат. Осы қызметте мемлекеттік сатып алу, еңбек қатынастары, сәулет-құрылыс бақылау, жолаушылар көлігі және автомобиль жолдары, ветеринария салаларына жетекшілік жасайтын болады. Балмейір Сансызбайұлы әлеуеті жоғары кадр ретінде өз жұмысын жоғары кәсіби деңгейде атқарады деп сенемін», – деді облыс әкімі.</blockquote>Актив отырысында облыстық мәслихаттың төрағасы Наурызбай Байқадамов пен облыстық Қоғамдық кеңестің төрағасы Әріп Хожбанов Балмейір Сансызбайұлын құттықтап, қызметіне сәттілік тіледі.Айта кетейік, облыс әкімінің орынбасарлары мен аппарат басшысы арасындағы міндеттер бөлінісі қайта бекітілді. Облыс әкімінің бірінші орынбасары Қожаниязов Серік Салауатұлы ауыл шаруашылығы және жер қатынастары, қоршаған ортаны қорғау және табиғат ресурстарын пайдалану, кәсіпкерлік және өнеркәсіп, құрылыс, сәулет және қала құрылысы, энергетика және тұрғын үй-коммуналдық шаруашылығы салаларына жетекшілік жасайды. Облыс әкімінің орынбасары Сақтағанов Нұрымбет Аманұлы экономика және қаржы, білім, жұмыспен қамту және денсаулық сақтау салаларына жетекшілік етеді. Ал, облыс әкімі аппаратының басшысы Байманов Шахмардан Асқарұлы аппарат қызметі мен қоғамдық даму, мәдениет және спорт, дін мәселелері салаларына жетекшілік ететін болады.Балмейір Сансызбайұлы 1993 жылы Оңтүстік Қазақстан облысы, Шардара ауданында дүниеге келген. М.Әуезов атындағы Оңтүстік Қазақстан мемлекеттік университетін «Құқықтану», Қазтұтынуодағы Қарағанды экономикалық университетін «Экономика және бизнес» мамандықтары бойынша бітірген.Еңбек жолын 2015 жылы Оңтүстік Қазақстан облысы бойынша тұтынушылардың құқықтарын қорғау департаменті Сайрам аудандық басқармасының бас маманы болып бастаған. 2016-2017 жылдары аталған департаменттің Шымкент қаласы, Әл-Фараби аудандық басқармасының бөлім басшысы қызметін атқарған. 2017-2019 жылдары ҚР Денсаулық сақтау министрлігі Қоғамдық денсаулық сақтау комитетінің Оңтүстік Қазақстан облысы бойынша департаментінің Шымкент қаласы Әл-Фараби аудандық басқармасының бөлім басшысы болған. 2019-2021 жылдары Шымкент қаласының мемлекеттік сатып алу басқармасы басшысының орынбасары, басқарма басшысы. 2021-2022 жылдары ҚР Мәдениет және спорт министрлігі Туризм индустриясы комитеті төрағасының орынбасары лауазымында қызмет атқарған.2022 жылдың қыркүйек айынан бастап осы кезге дейін Азаматтарға арналған үкімет Мемлекеттік корпорациясы Шымкент қаласы бойынша филиалының директоры лауазымын абыроймен атқарып келді.<figure class="image"><img src="https://knadmin.beoblood.kz/uploads/339778186_796049145272624_507209355130839676_n_1_9fcd4ea50f.jpg" alt="339778186_796049145272624_507209355130839676_n (1).jpg"></figure>

Қызылорда облысы әкімінің орынбасары тағайындалды

<a href="https://kyzylorda-news.kz/">Kyzylorda-news.kz.</a> 1 сәуір күні балаларды бірінші сыныпқа қабылдау басталды. Осы кезде көпшілік ата-ананы мазалайтын сұрақтың бірі - баланы мектепке неше жастан бастап берген дұрыс? Бұл сұраққа химия ғылымдары бойынша PhD докторант, ұстаз Аятжан Ахметжанұлы өзінің инстаграм парақшасында жауап берді.Маман мектепке баланы 6,5 жасқа толғаннан кейін беруге кеңес берді.<blockquote>"Менің берер кеңесім баланы 6,5 жастан аспай, 1-сыныпқа бермеген дұрыс. Адамның миының даму кезеңі болады. Адамның миы толық 12-13 жасқа дейін даму кезеңін бастан кешіреді. Қазір балаңыз қағылез, бәрін алып кететін секілді көрінеді. Бірақ мидың көтеру салмағы бала үлкейе келе белгілі болады. Қазір алып кеткен балаңыз үлкейе келе шаршағанын сезесіз. Мидың даму кезеңдері болады, бұл даму кезеңдерінде қатты салмақты салу - қателік", - деді ол.</blockquote>Сондай-ақ ұстаз адамның әр жасындағы қабылдау мүмкіндіктеріне қарай енгізілетін педагогикалық шешімдер барын және соларды ескеру керегін түсіндіріп өтті.<blockquote>"Әр пәннің қиындық дәрежесіне қарай басталады ғой пәндер де. Мысалы, биология 6-сыныптан, физика 7-сыныптан, химия 8-сыныптан деген секілді. Яғни адамның әр жасындағы қабылдау мүмкіндігіне қарай зерттеп енгізілген педагогикалық шешімдер. Ал баланы ерте мектепке бергенде, осы зерттеулердің бәріне қайшы шешім шығарасыз. Тіпті қазір 5 жастан жаңа асқан баланы мектепке бере салатындар көп. Неге десе, кейбірі балам алғыр дейді, кейбірі баламды қарайтын адам жоқ дейді. Екеуі де - балаға жаны ашымағандық. Ол баланың тікелей болашағына қатысты. Сондықтан балаңынызды кемінде 6,5 жастан асырып, 7-ге толтырып мектепке беріңіз. Бала ештеңеден кешікпейді, ойнап, балалығын толық қандырып, мектепке барсын. Бөпе кезінен балалығынан айырмаңыз", - деді Аятжан Ахметжанұлы.</blockquote>&nbsp;&nbsp;

Баланы мектепке неше жастан берген дұрыс?  

<a href="https://kyzylorda-news.kz/">Kyzylorda-news.kz.</a> &nbsp;Жаңақорған ауданының «Бірлік» және «Қыраш» елді мекендеріне газ құбырын қосу рәсімі өтті. Алдағы уақытта тағы да 5 ауылға «көгілдір отын» кіргізілмек.Іс-шараға облыс әкімі Нұрлыбек Нәлібаев қатысып, ауыл тұрғындарын құттықтады.<blockquote>«Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде дамыту. Ауылдарға нақты қолдау көрсетіп, заманауи инфрақұрылымды дамытуымыз керек» деген болатын. Президентіміз бен Үкіметтің Сыр өңірін ерекше қолдауының арқасында аймағымызда ауқымды жобалар жүзеге асуда. Өткен жылы 14 газдандыру жобасын жүзеге асыруға 8,7 млрд.теңге бөлініп, игерілді. Нәтижесінде 6 ауылды газға қостық. Осылайша өңірдің газдандыру деңгейі 70 пайызға жетті. Бұл – 26 елді мекен, 583 мыңға жуық тұрғын табиғи газбен қамтылды деген сөз. Биылға республикалық бюджеттен 7,4 млрд. теңге бөлініп, 2022 жылы басталған 7 жоба жалғасты және 12 жаңа жобаның құрылысы басталады. Оның ішінде, Жаңақорған ауданынының «Жайылма», «Шалқия», «Құттықожа», «Төменарық», «Кейден» ауылдарына «көгілдір отын» кіргізу жұмыстары басталады. Бұдан бөлек, өткен жылы құны 3,4 млрд. теңгені құрайтын Жаңақорған кентіндегі 10/0,4 кВ электржелілік жүйені жаңғырту жұмыстары қолға алынған. Соның арқасында кенттегі 70 шақырымға жуық электр желісі жаңарып, қосымша жаңадан 23 трансформатор орнатылады», – деді аймақ басшысы.</blockquote>Ауыл тұрғындарын қоғам қайраткері Бекмырза Еламанов құттықтады, «Ақүйік» ауылдық округінің ардагерлер кеңесінің төрағасы Сәулебек Бейсенбаев алғыс білдіріп, бата берді. Айта кетейік, «Ақүйік» ауылдық округіндегі «Бірлік» ауылына газ құбырын «Gas Energy Construction» ЖШС жүргізді. Жоба республикалық және облыстық бюджеттен қаржыландырылды, оны іске асыру нәтижесінде 440 тұрғын үй мен 5 әлеуметтік нысан газдандырылды. Мұнан әрі облыс әкімі «Қыраш» ауылын газға қосу рәсіміне қатысты. Бұл елді мекенде 124 тұрғын үй мен 6 әлеуметтік нысан «көгілдір отынға» қосылды.Салтанатты іс-шарада аймақ басшысы ауыл тұрғындарын құттықтады. Қоғам қайраткері Ибрагим Әбибуллаев сөз сөйлеп, ауылдық округтің қоғамдық кеңес төрағасы Сұлтанхан Ақылбеков бата берді. Әрі қарай Нұрлыбек Машбекұлы «Қыраш» ауылының имамы Әбдімәлік Шахановтың үйіне барып, газ тұтынған тұрғындардың қуанышына куә болды.Еске салсақ, биыл Мемлекет басшысының қолдауымен ауылдық жерлерде әлеуметтік нысандардың құрылысы қарқынды жүруде. Атап айтқанда, «Жайлы мектеп» ұлттық жобасы аясында алдағы 3 жылда облыста 15 100 орынға арналған құны 100 млрд. теңгеден асатын 21 мектептің құрылысы жүргізіледі. Биыл 10 мектептің құрылысы басталады. Оның 2-уі Жаңақорған ауданы орталығынан салынады.Жалпы егемендік алған жылдан бері ауданның әлеуметтік саласында үлкен серпіліс қалыптасты. Әлеуметтік нысандардан бөлек, ауданның инфрақұрылым жүйесі жаңғырып, жаңа бастамалар жүзеге аса бастады. Соның негізгісі – газдандыру. Бұл да біздің аудан үшін тәуелсіздіктің тағы бір тамаша тартуы. Ғасырдың ғаламат жобасына баланған көгілдір отынның келуі үлкен жетістіктің жарқын жемісі. 2015 жылы газдың алғашқы жылуын жаңақорғандықтар сезінсе, енді міне араға 8 жыл салып, ауылдардағы ағайын игілігін көре бастады.&nbsp;Газдандыру жұмысы әлеуметтік тұрмыс-тіршілікті жеңілдетті. Қазір қай үйге бас сұқсаңыз да газ, су, бәрі үйдің ішінде. Бұрынғыдай шелектеп су тасып күйелеш-күйелеш болып көмір жағып жүргендер сирек. Газдандыру жұмысы «Бейнеу-Бозой-Шымкент» магистралды газ құбырынан тарту арқылы жүргізді. Жалпы, Жаңақорған кентін газдандыру құрылысына 3 млрд. 48 млн. 465 мың теңге қарастырылды. Кенттегі 5300 үйді газдандыру үшін ұзындығы 283 шақырымға құбыр қазылды. Сондай-ақ, кентішілік екі дана газ тарату пункті мен 27 шкафтік газ тарату пункті орнатылды.Жаңақорған кентінің тұрғындары газ келгенде сенбеген еді, бірақ кейіннен бөркін аспанға лақтырды. Аудан орталығынан басқа да елді мекендердегі халықтың өмір мен тұрмыс жағдайын, сондай-ақ, өңірдің экологиялық ахуалын жақсартуға және газдандыру саясатын жүргізу мақсатында жобалар әзірленді. Аудан әкімі Мұрат Тілеуімбетовтың бастамасымен биыл Қыраш пен Бірлік ауылына газ қосылатын болады. Толықтай құрылыс жұмысы аяқталып қалды, бірер күнде ауыл тұрғындары газдың игілігін көреді.– Әрине, қуаныштымыз. Бұл үлкен жаңалық болды, ауылдар арасынан бірінші болып газ тұтынамыз деп еш ойламаппыз. Бүгінгі өркениет пен ілгерілеу заманы осыны талап етуде. Осы үдерістен шығып, ел игілігі жолында жұмылып жүрген аудан басшысы бастаған азаматтарға алғысымыз шексіз, – деді Батырхан ақсақал.Жалпы, табиғи газ – ең экологиялық таза отын түрі. Оған тек экономиканың дамуы ғана емес, еліміздің тұрғындарының тұрмыстіршілігі, өмір сүру сапасы, жайлылық деңгейі де тәуелді. Осы тұрғыда газбен жабдықтау желісін кеңейту елеулі әлеуметтік және экономикалық маңызға ие, сондайақ, газдандырылған елді мекендердің әлеуметтік-экономикалық әлеуеті артады.Жаңақорған кентінің тұрғындарының көгілдір отынның игілігін көріп отырғанына жетінші жыл. Енді Ақүйік пен Қыраш ауылдық округінің тұрғындары да отын шауып, көмір түсіріп, күл шығару машақатынан құтылды. Келер жылы бұйырса Шалқия, Құттықожа, Жайылма, Кейден және Төменарық елді мекеніне газдандыру үшін 3,5 млрд теңге қаржы бөлініп тұр.– Біз келер жылы Шиеліден Төменарыққа газ құбырын тартамыз. Оның қаржысы қомақты, сондықтан сапалы жұмысты жүйелейміз. Сол арқылы жол бойындағы Екпінді, Еңбек, Сунақата, Сүттіқұдық және Қожамберді ауылдары да газға қосылуға мүмкіндік алады. Содан кейін, Қыркеңсе, Жаңарық, М.Нәлібаев және Өзгент ауылына бет бұрамыз. Айналып келгенде 2-3 жылдың ішінде Төменарық аймағын толықтай, тау беткейі мен Сырдың бойын бойлаған ауылдардың тең жартысын газдандырамыз. Егер мүмкіндік болып жатса, қалған ауылдарға да газ мәселесін шешуге тырысамыз. Ол уақыттың еншісінде, – деді аудан әкімі.«Ауылда денсаулық сақтауды жаңғырту» ұлттық жобасы аясында 2023-2024 жылдары облыста 27 денсаулық сақтау нысаны салынады. Биыл дәрігерлік амбулаторияның құрылысы «Қаратөбе» ауылында, келесі жылы «Талап», Әбдіғаппар ауылдарында басталады. Ал, 2025 жылға қарай Жаңақорған ауданаралық ауруханасын «көпбейінді аурухана» деңгейіне жеткізу жұмыстары жүргізілуде. Мұнан бөлек, «Жайылма», «Өзгент» ауылдарында 150 орындық клуб, «Ақжол» ауылында денешынықтыру-сауықтыру кешенінің құрылысы жүргізілуде. Нысандар биыл шілде айында пайдалануға берілмек.

Қазақстан және Қызылорда облысының жаңалықтары