<a href="https://kyzylorda-news.kz/">Kyzylorda-news.kz.</a> Қармақшы ауданы Жосалы кенті орталығындағы №4 округке қарасты №98 сайлау учаскесі науқанға тыңғылықты дайындалғаны көрініп тұр. Таңнан бері сайлау учаскесіне қарай ағылған дауыс берушілердің қарасы қалың.Бұл сайлауда алғашқылардың бірі болып Қармақшы ауданы әкімінің орынбасары Жұлдызхан Байназарұлы өз таңдауын жасады.<blockquote>– Келешек ұрпақ ештеңеден қысылмай, бақытты өмір сүргенін қалаймын. Бірде-бір сайлаудан қалыс қалған емеспін. Жерлестерімді де бүгінгі саяси науқанға белсенді қатысуға шақырамын, – деді аудан әкімінің орынбасары Жұлдызхан Байназарұлы.</blockquote>Ал №105 мектеп-лицейінің ұстаздары саяси науқанға ерекше дайындықпен келгендерін көрсетті. Ұлттық киіммен келген ұстаздар өз таңдауын жасап, дауыс берді.Сонымен бірге наурыз мерекесі қарсаңында дауыс беруге келген тұрғындарға аулада наурыз көже мен айран бауырсақ дайындалып, таратылды. №98 сайлау учаскінің төрайымы Г.Еркебаеваның айтуынша, биылғы сайлаудың ерекшелігі дауыс берушілерге 1 бюллетень емес, түрлі түсті бес қағаз беріледі. Тұрғындар Мәжіліс және облыстық және аудандық мәслихат депутаттарын таңдауда.Бірінші келіп дауыс берген тұрғындарға арнайы сыйлықтар табысталып, ынталандыру сыйлықтары берілді. Осылайша қармақшылықтар сайлауға белсенді қатысып жатыр.&nbsp;

Қармақшыда сайлаушылар қарасы қалың

<a href="https://kyzylorda-news.kz/">Kyzylorda-news.kz.</a> Бұқарбай батыр ауылында сайлау учаскесінде бұқарбай батырлық сайлаушылар белсенді түрде өз таңдауын жасауда. Олардың қатарында сол елдің ақылгөй ақсақалы Қабыланбек Нұрмағанбетов те бар.Бір қызығы, ауыл ақсақалы саяси науқанға барлық отбасы мүшелерімен бірге келіпті. Осындай өнегелі отбасының сайлауда төбе көрсетуі де кейінгі жастарға үлгі деуге әбден болады. Нұрмағанбетовтер әулеті Ұлыстың Ұлы күнімен тұспа-тұс келген саяси науқанға ұлттық киіммен келіп, мерекенің мәнін, маңызын арттыра түсті. Біз аялдаған Бұқарбай батыр ауылында ақ түйенің қарны жарылып, тіршілік жаңарып, Жер-Ана бусанып, қазақ халқы үшін жыл басы саналатын Наурыз мерекесінің де лебі сезіліп тұрды.<blockquote>– Ел ішінде өте маңызды саяси науқан болып жатқанда өз таңдауыңды жасауға асықпау, бұл азаматтық парызды орындамау деп ойлаймын. Мен осы жасыма дейін елдегі елеулі істерден тыс қалып не болмаса саяси науқандарда бейжай қарап отырмадым. Өйткені мен үшін елдің ертеңі маңызды. Жалпы, бірлік бар жерде тірлік боларын ауылдағы ағайын жақсы біледі. Ел ішіндегі мәселелерді ашық айтып, енді алдағы уақытта осы мәселелерді мәслихат мінберінде көтергісі келетін азаматтарға сенім артуда әр адамның таңдауы шешуші рөл атқаратыны да даусыз. Сондықтан мен де ел ақсақалы ретінде әрбір сайлаушыны науқанда белсенділік танытуға шақырамын. Ал осы сайлауда дауыс жинап, ел сенімін арқалайтын азаматқа тек сәттілік тілеймін, – деген Қабыланбек атамыз халық таңдаған азаматтарға артылатын жауапкершілік жүгінің де ауыр екенін жасырмады.</blockquote>Елдің жайын елден бұрын ойлайтын, жастардың болашағы үшін қам жейтін қазына кеуде қарияның бірауыз пікірі, өркениетке тағы бір қадам жасалмақ деген салмақты сөзі біздің көңілімізге дем беріп, күш-жігерімізді шыңдады. Айта кетейік, Бұқарбай батырдағы сайлау науқаны да барлық талаптарға сай өтуде.&nbsp;

Қабыланбек ақсақал әулетімен келіп таңдау жасады

<a href="https://kyzylorda-news.kz/">Kyzylorda-news.kz.</a>&nbsp; №227 сайлау учаскесі Ақсуат ауылдық округі, Ж.Маханбетов ауылындағы №143 орта мектепте орналасқан. Бұл учаскеге 2864 сайлаушы тіркелген. Мектеп ауласында ыстық бауырсақ пісіріліп, киіз үй тігілген. Келушілер дәм ауыз тиіп, бір-біріне Ұлыстың ұлы күні қарсаңында жылы лебіздер білдіріп жатты. Сайлау учаскесіне таңмен таласып келіп жатқан сайлаушылар өз таңдауын жасады.Сағат 10:20-дағы мәлімет бойынша 343 адам дауыс беруге келген. Ауылдың ардагерлер кеңесінің төрағасы Өмірсерік Әбуов ең бірінші бюллетенді салып, сыйлық иеленген. Үйден дауыс беруге өтініш білдірген 23 адам бар. Аталған учаскенің хатшысы Талғат Әбіртаевтің айтуынша, бұл сан сағат түскі 12-ге дейін тағы толықтырылуы мүмкін. Осы уақыттан кейін үй аралауға комиссия мүшесінен 2 адам, егер байқаушылардан тілек білдірушілер болса олардан да барады. Алғаш дауыс беруге келген 18 жастағы Гүлім Қаппар есімді бойжеткен таңертең 7:15 те өз таңдауын жасаған. Ең жас сайлаушыға арнайы сыйлық табысталыпты. Ал 87 жастағы ақсақал Қыпшақ Рүстембеков учаскенің ең қарт дауыс берушісі екен. Ақ батасын берген бұл кісіге де сый-сияпат көрсетілген.Сайлау учаскесіне бақылау жасауға – 10, сенім білдіруші – 8 адам тіркеліпті.

Ақсуат ауылдық округінде 343 адам дауыс беріп үлгерген

<a href="https://kyzylorda-news.kz/">Kyzylorda-news.kz.</a> Бүгінде баланың дамуындағы кешеуілдеу мен оның ерекшеліктері жаһандық мәселелердің бірі болып отыр. Себебі ондай балғындар қоғамнан оқшауланып, елеу-ескерусіз, өзін ешкімге қажет еместей сезінеді. Соның нәтижесінде баланың сана-сезімі қараңғы қапаста қалады. Мұндай жағдайда балғынды қоғам қарасына еріте білу мен кәнігі өмірде өзін еркін сезінуі үшін көмекке инклюзивті білім беру бағдарламалары келеді. Қуанышымызға орай, ауданда мұндай мәселемен күресіп келе жатқан инклюзивті білім беру бағытында 5 жылдық тәжірибесі бар, мықты мамандармен толыққан «Рауан» балабақшасы бар.Алғашында 96 орындық болып ашылған «Рауан» балабақшасының сыйымдылығы бүгінде 132 орынға жеткен. Мұнда топтар екі бағытта жұмыс істейді. Алғашқысы әрі басымдық берілген түрі тіл дамуында тежеуі бар балалармен айналысатын арнайы топ болса, келесісі қалыпты балалар мен ерекше күтімді қажет ететін бүлдіршіндерді бірге тәрбиелеп, қоғаммен араласуына атсалысып, педагогикалық-психологиялық қолдау көрсету. Сондай-ақ балалардың ата-аналарына жайлы жағдайлар жасалған.Балабақша меңгерушісі, тәжірибелі ұстаз-кәсіпкер Қуанышкүл Дәулетиярқызы бұл бағытта бұрын да жұмыс істеген. Тіпті ерекше балалармен жүйелі жұмыс жасау мақсатында шетелден тәжірибе алмасып қайтқан.<blockquote>«2017 жылы сәуір айында аудан орталығынан «Рауан» инклюзивті орталығын аштым. Арнаулы мамандармен жұмыс істей жүріп, бұл топтағы балаларға арналған балабақша ашу қажеттілігін ұғындым. Сөйтіп, 2018 жылы көздегенімізге жеттік. Басқа балабақшадан өзгешелігіміз, біздегі әрбір бүлдіршіннің жеке бас ерекшеліктері негізге алына отырып, түрлі бағыттарда жұмыстар жүргізіледі. Біздер мұнда – «Бала ерекшелігінің даму деңгейі неғұрлым төмен болса, соғырлым мұғалімнің білім деңгейі жоғары болу керек» деген принципті ұстанамыз. Себебі бұл атүсті қарайтын іс емес», – дейді ол.</blockquote>Тәрбие орнында тәрбиеші, тәрбиешінің көмекшісі, логопед, дефектолог, психолог, қолөнер, хореограф, музыкант, дене тәрбиесі нұсқаушысы, медбике жұмыс істейді. Тәрбиешілер мен арнайы мамандар республикалық ұлттық сауықтыру орталығында білімдерін жетілдірген. Бағдарламалары да тәрбие алушылар мүмкіндіктеріне лайықталған. Мамандардың қосымша құрал-жабдықтар және арнаулы қондырғылармен жабдықталған жұмыс бөлмелері бар. Сенсорлы кабинет, құм терапиясы мен жасыл коридор режимі арқылы дамыту ісі жолға қойылған. Балабақша мамандарының тағы бір мақтана айтар қолға алған жұмысының бірі – ментальді арифметика. Мамандар оны пайдалана отырып, балғындардың сол жақ мишығының оң жақ мишықпен қоса жұмыс жасап, дарындылық қабілетін оятады екен.Мұнда бүлдіршіндер 2 жастан бастап қабылданады. Балаларды тасымалдау да шешімін тапқан. Ерекшелігі, иппотерапия арқылы емдеу-сауықтыру жұмыстары да жолға қойылған. Келушілер қызығушылығын тудырып отырған ерекшеліктердің тағы бірі – шетелден арнайы алынған «ArtikMe» құрылғысы. «ArtikMe»-мен жұмыс жасаған бала айна тектес экрандағы тапсырмаларды орындау барысында өз-өзін көріп отырады. Бұл балғынның даму үдерісін жылдамдатады. Десе де әлеуметтік орынның қиындығы да жоқ емес. Ғимаратты жалға алған олар келешекте қолдаушылар демеушілік танытса, өз алдына типтік үлгідегі балабақша салып, қабылдаушылар қатарын көбейтуді мақсат тұтып отыр.Балабақшаның бетке ұстар мамандары осындағы бүлдіршіндерге арнап құрған бағдарламарын жуырда Астана қаласында өткен «Білім өркениеті» сайысында ұсынып, бірінші орынды иеленіп қайтқан. «Рауан» балабақшасы есік ашқалы Германия елінің танымал логопеді Ренате Гриссер және Алматы қаласындағы «Кеңес» оңалту орталығымен келісімге отырып, бүгінге дейін бірлесе жұмыс жасап келеді. Соның нәтижесінде 2020 жылдан бергі тәмамдаған балалардың 70-80 проценті дерлік қарапайым мектеп оқушыларымен қатар білім алып, үлкен нәтиже көрсетуде.Мүмкіндігі мол балабақшада алдымен бала тәрбиесі бағыттарын айқындау мен оның дамуындағы ауытқулардың алдын алу үшін психологиялық диагностика тексерістері жүргізіледі. Онда алдымен жақын және актуалды даму аймағы, оқу барысындағы қиыншылықтардың себептері мен механизмдері анықталса, екінші сатыда баламен жүргізілген түзете-дамыту жұмысының баланың оқу танымдық қызметіне тигізген әсерінің тиімділігін анықтауға мүмкіндік туады.Қазіргі таңда 53 адамды, оның ішінде 23 техникалық қызметкер мен 30 педогог маманын жұмыспен қамтыған мемлекеттік жекеменшік әріптестік аясында жүзеге асқан әлеуметтік маңызы зор тәрбие ошағы экономикамызды өрістетер кәсіп қана емес, перзентінің ертеңіне алаңдаған көптің таңдауы, сондай-ақ ерекше балалардың ескерусіз қалмайтын орны болып отырған жайы бар.

Қазалыда «Рауан» балабақшасы инклюзивті білім береді

<a href="https://kyzylorda-news.kz/">Kyzylorda-news.kz.</a>&nbsp; Шиелі ауданы Сұлутөбе ауылдық округінің №267 сайлау учаскесінде дауыс беруге тұрғындар белсенді түрде атсалысып жатыр. Дауыс беру таңертең 7-00-де басталды. Аталған сайлау учаскесіне 989 адам сайлаушы ретінде тіркелген. Қазіргі уақытпен 400-ге жуық сайлаушы өз таңдауын жасап үлгерді.<blockquote>Сайлау әділ түрде өтіп жатыр. Тұрғындар тарапынан ешқандай арыз-шағым түскен жоқ. Барлығы жақсы көңіл күйде келіп, өз таңдауларын жасауда, – деді сайлау учаскесінің төрағасы Айгүл Болатбекова.</blockquote>Таңда басталған сайлау науқанына алғашқы болып Хазар Хаджаева келді. 85 жастағы әже өз таңдауын жасағаннан кейін әжейге естелік сыйлық ұсынылды.Одан бөлек ең жас сайлаушы ретінде тіркелген Арайлым Ғаниқызы бірінші рет сайлауға қатысып, өз таңдауын жасады.<blockquote>Бүгін мен үшін ерекше күн. Кәмелет жасқа толып, сайлауда өз таңдауымды жасадым. Шынымды айтсам ерекше сезім екен. Ел экономикасының дамуы жолында менің дауысым маңызды деп, өз таңдауымды жасағаныма қуаныштымын, – деді ол.</blockquote>Сайлауда «Дауыс» қоғамдық байқаушылар коалициясы республикалық қоғамдық бірлестігінің облыстық филиалындағы өкілдері байқаушы болып, сайлаудың әділ өтуін бақылады.<img src="https://knadmin.beoblood.kz/uploads/004229eb_2fb4_4cf0_bf63_bc7859b5272d_8fc2edfc7e.jpg" alt="004229eb-2fb4-4cf0-bf63-bc7859b5272d.jpg">&nbsp;

Сұлутөбе ауылдық округінде 400-ге жуық сайлаушы өз таңдауын жасады

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы «Саяхат» ықшам ауданының тұрғындары №348 сайлау учаскесіне келіп, ел болашағы үшін өз таңдауын жасап жатыр.Айталық, түскі сағат 12:00-ге дейін 500-ге жуық адам дауыс беріп үлгерді. Келушілердің қатарында 81 жастағы Қасым Үкайұлы да бар.<blockquote>Азаматтар үшін қабылданатын әрбір шешім маңызды. Еліміздің ертеңі үшін, ұрпағымыздың жақсы өмір сүруі үшін, жұртымыздың әлеуетінің артуы үшін таңдауымды жасадым. Ел еңсесін тіктеп, егемендігіне қол жеткізгелі көп нәрсе өзгерді. Елдің кемел келешегі үшін сайланғалы жатқан азаматтар адал болып, елдің жағдайын жақсарта бергей, – деді қария.</blockquote>Елмен бірге екенін білдіріп, дауыс берген қарияға естелік сыйлық тарту етілді. Ал Қасым ата ел болашағына әсер ететін тарихи сәтте дұрыс таңдау жасалатына сенім білдіріп, ақ батасын берді.Айта кетейік, тұрғындарға қуаныш сыйлау үшін барлық дауыс беру учаскелерінде көңілді әуен шырқалып тұрды. «Саяхат» ықшам ауданы тұрғындарының ішінде үлкен жастағы сайлаушылардың үлес салмағы жастар мен орта жастағы кісілерге қарағанда әзірге басым болып тұр. Қариялар №348 сайлау учаскесіне келіп, Қазақстан Республикасының азаматтары ретінде өз құқықтарын пайдаланып, дауыстарын берді.&nbsp;

Тұрғындар ұрпақ ертеңі үшін дауыс берді

<a href="https://kyzylorda-news.kz/">Kyzylorda-news.kz.</a> Сағат 12:10-дағы жағдай бойынша қанша азамат сайлау учаскелеріне келді?

Түске дейінгі жағдай бойынша қанша азамат сайлауға келді?

<a href="https://kyzylorda-news.kz/">Kyzylorda-news.kz.</a> Жас та болса ауданымызда ұлттық спортты дамытуға атсалысып жүрген жастар аз емес. Олар өздерінің біліктілігімен, ұйымдастыру қабілетімен, елжандылығымен дүйім жұртқа танылып, құрмет төрінен көрінуде. Сондай дарынды жастардың бірі &nbsp;– аудан орталығындағы тәжірибелі сала маманы Ғалымжан Ержанов басқаратын №16 аудандық балалар мен жасөспірімдер спорт мектебіндегі қол күресі бөлімінің жаттықтырушысы Талғат Қанаев. &nbsp;Байқоңырда өмір есігін ашып, &nbsp;мектепте білім алып жүріп елімізге танымал жаттықтырушы Әділбек Серікбаевты үлгі ретінде таныған Талғат өсе келе Алматы қаласындағы &nbsp;жоғары оқу орнында төрт жыл білікті ұстаздардан таңдаған мамандығы бойынша жоғары білім алады. Еліміздің ең ірі мегополисы Алматыда білім алып, өзінің еттірлігімен аталмыш жоғары оқу орнында қол күресімен айналысып, уақыт өте 70 келі салмақта Қостанайда өткен Қазақстан Республикасының чемпионатында жеңімпаз атанған Талғат 2015 жылы екінші рет өз салмақ дәрежесі бойынша ел жеңімпазы, келесі жылы Көкшетауда өткен ел біріншілігінде қола жүлдегер атанады.Осылайша &nbsp;жоғары оқу орнын тәмамдаған Талғат туған елге оралып, өзін биік белестерге көтерген спорттың осы түрін аймақта жандандыруға кіріседі.Бұл жылдары ауданда, тіпті Сыр бойында спорттың осы түрі кенжелеп тұрған шағы болатын. Қол күресі, гір тасын көтеру деген тек тойларда, ұлттық мерекелерде ғана ұйымдастырылатын.&nbsp;Ал өз кезегінде қол күресін өңірімізде жандандыруды қолға алған Талғат аудан, облыстағы сала басшыларының қолдауын иеленіп, алғаш рет аймақта қол күресінен федерация құрады. Өзі сол федерацияның төрағалығына сайланады және өңірдің бас жаттықтырушысы болып тағайындалады.&nbsp;Ол күндіз-түні тыным таппай мақсат еткен жоспарының жандануына еңбек сіңірді, тіпті еселі еңбегінің арқасында айналасына мықты деген спортшылар жиналып, облыстық, республикалық жарыстарда жүлделі орындардан көріне бастайды.&nbsp; Осындай тындырымды тірліктердің нәтижесімен 2019 жылы Талғат аймақтағы спорт басшылығының қолдауымен &nbsp;облыс орталығында тұңғыш рет Қазақстан Республикасының чемпионатын ұйымдастырып, &nbsp;онда Сыр бойы құрамасы ІІ орынды иемденеді. Чемпионатта қармақшылық қол күрес шеберлері Роман Швед &nbsp;пен Бауыржан Бекжанов, жаңақорғандық Рақымжан Махмут жеңімпаз атанса, Нұрай Сәрсенова мен Руслан Әлімов өз салмақтарында жүлделі орыннан көрінеді.Жас та болса өз ісінің шебері, бүгінде есімі елімізге танылған спорт маманы Талғат Қанаев өзі жаттықтыратын 40-қа жуық жас қолкүресшіні аудандық спорт клубта спорттың осы түріне баулуда. Спортшылар арасында Роман Швед пен Бауыржан Бекжанов ҚР спорт шебері атанса, олар Өзбекстан мемлекетінің астанасы Ташкентте өткен Азия біріншілігіне ел намысын қорғады, Әділбеков Асхат ел чемпионатында жүлделі ІІ орынды жеңіп алып, Грузияда өткен Әлем біріншілігінде Қазақстан құрамасы сапында өнер көрсетті.&nbsp;Осы ретте Талғаттан ауданымызда қол күресінің дамуы жайлы сұрағанымызда ол: «Менің балалық арманым орындалды. Марқұм Әділбек ағамның қолдауымен осы спорт түрімен шұғылдана бастадым. Облыста қол күресінен федерация құрып, сол арқылы жұмысымызды жүргізіп, жетістіктерге жеттік. Чемпион атандым. Шәкірттерім де бар есімдері елге танылған. Жас буын өкілдері де жетіліп келеді. Олардан үлкен үміт күтеміз. Алдағы уақыттағы жоспарға келсек өзім де, шәкірттерім де, Әлем біріншіліктерінде жеңімпаздар тұғырында тұрып, ел байрағын желбірету» дейді білектілер бапкері Талғат.

Қармақшылық білікті бапкер

<a href="https://kyzylorda-news.kz/">Kyzylorda-news.kz.</a> Биылғы Парламент Мәжілісі пен мәслихат депутаттарының сайлауынан Арал жастары алдыңғы лектен көрінуде. Әсіресе кәмелет жасына енді толған бозбала мен бойжеткендер үшін сайлауда дауыс беру әрі қызықты, әрі жауапты міндет екені көрініп-ақ тұр.Арал қаласындағы аудандық мәдениет үйінде орналасқан №48 сайлау учаскесінің табалдырығын аттаған жас сайлаушы Рамазан Толғанбеков дауыс беретін күнді асыға күтіп жүріпті. Ол өзі алғаш рет таңдау жасаған партия ел болшағы үшін қызмет ететін заңдардың қабылдауына күш салады деген сенімде.<blockquote>Болашақ жастардың қолында дейміз. Сондықтан да мемлекетіміздің мызғымас іргетасын қалауға әр қатарласым өз үлесін қосуы тиіс деп санаймын. Бүгінгі сайлау сондай мүмкіндіктің бірі. Себебі, біз өз дауысымыз арқылы ертеңгі күнге жол қалап, бағытымызды айқындауға септігімізді тигізбекпіз. Ал мұндай тағдыршешті сәтте ортақ істен шет қалу азаматтығымызға сын деп білемін. Өйткені, бүгінгі біздің кішкентай қадамымыз болашақтағы үлкен жетістіктердің бастауы болмақ. Бір қуантарлығы, сайлауға халық көптеп қатысуда. Өзім дауыс бергеннен кейін де сырттай бақылап тұрдым. Жастар да, қариялар да келіп таңдауларын жасауда. Ең көбі орта буындағы тұрғындар. Осы ретте жастардың да таңдау жасауға деген ықыласы арта түссе деген ниеттемін, – дейді аралдық жас сайлаушы Рамазан.</blockquote>Естелік ретінде жас сайлаушыға сыйлық табысталды.&nbsp;

Сайлауда Арал жастары белсенді 

<a href="https://kyzylorda-news.kz/">Kyzylorda-news.kz.</a> Қазалы қаласында тұратын үшем Дариға, Әлия, Динара Шәкір саяси науқанда өз таңдауын жасау үшін сайлау учаскесіне келді.Үшем Қазалы аграрлық-техникалық колледжінде орналасқан №66 сайлау учаскесінде дауыс берді. Бір-бірінен ешқашан ажырамаған бауырлар өз таңдауын жасауға бірауыздан атсалысты.<blockquote>«Әрбір саяси науқанды құр жібермейміз, міндетті түрде келіп дауыс береміз. Біздің жасаған таңдауымыз, берген дауысымыз еліміздің болашағы үшін маңызды» дейді үшем.</blockquote>Учаскелік сайлау комиссиясының төрағасы Арман Мұсаев үшемдерге арнайы сый-сияпат тапсырды.Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды.

Қазалылық үшем дауыс берді

<a href="https://kyzylorda-news.kz/">Kyzylorda-news.kz.</a> Бүгін сайлау күні Шиелі ауданында 2 сәби дүниеге келді. Екеуі де ұл бала. Келешек ел қорғандарының бауы берік болсын!Айта кетейік, 19 қаңтарда Мемлекет басшысы Қасым-Жомарт Тоқаев жетінші сайланған ҚР Парламентінің Мәжілісін тарату және 19 наурыз күні Парламент Мәжілісі депутаттарының кезектен тыс сайлауын тағайындау туралы Жарлыққа қол қойған болатын. Бұл күні Мәжіліспен қатар мәслихат депутаттарын да кезектен тыс сайлау ұсынылды. &nbsp;

Шиеліде сайлау күнінде сәбилер дүние есігін ашып жатыр

<a href="https://kyzylorda-news.kz/">Kyzylorda-news.kz.</a>&nbsp; Қармақшы ауданында Қазақстан Республикасы Парламенті Мәжілісі және мәслихаттар депутаттарының кезектен тыс сайлауы басталды. Жоғары жауапкершілікті сезінетін аудан тұрғындары таңғы сағат 7.00-ден бастап дауыс беруді бастап кетті.Қармақшы ауданында сайлау учаскелерінде халықтың белсенділігі жоғары. Қармақшылықтар еліміз үшін маңызды сәтте жауапкершілік жүгін сезініп, өз таңдауларын жасауда. Айталық, бірлігі жарасқан ІІІ Интернационал ауылы тұрғындары саяси додада белсенділік танытып, өз таңдауларын жасап жатыр.Белсендік танытып жатқан сайлаушылардың ішінде облыстық «Үздік жас отбасы-2022» байқауының жеңімпазы Әмзеевтер отбасы мен Облыстық «Мерейлі отбасы-2021» байқауының 2-орын иегері Қызылтам ауылының Қартабаевтар отбасы бар.№112 сайлау учаскесінде «Мерейлі отбасы» байқауының жеңімпаздары Шамшатовтар да отбасымен келіп өз таңдауларын жасады. Серікбай Шамшатов ақсақал батасын беріп, басқа да сайлаушыларға сәттілік тіледі.Қармақшы ауданының Құрметті азаматы, «Еңбек даңқы» орденінің иегері Бибігүл Әбішева өз таңдауын жасады.№96 сайлау учаскесіне кент тұрғыны 84 жастағы тыл ардагер Әбдіразақ Пірмағанбетов бірінші болып дауыс беріп өз таңдауын жасады. Ол әр сайлау сайын бірінші дауыс беруді үрдіске айналдырған және азаматтық парызым деп біледі. Сонымен қатар Наурыз мерекесінің қарсаңында өтіп жатқан науқанға аудан тұрғындарын бір кісідей дауыс беріп, атсалысуға шақырды. Ел жұртты келе жатқан мерекемен құттықтап, ақ батасын берді.Таң ұйқысын қиып, сайлау учаскесіне асыққандарда шек жоқ. Кент тұрғындары бір кісідей белсенділік танытуда. Соның бірі – Назым Бегежанова. Ол 22 жаста және бірінші рет №95 сайлау учаскесіне келіп дауыс берді.<blockquote>– Бұл сәтті көп күттім, қазір ерекше көңіл күйдемін. Сайлауда берген дауысым кандидаттар үшін маңызды деп ойлаймын. Додаға түсіп жатқан үміткерлерге сәттілік тілеймін – деді ол.</blockquote>Ал жүз шайыр елінде сайлау науқаны айрықша бастау алды. Жүзден аса шайырлар мен жыршы-жыраулар шыққан қасиетті Қармақшы жеріндегі Тұрмағамбет ауылында сайлау науқаны жыраулар шеруімен басталды.Сыр сүлейлерінің ізін жалғаған жыраулық мектептің өкілдері өз таңдауларын жасап, саяси доданың сәнін келтіріп, сайлаушыларға жоғары көңіл күй сыйлады.Айта кету керек, аудандардағы учаскелерге алғаш болып келген сайлаушыларға сыйлықтар берілді. Сайлауға дауыс берушілер ұлттық киім киіп, қазақтың әз Наурыз мерекесін ұлықтап келіп жатыр. Дауыс беру процесі штаттық режимде өтіп жатыр. Заңнама бұзушылықтары тіркелген жоқ. Адамдар сайлауға жақсы көңіл-күйде келіп жатыр. Жоғары қатысу деңгейі байқалады.Сондай-ақ, кенттегі сайлау учаскелерінде Наурыз мерекесіне қарсы түрлі іс-шара өткізілуде. Мәселен, №95 сайлау учаскесінде «Бауырсақпати» ұйымдастырылып, дауыс берушілерге ұсынылды. Кентіміздегі ардагер ұстаз Смағұл Қауысов ақсақал қазақи нақышта шапанмен келіп, мерекені сезіндірді.&nbsp;&nbsp;

Қазақстан және Қызылорда облысының жаңалықтары