<a href="https://kyzylorda-news.kz/">Kyzylorda-news.kz.</a> Мемлекеттік тапсырысты тәулігіне 10,5 сағатқа төлеуді сұраған қызылордалық жеке балабақша иелерінің мәселесі шешілді.Биыл ақпанда Қызылорда облысы кәсіпкерлер палатасына «Қазақстандық үздіксіз білім беру қауымдастығы» жеке кәсіпкерлер мен заңды тұлғалар бірлестігінің аймақтық филиал директоры Наталья Мишуковадан өтініш келіп түсті.&nbsp;Хатта: «Қызылорда қаласында 207 жеке балабақша жұмыс істейді. Басым көпшілігінің жарғысында 5 күндік жұмыс аптасымен балалардың 10,5 сағат болуы көрсетілген. Соған қарамастан Қызылорда қаласының білім бөлімі 5 күндік жұмыс аптасымен мемлекеттік тапсырыс аясында жұмыс істеп жатқан жеке балабақшаларға 9 сағатпен келісімшарт жасады», дей келе мәселені шешуге көмек сұраған.Кәсіпкерлер палатасының заңгерлері мәселені ҚР Сыбайлас жемқорлыққа қарсы іс-қимыл агенттігінің облыстық департаменті басшысының Палата алаңындағы жеке қабылдауына шығарды.&nbsp;<blockquote>«Қосымша бұл сұрақты қалалық білім бөлімі мен облыстық білім басқармасына, сондай-ақ Оқу-ағарту министрлігіне жолдап, түсіндірме беруін сұрадық. Себебі кәсіпкерлердің көтеріп отырған мәселесі орынды. Нормативтік-құқықтық актілерде қандай да бір шектеу көрсетілмеген», – дейді Кәсіпкерлер палатасы директорының құқықтық мәселелер жөніндегі орынбасары Салават Құлмахан.</blockquote>Осыдан кейін облыстық білім басқармасының өкілдері жеке балабақша иелерімен кездесіп, мектепке дейінгі тәрбие мен оқытуға мемлекеттік білім беру тапсырысын орналастыру бойынша конкурстық комиссияға тиісті құжаттарды (күн тәртібі көрсетілген мекеме жарғысы, ұйым қызметкерлерінің үлгі штатқа сай жасақталғанын және санитарлық талаптарға сай аз мәзірі мен үш мезгіл ыстық тамақпен қамтамасыз ету талабының сақталғаны дәлелдейтін құжаттар) тапсыруды ұсынады.Наурызда аталған комиссияның отырысы өтіп, өтінім берген 99 балабақшаның құжаттарының талапқа сәйкестігі қаралады. Нәтижесінде комиссия мүшелері 99 балабақшаға 10,5 сағатпен мемлекеттік тапсырыс орналастыру жөнінде қаулы шығарды.<blockquote>«Кәсіпкерлердің мәселесіне дер кезінде мән беріп, шешуге мұрындық болған Кәсіпкерлер палатасы мен Сыбайлас жемқорлыққа қарсы іс-қимыл агенттігінің облыстық департаментіне алғысымыз шексіз» – дейді «Қазақстандық үздіксіз білім беру қауымдастығы» жеке кәсіпкерлер мен заңды тұлғалар бірлестігінің аймақтық филиал директоры Наталья Мишукова.</blockquote>Кәсіпкерлікке қатысты сұрағы бар азаматтар Қызылорда облысының кәсіпкерлер палатасына 8 /7242/ 40-09-81 нөмірі арқылы хабарласа алады немесе Facebook желісіндегі «Сыр өңірі мен Қызылорда қаласындағы БИЗНЕС» тобынан барлық жаңалықпен танысуына болады. &nbsp;

Жеке балабақша иелерінің мәселесі шешілді

<a href="https://kyzylorda-news.kz/">Kyzylorda-news.kz.</a>&nbsp; Көзін тапқанға кәсіптің түр-түрі бар. Себебі қазір мемлекет қолынан іс келетін жандарды демеп жіберуге дайын. Сондықтан болар, аталған саланың тамырына қан жүгіріп, еліміздің негізгі демеуші, қолдаушы күшіне айналып келеді. Қазіргі уақытта кішкентай кәсіптен басталған істің уақыт өте үлкен жобаға айналып кетуіне мүмкіндік мол. Сол мүмкіндікті пайдаланып, ертеңін бүгіннен бастап жатқан жас кәсіпкерлер қатары көп. Солардың бірі – Гаухар Жаңабаева. Ол тігін машинасының жаңа мүмкіндігін пайдаланып, кәсібін жүргізіп отыр.Гаухар үшін тігіншілік өнер таңсық емес. Ауылда өсіп, бойжеткен қыз бала күнінен анасы мен әжесінің тігін тігіп, жіп иіріп, тоқыма тоқығанын көріп өсті. Қазақ қашанда қыз баласын аспаздық пен тігіншілікке баулып өсірген ғой. Гаухардың да анасы өзінің білген өнерін қызының бойына сіңіре білді.<blockquote>&nbsp;Өзім Аманөткел ауылында туып-өстім. Ес білгеннен анамның тігін тіккен кезде қасында көмекші болып жүрдім. Осылайша тігін өнерінің техникасын меңгеріп алдым. Бірақ мектеп бітірген соң, бұл салаға бет бұрған емеспін. Өзге қатарластарым сынды мен де арнаулы, кейін жоғары оқу орындарын бітіріп, диплом алдым, – дейді Гаухар.</blockquote>Бір қызығы, Гаухар алғашында тігіншілікті өзіне қол көрмеген. Заңгер мамандығы бойынша білім алып, қос дипломды алған маман, оқу бітірген соң да өз мамандығы бойынша 7 жыл мемлекеттік мекемеде жұмыс жасайды.<blockquote>&nbsp;2015 жылы тұрмысқа шықтым. Сонан соң балаларым өмірге келе бастады. Жолдасым жұмыс істейтін болғандықтан, толықтай бала тәрбиесімен айналысу маған жүктелді. Содан қызметтен қол үзуге тура келді. Қазір 3 баланың тәрбиесімен айналысып отырмын. Бірақ тек бала бағып, үй шаруасын жасап отыру мен үшін еріншек әйелдің сылтауы сияқты көрінді. Оның үстіне, қазір от жағып, су тасымаймыз. Бәрі жеңілдеген заманда бір нәрсемен айналысу керек болды, – деді жас кәсіпкер.</blockquote>Осыны ойлаған Гаухардың түпкі ойын түсінген жолдасы Сұлтанбек оған жазуға арналған тігін машинасын алып береді. Бұл машинаның бір ерекшелігі, өзіне орналасқан құрылым арқылы кез келген сөзді мата бетіне жазып шығуға болады. Тек функциясын дұрыс келтіріп отырсаң болғаны.<blockquote>&nbsp;Бірақ ол машинаның тілі ағылшын тілінде болды. Қазақ қарпі бар машиналар өте қымбат тұратын. Сонан "Атамекен" кәсіпкерлерді қолдау орталығының жас кәсіпкерлердің ісін бастауға қолдау көрсетіп жатқандығын естіп, 2 ай осында оқып, бизнес жоспарымды тапсырдым,– деді ол.</blockquote>Осылай Гаухар жас кәсіпкерлерге берілетін мемлекеттік грантты жеңіп алды. Аталған қаражатқа тігін машинасын сатып алып, өз кәсібін одан әрі кеңейте түсті. Қазір машинаның мүмкіндігін пайдаланып, кәсібін дөңгелетіп отырғанына да үш жылға жуық уақыт болыпты.<blockquote>&nbsp;Халықтың сұранысы жоғары. Қыз ұзату, тұсаукесер, сүндет той сынды дәстүрлі мерекелерде қолданылатын бұйымдарға, жайнамаздарға, жаңа туған нәрестелердің көрпешелеріне есімдер жазып беремін. Есім жазудың ерекшелігі, тек сол адамға арналған сый екендігін айшықтап тұрады. Сондықтан менің қызметіме жүгінетіндер қазір көп,– деген кәсіпкер, өзінің жұмысының қандай екендігін айтып берді.</blockquote>Расында, қазір мемлекеттің қолдауымен өз кәсібін бастап, табысқа жетіп жатқан жандар жетерлік. Гаухар – отбасында бала тәрбиесімен айналысып, үй шаруасын жасаумен қатар, қолы қалт ете қалса, тігін машинасына отырып, табыс тауып жүрген еңбекқор жандардың бірі. Алдағы уақытта үлкен шеберхана ашуды да мақсат етіп отыр.

Мемлекеттік грант алған аралдық кәсіпкер кәсібін кеңейтті 

<a href="https://kyzylorda-news.kz/">Kyzylorda-news.kz.</a>&nbsp; 62,3 мың қарыз алушыға банктік қарыздар мен микрокредиттер бойынша жасалған шарттардың талаптарына өзгерістер мақұлданды.Қазақстан Республикасының Қаржы нарығын реттеу және дамыту агенттігі жүйелік негізде банктер мен микроқаржы ұйымдарының проблемалық берешекті реттеу тәртібін қолдануларының мониторингі мен талдауын жүзеге асырып тұрады. Агенттіктің деректеріне сәйкес, 2023 жылғы қаңтар-ақпанда банктер мен МҚҰ-ға жасалған кредиттік шарттардың талаптарын өзгертуге 93,6 &nbsp;мыңнан астам қарыз алушы жүгінді. Олардың ішінде, шамамен 62,3 мың&nbsp;қарыз алушыға қатысты (азаматтардың 70%-нан астамы) қарыздар мен микрокредиттерді қайта құрылымдау жөнінде жұмыс жүргізілді. Жалпы алғанда, 2022 жылы банктер мен МҚҰ-лар 708,7 мың қарыз алушының өтініштерін қарады, оның ішінде 527,8 мың&nbsp;азаматқа&nbsp;қайта құрылымдау мақұлданды.&nbsp;Fingramota.kz қарыз алушыда кредит бойынша мерзімін өткізіп алу пайда болған жағдайда оның іс-әрекеттерінің алгоритмін еске салады.&nbsp;Егер қарыз алушы кредит бойынша өз міндеттемелерін орындай алмайтын болса, онда ол, бірінші кезекте, мерзімін өткізу басталған күннен бастап 30 күн ішінде кредитті қайта құрылымдау үшін жазбаша өтінішпен немесе шартта жазылған өзге тәсілмен оған қызмет көрсетілетін банкке немесе МҚҰ-ға жүгінуге тиіс.Өз өтінішінде қарыз алушы мыналарды:- өз міндеттемелерін орындамау себептерін;- бұдан былай кредитін өтеу бойынша өз нұсқаларын көрсетуге тиіс.Өтінішке міндетті түрде сіздің қаржылық жағдайыңыздың нашарлауын растайтын құжаттарды қоса беру қажет: бұл сіздің қаржылық және әлеуметтік жай-күйіңіз туралы ақпарат, өз міндеттемелеріңізді толық көлемде орындауға мүмкіндік бермейтін кірістеріңіздің төмендеуі немесе болмауы және басқалар болуы мүмкін. Сұратылған құжаттарды ұсынбау қарыз алушының өтінішін қараусыз қалдыру үшін негіз болады.Қарыз алушы барлық қажетті құжаттарды ұсынғаннан кейін банк немесе МҚҰ өтінішті қарау рәсімін бастайды, бұл ретте, ол қарыз алушының ағымдағы қаржылық және әлеуметтік жай-күйін (төлем қабілеттілігін), кепілге қойылған тұрғын үйінің жалғыз болуын, мерзімін өткізу басталғанға дейін қарыз бойынша міндеттемелерді уақтылы орындауын ескереді.Банк немесе МҚҰ 15 күнтізбелік күн ішінде қарыз алушыға:- шарт талаптарына ұсынылған өзгерістерді қабылдау арқылы келісетіні туралы;- шарт талаптарын өзгерту бойынша өз ұсыныстарын бере отырып;- себептердің дәлелді негіздемесін көрсете отырып, бас тартатыны туралы жауап беруге тиіс.Заңнамаға сәйкес қарыз шартының талаптарына өзгерістер енгізуде мыналар көзделеді:қарыз шарты бойынша сыйақы мөлшерлемесін азайту жағына қарай өзгерту;негізгі борыш және (немесе) сыйақы бойынша төлемді кейінге қалдыру;берешекті өтеу әдісін немесе берешекті өтеу кезектілігін, оның ішінде негізгі борышты басым тәртіппен өтей отырып өзгерту;қарыз мерзімін өзгерту;мерзімі өткен негізгі борышты және (немесе) сыйақыны жою, айыпақыны (айыппұл, өсімпұл), комиссияларды және банктік қарызға қызмет көрсетуге байланысты өзге де төлемдерді кешіру;ипотека нысанасы болып табылатын жылжымайтын мүлікті кепіл берушінің өз бетінше өткізуі;банкке (банк операцияларының жекелеген түрлерін жүзеге асыратын ұйымға) кепіл мүлкін беру арқылы қарыз шарты бойынша міндеттемені орындаудың орнына бас тарту төлемін беру;қарыз шарты бойынша міндеттемені сатып алушыға бере отырып, ипотека нысанасы болып табылатын жылжымайтын мүлікті сату.Егер өзара қолайлы нұсқа табылмаса, қарыз алушы не істеуі керек?&nbsp;Егер қарыз алушы қарызды қайта құрылымдау талаптары бойынша кредитормен келісімге келе алмаса не кредитор мерзімі өткен берешекті реттеу рәсімдерін жүргізбесе және дәлелді негіздемелер ұсынылмаса, қарыз алушы кредитордың шешімін алған күннен бастап күнтізбелік 15 күн&nbsp;ішінде ҚР Қаржы нарығын реттеу және дамыту агенттігіне жүгінуге құқылы.Назар аударыңыз!&nbsp;Қарыз алушы өзінің өтінішіне кредиттік ұйымға жүгінгені және онымен өзара қолайлы шешімге қол жеткізе алмағаны туралы дәлелдемелерді қоса беруге тиіс. Қарыз алушының өтініші негізінде Агенттік банкке немесе МҚҰ-ға қатысты құжаттамалық тексеруге бастамашылық жасайды.Егер қарыз алушы кредиттік ұйымға жүгінбесе не болады?Бұл жағдайда кредитор төлемге қабілетсіз қарыз алушыға қатысты шаралар қолдануға:- жәрдемақылар, алименттер, тұрғын үй төлемдерін, нотариус депозитінің талаптарына енгізілген ақша, білім беру жинақтау салымы туралы шарт бойынша ақшаны алуға арналған арнайы шоттарды қоспағанда, қарызды өтеу шотына борышкердің шотынан қаражат алуға;- берешекті сотқа дейін өндіріп алуға және реттеуге коллекторлық агенттікке беру немесе талап ету құқығын үшінші тұлғаларға беруге құқылы.Қарыз алушы қарыз шарты бойынша міндеттемелерді орындауды кешіктіруге жол берген кезде қарыз шартында кредиттік ұйымның коллекторлық агенттікті тартуға құқығы болған кезде берешекті сотқа дейін өндіріп алуға және коллекторлық агенттікке реттеуге беруге жол беріледі.Бұдан басқа, кредиторлар мәжбүрлеп өндіріп алу үшін сотқа жүгіне алады. Бұл ретте сот барлық мән-жайларды, оның ішінде кредитор мен қарыз алушының берешегін реттеу бойынша барлық шаралар қабылданғанын ескеретін болады.Есіңізде болсын, бұл жағдайдан дұрыс шыға білу қарыз алушының ғана емес, кредиттік ұйымның да мүддесі үшін қажет. Сондықтан, қандай жағдай болса да кредитордан жасырынбаңыз. Мерзімі өткен берешекті өтеу шараларын неғұрлым ертерек ойластырсаңыз, соғұрлым берешекті өтеудің өзара қолайлы нұсқасы тез табылады.&nbsp;

Бүгінгі күннің өзекті цифрі: мерзімі өткен берешекті реттеу  

<a href="https://kyzylorda-news.kz/">Kyzylorda-news.kz.</a>&nbsp; Гүлназ Құлымбетова мәртебелі мамандық жолына түсіп, бала тәрбиелеу ісін өмірлік серік өтуді кішкентай күнінен армандаған болатын.&nbsp;Жастайынан атасы Әбілхайыр Құлымбетовтің қызметіне қарап бой түзеп, сол кісіден үлгі алған екен.Әбілхайыр ақсақал кезінде №129 Қызыл Ту атында болған орта мектептің директоры болған деседі. Жас ұрпаққа тәлім мен тәрбиені қатар игертіп, Қалтайдай қарымды қаламгер, Әбіраштай айтулы ақындарды түлетіп ұшырған. Отбасында әке-анасымен қатар ата-әженің тәрбиесін көріп өскен Гүлназ кішкентай кезінен әділдікке, тазалыққа бой үйреткен. Аяулы ұстаз 1972 жылы Шіркейлі ауылындағы берекесі тасыған шаңырақта дүние есігін ашқан. Берекелі шаңырақта сәби үні шырқалған әкесі Қуанышбайдың қуанышында шек болмаған. Қуанышбай Әбілхайырұлы туған ауылының өркендеуіне үлес қосқан, еңбегімен ел құрметіне бөленген қарапайым жан. Мамандығы электр саласымен байланысты екендігін ескертейік. Ал анасы Құрманкүл Жакеева – зейнеттік демалысқа шыққанша тынымсыз еңбек еткен ақ халатты абзал жан ретінде ауылға белгілі. Мамандығы – фельдшер.<blockquote>Мектеп қабырғасындағы аяулы ұстаздарым Ә.Құдайбергенов, Д.Әлиасқаров, Ә.Палымбетов, Б.Сүлейменов, З.Таңатқанова, Б.Зарипова, Ж.Азаматова секілді ұлағатты ұстаздардан алған тәлімді тәрбие мен сапалы білімнің арқасында мен де мұғалімдік мамандықты таңдадым. Жібек апайымның өлеңді мәнеріне келтіріп оқуы, әр сабақты әсерлі етіп өткізуі қазақ тілі мен әдебиеті мамандығын таңдауыма ықпал етті. Атамның ұлағатты ұстаздық жолын мен осылай бастап, абыроймен жалғастырып келемін, – деді Гүлназ апай бізбен әңгімесінде.</blockquote>Г.Құлымбетова 1994 жылы Қызылорда қаласындағы Қорқыт ата атындағы институтты бітірген соң Нұрлыбек Шадановпен шаңырақ көтереді. Тағдыр айдап, Қоғалыкөл ауылына қоныс аударады. Осындағы №44 орта мектепке жұмысқа орналасады. Міне, содан бері аталған білім ордасында бала тәрбиелеу ісімен айналысып, ел өркендеуіне өзіндік үлесін қосып келеді.<blockquote>Сол кезеңде менің есімде ерекше сақталғаны – институтты бітіргеннен кейін әрқайсысымыз өз ауданымызға жолдама алу үшін облыстық білім басқармасының басшысы Әли Мүсілімовтің қабылдауында болған кезіміз. Ол кісі барынша қарапайым және өте талапшыл жан екен. Бірінші күні бізді қабылдауға сағат 15.00-ге шақырған болатын. Алайда, көпшілігі айтылған уақыттан кешігіп келді. Ағай бізді келесі күнге дәл сол уақытқа қайта шақырды. Сонда «Өздерің аз уақыттан кейін мұғалімдік қызметті бастағалы отырсыңдар. Сабаққа да осылай кешігіп баратын болсаңдар, оқушыға қалай талап қоясыңдар? Баланы тәрбиелеу үшін алдымен өздерің тәрбиелі болуларың керек» деп қатаң ескерту жасаған еді. Сондағы айтқан сөзін мен осы кезге дейін басты ұстанымым етіп келемін, – дейді Г.Құлымбетова алғаш еңбек жолын бастаған кездер туралы естеліктерді есіне түсіріп.</blockquote>Бала тәрбиесі – баршаның ісі. Дегенмен, басты талап ата-ана мен мұғалімге қойылатыны анық. Осы ретте қызығы мен қиындығы қатар жүретін мұғалімдік мамандықтың иесі болу үлкен жауапкершілік жүктейтіні белгілі. Ол үшін үлкен төзім мен жігер керек.<blockquote>&nbsp;«Болат қайнауда шынығады» дейді халық даналығы. Мәртебелі мамандықтың мерейлі иесі болуыма бірден-бір ықпал еткен сол уақытта оқу ісінің меңгерушілігі қызметін атқрған М.Іскендіров және сол кезеңдегі талап бойынша «ақылшы-ұстазым» болған Е.Ысқақов ағайларды ерекше атап өткім келеді. Ол кісілер әрдайым сабағыма және сыныптан тыс іс-шараларыма қатысып, өзіндік пікірімен бөлісе отырып, менің кәсіби толысуыма зор ықпал еткен болатын. Әсіресе, Мұрат ағайдың «Балам, пайдаланған көрнекі құралдарың эстетикалық талғамға сай болсын» деген ескертуін осы кезге дейін сабақ немесе іс-шара өткізген сайын өзіме басты талап етіп қоямын. Сабақ арасындағы үзіліс уақытында Есенжол ағайдан түсінбеген тұсыңды сұрай қалсаң «Е-е, балам, ол былай ғой» деп бастап, байсалды жауап беруінің өзі менің кәсіби өсуіме көп ықпал еткен еді. Өкінішке орай, Есенжол ағай қазір арамызда жоқ, бақилыққа аттанған, – деді кейіпкеріміз өзінің ақылшы ұстаздары туралы ой тербеп.</blockquote><blockquote>«Менің ұзақ жылғы тәжірибемнен түйгенім – тек мұғалім оқушыны тәрбиелеп қана қоймайды екен. Оқушының да мұғалімге ой салып, бағыт беретін кездері де болады» дейді тәжірибелі маман. Гүлназ апай алғаш еңбек жолын бастап, мамандықтың қыр-сырына енді ден қойып жүрген кезі екен. Сабақ беретін сыныбындағы оқушылар сабақ барысында баяу, көздерінде қорқыныш бардай сезіледі ұстазға. Бала мен оқытушы арасындағы байланысты бірінші орынға қоятын мұғалім оқушыларға «Балалар, менің сабағымды түсінбей жүрсіңдер ме? Әлде сабақ қиын ба?» деп ашық сұрақ қойыпты. Сонда оқушылардан «Жоқ, апай, сіздің сабағыңызды жақсы түсінеміз. Алайда, біз сізден қорқа-соқтаймыз. Сіз сабаққа кіргенде және сабақ уақытында қабағыңызды түйіп жүресіз» депті. Оқушымен дұрыс коммуникация құра алған Гүлназ апай оқушылардың сынын дұрыс қабылдап, сабақ барысын одан сайын қызықты өткізуге күш алған екен. «Мен мұғалімнің баланы тәрбиелей отырып өзінің де тәрбиеленетіндігіне көзім жетті. Балалардың өз ойын батыл айтуы маған ой салумен қатар, оқушылармен арадағы байланыстың нығаюына ықпал етті» дейді сондағы бір қызықты күндерді еске түсіген білікті маман.</blockquote>Гүлназ апай мектепте білікті ұстаз, оқушылардың сүйікті мұғалімі болса, отбасында аяулы жар, асыл ана, ардақты әже. Жолдасы да үнемі қызметіне, уақытпен санаспай жұмыс істеуіне мүмкіндік жасаған, әркез қолдау көрсетіп отырады. Отбасының, арқасүйер азаматының рухани қолдауын әркез сезінетін аяулы жан Н.Шадановпен бірге бір ұл, екі қызды тәрбиелеп өсірген. Ұлы Даниярдың мамандығы – орманшы. Аружан есімді келін әкеліп, ата-анасын қуантқан. Ата-ана ізін қуып, шаттыққа толы шаңырақтың негізін салған жандар дүниеге Феруза, Әли, Нұрғали есімді сүйкімді бүлдіршіндерді әкелген. Ал қыздың үлкені Назерке – кітапханашы, Әйгерім – магистрант.<blockquote>– Отбасындағы жарасымды өмірдің арқасында мен қазіргі уақытта таңдаған мамандығымның таңдаулы иесі болып отырмын. Мақтан тұтар шәкірттерім де баршылық. Атап айтқанда, Ж.Тоқмырзаева, Д.Қырдан, Г.Демжанова, Б.Айқынқызы және басқалары. Институтта оқып жүрген кезде ұстазым Ә.Жақыпов ағай өзінің «Түйе өсірушінің түсіндірме сөздігі» атты кітабына «Гүлназ, шәкірттерің өзіңнен биік болғай!» деп қолтаңба жазғанда, сол сөздің мағынасын ол уақытта дұрыс түсінбеппін. Шынымды айтсам, неге менен гөрі шәкірттерім биік болу керек деген ойда болған едім. Кейін түсіндім, бұл мұғалім үшін айтылар тілектің ең құндысы екен, – дейді кейіпкеріміз.</blockquote>Ендеше біз де білікті маман, ұлағатты ұстаз, отбасының шамшырағына айналған аяулы жанға балаларыңыздың қызығын көре беріңіз, ұстаздан озар шәкірттеріңіз көп болсын деп тілек білдіреміз.<figure class="image"><img src="https://knadmin.beoblood.kz/uploads/b7d95d65_858e_475f_93d4_2c5cf188a225_e587bafe15.jpg" alt="b7d95d65-858e-475f-93d4-2c5cf188a225.jpg"></figure>

Білім саласының білікті маманы

<a href="https://kyzylorda-news.kz/">Kyzylorda-news.kz.</a> Бүгінде бейнеті мен машақаты бірге жүретін мал бағудың қыр-сырына қаныққан әрбір шаруа өз ісіне мығым келеді. Мәселен, Сырдария ауданына қарасты Шіркейлі ауылының тұрғыны Жадыра Серікбаева жылқыны бордақылап, ет бағыты бойынша кәсібін жандандыруда. Күнделікті жем-шөбін дайындап, жылқының бабын жасайтын жылқышы келіншек – «2021-2025 жылдарға арналған кәсіпкерлікті дамыту жөніндегі ұлттық жобаның қатысушысы.Бірнеше жылдан бері жылқы бордақылап, табысын еселеген Жадыра Серікбаева мемлекеттік жобаның қолдауының арқасында 4 бас жылқы алған. Қазіргі уақытта мал қорасында 6 бас жылқы байланып тұр. Реттілігімен сойылатын жылқының еті нарық бағасына сай 2200 теңгеден сатылады. Тұрақты тұтынушы біткен кәсіпкердің етіне қызығушылық танытады.Жадыраның жолдасы – Мұрат Ахметов келіншегіне үнемі қолғабыс етіп келеді. Ерлі-зайыпты осыдан 11 жыл бұрын отасып, жылқы бағуға ден қойған. Осы күні 4 баланың ата-анасы атанған олар көпбалалы отбасынан шыққан. Негізінен, Жадыра Серікбаева – Жалағаш ауданының тумасы. Отбасындағы 9 баламен қатар мал шаруашылығымен шұғылдануға барынша дағдыланған.<blockquote>Ауылдық жерде мал шаруашылығымен айналысу өте қолайлы. Уақытылы жылқының күтімін жасай білу арқылы оның қалыпты салмақ қосуына жағдай жасалады. Бүгінде кәсібін бастаймын деген әрбір адамға мемлекеттен қолдау көрсетіледі. Әрине, күнкөрісті жақсарту үшін қолдан келген іспен шұғылдануға бейім болған дұрыс деп ойлаймын. Алғаш келін болып түскенімде екінші анам, яғни енем сиыр сауу мен жылқы бағуды жанына ертіп жүріп үйреткен болатын. «Ешкім оқып туған жоқ» деген қағиданы ұстанатын енем мал шаруашылығымен айналысуыма көп септігін тигізді. Үлкен кісілерден үйренген біршама дүниені өмірлік сабақ ретінде қолданып жүрмін. Шындығында, 1 жылқыны бордақылау үшін 1-3 ай аралығында уақыт кетеді. Күнделікті жем-шөптің бағасының өсуіне байланысты өтпелі қиыншылықты жеңуге тырысамыз. Алдағы уақытта ата-анамыздың қолдауының арқасында ата кәсіпті үлкейту ойда бар. Қашан да мал шаруашылығын дамыту өзектілігін жоймайды. Әркез жылқы басын көбейтіп, халық алғысын алуға ұмтыламыз, – дейді көпбалалы ана.</blockquote>Жалпы, ауданымызда жұмыс істеп тұрған кәсіпкерлік субъектілерінің үлесі 94,1 пайызды құрап, өткен жылмен салыстырғанда 18,4 пайызға артқан. Оның ішінде, Жадыра секілді кәсібін жаңадан бастаған жандар қатары көп. Жыл сайын жұмыссыздық деңгейін азайту мақсатында 2021-2025 жылдарға арналған кәсіпкерлікті дамыту жөніндегі ұлттық жобасы арқылы кәсіп бастаған көпшілік мал шаруашылығына икемділігін байқатып келеді. Асылында, Шіркейлі ауылында төрт түліктің әрбір түрін асырауды қолға алған жандар кәсіпкерлікке бетбұрыс жасағаны көңілге медеу сыйлайды.<blockquote>– Өзіміз жыл көлемінде жілік алып, ет сүрлеуді әдетке айналдырғанбыз. Ауылда жілік сатумен шұғылданатын жандар қатары баршылық. Дегенмен, бірнеше жыл уақыт бойы Мұрат пен Жадыраның етінен алып тұрамыз. Кейде олардың етіне деген сұраныс жоғары болатындығын аңғарамыз. Өйткені, ауылдағы үлкенді-кішілі той-томалаққа, асқа көпшілік бордақыланған жылқыны сатып алатыны мәлім. Халық алғысына бөленген жанның кәсібіне береке берсін деген тілек бар, – дейді Шіркейлі ауылының тұрғыны Шернияз Жақыпов.</blockquote>Болашақта көпбалалы ана жылқы басын көбейтуге күш сала бермек. Ата-ене, ер мен баланың күтімін назардан тыс қалдырмайтын кәсіпкер «Еңбек бәрін жеңбек» деген қағиданы берік ұстанады.<figure class="image"><img src="https://knadmin.beoblood.kz/uploads/c9229a8f_38d0_4cda_b9f1_cea69ae60c65_ca9ad80e1b.jpg" alt="c9229a8f-38d0-4cda-b9f1-cea69ae60c65.jpg"></figure>&nbsp;

Жадыра Серікбаева: Ауылда мал шаруашылығымен айналысу өте қолайлы

<a href="https://kyzylorda-news.kz/">Kyzylorda-news.kz.</a> Жаңақорған аудандық қоғамдық даму бөлімінің «Жастар ресурстық орталығы» КММ шығармашыл жастардың ордасына айналған Жайдарман ойындарын өткізуде тұрақты түрде қолдау білдіріп келеді. М.Көкенов атындағы мәдениет үйінде «Жаңақорған КВН» филиалының ұйымдастыруымен Жаңақорған Жайдарман – 2023 финалдық ойыны өтті.&nbsp;2023 жылдың Маусымашар ойындарына 10 команда қатысып, финалдық кезеңге дейін үздік өнер көрсеткен 5 команда жолдама алған болатын. Финалдық ақтық ойында әрбір команда Республикалық Жайдарман жұлдыздарын шақырып бірге ойын көрсетті. Финалдық сайыста барлық командалар өз өнерлерін ортаға салып, тартысты ойын өрнегін көрсетті. Төрелік етуге әділ қазылар алқасында Жастар ресурстық орталығы директоры Н. Орынбасаров, Халық театрының жетекшісі Т.Әжімұратов, «Алло, такси» тасымалының басшысы Б. Қалжан, жеке кәсіпкер Ғ.Жаңақорған құрамасының капитаны Е.Бейбітов болды.&nbsp;Ойын қорытындысы бойынша Екпінді ауылдық округінен келген өрендер «Екпінді» құрамасы І орыннан көрінсе, Кейден ауылдық округінен келген «Кейден» құрамасы ІІ орынды қанжығасына байлады. Ал Жаңақорған кентінен бақ сынаған «Қыран» мектебі алған ІІІ орынды місе тұтты.Ойын соңында өнер көрсеткен барлық командаларға алғыс хат беріліп, жеңімпаздарға кубок, қаржылай сыйақылар табысталды.<blockquote>«Барша Жайдарман жанашырларына алғыс білдіреміз», - дейді ұйымдастырушылар.</blockquote><img src="https://knadmin.beoblood.kz/uploads/s_236e9e10b9.jpg" alt="с.jpg">

Жаңақорғанда Жайдарманның финалдық ойыны өтті

<a href="https://kyzylorda-news.kz/">Kyzylorda-news.kz.</a> Жалағаш ауданы сенбілікке белсене атсалысуда. Кент көшелеріне 300-ге жуық ағаш отырғызылып, қоршаулар жүргізілді.Табиғат тазалығы халық саулығы екенін ескерсек, айнала қоршаған ортамызды, табиғатты таза ұстау - баршамыздың азаматтық парызымыз. Жалағаш ауданында әр сенбі сайын өткізілетін көркейту-көгалдандыру, санитарлық тазалық жұмыстары барлық кент, ауылдық округ аумағында тұрақты жүргізіліп жатыр. Қай жерде болмасын, жалпы көше тазалығына салғырттықпен қарау санамыздан арылмай жүргені рас. Көпшілікте де ауданның тазалығына жауапты мекеме немесе әкімдік бар дейтін ұғым қалыптасқан. Алайда Жалағаш кентінде айналаның тазалығы үшін жұмыла сенбілікке шықты. Ислам дінінде тазалықты иманмен теңестіріп, «Тазалық – иманның жартысы» дейді. Осыдан-ақ адам өмірінде тазалықтың қаншалықты маңызды екенін ұғынуға болады. Қызығы сол, көпшілік үшін дәстүрге айналған Жалағаштағы сенбілікте тұрғындар бой көрсетіп, бір үйдің баласындай атсалысты.<blockquote>«Наурыз айынан бастап Жалағаш ауданы бойынша көктемгі көркейту-көгалдандыру жұмыстары сенбіліктерде және тұрғындардың қатысуымен тұрақты түрде жүргізіліп келеді. Жалағаш кенті немесе тиісті елді мекендегі тазалықтың сақталуына тұрғындардың да қосып жатқан үлесі орасан зор. Бүгінгі күні көшелерді қоқыстан тазарту, тал егу, арнайы қоршаулар салу, тұрғын үйлердің қасбеттерін әрлеу, су келетін арықтарды қайта тазалау мақсатында Жалағаш кентіндегі көше тұрғындары бірігіп, өз бастамаларымен сенбіліктер жасауда» дейді мамандар.</blockquote>Мәселен, Жалағаш кенті, Амангелді көшесінің тұрғындары аталған көше бойында санитарлық тазалық акциясын өткізсе, Ақпан батыр көшесіне батыр ұрпақтары толықтай қоршау жүргізіп, 300-ге жуық ағаш отырғызған. Туған жердің келбетін әсемдеу әр адамның өз ауласынан басталады. Осыған сәйкес, көпшілік Жалағаш ауданы тұрғындарын бірлесе санитарлық-тазалық жұмыстарын жұмыла атқаруға шақырады.<img src="https://knadmin.beoblood.kz/uploads/zhal_94bd79e96d.jpg" alt="жал.jpg"> &nbsp;

Жалағаш кентінде тұрғындар 300-ге жуық ағаш отырғызды

<a href="https://kyzylorda-news.kz/">Kyzylorda-news.kz.</a> Қармақшы ауданында мүмкіндігі шектеулі жандардың ұсыныс-тілектерін тыңдау мақсатында аудан әкімінің орынбасары Жұлдызхан Байназарұлының төрағалығымен кездесу өтті.Біздің қоғам мінсіз емес. Қай қоғам болса да айтылар мәселелер, қозғалар ойлар да көп. Сол қоғам атты азаматтық институттың ажырамас бөлшегі – мүмкіндігі шектеулі жандар екені бәрімізге мәлім. Мемлекет те олардың қоғамнан тыс қалмауын жіті қадағалап келеді. Билік басындағылар да мүмкіндігі шектеулі жандар үшін еліміздің кедергісіз аймаққа айналуы басты назарда екенін алға тартады. Сол мүмкіндікті олар да тиімді пайдалануда. Қазір оқшау қалған мүгедек жоқ. Бірі – оқиды, енді бірі – кәсіппен шұғылданады. Тағы біреуі – жұмыс істейді. Дені сау адамдармен иін тіресіп қарекет етуде. Ал мәселесі басында, қоғамда орнын таппай, дал болып жүрген жандар ше? Олардың мәселесінің түйткілі тарқамай мінсіз қоғам да түзелмейтіні рас. Осы орайда Қармақшы ауданы әкімінің орынбасары Жұлдызхан Байназарұлы аудандағы мүмкіндігі шектеулі жандармен кездесіп, олардың пікірін, ұсынысын тыңдады.Ерекше жандармен болған басқосуға облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары А.Ибраева, денсаулық сақтау басқармасы басшысының орынбасары Ж.Шайымбетов, облыс бойынша еңбек және халықты әлеуметік қорғау департаменті басшысының орынбасары Т.Мырзахметова, облыстық мүгедектер қоғамының төрағасы С.Сиюов қатысты.&nbsp;Кездесу барысында мүмкіндігі шектеулі жандар тарапынан тиісті сала басшыларына сұрақтар қойылып, тұщымды жауаптары берілді. Сондай-ақ, сала мамандары ерекше жандардың ұсыныс-тілектері әрқашан басты назарда болатынын жеткізді.&nbsp;

Қармақшыда мүмкіндігі шектеулі жандар назардан тыс емес

<a href="https://kyzylorda-news.kz/">Kyzylorda-news.kz.</a> Орталық алаңда ауыр атлетикадан жасөспірімдер арасындағы әлем чемпионатының екі дүркін жеңімпазы Ерасыл Аянұлы Сәулебеков пен бапкері Айдар Қойшыбекұлын Ералиевті Қармақшы аудананының жұрты құрметпен қарсы алды.Өздеріңізге белгілі, Ерасыл Сәулебеков 2022 жылы Мексика мемлекетінде өткен жасөспірімдер арасындағы ауыр атлетикадан Әлем біріншілігінде 3 алтын медальға қол жеткізсе, міне биыл Албания мемлекетінде өткен ауыр атлетикадан жасөспірімдер арасындағы Әлем чемпионатында 73 кг салмақ дәрежесінде екінші мәрте Әлем чемпионы атанды.&nbsp;<img src="https://knadmin.beoblood.kz/uploads/yyyyyyyyyyyyyyyyyyyyyyy_05e74b8e7e.jpg" alt="ыыыыыыыыыыыыыыыыыыыыыыы.jpg">Аудан әкімі күллі қазақ елінің абыройын асқақтатып, көк туымызды көкке көтерген жас спортшы Ерасыл Аянұлы мен бапкері Айдар Қойшыбекұлына барша аудан халқының атынан алғыс білдіре отырып, Ерасыл Сәулебековке 1 миллион теңге көлемінде қаржылай сыйақы табыстады. Өз кезегінде әлем чемпионы Ерасыл Сәулебеков пен спортшының бапкері Айдар Қойшыбекұлы тілектес болған аудан халқына рақмет айтып, ризашылықтарын білдірді.Аудандық ардагерлер кеңесінің төрағасы Асқар Мереков жас спортшыға ақ батасын беріп, ауданымыздың барша ардагерлері атынан ізгі тілегін жеткізді.<blockquote>«Жерлестеріміздің спорттағы жетістіктері мен табыстары арта берсін! » дейді жиналған қауым.</blockquote>&nbsp;

Қармақшылықтар екі дүркін әлем чемпионы Ерасыл Сәулебековті күтіп алды

<a href="https://kyzylorda-news.kz/">Kyzylorda-news.kz.</a> Бүгінде кәсіп ашсам дейтін жандардың қатары аз емес. Бұл еліміздегі кәсіпкерлік саласына жасалағн қамқорлықтың нәтижесі. Шынында, кәсіп бастағанға да, кәсібін дөңгелеткен кәсіпкерге де мемлекет тарапынан қолдау көп. Кәсіпті демейтін түрлі бағдарламалар мен қайтарымсыз қаржылай қолдаудың нәтижесінде кәсіп түрі де көбейді. Тіпті, қайтарымсыз қаржы алып тігін цехын ашқан, сұлулық салонын кеңейткен, сабын шығарып, етік тіккен де, жылыжай жұмысын жүргізгендер де, құрылысқа қажетті материалдар шығаруды қолға алғандар да, кондитерлік цех қатарын көбейткендер де аз емес. Мұның барлығы кәсіпті қолдаудың нәтижесі екені сөзсіз.Ал енді сөз еткелі отырған кәсіп тіпті ерекше. Қызылорда қаласының тұрғыны Мақпал Төлепбергенова ешкім бастамаған ерекше кәсіпті қолға алып, бұл іске білек сыбана кірісіпті. Алғаш естігін кезде тосырқап қалатынымыз жасырын емес. Себебі саңырауқұлақ дегенге қазақ соншалықты құмарта бермейтіні белгілі. Дегенмен бүгінде саңырауқұлақтан жасалған салаттан ешкім де бас тартпайтыны белгілі. Мейрамханалар саңырауқұлақтан әзірленетін тағам даярлау үшін бұл сұранысқа ие. Ал бұл бізге сырттан келетіні белгілі. Демек жаңа кәсіп бастаған Мақпалдың бұл кәсібі оның ерлігі десек те артық айтқандық емес. Сонымен, қызылордалық Мақпалдың саңырауқұлақ өсіру кәсібін қалай қолға алғанын баяндайық.&nbsp; 33 жастағы Мақпал Төлепбергенова биыл көктемде бір ерекше кәсіп ашты. Бұл кәсіпті қолға алу үшін бір жыл бойы ойланып, ізденген кәсіпкер уақыты келгенде бастап та кетіпті. Ағасымен бірге жоспар құрып, «Бизнестің жол картасы-2025» бағдарламасы аясындағы байқауға қатысып, жобасын қорғап қол жеткізген грант қаржысына саңырауқұлақ өсіретін ферма ашты.Бүгінде фермада төрт адам жұмыс істейді. Саңырауқұлақ фермасының ауданы – 250 шаршы метр. Ол субстратталған екі камерадан тұрады. Кәсіпкердің айтуынша, шампиньон өсіру ұзақ уақытты қажет етеді. Саңырауқұлақтардың пісуінің әр кезеңіне қажетті ылғал деңгейін сақтай отырып, бөлме температурасынан ауытқымау өте маңызды.&nbsp;Қазір Мақпал екі айда 6 тоннаға дейін сапалы өнім жинайды. Өнімді сақтау үшін арнайы тоңазытқыш камералар сатып алған. Алдымен жергілікті мейрамханалар кәсіпкердің тұрақты тұтынушысына айналды, содан кейін шампиньонның пайдалы қасиеті жайлы білетін тұрақты тұтынушылар қатары да көбейе бастады.&nbsp;Саңырауқұлақ бизнесімен айналыспас бұрын біздің кейіпкеріміз олардың барлық пайдалы қасиеттерін зерттеді.&nbsp;<blockquote>«Шампиньон – өте құнды, төмен калориялы өнім, оның құрамында ақуыз мен темір көп. Сондықтан олар вегетариандар үшін өте қажет және диета ұстайтын, анемия, қант диабетімен ауыратын адамдар үшін пайдалы»,- дейді Мақпал Төлепбергенова.&nbsp;</blockquote>Саңырауқұлақтардың көптеген түрлері адамның иммундық жүйесін нығайтады. &nbsp;Саңырауқұлақтар негізінде судан тұрады (көкөністердің құрамында қанша су болса, оның құрамында сонша су бар), сондықтан олар төмен калориялы.Саңырауқұлақтар дене массасын азайтуды қалайтын адамдар үшін жақсы. Саңырауқұлақтар өздері өсетін топырақтың минералдарға бай болуына не болмауына байланысты, бізге минералдық тұздардың шамалы мөлшерін береді. Сонымен қоса, олардың құрамында каротин түріндегі A дәрумені, сондай-ақ елеулі мөлшерде B1, B2 дәрумендері бар. Қалған дәрумендер аз мөлшерде болады. Саңырауқұлақтардағы микроэлементтердің арасында калий, фосфор, кальций және темір басым болады, олар негізінде қатпарлы табақшаларда және түтіктерде болады. Сондай-ақ саңырауқұлақтар нәруыздың көзі, ол саңырауқұлақтардың ауыр қорытылуынан тек 60%-ға сіңіріледі. Сүт өнімдеріндегі, еттегі және жұмыртқадағы нәруыздың құрамына қарағанда, саңырауқұлақтардағы нәруыздың құрамының құндылығы төмен, бірақ сәбіздегіге қарағанда жоғары болады.&nbsp;Саңырауқұлақтарды тоңазытқышта ұзақ уақыт сақтау мүмкін емес, өйткені ол тез бұзылатын өнім. Сондықтан қауіпсіздік үшін фермаларда өсірілген шампиньондарды сатып алған дұрыс. Жиналған өнімді ұзақ сақтау үшін Мақпал саңырауқұлақ кептіретін арнайы жабдық сатып алды. &nbsp;Ерекше кәсіпті жүргізуде қиындықтар да аз емес. Соған қарамастан кәсіпкер болашаққа жоспар құруда. Еңсе тіктеп алған соң ол «Даму» Қорының қолдауымен саңырауқұлақ өсіруге арналған топырақ шығаратын цех ашуды жоспарлап отыр.

Қызылордалық кәсіпкердің саңырауқұлақ өсіретін фермасы бар

<a href="https://kyzylorda-news.kz/">Kyzylorda-news.kz.</a> "Атадан- мұра" республикалық қоғамдық қорының бүлдіршіндер, мектеп оқушылары мен жасөспірімдер арасында Шымкент қаласында ұйымдастырылған "Дарабоз-V" байқауында “Хореография" номинациясы бойынша үздік өнер көрсеткені үшін жаңақорғандық "Бала-ART" өнер орталығының "Өрлеу" 1-ші және 2-ші би топтары бірінші дәрежелі дипломмен марапатталды.Бишілердің жетекшісі Гүлназ Матхамова "Үздік ұстаз" медалімен марапатталса, "Балв-АRT" өнер орталығының меңгерушісі Индира Тұрғанбайқызы Құрметті грамотамен марапатталды. Тағы бір орталықтың маманы Қарақат Оңғарқызы алғыс хатқа ие болды.Би үйірмесінің жетекшісі Ажар Қабланованың айтуынша, жалпы байқауға Алматы, Шиелі, Түркістан, Шымкент, Қызылорда қаласынан 400-ге жуық өнерпаз бақ сынаған.– Байқауға елдің түкпір-түкпірінен кіл мықты ұжымдар қатысты. Хореография аталымы бойынша 30-дан аса ұжым өнер көрсетті. Жаңақорған ауданының атынан қатысқан «Әлшекей» өнер мектебінің биші қыздары «Ұлттық би» аталымы бойынша «Тарантелла» биін билеп, екінші орын алды. Жарысқа қатысуға қолдау көрсеткен өнер мектебінің басшысына және ұжымына, ата-аналарға алғыс білдіремін, – дейді би үйірмесінің жетекшісі.Бұл жеңісте аудандық «Әлшекей» атындағы өнер мектебі ұжымының атқарып жатқан еңбектері елеулі. Мектепте бүлдіршіндер хореография, баян, сурет, домбыра сыныптарында өнерге бейімделді. Ұстаздар еңбегінің жемісі шәкірт жеткен жетістігімен бағаланатыны да ақиқат.Ұлы Жеңіс мерекесі аясында еліміздің барлық өңірінен бишілер тобы жас ерекшеліктеріне қарай үш топта бақ сынасты. &nbsp;Осы бір дүбірлі додада Әлшекей өнер мектебінің ұстаз-тәлімгері Гүлнар Ибадуллаева жетекшілік ететін «Аққу» би тобы &nbsp;өнер көрсетті. &nbsp;Дана халқымыз «Өнерлі – өрге жүзер» &nbsp;демекші, бабы мен бағы қатар жанған бүлдіршін аруларымыз &nbsp;«жүзден жүйрік, мыңнан тұлпар» шығып, шашасына шаң жұқтырмай бәйгеден оза шауып &nbsp;бас жүлдені қанжығаларына байлады. Үлкендер тобындағы Әбсаттар Іңкәр, Исатаева Көркем, Ғани Жұлдыз, Бақыт Сәния, Молдабек Әмина, Оразбек Ханшайым, Бауыржан Мәдина, Рахман Асыл-Жар мен Мұхтар Нұршуақ &nbsp;«Томирис» &nbsp;биін сахналады. &nbsp; &nbsp;&nbsp; Ортаңғы топтағы Бегайдар Зәуре, Шымырбек Бекзат, Мұхтар Нұршуақ, Бегмахан Айару, Бәкір Інжу, Жұмахан Айымжан, Серік Мунира, Тұрғанбек Хамида, Қыдырбай Жансая, Серікбай Алтынай, Ерболқызы Айгерім, Өтеген Асылай, Әлайдар Аяна, Әйбекқызы Нұрғаным, Әуелбек Ақтілек пен Жора Айзере &nbsp;«Көкпар» биімен сахнаның сәнін кіргізді.Ал кішілер тобындағы Серікбай Алтынай, Асанбек Айзере, Еркін Айгерім, Жанатқызы Раяна, Мақсатқызы Аруназ, Алтынбек Зарема, Өтеген Асылай, Ерболқызы Айгерім, Жора Айзере, Серікбай Арайлым мен Серік Хамида орыстың «Частушкасын» соны мазмұнда мәнерледі. Жас бишілердің өзгеше ырғақты қимылдары, бидің мәнін жеткізе орындаулары патша көңілді көрер¬мен мен әділқазылар алқасынан лайықты бағасын алды. «Аққу» би тобы «Хореографиялық өнері» номинациясы бойынша бас жүлдеге ұсынылды.Қай салада немесе қай жерде &nbsp;болмасын жеңіс оңайлықпен келмесі ақиқат. Бұл тынымсыз еңбек, қаншама жаттығулардың, төгілген маңдай тердің өтеуі десек артық айтқандық емес. Даңқты қолбасшы Суворовтың «Тяжело на учении, легко в бою» деген қанатты сөзі осы &nbsp;би тобының да қыздарына арнап айтылғандай. Оның айқын айғағы, бүлдіршін аруларымыздың &nbsp;14 облыс пен үш бірдей мегаполистен келген өздеріндей &nbsp;биші қыздарды соңдарына қалдырып, бас жүлдені алуы дер едік. Орайы келгенде, Әлшекей өнер мектебінің тәлімгер ұстазы Гүлнар Ибадуллаеваның би өнерін дамытудағы ерен еңбегі туралы атап өткен орынды.Гүлнар Ибадуллаеваның &nbsp;да осы өнер мектебінде қызмет атқарып келе жатқанына жиырма жылдай болып қалыпты. Ол тәрбиелеген &nbsp;шәкірттерінің жүзден астамы түрлі деңгейдегі республикалық және халықаралық байқаулар мен конкурстардың лауреаты атануының өзі, ауданымызда Гүлнар мектебінің қалыптасқанын айғақтайды. Ендеше, Гүлнарға шәкірттерің өнер аспанында қалықап, ауда¬нымыздың, әрісі еліміздің атын шығарар өнерпаздар мектебі болсын дегіміз келеді.

Жаңақорғандық бишілер байқауда топ жарды

<a href="https://kyzylorda-news.kz/">Kyzylorda-news.kz.</a> Елімізде мектеп оқушылары арасындағы жанжал мен төбелес жиілеп кетті. Жасөспрімдер арасындағы қылмыс бұл күні өршіп тұр. Оған жыл басынан бері БАҚ пен әлеуметтік желілерде тарап кеткен бейнежазбалар дәлел. Бірін-бірі бопсалау, қорқыту, қорлық көрсету секілді іс-әрекеттерді телефонға түсіріп оны көпшілік елге тарататынын қайтерсіз?! Кемел келешектің иесі деп сеніп отырған жасөспірімдеріміз келеңсіздіктің небір «көкесін» көрсетіп жүр. Өкінішті, әрине. Олардың мұндай оғаш қылықтары қоғамды, әсіресе ата-ана қауымының көңілін күпті етіп, алаңға салып отырғаны белгілі.&nbsp;Жақында Өскемендегі оқушы қыздың өзі қатарлы бойжеткенді ұрып-соғып жатқан видеосы тарады. Аяусыз соққыға жыққаны былай тұрсын, шешіндіріп, оны көпшілікке таратып жібергені көптің ашуына тиді. Иә, жігіттерді былай қойғанда бойжеткендердің жаға жыртысып, таяқтағаны тіптен ұят секілді.Жасөспірімдер қылмысы өршіп тұрҚұқықтық статистиканың және арнайы есепке алу комитетінің ресми деректеріне сүйенсек, соңғы үш жылда 3500-ге жуық жасөспірім қылмыстық жауапкершілікке тартылған. Атап айтар болсақ, 2021 жылы 1504, 2022 жылы 1545 болса, биылғы жылдың өзінде 376 жасөспірім қылмысқа барған. Сондай-ақ соңғы үш айда олардың &nbsp;қатысуымен 101 аса ауыр қылмыс тіркелген екен.&nbsp;Жыл басынан бері қылмыстық жауапкершілікке тартылған 14-17 жас аралығындағы 376 тұлғаның 353-і ер бала болса, 23-і қыздар. Нәзікжанды қыздарымыздың да бұл қатардан қылаң бергені адамгершіліктің азайғанының көрінісі ме дерсіз. &nbsp;Жасаған қылмыс түрлеріне келер болсақ, жыныстық қол сұғылмаушылыққа қарсы қылмыс – 22, &nbsp;ұрып-соғу – 5, кісі өлтіру – 3, тонау – 4. Бұл тек наурыз айына дейінгі мәлімет. Десе де сәуір айында еліміздің бірнеше өңірінде кәмелетке толмаған жасөспірімдердің әсіресе қыздардың төбелесі бейнесі әлеуметтік желі арқылы тарап кетті. Бұл, әрине бала тәрбиелеп отырған әрбір ата-ананың жүрегіне тигені анық.&nbsp;Соңғы уақытта орын алған Қазалы ауданындағы жасөспірімдер арасындағы төбелес, Алматы облысы, Кеген ауданы, Саты ауылындағы екі оқушының өз-өзіне қол жұмсауы, Шығыс Қазақстан облысындағы қыздар арасындағы қатыгездік міне тізбектей берсек тіптен көп. Түптеп келгенде бар дүниені тәрбиеге әкеп тірейміз. Одан соң ата-ана мен мектеп қайда қарап отыр деп бәйек боламыз. Бұзақылыққа барған жасөспірімдердің ата-анасы туралы сөз еткенде олардың лауазымды қызметте жүргені айтылады. Мұнан соң &nbsp;«бұл қалай болғаны?» деп даурығады жұрт. Басшылық қызметте жүрген жанның баласы осындай болса, қарапайым халықтан не күтеді деген сынды. Әрине, жұмысбастылықтың соңы бала тәрбиесіне кері әсерін тигізіп жатыр. Бірақ бала болашағы үшін деп күні-түні еңбек етіп, баласының да бабын, тәлімі мен тәрбиесіне жіті көңіл бөліп жүргендер де бар арамызда. Әйтсе де олар тым аз.&nbsp;Аудандағы жай қалай?Ауданда бейуақытта бақылаусыз жүрген жасөспірімдердің саны азаймай тұр. Түнгі уақытта көше мен ойын-сауық орталықтары балалардың үйір болатын орындары. Осыны ескеріп, тәулік бойы тыным таппай, кәмелетке толмағандардың ісімен айналысатын тәртіп сақшылары мен еріктілер, мектеп ұстаздары бірігіп түнгі рейдтік жұмыстарын үздіксіз жүргізіліп жатыр. Бұл жасөспірімдер арасында қылмыстың алдын алу және қоғамға жат іс-әрекет жасауға бейім, қадағалаусыз және қараусыз қалған, түнгі уақытта заңды өкілдерінің ертіп жүруінсіз үйден тыс болуы деректерін анықтау мақсатында ұйымдастырылуда.&nbsp;Күнделікті аудан әкімінің орынбасарлары мен ардагерлер мен аудандық мәслихат депутаттарының және тиісті сала басшыларының қатысуымен түнгі рейд жұмыстары жүргізіліп жатыр. Сонымен қатар рейд барысында кафелер, дүкендер, компьютерлік клубтар, аллеялар және көпқабатты тұрғын үйлердің аулалары араланып, кәмелетке толмаған жасөспірімдерге түсіндірме жұмыстары жалғасуда. Сондай-ақ, Қазақстан Республикасының Заңына сәйкес кәмелеттік жасқа толмаған жастардың түнгі сағат 23.00-ден кейін заңды өкілінсіз көшеде немесе ойын сауық орталықтарында жүруге тыйым салынатындығы жайлы ескертілуде.«Қызым үйде, қылығы түзде»Мұндай жайттың көбі қыздардың «өтпелі» кезеңінде жиі болатын көрінеді. Олар өз қатарының арасында «мықты» болып көрінгісі келеді. Ашу-ызаға жиі бой алдырады. Сондай-ақ, алғашқы махаббат, мектеп ішіндегі түрлі жағдайлар да бойжеткендердің сөзге келіспей қалуына себеп болады. Соңғы жылдары қыздар арасындағы төбелесті әлеуметтік желіге тарату жиіледі. Мамандардың пікірінше, оның соңы кек алумен аяқталып жатады. Әсіресе, мектеп жасынан төбелеске бейім, тәрбиесі нашар қыздар жанжалдың бел ортасында жүреді. Жанжалға себеп болатын жағдайлардың легі – &nbsp;махаббат, яғни жігітке таласу, қызғаныш пен ақшаға қатысты.&nbsp;Психолог мамандардың пайымынша, қандай жағдай болмасын, баланы тыңдау керек. Қазір кей ата-аналар баламен сөйлеспейді. Оның немен айналысып жүргенін, тіпті не ойлайтынынан бейхабар. Баламен жиі әңгімелесіп, ойына құлақ түру қажет. Мейірім мен махаббатқа шомылып өскен баладан бұзақылық шығады деу қиын. Өйткені кішкентайынан бойына мейірімділікті, адамдықты, адалдықты сіңіріп өскен баланың &nbsp;жаман болғанын көргеніміз жоқ. Жалпы, қазіргі жасөспірімдер арасындағы суицидтің, келеңсіз оқиғалардың көпшілігі отбасындағы берекесіздік пен ата-ананың екіге ажырасуға байланысты &nbsp;дейді мамандар.Әлеуметтік желідегі қыздардың шаш жұлысып, теуіп, тістеп, бірін-бірі аяусыз ұрып жатқан төбелесіне қарап отырып, кейде адамдар аяушылық сезімнен айырылған ба деген еріксіз ойға қаласыз. Жұдырықтасқыш қыздардың тілі де жүйрік. Небір былапыт сөздерді айтқанда төбе шашыңыз тік тұрады.&nbsp;Қазір жастар арасында төбелесу «сән» емес. Олар бір-бірімен білім арқылы ғана ерекшелене алады. &nbsp;Иә, қоғамды дүр сілкіндірген ұрдажық оқушы қыздардың қылығы көпке сабақ болуы қажет. &nbsp;«Ұлтыңды сақтаймын десең, қызыңды тәрбиеле» деген сөз бар. Қалай десек те, нәзік жаратылыс иесінің төбелескені бұрымдыларға жараспайтын қылық. Жаман әдеттің алдын алу үшін қоғам болып әрекет етуіміз қажет. Жоғарыда айта кеткеніміздей, бұл балалардың өтпелі кезеңінде жиі орын алады. Өтпелі кезең өкінішке ұрындырмасын, ойланайық! Бала болашағына бейқам болмайық!

Қазақстан және Қызылорда облысының жаңалықтары