<a href="https://kyzylorda-news.kz/">Kyzylorda-news.kz</a>&nbsp;Қорқыт ата атындағы Қызылорда университетінде Қызылорда облысының ішкі саясат басқармасының ұйымдастыруымен «Қазақ тілін қолдануға арналған IT өнімдер» атты облыстық байқау өтті.Байқаудың негізгі мақсаты – қазақ тілін күнделікті өмірде және цифрлық ортада қолдануға мүмкіндік беретін инновациялық жобаларды қолдау, жастардың IT саласындағы әлеуетін арттыру және мемлекеттік тілдегі технологиялық өнімдердің санын көбейту. Байқауға жоғары оқу орындары мен колледждердің білім алушылары, сондай-ақ IT мамандары қатысты. Олар қазақ тілін үйренуге, қолдануға, дамытуға және насихаттауға бағытталған технологиялық жобалары мен тың идеяларын таныстырды.Іс-шараны Қызылорда облысының ішкі саясат басқармасының басшысы Руслан Каюпов ашып, қатысушыларға сәттілік тіледі. Ол қазақ тілінің цифрлық кеңістіктегі қолданыс аясын кеңейтіп, мемлекеттік тілдегі заманауи IT өнімдерді дамытудың маңыздылығын атап өтті. Қазылар алқасы жобалардың өзектілігі мен жаңашылдығына, практикалық маңызына және қазақ тілінің қолданыс аясын кеңейтуге қосатын үлесіне баса назар аударды.Байқау қорытындысы бойынша І орынды «Qaz Standart» тобы иеленді. ІІ орын «Qadam» тобына, ал ІІІ орын «Teketires» тобына бұйырды. «QazaqTube 1», «QazaqTube 2», «Qazaq MonkeyType», «GylymHUB» және «Sauatty zamandas» топтары ынталандыру сыйлықтарымен марапатталды. Жеңімпаздар мен жүлдегерлерге дипломдар, алғыс хаттар және қаржылай сыйлықтар табысталды. Облыстық байқау жастардың шығармашылық және технологиялық ізденістеріне қолдау көрсетіп, қазақ тілінің цифрлық кеңістіктегі мүмкіндіктерін кеңейтуге және мемлекеттік тілдегі отандық IT өнімдерді дамытуға серпін берді.

Қазақ тіліндегі үздік ІТ жобалар анықталды

<a href="https://kyzylorda-news.kz/">Kyzylorda-news.kz</a>&nbsp;2026 жылғы 6 қарашада Қызылорда қаласы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның отырысы өтті.Отырысқа Адам құқықтары жөніндегі ұлттық орталықтың Қызылорда облысы бойынша өкілдігінің бас маманы Мадиева Камшат және Қазақстан Республикасындағы Адам құқықтары жөніндегі уәкіл жанындағы «Еркіндік рухы» Жастар құқықтары жөніндегі комиссиясының мүшесі АлиИслам Байхадам қатысты.Отырыс барысында кәмелетке толмағандардың құқықтары мен заңды мүдделерін қорғау, балалардың отбасындағы және білім беру ұйымдарындағы жағдайына байланысты мәселелер, ата-аналық міндеттерді орындау, сондай-ақ профилактикалық жұмыстарды ұйымдастыру және ерекше назарды қажет ететін балаларға қатысты тиісті шараларды қабылдау мәселелері қаралды.Отырыс қорытындысы бойынша кәмелетке толмағандардың құқықтық мүдделерін қорғауға, олардың жағдайын назарда ұстауға және туындаған мәселелерді шешуге бағытталған тиісті шаралар қабылданды.&nbsp;

Кәмелетке толмағандардың құқықтарын қорғау мәселесі бойынша комиссия отырысы өтті

<a href="https://kyzylorda-news.kz/">Kyzylorda-news.kz</a>&nbsp;ҚР Мемлекеттік қызмет істері агенттігінің Қызылорда облысы бойынша департаменті басшысының орынбасары Н.Сүлейменов ҚР Президентінің жанындағы Мемлекеттік басқару академиясының Қызылорда облысы бойынша филиалында &nbsp;ауылдық округ әкімдеріне «Мемлекеттік қызметтегі сервистік және клиентке бағдарланған тәсіл» тақырыбында дәріс өткізді.Дәріс барысында сервистік мемлекетті қалыптастырудың негізгі қағидаттары, мемлекеттік қызмет көрсету сапасы мен қолжетімділігін арттыру, азаматтардың қажеттіліктері мен сұраныстарын ескеру мәселелері түсіндірілді. Сонымен қатар клиентке бағдарланған тәсілдің ерекшеліктері, мемлекеттік қызметшілердің кәсіби біліктілігі мен қарым-қатынас мәдениеті, бюрократиялық кедергілерді азайту, мемлекеттік қызметтерді цифрландыру және азаматтармен тиімді кері байланыс орнатудың маңыздылығы талқыланды.Сонымен қатар, «Адал азамат» тұжырымдамасының негізгі мәні мен маңызы, мемлекеттік қызметшінің жеке парасаттылығы, адалдығы мен жауапкершілігі түсіндірілді. Сонымен қатар мемлекеттік қызметтегі әдеп қағидаттарын сақтау, қоғам сенімін нығайту, халықтың мүддесіне адал қызмет ету және қызметтік міндеттерді жоғары жауапкершілікпен орындау мәселелеріне ерекше назар аударылды.

Сервистік мемлекет және «Адал азамат»: Ауылдық округ әкімдеріне дәріс өтті 

<a href="https://kyzylorda-news.kz/">Kyzylorda-news.kz</a>&nbsp;Қызылордадағы «Инклюзив орталығында» волейболды отырып ойнаудан Қазақстан чемпионаты қорытындыланды.Оған облыс әкімінің орынбасары Мейрамбек Шермағанбет, ҚР Волейболды отырып ойнау федерациясының президенті, Қазақстан Ұлттық волейбол федерациясының вице-президенті Дүйсенбай Тұрғанов қатысып, жарыс қатысушыларына сәттілік тіледі.&nbsp;<blockquote>«Мемлекет басшысы «Мүмкіндігі шектеулі азаматтарға жан-жақты жағдай жасау – қоғамды біріктірудің және әрбір жанға тең мүмкіндік берудің ең маңызды тетігі», - деп ерекше атап өтті. &nbsp;Соңғы жылдары біздің өңірде кәсіби және бұқаралық спортты өркендетуде ауқымды жұмыстар атқарылып, заманауи спорт инфрақұрылымы дамып келеді. Сыр спортшылары халықаралық ареналарда ел намысын лайықты қорғап жүр. Алдағы уақытта да әлемдік додаларда еліміздің көк байрағын желбірете берулеріңізге тілектеспін», - деді Мейрамбек Зинабдинұлы.&nbsp;</blockquote>Жарыс қорытындысында І орын &nbsp;Атырау облысы, ІІ орын &nbsp;Қызылорда облысы, ІІІ орын &nbsp;Маңғыстау облысы командаларына берілді.&nbsp;Айта кетейік, 5-8 қараша күндері волейболды отырып ойнаудан өткен Қазақстан чемпионатына еліміздің &nbsp;өңірлерінен 8 команда қатысты.<img src="https://knadmin.beoblood.kz/uploads/Vollejbol_otyryp_ojnaudan_zharys_c04722e64c.jpg" alt="Воллейбол отырып ойнаудан жарыс.jpg">

Архив

Қазақ тіліндегі үздік ІТ жобалар анықталды

Кәмелетке толмағандардың құқықтарын қорғау мәселесі бойынша комиссия отырысы өтті

Сервистік мемлекет және «Адал азамат»: Ауылдық округ әкімдеріне дәріс өтті

Волейболды отырып ойнаудан Қазақстан чемпионаты қорытындыланды