<a href="https://kyzylorda-news.kz/">Kyzylorda-news.kz.</a> Сыр өңірі бағзым заманнан бері балық шаруашылығына өте қолайлы аймақ саналады. Сыр мен Әмударияны жағалай қоныстанған жұрт үшін балық өнімдері таптырмас деликатес, денсаулыққа пайдалы тағам ретінде жоғары бағаланады. Қолдан жасалған геноцидтің кезінде бір жұтым нан таппаған талай қазақтың аш құрсағын тойдырып, екінші дүниежүзілік соғыста жүз мыңдаған сарбазға Арал теңізінің табанындағы жақұт азық болғанын да тарихтан жақсы білеміз. Қазіргі күні өзен тартылып, өзек жұпыны күйге түссе де, Қазалыда балық етін кәсіп қылып отырған ірі серіктестіктер баршылық. Олардың экспортқа шығарып жатқан тауарлары жөнінде сан мәрте айтылды. Жақында осы салада толағай табысқа жетіп, миллиондардың қаласы – Алматыда кәсібін өрге домалатып отырған Мейрамбек Пазылбековпен байланысқан едік.– Мейрамбек Жалғасбекұлы, алдымен туып-өскен жеріңіз, балалық шағыңыз туралы сыр шертсеңіз. Балық шаруашылығына қызығушылығыңыз қалай оянды?– 1984 жылдың қазанында Әйтеке би кентінде дүниеге келдім. Мұндағы бақытқа толы бала кездерім сағымдай көрінетіні бар. Неге десеңіз, 5 жасымда ата-анамның жұмыс бабына байланысты Жамбыл облысы, Меркі ауданына қоныс аудардық. Тек6 2001 жылы туған жерге оралудың сәті түсті. Бұл да қызық оқиғамен өрбіді. Меркіде 7 сынып оқып жүргенімде осындағы ағамның үйлену тойына келдім. Не себепті барғаным есімде жоқ, Б.Мергенбаев атындағы №226 гимназияның ішін аралап, балалардың оқу процесімен таныстым. Маған қатты ұнады. Атамның баласы болғасын: «Ата, мен осы мектепте оқығым келеді», – дедім. Араға 1-2 жыл салып, 10 сыныпты осында оқу үшін қара шаңыраққа келдім.Гимназияға қабылдануым да оңай болған жоқ. Құжат тапсыру уақыты өтіп кетіпті. Сол тұстағы директор Күләш Мергенбаеваға өзім кіріп, сапалы білім алып, жақсы маман атанғым келетінін айттым. Апайдың көрегендігі десем жарасар, бір сөзге келмей, мен үшін емтихан ұйымдастырып берді. Абырой болғанда сынақтан сүрінбей өтіп, екі жыл керемет білім алдым. Бұл үшін ұстаздарыма айтар алғысым шексіз.Әлгінде атамның баласы екенімді айттым. Ол кісі «Автовазда» жүргізуші болып жұмыс істеді. Бос уақытында қармақ арқалап Әмударияны жағалай кететін. Қасынан бір елі қалмаймын. Алғаш рет қармағым майланғаны да есте. Бөлмемде 200 шабаққа арналған аквариум болды. Сол кездің өзінде балық өсіріп, ауыл балаларына сататын едім. Мектепте де биология пәнін таңдап, Алматы қаласындағы аграрлық университетке Өнеркәсіптік балық аулау және балық шаруашылығы мамандығы бойынша грант негізінде білімімді шыңдадым. Екі жылдан кейін Әл-Фараби атындағы қазақ ұлттық университетіне ауыстым. Бұдан кейін Алматы облысындағы көлдерді зерттеу бойынша ғылыми қызметкер болып тәжірибе жинадым. Алайда елдегі ғалымдардың жағдайы мәз емес екеніне көзім жетті. Осылайша елдің патриот азаматы ретінде халыққа қызмет ету үшін кәсіпкерлік бағытын таңдадым.Қазіргі күні Қазақстандағы ең ірі компанияның бірі «Halyq Balyq»-тың бас директорының орынбасары, бас технолог болып қызмет атқарып жатырмын.– Қазақстан бойынша бренд қалыптастыруға не нәрсе жігер берді? Мемлекет қолдауын сезіндіңіз бе?– Кеңес үкіметі кезінде болды. Қазіргі тәуелсіз еліміздің де балық шаруашылығындағы әлеуеті өте зор болды. Бірақ мамандар мен тәжірибенің жетіспеуіне байланысты тоқырау болып жатқаны рас. Өзім осы саладағы ғалым ретінде халықтың балығынан серпіліс жасағым келді. Осы сәтте компания өсіріп отырған шабақтар жақын шетелдерге экспортталып жатыр. Көп ұзамай Еуропа мен Грузияға тауар жіберуді ойлап отырмыз. Мұндайда Қазақстанның есімі алдымен аталатынын білесіздер. Бүкіл әлем сұраныс салатындай бренд қалыптастыруды мақсат еттік. Соған ақырындап жылжып келеміз.Ал мемлекеттен субсидия немесе жеңілдетілген несие сияқты көмек алып көрген жоқпыз. Ақырындап бір тиынды екеу қылып, адал еңбекпен дамып келе жатқан жайымыз бар.– Енді ғылыми тұрғыда пікіріңізді тыңдайық. Қандай балық немесе шабақ сұранысқа ие? Оның денсаулыққа пайдасы шынымен көл-көсір ме?– Балықтың өмір сүрген ортасы, тазалығы, аурудан амандығы туралы бас қатыру керек. Әйтпесе, кез келген балықтың адам денсаулығына пайдасы мол. Балғын еті адамның қартаюын тежеп, өмір жасының ұзаруына сеп болады. Сонымен бірге мидың, жасқа сәйкес көз жанарының жетік жұмыс істеуіне тигізер үлесі аз емес. Бұған қарапайым әрі бұлтартпас дәлел келтіруге болады. Әлемдегі балық өнімін көп тұтынатын ел Жапония екенін білесіздер. Өмір сүру ұзақтығы жөнінен де солай. Ол ағзаға сіңімді, жеңіл және керекті дәрумендерге бай болғандықтан балықты жиі тұтынатын адамды 80-90 жасында сергек сезіндіреді.Мына бір жайтқа мән беру керек. Қазақстандағы әрбір азамат орташа есеппен 3 килограмм балық етін тұтынады. Ал халықаралық денсаулық сақтау ұйымының берген ұсынысына сәйкес, әрбір азамат 12 айда 18 килограмм балық өнімін тұтынуы керек. Ал жапондар аталған көрсеткіштен 4 есе көп теңіз маржанын тұтынады. Тағы бір айта кететін мәселе, Каспий су айдынын қоспағанның өзінде елімізде 5 миллион гектар су айдыны бар. Солай бола тұра балық шаруашылығымен сауатты айналысатын азаматтар кемде кем. Бұл тұрғындардың жеткілікті деңгейде балық тұтынбауына себеп болып отыр десек қателеспейміз.Ал сұранысқа келер болсақ, қазақстандықтар сазанды көп тұтынады. Бұдан бөлек таулы, қырлы жердің тұрғындары қолдан өсірілген фарельді жегенді жақсы көреді. Ал экспорттағы сұраныстың көшін көксерке бастайды. Қазалыда мұны «тісті» деп атайды. Еуропада қазақтың валютасы ретінде жақсы бағаланады.– Тұтынушылардың көп бөлігі Қазақстанның қай өңірінен сұрау салдырады? Жасырын болмаса бұдан түсетін пайда көлемі жайында тарқатып берсеңіз.– Әлеуметтік желіде жеке парақшаларым бар. Әсіресе, Facebook-те балық шаруашылығына, шабақ өсіруге байланысты тегін кеңес беремін. Ғылыми тұрғыда балық баптаудың дәлелдерімен бөлісіп тұрамын. Бұдан қалтам толған дәнеңесі жоқ. Маған керегі сол кеңестер арқылы бір қазақ кәсібін дөңгелетіп әкетсе, халықты сапалы өніммен қамтамасыз етсе, бір мақсатыма қол жеткізгенім деп есептеймін.&nbsp;Келер жылы, амандық болса, «Halyq Balyq» академиясын ашуды жоспарлап отырмын. Онда он бес жылдық тәжірибемде көрген-білгенімді, Чехия елінен алған білімімді, көп маман кездесе бермейтін, шешімін білмейтін мәселелерді оқытатын боламын.&nbsp;– Қазалыдағы балық шаруашылығы жайынан хабарыңыз бар ма? Сала бойынша аудан келешегін қалай бағалайсыз?– Егін шаруашылығы гүлденген жерде су да, балық та мол болады. Көлдер көптеп саналады. Бұл жағынан Қазалының бағы бар. Кезінде Басықарада тоған шаруашылығы болды. Ол құрдымға кетті. Шаруашылық жағы дамымаған. Мұны жан-жақты қолдаудың жоқтығынан көрер едім. Бір азаматтар көл алып, шабақ салса, екінші бір мықтылар соған көз алартатын жағдайлар да ел ішінде аз емес. Содан да болар осы іске іскерлер инвестиция құйғысы келмейді. Ал егер осы мәселе бойынша ірі кәсіпкерлер бас қосып, шаруашылықты дамытуға ден қояр болса маман ретінде туған елдегі жүктің бір бұрышын көтерісуге әрқашан дайынмын.&nbsp;– Қазіргі күні балық баптап, тірлік жасағасы келетін жастар көптеп кездеседі. Оларға қандай кеңес берер едіңіз?– «Кәсіп бастайтының туралы ешкімге айтпа» деп кеңес беретіндерге таңғаламын. Неге десеңіз, білімсіз, тәжірибесіз бастаған істің шикілігі көп болады. Сол үшін сала бойынша үлкен компаниялар мен тұлғалардың ақыл кеңесіне жүгінген абзал. Балық шаруашылығы қомақты қаржыны талап ететіндіктен шығынға бату қаупі де жоқ емес. Үйін тігіп, несие алған, оны суға сіңіріп жіберген таныстарым көп. Ал тәжірибе жинақтап, білімді жетілгендердің қалтасы қалыңдайтыны түсінікті. Бір ғана мысал айтайын, Қазалыда сапалы сазан сатылмайды. Елге барғанда әдейі базар аралап, көріп қайтамын. Уылдырық шашпаған, қара сазандардан көз сүрінеді. Сұраныстағы балық болғасын алып келетін шығар. Бірақ бұлай сазанның санының өсуіне мұрша берілмей жатыр. Әйтпесе, балықтың бағасы Алматыға қарағанда Қазалыда біршама қымбат. Ебін тауып, еңбек етер жан болса пайдаға кенелері сөзсіз. Әрі баяғы бренд Сырдың сазанын қайта тірілтер еді.– Қазір қандай мақсатта жұмыс істеп жатырсыз? Ғалымнан қандай жаңалық күтеміз?– Бұл сұрақ төңірегінде көсіле шабуға болады. Соңғы екі жыл ішінде мемлекеттік қаулы шығару үшін көп жүгірдім. Қаншама қаражат жұмсадым. Бұл еңбек Арал-Сырдария су алабындағы Арал бекіресін қолдан өсіруді көздеген еді. Қызыл кітапқа енген балықты көбейтуге Үкімет басшысынан рұқсат алып, өсіріп жатырмыз. Біреу білсе, біреу білмес Арал бекіресі бұдан 55 жыл бұрын жойылып кеткен. Мемлекет қорғауына алған балықты бренд қылу – менің көп жылғы арманым, алдағы күндерге ұмтылдыратын үмітім. Құдай бұйырса, санын көбейтіп, Арал мен Сырдарияға саламын. Балықсүйер қауымның, ағайын-туыстың дарияға салған қармағынан бекіре шығып тұрғандағы таңғалысын, ризашылық сезімін көру бақытын аңсаймын.– Уақыт бөліп, әңгіме өрбіткеніңіз үшін ризашылық білдіреміз!

Басты мақсат – Арал теңізде жойылып кеткен су маржанынының санын көбейту 

<a href="https://kyzylorda-news.kz/">Kyzylorda-news.kz.</a>&nbsp; «Діни қызмет және діни бірлестіктер туралы» ҚР Заңының 9-бабының 2-тармағына сәйкес діни әдебиетті, діни мазмұндағы өзге де ақпараттық материалдарды, діни мақсаттағы заттарды таратуға тек ғибадат үйлерінде (ғимараттарында), рухани (діни) білім беру ұйымдарында, сондай-ақ облыстардың, республикалық маңызы бар қалалардың және астананың жергілікті атқарушы органдары арнайы белгілеген тұрақты үй-жайларда таратуға жол беріледі.

Діни әдебиеттерді арнайы белгілеген тұрақты үй-жайларда таратуға рұқсат етілген 

<a href="https://kyzylorda-news.kz/">Kyzylorda-news.kz.</a> «Ziyatker»инновациялық мектеп-лицейінде «Ағылшын тілі сабағында білім сапасын арттыруда интерактивті әдістерді қолданудың тиімділігі» тақыбырында қалалық семинар өтті. Семинарға қалалық білім бөлімінің әдіскері Ғалия Ермағанбетқызы және мектеп басшысы Ерболат Тұрсынтайұлы қатысты.&nbsp;Семинар мектеп мұғалімдерінің қалыптасқан кәсіби құзыреттілігін жетілдіру, ағылшын тілі пәніне арналған әдістемелік кешендерді тәжірибе жүзінде тиімді пайдалануына ықпал ету, педагогикалық шеберлікті арттыру, сондай-ақ практикалық және әдістемелік көмек көрсету мақсатында болды.&nbsp;Семинарға қалалық білім бөлімінің әдіскері Ибрагимова Ғалия Ермағанбетқызы және педагогикалық шеберлік орталығының Қызылорда қаласындағы филиалының аға менеджері, тренер Оспанов Ерболат Тұрсынтайұлы, қалалық мектептердің ағылшын тілі пәні мұғалімдері қатысты.&nbsp;Іс-шараны салтанатты түрде мектеп құрылтайшысы Дүлдүл Руслан Кажденбекұлы ашып, алғысөз сөйледі. Ағылшын тілі пәнінің мұғалімі Елдос Елікбайұлы семинар бағдарламасымен таныстырып, келген барша қонақтарға сәттілік тіледі. Аға менеджер Ерболат Тұрсынтайұлы «Оқушылардың оқу сауаттылығын арттырудың тиімді жолдары» тақырыбында таныстырылымында мына мәселелерге тоқталды: халықаралық зерттеудегі мәтін талаптарына сәйкес оқушылардың оқу сауаттылығын арттырудың тиімді жолдары, мәтіннің түрлері, мәтінмен жүргізілетін жұмыс түрлері, PIZA-2018жылғы қазақстандық оқушылардың оқу сауаттылығы, зерттеулерінің нәтижелері, мықты, әлсіз тұстары және нені жетілдіру , қай бағытта жұмыс жасау керектігі туралы өз тәжірбиесімен бөлісті.Қатысушылар тренер берген сұрақтарға пiкiрлecу, oй бөлicуде белсенділік көрсетті.&nbsp;«Ұстаз үздіксіз ізденгенде шәкірт жанына нұр құя алады» деп А.Байтұрсынов айтқандай, мектептің ағылшын тілі пән мұғалімдері А.Таспанова, Е.Елдос, Д.Назар, А.Набиева педагогикалық шеберліктерін көрсетіп, тәжірибені жақсарту бойынша үздік сабақтарын ұсынып, өз тәжірбиелеріндегі оқу мен оқытудағы жаңа әдіс-тәсілдермен бөлісті. Оқушылар өздерінің пәнге деген қызығушылығы мен терең білім деңгейін көрсете білді. Ағылшын тілі пәні мұғалімі А.Жумагазиева 4-ші сынып оқушыларының арасында тіл үйренуге қызығушылыған арттыру және ағылшын тілінде айтылым дағдыларын дамыту мақсатында «Spelling Bee» емле сайысын өткізді. Оқушылардың тілдік қабілеттерін шыңдау және көптілді орта қалыптастыру мақсатында үйірме жетекшісі Г.Ерлегенова ұйымдастырған «Debates Board game – «The importance of using English» интеллектуалды ойынында оқушылар ойларын ашық еркін білдірді.&nbsp;Мектеп өнерпаздары «Халықаралық ағылшын тілі күніне» арналған мерекелік сазды бағдарламаға ұласты.&nbsp; Мектеп тренері Бағила Тұрсынбекқызы «Активатор 3/2\1» кері байланысы арқылы мұғалімдердің семинар барысында алған әсерлерімен бөлісуіне мүмкіндік берді.&nbsp;Семинарға қатысушылар шараның өте жоғары дәрежеде өткізілгендігі жайлы пікір білдірді.

Қызылордалық ағылшын тілі пәні мұғалімдері арасында қалалық семинар өтті

<a href="https://kyzylorda-news.kz/">Kyzylorda-news.kz.</a> «Діни қызмет және діни бірлестіктер туралы» ҚР Заңнамасының бұзылуына әкеп соғатын, заңды діни қызметке кедергі келтіру, сол сияқты жеке тұлғалардың азаматтық құқықтарын дінге көзқарасы себептері бойынша бұзу немесе олардың діни сезімдерін қорлау не қандай да бір дiндi ұстанушылар қастерлейтін заттарды, құрылыстар мен орындарда қылмыстық жазаланатын іс-әрекет белгілері болмаса «Әкімшілік құқық бұзушылық туралы» ҚР Кодексінің 490-бабының 2-бөлігімен келесідей айлық есептік көрсеткіш (АЕК) мөлшерінде айыппұл салуға әкеп соғады.

Заңды діни қызметке кедергі келтіргендерге айыппұл салынады

<a href="https://kyzylorda-news.kz/">Kyzylorda-news.kz.</a> «Діни қызмет және діни бірлестіктер туралы» ҚР Заңнамасының бұзылуына әкеп соғатын, миссионерлiк қызметтi тіркеусіз (қайта тіркеусіз) жүзеге асыру, сол сияқты миссионерлердің дінтану сараптамасының оң қорытындысы жоқ діни әдебиетті, діни мазмұндағы ақпараттық материалдарды және діни мақсаттағы заттарды пайдалануы, Қазақстан Республикасында тіркелмеген діни бірлестіктердің діни ілімді таратуы аталған заңмен белгіленген талаптар бұзылған жағдайда:«Әкімшілік құқық бұзушылық туралы» ҚР Кодексінің 490-бабының 3 бөлігімен келесідей айлық есептік көрсеткіш (АЕК) мөлшерінде айыппұл салуға әкеп соғады:&nbsp;ҚР АЗАМАТТАРЫНА– 100 АЕК (345 000 тг) ШЕТЕЛДІКТЕРГЕ ЖӘНЕ АЗАМАТТЫҒЫ ЖОҚ ТҰЛҒАЛАРҒА – 100 АЕК (345 000 тг)&nbsp;

Тіркелмеген діни мазмұндағы ақпараттық материалдарды таратқандарға қандай шара қолданылады?

<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімі мен қалалық кәсіподақ комитетінің ұйымдастыруымен Абай атындағы ДБА мектебінде ұлағатты ұстаз Зауре Зейнуллақызын еске алуға арналған шара өтті.Еске алуға арналған турнирге қалалық кәсіподақ комитетінің төрайымы Орынша Міржақыпқызы қатысып, білікті басшы бола білген Зауре Зейнуллақызының білім саласына сіңірген еңбегіне тоқталып, жарысқа қатысушыларға сәттілік тіледі.Зәуре Зейнуллақызы өмірінің 40 жылын білім саласына арнап, өнегелі шәкірт тәрбиелеген ардақты ұстаз. Ол 1976 жылы И.В.Панфилов атындағы №5 орта мектепті бітірген соң, арнайы жоғары Гоголь атындағы Қызылорда педагогикалық институтына оқуға түсіп, 1983 жылы орыс тілі мен әдебиеті мұғалімі мамандығын алып шықты. 2004-2017 жылдар аралығында «Үш тілде оқытатын дарынды балаларға арналған мамандандырылған сыныптары бар «Мұрагер» мектебінің директоры қызметіне тағайындалып, ұстаздық қызмет жолында «Қазақстан Республикасының 100 үздік мектебі» қатарына енуіне зор үлесін қосты. 2009 жылы Облыс әкімінің «Ұстаз Ұлағаты» номинациясы табысталды. 2010 жылы «Ы.Алтынсарин» төсбелгісі иегері атанды. 2017 жылы «Қазақстан Республикасының Ерен еңбегі үшін» төсбелгісімен марапатталды.Ұстаздар арасында өткен дода тартысқа толы өтті. Нәтижесінде жүлделі ІІІ орынды М.Сужиков атындағы №6 орта мектеп иеленді. Ал, ІІ орын Абай мектеп командасына бұйырды. Додада топ жарып, үздік шыққан мектеп түлектері І орынға жайғасты. Қатысушыл командалар арнайы номинацияларымен марапатталды.&nbsp;Турнир жеңімпаздарына Зауре Зейнуллақызының отбасының атынан және қалалық кәсіподақ комитетінің қолдауымен қаржылай сыйлықтар табысталды.

Қызылордада ұстаз Зәуре Зейнуллақызын еске алуға арналған баскетболдан турнир өтті

<a href="https://kyzylorda-news.kz/">Kyzylorda-news.kz.</a> Қызылорда қаласына қарасты Ақсуат ауылдық округінің халық саны 10030 адамды құрайды. Оның ішінде экономикалық белсенді халық саны – &nbsp;4007 адам. Жұмыссыздық бойынша барлығы 24 адам тіркелген, яғни жұмыссыздық деңгейі 0,6 пайызды құрайды. Ал жұмыспен қамтылғандар саны - 3314. Сонымен қатар ауылдық округте 669 тұрғын өзін-өзі жұмыспен қамтып отырса, зейнеткерлер саны 715 адамды құрайды. Халық саны өткен жылмен салыстырғанда 13,8 пайыздық өсімді құрап отыр.Мемлекеттің шағын және орта кәсіпкерлікті дамытуға жасап жатқан қолдауының арқасында, бүгінгі күнге ауылда барлығы 465 кәсіпкерлік субъекті тіркелген. 2023 жылдың қаңтар, ақпан айларында 82 кәсіпкерлік субьект тіркеліп, жаңа жұмыс орындары ашылды. Жыл басынан бері «Ұлттық жоба» аясында 26,4 миллион теңгені құрайтын 5 жоба қаржыландырылды. Ал 2022 жылы 99 кәсіпкерлік субьект тіркеліп,жаңа жұмыс орындары ашылып, 160,0 миллион теңгені құрайтын 18 жоба қаржыландырылса, оның ішінде «Ұлттық жоба» аясында 63,3 миллион теңгені құрайтын &nbsp;5 жоба қолдау тапқан. Сонымен қатар қайтарымсыз грант қаражаты есебінен 2,0 миллион теңге болатын &nbsp;1 жоба, &nbsp;«Бастау Бизнес» жобасы шеңберінде 29,4 миллион теңгені құрайтын 24 адам грант алған.Ауыл тұрғындарын жұмыспен қамту аясында жыл басынан бері тұрақты жұмысқа 23 адам орналасып, ақылы қоғамдық жұмысқа &nbsp;28 адам, әлеуметтік жұмыс орындарына 5 адам, «Жастар тәжірибесі» бағдарламасына &nbsp;8 жас қамтылған. Өткен жылы тұрақты жұмысқа 101 адам орналасып, ақылы қоғамдық жұмысқа &nbsp;28 адам, кәсіби оқу және қайта даярлауға курсына 2 адам және әлеуметтік жұмыс орындарына 3 адам, «Жастар тәжірибесі» бағдарламасына 16 жас, «Күміс жас» бағдарламасы аясында 1 адам &nbsp;қамтылған.Сонымен қатар, «КазАгроМир» ЖШС-нің автоматтандырылған өндірістік жылыжай кешенінде 30 адам тұрақты жұмыспен қамтылып, қияр, &nbsp;қызанақ егіп, жергілікті нарыққа ұсынуда. «Бір ауылға – бір жылыжай» жобасы аясында, жеке кәсіпкер «Шапағат» - Нұрмағамбет Бауыржанның өз қаражаты есебінен салған жылыжайын кеңейту мақсатында «Өңірлік инвестициялық орталығы» микроқаржы ұйымы арқылы 7 миллион теңге несие алып, жұмыс істеуде.Өз қаражаты есебінен кәсібін дөңгелетіп отырған «NP-Consulting» жауапкершілігі шектеулі серіктестігі құрылысшыларға арналған каска өнімі мен 19 литрлік ауыз су ыдысына арналған қақпақша шығаратын шағын цехы &nbsp;тапсырыс бойынша күніне 400 дана каска өнімі және 5000 дана болатын 19 литрлік ауыз су ыдысына арналған қақпақша жасап, 6 адамды тұрақты жұмыспен қамтуда.&nbsp;Жыл басынан бері әлеуметтік аз қамтылған 54 отбасы атаулы әлеуметтік көмек алса, әлеуметтік көмек көрсетуді қажет ететін 6 балаға үйден тұрақты қызмет көрсетілуде. Ал 2022 жылы 145 отбасы атаулы әлеуметтік көмек алған. Ауыл кәсіпкерлерінің демеушілігімен аз қамтылған және көп балалы 12 отбасына азық-түлікпен қаржылай көмек көрсетілсе, 20 отбасына көмір түсіріліп берілген.Сонымен қатар, 2022-2023 жаңа оқу жылына &nbsp;жалпыға міндетті &nbsp;оқу қоры есебінен атаулы &nbsp;әлеуметтік &nbsp;көмек &nbsp;алушы &nbsp;аз қамтылған және көпбалалы отбасынан &nbsp;шыққан 368 &nbsp;оқушыға қаржылай көмек көрсетіліп, &nbsp;ыстық тамақпен қамтылса, ауыл кәсіпкерлерінің демеушілігімен «Мектепке жол» акциясы аясында 450 мың теңге көлеміндегі қаражатқа 124 балаға мектеп формасымен оқу құралдары берілді.Ауылдық округте 2 мемлекеттік &nbsp;және 1 &nbsp;жеке мектепте барлығы 2149 оқушы, мектепалды даярлық тобында 106 бала екі ауысымда білім алуда. Мектепке дейінгі білім беретін 2 мемлекеттік және 5 жеке балабақшада 555 бала қамтылып тәрбиеленуде. Ал ауылдағы мәдениет үйінде 6 үйірме жұмыс істейді. Мұнда жыл басынан бері бекітілген жоспарға сәйкес 12 мәдени-көпшілік және мерекелік шаралар өткізіліп келеді.Ауылдық округте бұқаралық спортты дамыту мақсатында, 3 спорт ойын алаңдары, көше тренажеры және мектептерде спорттық үйірмелер халыққа қызмет етеді. «Samruk Kazyna Trust» корпоративтік қоры ауыл орталығынан 239 миллион теңгеге 720 шаршы метр болатын спорт кешенінің құрылысын жүргізуде. Спорт кешенін 2023 жылы пайдалануға беру жоспарланған.Сонымен қатар, «Балалар жылы» аясында демеушілердің қаражаты есебінен ауылдық округтен екі спорттық ойын алаңдары құрылысын жүргізу жоспарланып, ауданы «20х40» болатын кіші футбол алаңы мен тренажерлық құрылғылары орнатылып, 1 спорт ойын алаңы пайдалануға берілсе, екіншісінің құрылыс жұмыстары жүргізілуде. Ақсуат ауылдық округінің жалпы жер көлемі 21 231 гектарды құрайды. Оның ішінде ауыл шаруашылығы мақсатында табысталған жер учаскесінің көлемі 13751 гектар.Ауылдық округте 3 ауылшарушылығы кооперативі, 58 шаруа қожалығы, 11 заңды тұлға мен ЖШС, 393 жеке кәсіпкер тіркелген.&nbsp;2022 жылдың қорытындысы бойынша 2356 бас мүйізді ірі қара, 1455 бас жылқы, 16 бас түйе мен 2888 бас уақ малы сырғаланып, компьютерлік дерек базасына тіркелсе, 2 шаруа қожалық 27 гектар жерге күріш, 2 шаруа қожалық 60 гектар жерге бидай, 5 шаруа қожалық 315 гектарға жоңышқа егіп, 99,3 тонна күріш, 60 тонна бидай өнімі алынған. Қалалық жер қатынастары бөлімі тарапынан Қазақстан Республикасы Жер Кодексінің талаптарына сәйкес, ауылшаруашылық жерлерін мақсатына сай пайдаланбай отырған 3242,2 гектарды құрайтын 27 жер учаскелері мемлекеттік жер қорына қайтарылды.Ең өзекті мәселенің бірі - ауылдық округті табиғи газбен қамтамасыз ету. Осы мақсатта, 2022 жылға 4 миллиард 403 миллион теңге қаржы бөлініп, 16,5 шақырым болатын жоғары қысымды, 9,6 шақырым болатын орта қысымды газ құбыры мен автоматты газ тарату станциясына кеңейту жұмыстары, 123 шақырым болатын төменгі қысымды газ құбырын тарту жұмыстарымен, үйлерге түтік шығару құрылыс жұмыстары аяқталған. Қазіргі таңда газ құбырларына газ жіберу мақсатында тапсыру жұмыстары жүргізілуде. Жобаның жалпы құны - 4 миллиард 775 миллион теңгені құрап отыр.&nbsp;«Өңірлерді дамыту» бағдарламасы шеңберінде 3 миллион 724 мың теңгеге ауылдағы №5 көшеге тас төсеу жұмыстары жүргізілді. Сонымен қатар, ауылдық округтегі аяқ сумен қамтылмай қалған жаңадан қоныстанушы тұрғындарды маусымдық аяқ сумен қамту мақсатында республикалық бюджеттен қаралған қаржыға Т.Бекмұратов және Сарыкөл көшесі бойынан су ұңғымасы орнатылып пайдалануға берілді. Ал қалалық бюджеттен бөлінген 2149,5 мың теңгеге түнгі жарық бағаналары орнатылған.Биыл «Ауыл -ел бесігі» жобасы аясында 79 миллион 941 мың теңгеге 2,9 шақырым болатын Ә.Құдабаев, Ш.Беркінов, №17 көшелерін орташа жол жөндеу жұмыстарын жүргізу мақсатында мемлекеттік сатып алу Заңдылығына сәйкес қазіргі таңда мердігер мекеме анықталып, құрылыс жұмыстары сәуір айында басталу жоспарлануда.Одан бөлек 10 миллион 470 мың теңгеге 1,68 шақырым 2 көшеге түнгі жарық бағаналарын орнату жұмыстарын жүргізу мақсатында мемлекеттік сатып алу Заңдылығына сәйкес конкурс жүргізілуде.Ал 5 миллион теңгеге ұзындығы 7,47 шақырым болатын 6 көшеге орташа жол жөндеу жұмыстарын жүргізу мақсатында жоба сметалық құжаттарын әзірлеуге және 5 миллион 498 мың теңгеге 10 көшеге түнгі жарық бағаналарын орнату мақсатында жоба сметалық құжаттары әзірленуде«Ауыл - ел бесігі» жобасы аясында 656 миллион 625 мың теңгеге М.Тоқтамысұлы, Қ.Иманбердиев, Орманбаевтар, О.Жакенов көшесінің бас жағы, Х.Манабаев көшелеріне орташа жол жөндеу жұмыстарын жүргізу мақсатында облыстық экономика және бюджеттік жоспарлау басқармасына өтінім ұсынылып, қазіргі таңда 350 миллион 962 мың теңгесі Қазақстан Республикасының Ұлттық қорынан берілетін нысаналы трансферт есебінен қолдау тауып отыр.Ал 68 миллион 376 мың теңгеге Ә.Құдабаев көшесіне жаяу жүргіншілер жолын салу мақсатында облыстық экономика және бюджеттік жоспарлау басқармасына өтінім ұсынылып, қазіргі таңда 61 миллион 538 мың теңгесі Қазақстан Республикасының Ұлттық қорынан берілетін нысаналы трансферт есебінен қолдау тапты.Ақсуат ауылдық округіндегі 32 көшені электр желілерімен қамту мақсатында қалалық бюджеттен бөлінген 4 миллион 849 мың теңгеге жоба сметалық құжаттары әзірленіп, 1 миллиард 65 млн. теңгеге республикалық бюджетке өтінім ұсынылған.

Ақсуат ауылдық округіндегі ахуал қандай?

<a href="https://kyzylorda-news.kz/">Kyzylorda-news.kz.</a>&nbsp; 2019 жылғы 1 қыркүйектен бастап Әлеуметтік медициналық сақтандыру қоры тарапынан 1406 бірыңғай call - орталығы жұмыс бастады. Еліміздің барлық өңірлерінен 20-дан астам оператор МӘМС жүйесіне қатысты сұрақтарға жауап береді және пациенттердің медициналық қызметтер сапасына шағымдарын қабылдайды.Біздің тілшімізге Call орталығының операторы Нұршат Маратқызы хабарлағандай, Әлеуметтік медициналық сақтандыру қорының Қызылорда облысы бойынша филиалының &nbsp;байланыс орталығына күн сайын 150 қоңырау келіп түседі, ай сайын 3 мыңға жуық. Көбінесе жұмыс істемейтін, өзін-өзі жұмыспен қамтыған азаматтар жүгінеді. Абоненттер келесі сұрақтарымен хабарласады: МӘМС-ке қалай дұрыс төлеу керек, БЖТ дегеніміз не, медсақтандыруда жеңілдік мәртебесін қалай алуға болады және т. б.<blockquote>«Мысалы, сәуір айында МӘМС-да төлемдері мүлдем жоқ тұрғын жүгінсе, 2023 жылғы сәуірден бастап 2024 жылғы наурызды қоса алғанда 12 айға төлемдерді жасауды ұсынамыз», - дейді Нұршат Маратқызы.</blockquote>Медициналық қызметтердің сапасына қатысты шағымдар аз емес. Күніне шамамен 3-4 өтініш қабылдаймын, деп хабарлады оператор. Мәселен, медицина қызметкерлерінің дөрекілігіне, медициналық көмекке немқұрайлы қарау, медициналық қызметке жолдаманы дұрыс ресімдемеу, медициналық көмек көрсетуден бас тарту және тағы басқаларға шағымдар түседі.<blockquote>«Бізге жүкті әйел жүгінді, оған Қызылорда қаласындағы клиникаларының бірінде тегін стоматологиялық көмек көрсетуден бас тартқан. Бұл медициналық ұйым медициналық сақтандыру қорының медициналық қызмет көрсетушілерінің қатарында. Тағы бір мысал. Емхана дәрігерлері сақтандырылған науқасты ақылы талдауға жіберген. Екі жағдайда да мәселелер пациенттердің пайдасына шешілді. Заң бұзушылыққа жол берген медициналық ұйымдарға айыппұл салынды», - деп атап өтті Нұршат Маратқызы.</blockquote>1406 байланыс орталығына өтініштер ресми байланыс арналары арқылы да қабылданады: «Qoldau 24/7» мобильді қосымшасы, fms.kz ресми сайты, Telegram-дағы @SaqtandyrýBot.&nbsp;

Медициналық қызметтердің сапасына шағымдар 1406 байланыс орталығында қабылданады 

<a href="https://kyzylorda-news.kz/">Kyzylorda-news.kz.</a> Дүниежүзілік кітап және авторлық құқықты қорғау күніне орай Қызылорда қаласындағы Назарбаев Зияткерлік мектебінде «Tasty books» тәтті кітаптар фестивалі өтті.&nbsp;Оқушылар бір шығарма желісі бойынша түрлі тәттілер, салат, тағы басқа тағамдар әзірлеп, көпшілікке ұсынды. Шығармашылық сайыста Абай жолы роман-эпопеясы, «Кішкентай ханзада», «Гарри Потер», «Цветы для Э́лджернона», «Алые паруса», «Алиса в стране чудес», «Хоббит», «Вафельное сердце», «Шрек», «Русалка» секілді әлемдік бестселлердің кітап мұқабасына торт даярлады.&nbsp;<blockquote>– Бұл тортты біз алты сағат әзірледік. Қамырынан бастап барлығын өзіміз жасап шықтық. Үш түсті шоколадты пайдалана отырып, Абайдың бейнесін салдық. Сәтті шықты. Бұл шығарманың тәрбиелік мәні өте зор. Қазақ халқының өмірі мен тарихын баяндайды, – дейді 11-сынып оқушысы Арсен Ақназар.&nbsp;</blockquote>Айтулы мерекеге орай дәстүрлі «Тосын сыйға кітап» акциясы да ұйымдастырылды. Оқушылар, ата-аналар және мектеп қызметкерлері бір-біріне сүйікті туындыларын сыйға тартты.&nbsp;<blockquote>– Кітапсыз адам өмірі – бос. Кітап біздің досымыз ғана емес, сонымен бірге біздің тұрақты мәңгілік серігіміз. Бүгінгі «Кітап сыйлау» акциясына достарымызбен ең құнды да бағалы сыйлықпен бөлістік, – дейді 9-сынып оқушысы Ақнұр Мұсабаева.&nbsp;</blockquote>Шара барысында мектеп директоры Жаңбыржан Бекболатов кітаптың адам өміріндегі орны мен тұлға болып қалыптасуындағы маңыздылығына тоқталып, «Руханият» оқырмандар клубының белсенді ата-аналарын марапаттады.&nbsp;&nbsp;

«Tasty books» тәтті кітаптар фестивалі өтті

<a href="https://kyzylorda-news.kz/">Kyzylorda-news.kz.</a> ҚР Экология және табиғи ресурстар министрлігі, ҚР Ішкі істер министрлігі және ҚР Ұлттық қауіпсіздік комитетінің бірлескен жоспарының негізіндегі көктем мезгілінің келуімен киік аңдарының төлдеуіне байланысты еліміздің бірқатар өңірінде және көршілес облыстардың іргелес аудандарының аумақтарында «Киік» кең ауқымды акциясы жүргізіледі.Аталған облыстардың киік аңы мекен ететін аймақтарға киік қорғау жұмыстарын ұйымдастырып, «Охотзоопром ӨБ» РМҚК-ның 430-ға жуық инспекторлары және 2 тік ұшақ, 90 джип, камаз кунг автокөліктерімен жұмылдырылып арнайы техникалардан «дрон» аппараттары, түнгі көру құрылғылары қолданылып басқа да барлық мүмкіндіктер пайдаланылатын болады.Акцияның мақсаты – киіктерді қорғауды күшейту, сондай-ақ ел аумағында табиғатты қорғау заңнамасын бұзудың жолын кесу бойынша бірлескен іс-шараларды ұйымдастыру болып табылады.Бұйрық шеңберінде акцияны өткізу кезінде құқық қорғау және табиғат қорғау органдарының өзара іс-қимылы жөніндегі үйлестіру штабы, сондай-ақ бірлескен іс-қимыл жоспары бекітілді.Акция барысында құқық қорғау органдарымен бірлесіп киік мүйіздерінің заңсыз айналымына қарсы іс-қимыл және оларды елден тыс жерлерге шығару бойынша шаралар күшейтілетін болады.Былтыр ел аумағында киік аңдары мекен етіп қоныс тепкен Орал, Үстірт және Бетпақдала барлығы 1 318 000 басқа көбейді. Ал, 2021 жылғы санақ бойынша үш популяцияларда 842 мың бас киікті құраған: оның ішінде Оралда – 545 000 бас, Үстіртте –12 000 бас және Бетпақдалада – 285 000 бас киік көбейген.«Охотзоопром» ӨБ» РМҚК-ның бастамасымен 2023 жылдың сәуір-мамыр айлары аралығында еліміздің 4 облысында атуға тыйым салынған киік аңы және қызыл кітапқа енгізілген аңдарының санағын жүргізу жоспарлануда.Өңірде 35 инспектордан құрылған барлығы 7 мобильдік топ қызмет етеді. Бұл мобильдік топтар атуға тыйым салынған киік аңын, ҚР Қызыл кітабына енген сирек кездесетін жануарларды қорғауға арналған жұмыстарын жалпы аумағы 21 359 512 мың гектар жер аумағында, оның ішінде Қызылорда облысының 17 783 279 &nbsp;мың гектар, Түркістан облысының 3 576 233 мың гектар далалық жерінде жүргізеді.&nbsp;Сонымен қатар, акция аясында құзырлы құқық қорғау орган қызметкерлерімен бірлескен іс-шаралар жоспарланып, жоспар негізінде Қызылорда-Ақтөбе, Қызылорда-Жезқазған және Қызылорда-Түркістан бағытындағы жолдарда мобильдік топтармен арнайы құрылған бекеттер жұмыс жасайтын болады.«Охотзоопром» ӨБ» РМҚК Кызылорда өңірлік филиалы қызметкерлерімен 2023 жылдың 1-тоқсанында ҚР Қызыл кітабына енгізілген, сирек кездесетін аң-құстармен, жойылып кету қаупі бар аша тұяқты жануарларды және ақбөкен аңын қорғау, сақтау барысында 5 қылмыстық іс, 3 әкімшілік істерді анықтап, барлығы құзырлы органдармен 26 бірлескен іс-шаралары жүргізіп, елдімекендерде 48 үгіт-насихат жұмыстарын атқарды.

Елімізде кең ауқымды «Киік» акциясы басталды

<a href="https://kyzylorda-news.kz/">Kyzylorda-news.kz.</a> Соник, Сега, Денди, Тетрис. Бұл біздің бала күнгі қолданған «Айпадымыз». Бұлар бір көшедегі бір үйде ғана болатын. Ауылдың қара домалақтары жиналып, таласып ойнап, күн ұясына батқанда тарқайтын. Ал, мектепке жаңа компьютер келсе мұғалімдердің өзі балаша қуанатын. «Интерактивті тақта келді» дегенде «ол не екен?» деп таңданатынбыз. Тіпті әрбір үйде шот есептеуіш ілініп тұратын. Қазір қалтафон функциясынан кез келген керегіңді қиналмай табасыҢ. Қысқасы, біз білетін тінтуірді сонау 1968 жылы Дуглас Энгельбарт есімді өнертапқыш ойлап тапқан. Сол кездің өзінде ол алақандай тінтуір жайлы айтып қана қоймай, терезе интерфейсін, гипермәтін, видеоконференция, мәтіндік редакторлар хақында презентация жасап, қорғап шыққан екен. Алайда, өнертапқыштың ұсынысы технологиялық индустрияға бірден ене қоймады. Жаңа идея ойлап, оны ұсыну оңай болса, дамыту әлдеқайда қиын. Бүгінгі қаузайтын тақырыбымыз білім беру саласындағы Ed-Tech индустриясы жайында болмақ. Оның әлемде және елдегі қарқыны қандай? Өзіміздің аймақта ше? Білім беру саласына жаңа технологиялар енгізіп, одан қалай оң нәтиже алуға болады?Одри Уотерстің «Білім беру технологияларының құбыжықтары» деген кітабынан хабарыңыз бар ма? Бұл заманауи технологияларды білім саласында қолдануға септігін тигізетін бірден-бір құрал. Кітаптың жалпы мазмұны мынадай: «Мектепке iPad әкелу қиын емес, қиыны – оның көмегімен бірдеңе істей алу. Білім беру технологияларының атасы деп Алан Кейді айтып жүрміз. Ол балаларға арнап Dynabook компьютерін ойлап тапқан. 1972 жылы Алан Кей «Барлық балаға арналған дербес компьютер» дейтін манифесін жариялады. Кей оны қалай көргенін айтайық па? Сипаттамасы шамамен мынадай: көлемі қазіргі ноутбуктен кішірек, салмағы 2 келіден аспайтын, желімен байланыстырылған. Бағасы 500 доллардан арзан. 1972 жылы (iPad-тың шығуынан 40 жыл бұрын) Алан «Біздің технологиялар барлық бала мен ата-анаға Dynabook-ті қалаған жерінде қолдануға мүмкіндік береді» деген екен. Білім беру технологияларының тарихы да, компьютерлік технологиялар тарихы сияқты тамыры тереңге жайылған. Бұл екі саланың бір-бірімен тығыз байланысты болуы – технологияға құрылуында. Екеуі де білім беру мекемелерінде жасалатын ғылыми-зерттеу жұмыстарына тәуелді».Технологиялық индустрия мен білім беру секторының ерекшеліктері әр түрлі. Мәселен, технологиялық компаниялар жаңа өзгерістерге дайын болса, білім беру орындары қағазбастылыққа тұралап қалған. Уақыт өткен сайын бұрын-соңды миға қонымсыз көп дүниені еріксіз қабылдайтын болдық. Алдыңғы ғасыр адамы көк сиямен ақ параққа жазғанына қуанса, бір ғасырдан соң калькулятор пайда болды. Ал, бүгінгі түрлі смартфонның өмірімізге қалай еніп кеткенін де аңғармай қалдық. &nbsp;Батыстағы басымдық бағамыӘлемдегі жағдай әр түрлі. Бірі – алдыға жылжып кетсе, бірі – енді даму үстінде. Былтырғы білім беру саласына бөлінген қаражаттың басым бөлігі америкалық стартаптарға берілген. Оны жеке білім беру несиелері, онлайн-білім беру, емтиханға дайындық, сыни ойлау курстары, түрлі біліктер үйретуге бағыттаған. 2011-2016 жылдары АҚШ-та жалпы әлемдік көрсеткіштің 67 пайызын құрайтын 1300 келісім жасалған екен. Яғни, инвестор мен стартаптар арасындағы бірлескен жұмыстар жүргізілген. Қазіргі таңда Udemy, Udacity және PluralSight сынды онлайн білім беру платформаларының бағасы 1 миллиард долларға бағаланады. Бұл салада Ұлыбритания да бар. Ed-Tech UK мәліметтері бойынша, бүгінде елде 1200-ге жуық компания белгілі. Еуропадағы барлық инвестицияның 34 пайызы Ұлыбританияға тиесілі. Жыл сайын Ed-Tech-ке 300 миллион фунт стерлинг жұмсалады. Мәселен, танымал білім беру қосымшаларының бірі – Kahoot. Бір айда қолданушылар саны 50 миллионға жетеді деседі. Осының арқасында компания 20 миллион фунт стерлинг табыс тапқан екен.Өзге елдердегі өзгешелікБірі алдыңғы қатарлы көшбасшы болса, әупірімдеп қадам басып келе жатқандары да бар. Мәселен, Африка¬дағы онлайн білім беру нарығы 2013 жылы 355 миллион доллар болған. Себеп – халықтың тек 29 пайызына ғана интернет қолжетімді. Сонымен қатар, 128 миллион баланың 17 миллионы мүлдем мектепке бармайды екен. Қалған 37 миллионы бала еңбегі мәселесіне байланысты бастауыш білімді де ала алмайтын көрінеді. Алайда, мобайл білім беруге күш салуға болады. Себебі, телефон нарығы Африкада қарқынды өсіп келеді. Айталық, балаларды SMS арқылы оқытатын Rethink Education деген мобайл білім беру платформасы жұмыс істейді. Посткеңестік елдер ішінде басты драйвер – Ресей. Білім беру нарығы 2016 жылы 29 миллиард доллар болса, оның 1,1 пайызы немесе 334 миллион доллары – онлайн оқыту. 2021 жылға қарай 2,6 пайызға көбейген екен.Қазақстандағы халі қандай?Инвестиция көлеміне қатысты нақты цифрлар айту қиын. Көлемі бойынша жекелеген кейсті көз алдыңызға келтіріп көрелік. Халықаралық қаржыландыруға қол жеткізген жобалардың ішінде Robo Wunderkind бар. Бастапқыда 10 мың доллар көлемінде «көмек» алған. Осылайша, 2015 жылы команда Kickstarter-ға шығып, 246,6 мың доллар инвестицияға қол жеткізген. Бүгінде ақпараттық-коммуникациялық технологияларды білім беру процесіне енгізу мақсатында мемлекеттік бағдарламалар қолға алынуда. Мұның барлығы да ғылым мен білімнің дамуына бағыт-талған. 2019 жылда аталған технологияларды білім беру үдерісіне 90 пайыз араластыру болған. «Цифрлы Қазақстан» нысаны осыны көздеген.2-3 ақпан Алматы қаласында Digital Almaty 2023 халықаралық tech форумы өтті. Форумда цифрландыру саласындағы үздік компаниялар марапатталды. Соның ішінде, Bugin Holding компаниясына қарасты Daryn.online платформасы жыл қорытындысы бойынша «Ең үздік EdTech жоба» номинациясын жеңіп алды.EdTech (қаз. білім беру технологиялары) – білім беру саласындағы заманауи технологияларды біріктіретін инновациялық шешімдер. Бұл номинация инновациялық тәсілді қолданып, білім беру саласындағы өзекті мәселелерді шешетін және ең үздік сапалы қызмет көрсетуші жобаға беріледі. Номинацияны Арменияның Премьер-министрі Никол Пашинян табыстады.Bugin Holding – өз экожүйесін қалыптастырған, заман талабына сай жабдықталған еліміздегі алғашқы қазақ тілді IT компания. Холдингтің ІТ нарығында танымал бірнеше жобасы бар: Ма-Ма!, OrdaGen, Daryn.online, Daryn Teacher, Educenter, Bugin.kz және т.б.Осы жобалардың ішінде ең танымалы: 4 млн-нан астам оқушы мен ұстазға қашықтан сапалы білім беруді қамтамасыз етіп отырған Daryn.online платформасы. Өткен 2022 жыл Daryn.online үшін табыс пен тәжірибеге толы болды: Компания 2,4 млн доллар инвестиция тартты, Prometheus School-дың құрылтайшысы атанып, еліміздегі алғашқы гибридті мектеп идеясын жүзеге асырды, мектеп процестерін автоматтандыруға (LMS) арналған Daryn Pro жобасы іске қосылды, Daryn Teacher 2.0 іске қосылып, оқушылар 180 000+ рет мектеп сабақтары бойынша қиындық тудырған сұрағына жауап алды, Daryn Tutor 3 117 астам жаңа репетитор қосылып, 2 261 оқушы өзіне жақын аймақтан репетитор тапты, білім алушыларға контентті ойын методикасы арқылы беруге арналған Daryn GO жобасы іске қосылды, оқу процесін тежейтін күрделі тапсырмаларды шешудегі көмекші Daryn Help жобасы іске қосылып, 10 000-нан астам сұраққа жауап берілді, Daryn.online қызметтері білім алушылар арасындағы бағалау бойынша (NPS) 82% қолданушының көңілінен шықты, онлайн білімді одан да сапалы әрі қолжетімді ету мақсатымен және платформа қолданушыларының сұрауымен әр пән бойынша көмекші куратор қосылды, Daryn.online платформасында өткізілетін олимпиада Қазақстандағы ең танымал әрі жиі тапсырылатын олимпиада атанды. 87 500 оқушы мен 34 800 мұғалім олимпиадада бақ сынады, Daryn.online-мен 14 429 оқушы ҰБТ-ға дайындалып, оның 75,2%-ы грантқа түсті және байқау сынағы 345 026 рет тапсырылып, орташа көрсеткіші 72,6 баллды құрады.<blockquote>«Daryn.online -ның алдағы жоспары: еліміздегі сәтті жобаларды шетел нарығына экспорттау. Біз қазір Өзбекстан нарығына ағылшын тілін енгізіп жатырмыз, ал Сауд Арабиясы мен Индонезия нарығына математика пәнін (iDaryn) біздің қалыптастырған методикамен сол елдің тілдерінде жасаудамыз. Білім бізді біріктіреді, біз бұған сенеміз», – дейді Daryn.online платформасының негізін қалаушылардың бірі Айбек Қуатбаев.</blockquote>Daryn.online миссиясы – сапалы білімді қолжетімді ету, еліміздегі білім сапасын арттыру жолында жаңа технологиялар мен инновацияларды жасау. Кез келген оқушының білім алып, ұстаздың сабақ беріп және ата-ананың дамуы үшін Daryn.online заманауи шешімдер қабылдап, алға қойған жоспар бойынша жұмыс істеуге әзір.Аймақта ше?Қорқыт Ата атындағы Қызылорда университетінің бизнес-инкубаторы және Қызылорда облысының ақпараттық технологиялар орталығының базасында стартаптар мен новаторларды қолдау және дамытуға арналған Kyzylorda Hub стартаптар технопаркі ашылды. Тиімді стартаптарды құруда, инвестиция тартуда көмек беретін бизнес-инкубатор Astana Hub халықаралық стартаптар технопаркінің Қызылорда облысы бойынша өңірлік хабы ретінде жұмыс істейді.Kyzylorda Hub басты мақсаты – өңіріміздегі инновациялық жобаларды дамыту, аталмыш бағыт бойынша кадрлар даярлау және білім беру. Стартаптар, инвесторлар, менторларды бір жерде түйістіруге бағытталған орталыққа қосыламын деушілерге мүмкіндіктер қарастырылған. Стартап жобаларды дамыту барысында инкубациялық кезеңде кәсіпкерлік білімін, жобалардың прототипін, инвестиция тартуға, қаржылық есеп жүргізу және PR бағыты бойынша қолдау көрсетіледі.Astana Hub технопаркімен серіктестік аясында мектеп және колледж бітіруші түлектер арасындағы облыстық стартап жобалар байқауы «Startup Talapker», үздік стартап жобаларды анықтауға, дамудың жаңа деңгейіне шығуына қолдау көрсетуге, үздік жобаларды марапаттауға арналған «Idea Battle» байқауы және «Startup Joly» инкубациялық кезеңі ұйымдастырылады. Сонымен қатар, өз стартап жобасын бастағысы және өз ісін дамыту бойынша білім алғысы келетін азаматтарға арналған онлайн білім беретін &nbsp;«Startup School», кодты пайдаланбай IT өнімді әзірлеудің жаңа дағдысын көрсететін «No Code» курстарымен қатар технологиялық кәсіпкерлік бойынша студенттерге арналған «Startup Academy» бағдарламасы іске асырылады.Қызылорда облысының ақпараттық технологиялар орталығының қолдауымен өңірде Smart city Hackathon, Pecha Kucha Night, Innofest Kyzylorda 2024 инновациялық жобаларды дамыту бағытындағы іс-шаралар ұйымдастырылады.Айта кетейік, жастар кәсіпкерлігі концепциясы аясында университет студенттері мен оқытушылары үшін стартап жобаларын әзірлеуге бағытталған, өз істерін бастауды қалайтын, бірақ мүмкіндігі жоқ жас кәсіпкерлерді қолдау және нәтижелі өндіріс құруда көмек көрсету мақсатында &nbsp;құрылған Қорқыт ата атындағы Қызылорда университетінің бизнес-инкубаторы 2017 жылдан бастап жұмыс істейді. &nbsp;Инкубатордың жалпы жұмыс барысында 139 резидент пен 7 600 жас қамтылды.&nbsp;

Аймақ Ed-Tech индустриясына бет бұруда

<a href="https://kyzylorda-news.kz/">Kyzylorda-news.kz.</a> Ағымдағы жылдың 20-22 сәуір күндері аралығында Тараз қаласында самбодан жасөспірімдер арасындағы Қазақстан Республикасының чемпионаты өтті. &nbsp;ҚР чемпионатында Қармақшы ауданының спортшысы Ұлтай Сейілова 80 келі салмақ дәрежесінде Қазақстан Республикасының чемпионы атанды. Сонымен қатар Ұлтай Сейілова Әлем және Азия біріншілігіне жолдама алды. Жаттықтырушысы – Гүлайлым Нұрмаханова.Орман, дала өрттерінің алдын алу мақсатында өрт-тактикалық жаттығу өттіЖақында «Қармақшы орман және жануарлар дүниесін қорғау жөніндегі мемлекеттік мекемесі» КММ-сі, Қармақшы ауданы Төтенше жағдайлар бөлімі мен аудандық №10 өрт сөндіру бөлімінің қызметкерлерімен бірлесіп, жоспар бойынша Батыс Еуропа – Батыс Қытай автодәлізінің бойындағы тұқымбағының оңтүстік-шығыс жақ бетіндегі 3 гектар бөлігінде орман және дала өрттерінің алдын алу мақсатында өрт-тактикалық жаттығу өткізіліп, күштер мен құралдардың әзірлігі тексерілді.Оқу-жаттығуға «Қармақшы орман және жануарлар дүниесін қорғау жөніндегі мемлекеттік мекемесі» КММ-нің 1-ГАЗ-3308-50 өрт сөндіру автокөлігі, 1-ХТЗ Т-150 тракторы соқасымен, 1-УАЗ «Хантер» автокөлігі, 2-аға өрт сөндіруші, 5-өрт сөндіруші, 3-орман шебері, 9-орманшы, 1 тракторист-машинист, 1 автокөлік жүргізушісі мен өрт сөндіруге арналған құралдары және аудандық № 10 өрт сөндіру бөлімінің 8 қызметкері 1 АЦ-5-40 өрт сөндіру автокөлігі және Қармақшы ауданы Төтенше жағдайлар бөлімінен 2 қызметкер 1 «Ssang Yong Kyron» автокөлігі қатыстырылды.<blockquote>«Жаттығу мақсаты – орман өртінің алдын алу. Құрметті Қармақшы ауданының тұрғындары мен қонақтары, орман-тоғайды ластамайық,өрт қауіпсіздігін сақтауларыңызды сұраймыз!» дейді Қармақшы аудандық Төтенше жағдайлар бөлімінің мамандары.</blockquote><img src="https://knadmin.beoblood.kz/uploads/343059182_782867443058946_3676154473982531383_n_8845b64789.jpg" alt="343059182_782867443058946_3676154473982531383_n.jpg">Түнгі рейд жұмыстары тұрақты жүргізіліп келедіҚармақшы ауданының орталығында кәмелетке толмағандар арасындағы қылмыс пен құқық бұзушылықтың алдын алу бойынша түнгі рейдтік жұмыстар жалғасуда. Рейд жұмыстарын тиісті сала мамандары және жергілікті полиция қызметкерлері жүргізді.Профилактикалық жұмыстар барысында жастар көп шоғырланатын орындар, орталық және шеткі көшелер қамтылды.<blockquote>«Қармақшы аудандық қоғамдық даму, аудандық полиция бөлімдері мен тиісті сала қызметкерлері қоғамдық тәртіпті бақылау мақсатында жасөспірімдер көп шоғырланатын нысандарды аралады. Рейд барысында компьютерлік ойын-сауық орындары, парктер, спорт алаңдары қамтылды. Рейд жұмыстары кезінде кәмелетке толмаған жасөспірімдерге түнгі мезгілде қоғамдық орындар мен көшелерде ата-анасыз немесе заңды өкілсіз шектеулі уақытта жүруге тыйым салынғаны жөнінде түсіндірме жұмыстары жүргізілді. Жасөспірімдер арасында құқық бұзушылық пен қылмыстың алдын алу мақсатындағы арнайы рейдтік топтың жұмыстары алдағы уақытта да ұдайы жүргізілетін болады», дейді сала мамандары.</blockquote><img src="https://knadmin.beoblood.kz/uploads/342343242_150367271303048_1009829940488517158_n_ccdb40c47f.jpg" alt="342343242_150367271303048_1009829940488517158_n.jpg">Республикалық олимпиадада қармақшылық оқушы жеңімпаз атандыРеспубликалық олимпиаданың қоғамдық-гуманитарлық бағыты бойынша қорытынды кезеңі өткізілді. Қорытынды кезеңге 7 пән бойынша 29 оқушы қатысып, бақ сынады. Сыр елінің мерейін үстем еткен жеңімпаздар қатарында №274 мектептің 11 сынып оқушысы Даулет Нұрболатов «Қазақстан тарихы» пәні бойынша «Күміс медаль» иегері атанып, жеңіс тұғырынан көрінді. Жетекшісі жоғары санатты, тарих пәні мұғалімі Роза Ильясова.<blockquote>«Сыр елінің мерейін білімдерімен көрсетіп, мәртебелі еткен барлық жеңімпаздарды да жеңістерімен құттықтаймыз, білім шыңында қанаттарыңыз талмай, алар жетістіктеріңіз көбейе берсін!» дейді қарашаңырақтың ұстаздары.</blockquote><img src="https://knadmin.beoblood.kz/uploads/342211949_245763124639771_6844699210433809002_n_42ec60dfdc.jpg" alt="342211949_245763124639771_6844699210433809002_n.jpg">Ауданда сенбілік жұмыстары жалғасудаТабиғат тазалығы – халық саулығы екенін ескерсек, айнала қоршаған ортамызды, табиғатты таза ұстау – баршамыздың азаматтық парызымыз. Қармақшы ауданында «Birge – taza Qazaqstan» жалпыреспубликалық акциясы аясында әр сенбі сайын өткізілетін көркейту-көгалдандыру, санитарлық тазалық жұмыстары бүгін де барлық кент, ауылдық округ аумағында жалғасты.Сенбілік жұмыстарына бір кісідей қатысқан барлық мекеме қызметкерлері өздеріне бөлінген аймақтардағы көшелер мен жол жиектерін, арықтар мен әлеуметтік нысандардың айналасын күл-қоқыстан тазартып, абаттандыру жұмыстарын жүргізді.<blockquote>«Барша аудан тұрғындарын айналамызды, өз аумағымызды таза ұстап, туған жерімізді көркейту-көгалдандыру жұмыстарына атсалысуға шақырамыз!» дейді сенбілікке шыққан көпшілік.</blockquote><img src="https://knadmin.beoblood.kz/uploads/342717534_756769986036367_8469812544495120555_n_68175a11b3.jpg" alt="342717534_756769986036367_8469812544495120555_n.jpg">Ардагер спортшы-ұстаз атынан турнир ұйымдастырылдыҚармақшы ауданында Омар Шораяқұлы атындағы №30 мектепте Қазақстан Республикасының «Құрметті спорт қайраткері», Қазақстан педагогикалық ғылымдар академиясының мүшесі, ардагер ұстаз Еркін Оразбекұлы Атабаевтың жүлдесіне арналған ерлер арасында волейболдан аудандық турнир болып өтті.Турнирдің ашылу салтанатын Қармақшы ауданы әкімінің орынбасары Жұлдызхан Байназарұлы ашып, Еркін Оразбекұлының бар саналы ғұмырын шәкірт тәрбиелеумен қатар, ауданда спорт саласының дамуына қосқан еңбегін атап өтіп, спортшыларға сәттілік тіледі. Аталған турнирге Қармақшы ауданы орталығы мен елді мекендердегі мектеп мұғалімдері қатысып, өзара бақ сынасты.<img src="https://knadmin.beoblood.kz/uploads/342544662_738668801138761_5246008366889739731_n_66a00f9eae.jpg" alt="342544662_738668801138761_5246008366889739731_n.jpg">Ауданда баспана кілті табысталдыҚармақшы ауданында республикалық "Харекет" қайырымдылық қоры арқылы 13-ші баспана кілті табысталды. Аудандағы кезекті 911-ші баспана кілті Нұрлан Әбдірамановтың отбасына бұйырды. Бүкіл Қазақстанның қолдауы арқылы, жетімін жылатпаған, жесірін қанғытпаған халықтың арқасында арнайы 911-ші сертификатын,үйдің кілтін Қармақшы ауданындағы "Адина" сауда үйінің басшысы, қайырымдылық шараларына белсенді атсалысатын жеке кәсіпкер Нағима Тиышбекқызы Тоқсанбаева табыстады.Айта кеткен жөн, қармақшылық еріктілер мұндай игі бастаманың бас-қасынын табылды.<img src="https://knadmin.beoblood.kz/uploads/342063987_107334035677516_4740557425617276333_n_5542bb54e8.jpg" alt="342063987_107334035677516_4740557425617276333_n.jpg">&nbsp;

Қазақстан және Қызылорда облысының жаңалықтары