<a href="https://kyzylorda-news.kz/">Kyzylorda-news.kz.</a> Соник, Сега, Денди, Тетрис. Бұл біздің бала күнгі қолданған «Айпадымыз». Бұлар бір көшедегі бір үйде ғана болатын. Ауылдың қара домалақтары жиналып, таласып ойнап, күн ұясына батқанда тарқайтын. Ал, мектепке жаңа компьютер келсе мұғалімдердің өзі балаша қуанатын. «Интерактивті тақта келді» дегенде «ол не екен?» деп таңданатынбыз. Тіпті әрбір үйде шот есептеуіш ілініп тұратын. Қазір қалтафон функциясынан кез келген керегіңді қиналмай табасыҢ. Қысқасы, біз білетін тінтуірді сонау 1968 жылы Дуглас Энгельбарт есімді өнертапқыш ойлап тапқан. Сол кездің өзінде ол алақандай тінтуір жайлы айтып қана қоймай, терезе интерфейсін, гипермәтін, видеоконференция, мәтіндік редакторлар хақында презентация жасап, қорғап шыққан екен. Алайда, өнертапқыштың ұсынысы технологиялық индустрияға бірден ене қоймады. Жаңа идея ойлап, оны ұсыну оңай болса, дамыту әлдеқайда қиын. Бүгінгі қаузайтын тақырыбымыз білім беру саласындағы Ed-Tech индустриясы жайында болмақ. Оның әлемде және елдегі қарқыны қандай? Өзіміздің аймақта ше? Білім беру саласына жаңа технологиялар енгізіп, одан қалай оң нәтиже алуға болады?Одри Уотерстің «Білім беру технологияларының құбыжықтары» деген кітабынан хабарыңыз бар ма? Бұл заманауи технологияларды білім саласында қолдануға септігін тигізетін бірден-бір құрал. Кітаптың жалпы мазмұны мынадай: «Мектепке iPad әкелу қиын емес, қиыны – оның көмегімен бірдеңе істей алу. Білім беру технологияларының атасы деп Алан Кейді айтып жүрміз. Ол балаларға арнап Dynabook компьютерін ойлап тапқан. 1972 жылы Алан Кей «Барлық балаға арналған дербес компьютер» дейтін манифесін жариялады. Кей оны қалай көргенін айтайық па? Сипаттамасы шамамен мынадай: көлемі қазіргі ноутбуктен кішірек, салмағы 2 келіден аспайтын, желімен байланыстырылған. Бағасы 500 доллардан арзан. 1972 жылы (iPad-тың шығуынан 40 жыл бұрын) Алан «Біздің технологиялар барлық бала мен ата-анаға Dynabook-ті қалаған жерінде қолдануға мүмкіндік береді» деген екен. Білім беру технологияларының тарихы да, компьютерлік технологиялар тарихы сияқты тамыры тереңге жайылған. Бұл екі саланың бір-бірімен тығыз байланысты болуы – технологияға құрылуында. Екеуі де білім беру мекемелерінде жасалатын ғылыми-зерттеу жұмыстарына тәуелді».Технологиялық индустрия мен білім беру секторының ерекшеліктері әр түрлі. Мәселен, технологиялық компаниялар жаңа өзгерістерге дайын болса, білім беру орындары қағазбастылыққа тұралап қалған. Уақыт өткен сайын бұрын-соңды миға қонымсыз көп дүниені еріксіз қабылдайтын болдық. Алдыңғы ғасыр адамы көк сиямен ақ параққа жазғанына қуанса, бір ғасырдан соң калькулятор пайда болды. Ал, бүгінгі түрлі смартфонның өмірімізге қалай еніп кеткенін де аңғармай қалдық. &nbsp;Батыстағы басымдық бағамыӘлемдегі жағдай әр түрлі. Бірі – алдыға жылжып кетсе, бірі – енді даму үстінде. Былтырғы білім беру саласына бөлінген қаражаттың басым бөлігі америкалық стартаптарға берілген. Оны жеке білім беру несиелері, онлайн-білім беру, емтиханға дайындық, сыни ойлау курстары, түрлі біліктер үйретуге бағыттаған. 2011-2016 жылдары АҚШ-та жалпы әлемдік көрсеткіштің 67 пайызын құрайтын 1300 келісім жасалған екен. Яғни, инвестор мен стартаптар арасындағы бірлескен жұмыстар жүргізілген. Қазіргі таңда Udemy, Udacity және PluralSight сынды онлайн білім беру платформаларының бағасы 1 миллиард долларға бағаланады. Бұл салада Ұлыбритания да бар. Ed-Tech UK мәліметтері бойынша, бүгінде елде 1200-ге жуық компания белгілі. Еуропадағы барлық инвестицияның 34 пайызы Ұлыбританияға тиесілі. Жыл сайын Ed-Tech-ке 300 миллион фунт стерлинг жұмсалады. Мәселен, танымал білім беру қосымшаларының бірі – Kahoot. Бір айда қолданушылар саны 50 миллионға жетеді деседі. Осының арқасында компания 20 миллион фунт стерлинг табыс тапқан екен.Өзге елдердегі өзгешелікБірі алдыңғы қатарлы көшбасшы болса, әупірімдеп қадам басып келе жатқандары да бар. Мәселен, Африка¬дағы онлайн білім беру нарығы 2013 жылы 355 миллион доллар болған. Себеп – халықтың тек 29 пайызына ғана интернет қолжетімді. Сонымен қатар, 128 миллион баланың 17 миллионы мүлдем мектепке бармайды екен. Қалған 37 миллионы бала еңбегі мәселесіне байланысты бастауыш білімді де ала алмайтын көрінеді. Алайда, мобайл білім беруге күш салуға болады. Себебі, телефон нарығы Африкада қарқынды өсіп келеді. Айталық, балаларды SMS арқылы оқытатын Rethink Education деген мобайл білім беру платформасы жұмыс істейді. Посткеңестік елдер ішінде басты драйвер – Ресей. Білім беру нарығы 2016 жылы 29 миллиард доллар болса, оның 1,1 пайызы немесе 334 миллион доллары – онлайн оқыту. 2021 жылға қарай 2,6 пайызға көбейген екен.Қазақстандағы халі қандай?Инвестиция көлеміне қатысты нақты цифрлар айту қиын. Көлемі бойынша жекелеген кейсті көз алдыңызға келтіріп көрелік. Халықаралық қаржыландыруға қол жеткізген жобалардың ішінде Robo Wunderkind бар. Бастапқыда 10 мың доллар көлемінде «көмек» алған. Осылайша, 2015 жылы команда Kickstarter-ға шығып, 246,6 мың доллар инвестицияға қол жеткізген. Бүгінде ақпараттық-коммуникациялық технологияларды білім беру процесіне енгізу мақсатында мемлекеттік бағдарламалар қолға алынуда. Мұның барлығы да ғылым мен білімнің дамуына бағыт-талған. 2019 жылда аталған технологияларды білім беру үдерісіне 90 пайыз араластыру болған. «Цифрлы Қазақстан» нысаны осыны көздеген.2-3 ақпан Алматы қаласында Digital Almaty 2023 халықаралық tech форумы өтті. Форумда цифрландыру саласындағы үздік компаниялар марапатталды. Соның ішінде, Bugin Holding компаниясына қарасты Daryn.online платформасы жыл қорытындысы бойынша «Ең үздік EdTech жоба» номинациясын жеңіп алды.EdTech (қаз. білім беру технологиялары) – білім беру саласындағы заманауи технологияларды біріктіретін инновациялық шешімдер. Бұл номинация инновациялық тәсілді қолданып, білім беру саласындағы өзекті мәселелерді шешетін және ең үздік сапалы қызмет көрсетуші жобаға беріледі. Номинацияны Арменияның Премьер-министрі Никол Пашинян табыстады.Bugin Holding – өз экожүйесін қалыптастырған, заман талабына сай жабдықталған еліміздегі алғашқы қазақ тілді IT компания. Холдингтің ІТ нарығында танымал бірнеше жобасы бар: Ма-Ма!, OrdaGen, Daryn.online, Daryn Teacher, Educenter, Bugin.kz және т.б.Осы жобалардың ішінде ең танымалы: 4 млн-нан астам оқушы мен ұстазға қашықтан сапалы білім беруді қамтамасыз етіп отырған Daryn.online платформасы. Өткен 2022 жыл Daryn.online үшін табыс пен тәжірибеге толы болды: Компания 2,4 млн доллар инвестиция тартты, Prometheus School-дың құрылтайшысы атанып, еліміздегі алғашқы гибридті мектеп идеясын жүзеге асырды, мектеп процестерін автоматтандыруға (LMS) арналған Daryn Pro жобасы іске қосылды, Daryn Teacher 2.0 іске қосылып, оқушылар 180 000+ рет мектеп сабақтары бойынша қиындық тудырған сұрағына жауап алды, Daryn Tutor 3 117 астам жаңа репетитор қосылып, 2 261 оқушы өзіне жақын аймақтан репетитор тапты, білім алушыларға контентті ойын методикасы арқылы беруге арналған Daryn GO жобасы іске қосылды, оқу процесін тежейтін күрделі тапсырмаларды шешудегі көмекші Daryn Help жобасы іске қосылып, 10 000-нан астам сұраққа жауап берілді, Daryn.online қызметтері білім алушылар арасындағы бағалау бойынша (NPS) 82% қолданушының көңілінен шықты, онлайн білімді одан да сапалы әрі қолжетімді ету мақсатымен және платформа қолданушыларының сұрауымен әр пән бойынша көмекші куратор қосылды, Daryn.online платформасында өткізілетін олимпиада Қазақстандағы ең танымал әрі жиі тапсырылатын олимпиада атанды. 87 500 оқушы мен 34 800 мұғалім олимпиадада бақ сынады, Daryn.online-мен 14 429 оқушы ҰБТ-ға дайындалып, оның 75,2%-ы грантқа түсті және байқау сынағы 345 026 рет тапсырылып, орташа көрсеткіші 72,6 баллды құрады.<blockquote>«Daryn.online -ның алдағы жоспары: еліміздегі сәтті жобаларды шетел нарығына экспорттау. Біз қазір Өзбекстан нарығына ағылшын тілін енгізіп жатырмыз, ал Сауд Арабиясы мен Индонезия нарығына математика пәнін (iDaryn) біздің қалыптастырған методикамен сол елдің тілдерінде жасаудамыз. Білім бізді біріктіреді, біз бұған сенеміз», – дейді Daryn.online платформасының негізін қалаушылардың бірі Айбек Қуатбаев.</blockquote>Daryn.online миссиясы – сапалы білімді қолжетімді ету, еліміздегі білім сапасын арттыру жолында жаңа технологиялар мен инновацияларды жасау. Кез келген оқушының білім алып, ұстаздың сабақ беріп және ата-ананың дамуы үшін Daryn.online заманауи шешімдер қабылдап, алға қойған жоспар бойынша жұмыс істеуге әзір.Аймақта ше?Қорқыт Ата атындағы Қызылорда университетінің бизнес-инкубаторы және Қызылорда облысының ақпараттық технологиялар орталығының базасында стартаптар мен новаторларды қолдау және дамытуға арналған Kyzylorda Hub стартаптар технопаркі ашылды. Тиімді стартаптарды құруда, инвестиция тартуда көмек беретін бизнес-инкубатор Astana Hub халықаралық стартаптар технопаркінің Қызылорда облысы бойынша өңірлік хабы ретінде жұмыс істейді.Kyzylorda Hub басты мақсаты – өңіріміздегі инновациялық жобаларды дамыту, аталмыш бағыт бойынша кадрлар даярлау және білім беру. Стартаптар, инвесторлар, менторларды бір жерде түйістіруге бағытталған орталыққа қосыламын деушілерге мүмкіндіктер қарастырылған. Стартап жобаларды дамыту барысында инкубациялық кезеңде кәсіпкерлік білімін, жобалардың прототипін, инвестиция тартуға, қаржылық есеп жүргізу және PR бағыты бойынша қолдау көрсетіледі.Astana Hub технопаркімен серіктестік аясында мектеп және колледж бітіруші түлектер арасындағы облыстық стартап жобалар байқауы «Startup Talapker», үздік стартап жобаларды анықтауға, дамудың жаңа деңгейіне шығуына қолдау көрсетуге, үздік жобаларды марапаттауға арналған «Idea Battle» байқауы және «Startup Joly» инкубациялық кезеңі ұйымдастырылады. Сонымен қатар, өз стартап жобасын бастағысы және өз ісін дамыту бойынша білім алғысы келетін азаматтарға арналған онлайн білім беретін &nbsp;«Startup School», кодты пайдаланбай IT өнімді әзірлеудің жаңа дағдысын көрсететін «No Code» курстарымен қатар технологиялық кәсіпкерлік бойынша студенттерге арналған «Startup Academy» бағдарламасы іске асырылады.Қызылорда облысының ақпараттық технологиялар орталығының қолдауымен өңірде Smart city Hackathon, Pecha Kucha Night, Innofest Kyzylorda 2024 инновациялық жобаларды дамыту бағытындағы іс-шаралар ұйымдастырылады.Айта кетейік, жастар кәсіпкерлігі концепциясы аясында университет студенттері мен оқытушылары үшін стартап жобаларын әзірлеуге бағытталған, өз істерін бастауды қалайтын, бірақ мүмкіндігі жоқ жас кәсіпкерлерді қолдау және нәтижелі өндіріс құруда көмек көрсету мақсатында &nbsp;құрылған Қорқыт ата атындағы Қызылорда университетінің бизнес-инкубаторы 2017 жылдан бастап жұмыс істейді. &nbsp;Инкубатордың жалпы жұмыс барысында 139 резидент пен 7 600 жас қамтылды.&nbsp;

Аймақ Ed-Tech индустриясына бет бұруда

<a href="https://kyzylorda-news.kz/">Kyzylorda-news.kz.</a> Ағымдағы жылдың 20-22 сәуір күндері аралығында Тараз қаласында самбодан жасөспірімдер арасындағы Қазақстан Республикасының чемпионаты өтті. &nbsp;ҚР чемпионатында Қармақшы ауданының спортшысы Ұлтай Сейілова 80 келі салмақ дәрежесінде Қазақстан Республикасының чемпионы атанды. Сонымен қатар Ұлтай Сейілова Әлем және Азия біріншілігіне жолдама алды. Жаттықтырушысы – Гүлайлым Нұрмаханова.Орман, дала өрттерінің алдын алу мақсатында өрт-тактикалық жаттығу өттіЖақында «Қармақшы орман және жануарлар дүниесін қорғау жөніндегі мемлекеттік мекемесі» КММ-сі, Қармақшы ауданы Төтенше жағдайлар бөлімі мен аудандық №10 өрт сөндіру бөлімінің қызметкерлерімен бірлесіп, жоспар бойынша Батыс Еуропа – Батыс Қытай автодәлізінің бойындағы тұқымбағының оңтүстік-шығыс жақ бетіндегі 3 гектар бөлігінде орман және дала өрттерінің алдын алу мақсатында өрт-тактикалық жаттығу өткізіліп, күштер мен құралдардың әзірлігі тексерілді.Оқу-жаттығуға «Қармақшы орман және жануарлар дүниесін қорғау жөніндегі мемлекеттік мекемесі» КММ-нің 1-ГАЗ-3308-50 өрт сөндіру автокөлігі, 1-ХТЗ Т-150 тракторы соқасымен, 1-УАЗ «Хантер» автокөлігі, 2-аға өрт сөндіруші, 5-өрт сөндіруші, 3-орман шебері, 9-орманшы, 1 тракторист-машинист, 1 автокөлік жүргізушісі мен өрт сөндіруге арналған құралдары және аудандық № 10 өрт сөндіру бөлімінің 8 қызметкері 1 АЦ-5-40 өрт сөндіру автокөлігі және Қармақшы ауданы Төтенше жағдайлар бөлімінен 2 қызметкер 1 «Ssang Yong Kyron» автокөлігі қатыстырылды.<blockquote>«Жаттығу мақсаты – орман өртінің алдын алу. Құрметті Қармақшы ауданының тұрғындары мен қонақтары, орман-тоғайды ластамайық,өрт қауіпсіздігін сақтауларыңызды сұраймыз!» дейді Қармақшы аудандық Төтенше жағдайлар бөлімінің мамандары.</blockquote><img src="https://knadmin.beoblood.kz/uploads/343059182_782867443058946_3676154473982531383_n_8845b64789.jpg" alt="343059182_782867443058946_3676154473982531383_n.jpg">Түнгі рейд жұмыстары тұрақты жүргізіліп келедіҚармақшы ауданының орталығында кәмелетке толмағандар арасындағы қылмыс пен құқық бұзушылықтың алдын алу бойынша түнгі рейдтік жұмыстар жалғасуда. Рейд жұмыстарын тиісті сала мамандары және жергілікті полиция қызметкерлері жүргізді.Профилактикалық жұмыстар барысында жастар көп шоғырланатын орындар, орталық және шеткі көшелер қамтылды.<blockquote>«Қармақшы аудандық қоғамдық даму, аудандық полиция бөлімдері мен тиісті сала қызметкерлері қоғамдық тәртіпті бақылау мақсатында жасөспірімдер көп шоғырланатын нысандарды аралады. Рейд барысында компьютерлік ойын-сауық орындары, парктер, спорт алаңдары қамтылды. Рейд жұмыстары кезінде кәмелетке толмаған жасөспірімдерге түнгі мезгілде қоғамдық орындар мен көшелерде ата-анасыз немесе заңды өкілсіз шектеулі уақытта жүруге тыйым салынғаны жөнінде түсіндірме жұмыстары жүргізілді. Жасөспірімдер арасында құқық бұзушылық пен қылмыстың алдын алу мақсатындағы арнайы рейдтік топтың жұмыстары алдағы уақытта да ұдайы жүргізілетін болады», дейді сала мамандары.</blockquote><img src="https://knadmin.beoblood.kz/uploads/342343242_150367271303048_1009829940488517158_n_ccdb40c47f.jpg" alt="342343242_150367271303048_1009829940488517158_n.jpg">Республикалық олимпиадада қармақшылық оқушы жеңімпаз атандыРеспубликалық олимпиаданың қоғамдық-гуманитарлық бағыты бойынша қорытынды кезеңі өткізілді. Қорытынды кезеңге 7 пән бойынша 29 оқушы қатысып, бақ сынады. Сыр елінің мерейін үстем еткен жеңімпаздар қатарында №274 мектептің 11 сынып оқушысы Даулет Нұрболатов «Қазақстан тарихы» пәні бойынша «Күміс медаль» иегері атанып, жеңіс тұғырынан көрінді. Жетекшісі жоғары санатты, тарих пәні мұғалімі Роза Ильясова.<blockquote>«Сыр елінің мерейін білімдерімен көрсетіп, мәртебелі еткен барлық жеңімпаздарды да жеңістерімен құттықтаймыз, білім шыңында қанаттарыңыз талмай, алар жетістіктеріңіз көбейе берсін!» дейді қарашаңырақтың ұстаздары.</blockquote><img src="https://knadmin.beoblood.kz/uploads/342211949_245763124639771_6844699210433809002_n_42ec60dfdc.jpg" alt="342211949_245763124639771_6844699210433809002_n.jpg">Ауданда сенбілік жұмыстары жалғасудаТабиғат тазалығы – халық саулығы екенін ескерсек, айнала қоршаған ортамызды, табиғатты таза ұстау – баршамыздың азаматтық парызымыз. Қармақшы ауданында «Birge – taza Qazaqstan» жалпыреспубликалық акциясы аясында әр сенбі сайын өткізілетін көркейту-көгалдандыру, санитарлық тазалық жұмыстары бүгін де барлық кент, ауылдық округ аумағында жалғасты.Сенбілік жұмыстарына бір кісідей қатысқан барлық мекеме қызметкерлері өздеріне бөлінген аймақтардағы көшелер мен жол жиектерін, арықтар мен әлеуметтік нысандардың айналасын күл-қоқыстан тазартып, абаттандыру жұмыстарын жүргізді.<blockquote>«Барша аудан тұрғындарын айналамызды, өз аумағымызды таза ұстап, туған жерімізді көркейту-көгалдандыру жұмыстарына атсалысуға шақырамыз!» дейді сенбілікке шыққан көпшілік.</blockquote><img src="https://knadmin.beoblood.kz/uploads/342717534_756769986036367_8469812544495120555_n_68175a11b3.jpg" alt="342717534_756769986036367_8469812544495120555_n.jpg">Ардагер спортшы-ұстаз атынан турнир ұйымдастырылдыҚармақшы ауданында Омар Шораяқұлы атындағы №30 мектепте Қазақстан Республикасының «Құрметті спорт қайраткері», Қазақстан педагогикалық ғылымдар академиясының мүшесі, ардагер ұстаз Еркін Оразбекұлы Атабаевтың жүлдесіне арналған ерлер арасында волейболдан аудандық турнир болып өтті.Турнирдің ашылу салтанатын Қармақшы ауданы әкімінің орынбасары Жұлдызхан Байназарұлы ашып, Еркін Оразбекұлының бар саналы ғұмырын шәкірт тәрбиелеумен қатар, ауданда спорт саласының дамуына қосқан еңбегін атап өтіп, спортшыларға сәттілік тіледі. Аталған турнирге Қармақшы ауданы орталығы мен елді мекендердегі мектеп мұғалімдері қатысып, өзара бақ сынасты.<img src="https://knadmin.beoblood.kz/uploads/342544662_738668801138761_5246008366889739731_n_66a00f9eae.jpg" alt="342544662_738668801138761_5246008366889739731_n.jpg">Ауданда баспана кілті табысталдыҚармақшы ауданында республикалық "Харекет" қайырымдылық қоры арқылы 13-ші баспана кілті табысталды. Аудандағы кезекті 911-ші баспана кілті Нұрлан Әбдірамановтың отбасына бұйырды. Бүкіл Қазақстанның қолдауы арқылы, жетімін жылатпаған, жесірін қанғытпаған халықтың арқасында арнайы 911-ші сертификатын,үйдің кілтін Қармақшы ауданындағы "Адина" сауда үйінің басшысы, қайырымдылық шараларына белсенді атсалысатын жеке кәсіпкер Нағима Тиышбекқызы Тоқсанбаева табыстады.Айта кеткен жөн, қармақшылық еріктілер мұндай игі бастаманың бас-қасынын табылды.<img src="https://knadmin.beoblood.kz/uploads/342063987_107334035677516_4740557425617276333_n_5542bb54e8.jpg" alt="342063987_107334035677516_4740557425617276333_n.jpg">&nbsp;

Қармақшылық қыз Қазақстан чемпионы атанды

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблея жанындағы ақпараттық түсіндіру тобы мүшелерінің кезекті кездесуі Мұстахым Ықсанов атындағы Қызылорда политехникалық колледжінің мәжіліс залында өтті.&nbsp;Жиынға облыстық қоғамдық даму басқармасының «Қоғамдық келісім» КММ директорының орынбасары, Философия докторы (PhD) Дәулет Омаров, мекеменің бөлім басшысы Мұхтар Ибраев, неміс этномәдени бірлестігінің мүшесі, тіл жанашыры Светлана Крюгер қатысты.Топ мүшелері мемлекет басшысы Қасым-Жомарт Кемелұлы Тоқаевтың «Бірлігіміз – әралуандықта» деген басты қағидатын негізге ала отырып, дамудың даңғыл жолына түсудегі тұрақтылықтың маңыздылығына тоқталып өтті. Сонымен бірге, 1 мамыр – Қазақстан халқының бірлігі күні мерекесінің мән-маңызын, елдегі бірлік пен татулыққа мән беріп, оны өмірлік ұстанымы етіп, іс жүзінде жүзеге асыра білген халық қана бейбітшілік пен бірлікте ғұмыр кешетіндігі туралы кеңінен тарқатып айтты.Ақпараттық түсіндіру тобының мүшелері Сыр өңірінде этносаралық татулық пен қоғамдық келісімді нығайту бағытында қолға алынған ауқымды істер, этномәдени бірлестіктердің жұмыстары, өңірімізде мекен еткен барлық этнос өкілдері достықтың, конфессияаралық түсіністіктің қаймағы бұзылмауы жолындағы еңбектері жайлы айтып өтті. Қатысушылар тарапынан сұрақтар қойылып, кездесу пікір алмасуға ұласты.

«Бірлігіміз – әралуандықта»: Қызылордада ақпараттық түсіндіру тобы кездесу өткізді

<a href="https://kyzylorda-news.kz/">Kyzylorda-news.kz.</a>&nbsp;Бүгінде жасөспірімдер арасындағы құқық бұзушылықтар үлкен алаңдаушылық тудырғаны мәлім. Балалар мен жасөспірімдердің арасындағы әлімжеттік, бір-біріне сес көрсетуі жас жеткіншектердің еркін жүріп-тұруына кері әсерін тигізіп жатқаны алаңдатады. Осы мәселе бүгінде өзекті дүниелердің біріне айналып отырғаны жасырын емес. Сондықтан бұл мәселеге ерекше мән берілуі керек.Сырдария ауданы №35 Иса Тоқтыбаев атындағы мектеп-лицейде «Жасөспірімдер арасында жиі орын алатын құқық бұзушылық және олардың қылмыстық жауапкершілігі» тарыбында алқалы жиын өтті. Алқалы жиын 8-11 сыныптың ұлдарына бөлек, қыздарына бөлек ұйымдастырылған болатын.Ер балалармен өткен жиынға аудан әкімінің орынбасары Д.Байдушев, аудандық білім бөлімінің басшысы Б.Жәнібеков, аудандық полиция бөлімінің жергілікті полиция бөлімшесінің бастығы А.Мұстафаев, «Шаңырақ» әкелер кеңесінің төр¬ағасы М.Елеусінов, аудандық аурухана психологы М.Маханбетжанов қатысты.Ең алдымен, аудан әкімінің орынбасары Д.Байдушев қазіргі кезеңдегі жасөспірімдер арасында құқық бұзушылық көбейгенін, оның алдын алу жұмыстарын қоғам болып жүзеге асыру керектігін айтты. Бұған ата-ана да, ұстаздар да, барлық қоғам өкілі жауапты екенін жеткізді.<blockquote>– Мемлекетіміздің бүгіні мен ертеңі – жастардың қолында екені мәлім. Олардың алдыңғы атқарар іс-әрекетінің түп тамыры бүгінгі күнмен тығыз байланысты. Сондықтан елімізде жастар саясатына айтарлықтай көңіл бөлініп келеді. Көптеген жастар ісі бойынша қоғамдық ұйымдар құрылғандығы тағы да белгілі.Бұл жастар мен жасөспірімдердің тағдыры кімді болса да бейтарап қалдырмай, оларға үнемі қолдау көрсетілуде. Дегенмен кейінгі кездегі жасөспірімдер арасындағы құқық бұзушылық әрекеттердің көбеюі көпшілікті алаңдатуда. Сол себепті де бұл қазіргі қоғамдағы ең өзекті мәселелерінің бірі саналады. Жасөспірімдер арасындағы қылмыс-тарды болдырмауға қоғам жауапты. Және де жас жеткіншектер де жауапкершілікті сезіне білуі тиіс, – деді Димаш Серікбайұлы.</blockquote>Жиында іс-шараға қатысқан меймандар жасөспірімдер арасындағы қылмыстар мен құқық бұзушылыққа, буллинг пен кибербуллингке, есірткі құмарлық пен нашақорлық, суицидтің және топтық төбелестің алдын алу бойынша өз пікірлерін білдірді. Отбасындағы қолайсыз жағдай, олардың сабаққа бармай қалуы, өздерінің құқықтарын дұрыс білмеуі, ата-ана тарапынан қадағалаудың жоқтығы жасөс¬пірімдердің қылмыс жасауына әсер ететін негізгі факторлар екенін атады. Құқық бұзушылыққа жол берген жасөспірдерге жауапкершілік қаралғаны түсіндірілді.Аудандық полиция бөлімінің жергілікті полиция бөлімшесінің бастығы А.Мұстафаев кәмелетке толмағандар арасындағы қылмыстың өсуіне жол бермеу маңызды екеніне тоқталды. Полиция подполковнигі өрімдей жастардың қылмыс жасауы көз үйренген көрініске айналып бара жатқанын тілге тиек етіп, оған тосқауыл қою керектігін айта білді.<blockquote>Тәртібі қиын бала есейген сайын қылмыстың ауыр түрлерін жасауға бейімі арта береді. Сол себепті бұл – аса өткір мәселе. Қазіргі таңда өмірге көзқарастары толық қалыптаспаған жастардың арасында қылмыстардың жасалуы жиі кездесуде. Алдын ала жоспарланып, дайындалып, техникамен жабдықталған қылмыстар санының артуы, жастардың топтасып құқық бұзушылық жасауы белең алған. Мұндай құқық бұзушылық фактілеріне қатысы бар жасөспірімнің болашағына балта шабылады, оның арты жақсы болмайтыны айқын. Осы себепті де болашағы жарқын, келешегі кемел азамат болу үшін құқық бұзушылыққа, қылмысқа жоламай, үйдегі үміт артып отырған ата-ананы, мектептегі ұстаздарды жерге қаратпау керек, – деген А.Мұстафаев балалар арасында топтық төбелестің алдын алуды ұйымдастыру бағытында аудан бойынша қоғамдық емес ұйым өкілдері, мектеп ұстаздары, ата-аналардың қатысуымен күшейтілген рейд ұйымдастырылып жатқанын ескертті.</blockquote>Алқада «Шаңырақ» әкелер кеңесінің төрағасы Мектепхан Елеусінов жасөспірімдердің қылмыс жасауының себептерін атады.<blockquote>Шын мәнінде, ата-аналардың бала тағдырына алаңдамауынан, оларды өз беттерінше қалдырып, мектептен тыс бос уақыттарында немен шұғылданып жүргенін қадағаламауынан осындай жағдайлар орын алады. «Ел болам десең – бесігіңді түзе» деп дана халқымыз айтқандай, әрбір ата-ана өз баласының тәрбиесіне аса мән беріп, бос уақытына қатаң бақылау жасаса, жасөспірімдер арасында құқық бұзушылықтың төмендеуіне көп септігін тигізер еді, – деді М.Елеусінов.</blockquote>Жиын барысында аудандық аурухананың психологы М.Маханбетжанов жасөспірімдер арасында белең алған адам ағзасына зиян келтіретін шылым шегу, электронды темекіні тұтыну зардабы жөнінде түсіндірме жұмыстарын жүргізді.Ал қыз балаларға арналған жиынға ардагер-ұстаз А.Ізбасарова, аудандық емхана психологы Н.Қожагелдиева, «Отбасын жоспарлау» кабинетінің қызметкері Р.Үсенбай, учаскелік полиция инспекторы А.Көштаева, мектеп-лицейдің тәрбие ісі жөніндегі орынбасары Л.Сағымбаева, мектепішілік «Ақжүніс» қыздар ұйымының төрайымы С.Құрамысова қатысып, бұзақылықты болдырмау, құқық бұзушылықтың алдын алу, саламатты өмір салтын сақтау мәселелерін талқылады.Осы күні жасөспірімдердің түнгі мезгілдерде көшеде жүрмеуіне байланысты тұрақты түрде рейд жұмыстары жүргізілуде. Аталған жұмыс барысында ел болашағы саналатын жастардың қауіпсіздігін қамтамасыз етеді, жасөспірімдер арасындағы құқық бұзушылықтың алдын алады.&nbsp;

Сырдарияда жасөспірімдер арасындағы құқық бұзушылыққа қатысты алқалы жиын өтті

Сырдария аудандар көшін бастады

<a href="https://kyzylorda-news.kz/">Kyzylorda-news.kz.</a> Қазалы ауданынан шалғайда жатқан елді мекендердің облыс орталығынан 460 шақырым қашықтықта орналасуы мен ауыр жағдайдағы науқасты дер кезінде жеткізу қиындығына орай «Медтроник - Казахстан» АҚ ангиограф аппаратын қою туралы ұсыныс жасаған. Осыдан бес жыл бұрын адам өміріне сапалы көмек көрсету мақсатында қойылған талап бойынша 250 мың халық қамтылу тиіс болатын. Оңтайлы ұсыныс жан-жақты талданып, екі жылдан соң Қазалы аудандық ауруханасына ангиограф жабдығы қойылды. Межелі жоспар бойынша Қазалы, Қармақшы, Арал аудандары мен Байқоңыр қаласы және теміржол ауруханасы пациенттеріне қызмет ету көзделді. Осы ретте6 Қазалы аудандық ауруханасының ресми атауы «Қазалы ауданаралық ауруханасы» болып өзгерді.Сол кездегі Қазалы ауданаралық ауруханасының бас дәрігері Гүлжихан Нысанованың қолдауымен "Эндоваскулярлы" және 15 тәулік бойы және 3 күндізгі стационары бар "Кардиология" бөлімі ашылды. Осыдан кейін жедел және жоспарлы жолданған сырқаттанушыларды қабылдауда аурухана мамандары арнайы облыс орталығына барып, қайта даярлау курсынан өтті.Ангиохирург "Эндоваскулярлы" бөлімінің меңгерушісі Кенесары Баспаев "Көпбейінді облыстық аурухана эндоваскулярлы" бөлімінің меңгерушісі Нұрлан Исмайловтың жанында 8 ай тәжірибе алмасады. Кейін Нұрлан Исмайлов Қазалыда бірнеше ай болып, тікелей өзінің басшылығымен осындағы жаңадан іске қосылған бөлімнің жұмысын нықтайды.Қазір эндоваскулярлы бөлімінде аға мейіркеш Әлия Сүлейменова және медбраттар Тоқтар Әлімжан, Ақжол Айдарбек, кіші мейіркеш Айнұр Алданбергенова қызмет көрсетуде.Мұнымен қоса, "Кардиология" бөлімінің меңгерушісі және эхокардиографиясы маманы Ләзат Жұбанова "Көпбейінді облыстық аурухананың" № 1,2 кардиология бөлімінің меңгерушісі Гүлсім Бержаппарова және Нұрболат Лепесов пен кардиолог мамандар: Ғалымжан Абишев, Айгүл Махамбетовалардан тәжірибелік білімін жетілдіруде. Өткен жылы кардиология бөлімі 22 төсекке кеңейді. Мұнда аға мейіркеш Кенже Балтөре, мейіркештер: Гүлмира Арыстанова, Кенже Қалауова, Қаршыға Орынбаева, Марал Тлеуқұлова, Парасат Арықбаева күндіз-түні тер төгуде. Сондай-ақ, ас таратушы Айгүл Үндір, шаруашылық мейіркеші Гүлбағыш Исмағанбет және тағы басқа да кіші мейіркештер тынбай еңбек етуде.Ал негізгі маман кардиореаниматолог Аян Қазиұлы кардиореанимация бөлімінде жүрек аурулары бар ауыр науқастарға кеңес береді. Жұмысы күрделі бөлімнің жауапкершілігі де зор. Сондықтан кардиореанимация бөлімінің меңгерушісі Бейбіт Тоқсанбаев та облыста арнайы мамандардың бақылауымен біліктілігін артқан.Ақхалаттылардың өз кәсібіне деген адалдығының арқасында осы күнге дейін науқастарға 700-ге жуық коронография жасалып, 300-дей стент қойылған. Осыншама ем алғандар дертіне дауа тапқаны үшін алғаусыз алғыс айтуда.<blockquote>“Сегіз жылдан бері жүрек ауруымен есепте тұрамын. Осы уақытқа дейін бірнеше рет аудандық ауруханада емделдім. Бұл жолы өзіммен бірге дәрігерге көрінген үш адамға күрделі ота жасалынды. Туғаннан қасиетті Қазалыда өсіп, қаншама баланы оқытқан ұлағатты ұстазбын. Дегенмен, ауданда жүрекке ота жасалынатынын естімедім. Мұны білмейтіндер баршылық. Осындай ерен еңбегімен көзге түсіп, науқастардың жанына араша түсіп жүргендерді мақтан етемін. Ауруханаға аралдық Күнқияш Өмірзақова, Төретамнан келген Майра Қалиевалардың ризашылық сезімдерін жеткізгім келді. Дәрігерлер Кенесары, Қуаныш, Ақжол, Тоқтар еңбектеріне табыс тілейміз. Кардиология бөлімі дәрігері Ләззәт Серікқызы, дәрігер терапевт Айдана Мұратбекқызы ем домын жүргізуде. Әрбір науқасқа тиісті кеңесін беріп, жылы сөзімен дем беруде. Мейіркештердің еңбегі де бір бөлек. Дәрінің дұрыс берілуін қадағалап, қан қысымын өлшеп, жанға жайлы жағдай жасауда,”, – дейді Мейрамкүл Айжігіт.</blockquote>Болашақта "Ангиограф" аппараты коронография (КаГ), коронарлы артерияларды анықтау, баллон ангиопластика, шунтография, аяқ тамырларының артериографиясын жасау және жасанды ИКД, ЭКС аппаратын қою жоспарлануда. КаГ жасалатын жедел және жоспарлы жолданғандармен қатар жүректің созылмалы жетіспеушілігі бар, дилатационная кардиомиопатия, ишемиялық кардиомиопатия аурулары бар науқастар ем алады. Маңыздысы – халық дән риза. Дер кезінде мамандандырылған, сапалы көмек алуда.

Қазалыда қолы шипалы, емі сапалы білікті мамандар бар

<a href="https://kyzylorda-news.kz/">Kyzylorda-news.kz.</a>&nbsp; Сыр өңірінде дарынды балаларды қолдау мақсатында «Сыр дарыны» жобасы тиімді жұмыс жасауда.«Сыр дарыны» білімділер академиясының жаңа маусымы 2022 жылы қазан айынан бастау алды. Онда «Дарын» қосымша білім беру орталығының ұйымдастыруымен өткізілген іріктеу олимпиадасында үздік нәтиже көрсеткен 7-10 сынып оқушылары арасында 960 оқушы жыл бойы үзбей дайындық сабақтарына қатысатын болады.Оқу-жаттығу жиындары Арал ауданындағы «Қамбаш» және Жаңақорған ауданындағы «Талдысу» олимпиадалар және қосымша білім беру орталықтарының базасында өткізілуде. Бүгінде орталықтарда кестеге сәйкес жолдаманы жеңіп алған 7-сыныптың 240 оқушысы олимпиадаға дайындалуда. Мұнан соң 25 сәуірден бастап 9 сыныптар арасында іріктеуден өткен үздік 240 оқушы білім бәсекелеріне дайындықтарын шыңдайтын болады.10 күнге созылатын оқытуда оқушылар қалаған таңдау пәндері бойынша шебер, педагог-зерттеуші санатындағы мұғалімдерден білім алуда. Оқытушылар қазіргі заманауи үлгідегі құрал-жабдықтар мен интерактивті тақтамен қамтамасыз етілген кабинеттерде тереңдетілген білім беру стандартымен сабақ жүргізуде.«Талдысу» және «Қамбаш» олимпиадалар және қосымша білім беру орталықтарында сабақтан тыс оқушылар үшін күнделікті қызықты іс-шаралар да ұйымдастырылады. Лагерь әдіскерлері психологиялық тренингтер, танымдық ойындар мен спорттық шаралар өткізіп, оқушылардың бос уақыттарын көңілді өткізуде.Айта кетейік, білімділер академиясының оқу-жаттығу жиындары 12 аусыммен 6 ай бойы жалғасатын болады.

Қызылордада «Сыр дарыны» академиясының оқу-жаттығу жиындары өтіп жатыр 

<a href="https://kyzylorda-news.kz/">Kyzylorda-news.kz.</a> Жалағаш ауданындағы Аққыр бағытындағы жол жөндеу жұмыстары басталды. Жаңаталап-Аққыр аралығындағы 20,6 км жолды күрделі жөндеу жұмыстарына облыстық бюджеттен 664 миллион 835 мың теңге қаржы бөлінген.Қазіргі таңда жол жөндеу жұмыстары жүргізілуде. Мердігер компания «Қызылорда жолдары» ЖШС.Жалағаштық шаруалар суды үнемді пайдалануға бет бұрдыҚазіргі таңда Жалағаш ауданының дихандары бақша дақылдарын орналастыруда. Еңбектің өтемі болар өнімнің мол болуы судың жеткілікті болуына байланысты. Бүгінде Жалағаш ауданы, Жаңадария ауылының енбекқор азаматтары суды пайдалану барысында ысырапшылдыққа жол бермей, суды үнемдеу үшін полиэтилен жабындысы (под пленка) астына қарбыз егуді қолға алды.Ауылдағы кәсіпкерлікті дамыту мақсатында Жаңадария қауынын сатуға арналған арнайы орын әзірленіп, Жанадария қауын-қарбыз брендін қайта жаңғыратын болады.<img src="https://knadmin.beoblood.kz/uploads/342382685_254736086912552_4490516860507220884_n_a20e106d01.jpg" alt="342382685_254736086912552_4490516860507220884_n.jpg">Ауданда бүкілқазақстандық ағаш отырғызу күні акциясы өттіЖалағаш ауданында “Бүкілқазақстандық ағаш отырғызу күні” экологиялық акциясы өткізілді. Акцияға Жалағаш кенті және 14 ауылдық округ белсенді қатысты. Сондай-ақ, сенбілік барысында тал отырғызумен қатар қарықтарда су жүруге кедергі келтіретін қоқыстар алынып, су жолдарына қайта қазу және тал әктеу жұмыстары жүргізілді.<img src="https://knadmin.beoblood.kz/uploads/342190013_2115223845337271_709067828858757634_n_90d9a06357.jpg" alt="342190013_2115223845337271_709067828858757634_n.jpg">«Ораза айт» мерекесіне орай тартысты дода өттіЖалағаш ауданының қоғамдық даму бөлімінің мемлекеттік әлеуметтік тапсырысына сәйкес «Асыл Мұра-Орда» қоғамдық қорының ұйымдастыруымен мешіт жамағаты арасында ұлттық спорттың 4 түрінен (гір көтеру, арқан тарту, қол күресі, қазақ күресі) Жалағаш аудандық «Иманқұл» мешітінде спорттық іс-шаралар ұйымдастырылды.Іс-шараға кент және ауылдық округтерден 15 команда қатысып, жарыс нәтижесі бойынша І орын иеленген «Иманқұл» мешітінің командасына - 100 000 теңге, ІІ орын иеленген Ақсу ауылының командасына - 70 000 теңге, ІІІ орын иеленген Мәдениет ауылының командасына - 50 000 теңге табысталып, спорттық шараға белсенді қатысқан 12 командаға 15 000 теңгеден қаржылай сыйлықтар берілді. Қол күресінен 75 кг салмақта 1 орын жалағаштық Алмат Тәжмаханға бұйырса, 2 орын Мәдениет ауылынан келген Бекзат Андрейге бұйырды. Ал 3 орынды Жаңадариялық Фархад Қалбабаев иеленді. Сонымен қатар, +75 кг салмақта Жалағаш кентінен Мұхтар Тажмаханов 1 орын алса, 2 орынды Жасұлан Мыңбай иеленді. Ал 3 орын Ақсу ауылынан келген Данияр Байсақаловқа бұйырды. Гір көтері жарысы бойынша 1 орын жалағаштық Қайсар Төлегенге, 2 орын Нұрислам Орынбасарға, 3 орын ақсулық Данияр Байсақаловқа бұйырды. Қазақ күресінен өткен сайыста жалағаштық Жайдарбай Есенов 1 орыннан көрінсе, Ақсу ауылының тумасы Ұласқан Алпысбай 2 орынды иеленді. Жалағаштық Бекарыс Жаныс Бекарыс 3 орынды місе тұтты. Ал арқан тартысу сайысында1 орын Ақсу ауылына, 2 орын Жалағаш кентіне, 3 орын Мәдениет ауылы бұйырды.Жеңімпаздар Қызылорда облыстық "Асыл мұра" қоғамдық қорының арнайы қаржылай сыйлықтарымен және дипломдарымен марапатталды.<img src="https://knadmin.beoblood.kz/uploads/342688586_894295988507611_295803813214933934_n_9797a1e36c.jpg" alt="342688586_894295988507611_295803813214933934_n.jpg">Жалағашта баскетболдан аудандық жарыс өттіКамал Бердаулетовтың 100 жылдығына орай Жалағаш аудандық мәдениет және спорт бөлімімен "Наркескен" спорт клубының ұйымдастыруымен 8-10 сынып ер балалары арасында баскетболдан аудандық жарыс өтті.Жарысқа кент, ауыл округтеріне қарасты мектептерден 9 құрама команда қатысып, өзара бақ сынасты. Жарыс нәтижесі бойынша жүлделі I орынды Ақсу ауылынан келген "№116 орта мектеп" құрамасы иеленсе, II орынды "№201 мектеп-лицей" командасы иемденді. Ал III орынды Таң ауылынан келген "№118 орта мектеп" командасы қанжығасына байлады.&nbsp; Сонымен қатар, "Үздік ойыншы" номинациясымен №116 орта мектеп командасының ойыншысы Нұртөре Батырхан марапатталды. "Үздік қорғаушы" номинациясын Қаракеткен ауылындағы №114 орта мектеп командасының ойыншысы Бекарас Таңатар иеленді. Ал "Үздік шабуылшы" номинациясымен Таң ауылынан келген №118 орта мектеп командасының ойыншысы Нұржігіт Сабырбай марапатталды.Жеңіске жеткен командалар аудандық мәдениет және спорт бөлімінің басшысы Ш.Қалыбаевтың диплом, кубогтарымен марапатталды. <img src="https://knadmin.beoblood.kz/uploads/342685220_888011312265063_4251597055504405128_n_b24dfcd354.jpg" alt="342685220_888011312265063_4251597055504405128_n.jpg"> &nbsp;

Жалағашта жол жөндеу жұмыстары басталды

<a href="https://kyzylorda-news.kz/">Kyzylorda-news.kz.</a> Жасөспірімдерді тәртіпке шақыруды тапсырған Қазалы ауданының әкімі Мұхтар Оразбаев арнайы бірнеше топ жасақтаған болатын. Соған сәйкес, бірнеше аптадан бері ауданда түнгі рейд жұмыстары қарқынды жүріп жатыр. Сәйкесінше, олар ел ішіндегі құқық бұзушылық пен топтық төбелестің алдын алуды назардан тыс қалдырмай келеді.&nbsp;Аудан әкімінің орынбасары Дәурен Тілеумбетов бастаған құрам жастардың көптеп бас қосатын нысандарына бас сұқты.&nbsp;Нақтыласақ, топ құрамында аудандық мәслихат депутаты Нұрғиса Жалғасбаев, аудандық жұмыспен қамту, әлеуметтік бағдарламалар мен азаматтық хал актілерін тіркеу бөлімінің басшысы Совет Бабанаев, аудандық мәдениет және спорт бөлімінің басшысы Болат Жолтаев болды. Сондай-ақ, бірнеше білім ошақтарының директорлары мен аудандық полиция бөлімі және өзгеде сала қызметкерлері төбе көрсетті.&nbsp;Олар Әйтеке би кентіндегі ойын-сауық орталықтары, бильярд және компьютер клубтарына барды. Одан бөлек, түнгі клубтар мен кафелерге бас сұғып, жастарды тәртіпке шақырды.<img src="https://knadmin.beoblood.kz/uploads/342435795_651291846825274_1503290252321830587_n_3d5876b43b.jpg" alt="342435795_651291846825274_1503290252321830587_n.jpg"><img src="https://knadmin.beoblood.kz/uploads/342366308_1370866187096193_1512448149150696671_n_b2ea1a8a8b.jpg" alt="342366308_1370866187096193_1512448149150696671_n.jpg">

Қазалыда жасөспірімдердің тәртібін бақылаушы топтардың жұмысы жалғасып жатыр 

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Нұрлыбек Нәлібаевтың төрағалығымен өткен облыс активінің отырысында әлеуметтік-экономикалық даму мәселелері бойынша кеңейтілген мәжілістегі Мемлекет басшысы айқындаған экономикалық дамудың сегіз бағыты бойынша мақсат-міндеттер талқыланды.Облыс әкімі аталған шаралардың түпкі нәтижесі тұрғындардың өмір сүру сапасын арттыру, халық табысын ұлғайту және жаңа жұмыс орындарын ашу, инфрақұрылымды одан әрі дамыту жөніндегі жұмысты жаңғырту, қауіпсіздікті қамтамасыз ету, адами капиталдың жан-жақты дамуы үшін мүмкіндіктерді кеңейту екенін айтты.<blockquote>«Ең бірінші, Мемлекет басшысы азық-түлік тауарларын өндіру мен баға тұрақтылығына тоқталды. Елімізде өндірілетін ауыл шаруашылығы тауарлары ішкі сұранысты толық қамтамасыз етпейтіндіктен, тұрақтандыру қорлары мен азық-түлік корпорациясының жұмысын күшейтуді тапсырды.</blockquote><blockquote>Азық-түлік бағасының негізсіз өсу фактілері тіркелген жағдайда баға белгілеудегі делдалдық тізбектерді тексеру жөніндегі өңірлік комиссия дер кезінде тиісті шара қолдануы керек. Өңірде жаңадан көкөніс сақтайтын қоймалар салып, тиімді сауда-логистикалық инфрақұрылым құру қажет. Қазір тек Жаңақорған ауданында сыйымдылығы 2500 тонна болатын «Жан-Арай» жеміс сақтау қоймасы бар агроиндустриалды кешен іске қосылған. Биыл Қызылорда қаласында «Aray Food» жауапкершілігі шектеулі серіктестігінің сыйымдылығы 4000 тонналық көкөніс сақтау қоймасының құрылысы басталып, оны жыл аяғына дейін іске қосу жоспарлануда. 2025 жылға дейін облыстың көкөніс сақтау қуаттылығын 21 мың тоннаға дейін жеткізуіміз керек», – деді Н.Нәлібаев.</blockquote>Мұнан бөлек, аймақ басшысы жауапты сала басшыларына Қызылорда қаласы мен аудандар бойынша егін егуге ынта білдірген тұрғындарға жер телімдерін бөліп, қолдау көрсетуді тапсырды. Шағын және орта бизнесті қолдау жұмысы бірінші кезекте халық тұтынатын тауарларға және ішкі нарықты қамтамасыз ететін өндірістер ашуға бағытталуы тиіс. Инвестиция тарту және коммуналдық инфрақұрылым жүйесін жаңарту бойынша нақты ұсыныстар берілуі керек. Міндетті әлеуметтік медициналық сақтандыру жүйесінің ашықтығын қамтамасыз ету, білім сапасын көтеру және зорлық-зомбылықтың алдын алу, жұмыссыздық деңгейін төмендету бойынша да бірқатар міндет жүктелді.Ауылдық аумақтардың өмір сүру сапасын және табысын арттыру бойынша «Ауыл аманаты» бағдарламасы шеңберінде облысқа бөлінген қаражатты ұлғайтумен қатар, халықты ақпараттандыруға басты назар аудару тапсырылды.<figure class="image"><img src="https://knadmin.beoblood.kz/uploads/342816432_2169332443259566_405521880412092353_n_1_973a760a61.jpg" alt="342816432_2169332443259566_405521880412092353_n (1).jpg"></figure>

«Ауыл аманаты» бағдарламасы шеңберінде облысқа бөлінген қаражатты ұлғайту тапсырылды

<a href="https://kyzylorda-news.kz/">Kyzylorda-news.kz.</a>&nbsp;Қалалық кітапханалар жүйесіне қарасты ауылдық кітапханалардың ұйымдастыруымен 23 сәуір – Дүниежүзілік кітап және авторлық құқығын қорғау күніне орай «Кітап. Ел. Рух» атты әдеби автобус шарасы өткізілді. №14 бағыттағы автобус іші-сырты дәйекті сөздермен, шарлармен безендіріліп Рухани байлығымыздың қайнар бұлағы кітапты ұлықтау мақсатында лық толы жолаушыларымен кезекті сапарына бет алды. Президент Қасым-Жомарт Тоқаевтың қазақстандықтардың кітап оқуға деген құштарлығын арттыру жөніндегі тапсырмасы келешек ұрпағымыздың ой-өрістің кеңеюіне, жан-жақты дамуға, ойлау қабілетін жетілдіруге, шығармалардағы кейіпкерлердің мінез-құлқындағы жағымды тұстарын бойға сіңіруге көмектеседі, жалпы, адамды тәрбиелейді және рухани байытады Жас ұрпақтың талабын қанағаттандыру, рухани байлығын, жалпы ой-өрісін дамытуда талап талғамын қалыптастыруда ең үлкен де ұлы тәрбие құралы - кітап екенін естен шығармағаныңыз абзал.&nbsp;Кітапхананың белсенді оқырмандары Г.Сердалы Гүлерке «Кітап біздің досымыз», Б.Сақтаған Бегімсұлу «Кітап білім бұлағың», Н.Алтынбекқызы Нұрайым «Кітап ақылшың досың», Жұмағали Аружан «Кітап», Б.Сақтаған Бегімсұлу М.Мақатаевтің «Апырмай туған жер», А.Аманжол Аяна Е.Жүністің «Тәуелсіздік», Н.Алтынбекқызы Нұрайым «Туған жер» өлеңдерін мәнерлеп жатқа оқып, жолаушыларды бір серпілтіп тастады. Келесі кезекте қызықты «Әдеби викторина» ойыны ойнатылып, дұрыс жауапқа сыйлық берілді. Әдебиет, мәдениет төңірегіндегі сұрақтар жолаушылар қызығушылығын арттырып, белсенділік танытты. Ия, «Артық білім кітапта, ерінбей оқып көруге» деп Абай атамыз «Кітап» атты құдіреттің ғажайып күшін бойына жинап, өмірлік азық етпеп пе еді? Бүгінгі күні теледидар, компьютер, интернет үлкен рөлге ие болып отырған уақытта кітап оқудың сиреп бара жатқаны ащы да болса ақиқат. Кітап - кез-келген оқырманның азығы. Тамыры тереңнен басталып, адамзат пайда болғаннан бері кітаптың, маңыздылығы артпаса кеміген жоқ. Өткен тарихын біліп, ақын жазушылардың шығармаларына қанып өскен ұрпақ кітап қндылығын бір сәтке естен шығармақ емес. Көненің көзі саналатын кітаптар ежелге аты әлемге әйгілі кітапханаларда осы уақытқа дейін құнды құжат ретінде сақтаулы тұр. Өйткені, ол сол елдің тарихы, мәдениеті, салт дәстүрінің айшықты белгісі.Келесі кезек қазақтың мақал-мәтелдеріне беріліп, ойын жалғаса түсті. Мақал-мәтелдің жартысы айтылып, әрі қараай екінші жартысын тауып, жолаушылар тапқырлық танытты. Сан түрлі тақырыптағы жұмбақтар шешіліп, өз білімдерін көрсеткен жолаушылар сыйлақтарға ие болды.&nbsp;Сонымен қатар А.Жәнібекова, Ғ.Еділбаева, А.Бисембай, А.Ұзақбай, Д.Қалданова, Ж.СүйенбайА. Қоңқабаев, Ғ.Дінмұхамед, Ә.Есборлова, Г.Төреханова ән шырқаса, Манас Молдашов «Кітап өмір досы» атты арнау айтты. Қазіргі кезеңде Елімізде интернет желісінің өте кең ауқымды таралуы, электрондық ақпараттардың көптігі, қажетті білімді электрондық парақшадан ақ қағазға көшіру жастарымызды кітаптан алшақтатып барады. Адамзат даналығының алтын кілті кітап, әрбір халықтың кемелдікке келгенін, өркениетті қоғамға қадам басқанын көрсететін қасиетті орын-кітапхана екенін түсіндіре отырып, кітап оқуға шақыру, кітаптың құдіреттілігін түсіндіру, жастардың кітапқа деген қызығушылығын ояту, - деген мақсаттағы «Әдеби автобус» шарасы өз мәресіне де жетті.

Қызылордада әдеби автобус шарасы өтті

<a href="https://kyzylorda-news.kz/">Kyzylorda-news.kz.</a> Нартай Бекежанов атындағы облыстық музыкалық-драма театрында “Aleks”мектебінің 25 жылдық мерейтойы аталып өтті.&nbsp;Алдымен өнерсүйер қауымға мектептің құрылу тарихы бейнеролик арқылы таныстырылды. Бұл күні өнер ордасының құрылуына бар күш-қайратын аямай, негізін қалаған, қаншама қиын кезеңдерден мойымай өткен өнер жанашыры Ким Елена Алексеевнаға ерекше қошемет көрсетілді.Мерейтойға Қызылорда облысы әкімінің орынбасары Нұрымбет Сақтағанов қатысып, жылы лебізін білдірді.&nbsp;<blockquote>«Бүгін облысымыздағы белсенді би мектептерінің бірі «Aleks» мектебінің құрылғанына 25 жыл толды. Би мектебінің ұжымын мерейлі мерекелерімен құттықтаймыз! Бұл шарамызға арнайы республикалық Коре Ильбо басылымынан келген делегациясы қатысып отыр. Сыр еліне қош келдіңіздер құрметті қонақтар! Қазақстан мен Корея республикаларының өзара қарым-қатынасына былтырғы жылы 30 жыл толды. Сонымен қатар Қызылорда облысындағы «Қазақстандағы кәрістер ассоциациясы» &nbsp;филиалының құрылғанына да 30 жыл болды. Бұл айтулы тарихи даталарды бірлесіп атап өткен болатынбыз», - дей келе, аймақ басшысы Нұрлыбек Нәлібаевтың Құттықтау хатын мектептің, Корей этномәдени бірлестігінің жетекшісі Елена Кимге табыстады.&nbsp;</blockquote>Концерт ересектер тобының биімен ашылып, мазмұнды туындылармен жалғасты.&nbsp;Сахнада Қазақ эстрадасының жұлдызы жерлесіміз Гүлнұр Оразымбетова, Наталья Махмудова, скрипкашы Анастасия Мусинова және саксафоншы Ғалымжан Ұлықпан өнер көрсетті.Концерт соңында қаладағы би өнерінің майталмандары «Aleks» ұжымын құттықтап, Елена Кимге өз ризашылықтарын білдіріп, сый-сыяпат жасады.25 жыл бұрын би мектебінде өнер қуған алғашқы түлектер де келіп, өз жүрекжарды лебіздері мен шынайы ықыластарын білдірді. Сол кезеңдердегі есте қалған қызықты сәттерімен бөлісіп, көрермендерді ерекше билерімен тамсандырды.&nbsp; Айта кету керек, мектеп өнерпаздары репертуарындағы билердің әрқайсысының мазмұны сан қилы, кейбірі жеңіл болса, енді бірінің орындалуы қиын, әйтсе де олардың бәріне ортақ ерекшелік - өнерге деген сүйіспеншілік бар.&nbsp;Расында да, мектеп бишілерінің түрлі нақыштағы әсем қимыл-қозғалыстарына жергілікті жанашыр жұрт қана емес, шетелдерде де ерекше сүйсініп, тамсанады.&nbsp;<figure class="image"><img src="https://knadmin.beoblood.kz/uploads/342912191_1426181488214566_2055037930693926335_n_afdc418be6.jpg" alt="342912191_1426181488214566_2055037930693926335_n.jpg"></figure>

Қазақстан және Қызылорда облысының жаңалықтары