<a href="https://kyzylorda-news.kz/">Kyzylorda-news.kz.</a> Қызылорда облысында мал басы артып келеді. Бұл туралы облыстық ауыл шаруашылығы және жер қатынастары басқармасының баспасөз қызметі жариялады.&nbsp;Сыр өңірінде мал шаруашылығы саласында оң динамика қалыптасып, мал басы тұрақты өсіп, өндірілген өнім көлемі артуда.<blockquote>«Облыс бойынша биылғы жылдың 1 наурызына 390,4 мың бас мүйізді ірі қара, 725,7 мың бас қой мен ешкі, 214,9 мың бас жылқы, 58,7 мың бас түйе және 124,2 мың бас құс тіркелген. Есепті кезеңде 6,1 мың тонна ет (тірі салмақта), 11,4 мың тонна сүт және 0,7 млн дана жұмыртқа өндіріліп, 2022 жылдың сәйкес кезеңімен салыстырғанда ет өндірісі 2,7 пайызға, сүт өндірісі 1 пайызға артты», - делінген ақпаратта.</blockquote><figure class="image"><img src="https://knadmin.beoblood.kz/uploads/mal_708c964d50.jpg" alt="мал.jpg"></figure>

Қызылордада мал басы артып келеді

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің білім алушылары «Bilim zhane Bolashak» ғылыми-зерттеу жұмыстары халықаралық байқауының жеңімпазы атанды. Білім бәйгесін Абай атындағы Қазақ ұлттық педагогикалық университеті, Khazar University және Әзірбайжан мемлекеттік педагогикалық университеті ұйымдастырды.Байқауға қазақстандық және шетелдік орта білім беру ұйымдарының 10-11 сынып оқушылары, жақын және алыс шетелдердегі ЖОО-ның студенттері, орта білім беру ұйымдарының педагогтары және ЖОО оқытушылары қатысты.Қатысушылар алғашқы кезеңде 72 сағатта ғылыми мақалаларды дайындау туралы вебинарға қатысты. Екінші кезеңде (негізгі, сырттай) – негізгі кезеңге қатысқан 151 қатысушының ішінен 37 мақала рәсімдеудің барлық талаптарынан өтіп, рецензенттер тарапынан жоғары ұпайды иеленді.Нәтижесінде Khazar University және Әзірбайжан мемлекеттік педагогикалық университетінің базасында өткен «Шығыс-Батыс: Бедел мен әлеуеті» ғылыми журналдар редакторларының Бірінші Еуразиялық халықаралық форумында байқаудың жеңімпаздары анықталды.Атап айтсақ, «Педагогика-психология» мамандығының 2-курс докторанты Марта Мыңбаева 116 ұпаймен І орын иеленді. Жеңімпаздың ғылыми жетекшісі п.ғ.д., профессор Шарбану Майгелдиева. &nbsp;Ал «Бастауышта оқыту педагогикасымен әдістемесі» мамандығының 3-курс студенті Нұрсауле Сейтқамалова 99 ұпаймен ІІ орыннан көрінді. Ғылыми жетекшісі п.ғ.к., доцент Зоя Сейлова.Сонымен қатар,&nbsp; форумның екінші бөлімінде жеңімпаздар арасында «Жаңа зерттеулер» тақырыбында жобалар байқауы өтті. Байқаудың қорытындысы бойынша &nbsp;университеттің 2-курс докторанты Марта Мыңбаева ІІ орын иеленді.Айта кетейік, байқау 2022 жылы «East – West: Authority And Pоtential» ғылыми журнал редакторларының Бірінші Еуразиялық форумы аясында құрылған. Содан бері жыл сайын дәстүрлі түрде ұйымдастырылып келеді. &nbsp;Халықаралық байқаудың жеңімпаздары мен лауреаттарының жұмыстары ұйымдастыру комитетінің таңдауы бойынша «Eurasian Scientific and Methodological Journal “East-West”» ғылыми-әдістемелік журналына жарияланады.

Білім алушылар халықаралық байқаудың жеңімпазы атанды

<a href="https://kyzylorda-news.kz/">Kyzylorda-news.kz.</a> Жоғары атмосфералық қысым өрісінің әсерінен республиканың басым бөлігінде жауын-шашынсыз күн райы сақталады, хабарлайды «Қазгидромет» РМК.Тек жекелеген аудандарда түнде аздаған жауын-шашын (жаңбыр, қар), күндіз жаңбыр жауып, жел күшейеді. 27 наурызда елдің оңтүстік-шығысында жаңбыр жауады, таулы аймақтарға тұман түседі.Температуралық фонда айтарлықтай ауытқулар күтілмейді. Республиканың батысында термометр бағаны күндіз 12-26 градус жылылықты көрсетеді, солтүстік-батыста 5-20, солтүстікте, шығыста және орталықта 2-15, оңтүстік пен оңтүстік-шығыста 13-25, таулы аймақтарда 8 -13 жылы болады.

Алдағы үш күнде Қазақстанда күн жылы болады

Қармақшыда туризм саласы дамып келеді

<a href="https://kyzylorda-news.kz/">Kyzylorda-news.kz.</a> 2023 жылғы қаңтарда республикалық бюджеттен 549,3 млрд теңге сомасына зейнетақы төленді, оның ішінде базалық зейнетақы – 168,7 млрд теңге, ынтымақты зейнетақы – 380,6 млрд теңге. Бұл туралы Еңбек және халықты әлеуметтік қорғау министрлігінің баспасөз қызметі хабарлады.2023 жылғы 1 наурыздағы жағдай бойынша зейнеткерлер саны – 2 млн 292 мың адам. Жиынтық зейнетақының орташа мөлшері – 120 992 теңге, оның ішінде ынтымақты зейнетақы мөлшері – 83 089, базалық зейнетақы – 37 903 теңге.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалады. Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 60%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер, сіздің өтіліңіз 20 жыл болса, базалық зейнетақы төменгі күнкөріс деңгейінің 80 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 100% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды. Осылайша, міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.

Жыл басынан бері қазақстандықтарға 549,3 млрд теңге зейнетақы төленді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы полиция департаментінің бастығы полиция полковнигі Қожабаев Мұхтар Аманқұлұлы жеке құрамға жаңадан тағайындалған тергеу жөніндегі орынбасарын таныстырды. &nbsp;Министрдің бұйрығымен Қызылорда облысы Полиция департаменті бастығының орынбасары қызметіне ауыстыру тәртібімен &nbsp; полиция полковнигі Досжанов Амангелді Асқарұлы тағайындалды. Досжанов Амангелді Асқарұлы ҚР Ішкі істер министрлігінің Алматы қаласы жоғары мектебін тәмамдаған. Еңбек жолын &nbsp;тергеу саласынан бастаған.&nbsp;Маңғыстау облысы ішкі істер департаментінің Маңғыстау ауданының ішкі істер басқармасының бастығы, Мұнайлы ауданының ішкі істер басқармасының бастығы, Жаңаөзен қаласының ішкі істер басқармасының бастығы қызметін атқарды. 2018 жылдан бастап жаңа қызметке тағайындалғанға дейін Маңғыстау облысы полиция департаменті бастығының орынбасары &nbsp;қызметін атқарды.&nbsp;Полиция полковнигі Мұхтар Аманқұлұлы жаңа орынбасарға табысты әрі жемісті жұмыс тіледі.&nbsp;<img src="https://knadmin.beoblood.kz/uploads/Bezymyannyj_c92bac7460.jpg" alt="Безымянный.jpg">

Қызылорда облысы Полиция департаменті бастығының орынбасары тағайындалды 

<a href="https://kyzylorda-news.kz/">Kyzylorda-news.kz.</a>&nbsp; Әз Наурыз мерекесі – көне дәуір күмбіріндей дәстүрлер дәріптеліп, құндылықтар ұлықталатын сәт. Бұл күндері аналар жеті түрлі дәмнен наурызкөже пісіріп, адамзат баласы бір-біріне мейірімділік танытатын болған. Халық бұл күнде жетім-жесір мен жоқ-жітіктерге қол ұшын беріп, олардың ұлы күнге сай шат-шадыман, көңілді жүруін қамтамасыз етуге жағдай жасаған. Самарқанның көк тасы еріген күн – қазақ даласы үшін құт-берекенің басы.Ұлыстың ұлы күнін Сыр жұртшылығы да айрықша атап өтті. Көнеден жеткен төл мереке күні мұқым елдің мейманасы тасып, ән-жырдан шашу шашып, көпшілік наурыз көжеден дәм татты.Ұлы даланың ұлық мейрамыҰлыстың ұлы күніне орай ұйымдастырылған мәдени шаралар 1 наурыз – Алғыс айту күнінен бастау алды. Мерекеге орай 14-22 наурыз аралығында әр күнге тақырыптық атау беріліп, түрлі бағыттағы 300-ге жуық іс-шара өткізілді. Әз Наурыз күні орталық алаңда «Бірліктің бастауы, елдіктің дастаны – Наурыз» атты мереке өтті.Салтанатты шарада облыс әкімі Нұрлыбек Нәлібаев сөз алып, жылы лебізін жеткізді.– Наурыз – ұлы даланың ұлық мейрамы. Көнеден келе жатқан мағынасы мәнді, тағылымы терең мереке. Бұл күн – бүгінге дейін дәстүрлі сипат алып, халықтың ақжарма тілек айтып қарсы алатын торқалы тойы. Ұлыстың ұлы күні – ұлт болып ұйысып, болашаққа бағдар құратын сәт. Сыр өңірі желкенді жетістіктер мен тағылымды табыстар ордасына айналды. Біз өткен жылды жемісті қорытындыладық, зор жетістіктерге қол жеткіздік. Жақсылықтың жаршысы болған биылғы жылды толайым табыстармен бастадық. Екі күн бұрын еліміз үшін саяси маңызы бар Парламент Мәжілісі және мәслихат депутаттарының сайлауы өткізілді. Сыр өңірі бірлік пен тұтастықтың ерен үлгісін көрсетіп, республика бойынша ең үздік көрсеткішке қол жеткізді. Сыр халқы саяси науқанда да бір қолдың саласындай, бір үйдің баласындай болып, елдігімізді, береке-бірлігімізді дәлелдеді. Сыр жұртшылығы қашанда жарқын болашақ жолында байыпты қадамдарымен қарқынды дами бермек. Әз Наурызда тілеген игі ниеттеріңіз қабыл болсын. Еліміз тыныш, тәуелсіздігіміз тұғырлы болғай, – деді облыс әкімі.Дәстүр дәріптелдіНаурызда халқымыздың салт-дәстүр, әдет-ғұрпы қайта жаңғырып, жаңаша жаңара түседі. Ықылым замандардан келе жатқан салт-дәстүрдің бірі – тұсаукесер рәсімі.Тұсаукесер – сәби бесіктен шығып, еңбектеуден өткен соң, қаз тұрып, тәй-тәй басқанда жасалатын дәстүр. Бала екі табанымен тұрып, алғашқы қадам жасауға талпына бастаған сәтте ата-бабамыз «баламыз тез жүріп кетсін» деген ниетпен сәбидің тұсауын кестіріп, думандатып той жасайды. Ырымшыл халқымыз баласының тұсауын көбіне данагөй қарияға немесе ел анасына айналған әзиз әжелерге яки болмаса халықтың алдында жүрген азаматтарға кестіретін болған. Ондағы ойы – сол секілді жолы ашық, абыройлы болып ержетсін деген ақеден ниет.Ұлыстың ұлы күні және Қызылорда облысының 85 жылдығына орай 85 баланың тұсаукесер рәсімі жасалды. «Этноауыл» мен облыстың 85 жылдығына арналған тарихи-танымдық көрме ұйымдастырылды.Тұсаукесер рәсімінде аймақ басшысы Тасбөгет кентінде тұратын Нұрқасым Әбдіғаппар есімді баланың тұсауын кесіп, жолына жақсылық тілесті.– Қуаныштан жүрегім жарылардай сезімде тұрмын. Бүгін қасиетті Наурыз күні ұлымыздың тұсауын кестірдік. Оны облыс әкімі кескендегі ішкі сезімімді айтып жеткізе алмаймын. Ұлымыз сол кісі секілді ұлтының азаматы болсын. Еліміз аман, балаларымыз бақытты болсын, – дейді анасы Нұргүл Сырлыбаева бізбен әңгімесінде.Күмбірлеген көне әуенОрталық алаңды айналдыра 38 киіз үй тігіліп, әр үйге өзіндік атаулар берілді. Әр киіз үйдің алдында түрлі ұлттық нақыштағы шаралар легі ұйымдастырылды. Бірі келін түсіріп, беташар жасаса, енді бірі жарапазан айтып, жұртшылықтың қошеметіне бөленді. Сонымен қатар қала тұрғындары мен қонақтар бесікке салу, айдар кесу, атастыру секілді салт-дәстүрлерді тамашалады. Бұқара халық арасында ұлттық спорт түрлерінен жарыстар өткізілді. Одан бөлек, «Көлтауысарлар сайысы», яғни қымыз ішуден жарыс өтті. «Атамекен» отбасылық үлгідегі балалар ауылынан шыққан екі жас шаңырақ көтеріп, келіннің беташар рәсімі жасалды. Қолөнершілердің ұлттық бұйымдары да жұртшылықтың ықыласына бөленді. Қала тұрғындары мен қонақтары наурызкөжеден дәм татты.Осылайша мереке күні мұқым елдің мейманасы тасып, көпшілік тәтті тағамдардан ауыз тиіп, қызықты ойын-сауық бағдарламаларын тамашалады.&nbsp; Белгілі әншілер Ғазизхан Шекербек, Кенжебек Жанәбілов, Мөлдір Әуелбекова және жергілікті өнерпаздар әсем әннен шашу шашып, мерекелік думанның сәнін келтірді.&nbsp;

Қызылордалықтар әз Наурыз мерекесін сән-салтанатымен қарсы алды

<a href="https://kyzylorda-news.kz/">Kyzylorda-news.kz.</a>&nbsp; Арал ауданының әкімі Серік Сермағамбетов өңір инвестициясы мен экономикасын ілгерілету бағытында бірнеше инвесторларды қабылады. Олардың қатарында отандық және шетелдік бизнес өкілдері бар. «Асыл-тас» ЖШС-і «МАРШАЛ ЭНЭРДЖИ ХОЛДИНГС ГОНКОНГ КО., ЛИМИТЕД» мекемесімен біріге отырып, байытылған темір концентратын өндіруді көздеп отыр.Айта кетейік, «Талдыеспе» кен орыны – 870 гектарды құрайды. Сексеуіл кентінен 50 км жерде орналасқан. «Асыл-тас 2017» ЖШС-не 2019 жылдың 24 желтоқсанында 6 жыл мерзімге №460-ЕL жер қойнауын барлауға рұқсат берілген.Алдын-ала зерттеу бойынша кен құрамының 30 пайызы темір қоспасынан құралады. Аталған жоба жүзеге асса, Арал ауданында жаңа жұмыс орындары ашылып, салық базасын кеңейтуге мүмкіндік туады.<figure class="image"><img src="https://knadmin.beoblood.kz/uploads/336095664_1270660393530535_3566538512541385371_n_5ff1046ab4.jpg" alt="336095664_1270660393530535_3566538512541385371_n.jpg"></figure>&nbsp;

Арал ауданының әкімі инвесторлармен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ҚАЖ департаментінің №68 мекемесінде (тергеу изоляторы) сәлем-сауқат қабылдау бөлмесіндегі бақылаушы қызметкерлері тыйым салынған заттың ішкі ғимаратқа өтіп кетпеуінің алдын алды.&nbsp; Заңға қарсы іс-әрекетке бармақ &nbsp;болған &nbsp;егде &nbsp;62 жастағы &nbsp; азаматша мекеме қамауында &nbsp;отырған қызына флешка өткізіп бермекші болған.Мекеменің қырағы бақылаушылары бұл егде жастағы әйелдің &nbsp;әкелінген сәлем-сауқаттарын жіті тексеру барысында бауырсақ ішінен фольгаға оралған &nbsp;бір дана &nbsp;флешканы жасырып қойғанын анықтады.Анықталған факт бойынша хаттама толтырылып, ісі сотқа жолданған болатын. &nbsp;Бүгінде сот шешімімен ҚР ӘҚБ- 481-бабының 1-бөлігімен кінәлі деп танылып , алғашқы рет жасалынғандықтан, &nbsp;әкімшілік ескерту берілді.

Егде жастағы әйел бауырсақ  ішінен флешка жасырып өткізбекші болған

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық-атқару жүйесі департаментінің №60 түзеу мекемесінде жазасын өтеп жатқан азаматтар арасында «Әз-Наурыз» мерекесіне орай қол күрестен спорттық сайыс өткізілді.&nbsp;Аталған сайысты облыстық дін істері басқармасының мемлекеттік әлеуметтік тапсырысына сәйкес «Асыл мұра - Орда» қоғамдық қоры ұйымдастырды. Аталған іс-шараға сотталғандар арасынан іріктеліп 10 сотталған қатысты. Сайыс нәтижесі бойынша жүлделі І,ІІ және ІІІ орын иегерлеріне 5000, 4000 және 3000 бірлікті «тарлан карт» карталары және барлық қатысушыларға ынталандыру сыйлығы ретінде 2000 бірлікті «тарлан карт» карталары сыйға берілді.&nbsp;<blockquote>«Мен бұл мекемеге басқа мекемеден жақында ауысып келдім. Бұл мекеменің өзге мекемелерден ерекшелігі - мұнда теологиялық, идеологиялық және психологиялық дәрістермен қатар осындай керемет іс-шаралар үнемі жүргізіліп тұрады екен. Мен келгелі қысқа уақыт ішінде бірнеше дәрістерге қатысып, мекеме қызметкерлерінің алға қойған мақсаттарының дұрыстығына көз жеткіздім. Қателеспейтін пенде болмайды, алайда бізді қателесті екен деп сыртқа теппей, керісінше бізге қамқорлық танытып жатқан мекеме ұжымына және бүгінгі шараға демеушілік жасаған дін істері басқармасы мен «Асыл мұра – Орда» қоғамдық қорына алғысымды білдіремін» деді жүлделі І орынды жеңіп алған &nbsp;жазасын өтеуші азамат. &nbsp;</blockquote>

Жазасын өтеушілер арасында қол күрестен сайыс өтті

<a href="https://kyzylorda-news.kz/">Kyzylorda-news.kz.</a> NIS-тің «Биомедицина, инженерия және технологиялар» атты XII Наурыз кездесулерінде Қызылорда қаласындағы Зияткерлік мектеп оқушылары Раушан Тұрғанбай 1- орынды және Жұлдызай Мұнайтбасова 3-орынды жеңіп алды.150-ге жуық NIS оқушысы мен аймақтардағы ауыл мектептерінің дарынды өрендері жинаған шарада жүздеген зерттеу жұмыстары ұсынылды. Биылғы жылғы наурыздағы ғылыми жобалар байқауы денсаулық сақтау саласына жасанды интеллект, машиналық оқыту мен үлкен деректерді енгізу секілді заманауи медицинаның жаһандық трендтеріне арналды.Сырбойылық зияткер Жұлдызай Мұңайтбасова әзірлеген тұрмыстық электрокардиограф үй жағдайында жүрек ауруларын анықтауға мүмкіндік береді:<blockquote>«Әлемде жүрек қан тамырлары ауруына шалдыққан 2 миллион адам тіркелген. Жыл сайын 40 мыңнан астам адам инсульттен зардап шегеді. Arduino платформасында біз адамның жүрек соғысының интервалын және ауытқуларды нақты анықтайтын құрылғыны құрастырдық», - дейді Жұлдызай Мұңайтбасова.</blockquote>Ал Раушан Тұрғанбай пациенттердің биометриялық параметрлері арқылы сәйкестендіруге арналған құрылғы ойлап тапты. Бұл аппарат адам саусағының ізі бойынша ағзадағы ерекшеліктерді анықтауға мүмкіндік береді. &nbsp;<blockquote>«Бұл технологияның әлемде теңдесі жоқ. &nbsp;Және оны алғашқы медициналық көмек көрсету саласында қолдана отырып, қызметтің сапасын арттыра аламыз», - дейді Раушан Тұрғанбай. &nbsp;</blockquote>Сондай-ақ, &nbsp;қызылордалық зияткерлер &nbsp;омыртқаны түзету құралын, көру қабілеті бұзылған адамдарға арналған ақылды көзілдірік секілді бірегей жобаларын алып келді. Байқау қорытындысы бойынша &nbsp;Жұлдызай қоладан медаль тақса, Раушан чемпиондар қатарынан көрініп, Қазақстан-Британ техникалық университетінің грантын иеленді.Үш күнге созылған Наурыз кездесулерінде қатысушылар Назарбаев Университетінің ғалымдарымен, &nbsp;Ұлттық биотехнология орталығының, республика Президентінің Іс басқармасы Медициналық орталығы ауруханасының, Ана мен бала Ұлттық ғылыми орталығының мамандарымен кездесіп, жаңа технологияларды тәжірибеде қолдану барысымен таныса алды.<figure class="image"><img src="https://knadmin.beoblood.kz/uploads/nish_5d505c53ea.jpeg" alt="ниш.jpeg"></figure><figure class="image"><img src="https://knadmin.beoblood.kz/uploads/nish_fdaaa5cccb.jpeg" alt="ниш.jpeg"></figure>

Ғылыми жобалар байқауында қызылордалық зияткерлер екі жүлделі орынға ие болды

<a href="https://kyzylorda-news.kz/">Kyzylorda-news.kz.</a> Қызылорда қаласында 19 наурыздағы сайлауда сайлаушылардың тізіміне 193 442 азамат енгізілген. Ал дауыс беруге 79885 сайлаушы қатысқан. Олардың ішінде есептен шығару куәліктері бойынша 1 сайлаушы дауыс берсе, дауыс беруге арналған үй-жайлардан тыс 562 сайлаушы дауыс берді. Бұл туралы қала әкімдігінің ресми сайтында мәлімдеді. Негізінен, облыс орталығында жалпы саны 23 сайлау округі бар. Міне, осы округтерге депутаттыққа үміткер ретінде барлығы 80 кандидат тіркелген. Соның ішінде №8 және №20 сайлау округтерінде бәсеке көбірек болғандай.Себебі бұл екі округтің әрқайсысына бес кандидаттан тіркелген. Айта кетерлік жайт, сайлау қорытындысы бойынша №8 сайлау округінде 2293 дауыс жинаған Талғат Мақашов, №20 сайлау округінде 394 дауыспен Бауыржан Еркебаев жеңіске жетті. Бір қызығы, №20 сайлау округінде жеңіске жеткен кандидат 394 дауыс жинаған, ал «Бәріне қарсымын» деп белгіленген бюллетень саны – 434. Қалалық мәслихатқа депутат болғысы келетіндердің ішінде №23 сайлау округі бойынша жеңіске жеткен Оңдасын &nbsp;Мұхаммедиев 6172 сайлаушының таңдауына айналып, ең көп дауыс жинады. Ал ең аз дауыс жинаған кандидат болып 81 дауыспен Мұханбетали Көлкеев тіркелген. Осылайша, қалалық мәслихат депутаттарының жаңа құрамы жасақталды. Бір қызығы бұл сайлауда 1964 және 1984 жылы туған депутаттар саны көп. Сонымен қатар қалалық мәслихат депутаттарының жасы үлкені − №1 сайлау округінде жеңіске жеткен 1957 жылы туған Ибадулла Құттықожаев. Ал қалалық мәслихаттың ең жас депутаты – 1989 жылы дүниеге келген Ғибрат Байсейітов. Ол №4 сайлау округінде 1608 дауыс жинап, жеңіске жетті. Қалалық мәслихат депутаттарының жаңа құрамында сондай-ақ 5 нәзік жанды халық қалаулылары бар. Олар – №5 сайлау округінен Бейбіткүл Кәрімова, №15 сайлау округінен Айгүл Мұсабаева, №16 сайлау округінен Маржан Бисенова, №17 сайлау округінен Раушан Ысқақова және №19 сайлау округінен Жаннат Садуақасова. Бұл сайлауда жеңіске жеткен депутаттардың екеуі өзін-өзі ұсынған болса, біреуі «Ауыл» партиясының мүешесі. Сондай-ақ «Ақ жол» партиясынан үш кандидат қалалық мәслихат депутаты атанды. Қалалық мәслихаттағы барлығы 23 депутаттың 17-і «Amanat» партиясының мүшелері.

Қазақстан және Қызылорда облысының жаңалықтары