<a href="https://kyzylorda-news.kz/">Kyzylorda-news.kz.</a> &nbsp;«Ауылда денсаулық сақтауды жаңғырту» ұлттық жобасы аясында Қызылорда облысында көпсалалы аурухана мен Қан орталығының құрылысы жалғасуда. Мұнан бөлек, Шиелі ауданының Досбол би ауылында жаңа дәрігерлік амбулатория салынады. Бұл туралы ҚР Денсаулық сақтау министрі Ажар Ғиният Үкімет отырысында хабарлады.<blockquote>«Ауылда денсаулық сақтауды жаңғырту" ұлттық жобасы шеңберінде аймақтарда медициналық нысандар құрылысын салуды жалғастыру көзделген. Оның ішінде Қызылорда және Павлодар облыстарында көпсалалы аурухана, Қызылорда қаласында Қан орталығының құрылысын жалғастыру жоспарлануда», - деді ведомство басшысы.</blockquote>Аталған жоба аясында Қызылорда облысында алдағы 3 жылда 27 денсаулық сақтау нысаны салынбақ. Атап айтқанда, 24 дәрігерлік амбулатория, 2 фельдшерлік-акушерлік бекет, 1 медициналық бекет құрылысының тізімі Үкімет қаулысына енгізілді.<figure class="image"><img src="https://knadmin.beoblood.kz/uploads/339253467_1627201447742055_8171253817254954663_n_846225c198.jpg" alt="339253467_1627201447742055_8171253817254954663_n.jpg"></figure>

Қызылорда облысында 3 медициналық нысан салынбақ

<a href="https://kyzylorda-news.kz/">Kyzylorda-news.kz.</a> «Тірліктің көзін тапқан...» деген сөз тап осы жігітке арнап айтылғандай. Ол бүгінде халыққа пайдалы іс жасап қана қоймай өзі де тәуір табысқа кенеліп отыр. Біз жас кәсіпкер Дастан Бисенов туралы айтып отырмыз. Бүгінде оның есімі көпке таныс. Әсіресе көлік тізгіндеген ерлер қауімі жақсы біледі. Ол көліктерге арналған аксесуарлық қызмет көрсететін (EVA және 3D поликтер, танировка, химиялық тазалау, панельге накетка), &nbsp;тігін цех ашқан.Дастан алғаш болып осы кәсіпті қолға алған шақта тігіншіліктен мүлде хабары болмағандығын айтады. Уақыт өте келе ол өз ісінің маманына айналды. Бастапқыда кездескен қиындықтарға сағы сынбаған кәсіпкердің қазір автосалон жұмысымен айналысқанына 4 жылға жуық уақыт өтті. Осыған дейін талай көліктерге жаңаша өң беріп келеді.<blockquote>&nbsp;Шыны керек мен бұл кәсіпке кіріскенде тек іштей қызығушылықтан бастадым. Және тәуір табыс көзі болатындығын білдім. Себебі ол кезде Аралда мұндай цех жоқ болды. Көлігі бар жолдас жігіттерім қазір мен көрсетіп отырған қызмет үшін Ақтөбе, Қызылорда, көрші Қазалы қалаларына баратын. Бұл қарап отырсақ артық шығын. Бірақ онсыз тағы болмайды. Содан неге осыны жасап көрмеске деген ой туды. Әйтпесе тігін машинасын маңайлап көрмеген едім. Алғашында өзімнің бар жиған қаражатымды салып, тігін машинасы мен көлік кұралдарын қаптауға қажетті маталарды сатып алып келдім. Сөйтіп жұбайым Гүлбану екеуміз ең алғаш болып есік алдында жарамсыз болып жатқан көне машинаның орындығын қаптап қол үйрете бастадық. Әлі есімде кешке бастаған жұмысымызды таң атқанға дейін 12 сағат дегенде жасап бітірген едік. Сол алғашқы жұмысымыз қазір ескерткіш ретінде шеберханада тұр. Өзімізге ыстық көрінеді, - деген Дастан кәсібін қалай бастағаны туралы айтты.</blockquote>Осылайша Дастанның қызығушылығынан туған кәсібіне біртіндеп қолы үйрене бастады. Тіпті оған мол табыс әкелді. Алғашқы тапсырыс берушілер легі де келді. Алғашында тек орындықтар қаптайтын болса, бертін келе полик, көліктердің ішкі салонын жаңалап жайнатудың да қыр-сырын меңгерді. Қазір машинаны химиялық тазалау,түсқағаз(танировка)жабыстыру, панелге накетка салу сынды қызметтер де көрсетеді. Қаптауға қажетті маталарды Ақтөбе, Қызылорда қалаларынан арнайы тапсырыспен алдырып отыр.<blockquote>Бастапқыда тапсырыс берушілердің қалтасына қонымды болсын деп арзан материалдар алып тігіп жүрдім. Бірақ кейінен сапалы дүние жасау керек екендігін түсіндім. Сапасы жоғары маталар алдыра бастадым. Қазір адамдардың талғамы биік. Олардың көңілінен шығатындай етіп жасағанда ғана сенің жұмысың көрінеді. Мұндайда сапалы матаның алатын орны ерекше, – дейді.</blockquote>Дастан кәсібін қолға алған жылдары 505 мың теңге қайтарымсыз грантқа ие болды. Aral.auto.chehly- көліктерге арналған EVA және 3D поликтер тігу цехының жобасы ауданда алғаш қолға алынып отырған тың бастама болып табылады.<blockquote>Жұмысым алға баса бастаған соң үлкен цех ашуды қолға алдым. Осылайша өзімнің &nbsp;қаржатыммен цех құрылысын бастап кеткен едім. Мемлекет тарапынан берілген грант осы цех құрылысына көмек болды. Қазір &nbsp;цех толығымен іске қосылды. Менде қызмет түрін молайтуға мүмкіндік туды. Музыкалық қондырғылармен жабдықтау, химиялық тазалау басқа да түрлі қызметтер көрсетіп, тұтынушыларды ешқайда сабылдырмай, менің цехымнан өзіне керектіні табуына жағдай жасап отырмын. Десе де әлі де қажет деген, жоспарда жүрген дүниелер де бар, - деген Дастан алға қойған жоспарларымен бөлісті.</blockquote>Қазір оны аудан көлемінде көп адам біледі. Жұмысын жоғары бағалайды. Өз &nbsp;ісіне тиянақты шебердің қолынан шыққан көлік бұйымдары көздің жауын алады. Бүгінді жұмыс ауқымды болған соң бес адамды тұрақты жұмыспен қамтып отыр. Оларға да жалақыны тұрақты төлеп отырғандығын айтты.Дастан екі бірдей жоғары оқу орынын бітірген. Бұған дейін мамандығы бойынша да қызмет істеген. Бірақ қазіргі кәсібі несібесін молайта түскендігін айтқан жас кәсіпкер адал еңбектің берекеге бастайтынын тілге тиек етті.<blockquote>Өзің сүйіп істеген ісің ғана &nbsp;сені табысты етеді екен. Мұндай жұмыста кездескен қиындықтарға да сағың сынбайды. Аллаға шүкір осы кәсіпті қолға алғалы бері ырыс-несібем еселене түсті. Өзіме &nbsp;не керек екендігін енді тапқандаймын, - дейді ол.</blockquote>Жас та болса өз ісін дөңгелетіп отырған Дастан жары Гүлбану екеуі 5 баланы өмірге әкелген көпбалалы отбасы. Жарасымды жанұяның тірегі отағасы Дастан өзінің адал еңбегінің арқасында отбасын ырыс пен берекеге толтырып отырған азамат.

Аралдық жас кәсіпкер көлікке қызмет көрсету цехын ашты

<a href="https://kyzylorda-news.kz/">Kyzylorda-news.kz.</a> Еліміздің оңтүстік бөлігінде орналасқан 4 аймақ - Шымкент қаласы мен Жамбыл, Қызылорда және Түркістан облыстары Конго-Қырым геморрагиялық қызбасынының табиғи ошақтары болып саналады.Аймақта аса қауіпті ауру саналатын Конго-Қырым геморрагиялық қызбасының 2021 жылы 12 дерегі тіркелсе, 2022 жылы 20 науқастың диагнозы зертханалық жолмен нақтыланған. Аумақтар кесімінде айтатын болсақ, Сырдарияда - 5, Жалағашта - 4 Шиеліде - 4, Жаңақорғанда - 3, Қармақшыда -1 және Қызылорда қаласында 3 жағдай орын алған. Инфекцияны жұқтыру көзі ретінде барлық жағдайдың 45проценті &nbsp;- кене шағумен, &nbsp;25 проценті - мал күтімімен, &nbsp;15 проценті - ауылшаруашылық жануарларын союмен және 10 проценті - науқасқа күтім жасаумен байланысты болған. Бұл туралы Қызылорда облыстық санитариялық-эпидемиологиялық бақылау департаменті хабарлады.Аймағымызда биыл 106 елді мекен қолайсыз деп танылды. Бұл өткен жылмен салыстырғанда 10 елді мекенге азайғандығын көрсетеді, былтыр 116 елді мекен есепке алынған болатын.Бүгінгі күні ауыр ағымда өтетін аурудың алдын алудағы тиімді шаралардың бірі – кенеге қарсы залалсыздандыру жұмыстары. Жыл сайын барлық қолайсыз елді мекендерде санитариялық-қорғаныш аймақтарын құру үшін кенеге қарсы өңдеу шаралары жүзеге асырылады. &nbsp;Биыл қолайсыз деп танылған 106 елді мекенге залалсыздандыру жұмыстары сәуір айының екінші онкүндігінен басталады деп жоспарланып отыр. Кенеге қарсы дәрілеу аясында 30824 мал қора, 0,68 шаршы жерді құрайтын буферлік аймақтар және барлығы 556052 бас мал басы қамтылатын болады.Осы шаралардың тиімділігін арттыру үшін тұрғындар назарына қора-аула тазалықтарын қатаң сақтауды және қолайсыз елді мекендерде жүргізілетін өңдеу жұмыстары барысында мал бастары мен қора, аулалардың толық дәріленуіне үй иелері тарапынан қатаң бақылау қажеттігін еске саламыз.Бұдан бөлек, 2023 жылдың наурыз айының 2-ші онкүндігінен зоопаразитологиялық топпен кене жинау, зерттеу жұмыстары жүрізілуде. Бүгінге дейін 5220 дана кене жиналды, оның 443-і – елді мекеннен, 696-сы – ауылшаруашылық жануарларынан, 4048-і – табиғаттан, 33 данасы ауру ошақтарынан жиналды. 559 кене зерттеумен қамтылып, оң нәтижелер анықталған жоқ. Ағымдағы 2023 жыл басынан бері 46 адам кене шағу жағдайларымен медициналық көмекке жүгінген, оның ішінде 2 адамның дене қызуы көтеріліп, ауруханаға жатқызылды, екеуі де Шиелі ауданының тұрғындары. Алайда екі күдікті жағдайда диагноздары зертханалық жолмен нақтыланған жоқ, мамандардың консилиумымен диагноз өзгертілді. Бүгінгі күні облыс бойынша медициналық мекемелерде КҚГҚ-мен ауыратын науқастарды емдеу үшін вирусқа қарсы препараттар, иммундалған плазма және &nbsp;тағы басқа қажетті құрал-жабдықтар қоры &nbsp;жасақталды.Көктем келіп, күн жылына басталысымен кенелердің табиғатқа шығуы белсенді бола бастайды. Тұрғындар арасында, әсіресе, далалық аймақта жұмыс жасайтын, мал шаруашылығы, егін шаруашылығымен айналысатын адамдар үшін кене шағып, КҚГҚ ауруын жұқтырып алу қаупі арта түседі. Бұл ретте сақтық шараларының қатаң орындалуы аса маңызды. Қызылорда облысының санитариялық-эпидемиологиялық бақылау департаменті облыс тұрғындарын мал шаруашылығымен, ауыл шаруашылығымен айналысқанда арнайы жұмыс киімдерімен, қолғаптармен жұмыс жасауды, табиғат аясына демалысқа шыққанда кенелерден қорғайтын арнайы репеллентерді пайдалануға, ақ түсті киім киіп, кенелердің болмауына жиі тексеріп тұруды, сақтық шараларын жауапкершілікпен орындауды сұрайды. Сондай-ақ ауру белгілері анықталған бойда жедел медициналық көмекке жүгінуге кеңес береді. Себебі дер кезінде ем-шара қабылдаған кезде аса қауіпті аурудан толық сауығып шығуға болатындығын еске саламыз.Конго-Қырым геморрагиялық қызбасының алдын алу мақсатында санитариялық-эпидемиологиялық бақылау қызметі мен обаға қарсы күрес қызметі мамандарынан құрылған жұмысшы топ емдеу мекемелерінің аса қауіпті ауру тіркелген кездегі дайындық барысын, мамандар біліктілігін мониторингілеп, әдістемелік көмек көрсету үшін көшпелі семинарлар ұйымдастырды. Сонымен қатар елді мекен тұрғындарымен кездесіп, кене шаққан кезде, аурудың алғашқы белгілері байқалған кезде шұғыл медициналық көмекке жүгіну қажеттігі туралы тұрғындар арасында санитариялық ағарту жұмыстарын жүргізуде.

Конго-қырым геморрагиялық қызбасынан қолайсыз аймақтар саны азайды

<a href="https://kyzylorda-news.kz/">Kyzylorda-news.kz.</a> Жосалы кентін көркейту, көгалдандыру және санитарлық тазалығын жақсарту бағытында қабылданған бірқатар жоспарлар тұрақты түрде жүргізіліп келеді. &nbsp;Қазіргі таңда, Жосалы кентінің аумағы &nbsp;6780 гектарды құрайды. Кентте 21350 &nbsp;халық тұрады. 4449 тұрғын үй, оның ішінде 54-і қөпқабатты тұрғын үй және 137 көше бар. Аудан орталығында 74 мемлекеттік мекемелер мен кәсіпорындар орналасқан.&nbsp;Жосалы кентінде 1765 жеке тұлға кәсіпкер болып тіркелген, оның ішінде жұмыс жасап тұрған кәсіпкерлер саны 1593 бірлік екенін, 2022 жылы қаржы ұйымдары тарапынан 241 жобаға 650,4 млн теңгенің несиесі, оның ішінде 193 жобаға қайтарымсыз грант беріліп, 290 адам жұмыспен қамтылған. &nbsp;Инфрақұрылымға байланысты Жосалы кентіндегі 137 көшенің бүгінгі күнге 69-ы асфальтталғанын, 50 көшеге қиыршық тас төселді, және 18-і топырақты көшелер екенін жеткізді.Өткен жылы аудандық бюджеттен Тайшық би көшесіне қиыршық тас төселіп, асфальтталды. 3100 шаршы метр жаяу жүргінші жолы мен аяқ су арығына 648 метр бетон лоток салынды. Аманкелді көшесіне де дәл осындай жұмыстар жүргізуге аудандық бюджеттен қаржы бөлініп, оған көшенің көне асфальтын тазалап, екі жағына бордюр қойылды. Жаяу жүргінші жолына құм төселіп, бордюр орнатылды. Аяқ су арығына лоток орнату жұмыстары аяқталды. Аталған жоба биылғы жылы пайдалануға берілетін болады. Ал, Аманкелді көшесінен шыққан көне асфальт Наурыз және Қаракөзеев көшелеріне төселді. Сондай-ақ, аудандық бюджеттен бөлінген қаржыға екі көше, облыстық бюджеттен бөлінген қаржыға 12 көшеге қиыршық тас төселді. Осы конкурстардан үнемделген қаржы есебінен қосымша Момышұлы көшесінің аяғы мен Сырлытам, Батыс тұйығы көшелерін жөндеуге мүмкіндік болды. Көлік кептелісін азайту мақсатында өткен жылы Жандос, Рүстем, Аягөз, Сырдария сауда үйлерінің алдына автотұрақ салынған болатын. Биыл да бұл жобаны жалғастырып, Көшербаев көшесінің бойындағы Жастар үйі мен Халық банк мекемесі аралығына 300 шаршы метр жерге автотұрақ салынып, аяқ су арығына бетон лоток орнатылды. Қазіргі таңда Жосалы кентінде түнгі жарық жүргізілген 62 көшеде 1790 жарық шам бар. Биыл көше жарығына техникалық қызмет көрсетуге бөлінген қаржыға 274 түнгі жарық шам ауыстырылды. Сонымен қатар, Шығыс каналы арқылы 53 көше аяқ сумен қамтылды. Шығыс каналының 800 метр қашықтығына темір бетонды лоток орнатылды. Мұратбаев, Рысқұлов каналдарына да электрлі насос пен трансформатор қойылды.Келесі кезекте аудан орталығын көркейту, әсіресе саябақтарды күтімге алу үшін Астана, Қызылорда қалаларында көгалдандыру саласында тәжірибесі мол жеке кәсіпкер «Garden Қызылорда» мекемесімен келісім шартқа отырдық. Мекеме ыстыққа төзімді келетін 2000 түп тал көшетін отырғызып, күтімге алды. Оның ішінде 100 түп жеміс ағашы бар. Қазір аталған өсімдіктердің шығымы жақсы. Алдағы уақытта бұл тәжірибені басқа да саябақтарға қолдану жоспарда бар. Ал енді тазалық жайына тоқталсақ, елді мекеннің көшесін жөндеп, саялы бақтар салып, түнгі жарықпен әсемдегенімізбен оның тазалығы болмаса, жұмысымыз нәтижелі болмасы анық. Осы ретте, тәртіпке бағынбаған 474 азаматқа әкімшілік хаттама толтырылды. Сонымен қатар, қараусыз көшеде жүрген үй жануарлары, жаяу жүргінші жолдарын ластап, жол-көлік оқиғасына әсер етіп, адам өміріне қауіп төндіруде. Осы бағытта 208 әкімшілік хаттама толтырылып, 65 азаматқа айыппұл салынды. Жалпы тұрғындардың өмір сүру деңгейін көтеру үшін кенттің инфрақұрылымымен қатар абаттандыру – басым бағытымыз. Осы жылы Сексенбаев көшесіне абаттандыру жұмыстары жүргізілді. Қазақстан Республикасы Президенті Қасым-Жомарт Тоқаев 2022 жылды «Балалар жылы» деп жариялады. Осыған байланысты нақты шаралар қабылдап, Жосалы кентінде бірқатар жұмыстар атқарылды. Өткен жылы бес жерге шағын балалар ойын алаңын орналастырған болатынбыз. Дәл осындай шағын балалар ойын алаңы Қорқыт стансасына және Жосалы кентінің шет аймақтарының біріне салуға облыстық бюджеттен қаржы бөлінді. Аталған нысандар жыл соңына дейін пайдалануға берілетін болады. Биыл да осы салаға басымдық беріліп, облыстық бюджеттен бөлінген қаржыға Ы.Қасымов көшесі бойынан балалар ойын алаңы халық игілігіне пайдалануға берілді. Төрт аулалық футбол алаңының жасанды жасыл төсеніштері жаңаланды. Марал ишан мешітінің орнынан демеушілікпен ойын алаңы балаларға тарту етілді. Ел іші болғаннан кейін түрлі мәселенің болуы заңдылық. Жосалы кентінің әкіміне өтініш, талабын, ұсынысын жеткізгісі келген әрбір тұрғынға бекітілген қабылдау кестесінде ғана емес, барлық жұмыс күнінде келуіне ешқандай кедергі жоқ. Себебі, тұрғындар пікірлері мен ұсынысы маңызды. Сол арқылы көптеген мәселе шешімін тауып, жаңа жобалар іске асырылады. Жыл көлемінде тұрғындармен өткен есепті кездесулерде көтерілген мәселелер кент әкімінің жылдық іс-шара жоспарына енгізіліп, бақылауға алынды. Соның ішінде Жосалы кентіне қатысты Мүсірбаев тұйығы көшесін жөндеу, Айсауытов көшесіндегі аяқ су арығына бөгет орнату жөніндегі түскен ұсыныстар орындалды. Жағдайы жоқ 8 отбасыға демеушілік есебінен газ пеші сатып алынды, екі отбасының газ кіргізіп беру өтініші қанағаттандырылды. 30 отбасына ағаш отын берілді.&nbsp;Көктемгі көркейту, көгалдандыру және санитарлық тазалықтың екі айлығы барысында тазалық жұмыстарын ұйымдастыру үшін көшелерді алты аймаққа бөліп, барлық мекемелер мен кәсіпорындарға бекітіліп, қазіргі таңда әр сенбі сайын сенбілік ұйымдастырылып жатыр. &nbsp;&nbsp;«Қызылорда облысындағы жасыл екпелерді күтіп ұстау және қорғау, қалалар мен елді мекендердің аумақтарын абаттандырудың қағидаларын бекіту туралы» Қызылорда облыстық мәслихатының 2017 жылғы 16 мамырдағы №121 шешіміне сәйкес, мекемелер өздеріне &nbsp;бекітілген көшеде &nbsp;ұсақ және тұрмыстық, ірі көлемдегі &nbsp;қоқыстар мен қалдықтарды жинау және шығару, шөптерді шабу және шығару, қоршауларды сырлау, аяқ су арығының ішін тазарту, талдарды балақтау, әктеу, көше бойында жиналған құрылыс заттарын алдырту жұмыстарымен қатар, көшеде орналасқан кәсіпкерлік ғимарат нысандарының және өздерінің теңгеріміндегі мекеме ғимаратының сыртқы келбетін талапқа сай болуын, архитектуралық дизайнға сәйкестендірілуін қадағалау, шарбақтарды сырлау, тал егу, мекеме алдында қоқыс жәшігін орнатып, тұрғындарды &nbsp;тазалық жұмыстарына тарту және Үнпарақтар таратылуда. &nbsp;Көркейту, көгалдандыру барасында көше бойына жиналған күл-қоқысты белгіленген орынға (полигонға) өздерінің техникаларымен шығару жұмысы қолға алынды. &nbsp;Әсіресе, тұрғындар мен жеке кәсіпкерлерді тұрмыстық қатты қалдықтарды шығаратын мекемемен келісім шартқа отырғызу қазіргі таңда үлкен мәселеге айналып отыр. &nbsp;Себебі, тұрғындар тарапынан қоқысты бей-берекет көше бойына қойып кету жиілеп кетті. Аталған құқық бұзушылықтарға қарсы бірқатар жұмыстар жүргізіліп жатыр және де құқық бұзушылыққа жол берген тұрғындарға заң аясында шаралар қолданылуда.&nbsp;Мысалы, 2022 жылы көлемінде &nbsp;көшеге қоқыс тастаған, ортақ пайдаланатын орындарды ластаған &nbsp;70 азаматқа айыппұл салынса (1 млн 72 мың теңге), 2023 жыл басынан бастап 56 азаматқа &nbsp;айыппұл (966 000 &nbsp;теңге) &nbsp;салынып отыр. Бір өкініштісі, айыппұл арқалаған адамдардың ішінде бюджеттік мекемеде жұмыс жасайтын азаматтардың, оның ішінде білім саласында қызмет жасайтын, балалар алдында &nbsp;ұлағатты ұстаз &nbsp;болып, білім, тәрбие беріп &nbsp;жүрген азаматтардың үйінен шыққан қоқыстың көшеден табылуы ұят болды. Егер, заң талаптары сәйкес келсе, &nbsp;құқық бұзған азаматтардың аты-жөні, қызмет жасайтын мекемесі әлеуметтік желіге, жергілікті «Қармақшы таңы» газетіне жарияланатын болады. &nbsp;Сондықтан, абырой мен жалпыға бірдей қабылданған тәртіпті сақтау үшін, мекеме, кәсіпорын басшылары қарамағындағы қызметкерлерге және тұрғындарға міндетті түрде түсіндірме, үгіт-насихат жұмыстарын қарқынды жүргізуі тиіс.&nbsp;Сонымен қатар, Жосалы кентінің әкімшілігі тұрмыстық қалдықтар төгуге арналған қоқыс жәшіктерін (контейнер) бір жыл мерзімге, егер тараптар жағынан қарсылықтар болмаған жағдайда ұзақ мерзімге жалға беру және оған ақы төлеу үшін жекелеген тұрғындармен келісім шарт жасасып отыр. Жалға беру ақысы айына 400 теңге, жылына 4800 теңге. &nbsp;Егер қоқыс жәшігін жалға алуға ниетті тұрғындар болса, Жосалы кентінің әкімшілігіне келіп, жалға алу келісім шартын жасасқан күні контейнерді өз көліктерімен алып кетуіне болады. Көктемгі көркейту, көгалдандыру және санитарлық тазалық айылығы барысында Жосалы кенті мекемелерін тексеруге мониторинг топ шығатынын ескертемін. Тексеру қорытындысы бойынша анықталған кемшіліктер аудан әкіміне және Жосалы кентіндегі жұмыс жасайтын облыстық басқармаларға қарасты мекемелердің &nbsp;облыстағы басшыларына тікелей хат жазылып, ақпарат беріліп отыр. &nbsp;Сонымен қатар, биыл облыс көлемінде санитарлық тазалық жұмыстары аясында «Үлгілі елді мекен» конкурсы &nbsp;өткізіліп жатыр. Аталған конкурсқа &nbsp;Жосалы кенті де қатысуда. Осы орайда, кентте орналасқан мекеме ғимараты алдына жерден түрлі-түсті жарық түсіп тұратын жарықтандыру орнатуды қолға алып жатыр. Бұл көп қаржыны талап етпейді. Бірақ, түнгі уақытта кентімізге өзгеше сән беріп, түнгі келбетін аша түседі. &nbsp;Жалпы қоршаған ортаның тазалығына жауапкершілікпен қарау, &nbsp;туған жерінің тазалығы мен көркеюіне өз үлесін қосу әрбір азаматтың міндеті. Ал, сенбіліктікті ұйымдастырудың басты мақсаты – бюджеттік мекеме қызметкерлері бастап елге үлгі болу арқылы халықты ортақ іске жұмылдыру.

Жосалы кентінде 274 түнгі жарық шам орнатылды

<a href="https://kyzylorda-news.kz/">Kyzylorda-news.kz.</a> Қызылорда облысында суға шомылу кезеңі 1 маусымда басталады. Осыған орай, бүгінде суға шомылу маусымындағы қауіпсіздік шараларына дайындық жұмыстары жүргізілуде. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысы төтенше жағдайлар департаменті бастығының орынбасары Бекболат Әбдіқадыров мәлімдеді.<blockquote>«Қазіргі таңда жергілікті атқарушы органдар және тиісті жауапты мекемелермен алдын алу жұмыстары бойынша нақты іс-шаралар жүргізіліп жатыр. Аймақ басшысының 2023 жылғы 13 қаңтардағы қаулысына сәйкес суға шомылу маусымына облыс аумағында 4 коммуналдық жағажай белгіленді. Атап айтсақ, Шиелі ауданында «Ақ орда», Сырдария ауданында «Қалғандария», Қармақшы ауданында «Мұратбаев» және Қазалы ауданында «Қашқан су» жағажайлары. Айта кететін жайт, суға шомылу маусымында облыс тұрғындары мен қонақтарын барынша абай болуға шақырамыз», - деді Бекболат Қайырбекұлы.&nbsp;</blockquote>Былтырғы жылы құтқарушылар 10 адамды құтқарған.<blockquote>«Сырдария өзенінде шомылу аймақтарына бақылау жүргізіп жатырмыз. Өткен 2022 жылы құтқарушылардың көмегімен 10 адам құтқарылған болатын. Қайғылы жағдайдың басты себептерінің бірі белгіленбеген жерге суға шомылуы мен ішімдік ішіп суға түсу факторлары болып отыр. Бүгінгі таңда су айдындары мен демалыс орындарында облыс тұрғындары мен қонақтарының қауіпсіздігін қамтамасыз ету мақсатында 2570 жиын өткізілді. Алдағы уақытта да қауіпсіздік шараларын ұйымдастыра береміз», - деді Қызылорда облысы төтенше жағдайлар департаментінің басқарма басшысы Асхат Тоғызбаев.</blockquote><figure class="image"><img src="https://knadmin.beoblood.kz/uploads/339832817_622117083067621_939821129303606570_n_80ec54a464.jpg" alt="339832817_622117083067621_939821129303606570_n.jpg"></figure>

Қызылордада 4 коммуналдық жағажай белгіленді

<a href="https://kyzylorda-news.kz/">Kyzylorda-news.kz.</a> &nbsp;Дамыған елдерде экономиканың қозғаушы күші бизнес екені белгілі. Шағын және орта бизнес қарыштап, дамыса, халық кәсіппен шұғылдануға бейімделсе, мемлекеттің де өсіп өркен жаяры анық. Бүгінде ауданда бәсекеге қабілетті, жан-жақты кәсіпкерлердің қатары көбейіп келеді. Қармақшы аудандық кәсіпкерлік, өнеркәсіп және туризм бөлімінде қолға алынған шара көп.&nbsp;Рас, аудан да кәсіпкерлік кеңінен қанат жайып келеді. «Кәсіп – түбі нәсіп» дейді дана қазақ. Ал мемлекетімізде шағын және орта кәсіпкерлікті дамытуға бағытталып жатқан мемлекеттік бағдармалар да аз емес. Осы жобалар негізінде талай жанның жолы ашылып, бизнесте бағы жанып, өз кәсібін дөңгелетіп отырғандар қаншама?!Өткен жылы ауданда өнеркәсіп өнімінің көлемі 4 387,0 млн теңгені құрап, нақты көлем индексі 104,6 пайызға, өңдеу өнеркәсібіндегі өнім көлемі 3 555,0 млн теңгені құрап, 104,7 пайызға орындалған болатын. Өнеркәсіп көрсеткіштері мамыр-тамыз айларының аралығында төмендеді. Қыркүйек айынан бастап көрсеткіштердің жоғарылау динамикасы қалыптасып, жыл қорытындысымен оң нәтижеге қол жеткізілді. Көрсеткіштердің төмендеуі 2022 жылдың басындағы өнеркәсіп саласындағы жеке кәсіпкерлердің статистикалық есептіліктер тапсыру барысында, өткен жылмен салыстырғанда, өнім көлемін төмен көрсетуімен байланысты болса, жоғарылауына жыл көлемінде көрсеткіш резервтерін арттыру бағытында кәсіпорындармен атқарылған жұмыстар септігін тигізді.Бөлшек сауда көлемі 2022 жылдың қаңтар-желтоқсан айларында 8 019,1 млн теңгені құрап, нақты көлем индексі 133,5 пайызға орындалды. Көрсеткіштің артуына 2022 жылы ауданнан жаңа ашылған сауда нысандары және жаңадан статистикалық есептіліктер тапсыратын («2-сауда» нысаны) сауда саласындағы кәсіпкерлік субъектілерінің (респонденттер) тіркелуі әсер етті. Өткен жылы «Гелиос» жанармай құю бекеті ашылса, ауданға сауда саласындағы «Империя» ЖШС, «В-телл» ЖШС жаңа респондент ретінде тіркелді.&nbsp;Қазіргі таңда, бөлшек сауда саласындағы «2-сауда» нысанын тапсыратын ауданға тіркелген 8 респондент жұмыс жасап тұр. Олар: «Мир-2001» ЖШС, «Руслан» ЖШС, «Болашақ құрылысы» ЖШС, «Сыпайы Фарм» ЖШС, «Имеперия» ЖШС, «Шапағат» ЖШС, «Қармақшы ТК» ЖШС, «В-теллл» ЖШС. Сонымен қатар, ауданда өкілдіктері сауда қызметімен айналысатын бірқатар кәсіпорындар бойынша есептілік тапсырады. Олар: «Арал-газ» ЖШС, «Технодом-Оператор» АҚ, «Гулсер-Компьютерс» ЖШС, «Торгосервис КЗ-4» ЖШС, «Петро-Ритейл» ЖШС, «Мечта-Маркет» ЖШС, «Қызылорда Мұнай өнімдері» ЖШС, «Қызылорда-Газ» ЖШС, «Ақниет» ЖШС, «Тұрангаз» ЖШС, «Фиркан» ЖШС, «Гелиос» ЖШСТіркелген шағын және орта кәсіпкерілік субъектілер саны 2023 жылдың 1 қаңтарына 4 200 бірлікті құрайды. Өткен жылдың есепті кезеңімен салыстырғанда 125,9 пайызға өсім бар. &nbsp;Оның ішінде жұмыс жасап тұрған шағын және орта кәсіпкерлік субъектілер саны 3 921 бірлікті құрап, өткен жылдың есепті кезеңімен салыстырғанда 129,8 пайызға орындалды. Тіркелген кәсіпкерлік субъектілердегі жұмыс жасап тұрғандарының үлесі 93,4 пайызды құрады (жоспар 92 пайыз). Көрсеткіштің артуына мемлекеттік бағдарламалар шеңберінде бизнес жобаларды несиелендіру, гранттар беру аясында жаңа кәсіпкерлік субъектілерді тіркеу оң әсерін берді.2022 жылдың 6 айының қорытындысымен шағын және орта кәсіпкерлікте жұмыспен қамтылғандар саны 5 022 адамды құрап, өткен жылдың сәйкес кезеңімен салыстырғанда 100 пайызға, олармен шығарылған өнім көлемі 4 411,0 млн теңгені құрап, 90,1 пайызға орындалды.&nbsp;Мемлекеттік бағдарламалардың іске асырылуы бойынша 2022 жыл көлемінде барлық бағдарламалар шеңберінде 631 жоба 3 985,7 млн теңгеге қаржыландырылды. Оның ішінде: «2021-2022 жылдарға арналған кәсіпкерлікті дамыту жөніндегі ұлттық жоба» шеңберінде несие сыйақысының бір бөлігін субсидиялау (ДКБ-2025) бойынша 70 жоба 2 154 млн теңгеге несиелендірілді. Ал «Іскер», «Агробизнес», «Реинвест» бағдарламалары шеңберінде «Аграрлық несие корпорациясы» арқылы 25 жоба 1 049,7 млн теңгеге несиелендірілді. Сондай-ақ «Іскер», «Микробизнес-Қызылорда» бағдарламалары шеңберінде «Қызылорда» Өңірлік Инвестициялық Орталығы» (РИЦ) арқылы 17 жоба 100,3 млн теңгеге несиелендірілді. Ал «Атамекен-Қызылорда» арқылы (ДКЗ) 15 жоба 60,4 млн теңгеге несиелендірілсе, «2021-2022 жылдарға арналған кәсіпкерлікті дамыту жөніндегі ұлттық жоба» шеңберінде жаңашыл 1 жобаға 5,0 млн теңгенің, жұмыссыз азматтардың 503 жобасына 616,3 млн теңгенің гранттары берілді.Инвестициялық жобаларды іске асыру бойынша индустрияландыру бағдарламасы шеңберінде 2022 жылы екі жобаны іске асыру жоспарланған болатын. Дегенмен, дәлелді себептермен жобаларды іске қосу біршама уақытқа шегертілді:«Қармақшы құс» ЖШС-нің «Жылына 1500 тонна тауық етін өнідретін құс» фабрикасының құрылысы 2021 жылы аяқталып, құрал-жабдықтармен қамтамасыз ету үшін 2022 жылдың басында «Агробизнес» бағдарламасы шеңберінде 880,0 млн теңге несие мақұлданды. Жоба бастамашысы тарапынан мерзімінде шет мемлекеттерге тапсырыс берілді. Құрал-жабдықтарды жеткізу кешіктірілуіне байланысты, монтаждау жұмыстары кеш басталды.«Тұрған тамы» шаруа қожалығының «Балық өңдеу цехын ашу» жобасы электр энергиясымен қамтамасыз ету жұмыстары аяқталмағанына байланысты іске қосылған жоқ. Туризм саласына келсек, қазіргі таңда, Қармақшы ауданы бойынша «Батыс Қытай – Батыс Европа» автотрассасы бойында түрлі санаттағы 14 қызмет көрсету нысандары жұмыс жасап тұр, «Батыс Қытай – Батыс Еуропа» халықаралық көлік дәлізінің 1663 шақырымында орналасқан, қысқа мерзімді демалыс аланқайында санитарлық-гигиеналық тораптың құрылысы жүргізілуде.&nbsp;Орналастыру орындарының негізі көрсеткіштері бойынша Қармақшы ауданында 2022 жылдың 9 айында 7 нысанда 2 769 адамға қызмет көрсетілген, көрсетілген қызметтердің көлемі 13,2 млн теңге. Өткен күнтізбелік жылдың ұқсас кезеңімен салыстырғанда 105 пайызға орындалды. &nbsp;(Орналастыру орындары жөніндегі есептілік 3 қонақ үй және 4 жол бойындағы қызмет көрсету кешенінен алынған) &nbsp;&nbsp;Қонақ үйлердің (орналастыру орны) нөмірлік қор санын ұлғайту көрсеткіші бойынша аудан көлемінде орналасқан қонақ үйлердің &nbsp;бір мезеттегі сыйымдылығы 187 орын, 93 нөмірге жетті. 2022 жылдың қорытындысымен «Қорқыт ата» кешеніне 13 612 адам келген. Оның ішінде шетелдік туристер саны 332 адам. Кәсіпкерлік субъектілерінің санитариялық-гигиеналық тораптарды күтіп-ұстауға арналған шығындарының бір бөлігін субсидиялауға байланысты 4 кешеннің санитарлық-гигиеналық торабы комиссия қарауында оң шешім алды.2022 жылы іске қосуы жоспарланған санитарлық-гигиеналық тораптың (жеке кәсіпкер Т.Нұртазаева) орналасу орнында пайда болған кедергілерге байланысты орындалмады. Қазіргі таңда, кедергілерді жою жұмыстары жүргізілуде. Ағымдағы жылы нысан іске қосылады.Жаңа кәсіпкерлік нысандарды іске қосуБылтыр жыл басынан бері Жосалы кентінде Шолпан Махмутованың «Шынар ана» автобекеті, «Әмбебап» ЖШС-нің «Ғибрат ас үйі» мейрамханасы, Нағима Тоқсанбаеваның «Адина» жеміс-жидек дүкені, Ерлан Нағашыбаевтың фотостудиясының құрылысы аяқталып, іске қосылды. Өтегенов кәрімнің кибер спортты дамыту саласындағы компьютерлік клубы ашылды. Сонымен қатар Төретам кентінде «Гелиос» жанармай құю бекеті, ЖК «Алтаирдың» оқу-оңалту орталығы және Джакешов Аманның балалар ойын-сауық орталығының құрылыс аяқталып, пайдалануға берілді.Сондай-ақ бірқатар кәсіпкерлік нысандардың құрылысы басталды. Атап айтар болсақ, Абай Маратовтың көлік жуу орны, Нұрлыбек Өтегеновтің дүкен және сұлулық салоны, Рауа Бұйрабаеваның жеке балабақшасы, Мейірбек Сыдықовтың тез тамақтану кафитерийі, Айна Тұрғанованың сауда орталығы, «Бибінұр базарының» ғимаратына күрделі жөндеу жұмыстары, Дина Серікбаеваның кәсіпкерлік нысаны, Гүлнар Серікбаеваның көлік жуу орны.Сонымен қатар, жеке кәсіпкер Тоқсанбаева Нағима Жосалы кентіндегі «Таңсықбай» базарын сатып алып, заманауи үлгіде сауда орталығының құрылысын бастауға дайындық жұмыстарын жүргізуде. Жеке кәсіпкер Тиышкүл Үкібаева көкөніс сақтау қоймасының құрылысын бастау үшін жер телімін алуға өтініш берді.

Қармақшы ауданындағы кәсіпкерлік салада өсім бар 

<a href="https://kyzylorda-news.kz/">Kyzylorda-news.kz.</a> Бүгінгі қоғамдағы әйел бейнесі – іскер, басшы, қызметкер сынды лауазыммен толыққан. Олар бала тәрбиелеп қана қоймай, кәсіп ашып, оны дамытуда. Әйелдер қауымының биік белесті бағындыруға білімі мен білігі жеткілікті. Демек, әйелдердің қазіргі қоғамда атқарар рөлі орасан. Статистикалық мәліметтерді сөйлетсек, әйелдер қауымы барлық салада жұмыс істейді. Олар отбасы, ошақ қасында ғана емес, сауда мен кәсіпте де белсенді екенін танытты.Еліміздің кәсіпкерлік саласында да әйелдер үлесі орасан. Қаншама аналар мен қыз-келіншектер заман талабына сай сүйікті ісін кәсіпке айналдыруда. Міне, отбасы, бала тәрбиесі, сондайақ кәсіпкерлікті қатар алып жүрген аналардың бірі – Жосалы кентінің тұрғыны Рабиға Балғабаева.Ол өткен ғасырдың алпысыншы жылдарында Иіркөл ауылындағы Жайберген мен Раушан анамыздың отбасында 3 ұл, 3 қыздың бірі болып тәрбиеленген. 8 жылдық мектепті тәмамдаған соң Қызылордадағы Мәншүк Мәметова атындағы педагогикалық училищеде білім алады.Арнаулы оқу орнын бітіріп, туған ауылындағы мектепте алғашқы еңбек жолын бастаған Рабиға Жайбергенқызы болашақ жары Бауыржан Алтынбаевпен шаңырақ көтереді және еңбек жолын Жосалы кентіндегі №27 орта мектепте жалғастырады.Жылдар өте жас отбасы жаңалықтармен толығып, дүниеге Қуаныш, Банумаржан есімді сәбилер келеді. Ал, 1994 жылы бақытты отбасында Мағжан есімді перзенті дүние дидарын ашқан соң кейіпкеріміздің өмірінде өзгерістер пайда болады. Оған тоқсаныншы жылдарда еліміздегі жұмыссыздық, жалақының кешіктірілу себеп болған еді...<blockquote>«Тоқсаныншы жылдары мекемелерде айлық кешіктірілді, кейбір кәсіпорындар жабылып, жұмыссыз қалғандарға жұмыс табудың өзі қиынға соқты. 1994 жылы кіші балам Мағжан дүниеге келген соң, біздің де отбасымыз дағдарысқа ұшырады десек болады. Өйткені, мен баламен үйдемін, көлік жүргізушісі болып еңбек ететін отағасым жұмыссыз қалды. Содан жанұяммен ақылдаса келе сол кездері көптеген қызкеліншек сияқты теміржол жағаладым. Пойызда бәліш саттым. Кейіннен мен бұл кәсіпті одан әрі жаңғыртуға бел будым. Бәліш сатудың арты Түркістаннан, Алматы қаласы мен Қырғызстаннан азық-түлік және басқа да күнделікті тұрмысқа қажетті заттар сатуға ұласты. Көп ұзамай жолдасымның қолдауымен оның жемісін де көре бастадым. Сол жылдары кәсіпкерлікті ауданның ғасыр кәсіпкері атанған Шынар Махмутова апайымызбен бірге Сұлу Досниязова, Әсем Сержанова, Жомарт Жаппасбаев, Алтынбек Демесінов сынды бүгінде сала ардагері атанған азаматтар мен азаматшалармен бірге бастадым», деді Рабиға Жайбергенқызы.</blockquote>«Ынта, талап пен көңіл – кәсіптің анасы» дегендей, ауданда шағын және орта кәсіпкерлікті дамытуда өзінің еселі еңбегімен ел құрметіне бөленіп жүрген кәсіпкердің еселі еңбегіне туған халқы дән риза десек артық айтқандық емес. Оның аудан экономикасын нығайту, тұрғындар әлеуетін арттыру мақсатында қосқан сүбелі үлесін көпшілік құрметпен атайды.Кәсібінен нәсібін тауып, ауданда кәсіпкерлер, тұрғындар арасында беделі биік жан бүгінде Жосалы кенті орталығынан «Мағжан» атты азық-түлік, күнделікті тұрмысқа қажетті тауарлар, оның ішінде нарық бағасынан арзан болатын ыдыс-аяқ, шаруашылыққа керекті құрал-саймандар, тұрмыстық техника сататын үлкен орталықтар, наубайхана, шағын кафе, өзі туып-өскен Иіркөл ауылынан «Раушан әже» сауда-саттық дүкенін ашып, тұтынушылар алғысына бөленіп келеді. Осы кәсіпкерлік нысандарда 40-тан астам адамды тұрақты жұмыспен қамтып отырған жайы бар.<blockquote>«Кәсіп ашу қиын болғанымен, оның қиыншылығы жылдар өте ұмытылады екен. Расында да, алғашқы кездері қатты қиналдым. Бірақ жолдасымның, кәсіпкерлікті қатар бастаған әріптестерімнің қолдауымен басымнан өткерген қиыншылықты ұмытып кеттім. «Еңбек – түбі береке» деген. Бүгінде сол бейнетті жылдардың зейнетін көрудемін. Аллаға мың шүкір етемін, балаларым өсіпжетіліп, қолқанатым болуда. 40-тан астам өз ісінің білгірі атанған сенімді серіктерімнің арқасында кәсіпкерлігімді дамытып жатқан жайым бар. Олар менің жоспарымның жүзеге асуына қолдау көрсетіп жатса, мен де оларға қолдан келген көмегімді аяп қалғаным жоқ. Отбасында болып жатқан қуаныштарға қуана қолдау жасаймын. Пенде болған соң әрине әркімнің басынан қиыншылықтар, қайғылы жағдайлар өтіп жатады. Осы кезде олар да, мен де әрдайым бір-біріміздің жанымыздан табыламыз. Қолдан келген көмекті беріп отырамыз. Бұл менің басты парызым деп білемін», &nbsp;дейді кәсіпкер.</blockquote>Адам баласы бұл жалған дүниеге пенде болып келген соң, міндетті түрде жақсылықты істерімен жан-жағына шуағын шашып, үлкенге құрмет, кішіге ізет, түңілгеннің басын, қуанғанның шашбауын көтеру – ол парыз. Сондай жаны жайсаң, жүрегі жақсылыққа толы жандар арасында Рабиға Балғабаеваның орны бөлек.Ол он жылға жуық уақыттан бері аудандағы 10 орта мектепте білім алатын тұрмысы төмен, көпбалалы отбасы балаларын ыстық тамақпен қамтамасыз етеді. Одан бөлек 40-қа жуық осы санаттағы балаларды тегін ыстық тамақпен қамтып, демеушілік жасауда.«Туған жердің топырағы да ыстық» дегендей, сала майталманы жыл сайын демеушілік көрсетуде көпке үлгі болуда. Өзі ыстық тамақпен қамтамасыз ететін білім ордаларында жаңа жыл, 8 наурыз – халықаралық әйелдер мерекесі, Наурыз, жаңа оқу жылы және басқа да мерекелерде, науқас балалардың шетелдерде ем алуларына, аудан орталығы мен Иіркөл ауылы тұрғындарына заттай және қаржылай демеушілік көрсетіп келеді. Сонымен қатар, өзі басқаратын ұжымда еңбек ететін қызметкерлеріне де мерекелерде де арнайы жиындар ұйымдастырып, оларға өз атынан мерекелік сый-сияпат жасап тұрады. Бұл үрдіс дәстүрге айналған. Басшының адамгершілік қасиетіне қызметкерлер де, адал еңбектерімен кәсібінің дамуына үлесін қосып жүрген қызметкерлеріне ардақты ана, кәсіпкер, меценат Рабиға Балғабаева да дән риза.

Табыстың көзін тапқан қармақшылық кәсіпкер

<a href="https://kyzylorda-news.kz/">Kyzylorda-news.kz.</a> &nbsp; Қызылорда облысы Жаңақорған ауданындағы бірқатар мектепте еңбекақы төлеу кезінде лауазымды мамандар ресми құжаттарға жалған мәліметтер енгізіп, қаражаттарды бөгде адамдарға аударып келген, деп хабарлайды ҚазАқпарат.ҚР Сыбайлас жемқорлыққа қарсы іс-қимыл агенттігі Қызылорда облысы бойынша департаментінде аталған деректер бойынша көпэпизодты қылмыстық іс тергелуде.<blockquote>«Келтірілген залал сомасы шамамен 543 млн теңгені құрайды. Оның ішінде 91,5 млн теңге өндірілді. Одан бөлек превенция шаралары нәтижесінде жекелеген мектептердің жауапты мамандары арқылы негізсіз шығысталған 35 млн теңге қаржы аудит басталу сатысында мемлекеттік бюджетке толық көлемде кері қайтарылды. Алдағы уақытта бұл жұмыс уәкілетті органдармен бірге жалғасады», - деді ҚР Сыбайлас жемқорлыққа қарсы іс-қимыл агенттігі Қызылорда облысы бойынша департамент басшысының бірінші орынбасары Асылхан Ашиков.</blockquote>Ведомство мәліметінше, жемқорлыққа ықпал ететін себептер мен жағдайларды болдырмау мақсатында облыстық білім басқармасы және оған қарасты мекемелерде еңбекақы төлеу және қорын игеру қызметіне сыртқы талдау жүргізілген.<blockquote>«Талдау барысында бірқатар сыбайлас жемқорлық тәуекелдері анықталған. Талдау обьектілерінде бизнес процестер автоматтандырылмаған. Яғни, қаржылық операциялар қолма-қол қағаз жүзінде жүргізіліп келген. Бағдарлама әкімшілері тарапынан жылдық қаржылық жоспарларға талдау-бақылау жұмыстары уақытылы жүргізілмей, бюджет қаржысы негізсіз артық жоспарланған. Салдарынан білім беру ұйымдарында «1С-Бухгалтерия» мен «Қазынашылық-клиент» жүйелеріндегі кемшіліктерді пайдаланып, аса ірі көлемде бюджет қаржысы жымқырылған», - деді департамент басшысының бірінші орынбасары.</blockquote>

Жаңақорған: Мектептерде қаражатты қолды еткен мамандар анықталды

<a href="https://kyzylorda-news.kz/">Kyzylorda-news.kz.</a> &nbsp; «Қазгидромет» РМК-сы сәурдің 5-і күнгі күн райы болжамын жариялады.<a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana">Қазгидромет</a> мекемесінің мәліметінше, 5-сәуір күні еліміздің басым бөлігі әлі де антициклонның ықпалында болады. Яғни күн ашық болады. Тек республиканың оңтүстігінде атмосфералық фронталды бөліктердің өтуіне байланысты жаңбыр жауады, таулы аумақтарда қатты жаңбыр жауады. Республика бойынша жел күшейеді.Күндіз Түркістан облысының таулы аумақтарында қатты жаңбыр жауады.Түнде Алматы облысының таулы аумақтарында, Жетісу облысының солтүстігінде, орталығында және таулы аумақтарында 1-6 градусқа дейін үсік сақталады.

5 сәуірге арналған ауа райы болжамы

<a href="https://kyzylorda-news.kz/ru/">Kyzylorda-news.kz</a>. Жүректің жабырқаулы жайы, қуанышы һәм үрей мен үміт, сенім мен күдік сынды сезім атаулының бәрі адам көзінен анық байқалады. Өйткені, нұрдың ұясынан сыр да бүкпесіз баяндалып тұратындай. Адам жүзіндегі жәудіреген жанардың түпсіз терең тұңғиығына қарап, бірде торығып, бірде қуаныш табуға болады. Көздер сөйлейді. Жалғанда жалған сөйлеймейтін де сол жанар іспетті. Ал, езуіне жымиыс жиылғанның, жүзіне күлкі үйрілгеннің емес, көзі күлімдеген жанның бақытты екені жиі айтылады. Сондықтан «көздің нұры таймасын» деген тәмсілдің мәні терең. Көз – ең нәзік, ең мөлдір саналғанымен, тылсым күш те, қуат та соған тиесілі. Бір көзқарастың өзі өңменінен өтіп, суықтық сыйласа, енді бірінің шуағына шомылып, шапағатына бөленесің. Сайып келгенде, сұқтанып қарағанның да салдары ауыр, зардабы қатты.Мұндайды қазақ «көз тию» деп атап, «сұқтанған көзден сақтасын» деп түрлі тәсілдерді қарастыратын болған. Содан болар, жақсыны көрсе «түкіріп», тіл-көздің алдын алуға бәрі бейім. Сонымен қатар, жатқа жақұт сыйлап, асылды аманаттап, құнды құндылықты сый еткенде «көздің қарашығындай сақтап» қиянат жасамауын қиыла сұраймыз. Осыдан-ақ, қос жанардың қадір-қасиетін ойша қорытып, бағасын бағамдауға әбден болады. Ендеше, біз көзімізді қаншалықты ауру-сырқаудан сақтап, қажетсізден қорып жүрміз? Көзге қаншалықты көңіл бөлеміз?Жарық дүниенің қызығы мен көркемдігін көріп, сұлулығын сезіне алмағаннан артық қасірет жоқ шығар?! Қайнаған тіршіліктің қарбаласына енгенменен қыбырды естіп, жыбырды жанармен көрмеген соң бәрінен мақұрым қалғандай меңіреу күй кешесің. Қараңғылықтың құрсауында қалғанның қиындығы бар, тек көкірек көзі ояу, жүрек жүдемесе болғаны. Өйткені, өзгенің кемістігін айтып кемсітіп, қоғамнан бөлек бөліп, шеттетуге ешкімнің қақысы жоқ. Иә, көздің көрмей қалуына түрлі себептер түрткі бола алады. Мәселен, тумысынан қалыптасқан сырқат немесе оқыс оқиғадан кейін оңалмау, қысым мен жарақаттың жазылмас жарасы болуы да бек мүмкін. Бірақ, кейде «ауруды да өзіміз сатып алған жоқпыз ба?» деген ойға келесің. Өйткені, бүгінде еңкейген кәріден, еңбектеген балаға дейін көз ауруына жиі ұшырасып жатады. Ұялы телефонға үздіксіз үңіліп, компьютерден көз алмай отырған соң да көз ауруының алғашқы белгілері анықтала бастайды.Сондықтан жанардың өздігінен жасаурап, орынсыз қызаруын байқағаннан-ақ дәрігерге қаралған ләзім. Аурудың алдын алғанның айыбы жоқ. Өршітіп алып өкінбей, тыңғылықты ем алуды қолға алған абзал.Балаға телефонға телміріп көп отырмау керектігі үй ішінде айтылады. Бала болашағына һәм денсаулығына алаңдаған ата-ана ескертпе жасап, ақылын айтады. Дей тұрғанмен, кейде бала жылай қалса жұбатып, тынышталу үшін телефонды өздері беретіні жасырын емес. Сондықтан шамадан тыс смартфонға шұқшиып қарап отыру үлкен қауіпті туындатады. Бұрын оқушылар, орта буын көру қабілеті айтарлықтай төмен болса да, көпшіліктен ыңғайсызданып, қолын сілтеп жүре беретін. Бәлкім, түрлі келеке мен мұқатудың астында қалғысы келмейтіндіктен болар. Ал, қазір үлкен-кішінің арасында көзілдірік кигендерге көзқарас қалыпты. Бір отбасының өзінде көзілдірікті кемінде 2-3 адам киеді. Білім ордасында да көзілдірік киген оқушыларды көптеп кездестіруге болады. Алыстан яки жақыннан көрмеушілікті біржолата жоя қоймағанымен, көзілдірік асқынудың алдын алуға, көру қабілетін қалыпты ұстауға септігін тигізеді. Сондықтан саулыққа келгенде өзгенің бостекі әңгімесін ысырған жөн. Бетін аулақ қылсын, бірақ көз мүгедектігіне шалдықса, әлдебіреудің мұрты да қисаймайды.Көз ауруы – ең қатерлі сырқаттың бірі. Асылында, аурудың қай-қайсысымен де ойнауға болмайды. Асқынса ажалдың апанына кезігуің ықтимал. Қазір де көз ауруы бойынша дәрігерге қаралып, ем қабылдаушылар саны өте көп.<blockquote>– Бүгінде кең таралған көз ауруларына алыстан көрмеушілік жатады. Компьютерде жұмыс істеп және телефонды шектен тыс пайдалану сынды көз жүктемесі көп болғандықтан мектеп жасындағы балалардан бастап, үлкендерге дейін алыстан көрмеушілік дәрежесі жоғарылайды. Алыстан көрмеушілікті емдеу жолдарымыз емханаға келгеннен кейін әр түрлі көзәйнектермен түзету жүргізіп, көзге тамызатын тамшылар және көзге арналған жаттығуларды көрсетеміз. Сондай-ақ, табиғаттың құбылып, ауа-райының өзгеруіне байланысты көздің вирустық аурулары пайда болады. Дәрігерге дер кезінде қаралған жағдайда 1 аптадан кейін жойылып, тез жазылып кетеді. Осы ретте, теледидардың және компьютердің алдында көп отырмауға, құнары мол тағамдарды тұтынуға, мейлінше жеміс-жидектер мен көкөністерді жеуге кеңес беремін. Сондай-ақ, көзге арналған жаттығу жасауды назарға алып, таза ауада тынығып, серуендеген дұрыс. Көз ауруына байланысты емханаға күніне 30-40 шақты адамға дейін келіп тексеріліп, дәрігер қабылдауында болады. Жас аралығы жаңа туылған баладан 80-90 жастағы қарттарды қамтиды. Әлбетте, нәресте мен қарт кісілердің жас ерекшеліктеріне байланысты көз ауруларының диагнозы әртүрлі болады. Көру қабілеті төмен диагнозымен диспансерлік есепке алып, 3 ай сайын келіп тексеріледі, 6 ай сайын біз түрлі диагностикалық емдік аппараттарға түсіріп, күндізгі емдеу станционарына жібереміз. Ал, егер де аяқ астынан жарақат алып, көз көрмей қалған жағдайда 4 ай бақылауда болып, мүгедектікке шығарылады. Негізінен облыстық ауруханаға үлкен, орта жастағы кісілерді катаракта және басқа көз аурулары бойынша ота жасатуға жібереміз.Ал, балаларда туа пайда болған глаукома, катаракта кезінде Алматы қаласындағы ауруханаға квота арқылы жіберіледі, – деді №3 қалалық емхананың офтальмолог дәрігері Ақманат Амандыққызы.</blockquote>Иә, ауруға тоқтау қойып, ерте күресудің қамына кіріскен жөн. Әйтпегенде, көзілдірікті көргісі келмей, алыстан қашып жүргенде аяқ аспаннан келер. Қанша дегенмен бұлыңғыр болған айналаны көзді сығырайтып қарап жүргенде көру қабілеті одан сайын нашарлай бермек. Көзілдіріктің көмегіне жүгінгісі келмейтіндер линза тағуды құп көреді. Біріншіден, көпшілік алдында еш қысылмай жүретінін негізге алса, екіншіден жаңбырлы мезгілде шешіп, кейін қайта киіп, оны сүртіп әуреге түспейді. Қақаған қыстың ызғарлы аязынан үйге ентелеп кірген соң көзілдірік секілді буланып берекетін қашырмайды. Спорттық ойындарда да линзамен емін-еркін жүруге, күш сынасуға болады. Оның үстіне қазір линзаның түрлі-түстісі жетіп жатыр. Кейбірі сәндік, сұлулық үшін де тағып сау көздеріне зақым келтіретіні жасырын емес. Линзаның зияны жетіп артылады, қолданғанда да аса сақтық пен тазалық керек. Мамандардың айтуынша, линза тағу үшін көз дәрігерінен кеңес алу керек. Себебі, кейбір организмдер полимерлерді қабылдамауы мүмкін. Организм аллергия берсе немесе көзге микроб түссе, көз қабынуы туындайды. Линзамен ұйықтап қалуға, суға түсуге болмайды.Жалғанда жанардың жарықтықпен қош айтысып, қос шырақтың көмескіленіп барып сөнгені өте ауыр. Сондықтан тексерістен өткен емделушілердің өзі кеңесімен бөлісіп, аурудан айығудың амалын ерте қарастыру керектігін ескертіп жатады.<blockquote>– Адамның көз жанары оның ғұмыр бойына ақ пен қараны, жақсы мен жаманды айыра алуына, жарық дүниенің сәулесін, шуағын сезінуін қамтамасыз ететін бірден бір қажет дүние. Қазір баладан атаға дейін көзілдірікті жанына серік еткен. Яғни, қоғамда көз ауруына шалдыққандардың қарасы қалың деуге болады. Уақытымыздың басым бөлігі компьютердің алдында өтетіндіктен, көздің ауыратыны жиіледі. Солай көз дәрігерінің кеңесіне жүгінуге тура келді. Жақында ғана оптикалық тексерістен өтіп, біршама өзгерістің барын байқадым. Жалпы, жұмысы компьютердің алдында өтетін адамдардың және смартфонға тәуелділердің арасында астигматизм ауруына шалдығатындардың қарасы қалың. Және бұл диагноз әрбір 5-6 адамда кездеседі. Ультракүлгін сәуленің әсерінен көздің сыртқы қабаты құрғақтанып, зақымдалады. Ол көру қабілетін нашарлатып, соқырлыққа алып келуі әбден мүмкін. Тексеріс барысында көздің қысымы көтерілп кеткенін білдім. Егер оның алдын алмаса, көзге жалғасқан тамырлар арқылы мидың жұмысы баяулап, шеке мен самай тұтастай ауырсынады. Мұның салдары ұзақ емдеуді қажет ететін процеске дейін апаратынын ескерген жөн. Дәрігердің кеңесімен көз ауруына қарсы дәрі-дәрмектер қабылдап, тамызатын сұйықтықтарды пайдаланған дұрыс. Жұртшылық арасында көру қабілеті нашарласа да, көзілдірік тағудан қымсынатындар бар. Осындай кезде біразы линза тағуды дұрыс санайды. Бірақ оның соңы көздегі шырышты қабаттың тез құрғап, микробактериялардың жиналуына апаратынын ұғына бермейді. Себебі, линзаны қолмен салып, оны алу барысында түрлі тозаң түсуі мүмкін. Егер көзде кінәрат барын сезсеңіз, айналасын қолмен уқалауды тоқтатып, окулист көмегіне жүгініңіз. Мұндайда медицинаның көмегі тиері сөзсіз,- деді Е.Жұмабек.</blockquote>Мамандар көз күтіміне байланысты көптеген пайдалы кеңестер ұсынады. Соның бірнешеуіне тоқталып өтейік.Бөлмеге жарық біркелкі түсуі керек және жарықтың қапталдан түскені қолайлы. Сондай-ақ, бөлменің төбесі қабырғасына қарағанда ашық, ақ болуы тиіс.Бала жазу жазып, кітап оқығанда үстелдің орналасуына мән беріңіз. Жарық баланың сол жағынан түскені дұрыс. Орындықтың биіктігі, арқалығы ыңғайлы, балалардың бойына сәйкес болсын.Көру гигиенасын сақтау керек. Жазу жазып, кітап оқығанда фокустық ара қашықтық шамамен 30-35 сантиметрден кем болмауы тиіс.Компьютерде 1-2 сағаттан артық отырмауға тырысыңыз. Ал, баланы жарты сағаттан артық отырғызбаңыз.Дұрысында экранның жоғарғы бөлігі көздің тұсынан төмендеу тұруы керек. Жұмыс арасында мүмкіндігінше 5-10 минут үзіліс жасаған жөн.Үзіліс кезінде көзді жоғары-төмен, оңға-солға айналдыра қозғалту, терезеге қарап, алысқа көз жіберу, одан соң жақынға көз салу секілді көз жаттығуларын жасаған дұрыс.Көру қабілетін сақтауда тағам өнімдерінің де маңызы зор. А, В тобы, Е, С дәрумендеріне бай тағамдарды көбірек тұтынса, көзге пайдалы.Мәселен, А дәрумені сәбізде, көк бұршақта, пиязда, сүзбеде көп. В1 дәрумені жаңғақта, жүгеріде, бидайда, В2 дәрумені салат жапырақтарында, алмада, бидай дәнінде, В6 дәрумені орамжапырақта, жұмыртқаның сары уызында, балық секілді өнімдерде, В12 дәрумені жүзім, шабдалы, кивиде көп, сондай-ақ кептірілген өрік те пайдалы.Түйіндей келе, әлемнің әсемдігіне, өмірдің сан түрлі бояуына қанығатын көздің қараңғыланбағаны игі. Қолдан кесел тауып күрсініп, сырқат сатып алып сан соғып қалмайық. Сәулені сезер қос жанар түнектен ада болғай.

Ақманат Амандыққызы: Көз ауруы кеңінен таралуда

<a href="https://kyzylorda-news.kz/ru/">Kyzylorda-news.kz</a>. Өз ісімен өзгеге пайдасын тигізіп жүрген жандар қаншама. Хоббиін кәсіпке айналдырған Дина Ордабекқызы арнайы киімдер тігумен айналысады. Кәсіпкермен жеңіл өнеркәсіптің өңірдегі ахуалы жайында тілдескен едік.– «Ас-кА» – өңірдегі арнайы киімдер тігу ісін жолға қойған бірден-бір серіктестік. Бірақ пандемия қай салаға болмасын кері әсерін тигізбей қоймады. Сіздерде қалай, жұмыс тұралаған кезең болған жоқ па?– Біз арнайы киім тігуден бөлек, аяқ киім, жұмыс қолғабы секілді қажетті дүниелерді шығарамыз. Серіктестікте 30 адам еңбек етеді. Карантин көпті әбігерге салған уақытта біздің іске де кері әсері тие ме деген ой мазалады. Бірақ сабақты ине сәтімен. Тапсырыс үзілген жоқ, тұтынушылардың көңілінен шығатын өнімдерді ұсынуды жалғастырдық. Негізі барлығы өзімізге байланысты. Маған мұндайда осы істі қалайда алға сүйреймін деген ниет көмекке келеді. Бұған дейін тәжірибе арқылы шыңдалуға күш салдым, қазір де солай. Бірнеше жыл бұрын «Бизнестің жол картасы – 2020» бағдарламасының «Іскерлік байланыстар» оқыту жобасының екінші кезеңі аясында Германияда болдым. Мұнда жеңіл өнеркәсіп кәсіпорындары үшін өнеркәсіптік тігін жабдықтары мен көлік жүйелерінің өндірушісі, әйгілі неміс «Dürkopp Adler AG» компаниясымен келісімге қол қойылды. Сондай-ақ, сапар барысында өнеркәсіптік жабдықтар мен оның қосалқы бөлшектерін іріктеу және жеткізу бойынша кешенді қызметтер көрсететін «nabitex Technology &amp; Solutions» инжинирингтік компаниясымен іскерлік кездесу ұйымдастырылды. Дәл осы компаниямен келісімшартқа қол қойдым, тәжірибе жинақтадым. Осындай біліктілікті арттыратын курстар қажет кезде алға басуға мотивация береді.– Шикізат та шеттен келетіні белгілі. Көбіне қай елден алдырасыздар?– Бізде барлығы импорттық шикізатпен жұмыс істейді. Түйме, тіпті жіп жоқ. Бәрін сырттан аламыз. Қазақстан нарығына жеткізілетін импорттық киім-кешек пен аяқ киімдердің 90 проценті Оңтүстік-Шығыс Азия елдерінен әкелінеді. Біз де Қытай, Ресей елдерінен алуға мәжбүрміз.– Республиканың жалпы ішкі өнімінде (ЖІӨ) 1990 жылдары жеңіл өнеркәсіптің үлесі 15 процентті құраған. Соның нәтижесінде Қазақстанның жеңіл өнеркәсібі КСРО-да ЖІӨ-нің 4 процент берген. Соңғы 30 жылда жеңіл өнеркәсіп алға басудың орнына кері кетіп, ЖІӨ-дегі үлесі 1 процентке де жетпей қалды деген дерек бар. Дамуға не кедергі?– Жеңіл өнеркәсіптің соңғы жылдардағы тіршілігін саралайтын болсақ, республикамыздың өнеркәсіп өндірісі көлеміндегі үлесі 1990 жылы 15,8 процентті құраса, 2000 жылы 2,3 процентке дейін қысқарып, 2011 жылы 0,1 процентке дейін құлдыраған. Еліміздегі жеңіл өнеркәсіп саласында тек 2016 жылы ғана жұмыс істеп тұрған 79 кәсіпорынның 27 проценті жұмысын тоқтатқан екен. Осындайда оның себебі неде деген сұрақ туындайды. Жоғарыда айтқанымдай, импорт кедергі. Тығырықтан шығар жол – өзгенің қаңсығын таңсық қыла бермей, отандық киім-кешек және аяқ киім өндірісін дамыту. Қазақстанда жеңіл өнеркәсіп саласын қарқынды дамытуға мүмкіндік бар, тек қолдауды жалғастыру керек. Бұл мәселе Сенат деңгейінде қаралды. Сенаторлар жан-жақты талдау жасап, Үкіметке 90-нан астам тапсырма берген. «Қазақстанның жеңіл өнеркәсібі: қазіргі жай-күйі және өнімділігі жоғары бизнесті дамыту перспективалары» деген тақырыпта өткен парламенттік тыңдауда тапсырманың 50-ден астамы мүлде орындалмағаны, ал қалғаны формальды түрде ғана орындалғаны анықталды. Алдағы уақытта осы мәселелер мінберден түспеуі тиіс, өйткені сала қолдауды қажет етеді.Сонымен бірге жеңіл өнеркәсіптің әлеуметтік сипаты басым. Онда қызмет жасайтын адам¬дардың 80 проценті – әйелдер екенін ескеру керек.– Әлем елдерінің тәжірибесіне көз жүгіртер болсақ, жеңіл өнеркәсіп саласын дамыту үшін бірқатар мемлекеттер арнайы заң қабылдаған. Ал бізде қалай?– Жеңіл өнеркәсіптің үлесі АҚШ, Қытай, Түркия сияқты дамыған елдерде 12-20 про¬центті құрайды. Қытай, Түркия, тіпті іргедегі Қырғызстан мен Өзбекстан мемлекеттері табысының қомақты бөлігін жеңіл өнеркәсіп тауарларының экспортынан түсіруде. Ал Қазақстандағы қайта өңдеу өнеркәсібі саласындағы жеңіл өнеркәсіптің үлесі төмен. Мәселен, бізде агроөнеркәсіп кешені туралы заң бар. Онда жеңіл өнеркәсіп түсінігі жоқ. Ал жеңіл өнеркәсіптің 20 шақты саласы бар. Егер заңда түсінік болмаса, онда жеңілдік болмайды. Арнайы заң шығару керек. Қазір жеңіл өнеркәсіп бойынша елімізде 1200-дей кәсіпорын болғанымен оның 35-і ғана орта және ірі де, қалғаны ұсақ. Сондықтан мұндағы салықтың 35 проценті орта және ірі кәсіпорындардың үлесіне тиеді. Жеңіл өнеркәсіптен ел бюджетіне түсетін жалпы салықтың көлемі жылына 8-10 млрд теңге көлемінде. Егер Үкімет уақытша нақты салықтық жеңілдік беретін болса, сала да дами түседі. Бұл өндірісті ғана емес, жұмыспен қамтылатын халық санын арттыруға мүмкіндік берері анық.Сондай-ақ, шағын және орта бизнестің қызметіне жасалған талдау, кәсіпкерлермен өткізілген кездесулер барысында аймақта шағын индустриялық аймақтарға сұраныс жоғары екені байқалды. Жергілікті тауарөндірушілердің арасында 3 әлеуетті сала анықталған. Соның ішінде осы тігін өндірісі бар. Бұл бастама қолдауға лайық және оның алдағы уақытта сәтті жүзеге асарына сенім мол.– Сұхбатыңызға рахмет! &nbsp;

Дина Ордабекқызы: Жеңіл өнеркәсіпті жандандыратын заң керек

<a href="https://kyzylorda-news.kz/ru/">Kyzylorda-news.kz</a>.&nbsp; Сұлулық пен мінсіз мүсін – әр арудың арманы. Ол үшін қаржы мен қатар, көп дене жаттығуы да керегі анық. Ал табандылық өз алдына қажетті құндылық. «Дүйсенбіден бастап жаңа өмір бастаймын». Осы айтылған дүние сол күйі қалатын кез көп. Себебі басым көпшілігіміз ойған алған істі ертеңге, келесі аптаға, алдағы айға, тіпті келер жылға қалдырудан жалықпаймыз. Ал кезекті кейіпкеріміз Ирина Ан жалқаулыққа жол бермей, онымен күресуге шақырады. Оны жеңуде арнайы жапон қағидасын ұстанатынын да айтады. «Кайдзен» қағидасы Иринаға әртүрлі сылтау тауып, орындағысы келмеген ісін жүзеге асыруға көмектескен екен. Тіпті, шабыт сыйлап, аэройога секілді жаңа хоббимен айналысуына сеп болған.<blockquote>«Кайдзенді» «1 минут қағидасы» &nbsp;деп те атайды. Бұл қағиданы ұстау арқылы сіз өзіңізге деген сенімсіздікті жойып, алға ұмтыласыз. Сосын бара-бара 1 минуттік жаттығу 5 минутқа ұласады. Сөйте жүріп, жарты сағатқа да жетесіз. Бұл қағида Жапонияда пайда болған. «Кай» өзгеріс, «дзен» білімділік деген мағынаны білдіреді. Қағида авторы Масааки Имаи оның жеке өмірде де, кәсіпте де көмектесетінін айтады. Бұл рас. Өйткені мен де жаңа дүниелерге көп назар аудара бастадым. Ойда жоқта аэройогаға қызығушылық танытып, өзімді жетілдіруге күш салдым. Алматы, Санкт-Петербург, Мәскеу қалаларында өткен арнайы шеберлік сабақтарына қатыстым. Тың тәжірибе жинақтап, өңірде алғашқылардың бірі болып, аэройога үйірмесін аштым», – дейді Ирина.</blockquote>Кейіпкеріміз үйірме ашылған уақытта оған қызығушылардың саны аз болғанын айтады. Тек уақыт өте ғана сұраныс көбейген. Себебі, аэройоганың денсаулыққа әсері мол. Буын ауруына, омыртқаға тұз жиналу, артрит және артроз сырқаттарына шалдыққандарға пайдалы. Аптасына үш мәрте жүргізілетін жаттығуларда ойыңызды жинақтап, ағзаны қалыпқа келтіруге мүмкіндік аласыз. Бағасы қолжетімді.<blockquote>«Йоганың көптеген физиологиялық процестерді қалыпқа келтіруі миф емес. Адам ағзасы сағат механизміндей қызмет ететіні белгілі. Егер өзіміздің биоырғағымызға бағынып, уақытылы ұйықтап, үйлестірілген тағам ішетін болсақ, ағзаға ешқандай да қосымша реттеу жұмыстары қажет болмас еді. Алайда қазіргі қарбаласқа толы кезеңде дұрыс режимді сақтап жүргендер сирек . Осыдан кейін денсаулыққа көмек ретінде қосымша құралдардың қажеттілігі туындайды. Аэройоганың көмекке келетін тұсы осы. Сондай-ақ ол қартаю процесін тежейді, бақыт гормонын бөледі. Адамның жасы оның омыртқасының иілгіштімен өлшенеді. Ал йоганың кез келген түрінің барлығы дерлік омыртқаға арналған. Аэройога немесе флаййога метаболизмді жеделдетуде де сеп. Көбіне келушілер йоганың косметологиялық әсерін байқайтыны сондықтан», – дейді жаттықтырушы.</blockquote>Бұдан бөлек, адамның бір нәрсеге зейін қоюы йоганың тағы бір артықшылығы дер едік. Мұнда йоганың басты компонентерінің бірі – медитацияның көмегі зор. Бір сөзбен айтқанда, бұл – ақыл-ой гигиенасы. Қазіргі уақытта табысты, жетістігі мол деген әйгілі адам туралы ақпарат оқысаңыз, медитациямен айналысатынын білесіз. Психологиялық тренингтердің ішінде міндетті түрде медитацияның болуы да қалыпты жағдайға айналған. Мамандар да оны жүйелі қолданатын адамдардың есте сақтауы, мәселелерді тез шешу қабілеттілігі артатынын алға тартып жүр.«Өзіңді үнемі жетілдіріп отыру – өмірлік қажеттілік» &nbsp;деп білетін Иринаның тобында да осы медитацияға жақын әртүрлі жас өкілдері , соның ішінде жастар көп екен. Бұл ретте жаттықтырушы артық салмақ кедергі еместігін айтты. Ілулі гамак дене салмағын толық көтереді, оның максималды жүктемесі 500 келіні құрайды. Алайда сақтыққа салғырт қарамау қажет. Бүгінде аэройоганың жүйесін түсіне бермейтіндер бар. Үй жағдайында ғаламтор арқылы жаттығумен айналысып, жарақат алып жататындар кездеседі. Ал мұндай оқыс оқиғаға жол бермес үшін бастапқыда йога жаттықтырушысымен жұмыс жасаған жөн.&nbsp;

Қазақстан және Қызылорда облысының жаңалықтары