<a href="https://kyzylorda-news.kz/">Kyzylorda-news.kz.</a>&nbsp; Қашанда сырдариялықтар туған жер топырағынан түлеп ұшқан жерлестерін мақтан тұтатыны анық. Қазіргі уақытта еліміздің бас қаласы – Астана шаһарында тұратын аудан мақтаныштары баршылық. Басылымның «Шал¬ғайда жүрген түлек» айдары бойынша Елорда күні аясында Тереңөзек кентінің тумасы – Аяжан Әбдіхалықовамен дидарласу сәті түскен болатын.Негізінен, жерлесіміз Аяжан Әбдіхалықова Астана қаласына осыдан 8 жыл бұрын көшіп келген екен. Осы &nbsp;ретте, ол аудан орталығында бірнеше салада қызмет еткен. Жалпы, кейіпкерім отбасында 3 ағайындының үлкені. Өзінен кейін егіз 2 інісі бар. Өзіне жоғары талап қоя білетін Аяжан Құрманғазықызы №36 Әбділда Тәжібаев атындағы мектеп-лицейден түлеп ұшқан. Содан кейін Қорқыт ата атындағы Қызылорда университетінің «Есеп және аудит» мамандығы бойынша білім алған.<blockquote>– Шын мәнінде, өзім қалаған мамандық бойынша білім алып, ата-ана үмітін ақтау – негізгі мақсатым. Қолыма диплом алған сәттен ойлаған армандарыма қол жеткізуге ұмтылдым. Ең алғаш қызметімді сол кездегі аудандық дене шынықтыру және спорт бөлімінде инспектор-методист ретінде бастаған едім. Кейіннен, «Ботакөз» балабақшасында есепші қызметінде тәжірибе жинақтадым. Әкем – Құрманғазы мен анам – Қалдыгүлдің берген саналы тәрбиесінің арқасында абырой биігінен көрініп келемін. Сонымен бірге білім мен білікті шыңдау барысында отбасымның ықпалы зор болды. Көркімен көпшілікті таңғалдыра білген әсем қалаға келгенімізде көптеген дүниеге қаныққан едік. Он-солымызды танып, барлық жағынан өзімізді дамыта алған секілдіміз, – дейді Аяжан Әбдіхалықова.</blockquote>Бүгінде білімін қаржы саласы бойынша жетілдіріп келе жатқан Аяжан Құрмағазықызы ҚР Цифрлық даму, инновациялар және аэроғарыш өнеркәсібі министрлігінің қаржы және әкімшілік жұмысы департаментінің бас сарапшысы қыз¬метінде. Бастапқыда аталған министрлікке са¬рапшы ретінде жұмысқа орналасқан жас маманға басшылық мемлекеттік қызметті сеніп тапсырған. Сан саланы қамтитын министрлік аэроғарыш өнеркәсібі және электрондық өнеркәсіп, ақпараттандыру, ақпараттық қауіп¬сіз¬дікті қамтамасыз ету саласындағы байланыс, ақпараттандыру, «Электрондық үкімет», мемлекеттік қызметтерді көрсету салалары бойынша қызметті жүзеге асыратындықтан, Аяжанға жүктелер міндет аз емес. Сенім үдесінен шыққан жерлесіміз жоғарғы жетістіктерге қол жеткізіп келеді. Өз кезегінде жерлесімізден күннен-күнге жанданып, жасарып келе жатқан Астана қаласы жөнінде пікірін білген едік.<blockquote>– Шындығында, Астана – жай қала ғана емес, саяси ерік-жігер көрінісінің айқын нышаны болып табылады. Өзім бас қаланың шаңырағы әлі де болса, биіктей түседі деп ойлаймын. Жаңа астананың келешегі бүтіндей XXI ғасырдың еншісінде екені даусыз. Ал, оның ертеңгі еңсесін көтеретін бүгінгі жас жеткіншек, яғни біз жастар екені айдан-анық. Елорданың жарқын келбеті қалыптасып келе жатқаны шынайы қуантады. Бұрын Астананы тың игерушілердің астанасы ретінде біліп келсек, енді ол – Тәуелсіз Қазақстанның бас шаһарына айналды. Бұл – үлкен мәртебе! Ерекше айтатын бір жәйт, мемлекеттік тілді қолдану аясы кеңейіп, кәсіби мамандар, көшедегі қарапайым көпшілік ана тілімізде сөйлей бастағаны көңілге медеу сыйлайды. Қазақ тілінің қолдану аясын кеңейіуін жасампаз қаладағы жақсы жетістіктердің бірі ретінде есептеймін. Жаңа, Тәуелсіз Қазақстанды бейнелейтін ерекше елордамен өскелең ұрпақтардың арманы мен үміті астасып жатыр. Астана, бір жағынан елі-міздің мақтанышына, екінші жағынан ұлттық идеяны орнықтырудың және барша халықты біріктірудің нышанына айналды. Бас қаламыз ұланғайыр еліміздің әсем шаһары мен әлем таныған жас қала ретінде белгілі. Біздің қаламыз сәулеті келіскен алып мегаполис екені даусыз. Елорда – қазақ елінің жарқын болашағы саналады. Мәдениеттің ошағы, ғылым мен білімнің ордасы. Еліміздің көк туы желбіреген егемендіктің ордасы, – деді Аяжан Әбдіхалықова.</blockquote>Айта кетейік, Аяжан Әбдіхалықова жолдасы Руслан Жүнісовпен бірге осыдан 11 жыл бұрын отау құрған. Қазіргі уақытта жас ерлі-зайыпты 3 ұл тәрбиеп отыр. Негізінен, отбасының отағасы Руслан Жүнісов «Астана су арнасы» мекемесінде бригадир болып жұмыс жасайды. Өз кезегінде сырдариялық жерлестерімізді «Астана күні» мерекесімен шын жүректен құттық¬таймыз!&nbsp;&nbsp;

Астаналық жас отбасы жерлестерін мерекемен құттықтады

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы кәсіпкерлікке қолдау білдіру керектігін биылғы Жолдауында да нақтылай түсті. Одан бөлек, Үкіметтің кеңейтілген отырысы мен өзекті мәселелер сөз болған алқалы жиындарда кәсіпкерлерге оңды-солды жасалатын заңсыз тексерулердің әлі де алдын алу керек екендігін айтқан Мемлекет басшысы, бұл салаға қолдаудың әлі де қажеттігін алға тартқанын жақсы білеміз. Соңғы жылдары кәсіпкерлікке жасалған қамқорлықтың нәтижесі уақыт өте сезіліп келеді.&nbsp;Мемлекет басшысының аудандағы, ауылдағы өкілі ретінде халықпен етене жұмыс жасап келе жатқан әкімдер кәсіпкерлікті ашуға немесе одан әрі дамытуға ниетті жеке тұлғаларға бағыт-бағдар сілтеуде аянып қалмақ емес. Айталық соңғы жылдары ел жастарының екпінді жобаларымен, табысты бастамаларын қолдау мақстаында арнайы гранттық жобалар белгіленген. Қазіргі таңда осы мақсатта өздерінің кәсібін бастандырып, кәсіппен айналысып жатқан жандар жоқ емес. Биылғы жылдың 2 кезеңінің өзінде гранттық қолдауға үміткерлердің жалпы саны 300 ден асып кеткен. Алайда солардың ішінде 35 кәсіпкердің түрлі жобалары мақұлданып, арнайы грант белгіленген. Қазіргі таңда олардың өзі күткен қаржыларына қол жеткізіп, алды жұмыстарын бастап та кеткен.&nbsp;Жалпы осы саладағы басты мақсат кәсіпкерлікті дамыту болғандықтан түрлі бағыттағы жұмытсардың жетістігін жіпке тізуге болар еді. Алайда біз қыр мен сырдың арасындағы соны серпінді сөз етсек. Қырдағы Қарақұм ауылдық округінде «Ақтан» шаруа қожалығы бар. Сол қожалық кезінде «Сыбаға» бағдарламасы бойынша 7,0 млн. ақшалай несиеге қол жеткізіп, сол қаржыға 42 бас аналық сиыр мен асыл тұқымды 2 бас бұқа сатып алған. Бүгінде жайылымы малға толған осынау қожалық иесі Ж.Жиентаев мемлекет тарапынан көрсетілетін қолдаулар мен ауыл шаруашылығы саласына жасалған бетбұрыстарды оң бағалайды. Және оның алдағы уақыттарда да жалғасын таба бергенін қалайды. Бұл бағдарламалардың аудан көлеміндегі көрсеткіші жаман емес. Сондықтан, осының баршасын ауылшаруашылығы саласына жасалған қамқорлықтың нәтижесі екенін анық аңғаруға болады.Тоған шаруашылығы бойынша Ш.Алматбаев есімді кәсіпкер бүгінде қырға балық өсіріп, тыңнан түрен салды. Ол өткен жылы белгіленген гранттық қолдауға өз жобасын ұсынып, нәтижесінде тауарлы тоған шаруашылығы қолдау тапты. Бүгінде ол ауыл маңындағы көл суына ақамур, дөңмаңдай және кәріп тұқымдас балық шабақтарын салып салып, қырдағы берекелі кәсіпті қолға алып келеді. Тоғанның жалпы көлемі 10 мың шаршы метр. Алла сәтін салса кәсіпкер бұл бағыттағы жұмыстарын еселей түспек ниетте. Ол үшін «Ауыл аманаты» жобасы арқылы кәсібін одан әрі жандандыруды көздейді.&nbsp;Кәсібін жандандырып, елдің ырысын еселеуде елеулі еңбек етіп жүрген жандардың қатарында ақбайлық кәсіпкерлер де бар. Айталық ауылда өткен жылы бірнеше кәсіпкерлер мен шаруа қожалықтары мемлекеттен беріліп жатқан қаржылай несиелерге ие болған. Олардың қатарында «Сыбаға» мемлекеттік бағдарламасы бойынша екінші рет несие алған «Тағыберген» шаруа қожалығы және алғаш рет несиеге қол жеткізіп, бүгінде мүйізді ірі қара малын асылдандыру бағытында жұмыс жасап жатқан «Сәуле» шаруа қожалығы бар. Бүгінде екі қожалық та мал басы санына сәйкес қайтарымсыз субсидияға қол жеткізген. Бұдан бөлек түрлі бағдарлама бойынша несие алып, мал бордақылау мақсатындағы жұмыстарын қарқынды жүргізіп жатқан кәсіпкерлер де бар. Міне, осы сынды шаруалар аудан көлемінде жүйелі түрде қолға алынып келеді. Бүгінде, ауыл шаруашылығы бағытындағы бағдарламаларға қатысып, қарауындағы малдың санын арттырып, өнімін еселегісі келетін қожалықтарға мүмкіндік әлі де бар. Себебі, бұл тікелей Мемлекет басшысының бастамасымен қолға алынған жұмыстар. Сондықтан, ол бағдарламалар бойынша жұмыс жасауға ниетті азаматтарды аудан әкімі немесе ауыл әкімі бақылауға алып, көмектесуге мүдделі.

Арал ауданында кәсіпкерлік қанат жайып келеді

<a href="https://kyzylorda-news.kz/">Kyzylorda-news.kz.</a> ҚР ҰҚК Шекара қызметінің Қызылорда облысы бойынша департаменті азаматтарды келісім-шарт негізінде әскери қызметке қабылдау жүргізуді бастады. Сондай-ақ, осы жылдың қыркүйек айынан бастап ҰҚК Шекара академиясына, одан бөлек Ресей Федерациясы мен Түркия мемлекетінің жоғары әскери оқу орындарына қабылданатын үміткерлерді іріктейді. Бұл туралы ҚР ҰҚК Шекара қызметі Қызылорда облысы бойынша департаментінің Мемлекеттік шекараны күзету бөлімінің аға офицері, капитан Еламан Сағындықов хабарлады.<blockquote>– Шекара қызметіне қабылданатын үміткерлер жоғары немесе арнайы орта білімі бар, мерзімді әскери қызметін шекара бөлімдерінде өтеген, 30 жастан аспаған және жүргізуші куәлігі болуы қажет. Біздің өңірде келісім-шарт бойынша әскери қызмет атқаратын азаматтар 20/10 күн бойынша вахталық әдіспен жұмыс істейді. Сондай-ақ, әскери қызметшілердің отбасына қызметтік баспана беріліп, арнайы төлемдермен қамтамасыз етіледі, – деді Еламан Сағындықов.</blockquote>Брифинг барысында шекара академиясында білім алғысы келетін үміткерлерге қойылатын талаптар мен керекті құжаттардың тізімі айтылды. Биыл Қызылорда облысынан 30-дан астам талапкер шекара академиясына оқуға тапсырады деп жоспарлануда.&nbsp;<blockquote>– ҰҚК Шекара академиясына жоғары оқу орындарына тапсыру үшін үміткерлер әскери қызмет өткермеген және 17 жасқа толған болуы керек. Оқуға түсуге кандидаттарды іріктеу бірнеше кезең бойынша жүргізіледі. Атап айтқанда, медициналық куәләндырудан өту, дене шынықтыру дайындығы деңгейін зерделеу, кәсіби жарамдылығын тексеру және психологиялық сынақтардан өтеді. Жоғары оқу орындарын бітірген курсанттарға «лейтенант» атағы беріліп, ҰҚК Шекара қызметінің бөлімшелерінде жұмыспен қамтылады, – деді ҚР ҰҚК Шекара қызметі Қызылорда облысы бойынша департаментінің кадрлар бөлімшесінің бастығы, майор Данияр Жұпарбеков.</blockquote>

Әскери қызметке қабылдау жүргізілуде

<a href="https://kyzylorda-news.kz/">Kyzylorda-news.kz.</a> Парламент Палаталарының бірлескен отырысында VIII сайланымдағы бірінші сессияның жұмысы қорытындыланғаннан кейін Сенат және Мәжіліс депутаттарының өңірлерге сапары басталды. Осыған сәйкес, ҚР Парламенті Сенатының депутаты Руслан Рүстемов, Мәжіліс депутаттары М.Ергешбаев пен М.Жайымбетов Сыр өңіріне, оның ішінде Сырдария ауданына келді. Депутаттар партияның сайлауалды бағдарламасы аясында салынып жатқан әлеуметтік нысандарды аралап, ауыл жастарынан құралған еңбек бригадалары мүшелерімен кездесті.Депутаттарды аудан әкімі Берік Сәрменбаев күтіп алды. Кездесулерге облыстық мәслихат төрағасы Наурызбай Байқадамов, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов қатысты. Сенатор Руслан Рүстемов жұртшылық өкілдерімен кездесуде Парламентте атқарылып жатқан жұмыстар жөнінде айтып өтті.<blockquote>– Біз Парламент Палаталарының бірлескен отырысында VIII сайланымдағы бірінші сессияның жұмысын қорытындыладық. Бұл сессия небәрі 100 күнге созылса да атқарған жұмысы өте маңыз¬ды әрі мазмұнды болғанын атап өткен жөн. Өздеріңіз білесіздер, Президент реформаларының нәтижесінде Парламенттің рөлі де, мәртебесі де күшейді. Биылғы Сенат пен Мәжіліс сайлауы елдегі саяси жаңғырудың шешуші кезеңіне айналды. Бұл жолғы сайланым Қазақстан тарихындағы ең көп партиялы Парламент болып отыр. Мәжіліс құрамы ұзақ жылдан бері алғаш рет бірмандатты округтен сайланған, шынайы әрі тартысты бәсекеде озып шыққан депутаттармен толықты. Осы кезеңде Парламенттің қарауында 82 заң жобасы болды, соның ішінде 25 заң қабылданып, 13 заңға Президент қол қой¬ды. Қазіргі сайланымның басты ерекшелігі – көптеген маңызды заң жобасының депутаттардың бастамасымен әзірленуі. Оларға сайлаушылардың талап-тілегі, мұң-мұқтажы, Ел Президентінің тапсырмалары арқау болды. Депутаттар бастамашы болған заң жобаларының ішінде – заңсыз алынған активтерді қайтару, сұйытылған газ айналымын реттеу және тұрғын үй-коммуналдық шаруашылығы, онлайн-платформалар және онлайн-жарнама мәселелері, кәсіптік біліктілік туралы заңдар бар. Парламент депутаттарын алда¬ғы сессияда да ауқымды жұмыс күтіп тұр. Парламент Мемлекет басшысының тапсырмасы бойынша Салық, Бюджет, Су, Қала құрылысы кодекстерімен, Мемлекеттік сатып алу, Ғылым және технологиялық саясат туралы заң жобаларымен жұмыс істеуді жоспарлап отыр, – деді Руслан Рүстемұлы.</blockquote>Депутаттар Айдарлы жастар еңбек бригадасының жұмысымен танысты. Бұл бригада 2019 жылы республикада алғашқылардың бірі болып 15 жастың бірігуімен құрылған болатын. Облыс әкімінің қолдауымен аудандағы жастардың жұмыссыздық деңгейін төмендету мақсатында ауданға қарасты 7 ауылдық округте жастар бригадалары қайта құрылды. Бүгінде еңбек бригадалары қатарында жұмыссыз, NЕЕТ санатындағы, пробация есебіндегі 200-ге жуық жас жұмыс жасайды. Ауыл жастарына мемлекет тарапынан уақытша жер, су айдайтын насос беріліп, егін алқабы қоршаумен және қажетті жанар-жағармаймен қамтамасыз етілген. Жастар 35 гектар картоп және 25 гектар бақша дақылдарын егіп, күтімге алған.<blockquote>– Ерте көктемде жұмыссыз жүрген 40 жасты Жаңақорған ауданы, Жайылма ауылдық округіне жіберіп, тегін егін егу тәсілдері үйретілді. Ол жақта көп мөлшерде егін егетін диқандар түрлі егін егудің артықшылықтарын түсіндіріп, алдағы жұмыстарына бағыт берді. Шіркейлі ауылдық округінде құрылыс материалдарын шығаратын «Шіркейлі» жастар бригадалары жұмыс жасайды. Құрамында ауылдың жұмыссыз 30 жасы бар. Олар цемент, әк және т.б. құрылысқа қажетті заттарды шығарады,&nbsp;– деді бригадалар жұмысымен таныстырған Сырдария аудандық жастар ресурстық орталығының директоры, аудандық мәслихаттағы «AMANAT» партиясы депутаттық фракциясының мүшесі Нұрман Абдрасилов.</blockquote>Кездесу барысында жастар бригадаларының мүшелері халық қалаулыларына өз ризашылықтарын білдіріп, көкейдегі ұсыныстарын да жеткізді. Мәселен, «Айдарлы» жастар бригадасының мүшесі Өмірзақ Есболатов Руслан Рүстемұлы мен Мұрат Нәлхожаұлына аудан әкімі болып тұрған уақытта көрсеткен қолдауы үшін алғысын білдірсе, «Жетікөл» жастар бригадасының бригадирі Дархан Әзімханов елімізде жастар бригадаларының көп емес екендігін тілге тиек етіп, мемлекет тарапынан тыңайтқыш мәселесін шешіп беруге көмек сұрады.Жас еңбеккерлердің жұмысына риза болған халық қалаулылары ауыл жастарының ұсынысы бойынша кеңес беріп, назарға алатындықтарын жеткізді.<blockquote>– Жастардың бос уақытта ішімдік, өзге де зиянды әдеттерге бой алдырмай, мемлекет және демеушілер тарапынан көрсетілген көмекті әрі қарай тиімді іске асыруы көңіл қуантып отыр. Болашақта кооператив құрып, партияның «Ауыл аманаты» жобасы аясында жұмыстарын жетілдіру қажет. Кооператив құрып, егіс көлемін арттырғанда субсидия мәселесі де шешімін табады, – деді ҚР Парламенті Мәжілісі депутатты, «AMANAT» партиясы фракциясының мүшесі Мұрат Ергешбаев.</blockquote>Ал, депутат Мархабат Жайымбетов «AMANAT» партиясы «Жер аманаты» партиялық жобасы аясында заңсыз берілген немесе пайдаланылмай жатқан жерлерді мемлекетке қайтарып, оны ауыл шаруашылығы айналымына енгізу жұмыстарын жүргізіп жатқандығын, жастар арасындағы жұмыссыздық деңгейін төмендету бойынша қолға алынған жұмыстарды атап өтіп, берілген жерді тиімді игеріп, жұмыссыз жастардың басын қосып, сонымен қатар өңірде азық-түлік бағаларын тұрақтандыруға ықпал ететін ауыл жастарының бұл тірлігі көпке үлгі екенін және басқа өңірлерге тәжірибе ретінде қарастыруымыз керектігін жеткізді.Мемлекет басшысы атап өткендей, еңбек адамына құрмет толастамайды. Өткен жылы жастар бригадаларының бригадирлері облыс және аудан әкімінің Алғыс хаттары, аудан әкімінің «Ынта» қаржылай сыйлығымен марапатталған. Еңбекқор жастарды көтермелеуге, ең сыйлы адам жасауға бағытталған жұмыстар биыл да өз жалғасын таппақ.Сапар аясында ҚР Парламент Сенатының депутаты Р.Рүстемов және ҚР Парламент Мәжілісінің депутаттары М.Жайымбетов пен М.Ергешбаев Сырдария ауданына қарасты Аманкелді ауылы тұрғындарымен кездесу өткізді.Кездесуге ауыл ардагерлері, жастар және БАҚ өкілдері қатысты. Халық қалаулылары Парламент қабырғасында талқыланып жат¬қан заң жобалары туралы ақпараттармен бө¬лісті. Партияның сайлауалды бағдарламасы шеңберінде жасалып жатқан жұмыстарды да айтты. Өз кезегінде ауыл тұрғыны Б.Сүлейменов осыған дейін шешімі табылмай келген «Қызылорда – Айдарлы» автожолының биыл жөндеу жұмыстарынан өткенін айтып өтті. Аталған автожол партияның сайлау¬алды бағдарламасының жол картасы шеңберінде жөндеуден өткізілген. Мұнан соң Аманкелді ауылдық емханасының дәрігері Ж.Амангелдина сөз алып, ауылдық емхана базасы жаңа флюрография аппаратымен толыққанын атап өтті. Кездесу соңында ауыл ардагері Н.Құдайбергенов халық қалаулыларына батасын берді.Депутаттар сапар аясында Тереңөзек кенті мен Қалжан ахун, А.Тоқмағамбетов ауылдарында да болды. Мұнда салынып жатқан әлеуметтік нысандар жұмысымен танысып, ауыл тұрғындарымен кездесті. Сондай-ақ партияның қоғамдық қабылдау бөлмесінде жеке және заңды тұлғалар өкілдеріне арнап қабылдау өткізді.&nbsp;

Халық қалаулылары сырдариялықтармен кездесті

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Парламент Сенатының депутаты Р.Рүстемов және ҚР Парламент Мәжілісінің депутаттары М.Жайымбетов пен М.Ергешбаев Сырдария ауданына қарасты Аманкелді ауылы тұрғындарымен кездесу өткізді.Кездесуге ауыл ардагерлері, жастар және БАҚ өкілдері қатысты. Халық қалаулылары Парламент қабырғасында талқыланып жатқан заң жобалары туралы ақпараттармен бөлісті. Партияның сайлауалды бағдарламасы шеңберінде жасалып жатқан жұмыстарды да айтты. Өз кезегінде ауыл тұрғыны Б.Сүлейменов осыған дейін шешімі табылмай келген «Қызылорда – Айдарлы» автожолының биыл жөндеу жұмыстарынан өткенін атап өтті. Аталған автожол партияның сайлауалды бағдарламасының жол картасы шеңберінде жөндеуден өткізілген.Мұнан соң, Аманкелді ауылдық емханасының дәрігері Ж.Амангелдина сөз алып, ауылдық емхана базасы жаңа флюрография аппаратымен толыққанын атап өтті. Бұған дейін Айдарлы, Жетікөл, Аманкелді және Бесарық елді мекендерінің тұрғындары аудан орталығына барып, флюрография қызметін пайдаланып келген.Кездесу соңында ауыл ардагері Н.Құдайбергенов халық қалаулыларына ақ батасын берді.ҚР Парламенті Сенатының депутаты Р.Рүстемов және ҚР Парламент Мәжілісінің депутаттары М.Жайымбетов пен М.Ергешбаевтың Сырдария ауданына сапары барысында Қалжан ахун ауылы тұрғындарымен жүздесті.Мұнда ауыл халқына Парламент қабырғасында жүзеге асып жатқан жұмыстармен танысытырып, азаматтардың ұсыныс пікірдерін тыңдады.Кездесуде ауыл ардагері Б.Дүйсенбаев Қалжан ахун ауылының биыл көгілдір отын тұтынатындығын айтып, өз ризашылығын білдірді.Партия уәдесінде тұрып жатыр. Жақында облыста 3 елді мекенге табиғи газ берілді. Жыл соңына дейін 9 елді мекен табиғи отын игілігін көреді деп отыр. Соның ішінде біздің ауылымыз да бар. Қазір ауылда газдандыру бойынша құрылыс-монтаж жұмыстары жүргізіліп жатыр. Көптен күткен мәселе еді бұйырса шешімін тапқалы тұр деді ақсақал.Ауыл ардагері С.Кенжебаев ауылдағы Қайқы батыр көшесін жөндеу қажеттігін және инфрақұрылымды дамыту бойынша өз ұсынысын жеткізді. Ал, ауылдық ардагерлер кеңесінің төрағасы М.Жорабек «Ауыл аманаты» жобасының іске асуын ауыл азаматтары күтіп отырғандығын айтты.Кездесу соңында депутаттар әрбір ұсыныстың маңыздылығын айтып, кезең-кезеңімен өз шешімін табатындығын жеткізді.Мұнан соң халық қалаулылары «AMANAT» партиясының сайлауалды бағдарламасы аясында күрделі жөндеуден өтіп жатқан фельдшерлік-акушерлік бекеттің жөндеу жұмыстарымен танысты.<figure class="image"><img src="https://knadmin.beoblood.kz/uploads/347563605_661487252683581_1392386170923185005_n_d248ea3343.jpg" alt="347563605_661487252683581_1392386170923185005_n.jpg"></figure><figure class="image"><img src="https://knadmin.beoblood.kz/uploads/347409575_661427626022877_9015714482053972672_n_0bdd1ea8cc.jpg" alt="347409575_661427626022877_9015714482053972672_n.jpg"></figure>

ҚР Сенаты және Парламенті Мәжілісінің депутаттары ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Жаңа дәуірдің кемел келбеті мен ізгілік әлеміне жол тартқан &nbsp;ғасырға жуық тарих сүрлеуінде тың із қалдырған оқу орны, теміржол саласына &nbsp;болашақ маманның білім кеңістігінде кәсіби білім алуы бағытында қызмет атқарып жатқан Сыр өңірінде өзіндік орны қалыптасқан іргелі оқу орны Қазалы көлік-техникалық жоғары колледжінде көк күмбез аспан көкжиегіне қанат қағып, ізгі мұрат жолына асыға аттанғалы түрған түлектердің «Жарқыра, жаса, жас маман! атты колледж бітірушілеріне арналған диплом тапсыру кеші өтті.Шарада 9 біліктілік бойынша 217 студент болашақ маманның құжатын иеленіп, жаңа өмірге жолдама алды.Бітіру кеші шәкірттеріміздің жұлдызды шеруімен басталды. Салтанатты жиында колледж директоры, Қазақстан &nbsp;Республикасы &nbsp;Білім беру ісінің құрметті қызметкері Б.Ахметов, Қазалы аудандық ардагерлер кеңесінің төрағасы О.Бекпанов, ардагер ұстаз М.Ақниязов, «Қамқор Локомотив» ЖШС Қазалы локомотив жөндеу зауыты филиалының директоры Н.Алмагамбетов, Қазалы белгі беру және байланыс дистанциясының директоры А.Динахметов, Қазалы жол дистанциясының басшысы А.Құсанов, Қазалы стансасының бастығы С.Боранқұлов, Қазалы аудандық Жастар ресурстық орталығының директоры Н.Ақпанбетовтер мамандық бойынша бітіруші 11 топтың студенттеріне дипломдарды табыстады.&nbsp;Шара барысында колледжде білім алумен қатар шығармашылық қабілетін көрсете білген, қоғамдық жұмыстарда белсенділік танытқан бірнеше студентке колледж директорының Алғыс хаты табысталды.&nbsp;Бітіруші түлектердің өздері білім алған оқу ордасының мерейін асырып, білікті маман болатынына бек сенеміз! Мәңгілік еліміздің белсенді мамандары жасай берсін!

Жарқыра, жаса, жас маман!

<a href="https://kyzylorda-news.kz/">Kyzylorda-news.kz.</a> Сырдария аудандық қоғамдық даму бөлімінің қолдауымен «Сырдария ауданының әйелдері» қоғамдық бірлестігінің ұйымдастыруымен Ұлттық домбыра күні дүние есігін ашқан алғашқы сәбиге домбыра сыйлау акциясы өткізілді.Акцияның мақсаты – ұлттық аспабымызды ұлықтау. Ұрпағымызды қазақтың ұлттық өнеріне ұлтжандылыққа тәрбиелеу.Домбырадан қалыптасқан тәрбие үлгісі адамның ой ұшқырлығын шыңдауға, ата бабадан кәсіп болған дәстүрлі дамуға, өнер арқылы білімге терең бойлауға мүмкіндік тудыратыны анық. Домбырадан таралған тәрбие – білімнің қайнаған бұлағына, сарқылмас қазына, дәстүр табиғатына, қазақ тіліне өз үлесін қосып келе жатқан үрдіс.Көне дәуірден жеткен бұл аспап халқымыздың болмыс-бітімін, салт-дәстүрі мен мәдениетін айшықтайды. Рухымызды көтеріп, мерейімізді өсірген домбыра асыл мұрамызға, ұлттың символына айналды.Акцияға Сырдария аудандық емхананың бас дәрігері, орынбасары, перзентхана бөлімінің дәрігерлері мен медбикелері, аудандық қоғамдық даму бөлімінің маманы, «Сырдария ауданының әйелдері» қоғамдық бірлестігінің төрайымы мен мүшесі қатысты. Мамандар өз кезегінде ұлттық домбыра күні дүние есігін ашқан сәбидің анасы Беймбетова Шакизада Бақытқызына қасиетті домбыраны табыстап, тілектерін жеткізді. Ерекше мерекеде өмірге келген шақалақтың анасы Шакизада өз кезегінде аналық ақ тілегін айтып, ризашылығын білдірді.

Ұлттық домбыра күні туған сәбиге ұлттық аспап сыйлады

<a href="https://kyzylorda-news.kz/">Kyzylorda-news.kz.</a> Қазалы аграрлы-техникалық колледжінде «Жас маманмен – жарқын болашаққа!» атты бітіруші түлектерге диплом тапсыру кеші өтті. Мерекелік шараға ата-аналар, ардагер ұстаздар, Қазалы қаласы әкімінің орынбасары Уәлихан Әуесханұлы, «Жастар ресурстық» орталығының директоры Нұрбек Ақпанбетов, Сыр Маржаны ЖШС бас агрономы Марат Талғатұлы, Қазалы аудандық ветеринариялық зертхана меңгерушісі Ханым Манабаева, «Дәурен» тойханасының басшысы Әлия Селеубаева қатысты.Алдымен бүгінгі қуаныш иелері – түлектер зор қошеметпен көпшілік алдына шақырылды. Олар екі қатарға тізіліп, ерекше безендірілген колледж ауласында бой түзеді. Мемлекеттік Туды, Елтаңбаны және кітапты ұстаған білім алушылар мен үздіктер ортадан жүріп өтіп, сахнаға көтерілді. Жиналғандар Қазақстан Ресубликасының Гимнін орындады.Салтанатты шараны Қазалы қаласы әкімінің орынбасары Уәлихан Әуезханұлы мен колледж директоры Арман Қонысбайұлы ашып, бітіруші түлектерге ақ тілегін жеткізіп, үздік дипломдарды табыстады. Биыл колледжді Айжан Қалқора, Рамазан Көшербай, Ақнұр Еркін, Берікбол Шарапат, Нұрмұхаммед Романқұлов, Ақмаржан Мамырбаева үздік дипломмен бітірді. Келесі кезекте директордың оқу жұмыстары жөніндегі орынбасары Шарбану Баекеева, директордың оқу-өндірістік жұмыстары жөніндегі орынбасары Қаршыға Арзақынов, Қазалы аудандық жастар ресурстық орталығының директоры Нұрбек Ақпанбетов, әлеуметтік серіктес өкілдері Ханым Манабаева мен Марат Талғатұлы сөз алып, бітіруші түлектерге құттықтауын жеткізіп, мамандықтары бойынша диплом табыстады.&nbsp;Биыл колледжді 2022 жылғы «Қазақстан Республикасы колледждерінің үздік 100 студенті» республикалық конкурс жеңімпазы, WorldSkills республикалық чемпионнатының қола медаль иегері Рамазан Ақжолов бітірді. Рамазанның ата-анасы колледж ұжымына шынайы алғысын білдірсе, колледж директоры Арман Қонысбайұлы ұжым атынан Рамазандай ұл тәрбиелеген ата-анаға сый-құрмет көрсетті.Салтанатты жиын барысында республикалық, облыстық чемпионатттың жеңімпаздары Рамазан Ақжолов, Әйгерім Қалқора, Олжабек Әбілбай, Берікбол Шарапат, Нұрмұхаммед Романқұловқа Қызылорда облысының білім басқармасының дипломдары, ата-аналарға колледж әкімшілігінің Алғыс хаттары табысталды.Биылғы оқу жылында түлектер «Автөкөліктерге техникалық қызмет көрсету және пайдалану», «Есептеу техникасы және бағдарламалық қамтамасыз ету», «Ішкі санитарлық-техникалық құрылғыларды,желдеткіштерді және инженерлік жүйелерді құрастыру және пайдалану», «Тамақтандыруды ұйымдастыру», «Автөкөліктерге техникалық қызмет көрсету және пайдалану», «Есептеу техникасы және бағдарламалық қамтамасыз ету», «Ғимараттар мен құрылымдарды салу және пайдалану», «Жол құрылыс машиналарын пайдалану», «Ветеринария», «Есептеу техникасы және бағдарламалық қамтамасыз ету», «Ветеринария», «Ауылшаруашылылық техникаларын пайдалану» және «Жеміс өсіруші» мамандықтары бойынша диплом алды.Салтанатты шара кезінде бітіруші түлектер кейінгі толқынға аманат туын табыстады. Колледж гимні, Студенттердің қоштасу әні орындалған сәтте ерекше толқынысты күй кешкен болашақ жас мамандардың көзінен алтын ұяға, аяулы ұстаздарына, достарына деген қимастық сезім есіп тұрды.&nbsp;Түлектер балдық би билеп, әуелете ән шырқады. Топ кураторлары мен шеберілері шәкірттеріне ақ жарма тілектерін арнау әнмен жеткізді. «Қимай тұрмын» әнімен шымылдығы жабылған шараға жиналғандар ерекше көңіл-күймен тарқасты.

Жас маманмен – жарқын болашаққа

<a href="https://kyzylorda-news.kz/">Kyzylorda-news.kz.</a> Жуырда азақстан Республикасы Мәдениет саласының үздігі, музыкант, «Әуезовтер» отбасылық ансамблінің мүшесі Арман Әуезовпен сұхбаттасқан болатынбыз.– Арман аға, әңгімемізді бастамас бұрын ең әуелі өзіңізбен жақынырақ танысып алсақ…– Мен 1966 жылы 28 қазанда Қазалы ауданы, Жаңақазалы поселкесінде дүниеге келдім, үйдің кенжесімін. 1973 жылы поселкедегі №87 сегіз жылдық мектепке қадам бастым. Мектеп қабырғасында жүрген мезгілде жанұялық ансамбль құрамында және аудандық халық ұлт аспаптар оркестрінде өнер көрсетіп жүрдім. Әрі қарай әңгіме барысында тоқталармыз. Шыны керек, бүгінде мәдениет саласынан қол үзгелі біршама уақыт өтті. Қазіргі таңда жеке кәсібіммен айналысып жатырмын.– Бұл салаға ең алғаш қалай келдіңіз?– Менің марқұм әкем Махамбет ең алғаш Қазалының оркестрін құрған кісі. Талай шәкірттерді тәрбиелеген. Бала күнімде жазғытұрым анам пешке нан салып, әкем жанында домбырамен күй тартып отыратын. Ұйқыда жатып нанның иісі мұрныңа келіп, домбыраның жағымды үні құлаққа естіліп, рахат күй кешетінбіз. Жастайымыздан әкеміздің түрлі аспапта ән салғанын көрген біздер қалай өзге салаға бет бұрамыз. Сүйікті әкемнің ықпалымен, осы салаға қадам бастым. Осылайша, 1977 жылы аудандық әуез мектебінде қобыз аспабы бойынша Ерпазыл Жүсіповтың сыныбында оқып, әуез мектебінде жүргенде аудандық, облыстық, республикалық байқауларға қатысып, жүлдегер атандым.– «Әуезовтер» ансамблінің облысқа ғана емес, республикаға танымал екенін білеміз. Жалпы өнер тобы қалай құрылды?– 1977 жылы бесінші сыныпта жүргенімде ауданға Қарақалпақ елінен қонақтар келді. Түн жарымда аудандағы мәдениет саласын басқарған Кеңес Асанбаев ағамыз бен мықты режиссер Жәдігер Тұрсынов екеуі әкеммен жолықты. Сондағысы, Қарақалпақтан келген қонақтардың құрметіне солардың әнін салуды бір білсе, Махамбет ағамыз біледі деп, суыт жүргендері екен. Менің әкем аштық уақытында қарақалпақтармен бірге сол жақта өмір сүрген. Бертін келе, елге оралған. Осылайша, бір түннің ішінде отбасылық ансамбль құрылып, ертесіне қарақалпақтық туыстарға өз әндерін шырқап берді. Міне, көпшілікке таныс отбасылық ансамбль осылай құрылды. Бүгінге дейін жеткен жетістіктері жетіп артылады.– Өзіңіз осы салада кімді үлгі тұттыңыз? Сол кездегі қазақ эстрадасында кімнің өнерін жоғары бағаладыңыз?– Ол кездегі бесінші сыныпта оқитын балаға тек әкесі ғана үлгі болды. Өзгелерге мән бермейтінбіз. Таңнан кешке дейін жанында болып, түрлі аспаптарды үйреніп алуға талпындық. Десек те, өсе келе Ахмет Жұбанов пен Нұрғиса Тілендиевті көріп өстік.– Жасыратыны жоқ бүгінде отбасылық ансамбльдер саны аз. Өнер ұжымы жайына тоқталып өтсеңіз…– Өнердің оңайы жоқ. Қиынның қиыны десек те болады. Мысалы, қара жұмыс жасайтындардың дене күші шаршайды да, жақсы тынығуға қолайлы болады. Ал, өнермен айналысқан адамның миына күш түсіп, жөнді демалуға уақыт табыла бермейді. Соның ішінде, отбасылық ансамбльдің жұмысы өте ауыр. Кез келген кезекті концертке бір адам ғана емес, барлығымыз бірдей шығып өнер көрсетеміз. Әрқайсысының өзіне жүктелген міндеті бар. Егер біреуі бір жерден қателессе, барлығына зияны тиеді де, қанша күн дайындық босқа кетеді. Сондықтан кеш бітемін дегенше өзіңе емес, жаныңдағы бауырларыңа жаның ашып, барлығы ойдағыдай өткенін тілеп тұрасың. Ол жолдағы көптеген қиындық пен қызықтар қатар өрбиді. Барлығына бас иіп, түңілген кезіміз болған емес. Әкем дүниеден өткен жылдары басымыз ыдырап, кейін әрі қарай Роман ағам жалғастырып әкетті.– Бүгінгі буынның өнерге деген қызығушылығы қандай? Ізіңізден ерген жастарды бақылап отырасыз ба?– Бала күнімізде «Boney.M», «ABBA», «Smokie» әндерін тыңдағанда әкеміз «мағынасы жоқ әндерге еліктеп жүрсіңдер» деп реніш білдіретін. Енді сол әндерді бүгінде естігенде мән мағынасы мол, қазіргі әндерден әлде қайда жақсы екен деп қаласыз. Сол секілді әр заманның өзіне тән ерекшелігі бар. Қазіргі жастарды кінәлаудан аулақпын, әрине. Дегенмен, бүгінгі өнер жолында жүрген жастар жеңіл дүниеге барғанды құп көреді. Өкініштісі, әннен мән, сөзден жан кетті. Ертедегі Шәмші әндерінің мықтылығы ол әлі күнге дейін сахнада шырқалып жүр. Ал, қазіргі әндердің сөзі мүлдем түсініксіз. Мағынасы жоқ. Жастардың өнерге деген қызығушылығы мол болса да, көпшілігі ақша мен атаққа жұмыс жасап кетті.– Сонда қазіргі композиторлар мен әншілердің осал тұсы қайсы?– Талғамы аз. Ізденіс жетіспейді. Ән шынайы ниетпен, көңілден шығып жатқан жоқ.– Осылайша әндердің деңгейі төмендеп кетуіне кім кінәлі?– Әншілердің бір қателігі мынада, мысалы қара нәсілділердің өздеріне тән «Джаз» деп аталатын жанрлары бар. Оны өзге ұлт өкілдері нақышына келтіріп шырқай алмайды. Грузиндерде бес адам бес дауысқа салып ән салады. Бұлардың өзіндік ерекшелігі бар. Француздар жай дауыспен шырқайды. Мұның барлығын әр ұлттың өкілдері ғана тыңдарман жүрегіне жеткізе алады. Ал, бүгінде біздегі кейбір әншілер барлығын шатастырып, солардың барлығын қазақ әндерінің арасына қосқысы келеді. Бұлай болмайды ғой.– Есте қалған, бастан өткерген оқиғаңызбен бөліссеңіз…– Қызық оқиғалардың көпшілігі бастан өтті. Барлығы бірдей есте қалмады. Соның ішінде ойға оралып отырғаны алғаш 1998 жылы Қазақстаннан жеті адам Лондонға барған болатынбыз. Мақсат – қазақтың түрлі салт-дәстүрімен таныстыру. Сол жақта бір-бірімізді жоғалтып, таппай қалғанбыз. Концерт басталуға жақындады. Санаулы уақыт қалғанда ғана сондағы күтіп алушылардың көмегімен қауыштық. Ал, сол екі арадағы болған жайттар сол кездің еншісінде қалды. Тағы айта кететіні, ұялы телефонды сол жақта алғаш көрдім. Таңғалғаным сонша, сасқанымнан «есейгендердің де, ойыншықпен ойнап жүргені несі?» дегенім есімде.– Ашық әңгімеңізге рахмет!

Арман Әуезов: Өнердің оңайы жоқ

Қазалы: Бірлік ауылының бірлігі жарасқан

<a href="https://kyzylorda-news.kz/">Kyzylorda-news.kz.</a>&nbsp; ҚР Парламенті Мәжілісі депутаттарының өңірлерге сапары басталды. Бүгін Мәжілістегі «AMANAT» партиясы фракциясының мүшелері Мархабат Жайымбетов пен Мұрат Ергешбаев Қызылорда облысы, Сырдария ауданында болып, партияның сайлауалды бағдарламасы аясында салынып жатқан әлеуметтік нысандарды аралады. Айдарлы елді мекенінде егін даласында еңбек етіп жатқан ауыл жастарынан құрылған еңбек бригадасы мүшелерімен кездесті.&nbsp;Айдарлы жастар еңбек бригадасы 2019 жылы республикада алғашқылардың бірі болып 15 жастың бірігуімен құрылған болатын. Облыс әкімінің қолдауымен аудандағы жастардың жұмыссыздық деңгейін төмендету мақсатында ауданға қарасты 7 ауылдық округтен (Шіркейлі, Айдарлы, А.Тоқмағанбетов, Аманкелді, Бесарық, Жетікөл, Қоғалыкөл а/о) жастар бригадалары қайта құрылды. Бүгінде еңбек бригадалары қатарында жұмыссыз, НЕЕТ санатындағы, пробация есебінде тұратын 200-ге жуық жастар жұмыс жасайды. Ауыл жастарына мемлекет тарапынан тегін уақытша жер, су айдайтын насос беріліп, демеушілік есебінен жер жырту, егін алқабын қоршалау және жанар - жағармай отынымен толыққанды қамтамасыз етілген. Ауданның еңбекқор жастары бүгінде 35 гектар картоп дақылын және 25 гектар жерге бақша дақылдарын егіп отыр.&nbsp;<blockquote>«Ерте көктемде жұмыссыз жүрген 40 жасты Жаңақорған ауданы, Жайылма ауылдық округіне жіберіп, тегін егін егу тәсілдері үйретілді. Ол жақта көп мөлшерде егін егетін диқандар түрлі егін егудің артықшылықтарын түсіндіріп, алдағы жұмыстарына бағыт берді.Шіркейлі ауылдық округінде құрылыс материалдарын шығаратын "Шіркейлі" жастар бригадалары жұмыс жасайды. Құрамында ауылдың жұмыссыз 30 жасы бар. Олар цемент, әк және т.б құрылысқа қажетті заттарды шығарады»,- дейді бригадалар жұмысымен таныстырған Сырдария аудандық жастар ресурстық орталығының директоры, аудандық мәслихаттағы «AMANAT» партиясы депутаттық фракциясының мүшесі Нұрман Абдрасилов.</blockquote>Кездесу барысында жастар бригадаларының мүшелері халық қалаулыларына өз ризашылықтарын білдіріп, көкейдегі ұсыныстарын да жеткізді. Мәселен, «Айдарлы» жастар бригадасының мүшесі Өмірзақ Есболатов, Мұрат Нәлқожаұлына аудан әкімі болып тұрған уақытта қолдау үшін алғысын білдірсе, «Жетікөл» жастар бригадасының бригадирі Дархан Әзімханов елімізде жастар бригадаларының көп емес екендігін тілге тиек етіп, мемлекет тарыпанан тыңайтқыш мәселесін шешіп беруге көмек сұрады.Жас еңбеккерлердің жұмысына риза болған халық қалулылары ауыл жастарының ұсынысы бойынша кеңес беріп, назарға алатындықтарын жеткізді.<blockquote>«Жастардың бос уақытта ішімдік, өзге де зиянды әдеттерге бой алдырмай, мемлекет және демушілер тарапынан көрсетілген көмекті әрі қарай тиімді іске асыруы көңіл қуантып отыр. Болашақта кооператив құрып, партияның «Ауыл аманаты» жобасы аясында жұмыстарын жетілдіру қажет. Кооператив құрып, егіс көлемін арттырғанда субсидия мәселесі де шешімін табады», деді ҚР Парламенті Мәжілісі депутатты, «AMANAT» партиясы фракциясының мүшесі Мұрат Ергешбаев.</blockquote>Ал, депутат Мархабат Жайымбетов «AMANAT» партиясы «Жер аманаты» партиялық жобасы аясында заңсыз берілген немесе пайдаланылмай жатқан жерлерді мемлекетке қайтарып, оны ауыл шаруашылығы айналымына енгізу жұмыстарын жүргізіп жатқандығын, жастар арасындағы жұмыссыздық деңгейі төмендету бойынша қолға алынған жұмыстарды атап өтіп, берілген жерді тиімді игеріп, жұмыссыз жастардың басын қосып, сонымен қатар өңірде азық-түлік бағаларын тұрақтандыруға ықпал ететін ауыл жастарының бұл тірлігі көпке үлгі екенін және басқа өңірлерге тәжірибе ретінде қарастыруымыз керектігін жеткізді.&nbsp;Мемлекет басшысы атап өткендей еңбек адамына құрмет толастамайды. Өткен жылы жастар бригадаларының бригадирлері облыс және аудан әкімінің Алғыс хаттары, аудан әкімінің "Ынта" қаржылай сыйлығымен марапатталған. Еңбекқор жастарды көтермелеуге, ең сыйлы адам жасауға бағытталған жұмыстар биыл да өз жалғасын таппақ.&nbsp;Кездесуге партияның облыстық филиалының төрағасы Наурызбай Байқадамов, өңірге жұмыс сапарымен келген ҚР Парламенті Сенатының депутаты Руслан Рүстемов те қатысты.<figure class="image"><img src="https://knadmin.beoblood.kz/uploads/357737804_661386929360280_683445698052230406_n_c28046a9e9.jpg" alt="357737804_661386929360280_683445698052230406_n.jpg"></figure>

Халық қалаулылары ауыл жастарынан құралған еңбек бригадалары мүшелерімен кездесті

<a href="https://kyzylorda-news.kz/">Kyzylorda-news.kz.</a> Еліміз бойынша 2023 жылдың бірінші жартыжылдығы қорытындыланып, 1 шілдеден бастап, елеулі өзгерістер енгізіліп жатыр. Мәселен, осы айдан бастап әлеуметтік төлемақылар артып жатса, ел аумағындағы халықты жұмыспен қамту орталықтары қайта құрылымдалып, сала мамандары жаңа жүйеге қол жеткізуде. Анығын айтқанда, мемлекетімізде «Әлеуметтік кодекстің» күшіне енуіне орай жұмыспен қамту орталықтары «Еңбек мобильдігі» орталықтары болып қайта құрылуда.Негізінен, мамандандырылған орталықтар барлық облыс пен республикалық маңызы бар қалаларда жұмысын бастайды. Арнайы мекеменің филиалдары «Мансап орталығы» деген атаумен халыққа қызмет көрсетеді. ҚР Еңбек және халықты әлеуметтік қорғау министрлігінің мәліметіне сүйенсек, ел аумағында 207 жұмыспен қамту орталығы бар. Сол қатардағы Сырдария ауданы бойынша бұрынғы халықты жұмыспен қамту орталығы да қайта құрылымдалып, «Мансап орталығына» айналуда. Айта кетейік, «Еңбек мобильдігі» орталықтары «Халықты жұмыспен қамту туралы» ҚР заңы бойынша бірқатар жұмыс жүргізілуге құзіреттілік алады. Арнайы орталық «Жастар практикасы», «Алғашқы жұмыс орны», «Күміс жас», «Ұрпақтар келісімшарты» жобасын жүзеге асырады.Ауданда 2023 жылдың 1 маусымына дейін «Жаңа бизнес идеяларды іске асыруға мемлекеттік гранттар беру» тетігі бойынша 36 адам грант алған.«Әлеуметтік жұмыс орындарына» 32, «Жастар тәжірибесіне» 28, «Қоғамдық жұмыстарға» 772, «Алғашқы жұмыс орындарына» 2, «Ұрпақтар сабақтастығы» бойынша 1 және «Күміс жас» бойынша 44 адам жұмыспен қамтылған.<blockquote>– Әлеуметтік сала құрылымы ұдайы өзгеріске ұшырап отырады. Биыл 1 шілдеден бастап мекеменің атауы мен құрылымы жаңарда. Енді кейбір аудандық жұмыспен қамту, әлеуметтік бағдарламалар және азаматтық хал актілерін тіркеу бөліміне қарайтын қызметтер облыс орталығы арқылы атқарылады. Жалпы, орталықта 13 адам қызмет етеді, – дейді сала басшысы Еркебұлан Дәуітбекұлы.</blockquote>

Қазақстан және Қызылорда облысының жаңалықтары